Baixar aquí o pdf - Consello da Cultura Galega

Curros e Murguía: unha relación... 103
autores, entre os que se atopa Juan Ramón Somoza– que se abrira
entre ámbolos dous persoeiros a consecuencia da, na opinión destes,
incorrecta actuación de Murguía na Academia Galega, que
supostamente levaría a Curros a renunciar no último momento ó
seu cargo de presidente da Asociación Iniciadora y Protectora, deixando
a Murguía na estacada. Acusacións das que se fai eco La
Tierra Gallega nun solto do 10/3/1908, ás que sairá ó paso Murguía
nunha carta dirixida ó director deste periódico e publicada en El
Nororeste, A Coruña, 11/3/1908, na que se le: “Con una ligereza
indisculpable asegura que el Sr. Curros Enríquez ‘hizo abdicación
de los títulos que la Real Academia Gallega le había adjudicado,
por no estar conforme con la marcha que llevaba dicho organismo’.
Y esto tampoco es cierto. El Sr. Curros Enríquez estuvo siempre
unido á la Academia con todo género de vínculos estrechísimos. Si
quisiera verse desligado de ellos aquella grande alma, aquel noble
espíritu independiente, lo hubiera hecho”. Sen embargo, tamén
Ramón Villar Ponte (Días, hechos y hombres de la Real Academia
Gallega, A Coruña, Litografía e Imprenta Roel, 1953, p. 12) dá fe
da existencia dunha carta de Curros a Murguía, datada en agosto
de 1907, na que o poeta lle comunica a súa separación da
Iniciadora. E Mercedes Bieito Bouza intervirá na revista Galicia da
Habana, defendendo a Curros das acusacións de ter renunciado a
tódolos seus cargos na Academia. O periódico coruñés A Nosa
Terra tomará partido así mesmo contra estes rumores que supón
que foron difundidos polos inimigos da Academia. Finalmente, E.
López Varela opina que tal vez se producise esta separación pero
que, de ser certo, habería que interpretala como a separación dalgúns
dos membros da directiva da Protectora.