Baixar aquí o pdf - Consello da Cultura Galega

554 Antonio Piñeiro
22 de novembro de 1996. Inscrición notarial da compravenda:
A desexada adquisición faise efectiva este día, ó ser confirmada a
escritura notarial de compravenda entre Ana María González
Calviño e o Concello de Celanova, pola que definitivamente a Casa
de Curros pasa xa oficialmente a formar parte do patrimonio público
celanovés. Pero aínda habería que agardar, porque os vendedores
piden un prazo de espera para poderen mercar outra casa á que
se trasladaren a vivir. Trátase de mercar un soar, onde construirían
unha casa, polo que había que seguir agardando.
Reunión cos arquitectos redactores do proxecto e con outros
asesores para definir as bases de restauración
15 de xullo de 1998. Encárgase o proxecto de reconstrucción:
En canto os propietarios constrúen a súa nova casa, o Concello de
Celanova encarga a redacción do proxecto e negocia o financiamento
deste.
3 de setembro de 1999. 95,5 millóns de pesetas para a reconstrucción:
O arelado financiamento chega este día, que é cando o
Consello da Xunta de Galicia acorda achegar 60 millóns de pesetas
a este, a Deputación provincial outros 24 millóns e o Concello de
Celanova preto de 10,5 millóns, para conseguir os case 95,5 millóns
que supón este investimento.