+ Descargar revista nº 24 (PDF) - Centro Gallego de Vitoria Gasteiz

4
Esta revista está cofinanciada pola
Xunta de Galicia, a través da Secretaría
Xeral da Emigración
Limiar
Estamos aquí de novo para acudir á cita cos nosos lectores, navegando en augas
revoltas, porque non sabemos moi ben cara a onde poñer o rumbo, entre a crise económica
(ao parecer provocada por uns señores chamados “Mercados”), que ninguén os
coñece, anque algúns tenen nome coñecido e sonoro. O que si se sabe e que todos
eles teñen moito en común, e sobre todo hai uns rasgos que os definen: ambición sen
límites, especulación, ansia de poder desmedida... Nunca se ven fartos. Tamén as crises
políticas, axencias de calificación, as primas, que agora todas son de risco... (todo parece
xa un mal endémico, a nivel mundial, por aquelo da globalización)... Con todo isto
está a piques de nos ferver a testa. Nosoutros xa temos novo goberno e aferrámonos a
iso que chaman “esperanza” para que nos leven a bo porto. Sopran malos ventos para
todos e comezan a estenderse unha serie de temores (moi contaxiosos), coma se todo
isto nos fose levando a unha ruela que non ten saída.
A pesares de todo, no noso Centro seguimos a traballar, porque tamén iso axuda a
sobrelevar os momentos ou acontecementos menos agradables. Este foi un ano especialmente
activo e metémonos a facer cousas que nunca antes se fixeran (carroza no
entroido, o coro e mailo grupo de gaitas grabaron o CD...) Foron experiencias moi positivas
e valoradas polos participantes. Sigamos así, mantendo, innovando...
E non deixemos de mirar adiante e procuremos, anque sexa con pequenos xestos,
unha ollada, un sorriso, unha aperta, un gran de optimismo, a man tendida..., que o
noso mundo vaia mellorando.
V. T.