EUSKADIKO KOOPERATIBEN LEGEAREN GAINEKO IRUZKINAK
Euskadiko Kooperatiben abenduaren 20ko 11/2019 Legearen testu artikulatuari buruzko iruzkinak (E.H.A.A. 247.zb, 2019ko abenduaren 30a) 5/2021 Legeak, urriaren 7koak, aldatua (E.H.A.A. 209.zb, 2021eko urriaren 20a)
Euskadiko Kooperatiben abenduaren 20ko 11/2019 Legearen testu artikulatuari buruzko iruzkinak
(E.H.A.A. 247.zb, 2019ko abenduaren 30a)
5/2021 Legeak, urriaren 7koak, aldatua (E.H.A.A. 209.zb, 2021eko urriaren 20a)
Create successful ePaper yourself
Turn your PDF publications into a flip-book with our unique Google optimized e-Paper software.
Portada: 176mm (cajo 10 mm. + ancho de cartón 166 mm)<br />
282 mm.<br />
x 247 mm.<br />
<strong>EUSKADIKO</strong><br />
<strong>KOOPERATIBEN</strong><br />
<strong>LEGEAREN</strong><br />
<strong>GAINEKO</strong><br />
<strong>IRUZKINAK</strong><br />
Euskadiko Kooperatiben abenduaren 20ko<br />
11/2019 Legearen testu artikulatuari buruzko iruzkinak<br />
(E.H.A.A. 247.zb, 2019ko abenduaren 30a)<br />
5/2021 Legeak, urriaren 7koak, aldatua<br />
(E.H.A.A. 209.zb, 2021eko urriaren 20a)<br />
Zuzendaria<br />
Santiago Merino Hernández<br />
Euskadiko Kooperatiben Goren Kontseiluko letradua
<strong>EUSKADIKO</strong> <strong>KOOPERATIBEN</strong> <strong>LEGEAREN</strong><br />
<strong>GAINEKO</strong> <strong>IRUZKINAK</strong><br />
Euskadiko Kooperatiben abenduaren 20ko<br />
11/2019 Legearen testu artikulatuari buruzko iruzkinak<br />
(E.H.A.A. 247.zb, 2019ko abenduaren 30a)<br />
5/2021 Legeak, urriaren 7koak, aldatua<br />
(E.H.A.A. 209.zb, 2021eko urriaren 20a)<br />
Zuzendaria<br />
Santiago Merino Hernández<br />
Euskadiko Kooperatiben Goren Kontseiluko letradua
Edita: CSCEEKGK<br />
Imprimategia: mccgraphics<br />
ISBN: 978-84-934129-8-2<br />
Lege Gordailua: LG G 00732-2021
Behin egileek euren egitekoa bukatuta, lana, artikulu guztiei<br />
dagokienez, Hezi2de Kooperatiba Elkarte Txikiak berrikusi du,<br />
generoaren ikuspuntutik hizkuntza bateratzeko xedearekin. Era<br />
berean, lana, argitaratze-ondoreetarako, ItzulBIRAk itzuli du<br />
euskarara.
<strong>KOOPERATIBEN</strong> LEGEARI<br />
BURUZKO GLOSA<br />
Euskadiko Kooperatiben Goren Kontseiluari esleitutako eginkizunetako bat da<br />
Euskadiko Kooperatiben Legea zabal hedatzeko beharrezkoak diren ekintzak egitea, bai<br />
eta legea behar bezala betetzea lortzea ere.<br />
Hori dela eta, Euskadiko Kooperatiben Legeari buruzko Glosa hau argitaratzeak poztu<br />
egiten gaitu, Glosaren helburua baita zuzenbideko profesionalei arau berri hori, zeinaren<br />
zain baikeunden aspaldian, interpretatzen laguntzea, eta euskal kooperatibismoarentzat<br />
baliagarri izatea.<br />
Euskadiko Kooperatiben Goren Kontseiluak esker oneko mezua helarazi nahi dio<br />
legegintzaren arloari, gure Kontseiluak egindako ekarpenak kontuan hartu dituelako.<br />
Gure betebeharra administrazio publikoekin lankidetzan aritzea bada ere, kontuan izan<br />
behar dugu, halaber, kooperatibei buruzko legeria ahalik eta gehien garatzea bultzatu<br />
behar dugula, eta kooperatiba balioak betetzen direla zaindu behar dugula.<br />
Eta hamarkada honek lege berri bat eskatzen zuen, testuingurua aldatu delako eta<br />
ezinbestekoa zelako malguagoak izatea. Izapidetzen ari ginen bitartean dagoeneko<br />
igortzen genuen mezu hau, baina egungo pandemia egoerak erakutsi digu aldaketak<br />
ustekabean gertatzen direla, eta prest egon behar dugula gertakari horiei aurre egiteko.<br />
Horregatik oso modu baikorrean jaso dugu hain berria den lege baten aldaketa.<br />
Orain are gehiago aintzat hartzen dugu lege honen idazketan era batera edo bestera<br />
lagundu duten pertsona guztiek egin duten lana, Euskadiko Kooperatiben Goren<br />
Kontseilua osatzen duten erakunde guztiek egindako ekarpenei garrantzia emanda<br />
jardun baitute.<br />
Eta legegintza testua garrantzitsua izanagatik, Glosa hau ere garrantzitsua da, ospe<br />
handiko 25 legelarik parte hartu baitute. Guztiek ere zuzenbide kooperatiboan ezagutza<br />
sakona dutela erakutsi dute, eta gai izan dira 165 artikuluei eta horien xedapenei<br />
buruzko iruzkinak egiteko. Eskerrik asko guztiei, bihotz-bihotzez.<br />
Egin duten lan xehe eta zorrotz horri esker, legearen testu artikulatuari egindako<br />
iruzkinen laburpen hau argitara dezake Euskadiko Kooperatiben Kontseilu Gorenak.<br />
Testu hori ezinbesteko tresna izango da zuzenbideko profesionalentzat, kooperatibentzat<br />
eta beren bazkideentzat, baita ikerketarekin zerikusia duten pertsona guztientzat ere.<br />
Patxi X. Olabarria Furundarena<br />
EKGK-ko lehendakaria
AURKIBIDE OROKORRA<br />
Agurra........................................................................................................................................ 5<br />
Iruzkingileen aurkibidea.......................................................................................................... 8<br />
Laburduren aurkibidea............................................................................................................ 10<br />
Sarrera....................................................................................................................................... 13<br />
1. Xedapen orokorrak............................................................................................................ 17<br />
Alfredo Ispizua Zuazua<br />
2. Kooperatiba sortzea........................................................................................................... 29<br />
Jokin Txapartegi Zendoia<br />
3. Euskadiko Kooperatiben Erregistroa.............................................................................. 49<br />
Unai Iturriotz Erdotziain<br />
4. Bazkideak........................................................................................................................... 57<br />
Jaione Badiola López eta Francisco Javier Arrieta Idiakez<br />
5. Kooperatibaren organoak: Batzar orokorra................................................................... 111<br />
Enrique Gadea Soler eta Alberto Atxabal Rada<br />
6. Kooperatiba administratzea eta ordezkatzea................................................................. 151<br />
María Pilar Rodríguez Álvarez eta Rosa Otxoa-Errarte Goikoetxea<br />
7. Zaintza-batzordea.............................................................................................................. 193<br />
Alejandro Elejabarrieta Goienetxe<br />
8. Beste organo batzuk.......................................................................................................... 207<br />
Alejandro Elejabarrieta Goienetxe<br />
9. Araubide ekonomikoa....................................................................................................... 217<br />
Oihana García Pereda eta Beñat Salaberria Osa<br />
10. Sozietatearen dokumentazioa eta kontabilitatea............................................................ 263<br />
Marta Enciso Santocildes<br />
11. Estatutuak aldatzea........................................................................................................... 279<br />
Fernando Aberasturi Lauzurika<br />
12. Kooperatibaren bat-egitea eta desegitea.......................................................................... 287<br />
Iñigo Nagore Aparicio<br />
13. Transformazioa.................................................................................................................. 311<br />
Iñigo Nagore Aparicio<br />
14. Desegitea eta likidatzea..................................................................................................... 323<br />
Gotzon Gondra Elgezabal<br />
15. Kooperatiba-motak: lan elkartuko kooperatibak.......................................................... 363<br />
Francisco Javier Sanz Santaolalla<br />
16. Kontsumo-kooperatibak................................................................................................... 393<br />
Carlos Díaz-Aguado Jalón<br />
6
17. Irakaskuntza-kooperatibak.............................................................................................. 401<br />
Fernando Aberasturi Lauzurika eta Gotzon Gondra Elgezabal<br />
18. Nekazaritzako eta elikagaien kooperatibak.................................................................... 409<br />
Carlos González Fernández<br />
19. Erkidegoan ustiatzeko kooperatibak............................................................................... 421<br />
Carlos González Fernández<br />
20. Etxebizitza-kooperatibak.................................................................................................. 427<br />
Santiago Merino Hernández<br />
21. Finantza-kooperatibak...................................................................................................... 453<br />
Alejandro Elejabarrieta Goienetxe<br />
22. Osasun-kooperatibak........................................................................................................ 483<br />
Alejandro Elejabarrieta Goienetxe<br />
23. Zerbitzu-kooperatibak...................................................................................................... 489<br />
Carlos Martín Ginto Monzón<br />
24. Junior kooperatibak.......................................................................................................... 499<br />
Fernando Aberasturi Lauzurika<br />
25. Gizarteratze-kooperatibak................................................................................................ 503<br />
Aitor Bengoetxea Alkorta<br />
26. Enpresak sustatzeko kooperatibak.................................................................................. 513<br />
Marta Enciso Santocildes<br />
27. Sozietate kooperatibo txikia.............................................................................................. 517<br />
Francisco Javier Sanz Santaolalla<br />
28. Kooperatiba-integratzea eta -taldekatzea: bigarren mailako edo maila<br />
handiagoko kooperatibak................................................................................................. 531<br />
Sara Santana Alvarado<br />
29. Lankidetza ekonomikorako beste modalitate batzuk.................................................... 541<br />
Amets Ugalde Etxagibel<br />
30. Kooperatibak eta Administrazio Publikoa...................................................................... 553<br />
Xabier Iriondo Arana<br />
31. Kooperatiben asoziazionismoa: kooperatiba-elkarteak................................................. 575<br />
Carlos González Fernández<br />
32. Euskadiko Kooperatiben Goren Kontseilua................................................................... 583<br />
Santiago Merino Hernández<br />
33. Xedapen osagarriak........................................................................................................... 595<br />
Carlos Martín Ginto Monzón<br />
7
IRUZKINGILEEN AURKIBIDEA<br />
Alfredo Ispizua Zuazua<br />
Euskadiko Kooperatiben Erregistroaren arduraduna<br />
Jokin Txapartegi Zendoia<br />
Zuzenbide Kontuak kooperatibako abokatua<br />
Unai Iturriotz Erdotziain<br />
Jarduneko abokatua eta UPV/EHUko Administrazio Zuzenbide, Konstituzio Zuzenbide eta<br />
Zuzenbidearen Filosofia Saileko irakasle elkartua<br />
Jaione Badiola López<br />
LKS Next Legaleko abokatu bazkidea, lan-arloaren arduraduna<br />
Francisco Javier Arrieta Idiakez<br />
Deustuko Unibertsitateko Lanaren eta Gizarte Segurantzaren Zuzenbideko irakasle titularra eta<br />
BITARTU-Arbitraje Kooperatiboko Euskal Zerbitzuko arbitroa<br />
Enrique Gadea Soler<br />
Deustuko Unibertsitateko Merkataritza Zuzenbideko katedraduna<br />
Alberto Atxabal Rada<br />
Deustuko Unibertsitateko Finantza eta Zerga Zuzenbideko katedraduna<br />
Mª Pilar Rodríguez Álvarez<br />
UPV/EHUko Enpresaren Zuzenbidea eta Zuzenbide Zibila Saileko Merkataritza Zuzenbideko<br />
irakaslea<br />
Rosa Otxoa-Errarte Goikoetxea<br />
UPV/EHUko Enpresaren Zuzenbidea eta Zuzenbide Zibila Saileko Merkataritza Zuzenbideko<br />
irakaslea<br />
Alejandro Elejabarrieta Goienetxe<br />
LABORAL KUTXAko Aholkularitza Juridikoaren zuzendaria eta Artezkaritza Kontseiluko idazkari<br />
teknikoa. Euskadiko Kooperatiben Goren Kontseiluko kidea<br />
Oihana García Pereda<br />
LKS Next Legaleko abokatua sozietate-arloan<br />
Beñat Salaberria Osa<br />
LKS Next Legaleko abokatua sozietate-arloan<br />
Marta Enciso Santocildes<br />
Deustuko Unibertsitateko Zuzenbide Fakultateko irakaslea<br />
Fernando Aberasturi Lauzurika<br />
Abokatua eta IKASGILTZAko kudeatzailea<br />
8
Iñigo Nagore Aparicio<br />
LEGALKIDE ABOGADOS SLPko bazkidea, UPV/EHUko irakasle elkartua<br />
(Enpresa Zuzenbidea) eta BITARTU-Arbitraje Kooperatiboko Euskal Zerbitzuko arbitroa<br />
Gotzon Gondra Elgezabal<br />
Abokatua eta Deustuko Unibertsitateko Zuzenbide Fakultateko irakaslea<br />
Francisco Javier Sanz Santaolalla<br />
BITARTU-Arbitraje Kooperatiboko Euskal Zerbitzuko burua, Elkar-Lan, S. Coop.eko<br />
zuzendaria eta Euskal Mugimendu Kooperatiboaren Batzorde Juridikoaren koordinatzailea<br />
Carlos Díaz-Aguado Jalón<br />
UPV/EHUko Zuzenbide Zibila Saileko Zuzenbide Zibileko irakasle titularra<br />
Carlos González Fernández<br />
KONFEKOOP, Euskadiko Kooperatiben Konfederazioko letradu aholkularia<br />
Santiago Merino Hernández<br />
Euskadiko Kooperatiben Goren Kontseiluko letradua<br />
Carlos Martín Ginto Monzón<br />
Abokatua eta BITARTU-Arbitraje Kooperatiboko Euskal Zerbitzuko arbitroa<br />
Aitor Bengoetxea Alkorta<br />
UPV/EHUko Lanaren eta Gizarte Segurantzaren Zuzenbideko irakasle elkartua eta<br />
GEZKI (Gizarte Ekonomia eta Zuzenbide Kooperatiboaren Institutua) erakundeko zuzendaria<br />
Sara Santana Alvarado<br />
KONFEKOOPeko lege-teknikaria<br />
Amets Ugalde Etxagibel<br />
MONDRAGON korporazioko aholkularitza juridikoaren arduraduna<br />
Xabier Iriondo Arana<br />
Eusko Jaurlaritzaren Gipuzkoako Lan eta Gizarte Segurantzaren Ordezkaritzako aholkularitza<br />
juridikoaren arduraduna<br />
9
LABURTZAPEN ETA LABURDUREN AURKIBIDEA<br />
AG. Auzitegi Gorena<br />
AGE. Auzitegi Gorenaren Epaia<br />
AJB. Aranzadi Jurisprudentzia Bilduma<br />
AKL. Andaluziako Kooperatiben Legea<br />
AL. Actualidad Laboral aldizkaria<br />
APGAL. Aseguru Pribatuak Gainbegiratzeko<br />
Antolamenduaren Legearen testu bategina<br />
onartzen duen Legegintzako Errege Dekretua<br />
APKL. Asturiasko Printzerriko Kooperatiben<br />
Legea<br />
art. artikulua<br />
AX. Azken xedapena<br />
AZAFA. 16/1997 Foru Araua, ekainaren 9koa,<br />
Arabako Kooperatiben Zerga Araubideari<br />
buruzkoa<br />
BBZA. Banku eta Burtsa Zuzenbidearen<br />
Aldizkaria<br />
BJKN. Botere Judizialaren Kontseilu Nagusia<br />
BJLO. Botere Judizialaren Lege Organikoa<br />
BML. Balio Merkatuaren Legea<br />
BORME. Merkataritza Erregistroaren Aldizkari<br />
Ofiziala<br />
BUKL. Balear Uharteetako Kooperatiben Legea<br />
BZAFA. 9/1997 Foru Araua, urriaren 14koa,<br />
Bizkaiko Kooperatiben Zerga Araubideari<br />
buruzkoa<br />
CEPES. Gizarte Ekonomiaren Espainiako<br />
Enpresen Konfederazioa<br />
CIRIEC. Gizarte eta Kooperatiba Ekonomiaren<br />
Aldizkari Juridikoa<br />
DPBLO. 3/2018 Lege Organikoa, abenduaren<br />
5ekoa, Datu Pertsonalak Babestekoa eta<br />
Eskubide Digitalak Bermatzekoa.<br />
e.b. esate baterako<br />
EAO. Estatuko Aldizkari Ofiziala<br />
EB. Europar Batasuna<br />
EBA. Europar Batasunaren Albisteak<br />
EBET. Europar Batasuna Eratzeko Tratatua<br />
EBFT. Europar Batasunaren Funtzionamenduari<br />
buruzko Tratatua<br />
EBJA. Europar Batasuneko Justizia Auzitegia<br />
EEB. Europako Enpresa Batzordea<br />
EEGB. Europako Ekonomia eta Gizarte Batzordea<br />
EEJA. Europako Erkidegoen Justizia Auzitegia<br />
EEP. Espainiako Ekonomiaren Paperak<br />
EGK. Ekonomia eta Gizarte Kontseilua<br />
EIET. Ekonomia Intereseko Europako Taldea<br />
EIETE. Ekonomia Intereseko Europako Taldea<br />
arautzen duen Erregelamendua<br />
EIT. Ekonomia Intereseko Taldea<br />
EK. Espainiako Konstituzioa<br />
EKEE. 59/2005 Dekretua, martxoaren 29koa,<br />
Euskadiko Kooperatiben Erregistroaren<br />
antolaketa eta funtzionamenduaren<br />
Erregelamendua onartzen duena<br />
EKGK. Euskadiko Kooperatiben Goren<br />
Kontseilua<br />
EKLE. 58/2005 Dekretua, martxoaren<br />
29koa, Euskadiko Kooperatiben Legearen<br />
Erregelamendua onartzen duena.<br />
EKS. Europako Kooperatiba Sozietatea<br />
EKSEE. Europako Kooperatiba Sozietateen<br />
Estatutuari buruzko Erregelamendua<br />
EMSL. Erantzukizun Mugatuko Sozietateen<br />
Legea<br />
ERKL. Errioxako Kooperatiben Legea<br />
ESA. Europako Sozietate Anonimoa<br />
ESAEE. Europako Sozietate Anonimoen Estatutua<br />
onartzen duen Erregelamendua<br />
EsEKP. Espainiako helbidea duen Europako<br />
Kooperatiben Legea<br />
ETAE. Arrazoi ekonomiko, tekniko, antolakuntza<br />
edo ekoizpenekoak<br />
ETE. Enpresa txiki eta ertainak<br />
EXKL. Extremadurako Kooperatiben Legea<br />
EXKSBL. Extremadurako Kooperatiba Sozietate<br />
Berezien Legea<br />
GEL. Gizarte Ekonomiaren Legea<br />
GKL. Galiziako Kooperatiben Legea<br />
GLKL. Gaztela eta Leongo Kooperatiben Legea<br />
GMKL. Gaztela-Mantxako Kooperatiben Legea<br />
GNAO. Gorte Nagusietako Aldizkari Ofiziala<br />
GZAFA. 2/1999 Foru Araua, maiatzaren 22koa,<br />
Gipuzkoako Kooperatiben Zerga Araubideari<br />
buruzkoa<br />
h.e. hainbat egile<br />
HL. Hipoteka Legea<br />
HZAK. Higiezinen Zuzenbidearen Aldizkari<br />
Kritikoa<br />
IFZ. Identifikazio Fiskaleko Zenbakia<br />
KA. Konstituzio Auzitegia<br />
KAE. Konstituzio Auzitegiaren Epaia<br />
KAU. Kooperatiba Azterlanen Urtekaria<br />
KbOE. Kostu bidezko ondare-eskualdatzea<br />
10
KEDEL. Kreditu Erakundeen Diziplina eta Eskuhartze<br />
Legea<br />
KEK. Kontsumitzaile eta erabiltzaileen<br />
kooperatibak<br />
KELTB. Kontsumitzaileak eta erabiltzaileak<br />
defendatzeko Lege orokorraren testu bategina<br />
eta beste lege osagarri batzuk onartzen dituen<br />
Legegintzako Errege Dekretua<br />
KKE. Kreditu Kooperatiben Erregelamendua.<br />
KOIPH. Kooperatiba-heziketa eta sustapenerako<br />
eta interes publikoko beste helburu batzuetarako<br />
ekarpena<br />
koord. koordinatzailea<br />
KP2010. Kontabilitate Plana (2010eko abendukoa)<br />
KPO. Kontabilitate Plan Orokorra (2007)<br />
KPZA. Konkurtso eta Parakonkurtso<br />
Zuzenbidearen Aldizkaria<br />
KSEE. Kooperatiba Sozietateen Erregistroaren<br />
Erregelamendua<br />
KSL. Kapital Sozietateen Legearen testu bategina<br />
onartzen duen Legegintzako Errege Dekretua<br />
KSLTB. Kapital Sozietateen Legearen testu<br />
bategina onartzen duen Legegintzako Errege<br />
Dekretua<br />
KZ/Kz. Kode Zibila<br />
KZAL. Kooperatiben Zerga Araubidearen Legea<br />
KZNEA. Kooperatiba Zuzenbidearen Nazioarteko<br />
Elkartearen Aldizkaria<br />
LCE. Euskadiko Kooperatiben Legea<br />
LELTB. Langileen Estatutuaren Legearen testu<br />
bategina<br />
LGS. Lanbide arteko Gutxieneko Soldata<br />
lib. liburukia<br />
MEE. Merkataritza Erregistroaren<br />
Erregelamendua<br />
MEKL. Madrilgo Erkidegoko Kooperatiben<br />
Legea<br />
MEKSL. Murtziako Eskualdeko Kooperatiba<br />
Sozietateen Legea<br />
MK. Merkataritza Kodea<br />
MSEAL. Merkataritza sozietateen egiturazko<br />
aldaketei buruzko Legea<br />
MUREKL. Murtziako Eskualdeko Kooperatiben<br />
Legea<br />
NE. Notariotzaren Erregelamendua<br />
NEF. Nahitaezko Erreserba Funtsa<br />
NKA. Nazioarteko Kooperatiba Aliantza<br />
NKFL. Nafarroako Kooperatiben Foru Legea<br />
NKL. Nafarroako Kooperatiben Legea<br />
NMAU. Notariotzaren Madrilgo Akademiaren<br />
Urtekaria<br />
NUML. Nekazaritzako Ustiategiak<br />
Modernizatzeko Legea<br />
NZKA. Nazioarteko Kontabilitate Arauak<br />
Op. opus<br />
or./orr. orrialdea/orrialdeak<br />
PAE. Probintzia Auzitegiko Epaia<br />
PZL. Prozedura Zibilaren Legea<br />
RDM. Merkataritza Zuzenbidearen Aldizkaria<br />
RDS/RdS. Sozietateen Zuzenbide Aldizkaria<br />
REVESCO. Kooperatiba Azterlanen Aldizkaria<br />
RGD. Zuzenbidearen Aldizkari Orokorra<br />
RHPE. Espainiako Ogasun Publikoaren Aldizkaria<br />
RJC. Kataluniako Aldizkari Juridikoa<br />
RJESC. Gizarte eta Kooperatiba Ekonomiaren<br />
Aldizkari Juridikoa<br />
RJN. Notariotzaren Aldizkari Juridikoa<br />
RVEA. Revista Valenciana d’Estudis Autonòmics<br />
S.A. sozietate anonimoa<br />
SAL. Sozietate Anonimoen Legearen testu<br />
bategina onartzen duen Legegintzako Errege<br />
Dekretua<br />
SE. Sozietate-eragiketak<br />
SPAJL. Sektore Publikoaren Araubide<br />
Juridikoaren Legea<br />
SUU. Sevillako Unibertsitatearen Urtekariak<br />
SZL. Sozietateen gaineko Zergaren Legea<br />
TLO. Tributuen Lege Orokorra<br />
TMAL. Txikizkako Merkataritza Antolatzeko<br />
Legea<br />
TOL. Tirant on line<br />
VEKL. Valentziako Erkidegoko Kooperatiben<br />
Legea<br />
VEKL. Valentziako Erkidegoko Kooperatiben<br />
Legea<br />
XG. Xedapen gehigarria<br />
XI. Xedapen indargabetzailea<br />
ZAE. Zuzendaritza Nagusiaren Ebazpenak<br />
zk. zenbakia<br />
ZK. Zigor Kodea<br />
ZMK. Zuzenbide eta Merkataritza Koadernoak<br />
ZZU. Zuzenbide Zibilaren Urtekaria<br />
11
SARRERA<br />
XX. mendeko azken urteen eta XXI. mendearen hasieraren bereizgarririk behinenak<br />
munduko ekonomiaren erabateko berregituraketa eta globalizazioa izan dira. Globalizazio<br />
horren alderdirik nabarmena dugu enpresa kapitalistek merkatuan jarduteko modua, merkatu<br />
horretan baliabideak azkar bai azkar mugitzeko gaitasuna dutela; horren ondorioz, hein handi<br />
batean, behintzat, etorkizunean ekonomia-mota hori gutiz gailenduko delako ustea zabaltzen<br />
ari da. Nolanahi ere, berregituraketa ekonomikoak oparotasun-iturri berriak sortzen dituen<br />
arren, argi dago beste batzuenak ahultzen eta makaltzen dituela, leku gehiegitan ahultzen<br />
ere –ez bakarrik hirugarren mundu deiturikoan−, pertsona aberats eta pobreen arteko aldea<br />
izugarri areagotuta.<br />
Ingurumari horren aurrean, kooperatibak berriro ere azaleratu dira, Rochdale hiriko<br />
lehen esperientzia hartatik beti egin izan duten bezala, kideen jarduera ekonomiko eta<br />
sozialak sustatzeko eta haien beharrak asetzeko enpresa gisa, bazkideon parte-hartze<br />
aktiboa sustaturik. Eta kooperatiben balioak garatzeko erabiltzen diren kooperatibismoaren<br />
printzipioak kontuan hartuta egiten dute hori guztia: borondatezko elkartze irekia; bazkideen<br />
kontrol demokratikoa; bazkideen parte-hartze ekonomikoa; autonomia eta independentzia;<br />
hezkuntza, prestakuntza eta informazioa; kooperatiben arteko lankidetza; eta komunitatesentimendua.<br />
Kooperatiben berezko balio horiek sortzen dituzten ondorio onuragarriak kooperatibek<br />
jarduera garatzen duteneko erkidegoz gaindikoak dira. Horrela, erabakiak hartzeko prozedura<br />
monopolistak apurtzen direnez gero, besteak beste, aukera-berdintasuna areagotzen da eta<br />
gizarte-ingurunearekiko konpromiso-maila handitzen da, antolaketa-portaeraren kulturak<br />
errazago barneratzen dira edo sistemarekiko konfiantza-maila handitzen da. Hala ikusi zuen<br />
Jose Maria Arizmendiarrieta jaunak ere bai, kooperatiben berezko ezaugarria den partaidetza<br />
enpresara mugatu behar ez dela adierazi zuenean. Izan ere, neutraltzat jotzen bada ere,<br />
kooperatibismoak ez du bizitza publikotik alde egin behar. Egintza kooperatiboa gizartegertakaria<br />
ere bada, eta, horren ondorioz, etengabe moldatuz eta bilakatuz doa, betiere<br />
gizakien eta komunitatearen ongizatea xede duelarik.<br />
Jarduera-sektore horren garrantzia eta herriaren ongizateari egiten dion ekarpena aitortuta,<br />
Eusko Legebiltzarrak tresna juridiko berekia eta doia eman zion, abenduaren 18ko 3/1979<br />
Lege Organikoaren bidez onartu zen Euskal Autonomia Erkidegoko Autonomia Estatutuaren<br />
10.23 artikuluak era esklusiboan esleitu zion eskumena garatze aldera. Kooperatibei buruzko<br />
otsailaren 11ko 1/1982 Legearen bidez egin zuen hori. Lege horrek, segurtasun juridikoa<br />
emateaz gain, euskarri eman zien enpresa-proiektu garrantzitsuei, batez ere, lan elkartuaren<br />
sektorean.<br />
Euskadiko Kooperatiben ekainaren 24ko 4/1993 Legearen bidez, legelariak sakoneko<br />
berrikuntza ezarri zuen sozietate horien ordenamendu arautzailean; berrikuntza hori garrantzi<br />
handikoa izan zen gure zuzenbide konparatuan, sektorearen eraberritze mardula ekarri baitzuen<br />
enpresa-errealitatera eta Europako Ekonomia Erkidegoaren zuzentarauetara egokitzeko. Lege<br />
horrek testu artikulatu zehatza garatu zuen, aurreko legearenak baino askozaz ere luzeagoa.<br />
Lehengo legearena, hain zuzen ere, laburra eta irekia zen eta kooperatiba bakoitzaren<br />
autonomia indartu nahi zuen. Esan bezala, 4/1993 Legeak kooperatibaren eraginkortasuna<br />
13
izan zuen helburu enpresa-mailan, batez ere, finantza- eta kudeaketa-alderdien inguruan, eta<br />
segurtasuna eman zion euskal kooperatiben mugimenduari une horretan heldu beharreko<br />
erronkei aurre egiteko.<br />
4/1993 Legea hainbat aldiz aldatu da, alderdi espezifiko batzuk direla eta: 1/2000 Legea,<br />
ekainaren 29koa, Euskadiko Kooperatiben Legea aldatzen duena; 8/2006 Legea, abenduaren<br />
1ekoa, Euskadiko Kooperatiben Legea bigarrenez aldatzen duena; eta Euskadiko Kooperatiba<br />
Sozietate Txikiei buruzko ekainaren 25eko 6/2008 Legearen laugarren xedapen gehigarria,<br />
hain zuzen, 4/1993 Legearen 67. eta 68. artikuluak aldatzen dituena. Gainera, legearen<br />
garapen orokorreko erregelamendua ere onartu eta argitaratu da, martxoaren 29ko 58/2005<br />
Dekretuaren bidez.<br />
Indarrean dagoen Euskadiko Kooperatiben 11/2019 Legearen arrazoia dugu, lege horren<br />
zioen azalpenean ondo adierazten den legez, 4/1993 Legea denboraren poderioz aldatu<br />
duten aipatutako lege-testuak eta, bereziki, Euskadiko Kooperatiba Sozietate Txikiei<br />
buruzko ekainaren 25eko 6/2008 Legea bateratu beharra; hori guztia, indarrean dagoen<br />
araua identifikatzeko eta aplikatzeko sistematikotasun eta erraztasunaren kariaz. Hala<br />
eta guztiz ere, testu bakarra onartu ahal izateko, harmonizazio-lan osagarria egin behar<br />
izan da, batik bat, terminologiari eta arrazoiaren identitateari nahiz irtenbide juridikoei<br />
dagokienez, kasu batzuetan, eta, beste batzuetan, zehaztugabeak diren edo aplikatzean<br />
zalantzagarriak izan daitezkeen arauzko elementuei gagozkiela. Argibide horretan, helburu<br />
beharrezkoak gehitu behar izan dira unean-unean behar bezala interpretatzeko, baina horrek<br />
ez du inolako aldaketarik sorrarazi jatorrizko esanguran eta xedean, batez ere, kooperatiben<br />
araudi konparatuari eta euskal kooperatiben bilakaeran antzemandako behar jakin batzuei<br />
erreparatzen badiegu.<br />
Araua interpretatzen laguntzeko testuinguru horretan aurkeztu behar dut “Kooperatiben<br />
Legeari buruzko iruzkinak. Euskadiko Kooperatibei buruzko abenduaren 20ko 11/2019<br />
Legearen testu artikulatuari buruzko iruzkinak” deritzon lana, Euskadiko Kooperatiben<br />
Goren Kontseiluak (CSCE-EKGK) unean-unean indarrean dagoen testu arauemaileari<br />
buruzko iruzkin juridikoa editatzeko zereginaren ildoan. Zeregin hori 1999an hasi zen,<br />
4/1993 Legeari buruzko glosa argitaratu zenean. Bada, aurreko argitalpen horretan ere<br />
gertatu bezala, lan hau inguruabar bereziz jantzita dator, landu duten egileengatik, kaleratu<br />
den uneagatik eta zalantzarik gabe izango duen erabilgarritasunagatik.<br />
Iruzkin honen egileei dagokienez, aitortu behar dut talde-lan edo obra kolektibo batean<br />
parte hartu duten legelarien zerrendarik handiena biltzea lortu dela, behintzat, gure ingurune<br />
hurbilean. Horrek ez du esan nahi kooperatiba-sozietateen inguruan lanean dabiltzan ospe<br />
handiko beste legelari batzuk ez daudenik, baina zalantza barik esan dezakegu iruzkinean<br />
parte hartzen duten hogeita bost legelari horien taldea dela glosa hau banatzen deneko azpiatal<br />
bakoitzean aurki genezakeen aukerarik onena. Izan ere, egileok nor bere espezialitatearen<br />
eremuan paratzeko ahalegina egin dugu, hots, kooperatiba-sozietateen zuzenbidearen<br />
baitan, noren lanbide-jardunari ondoen egokitzen den arloan. Horretarako, mugimendu<br />
kooperatiboari lotutako profesionalak, unibertsitateko kideak, jarduneko abokatuak,<br />
Arbitraje Kooperatiboko Euskal Zerbitzuko arbitroak, elkartze kooperatiboko ordezkariak,<br />
Eusko Jaurlaritzakoak eta, jakina, Euskadiko Kooperatiben Goren Kontseilukoak izan ditugu<br />
iruzkingile. Egileen aukeraketari eta horiek garatutakoari buruzko emaitza irakurlearen iritzira<br />
utziko dut, baina sarrerako lerro hauek baliatuz, haien prestutasun, egindako ahalegin eta<br />
eskainitako orduengatik eskerra eman nahi ditut, ziur aski, iruzkin horietan batzen direlako,<br />
14
nik uste, guk guztiok ditugun grinetako bi, hau da, zuzenbidea eta kooperatibismoa. Nolanahi<br />
ere, oinarrizko egitura eta funtsezko sistematikaren gaineko antolaera bazter utzirik, testuek<br />
zintzoki islatzen dute iruzkingile bakoitzaren irizpen intelektual askea. Legelari batek,<br />
ez bestek, badaki kontzeptu horiek ebaluatzen, eta egitate hori lanaren hasierako oinarri<br />
eztabaidaezina izan da. Horregatik, glosaren atalok egile bakoitzaren azterketa-ikuspegi<br />
bereziari lotzen zaizkio. Edonola ere, argi esan behar da pertsona bakoitzaren askatasunak<br />
garamatzala begirada juridiko berezi horretara.<br />
Liburu hau, une horrek ere lerro batzuk merezi ditu, egileei emandako enkarguak eta<br />
ondoko lana munduan pairatzen ari garen izurrite baten baitan gauzatu direlako. Segurutik,<br />
iruzkingile askok beti gogoratuko dute lan honetako testuak konfinamenduan idatzi direla<br />
edo, bestela, gure osasun-agintariek ezarritako murrizketa garrantzitsuen esparruan, eta<br />
gu guztiok apurka-apurka ohitu gareneko koordinazio-bilera telematikoak baliatuz. Ildo<br />
horretan, azpimarratu nahi dugu gaur egungo egoerak balioa ematen diela pertsonen arteko<br />
elkartasunari, komunitatearen garrantziari eta egun gizarte gisa pairatzen ari garen arazo<br />
larriari irtenbidea aurkituko dugulako itxaropenari.<br />
Beste alde batetik, arestian esan dugunez, gure asmo nagusia izan da lana baliagarria<br />
izatea. Horixe dugu, hain zuzen ere, Euskadiko Kooperatiben Goren Kontseiluak, Euskal<br />
Autonomia Erkidegoan euskal kooperatibismoa sustatzeko eta hedatzeko erakunde gorena<br />
den aldetik, glosa proposatu, koordinatu eta argitaratzeko egin duen ahalegina bidezkotu<br />
duen arrazoia. 11/2019 Legeak, besteak beste, arauzko elementu jakin batzuk argitu nahi<br />
zituen, baina honako lan hau harago doa, legearen testu artikulatua garapen didaktiko baten<br />
bidez azaldu nahi baitu, euskal kooperatibismoa bera hobeto gara dadin. Gainera, iruzkin<br />
honek beste legegile batzuei argibide eta etorbide gisa balio die, horren arrazoi nagusia<br />
ez da nirekin batera jardun duten iruzkingileen ekarriari, ezpada, 11/2019 Legea eman<br />
duen euskal legegileari, bai eta gure enpresei nazioarteko ospea eman eta ematen dieten<br />
kooperatibetako kideei ere. Egiari zor, hori aitortzea eskerrak emateko moduko aitortza<br />
da, arrisku partekatutik abiatuta, egunero-egunero gure herrian enplegua eta aberastasuna<br />
sortzeko ekimenak garatzen ahalegintzen diren emakume eta gizonentzat. Pertsona horiei<br />
guztiei eskaini behar dizkiet lerro hauek.<br />
Azkenik, eskerrak eman nahi dizkiot CSCE-EKGKri glosa hau zuzentzeko aukera<br />
eman didalako. Erakunde honetako letraduak ez dauka harro egoteko zergati ederragorik,<br />
indarrean dagoen Kooperatiben Legea hizpide hartuta, legelari onenen lana koordinatzeak<br />
baino. Nolanahi ere den, testuon arrakasta, ezbairik gabe, haiena da, eta irakurleak antzeman<br />
ditzakeen akatsak, berriz, zuzendari honenak, ziurtasun osoz.<br />
Santiago Merino Hernández<br />
CSCE-EKGK-ko letradua eta glosaren zuzendaria<br />
15
1. XEDAPEN OROKORRAK *1<br />
1.1. Alderdi orokorrak<br />
1. artikulua.– Kontzeptua.<br />
1.– Kooperatiba da enpresa bat garatzen duen sozietatea, zeinaren lehentasuneko<br />
helburua baita bere kideen jarduera ekonomiko eta sozialak sustatzea eta haien<br />
beharrak beren parte-hartze aktiboaren bitartez asetzea, kooperatibismoaren<br />
printzipioak betez eta inguruko komunitateari erantzunez.<br />
2.– Kooperatibak Nazioarteko Kooperatiba Aliantzaren kooperatiba-printzipioetara,<br />
zeinak lege honen esparruan aplikatuko baitira, egokitu beharko ditu bere egitura<br />
eta funtzionamendua.<br />
Lege honen barruan, bestelako edozein antolakunde eta entitate publiko edo<br />
pribaturekiko autonomia eta independentzia osoz jardungo du.<br />
3.– Kooperatibek edozein jarduera ekonomiko edo sozial gauzatu ahal izango dute, salbu<br />
eta kooperatibismoaren oinarrizko eskakizun eta printzipioekin bat ez etortzeagatik<br />
legean espresuki debekatzen bada.<br />
2. artikulua.– Izena.<br />
1.– Kooperatibek beren izenean nahitaez sartu beharko dituzte «kooperatiba-sozietatea»<br />
hitzak edo «Koop. S.» laburdura.<br />
2.– Ezin izango da lehendik dagoen sozietate baten izen bera jarri. Sozietatearen<br />
izena baliozkoa izateko, beste baldintza osagarri batzuk ezarri ahal izango dira<br />
erregelamenduz.<br />
3.– Beste inolako entitatek ezin izango du erabili «kooperatiba» hitza edo «koop.»<br />
laburdura, edozein dela ere entitatearen mota edo izaera, publikoa edo pribatua,<br />
salbu eta xedapenen batek espresuki hartara behartu edo hartarako baimena ematen<br />
dion kasuan.<br />
3. artikulua.– Egoitza soziala.<br />
Euskal Autonomia Erkidegoaren lurraldearen barruan egongo da kooperatibaren egoitza<br />
soziala, bere bazkideekiko jarduera gehienak egiten dituen lekuan edo administraziokudeaketa<br />
eta enpresa-zuzendaritza zentralizatzen dituen lekuan.<br />
4. artikulua.– Gutxieneko kapital soziala.<br />
Gutxieneko kapital soziala ezin izango da hiru mila (3.000) euro baino gutxiagokoa izan,<br />
eta eurotan adieraziko da. Kooperatiba sortzen den une beretik ordainduta egon beharko<br />
da gutxieneko legezko kapital horri dagokion kopuru osoa.<br />
* Alfredo Ispizua Zuazua jaunak, Euskadiko Kooperatiben Erregistroaren arduradunak, egindako iruzkina.<br />
17
XEDAPEN OROKORRAK<br />
1.1.1. Sarrera<br />
I. tituluko I. kapituluak argiro erakusten digu 2019 legegilearen asmoa, zioen azalpenean<br />
iragarri eta azaldutakoa: orain arte indarrean egon den ekainaren 14ko Euskadiko<br />
Kooperatiben 4/1993 Legearen oinarrizko egitura material eta formalari eustea, aurreko<br />
Kooperatibei buruzko otsailaren 11ko 1/1982 Legearen aldean, nabarmen zehaztu eta hobetu<br />
zena, orduko ingurumari ekonomiko eta sozialarekin bat zetozen erantzun juridiko jakin<br />
batzuk txertatuta, 26 urte geroago.<br />
Izan ere, 1993an diseinatutako arkitektura juridikoari oratzen dion araudi berriaren<br />
helburuak, labur-zurrean emanda, honako hauek dira:<br />
4/1993 Legearen zenbait lege-aldaketa testu arau-emaile bakar batean bildu eta bateratzea,<br />
hala nola:<br />
1/2000 Legea, ekainaren 29koa, Euskadiko Kooperatiben Legea aldatzen duena;<br />
8/2006 Legea, abenduaren 1ekoa, Euskadiko Kooperatiben Legea bigarrenez aldatzen duena;<br />
Euskadiko Kooperatiba Sozietate Txikiei buruzko ekainaren 25eko 6/2008 Legearen<br />
laugarren xedapen gehigarria, 4/1993 Legearen 67. eta 68. artikuluak aldatzen dituena.<br />
Gainera, araua prestatzeko legebiltzarraren izapidean, Euskadiko Kooperatiba Sozietate<br />
Txikiei buruzko ekainaren 25eko 6/2008 Legea bera jasotzen eta barneratzen da, aldaketa<br />
txiki batzuk eginda, 11/2019 Legearen zortzigarren xedapen gehigarrian, dokumentu<br />
elektroniko bakarrari dagokionez.<br />
Zioen azalpenak arau berrian txertatu izana justifikatzen du sistematikotasun-arrazoiengatik<br />
eta indarreko arauaren identifikazioa eta aplikazioa errazteko xedez; azken batean,<br />
kooperatibari buruzko arauaren aplikazioari lotutako interpretazio-arrazoiengatik.<br />
Bestalde, zenbait erregelamendu-garapen onartu eta argitaratu dira, eta unean-unean kontuan<br />
hartu dira horietan jasotako zenbait alderdi arau-mailaz igotzeko, lege-erregulazioaren<br />
berezkotzat jo baitira:<br />
Legearen garapen orokorreko erregelamendua, martxoaren 29ko 58/2005 Dekretuaren<br />
bidez onartutakoa;<br />
Euskadiko Kooperatiben Erregistroaren antolaketa eta funtzionamenduaren<br />
Erregelamendua, martxoaren 29ko 59/2005 Dekretuaren bidez onartutakoa;<br />
64/1999 Dekretua, otsailaren 2koa, onura publikoko kooperatiba-sozietateen prozedurari<br />
eta betekizunei buruzko Erregelamendua onartzen duena.<br />
61/2000 Dekretua, apirilaren 4koa, Gizarte Ekimeneko Kooperatibak arautzen dituena<br />
(dekretu horren edukiaren zenbait alderdik legezko finkapena merezi dute).<br />
Horrela, argiago eta ulergarriago bihurtzen da aplikatu beharreko kooperatibari buruzko<br />
araudia.<br />
Sozietate-mota horren eraginkortasunaren eta baliozkotasunaren funtsezko alderdi<br />
erabakigarriak argitzea, enpresa sortzeko aukera demokratiko eta solidario gisa, hala nola<br />
bazkideek hartzen duten erantzukizuna sozietatearen zorrengatik: bazkideen erantzukizuna<br />
eta galeren egozpena.<br />
Kooperatiba-mota jakin batzuen lege-konfigurazioa berrikustea, kooperatiba-araubide<br />
18
XEDAPEN OROKORRAK<br />
organiko eta funtzionalerako egokitzapena ahalbidetzeko ez ezik, bermatzeko helburuz,<br />
kasurako, etxebizitza-kooperatiben eta lan elkartuko garraio-kooperatiben kasuan bezala.<br />
Kooperatiben arloan, administrazioaren sustapen- eta kontrol-jarduera egungo ingurune<br />
juridiko, ekonomiko eta instituzional orokorrera egokitzea, bai eta euskal kooperatibek<br />
sozietate gisa duten garapen-mailara ere, sozietate horien nortasunaren berariazkotasuna,<br />
hots, gizarte-interesekotzat jotzea legitimatzen duena, identifikatuz, sustatuz eta bermatuz.<br />
Etenik gabe eta azkar bai azkar bilakatzen den sozietateen inguruko zuzenbidearen<br />
gidalerro orokorrak txertatzea; esaterako, gobernu korporatiboaren arauketa.<br />
Alderdi jakin batzuen autoerregulazioa estatutuen bidez edo barne-araubideko<br />
erregelamenduaren bidez ahalbidetzea edo, hala badagokio, errespetatzen eta indartzen duen<br />
kooperatiba-mugimenduaren barruan.<br />
Arauaren koherentziari, interpretazioari eta aplikazio praktikoari laguntzen dioten hainbat<br />
doikuntza eta hobekuntza juridiko-tekniko txertatzea. Zioen azalpenak irtenbide horien<br />
guztien berri ematen du luze eta zabal, eta araudia gero eta globalizatuagoa den nahiz etengabe<br />
eta azkar bai azkar bilakatzen den errealitate ekonomiko batera egokitu beharrari erantzuten<br />
diote. Egoera horri aurre egiteko, enpresak ez ezik, enpresa horiei lotuta jarduten duten<br />
sozietate-motak ere lehiatzen dira; hori dela eta, euskal legegileak ulertu du kooperatibei<br />
euren izaera eta xedearekin bat datozen tresna juridikoak eman behar zaizkiela, enpresagaitasuna<br />
errazteko xedez.<br />
Laburrean aipatu dugun eta 1993an ezarritako eredu kooperatiboa errespetatzen duen<br />
legegintza-politikaren proposamenaren ondorioz, ez dira aldatu, I. tituluaren I. kapituluan,<br />
hizkuntza ez-sexista aplikatzearen ziozkoa harago, honako artikulu hauek: 2. Izena;<br />
3. Egoitza soziala eta 4. Gutxieneko kapital soziala; beraz, zeharo indarrekoa da 4/1993<br />
Legearen iruzkinean agertutako eta azaldutakoa.<br />
Ildo beretik, 1, 5 eta 6. artikuluei dagokienez, arau berriaren ondorioz aldatu ez den zatia<br />
dagoeneko iruzkinduta dago eta, beraz, azaltzen dena alderdi berriei buruzkoa izango da.<br />
1.1.2. 1.2. artikulua<br />
1.1.2.1. Berrikuntza nagusiak aurreko araudiaren aldean<br />
Legearen berrikuntza nagusia hauxe dugu: printzipio kooperatiboak Nazioarteko<br />
Kooperatiba Aliantzak aldarrikatutakoak dira, hau da, 1995. urtean, Manchesterreko<br />
kongresuan berariaz ezarritakoak. Euskal Talde Popularraren zuzenketa batetik dator,<br />
Legebiltzarraren egoitzan egindako izapidetzearen bidez.<br />
Zioen azalpenean azpimarratzen denez, jarraibideak dira kooperatibek beren balioak<br />
praktikan jartzeko, eta berariaz adierazten ditu balio horiek: bazkideen kontrol demokratikoa,<br />
beraien partaidetza ekonomikoa, autonomia eta independentzia, hezkuntza, prestakuntza eta<br />
informazioa, kooperatiben arteko lankidetza eta komunitatearen aldeko sentimendua.<br />
