Baixar aquí o pdf - Consello da Cultura Galega

508 Antonio Piñeiro
Árbore xenealóxica dos sucesores inmediatos de Manuel Curros Enríquez
(revista Follas Secas, nº. 10, set. 1986)
2 HISTORIA DA CASA
A) Primeira etapa: A casa que merca José María Curros
1846. José María Curros adquire a primeira vivenda en
Celanova: Segundo describirá anos máis tarde no seu testamento,
neste ano merca “de Miguel Barreiros, terreno suficiente para
aquella y huerta en las traseras de la calle del Rollo, hoy del
Príncipe” e empeza a levantar unha construcción que en boa lóxica
debería ser a que ten acceso polo patio que dá ó canellón e que
conserva a lareira.
31 de xullo de 1847. José María Curros Vázquez e Petra
Enríquez casan: Aínda que non hai datos que fagan pensar que,
unha vez executados os desposorios, o matrimonio pase a residir a
esa vivenda das traseiras da rúa do Príncipe –xa que Teresa, que
naceu no ano 48, aínda é rexistrada na rúa San Roque–, é posible
que, no transcurso do tempo que corre dende aquí ata o nacemento
de Manuel, a familia se trasladara a esta vivenda das traseiras
ou mesmo a outra que tamén mercara na Pedra da Moa.
15 de setembro de 1851. Nace o poeta: Aínda que algúns biógrafos
coma Carlos Casares ou Xesús Alonso Montero sitúan o seu
nacemento na rúa San Roque, non existe constancia documental de