Baixar aquí o pdf - Consello da Cultura Galega

556 Antonio Piñeiro
de historiadores, comunicólogos e sociólogos. A Curros, como a
calquera outro escritor, hai que “situalo” para entendelo e valoralo;
de aí o concurso de profesionais dos textos e tamén de especialistas
do contexto...
13-15 de setembro de 2001: Coincidindo, entón, coa celebración
do 150 aniversario do nacemento do escritor, celébrase en
Celanova o “I Congreso Internacional Curros Enríquez e o seu
Tempo”, organizado polo Consello da Cultura Galega en colaboración
co Concello de Celanova e dirixido polo profesor Xesús
Alonso Montero, no que participan máis de 70 especialistas que
afondan sobre distintos aspectos da obra, da vida e da influencia
do poeta na súa xeración. O día 15 de setembro, data do aniversario
de Curros, ten lugar o primeiro acto público na casa logo da súa
restauración. O poeta Luís González Tosar, acompañado musicalmente
do Grupo de Música Tradicional do IGAEM, celebran un
recital poético con textos do propio Curros Enríquez, de Celso
Emilio Ferreiro e do recitador, Luís G. Tosar. A horta queda bautizada
aquela tarde como a “horta da palabra”.
Recital de Luís G. Tosar e o grupo do Igaem na Horta da Palabra