Bestetik, gaineratzen du printzipio eta balio horiek gizarte-ekonomiaren esparru zabalagoan<br />
nabarmendu behar direla, eta errealitate egiaztatutzat jotzen du haren kuantifikazioan,<br />
enpresa-bikaintasunean eta gizarte-onura eztabaidaezin eta itxaropentsuan; bertan txertatzen<br />
da, hura osatzen duten egitate bat den aldetik, Gizarte Ekonomiari buruzko martxoaren 29ko<br />
19
XEDAPEN OROKORRAK<br />
5/2011 Legearen arabera (5. artikulua), eta haren balioak eta printzipioak “jarraibide” gisa<br />
kalifikatuta daude (4. artikulua), kooperatibismoaren printzipio historikoetan funtsatzen<br />
baitira. Nolanahi ere, arau horrek aditzera ematen du gizarte-ekonomiako erakundeak euren<br />
arau oinarrizko eta berariazkoen bidez arautuko direla.<br />
Egia esatera, kooperatiba-sozietatea arautzen duen lehenengo tituluak oreka bilatzen du,<br />
sozietate-mota berezi horren izaera kooperatiboaren −haren balioetan islatuta− eta enpresajarduera<br />
errazteko bidearen arteko ezkontza; bi alderdi horiek etengabeko ika-mikan daude<br />
eta, aplikazio praktiko luzean, kooperatiba-izaera bereizgarriaren nolabaiteko lausotzea ekar<br />
lezakete.<br />
Horregatik, kooperatibaren definizioan (1. artikulua) kooperatiba-printzipioetara<br />
berariaz jotzeak, gainera, sozietate-mota berekia zilegitzen duen kooperatibaren nortasuna<br />
azpimarratzeko balio du, , haren aplikazioa indartzeko.<br />
1.1.2.2. Berrikuntzaren izaera eta indarra<br />
Egia esatera, berrikuntza formala da; izan ere, 4/1993 Legeak ezartzen zuen printzipio<br />
kooperatiboetara jotzea, besterik gabe, uler eta aplika zitekeen, nahiz eta horretan berenberegi<br />
aipatu ez.<br />
1.1.2.3. Esanahi praktikoa<br />
Hala ere, arau berriak egindako lan osagarriak, interpretazio-ondorio praktikoetarako,<br />
1993an sartutako aipamenari eusten dio: printzipioak lege honen esparruan aplikatuko dira.<br />
Hau da, legearen arauketa zehatzak interpretatzen du nola aplikatu behar diren aplikatzen<br />
zaien kooperatibetan. Nolanahi ere, informazio-izaerako funtzionalitate juridikoa betetzen<br />
dutela ulertu behar da, Kode Zibilaren 1.4 artikuluak Zuzenbidearen printzipio orokorren<br />
ildoan xedatzen duenaren antzekoa.<br />
Bestalde, manua urratzeak arau-hauste oso astuna dakar (159.2.c) artikulua), betiere arauhaustea<br />
agerikoa bada −1993ko arauak ez zekarren halako kalifikaziorik−; beraz, ulertu behar<br />
dugu sozietatearen ohiko funtzionamenduan eta antolamenduan printzipio kooperatiboak<br />
behar bezala ez betetzea hainbesterainoko urratzea da, ezen ezin da kooperatibatzat jo.<br />
Izaera hori bereziki larria da kooperatiba-printzipioen arau-hausteari dagokionez, eta<br />
berretsi egiten da urratze hori kooperatibaren kalifikazioa kentzeko arrazoia bada; izan<br />
ere, 11/2019 Legearen 161. artikuluaren 1. zenbakiaren a) letrak esanguratsua izan dadila<br />
galdatzen du, behin eta berriro gertatzeaz gainera. Garrantzi hori ez zen agertzean lehenago<br />
indarrean zegoen arauan, eta adierazgarria da Euskadiko legelariak, 2019an, kooperatiba<br />
deskalifikatzeko arrazoia berariaz jaso nahi izatea inguruabar horren zioz, oso larria baita<br />
deskalifikazio-prozedura has dadin.<br />
Ikuspegi instituzionaletik, Euskadiko Kooperatiben Goren Kontseiluak esleituta dauka<br />
printzipio kooperatiboak betetzen direla zaintzeko eginkizuna –eta eskumen hori garatu<br />
behar da−, batez ere, kontrol demokratikoa eta bazkideen parte-hartze ekonomikoa (11/2019<br />
Legearen 165.2.c) artikulua; hori guztia garatu behar da, legez aitortuta dituzten eskumenak<br />
20
XEDAPEN OROKORRAK<br />
baliatuz, Eusko Jaurlaritzari edo beste administrazio publiko batzuei doakien ikuskaritzaeginkizunari<br />
kalterik egin gabe, 11/2019 Legearen 158. artikuluari jarraiki. Txertaturiko<br />
berrikuntzak indartu egiten du Kontseiluaren eta Administrazioaren arteko lankidetzaren<br />
eginkizun orokorra, 1993ko legegileak orduan esleitzen zituen printzipio kooperatiboak<br />
zabaltzeaz gain, betearazteko, (145.2.c) artikulua).<br />
1.1.2.4. Beste arau aplikagarri batzuk<br />
Estatuko Kooperatiben uztailaren 16ko 27/1999 Legearen 1.1 artikuluak Nazioarteko<br />
Kooperatiba Aliantzaren berariazko aipamena jasotzen du, organo hori kooperatibaprintzipio<br />
guztien sorburu den aldetik, eta eduki bera du, arauaren arabera aplikagarria<br />
delako aipamena barne; beraz, ez du 11/2019 Legearen 1.2 artikuluaren gaineko ekarpenik<br />
egiten, ez eta artikulua osatzen ere.<br />
1.2. Hirugarren ez-bazkideekiko eragiketak<br />
5. artikulua.– Hirugarren ez-bazkideekiko eragiketak.<br />
1.– Kooperatibek bazkide ez diren pertsonekin egin ahal izango dute beren kooperatibajarduera,<br />
betiere lege honetan eta kooperatibaren estatutuetan ezarritakoaren<br />
mugetan.<br />
2.– Baldin eta kooperatibak bere bazkideekin eta bazkide ez diren pertsonekin dituen<br />
eragiketek, legearen baldintza eta mugen barruan, enpresaren jarduera gutxitzea<br />
edo kaltetzea eragiten badute, kooperatibari ezin egotzi dakizkion arrazoiengatik,<br />
eta gutxitze edo kaltetze horrek kooperatibaren bideragarritasun ekonomikoa<br />
arriskuan jartzen badu, baimena eman ahal izango zaio kooperatibari bazkide<br />
ez diren hirugarrenekiko jarduerak edo zerbitzuak hasteko edo lehendik dituenak<br />
handitzeko, betiere baimenak, unean uneko zirkunstantzien arabera, ezartzen duen<br />
epean eta zenbatekoan. Aipatutako baimena eman dela ulertuko da kooperatibak<br />
baimena eskatu eta hilabetera Eusko Jaurlaritzan lan-arloko eskumena duen sailak<br />
espresuki ebazpena eman ez badu.<br />
3.– Nolanahi ere, kreditu- eta aseguru-kooperatibek aplikagarri zaien finantza- eta<br />
aseguratze- jardueraren arloko araudian ezarritako betekizun eta mugak bete<br />
beharko dituzte bazkide ez diren pertsonekiko eragiketetan.<br />
1.2.1. Berrikuntza nagusiak aurreko araudiaren aldean<br />
Genero-hizkerari lotutako doikuntza teknikoez gain, 5. artikuluak aldaketa bana txertatu<br />
ditu 1. Eta, batez ere, 3. zenbakietan.<br />
Horrela, 1. zenbakian, kooperatibak bazkide ez diren hirugarren pertsonekin egin dezakeen<br />
jardueraren izaera osagarri edo mendekoari buruzko aipamen orokor eta berariazkoa ezabatu da.<br />
Legezkotasun-printzipioari eutsi zaio; hortaz, bidezkotzat jotzen da berariaz debekatuta<br />
ez dagoena. Irizpide hori beste alderdi batzuei ere aplikatzen zaie, hala nola kooperatiba<br />
21
XEDAPEN OROKORRAK<br />
bihurtzeari (11/2019 Legearen 90.1 artikulua) edo bat-egite bereziei (11/2019 Legearen 87.1<br />
artikulua). Aztertutako kasuan, beraz, lege-idazketa berria dela bide, kooperatiba-jarduera<br />
garatu ahal izango da, legeak eta estatutuek ezarritako mugak besterik ez dituela.<br />
Bestalde, 3. zenbakiak berariaz zehazten du aurreko arauak “finantza-jarduerari” buruz<br />
egiten zuen aipamena, 11/2019 Legearen 124. artikuluak arautzen dituen aseguru-kooperatibei<br />
gagozkiela. Testuak dioenez, aseguru-jarduera arautzen duen sektoreko arauak ezartzen dituen<br />
betekizunak eta mugak bete behar dituzte aseguru-kooperatibek, bai estatuaren eskumenekoa<br />
den oinarrizko araua, bai autonomia-erkidegoen eskumeneko den garapen-araua.<br />
1.2.2. Berrikuntzaren izaera eta indarra<br />
1. zenbakiari dagokionez, arauak eragiketa-askatasuna nabarmendu nahi badu ere, 1993.<br />
urtean, Kooperatibei buruzko otsailaren 11ko 1/1982 Legearen aldean gertatu zen irekieraren<br />
zentzu berean, kasu zehatz horretan, sozietatearen estatutuen bidez, zeinek bere buruari<br />
mugak jartzeko aukerari eutsi dio.<br />
Ildo horretako estatutu-xedapenik ez badago, muga bakarrak legezkoak izango dira, hau<br />
da, 11/2019 Legeak ezarritakoak edo, hala badagokio, sektorialak; hala ere, ez da beharrezkoa<br />
izango estatutuek berariaz adieraztea hirugarrenekin kooperatiba-jarduerak eta -zerbitzuak<br />
egiteko aukera ahalbidetzen dela, Kooperatibei buruzko uztailaren 16ko 27/1999 Legearen<br />
4.1 artikuluak xedatzen duen bezala, izaera mutualista nabarmenarekin.<br />
3. zenbakiari dagokionez, berriz, idazketa berriak ez dakar kooperatiba-mota horiei<br />
aplikatu beharreko zuzenbide-iturriak funtsean aldatzerik; izan ere, aseguru-kooperatibak,<br />
kreditu-kooperatibekin batera (11/2019 Legearen 123. artikulua), lege berriaren II. tituluaren<br />
I. kapituluko 8. atalean araututa daude, finantza-kooperatiben epigrafean.<br />
1.2.3. Esanahi praktikoa<br />
Sozietatearen xedeari lotutako jarduerarekiko mendekotasun- edo osagarritasun-irizpidea<br />
kualitatiboki ezar daiteke (jarduera osagarriak, kooperatibaren jarduera nagusiaren<br />
aurrekontua edo ondorioa, sozietatearen helburuaren barruan), baita kuantitatiboki ere.<br />
Nolanahi ere, egiazko irekiera desmutualizatzailearen maila neurtzeko, kooperatiba-mota<br />
guztietan hirugarrenekin egindako eragiketen idazketa zehatzera jo behar da. Eragiketa<br />
horiek 11/2019 Legearen II. tituluko I. kapituluan araututa daude.<br />
Ildo horretan, lege berriak berrikuntza txiki batzuk txertatu ditu nekazaritza- eta<br />
elikagaigintza-kooperatibei dagokienez (113.1 artikulua) edo etxebizitza-kooperatibei<br />
dagokienez (117.2.3 artikuluaren azken lerroaldea; oro har, baina, 1993an ezarritako mugei<br />
eutsi die). Kooperatibaren jardueraren oinarrizko izaera mutualistak badirau.<br />
Egia esatera, atal horretan, bazkide batzuek euren beharrizanei erantzuteko batera sortzen<br />
duten enpresa erkidearen komunitatearen kontzeptuaz jarduten da, hirugarrenekiko eragiketak<br />
lotzen direneko irabazi-asmoaren aurka. Gogoeta horrek isla historiko argia izan du batzuen<br />
eta besteen zerga-tratamenduan; nolanahi ere, gaur egun, tratamendu hori bateratuta dago<br />
euskal foru-lurraldean.<br />
22
XEDAPEN OROKORRAK<br />
Horregatik beragatik, ez da beharrezkoa kontabilitate bereizia izatea emaitzak<br />
zehazterakoan, 27/1999 Legearen 57.3 artikuluak galdatzen duen bezala.<br />
Horren haritik, kontzeptu biak lotzen baditugu: zerga-onurak eta kontabilizazio bereizia,<br />
Estatuko arauaren seigarren xedapen gehigarriak arautzen du zerga-arloan babestutako<br />
kooperatibaren izaeraren galera, bazkide ez diren hirugarren pertsonekin egindako eragiketa<br />
kooperatibizatuak bereizita kontabilizatzen ez badira.<br />
1.2.4. Beste arau aplikagarri batzuk<br />
Aipatutako irtenbide juridikoa ez dator bat Estatuko erregulazioarekin, hots, Estatuko<br />
Kooperatibei buruzko uztailaren 16ko 122/1999 Legearen 4. artikuluak emandakoarekin;<br />
hala eta guztiz ere, funtsezko aurrerapena dakar aurreko erregulazioarekin alderatuta, bada,<br />
abenduaren 52/1974 Legea garatzen zuen azaroaren 16ko 2710/1978 Errege Dekretuaren 10.<br />
Artikuluarekin alderatuta.<br />
Hain zuzen ere, estatu-mailan legeak ematen dituenaren iritziz, hirugarrenekiko<br />
kooperatiba-jarduerak eta -zerbitzuak egin ahal izateko, beharrezkoa da sozietatearen<br />
estatutuetan berariaz hala araututa egotea, kooperatiben legeak berak eta beste arau sektorial<br />
batzuek ezarritako baldintzen eta mugen barruan. Ondorioz, ez da osagarria.<br />
1.3. Sekzioak<br />
6. artikulua.– Sekzioak.<br />
1.– Estatutuetan, jarduera ekonomiko eta sozial espezifikoak –helburu sozialaren<br />
barrukoak–egiten dituzten sekzioen existentzia eta funtzionamendua erregulatu ahal<br />
izango dira; sekzio horiek kudeaketarako autonomia izango dute, hargatik eragotzi<br />
gabe kooperatibaren erantzukizunaren izaera orokorra eta bateratua. Kontabilitate<br />
independentea eramango dute beti, nahiz eta kontabilitate orokorra kooperatibari<br />
dagokion.<br />
2.– Estatutuetan, honako hauek definituko dira:<br />
a) Zer arlo edo jarduera sartu diren sekzioaren barruan.<br />
b) Zenbat denbora jardungo duen sekzioak modu berezituan, baldin eta denbora<br />
hori mugatua bada.<br />
c) Zer irizpide ezarri diren sekzio bakoitzari dagokion ondarea zehazteko.<br />
d) Hala badagokio, zer irizpide erabili diren kontabilitate bereizia ezartzeko.<br />
e) Zer irizpide erabiliko diren jarduera kooperatibizatua neurtzeko, sekzio<br />
horretako soberakin positibo eta negatiboen banaketa bereizia egin behar<br />
denean.<br />
f) Zein den araubide organikoa eta zer harreman duen sekzioak kooperatibaren<br />
administratzaileekin.<br />
3.– Hala badagokio, estatutuetan ehunekotan mugatu ahal izango da zer soberakin<br />
bereizi eta banatu behar diren sekzioen arabera.<br />
23
XEDAPEN OROKORRAK<br />
4.– Sekzioak erregulatzerakoan, politika bereizi bat ezarri ahal izango da kapitalinteresei,<br />
lan-aurrerakinei edo bazkideekin egindako eragiketen prezioei dagokienez.<br />
5.– Batzar orokorrak erabaki ahal izango du berehala etetea sekzio bateko bazkidebiltzarrak<br />
hartutako erabakiak, baina zehaztu beharko du zergatik jotzen dituen<br />
lege edo estatutuen aurkakotzat edo kooperatibaren interes orokorren aurkakotzat,<br />
hargatik eragotzi gabe batzar orokorraren erabakiak ere lege honen 41. artikuluan<br />
aurreikusitakoaren arabera aurkaratzea.<br />
Sekzio bat edo batzuk egoteak ez dakar administratzaileek dituzten ahalmenen<br />
araubidea aldatzea, baina sekzioaren barruan zuzendariak edo ahaldunak<br />
izendatu ahal izango dira sekzio horren jardunaz eta eragiketaz ardura daitezen.<br />
Kooperatibaren administratzaileek sekzioan hartu diren erabakiak berehala etetea<br />
erabaki dezakete, bazkide-biltzarrean hartzen diren erabakietarako ezarritako<br />
baldintza beretan.<br />
Estatutuetan edo barne-araubideko erregelamenduan erregulatuko da sekzio bateko<br />
bazkide-biltzarraren eta kooperatibako administratzaileen arteko harremana.<br />
6.– Kreditu-sekzioa edo bestelako sekzioak dituzten kooperatibei kontu-auditoretza izan<br />
dezatela eskatuko zaie, haiekin kontratuak egiten dituztenak babesteko.<br />
1.3.1. Berrikuntza nagusiak aurreko araudiaren aldean<br />
11/2009 Legeak ez du beren-beregi berritu sekzioen arloan indarrean dagoen araubide<br />
arauemailea; nolanahi ere den, ematen dion finkotasunaren garrantzia aintzat hartuta, mailaz<br />
igotzen du aplikatu daitezkeen zuzenbide-iturrietan, eta edukiaren egonkortasuna bermatzen du.<br />
Egia esatera, aurretiaz indarrean zegoen erregelamendu-mailako arauketa txertatu da,<br />
Euskadiko Kooperatiben Legearen Erregelamendua onartzen duen martxoaren 29ko 58/2005<br />
Dekretuaren 20. artikuluaren bidez. Zioen azalpenak justifikatzen duenez, arauketa hori<br />
sekzioak eratzeko irizpideen garapena da.<br />
2019ko legegileak hainbat aldiz gauzatu du arauaren maila igotzeko eragiketa hori legezko<br />
testuan barrena; ez soilik aipatutako erregelamendu-testuari dagokionez (adibidez, 20.2<br />
artikuluak 58/2005 Dekretuaren 2. artikuluak garatutako erregulazioa jasotzen du, bazkide<br />
motei dagokienez), ezpada, beste erregelamendu-garapen batzuei dagokienez ere, hala nola:<br />
− 11/2019 Legearen 156.2 artikulua, onura publikoko sozietateei buruzko prozedura<br />
eta betekizunei buruzko erregelamendua onartzen duen otsailaren 2koa 64/1999<br />
Dekretuaren 4. artikulua kopiatzen duena.<br />
− edo 11/2019 Legearen 156.3 artikulua, gizarte-ekimeneko kooperatibak arautzen<br />
dituen apirilaren 4ko 61/2000 Dekretuaren 1. artikuluaren edukia kopiatzen duena.<br />
Kasu horietan, gerora egoera sozioekonomiko aldakorretara bizkor egokitzeko malgutasuna<br />
galtzen bada ere –zuzenbideak erantzun egokia eman nahi die halakoei–, bestetik, erraztu<br />
egiten da, inolako zalantzarik gabe, pertsonek eta kooperatiba-sozietateek jardutea eta<br />
24
XEDAPEN OROKORRAK<br />
erabakiak hartzea, eta, ondorioz, irabazi egiten da segurtasun juridikoaren ikuspegitik.<br />
Legegintzako aukera hori bat dator Administrazio Publikoen Administrazio Prozedura<br />
Erkidearen urriaren 1eko 39/2015 Legearen 129. artikuluak araupetutako erregulazio onaren<br />
printzipioekin.<br />
1.3.2. Legezko aldaketaren izaera edo indarra<br />
Kooperatibak aukerakoa du sekzioak sortzea, eta erabaki dezake sekzio horiek bere egitura<br />
operatiboan jasotzea (11/2019 Legearen 6.1 artikulua). Atal edo sekzioz hornitzeko aukera<br />
hori ez da aldatu aurretik indarrean egon den legeriaren aldean.<br />
Sekzioak baliatzeko aukera erabaki ondoren, eta txertaturiko berrikuntzei dagokienez:<br />
Estatutuetan nahitaez arautu beharrekoak dira 11/2019 Legearen 6. artikuluaren 2.<br />
zenbakian aipatutako alderdiak (c letrari dagozkionak izan ezik); beraz, ezin dira aipatu gabe<br />
utzi.<br />
Aukerakoa da 11/2019 Legearen 6. artikuluaren 3 eta 4. zenbakietan eta 5. zenbakiko<br />
bigarren lerroaldean aipatzen den erregulazioa.<br />
1.3.3. Esanahi praktikoa<br />
1.3.3.1. Sekzioen egituraketa, 6.2 artikulua<br />
Adierazi den bezala, aztertutako lege-aldaketak kooperatiba bakoitzaren estatutuetara<br />
eramaten gaitu, aipatu den 6. artikuluaren 2, 3 eta 4. zenbakietan adierazitako alderdiak<br />
zehazteko sekzioz hornitu nahi badu kooperatibak. Beraz, ezin da barne-araubideko<br />
erregelamendu bidez arautu, edo bestela, esandakoa zehazten duten uneko akordio organikoen<br />
bidez.<br />
Ohartarazi behar da sekzioak egotea, sozietatearen xedearen baitan, kudeatzeko autonomia<br />
duten berariazko jarduera “ekonomiko-sozialak” garatzean oinarritzen dela (6.1 artikulua).<br />
Ildo horretan, 6.2.a) artikulu berriak jasotzen duen sailean txertatzeak eragindako “jarduerak”<br />
edo sekzioak direla interpretatu beharko da; era berean, jarduera ekonomiko eta sozialei<br />
buruzko aipamen horrek jarduera ekonomiko-sozial bereizia egiten duten hainbat sozietatekolektibori<br />
aplikatzeko aukera justifikatzen du, kooperatiba-sozietatean duten parte-hartzea<br />
haztatzeko.<br />
Aipatutako alderdiak ekonomia- eta ondare-alderdien ingurukoak dira, 2. zenbakiko a),<br />
b) eta f) letretan xedatutakoa izan ezik; alderdi horiek estatutuetan finkatzeak segurtasun<br />
juridiko handiagoa ematen dio kooperatiben funtzionamenduari, 1. zenbakiak dakarren<br />
aipamen generikoak (aurreko erregulaziotik datorrena) sekzioen funtzionamenduaren<br />
estatutu-erregulazioari baino.<br />
Nolanahi ere, sekzio jakin batean sartu beharreko arloek edo jarduerek (6.2.a artikulua)<br />
aldez aurretik ezarritako irizpidea bete behar dute (6.1 artikulua), hots kudeatzeko autonomiari<br />
atxikitako berariazkotasuna.<br />
25
XEDAPEN OROKORRAK<br />
1.3.3.2. Sekzioen funtzionalitatea, 6.3 eta 6.4 artikuluak<br />
Azpimarratu behar da lege-erregulazio berriak bi alderdi juridiko-funtzional gehitzen<br />
dizkiela sekzioei, hain zuzen, ondokoak:<br />
1.− soberakinak banatzeko esleipen-irizpide gisa erabiltzeko aukera (“hala badagokio”),<br />
muga batzuk ezarrita (6.3 artikulua).<br />
2.− halaber, politika bereiziak ezartzeko aukera (6.4 artikulua) horren gai garrantzitsuetan,<br />
bereziki, lan elkartuko kooperatibetan, hain zuzen, ondokoak:<br />
− emandako kapitalaren gaineko interesa<br />
− lan-aurrerakinak<br />
− bazkideekiko eragiketen prezioa<br />
Parte-hartze ekonomiko desberdineko irizpide horiek kontabilitate analitiko moduko batean<br />
oinarritu beharko dira –“kontabilizazio bereizia”, 6. artikuluaren 2.c) zenbakiaren ildoan–,<br />
sozietatearen xedea gauzatzeko ekarpen edo ekarri desberdinen maila identifikatzeko, eta,<br />
ondoren, emaitzak banatzeko irizpide gisa baliatuko dira, funtsean. Gainera, baliagarriak<br />
dira kudeaketaren eta plangintzaren inguruko erabakiak hartzeko.<br />
Nolanahi ere, irizpide bereizle hori soberakinen oinarrizko banaketa ekitatibo batez haztatu<br />
beharko litzatekeela uste da –6.3 artikuluan adierazten den bezala, mugak aipaturik, artikulu<br />
horren 2.c) zenbakiak irekitzen dituen aukerei dagokienez eta lan-aurrerakinen zenbatekoari<br />
dagokionez–, pertsona juridiko kooperatiboaren enpresa-osotasuna bermatzeko. Gainera,<br />
sozietate-taldearen ekarpen ez-bereiziak ere kontuan hartu beharko dira beti.<br />
1.3.3.3. Sekzioen organoen erabakiak kooperatiba-sozietatearen organoek<br />
gainbegiratzea<br />
1993ko legegileak, sozietatearen asanbladaren eremuan, arautu zuen batzar nagusiak sekzio<br />
bateko batzordekideek hartutako erabakiak berehala aurkaratzeko aukera –kautelazko neurri<br />
gisa, aurkaratzeko aukera baitago, 4/1993 Legearen 6.2 artikuluak berariaz aitortua, batzar<br />
nagusiaren erabakiak aurkaratzeari buruzko erregulazioarekin bat etorriz (lege horren 39.<br />
artikulua)−. Hori guztia, kooperatibaren erantzukizun orokor eta bateratuarekin bat etorriz<br />
(4/1993 Legearen 6.1 artikulua).<br />
Hala ere, kudeaketaren esparruan, kooperatiba-sozietatearen administratzaileek sekzioaren<br />
zuzendariak edo administratzaileak izendatzeko aukera arautu zen arren (4/1993 Legearen<br />
6.2 artikuluaren 2. paragrafoa), manuak estatutuek emandako erregulaziora edo barneerregelamendura<br />
bidaltzen zuen bi instantzien arteko harremana, besterik gabe.<br />
Orain, 2019ko legegileak berariaz xedatu du, sekzio bateko kideen eta batzar nagusiko<br />
kideen harremanari buruz azaldutakoaren eredura, bertan ezarritakoaren antzeko aukera<br />
izango dela kooperatibako administratzaileek izendatutako sekzioko kudeatzaileen erabakiak<br />
berehala eteteko, eta, gainera, eteteko erabaki hori bazkideen batzarraren erabakien inguruan<br />
araututako baldintzei lotuta egongo dela. Beraz, erabaki horiek aurkara daitezkeela ulertu<br />
beharko da, kasu honetan, 11/2019 Legearen 52. artikuluak dioenari jarraiki.<br />
26
XEDAPEN OROKORRAK<br />
Kasu horretan, legegileak berariaz arautu du eta, hortaz, eragotzi egiten du batzarraren<br />
balizko asmoa kontrako esanguran; izan ere, sekzioaren organoek kooperatibaren<br />
administratzaileekin duten erregulazioa sozietatearen estatutuetara bidaltzen du (11/2019<br />
Legearen 6.2.f) artikulua).<br />
1.3.4. Beste arau aplikagarri batzuk<br />
11/2019 Legearen 6.2 artikuluak arautzen duen estatutu-garapenari buruz aipatutako<br />
berrikuntzek ez dute islarik Kooperatibei buruzko uztailaren 16ko 27/1999 Legean, eta,<br />
beraz, ez da egokia osagarritzat hartzea.<br />
11/2019 Legearen 6. artikuluaren 3. zenbakiak jasotako erregulazioari dagokionez, esan<br />
beharra dago estatu-mailako legegileak sekziokako banaketa bereizia xedatzen duela, baina<br />
estatutuetan salbuetsi daiteke xedapen hori (27/1999 Legearen 5.2 artikuluaren bigarren<br />
paragrafoa). Irizpide orokorra, beraz, bi arauek partekatzen dute. Hala ere, agerikoa da<br />
irizpide orokorraren salbuespen-mailan dagoela aldea: estatuko arauaren kasuan, erabatekoa<br />
izan daiteke, baina ez nahitaez; euskal legearen kasuan, aldiz, hitzez hitzeko interpretaziotik<br />
ondorioztatzen da mugatu egin daitekeela, baina ez baliogabetu.<br />
Kooperatibaren kudeaketa-organoak sekzioaren dena delako organoak hartutako erabakiak<br />
eteteari dagokionez (11/2019 Legearen 6.5. artikuluaren bigarren paragrafoa in fine), esan<br />
dezagun 27/1999 Legeak ez duela berariazko arautzerik jasotzen, batzar nagusiak hartutakoak<br />
soilik arautzen baititu.<br />
27
2. KOOPERATIBA SORTZEA *1<br />
2.1. Sarrera: legezko arauketaren egitura eta helburua<br />
Kapitulu honek ondoko artikuluak jorratzen ditu:<br />
7. artikulua.– Batzar sortzailea.<br />
8. artikulua.– Sortzealdian den kooperatiba.<br />
9. artikulua.– Estatutu-proiektuaren aldez aurretiko kalifikazioa.<br />
10. artikulua.– Kooperatiba irregularra.<br />
11. artikulua.– Sortzea.<br />
12. artikulua.– Sortze-eskritura.<br />
13. artikulua.– Estatutuen gutxieneko edukia.<br />
14. artikulua.– Kooperatiba deuseztatzea.<br />
Kapitulu honek kooperatiba baten sorrera arautzen du, bai eta sortze horrek Euskadiko<br />
Kooperatiben Erregistroan kalifikazio positiboa lor dezan bete behar diren baldintza<br />
guztiak ere.<br />
Kapitulu honen egiturari dagokionez, ez da berritasunik txertatu, ez artikuluen kopuruari,<br />
ez artikuluen tituluari dagokionez, indargabetutako Euskadiko Kooperatiben 4/1993 Legearen<br />
aldean.<br />
Ikusiko dugunez, artikulu horien edukia ere ez da nabarmen aldatu, baina berritasun batzuk<br />
txertatu dira, eta gutxi badira ere, horietako batzuk garrantzi handikoak dira.<br />
Argi dago eratzen diren kooperatiba berriek EKL berriari men egin beharko diotela, baina<br />
ez da ahaztu behar lehendik dauden kooperatibek ere EKL berriaren eredura egokitu beharko<br />
dituztela estatutuak.<br />
Egoera horrek lan gehigarria ekarriko die, batez ere, 50 bazkide baino gehiago dituzten<br />
kooperatibei; izan ere, estatutuak EKLk jaso dituen berrikuntzetara egokitzeaz gain, praktikan,<br />
delituak prebenitzeko planak garatzera eta indarkeria sexista saihesteko neurriak hartzera<br />
behartuko ditu lege berriak. Betebehar hori ez da jasotzen kapital-sozietateen erregulazioan,<br />
ez eta elkarteen, fundazioen edo bestelako erakundeen inguruko erregulazioan ere.<br />
Horretarako, bi urteko epea ezarri da EKL indarrean hasi zenetik; beraz, 2022ko urtarrilean,<br />
lehendik eratuta dauden kooperatibek EKL berrira egokitu beharko dituzte estatutuak.<br />
Zehaztapen gisa, esan dezagun kooperatiba bat legez sortu nahi bada, Euskadiko<br />
Kooperatiben Erregistroan erregistratu behar denez, EKLrekin batera, eremu horretan<br />
interesa duen edonork esandako erregistroa arautzen duen indarreko araudiari men egin<br />
beharko dio.<br />
* Jokin Txapartegi Zendoia Zuzenbide Kontuak kooperatibako abokatuak egindako iruzkina.<br />
29
KOOPERATIBA SORTZEA<br />
2.2. Batzar sortzailea<br />
7. artikulua.– Batzar sortzailea.<br />
1.– Sustatzaileek osatuko dute batzar sortzailea; batzar horrek kooperatibaren<br />
estatutuak onartuko ditu eta kooperatiba sortzeko beharrezko diren gainerako<br />
erabakiak hartuko.<br />
Sustatzaileek kasuan kasuko kooperatiba motako bazkide izateko behar diren<br />
betekizunak bete beharko dituzte.<br />
2.– Batzarrera joandako sustatzaileen artetik aukeratuko dituzte batzar sortzaileko<br />
lehendakaria eta idazkaria.<br />
3.– Batzar sortzailearen aktan, gutxienez jaso beharko dira bilera-tokia eta -data,<br />
partaide-zerrenda, eztabaiden laburpena, bozketen emaitzak eta hartutako erabakien<br />
testua.<br />
4.– Batzar sortzailean idazkari-lanetan ari den sustatzaileak egiaztatuko du akta, zeinak<br />
lehendakariaren oniritzia izan beharko baitu.<br />
Ez dago artikulu honi eragiten dion lege-berritasunik.<br />
2.2.1. Manuaren izaera edo indar juridikoa<br />
Artikulu hau aginduzkoa da. Kooperatiba baten sustatzaileek artikulu honetan jasotako<br />
lege-eskakizun guztiak bete beharko dituzte.<br />
2.2.2. Esanahi praktikoa<br />
Batzar sortzailea kooperatiba baten sustatzaileek egiten duten lehen egintza da, aurreneko<br />
ondorio juridiko, tekniko eta sozietarioa izango duena.<br />
Pertsona horiek pertsona fisikoak nahiz pertsona juridikoen ordezkariak izan daitezke, eta,<br />
kooperatiba motaren arabera, eratu nahi duten kooperatiba-motak horretako bazkide izan<br />
daitezke.<br />
Egia da, aldez aurretik, bai sustatzaileek bai kooperatiban parte hartu nahi izan duten beste<br />
batzuek bilerak, bilkurak edo batzarrak egin behar izan dituztela adostasuna lortzeko, baina<br />
batzar sortzailea da kooperatiba bat eratzeko legezko eraginkortasuna duena, betiere artikulu<br />
honetan arautzen diren beharrezko baldintzak betetzen baditu.<br />
Batzar sortzailea kooperatibarentzat funtsezkoak diren erabakiak hartzeko bilera da, eta,<br />
horietan, garrantzitsuena eta, gainera, nahitaezkoa, estatutuak onartzea da. Azpimarratu nahi<br />
dugu “nahitaezkoa” dela, artikuluak berariaz hala adierazten duelako eta, estatutuez gain,<br />
batzar sortzaileak sozietatea eratzeko derrigorrezkoak ez diren beste tresna batzuk ere onar<br />
ditzakeelako, hala nola barne-araubideko erregelamendua. Izan ere, erregelamendu hori<br />
aldez aurretik estatutuetan bertan jaso behar da, ez baita nahitaezkoa.<br />
Esan barik doa sustatzaileek aldez aurretik bidea egin behar izan dutela estatutuen behin<br />
betiko testua adosteko, eta prozesu horrek aldez aurretiko bilerak egitea ekarri duela<br />
30
KOOPERATIBA SORTZEA<br />
ekarpenak aurkezteko eta eztabaidak egiteko. Hala, funtsezkotzat jotzen da batzar sortzailean<br />
aurretiaz adostutako testua baliatzea.<br />
Batzar horretan, lehendakaritzako eta idazkaritzako karguak aukeratuko dira, eta kargudun<br />
horiek, ondoren, batzar orokorraren akta ziurtatuko dute.<br />
Bazkide izateko baldintzei dagokienez: argi dago sustatzaileek ziurtatu dutela, batzar<br />
nagusia egin aurretik, batzarrera joan direnek bazkide-izaera eskuratzeko behar diren<br />
baldintzak betetzen dituztela, eratzen den kooperatiba-motaren arabera. Hori funtsezkoa da,<br />
batik bat, baldintza pertsonal bereziak edo espezifikoak bete behar dituzten kooperatibetan,<br />
hala nola nekazaritza-kooperatiba bat eratzeko unean nekazaritza-ustiategi bateko nekazari<br />
profesional titularra izateko betekizuna, garraio-kooperatiben kasuan, gidaria izateko<br />
baimena izatea eta abar. Hori funtsezkoa da, geroago, batzar horren akta ziurtatzen duen<br />
notarioak aipaturiko baldintza horiek guztiak betetzen direla egiaztatzen duten agiriak<br />
eskatujko dituelako.<br />
Batzar sortzaile baten erabakiak gehiengoz har daitezela eskatzea alferrikakoa dirudien<br />
arren (bada, batzar sortzzaile batera kooperatiba eratzea erabakita duten pertsonak joango<br />
direla ulertzen denez gero), ez da hutsaltzat jo behar; izan ere, lege-ondorioetarako eta<br />
segurtasun juridikoa bermatzeko, behar-beharrezkoa da sustatzaileek berariaz eta ebairik gabe<br />
adieraztea kooperatiba bat eratzeko borondatea dutela, eta, horrez gain, zer barne-araudiren<br />
bidez erabakiko duten adieraztea, eta gero, aktaren eskritura egingo duen notarioari helarazi.<br />
2.2.3. Beste arau aplikagarri batzuk<br />
Kooperatibei buruzko uztailaren 16ko 27/1999 Legeak (27/1999 Legea, hemendik aurrera)<br />
ez du batzar sortzailerik arautzen; izan ere, lege horrek batzar sortzailearen manua kendu<br />
egin zuen, eratzeko prozedura arintzeko.<br />
2.3. Sortzealdian den kooperatiba<br />
8. artikulua.– Sortzealdian den kooperatiba.<br />
1.– Sortzen ari den kooperatibaren sustatzaileek edo haien artetik batzar sortzailean<br />
izendatutako kudeatzaileek egingo dituzte, sozietatearen izenean, hala kooperatiba<br />
sortzeko ezinbestekoak diren egintza eta hitzarmenak nola batzar sortzaileak<br />
espresuki eskatutakoak. Sortzealdian, sozietatearen izenean jarduteko gaikuntza<br />
izango dute horretarako agindu espezifikoa emanez izendatutako pertsonek ere.<br />
2.– Euskadiko Kooperatiben Erregistroan inskribatu aurretik sozietatearen izenean<br />
egintzak eta kontratuak egin dituztenek izango dute horien erantzukizun solidarioa,<br />
salbu eta egintza edo kontratu horien efikazia dagoenean inskripzioaren eta, hala<br />
badagokio, kooperatibak egintzok geroago bere gain hartzearen baldintzapean.<br />
3.– Sortzealdian den sozietatea izango da artikulu honen 1. atalean aipatutako egintza<br />
eta kontratuen erantzule, bazkideen ekarpenek osatzen duten ondarearen bidez.<br />
Bazkideek beren erabakiz ordaindu behar izan duten ekarpen osoaren mugaraino<br />
erantzungo dute, pertsonalki.<br />
31
KOOPERATIBA SORTZEA<br />
4.– Kooperatiba inskribatuta, berak egin beharko die aurre aurreko apartatuan aipatzen<br />
diren egintza eta kontratuei. Orobat egin beharko die aurre inskribatu eta hurrengo<br />
hiru hilabeteetan onartzen dituen egintza eta kontratuei. Bi kasu horietan, bertan<br />
behera geratuko da sustatzaile, kudeatzaile edo agintarien erantzukizun solidarioa.<br />
5.– Sozietatearen ondarearen balioa gehi sozietatea inskribatzeko beharrezkoak diren<br />
egintzena sozietatearen kapitalaren balioa baino txikiagoa bada, bazkideek estali<br />
beharko dute zenbateko bi horien arteko diferentzia.<br />
6.– Sozietateak, Euskadiko Kooperatiben Erregistroan inskribatu artean, «sortzealdian»<br />
hitza gehitu beharko dio bere izenari.<br />
Ez dago artikulu honi eragiten dion lege-berritasunik.<br />
2.3.1. Manuaren izaera edo indar juridikoa<br />
Aginduzkoa da, sozietatearen izenean egintzak edo kontratuak egin ditzaketen pertsonak<br />
izendatzen dituelako, eta pertsona horien erantzukizuna ezartzen du kooperatibaren<br />
eraketa izapidetzen den bitartean. Egintza horiek, batez ere, ekonomikoak izango dira, eta<br />
legez nahitaezkoak ez izan arren, beharrezkoak izan daitezke kooperatibaren hasierako<br />
funtzionamendua abian jartzeko, hala nola pabiloi bat eraikitzeko gremioak kontratatzeko<br />
finantzaketa lortzerakoan edo jarduera kooperatibizatua egingo den lokal bat eraberritzerakoan<br />
edo ekoizpen-ondasunak erosterakoan.<br />
2.3.2. Esanahi praktikoa<br />
Artikulu honen helburua da, alde batetik, segurtasun juridikoa ematea kooperatibaren<br />
izenean jarduten duten pertsonak ez daitezen zigorrik gabe irten eta ez dezaten kooperatibaren<br />
erantzukizun birtual bakarra baliatu haien aldeko ekintza bidegabeak gauzatzeagatik, eta,<br />
bestetik, kooperatiba gaitzea erregistroaren ebazpen irmoaren zain egon beharrik izan ez<br />
dezan kooperatibaren jarduera hasi ahal izateko.<br />
Ez da ahaztu behar notario aurrean kooperatiba bat eskrituratzen denean posible dela<br />
behin-behineko Identifikazio Fiskaleko Kodea (IFZ) eskatzea dagokion foru-ogasunean, eta<br />
IFZ horrek aukera ematen diola kooperatibari jarduera gauzatzen hasteko.<br />
Kooperatiba eskrituratzen denetik aldeko erregistro-inskripzioa eskuratu arte, epe<br />
ezezaguna igaro daiteke. Epe hori nahiko luzea izan daiteke, baina horregatik, kooperatibak<br />
ez du zertan etenaldian edo lozorroan egon.<br />
Bi fase edo aldi izango genituzke: lehenengoa kooperatiba eskrituratzen den unean hasten<br />
da (nahiz eta aldez aurretik batzar sortzailea egin, kooperatibak ezin du merkataritza-trafikoan<br />
jardun, IFZrik ez duelako) eta erregistroan aldeko inskripzioa egiten den unean amaitzen da.<br />
Lehen aldi horretan, erantzukizuna era solidarioan doakie egintzak eta kontratuak egiten<br />
dituzten pertsonei eta kooperatibari, eta pertsonen erantzukizuna egindako ekarpenetara<br />
mugatuta dago.<br />
Bigarren aldian, inskribatu ondoren, erantzukizuna ez da solidarioa izango, kooperatibaren<br />
aldean egongo da, eta bazkideak erantzungo du, aurreko muga berari lotuta, soilik-soilik<br />
kooperatibak bere ondasunen bidez ezin erantzun dezakeenean.<br />
32
KOOPERATIBA SORTZEA<br />
2.3.3. Beste arau aplikagarri batzuk<br />
Kooperatiben 27/1999 Legearen 9. artikuluak sortzen ari den kooperatiba-sozietatea<br />
arautzen du, baina askoz era laburragoan eta orokorragoan, eta ez du ezer berririk<br />
ekartzen.<br />
2.4. Estatutu-proiektuaren aldez aurretiko kalifikazioa<br />
9. artikulua.– Estatutu-proiektuaren aldez aurretiko kalifikazioa.<br />
1.– Sortze-eskritura eman baino lehen, eta batzar sortzaileak aurkako erabakirik hartu<br />
ezean, kudeatzaileek estatutu-proiektuaren aurretiko kalifikazioa egin dezala eskatu<br />
ahal izango diote Euskadiko Kooperatiben Erregistroari, zeinak hogeita hamar<br />
eguneko epean ebatzi beharko baitu eskaria egiten denetik.<br />
2.– Euskadiko Kooperatiben Erregistroak zuzen daitekeen akatsik aurkituko balu,<br />
kudeatzaileei emango die haren berri; kudeatzaileek, salbu eta batzar sortzaileak<br />
kontrakoa erabakitzen duenean, baimena izango dute akatsak hilabeteko epean<br />
zuzentzeko.<br />
Ez dago artikulu honi eragiten dion lege-berritasunik.<br />
2.4.1. Manuaren izaera edo indar juridikoa<br />
Bide hori erabiltzea, egiatan, hautazkoa da, betiere batzar sortzailearen aurkako agindurik<br />
ez badago.<br />
2.4.2. Esanahi praktikoa<br />
Bide hori oso tresna baliagarria da etorkizunean estatutuen edukia zuzentzeko eskaera edo,<br />
okerrenean ere, ukatzeko ebazpena saihestu ahal izateko.<br />
Egia da gaur egun erregistroei buruzko legeria betetzen duten estatutu-ereduen mota asko<br />
daudela; hala eta guztiz ere, eredu horiek eduki ezean edo ezohiko artikuluak edo xedapenak,<br />
berriak edo zalantzazkoak ageri badira, hobe da kontsulta hori egitea.<br />
2.4.3. Beste arau aplikagarri batzuk<br />
Kooperatibei buruzko 27/1999 Legearen 11.2 artikuluak ere aukera hori jasotzen du, baina<br />
haren erregulazioa oso txikia da eta ez du ezer berririk ekartzen.<br />
2.5. Kooperatiba irregularra<br />
10. artikulua.– Kooperatiba irregularra.<br />
1.– Sozietatea Euskadiko Kooperatiben Erregistroan ez inskribatzeko borondatea<br />
egiaztatzen denean eta, betiere, eskritura egiletsi denetik urtebete igaro denean<br />
33
KOOPERATIBA SORTZEA<br />
inskripzioa eskatu gabe, edozein bazkidek eska dezake sortzealdian den sozietatea<br />
desegin dadila, eta exiji dezake, haren ondare soziala likidatu eta gero, bere<br />
ekarpenak itzul dakizkiola.<br />
2.– Egoera horretan, kooperatibak bere eragiketekin hasi edo aurrera jarraitzen badu,<br />
sozietate kolektiboei buruzko arauak ezarriko dira, edo, hala badagokio, sozietate<br />
zibilei buruzkoak. Kooperatiba geroago inskribatzen bada, ez da aplikatuko 8.4<br />
artikuluan ezarritakoa.<br />
Ez dago artikulu honi eragiten dion lege-berritasunik.<br />
2.5.1. Manuaren izaera edo indar juridikoa<br />
Artikuluak zeinhai bazkideri kooperatibaren desegitea eskatzeko aukera ematen dio,<br />
baina ez du behartzen egintza hori betearaztera. Lehenengo atalean, ordea, egintza<br />
betearazteko bi baldintzetako bat betetzera behartzen du: batetik, sozietatea Euskadiko<br />
Kooperatiben Erregistroan ez inskribatzeko borondatea egiaztatuta geratzea (adibidez,<br />
bazkideek borondate hori adierazten duten egintza espresuen bidez), edo, bestetik,<br />
inskripzioa ez egitea, eskritura egiletsi zenetik urtebete igaro ondoren (egintza espresurik<br />
behar izan gabe).<br />
Bigarren atalari dagokionez, esan beharra dago atal horrek sozietate kolektiboen edo<br />
sozietate zibilen araudia aplikatzera behartzen duela.<br />
2.5.2. Esanahi praktikoa<br />
Bi dira desegitea eskatzeko arrazoiak:<br />
a) kooperatiba inskribatu nahi ez izatea.<br />
b) eskritura egiletsi zenetik urtebete igarotzea inskripzio-eskaerarik egin gabe<br />
Bi egintza horiek honela bereiz genitzake: lehenengoak berariazko adierazpena<br />
galdatzen du, eta bigarrenak, berriz, ez-egitea.<br />
Lehenengo aukerak ez du eperik ematen, eta bigarrenak adierazten digu urtebete igaro<br />
behar dela eskritura egiletsi zenetik. Ez dugu ahaztu behar koopertaiba desegiteko eskatzea<br />
aukera bat dela, ez betebeharra; hala ere, lehenengo kasua suertatzen bada, argi dago<br />
sozietatea inskribatu nahi ez izateko adierazpen espresuak berez ekarriko duela borondatezko<br />
kooperatibaren borondatezko desegitea, bazkide batek nahitaez eskatu beharrik izan gabe.<br />
Bigarren kasuak, ordea, arazoak eragin ditzake, erregistroko inskripzioa bezalako egintza<br />
garrantzitsu bat ez egitea edo, bestela, egiteari uztea gerta baitaiteke zerbait irregularra jazo<br />
delako eta bazkideren batek prozesu horretan bere burua kalteturik sumatu duelako. Kasu<br />
horretan, baliteke bazkide horrek kooperatiba desegiteko eskatu behar izatea.<br />
Bigarren atalari dagokionez, benetan ulertzen duguna hauxe da: kooperatiba ez<br />
inskribatzeko asmoa adierazi bada edo eskritura egiletsi zenetik inskribatu gabe urtebete<br />
igaro bada eta, nolanahi ere, kooperatibak jarduten segitzen badu, sozietate kolektibo edo<br />
34
KOOPERATIBA SORTZEA<br />
zibilentzat ezarritakoa aplikatuko da. Horrek esan nahi du bazkideek nork bere izenean eta<br />
mugarik gabe erantzungo dietela sortzen dituzten betebeharrei, eta horregatik, ez da EKLren<br />
8.4 artikulua aplikatzen.<br />
2.5.3. Beste arau aplikagarri batzuk<br />
Kooperatiben 27/1999 Legeak ez du egoera hori kontuan hartzen.<br />
2.6. Sortzea<br />
11. artikulua.– Sortzea.<br />
1.– Eskritura publiko bidez sortuko da kooperatiba. Agiri hori emateko, bi hilabeteko<br />
epea izango da, batzar sortzailea sortu denetik aurrera kontaturik, edo, hala<br />
badagokio, sozietatearen estatutu-proiektua kalifikatzen denetik aurrera kontaturik.<br />
Ondoren, Euskadiko Kooperatiben Erregistroan inskribatuko da, eta une horretatik<br />
aurrera nortasun juridikoa izango du.<br />
2.– Sortze-eskritura nahiz kooperatibari lotutako beste edozein egintza inskribatzeko,<br />
