Baixar aquí o pdf - Consello da Cultura Galega

Intrahistoria da casa dos poetas... 555
28 de outubro de 1999. Adxudicación da obra: A Comisión de
Goberno procede á adxudicación da obra despois da presentación
dun concurso aberto no que participaron un total de 7 empresas
constructoras de toda Galicia. As obras darán comezo no mes de
novembro dese mesmo ano, cun prazo de execución de 12 meses.
22 de xuño de 2000. Problemas na reconstrucción: Con todo
canto levaba chovido por detrás, o proceso de reconstrucción non
podía estar tampouco exento de problemas e, no mes de xuño
deste ano, desátase unha polémica entre o secretario do Patronato,
Xosé Manuel del Caño, por unha banda, e os arquitectos redactores
do proxecto e o alcalde pola outra, debido á diferencia de criterios
utilizados na redacción do proxecto e na recuperación do
corredor do patio, que provocan unha modificación do proxecto
inicial e o incremento duns 15 millóns no proxecto final.
15 de setembro de 2000: Coas obras bastante avanzadas,
malia os problemas xerados, o Consello da Cultura Galega e o
Concello de Celanova presentan en Celanova a celebración do “I
Congreso Internacional Curros Enríquez e o seu Tempo” que terá
lugar entre os días 13 e 15 de setembro do ano seguinte, con motivo
da celebración do 150 aniversario do nacemento de Manuel
Curros Enríquez.
Así é como explican os organizadores a necesidade deste
Congreso:
A vida e a obra do escritor Manuel Curros Enríquez (Celanova,
1851-A Habana, 1908) reclaman, desde hai tempo, un foro de
estudio e debate que cómpre deseñar con rigor e ambición. É unha
débeda que temos cun poeta e cun periodista de valía e
características moi pouco comúns na Europa do seu tempo; unha
débeda que temos cun escritor firme e libre, cunha voz que cómpre
reexaminar e ter moi en conta no tempo de hoxe. Por outra parte,
somos conscientes de que aínda hai lagoas nos moitos estudios
precedentes, malia a importancia dalgún deles. Urxe –cremos–
aclarar certos capítulos da biografía de Curros e exhumar páxinas e
páxinas do seu labor de periodista en Madrid e na Habana. Hai
outros temas que deberán ser tratados neste Congreso, que será obra
non só de lingüistas e de estudiosos do feito literario senón tamén