Baixar aquí o pdf - Consello da Cultura Galega

374 Ramón Nicolás Rodríguez
verdecente e ao morrer sabían que a obra por eles comenzada habería
de ter proseguimento. Por eso naceron as Irmandades da Fala”,
destaca, tamén con idéntico optimismo cara ao futuro, o momento
actual que se vive e para o que desenvolve todo un programa de
actuacións:
Avecíñanse para Hespaña próisimos días de libertade civil, de
saneamento das formas de Goberno, de novos e honrados
procedimentos políticos e todo elo repercutirá en Galicia axudándolle
a orgaizar a sua propia vida.
Por eso hoxe mais que nunca compre que Galicia enteira
dispóñase a facer valer os seus dereitos para que lle sexan reconocidos
nas futuras normas que non tardarán en rexir a Hespaña.
Ao mesmo tempo que nos preocupamos do desenrolo dos novos
valores autóctonos, como a fala, e o sentimento racial, temos que, por
virtude da nosa supeditación ao estado hespañol, conseguir d-el
concesións políticas que hasta agora non foi posibre conseguir, que
nos permitan desenvolver a propia vida de Galicia con todol-os seus
aspeitos.
Ese sentimento, esa idea de que a figura de Curros simboliza,
definitivamente asentada no imaxinario dos grandes autores
do XIX e de plena validez para o XX, un modelo de referencia inexcusábel
para un tempo clave no que se albisca un imparábel cambio
político democratizador de especial incidencia para as expectativas
progresistas e nacionalistas verifícase no mesmo ámbito
xornalístico cando o redactor anónimo de El Momento, diario galeguista
de efémera vida dirixido por Manuel Luís Acuña durante
uns días na Coruña, se fai eco dos actos deste xeito (cfr. apéndice,
texto 6):
La memoria de nuestro poeta civil se acrecienta a medida que
pasan los años y precisamente hoy más que nunca, por razones que a
nadie se le ocultan, la obra libertaria, encendida en amor a los ideales
de democracia de Curros tiene una actualidad que no puede
escaparse a nuestra vista al recordarle, siempre con amor y
agradecimiento por su labor inmortal, en esta fecha. (...) Por nuestra
parte, al recordar esta fecha no podemos sustraernos a recordar con