aldez aurretik ziurtatu beharko da likidatu direla inskribatu beharreko egintzaren<br />
gaineko zergak edo eskatu dela haien likidazioa.<br />
Ez dago legezko berritasunik.<br />
2.6.1. Manuaren izaera edo indar juridikoa<br />
Artikuluaren 1. paragrafoak aginduzko izaera du, eta kooperatiba eskritura publiko<br />
bidez eratzera behartzen du; gainera, eskritura bi hilabeteko epean egilestera behartzen du,<br />
batzar sortzailearen datatik edo, hala badagokio, estatutu sozialen proiektuaren aurretiazko<br />
kalifikaziotik zenbatzen hasita.<br />
2. paragrafoa ere aginduzkoa da, ildo honetan: zergen likidazioa eskatu dela edo gauzatu<br />
dela justifikatu arte, ezin izango dira eratze-eskritura eta gainerako egintzak inskribatu.<br />
2.6.2. Esanahi praktikoa<br />
Zinez, 1. atalari dagokionez, esan nahi da batzar sortzailea egin ondoren, estatutu-proiektuaren<br />
aldez aurreko kalifikazioa Euskadiko Kooperatiben Erregistroari eskatzea erabaki ez bada<br />
(EKLren 9. artikulua), eskritura publikoa batzar hori egiten denetik gehienez ere bi hilabeteko<br />
epean egiletsi beharko dela.<br />
Eskaera egin bada, ordea, aurretiazko kalifikazioa jasotzen den unetik hasiko da zenbatzen bi<br />
hilabeteko aldia, eta, logikoa denez, kalifikazioa baiezkoa izango da. Gogoratu behar dugu, EKLren<br />
9. artikuluaren arabera, Euskadiko Kooperatiben Erregistroak hilabeteko epea duela ebazteko.<br />
Horrek ekarriko luke kalifikazioa jaso arte itxaron behar izatea, baina, gure iritziz, kalifikazioeskaera<br />
eginda ere, eskritura publikoa egilestea badagoela batzar sortzailea egin eta gero.<br />
35
KOOPERATIBA SORTZEA<br />
2.6.3. Beste arau aplikagarri batzuk<br />
Kooperatiben uztailaren 16ko 27/1999 Legearen 7. artikuluak arautzen du, baina ez dakar<br />
ezer berririk.<br />
2.7. Sortze-eskritura<br />
12. artikulua.– Sortze-eskritura.<br />
1.– Sortze-eskritura publikoa sustatzaile guztien izenean egiten ez bada, batzar<br />
sortzailean izendatutakoen izenean egin beharko da, batzar horretan hartutako<br />
erabakien arabera.<br />
2.– Sortze-eskritura publikoak, zeinak, hala badagokio, batzar sortzailearen akta jasoko<br />
duen, honako hauek jaso beharko ditu:<br />
a) Eskritura egiletsi dutenak eta sustatzaileak pertsona fisikoak izanez gero, haien<br />
izen-abizenak, adina, lanbidea eta egoera zibila; pertsona juridikoak izanez<br />
gero, berriz, sozietatearen izena. Kasu batean zein bestean, nazionalitatea,<br />
egoitza eta bazkide mota ere adierazi beharko dira.<br />
b) Dena delako kooperatiba sortzeko borondatea.<br />
c) Egilesleen adierazpena, adierazten duena sustatzaile guztiek ordaindu dutela<br />
estatutuetan bazkide izateko finkatutako nahitaezko gutxieneko ekarpenaren<br />
ehuneko hogeita bost gutxienez, edo, hala badagokio, 4. artikuluan finkaturiko<br />
gutxieneko kapitala estaltzeko beharrezko den goragoko frakzioa. Bestalde,<br />
ekarpenaren zati bat ordaintzea atzeratu bada, zati hori nola eta noizko<br />
ordainduko den ere zehaztu beharko da.<br />
d) Estatutu sozialak.<br />
e) Sozietatean beharrezko diren organoetako karguak betetzeko izendatu dituzten<br />
pertsona fisikoen izen-abizenak, lanbidea eta adina, edo, pertsona juridikoen<br />
kasuan, izen soziala. Kasu batean zein bestean, nazionalitatea eta egoitza ere<br />
adierazi beharko dira, baita, hala badagokio, kontu-auditoreei buruzko datuak ere.<br />
f) Adierazpen-agiri bat, aitortzen duena ez dagoela izen bereko beste kooperatibarik.<br />
Sortzen ari den kooperatiba agerkari publikoan jasotzeko, Lan arloan eskumena<br />
duen ministerioko kooperatiben erregistroak eta Euskadiko Kooperatiben<br />
Erregistroak emandako jatorrizko agiriak beharko dira, izen bereko beste<br />
kooperatibarik ez dela ziurtatzen dutenak.<br />
g) Zer balio eman zaien diruzkoak ez diren ekarpenei –halakorik balego–, haien<br />
ezaugarriei buruzko deskribapen argia eginez eta ondo zehaztuz zer ekarpen<br />
egin dituen sustatzaileetako bakoitzak edo zer ekarpen-betebehar ezarri dizkion<br />
bere buruari.<br />
h) Zenbatekoak izango diren, gutxi gorabehera, kooperatiba sortzeko gastuak,<br />
barne direla dagoeneko eginda daudenak eta inskribatu artean egin asmo<br />
direnak.<br />
36
KOOPERATIBA SORTZEA<br />
3.– Horretaz gain, sortze-eskritura publikoan jaso ahal izango dira sustatzaileek batzar<br />
sortzailean egindako itun eta baldintza guztiak, haiek ez badira legearen edo<br />
sozietate kooperatiboak arautzen dituzten printzipioen aurkakoak.<br />
Artikulua ez da aldatu.<br />
2.7.1. Manuen izaera edo indar juridikoa<br />
Aurreko 11. artikuluari jarraiki, nahitaezkoa da kooperatiba batzar sortzailean izendatutako<br />
pertsonek eskritura publikoa egilestea edo, halakorik ezean, bazkide sustatzaile guztiek<br />
egilestea.<br />
2. paragrafoa aginduzkoa da, hau da, bertan ageri diren alderdi guztiak aintzat hartzera<br />
behartzen du.<br />
Iruzkin gisa, esan behar da 12. artikuluaren 2. zenbakiak “Sortze-eskritura publikoak,<br />
zeinak, hala badagokio, batzar sortzailearen akta jasoko duen…” dioela; izan ere, batzar<br />
sortzailea notarioaren beraren aurrean egin daiteke eskritura publikoa egilesteko unean;<br />
beraz, ez da beharrezkoa batzar sortzailearen akta aurkeztea eskritura egiletsi aurretik.<br />
12. artikuluaren 3. paragrafoa aukerakoa da, legez nahitaez erabaki behar ez den gairen<br />
bati buruzko edozein akordioz baitihardu.<br />
2.7.2. Esanahi praktikoa<br />
Kooperatiba baten sorrera eskritura publiko bidez egilesteko derrigortasuna segurtasun<br />
juridikoari eustean datza, merkataritza-trafikoan jardungo dutelako ez ezik, gizarte-garrantzi<br />
handiko esparruetan ere parte har dezaketelako, hala nola hezkuntzan, osasun-arloan edo<br />
etxebizitzan. Kooperatibak sortzea ezin da kontrol juridikorik gabe geratu, pertsonentzat<br />
funtsezkoak diren interesak eta ondasunak baitaude arriskuan, besteak beste, ekonomia,<br />
hezkuntza, osasuna eta gizarte-ongizatea.<br />
Horren haritik, arauketa lauso batek iruzurrezko edo maulezko helburuak dituzten<br />
kooperatibei bide eman liezaieke; izan ere, orain ere gertatzen ari halakoak kooperatiba<br />
mistoen esparruan, non gakoa sortzearen unean dagoen.<br />
2.7.3. Beste arau aplikagarri batzuk<br />
Kooperatiben uztailaren 16ko 27/1999 Legearen 10. artikuluak arautzen du, baina ez dakar<br />
ezer berririk.<br />
2.8. Estatutuen gutxieneko edukia<br />
13. artikulua.– Estatutuen gutxieneko edukia.<br />
1.– Kooperatibaren funtzionamendua erregulatuko duten estatutuetan honako hauek<br />
agertuko dira gutxienez:<br />
a) Kooperatibaren izena.<br />
37
KOOPERATIBA SORTZEA<br />
b) Egoitza soziala.<br />
c) Zein den jardueraren helburu soziala.<br />
d) Zenbat iraungo duen.<br />
e) Zein lurralde-eremutan gauzatzen den kooperatibaren jarduera nagusia.<br />
f) Zein diren bazkideei onarpena eta baja emateko betekizunak.<br />
g) Zer eskubide eta betebehar dituzten bazkideek, zehaztuz zer konpromiso izango<br />
duten kooperatibako jardueretan edo zein izango den haien gutxieneko partehartzea.<br />
h) Zein diren sozietatearen diziplina-arauak, falta motak eta zehapen motak,<br />
zehapen-prozedura eta errekurtsoak.<br />
i) Zein den kooperatibaren gutxieneko kapital soziala, eta zein den sozietateko<br />
bazkideen hasierako nahitaezko ekarpena.<br />
j) Nola itzuliko diren ekarpenak eta zein den ekarpen horiek eskualdatzeko<br />
araubidea.<br />
k) Zein diren soberakinak banatzeko irizpideak, zehaztuz zer portzentaje bideratu<br />
behar diren Nahitaezko Erreserba Funtsera eta kooperatiba-heziketa eta<br />
-sustapenerako eta interes publikoko beste helburu batzuetarako ekarpenetara.<br />
l) Nola deituko den batzar orokorra, ohikoa zein berezia: publizitatea eta epea;<br />
lehenengo edo bigarren deialdian, edo hirugarrenean kontsumo-, irakaskuntzaeta<br />
nekazaritza- eta elikagai- kooperatibetan; erabakiak hartzeko araubidea,<br />
eta dena lege honen 36. artikuluko 2. eta 3. apartatuetan xedatu bezala.<br />
m) Zer egitura izango duen kooperatibaren administrazioaz arduratuko den<br />
organoak eta zein izango den organo horren jarduketa-araubidea.<br />
n) Nola osatzen diren, nahitaezkoak badira edo estatutuetan aurreikusten badira,<br />
zaintza-batzordea eta, hala badagokio, errekurtso-batzordea eta kontseilu<br />
soziala, eta zein funtzio duten.<br />
o) Bazkideen informaziorako eskubidea errespetatzeko ezarritako bermeak eta<br />
organoak, lege honetako 24 eta 25. artikuluetan ezarritako terminoetan.<br />
p) Zein diren kooperatiba desegiteko arrazoiak.<br />
q) 50 bazkide baino gehiago duten sozietate kooperatiboek kooperatibaren delituei<br />
aurrea hartzeko eredu bat egingo dute, eta eredu horren jarraipena egiteko<br />
mekanismoak ezarriko dituzte. Halaber, berariazko baliabideak jarri beharko<br />
dituzte kooperatibak bortizkeria matxistarik gabeko eremuak izan daitezen.<br />
r) Eta lege hau aplikatzeko nahitaezkoak diren gainerako alderdiak.<br />
2.– Barne-erregelamenduak egin ahalko dira kooperatibaren funtzionamenduaren<br />
hainbat alderdi garatzeko; barne-erregelamenduak inoiz ez dira izango estatutuen<br />
aurkakoak eta inoiz ez dute urratuko estatutuetan xedatutakoa.<br />
38
KOOPERATIBA SORTZEA<br />
2.8.1. Aldaketa nagusiak aurreko araudiaren aldean<br />
EKL berriak berrikuntza esanguratsuak ekarri ditu estatutuek jaso beharreko edukiari<br />
dagokionez. Berritasun horiek ez zaizkie kooperatiba berriei bakarrik aplikatuko, lehendik<br />
daudenei ere aplikatuko zaizkie, eta azkenek estatutuak egokitu beharko dituzte lege berriaren<br />
arabera, gehienez ere, 2 urteko epean, EKL indarrean jartzen denetik zenbatzen hasita.<br />
Azter ditzagun banan-banan.<br />
2.8.1.1. Ekarpenak itzultzea<br />
Lehengo testua: j) Bazkideen ekarpenak itzultzeko eskubidea, bai eta horiek eskualdatzeko<br />
eskubidea ere.<br />
Egungo testua: j) Nola itzuliko diren ekarpenak eta zein den ekarpen horiek eskualdatzeko<br />
araubidea.<br />
Ekarpenak itzultzeko izaera juridikoa nabarmen aldatu da; izan ere, bazkidearen eskubidea<br />
izatetik kooperatibak berak arautu dezakeen gaia izatera igaro da. Kooperatibei buruzko<br />
otsailaren 11ko 1/1982 Legea eman zenetik gaur arte, ekarpenak itzultzea bazkide guztien<br />
baldintzarik gabeko eskubidetzat hartu da, jakina, baldin eta soberakinik badago, baina<br />
inguruabarrek eraginda, eskubide izateari utzi behar izan zaio. Ekarpenen itzulketaren izaera<br />
juridikoaren aldaketa Euskadiko Kooperatiben Legea bigarrenez aldatzen duen abenduaren<br />
1eko 8/2006 Legea indarrean hasi ostean jazo zen.<br />
International Accounting Standards Board (IASB) erakundeak Nazioarteko Kontabilitatearen<br />
32. araua, finantza-tresnei buruzkoa, berrikusi, eta Finantza Informazioaren Nazioarteko<br />
Arauen Interpretazio Batzordeak (CINIIF 2) esandako Nazioarteko Kontabilitate Arau horren<br />
xedapena (NIC 32) aplikatzeko interpretazioa eman zuenez, kooperatiba-erakundeetako<br />
bazkideek egindako ekarpenei gagozkiela –bi-biak onartu zituen Batzordeak, 2237/2004<br />
eta 1703/2005 erregelamenduak direla bide, hurrenez hurren− bertan behera geratu zen<br />
kooperatiben kapital sozialera egindako nahitaezko nahiz borondatezko ekarpenak baliabide<br />
berekitzat hartzeko aukera, bazkideek ekarpen horiek itzultzeko zeukaten eskubide ukaezina<br />
zela eta (8/2006 Legearen atarikoa).<br />
Kontabilitate-araudi hori Euskadiko Kooperatiben 4/1993 Legearen 63. artikuluaren<br />
edukiaren aurkakoa zen, artikulu horrek arautzen baitzuen bazkideen ezin ukatuzko eskubidea<br />
ekarpena itzultzeko. Kontabilitate-arazo horren ondorioz, kooperatibako organo sozialek<br />
ekarpenen itzulketa baldintzarik gabe ukatzeko aukera txertatu zen, bazkidearen baja gertatuz<br />
gero, eta, beraz, ez zuen zentzurik itzulketa eskubidetzat hartzea, artean mugaturik baitzegoen.<br />
Gure ustez, horregatik kendu da “eskubide” izaera eta, hortaz, estatutuetan argi geratu beharko<br />
da zein ekarpenek izango duten itzultzeko eskubide eztabaidaezina eta zeinek izango duten<br />
itzulketa baldintzatuta. Bestetik, itzulketari uko egiteari buruz txertatu diren beste berrikuntza<br />
garrantzitsu batzuk ere jaso beharko dira (atal egokian azalduko dira horiek guztiak).<br />
2.8.1.2. Hirugarren deialdia<br />
Lehengo testua: l) Batzar orokorrerako deialdia, ohikoa edo ezohikoa, lehen edo bigarren<br />
39
KOOPERATIBA SORTZEA<br />
deialdian, egiteko publizitatea eta epea, edo hirugarren deialdian, kontsumo- eta nekazaritzakooperatiben<br />
kasuan, bai eta erabakiak hartzeko araubidea ere, lege honen 34.2 artikuluan<br />
jasotzen den bezala.<br />
Egungo testua: l) Nola deituko den batzar orokorra, ohikoa zein berezia: publizitatea eta<br />
epea; lehenengo edo bigarren deialdian, edo hirugarrenean kontsumo-, irakaskuntza- eta<br />
nekazaritza- eta elikagai- kooperatibetan; erabakiak hartzeko araubidea, eta dena lege<br />
honen 36. artikuluko 2. eta 3. apartatuetan xedatu bezala.<br />
Atalaren barruan, ondorio praktikoetarako, hiru berritasun jorratu ditzakegu.<br />
2.8.1.2.1 Hirugarren deialdia sartzea irakaskuntza-kooperatibentzat<br />
Hezkuntzaren sektorearen aldarrikapen batek ekarri du erabaki hori. Errealitateak erakutsi<br />
duenez, irakaskuntza-kooperatiba batzuetan nahikoa zaila zen batzarra lehen deialdian zein<br />
bigarrenean egiteko gutxieneko quoruma lortzea. Bazkide-kopuru handia dagoenez, baliteke<br />
kooperatibaren jabetza-sentimendua galtzea, eta, batzar nagusietara joateko beharra egon<br />
badago ere, bazkideek batzar nagusietara joateari uzten diote azkenean.<br />
Hirugarren deialdi hori sartuta, segurtasun juridikoa ematen zaie ikastetxeei funtsezko eta<br />
nahitaezko erabakiak hartzeko orduan, hala nola kontuak onartzean, emaitzak banatzean,<br />
administratzaileak aukeratzean eta abarretan. Irtenbide horrek zaildu egiten du erabakiak<br />
forma-arazoengatik aurkaratzeko aukera.<br />
2.8.1.2.2. Nekazaritza-kooperatiben izen-aldaketa<br />
EKL berrian, lehen “nekazaritza-kooperatibak” izenekoak “nekazaritza- eta elikagaigintzakooperatibak”<br />
izendatu dira. Aldaketa hori honela ulertu behar da: “nekazaritzako<br />
elikagaien” kooperatiba deitu beharrean (izendapen hori erabiltzen da hainbat eremutan),<br />
“nekazaritzakoak eta elikagaigintzakoak” esaten zaie. Dena dela, argi geratu behar da ez<br />
dagoela inolako bereizketarik nekazaritzako kooperatiben eta elikagaigintzako kooperatiben<br />
artean.<br />
2.8.1.2.3. Batzar nagusiaren erabakien araubideari lotutako artikuluaren aldaketa.<br />
Goian aipaturiko gaia igaro da indargabetutako EKLren 34.2 artikulutik egungo EKLren<br />
36. artikuluaren 2. eta 3. paragrafoetara. Aldaketa hutsa da, EKL berrian beste artikulu batzuk<br />
txertatu direlako eta EKLren 36.2 artikuluan irakaskuntza-, nekazaritza- eta elikagaigintzakooperatiben<br />
hirugarren deialdia gehitu delako.<br />
2.8.1.3. Beste organo batzuk<br />
Lehengo testua: n) Zaintza Batzordearen eta, hala badagokio, Errekurtsoen Lantaldearen<br />
eta Gizarte Kontseiluaren osaera eta eginkizunak.<br />
Egungo testua: n) Nola osatzen diren, nahitaezkoak badira edo estatutuetan aurreikusten<br />
badira, zaintza-batzordea eta, hala badagokio, errekurtso-batzordea eta kontseilu soziala,<br />
eta zein funtzio duten.<br />
40
KOOPERATIBA SORTZEA<br />
Legegileak aurreikusi edo iragarri nahi duena zera da: hiru organo horiek, agian, ez direla<br />
nahitaezkoak, eta, beraz, organo bakoitza arautzen duen artikulura jo beharko dela, egiatan<br />
nahitaezkoak noiz diren ikusteko.<br />
Baldintza horiek dagokion kapituluan garatuko badira ere, aurrerapen gisa, esan behar<br />
da zaintza-batzordeak nahitaezkoa izaten jarraitzen duela 100 bazkide edo gehiagoko<br />
kooperatibetan, errekurtso-batzordeak hautazko izaerari eusten diola eta gizarte-kontseilua<br />
hautazko organoa dela mota guztietako kooperatibetan, bazkide-kopurua edozein izanda ere,<br />
beti ere bazkide langileak edo lan-bazkideak badituzte; izan ere, pertsona horiek bakarrik osa<br />
dezakete organoa eta, hala badagokio, besteren konturako langileek.<br />
2.8.1.4. Informaziorako eskubidea<br />
Lehengo testua: ez dago halakorik.<br />
Egungo testua: o) Bazkideen informaziorako eskubidea errespetatzeko ezarritako bermeak<br />
eta organoak, lege honetako 24 eta 25. artikuluetan ezarritako terminoetan.<br />
EKLren gorputzeko 24. eta 25. artikuluen edukian, ez da aldaketarik izan, eta 25.2<br />
artikuluan oraindik ere hauxe irakurtzea dago: “… berme-sistema bat eratu ahal izango<br />
da estatutuetan”, hau da, aukerakoa da, baina 13. artikuluaren o) idatz-zati berriak behartu<br />
egiten du, bermeak ez ezik, bazkideen informazio-eskubidea kontrolatzen duten organoak<br />
ere jasotzera estatutuetan.<br />
EKLren 25.2 artikuluaren idazketaren ildoan, edukia hautazkoa bada ere, gure aburuz,<br />
13.o) artikuluaren nahitaezko izaera lehenetsi behar da, legean berriren berri eta berariaz<br />
txertatu delako. Horrek esan nahi du kooperatiba berriek eta dagoeneko araututa ez dutenek<br />
pentsatu beharko dutela eskubide hori nola arautuko duten, eta barne-prozedura bat ezarri<br />
beharko dutela, informazio-eskubidea baliatzeak berme guztiak izan ditzan behar diren<br />
urratsak egiten direla ziurtatzeko, informazioa eskatzeko baldintzak, informazioa emateko<br />
organo eskudunak, informazioa ukatzeko arrazoiak, aurkaratzeko bideak eta abar ezarriz.<br />
2.8.1.5. Delituak prebenitzeko eredua eta indarkeria sexistarik gabeko esparru bat<br />
segurtatzeko baliabideak txertatzea<br />
Bi berritasunak aztertuko ditugu.<br />
2.8.1.5.1. Delituak prebenitzeko eredua<br />
Ekainaren 22ko 5/2010 Lege Organikoa dela bide, Zigor Kodeari buruzko azaroaren 23ko<br />
10/1995 Lege Organikoa aldatu zenean, aldaketa funtsezkoenetako bat gertatu zen zigorarloko<br />
enpresa-zuzenbidean: merkataritza-sozietateek egin zitzaketen tipo penalak edo<br />
tipifikazioak jaso ziren, eta hala, zigortu edo kondenatu zitezkeen pertsonak izatera igaro<br />
ziren sozietateak. Aldaketa horrek bertan behera utzi zuen Alemaniako Franz von Liszt<br />
penalistak, 1881. urtean, zabaldutako zigor-arloko esamolde juridikoa: “societas delinquere<br />
non potest”, hau da, “enpresak ezin du deliturik egin”.<br />
Aurrekoak esan nahi du pertsona juridikoak beraien legezko ordezkariek, administratzaileek,<br />
langileek eta, gure kasuan, bazkideek egindako delituen errudun izan daitezkeela.<br />
41
KOOPERATIBA SORTZEA<br />
Hala ere, badago salbuespen bat erantzukizun horretatik, Zigor Kodearen 31.bis.2 artikuluan<br />
araututakoa. Honela dio:<br />
2. Delitua aurreko zenbakiko a) letran aipatutako pertsonek egiten badute, pertsona<br />
juridikoak ez du erantzukizunik izango; betiere, honako baldintza hauek betetzen<br />
badira:<br />
1.- administrazio-organoak, delitua gertatu aurretik, antolaketa- eta kudeaketaereduak<br />
onartuta eta betearazita izatea, eta ereduok zaintza- eta kontrolneurri<br />
egokiak jasotzea ezaugarri horietako delituak prebenitzeko edo delitu<br />
horiek egiteko arriskua nabarmen txikiagotzeko;<br />
2.- pertsona juridikoaren barneko organo batek prebentzio-ereduaren funtzionamendua<br />
eta betetzea ikuskatzeko ardura esleituta izatea, eta organo horrekekimenak eta<br />
kontrola egikaritzeko botere autonomoak izatea, edo pertsona juridikoaren<br />
barne-kontrolen eraginkortasuna ikuskatzeko eginkizuna legez ezarrita izatea;<br />
3.- delituaren banakako egileek antolaketa- eta prebentzio-ereduak iruzur eginez<br />
haustea, eta<br />
4.- bigarren baldintzan aipatutako organoak, ikuskapen-, zaintza- eta kontroleginkizunak<br />
egikaritzean, ez-egiteren bat edo jardun eskasa ez egitea.<br />
13.1.q) artikuluaren edukia ikusita, 50 bazkide baino gehiago dituzten kooperatibetan,<br />
artezkaritza-kontseiluak (edo administratzaile bakar edo solidarioek) “compliance” izeneko<br />
eredu hori gertatzeko legezko betebeharra du. Eta “legezko betebeharra” hitzak azpimarratu<br />
nahi ditugu, errekerimendu hori ez baita gertatzen kapital-sozietateen legeak araututako<br />
enpresetan, ezta lan-sozietateetan, edo elkarte zein fundazioetan ere. Salbuespenezko egoera<br />
eta bakarra da sisteman.<br />
Eredu horren edukia artezkaritza-kontseiluak berak prest dezake, eta batzar nagusiak<br />
onartu, ondoko alderdiak jasota:<br />
- Kooperatiban dauden arrisku penalen azterketa.<br />
- Arrisku penalen mapa egitea.<br />
- Delituak prebenitzeko beharrezko protokoloak, prozedurak, neurriak eta kontrolak<br />
ezartzea.<br />
- Delituak Prebenitzeko Eredua gainbegiratzeko eta kontrolatzeko organoa sortzea.<br />
- Salaketa-sistema ezartzea.<br />
- Delituak Prebenitzeko Eredua aldian behin berrikustea eta eguneratzea<br />
Ez dugu eredua eduki horretara mugatu nahi; aitzitik, beste edozein arlori irekita dago;<br />
izan ere, eredua zenbat eta zehatzagoa eta osoagoa izan, orduan eta txikiagoa izango da<br />
kooperatibaren barruan delituak egiteko arriskua, eta, hala gertatuz gero, aplikatu beharreko<br />
salbuespena maila juridiko handiagokoa izango litzateke.<br />
2.8.1.5.2. Indarkeria sexistarik gabeko eremu bat bermatzeko baliabideak sartzea<br />
Gizarteak gaitz horren inguruan daukan kontzientziazio handiagoa dela eta, legelariak beste<br />
urrats bat egitea erabaki du, eta 50 bazkidetik gorako kooperatibeei ezarri die erakundearen<br />
42
KOOPERATIBA SORTZEA<br />
barruan jarduera sexistarik ez egitea bermatzen duen sistema gertatu eta eraikitzeko<br />
betebeharra.<br />
Betebehar horrek, “compliance” delakoarekin batera, lan gehigarria ekarriko du<br />
kooperatiba horientzat. Hala, mota horretako kooperatibek barne-prozedura ezarri beharko<br />
dute indarkeriazko zeinahi ekintza jakinarazi, izapidetu, ebaluatu eta salatu ahal izateko, eta<br />
hala badagokio, biktimen aldeko gizarte- eta lan-babeseko sistemak ezarri beharko dituzte.<br />
2.8.2. Manuaren izaera edo indar juridikoa<br />
Manuaren indarrari dagokionez, artikulu honetan jasotzen den edukia estatutuetan sartzea<br />
nahitaezkoa da kooperatiba guztientzat, delituen prebentzio-eredu eta indarkeria sexistarik<br />
gabeko esparrua segurtatzeko baliabideena izan ezik, jakina denez, horiek nahitaezkoak<br />
baitira 50 bazkide baino gehiagoko kooperatibentzat.<br />
Berritasuna dela eta, zalantzaren bat sor daiteke delituen prebentzio-eredua edo indarkeria<br />
sexistarik gabeko eremua bermatzeko baliabideak estatutuetan jaso behar diren ala ez.<br />
Delituak prebenitzeko eredua edo “compliance” delakoa agiri nahikoa luzeak dira eta,<br />
horregatik, estatutuak beharrik gabe marduldu daitezke. “Compliance” delakoaren edukiak<br />
kooperatibaren barruan dauden arrisku penalak aztertzen ditu, arrisku penalen mapa egiten,<br />
delituak prebenitzeko beharrezkoak diren protokoloak, prozedurak, neurriak eta kontrolak<br />
ezartzen, delituen prebentzio-eredua ikuskatu eta kontrolatzeko organoa sortzen du, salaketasistema<br />
ezartzen eta eredua aldizka berrikus eta egunera dadin eskatzen du.<br />
Gauza bera gertatzen da indarkeria sexista prebenitzeko baliabideekin. Horrelako<br />
baliabideak jaso nahi badira, kontuan hartu behar da sexu-jazarpena saihesteko lan-baldintzak<br />
ezarri beharko direla, bazkide eta soldatapekoentzako prestakuntza-saioak egin beharko<br />
direla laneko sexu-jazarpena prebenitzeko, gatazkak konpontzeko prozeduren ezarpena<br />
bultzatu beharko dela bitartekari baten esku-hartzearen bidez, eta biktimen aldeko neurriak<br />
ere arautu beharko direla, gizarte-arlokoak nahiz lan-arlokoak.<br />
Hori guztia estatutuetan sartuz gero, estatutuen edukia lar handitu daiteke, eta, beraz,<br />
estatutuetan agertu beharko litzatekeena honako hau da, zinez: kooperatibak dokumentu<br />
horiek egiteko eta azaldutako neurriak hartzeko konpromisoa duela, edo kooperatibak<br />
dagoeneko neurri horiek badituelako baieztapena.<br />
2.8.3. Esanahi praktikoa<br />
Benetan, kooperatiba baten sustatzaileek estatutu batzuk egin behar dituztenean, artikulu<br />
honetan ezarritako gutxienekoa bete beharko dute, zorrotz, eta bertan jasotako atal guztiak<br />
arautu beharko dituzte.<br />
Hala ere, kontuan izan beharko dute legearen barruan beste xedapen batzuk agertzen direla,<br />
nahitaezkoak, aukerakoak edo gomendagarriak, eta horiek nahitaez gehitu beharko direla edo,<br />
bestela, kooperatibaren beharren edo interesen arabera txertatu ahalko direla. Adibide gisa,<br />
aipa ditzagun huts arinak estatutuetan sartzeko derrigortasuna (halakoak araututa ez badaude<br />
edo barne-araubideko erregelamenduan araututa ez badaude), batzar nagusia eta artezkaritzakontseilua<br />
bideokonferentziaz egiteko aukera edo, arbitraje-bidera edo bide judizialera jo<br />
aurretik, erabakiak aurkaratzeko kooperatibaren barne-prozedura agortzeko derrigortasuna.<br />
43
KOOPERATIBA SORTZEA<br />
2.9. Kooperatiba deuseztatzea<br />
14. artikulua.– Kooperatiba deuseztatzea.<br />
Behin sozietatea inskribatu eta gero, deuseztasun-akzioa Kapital Sozietateei buruzko<br />
Legean ezarritako arrazoiengatik eta ondorioekin bakarrik egikaritu ahal izango da, eta<br />
salbuespen batekin: sortze-egintzan bi bazkide sortzaileren benetako borondatearen ordez,<br />
lege honetan ezarritako gutxieneko bazkide kopurua beharko da.<br />
2.9.1. Aldaketa nagusiak aurreko araudiaren aldean<br />
Aldaketa bakarra hauxe da: deuseztasunaren kausak eta ondorioak arautzen dituen<br />
erreferentziazko manua aldatu da, eta aurrerantzean uztailaren 2ko 1/2010 Legegintzako<br />
Errege Dekretua, Kapital Sozietateen Legearen testu bategina onartzen duena, izango da<br />
lehengo Sozietate Anonimoen Legea (SAL) indargabetu delako.<br />
Beraz, nahitaezkoa da lan honetan merkataritza-sozietateen deuseztasunaren kausak eta<br />
ondorioak arautzen dituzten artikuluak agertzea. Hona hemen artikulu horiek:<br />
56. artikulua. Sozietatea deuseztatzeko kausak<br />
1. Behin sozietatea inskribatutakoan, deuseztatze-akzioa ez da baliatuko kausa<br />
hauengatik baino:<br />
a) Eratze-egintzan ez biltzea, gutxienez, bi bazkide sortzaileren egiazko borondatea,<br />
bazkide bat baino gehiago diren kasuan, edo bazkide sortzailearena, pertsona<br />
bakarreko sozietatea den kasuan.<br />
b) Bazkide sortzaile guztiak ezgai izatea.<br />
c) Eratze-eskrituran bazkideen ekarpenak ez adieraztea.<br />
d) Estatutuetan sozietatearen izendapena ez adieraztea.<br />
e) Estatutuetan objektu soziala ez adieraztea edo objektu soziala legez kontrakoa<br />
edo ordena publikoaren kontrakoa izatea.<br />
f) Estatutuetan kapital sozialaren zifra ez adieraztea.<br />
g) Kapital sozial osoa ez ordaintzea, erantzukizun mugatuko sozietateetan; eta<br />
legeak galdatzen duen gutxieneko ordainketa ez egitea, sozietate anonimoetan.<br />
2. Aurreko zenbakian zerrendaturiko kasuetatik kanpo, ezin deklaratuko da<br />
sozietatearen inexistentzia ez deuseztasuna, ez eta hura baliogabe deklaratuko ere.<br />
57. artikulua. Deuseztasuna deklaratzearen efektuak<br />
1. Sozietatea deusez deklaratzen duen epaiak sozietatearen likidazioari hasiera<br />
ematen dio; likidazioa lege honetan desegite-kasuetarako aurreikusitako prozedura<br />
jarraituz egingo da.<br />
2. Deuseztasunak ez dio eragingo sozietateak hirugarrenekiko dituen egin-bideen<br />
edo kredituen baliozkotasunari, ez eta hirugarrenek sozietatearekiko di-tuztenenari<br />
ere, eta eginbideak zein kredituak likidazioak berezkoa duen arau-bidearen mende<br />
egongo dira.<br />
44
KOOPERATIBA SORTZEA<br />
3. Erantzukizun mugatuko sozietateetan, sozietatea kapital soziala osorik ez ordaintzeagatik<br />
deklaratzen denean deusez, bazkideak beharturik egongo dira ordaintzeko geratu den<br />
partea ordaintzera. Sozietate anonimoetan, deu-sez deklaraturiko sozietateak hartu<br />
dituen eginbideak hirugarrenei ordaintzeak hala eskatzen duenean, bazkideak beharturik<br />
egongo dira ordaintzeko geratu den partea ordaintzera.<br />
2.9.2. Manuaren izaera edo indar juridikoa<br />
Artikuluak deuseztasun-akzioa aurkezteko aukera ematen du. Alde horretatik, ez da<br />
aginduzkoa, baina bai ezartzen du EKLk araututako kausaren bat izan behar dela tartean.<br />
2.9.3. Esanahi praktikoa<br />
Artikulu honen bidez, legitimazioa duten pertsonek kooperatibaren aurka deuseztasunakzioa<br />
aurkezteko aukera arautu nahi da, betiere EKLren 56. artikuluak ezarritako arrazoiren<br />
bat gertatzen denean.<br />
EKLren 41. artikuluak batzar nagusiaren erabaki baten aurkako deuseztasun-akzioa<br />
aurkezteko legitimazioa duten pertsonak aipatzen ditu, ez baitugu ahaztu behar kooperatiba<br />
eratzeko erabakia batzar nagusi sortzailearen erabakia dela. Pertsona horiek honako hauek<br />
dira: bazkideak, administratzaileak, zaintza-batzordeko kideak eta bazkidea ez den beste<br />
edozein pertsona, interes legitimoa badauka; aurkezteko aukera urtebeteko epean iraungiko<br />
da, arrazoi edo edukiagatik ordena publikoaren aurkakoak diren akordioak izan ezik<br />
(adibidez, KSLren 56.1.e) artikulua).<br />
2.9.3.1. Deuseztapen-kausak<br />
Argi dago kausak “numerus clausus” direla, eta Euskadiko Kooperatibei buruzko 4/1993<br />
Legea eman zenez geroztik berdinak direla ikusita, kooperatibentzat garrantzitsuak diren<br />
pare bat aipu egingo dugu: bata EKLren 14. artikuluak berak ezartzen duen salbuespenari<br />
buruzkoa da, eta bestea EKLren 56.1.g) artikuluan araututako kausari buruzkoa, Kapital<br />
sozial osoa ez ordaintzea, erantzukizun mugatuko sozietateetan; eta legeak galdatzen duen<br />
gutxieneko ordainketa ez egitea, sozietate anonimoetan, atal horretan, legeak sozietate<br />
anonimoak eta sozietate mugatuak bereizten baititu eta, hortaz, kooperatibetan zelan aplikatu<br />
aztertu beharko genuke.<br />
2.9.3.1.1. EKLren 14. artikuluak dakarren salbuespena<br />
14. artikuluak ondoko salbuespena ezartzen du: “sortze-egintzan bi bazkide sortzaileren<br />
benetako borondatearen ordez, lege honetan ezarritako gutxieneko bazkide kopurua<br />
beharko da”.<br />
EKLren arabera, gutxieneko pertsona-kopuru hori kooperatiba-motaren araberakoa izango da:<br />
a) Bi, kooperatiba-sozietate txikien kasuan.<br />
b) Hiru, lehen mailako kooperatiben kasuan.<br />
c) Bi, bigarren mailako edo hortik gorako kooperatiben kasuan.<br />
Aurekoa dela eta, 56.1.a) artikulua honela interpretatu beharko genuke:<br />
45
KOOPERATIBA SORTZEA<br />
Sortze-egintzan izan ez delako, gutxienez, Euskadiko Kooperatiben Legeak ezarritako<br />
gutxieneko bazkide-kopurua borondate eraginkorra.<br />
2.9.3.1.2. KSLren 56.1.g) artikuluari buruzko argibidea<br />
Artikulu horrek, besteak beste, ondokoa hartzen du deuseztatzeko kausatzat: “Kapital<br />
sozial osoa ez ordaintzea, erantzu kizun mugatuko sozietateetan; eta legeak galdatzen duen<br />
gutxieneko ordainketa ez egitea, sozietate anonimoetan”.<br />
Kooperatibei aplika dakiezkeen kausak zein diren jakiteko, EKLren zenbait artikulutara<br />
jo behar dugu:<br />
4. artikulua.– Gutxieneko kapital soziala.<br />
Gutxieneko kapital soziala ezin izango da hiru mila (3.000) euro baino gutxiagokoa izan,<br />
eta eurotan adieraziko da. Kooperatiba sortzen den une beretik ordainduta egon beharko da<br />
gutxieneko legezko kapital horri dagokion kopuru osoa.<br />
61. artikulua.– Kapital sozialari nahitaez egin beharreko ekarpenak.<br />
1.– Estatutuetan zehaztuko da zein den bazkide izateko hasierako nahitaezko ekarpena,<br />
zeina desberdina izan daitekeen lege honetan ageri den bazkide mota bakoitzarentzat,<br />
edo kontuan hartuta zer izaera duen, fisikoa ala juridikoa. Ezberdina izan daiteke,<br />
halaber, bazkide bakoitzarentzat ere, kooperatibaren jarduerarekiko bakoitzak duen<br />
konpromisoaren edo erabileraren arabera.<br />
2.– Bazkide izateko hasierako nahitaezko ekarpenaren ehuneko hogeita bost gutxienez<br />
izenpetzearekin batera ordaindu beharko da, eta gainerako guztia sozietatearen<br />
estatutuetan edo batzar orokorrak erabakitako epean. Epe hori lau urtekoa izango<br />
da, gehienez ere.<br />
Artikulu horietatik, ondoriozta genezake deuseztasun-kausa badagoela honako kasu<br />
hauetan:<br />
1. Hasierako sozietate-kapitala 3.000 eurokoa izanik, oso-osorik ordaindu ez bada.<br />
2. Hasierako kapital soziala 3.000 eurotik gorakoa bada:<br />
a. 3.000 euroko gutxieneko hasierako kapital soziala ordaindu ez bada, nahiz<br />
eta harpidetutako hasierako kapital sozialaren gainean ordaindu beharreko<br />
gutxieneko hasierako % 25etik gorako zenbatekoa izan.<br />
b. Harpidetutako hasierako capital sozialari dagokion hasierako gutxieneko % 25<br />
ez ordaintzea, ordaindu beharreko gutxieneko zenbatekoa 3.000 eurotik gorakoa<br />
izan arren.<br />
2.9.3.2. Deuseztasunaren efektuak<br />
Deuseztasunak sozietatea desegiteko eta likidatzeko prozesua irekitzen du (ez da horri<br />
buruzko aldaketarik egon KSLn, SALen aldean), eta bidea irekitzen du bazkide sortzaileen<br />
balizko erantzukizunaren aurrean.<br />
46
KOOPERATIBA SORTZEA<br />
Deuseztasun-kausei dagokienez aztertutakoaren ildoari jarraiki, atal honetan, EKLk<br />
ekarritako aldaketa aztertuko dugu, SALen 35. artikulu zaharraren 3. paragrafoari dagokionez<br />
(bazkideen erantzukizuna). Esandako artikuluak ondoko edukia zeukan:<br />
“35.3 artikulua. Bazkideek dibidendu pasiboak ordaindu beharko dituzte, baldin eta hori<br />
beharrezkoa bada sozietate deusezak hirugarrenekin dituen betebeharrak betetzeko”.<br />
Efektu hori honela idatzita aldatu zen.<br />
“57.3 artikulua. Erantzukizun mugatuko sozietateetan, sozietatea kapital soziala osorik ez<br />
ordaintzeagatik deklaratzen denean deusez, bazkideak beharturik egongo dira ordaintzeko<br />
geratu den partea ordaintzera. Sozietate anonimoetan, deusez deklaraturiko sozietateak<br />
hartu dituen eginbideak hirugarrenei ordaintzeak hala eskatzen duenean, bazkideak<br />
beharturik egongo dira ordaintzeko geratu den partea ordaintzera”.<br />
Kasu honetan, bazkide sortzaileen erantzukizunaz ari gara.<br />
Eta, ildo horretan, berriz ere aztertu beharko dugu artikulu hori kooperatibei nola aplikatu.<br />
Deuseztasun-kausetarako lortu dugun ondorioari jarraiki, ondorioak honako hauek izan<br />
daitezke:<br />
1. Hasierako kapital soziala 3.000 eurokoa bada eta osorik ordaindu ez bada, ondorio hau<br />
izango du: bazkideek guztizko kapitala ordaindu beharko dute.<br />
2. Hasierako kapital soziala 3.000 eurotik gorakoa bada:<br />
a. Gutxienez, 3.000 euroko hasierako kapital soziala ordaintzen ez bada, nahiz<br />
eta harpidetutako hasierako kapital sozialaren gainean ordaindu beharreko<br />
hasierako % 25etik gorako zenbatekoa izan, ondorio hau izango du: bazkideek<br />
3.000 euroko gutxieneko zenbatekoa ordaindu beharko dute, baliogabetzat<br />
jotako sozietateak hirugarrenei hartutako obligazioak ordaintzeak hala eskatzen<br />
duenean.<br />
b. Hasieran harpidetutako sozietate-kapitala ordaintzeko gutxieneko hasierako<br />
% 25 ez ordaintzea, nahiz eta 3.000 euro baino gehiago ordaindu behar izateak<br />
ondorio hau izango du: bazkideek gutxieneko hori ordaindu beharko dute,<br />
deusez deklaratutako sozietateak hirugarrenei hartutako obligazioak ordaintzeak<br />
hala eskatzen duenean.<br />
2.9.4. Beste arau aplikagarri batzuk<br />
Berariaz aipatu ditugu EKLren 56. eta 57. artikuluak, zuzenean aplika daitezkeenak.<br />
47
3. <strong>EUSKADIKO</strong> <strong>KOOPERATIBEN</strong> ERREGISTROA* 1<br />
15. artikulua.– Antolaketa.<br />
Euskadiko Kooperatiben Erregistroa erregistro publikoa da, Eusko Jaurlaritzan lanarloko<br />
eskumena duen sailari atxikia, eta organo-egitura bateratua du.<br />
16. artikulua.– Erregistroaren eraginkortasuna.<br />
1.– Erregistroaren eraginkortasunaren printzipioak dira: publizitate material eta<br />
formala, legezkotasuna, legitimazioa, lehentasuna eta segidako traktua.<br />
2.– Inskripzioak sortze-izaera izango du hala kooperatibaren sortzearen, bat-egitearen,<br />
zatitzearen, desegitearen eta berrindartzearen kasuan nola izaera horretako<br />
sozietate bihurtzen den kasuan, eta dokumentazioa aurkezten den eguna hartuko da<br />
inskripzio-datatzat. Gainerako kasuetan deklarazio-balioa izango du.<br />
3.– Euskadiko Kooperatiben Erregistroak bitarteko elektroniko, informatiko eta<br />
telematikoak erabiltzea bultzatuko du, erregistroa erabili nahi duten herritarrekin eta<br />
entitateekin dituen harremanak erraztu ahal izateko, batez ere egintzak erregistroan<br />
inskribatu eta gordailutzeko, baita kontsultak ebazteko eta ziurtagiriak emateko ere.<br />
17. artikulua.– Funtzioak.<br />
Euskadiko Kooperatiben Erregistroak funtzio hauek izango ditu:<br />
a) Indarrean dagoen legeriaren arabera erregistroan jaso beharreko egintzak<br />
kalifikatu, inskribatu eta ziurtatzea, hain zuzen ere honako hauenak: lehen eta<br />
bigarren mailako edo maila handiagoko kooperatibenak, kooperatiben batasun<br />
eta federazioenak, federazio-elkarteenak edo batik bat lege honetan erregulatutako<br />
kooperatiba motez osaturiko beste entitate juridiko batzuenak.<br />
b) Nahitaezko diren liburuak gaitu eta legeztatzea.<br />
c) Artikulu honetako a) apartatuan aipatzen diren kooperatiben urteko kontuen eta<br />
erabakien egiaztapenen gordailua izatea. Bere ardura bakarra izango da aztertzea<br />
ea aurkezturiko dokumentuak legez eskatzen direnak diren, batzar orokorrak behar<br />
bezala onartu dituen, eta izenpetu behar duten guztiek izenpetu dituzten.<br />
d) Kooperatiba-entitateen izenari buruzko ziurtagiriak ematea.<br />
e) Egiten zaizkien galderak ebaztea, beren eskumenekoak badira.<br />
f) Lege honen edo berau garatuko duten arauen bidez emandako beste edozein.<br />
18. artikulua.– Arau osagarriak.<br />
1.– Epeei, espedientean pertsonatzeari, ordezkaritzari eta lege honetan edo berau<br />
garatzen duten arauetan espresuki garatzen ez diren Euskadiko Kooperatiben<br />
* Unai Iturriotz Erdotziain jaunak, jarduneko abokatu eta UPV/EHUko Administrazio Zuzenbidea,<br />
Konstituzio Zuzenbidea eta Zuzenbidearen Filosofia Saileko irakasle elkartuak, egindako iruzkina.<br />
49
<strong>EUSKADIKO</strong> <strong>KOOPERATIBEN</strong> ERREGISTROA<br />
Erregistroaren gaineko alderdi formalei dagokienez, administrazio-prozedurako<br />
arauak ezarriko dira.<br />
2.– Demanda judiziala jarri nahi izanez gero zuzenbide substantibo kooperatiboa<br />
aplikatuz emandako egintzen aurka, merkataritza-arloko epaitegi eta auzitegietara<br />
jo beharko da, bat etorriz Botere Judizialaren Lege Organikoarekin eta ezar<br />
daitekeen prozedura-araudiarekin.<br />
3.1. Sarrera<br />
Euskadiko Kooperatiben Erregistroa (aurrerantzean, EKE) funtsezko tresna da enpresatrafikoan<br />
segurtasun juridikoa emateko, eta kasu zehatz honetan, EAEn egoitza duten<br />
kooperatibei eta haiekiko harremanetan jartzen direnei edo kooperatibekin jarduten dutenei.<br />
Euskadiko Kooperatiben Legearen (aurrerantzean, EKL) I. tituluaren III. kapituluak (lau<br />
artikuluz osaturikoa) EKEri buruzko guztia arautzen du.<br />
3.2. Berrikuntza nagusiak aurreko araudiaren aldean<br />
Gaur egungo EKL eta aurrekoa alderatuz gero (4/1993 Legea, ekainaren 24koa), bi<br />
berritasun nabarmendu daitezke, bata formala eta bestea materiala.<br />
Berrikuntza formala dugu bitarteko elektroniko, informatiko eta telematikoen erabilera<br />
sustatzea aurrikusi dela, eta beste atal bat gehitu zaiola EKEren eraginkortasunari buruzko<br />
artikuluari. Gure iritziz, ekarpen horren bidez, modernizazioaren, teknologia berrien eta<br />
digitalizazioaren aldeko apustua indartu nahi da, hartara, EKE egungo errealitatera egokituz.<br />
Bestalde, berritasun material funtsezkoena eta esanguratsuena da merkataritzajurisdikzioaren<br />
esku utzi dela EKEren egintzen aurkako demanda juridikoak aztertu<br />
eta ebaztea. Aurreko araudian, jurisdikzio zibila genuen eskuduna, eta orain, berriz,<br />
merkataritzako epaitegiak eta auzitegiak.<br />
Berritasun gisa aipa liteke bide judizialaren aurreko erreklamazioaren aipamena desagertu<br />
dela, baina hori ez da berez berrikuntza bat, administrazio-legeria prozesal erkidean<br />
izandako erreformaren egokitze hutsa baizik: 30/1992 Legean, 39/2015 Legearen ondorioz,<br />
xedatzen zen akzio zibilak eta lanekoak gauzatu aurreko erreklamazioari buruzko guztia<br />
