Baixar aquí o pdf - Consello da Cultura Galega

Curros Enríquez: Cronobiografía 603
devandita cidade e que os que así o recolleron fixérono
“inducidos por las portadas que a este como un libro famoso
le puso en esta capital el propietario de La Propaganda
Literaria”.
A noite do 27 de marzo, no madrileño Teatro da
Comedia, procédese á inauguración do Centro Gallego da
capital. Curros Enríquez tomou parte na velada, lendo a
composición “N’a apertura d’o Centro Gallego”, na que
exhorta á unión de tódolos galegos, e que sería publicada
polo diario madrileño El Globo (28/03/1893). Durante a
celebración do acto, o ex-ministro Manuel Becerra
Bermúdez, quen presentara ó poeta, imponlle unha coroa
de loureiro de prata a este. Pode considerarse a primeira
coroación de feito do poeta, aínda que, a diferencia da
coroación da Coruña de 1904, tratouse dun acontecemento
improvisado, xa que non era este o verdadeiro motivo
do acto.
De acordo con Carré Alvarellos, Curros fixo este
ano (en 1892 para Melendo Abad e González-Besada e no
1878 a xuízo doutros estudiosos) a traducción e adaptación
do drama A morgadinha de Valflor de Pinheiro Chagas, que
titulou La condesita. Curros reduciu os cinco actos do orixinal
a catro e trasladou o desenvolvemento da acción de
Beira a Galicia e de finais do s. XVIII a principios do XIX.
Non lle foi posible representala daquela e permaneceu
inédita ata despois da morte do poeta, será compilada no
terceiro tomo das súas Obras completas.
1894 La Correspondencia de España, de Madrid, publica unha noticia
sobre a estancia de Curros en Viana do Bolo (Ourense)
o 19 de xaneiro. Ese mes publícase tamén unha carta de
Curros ó director de El Derecho, que levaba o epígrafe de
“Noble protesta” (12/01/1894), datada en Viana do Bolo.
O noso autor publica “Zara”, traducción ó galego
do poema homónimo de Antero de Quental (Lisboa,
Imprensa Nacional), formando parte da edición dun libro
en que o devandito poema é traducido a corenta e sete
idiomas.