Baixar aquí o pdf - Consello da Cultura Galega

Curros Enríquez: Cronobiografía 591
1877 Pondal publica Rumores de los pinos.
O 18 de febreiro aparece nas páxinas de Madrid
Literario o poema “¡Hasta la vuelta! A Silvio (Fernández)”.
O 24 dese mes, o xurado do Certame poético de Ourense
outorga ás composicións presentadas por Curros os premios
nas tres categorías convocadas: Tradicións (“A Virxe
d’o Cristal”), Costumes (“Unha boda en Einibó”) e Tipos (“O
gaiteiro de Penalta”). Estes textos verán a luz en letra
impresa nas páxinas da publicación ourensá El Heraldo
Gallego (“Unha boda en Einibó” e “O gueiteiro”, n.º 10,
5/03/1877; “A Virxen d’o Cristal. Hestoria lendaria”, n.º 11
e 12, 10 e 20/03/1877). O Diario de Lugo publica o 10 de
marzo un solto no que se di: “el señor Curros Enríquez
repartió con varios poetas pobres de la Corte el premio de
dos mil reales obtenidos en el último certamen celebrado
en Orense”.
O 8 de abril publícase en Madrid Literario a composición
en castelán “El tempro desierto”, precedente do
poema galego “Templo deserto” do volume Aires da miña
terra. No mesmo periódico aparecerá o 27 de maio o texto
lírico “Meditación”, e o 17 de xuño farao “La canción de
Vilinch”, poema composto en 1876 como homenaxe ó
poeta vasco Indalecio Vizcarrondo, Vilinch, morto o 7 de
xullo do ano anterior a consecuencia da explosión dunha
granada. A serie de publicacións na antedita revista complétase
con “La primera cana” (n.º 45, 22/07/1877, que
non se debe confundir coa homónima de 1874), o soneto
“La historia del muerto. Al Sr. D. Carlos Peñaranda, después
de la lectura de su poesía: ‘En la tumba de un poeta
suicida’” (n.º 47, 5/08/77) e “Mis celos” (n.º 52,
9/09/1877).
O 19 de xullo nace Leopoldo, segundo fillo do
autor, falecido dous anos despois, e o 18 de agosto celébrase
o seu matrimonio relixioso –ós 26 anos de idade–
con Modesta Vázquez.
Despois de abandona-la redacción de El Imparcial,
a finais deste ano –probablemente no mes de setembro–
regresa a Ourense tras moitos anos de ausencia. A redac-