ezabatu den heinean, ez zuen zentzurik xedapen horri eusteak. Administrazio-legerian akzio<br />
zibilak eta lanekoak egikartitu nahi zirenean aurretiazko administrazio-erreklamazioa egin<br />
behar izateak suposatzen zuen izapidetzeko baldintza desagertu izanak, EKLn figura hau ez<br />
aurrikustea eragin du.<br />
Bestalde, gainerako aldaketak hutsalak dira eta, edonola ere, ez dute ondorio praktikorik,<br />
haien eginkizuna aurreko idazketa argitzea edo hobetzea izan baita.<br />
3.3. Iruzkin orokorra eta esanahi praktikoa<br />
Jarraian, EKEri buruzko xedapenak aztertuko ditugu artikuluz artikulu.<br />
50
<strong>EUSKADIKO</strong> <strong>KOOPERATIBEN</strong> ERREGISTROA<br />
3.3.1.15. artikulua<br />
EKE, egungo legea eman arte, “erregistro juridiko” gisa definitzen zen, erregistroan<br />
agertzen zenari buruzko presuntzio juridikoak sortzeko ahalmena baitzuen. Lege berriak,<br />
ordea, EKE “erregistro publiko” gisa definitzen du, eta horrek esan nahi du, alde batetik,<br />
interes legitimoren bat duen pertsona orok balia dezakeen zerbitzua dela, eta, bestetik,<br />
kooperatibei buruzko gertakari eta inguruabar jakin batzuei publizitatea ematera bideratuta<br />
dagoela. Nolanahi ere den, EKE definitzeko modu edo zehaztapen horrek ez du ondorio<br />
praktikorik; izan ere, lehen ere doako funtzionamenduko zerbitzu publiko moduan<br />
egituratuta zegoen, eta orain ere izaera, eraginkortasun eta ondorioak dituen erregistroa da<br />
arlo juridikoan. Ez dugu ahaztu behar, adibidez, sortze- edo desegite-egintzen inskripzioek<br />
izaera eratzailea dutela, eta, beraz, kooperatibek nortasun juridikoa eskuratzen edo galtzen<br />
dutela erregistroan inskripzioa egiten den unetik; gertakari hori ondorio juridikoaren eta,<br />
beraz, “erregistro juridikoaren” izaeraren erakusgarri garbia da. Horrenbestez, EKEk izaera<br />
publikoko erregistro juridiko administratiboa izaten jarraitzen du, eta uste dugu aldaketa<br />
horrekin alderdi bat baino ez dela nabarmendu nahi izan, izaera juridikoa galdu edo aldatu<br />
gabe. Hain zuzen ere, EKEren eraginkortasun-printzipioak ez dira inola ere aldatu, bereziki,<br />
publizitate formalari eta materialari eta legitimazioaren printzipioari dagozkienak.<br />
Nolanahi ere, lehen eta orain azpimarratu da erregistroaren egitura organikoa bateratua<br />
dela, kalifikazio- eta funtzionamendu-irizpideak uniformizatu nahi direlako eta jarduteko<br />
irizpideen arteko desadostasunak edo desberdintasunak saihestu nahi direlako. Horrek,<br />
jakin dakigun bezala, ez du esan nahi lurralde-ordezkaritzetan erregistroaren funtzioetako<br />
batzuk deskontzentratu ezin direnik. Egitura bateratua duenez eta euskal kooperatibentzako<br />
erregistro bakarra dagoenez, jakina, emaitza da irizpide bakarra izatea.<br />
Aurreko legean ez bezala, orain EKE ez zaio berariaz atxikitzen “Eusko Jaurlaritzako<br />
Lan eta Gizarte Segurantza Sailari”; aitzitik, arloa aipatzen da gaingiroki: lana. Gure ustez,<br />
aldaketa horren arrazoia da erregistroari dagokion saila izendatzeko modu berariazkoak<br />
eraginik ez sorraraztea, edo nahasterik ez sortzea izendapena aldatuz gero. EKE atxikita<br />
dagoen sailaren aipamena egiteko modu desberdin horrek ere ez du ondorio praktikorik,<br />
oraindik ere Euskal Autonomia Erkidegoko administrazio-antolamenduaren barruan baitago.<br />
3.3.2.16. artikulua<br />
EKLren zioen azalpenean azpimarratzen den bezala, ez dira ezertan aldatu EKEren<br />
eraginkortasuna eta hura arautzen duten printzipioak. Artikulu honen lehen paragrafoaren<br />
idazketa aurrekoaren berdina da; beraz, EKEren oinarri diren printzipioen esanahiak ere<br />
irauten duela ondoriozta daiteke.<br />
Eduki eta esanahi juridiko handiena duen artikulua dugu hau, eta, beraz, egokia da<br />
printzipio bakoitzaren esanahia laburki aletzea: “publizitate formala” (EKE publikoa da eta<br />
bertan erregistratzen den informazioaren publizitatea egingo da); “publizitate materiala”<br />
(presumitzen da pertsona guztiek ezagutzen dutela haren edukia, eta, hortaz, ezin da<br />
jakintasun eza aipatu, eta inskribatutako egintzek fede oneko ondorioak sortuko dituzte<br />
hirugarrenei dagokienez); “legezkotasuna” (aurretiazko ebaluazioa egin ondoren, inskribatu<br />
beharreko dokumentuak kalifikatu egingo dira, bai formari buruz eta ematen edo sinatzen<br />
51
<strong>EUSKADIKO</strong> <strong>KOOPERATIBEN</strong> ERREGISTROA<br />
duenaren legitimazioari buruz, bai edukiaren baliozkotasunari eta ondorioei dagokionez<br />
eta egiten den idazpenari dagokionez ere); “legitimazioa” (edukia zehatz eta baliozkotzat<br />
jo behar da, eta egintza deusezak edo akatsdunak baliozkotzen ez baditu ere, ondorio<br />
guztiak sortuko ditu, aurkako deklarazio inskribaturik egiten ez den artean, eta, gainera,<br />
kasu horretan, deklarazio horrek ez die fede oneko hirugarren pertsonen eskubideei kalterik<br />
egingo); “lehentasuna” (inskripzioak erregistroan sartzen direneko hurrenkeran egingo dira,<br />
eta, prebentziozko inskripzioa edo idatzoharra egiten denean, ezin izango da data bereko edo<br />
lehenagoko beste inskripziorik egin, baldin eta aurrekoaren kontrakoa bada edo bateraezina<br />
bada); eta “segidako traktua” (beharrezkoa da aldez aurretik subjektua, egintza edo kontratua<br />
inskribatzea, ahalordea edo izendapena, ondoz ondoko edo segidako inskripzioak egin ahal<br />
izateko).<br />
Bigarren atalak “izaera eratzailea” duten inskripzioak eta “adierazpenezkoak” zein diren<br />
zehazten du, eta aurreko erregulazioan bezala ageri da: modu baztertzailean identifikatzen<br />
ditu inskripzio eratzaileak, eta gainerakoei adierazpenezko izaera ematen die. Orain, lehen<br />
bezala, izaera eratzailea izango dute, eta, beraz, eremu juridikoan efektuak eta ondorioak<br />
izango dituzte eraketa, bat-egite, zatiketa, desegite eta berraktibatze inskripzioek, bai eta<br />
kooperatiba bihurtzekoek ere; gainerako guztiak, berriz, adierazpenezkoak izango dira, hau<br />
da, informazio hutseko balioa izango dute. Aurrekoa gorabehera, aurreko legerian egiten<br />
ez zen aurrikuspen praktiko bat gehitu zaio oraingoari: inskripzio-data dokumentazioa<br />
aurkeztu deneko data izango da. Beraz, nahiz eta idazpena EKEn dokumentua sartu zen<br />
data baino geroago egin, idazpena jasoko duen data dokumentuaren aurkezpenaren data<br />
izango da. Ekarpen hori argipena da, berrikuntza baino gehiago, eta bat dator “lehentasun”<br />
printzipioarekin: erregistroko eragiketak aurkezpen-hurrenkeraren arabera egingo dira.<br />
Erregistroaren eraginkortasunari gagozkiola, arestian aurreratu dugun moduan, berritasun<br />
nabarmenena dugu hirugarren atal bat gehitu dela, egintzak inskribatzeko eta gordailutzeko<br />
prozesuak errazteko helburuz, bitarteko elektroniko, informatiko eta telematikoak<br />
erabiliz. Beraz, arauketa berri horren bidez, EKE egungo errealitatera egokitu nahi da, eta<br />
harremanetan bitarteko arinagoak erabiltzea sustatu, izapideak eta kudeaketak egiteko lehen<br />
aukera izan dadin. Hala ere, 39/2015 Legeak xedatutakoaren aldean, nabarmendu behar<br />
dugu lege horrek erregistro elektronikoak nahitaez ezarri zituela administrazio guztientzat;<br />
kasu honetan, ordea, soilik xedatu da bitarteko moderno horien erabilera sustatuko dela,<br />
nahitaezko erabilera ezarri barik.<br />
3.3.3.17. artikulua<br />
17. artikuluak EKEren funtzioak jasotzen ditu.<br />
EKEri esleitzen zaizkion funtzioen zerrenda ez da aldatu. Funtzioak berdinak dira, bai<br />
era kuantitatiboan, bai kualitatiboan. Berritasun bakarra da c) epigrafearen idazketa hobetu<br />
dela, eta, gainera, a) idatz-zatiaren inguruan egiten den aipamena “artikulu honetakoa” dela;<br />
argibide horrek ez du inola ere aldatzen aurrikuspenaren esanahia.<br />
Azpimarratu behar dugu artikuluan jasotako funtzioak ez direla EKEri esleitutako bakarrak,<br />
azken epigrafean xedatzen baita “lege honen edo berau garatuko duten arauen bidez<br />
emandako beste edozein” ere izango duela. Jakina denez, erregelamendu bidez xedatu da<br />
52
<strong>EUSKADIKO</strong> <strong>KOOPERATIBEN</strong> ERREGISTROA<br />
EKE “kooperatiben lankidetza sustatzeko tresna aktiboa” izango dela, bai eta “kooperatiba<br />
berrien sustatzaileei eta dagoeneko eratuta dauden kooperatiben administratzaile eta<br />
aholkulariei aholku emateko tresna” ere izango dela; beraz, haren eginkizunak ez dira EKLk<br />
jasotzen dituenetara mugatzen. Azken batean, funtzio horiek ez dira numerus clausus.<br />
Funtzioei buruz xedatutakoa argia denez, ez du gehiegi luzatzea merezi, baina honako ohar<br />
hauek egin behar dira, laburrean:<br />
• Kalifikatzeak EKEren aurrean aurkezten dena legearekin bat ote datorren aztertzea<br />
eta ebaluatzea dakar, dagokion idazpena formalizatu behar denetz erabakitzeko;<br />
hau da, erregistroan aurkezten diren tituluek edo dokumentuek arloa arautzen<br />
duten manuek galdatzen dituzten baldintza estrintsekoak eta intrintsekoak betetzen<br />
dituzten balioetsi behar da. Kalifikazioaren ondorioz, ebazpen arrazoituaren bidez,<br />
“eskatutako idazpena baietsi edo ezetsiko da”, erregelamendu bidez ezarri bezala:<br />
akatsik ez badu, idazpena berehala egingo da, eta akastuna bada, idazpena ukatuko<br />
da, ukazioaren zioak emanda.<br />
• Inskripzioa erregistro-liburuetan egiten den idazpen-mota bat da. Egintza batzuk<br />
inskribatu egin behar dira, hala nola kooperatibak sortzea edo eratzea edo estatutuen<br />
aldaketak, eta beste batzuk hautazkoak dira, hala nola Gizarte Kontseilua eta<br />
Errekurtsoen Batzordea izendatzea.<br />
• Erregistro-ziurtagiria EKEn jasota dagoen edukia liburuetako edukiaz bat<br />
datorrela argitaratzeko modua da, erregistroa egiten duenak sinatua eta horren<br />
erantzunkizunpean. EKEn jasota dagoena edo agerrarazi dena modu fede-emailean<br />
egiaztatzeko bide aproposa da, bai eta jasota ez dagoena ere egiaztatzekoa; esate<br />
baterako, hala gertatzen da bat ez datorren izendapenaren ziurtagiriekin, azken<br />
batean, kooperatiba bat sortzerakoan, izen jakin bat gorde nahi den kasuetan erabili<br />
ohi den izendapenaren ezezko ziurtagiriak baitira; izan ere, ez dago baimenduta<br />
lehendik eratuta dagoen beste kooperatiba baten izen bera hartzea, eta ziurtagiri hori<br />
eginez gero, ondorio juridikoak sortutako ditu ziurtagiriaren eskatzailearen izenean<br />
erregistraturik ez dagoen izendapena aldi baterako gorde dakion.<br />
Publizitatea gauzatu daiteke ere informazio-ohar soilen bidez, zeintzuk balio<br />
argigarria duten eta ez duten idazpenen edukiaz fede ematen, edo EKEn gordailatu<br />
diren dokumentuen edo idazpenen fotokopien bidez.<br />
• Liburuak gaitu eta legeztatzeak suposatzen du, aztergai darabilgun kasuan,<br />
erregistro-liburuak helburu jakin baterako bideratzea, honako kasuan trafiko<br />
juridikoan bere edukiak balioa eta eragina izatea. Kooperatibentzat nahitaezkoak<br />
diren liburuak gaitu edo legeztatu behar ditu EKEk. Bi egintza horien arteko<br />
desberdintasuna dugu gaikuntza liburua erabili aurretik egin behar dela (“erabili<br />
baino lehen”, indarrean dagoen erregelamenduaren arabera) eta legeztatzea<br />
liburuak idatzi ostekoa dela. Gaikuntza eta legeztatzea erregistroaz arduratzen<br />
den pertsonak lehen orrian gauzatutako eginbidearen bidez egiten dira, eta orri<br />
guztietan zigilua jarrita.<br />
53
<strong>EUSKADIKO</strong> <strong>KOOPERATIBEN</strong> ERREGISTROA<br />
• Kontuen gordailua eta erabakien ziurtagiria jasotzeak esan nahi du EKEa dela<br />
dokumentu horien guztien hartzailea, publikoak izan daitezen eta zeinahi interesdunen<br />
eskura egon daitezen, baina erregistroak soilik jasotzen ditu eta kalifikatzen du legez<br />
eskatutako dokumentuak diren, organo eskudunak behar bezala onartu dituen eta<br />
eskatutako sinadurak agertzen diren. EKEk ez du aztertzen, are gutxiago bermatzen,<br />
edukia errealitatearekin eta/edo legezkotasunarekin bat datorren.<br />
• EKEk ere aholkularitza-funtzioa betetzen du, kontsultak ebazteko eginkizuna<br />
egozten dion neurrian. EKEren erantzunek informazio-balioa baino ez dute, eta ez<br />
dute eskubiderik edo eskubide-itxaropenik sortzen. Era berean, haren erantzunak<br />
ez du lotzen erregistratzailearen geroko jarduketa, eta ezin da aurkaratu; hala ere,<br />
egiten den erregistro-kalifikazioaren aurkako errekurtsoa jarri ahal izango da. Berez<br />
ez dago mugarik EKEk ebatzi ditzakeen objektu edo inguruabarren inguruan, baina<br />
“bere eskumeneko” gaiak izan behar dira.<br />
3.3.4. 18. artikulua<br />
EKEren inguruko aurreko arautzeari gagozkiola, berritasun nagusia artikulu honetan bertan<br />
dago: Lehenengo atalak aurrikusten duen ordezko araudi aplikagarriari dagokionez, lehengo<br />
arauketarekin alderatuta, ia berdina da, bai funtsean, bai forman, salbuespen txiki batekin:<br />
“formalak” izenondoa gehitu zaio “gainerako gaiak” aipamen orokorrari, gai horiek<br />
prozesalak - formalak direla argitu nahian -hortaz, ez direla funtsezkoak eta materialak-.<br />
Bigarren atalak demanda judizialak aztertuko dituzten jurisdikzio organuez aurreikustakoa<br />
moldatu du, jurisdikzio zibiletik merkataritza-epaitegi eta auzitegietara iraganez. Era berean,<br />
Eusko Jaurlaritzaren aurrean bideratu behar zen auzibidera jo aurreko erreklamazioari buruz<br />
aurrikusten zena desagertu da, figura hori 39/2015 Legean ezabatu zelako.<br />
Beraz, gaur egun indarrean dagoen ordezko araua 39/2015 Legea izango litzateke, epeei,<br />
pertsonatzeari, ordezkatzeari eta gainerako alderdi formalei buruz EKLk edo hura garatzen<br />
duten erregelamenduek xedatzen ez duten guztiari dagokionez. Kooperatibei buruzko arau<br />
berariazkoetan aurreikuspenik ez dagoenetan, lehen bezala, administrazio-prozedura erkideko<br />
arauetara jo behar da; hala ere, EKL garatzen duen erregelamenduak egiten dituen igorpenak<br />
direla eta, administrazio-arloko legeria prozesalera ere sarritan jo behar dugu.<br />
Lehen azpimarratu dugun moduan, berritasun nagusia da EKEren egintzen aurkako demanda<br />
judizialak jurisdikzio zibiletik merkataritza-jurisdikziora igaro direla. Aldaketa horrek, baina,<br />
badu arrazoibiderik: aurreko euskal kooperatiben legea eman zenean, ez zegoen merkataritzaepaitegirik;<br />
gerora sortu ziren, uztailaren 9ko 8/2003 Konkurtso Legearen erreformaren<br />
ondorioz. Eta 2004ko irailaren 1ean jarri ziren abian. Aintzat hartu behar dugu merkataritzajurisdikzioari<br />
dagokiola sozietate-zuzenbideari buruzko gatazkak ebazteko eskumena, arlo<br />
horretako eskumen materiala dela-eta, baita jurisdikzio-organo espezializatua dela ere arlo<br />
zibileko epaitegien aurrean, zuzenbide pribatuaren barruan. Hala, 2003. urtean egindako<br />
aldaketaren ondoren, egungo Botere Judizialaren Lege Organikoaren 86 ter artikuluak,<br />
zehazki 2.a) idatz-zatiak, merkataritza-epaitegien eskumena aurrikusten du “merkataritzasozietateak<br />
eta kooperatibak erregulatzen dituen araudiaren babesean aurkezten diren”<br />
demandei dagokienez, baina ez dira aipatzen kooperatiben erregistroek egindako kalifikazioari<br />
54
<strong>EUSKADIKO</strong> <strong>KOOPERATIBEN</strong> ERREGISTROA<br />
buruz emandako ebazpenen aurka jarritako errekurtsoak, 2.e) idatz-zatiak merkataritzaerregistratzaileen<br />
kalifikazioaren aurkako errekurtsoei buruz xedatutakoa gora behera.<br />
EKLindarrean sartu zenetik jurisdikzio eskuduna merkataritzakoa izan arren, horrek ez du<br />
esan nahi EKEk merkataritza-izaera duenik edo orduz geroztik hartu duenik. Lehen, orain<br />
bezala, lan-arloaren ardura daukan Eusko Jaurlaritzako sailari atxikita dago, administrazioorganigramaren<br />
barruan. EKE arautzen duten arauetan, lehenengoz eta bat, kooperatibenak<br />
ditugu, eta, ondotik, administrazio-prozedurakoak. Gainera, EKLk “erregistro publikoa”<br />
dela azpimarratu du. Beraz, ez litzateke zuzena izango EKE eta Merkataritza erregistroa<br />
parekatzea.<br />
Beste alde batetik, akzio zibilak egikaritzeko aurretiazko erreklamazioaren aurrikuspen<br />
falta azpimarratu dugu. Aurretiazko erreklamazioari buruzko aurrikuspena desagertu egin<br />
da 39/2015 Legera egokitzeko; izan ere, lege horrek indargabetu egin zuen jurisdikzioorganoetan<br />
akzio zibilak eta lan-arlokoak egikaritu aurreko prozedurazko baldintza hori,<br />
“erabilgarritasun praktiko eskasa zuela eta”, zioen azalpenean adierazi zenez. Ondorioz,<br />
EKEren jarduketaren aurka egikaritzen den akzioa zuzenbide pribatuan oinarritzen den<br />
kasuetan, ez da nahitaezkoa aldez aurreko erreklamaziorik aurkeztea Eusko Jaurlaritzaren<br />
aurrean; demanda judiziala zuzenean formulatu eta jurisdikzio-organo eskudunaren aurrera<br />
jo daiteke, orain, merkataritza-arloko jurisdikziora. Azken batean, figura ezabatzeak gaur<br />
egungo aurrikuspen eza dakar. Uler daiteke, legeria prozesal administratibora igorpen<br />
orokorra egin denez eta, bertan, aurretiazko erreklamazioei buruzko xedapena desagertu<br />
denez, alde batetik, errepikakorra litzatekeela horrelako aurrikuspenik egitea, eta, bestetik,<br />
ez lukeela zentzurik izango erreferentzia ezkorrik egiteak.<br />
Aurrekoa gorabehera, ukatzeko arrazoia administrazio-zuzenbide publikoan oinarritzen<br />
bada, EKEren egintzen eta ebazpenen aurka, gora jotzeko errekurtsoa jar daiteke eta jarri<br />
behar da lan-arloaz arduratzen den Eusko Jaurlaritzako sailaren aurrean, akzio judizialak<br />
gauzatu aurretik. Kasu horietan, aurretiazko administrazio-bidea agortu egin behar da<br />
auzibidera jo baino lehen. Zuzenbide pribatuaren (zibila edo merkataritzakoa) esparruko<br />
akzioak egikaritzen diren kasuetan bakarrik ez litzateke beharrezkoa izango auzia lehenago<br />
administrazio-bidetik izapidetzea.<br />
Egintza bereizgarrien doktrina kooperatiben erregistroko arlora eramanez gero,<br />
erabakigarria da zehaztea ebazpenaren izaera eta bereiztea zein izan den EKEren ebazpenaren<br />
ukatzeko kausa: zuzenbide pribatuan oinarritzen den eta, beraz, merkataritzako jurisdikzioorganoetara<br />
zuzenean jo dezakegun edo, bestela, zuzenbide publikoan funtsatzen den eta,<br />
hortaz, administrazioarekiko auzien jurisdikzio-organoetara jo behar dugun, betiere aldez<br />
aurreko administrazio-bidea agortu baldin badugu.<br />
Egia esatera, gai korapilatsua da, eta zailtasunik sor dezake kasu jakin bakoitzean<br />
jurisdikzio eskuduna zein den zehazteak; eta are zailagoa da, aintzat harturik Espainiako<br />
Estatuko autonomia-erkidego bakoitzak modu ezberdinean arautu duela kooperatiben<br />
erregistroek garatutako jarduerari doazkien gaiez arduratzeko errekurtso-sistemaren eta<br />
jurisdikzio-ordenaren eskumenari buruzko auzia, edo zalantzazko eran edo modu ez oso<br />
argian arautu dutela.<br />
55
<strong>EUSKADIKO</strong> <strong>KOOPERATIBEN</strong> ERREGISTROA<br />
3.4. Beste arau aplikagarri batzuk<br />
Estatuko legeria (27/1999 Legea, uztailaren 16koa) aplikagarria izango litzateke<br />
kooperatiba-jarduera nagusiki autonomia-erkidego batean ez, autonomia-erkidego batzuetan<br />
gauzatzen denean, baina ez du ekarpenik egiten EKLk EKEri buruz araututakoaren aldean.<br />
Kontuan izan behar dugu gaur egun Euskadiko Kooperatiben Erregistroaren Antolakuntza<br />
eta Funtzionamenduari buruzko martxoaren 29ko 59/2005 Dekretuaren 6. xedapen<br />
gehigarrian xedatutakoa:<br />
- Alde batetik, administrazio-prozedura erkidearen arauak aplikatuko dira EKLn eta<br />
haren erregelamenduan arautzen ez diren alderdi prozesalei dagokienez.<br />
- Bestetik, “eduki juridiko-pribatuko alderdiei dagokienez”, EKLk eta haren<br />
erregelamenduak araututakoaren arabera, “Merkataritza erregistroan inskribatzera<br />
behartuta dauden sozietateentzako erregistro-arauak aplikatuko dira”, baldin eta<br />
bateragarriak badira EKLrekin eta EKEren eginkizun eta ezaugarriekin.<br />
56
4. BAZKIDEAK* 1<br />
4.1. Sarrera: Legezko arauketaren egitura eta helburua<br />
I. Tituluaren IV. Kapituluak, «Bazkideak» deritzonak, testuaren 19. artikulutik 31.era<br />
biltzen ditu. Hona hemen:<br />
19. artikulua. Nor izan daitekeen bazkide.<br />
20. artikulua. Onarpena.<br />
21. artikulua. Lan-bazkideak.<br />
22. artikulua. Bazkideen betebeharrak.<br />
23. artikulua. Bazkideen eskubideak.<br />
24. artikulua. Informazio-eskubidea.<br />
25. artikulua. Informazio-eskubidearen muga eta bermeak.<br />
26. artikulua. Borondatezko baja.<br />
27. artikulua. Nahitaezko baja.<br />
28. artikulua. Kanporatzea.<br />
29. artikulua. Sozietatearen diziplina-arauak.<br />
30. artikulua.– Bazkide langilearen edo lan-bazkidearen etetea edo nahitaezko baja,<br />
arrazoi ekonomiko edo teknikoak, edo antolakuntzako, ekoizpeneko edo ezinbesteko<br />
arrazoiak direla-eta.<br />
31. artikulua. Bazkide ez-aktiboak edo bazkide ez-erabiltzaileak eta bazkide eszedentziadunak.<br />
Tradizioari jarraituz, kapitulu honen hasieran bazkide izan daitezkeen pertsonak<br />
arautzen dira. Berrikuntza azpimarragarri gisa, aipa dezagun sistematizazio bat egin dela,<br />
kooperatiba batean parte har dezaketen bazkideen modalitateak agerian uzteko. Hala,<br />
aipatzen diren bazkide-moten artean, aurreko EKLn artean araututa zeudenak ageri dira,<br />
bai eta, berrikuntza nagusi gisa, eszedentzian dauden bazkideak ere. Sistematizazio-asmo<br />
berari lotuta, kooperatiba batean parte har dezaketen bazkideen modalitateak zehaztu dira,<br />
kooperatiba bakoitzaren erregulazioa EKLren manu desberdinetan jasotzeari kalterik egin<br />
gabe. Azkenik, «administrazio publikoak eta haien mendeko erakunde instrumentalak» ere<br />
kooperatibetako bazkide izan daitezkeela ñabartu da.<br />
Bazkideen onarpenaren erregulazioari dagokionez, aurretik indarrean egon den<br />
erregulazioaren ia berdina da, manuaren edukia hobeto eta argiago islatzeko egindako<br />
aldaketa sintaktiko batzuk izan ezik. Zehaztapen bakar gisa, nabarmendu behar dugu,<br />
idazketa berriaren arabera, onarpena ezin izango dela onartu zeinahi diskriminazio-mota<br />
* Jaione Badiola López andreak, LKS Next LEGALeko abokatu-bazkide eta lan-arloko arduradunak<br />
(19, 20, 21, 26, 27, 28 eta 29. artikuluak); eta Francisco Javier Arrieta Idiakez jaunak, Deustuko<br />
Unibertsitateko Lan Zuzenbideko eta Gizarte Segurantzako irakasle titular eta BITARTU-Kooperatiben<br />
Arbitrajeko Euskal Zerbitzuko arbitroak (22, 23, 24, 25, 30 eta 31. artikuluak) egindako iruzkina.<br />
57
BAZKIDEAK<br />
dakarten arrazoiengatik, eta kendu egin direla aurreko EKLk zekartzan kalifikatzaileak:<br />
arbitrarioa edo ez-zilegia.<br />
Beste alde batetik, lan-bazkideen erregulazioak aurreko PZLk dakarren eduki berari<br />
eutsi dio.<br />
Bazkideen betebeharrei dagokienez, EKLEn jasota zegoen gai bat sartu da hitzez hitz<br />
EKLn, hau da, bazkideek, estatutuek hala arautzen badute, kooperatibaren jardueretan<br />
gutxieneko parte-hartzea edo konpromisoa izateko betebeharra betetzeko aukera,<br />
kooperatibarekiko lankidetzan aritzen diren edo batera parte hartzen duten beste erakunde<br />
batzuetan parte hartuz, baldin eta sozietatearen xedeari lotutako interes berezia badute.<br />
Bazkideen eskubideei dagokienez, lehengo EKLren edukia berdin-berdina da, eta, beraz,<br />
kooperatiba bateko bazkide guztiei dagokien eskubideen gutxieneko eta beharrezko zerrenda<br />
ere arautu da oraingo manuan.<br />
Informazio-eskubideari dagokionez, bi berrikuntza ekarri ditu EKL berriak, zenbait<br />
alderdi argitzeko helburuz. Hala, lehenik eta behin, batzar orokorrean ekitaldiko kontuei edo<br />
zeinahi proposamen ekonomikori buruz eztabaidatu behar denean, bazkideen eskura egon<br />
behar duen informazioaren artean, administratzaileek egindako kudeaketa-txostena aipatzen<br />
da. Bigarrenik, zaintza-batzordearen nahitaezko txostena, urteko kontuei eta soberakinak<br />
banatzeko edo galerak egozteko proposamenari buruzkoa, bazkideen eskura egongo da<br />
soil-soilik kooperatibak bere finantza-egoerak kontu-auditoretza baten irizpenari lotzeko<br />
betebeharrik ez duenean.<br />
Informazio-eskubidearekiko lotura hertsian ditugu haren mugak eta bermeak. Esparru<br />
horretan, EKL berriak lehengo EKLren edukia errepikatu du, eta eskubide horren balizko<br />
urraketen aurrean aurkaratzeko bideak jasotzen dituzten artikuluetara egindako igorpenak<br />
baino ez ditu aldatu.<br />
Borondatezko bajaren erregulazioak, oro har, lehengo EKLren eduki berdintsua dakar.<br />
Hala, egindako aldaketek lehengoan guztiz argiak ez ziren alderdi batzuk argitu dituzte, eta,<br />
kasu batzuetan, beste erregulazio bat ere badakarte, hala nola baja eskatzeko aurreabisu-epea<br />
murriztearen ingurukoa.<br />
Ildo beretik, nahitaezko bajaren erregulazioak, oro har, aurreko EKLn jasotako idazkerari<br />
eutsi dio. Berrikuntza gisa, ezarri da kooperatibak nahitaezko bajaren eskaerari epe berdinean<br />
eta borondatezko bajarentzat arautzen diren ondorio berdinez erantzun beharko diola.<br />
Gainera, prozedurari lotutako zenbait argibide txertatu dira.<br />
Kanporatzearen erregulazioari dagokionez, indarrean dagoen EKLk aurrekoaren eduki<br />
berdina dakar, hitzez hitz.<br />
Gizarte-diziplinako arauei gagozkiela, zenbait hobekuntza egin dira idazketan, aurreko<br />
EKLk jasotzen zuen erregulazioaren aldean. Lexikoren inguruko hobekuntza hutsak ez ezik,<br />
zenbait alderdi argitzekoak ere badira, aurrekoen eduki zehatzak zalantza batzuk sortzen<br />
baitzituen interpretazioan, besteak beste, arau-hausteen preskripzio-epearen edo hura<br />
etetearen inguruan.<br />
Zalantzarik gabe, kapitulu honen berrikuntza nagusietako bat da bazkide langileari edo<br />
58
BAZKIDEAK<br />
lan-bazkideari nahitaez eteteari edo baja emateari buruzko erregulazioa kapitulu horretan<br />
txertatzea, arrazoi ekonomiko, tekniko, antolakuntzari edo ekoizpenari lotutako arrazoiengatik<br />
edo ezinbesteko arrazoiengatik. Horrek esan nahi du kapitulu honetan eta, zehatzago<br />
esanda, 30. artikuluan, aurreko EKLren 103. artikuluak arautzen zuen edukia, lan elkartuko<br />
kooperatiben esparruan. Berritasunen artean, azpimarratzekoa da, egungo EKLren 109.3<br />
artikuluak ezarritakoari jarraiki, 30. artikuluak dakarren erregulazioa ez zaiela aplikatuko<br />
irakasleak eta irakasle ez diren nahiz zerbitzuetako langileak elkartzen dituzten irakaskuntzakooperatibei.<br />
Era berean, aldaketa batzuk egin dira, hala nola sozietate-harremanak eteteko<br />
erabakia malgutzeari buruzko, administratzaileei ere horretarako ahalmena emanda. Helburu<br />
beraren ildotik, administratzaileei ahalmena eman zaie kooperatiban baja eman behar duten<br />
bazkide langileen edo lan-bazkideen kopurua eta identitatea zehazteko. Orain, gainera,<br />
ñabardura garrantzitsuak jaso dira dira kargua utzi duten bazkideek borondatezko eta<br />
nahitaezko ekarpenak itzultzeko duten eskubidearen inguruan.<br />
Azkenik, kapitulu honetako beste berritasun garrantzitsu bat dugu bazkide ez-aktibo<br />
edo ez-erabiltzaileez gain, 31. artikuluak eszedentzian dauden bazkideak ere aintzat hartzen<br />
dituela.<br />
4.2. Nor izan daitekeen bazkide<br />
19. artikulua.– Nor izan daitekeen bazkide<br />
1.– Lehen mailako kooperatibetako bazkide izan daitezke pertsona fisiko zein juridikoak,<br />
publiko nahiz pribatuak, betiere kontuan izanda lege honetako II. tituluan ezarritako<br />
salbuespenak.<br />
Bigarren mailako edo maila handiagoko kooperatibei dagokienez 147. artikuluan<br />
ezarritakoa bete beharko da.<br />
Kooperatiba sortzen den unean, sortzen den kooperatiba motako hiru bazkidek,<br />
gutxienez, osatu beharko dituzte lehen mailako kooperatibak. Bigarren mailako edo<br />
maila handiago kooperatibetan, bi sozietate kooperatibo, gutxienez, izan beharko<br />
dituzte beren bazkide sortzaileen artean.<br />
2.– Kooperatibetako bazkideak honako modalitate hauetakoren batean sartuko dira:<br />
a) Bazkide kooperatzaileak.<br />
b) Bazkide ez-aktibo edo bazkide ez-erabiltzaileak eta bazkide eszedentziadunak.<br />
c) Bazkide laguntzaileak.<br />
d) Kooperatiba mistoetan, sozietate-zatien titular izanik boto-eskubidea duten<br />
bazkideak.<br />
3.– Bazkide kooperatzaileak dira pertsona fisiko edo juridikoak, kooperatibaren<br />
jardueran langile edo erabiltzaile gisa benetan parte hartzen dutenak.<br />
4.– Bazkide ez-aktiboak edo bazkide ez-erabiltzaileak eta bazkide eszedentziadunak<br />
dira legearen 31. artikuluan halakotzat jotzen direnak.<br />
5.– Bazkide laguntzaileak izan daitezke pertsona fisiko edo juridikoak, publiko zein<br />
59
BAZKIDEAK<br />
pribatuak, kooperatibaren helburu soziala bete-betean aurrera eramaterik ez<br />
badute ere helburua lortzen lagun dezaketenak. Kooperatibaren estatutuetan<br />
erabakitakoaren arabera arautuko dira haien eskubide eta betebeharrak;<br />
estatutuetan aurreikusi gabeko guztirako, berriz, aldeen artean hitzartutakoa beteko<br />
da. Bazkide horien multzoak ezin izango du, ez batzar orokorrean, ez artezkaritzakontseiluan,<br />
botoen herena baino gehiago izan, salbu eta sozietate kooperatiboak<br />
direnean.<br />
Bazkide laguntzaileek eskubidea izango dute partaidetza izateko kooperatibaren<br />
emaitzetan, jarduera kooperatibizatuan duten partaidetzaren arabera, betiere<br />
estatutuetan espresuki horrela jasotzen bada edo batzar orokorrak hala erabaki, eta<br />
artezkaritza-kontseiluak espresuki formalizatzen badu.<br />
Bazkide laguntzaileak kooperatiba mistoekiko bakarrik hartuko dira bazkide<br />
kooperatzailetzat.<br />
6.– Kooperatiba mistoetako gutxiengoko bazkideak dira sozietate-zatien titular izanik<br />
boto-eskubidea duten bazkideak.<br />
7.– Administrazio publikoek eta haien mendeko ente instrumentalek ere bazkide izateko<br />
aukera izango dute, kooperatibaren helburua bada entitate horien zerbitzuei lotutako<br />
zerbitzuak ematea edo jarduerak egitea, betiere prestazio horiek ez badute ekartzen<br />
edo eskatzen agintaritza publikoaren egikaritza.<br />
4.2.1. Berrikuntza nagusiak aurreko araudiaren aldean<br />
EKL berria 1993ko ekainaren 24ko aurreko araudiarekin alderatzen bada, honako<br />
berrikuntza hauek aipatu behar dira oraingo EKLren 19. artikuluaren ildoan:<br />
a) Bigarren paragrafoa txertatu da berriren berri, bazkide-motak sailkatzeko, eta<br />
honako hauek jaso dira bertan: bazkide laguntzaileak, bazkide ez-aktiboak edo<br />
ez-erabiltzaileak eta eszedentzian dauden bazkideak, bazkide laguntzaileak eta,<br />
kooperatiba mistoetan, botoa duten alderdi sozialen bazkide titularrak. Bazkidemodalitate<br />
desberdinak dira, lehendik ere aitortuta zeudenak, baina kasuan kasuko<br />
manuaren barruan jaso dira, ondorio sistematikoak izateko, kooperatiba batean izan<br />
daitezkeen bazkide-modalitateen irudi osoa eskaintzearren. Horrela, kooperatiba<br />
batean parte har dezaketen bazkide-modalitateak ageri dira, kooperatiba bakoitzak<br />
izan ditzakeen ezaugarri bereziei kalterik egin gabe.<br />
Legeari lotu zaizkio EKLren erregelamendua onartzen duen EKLEren 2. artikuluak<br />
araututako bazkide-modalitateak. Hala ere, berritasun gisa txertatu da eszedentzian<br />
dagoen bazkidea; hori sartuta, badirudi edozein kooperatiba-motatara hedatu nahi<br />
dela haren presentzia.<br />
b) Bigarren berritasunaz denaz bezainbatean, aipatu behar da hirugarren lerroalde berria<br />
gehitu dela, horretan, bazkideen modalitateak adierazi ondoren, haien araubide<br />
juridikoa definitu da. Hala, bazkideen modalitate bakoitzaren erregulazioa manu<br />
desberdinetan agertzen den arren, egokitzat jo da kooperatiba batean onar daitezkeen<br />
bazkideen modalitateak definitzea, manu hori emateko asmo sistematikoari jarraituz.<br />
60
BAZKIDEAK<br />
Horrela, lehenengoz eta bat, kooperatiba-bazkideak honela definitzen dira:<br />
kooperatiba-jardueran egiatan parte hartzearekin lotura zuzena duten pertsona fisiko<br />
edo juridikoak, langile edo erabiltzaile gisa. Era berean, laugarren lerroalde berria<br />
txertatu da, aurreko araudian aitortutako bazkide ez-aktiboei edo ez-erabiltzaileei<br />
buruzkoa, bai eta eszedentzian dauden bazkideei buruzkoa ere, horien araubidea<br />
EKLren 31. artikulu berrian eguneratu baita. Ikusi artikulu hori gaia sakonago<br />
aztertzeko.<br />
Azkenik, bosgarren paragrafoan jasotako bazkide laguntzaileen araubidea ere<br />
jaso da. Bi paragrafo berri dira, eta horietan berariaz adierazten da mota horretako<br />
bazkideek kooperatibaren emaitzetan parte hartzeko eskubidea izango dutela,<br />
estatutuetan hala araututa dagoenean edo batzar orokorrak hala erabakitzen duenean.<br />
Bi kasuetan, administratzaileek berariaz formalizatu beharko dute akordio hori,<br />
bazkideek emaitzetan parte hartzeko eskubidea izan dezaten. Paragrafoaren azken<br />
tartekian adierazten denez, gainera, bazkide laguntzaileak kooperatiba mistoetan<br />
baino ezin daitezke izan laguntzaile.<br />
c) Hirugarrenik, seigarren lerroalde berria ezarri da, kooperatiban gutxiengoan parte<br />
hartzen duten alderdi sozialen bazkide titularraren sozietate-figura definitzen duena.<br />
Ikuspegi horrek aurreko erregulazioak ezarritako bideari men egin dio eta eta hala<br />
egiaztatu da EKLren 155. artikulu berrian. Gomendagarria da hori irakurtzea,<br />
bazkideen modalitate berezi horren araubidean sakontzeko.<br />
d) Azkenik, funtsean semantikoa den azken berritasun gisa, nabarmendu behar<br />
dugu zazpigarren lerroaldeak, lehengo hirugarren lerroaldeak, onartu duela<br />
kooperatibetako bazkide izan daitezkeela administrazio publikoak eta haien erakunde<br />
instrumentalak, eta, horrela, kendu egin da lehengo erregulazioak nortasun juridikoa<br />
duten erakunde publikoak terminoa erabiltzan sor zitekeen akatsa, lokuzio hori oso<br />
egokia ez dela, ez baitzuen behar bezain garbi zehazten administrazio publikoek<br />
kooperatiban batean nola parte hartu. Lokuzio berriari esker, adierazi nahi den mezua<br />
askoz argiagoa da; izan ere, administrazio publikoak, dela autonomia-erkidegokoa,<br />
dela foru-administrazioa, dela toki-erakundea, kooperatiba bateko bazkide gisa<br />
parte har dezaketela ondoriozta daiteke, partaidetza hori gauzatzeko dituen tresna<br />
juridikoetako edozeinen bidez.<br />
4.2.2. Iruzkin orokorra eta esanahi praktikoa<br />
4.2.2.1. Kooperatibako bazkideen ezaugarri orokorrak<br />
EKLren 19. artikulu berria kooperatibako bazkide izan daitezkeen pertsonak zehaztu<br />
eta sailkatu ditu. Bazkideak garrantzi berezia du kooperatiban, oinarri mutualista duelako,<br />
printzipio kooperatiboak dituelako eta, beraz, kooperatibak bazkideekin duen harremanagatik.<br />
Horiek horrela, manu berariazkoa ezarri da kooperatibako bazkide izan daitezkeen pertsonen<br />
motak eta, aldi berean, kooperatiba bateko kide izan daitezkeen bazkideen modalitateak<br />
deskribatzeko.<br />
61
BAZKIDEAK<br />
Lehenik eta behin, ezarri da, lehen mailako kooperatibetan, kooperatibako bazkideak<br />
pertsona fisikoak zein juridikoak izan daitezkeela. Beste araudi batzuetan ez bezala, ez da<br />
berariaz arautu ondasun-erkidegoak bazkide izateko aukera (EKLren 12. artikulua). Horrek<br />
esan nahi du, kooperatiba bateko bazkide izateko, pertsona horrek nortasun propioa izan<br />
behar duela, zentzu zabalean ulertuta; izan ere, pertsona fisikoak zein juridikoak izan daitezke<br />
bazkide eta, azkenen barruan, pertsona juridiko publikoak edo pribatuak, erabakitzeko<br />
ahalmenaren izaera edozein delarik ere.<br />
Pertsona fisikoen kategoriaren barruan daude jarduteko gaitasun osoa duten pertsonak,<br />
hau da, ezgaitasunik ez duten 18 urtetik gorakoak, adingabe emantzipatuak eta behar bezala<br />
ordezkatutako adingabe eta ezgaituak. Lan elkartuko kooperatibetan, ordea, kooperatiba-mota<br />
horretako bazkide diren pertsona fisikoek baldintza batzuk bete behar dituzte kooperatiba<br />
horien egitura bereziagatik; hortaz, horien araubide espezifikoari lotzen gatzaizkio (EKLren<br />
103. artikulua).<br />
Pertsona juridikoen kategoriari dagokionez, horiei ere kooperatibetako bazkide izatea<br />
onartzen zaie, pertsona juridiko pribatuak eta publikoak bereizita. Ezer zehazten ez den<br />
arren, pertsona juridiko pribatuen azpikategoriaren barruan, ulertu behar da kooperatiba<br />
bateko bazkide izan daitezkeela sozietate zibilak edo zeinahi modalitatetako merkataritzasozietateak;<br />
nolanahi ere, pertsona juridiko bazkidearen eta kooperatibaren helburu<br />
sozialen artean erabateko bateragarritasuna egotea nahitaezkoa ez den arren, inoiz ez da<br />
bateraezintasunik egon behar bi xede sozialen artean. Irabazi asmorik gabeko erakundeak<br />
ere izan daitezke kooperatibako kide, hala nola fundazioak edo elkarteak, eta, printzipioz, ez<br />
dago inolako murrizketarik kooperatiba bateko bazkide izateko. Bestalde, pertsona juridiko<br />
publikoen atalean, nortasun juridikoa duten erakunde publikoen mota guztiak aipatu behar<br />
dira; besteak beste, merkataritza-sozietate publikoak, erakunde autonomoak, zuzenbide<br />
publikoko erakunde pribatuak, fundazio publikoak edo partzuergo publikoak. Erakunde<br />
publiko izateak berezitasun batzuk badakartza izaera hori duen bazkidearen estatutuan,<br />
erakunde mota horien legeari datxekion araudi juridiko-publikoari lotuta baitaude.<br />
Bigarrenik, bigarren mailako kooperatibei dagokienez, ezarri da kooperatiba horietako<br />
kide izan daitezkeela beheragoko mailako kooperatibak, lan-bazkideak eta izaera publiko<br />
edo pribatuko edozein erakunde eta pertsona juridiko, betiere interesak eta beharrak bat<br />
badatoz, PZLren 147. artikuluak xedatzen duenari jarraiki (legeak manu horren igorpena<br />
egiten du beren-beregi)<br />
4.2.2.2. Gutxieneko bazkide-kopurua<br />
Lehen mailako kooperatibak eratzeko unean, eratzen den kooperatiba-motari atxikitako<br />
hiru bazkidek, gutxienez, osatu beharko dituzte. Horrek esan nahi du, beraz, jarraian<br />
aztertuko diren bazkideen kategorien ezaugarriak direla eta, bazkide sortzaileek kide<br />
direneko kooperatiba-motako bazkide laguntzaile izan beharko dutela. Nolanahi ere, iraupen<br />
jakineko bazkide laguntzaileak egotea ez litzateke galarazi beharko, ondorio guztietarako<br />
bazkide direlako, nahiz eta, haien araubide espezifikoaren berezitasunak direla eta, bazkide<br />
laguntzaileek gehiengoa izatea komeniko litzatekeen hasierako une horretan, kooperatibaesparruaren<br />
jarraibide nagusia den lankidetzaren abiaburua eta xedez lausotu ez daitezen.<br />
62
BAZKIDEAK<br />
Bigarren mailako edo hortik gorako kooperatibetan, bazkide fundatzaileen artean,<br />
gutxienez bi kooperatiba izan beharko dituzte. Sakon aztertzeari kalterik egin gabe, EKLren<br />
147. Artikulua aletzen dugunean, era berean, aldarrikapen orokor horretan ez dago inolako<br />
mugarik, eta bigarren mailako kooperatiba baten atal izan daiteke edozein motatako<br />
kooperatiba, modalitate espezifikorik nahitaez eduki behar ez dutela.<br />
4.2.2.3. Bazkideen sailkapena<br />
EKLren 19. artikulu berriaren edukiak badakar kooperatiba bateko kide izan daitezkeen<br />
bazkideen sailkapena, egon dauden bazkide-modalitateak sistematizatzeko helburuz.<br />
Sistematizazio hori jarduera kooperatibizatuaren gauzatze-mailaren arabera egiten da.<br />
Ildo horretan, badira hainbat bazkide-modalitate, lehendik ere Kooperatiben Legearen<br />
erregelamenduan onartuta zeudenak, baina ondorio sistematikoak izateko laburbildu direnak,<br />
kooperatiba bateko kide izateko modalitateen irudi osoa eskaintzeko. Hala ere, badaude<br />
sailkapen horretan sartzen ez diren beste bazkide-mota batzuk, hala nola iraupen jakineko<br />
bazkideak (EKLren 26.2.2. artikulua) edo bazkide langileak (EKLren 103. artikulua).<br />
Lehenik eta behin, kooperatiba-bazkideak aipatu dira, hau da, kooperatibaren xedea<br />
mugarik gabe kooperatibako kide egiten dutenak. EKLren 19. artikuluaren hirugarren<br />
paragrafoak berak zehazten du, kooperatibaren jardueran benetan parte hartzearekin lotura<br />
zuzena duten bazkideak diren pertsona fisiko edo juridikoak kategoria horretakoak direla<br />
adierazita. Kooperatibako ohiko bazkideak edo bazkide arruntak izango lirateke.<br />
Bigarrenik, bazkide ez-aktiboak edo ez-erabiltzaileak eta eszedentzian dauden bazkideak<br />
aipatu dira, haien lege-araubidea berariaz jasota baitago EKLren 31. artikulu berrian.<br />
