Baixar aquí o pdf - Consello da Cultura Galega

354 Esperanza Mariño Davila
Por outra banda, novas teorías políticas –anarquismo e
socialismo 18 –, distorsionadas, xúlganse como propias do bordel.
¡Abaxo capital i contratistes!
¡Venga folgar, comer i empiná’l xarru!
Mas como ni unos ni otros tienen xuiciu,
D’ellos non ha quear nin un resquiciu. (1993: 61)
Aínda que non condenadas as ánimas a penar eternamente,
si ten garantida a destrucción toda forma de pensar “desviada”,
nunha especie de redentora Apocalipse acompañada por negras
nubes, chuvia, relampos e un espantoso ciclón que deixa arrasado
por completo o mundo.
–Preparaivos pa’ntrar’ na sepoltura,
Dixo á los homes, que yo soi l’Espantu.– (1993: 61)
Sen temor de negar todos os alicerces da cultura occidental
menos o Cristianismo, ao final só permanece a Verdade, presuponse
que acompañada polos “xustos”. Por suposto, o final do
soño non ten pretensións de verosimilitude con tal remexallo de
cultos e desvergonzados, pero si un significado claro –unha especie
de Revelación, con Deus como meta da aventura pseudointelectual–
que as persoas lectoras deben interpretar. Para rematar
consagrando a sensación de “realidade”, comínase ao auditorio
do hórreo a unha espera breve polo simbolismo de El Cuintu la
Xana porque
Mañana mesmu lu verné á’splicar. (1993: 63)
Relixión católica ou única Verdade que serve como refuxio
contra os embates da vida a un fanático (e supersticioso) crente:
velaí a rotunda afirmación de fe, a modo doutra Divina Comedia
–salvando as diferencias– en pequeniño. O denso significado teo-
18.Os respectivos representantes son o antiestatalista e revolucionario ruso Bakunin
(1814-1876), xunto co federalista e anticlerical francés Proudhom (1809-1865).