Baixar aquí o pdf - Consello da Cultura Galega

Intrahistoria da casa dos poetas... 517
acaban véndose na obriga de hipotecala por segunda vez, do
mesmo xeito que xa lle acontecera anos atrás ó seu avó, cando nin
sequera algúns dos seus tíos, nin moito menos elas, naceran.
As actividades mercantís do home de Pilar, o comerciante
ourensán Serafín Feijóo, son as que provocan esta segunda hipoteca.
Unha hipoteca que se fai “en garantía de la cantidad total de
cinco mil pesetas que don Manuel Pereiro Rey, de 60 años de edad,
casado, banquero y vecino de la susodicha ciudad, la citada antes
del acto de otorgamiento de la escritura de que se trata el del don
Serafín Feijóo en diferentes veces ha adelantado para atender al
pago de letras y pagarés en sus operaciones mercantiles, debiendo
responder la finca, digo las porciones de que se trata, de 4.550
pesetas”.
Abril de 1904: Curros regresa de Cuba: Fuxindo do “perpetuo
naufragio” en que convivira ó longo dos anos en Madrid,
Ourense e Madrid, e despois de dez anos recreando unha nova
vida na Habana, onde as cousas tampouco lle foron mellor, o poeta
decide facer unha viaxe de volta a España. Serían cinco meses de
estadía durante os que a sociedade civil e literaria galega lle organizaría
o gran acto de coroación poética do 21 de outubro no
Teatro Principal da Coruña, onde a Galicia intelectual se rendería
ós seus pés de poeta. Durante este tempo, ademais de pasar por
Madrid, onda a súa dona, aproveita para visitar a moitos amigos e
familiares. É de supor que tamén pasa por Celanova, xa que si se
rexistra a súa estadía en Cortegada, na casa do seu amigo José
Ogea, no Balneario de Mondariz, na tumba de Rosalía, en Ourense,
onde se reconcilia con Lamas Carvajal, etc.
23 de outubro de 1904. O poeta volve á illa: Dous días despois
da xornada poética do Teatro Principal da Coruña, dende a
cidade que o elevara en vida ó máis alto grao da mitoloxía poética
galega, parte de novo para Cuba, deixando entre os coruñeses este
canto:
E... ¿quen son eu? Un poeta,
ou, como quen di, un paxaro
a quen tallaron o bico