Bazkide-modalitate horiek aukera ematen diete kooperatiba-jarduera garatzen ez duten<br />
baina kooperatibarekin sozietate-lotura izan nahi duten bazkideei. Horrela, kooperatibako<br />
bazkide gisa finkatzen dira, ondorio guztietarako, bazkide ez-aktiboak, ez-erabiltzaileak eta<br />
eszedentzian daudenak. Finkapen horrek manu horretan dauden bazkide-modalitate guztiak<br />
sartzeko xedeari erantzuten dio.<br />
Hirugarrenik, bazkide kolaboratzaileak ageri dira, hau da, kooperatibaren xede soziala<br />
erabat gauzatu ezin duten pertsona fisiko edo juridikoak, baina, nolabait ere, xede hori<br />
lortzen lagundu dezaketenak. Kooperatibaren estatutuetan dago araututa halakoen araubide<br />
juridikoa, eta koperatibaren estatutuetan araututa ez dagoenari dagokionez, alderdiek<br />
hitzartutakoaren arabera. Nolanahi ere, mota horretako bazkideek ezin izango dute<br />
botoen herena baino gehiagoren titular izan, ezpada, kooperatiba-sozietateak edo horiek<br />
kontrolatutako erakundeak badira, ez batzar orokorrean, ez eta artezkaritza-kontseiluan ere,<br />
inoiz ere gehiengoa izan ez dezaten eta kooperatibaren patuari buruz erabakitzeko moduan<br />
egon ez daitezen. Muga horren esangura da kooperatibak beti egon behar duela bazkide<br />
laguntzaileen esku; izan ere, haiek baitira jarduera kooperatibizatuaren garapenean zuzenean<br />
parte hartzen dutenak, eta horren ondorio zuzena da bazkideen gainerako kategoriak beti<br />
izan behar direla bazkide laguntzaileena baino txikiagoak. Ildo horretan dihardu EKLren<br />
37.4 artikuluak, hauxe adierazita: bazkide laguntzaileen, ez-aktiboen edo ez-erabiltzaileen,<br />
eszedentzian dauden bazkideen eta iraupen mugatuko lotura duten bazkideen guztizko botokopurua<br />
ezin izango da kooperatibaren guztizko botoen erdia baino handiagoa izan.<br />
63
BAZKIDEAK<br />
Nolanahi ere den, beste paragrafo bat erantsi da, eta bertan adierazten da bazkide<br />
laguntzaileek kooperatibaren emaitzetan parte hartzeko eskubidea izango dutela, jarduera<br />
kooperatibizatuan duten partaidetzaren arabera, betiere estatutuek hala arautzen badute<br />
edo batzar orokorrak hala erabakitzen badu, eta administratzaileei dagokiela eskubide<br />
hori formalizatzea. Tarteki berri horren bidez, bazkide laguntzaileei berariaz aitortzen zaie<br />
kooperatibaren emaitzetan parte hartzeko eskubidea izan dezaketela, estatutuetan hala<br />
jasotzen denean edo batzar orokorrak hala erabakitzen duenean; horrela, batzarrak aukera<br />
hori erabakitzeko modua izango du, nahiz eta esandako aitorpena estatutuetan agertu ez. Era<br />
berean, bazkide laguntzaileei kooperatiba mistoetako lankidearen izaera eman zaie, mota<br />
horretako kooperatiben izaera berezia dela eta.<br />
Laugarrenik, EKLren 19.6. artikuluak kooperatiba mistoen bazkide-modalitate espezifikoa<br />
arautu da: botoa duten alderdi sozialen titularrak. Modalitate horren eginkizuna, funtsean,<br />
kooperatibari ekarpen ekonomikoa egitea da, eta, horren bidez, batzar orokorrean botoa<br />
duten alderdi sozialak jasotzen ditu. Alderdi horiek askatasunez negozia daitezke merkatuan,<br />
estatutuetan hala xedatzen bada. Nolanahi ere, bazkideei botoa ematen dieten alderdi sozial<br />
horiek ezingo dira inoiz batzarraren botoen gehiengoa izan, berariaz debekatzen baita botoen<br />
% 49 gainditzea (EKLren 155.3 artikulua).<br />
Azkenik, administrazio publikoak ere kooperatiba bateko bazkide izan daitezke, euren<br />
mendeko erakunde instrumentalen bidez (EKLren 19.7 artikulua). Horrela, onartzen<br />
da administrazio publikoek, beste erakunde batzuetan parte hartzeko balia ditzaketen<br />
era juridikoen bidez, kooperatiba bateko kide izan ahal izatea. Erakunde publiko izateak<br />
berezitasunak ekar ditzake bazkidearen estatutuan, kooperatiban parte hartzen duen<br />
erakundearen titularra den administrazio publikoari doakion lege-araubidearen arabera.<br />
4.3. Onarpena<br />
20. artikulua.– Onarpena<br />
1.– Estatutuetan finkatuko da zer betekizun bete behar diren bazkide izateko, bat etorriz<br />
lege honetan ezarritakoarekin.<br />
2.– Bazkide gisa onartzeko edo ez onartzeko arrazoia ezin izango da oinarritu helburu<br />
sozialarekiko edozein diskriminazio dakarren arrazoiren batean.<br />
3.– Onartzeko eskaria idatziz egin beharko zaie administratzaileei, eta haiek hirurogei<br />
eguneko epea izango dute gehienez ere erantzuna emateko, eskaria jasotzen dutenetik<br />
aurrera kontaturik.<br />
Ez onartzeko erabakiak arrazoitua izan behar du. Epe hori igaro eta ebazpen<br />
espresik ematen ez bada, onartu dela ulertuko da.<br />
4.– Onartzeko eskariari ezetza ematen bazaio, eskatzaileak errekurtsoa jarri ahal izango<br />
dio errekurtso-batzordeari edo, halakorik ez badago, batzar orokorrari, hogei<br />
eguneko epean ezezko ebazpena jakinarazten zaionetik aurrera kontaturik.<br />
Errekurtso-batzordeak ebatziko du errekurtso hori, hogeita hamar eguneko epean,<br />
edo, hala badagokio, lehenengo batzar orokorrean erabakiko da, isilpeko bozketa<br />
bidez. Bi kasu horietan nahitaezkoa izango da interesdunari aldez aurretik entzutea.<br />
64
BAZKIDEAK<br />
5.– Onartzeko eskariaren onarpena errekurritu ahal izango da errekurtso-batzordean<br />
edo, halakorik ez badago, egiten den lehenengo batzar orokorrean, baldin eta<br />
estatutuek finkatutako bazkide kopuruak errekurritzea eskatzen badu. Estatutuetan<br />
zehaztu beharko da zer epe dagoen errekurtsoa jartzeko, baina ezin izango da hogei<br />
egun baino gehiago luzatu, erabakia jakitera ematen denetik aurrera kontaturik.<br />
Bazkide izatea etenda geratuko da onarpenaren aurkako errekurtsoak jartzeko<br />
epea igaro arte edo, errekurtsoa jarrita badago, errekurtso-batzordeak edo, hala<br />
badagokio, batzar orokorrak ebatzi arte. Errekurtso-batzordeak hogeita hamar<br />
eguneko epea izango du ebazpena emateko; batzar orokorrak, berriz, egiten duen<br />
lehenengo bileran ebatzi beharko du, isilpeko bozketa bidez. Bi kasu horietan<br />
nahitaezkoa izango da interesdunari aldez aurretik entzutea.<br />
4.3.1. Berrikuntza nagusiak aurreko araudiaren aldean<br />
EKLren 20. artikulu berriak ez du berrikuntza berezirik aurreko araudiarekin alderatuta.<br />
Haren edukia ia guztiz bat dator lehen indarrean zegoen araudiak xedatutakoarekin, garrantzi<br />
txikiko aldaketa batzuk bazter utzita: manuaren edukia hobeto ulertzeko egin diren moldaketa<br />
sintaktiko batzuk eta testu berria nahitaezko hizkuntza inklusiboaren araberako egokitzapena<br />
artikulu guztietan.<br />
EKLren 20. artikulu berriak dakarren zehaztapen bakarra hauxe da: onarpena ezin izango<br />
da ukatu zuzeneko edo zeharkako edozein diskriminazio eragiten duten arrazoiengatik; ildo<br />
horretan, kooperatiba batean sartu nahi zuen eskatzaile bati onarpena ukatzeko diskriminazioa<br />
deskribatzen zuten arbitrarioa edo ez-zilegia izenondoak ezabatu dira.<br />
Horrez gain, nabarmentzekoa da, kooperatiban sartzeko eskaera onartzeari uko egitearen<br />
garrantzia azpimarratze aldera, berariaz eta lehen indarrean zegoen araudian baino argiago<br />
adierazten dela onarpen horren aurkako erabakia arrazoitu egin beharko dela, ingurumari<br />
horretan, kooperatiban sartzeko aukera murrizturik duen eskatzailearen interesak behar<br />
bezala bermatzeko.<br />
4.3.2. Iruzkin nagusia eta esanahi praktikoa<br />
4.3.2.1. Sarrera<br />
EKLren 20. artikuluak ezarrita dauka kooperatiba bateko kide izateko interesa duen<br />
pertsona batek eskaera zer prozeduraren bidez egin behar duen, entitatearen barruan onartu<br />
ahal izateko, bai eta eskaera horri kooperatibak nola erantzun behar dion ere, erantzun horren<br />
emaitza edozein dela ere. Era berean, kooperatibaren ebazpen horren aurkako errekurtsosistema<br />
finkatu da, baldin eta eskatzailea ados ez badago hura onartzeari uko egitearekin, edo,<br />
bestela, eskatzaile hori bazkide gisa onartzearekin bat ez datorren gutxieneko bazkide-kopurua<br />
dagoenean. Azkenik, onartutako eskatzailea bazkide bihurtzen deneko une zehatza argitu da,<br />
interes praktiko handiko alderdia baita, horrek dakartzan ondorio garrantzitsuengatik.<br />
65
BAZKIDEAK<br />
4.3.2.2. Bazkide-izaera eskuratzeko betekizunak<br />
Kooperatiba bateko bazkide izateko, kooperatiba sortzeko ekitaldian parte hartzea da<br />
jatorrizko bidea. Bigarren bidea, berriz, EKLren 20. artikuluak jasotzen duena da, hots,<br />
kanpoko pertsona batek kooperatibako bazkide izateko duen asmoa adierazteko prozedura.<br />
Bigarren bide hori jarraian aztertuko dugu.<br />
Estatutuetan ezarri behar da zer baldintza bete behar dituen pertsona batek kooperatibako<br />
bazkide izateko, baina bazkideak hainbat izaeratakoak izan daitezke, kooperatiba-motaren<br />
eta haren premien arabera. Lehenengoz eta bat, zenbait baldintza subjektibo edo pertsonari<br />
datxezkionak eska daitezke; horrela, bazkideek ezaugarri jakin batzuk izan behar dituzte,<br />
eta, batzuetan, ezaugarri subjektibo zehatz bat betetzeko ere eska daiteke. Bigarrenik,<br />
gerta daiteke baldintza objektiboak eskatzea, hala nola eskatzaileak gaitasun profesional,<br />
ondare-gaitasun edo bestelako gaitasun jakin bat izan dezala, kooperatibaren jardueraren edo<br />
haren premien arabera, kasuan kasuko kooperatiba-motaren arabera. Azkenik, batzuetan,<br />
bazkide-izaera lortzea eremu geografiko jakin bati lotuta egon daiteke, kooperatibak lurralde<br />
zehatz batekiko harreman bereziagatik. Nolanahi ere, beste baldintza orokor batzuk ere<br />
egon daitezke, legearen testuan ezarritakoak; esaterako, baldintza ekonomikoak, hala nola<br />
nahitaezko ekarpena egitea eta, hala badagokio, sarrera-kuota ordaintzea. Betekizun horiek<br />
bazkideak bete behar dituen baldintza beharrezkoak dira kooperatiban sartu ahal izateko, edo<br />
kooperatiba-jarduera garatu ahal izateko betebeharra betetzea. Edonola ere, eskakizun horiek<br />
guztiek borondatezko afiliazio edo kidetze irekiaren printzipioa errespetatu behar dute; izan<br />
ere, kooperatibak haien zerbitzuak erabili nahi dituzten eta bazkide izateko erantzukizuna<br />
onartzeko prest dauden pertsona guztiei irekita daudela aldarrikatzen du printzipio horrek eta<br />
haren edukia estatutuen bidez zehazten da. Bestalde, bazkideen borondatea ere estatutuetan<br />
adierazten da, eta kooperatiban parte hartzeko baldintzak zehazten dira, baina estatutuek ezin<br />
dute inola ere diskriminaziorik eragin helburu sozialaren gainean. Horren haritik, NKAren<br />
printzipio kooperatiboen arabera, ezin izango dute genero-, gizarte-, arraza-, politika- edo<br />
erlijio-diskriminaziorik eragin.<br />
EKLren 20. artikuluaren hirugarren paragrafoak jasota du onarpen-prozedura espezifikoa,<br />
onarpena gardentasun osoz garatzen dela bermatzeko. Horrela, EKLren 20.3 artikuluaren<br />
arabera, sartzeko eskaera idatziz egingo da eta, araudiak hala eskatzen ez badu ere,<br />
kooperatibak eskatzaileari galdatzen dion informazioarekin batera aurkeztu ahalko da,<br />
estatutuetako baldintzak betetzen dituen egiaztatzeko eta erabakia ahalik eta erabakitzeelementu<br />
gehienetan oinarrituta hartzeko. Kooperatibak eskubidea du eskatzaileak<br />
erakundeko kide izateko beharrezko baldintzak betetzen dituen arretaz aztertzeko, eta<br />
haren ezaugarriak eman behar duen kooperatiba-jardueraren berezitasunekin bat datozen<br />
egiaztatzeko. Kooperatibako “sarbide-kontrol” hori ez dago kontraesanean mota honetako<br />
erakundeek duten antolaera-mudu irekiarekin; izan ere, eskaeraren aurretiko azterketaren<br />
bidez, hain zuzen ere, ziurtatu nahi baita eskatzailea kooperatiban sartzea egokia dela<br />
erakundeak bere helburuak lortzea izan dezan.<br />
Kooperatibaren administratzaileei dagokie eskaera onartzeko edo ukatzeko erantzukizuna.<br />
Horregatik, arrazoizkoa da eskaera beraiei igorri behar zaiela ezartzea, eta administratzaileek,<br />
gehienez ere hirurogei eguneko epean, jasotako eskaerari buruzko ebazpena eman beharko<br />
66
BAZKIDEAK<br />
dute (EKLren 20.2 artikulua). Epe horren barruan berariaz erantzuten ez badute, eskaera<br />
onartutzat joko da. Beraz, irispidea izateko eskaera isilbidez onar daiteke; ezezkoa, berriz,<br />
espresuki eman beharko da beti, eta arrazoitzeko eskakizun hori kooperatiben munduaren<br />
ikuskera irekian oinarritzen da. Horren arabera, kooperatibak bere baitan onartu behar du<br />
kooperatiban partaide izateko interesa duen edozein pertsona, eta, beraz, eskaera horri uko<br />
egiten badio, eskatzailea erakundean onartu ez izanaren arrazoiak bidezkotu beharko ditu.<br />
Horregatik, berariaz xedatzen da onarpenaren ukapena behar bezala arrazoitu behar dela,<br />
kooperatibako kide izateko interesa duen eskatzailearen eskubideak behar bezala babestuta<br />
gera daitezen. Gogoan izan behar dugu ez onartzea ezin dela egon xede sozialari lotutako<br />
diskriminazio-motaren bat dakarten arrazoietan oinarrituta.<br />
4.3.2.3. Eskatzailearen sarreraren onarpena edo ukapena aurkaratzeko prozedura:<br />
bazkide-izaera eskuratzeko unea<br />
EKLren 20.4 artikuluak arautzen du kooperatiban sartu nahi duen eskatzaileak sarbide hori<br />
ukatzen dion erabakia zer-nolako prozeduraren bidez errekurritu behar duen , eta, inguruabar<br />
horretan, eskatzaileak errekurtsoa jarriko du kooperatibak erabakia berrazter dezan. Horrela,<br />
prozeduraren bermeak sendotzen dira, eskatzaileak bere eskubideak behar bezala babestuta<br />
ikus ditzan. Kasu horietarako arautzen den prozeduraren urratsak kooperatibaren beraren<br />
egituraren araberakoa izango da, errekurtso-batzordeari dagokion errekurtsoa aurkeztea izan<br />
baitaiteke (EKLren 58. artikulua), baldin eta kooperatibak organo hori badu; bestela, organo<br />
hori ez badu, errekurtsoa batzar orokorrari igorri beharko dio.<br />
Denboraren ikuspegitik, komeni da azpimarratzea errekurtsoa hogei eguneko epean<br />
aurkeztu beharko dela, ukatzeko erabakia jakinarazten den egunetik zenbatzen hasita. Eta<br />
errekurtso-batzordeak ebatzi beharko du, helegitea jaso eta hogeita hamar eguneko epean<br />
edo egiten den hurrengo batzar orokorrean, hura denean errekurtsoa ebazteko organo<br />
eskuduna; kasu horretan, bozketa isilpekoa izango da, bazkideek askatasun osoz eman ahal<br />
izan dezaten gai korapilatsu horren gaineko botoa. Errekurtsoa ebazteko organoa edozein<br />
dela ere, eskatzaileak jarduteko eskubidea izango du eta bere arrazoiak azaldu ahalko ditu<br />
organo egokiaren aurrean, erabakia hartu aurretik kontuan har daitezen.<br />
Bestalde, LKLren 20.5 artikuluan araututa dago kooperatibako bazkide berriren bat onartzearen<br />
aurkako errekurtsoa jartzeko modua. Estatutuetan ezarritako bazkide-kopuruak egikaritu beharko<br />
du errekurtso hori. Alde horretatik, zalantzagarria da sartzeko eskaera onartzea arrazoitu behar<br />
ez izatea, isiltasun horrek errekurtsoaren aukerak mugatzen baititu, ez baitago jakiterik zergatik<br />
onartu den. Eskatutako legitimazio aktiboaren oinarria dugu errekurtsoa bazkide-talde batek<br />
aurkeztea, gutxieneko kopurua estatutuetan agertzen dela. Bazkide berri baten sarrera ukatzearen<br />
aurkako errekurtsoan bezala, prozedura horretan ere erreklamazioa errekurtso-batzordeari<br />
igorriko zaio, edo, kooperatibak halakorik ez badu, batzar orokorrari. Errekurtso hori egikaritzeko<br />
epea hogei egunekoa izango da, onarpen-erabakia jakinarazten denetik hasita.<br />
Azkenik, gaiaren kokapen sistematikoa oso egokia ez bada ere, PZLren 20.5 artikuluaren<br />
bigarren paragrafoan ezarrita dago eskatzaileak bazkide izaera noiztik aurrera eskuratzen<br />
67
BAZKIDEAK<br />
duen. Hasteko, bazkidearen izaera eskuratuko da errekurritzeko epea igarotzen denean,<br />
hau da, onarpen-erabakia jakinarazten denetik hogei egunera. Eta onarpenaren aurkako<br />
errekurtsoa jarriz gero, errekurtso-batzordeak edo, halakorik ezean, batzar orokorrak ebatzi<br />
arte. Ildo horretan, bazkidetza ukatzearen aurkako errekurtsoan gertatzen den moduan,<br />
errekurtso-batzordeak hogeita hamar eguneko epean ebatzi beharko errekurtsoa, jasotzen<br />
duenetik zenbatzen hasita, edo, batzar orokorra auziari buruz erabakitzeko organo eskuduna<br />
da, batzar orokorraren hurrengo bilkuran, eta erabakia isilpeko bozketa bidez hartu beharko<br />
da. Errekurtsoa edozein organoren aurrean aurkezten dela ere, bazkideak aurretiazko<br />
entzunaldia baliatu ahalko du, kooperatibako onarpena indartzeko egokitzat jotzen dituen<br />
argudioak organo horren aurrean adierazteko. Horrela, eragindako pertsonari aukera ematen<br />
zaio haren jarrera kooperatibaren aurrean defendatzeko eta kooperatiban ez onartzeko<br />
aurkeztu den errekurtsoan egindako salaketei aurre egiteko.<br />
Nolanahi ere, manu horren gauzarik deigarriena da, lehengo erregulazioan gertatzen zen<br />
bezala, kooperatibako administrazio-organoak onartutako bazkide-izaera etenda geratzen<br />
dela onartzeko erabakia hartu eta hogei eguneko epea igaro arte, edo, bestela, errekurtsoa<br />
aurkeztuz gero, organo eskudunak aldeko ebazpena eman arte. Beraz, bazkide-izaera<br />
eskuratzeko, baldintza etengarri bat bete beharko da aurretiaz: errekurtsoa jartzeko epea<br />
igarotzea. Hortaz, eskatzailea eta administratzaileek onartutakoa ez da bazkide izango epe<br />
hori igaro arte. Jokabide hori ulergarria da, azkenean, organo eskudunak erabaki duen baina<br />
erakunde horretako kide izateko egokia ez den norbait kooperatiban sar dadin saihesteko<br />
modua ematen duelako.<br />
4.4. Lan-bazkideak<br />
21. artikulua.– Lan-bazkideak<br />
1.– Lan elkartuko kooperatibak ez diren lehen mailako kooperatiben nahiz bigarren<br />
edo maila handiagokoen estatutuetan, aurreikusi ahal izango da zer baldintza bete<br />
behar dituzten langileek lan-bazkide izateko. Kooperatiban lan pertsonala egitea<br />
izango da lan-bazkide horien kooperatiba-jarduera.<br />
2.– Lan-bazkideek lan elkartuko kooperatibetako bazkide langileentzat legean ezarritako<br />
arauak bete beharko dituzte, artikulu honetan finkatutako salbuespenekin.<br />
3.– Estatutuetan finkatu beharko dira lan-bazkideek kooperatiban ekitatez eta neurriz<br />
parte hartu ahal izateko irizpideak.<br />
4.– Estatutuetan probaldiren bat ezartzen bada lan-bazkideentzat, hori ez da aplikatuko<br />
baldin eta bazkide berria lehendik ere kooperatiban lanean aritu izan bada besteren<br />
konturako langile modura eta probaldiak dirauen beste denbora eman badu lanean.<br />
Bazkide bati probaldi hori ezartzea badagokio eta bi aldeetako edozeinek bere<br />
kabuz azkentzen badu lan-harreman juridikoa, ulertu beharko da ezen probaldiaren<br />
aurretiko lan-harreman juridikoa, epeagatik iraungi gabea, probaldia ezarri baino<br />
lehenago zituen baldintza beretan berrituko dela.<br />
68
BAZKIDEAK<br />
4.4.1. Berrikuntza nagusiak aurreko araudiaren aldean<br />
EKLren 21. artikuluak hitzez hitz jasotzen du lehengo aginduaren edukia. Azken batean,<br />
ez da inolako berrikuntzarik antzeman artikulu berrietan, artikulatu berri osoan erabili den<br />
hizkera inklusiboaren arabera egokitzeko egin diren aldaketei kalterik egin gabe.<br />
4.4.2. Iruzkin orokorra eta esanahi praktikoa<br />
4.4.2.1. Lan-bazkidearen izaera eskuratzea: jarduera kooperatibizatua<br />
EKLren 21. Artikuluak dioenari jarraiki, estatutuetan zehaztu behar da langileek lanbazkide<br />
izatea nola lor dezaketen. Nolanahi ere, lan-bazkideak bazkide langileak (hau da,<br />
kooperatiban egiten duten jarduera euren lana izatea) izango dira lan elkartukoak ez diren<br />
kooperatibetan (kasu horietan, bazkide langileak izango lirateke), bai eta bigarren mailako<br />
edo maila handiagoko kooperatibetan ere. Hau da, kooperatibaren jarduera eta egiten duten<br />
lana bera ez den kooperatibetan (kontsumokoetan, zerbitzuetakoetan, nekazaritzakoetan…)<br />
lan egiten duten bazkideak,<br />
Beraz, manu horren bidez, kooperatiban lan egiten duten pertsonen bazkide izateko aukera<br />
arautzen da, nahiz eta hori ez izan langilea atxikita dagoeneko kooperatiba-motaren berezko<br />
jarduera kooperatibizatua. Hala ere, sozietate-kolektibo horrek kooperatiban egiten duen<br />
jarduera kooperatibizatua dena delako lana egitea izango da.<br />
Artikuluaren edukiak ezartzen duenez, kooperatibaren estatutuek arautu beharko dute<br />
langileak lan-bazkide bihurtzeko aukera, eta, beraz, ez da argiro ondorioztatzen izaera<br />
hori lortzeko aldez aurretik langileak izan behar duten edo bi alderdi erabat independente<br />
diren. Edonola ere, ulertu beharko litzateke edozein pertsona fisikok eskura dezakeela lanbazkidearen<br />
izaera, eskaera egiteko unean kooperatibako langile den ala ez kontuan hartu<br />
gabe. Interpretazio zabal horren arrazoia dugu artikulu honen helburua dela kooperatibetan<br />
lan egiten duten pertsonei sozietateko bazkidearen izaera lor dezan erraztea, baldin eta<br />
kooperatiben jarduera kooperatibizatua dena delako lana egitea ez bada. Beraz, legeak<br />
langileak aipatzen dituenean, kooperatiban lan egiten duten edo lan egingo duten pertsonak<br />
direla ulertu behar da, eta ez sozietateko bazkidearen izaeraren aurretik besteren konturako<br />
langile izatea eskatzen dutenak. Hori horrela izan daiteke ala ez, kooperatiba bakoitzaren<br />
irizpidearen arabera, baina inola ere ez da ulertu behar lan-bazkidearen estatusa lortzeko<br />
aurretiazko baldintzatzat.<br />
4.4.2.2. Lan-bazkideen araubidea eta lan elkartuko kooperatibetako lan-bazkideen<br />
araubidearen barruko asimilazioa<br />
Hasteko, EKLren 21.2 artikuluaren arabera, lan-bazkideei lan elkartuko kooperatibetako<br />
bazkide langileen arauak aplikatu behar zaizkie (EKLren 103. artikulutik 107.era), EKLren<br />
21. artikulu honetan xedatutako espezialitateei kalterik egin gabe. Horrela, badirudi lanbazkideei<br />
aplikatu beharreko araubidea lan elkartuko kooperatibetako bazkide langileen<br />
araubidearekin parekatu daitekeela.<br />
69
BAZKIDEAK<br />
Lan-bazkideen araubide juridikoa kooperatibaren estatutuetan eta barne-araubideko<br />
erregelamenduan ezarrita dago, batez ere. Egia esatera, estatutuak dira araubide juridikoaren<br />
baldintzak finkatzeko esparru arautzailea, eta baldintza horiek beti errespetatu beharko<br />
dituzte kooperatiben araudian ezarritako mugak. Zehazki, estatutuetan jaso beharko dira<br />
kooperatiban lan-bazkideen partaidetza ekitatiboa eta haztatua dagoela ziurtatzen duten<br />
irizpideak.<br />
4.4.2.3. Lan-bazkidearen izaera eskuratzeko probaldia<br />
Azkenik, EKLren 21.4 artikuluak dioenaren arabera, estatutuetan lan-bazkideentzako<br />
probaldia arautzen denean, aldi hori ezin izango da eskatu bazkide berriak probaldiari<br />
dagokion beste denbora kooperatiban langile gisa lan egiten eman duenean. Laburbilduz,<br />
probaldia ez zaio aplikatuko kooperatiban besteren konturako langile gisa, gutxienez,<br />
probaldi horri dagokion denbora eman duen bazkideari. Horrela, probaldia ez da bikoiztuko<br />
aldez aurretik langilea izan bada eta bazkide bihurtzen denean ere bete behar badu; izan<br />
ere, probaldia behin egin bada, ez da beharrezkoa berriz egitea. Kasu horietan, desagertu<br />
egiten da probaldi hori justifikatu beharra kooperatiban egindako lan pertsonalaren ondorioz<br />
gaitasuna aski ezagutzen zaionarentzat. Hori dela eta, esan behar da kooperatiban egindako<br />
lana probaldi gisa zenbatu beharko litzatekeela, itxuraz, horixe esan nahi baitu arauak.<br />
Gainera, bazkide-izaera lortzeko probaldiaren barruan, alderdietako edozeinek sozietateharremana<br />
alde bakarrez azkentzen badu, langileari harreman hori eten egingo zaio. Hala,<br />
langilearen lan-harremana epea igaro delako iraungi ez bada sozietate-kontratuaren probaldia<br />
amaitu baino lehen, etendako aurretiazko harremana berraktibatutzat joko da. Azken batean,<br />
sozietate-egoera lehenagoko lan-egoerara itzultzea dela esan liteke, baldin eta lan-harremana<br />
artean iraungi ez bada epea igaro delako iraupen mugatuko lan-kontratu baten kasuan, eta,<br />
nolanahi ere, iraupen mugagabeko kontratuen kasuan.<br />
Araubide berezi horrek pentsatu eragiten digu aurretiko lan-egoera etenda edo sor geratzen<br />
dela, langilea iragaitzazko egoera batean dagoelako, antza denez, esangura hertsian, langile<br />
izateari utzi diolako, eta probaldian dagoen bazkidea delako. Hala, kooperatibako bazkide<br />
bilakatzeko prozesua amaitzen ez badu, berriz ere langilea izango da.<br />
4.5. Bazkideen betebeharrak<br />
22. artikulua.– Bazkideen betebeharrak.<br />
Bazkideek honako betebehar hauek dituzte:<br />
a) Batzar orokorraren eta deitzen dieten gainerako organoen bileretara joatea.<br />
b) Karguren baterako izendatu badituzte, onartzea, salbu eta ez onartzeko bidezko<br />
arrazoia dagoen kasuetan.<br />
c) Kooperatibaren helburu diren jardueretan parte hartzea. Ondorio horietarako,<br />
estatutuetan ezarriko dira parte hartzeko eredu edo gutxieneko arauak. Arrazoi<br />
justifikaturik egonez gero, administratzaileek ahalbidea izango dute bazkideren bat<br />
betebehar hori betetzetik libre uzteko dagokion neurrian.<br />
70
BAZKIDEAK<br />
Honela gauzatu ahal izango da bazkideek kooperatibaren jardueretan izango duten<br />
konpromisoa edo gutxieneko partaidetza: kooperatibaren jardueretan zuzenean<br />
parte hartuz edo, estatutuetan jasota badator, beste entitate batzuetan parte hartuz,<br />
betiere kooperatibak entitate horiekiko lankidetzan jarduten badu edo haietan<br />
parte hartzen badu edo helburu sozialari lotutako interes bereziabadu. Jatorrizko<br />
kooperatibako gutxiengo batek izango du partaidetza aipaturiko beste entitate<br />
horietan, salbu eta arrazoi ekonomiko, tekniko, antolakuntzako eta ekoizpenekoen<br />
edo ezinbesteko arrazoien ondoriozko enpresa-premiaren kasuan.<br />
d) Ez egitea kooperatibaren helburu sozialarekin lehian dagoen jarduerarik,<br />
eta ez aritzea lankidetzan horrelako jarduerak egiten dituztenekin; salbu eta<br />
administratzaileek espresuki horretarako baimena ematen duten kasuetan.<br />
e) Isilpean gordetzea kooperatibaren jarduerak eta datuak, baldin eta zabalduz gero<br />
haren inte res sozialak kaltetzen badira.<br />
f) Aurreikusitako baldintzetan egitea kapital sozialari egin behar dizkion ekarpenak.<br />
g) Galerak beren gain hartzea, batzar orokorrak erabakitako kopuruan.<br />
h) Legeen eta estatutuen ondorioz sortzen diren gainerako betebeharrak betetzea, eta<br />
kooperatibako organoek balio osoz hartutako erabakien ondorioz sortzen direnak<br />
betetzea.<br />
4.5.1. Berrikuntza nagusiak aurreko araudiaren aldean<br />
Aurreko EKLren aldean, oraingoaren berrikuntza nagusia da beheko ñabardura hau<br />
txertatu dela kooperatibaren xedea osatzen duten jardueretan parte hartzeko betebeharrari<br />
dagokionez, estatutuetan ezarritako gutxieneko partaidetza-modulu edo -arauekin bat etorriz:<br />
«Honela gauzatu ahal izango da bazkideek kooperatibaren jardueretan izango duten<br />
konpromisoa edo gutxieneko partaidetza: kooperatibaren jardueretan zuzenean parte hartuz<br />
edo, estatutuetan jasota badator, beste entitate batzuetan parte hartuz, betiere kooperatibak<br />
entitate horiekiko lankidetzan jarduten badu edo haietan parte hartzen badu edo helburu<br />
sozialari lotutako interes berezia badu. Jatorrizko kooperatibako gutxiengo batek izango<br />
du partaidetza aipaturiko beste entitate horietan, salbu eta arrazoi ekonomiko, tekniko,<br />
antolakuntzako eta ekoizpenekoen edo ezinbesteko arrazoien ondoriozko enpresa-premiaren<br />
kasuan».<br />
Egia esatera, hitzez hitz jaso nahi izan da legean EKLEren 1.1 artikuluak dioena.<br />
Hala ere, oraindik ez dira zehaztu manu honekin bat datozen alderdi garrantzitsuak.<br />
Lehenik eta behin, ez da zehazten bazkide kooperatibistak zer erakunde-motatan parte<br />
hartu ahal izango duen. Beraz, edozein erakunde-mota izan daiteke, bai gizarte-ekonomiako<br />
erakunde bat, bai kapital-sozietate bat, bai ondasun-erkidego bat ere.<br />
Bigarrenik, ez da zehazten zein izan behar den kooperatibak dena delako erakundearekin<br />
izan behar duen lankidetza edo partaidetza aukera hori gauzatu dezan; aitzitik adierazi<br />
besterik ez da egiten kooperatibak interes berezia izan behar duela bere helburu sozialari<br />
lotuta, dagokion erakundean partaidetza hori gerta dadin. Horrela, bazkideek beste erakunde<br />
71
BAZKIDEAK<br />
batzuetan parte hartzeko kooperatibaren helburu sozialari lotutako interes berezia behar<br />
izateak esan nahi du kooperatibak erakundearekin duen lankidetza edo partaidetza ere<br />
kooperatibaren helburu sozialarekin lotu behar dela, eta, beraz, ez dela izaera ireki edo<br />
malguko lankidetza edo partaidetzarik.<br />
Hirugarrenik, Euskadiko Ekonomia eta Gizarte Arazoetarako Batzordearen 2018ko<br />
ekainaren 5eko EKLren aurreproiektuari buruzko 3/18 irizpenean adierazi bezala, jarraian<br />
ezartzen den salbuespenaren arabera, bazkideek ez dute mugarik izango arrazoi ekonomiko,<br />
tekniko, antolakuntza edo ekoizpeneko arrazoiengatik edo ezinbesteko arrazoiengatik<br />
enpresa-premian dauden beste erakunde batzuetan parte hartzeko, eta, beraz, arau orokorra<br />
indargabeturik geratu daiteke. Arrazoi horiek zertan dautzan ez jakiteak horixe adierazten<br />
du. Hori dela eta, komenigarria da estatutuetan zehaztea salbuespen horren aplikazioa eragin<br />
dezaketen irizpideak. Bestela, kooperatiba bakoitzak bere burua erregulatu ezean, analogiaz<br />
aplikatu beharko dira lan-legeriaren xedapenak, arestian adierazitako arrazoien esanahi<br />
jakina zehazteari dagokionez. Estatutuetan zehaztu beharreko beste kontu bat izango da<br />
arrazoi edo kausa horiek noiz gertatzen diren zehazteko eskumena duen gizarte-organoa, eta,<br />
arrazoiak jazotakoan, zein bazkideri eragiten dion.<br />
Laugarrenik, bazkide inaktiboak, erabiltzaileak ez direnak edo eszedentzian daudenak<br />
ezin dira kontuan hartu beste erakunde batzuetan gutxieneko parte-hartzea edo konpromisoa<br />
izateko, ez baitute kooperatibaren jardueretan parte hartzeko aukerarik, ezta kooperatibarekin<br />
lankidetzan aritzen diren eta parte hartzen duten beste erakunde horien bidez ere.<br />
4.5.2. Iruzkin orokorra eta esanahi praktikoa<br />
EKLren 22. artikuluak ezartzen dituen bazkideen betebeharrak nahitaez bete beharrekoak<br />
dira, eta gutxieneko zuzenbide absolutua osatzen dute. Besterik da bazkideek beste betebehar<br />
batzuk izatea, aplikatzekoak zaizkien beste xedapen batzuetan ezarritakoaren arabera.<br />
Hala ondorioztatzen da h) letran, hauxe dioenean: «lege- eta estatutu-arauen ondoriozko<br />
gainerako betebeharrak, bai eta kooperatibako organoek baliozkotasunez hartutako erabakien<br />
ondoriozkoak ere».<br />
Esanahi praktikoari dagokionez, komeni da manuan jasotako betebehar bakoitzari<br />
erreparatzea.<br />
a) Batzar orokorren eta deitutako gainerako organoen bileretara joatea: betebehar<br />
hori zuzenean lotuta dago bazkideen kudeaketa demokratikoari buruzko bigarren<br />
printzipio kooperatiboarekin. Egia esatera, politikak finkatzean eta kooperatibak<br />
erabakiak hartzean azaleratzen den kudeaketa demokratikoak galdatzen du,<br />
ezinbestean, batzarrean parte hartzea<br />
Nolanahi ere, bazkideak kide diren gizarte-organoen bileretara joateko betebeharra<br />
ez betetzea justifikazioari eta/edo zehapenari lotuta egon daiteke, barne-araudian<br />
ezarritakoari jarraiki (estatutuak, barne-araubideko erregelamendua eta indarrean<br />
dauden eta baliozkotasunez hartutako erabakiak), betiere sozietate-falta gisa<br />
tipifikatzen bada.<br />
72
BAZKIDEAK<br />
b) Hautatuz gero, karguak onartzea, kargutik salbuesteko zuzeneko arrazoirik badago<br />
izan ezik: komenigarria da estatutuetan zehaztea salbuesteko zuzeneko arrazoitzat<br />
zer ulertu behar den. Adibidez, ohiko salbuespena da hautapenaren aurreko urteetan<br />
kargu horretan aritu izana.<br />
Betebehar hori bazkideen kudeaketa demokratikoaren inguruko bigarren printzipio<br />
kooperatiboaren adierazpena ere bada, eta, aldi berean, hautatu diren kargudunei<br />
dagozkien erantzukizunak beren gain hartzea dakar.<br />
c) Kooperatibaren xede diren jardueretan parte hartzea. Ondorio horietarako,<br />
estatutuetan adieraziko dira parte hartzeko gutxieneko moduluak edo arauak.<br />
Era berean, administratzaileek, justifikatutako arrazoia tarteko denean, bazkidea<br />
betebehar horretatik askatu ahal izango dute, bidezkoa den neurrian: betebehar hori<br />
kooperatiba guztietan nagusi izan behar den mutualitate-printzipioaren adierazpen<br />
argia da. Estatutuen esku uzten da bazkideen parte-hartzea kooperatibaren xede diren<br />
jardueretan, hauxe diotenean: «parte hartzeko gutxieneko moduluak edo arauak».<br />
Horren haritik, EKEEren 47. artikuluaren arabera, parte hartzeko gutxieneko modulu<br />
edo arau horiek «argi eta garbi» ezarri behar dituzte estatutuek, «haien irismena eta<br />
betetze-maila eta helburu sozialarekiko koherentzia ezagutu eta, hala badagokio,<br />
ebaluatu ahal izateko». Nolanahi ere, gomendagarria da horiek guztiak behar<br />
bezain malguak izatea, jardueretan parte hartzea koherentea izan dadin kooperatiba<br />
bakoitzak unean-unean kudeatu behar duen errealitate ekonomikoarekin, estatutuak<br />
aldatu beharrik ez izateko.<br />
Kontuan izan behar da, halaber, EKLren 22. artikuluak «parte hartzeko gutxieneko<br />
moduluak edo arauak» aipatzen dituela. Bestela esanda, gutxieneko horietatik gora,<br />
bazkideak kooperatibaren xede diren jardueretan parte hartu ahal izango du, baina<br />
partaidetza hori eskubidea izango da, ez betebeharra, betiere kooperatibaren behar<br />
eta politikekin bat etorri beharko dena.<br />
Guztiaz ere, EKLren 22. artikuluak ahalmena ematen die administratzaileei<br />
bazkideak betebehar horretatik askatzeko, bidezkoa den neurrian eta betiere<br />
arrazoi justifikaturik badago. Horri dagokionez, badirudi estatutuetan edo barnearaubideko<br />
erregelamenduetan zehaztu behar direla lekapen hori eska dezakeen<br />
subjektua (bazkideak berak, administratzaileak ofizioz, edo biek) eta lekapena<br />
eragin duten arrazoi zehatzak. Era berean, hala badagokio, bazkide ez-aktiboen<br />
edo ez-erabiltzaileen eta eszedentzian dauden bazkideen araubideari dagokionez,<br />
estatutuetan araututakoa bete beharko da, EKLren 31. artikuluak xedatutakoaren<br />
ildoan.<br />
Azkenik, bazkideek behartuta zeudeneko jarduera kooperatibizatua egiteari uzten<br />
badiote, eta bazkide ez-aktibo edo ez-erabiltzaile eta eszedentzian dauden bazkideen<br />
inguruan adierazi duguna alde batera utzita, hainbat egoera bereizi behar dira<br />
jarduera kooperatibizatua uztea eragiten duten arrazoien arabera. Ildo horretan,<br />
ezin da ahaztu bazkide batek kooperatiba-jarduera egiteari uzteko arrazoietako bat<br />
kooperatiban baja ematea izan daitekeela. Horregatik, kontuan izan behar da, hala<br />
berean, EELren 26, 27 eta 28. artikuluek xedatutakoa, hurrenez hurren, borondatezko<br />
bajari, nahitaezko bajari eta kanporatzeari buruzkoak.<br />
73
BAZKIDEAK<br />
d) Kooperatibak garatzen duen helburu sozialarekin lehiatzeko jarduerarik ez egitea,<br />
ezta jarduera horiek egiten dituenarekin lankidetzan aritzea ere, administratzaileek<br />
berariaz baimentzen badituzte izan ezik: betebehar hori, berez, sozietate-harreman<br />
baten bitartez lotutako pertsona orori atxikitako leialtasun eta fede oneko<br />
betebeharraren adierazpena da. Beraz, ez da kooperatiba-sozietateen berezitasun bat.<br />
Hala ere, betebehar hori indartu egiten da kooperatibetan, mutualitate-printzipioari<br />
lotzen baitzaio. Izan ere, abiapuntutzat hartu behar da kooperatiba honela definitzen<br />
dela EKLn: «Bere kideen jarduera ekonomiko eta sozialak sustatzea eta haien<br />
beharrak asetzea helburu nagusitzat duen enpresa bat garatzen duen sozietate<br />
bat» (ikusi 1.1 artikulua). Horrela, bazkideek kooperatibarekin lehiatzeko jarduerak<br />
garatzeak lehentasunezko helburu hori urratu eta arriskuan jar dezake.<br />
Zehaztu behar da manuak ez duela berariaz eskatzen benetako kalterik gertatzea.<br />
Ildo horretan, praktikan, estatutuetan, bazkidearen eskumen hori sozietate-falta oso<br />
larritzat tipifikatu ohi da, diziplinazko baja edo kanporatzea dakarrena, kooperatibaren<br />
interesei edo kooperatibaren prestigio sozialari kalte egin diezaiekeenean. Ondorioz,<br />
frogatu beharko da, alde batetik, bazkideek kooperatibatik kanpo egiten dituzten<br />
jarduerak, benetan, lehiazkoak direla, eta, bestetik, lehia horrek kooperatibaren<br />
interesei kalte egin diezaiekeela, edo, hala badagokio, kooperatibaren sozietateospeari.<br />
Azken gai hori argudiatu ahalko da, baldin eta kooperatibak garatutako<br />
helburu sozialaren eta bazkideak kooperatibatik kanpo egindako jardueraren arteko<br />
koherentzia edo lotura badago.<br />
Nolanahi ere, ezin da ahaztu manuak aukera ematen diela administratzaileei<br />
kooperatibak garatzen duen helburu sozialarekiko lehiazkoak diren jarduerak egiteko<br />
edo jarduera horiek egiten dituenarekiko lankidetzan aritzeko.<br />
Baimena ukatuz gero, eragindako bazkideak errekurtsoa aurkez dezake batzarraren<br />
aurrean, lehiazko jarduerarik ez dagoela alegatuz.<br />
Beste alde batetik, lehiazko jarduerak administratzaileek egiten badituzte, EKLren<br />
49. artikuluak eta hurrengoek jasotzen duten administratzaileen erantzukizunaraubidea<br />
bete beharko da.<br />
e) Kooperatibaren jarduerei eta datuei buruzko sekretua gordetzea, horiek zabaltzeak<br />
sozietatearen interesei kalte egin badiezaieke: betebehar horrek aurreko letran<br />
jasotakoaren esanahi eta irismen bera du, eta, beraz, horri buruz adierazitakoari<br />
lotzen gatzaizkio.<br />
f) Kapital sozialari egindako ekarpenak araututako baldintzen arabera ordaintzea:<br />
egia esatera, zeinahi jarduera sozial garatu ahal izateko, kapital bat eduki behar da,<br />
hots, bazkideek ematen dutena. Horrela, pertsona bat bazkide gisa sartzen denean,<br />
epe jakin batean ekarpen zehatza ordaintzeko konpromisoa hartzen du, diruzkoa<br />
izan edo ez, baina betiere era ekonomikoan ebaluatzeko modukoa. Zehazki,<br />
betebehar hori bazkideen parte-hartze ekonomikoari buruzko hirugarren printzipio<br />
kooperatiboarekin lotu behar da. Printzipio horren arabera, kontuan izan behar da<br />
bazkideek ekarria egin behar diotela kooperatibaren kapitalari modu ekitatiboan. Ez<br />
74
BAZKIDEAK<br />
zaio kooperatibari kapitalik ematen bazkideek funts horri esker irabaz dezaten,<br />
beharrezkoa delako baizik, kooperatibak kapitalik gabe jardun eta garatu ezin<br />
duen neurrian. Gainera, kooperatibetan aukera badago, geroago, batzar orokorrean<br />
edo administrazio-organoan hartutako erabakia dela bide, bazkideek kapitalari<br />
ekarpen berriak egiteko, eta ekarpen horiek nahitaezkoak edo borondatezkoak izan<br />
daitezke.<br />
g) Galeren egozpena bere gain hartzea, batzar orokorrak erabakitako zenbatekoan:<br />
betebehar hori lotu behar zaio EKLren 73. artikuluak xedatutakoari. Ondorioz,<br />
estatutuetan ezarritako irizpideei men behar zaie, eta, nolanahi ere, manu horretan<br />
ezarritako erregelak errespetatu behar dira.<br />
4.5.3. Beste arau aplikagarri batzuk<br />
• GELren 4. artikulua.<br />
• LELTBren 47. artikulua.<br />
• EKEEren 47. artikulua.<br />
4.6. Bazkideen eskubideak<br />
1.– Bazkideek eskubide hauek izango dituzte:<br />
a) Kooperatibako organoetako karguetarako kideak hautatzea, eta kargu<br />
horietarako hautatuak izatea.<br />
b) Batzar orokorrean edo batzarkide diren gainerako organoetan proposamenak<br />
egitea eta hartzen diren erabaki guztietan parte hartzea hitzez eta botoa emanez.<br />
c) Kooperatibaren jarduera guztietan parte hartzea, diskriminaziorik gabe.<br />
d) Eskubideak baliatzeko eta betebeharrak betetzeko beharrezkoa den informazio<br />
guztia jasotzea.<br />
e) Bidezkoa bada, sozietatearen kapitalera egindako ekarpenak eguneratzea eta<br />
itzultzea, baita, hala badagokio, sortutako interesak jasotzea ere.<br />
f) Kooperatiba-itzulkina jasotzea, hala badagokio.<br />
g) Lege eta estatutuen ondoriozko gainerakoak.<br />
2.– Beren eskubideez baliatzean, bazkideek kontuan izan behar dute zer dioten legeek eta<br />
estatutuek nahiz kooperatibako organoek balio osoz hartutako erabakiek.<br />
