Baixar aquí o pdf - Consello da Cultura Galega

Un fillo bastardo de O Divino Sainete... 355
lóxico subxacente ponse de relevo a través das palabras do prologuista
Fabricio ou Miranda, que non permiten dúbida ningunha:
¡Qué consolador contraste entre nuestro simbolista y el poeta
regional gallego Curros Enríquez! (1993: 14)
ADDENDA
A literatura galega vén sendo lida e admirada (ou non) en
Asturias desde o mesmísimo Rexurdimento. En 1888 –ano da primeira
edición de O Divino Sainete–, publícase tamén por “parrafeos”
no xornal O Tío Marcos da Portela o coñecido despois como
Catecismo do labrego, que en Galicia pronto se converte no primeiro
best-seller fronte a unha imitación en lingua asturiana escrita
polo cántabro Antonio Fernández Martínez (1860-1912): o
Catecismu del llabrador (1891), paradoxalmente secuestrado e prohibido
por temor a unha insurrección social. Un cuadrienio despois
deste ve a luz a obra de González Prieto: aínda que réplica, o
modelo resulta obvio. Esa tendencia de estudio e seguimento mantense
ata o inicio do século XXI, corroborada polas numerosas traduccións
de obras galegas ao asturiano, mentres que no Fogar de
Breogán practicamente se ignora o acontecido máis alá do río Eo.
¿Tratarase dunha infausta casualidade? (Esta é algo máis
que unha interrogación retórica).