Baixar aquí o pdf - Consello da Cultura Galega

A FUNCIÓN DE CURROS NO PROCESO DE CANONIZACIÓN
DE ROSALÍA DE CASTRO
Carlos Manuel Callón Torres
Grupo de Investigación GALABRA
(USC)
1 O EMERXIR DO SISTEMA LITERÁRIO GALEGO
E O PROBLEMA DO CÁNONE1 O sistema literário galego (SLG) xorde e desenvolve-se na
Idade Contemporánea vinculado a (ou promovido por) un proxecto
de emancipación para Galiza. Cria, consecuentemente, un
repertório2 que pretende manifestar as características próprias da
cultura galega e que lle dá a medida da sua función social. Como
tal sistema literário, apresenta fortes caréncias neses seus inícios3 , o
cal, como é ben sabido, se debe a factores de dependéncia política
externa e á coexisténcia nun mesmo espazo social, ao menos apartir
da década de 60 do século XIX, de duas realidades literárias
diferenciadas, unha delas en emerxéncia. Nas palabras da investigadora
Célia Armas Garcia,
estamos falando do subsistema literário da Galiza (sucursal do
sistema literário español) por unha banda, e, por outra, do sistema
literário galeguista, protagonizado por aqueles produtores que
reivindicaban o direito a existir dunha literatura propriamente
galega, de significado, temática e expresión galegas, portanto.
(1999:218)
1. Tanto a obra literária de Curros como as recensións de que foi merecente son citadas
pola edición crítica de Elisardo López Varela, salvo indicación contrária. Do resto
das citacións indican-se tamén rigorosamente as fontes e, é claro, as grafias son escrupulosamente
–salvo indesexada gralla– as tiradas dos orixinais.
Asi mesmo, quero manifestar o meu agradecimento a Francisco Rodríguez pola
atención emprestada e a Elias Torres Feijó polas suas interesantísimas suxestións no
que di respeito á redacción definitiva da presente comunicación.
2. “Repertoire is conceived of here as the aggregate of laws and elements (either single,
boud, or total models) that govern the production of texts” (Even-Zohar,
1990:17).
3. “Défices projectivos”, como os denomina Elias Torres Feijó (1999:274, n. 5).