4.6.1. Berrikuntza nagusiak aurreko araudiaren aldean<br />
Egungo EKLren 23. artikuluak aurreko EKLren 23. artikuluaren eduki berdintsua dakar.<br />
aldaketa terminologiko bakarra da generoari lotutakoa da, arau osoan gertatzen den bezala,<br />
genero-arloan hizkuntza ez-diskriminatzailea erabiltzeko helburuz.<br />
75
BAZKIDEAK<br />
4.6.2. Iruzkin orokorra eta esanahi praktikoa<br />
EKLren 23. artikuluaren 1. atalak, numerus apertus zerrenda gisan, kooperatiba bateko<br />
bazkide orori dagokion eskubideen gutxieneko eta beharrezko edukia ezartzen du. Horrela<br />
ondorioztatzen da f) letran, bazkideek «legeetan eta estatutuetan» ageri diren gainerako<br />
eskubideak izango dituztela xedatzen baita.<br />
Bazkide batek beti izan behar dituen eskubide zehatzak honako bost hauek dira, haiei<br />
dagozkien iruzkin eta guzti. Beraz, funtsezko eskubideak dira. Gainera, gehiengoa ezinbesteko<br />
tresna da NKAren printzipio kooperatiboak, EKLren 1. artikuluan ageri direnak, gauzatzeko,<br />
xedapen hori kooperatibaren kontzeptuan bertan txertatzen baitu, era honetara: printzipio<br />
horiek betetzeko betebeharra, eta, aldi berean, kooperatibaren egitura eta funtzionamendua<br />
lege horren esparruan aplikatzen diren printzipio horietara egokitzeko betebeharra.<br />
a) Kooperatibako organoetako karguetarako hautatzea eta hautatuak izatea: azken finean,<br />
bazkideen kudeaketa demokratikoari buruzko bigarren printzipio kooperatiboaren bi<br />
aldeak dira, eta, beraz, eskubide politikoa da.<br />
Hasiera batean, kooperatibako organoetako karguak aukeratzeko eskubidea, edo<br />
sufragio aktiboa, bazkideen eskubide esklusiboa da, eta, oro har, batzar orokorraren<br />
bidez gauzatzen da. Hala ere, EKLren 47.2 artikuluak ezarritakoari jarraiki, honako<br />
hau zehaztu behar da: «estatutuek batzar orokorrak aukeratzea aurreikusten ez<br />
badute, administratzaileek presidentearen eta idazkariaren karguak hautatuko<br />
dituzte beren kideen artean. Estatutuetan aurreikusi ahal izango da, halaber,<br />
idazkaria kooperatibako bazkidea edo kontseilaria ez izatea».<br />
Bestalde, bazkideek kooperatibako organoetako karguetarako hautatuak izateko<br />
eskubidea nahitaez lotuta dago, EKLren 22.a) artikuluaren arabera, «hautatuak izan<br />
diren karguak onartzeko» betebeharrarekin. Hala eta guztiz ere, zehaztu behar da ezen,<br />
hasiera batean, sufragio pasiborako eskubide hori eskubide absolutua dela dirudien<br />
arren, mugarik gabe, zinez, bazkideek zenbait baldintza edo eskakizun betetzearen<br />
mende egon daitekeela. Hala, administratzaileetako bat izateko aukerari dagokionez,<br />
EKLren 44. artikuluak ezintasunari eta debekuei buruz ezartzen dituen zedapenak<br />
bete behar dira. Bestalde, badirudi EKLren 53.2 artikuluak dakarren edukitik<br />
ondoriozta dezakegula, zaintza-batzordeko kide izateko, ohoragarritasun, lanbidegaikuntza<br />
eta esperientzia tekniko edo enpresarialari buruzko baldintza egokiak<br />
bete behar direla organo horren eginkizunak garatuko badira, baldintza horiek eska<br />
dakizkiekeelako batzorde horretako kide izan ahal diren bazkide ez diren pertsonei.<br />
Bestalde, errekurtsoen batzordeari dagokionez, EKLren 58.2 artikuluak zehazten<br />
du, alde batetik, «zuzenbide osoko bazkideak baino ezin izango direla izan organo<br />
horretako kide, baldin eta estatutuetan eskatzen diren antzinatasun, kooperatibako<br />
eskarmentu eta egokitasun-baldintzak betetzen badituzte», eta, bestetik, pertsona<br />
horiek ez dutela inolako kargurik izan behar sozietatean. Era berean, kontuan izan<br />
behar da bazkide jakin batzuk ezin izango direla sozietate-karguetarako hautagai<br />
izan, zehapen-araubidea aplikatuta.<br />
Are gehiago, administratzaileen batzari gagozkiola, baliteke batzar orokorrak<br />
hautatzen dituen kide batzuk bazkideak ez izatea, baldin eta estatutuek horretarako<br />
76
BAZKIDEAK<br />
aukera ematen badute (ikusi EKLren 43.2 artikulua). Beste horrenbeste gerta daiteke<br />
zaintza-batzordeko kideekin, EKLren 53.2 artikuluak dioenaren bat etorriz, litekeena<br />
baita estatutuetan bazkideak ez diren pertsonen izendapena arautzea, baldin eta<br />
pertsona horiek «organo horren funtzioei dagokienez ohoragarritasun, lanbidekualifikazio<br />
eta esperientzia tekniko edo enpresarial egokien baldintzak betetzen<br />
badituzte, eta bazkide ez diren pertsona horien kopurua ez bada batzordekoen<br />
guztizkoaren erdia baino handiagoa, besterik ezean kalkulatuta».<br />
b) Proposamenak egitea, hitza izatea eta botoa ematea batzarraren eta parte hartzen<br />
duten gainerako organoen erabaki guztiak hartzeko orduan: bazkideen kudeaketa<br />
demokratikoari buruzko bigarren printzipio kooperatiboaren zuzeneko adierazpena<br />
da, eta, beraz, eskubide politiko batena. Estatutuetan ezarritakoa bete beharko<br />
da, baina estatutuek beti bermatu beharko dute haien eraginkortasuna. Egiatan,<br />
kooperatibaren politikak finkatzeko eta erabakiak hartzeko, bazkideek parte hartu<br />
behar dute, eta horiek egindako proposamenen, eztabaiden eta bozketen bidez<br />
baino ezin da gauzatu. Lehenengo biak, hau da, proposamenak egitea eta horiek<br />
eztabaidatzea –eztabaidetan hitzarekin parte hartzea dakarrena−, boto-eskubidea<br />
gauzatzeko bidea ere badira, eta azken horrek berariaz eta indartuta aipatzen du<br />
NKAk nortasun kooperatiboari buruz adierazitakoa, hauxe esaten baita: «lehen<br />
mailako kooperatibetan, bazkideek boto-eskubide berdinak dituzte (bazkide bat,<br />
boto bat)». Horrela jasotzen da, halaber, EKLren 37.1 artikuluan, batzar orokorrari<br />
dagokionez. Horrek esan nahi du, lehen mailako kooperatibetan, bazkide bakoitzak<br />
boto bat duela, kapital sozialari egindako ekarpenen zenbatekoa edozein dela ere.<br />
Batzar orokorra alde batera utzita, administrazio-kontseiluan, EKLren 48.3<br />
artikuluak dioenaren arabera, «kontseiluko kide guztiek boto bana izango dute,<br />
kontseiluburuaren botoak berdinketak ebazteko ahalmenari kalterik egin gabe».<br />
c) Kooperatibaren jarduera guztietan parte hartzea, diskriminaziorik gabe: berriro<br />
ere eskubide politiko baten aurrean gaude, eta horren bidez gauzatzen da<br />
bigarren printzipio kooperatiboa, bazkideen kudeaketa demokratikoari buruzkoa.<br />
Kooperatibaren xede diren jardueretan parte hartzeko betebeharraren ifrentzua da.<br />
Horrenbestez, eskubide hori kooperatibaren barren mutualistari ere lotuta dago;<br />
izan ere, bazkideek partaidetza hori izan gabe, ezinezkoa da kooperatibaren xedea<br />
eta helburu soziala betetzea. Beste hitz batzuez esanda, bazkideek kooperatibaren<br />
bidez asetzen dituzte beren interesak, guztiek lankidetzan jarduten baitute eta<br />
elkarri laguntzen baitiote. Horregatik, eskubide hori legean eta estatutuetan berariaz<br />
araututako kasuetan bakarrik eten daiteke.<br />
d) Nork bere eskubideak baliatzeko eta betebeharrak betetzeko behar duen informazioa<br />
jasotzea: eskubide hori baliatzea ezinbestekoa da bazkideek kooperatiban gogotik eta<br />
eraginkortasunez parte hartu ahal izateko. Gainera, gardentasunaren balio etikoari<br />
lotuta dago; izan ere, informazioa jasotzeko eskubidea da hori gauzatzeko bide<br />
nagusietako bat. EKLren 24. eta 25. artikuluek eskubide horren arauketan sakontzen<br />
dute, eta, beraz, artikulu horien iruzkinei lotzen gatzaizkie.<br />
77
BAZKIDEAK<br />
e) Hala dagokionean, kapital sozialari egindako ekarpenak eguneratzea eta itzultzea,<br />
bai eta, bidezkoa bada, horien ziozko interesak jasotzea ere: eskubide horren bidez,<br />
egiatan, hiru eskubide ekonomiko egituratzen dira. Horren ondorioz, EKLren 63 eta<br />
64. Artikuluak aipatu behar dira, hurrenez hurren, ekarpenen interesak eta ekarpenen<br />
eguneratzea arautzeaz dihardutenak. Aldiz, kapitalari egindako ekarpenak itzultzeko<br />
eskubidea modu lausoagoan araututa dago EKLn zehar, bidezkoa den ala ez kontuan<br />
hartuta.<br />
Ildo horretan, EKLren zioen azalpenean gogorarazten denez, kontuan izan behar da<br />
itzulketa ez dela beti eskubide bat. Hau da, kooperatibaren interes orokorra gailendu<br />
behar da, negozio juridikoaren iraute-printzipioaren eta printzipio mutualistaren<br />
adierazpen gisa; izan ere, kooperatibak zentzua hartzen du, ahalik eta bazkide gehien<br />
asetzen dituen heinean.<br />
Horrela, adibide gisa, EKLren 30, 60, 66, 67 eta 119.6 artikuluei buruzko iruzkinetara<br />
joko dugu, horien edukitik ondorioztatzen baita bazkideek dirua itzultzeko ala ez<br />
itzultzeko eskubidea izango dutela, kasua zein den.<br />
f) Kooperatiba-itzulkin positiboa, hala badagokio: hori ere eskubide ekonomikoa da.<br />
Manuan zehazten den bezala, kooperatibak emaitza ekonomiko positiboak lortzeari<br />
eta, kasu horretan, batzar orokorrak horien zati bat bazkideen artean banatzeko<br />
erabakiari lotzen zaie. «Itzulkin positiboa» izendapenaren arrazoia da bazkideek<br />
jarduera kooperatibizatuan parte hartzearen ondorioz sortutako emaitzak direla.<br />
Aurrekoaren harian, EKLren 70 artikuluak zehazten du soberakin erabilgarriak<br />
noiz banatu ahalko diren bazkideen artean, eta ñabardura bat ere egiten du:<br />
«bazkide bakoitzak kooperatibarekin egindako eragiketa, zerbitzu edo jardueren<br />
proportzioan» esleituko direla soberakin horiek.<br />
Kooperatiba-itzulkin positiboaren eskubide horren ziozko modalitatea den aldetik,<br />
adierazi behar da, dituen berezitasunengatik, bazkide langileek eta lan-bazkideek<br />
eskubidea dutela EKLren 103.6 artikuluak jasotako aurrerakinak, lan egiteagatik.<br />
Agindu horretan xedatutakoaren arabera, aurrerakin horiek aldizka jaso behar dira,<br />
gehienez ere, hilabeteko epean, eta urteko zenbaketan LGS baino txikiagoa ez den<br />
zenbatekoan. Horien ordainsari-izaera eta, beraz, baldintzatu gabeko zuzenbideizaera<br />
direla eta, Prozedura Zibilaren Legearen 70. artikuluak ezarritakoaren<br />
aranera eta EKLren 69.2.a) artikuluak dioenarekin bat etorriz, ezin dira soberakin<br />
erabilgarrietatik etorri; aitzitik, soberakin garbiak zehazteko partida kengarriak<br />
izan behar dira. Era berean, garrantzitsua da gogoratzea aurrerakin horiek, oro har,<br />
ezingo direla izan kasuan kasuko jarduera-sektorean eta tokian-tokian erabiltzen<br />
diren ordainsari arruntak baino handiagoak; beraz, zenbateko hori gainditzen duen<br />
guztia, hala badagokio, kooperatiba-itzulkin positibo arrunt gisa banatu ahal izango<br />
da, lehen adierazitako adierazitako baldintzetan.<br />
Beste alde batetik, EKLren 23. paragrafoaren 2. zenbakiak gogorarazten digu<br />
bazkideen eskubide guztiak, hau da, 1. paragrafoan berariaz agertzen direnak zein<br />
78
BAZKIDEAK<br />
estatutuen bidez arautu daitezkeenak, lege- eta estatutu-arauen eta kooperatibako<br />
organoek baliozkotasunez hartutako erabakien arabera erabili behar direla. Bestela<br />
esanda, bereizi egin behar dira bazkideen eskubideen iturriak, legea eta estatutuak<br />
bakarrik izan behar direlarik, eta eskubide horiek baliatzeko modua, legean eta<br />
estatutuetan jasotakoaz gain, kooperatibako organoek baliozkotasunez hartutako<br />
erabakietan jasotakoa ere izan daitekeela. Hala, hiru arau horietako bakoitza beheko<br />
arauek errespetatu beharreko gutxieneko oinarria da, eta, beraz, beheragoko arauek<br />
goragokoek araututako gutxienekoak errespetatu behar dituzte beti, arau horiek<br />
ezarritakoa zehaztea eta garatzea beste funtziorik ez dutela.<br />
4.7. Informazio-eskubidea<br />
1.– Bazkideek informazioa jasotzeko eskubidea baliatu ahal izango dute lege honetan,<br />
estatutuetan edo batzar orokorraren erabakietan aurreikusitako moduan, zeinetan<br />
egoki iritzitako bideak jarri ahal izango baitira bazkideen eskubide hori erraztu eta<br />
gauzatzeko.<br />
2.– Bazkideak eskubide hauek izango ditu:<br />
a) Kooperatibaren estatutuen kopia bat eskatu ahal izango du, baita, hala badagokio,<br />
barne-araubidearen erregelamenduarena ere.<br />
b) Kooperatibako bazkideen erregistro-liburua eta batzar orokorraren aktaliburua<br />
aztertzeko eskubidea izango du. Bazkideak hala eskatzen badu,<br />
administratzaileek batzar orokorraren aktaren eta han hartutako erabakien kopia<br />
ziurtatuak eman beharko dizkiote, baita bazkide-erregistroko liburuan egindako<br />
inskripzioen ziurtagiria ere, betiere aurretik eskaera arrazoitua egiten badu.<br />
c) Administratzaileek hartutako erabakien kopia ziurtatua eskatu ahal izango du,<br />
erabaki horiek bazkideari eragiten badiote.<br />
d) Kooperatibarekiko duen ekonomia-egoeraren berri jaso ahal izango du.<br />
Informazio hori administratzaileek eman beharko diote, hilabeteko epean<br />
gehienez ere, eskatzen denetik aurrera kontaturik.<br />
3.– Edozein bazkidek argibide edo txostenak eskatu ahal izango dizkie administratzaileei,<br />
idatziz, kooperatibaren funtzionamenduaren edo emaitzen berri izateko. Informazio<br />
hori idatzizko eskaria aurkeztu eta hamabost egun igaro ondorengo batzar<br />
orokorraren lehenengo bileran eman beharko zaio interesdunari.<br />
4.– Batzar orokorraren gai-zerrendaren arabera ekitaldiko kontuez edo proposamen<br />
ekonomiko bati buruz eztabaidatu behar bada, kooperatibaren egoitzan bazkideen<br />
eskura jarriko dira urteko kontuen berri ematen duten agiriak, emaitzak ezartzeko<br />
proposamenak eta, hala badagokio, artezkaritza-kontseiluak egindako kudeaketatxostena<br />
eta kontuen kanpoko kontu-ikuskatzailearen txostena, zeinak deialdiak<br />
dirauen bitartean egongo baitira bazkideen esku, aztertu ahal izan ditzaten. Hala<br />
badagokio, zaintza-batzordearen txostena ere, 56. artikuluan aipatzen dena, jarriko<br />
da bazkideen esku.<br />
79
BAZKIDEAK<br />
Epe horretan zehar, bazkideek agiri ekonomiko horiei buruzko azalpenak eta<br />
argibideak eskatu ahal izango dituzte, idatziz eta batzar orokorra izan baino bost<br />
egun lehenago gutxienez, eta batzarrean emango zaie erantzuna.<br />
5.– Aurreko apartatuan ezarritako eskubidea eragotzi gabe, sozietateko boto guztien<br />
ehuneko hamar gutxienez ordezkatzen duten bazkideek edozein unetan eskatu ahal<br />
izango dute, idatziz, beharrezko iruditzen zaien informazio guztia. Administratzaileek<br />
idatziz eman beharko dute eskatu zaien informazioa, hogeita hamar eguneko<br />
gehieneko epean.<br />
6.– Edozein kasutan, administratzaileek kooperatibaren gorabehera sozioekonomiko<br />
nagusien berri eman beharko diete bazkideei edo haien ordezkariei, hiru hilean<br />
behin gutxienez, horretarako egokien iruditzen zaien bidea erabiliz.<br />
4.7.1. Berrikuntza nagusiak aurreko araudiaren aldean<br />
Arau honek aurreko araudiaren aldean dakarren berrikuntza nagusia 4. atalean dago; izan<br />
ere, batzar orokorrean, aztergaien zerrendari erreparaturik, ekitaldiko kontuei edo zeinahi<br />
proposamen ekonomikori buruz eztabaidatu behar denean, batzar orokorraren deialdiepearen<br />
barruan bazkideek azter dezaketen eta kooperatibaren egoitzan eskuragarri egon<br />
behar duen informazioaren artean, hala badagokio, administratzaileek egindako kudeaketatxostena<br />
dago. Hain zuzen ere, aurreko araudian aipatzen zen kudeaketa-txosten hori, hala<br />
badagokio, zaintza-batzordeak egin behar zuela.<br />
Era berean, erregulazio berritik ondorioztatzen denez, era egokian eta EKLren 56.1.a)<br />
artikuluak (lehengo EKLren 53.1.a artikulua, araudi berrian berdin-berdin geratu dena)<br />
dioenarekin guztiz bat etorrita, zaintza-batzordearen urteko kontuei eta soberakinak<br />
banatzeko edo galerak egozteko proposamenari buruzko nahitaezko txostena kooperatibaren<br />
egoitzan soilik egongo da bazkideen eskura, bazkideek batzar orokorrerako deialdiaren<br />
epearen barruan aztertu ahal izan dezaten, baldin eta kooperatibak ez badu finantza-egoerak<br />
kontu-ikuskaritza bati lotzeko betebeharrik.<br />
Aldaketa horiek alde batera utzita, artikuluak aurreko idazkerari eusten dio gaztelanizko<br />
terminologia-aldaketa eginda, hau da, «personas socias» aipatzen ditu, eta ez «socios», arau<br />
osoan gertatzen den bezala, generoaren arloan hizkuntza ez-diskriminatzailea erabiltzeko<br />
helburuz.<br />
4.7.2. Iruzkin orokorra eta esanahi praktikoa<br />
24. artikuluaren 1. atalak EKLren 23.1.d) artikuluak bazkide orori aitortzen dion informazioeskubidea<br />
garatzen du, hauxe xedatzen duela: eskubide hori «legean, estatutuetan edo batzar<br />
orokorraren erabakietan araututako moduan erabiliko da, eta eskubide hori errazteko eta<br />
gauzatzeko egokitzat jotzen dituzten bideak ezarri ahal izango dituzte».<br />
Ohartarazi behar da ezen, bazkideentzako berme gisa, batzar orokorra dela eskubide hori<br />
gauzatzeko bideak ezar ditzakeen gizarte-organo bakarra.<br />
Beste alde batetik, bide horiek egokiak izan behar dute bazkideen informazio-eskubidea<br />
errazteko eta gauzatzeko, eta hori bat dator kooperatibaren izaera demokratikoarekin<br />
80
BAZKIDEAK<br />
eta parte-hartzailearekin, eta, horrela, NKAren bigarren printzipio kooperatiboarekin<br />
(bazkideen kudeaketa demokratikoari buruzkoa) eta hirugarrenarekin (bazkideen partehartze<br />
ekonomikoari buruzkoa) lerrokatzen da. Kooperatiba orok kontuan hartu behar ditu<br />
printzipio horiek; izan ere, kooperatibaren egitura eta funtzionamendua egokitu beharko ditu<br />
printzipio horien arabera, EKLren 1.2 artikuluak ezarritakoari jarraiki.<br />
Hori guztia dela eta, EKLren 24. artikuluaren hurrengo atalean zehazten den guxtieneko<br />
informazioa une, modu eta eduki egokian eman behar zaie bazkideei. Hori dela eta, 24.<br />
artikuluaren ondoko ataletan ikusiko dugun moduan, azken alderdi horietako batzuk zehaztu<br />
behar dira. Kontuan izan behar da atal horietan zehazten den informazio guztiaz bakarrik<br />
hartzen duela zentzua kooperatibaren partaidetza eta kudeaketa demokratikoak, eta horrela<br />
bakarrik eragin ahal izango dela merkatuan. Hau da, bazkide bakoitzak informazioa jasotzeko<br />
eskubidea baliatzen duenez, kooperatibak mutualitatez gaindiko egituratzat hartzen du bere<br />
burua; izan ere, informazioan oinarrituta, batzar orokorrean era demokratikoan hartzen<br />
diren erabakien ondorioz, batzar horrek bazkideen interes orokorra bilatuz funtzionatzen du.<br />
Horrela, kooperatibak pertsona juridiko autonomo eta kolektibo gisa jarduten du merkatuan,<br />
eta harreman zuzena du harekin eta, ondorioz, soldatapeko langileei atxiki zaien merkatutik<br />
urrun egoteko ezaugarria ez da betetzen kooperatiba osatzen duten bazkideak; bestetik, ez<br />
dira norbere konturako langile, bazkideek kooperatibaren bidez jarduten baitute, ez banaka<br />
hartutako pertsona fisiko gisa.<br />
24. artikuluaren 2, 3 eta 4. Ataletan, pertsona orok banaka hartuta balia dezakeen<br />
informazio-eskubidearen zehaztapenak jasotzen dira.<br />
2. ataletik hasita, a) letran «kooperatibaren estatutuen kopia bat eskatzeko» eskubidea<br />
ezartzen da, eta, hala badagokio, «barne-erregelamenduaren kopia» eskatzekoa. Kopia<br />
sinplea da, eta ez da beharrezkoa notarioren kopiarik edo erregistroko oharrik. Beraz,<br />
nahikoa da dokumentazio hori benetakoa izatea eta une bakoitzean indarrean dagoenarekin<br />
bat etortzea. Era berean, hala badagokio, adierazi beharko da administratzaileek bidaltzen<br />
dutela kopia edo haiek aginduta igortzen dela. Nolanahi ere, kopiak doakoa izan behar du<br />
bazkideentzat, haien eskubidea baita.<br />
Eskubide hori betebeharra da administratzaileentzat, betiere bazkideak baliatzen badu.<br />
Hau da, bazkideek eskatzen ez badute, kooperatibak ez du bidaltzeko betebeharrik izango.<br />
Aurrerago joanda, b) letran, egiatan, irismen desberdina duten bi eskubide jasotzen<br />
dira. Alde batetik, bazkide orok «kooperatibako bazkideen erregistro-liburua eta batzar<br />
orokorraren akta-liburua aztertzeko» eskubidea du, eta, bestetik, administratzaileen aldetik<br />
«aktaren eta batzar orokorrean hartutako erabakien kopia ziurtatua jasotzeko eskubidea du,<br />
bai eta bazkideen erregistro-liburuan egindako inskripzioen ziurtagiria jasotzeko eskubidea<br />
ere, eskaera arrazoitua egin ondoren». Eskubide horietako lehenengoari dagokionez,<br />
aipatutako liburuak zuzenean eta osorik aztertzeko aukera aitortzen da, eta ulertzen da horiek<br />
gordetzeko ardura duen pertsonaren aurrean, hark zainduta eta kontrolatuta egin behar<br />
dela. Bigarren eskubideari dagokionez, ordea, zeharka eta kopia ziurtatuen bidez ezagutu<br />
ahal da aipaturiko akten, akordioen eta inskripzioen edukia. Gainera, kontuan hartu behar<br />
da bigarren eskubide hori balia dezan, batzar orokorrean hartutako akten edo erabakien<br />
81
BAZKIDEAK<br />
kopia ziurtatuak edo bazkideen erregistro-liburuko inskripzioen ziurtagiriak eskuratu<br />
nahi dituen bazkide interesdunak eskaera arrazoitua aurkeztu behar duela azlez aurretik.<br />
Bestela esanda, azken kasu horretan, kopia edo ziurtagiri horietatik atera beharreko<br />
informazioak helburu legitimo eta zehatz bati lotuta egon behar du, bazkide eskatzaileak<br />
kooperatibarekin, kooperatibaren organo sozialekin edo beste bazkide batzuekin duen<br />
loturari doakionaren ildoan, betiere bazkideak lor dezakeen informazioaren garrantzia eta<br />
hedadura kontuan hartuta.<br />
Nolanahi ere, EKLren 24.2 artikuluaren b) letran jasotzen den informazioa eskatzen duen<br />
bazkideak DPBLOren ziozko betebeharrak bete behar ditu.<br />
c) letran, bazkideei mugatu egiten zaie administratzaileen akordioak eskuratzeko aukera;<br />
izan ere, bazkideei banaka eragiten dieten akordioen kopia ziurtatua jasotzenko eskubidea<br />
baino ez zaie aitortzen. Muga horren helburua dugu eskubidearen abusuzko eta neurriz<br />
kanpoko erabilera saihestea, eta, azkenik, kooperatibari buruzko informazioa zabaltzea<br />
saihestea, sozietatearen interesen kaltetan. Jakina, hemen ere DPBLOren ziozko betebeharrak<br />
bete behar dira.<br />
d) letran, berme bat ezartzen da bazkide guztientzat: kooperatibak unean-unean daukan<br />
egoera ekonomikoari buruzko informaioa jasotzea administratzaileen eskutik, bazkideak<br />
eskatzen duenetik, gehienez ere, hilabeteko epean. Eskaerak kooperatibaren egoera osorik<br />
edo zati zati batez har dezake, edo data jakin batetik aurrera, edo gai jakin baten inguruan.<br />
Bestalde, 3. atalak bazkideen banako eskubide bat jasotzen du, baina irismen orokorrekoa,<br />
bazkide orok edozein unetan eta egokitzat jotzen duten guztietan «administratzaileei idatziz<br />
eska baitiezazkieke kooperatibaren funtzionamenduaren edo emaitzen edozein alderdiri buruz<br />
beharrezkotzat jotzen dituen azalpenak edo txostenak», eta, horren aurrean, administratzaileek<br />
informazio hori eman beharko dute «idazkia aurkeztu eta hamabost egunera egiten den lehen<br />
batzar orokorrean». Bestela esanda, bazkide batek banaka eskatutako informazioa batzar<br />
orokorrean azaltzen zaie bazkide guztiei. Izan ere, eskatutako informazioak kooperatibako<br />
bazkide guztiei eragiten die. Hori dela eta, administratzaileek informazioa prestatzeko eta<br />
batzar orokorraren esku jartzeko behar adina denbora izateko legez ezarritako epea: eskaera<br />
aurkezten denetik, gutxienez, hamabost egun. Hori eginda, gainera, batzar orokorra egin<br />
baino ordu gutxi batzuk lehenago ere informazioa eska dezaketen bazkideek fede onaren<br />
aurka jarduteko moduak, batzar orokorrak behar bezala funtziona dezan oztopatzekoak,<br />
saihesten dira; izan ere, eskaeren eta galderen txandan, informazioa eskatzen duen bazkideak,<br />
irrazionala ez den den arren, egoera nahasia sor lezake −administratzaileek ezin baitute<br />
eskatutako informazioa eman, eskaera egin denetik oso denbora laburra igaro delako−<br />
kooperatibaren funtzionamendua gidatu behar duen elkarrekiko konfiantza-giroa asaldatzen<br />
duena, kooperatibak berez duen interes mutualistagatik, bai eta bazkideek berdintasunez<br />
jokatzen dutelako ere.<br />
4. atalean, aurreko araudiarekiko berrikuntza nagusiak aztertzean esan den bezala (supra<br />
4.7.1), administratzaileek batzar orokorraren esku informazio ekonomiko jakin bat jartzeko<br />
betebeharra ezartzen da, deialdiaren epearen barruan. Ikusi denez, funtsezko informazioa da<br />
bazkideek bigarren printzipio kooperatiboa, bazkideen kudeaketa demokratikoari buruzkoa,<br />
82
BAZKIDEAK<br />
eta hirugarren printzipio kooperatiboa, bazkideen parte-hartze ekonomikoari buruzkoa,<br />
gauzatu ahal izateko.<br />
Hain zuzen ere, helburu horren ondorioz, bazkide orori aitortzen zaio eskubide hau: «idatziz<br />
eskatzea, gutxienez, batzarra egin baino bost egun lehenago, dokumentazio ekonomikoari<br />
buruzko azalpenak eta argibideak, batzarrean bertan erantzun daitezen».<br />
24. artikuluaren 5. atalean, informazio-eskubidea modu kolektiboan baliatzen den egoera<br />
zehatz bat jasotzen da; izan ere, aukera ematen du «sozietatearen boto guztien ehuneko<br />
hamar ordezkatzen duten bazkideek une oro beharrezkotzat jotzen duten informazioa idatziz»<br />
eskatzeko. Horrela, eskatutako informazioa ez da zertan izaera ekonomikoko informaziora<br />
zertan mugatu, eta administratzaileak hobeto kontrolatzeko bermea da. Jakina, gurariazko<br />
eta funtsik gabeko zeinahi eskaera saihesteko, baldintza gisa ezartzen da eskubide hori era<br />
kolektiboan egikaritzea, adierazitako moduan. Eskabidea egin ondoren, «administratzaileek<br />
idatziz eman beharko dute eskatutako informazioa, gehienez ere, hogeita hamar eguneko<br />
epean». Ondorioz, modu kolektiboan baliatutako informazio-eskubide horrek betebeharra<br />
dakar administratzaileentzat.<br />
Azkenik, 24. artikuluaren 6. atalak honako betebehar hau jasotzen du: «bazkideei edo<br />
haiek ordezkatzen dituzten organoei kooperatibaren aldagai sozioekonomiko nagusien berri<br />
ematea, gutxienez, hiru hilerik behin, egokitzat jotzen duten bidea erabiliz». Ondorioz,<br />
administratzaileek bi aukera dituzte betebehar hori betetzeko. Alde batetik, bazkide guztiguztiei<br />
eman diezaiekete informazioa, banaka. Beste alde batetik, informazioa eman dezakete<br />
batzar orokorrean, modu kolektiboan. Era berean, bazkideak ordezkatzen dituzten organoei<br />
buruzko aipamen orokorra egiten denean, ulertu behar da zaintza-batzordeari jakinarazi behar<br />
zaiola, halakorik dagoenean, bai eta gizarte-kontseiluari ere, aldagai sozioekonomikoek lanharremanean<br />
eragina izan dezaketenean. Informazioa helarazteko, gehienez ere, hiruhileko<br />
bateko epea ezarrri bada ere, informazioa gauzatzeko bidea administratzaileen esku uztea<br />
bitxia da aurreko ataletan jasotakoarekin alderatuta. Horregatik, bazkide guztiek informazio<br />
hori ulertu, aztertu eta balioetsi ahal izateko, eta, hala badagokio, behar diren azalpenak<br />
edo argibideak eskatu ahal izateko, badirudi egokiena informazioa idatziz ematea dela.<br />
Informazioa batzar orokorrean ematea erabakitzen bada, informazio hori idatziz ere eman<br />
beharko zaie bazkideei, deialdiaren epearen barruan. Gainera, idatzizko informazioa hainbat<br />
modutan eman daitekeenez, komenigarria dirudi informazioa emateko bideak estatutuetan<br />
arautzea (adibidez, aurrez aurreko iragarki-taula, kooperatibaren webgunean txertauriko<br />
egoitza elektronikoko iragarki-taula edo gutun pertsonalizatua).<br />
4.7.3. Beste arau aplikagarri batzuk<br />
• DPBLO.<br />
4.8. Informazio-eskubidearen muga eta bermeak<br />
25. artikulua.– Informazio-eskubidearen muga eta bermeak<br />
1.– Administratzaileek uko egin diezaiokete informazioa emateari, arrazoituta, baldin<br />
83
BAZKIDEAK<br />
eta eskaera ausartegia edo oztopagarria bada, edo informazio hori emateak arrisku<br />
larrian jar baditzake kooperatibaren interes legitimoak. Ez da halako salbuespenik<br />
izango baldin eta ukatzen den informazioa batzar orokorrean eman beharrekoa bada<br />
eta bertaratutako eta ordezkatutako boto guztien erdia baino gehiago azaltzen bada<br />
eskatutako informazio hori ematearen alde. Beste kasu guztietan ere ez da halako<br />
salbuespenik izango hala erabakitzen badu errekurtso-batzordeak edo, halakorik ez<br />
badago, batzarrak, eskaria egiten duten bazkideek errekurtsoa jarri ondoren.<br />
Dena den, eskatzaileek aurkaratu ahal izango dute administratzaileen ezetza, lege<br />
honen 51. artikuluan ezarritako prozeduraren arabera. Eskatzaileek, gainera,<br />
Prozedura Zibilaren Legearen 256. artikuluan aurreikusitako prozedurara jo ahal<br />
izango dute artikulu honen 2. Atalean ezarritako kasuetan.<br />
2.– Informazio-eskarian eta hari baiezkoa nahiz ezezkoa ematerakoan bidegabekeriarik<br />
izan ez dadin eta inor kaltetua gerta ez dadin, berme-sistema bat eratu ahal izango<br />
da estatutuetan, kontuan izango dituena zer berezitasun dituen kooperatibak eta zein<br />
den bazkidearen benetako egoera, hala kooperatiba-jarduerari dagokionez nola<br />
harekiko eskubide eta betebeharrei dagokienez.<br />
4.8.1. Berrikuntza nagusiak aurreko araudiaren aldean<br />
Oraingo EKLren 25. artikuluak aurreko EKLren 25. artikulua dakar. Aldaketa bakarrak, alde<br />
batetik, terminologikoak dira, hau da, gaztelaniazko bertsioan, «personas administradoras»<br />
ageri da, ez «administradores», eta «personas socias», «socios» agertu beharrean, arau osoan<br />
gertatzen den bezala, genero-arloan hizkuntza ez-diskriminatzailea erabiltzeko helburuz.<br />
Beste alde batetik, aurkaratze-eskubideen balizko urraketen informazioa jasotzen duten<br />
artikuluetarako igorpena egiten du testuak. Hala, oraingo EKLk bi artikulutara igortzen<br />
du: Euskadiko Kooperatiben Legearen 51. artikulua eta Prozedura Zibilaren Legearen<br />
256. artikulua; aurreko EKLk, aldiz, ondokoetara: lege horren 49. artikulua eta Prozedura<br />
Zibilaren Legearen 2.166. artikulua.<br />
4.8.2. Iruzkin orokorra eta esanahi praktikoa<br />
EKLren 25. artikuluaren 1. paragrafoak kooperatibetan funtsezko informazio-eskubideak<br />
dituen mugak eta bermeak arautzen ditu aldi berean.<br />
Mugetatik hasita, fede onari eta eskubidearen erabilerari lotutako gehiegikeriarik ez egitea<br />
arrazoitzen da, Kode Zibilaren 7. artikuluak xedatutakoari jarraiki. Egia esatera, eskubide<br />
horrek EKLn duen eduki zabala dela eta, eskubidea neurriz kanpo erabiltzeak printzipio<br />
kooperatiboak eta legegileak eskubide horri ematen dion helburu nagusia urratzea ekar dezake,<br />
hau da, printzipio horiek zuzen erabiltzea kooperatibak benetako kooperatiba gisa funtziona<br />
dezan. Nolanahi ere, administratzaileek manuak argi adierazitako bi kasuetan bakarrik<br />
oinarritu ahal izango dute informazioa ukatzea bazkideek egindako eskaeraren aurrean, hau<br />
da, eskaera ausartegia edo oztopatzailea denean, eta eskaera egiteak kooperatibaren interes<br />
legitimoak arrisku larrian jartzen dituenean.<br />
84
BAZKIDEAK<br />
Informazioa jasotzeko eskubidea baliatzeko bermeei dagokienez, hasteko, administratzaileek<br />
informazioa emateari uko egitea arestian azalduriko bi kasuetan bakarrik berme bat da berez.<br />
Bigarrenik, ezezkoa beti arrazoitu behar da.<br />
Hirugarrenik, administratzaileek eskatutako informazioa ukatzerakoan abusuzko<br />
jokabiderik izan ez dezaten, bi salbuespen arautzen dira, eta horien gaineko informazioa<br />
eman beharko da beti: alde batetik, «ukatutako informazioa batzar orokorrean bertan eman<br />
behar denean eta informazio-eskaera bertan dauden eta ordezkatuta dauden botoen erdiek<br />
baino gehiagok babesten dutenean»; eta, beste alde batetik, «errekurtso-batzordeak edo,<br />
halakorik ezean, batzar orokorrak erabakitzen duenean, informazioa eskatu duten bazkideek<br />
aurkezturiko errekurtsoaren kariaz».<br />
Laugarrenik, aurkaratzeko bi modu arautzen dira administratzaileek informazioa emateari<br />
uko egiten diotenean, bazkide eskatzaileek informazioa ez ematea bidezkoa ez dela uste<br />
dutenean. Hala, arau orokorra da EKLren 51. artikuluak xedatzen duen administratzaileen<br />
aurkako erantzukizun-akzioa egikaritzea. Hala ere, artikulu bereko 2. atalean xedatutakoaren<br />
arabera, kooperatibaren estatutuek, «informazioa eskatzean, aurkeztean edo ukatzean<br />
arbitrariotasuna eta kalteak saihesteko», kooperatibaren beraren ezaugarrietara eta bazkideen<br />
benetako egoerara egokitutako berme-sistema arautzen dutenean, bai kooperatiba-jarduerari,<br />
bai haien eskubide eta betebeharrei dagokienez, eskatzaileek Prozedura Zibilaren Legearen<br />
256. artikuluak ezarritako prozedura, aurretiazko eginbideez diharduena, baliatu ahalko dute.<br />
4.8.3. Beste arau aplikagarri batzuk<br />
• PZLren 256. artikulua.<br />
4.9. Borondatezko baja<br />
26. artikulua.– Borondatezko baja<br />
1.– Bazkideak nahi duenean utzi ahal izango du kooperatiba bere borondatez;<br />
horretarako, aurretik abisatu beharko ditu administratzaileak, idatziz eta estatutuetan<br />
zehaztutako gehienezko epearen barruan, zeina ez den izango hiru hilabete baino<br />
luzeagoa pertsona fisikoentzat eta urtebete baino luzeagoa pertsona juridikoentzat.<br />
2.– Bazkidea epe-mugarik gabe egon ahal izango da kooperatiban.<br />
Halere, enpresarekiko harremana iraupen jakin batekoa izan daiteke, baldin eta<br />
estatutuetan horretarako aukera ematen bada eta bazkidea onartzean hala zehazten<br />
bada. Horrelakoetan, gainerako bazkideen eskubide eta betebeharrak izango<br />
dituzte eta estatutuetan erregulatuko dira. Mota horretako bazkideak ez dira inola<br />
ere izango epe-mugarik gabeko bazkideen bostena baino gehiago, zein-nahi den<br />
ere epe-mugarik gabeko bazkideon mota, ezta azken hauen botoak baino gehiago.<br />
Baina ehuneko hori gainditu ahal izango da lan elkartuko kooperatibetan edo lanbazkideak<br />
dituzten bestelako kooperatibetan, baldin eta iraupen jakineko bazkideek<br />
eta besteren konturako langileek urtean egindako lanorduen multzoa ez bada heltzen<br />
85
BAZKIDEAK<br />
mugarik gabeko bazkide langileek edo lan-bazkideek urtean egindako lanordu<br />
guztien ehuneko berrogeita hamarrera.<br />
Iraupen jakineko kontratuak dituzten bazkide langileek edo lan-bazkideek iraupen<br />
mugagabeko bazkide izateko aukera izango dute baldin eta hiru urtez jardun badira<br />
egoera horretan; bost urtez aritu badira, berriz, berez bihurtuko dira iraupen<br />
mugagabeko bazkide, baina, horretarako, estatutuetan halako bazkideentzat ezarri<br />
diren baldintza guztiak bete beharko dituzte.<br />
Artikulu honen 1. atalean erabakitakoa eragotzi gabe, estatutuetan ezarri ahal izango<br />
da bazkideak ekonomia-urtealdia bukatu arte geratu behar duela kooperatiban, edo,<br />
bestela, gutxieneko egonaldi bat egin behar duela, bost urtekoa, gehienez.<br />
4.– Bidezkoak ez diren bajatzat hartuko dira aurretik abisatzeko epea ez betetzea eta<br />
gutxieneko egonaldian gertatutako bajak, salbu eta kooperatibaren administratzaileek<br />
bestelakorik erabakitzen ez badute kasuaren inguruabarrak aztertu ostean, hargatik<br />
eragotzi gabe bazkideari eskatu ahal izatea kooperatiban nahitaez egin beharreko<br />
lan eta zerbitzu guztiak betearaztea eta, hala badagokio, dagozkion kalte-galeren<br />
ordainak.<br />
5.– Aurreko apartatuan erabakitakoaz gain, borondatezko bajak bidezkoak ez diren<br />
bajatzat joko dira kasu hauetan:<br />
a) Bazkideak kooperatibarenarekin lehian diren jardueretan aritu nahi badu.<br />
b) Estatutuetan jasotako beste kasu guztietan.<br />
6.– Administratzaileen eskumena izango da baja bidezkotzat edo ez-bidezkotzat<br />
kalifikatzea, zeina hiru hilabeteko epearen barruan, gehienez eta artikulu honetako<br />
1. atalean aipatzen den aurreabisua jakinarazten denetik kontatzen hasita,<br />
formalizatu beharko duten. Kalifikazioa, bazkide interesdunari jakinaraziko zaio<br />
idatziz. Epe hori administratzaileek jakinerazpenik egin gabe igarota, bidezkotzat<br />
joko da bazkidearen baja.<br />
7.– Kooperatibak bere jarduera luzatzen duenean, bat egiten duenean edo zatitzen<br />
denean, kooperatiba mota aldatzen denean edo haren helburu soziala esanguratsuki<br />
aldatzen denean, edo kapitalari nahitaezko ekarpen berriak egitea exijitzen denean,<br />
bidezko bajatzat joko da baldin eta bazkideak dena delako erabakiaren kontra<br />
bozkatu badu, edo, erabaki hori hartu zuen batzar orokorrera joan ez arren, erabaki<br />
horrekiko desadostasuna adierazten badu. Transformazio-kasuetan, 89. artikuluan<br />
jasotakoa bete beharko da.<br />
4.9.1. Berrikuntza nagusiak aurreko araudiaren aldean<br />
EKLren 26. artikulu berriak, oro har, aurreko araudian zegoen manuaren eduki berdintsua<br />
dakar. Nolanahi ere, guztiz argiak ez ziren zenbait alderdi zehazteko eta zenbait gai beste<br />
modu batera arautzeko, aldaketa hauek egin dira:<br />
a) Lehenengo paragrafoan, bazkideak kooperatiban baja emateko asmoa iragartzeko<br />
aurreabisu-epea nabarmen murriztu da. Lehen indarrean zegoen araudian<br />
86
BAZKIDEAK<br />
araututako sei hilabeteko epearen ordez, oraingoadierazten da estatutuek ezin<br />
izango dutela finkatu pertsona fisikoentzat hiru hilabetetik gorako aurreabisueperik.<br />
Horrela, kooperatiba utzi nahi duen bazkideak ez du asmo horren berri<br />
eman beharko hain garaiz, estatutuetan ezin izango baita ezarri hiru hilabetetik<br />
gorako aurreabisu-eperik. Azken batean, araudi berriarekin, bazkideak askatasun<br />
handiagoa du kooperatiba bere borondatez uzten duen erabakitzeko, aurretik<br />
eskatzen zena baino epe laburragoa baliaturik.<br />
b) Seigarren paragrafoa gehitu da, eta bertan, adierazi da baja justifikatutzat edo<br />
justifikaziorik gabekotzat kalifikatzea administratzaileen eskumena izango dela,<br />
eta gehienez ere, hiru hilabeteko epean formalizatu beharko dutela, aurreabisua<br />
jakinarazten denetik zenbatzen hasita. Horrela, EELren 26.6. artikulu berrian<br />
argitu da bazkideak eskatutako baja justifikatua den ala ez erabakitzeko eskumena<br />
administrazio-organoari dagokiola, eta organo hori izango dela gai horri buruz<br />
erabakitzeko eskumena duena,<br />
Gainera, EKLren 26.6. artikuluak berriak ezarri du bazkideak baja eskatzeko prozedura,<br />
kooperatibak kalifikazioa egin dezan. Zehazki, administrariek hiru hilabeteko epean erantzun<br />
beharko dute, administratzaileek bazkideak baja eskatuz emandako aurreabisua jasotzen<br />
duten unetik zenbatzen hasita. Kooperatibak idatziz jakinarazi beharko dio hartutako erabakia<br />
baja eskatu duen bazkideari epe horren barruan. Hiru hilabeteko epe horretan erantzuten ez<br />
badu, baja justifikatutzat joko da. Beraz, kooperatibaren isiltasunak edo, gutxienez, egindako<br />
eskaerari ez erantzuteak, aurreabisua jaso eta hiru hilabeteko legezko epearen barruan, baja<br />
justifikatutzat jotzea ekarriko du.<br />
4.9.2. Iruzkin orokorra eta esanahi praktikoa<br />
4.9.2.1. Kooperatiban borondatez geratzea<br />
26. artikulua bazkidetza borondatezkoaren eta irekiaren printzipio kooperatiboaren (edo<br />
ate irekiko printzipioaren) adierazpena dugu berriz ere.<br />
Kooperatibako kide izatea borondatezkoa da beti, eta, horregatik, legeak aukera ematen<br />
die bazkideei kooperatiban baja emateko, betiere legean bertan nahiz kooperatibak barnearaudian<br />
jasotako prozedura eta baldintzak betez. Kooperatibatik ateratzea borondatezkoa<br />
izango da beti, baina horrek ez du esan nahi, aurrerago ikusiko dugun bezala, egun batetik<br />
bestera irten daitekeenik edo sozietate-betebeharrak nork bere gain hartzea saihesteko egin<br />
daitekeenik. Izan ere, bazkide baten borondatezko bajak kaltea eragin diezaioke kooperatibari.<br />
Horregatik, kooperatiban jarraitzea borondatezkoa izan arren, beharrezkoa da irteteko<br />
prozedura arautzea, kooperatibaren beraren interesak babesteko xedez.<br />
4.9.2.2. Borondatezko bajaren kontzeptua: aurreabisua bidaltzeko betebeharra<br />
Bazkidearen baja dugu bazkide-izaera galtzea, eta, beraz, kooperatibatik bereiztea. Dena<br />
dela, ezin da esan bazkidearen bajak beti kooperatibatik irtetea esan nahi duenik; izan<br />
87
BAZKIDEAK<br />
ere, batzuetan, bazkidea erakunde horrekin lotzen duen loturaren aldaketa bat besterik ez<br />
da izan, eta kooperatibatik bereiztea baino gehiago, kooperatibako kide izaten jarraitzen<br />
duen bazkidearen estatutuaren eraldaketa da, beste modalitate bati helduta. Edozein gisaz,<br />
kooperatibaren estatutuek ezarri beharko dute baja emateko jarraitu beharreko prozedura,<br />
