santurtzi - Bizkaiko Batzar Nagusiak

Juan de Amesti Mendizabal
rean, landare irudiak errematatzen dituzten loreen zentroak apaintzen dituzten zurtoin kiribilak
nabarmentzea ere komeni da (36. irud.). Elementu horiek eta orbelarenak Gordexolako
Oxirandoko burdin hesietako erremateetakoen berdinak dira (1.134. irud.). Zalantzarik gabe,
burdin hesi horrek eragin errenazentista du.
Kaperaren barruko partean erretaula plateresko bikain bat dago, zeinaren zutabeek burdin hesikoaren
ezaugarri berberak dituzten fusteak eta kapitelak dituen.
Burdin hesi horren kontserbazio egoera oso ona da; dena dela, gailurreriak badu narriaduraren
bat edo beste.
Era berean, Astillero del Puente (Muskiz) auzoko Somorrostroko San Juan elizako bi burdin
hesiak ere oso interesgarriak dira. 1745 eta 1750 artean egindakoak dira eta biek dute harrizko
basamentua, moldura zabalekin, burdin hesi gorputz bat eta gailurreria bat.
San Klemente kaperako burdin hesiak ez du kaperaren aho osoa estaltzen (292. irud.). Sarreraren
alboetan dauden barroteak, ertzetakoak eta erdikoak orburu bikoitzekoak dira, sekzio
karratukoak, zizelkatze geometrikoak dituzte beheko partean eta kapitel korintoar bakun bat,
orburu irudien berdinak diren bi orriz osatua (297. irud.).
Gailurreria moldura geometrikoko friso baten gainean bermatuta dago, eta erronbo eta lore
iltzeen apaindurak ditu (299. eta 300. irud.). Gailurrerian eskema kurbatuak eta flameroak dira
nagusi, eta orburu orri batekin errematatuta daude (301. irud.). Erdiko irudian xafla moztuko
ezkutu polikromatu bat da nagusi. Ezkutua Sebastian de la Quadra jaunarena da, Villariaseko
lehenengo markesarena. Bera izan zen tenpluaren sustatzailea bere lehengusuarekin batera,
hau da, Burgoseko artzapezpikuarekin batera (293., 294., 296. eta 298. irud.). Ezkutuaren polikromia
ez dator bat markesak elizaren alboan zuen jauregiko armarriko koloreekin.
Burdin hesi hori bikain eginda dagoela azpimarratu behar da, bai barruko partean, bai
kanpokoan.
Burdin hesi honen kontserbazio egoera nahiko ona da, urre koloreko pintura aztarnak ditu eta,
zoritxarrez, joan zen mendearen erdi inguruan atea galdu zuen.
Salesko San Frantziskoren kapera San Klementerenaren aurrean dago. Kapera honetako burdin
hesiak ere ez du erabat ixten eraikinaren ahoa (304. irud.). Barrote-gorputza madari bikoitzeko
balaustrez osatuta dago (310. irud.).
Sarrerako atearen eta burdin hesiaren ertzen aldamenean sekzio karratuko eta zizelkatutako
barroteak daude (310. irud.).
Burdin hesiak gailurreria bat du, zeina iltzez apaindutako friso molduratu baten gainean
bermatuta dagoen (313. irud.). Gailurreriako irudi nagusia ezkutu obalatuak (eklesiastikoen
berezkoa) eta La Quadratarren arma polikromatuek osatzen dute (305. eta 306. irud.). Patriarka-gurutzeak,
ezkutuak, borla handiek eta kapelloak –azken bi horiek errealismo izugarriz–
osatzen dute Pedro de La Quadra Burgoseko artzapezpikuaren irudi heraldikoa. Gailurreriaren
gainerako apaindura pletina lodiko irudi kurbatu soilez eginda dago (312. irud.).
36