Baixar aquí o pdf - Consello da Cultura Galega

Curros Enríquez: Cronobiografía 597
(n.º 11, 18/04/1881). Ademais, Curros publica o texto
“Teodosio Vesteiro Torres” (fragmento do ensaio biográfico
recollido na Corona fúnebre) en La Ilustración Gallega y
Asturiana (n.º 18, 28/06/1881, texto non recompilado nas
súas Obras completas). De acordo co exposto por Calveiro,
o seu estudio sobre Vesteiro Torres foi publicado primeiro
en El Parlamento (Madrid), e despois reproducido en
numerosos periódicos españois.
Sae do prelo a segunda edición, (se consideramos
que houbo unha e non dúas edicións en 1880 como sostén
Carlos Casares) aumentada, de Aires da miña terra (Madrid,
La Ilustración Gallega y Asturiana, 1881). Engádense respecto
da primeira seis poemas inéditos e o texto da excomuñón,
as defensas dos dous avogados, a primeira sentencia
condenatoria e o veredicto absolutorio da Audiencia da
Coruña.
O 8 de novembro aparece “El mirlo. Traducción
del portugués de Guerra Junqueiro” nas páxinas de La
Ilustración Gallega y Asturiana n.º 31. Segundo Carballo
Calero, este ano Curros publicaría tamén o poema “A
Carlos de Ulloa. En el Fausto” (reproducido posteriormente
en La Tierra Gallega, La Habana, n.º 58, 24/11/1895).
Neste ano está datado na escolma de Adelardo Curros,
como tamén o están os poemas titulados “El árbol maldito”
e “A Paz Novoa”.
1882 Consonte Melendo Abad e González-Besada, Carré Alvarellos
e Vilanova Rodríguez, a comezos de 1882 (para outros biógrafos
como Fernández Alonso, ó ano seguinte) comunícaselle
a súa cesantía nas oficinas de Facenda de Ourense,
ben a consecuencia das súas ideas republicanas, ben como
última sacudida do proceso pola publicación de Aires da
miña terra.
O 23 de abril (e tamén o 3 de xuño do ano seguinte)
publícase o poema de Curros “A la hermosa niña
Rosario Caneda y Fernández” no Diario de Lugo. Hoja
Literaria (lugar e data de composición: Ourense, xuño de
1878). O 18 de agosto aparece o traballo en prosa “El