Baixar aquí o pdf - Consello da Cultura Galega

612 Ana Belén Fortes / Xosé Anxo García López
O 19 de outubro publica o poema en galego “A la
Srta. Irene Mugía” na revista Galicia (La Habana, n.º 12).
1903 O 11 de xaneiro, Curros é invitado a participar na festa
conmemorativa do XXIII aniversario da fundación do
Centro Gallego da Habana, que se leva a cabo no Teatro
Tacón desta capital. No transcurso do acto, Curros le “A
espiña”, poema no que arremete contra os dirixentes do
Centro e da Sociedad de Beneficencia de Naturales de
Galicia. Esta composición publícase por primeira vez na
revista Suevia (La Habana, 19/05/1912).
1904 Festividade da onomástica de Curros no Diario de la Marina
o 1 de xaneiro. A noite anterior, a colonia galega tribútalle
unha pequena homenaxe durante a cal lle fan entrega dun
álbum de sinaturas.
Nunha data sobre a que non existe unanimidade
entre os biógrafos do noso autor (o 13 de marzo segundo
Ferreiro e Casares; Vilanova Rodríguez e Alonso Montero
apuntan ós últimos días de abril; Calveiro dá como data da
partida o 20 de abril, mentres que Manuel Rei Romeu
sinala o día 22 de abril), Curros embarca con destino á
Coruña a bordo do transatlántico Alfonso XII. A. V.
Calveiro afirma que foi despedido por máis de cincuenta
xornalistas, invitados pola Asociación de la Prensa e por
un milleiro de naturais de Ourense invitados polo Centro
Gallego. Curros chega ó seu destino o día 31 de abril,
onde é recibido por algúns vellos amigos, entre eles Galo
Salinas (quen deixou constancia do delicado estado de
saúde do poeta na súa arribada a Galicia e de como se convertera
en enfermeiro e acompañante do poeta nas viaxes
que este efectuará por Galicia durante aqueles días). Na
Coruña rodéano os seus amigos máis próximos: Murguía,
Tettamancy, os irmáns Vaamonde, Brandón ou Martínez
Salazar. O 10 de maio reúnese en Melide coa súa irmá
natural Ramona.
O 19 de xuño trasládase a Ourense, onde terá
lugar a reconciliación con Lamas Carvajal, que se produce