Baixar aquí o pdf - Consello da Cultura Galega

584 Ana Belén Fortes / Xosé Anxo García López
de 1868 Curros Enríquez daría a coñecer en Madrid os
seus primeiros versos en castelán, “El esclavo”, na revista La
Luz.
1869 O 5 de xuño de 1869, Curros compón a “Cántiga” (con
música de Cesáreo Alonso Salgado, natural de Trives, co
tempo retocada por Chané e Montes). Trátase da primeira
composición poética en galego do noso autor, quen daquela
contaba 17 anos de idade. Carré Alvarellos e Vilanova
Rodríguez corroboran este dato, indicando que foi unha
tarde de xuño, e precisando que o autor anotou a letra na
marxe da lección décima do manual de Colmeiro, Economía
política. Pola contra, Carré Aldao afirma no seu volume
Literatura gallega que a “Cántiga” foi escrita nas aulas compostelás.
Á marxe do devandito, Melendo Abad e González-
-Besada, xunto con Carré Alvarellos e outros estudiosos,
afirman que nesta altura Curros fai periodismo político no
diario madrileño El Combate. Ademais, Curros daría ó prelo
unha Sátira en verso contra la Constitución de 1869, consonte
salientan Leopoldo Pedreira e Blasco Ibáñez, quen no
prólogo á traducción de Aires da miña terra sinala que
Curros escribiu esta obra en colaboración con Victoriano
Rodríguez Morán. Vilanova Rodríguez pon en dúbida este
dato, xa que non hai rastros da devandita obra. Carré
Alvarellos recolle o dato engadindo que esta crítica rimada
contra a situación política tivo moito éxito e que, só en
Madrid, vendeu máis de dezaseis mil exemplares.
Fóra do exposto, o propio Curros afirma que este
ano escribe a lenda en verso El Maestre de Santiago, que non
sería publicada ata 1874.
1870 Amadeo de Saboya é proclamado rei de España.
Algúns estudiosos da vida de Curros sitúan neste
ano o seu lendario exilio en Londres, onde chegaría supostamente
no mes de abril, tras unha breve estadía na
Coruña. Ó parecer, o exilio viría motivado por un artigo en
que atacaba ó duque de Montpensier, acontecemento que
Ferreiro sitúa en 1870. Pola contra, Carré Alvarellos e o seu