Baixar aquí o pdf - Consello da Cultura Galega

Curros Enríquez: Cronobiografía 595
En setembro deste ano falece o seu fillo Leopoldo,
a quen Curros lle dedica a composición titulada “¡Ay!...”.
1880 Rosalía de Castro publica Follas novas.
Lamas Carvajal publica Saudades gallegas.
Publícase por entregas Majina ou a filla espuria, de
Marcial Valladares, en La Ilustración Gallega y Asturiana.
Curros publica “Lealtad”, traducción ó castelán
dun poema do escritor portugués Guerra Junqueiro (El
Heraldo Gallego n.º 367, 15/02/1880).
O 10 de marzo deste ano morre a nai de Curros. O
noso autor publica na Revista de Galicia, que dirixe Emilia
Pardo Bazán na Coruña, a elexía “Na morte de miña nai”.
Un mes despois, a Deputación de Ourense concédelle a
Curros unha subvención para que dea ó prelo os seus poemas
en galego. En abril ou maio deste ano, en opinión de
varios autores, desaparece El Trabajo.
Curros publica o seu primeiro poemario, Aires da
miña terra (prólogo de José Ogea), Tipografía de Antonio
Otero, Ourense, 1880), dedicado a Farruco Gil Acuña. A
primeira edición, que contén un total de vinteún poemas,
esgótase en menos de quince días.
Algúns biógrafos do poeta, como Alonso Montero
ou Vilanova Rodríguez, apuntan que con data do 22 de
xuño (o día 10 do mesmo mes en opinión de Ferreiro) o
bispo ourensán Cesáreo Rodrigo Rodríguez cursa unha
denuncia ó gobernador civil da provincia, pedíndolle que
impedise a circulación e venda do libro Aires da miña terra.
Este informou ó xulgado de primeira instancia, o cal instrúe
sumario contra o poeta. O día 28, Cesáreo Rodrigo
publica un edicto en El Boletín Eclesiástico da diocese condenando
o libro e prohibíndolle-la súa lectura ós fregueses.
Censúranse especialmente as composicións tituladas:
“Mirando ó chau”, “A igrexa fría”, e “Pelegrinos a Roma”. A
penas un mes despois, Curros é excomungado e procesado
polo xuíz Mella Montenegro por atentar contra o libre exercicio
dos cultos.
Juan Manuel Paz Novoa será o defensor legal do
poeta, o seu escrito de defensa leva data do 25 de xullo. O