Baixar aquí o pdf - Consello da Cultura Galega

618 Ana Belén Fortes / Xosé Anxo García López
do Diario de la Marina e dos centros galego e asturiano. Ó
saberse a noticia en Galicia, Manuel Murguía envíalle un
cable ó presidente do Centro Gallego da Habana, quen lle
responde. Os restos mortais de Manuel Curros Enríquez
foron conducidos ó cemiterio católico “Cristóbal Colón”
(Cementerio de Colón), onde Nicolás Rivero lle fai entrega
do cadáver ó Centro Gallego, que dispón que este
quede provisionalmente no depósito xeral. O 19 de
marzo, trasládase ó Centro Gallego, onde permanece a súa
capela ardente ata o día seguinte, 20 de marzo, en que é
embarcado para Galicia no vapor Alfonso XIII, que o levará
a Galicia, desde onde fora reclamado pola Academia
Galega.
Na súa viaxe transoceánica, o cadáver de Curros
estará acompañado por unha comisión formada por José
López Pérez, presidente do Centro Gallego, o compositor
José Castro Chané e Alfredo Nan de Allariz, representando
a revista Galicia (e Cuba y América, de acordo con Calveiro).
O barco que transportaba o cadáver de Curros chega ó
porto da Coruña o 31 de marzo. Melendo Abad e González-
Besada refiren que Murguía –en calidade de presidente da
Academia– se fixo cargo dos restos mortais do poeta. O
cadáver do escritor de Celanova estivo exposto ó público na
planta baixa da Casa do Concello da Coruña. O 2 de abril,
ás 3 da tarde, terá lugar o multitudinario enterro, ó que se
calcula que asistiron unhas corenta mil persoas. Tras unha
dura polémica entre partidarios de face-lo enterro relixioso,
como quería o seu fillo Adelardo, ou civil, finalmente
farase polo ritual católico. O cadáver de Curros foi finalmente
depositado no nicho número 92 do terceiro departamento
do Cemiterio Católico de Santo Amaro (cedido
polo Concello coruñés) ás seis e media da tarde.
O día 3, pola noite, celebraríase unha velada fúnebre
no Teatro Principal da Coruña, á que asisten Alfredo
Vicenti, Murguía, Pérez Ballesteros, Lugrís Freire, Armada
Teijeiro e Filomena Dato, entre outros persoeiros. O día 12
dese mesmo mes ten lugar no Teatro Circo da Coruña un
acto en honor de Curros e de protesta polo enterro católi-