Baixar aquí o pdf - Consello da Cultura Galega

596 Ana Belén Fortes / Xosé Anxo García López
4 de agosto o xuíz Manuel Mella Montenegro condena a
Curros a dous anos, catro meses e un día de prisión e a
unha multa de 250 pesetas. O farmacéutico liberal Serafín
Temes deposita no xulgado a fianza, fixada en 1.500 ptas.,
que evita que Curros ingrese no cárcere. O proceso dálle a
Curros unha gran popularidade. Calveiro sostén que,
pouco despois (ese mesmo ano ou quizais xa en 1881), a
Revista de Cuba publica a traducción ó castelán dun poema
de Aires da miña terra, “La iglesia fría”, realizada por
Cortina.
Curros póñese a mal con Emilia Pardo Bazán despois
de que esta comentase na Revista de Galicia
(10/07/1880) os poemas cívicos de Aires da miña terra, os
cales considera inferiores a outros publicados polo noso
autor con anterioridade.
Este ano sae do prelo a primeira edición da loa El
Padre Feijoo (Ourense, Imprenta de Antonio Otero), dedicada
a José Ogea. Membros do clero censuraron o feito de
que Feijoo apadriñase na obra os amores dos protagonistas,
frade e novicia respectivamente, así como o feito de concederlle
ó papa a facultade de dispensar estes votos.
O 18 de decembro nace o terceiro fillo de Curros,
unha nena que recibirá os nomes de Sofía Josefa Valentina
Adelaida, e que sería bautizada o 31 de decembro na igrexa
parroquial da Santísima Trindade de Ourense.
1881 Iníciase a alternancia pacífica dos dous grandes partidos,
con Sagasta no poder.
O proceso contra Curros é trasladado á Audiencia
da Coruña, tras apelar en segunda instancia ante a Sala do
Criminal da devandita Audiencia. Curros é representado
nesta ocasión polo avogado Luciano Puga Blanco. O xuízo
celébrase os días 4 e 5 de marzo no medio dunha grande
expectación. O 11 de marzo o xuíz exime a Curros de responsabilidades
con tódolos pronunciamentos favorables,
polo cal se dicta sentencia absolutoria revogando a anterior.
Aparece en La Ilustración Gallega y Asturiana o
poema “N’a chegada á Ourense da primeira locomotora” (I)