Baixar aquí o pdf - Consello da Cultura Galega

Intrahistoria da casa dos poetas... 549
piación forzosa da denominada “Casa de Curros Enríquez” para
destinala a Museo municipal.
13 de maio de 1991. Segunda denuncia: Despois de ter sido
denunciado o propietario da parte da casa por ter executado unhas
obras de reforma no exterior e no interior do edificio sen solicitar
a correspondente licencia e contravindo de tal xeito a lexislación
reguladora dos Bens de Interese Cultural, a Comisión Territorial do
Patrimonio pronúnciase “compartindo o desexo do Patronato, de
que a casa sexa expropiada, considerando que se debe levar a cabo
con axilidade o proxecto de expropiación”.
Cabe salientar aquí que, despois do acordo acadado polo
pleno do Concello, a falta de axuda por parte das outras institucións
máis poderosas economicamente có Concello obrigou a unha
paralización do expediente de expropiación.
28 de abril de 1992. Unha nova xeira. A xeira definitiva: A
chegada de Antonio Mouriño Villar á alcaldía supón un novo cambio
de rumbo no abaneante proceso sufrido durante os catro anos
de mandato de Manuel Gómez Rojo. O Patronato Curros Enríquez
mantén varias reunións co propio Mouriño Villar e con outros
membros da corporación para informalos das xestións realizadas
polo Patronato e pola anterior corporación municipal respecto do
inicio da expropiación; e mesmo despois de ter celebrado o devandito
alcalde algunha reunión co propietario, para tratar de acadar
un acordo denantes de proseguir co tramite expropiatorio, o novo
presidente do Patronato emite unha proposta, na súa calidade de
alcalde, por medio da cal se adoptará un novo acordo plenario
segundo o cal se retoma o asunto da expropiación, apróbase novamente
o proxecto técnico e acórdase expropiar unicamente a parte
de casa que pertence a Ana María González Calviño, xa que logo a
parte da que é usufructuario o Patronato Curros Enríquez non precisa
expropiación ningunha, por ser o obxectivo final do proxecto
o sinalado no acordo de cesión da Unión Orensana.
27 de xuño de 1992. Apoio do Ministerio de Cultura: O
Ministerio de Cultura pronúnciase respecto do trámite de expropiación
da Casa, comunicando “su conformidad a que dicha tramitación
siga su cauce, sin óbice de la Administración del Estado