Baixar aquí o pdf - Consello da Cultura Galega

Intrahistoria da casa dos poetas... 509
que así fose, xa que o libro de rexistro de nacidos deste ano non se
conserva no Rexistro Civil de Celanova e a acta bautismal non identifica
o lugar de nacemento. Polo que tamén existe a posibilidade de
que neste ano xa residiran na casa das traseiras mercada no ano 46.
10 de novembro de 1857. Compra do resto da casa do número
20 da rúa do Príncipe: En posesión do edificio traseiro que
comunica coa horta, José María Curros mércalle a Oportuna
Rodríguez a casa que actualmente se coñece como Casa de
Curros. O documento rexistral di así: Dona Oportuna Rodríguez
Arias, viúva de Manuel Enríquez Cifuentes, veciña da casa das
Pereiras, parroquia de Santa María de Bobadela, véndelle a José
María Curros Vázquez,
una calle sita en la calle del Príncipe, que pocos años ha se llamaba
del Rollo, de esta villa, marcada con el número veinte, que se
compone de cuatro paredes con las vigas correspondientes a dos
altos, sin pisos ni división alguna, aunque si techo amaderado y
cubierto de teja, con su frontis de cantería labrada pendiente de la
cornisa frente a la propia calle, linda por sus costados con otras casas
de Benito Fernández Pavito, camino en medio, que da servicio a las
Traseras por el mediodía y un hueco hacia el Norte, una tierra que
está contigua a la citada casa por su trasera, que es el poniente,
demarcante con calle, Norte con la del Fernández, poniente con las
de herederos de Francisco Sieiro y por el mediodía con muro que la
sostiene, en precio de 12 mil reales.
Despréndese de aquí que, malia que o nacemento de
Manuel non puido acontecer nesta parte do edificio, nada hai que
desdiga que o parto puido ter lugar na casa das traseiras que a partir
deste ano formará unha unidade soar co edificio de tres plantas
adquirido neste momento polo notario.
1865. Manuel abandona o fogar: Despois de ter pasado grandes
penalidades, seguindo os pasos dalgún outro irmán que xa
marchara primeiro, como é o caso de Antonio, o futuro poeta
abandona o fogar, froito das discrepancias que mantén con seu pai.
Elisardo López Varela fixa esta marcha entre o ano 1964 ou 65 e
recolle un texto do propio Curros Enríquez que explica parcial-