Baixar aquí o pdf - Consello da Cultura Galega

Curros Enríquez: Cronobiografía 583
cese de polisón nun mercante ancorado no porto que o leva
a Londres. En opinión de Melendo Abad e González-
Besada, Curros escribiría na capital londiniense os seus primeiros
versos; á marxe do referido, si é plausible que nesta
altura o escritor de Celanova estudiara as orixes das ordes
militares e concibira o proxecto de escribir unha tetraloxía
sobre as españolas, empezando pola de Santiago, como el
mesmo afirma nunha nota incluída na súa obra El Maestre
de Santiago (Madrid, Imprenta Moderna, 1892). Segundo a
mesma versión, trala caída de Isabel II, Curros decide volver,
algo que faría, en opinión dos citados biógrafos, pasando
por París. A xuízo de Vilanova Rodríguez e de Carré
Alvarellos, Curros, despois de deambular pola capital
ourensá e probablemente pola Coruña, trasládase a
Madrid. Nesta cidade estudia o bacharelato, probablemente
no instituto Cardenal Cisneros, que compaxinaría coa
carreira de Dereito na Universidade Central. Verbo dos seus
estudios universitarios, Carré Alvarellos e Vilanova
Rodríguez buscaron en van o preceptivo expediente académico
do noso autor; Calveiro insinúa que o seu paso pola
Universidade se realizaría “por libre”, sen que Curros chegase
finalmente a graduarse.
1866-67 De acordo co exposto polo seu fillo Adelardo, Manuel
Curros Enríquez dáse a coñecer nos ambientes literarios da
capital ó publicar algunhas colaboracións no diario El
Español.
1868 Revolución de Setembro (“A Gloriosa”).
Isabel II abandona España.
Iníciase a Guerra dos Dez Anos en Cuba.
Publícase a Gramática gallega de Saco y Arce.
Curros presencia o triunfo da Revolución que,
como el mesmo declara, tería unha importancia decisiva na
formación da súa ideoloxía política. Calveiro testemuña
que o 30 de setembro de 1868 o noso autor atópase en
Valladolid, aducindo en apoio desta afirmación a propia
confesión de Curros. Seguindo ó mesmo biógrafo, a finais