Baixar aquí o pdf - Consello da Cultura Galega

Intrahistoria da casa dos poetas... 537
quedase ligado de forma permanente á institución municipal, tal
vez para garantir a súa continuidade no tempo, razón pola que o
alcalde de Celanova que se atopase en exercicio sería sempre o presidente
do Patronato, e pasarían os alcaldes saíntes a ser vocais do
colectivo. Polo que respecta ás baixas que se fosen producindo co
paso do tempo, estas serían cubertas por persoas designadas polo
propio comité.
A creación do Patronato dálle inicio a unha serie de iniciativas
inmediatas que dende este se consideran imprescindibles
para a adquisición total do inmoble e a súa futura conversión en
museo ou biblioteca, e a unha serie de contactos epistolares entre
o presidente do Patronato, o alcalde Manuel Rodríguez Alonso, e o
presidente da Unión Orensana, Juan Santos Cid, que se resumen
nos seguintes feitos.
a) Consecución dun poder legal que lle permita ó
Patronato levar a cabo todas as xestións posibles encamiñadas ó fin
de “reivindicarlo en su totalidad, para desahuciar a los que en
dicho inmueble vivan en precario o abonen alquiler, con el fin de
adaptar dicha casa a los fines públicos y benéficos que se propone
el Comité-Patronato”.
b) Levar a cabo unha serie de obras destinadas a mellorar
as condicións do inmoble, para o cal propoñen vender un saínte da
segunda planta que dá ó norte e ó patio de luces que existe entre
este edificio e outro contiguo, cousa á que se nega a sociedade
Unión Orensana por entender que non están capacitados para iso.
26 de xullo de 1954. O Patronato convértese en administrador
dos bens da Unión Orensana: Logo de intensas xestións, non exentas
de desacordos velados que levan ó vocal do Patronato, Daniel
González, a falar sobre os directivos da Unión Orensana nos
seguintes termos: “tanto Gallego, como Añel y yo sacamos en consecuencia
que aquella gente son una serie de infelices, sin malicia
y con un pánico grande al asunto económico, que no se atreven a
abordar”, e a suxerirlle ó presidente do Patronato que traballe para
“que manden el poder y ya nosotros les daremos ejemplo y les acu-