Baixar aquí o pdf - Consello da Cultura Galega

402 Ramón Nicolás Rodríguez
i-almas que vibren co-a “corda souca” que o poeta nos dixera; e mentras isto
sexa así, non se pode pensar en libertades.
Lectura da obra de Curros na que se ilumina por fragmentos significativos
de poemas que vai comentando para rematar coa constatación de que se a
metade dos galegos non leron ao poeta non “pode pensar en libertades”.
Texto 18. M. Neira, Luís, “N-a fecha do poeta”, Heraldo de Galicia,
n.º 271, 7 de marzo de 1932, p. 2.
O Marzo calado e choroso, recibe a última ollada do poeta; e nos seraus a
sua morriña saudosa, escóitase sua voz que nas verbas duces da lingua
romance, falan suas rebeldías, que como un aturuxo doído, escrama:
“¡Déixame que hoxe n-o teu colo dorma
Sono de pedra!”
Xa o tempo s-alumeaba c-os fachizos mornos. Nin as brétemas do mar, nin
o trebón na serra, mostraban suas arrogancias. O gris d-as tristuras empaña a
paisaxe galega; e o Sol comprimíndose n-un outeiro, negou sua luz..., e nun
atardecer eterno a terra axexante, lanzou oubeos da sua resiñaceón, loubando
da tua obra, ea eideia fermosa de esforzo románteco, o poema póstumo da
liberdade.
O día triste escoitou na sua alborada os salaios d-os teus; e o sapo amigo,
faguía na escramación chorosa do seu canto a decatada lembranza de sua
inmortalidade.
O esprito de Galicia, fuxío pol-o ventanal do atlántico, recitando as triadas
de seu desahogo lírico. E nos albores mariñáns de Finisterre, hastra a alba neve
de Queixa, tremeu sua duce voz folgándose no recitar d-“O Divino Sainete”:
“Sinto n-o peito os afogos
Que parece que me morde
Sete ducias de cans dogos”.
Xa o poeta, reconocía a propia potestade céltica, no sentido potencial do
verbo sinfónico da sua obra, que dictaba as melancolías arelantes do pobo,
mostrando no linguaxe o misterio dos seus poemas: musa humana que fala
cantando e canta falando.
Chegan sonoros e pentagramados os redobles do tambor algareiro,
acompasando nas suas melodías o gaiteiro de Penalta, muñeirizando no seu