Baixar aquí o pdf - Consello da Cultura Galega

592 Ana Belén Fortes / Xosé Anxo García López
ción de El Heraldo Gallego organiza unha cea para agasallalo.
Visita tamén Celanova, acompañado por Lamas
Carvajal, sen que exista ningún tipo de reconciliación co
pai, consonte afirma Vilanova Rodríguez.
Modesto Fernández González conséguelle un
posto de traballo (cunha “credencial” de 5.000 reais ó ano
a xuízo de Carré Alvarellos ou Vilanova Rodríguez) na
Delegación de Facenda ourensá, onde empeza a traballar a
finais do 1877 ou comezos do 1878. Verbo deste particular,
cómpre dicir que non se atoparon os documentos da
súa toma de posesión, xa que nos arquivos faltan os referidos
a ese período. Curros envía a muller e os fillos a
Celanova, ata que tras unha forte discusión co pai os leve
de novo con el para Ourense.
Nesta etapa da súa vida, Curros amosa unha intensa
e afervoada dedicación ó xornalismo: colabora en El
Heraldo Gallego e, de acordo con algunhas fontes, en El
Diario de [El] Ferrol. Así mesmo, Curros funda xunto con
Paz Novoa a publicación quincenal El Trabajo, da cal sería
director, aínda que por pouco tempo. En novembro saía o
primeiro número deste periódico, que, de acordo con
algúns dos seus estudiosos, abandonaría en xullo de 1878
xunto con outros compañeiros por mor dun conflicto
interno. Carré Alvarellos, a diferencia doutros biógrafos,
sitúa este acontecemento en 1879.
Tal e como afirman Melendo Abad e González-
-Besada, moitos poemas de Aires da miña terra son compostos
nesta altura. A composición “Muiñeira monorrítmica”
ve a luz no Almanaque Humorístico de Galicia para 1878,
(Ourense, 1877), mentres que dos talleres de El Heraldo
Gallego sae a Coroa poética de Vesteiro Torres.
O 16 de decembro publica o poema “Antes de partir.
En un álbum”, Madrid Literario, Madrid, n.º 66.
1878 Paz de Zanjón en Cuba.
Curros publica a novela de tema anticarlista
Paniagua y Compañía. Agencia de sangre (A Coruña, Imp.
de Vicente Abad, 1878). Datada en Madrid en 1877