Baixar aquí o pdf - Consello da Cultura Galega

548 Antonio Piñeiro
iniciar unhas obras de recuperación da parte da casa que xestiona
o Patronato. Unha partida que, sen embargo, non pode ser executada,
ó aconsellar un informe do arquitecto provincial Emilio
Fonseca Moretón que o estado estructural do edificio non admitía
obras parciais, precisando unha actuación restauradora global.
18 de novembro de 1988. Exposicións e conflictos: Durante
este ano celébranse varias actividades culturais no edificio, destacando
unha exposición fotográfica sobre Curros Enríquez e Celso
Emilio Ferreiro, que acaba no xulgado ó negárense os inquilinos
do edificio a abrir as portas e non permitir o normal desenvolvemento
desta. Neste tempo Adolfo Vázquez Rivero deixara de ser
alcalde e á fronte do Patronato encontrábase xa o novo alcalde,
Manuel Gómez Rojo.
15 de maio de 1990. Informe favorable á expropiación:
Despois de terlle outorgado o alcalde, Manuel Gómez Rojo, ó concelleiro
Juan Luis Cardero Álvarez unha delegación de competencias
para iniciar os trámites da expropiación, o letrado Santos
Nieves Vaz emite un informe xurídico polo que estima “procedente”
a expropiación da Casa de Curros Enríquez baseando esta
nunha utilidade pública que é razoada en función do beneficio cultural
que pode supoñer para a vila e do interese artístico que esta
posúe como complemento ó resto de monumentos arquitectónicos
que esta vila ofrece.
5 de xuño de 1990. Primeiro proxecto de restauración: En consecuencia
a todo isto o Concello encarga á arquitecta municipal,
Julia Vilas Cruz, que redacte un proxecto de rehabilitación da casa
que contempla a execución dunhas obras por valor de case 54
millóns de pesetas, ás que lle hai que engadir 17 millóns, que foron
os valorados para os efectos da expropiación do inmoble.
15 de xuño de 1990. Inicio do proceso de expropiación:
Baseándose no informe xurídico do secretario do Concello e
seguindo as orientacións administrativas deste, o pleno do
Concello de Celanova, por unanimidade de todos os membros da
corporación municipal, aproba o proxecto técnico, declarando a
utilidade pública e o interese social do edificio, e acorda ó mesmo
tempo declarar a necesidade de ocupación para efectos de expro-