Baixar aquí o pdf - Consello da Cultura Galega

602 Ana Belén Fortes / Xosé Anxo García López
O noso autor prologa Confidencias, novela americana,
de Luis Pardo (Madrid, Establecimiento Tipográfico de
Alfredo Alonso, 1891, 2ª edición).
1892 Este ano, o periódico madrileño La Correspondencia de
España convoca un Certame poético sobre Colón, conmemorativo
do IV centenario do Descubrimento de América.
Curros obtén o premio co soneto “A Cristobo Colombo”,
publicado o 13 de outubro no antedito xornal. O 24 de
xuño aparece o poema “A Mariquiñas Puga” en El Derecho
(Ourense), que Curros dedicou á filla de Luciano Puga, o
seu defensor no xuízo da Coruña.
Ve a luz a traducción castelá de Aires da miña terra
(Madrid-Valencia, Ed. Sempere) a cargo de Constantino
Llombart e con prólogo de Vicente Blasco Ibáñez. Segundo
precisa López Varela, neste volume figuran unicamente os
poemas que aparecen na 2ª edición do poemario.
Edítase en libro El Maestre de Santiago (Madrid,
Imprenta Moderna; prólogo de Rodríguez Carracido), obra
publicada anteriormente por entregas en El Heraldo Gallego
no ano 1874.
En setembro, Curros empeza a publicar na revista
coruñesa Galicia (n.º 3) El último papel. Zarzuela cómica en
un acto, prosa y verso. A sexta e derradeira entrega apareceu
no oitavo número da revista, que saíu á rúa en febreiro de
1893. Adelardo Curros sostén que o seu primeiro título foi
El collar de perlas, e afirma que non se representou ó non
atopar Curros un músico que a completase, información
que recollen estudiosos como Carré Alvarellos ou Vilanova
Rodríguez.
1893 Un especial da revista madrileña Blanco y negro sobre a
muller española (n.º 108, 27/05/1893) recolle o traballo de
Curros “La gallega”.
Publica o Estudio biográfico-político de Eduardo Chao
(Madrid, Editorial Fernando Fé, 1893). Respecto dunha
pretendida segunda edición deste traballo na Habana (La
Propaganda Literaria, 1893), verbo da cal informan algúns
biógrafos do poeta, Calveiro afirma que non se publicou na