aztergai darabilgun lege-araubidearekin bat etorriz.<br />
EKLren 26. artikuluak borondatezko bajaren araubidea arautzen du, hau da, bazkideak berak<br />
eta borondatez kooperatiban baja ematea erabakitzen duenekoa. Erabaki hori oinarritzen da<br />
bazkideak bere borondatez baja hartzeko duen eskubidean, erabakia funtsatzeko arrazoirik<br />
alegatu, justifikatu edo egiaztatu behar izan gabe. Eskubide hori erabili ahal izateko, nahikoa<br />
da bazkideak borondatea adieraztea. Dena den, ez da eskubide absolutua, bazkideak ezin baitu<br />
edozein egoeratan baliatu. Hori arautzen duten legeak eta estatutuak errespetatuz egin behar<br />
da beti, bazkidearen eskubidea eta kooperatibaren interesak behar bezala bateratzeko. Ildo<br />
horretan, prozedura jakin bat aurreikusi da bazkideari baja eman ahal izateko bazkideak hala<br />
erabakitzen duenean, baina konpromisoa hartu da kooperatibari bere asmoaren berri emateko,<br />
aldez aurretik, dagozkion ondorioak behar bezala prestatu ahal izan ditzan. Zehazki, EKLren<br />
26.1 artikuluaren arabera, baja hartu nahi duen bazkideak asmo horren berri eman behar<br />
dio kooperatibari, erakundearen administratzaileei igorritako aurreabisu baten bidez. Asmo<br />
horren berri kooperatibari emateko epea estatutuetan zehaztuko da. Hala ere, EKLren 26.1<br />
artikuluaren arabera, estatutuetako epe hori ezingo da hiru hilabetetik gorakoa izan pertsona<br />
fisikoentzat, eta nabarmen murriztuko da aurreko erregulazioarekin alderatuta, gehienez ere,<br />
sei hilabeteko epekoa zela, eta urtebeteko epeari eutsiko zaio pertsona juridikoentzat.<br />
Egia esatera, bazkide fisikoentzako aurreabisu-epea murrizteak askatasun handiagoa<br />
ematen die kooperatiban baja emateko erabakia hartu nahi izanez gero, asmo hori ez baita<br />
iragarri behar lehen indarrean zegoen araudian eskatzen zen bezain garaiz, eta, era berean,<br />
kooperatibak prest egon behar du bazkidearen bajak eragin ditzakeen ondorio organiko<br />
eta finantzarioak bere gain hartu ahal izateko. Horrek guztiak ez du eragozten estatutuetan<br />
aurreabisu-epe laburragoa xedatzea, kooperatibak egoki baderitzo. Ildo horretan, ohikoa da,<br />
praktikan, estatutuek aurreabisu-epe txikiagoa ezartzea; beraz, legezko aurreabisu-epea hiru<br />
hilabetera murrizteak ez dirudi ondorio berezirik eragin behar duenik.<br />
4.9.2.3. Borondatezko bajaren mugak<br />
EKLren 25.3 artikuluak zenbait muga ezarri dizkio borondatezko baja baliatzeari. Horrela,<br />
onartzen da estatutuetan bazkideei ekitaldi ekonomikoa amaitu arte edo, gutxienezko<br />
epe baten barruan –gehienez ere, bost urtekoa− irautea eska dakiekeela. Kasu horietan,<br />
estatutuetan hala ezarri bada, bazkideek zenbait egoeratan kooperatiban beren borondatez<br />
baja emateko eskubidea mugatuta izango dute.<br />
Muga hori estatutuetan ezarriko da horretarako arautzen diren kasuetan. Ildo horretan,<br />
EKLren 26.3 artikuluak muga espezifiko batzuk dakartza, hala nola ekitaldi ekonomikoa<br />
amaitzeko aipatutako kasuak edo kooperatiban gutxieneko denbora batez nahitaez egon<br />
beharra. Hala ere, baliteke beste muga batzuk arautzea, baja hartzeko aukera horiek<br />
murrizteko. Hala, adibidez, arautu daiteke bazkideak bajarik ezin hartzea bere jarduera<br />
beteko duen ordezko beste bazkide bat aurkitu arte.<br />
88
BAZKIDEAK<br />
4.9.2.4 Borondatezko baja justifikatuak eta ez-justifikatuak<br />
Hasiera batean, borondatezko baja bazkidearen borondate hutsagatik ematen da.<br />
Borondate hori fede onaren printzipioaren adierazpen gisa eratzen da, eta, horren ondorioz,<br />
bazkideak aldez aurretik jakinarazi behar du kooperatiban baja emateko erabakia hartu duela<br />
eta kooperatibarren aurkako lehiarik ez egiteko betebeharra duela. Gainera, borondatezko<br />
baja eskatzeko, kooperatibaren estatutuetan xede horretarako araututa dagoen prozedura<br />
bete beharko du, eta, jakina denez, EKLren 26. artikuluak ezarritako betekizunak bete<br />
beharko ditu. Nolanahi ere, kooperatibako administrazio-organoari dagokio borondatezko<br />
baja justifikatuta edo justifikatu gabe dagoen kalifikatzea, eta egintza hori EKLren 26.6<br />
artikuluaren berrikuntza positiboa da. Administrazio-organoak formalizatu beharko du<br />
kalifikazioa, bazkideak jakinarazitako aurreabisua hartu eta, gehienez ere, hiru hilabeteko<br />
epean.<br />
• Borondatezko bajaren kalifikazioa berariaz justifikatuko da administrazio-organoak<br />
hala erabakitzen duenean. Hasteko, justifikatutzat joko da baldin eta 26. artikuluak<br />
ezarritako kasuren bati lotzen ez bazaio edo, artikuluaren bosgarren zenbakiak egiten<br />
duen igorpena dela eta, estatutu sozialetan jasotako kasuei lotzen ez bazaie.<br />
• Beste alde batetik, EKLren 26.7. artikuluak arautzen dituen kasu jakin batzuetan,<br />
baja justifikatutzat joko da beti; honako hauetan, hain zuzen ere: (i) kooperatibaren<br />
jarduera luzatzea erabakitzen denean, (ii) bat-egitea edo zatitzea erabakitzen denean,<br />
(iii) xede soziala kategoriaz aldatzea edo funtsean aldatzea, (iv) kapitalari ekarpen<br />
berriak egiteko eskatzen denean, bazkideak erabakiaren aurka bozkatu badu, edo,<br />
erabakia hartu zeneko batzar orokorrean parte hartu ez arren, bazkideak erabakiarekin<br />
ados ez dagoela adierazten duenean. Horrela, legeak aukera ematen du bazkideak<br />
borondatez ateratzeko, inolako ondoriorik gabe eta borondatezko baja eskatzeko<br />
prozedura eta barne-baldintzak bete beharrik gabe, batzar orokorrak hartutako<br />
edozein erabakirekin ados ez dagoenean, baldin eta erabaki horrek ekartzen badu<br />
estatutuetan hasieran aurreikusi gabeko betebeharrak onartzea, sozietatearen xedea<br />
funtsean aldatzea eta, batez ere, kooperatibaren egitura-aldaketaren bat egitea.<br />
• Hala berean, justifikatutzat joko da, baina isilbidez, aurreabisua jakinarazi eta<br />
hiru hilabeteko epea igarota, administratzaileek bazkide interesdunari horren<br />
inguruko erabakia jakinarazi ez badiote (EKLren 26.6 artikulua). Ohartarazi behar<br />
da aipatutako hiru hilabeteko epea zenbatzen hasiko dela bazkideak aurreabisua<br />
jakinarazten duenetik aurrera. Aurreabisua jakinarazten denetik zdnbatzen hastea<br />
elementu garrantzitsua eta berritzailea da, kooperatibaren administratzaileei arreta<br />
handiagoa eskatzen dielako. Bazkide batek kooperatiban baja emateko aurkeztutako<br />
edozein eskaerari adi egon beharko dute; izan ere, erantzuten ez badute, lehen<br />
adierazitako hiru hilabeteko epean, baja justifikatutzat joko da.<br />
• Aitzitik, borondatezko bajaren kalifikazioa justifikatu gabekotzat joko da eskatzaileak<br />
estatutuetan araututako aurreabisu-epea betetzen ez duenean, administratzaileek<br />
kontrakoa erabaki ezean, kasuaren inguruabarrak kontuan hartuta (EKLren 26.4<br />
artikulua). Era berean, justifikatu gabeko borondatezko baja izango da estatutuetan<br />
89
BAZKIDEAK<br />
araututako gutxieneko iraupen-epea errespetatu ez bada (EKLren 26.4 artikulua),<br />
bazkideak kooperatibaren jardueren aurkako lehia sorrarazten duten jarduerak egin<br />
nahi dituenean, edo kooperatibaren estatutuetan araututako kasuren bat gertatzen<br />
denean (EKLren 26.5 artikulua). Kasu horietan guztietan, kooperatiba-jarduerak<br />
eta -zerbitzuak bazkideak behartuta zeuden moduan betetzeaz gain, kaltegaleren<br />
ordaina ere eskatu ahalko zaie bazkideei (EKLren 26.4 in fine artikulua).<br />
Beraz, justifikatu gabeko borondatezko bajaren deklarazioa egingo da bazkideak<br />
kooperatiban dituen betebeharrak betetzen ez dituenean, horretarako ezarrita<br />
dagoen prozedura bete ez duelako, baja jakinarazteko aurreabisua garaiz aurkeztu<br />
ez duelako, baja kooperatibaren aurkako lehia sorrarazten duten jarduerak egiteko<br />
asmoz hartu nahi delako, edo, azkenik, estatutuetan alderdi horiei buruz jasotako<br />
xedapenen bat bete ez delako.<br />
4.9.2.5. Bazkidea kooperatiban epe-mugarik gabe egotea eta iraupen jakineko<br />
bazkidearen salbuespena<br />
Hasteko, bazkideak kooperatibako kide dira era mugagabean. Sozietateen berezko<br />
parametroekin bat etorriz, kooperatiba bat osatzen duten bazkideek lotura mugagabea izaten<br />
jarraituko dute, euren borondatez kooperatiba utzi nahi dutela adierazi arte. Erabaki hori berariaz<br />
jasota dago EKLren 26.2 artikuluan, kooperatibako kide izatea mugagabea dela adierazten<br />
baita; beraz, legegileak bazkidearen borondatezko baja-erregimena arautzen duenean, badirudi<br />
kooperatibarekiko lotura mugagabea duten subjektuetan pentsatzen ari dela.<br />
Hala ere, EKLren 26.2 artikuluaren bigarren paragrafoan, leku bitxi samar batean, arautu<br />
da, estatutuetan hala xedatzen bada, iraupen jakineko loturak ere ezarri ahal izango direla.<br />
Kooperatibarekiko lotura aldi baterakoa ere izan daiteke, eta kooperatibaren jarduera<br />
handitzen denean, unean uneko premiei aurre egiteko aukera ematen du. Premia horiek<br />
aurreikusita zeuden aurreko araudian, eta araudi berrian ere antzera azaldu dira. Kooperatibajardunbideak<br />
erabili izan duen aukera bat da, eta bazkide-kopurua handitzen laguntzen du;<br />
nolanahi ere, bizkortasun-arrazoiak direla eta, laneratze hori ez da mugagabea izango,<br />
kooperatibaren beharretara egokitzen baita. Nolanahi ere, ulertu behar da mota horretako<br />
bazkideen salbuespenezko izaerak ez duela izan behar kooperatibaren arau orokorra;<br />
horregatik, kautelazko neurriak arautu dira erregulazioan, haien kopurua eta, batez ere,<br />
erabakitzeko ahalmena gehiegizkoa izan ez dadin.<br />
Ildo horretan, EKLren 26.2 artikuluak ezarritakoari jarraiki, alde batetik, iraupen<br />
mugatuko sozietate-loturak dituzten bazkideen eskubide eta betebeharrak gainerako<br />
bazkideek estatutuetan esleituta dituzten berberak direla. Dena den, halakoek kooperatiban<br />
duten pisua mugatzeko, horien kopuruari muga ezarri zaio, honela: iraupen jakineko<br />
bazkideak ezin izango dira bazkide mugagabe guztien bostena baino gehiago, ez eta batzar<br />
orokorreko botoen bostena baino gehiago eduki ere. Araubide horren salbuespen bakarra<br />
lan elkartuko kooperatibetan ager daiteke, edo, beste mota batekoak izanik, lan-bazkideak<br />
dituzten kooperatibetan. Horietan, esandako kopuruak gainditu ahalko dira, baldin eta<br />
iraupen mugatuko bazkideek eta besteren konturako langileek egindako urteko orduen<br />
90
BAZKIDEAK<br />
kopurua ez bada iristen bazkide langileek edo lan-bazkide mugagabeek egindako urteko<br />
ordu guztien ehuneko berrogeita hamarrera.<br />
Azkenik, EKLren 26.2.3 artikuluak arautzen duenez, iraupen jakineko bazkide langileak<br />
edo lan-bazkideak iraupen mugagabeko bazkide izan daitezke egoera horretan hiru urte<br />
ematen badute; kasu horretan, kooperatibaren esku geratuko da izaera hori esleitzea. Hala<br />
ere, iraupen mugatuko bazkidearen egoera bost urtean halakoa izan bada, bazkide-izaera<br />
hartuko du beti, baldin eta iraupen mugagabeko bazkideentzat estatutuetan araututako<br />
gainerako baldintzak betetzen baditu.<br />
Amaitzeko, komeni da azpimarratzea iraupen mugatuko bazkideen araubidea<br />
borondatezko bajari dagokion manuan agertu arren, ez dela inoiz aipatu eskubide hori<br />
erabil dezaketen ala ez. Hasiera batean, lotura-aldia igaro baino lehen baja eska dezaketela<br />
ulertu behar dugu, eta, horretarako, aurreko atalei lotzen gatzaizkie. Hala ere, modalitate<br />
hori ezin da parekatu EKLEren 5 artikuluak dakarren aldi baterako sozietate-lotura<br />
amaitzeagatiko bajarekin, kasu horretan, ez litzatekeelako borondatezko baja izango eta<br />
ezingo litzaizkiokeelako aplikatu haren printzipio arautzaileak; izan ere, kasu horietan,<br />
berez, kontratua amaitu egiten da, eta bazkideak ez du inolako eraginik horren gainean;<br />
beraz, ezin da borondatezko baja gisa hartu.<br />
4.10. Nahitaezko baja<br />
27. artikulua.– Nahitaezko baja<br />
1.– Nahitaez baja hartu beharko dute lege honen edo kooperatibako estatutuen arabera<br />
bazkide izateko bete behar diren betekizunak galtzen dituzten bazkideek.<br />
2.– Nahitaezko baja, interesdunari entzun ondoren, administratzaileek erabakiko dute,<br />
ofizioz, beste bazkideren batek edo ukitutako pertsonak berak hura eskatuz gero,<br />
lege honetako 26.6 artikuluan xedatutako epearen barruan eta ondorioekin.<br />
3.– Administratzaileen erabakia beteko da behin errekurtso-batzordearen edo, halakorik<br />
ezean, batzar orokorraren berrespena jakinarazi ondoren, edo horiei errekurtsoa<br />
aurkezteko estatutuetan aurreikusitako epea bukatu ondoren. Nolanahi ere,<br />
bazkideari berehala eten ahal izango zaizkio, kautelaz, eskubide eta betebeharrak,<br />
harik eta erabakia nahitaez bete beharrekoa izan arte, baldin eta horretarako aukera<br />
ematen bada estatutuetan, zeinetan zehaztuko baita etenduraren helmena. Erabakia<br />
betearazlea ez den bitartean, bazkideak batzar orokorrean botoa emateko eskubidea<br />
gordeko du.<br />
4.– Bazkide izateko betekizunak galtzen direnean, nahitaezko baja bidezkotzat joko da,<br />
salbu eta galdu badira kooperatibarekiko betebeharrak bete nahi ez izateagatik edo<br />
nahitaezko bajaz behar ez bezala baliatu nahi izateagatik.<br />
Bidezkoak ez diren nahitaezko bajen kasuetan, aurreko artikuluaren 3. eta 4. ataletan<br />
ezarritakoa aplikatuko da.<br />
5.– Bazkideren bat ez badago ados bere borondatezko bajaren nahiz nahitaezko bajaren<br />
91
BAZKIDEAK<br />
kalifikazio edo ondorioei buruz administratzaileek erabakitakoarekin, errekurtsoa<br />
jartzeko aukera izango du. Halako kasuetan, hurrengo artikuluaren 2. eta 4. ataletan<br />
ezarritakoa aplikatuko da.<br />
4.10.1. Berrikuntza nagusiak aurreko araudiaren aldean<br />
EKLren 27. artikuluak, oro har, lehengo erregulazioan jasotako edukiari heldu dio.<br />
Aldaketa bakar gisa, nabarmendu behar da nahitaezko baja, borondatezko bajaren antzera,<br />
administratzaileek erabakiko dutela, aurreko araudian jasota dagoen bezala, eta berritasun<br />
gisa gehitu da nahitaezko bajaren eskaera horri kooperatibak erantzun beharko diola, EKLren<br />
26. artikuluan, borondatezko bajari dagokionez arautzen den epe berdinean eta ondorio<br />
berdinekin,. 26. 6. EEL.<br />
Horrela, borondatezko bajaren eta nahitaezko bajaren eskaeraren araubidea bateratu da,<br />
eragindako bazkideak berak eskatuta; izan ere, erregulazio berriarekin, behin betiko argitu<br />
da eskaera horri erantzuteko organo eskuduna administratzaileek osatutakoa dela. Gainera,<br />
zehaztu da organo horrek hiru hilabeteko epea duela eragindako bazkideak berak aurkeztutako<br />
eskaerari erantzuteko, eta epe horren barruan erantzun beharko diola eskatzaileari baja<br />
justifikatuta dagoen ala ez. Eta, azkenik, adierazi da kooperatibak epe horretan erantzuten ez<br />
badu, eskatutako baja justifikatutzat joko dela.<br />
4.10.2. Iruzkin orokorra eta esanahi praktikoa<br />
4.10.2.1. Borondatezko bajaren kontzeptua<br />
EKLren 27. artikuluak nahitaezko bajaren araubidea arautzen du, hau da, bazkideak baja<br />
izateko beharrezkoak diren lege- edo estatutu-baldintzak galtzearen ondorioz sortzen dena.<br />
Nahitaezko baja eta EKLren 26. artikuluan arautzen den borondatezko baja desberdinak<br />
dira, eta aldea honetan datza: lehenengoan, prozedura ez da borondatez martxan jartzen<br />
bazkideak eskatuta, ezpada, gertaera objektibo batekin aktibatzen da, hau da, bazkideak<br />
kooperatibako bazkide izaten jarraitzeko baldintzak galdu dituela, nahiz eta legeak arautzen<br />
duen eragindako bazkideak berak administrazio-organoari horren berri eman ahal diola,<br />
organoaren ofiziozko jardunaz edo beste edozein bazkidek egindako jakinarazpenaz gain.<br />
Era berean, ezin da EKLren 28. artikuluak jasotzen duen kanporatzearekin nahastu, bazkideizaeraren<br />
berezko baldintzak ez direlako diziplinazko arrazoiengatik galtzen, kanporatzeprozedura<br />
abian jartzen denean gertatzen den bezala.<br />
Nahitaezko bajak, zalantzarik gabe, osagai hertsagarria du, nahiz eta diziplina-neurria ez<br />
den. Normalean, bazkidearen nolakotasuna betekizun subjektibo, geografiko edo objektibo<br />
jakin bati estu lotuta dagoen kasuetan erabiltzen da. Horregatik, funtsezko ezaugarri<br />
horietakoren bat galtzen denean, bazkideak ezin izango du kooperatibako kide izaten jarraitu.<br />
4.10.2.2. Borondatezko bajaren prozedura<br />
Nahitaezko baja ez da baja automatikoa. Horregatik, prozedura hasi ahal izango da alderdi<br />
92
BAZKIDEAK<br />
batek eskatuta, hau da, eragindako pertsonak berak eskatuta, edo ofizioz, administratzaileek<br />
eskatuta edo beste edozein bazkidek eskatuta. Eragindako bazkideak eskubidea izango du<br />
beti bere iritzia administrazio-organoaren aurrean azaltzeko, horri buruzko erabakia hartu<br />
aurretik. Eta administrazio-organoak hiru hilabeteko epea izango du, interesdunaren edo<br />
eskatzen duen beste edozein pertsonaren jakinarazpena jasotzen duenetik zenbatzen hasita,<br />
bazkidearen baja kalifikatzeko. Kalifikazio hori arrazoitu egin beharko litzateke, nahiz eta<br />
EKLren 27.2 artikuluak artikuluak berariaz ez adierazi.<br />
Hala ere, administratzaileek hartutako erabakia betearazlea izan dadin, beharrezkoa izango<br />
da errekurtso-batzordeak edo, halakorik ezean, batzar orokorrak ere berrestea, edo dagokion<br />
organoan errekurtsoa jartzeko estatutuetan araututako epea igaro izana. Estatutuetan<br />
arauketarik ez badago, bi aukera daude: batetik, EELren 20.5 artikuluak xedatutakoa<br />
erreferentzia-epetzat har liteke bazkide baten onarpena ukatzeko, horrek adierazten baitu<br />
estatutuei dagokiela finkatzea, baina inoiz ez dela hogei egunetik gorakoa izango; bestetik,<br />
EELren 28.2 artikuluan ezartzen den epea erabili ahalko da. Horri jarraiki, kanporatuz gero,<br />
bazkideak erabaki horren aurkako errekurtsoa aurkeztu ahal izango du, jakinarazpena jaso<br />
eta 30 eguneko epearen barruan. Aukera horren aurrean, zentzuzkoagoa dirudi EELren 28.2<br />
artikulura jotzea, eta 30 eguneko epea aplikagarritzat jotzea, kontuan hartuta kanporatzearaubidea<br />
eta baja-araubidea oso antzekoak direla, batez ere, bazkideak ados ez dagoen<br />
kooperatibaren erabakiari aurre egin ahal izateko baliatu ahal dituen eskubideei dagokienez.<br />
Interpretazio horrek indarra hartzen du EKLren 27.5 artikuluak berak ezartzen baitu<br />
bazkideak kooperatibaren bajaren kalifikazioari buruzko erabakiaren aurkako errekurtsoa<br />
jartzeko arautzen den prozedura, bai borondatezko bajaren kasuan, bai nahitaezko bajaren<br />
kasuan, Prozedura Zibilaren Legearen 28.2 artikuluak, kanporatze-araubideari gagozkiola,<br />
arautzen duena dela. Hori guztia kontuan hartuta, ondorioztatu behar da kooperatibak<br />
bazkideari baja emateko hartutako erabakiaren aurkako errekurtsoa jartzeko legezko sistema<br />
bakarra eta erkidea dela eragindakoa desados dagoen kasu guztietan, borondatezko baja izan,<br />
nahitaezko baja izan edo kanporatzea izan.<br />
Hala eta guztiz ere, estatutuen bidez, bazkidearen eskubideak eta betebeharrak berehala<br />
eteteko aukera onartzen da, erabakia betearazlea izan arte. Hala ere, estatutuetan behar<br />
bezala zehaztu beharko da etete horren irismena. Aurrekoari kalterik egin gabe, erabakia<br />
betearazlea ez den bitartean, bazkideak batzar orokorrean botoa emateko eskubideari eutsiko<br />
dio (EKLren 27.3 artikulua).<br />
4.10.2.3. Nahitaezko baja justifikatua eta nahitaezko baja justifikatu gabea<br />
Nahitaezko baja justifikatutzat joko da bazkide izateko baldintzak galtzea ez bada bazkideak<br />
kooperatibarekiko betebeharrak ez betetzeko edo nahitaezko bajarekin behar ez bezala<br />
baliatzeko duen borondatearen ondorioa (EKLren 27.4 artikulua). Halaber, justifikatutzat<br />
joko da, borondatezko bajaren kasuan arautzen den bezala (EKLren 26.6 artikulua) −EKLren<br />
27.2 artikuluak aurreko artikuluaren araubidera igortzen du−, nahitaezko bajari buruzko<br />
jakinarazpena jaso eta hiru hilabeteko epea igarota, administratzaileek errekerimenduari<br />
erantzun ez badiote.<br />
93
BAZKIDEAK<br />
Aitzitik, ulertzen da nahitaezko baja ez dela justifikatua bazkide izateko baldintzen galera<br />
bazkideak berak kooperatibarekiko betebeharrak ez betetzeko borondatearen ondorioz edo,<br />
bajari esker, bazkideak onurak bidegabeki hartzearen ondorioz gertatu denean. Azken batean,<br />
bazkideak desleialkeriaz edo azpikeriaz jokatu duelako kooperatibarekin.<br />
Gainera, EKLren 27.4 artikuluaren bigarren paragrafoak adierazten duenez, justifikatu<br />
gabeko nahitaezko bajari EKLren, 26.3.4 artikulua aplikatuko zaio. Hala ere, igorpen hori<br />
ez da erabat ulertzen oso zalantzazkoa delako borondatezko bajaren inguruan araututako<br />
aplikagarritasuna nahitaezko bajarekin erabil ote daitekeen. Hala, komeni da gogoraraztea,<br />
alde batetik, borondatezko bajaren ildoan, EKLren 26. artikuluaren 3. paragrafoaren<br />
arabera, estatutuek eska diezaieketela bazkideei ekitaldi ekonomikoaren amaierara arte edo,<br />
gutxieneko aldi batez irautea, gehienez ere, bost urtez. Kasu horietan borondatezko baja ez<br />
da hain borondatezkoa, bazkidearen borondatearekin zerikusirik ez duten zenbait osagarrik<br />
baldintzatzen dutelako, eta ez dirudi inguruabar horiek nahitaezko bajaren kasuari inola ere<br />
aplika dakizkiokeenik. Bestalde, EKLren 26.4 artikuluak baja eskatzen duen bazkidearen<br />
aurreabisu-epearen urraketa aipatzen du, borondatezko baja-egoeren prozedurazko baldintza<br />
espezifikoa baita, eta, beraz, ez du inongo aplikaziorik nahitaezko bajen kasuetan.<br />
EKLren 26.4 artikulurako igorpenari lotutako kasuak nolabaiteko zentzua dauka<br />
administratzaileei baja kalifikatu ahal izateko gaitasuna aitortzen zaielako, bazkideak<br />
egindako ez-betetzeen argitan ebatzi edo juzgatu beharko liratekeenaz beste. Horrela, EELren<br />
26.4 artikuluak nolabaiteko aukerakotasuna ematen die administratzaileei nahitaezko bajaren<br />
kalifikazioa erabakitzeko orduan, kasuaren inguruabarretan oinarrituta. EKLren 26.4 in fine<br />
artikulua ere aplika litzaieke justifikaziorik gabeko nahitaezko bajen kasuei; horrek esan nahi<br />
du, kasu horietan, kooperatibak justifikatu gabeko nahitaezko baja eskatu duen bazkideari<br />
galdatu diezaiokeela kooperatiba-jarduerak eta -zerbitzuak betetzeko nahitaez bete behar<br />
zituen baldintzetan, eta, hala badagokio, kalte-galeren ordaina ordaintzeko, baldin eta ezbetetze<br />
horien eraginez kooperatibak kalterik pairatu badu.<br />
4.11. Kanporatzea<br />
28. artikulua.– Kanporatzea<br />
1.– Administratzaileek bazkide bat kanporatzea erabaki dezakete soilik estatutuetan<br />
jasotako falta oso astunagatik, horretarako hasitako espedientearen bidez eta<br />
interesdunari aurretik entzun ondoren.<br />
2.– Bazkideak kanporatze-erabakiaren aurkako errekurtsoa jarri ahal izango dio<br />
errekurtso-batzordeari edo, halakorik ez badago, batzar orokorrari, hogeita hamar<br />
eguneko epean, jakinarazpena jasotzen denetik aurrera kontaturik.<br />
Errekurtso-batzordeari aurkeztutako errekurtsoa hiru hilabeteko epean ebatzi<br />
beharko da, gehienez, aurkezten denetik aurrera kontaturik, interesdunari aurretik<br />
entzun ondoren. Epe hori igaro eta ezer erabaki edo jakinarazten ez bada, errekurtsoa<br />
onartu dela ulertuko da.<br />
Batzar orokorrari jarritako errekurtsoa lehenengo bilerako gai-zerrendan jaso<br />
beharko da, eta isilpeko bozketa bidez ebatziko da, interesdunari aurretik entzun<br />
ondoren.<br />
94
BAZKIDEAK<br />
3.– Errekurtso-batzordearen edo, halakorik ez badago, batzar orokorraren berrespenaren<br />
jakinarazpena jasotzen denetik edo haiei errekurtsoa jartzeko epea amaitzen denetik<br />
aurrera izango da betearazlea kanporatze-erabakia.<br />
4.– Errekurtso-batzordeak edo batzar orokorrak kanporatze-erabakia berretsi ondoren,<br />
erabakiaren aurka jo daiteke, 41. artikuluan aipatzen den auzibidetik, bi hilabeteko<br />
epean, jakinarazpena jasotzen denetik aurrera kontaturik.<br />
4.11.1. Berrikuntza nagusiak aurreko araudiaren aldean<br />
EKLren 28. artikuluan, hitzez hitz jasota dago honen aurretik indarrean egon den araudiaren<br />
edukia. Azken batean, ez da inolako berrikuntzarik antzematen artikulu berrietan, artikulu<br />
berriaren eduki osoan erabili den hizkera inklusiboaren arabera egindako aldaketei kalterik<br />
egin gabe.<br />
4.11.2. Iruzkin orokorra eta esanahi praktikoa<br />
4.11.2.1. Kanporatzearen kontzeptua eta kanporatzeko arrazoiak<br />
EKLren 28. artikuluak bazkideak kanporatzeko araubidea erregulatzen du. Bazkide<br />
baten arau-hausteak zehatzeko modurik zorrotzena da. Neurriaren larritasuna dela eta,<br />
administratzaileek bakarrik erabaki dezakete, eta estatutuetan tipifikatutako falta oso<br />
astuna egitea izan behar du kanporatzeko zergatia. Hasiera batean, beraz, estatutuek<br />
mugatzen dute kanporatzearen aplikazio-eremu materiala. Hala ere, estatutuen askatasun<br />
hori ez da erabatekoa, ez baita komenigarria kooperatibaren esku uztea bazkideak<br />
sozietatearebn baitan egoteko ala ez egoteko eskubidea. Horregatik, estatutuek ez lukete<br />
oso larritzat edo larritzat jo behar izaera hori ez duten jokabide edo jarduerak. Ildo horretan,<br />
proportzionaltasuna ezarri beharko litzateke arau-haustea dakarren jokabidearen eta<br />
zehapenaren artean, azken hori ez dadin neurriz kanpokoa izan arau-haustea eragin duen<br />
faltaren aurrean. EKLk ez ditu berariaz arautzen kooperatibatik bazkide bat kanporatzea<br />
eragin dezaketen arrazoiak. Hala eta guztiz ere, eta adibide gisa, kategoria horretan sar<br />
daitezke, besteak beste, kooperatibaren interesei kalte egin diezaieketen jarduerak gauzatzea<br />
(bada, kooperatibaren aurkako lehia eraginkorra dakarten jarduerak), kooperatibari zor<br />
zaizkion ekarpen edo bestelako prestazioetan iruzur egitea, kooperatibaren jarduera<br />
ekonomikoan parte ez hartzea edo kapital sozialari lotutako ekarpenak ordaintzeko<br />
betebeharra ez betetzea, bazkidearen jarduera ekonomikoa behin eta berriz ez betetzea,<br />
edo bazkide izateaz baliatzea legez kontrako edo espekulatzeko jarduerak egitea.<br />
4.11.2.2. Kanporatzeko prozedura<br />
Kooperatibatik bazkide bat kanporatzeko, beharrezkoa da espediente egokia izapidetzea eta,<br />
bertan, kooperatibak bazkide bat kanporatzeko asmoa duela adierazi behar du, estatutuetan<br />
tipifikatutako hutsegite oso larriak egin direlako. Horretarako, beharrezkoa da espedienteari<br />
hasiera ematea helburu horri lotuta, bai eta eragindako bazkideari entzunaldia ematea ere,<br />
95
BAZKIDEAK<br />
kooperatibako administratzaileen aurrean azaltzea izan dezan kanporatze-prozedura irekitzea<br />
eragin duten argudioak indargabetzeko arrazoiak zein diren, administratzaileak baitira gai<br />
horri buruz erabakitzeko eskumena dutenak.<br />
Kanporatutako bazkidea administratzaileek horri buruz hartutako erabakiarekin ados<br />
ez badago, errekurtso-batzordera jo dezake, edo, bestela, batzar orokorraren aurrean<br />
aurkez dezake errekurtsoa, kanporatzearen jakinarazpena jaso eta hogeita hamar eguneko<br />
epearen barruan. Kasu horretan, errekurtso-batzordearen aurreko errekurtsoa, gehienez ere,<br />
hiru hilabeteko epean ebatzi beharko da, agiria aurkezten den egunetik zenbatzen hasita.<br />
Administrazio-organoak errekurtso horri hiru hilabeteko epearen barruan erantzuten ez<br />
badio, errekurtsoa baietsi egin dela ulertuko da, eta, beraz, hasieran kanporatutako bazkidea<br />
berriro onartu beharko dela.<br />
Kanporatze-espedientearen barruan ahalik eta gardentasun handiena bermatzeko, eta<br />
kooperatibako bazkide guztiek egoeraren berri izan dezaten, errekurtsoa batzar orokorrean<br />
aurkezten den kasuetan, kooperatibak deitzen duen hurrengo bilkuraren aztergaien<br />
zerrendan agertu beharko da, eta isilpeko bozketa bidez ebatzi beharko da, interesdunari<br />
behar bezala entzunda. Horrela, bazkide guztiek kooperatiban izapidetutako kanporatzeespedienteari<br />
buruzko informazioa jasoko dute, eta ebazteko elementu nahikoak izango<br />
dituzte horri buruzko erabakia hartu ahal izateko. Hala eta guztiz ere, arauan ez da jasotzen<br />
kooperatibako gainerako bazkideen artean ezarritako zehapenen publizitatea errazten<br />
duen tresna espezifikorik. Publizitatea disuasio-neurria izan daitekeen arren eta bazkideen<br />
autodiziplina susta dezakeen arren, ez da komenigarritzat jo publizitatea sartzerik, mota<br />
horretako proposamen batek eragindako bazkideen eskubideetan sor ditzakeen zailtasun<br />
juridikoak direla eta.<br />
Kanporatzeko prozedura egituratzeko, bazkidea bere borondatezko baja justifikaziorik<br />
gabekotzat jotzeko erabakiarekin ados ez dagoen kasuetan arautzen diren jarraibideei<br />
men egingo zaie (EKLren 26.6 artikulua), edo nahitaezko baja deklaratzeko erabakiarekin<br />
(EKLren 27.5 artikulua). Beraz, justifikaziorik gabe deklaratutako borondatezko bajetan,<br />
nahitaezko bajetan edo bazkidea kooperatibatik kanporatzeko erabakiarekin ados ez<br />
dagoen kasu guztietan, prozedura bera arautzen da bazkidea kooperatibaren aurreko<br />
errekurtsoa jartzeko: errekurtsoa aurkeztea errekurtso-batzordearen aurrean, edo, bestela,<br />
batzar orokorraren aurrean, jakinarazpena jasotzen denetik hogeita hamar eguneko epean.<br />
Interesdunari nahitaez entzun behar zaio bazkideak iritzia eman ahal izateko eta ebazpena<br />
hiru hilabeteko epearen barruan eman behar da, errekurtsoa aurkezten den egunetik zenbatzen<br />
hasita. Azkenik, errekurstoa baietsitzat joko da kooperatibak errekurtsoari erantzuten ez<br />
badio, arestian esandako epea igaro ondoren.<br />
4.11.2.3. Bazkidea kanporatzearen ondorioak<br />
EKLren 28.3 artikuluaren arabera, kanporatzeko erabakia betearazlea izango da errekurtsobatzordearen<br />
edo, halakorik ezean, batzar orokorraren berrespena jakinarazten denetik edo,<br />
errekurtsoa organo horien aurrean jartzeko epea hau da, hogeita hamar egunekoa, igaro<br />
bada, aurkezten denetik (EKLren 28.2. artikuklua). Une horretatik aurrera, baja emango zaio<br />
kanporatutako bazkideari, eta hortik aurrera hasiko da zenbatzen ekarpenen itzulketa-aldia.<br />
96
BAZKIDEAK<br />
Hala ere, errekurtso-batzordeak edo, halakorik ez bada, batzar orokorrak berretsitako<br />
kanporatze-erabakiaren aurka egin daiteke, jakinarazpena jaso eta bi hilabeteko epean.<br />
Hain zuzen ere, EKLren 28.4 artikuluak dio kanporatze-erabakia aurkaratu ahal izango<br />
dela, errekurtso-batzordeak edo, halakorik ezean, batzar orokorrak berretsita. Manu horrek<br />
xedatutakoaren arabera, argi eta garbi ondorioztatzen da erabaki hori aurkaratzeko prozedura<br />
baliatzeko, beharrezkoa dela aldez aurretik EKLren 41. Artikuluak arautzen duen errekurtsoa<br />
aurkeztea errekurtso-batzordearen aurrean edo, halakorik ezean, batzar orokorraren aurrean.<br />
Laburbilduz, kanporatze-espedientearen aurkako prozedura hasi behar da beti errekurtsoa<br />
jarrita errekurtso-batzordearen aurrean, edo, bestela, batzar orokorraren aurrean, hogeita<br />
hamar eguneko epearen barruan jakinarazpena jasotzen denetik, eta, geroago, hartutako<br />
erabakiaren emaitza berdina bada, erabakia aurkaratzeko akzioa egikaritu beharko da<br />
Prozedura Zibilaren Legearen 41. artikuluak ezartzen duen bide prozesaletik, jakinarazpena<br />
jasotzen denetik bi hilabeteko epearen barruan.<br />
Kontuan hartu behar da bazkideak kanporatzeko arauketa ez datorrela bat lan<br />
elkartuko kooperatibetako lan-bazkideei dagokienez EKLren 106.3 artikuluak dakarren<br />
erregulazioarekin. Zehazki, zenbait alde daude bien artean: bazkide langileei dagokienez,<br />
errekurtsoa jartzeko epea 15 egunekoa da, ez artikulu honetan bazkideak errekurtsobatzordearen<br />
edo batzarraren aurreko errekurtsoa jartzeko ezartzen den 30 eguneko epea,<br />
eta, gainera, artikulu horretan enplegua eteteko aukera dago.<br />
4.12. Sozietatearen diziplina-arauak<br />
29. artikulua.– Sozietatearen diziplina-arauak<br />
1.– Kooperatiba bakoitzaren estatutuetan finkatuko dira bazkideen diziplina-arauak.<br />
Bazkideak zehatzekotan, aldez aurretik estatutuetan jasotako arau-hausteengatik<br />
izan beharko du. Bazkideek dena delako faltak direla-eta jaso ditzaketen zehapenak<br />
ere estatutuetan finkatuko dira, eta mota hauetakoak izan daitezke: kargu-hartzea,<br />
ekonomikoak, sozietate-eskubideak etetea edo kanporatzea.<br />
2.– Falta arinak hilabeteko epean preskribatzen dira; astunak, bi hilabeteko epean, eta<br />
oso astunak, hiru hilabeteko epean.<br />
Arau-hausteen preskripzio-epea arau-haustea egin den egunetik hasiko da kontatzen.<br />
Arau-hauste jarraituak edo iraunkorrak badira, jokabide arau-hauslea amaitzen<br />
den unetik hasiko da epea kontatzean.<br />
Zehapen-izaerako prozedura bat hasteak, interesduna haren jakitun dela, etengo<br />
du preskripzioa, eta berriz ekingo litzaioke preskripzio-epeari zehapen-espedientea<br />
geldituta balego, ustezko erantzuleari ezin egotzi dakizkiokeen arrazoiengatik,<br />
ebazpenik eman edo jakinarazi gabe, lau hilabetetan baino gehiagotan.<br />
3.– Zehapen-prozedurak eta errekurtsoak estatutuetan finkatuko dira, baina betiere<br />
jarraian datozen arauok errespetatu beharko dira:<br />
a) Administratzaileek dute zehapen-eskumena eta ezin izango dute delegatu.<br />
97
BAZKIDEAK<br />
b) Nahitaezkoa izango da aldez aurretik interesdunari entzutea.<br />
c) Falta astunak eta oso astunak direla-eta jasotako zehapenen aurkako errekurtsoak<br />
errekurtso-batzordeari edo, halakorik ez badago, batzar orokorrari jarri ahal<br />
izango zaizkio, hogeita hamar eguneko epean, zehapenaren jakinarazpena<br />
egiten denetik aurrera kontaturik.<br />
d) Zehapen-erabakia 52. artikuluan ezarritako izapidearen arabera aurkaratu ahal<br />
izango da. Hala badagokio, errekurtso-batzordearen edo batzar orokorraren<br />
berrespena aurkaratu ahal izango da, 41. artikuluan ezarritako izapidearen<br />
arabera, hilabeteko epean, jakinarazpena egiten denetik aurrera kontaturik.<br />
4.– Estatutuetan, nahitaez zehaztu beharko da zein neurritaraino eteten diren bazkidearen<br />
eskubideak.<br />
4.12.1. Berrikuntza nagusiak aurreko araudiaren aldean<br />
EKLren 29. artikuluan zehaztuta dator kooperatibetan aplikatzekoa den sozietatediziplinaren<br />
berariazko araudia, eta arlo horretan arautzen den erregulazioaren berri ematen<br />
du, hein handi batean. Hala eta guztiz ere, legegileak ez du aukera galdu idazketan zenbait<br />
hobekuntza sartzeko, ez bakarrik lexikoak, bai eta zenbait alderdi argitzeko ere, eduki<br />
zehatzak interpretazio-zalantza batzuk sortzen baitzituen.<br />
Horrela, EKLren 29.1 artikuluak aldaketa esanguratsua dakar bazkideari kooperatibaren<br />
jardueraren barruan izandako jokabide bidegabeengatik zehapena jaso dezaketen jarduketak<br />
finkatzean. Bazkidea zehatzeko zehapenak bateratu dira, faltaren ordez, arau-haustearen<br />
nozioa erabiltzen delako, eta, batez ere, barne-araubideko erregelamenduan araututako falta<br />
arinak egiteagatik zehatzeko aukera kendu delako. Horrela, behar bezala argitu bazkideak<br />
estatutuetan xedatutako arau-hausteengatik bakarrik zehatu ahal izango direla, eta beste<br />
zeinahi tresna organikok edo barne-erregelamenduk ez duela zilegitasunik bazkideei<br />
zehapenak ezartzeko, estatutuetan araututakotik at.<br />
Bigarrenik, bazkideek egin ditzaketen arau-hausteen preskripzio-epea finkatzerakoan,<br />
preskripzio-epe hori zenbatzen hasteko beste une bat ezarri da. Horrela, EKLren 29.2.2.<br />
artikuluaren arabera, preskripzio-epea arau-haustea egin zen egunetik bertatik hasiko da<br />
zenbatzen, eta, horrela, aurreko araudiko aipamena kendu egin da, hau da, administratzaileek<br />
arau-haustea egin dela dakiten egunetik aurrera zenbatzen hasi behar zela finkatzen zuena,<br />
bai eta arau-haustea egin eta hamabi hilabetera preskribatuta geratzen zela ezartzen zuena<br />
ere. Arau-hauste jarraituak edo iraunkorrak badira, preskripzio-epea jokabide arau-hauslea<br />
amaitzen denetik aurrera hasiko da zenbatzen, zehapenaren xede den arau-haustearen izaera<br />
bereziagatik.<br />
Azkenik, zuzendu egin da zehapen-prozeduraren preskripzioa eteteari buruzko aurreko<br />
arauketaren idazkera korapilatsua, eta, horren ordez, aldarrikatu da, orain askoz zehatzago,<br />
zehapen-prozedura hasteak preskripzioa etengo duela, eta epearen zenbaketa berriro hasiko<br />
dela baldin eta espedientea lau hilabete baino gehiagoz geldirik badago, arau-haustea egin<br />
duen bazkidearekin zerikusirik ez duten arrazoiengatik. Horrela, EKLren 29.2.2. artikuluak<br />
argi eta garbi adierazten du zehapen-prozedura kooperatibaren barruan lau hilabete baino<br />
98
BAZKIDEAK<br />
gehiago geldirik egon bada eta bazkidea etenaldi horren eragilea izan ez bada, ulertu beharko<br />
dela dena delako arau-haustea preskribatu dela.<br />
4.12.2. Iruzkin orokorra eta esanahi praktikoa<br />
4.12.2.1. Sozietatearen diziplina-araubidearen irismena<br />
EKLren 19. artikuluak dioenarekin bat, kooperatibaren estatutuek finkatu beharko dituzte<br />
bazkideek egiten dituzten arau-hausteak jasotzen dituzten arauak; izan ere, kooperatibak<br />
berak adostutako arau-multzo horretan jasota daudenak bakarrik ezarri ahal izango<br />
zaizkie bazkideei. Beraz, berariaz aitortzen da tipikotasun-printzipioaren indarraldia, gure<br />
ordenamenduaren adar askotan agertzen dena. Printzipio horren arabera, zehapenak ezarri<br />
ahal izateko, beharrezkoa da arau-hausteak aplikatu beharreko araudi juridikoan aurretiaz<br />
jasota egotea, baldin eta arau-hausteak benetan egiteak zehapena ezartzea badakar. Kasu<br />
honetan, EKLren 29. artikuluak arau-hausteen tipikotasuna aitortzen du, estatutuetarako<br />
igorpena egiten duelako. Horrela, lege bidez adierazten da bazkideek egindako arauhausteen<br />
ziozko zehapenak ezarri ahal izango direla, betiere estatutuetan jasota badaude.<br />
Beraz, kooperatibari autoerregulazio-gaitasuna aitortzen zaio arlo horretan, arau-hausteen<br />
irismena ez ezik, estatutuetara igortzen baitu sozietate-diziplina osoa ere bai, hau da,<br />
zehapenak, preskripzioa, prozedura eta errekurtsoak. Edukiaren garrantziak bidezkotzen du<br />
zehapenen araubidea argi eta zehatz idazteko beharra, anbiguotasunak saihesteko helburuz,<br />
bestela, kooperatibaren funtzionamendu egokiari kalte egin diezaiokeelako. Dena den, gaimota<br />
dela eta, manu horien interpretazioa murriztailea izan behar da, eta, hasteko eta bat, sor<br />
daitezkeen zalantzak bazkidearen mesedetan ebatzi beharko lirateke.<br />
4.12.2.2. Arau-hausteak eta zehapenak: zedarriztapena eta edukia<br />
Arau-hausteek kooperatibaren estatutuetan araututa egon beharko dute, arau-haustea egin<br />
duten bazkideei ondorio egokiak eta zehapenak eragin ahal izateko. Baina, gainera, bazkideei<br />
ezarritako zehapenak estatutuetan araututa badaude ezarri ahal izango dira, ez bestela. Beraz,<br />
estatutuetan arau-hausteak ez ezik, arau-hauste horiek egitea sorrarazten dituzten zehapenak<br />
ere jaso behar dira.<br />
Lehen esan bezala, EKLren 29.1. artikuluak barne-araubideko erregelamenduan arintzat<br />
tipifikatutako sozietate-zehapenak ezartzeko aukera kendu du, eta, beraz, bazkideei<br />
estatutuetan tipifikatutako gertakariengatik bakarrik ezar dakieke zehapena. Horrela,<br />
murriztu egin da falta arinen tipifikazioa aldatzeko malgutasuna, eta orain Kooperatiben<br />
Erregistroaren oniritzia beharko dute. Horrela, beraz, bazkideei berme handiagoa ematen<br />
zaie kooperatibaren diziplina-araudiaren aurrean, nahiz eta kooperatibek arlo horretan duten<br />
autoerregulazio-gaitasunarekiko konfiantzari eutsi zaion.<br />
Betebehar edo jokabide jakin bat haustearen ziozko zehapenak ohartarazpen ekonomiko<br />
hutsak izan daitezke, eskubide sozialak etetea eragin dezakete, baita kooperatibatik<br />
kanporatzea ere. Hiru zehapen mota horiek ohikoenak diren arren, aginduaren edukiak berak<br />
atea ireki dio beste zehapen batzuk arautzeko aukerari, aditzera ematen baitu zehapen horien<br />
99
BAZKIDEAK<br />
zerrenda irekia dela, eta, horri esker, kooperatibak beste zehapen-mota batzuk jaso ahalko<br />
ditu bere estatutuetan.<br />
4.12.2.3. Arau-hausteen preskripzio-araubidea: interpretazioa<br />
