Baixar aquí o pdf - Consello da Cultura Galega

608 Ana Belén Fortes / Xosé Anxo García López
Vicenti, Modesto Fernández González, Alfredo Brañas,
Rodríguez Carracido, Cesáreo Fernández Losada,
Baldomero Moreira, Luis Rodríguez Seoane, Bernardo
Barreiro, Manuel Becerra, Francisco Añón, Aureliano José
Pereira, Paz Novoa, Eusebio da Guarda e Filomena Dato
Muruais. Á parte de traballos en prosa, Curros tamén
publica poesía nas páxinas de La Tierra Gallega, na que
aparecerán composicións como “A la niña R.A.F.”, (n.º 79,
21/07/1895) ou “El árbol maldito” (n.º 95, 10/11/1895).
En relación con este último texto, Vilanova Rodríguez sinala
que non apareceu no periódico cubano La Opinión en
1897, como se di no tomo II das súas Obras completas e sostén
Calveiro.
1896 O 2 de agosto, Curros publica no n.º 133 de La Tierra
Gallega o artigo “La fiesta del patrón”, onde comenta os festexos
organizados pola Sociedad de Beneficencia de
Naturales de Galicia o 25 de xullo para reunir fondos, amais
de criticar que non fosen invitados xornalistas da prensa
escrita cubana non galega. De acordo con Vilanova
Rodríguez, este artigo sinala o comezo da ruptura de Curros
coa colonia galega en Cuba. A directiva da Xunta de
Beneficencia celebra unha reunión en que decide tomar
represalias contra Curros, entre elas darse de baixa como
subscritores de La Tierra Gallega. Curros contraataca no citado
medio co artigo “Junta de rabadanes” (n.º 138,
6/09/1896). E ó ano seguinte deixa de ser membro da
devandita Sociedade por iniciativa propia. Pouco despois
viría o seu enfrontamento co Centro Gallego da Habana, con
motivo das eleccións a presidente nas que resultou elixido
José López Pérez, un madrileño de nacemento, aínda que
fillo de galegos, á candidatura do cal se opón Curros por
considerar que a circunstancia de ter nacido en Galicia era
un requisito imprescindible na persoa destinada a ocupar
este cargo. Este feito motivaría que o escritor de Celanova se
dese de baixa do Centro, do cal era socio de honor.
O 18 de outubro, La Tierra Gallega publica o editorial
“Responsabilidad ministerial” (n.º 144), no que