Baixar aquí o pdf - Consello da Cultura Galega

538 Antonio Piñeiro
ciaremos a obrar en consecuencia”; por fin o Patronato faise eco
do poder que a sociedade Unión Orensana de La Habana fixo no
seu favor, por medio do cal esta institución deberá “administrar los
bienes muebles e inmuebles sitos en España, celebre contratos de
arrendamiento, desahucie arrendatarios, inquilinos y aparceros,
pida y rinda cuentas, perciba rentas, intereses y alquileres, recolecte
y venda frutos, contrate obras y haga reparaciones, pague contribuciones
e impuestos, reclame créditos y realice toda clase de
justos y legítimos pagos y cobros, única y expresamente respecto
de los indicados bienes que la Sociedad posee en España”, que en
realidade non debían ser máis que a parte da casa do poeta adquirida
por eles no ano 27.
Aproveitando todo isto, o Patronato decide escribirlles a
todos os presidentes dos Centros Galegos de toda España e
América, así como ós Centros Orensanos constituídos, solicitándolles
“su aportación económica para la adquisición del resto de la
casa aún no adquirida, así como de las obras que en ella haya necesidad
de realizar”.
25 de setembro de 1959. O Patronato muda os seus membros:
O cambio de alcalde e os problemas de tipo persoal dalgúns membros
do patronato fundacional obrigan a unha renovación sensible
do comité executivo deste colectivo, entran na súa substitución os
dous xuíces de Celanova, o de Primeira Instancia, Narciso Ribas, e
o Comarcal, Gumersindo Fernández García, e pasa a exercer a presidencia
o novo alcalde, José López Rodríguez, é nomeado ó
mesmo tempo secretario do novo comité o antigo vocal Clodomiro
Rodríguez Fernández. Pero as dificultades propias da época non
eran propicias, nin moito menos, para os fins culturais que o
Patronato perseguía e así comezou un longo silencio que tivo continuación
só de forma esporádica con continuos intentos, por parte
de todos os alcaldes que pasaron polo Concello, de chegar a un
acordo económico para que os propietarios da terceira parte da
casa lla vendesen á institución municipal.
Este segundo patronato quedaría constituído finalmente do
seguinte xeito: