Baixar aquí o pdf - Consello da Cultura Galega

552 Antonio Piñeiro
transcurso deste queda clara a sensibilidade que a iniciativa espertou
nos representantes políticos convidados.
15 de setembro de 1993. O Consello da Xunta toma cartas no
asunto: A intervención do presidente do Parlamento e presidente
de honra do Patronato, Victorino Núñez, resulta definitiva, facéndolle
ver ó conselleiro de Cultura e mesmo ó presidente da Xunta
o atranco en que se atopa o expediente, que só se verá liberado coa
intervención do Consello da Xunta.
Tanto e así que, a mediados de mes, tan só quince días despois
do acto do premio “Celanova, Casa dos Poetas”, o Consello da
Xunta pronúnciase en favor da necesidade de expropiar a Casa
para convertela en Museo.
3 de decembro de 1993. Sinatura dun convenio entre o Concello
e a Consellería de Cultura: O acordo do Consello da Xunta implica
a redacción por parte da Consellería de Cultura dun convenio co
Concello de Celanova, que é asinado o día 3 dese mes polo conselleiro
de Cultura, Daniel Barata Quintas, e o alcalde, Antonio
Mouriño Villar, por medio do cal a Xunta se fai cargo do compromiso
da consignación orzamentaria, feito que desbloquea o trámite
da urxente ocupación e, polo tanto, dálle vía libre á expropiación
da parte non pública e á posterior reconstrucción do edificio.
13 de maio de 1994. O recurso da familia é desestimado: A Sala
do Contencioso-Administrativo do Tribunal Superior de Xustiza de
Galicia desestima o recurso contencioso-administrativo presentado
por Ana María González Calviño e David Antonio González
González, contra outra resolución do 30 de xuño do 92 desestimatoria
doutro recurso de reposición, contra outro do 29 de maio
do 92 sobre a declaración da necesidade de ocupación para os
efectos de expropiación forzosa da casa, aprobada polo pleno do
Concello o 28 de maio dese mesmo ano 92. Aínda lle quedaba á
familia a posibilidade de presentar recurso de casación contra este
mesmo acordo, pero o círculo cara á necesidade dunha saída negociada
achícase para os González Calviño.
4 de xullo de 1994. A familia esgota a vía xudicial: O Tribunal
Superior de Xustiza de Galicia comunícalle ó Concello de Celanova