Baixar aquí o pdf - Consello da Cultura Galega

550 Antonio Piñeiro
a todos los efectos, con independencia de los que la Junta de
Galicia decida, paralelamente, sobre el caso”.
2 de xullo de 1992. Recurso de reposición: A propietaria da
parte da casa que pretende ser expropiada, Ana María González
Calviño, herdeira de Jesús González Campos, presenta un recurso
de reposición contra o acordo plenario da expropiación, que é
desestimado polo Concello nun pleno celebrado a finais deste
mesmo mes. Isto provoca posteriormente unha complexa demanda
perante a Sala do Contencioso-Administrativo na que solicita a
suspensión dos acordos recorridos ata a decisión por sentencia
firme do recurso contencioso-administrativo.
Esta solicitude motiva unha contestación por parte do
Concello perante a mesma Sala do Contencioso-Administrativo, na
que se pide a anulación da demanda feita pola propietaria.
5 de outubro de 1992. Admítese a trámite o recurso: A Sala do
Contencioso-Administrativo do Tribunal Superior de Xustiza de
Galicia admite a trámite o recurso feito por Ana María González
Calviño, solicitándolle ó Concello o expediente de expropiación.
7 de outubro de 1992. A causa chega ó Valedor do Pobo:
Paralelamente, a propietaria da parte da casa remite unha queixa ó
Valedor do Pobo que leva a esta institución a solicitar a remisión do
expediente expropiatorio para tratar de analizalo en consecuencia.
14 de xaneiro de 1993. Os políticos foráneos empezan a interesarse
pola casa: Ante tanto recurso e contra-recurso, expedientes e
contra-expedientes, a clase política comeza a interesarse, aínda que
dun xeito testemuñal, polo tema da casa de Curros. Neste contexto,
o parlamentario por Coalición Galega, Santos Oujo Bello, presenta
unha emenda ós Presupostos Xerais da Xunta de Galicia de
1994 por medio da cal solicita a inclusión dunha partida orzamentaria
de 40 millóns de pesetas para a creación da Casa-museo
de Curros Enríquez. Esta proposta, que é apoiada polo PSOE, BNG
e PSG-EG, é rexeitada, sen embargo, polo Partido Popular, por
considerar que o financiamento deste edificio pódese afrontar por
outras canles, sen requirir unha partida orzamentaria propia.
21 de xullo de 1993. A expropiación prosegue: A Sala do
Contencioso-Administrativo, despois de ter examinado o expe-