Baixar aquí o pdf - Consello da Cultura Galega

80 Manuel Ferreiro
como produto da casualidade, aínda poderían aparecer novos textos
pondalianos dedicados a Manuel Curros Enríquez. Mais independentemente
da aparición desas hipotéticas composicións,
tamén é certo que dificilmente se vai achar no contexto literario
galego outro caso en que, alén da súa altura literaria, un único
poeta dedicase catro composicións a outro escritor.
A pesar das reticencias de Pondal –explicábeis pola complexa
personalidade do bergantiñán–, sobre todo inicialmente, respecto
da figura e da obra de Curros, entre estas dúas figuras senlleiras
da nosa literatura existiu un alto recoñecemento recíproco,
alén das diferenzas persoais e de proxecto literario que cada unha
delas representaba.