santurtzi - Bizkaiko Batzar Nagusiak

Juan de Amesti Mendizabal
Multzoa aberatsa da eta kontserbazio egoera bikainean dago. Horrez gain, kaperan erretaula
interesgarri bat ere badago.
Aldeacuevako (Karrantza) San Bartolome elizak bi burdin hesi ditu. Burdin hesi horiek,
tenplua bera bezala, Pedro Negrete y Sierra jaunaren testamentuzko jaraunsleek agindu zuten
XVIII. mendearen bukaeran (1.696., 1.698. eta 1.705. irud.). Bi burdin hesiak berdinak
dira eta babesten duten hutsunea ez dute guztiz ixten. Burdin hesietako bakoitzak bi gorputz
berdin ditu, baina behekoek sarrerako atea dute. Barrote gorputza madari bikoitzekoa da
(1.703. irud.), baina sarreraren markoa egiten dutenak sekzio karratukoak dira (1.704. irud.).
Gorputz bitzuk bi pletinaz banatuta daude, eta horien artean beste pletina bat dago, sugeaireko
eskemakoa (1.698. irud.). Moldura sinple batek errematatzen du burdin hesia goiko
partean (1.702. irud.).
Beste alde batetik, Gordexolako Santa Isabel komentuan bi burdin hesi paralelo daude, oso
handiak, eta eliza klausurako eremutik bereizten dute. Hesietako batek sare-egitura du (1.027.
irud.), besteak, berriz, madari bikoitzeko barroteak (1.028. irud.). Hesi batek zein besteak ate
bakun bat dute.
Gordexolako Molinarreko San Juan elizako sakristiako armairu blindatu bat babesten duen
burdin hesia azpimarratzeko modukoa da. Armairu hori kalizak eta bestelako objektu baliotsuak
gordetzeko erabiltzen zen (1.092. eta 1.095. irud.). Burdin hesiak bi orri ditu, eta itxitura
espainoleta eta sarraila bidezkoa da (1.097. irud.).
Armairuari dagokionez, horman sartuta dago, eta esan behar dugu bi orrikoa dela eta sarraila
eta guztiko espainoleta bidez ixten dela (1.100. irud.). Xaflazko estalkia margotuta dago,
XVIII. mendeko armairu frantziarren berezko moldurak eta tiraderak simulatuz (970. irud.).
Pulpituak
Enkarterriko elizetako pulpitu gutxi kontserbatzen dira. Oro har, pulpituek eskudel eta guztiko
eskailera bat eta oinarri zirkular bat izaten zituzten. Oinarriak, berriz, burdinazko barrotez
egindako karel batekin ixten ziren.
Gaur egunera arte hiru pulpitu iritsi dira: Santa Klara komentuko elizakoa eta San Juan elizakoa
–Balmasedan biak– eta Aldeacuevako (Karrantza) elizakoa.
Balmasedako pulpituek plataforma zirkularra dute, elkarren artean gurutzatutako pletinez
egindakoak eta ertzetan forma konkortuak dituzten orburu bikoitzeko barrotez bermatuak
(1.294. eta 1.378. irud.). Eskudela ixteko barroteak orburu bikoitzekoak dira eta goiko partean
eskudela eta behekoan xafla moztuko babesa dituzte. Babesak, berriz, marrazki errepikakor
bat du pletina-armazoia ezkutatzeko (1.294., 1.296., 1.379. eta 1.380. irud.).
San Juan elizako pulpituko eskailerak xaflazko mailak ditu, eta barandak madari-barroteak
eta eskudel bakun bat ditu eta plataformakoaren berdina den zango-babes bat, xaflazko mai-
38