Baixar aquí o pdf - Consello da Cultura Galega

Intrahistoria da casa dos poetas... 547
unha chave para acceder á parte do edificio que xestiona o
Patronato e ó que taxativamente a familia de González Campos se
viña negando.
15 de marzo de 1988. A casa é Ben de Interese Cultural: A
Dirección Xeral do Patrimonio Histórico e Documental, á fronte
da cal está o celanovés Miguel Anxo Montero Vaz, comunícalle ó
Patronato Curros Enríquez que a casa do poeta, declarada
Monumento Histórico Artístico de interese local, pasa a ter categoría
de Ben de Interese Cultural, informa ó mesmo tempo que o
Patronato ten as obrigas de “conservar, manter e custodiar” o edificio
e que é deber do Concello “cooperar cos organismos competentes
na conservación e custodia do Patrimonio Histórico comprendido
no seu termo municipal adoptando as medidas oportunas
para evitar o seu deterioro, perda ou destrucción”.
1 de abril de 1988. Carta ós concelleiros: Seguindo coa campaña
de concienciación da necesidade da acometer dunha vez por
todas a recuperación da casa para o patrimonio público, o
Patronato Curros Enríquez remítelles unha carta a todos os membros
da Corporación municipal co fin de conciencialos da necesidade
que ten este edificio de que sexa o Concello o que inicie os
trámites de expropiación, logo de que as reiteradas conversas deste
Patronato co propietario da parte da casa teñan dado como único
froito a solicitude por parte deste dunha cantidade de 30 millóns
de pesetas pola súa parte, cando unha taxación previa elaborada
por un técnico especialista na materia valorou a totalidade do edificio
en 16 millóns de pesetas.
Denantes disto todo, e contando coa apoio económico
dunha Deputación Provincial presidida por Victorino Núñez, o
Patronato fixéralle varias ofertas ós González Campos, entre as que
se chegou a contemplar a adquisición dun piso novo en Celanova,
outro en Ourense e a posibilidade de que a filla de Jesús González
Campos ocupase algún posto de traballo dos que se puidesen crear
no coidado do Museo.
Así mesmo, a Deputación Provincial neste mesmo ano
habilita unha partida orzamentaria de 5,5 millóns de pesetas para