EKLren 29.2 artikuluak arau-hausteak preskribatzeko araubide espezifikoa ezartzen du, eta<br />
bertan, hiru epe bereizten dira, egindako arau-haustearen motaren arabera. Hala, arau-hauste<br />
arinak hilabetera preskribatzen dira, astunak bi hilabetera, eta oso astunak hiru hilabetera.<br />
Arau-hauste mota bakoitzari lotutakoa epea zentzuzkoa da, eta bat dator zehapenaren<br />
larritasunarekin; izan ere, helburua da arau-hauste astunagoek indarraldi luzeagoa izatea<br />
haiei dagozkien zehapenak ezarri ahal izateko, eta kooperatibarentzat mehatxu txikiagoa<br />
dakartenek, berriz, azkarrago preskribatzea.<br />
EKLren 29.2 artikulu berriak berrikuntza garrantzitsu gisa jaso du preskripzio-epearen<br />
zenbaketaren hasiera arau-haustea egin den egunetik aurrera hasiko dela zenbatzen, eta<br />
kendu egin da preskripzio-epea administratzaileek arau-haustearen berri izan duten egunean<br />
hasiko dela ezartzen zuen erregulazioa. Gainera, preskripzio-epearen zenbaketa berriaren<br />
salbuespen gisa, berariaz ezarri du arau-hauste jarraituetarako epea zenbatzen hasten dela<br />
jokabide arau-hauslea amaitzen denetik.<br />
Horrela, preskripzio-epearen hasiera objektibatu da; izan ere, arau-haustea eragin duen<br />
jokabidean oinarrituta zehazten da, eta, horrela, preskripzio-epea hasteko benetako uneari<br />
buruzko zalantzak sorraraz dezakeen edozein zantzu subjektibo ezabatu da. Hori dela eta,<br />
aurreko araudiak arautzen zuen hamabi hilabeteko preskripzio subsidiarioaren epea ere kendu<br />
da, preskripzioa zenbatzen hasteko irizpide berria argitu ondoren ez baitzuen zentzurik.<br />
Beraz, idazketa berria bermatzaileagoa da arau-haustea egiten duen bazkidearentzat, eta<br />
arreta eta kontrol handiagoa ezarri dio arau-haustea ezartzen duen kooperatiba-organoari.<br />
Hala eta guztiz ere, aldaketa horrek arazo bat sor dezake atzeraeraginik ezaren printzipioaren<br />
aplikazioa interpretatzeko orduan, zehapen-prozedureildoan, EKLren denborazko irismenari<br />
buruzko zalantzak sor daitezkeen egoeretan. Jakina denez, sozietate-diziplinarem esparruan,<br />
zehapenen arloan, zehapenen inguruko kalterako xedapenen atzeraeraginik eza eta<br />
zehapen-espediente batean dagoenaren aldeko arauen atzeraeragina gailentzen dira. Bada,<br />
sor daitekeen zalantza hauxe da: ea EKLren 29. artikuluak atzeraeraginik daukan aurreko<br />
egoerei dagokienez, kontuan hartuta EKL berria indarrean hasi aurretik gertatu arren,<br />
oraindik ere zehapena ezar dakiekeela, baldin eta ulertzen bada preskripzio-epea artean ez<br />
dela zenbatzen hasi, administratzaileek ez dutelako horren berririk izan. Beraz, kasu horietan,<br />
aztertu beharko da lehengo arauzko testua aplikagarria den, edo oraingoa aplikatu behar<br />
den, ondorioak guztiz desberdinak izan baitaitezke, aintzat hartuta EKLren 29.2 artikulua<br />
atzeraeraginez interpretatzen den ala ez.<br />
Azkenik, zehapen-prozedura hasten denetik preskripzio-epea eteteko irizpideari eutsi<br />
zaio. Hala ere, idazketa argiagoa da etenaldia gertatzen den uneari dagokionez; izan ere,<br />
idazketa berriaren arabera, zehapen-prozedura hasteaz batera eteten da, baina zehaztu du<br />
interesdunak etenaldi horren berri izan beharko duela ondorioak izan ahal izateko. Gainera,<br />
aurreko erregulazioan bezala, adierazi da preskripzioaren etenaldia bertan behera geratuko<br />
100
BAZKIDEAK<br />
dela zehapen-espedientea lau hilabetez gelditzen bada eragindako bazkidearekin zerikusirik<br />
ez duten arrazoiengatik. Horrela, ulertu behar da kooperatibak espedientea hasiz gero, ezin<br />
izango duela izapidetzea gelditu hori justifikatzen duen arrazoirik gabe; izan ere, kasu<br />
horretan, espedientea hasi zenetik lau hilabete igaro ondoren hasiko da preskripzio-epea<br />
zenbatzen. Ondorio horietarako erregulazio berriak «berriz ekingo litzaioke» terminoa<br />
darabil, eta, beraz, argi dago preskripzio-epea hasieratik hasiko dela zenbatzen, eta erabat<br />
aldenduko dela aurreko araudiaren araubidetik, bertan ulertzen baitzen preskripzio-epea<br />
eteten zela eta preskripzio-epea berriro hasiko zela lau hilabeteren buruan ebazpenik eman<br />
edo jakinarazi gabe.<br />
4.12.2.4. Zehapen-prozeduraren araubidea<br />
EKLren 29.3 artikulua ez da aldatu, eta estatutuetarako igorpena egiten du zehapenprozedura<br />
eta errekurtsoen araubidea finkatzeko, kooperatibari sozietate-diziplinaren arloan<br />
esleitutako autoerregulazio-gaitasunarekin bat etorriz. Araubide hori, hala ere, estatutuek<br />
aldatu ezin dituzten bi baldintzaren mende dago: alde batetik, zehatzeko ahalmena<br />
administratzaileei baino ez dagokie, eta ezin da kooperatibako beste ezein organoren esku<br />
utzi. Eta, bigarrenik, nahitaezkoa da interesdunari aldez aurretik entzutea; beraz, zehapenprozeduraren<br />
bat irekitzen den guztietan, interesdunari entzun beharko zaio gaiari buruzko<br />
erabakirik hartu aurretik. Hirugarrenik, arau-hauste astun edo oso astunen ziozko zehapenen<br />
aurkalp errekurtsoa jarri ahal izango da errekurtso-batzordean edo, halakorik ezean, batzar<br />
orokorrean, zehapena jakinarazi eta hogeita hamar eguneko epearen barruan, kanporatzeerabakiaren<br />
aurkako errekurtsoa aurkezteko arautzen den epe berean (EKLren 28.2 artikulua).<br />
Eta, azkenik, zehapen-erabakia aurkaratu ahalko izango da, EKLren 52. artikuluak xedatzen<br />
duenari jarraiki. Artikulu horrek administratzaileen erabakiak aurkaratzeko prozedurak<br />
arautzen ditu. Bestalde, errekurtso-batzordeak edo batzar orokorrak administratzaileek<br />
hartutako erabakia berresten badute, zehapen-espedientearen eraginpeko bazkideak<br />
hilabeteko epea izango du, jakinarazpena egiten denetik zenbatzen hasita, erabaki horek<br />
aurkaratzeko, betiere, EKLren 41. artikuluak xedatzen duen araubideari jarraiki.<br />
4.12.2.5. Zehapen-etendura<br />
Zehapen-prozedura abiaraztearen zioz, bazkideei ezar dakiekeen zehapenetako bat<br />
eskubideak etetea da. Etete horrek duen garrantziagatik, nahitaezkoa da beti estatutuetan<br />
zehaztuta egotea (EKLren 29.4 artikulua). Hasiera batean, estatutuek betebehar ekonomikoak<br />
ez betetzeagatik edo estatutuetan ezarritako baldintzetan kooperatiba-jardueretan parte<br />
hartzeagatik soilik xedatu ahalko dute etendura, eta zalantzazkoagoa izango da eduki<br />
ekonomikoa besterik ez duten eskubideei ere eragitea. Nolanahi ere, ahalik eta gehien<br />
zehaztu beharko litzateke etete-zehapenak ekar ditzakeen ondorioen irismena, zalantzarik<br />
egon ez dadin pertsona juridikoarentzat izango dituen ondorio juridiko eta ekonomikoen<br />
inguruan.<br />
Hala ere, litekeena da etendura kautelaz dekretatzea, hau da, zehapen-prozedura izapidetzen<br />
den bitartean. Hala gertatzen da, lehen adierazi den bezala, EKLren 27.3 artikuluak arautzen<br />
101
BAZKIDEAK<br />
duen nahitaezko baja dela eta. Artikulu horretan, berariaz onartzen da bazkidearen nahitaezko<br />
bajaren erabakiak berehala ezarri ahalko duela bazkidearen eskubide eta betebeharrak<br />
kautelaz etetea, erabakia betearazlea izan arte, baldin eta estatutuetan hala xedatu bada.<br />
106. artikuluan, eutsi egin zaio lan elkartuko kooperatiben kapituluan bazkide<br />
langileentzako eta lan-bazkideentzako laneko diziplina-arauen araubide bereziari. Lan<br />
elkartuko kooperatibetan, estatutuetan, batzarraren erabakietan, edo, normalean, batzarrak<br />
onartzen dituen barne-araubideko erregelamenduetan tipifikatzen diren laneko falten ziozko<br />
zehapen-espedienteak arautu dira. Prozedura horiek, preskripzioa arautzen ez badute,<br />
zalantza sortzen da: ulertu beharko litzateke epe aplikagarria estatutuetan arautzen dena<br />
dela edo, aitzitik, lan-arloko legeria da aplikagarria, barne-araudian berariaz araututa ez<br />
dagoelako; azken kasu horretan, preskripzio-epea beste modu batera zenbatuko litzateke.<br />
106. artikulu horren erregulazioa ikusita eta epeen erregulazioa berariaz arautzen denez,<br />
gure aburuz, litekeena da zenbaketaren hasiera eta sozietate-faltena desberdinak izatea; gai<br />
horri helduko zaio EKLren 106. Manuaren inguruko iruzkinetan.<br />
4.13. Bazkide langilearen edo lan-bazkidearen etetea edo nahitaezko baja, arrazoi<br />
ekonomiko edo teknikoak, edo antolakuntzako, ekoizpeneko edo ezinbesteko arrazoiak<br />
direla eta<br />
30. artikulua.– Bazkide langilearen edo lan-bazkidearen etetea edo nahitaezko baja,<br />
arrazoi ekonomiko edo teknikoak, edo antolakuntzako, ekoizpeneko edo ezinbesteko<br />
arrazoiak direla-eta<br />
1.– Arrazoi ekonomiko edo teknikoak, edo antolakuntzako, ekoizpeneko edo ezinbesteko<br />
arrazoiak gertatzen badira, lan egiteko betebeharra eta eskubidea aldi baterako<br />
eten ahal izango diote bazkide langileari edo lan-bazkideari; aldi horretan, bazkide<br />
horiek lanarekin batera doazen diru-eskubide zein betebeharrak galduko dituzte, eta<br />
bazkide izateagatik dagozkien gainerako eskubideak eta betebeharrak gordeko.*<br />
Horretarako, batzar orokorrak edo, hala badagokio, estatutuek hori ezartzen dutelako,<br />
artezkaritza-kontseiluak deklaratu beharko du adierazitako arrazoi horietakoren bat<br />
dela-eta etenaldi-egoeran geratuko direla kooperatibako bazkide langile edo lanbazkide<br />
guztiak edo haietako batzuk, ondo zehaztuz zenbat denboran geratuko diren<br />
lanik gabe; orobat adierazi beharko du, zehatz-mehatz eta behar bezala justifikatuta,<br />
zein diren egoera horretan geratzen diren bazkide langileak edo lan-bazkideak.<br />
Etenaldi-egoeran egoteko arrazoiak desagertzen direnean, bazkide langileak edo<br />
lan-bazkideak bere eskubide eta betebehar guztiak berreskuratuko ditu.<br />
2.– Kooperatibaren bideragarritasun ekonomikoa arriskuan jar dezaketen arrazoi<br />
larriak direla eta –ekonomikoak, teknikoak, antolakuntzakoak, ekoizpenekoak<br />
edo ezinbestekoak– behin betiko murriztu behar bada lanpostu kopuru orokorra<br />
edo lanbide-kolektibo edo -talde jakin batzuen lanpostu kopuru orokorra, batzar<br />
* Euskadiko Kooperatiben abenduaren 20ko 11/2019 legea aldatzeko urriaren 7ko 5/2021 Legearen lehen<br />
artikuluaren araberako idazketa<br />
102
BAZKIDEAK<br />
orokorrak edo, hala badagokio, artezkaritza-kontseiluak hala ezartzen bada<br />
estatutuetan, erabaki beharko du zenbat bazkideri langileri edo lan-bazkideri<br />
eman behar zaion baja kooperatiban, eta nor diren bazkide horiek. Kasu horietan,<br />
baja nahitaezkotzat eta bidezkotzat joko da, eta baja hartu behar izan duten<br />
bazkideek eskubidea izango dute berehala itzul diezazkieten kapital sozialari egin<br />
dizkioten borondatezko ekarpenak eta, gehienez, bi urteko epean itzul diezazkieten<br />
hilero egin dituzten nahitaezko ekarpenak. Gainera, baja hartu eta hurrengo bi<br />
urteetan, kooperatibara itzultzeko lehentasunezko eskubidea izango dute baldin eta<br />
betetzen zuten lanpostuaren antzeko beste lanposturik sortzen bada. Nolanahi ere,<br />
kooperatibak objektibatu daitezkeen baliabide ekonomikoak dituenean, nahitaezko<br />
ekarpenak aribideko ekitaldi ekonomikoan itzuli beharko ditu.<br />
Kooperatiba uzten duten bazkideak 60.1.b artikuluan xedatutako ekarpenen<br />
titularrak badira eta kooperatibak ez badu erabakitzen ekarpen horiek berehala<br />
itzultzea, kooperatiban segitzen duten bazkide guztiek berehala eskuratu beharko<br />
dituzte ekarpen horiek, batzar orokorrak erabakitzen duen baldintzetan.<br />
4.13.1. Berrikuntza nagusiak aurreko araudiaren aldean<br />
Oraingo EKLren 30. artikuluak lehengo EKLren 103. artikuluak zekarren erregulazioa<br />
jasotzen du. Horrek EKLren konfigurazioaren beraren egitura-aldaketa dakar; izan ere,<br />
bazkide langilearen edo lan-bazkidearen nahitaezko etendurari edo baja emateari buruzko<br />
erregulazioa, arrazoi ekonomiko edo teknikoak, edo antolakuntzako, ekoizpeneko edo<br />
ezinbesteko arrazoiak direla-eta, ez da dagoeneko agertzen kooperatiben motez diharduen II.<br />
tituluaren barruan kooperatiba motei buruzko I. kapituluren bigarren atalean, lan elkartuko<br />
kooperatibei buruzkoan, eta orain sozietate kooperatiboez diharduen I. tituluaren IV.<br />
kapituluan, bazkideei buruzkoan, ageri da.<br />
Nahitaezko bajari gagozkiola, egungo EKLn daukan lekura aldatzea sistematikoki egokia<br />
da, bazkideak arautzean dauden baja-motak batera biltzen dituelako, eta zentzuzkoa ere bada,<br />
bajek amaiera ematen baitiote bazkidearen eta kooperatibaren arteko sozietate-harremanari.<br />
Hala ere, badirudi egokiagoa izango litzatekeela etendura arautzea lan elkartuko kooperatibak<br />
jorratzean, aurreko EKLn egiten zen bezala, etendura eta baja tresna juridiko desberdinak<br />
direlako; hala ere, esan beharra dago sozietate-harremana eteten zaien bazkideek eska<br />
dezaketela kooperatiban baja emateko, eta baja hori justifikatutzat joko da.<br />
Leku-aldaketa horrez gain, oraingo izenburuan espresuki aipatzen da «bazkide langilea edo<br />
lan-bazkidea». Aurreko erregulazioan, aldiz, gai hori lan elkartuko kooperatibak lantzean<br />
agertzen zenez, ziurtzat jotzen zen bazkide langileei buruzkoa zela. Hala, gai hori bazkide<br />
guztiengana hedatzen zen lehengo araudiaren 21.2 artikulua dela bide, eta hedadura hori<br />
berariaz ezartzen zen 106.3 artikuluan irakaskuntza-kooperatibetako lan-bazkideentzat eta<br />
112.2 artikuluan ustiapen komunitarioko kooperatibetako lan-bazkideentzat.<br />
Aitzitik, oraingo EKLren 109.3 artikuluak berariaz baztertu du 30. artikulua irakasleak<br />
eta irakaskuntzaz kanpoko langileak eta zerbitzuetakoak biltzen dituzten irakaskuntzakooperatibentzat,<br />
nahiz eta, langile horientzat, lan elkartuko kooperatiben arauak<br />
103
BAZKIDEAK<br />
aplikatzen jarraitu. Zalantzarik gabe, 30. Artikuluaren inguruko salbuespen bitxi horrek<br />
badakar irakaskuntza-kooperatibetan batzar orokorrak onartutako estatutuetan eta araudian<br />
adierazitakoa bete behar izatea, irakasle eta irakasle ez diren zerbitzuetako langileei<br />
eta irakasleei nahitaez baja emateko, baldin eta arrazoi ekonomiko edo teknikoak, edo<br />
antolakuntzako, ekoizpeneko edo ezinbesteko arrazoien zioz gertatzen badira.<br />
Gainerakoan, egun indarrean dagoen EKLren 30 artikulua aurreko araudiaren 103.<br />
artikuluaren ia berdin-berdina da. Egindako aldaketa txikiak ondokoak dira.<br />
Lehenik eta behin, eteteari dagokionez, oraingo araudian ezarri da, hala badagokio,<br />
administratzaileek ere ahalmena izango dutela sozietate-harremanen etendura deklaratzeko,<br />
estatutuek hala ezartzen dutenean. Hori horrela, EKLren zioen azalpenak berak adierazten<br />
duen bezala, malgutasuna handiagoa dago etetearen aldeko proposamena egin dezakeen<br />
organoari dagokionez.<br />
Bigarrenik, bajari dagokionez, hasteko eta bat, administratzaileek ahalmen bera izango<br />
dute kooperatiban baja eman behar duten bazkide langileen edo lan-bazkideen kopurua eta<br />
identitatea zehazteko. Gainera, kargua uzten zuten bazkideek, besterik gabe, «kapital sozialari<br />
egindako ekarpenak» berehala itzultzeko eskubidea izango zutela ezartzen zuen lekuan,<br />
orain bereizketa hau egiten da: alde batetik, kargua uzten zuten bazkideek «kapital sozialari<br />
egindako borondatezko ekarpenak» berehala itzultzeko eskubidea izango dute; bestetik,<br />
pertsona horiek eskubidea izango dute «hilean behin egindako nahitaezko ekarpenak» bi<br />
urteko epean itzultzeko. Baina nahitaezko ekarpenei dagokienez, beste salbuespen bat ezarri<br />
da aipatu berri dugunaren aldean; izan ere, kooperatibak baliabide ekonomiko objektiboak<br />
baditu, uneko ekitaldi ekonomikoan egingo da itzulketa.<br />
Hirugarrenik, lehengo erregulazioan ageri zen 57.1.b artikuluaren edukia oraingo EKLren<br />
60.1.b artikuluan, bestearen kidekoan, jaso da, batzarrak edo administratzaileek baldintzarik<br />
gabe uka dezaketen ekarpenen itzulketari dagokienez, estatutuetan araututakoaren arabera.<br />
Horrela, aurreko EKLn bezala, hau ezarri da: kargua uzten duten bazkideak ekarpen<br />
horien titularrak direnean eta kooperatibak ekarpen horiek berehala itzultzeko erabakitzen<br />
ez duenean, kooperatiban jarraitzen duten bazkideek berehala eskuratu beharko dituzte<br />
ekarpen horiek, batzar orokorrak erabakitako baldintzei jarraiki. Negozio juridikoari eusteko<br />
printzipioaren adierazpen argia da, sozietate kooperatiboaren kapitala gutxitu ez dadin eta,<br />
horrela, kooperatiba bera arriskuan egon ez dadin.<br />
4.13.2. Iruzkin orokorra eta esanahi praktikoa<br />
EELren 30 artikuluaren 1. atalak arautzen du bazkide langilearen edo lan-bazkidearen<br />
sozietate-harremana etetea, arrazoi ekonomiko edo teknikoak, edo antolakuntzako,<br />
ekoizpeneko edo ezinbesteko arrazoiak direla eta. Hala, arrazoi horietakoren bat gertatzen<br />
denean, batzar nagusiak edo, hala badagokio, administratzaileek, estatutuetan hala ezarrita<br />
badago, kooperatiba osatzen duten bazkide langile edo lan-bazkide guztien edo batzuen lana<br />
egiteko betebeharra eta eskubidea aldi baterako etetea erabaki ahalko dute, eta prestazioari<br />
lotutako eskubide eta betebehar ekonomikoak galduko dituzte, baina bazkide gisa dituzten<br />
gainerako eskubide eta betebeharrei eutsiko diete.<br />
104
BAZKIDEAK<br />
Nolanahi ere, erabaki horrek, alegatutako kausa zehatza edo zehatzak aintzat harturik,<br />
adierazi behar du etendurak zenbat denbora iraungo duen, eta modu justifikatuan hautatu<br />
behar ditu etendura-egoeran geratuko diren bazkide langileak edo lan-bazkideak. Jakina,<br />
etendura eragin duten arrazoiak amaitzen direnean, etendura horren eraginpeko bazkide<br />
langileek edo lan-bazkideek eskubide eta betebehar guztiak berreskuratuko dituzte.<br />
Arauketa horren inguruan sortzen diren auzi nagusiak hauexek dira: bazkide langileen<br />
edo lan-bazkideen lan-prestazioa etetea ekar dezaketen arrazoi horien esanahia eta irismena<br />
zehaztea; eta bazkide langile edo lan-bazkide jakin batzuen hautapena justifika dezaketen<br />
kasuak, etete-egoeran geratu behar dutenak berdintasunaren eta diskriminaziorik ezaren<br />
printzipioak urratu gabe.<br />
Horrela, lehenengo auziari dagokionez, hasiera batean, estatutuetan zehaztu daiteke<br />
balizko zergatien esanahia eta irismena. Baina kooperatibak bere burua erregulatu ezean,<br />
EKLren 107.3 eta 21.2 artikuluetan xedatutakoarekin bat etorriz, lan-legeriaren xedapenak<br />
aplikatu beharko dira analogiaz, eta, zehazkiago, Langileen Estatutuaren Legearen Testu<br />
Bateginaren 47. artikuluan jasotzen diren zergati horien definizioak. Hala eta guztiz ere,<br />
LELTBn ere ezinbesteko arrazoia zer den definituta ez dagoenez, badirudi jurisprudentziak<br />
emandako definizio klasikoari jarraitu behar zaiola; hala, jurisprudentziaren arabera,<br />
ezinbesteko arrazoia gerta dadin, funtsezkoa da arruntean ezohikoa den gertaera bat jazotzea,<br />
eta, horregatik, aurretiaz ezin aurreikus daitekeena, enpresa-antolamendutik kanpoko jatorria<br />
duena, aparteko larritasuna eta ezin saihestuzkoa dena.<br />
Era berean, nahiz eta EKLren 30.1 artikuluak ezer aipatzen ez duen, ulertu behar da<br />
bazkideen lanaldiaren zati bat eten daitekeela, edo, bestela esanda, lanaldia bera murriztu<br />
daitekeela.<br />
Nolanahi ere, Gizarte Segurantzari begira, kooperatibak langabezia-prestazioa sorraraz<br />
dezakeen araubideren batean sartzen bada, ekainaren 19ko 1043/1985 Errege Dekretuak<br />
araututako prozedura bete beharko du (1043/1985 Errege Dekretua, ekainaren 19koa, lan<br />
elkartuko kooperatibetako bazkideei langabezia-babesa zabaltzen diena), langabeziaprestazioa<br />
eten zaien bazkide langileek edo lan-bazkideek prestazioak eskuratu ahal izan<br />
ditzaten.<br />
Mahairatutako bigarren gaiari dagokionez, komenigarria da kooperatibaren estatutuetan<br />
zehaztea zer irizpide objektibo kontuan hartu behar den lana etengo zaien bazkideak<br />
hautatzeko orduan, hala nola balioaniztasunik eta produktibitaterik eza.<br />
Azkenik, ulertu behar da etenaldia erabakitzen duen adierazpenean etenaldiak iraun behar<br />
duen denbora finkatzen bada ere, egiatan, etenaldia eragin duten arrazoiak gainditzeko beharbeharrezkoa<br />
den aldira mugatu behar dela. Beraz, etendura eragin zuten arrazoiak desagertu<br />
direla egiaztatu ondoren, horiek ere ondoriorik gabe utzi beharko dira, eragindako bazkideek<br />
izaera ekonomikoko eskubideak eta betebeharrak berreskura ditzaten.<br />
EKLren 30 artikuluaren 2. atalak arautzen duenez, batzar orokorrak edo, hala badagokio,<br />
administratzaileek, estatutuetan hala ezarrita badago, lanpostuen edo kolektibo edo talde<br />
profesional jakin batzuen kopuru osoa behin betiko murrizteko aukera dute, baldin eta<br />
arrazoi ekonomiko edo teknikoen, edo antolakuntzako, ekoizpeneko zein ezinbesteko<br />
105
BAZKIDEAK<br />
arrazoien edo ezinbesteko zergatien larritasuna dela eta, erabaki hori beharrezkotzat jotzen<br />
bada kooperatibaren bideragarritasun ekonomikoari eusteko. Gainera, kasu horietan, baja<br />
nahitaezkoa izango dela eta justifikatutzat joko dela ezarrita dago.<br />
Horren haritik, ezarrita dago aipatutako sozietate-organoek «kooperatiban baja eman<br />
behar duten bazkide langileen edo lan-bazkideen kopurua eta identitatea» zehaztu behar<br />
dituztela, baina artikulu horren 1. atalean eteteei buruz adierazitakoaren aurka, ez da<br />
zehaztu baja emango zaien bazkideen hautapenak justifikatua izan behar duela. Hala ere,<br />
arrazoizkoa eta desiragarria dirudi estatutuetan irizpide objektiboak ezartzeak kooperatiban<br />
baja emango zaien bazkideak edo kolektiboak zehaztu daitezen. Are gehiago, kaleratze<br />
kolektiboen kasuetan, lan-legeriak ezartzen badu hitzarmen kolektiboaren zioz kolektibo<br />
jakin batzuen aldeko iraupen-lehentasunak ezarri ahal izango direla, hala nola familia-kargak<br />
dituzten langileen, adin jakin batetik gorakoen edo desgaitasunen bat duten pertsonen aldeko<br />
lehentasunak, arrazoi handiagoz, lehen kooperatiba-printzipioaren arabera (borondatezko<br />
atxikipen irekiari buruzkoa), eta zazpigarren printzipioaren arabera (komunitatearekiko<br />
interesari buruzkoa), kooperatiben estatutuetan ere kolektibo jakin batzuentzako lehentasunirizpideak<br />
ezarri beharko lirateke.<br />
Berriro ere, arrazoi ekonomiko edo teknikoak, edo antolakuntzako, ekoizpeneko edo<br />
ezinbesteko arrazoiak zehaztu gabe daudenez, hasteko, arrazoi edo zergati horien esanahia<br />
eta irismena zehaztu daitezke estatutuetan. Baina kooperatibak bere burua erregulatu ezean,<br />
EKLren 107.3 eta 21.2 artikuluetan xedatutakoarekin bat etorriz, lan-legeriaren xedapenak<br />
aplikatu beharko dira analogiaz, eta, zehazkiago, Langileen Estatutuaren Legearen Testu<br />
Bateginaren 51. artikuluan jasotzen diren zergati horien definizioak. Hala eta guztiz ere,<br />
LELTBn ere ezinbesteko arrazoia zer den definituta ez dagoenez, badirudi jurisprudentziak<br />
emandako definizio klasikoari jarraitu behar zaiola; hala, jurisprudentziaren arabera,<br />
ezinbesteko arrazoia gerta dadin, funtsezkoa da arruntean ezohikoa den gertaera bat jazotzea,<br />
eta, horregatik, aurretiaz ezin aurreikus daitekeena, enpresa-antolamendutik kanpoko jatorria<br />
duena, aparteko larritasuna eta ezin saihestuzkoa dena.<br />
Dena den, horien definizioen edo zehaztapenen arabera aipatutako arrazoiak egon ala ez,<br />
legegileak «kooperatibaren bideragarritasun ekonomikoari eustea» delako azken helburua<br />
hizpide darabilenez, arestian azaldutako arrazoiengatik nahitaezko bajak emateko, ez da<br />
nahikoa egoera ekonomiko negatiboa egotea, diru-sarrera arrunten edo salmenten murrizketa<br />
gisa antzemandakoa, edo antolaketa, teknika edo ekoizpenari lotutako arrazoi huts gisa<br />
identifikatutakoa; alabaina, sinesgarriro justifikatu beharko da nahitaezko bajak funtsezkoak<br />
direla kooperatibak iraungo badu. Ez da ahaztu behar, bestetik, hainbat balio, hala nola<br />
autolaguntza, berdintasuna, ekitatea eta elkartasuna, kooperatiben berezko ezaugarriak direla<br />
eta kooperatibek ere parte hartzen dutela gizarte-ekonomiari atxikitako erakundeen printzipio<br />
orientatzaileetan, hots, Gizarte Ekonomiari buruzko Legearen 4. artikuluak jasotakoetan,<br />
besteak beste, enplegu egonkorra eta kalitatezkoa sortzea. Horregatik, nahitaezko baja behar<br />
bezala justifikatu beharko da.<br />
Gizarte Segurantzari begira, kooperatibak langabezia-prestazioa sorraraz dezakeen<br />
araubideren batean sartzen bada, langabezia-prestazioa eten zaien bazkideek prestazioak<br />
eskuratu ditzaten, baja horiek bideratzeko, beharrezkoa izango da lan-agintaritza eskudunak<br />
berrestea kooperatibak alegatutako arrazoi horiek badirela, ekainaren 19ko 1043/1985 Errege<br />
106
BAZKIDEAK<br />
Dekretuak, lan elkartuko kooperatibetako bazkideei langabezia-babesa zabaltzen dienak,<br />
ezarritakoarekin bat etorriz. Horrenbestez, lan-agintaritzak halakorik badagoela egiaztatuko<br />
ez balu, eta, beraz, nahitaezko baja hartu eragin zaien bazkideei legezko langabezia-egoera<br />
aitortzen ez badie, pentsatzekoa da kooperatibak berriro onartu beharko dituela pertsona<br />
horiek bazkide gisa, hala galdatzen baita, esate baterako, LSCCren 134.6 artikuluan.<br />
Azkenik, adierazitako arrazoiengatik kooperatiban baja hartu behar izan duten pertsonek<br />
lehentasunezko eskubidea izango dute lanera itzultzeko, betetzen zutenaren antzeko zeregina<br />
duten lanpostu berriak sortzen badira, baja hartu eta hurrengo bi urteetan.<br />
4.13.3. Beste arau aplikagarri batzuk<br />
• LELTBren 47 eta 51. artikuluak.<br />
• 1043/1985 Errege Dekretua, ekainaren 19koa, lan elkartuko kooperatibetako<br />
bazkideei langabezia-babesa zabaltzen diena.<br />
4.14. Bazkide ez-aktiboak edo bazkide ez-erabiltzaileak eta bazkide eszedentziadunak<br />
31. artikulua.– Bazkide ez-aktiboak edo bazkide ez-erabiltzaileak eta bazkide<br />
eszedentziadunak<br />
1.– Kooperatibaren estatutuetan, honako hau aurreikusi ahal izango da: justifikatutako<br />
arrazoi batengatik, eta behar besteko antzinatasuna izanik –estatutuetan ezarritako<br />
gutxienekoa– kooperatibak ematen dituen zerbitzuak erabiltzeari edo kooperatibajarduera<br />
egiteari uzten dioten bazkideek bazkide izaten jarraitzea bazkide ez-aktibo<br />
edo bazkide ez-erabiltzaile bihurtuta.<br />
2.– Bazkide horiek estatutuetan ezarritakoaren ondoriozko eskubide eta betebeharrak<br />
izango dituzte, baina haien botoak ezin izango dira sozietateko boto guztien bostena<br />
baino gehiago izan.<br />
3.– Jarduerarik ez egitea bazkidea erretiratuta egotearen ondorioa bada, lanean<br />
diharduten bazkideei dagokiena baino handiagoa izan ahalko da hark sozietatearen<br />
kapitalari egindako ekarpenari dagokion interesa, baina 63. artikuluan ezarritako<br />
muga errespetatu beharko da.<br />
4.– Sozietatearen estatutuetan, jarduera aldi baterako utzi duen bazkidearen figura<br />
erregulatu ahal izango da, hau da, eszedentziadunarena. Bazkide horri dagozkion<br />
eskubideak eta betebeharrak estatutuetan ezarriko dira.<br />
4.14.1. Berrikuntza nagusiak aurreko araudiaren aldean<br />
Oraingo EKLren 31. artikuluak lehengo EKLren 30. artikuluaren edukia dakar. Hala ere,<br />
berrikuntza garrantzitsua erantsi du, bazkide ez-aktiboekin edo ez-erabiltzaileekin batera,<br />
eszedentzian dauden bazkideak kontuan hartzen baititu. Izan ere, eszedentzian dauden<br />
bazkideen aipamena berriren berri jaso da EKL berrian, eta horren ondorioz, 4. paragrafoa<br />
gehitu da, eta, gainera, bazkide horiek berariaz aipatu dira izenburuan.<br />
107
BAZKIDEAK<br />
Garrantzi txikiagoko aldaketa gisa, 1. zenbakian berariaz aipatzen da bazkide ez-aktibo<br />
edo ez-erabiltzailearen izaera, eta bereizketa hori kooperatibaren jarduera egiteari uzten<br />
diotenak eta kooperatibak emandako zerbitzuak erabiltzeari uzten diotenak lotzen ditu,<br />
hurrenez hurren.<br />
Era berean, bai manuaren izenburuan, bai edukian, aldaketa terminologikoa hautematen da<br />
gaztelaniazko bertsioan, «socios» agertu beharrean, «personas socias» baitakar, arau osoan<br />
gertatzen den bezala, generoaren arloan hizkuntza ez-diskriminatzailea erabiltzeko helburuz.<br />
Azkenik, lehengo EKLren 3. atalak egiten zuen arau horren 60. artikuluaren aipua,<br />
oraingoan, 63. artikuluarena egiten du.<br />
4.14.2. Iruzkin orokorra eta esanahi praktikoa<br />
EKLren 31. artikuluak kooperatibei ahalmena ematen die estatutuetan bazkide ez-aktibo<br />
edo ez-erabiltzaile eta eszedentzian dauden bazkideen nondik norakoak arautzeko.<br />
EKLk gutxieneko eskubide absolutu batzuk baino ez ditu zehazten. Hala, 1. atalak<br />
bazkide ez-aktibotzat edo ez-erabiltzailetzat zer ulertu behar den zehaztem du. Bestalde,<br />
2. paragrafoak xedatzen duenez, bazkide horien botoak ezingo dira sozietatearen guztizko<br />
botoen bostena baino gehiago. Azkenik, 3. paragrafoak zehazten duenez, jarduerarik eza<br />
bazkidearen erretiroak eragiten badu, kapital sozialera egindako ekarpenaren zioz ordaindu<br />
beharreko interesa jardunean dauden bazkideena baino handiagoa izan ahalko da, betiere<br />
63. artikuluak ezarritako mugari jaramon eginda, hau da, diruaren legezko interesa gehi sei<br />
puntu.<br />
Bestalde, 4. atal berriak eszedentzian dauden bazkideak eta jarduera aldi baterako egiteari<br />
uzten diotenak parekatzen ditu. Hau da, bazkide ez-aktiboaren modalitatea dugu eszedentzian<br />
dagoen bazkidearena, eta jarduerarik eza aldi baterako izatea du ezaugarri. Bazkide ez-aktibo<br />
edo ez-erabiltzaileen kasuan arautu ez bezala, ez da aipatzen egoera horri «justifikatutako<br />
edozein arrazoirengatik» heldu ahal zaionik eta estatutuetan zehaztu beharreko gutxieneko<br />
antzinatasunetik aurrera onartu ahalko denik. Hau da, badirudi ondoriozta daitekeela<br />
eszedentzian dauden bazkideen kasuan estatutuek mugatu egin ditzaketela horiek eskuratzeko<br />
arrazoiak; hau da, estatutuek zehaztu egin ditzakete, bazkideak alegatu arte itxaron gabe,<br />
ondoren balioesteko. Gutxieneko antzinatasuna dela eta, ez dirudi legegilearen isiltasunak<br />
garrantzi handirik duenik, gai hori ere estatutuetan arautu baitaiteke.<br />
Eszedentzian dagoen bazkidearen modalitatea gehituta, areago zabaltzen dira kooperatibetan<br />
ohiz kanpoko bazkideak izateko aukerak; izan ere, nahiz eta jarduera kooperatibizatuan ez<br />
aritu, batez ere, sozietate-errolda txikia duten kooperatibetan, bakide horiek aukera ematen<br />
dute jarduera kooperatibizatua garatzeko behar den kapital soziala eskuratzeko. Zalantzarik<br />
gabe, aipaturiko baldintzetan eszedentzian dagoen bazkidearen nondik norakoak estatutuetan<br />
arautuz gero, kooperatiban jarduera-aldietatik jarduerarik gabeko aldietara igarotzeko modua<br />
ematen duten egoerak jaso ahalko dira, bai eta alderantzizkoak ere, bazkidearen estatusa<br />
horregatik galdu gabe, nahiz eta bazkidearen eskubide batzuk mugatu jarduerarik ezaren<br />
ondorio gisa (adibidez: ekarpenak itzultzeko eskubidea galtzea, kooperatibako zuzendaritzaorganoetako<br />
kide izateko ezintasuna, batzar orokorrean botoa emateko eskubidea galtzea).<br />
108
BAZKIDEAK<br />
Hala, estatutuetan, eszedentziatzat tipifika daitezke borondatezko eszedentziak, adingabeak<br />
eta senideak zaintzeagatik sortutakoak barne, bai eta nahitaezko eszedentziak ere,<br />
kidetasunagatik, lan-eszedentziekin parekatuta, hala nola kargu publiko bat betetzeagatiko<br />
edo kooperatiba-mugimenduan kargua betetzeagatiko etendurak, dena delako bazkidea<br />
izendatu edo hautatu dutelako.<br />
109
5. KOOPERATIBAREN ORGANOAK:<br />
BATZAR OROKORRA* 1<br />
5.1. Kooperatibaren organoak<br />
32. artikulua.– Organo motak.<br />
1.– Kooperatibetan beharrezkoak diren organoak:<br />
a) Batzar orokorra.<br />
b) Administrazio-organoa.<br />
2.– Sozietatearen estatutuetan, erregulatu ahal izango dira zaintza-batzordearen,<br />
sozietate-kontseiluaren eta errekurtso-batzordearen sorrera eta funtzionamendua,<br />
lege honetan aurreikusitakoaren arabera. Beste batzuk ere sortu ahal izango dira,<br />
baina halakoek ez dituzte inolaz ere izango aipaturiko organoen funtzio eta eskumen<br />
berak. Halaber, aukera eman ahal izango dute beren bazkideak organo horietara<br />
bitarteko elektronikoen bidez bertaratzeko 48. artikuluaren 2. zenbakiaren bigarren<br />
eta hirugarren paragrafoetan xedatutako eran.**<br />
3.– Kooperatibako organoek lege honetan ezarritakoaren arabera jardungo dute;<br />
legearen osagarri izango dira sozietatearen estatutuak, barne-erregelamendua edo<br />
kooperatibaren funtzionamendua behar bezala antolatzeko hartzen den edozein<br />
erabaki baliodun.<br />
4.– Sozietate kooperatiboek eta beren elkarte egiturek ahaleginak egingo dituzte<br />
emakumeen eta gizonen presentzia orekatua izan dadin beren organo guztietan.<br />
Halaber, genero-berdintasuneko neurriak ezarriko dituzte, eta, bereziki, bizitza<br />
pertsonala, familia eta lana bateratzeari begirakoak.<br />
5.1.1. Berrikuntza nagusiak aurreko araudiaren aldean<br />
a) Artikulu hau, berez, berritzailea da, ez hainbeste edukiagatik, kooperatibaren<br />
sozietate-organoen sarrerako esparrua delako baizik. Izan ere, legearen barruan<br />
dago, 11/2019 Legearen V. kapituluaren hasieran, kapitulua osatzen duten ataletan<br />
sozietate-organo bakoitza arautzen hasi aurretik. Horrela, kooperatibako organoen<br />
erregulazioa sistematizatzen da, kooperatibaren organoak, jardunbideari buruzko<br />
araudi aplikagarria eta sorreran zein antolaketan errespetatu beharreko printzipioak<br />
barne hartzen dituen hasierako manu bat txertaturik.<br />
* Enrique Gadea Soler doktoreak, Deustuko Unibertsitateko Merkataritza Zuzenbideko katedradunak,<br />
eta Alberto Atxabal Rada doktoreak, Deustuko Unibertsitateko Finantza eta Tributu Zuzenbideko<br />
katedradunak, egindako iruzkina.<br />
** Euskadiko Kooperatiben abenduaren 20ko 11/2019 legea aldatzeko urriaren 7ko 5/2021 Legearen<br />
bigarren artikuluaren araberako idazketa<br />
111
KOOPERATIBAREN ORGANOAK: BATZAR OROKORRA<br />
b) Kapitulu honetan, izaera bikoitzeko kooperatibaren zenbait organo arautu dira:<br />
organo batzuk beharrezkotzat jotzen dira eta, beraz, edozein kooperatiba-motatan<br />
egon behar dute, hala nola batzar orokorra eta administrazio-organoa; beste organo<br />
batzuk hautazkoak dira, hala nola zaintza-batzordea, sozietate-kontseilua eta<br />
errekurtso-batzordea, eta kooperatiban sortuko dira bazkideek hala nahi badute.<br />
Lehen aipatutakoez gain, EKLk atea ireki dio organo osagarriak sortzeari, baldin eta<br />
aurreko sozietate-organoei dagozkien funtzioak edo eskumenak beren gain hartzen<br />
ez badituzte.<br />
c) Beste berrikuntza bat dugu sozietatearen organoei aplika dakiekeen araudiaren<br />
berariazko idazketa. Hala, kooperatibaren sozietate-organoen funtzionamendua<br />
EKL berak, sozietate-estatutu, barne-erregelamenduak edo helburu horri loturik<br />
baliozkotasunez onartutako edozein erabakik finkatuko dute. Halaber, kideek organo<br />
horietara bertaratzeko aukera gehitu da bide telematikoak erabilita, batzar orokorrera<br />
edota artezkaritza-kontseilura bertaratzeko egiten den bezala.<br />
d) EKLren 32. artikuluaren laugarren paragrafoa ere berria da. Kooperatiben eta haien<br />
sozietate-egituren jarduera-printzipio batzuk ezartzen ditu, hartzen duten forma<br />
edozein dela ere. Lehenik eta behin, bazkideen ordezkaritza orekatua errespetatu<br />
behar dela arautzen da sozietate-organo guztietan, eta EKLk gehitzen duenez,<br />
sozietate-egitura guztietan. Eta, bigarrenik, berrikuntza gisa, genero-berdintasuna<br />
sutatzeko neurriak legez ezarri behar direla nabarmendu behar da, batez ere<br />
kooperatiba-sozietateetan eta horien sozietate-egituretan, norbanakoen bizitza, familia<br />
eta lana bateragarri egiteko helburuz.<br />
5.1.2. Iruzkin orokorra eta esanahi praktikoa<br />
a) EKLren I. tituluaren V. kapituluan (“kooperatibaren organoak”) kooperatibaren<br />
sozietate-organoak sailkatu eta arautzen dira. Batzar orokorrak, administrazioorganoak<br />
edo artezkaritza-kontseiluak, zaintza-batzordeak, sozietate-kontseiluak<br />
eta errekurtso-batzordeak kooperatibaren sozietate-organoak osatzen dituzte.<br />
Lehenengo biak nahitaez sortu behar dira kooperatibak jardun dezan, hau da, batzar<br />
orokorrak eta administrazio-organoak egon behar dute sozietatearen borondatea<br />
eratzeko eta kooperatibaren jarduera antolatzeko. Bi organo horien beharra indartu<br />
egiten da kooperatiba-sozietate txikien kasuan; izan ere, EKLren 140. artikuluak<br />
sozietate-organo gisa arautzen dituen bi organo bakarrak dira, eta ez da besterik<br />
aipatzen. Nahitaezko organo horiez gain, EKLk beste organo batzuk sortzeko modua<br />
ematen du, borondatezkoak edo aukerakoak direla, eta, beraz, azkenek garrantzi<br />
erlatiboa dute kooperatibarentzat. Organo horiek izatea ala ez izatea kooperatibaren<br />
aukera da. Nolanahi ere, hautazko organoek ezin dituzte euren gain hartu legeak<br />
beharrezko organoentzat finkatzen dituen eginkizunak; aitzitik, batzar orokorraren<br />
eta administrazio-organoaren eginkizun osagarriak beren gain hartzen dituzten<br />
organoak dira, hala nola administrazio-organo horrek hartutako erabakien kontrola<br />
edo erabakiak hartzerakoan hari aholkua ematea. Hautazko organoen erregulazioa<br />
zehatzago aztertuko da EKLren 53. artikulutik 58.era bitartekoak aztertzen direnean<br />
eta, hortaz, artikulu horiek irakurtzeari lotzen gatzaizkio.<br />
112
KOOPERATIBAREN ORGANOAK: BATZAR OROKORRA<br />
b) EKLn berariaz araututako sozietate-organo horiekin batera, funtzio eta eskumen<br />
osagarriak betetzen dituzten beste sozietate-organo batzuk sortzeko aukera zabalik<br />
dago. Horrela, 1993ko EKLren zerrenda itxia, artikuluetan arautu gabeko sozietateorgano<br />
berriak ezartzeko debekutzat jo zitekeena, gainditu egin da. 1982ko EKLk,<br />
aldiz, bazekarren beste organo gehigarri batzuen sorrera ahalbidetzen zuen legearauketa.<br />
Beraz, jatorrizko erregulazioa berreskuratu da, eta lehen aipatutakoez<br />
bestelako organoak sortzeko aukera eman da. EKLn, ordea, ez da zehaztu beste<br />
sozietate-organo horiek har ditzaketen izena, ezta eginkizunak ere, kooperatibaren<br />
erabakiaren esku geratzen baitira. EKLk organoen jarduera-eremua mugatzen du,<br />
besterik gabe, argiro ezartzen baitu ez dituztela beteko, inola ere, gainerako sozietateorganori<br />
esleitutako eginkizunak eta eskumenak.<br />
c) Kooperatibaren sozietate-organoak EKLn jasotako araudiari, sozietatearen estatutuei<br />
eta barne-erregelamenduari edo, halakorik baleude, sozietatearen erabakiei jarraiki<br />
erregulatuko dira, haien funtzionamendua arautzerakoan. EKLren aipamena<br />
saihestezina da, baita sozietatearen estatutuen aipamena ere. Gainera, askotan,<br />
sozietate-estatutuek hitzez hitz jasotzen dituzte EKLren aginduak, eta, beraz, indartu<br />
egiten dute sozietate-funtzionamenduaren erregulazioa, EKLn bertan araututa<br />
dagoen bezala. Hala eta guztiz ere, EKLren 32.3 artikuluak ez du araudi aplikagarria<br />
mugatzen bi zuzenbide-iturri horietara, eta, hala badagokio, kooperatibako bazkideen<br />
borondatea adierazteko beste tresna batzuetara ere zabaltzen du, hala nola barneerregelamendura<br />
eta helburu hori duten eta baliozkotasunez hartutako beste erabaki<br />
batzuetara. EKLren 32.3 artikuluan ez da beren-beregiko inolako hierarkiarik ezarri<br />
kooperatibaren zuzenbide-iturriak aplikatzerakoan, baina horiek aipatzen direneko<br />
hurrenkerak aukera ematen digu, isilbidez bada ere, nolabaiteko arau-hierarkia bat<br />
igartzeko. Horrela, EKLren manuek lehentasuna izango dute sozietate-estatutuen<br />
gainetik, eta estatutu horiek lehentasuna izango dute barne-erregelamenduaren<br />
eta kooperatibak baliozkotasunez har dezakeen beste edozein akordioren gainetik.<br />
Ondoriozta dezakegu, halaber, azken horien existentzia, hots, barne-erregelamenduaren<br />
eta sozietatearen akordioena, ez dela nahitaezkoa; aitzitik, sozietate-organoen<br />
funtzionamenduaren erregulazio nagusia beti jaso behar da legezko manuetan eta<br />
kooperatibaren estatutuetako manuetan. Halaber, sozietate-organo horien bileretara<br />
bide telematikoen bidez bertaratzeko aukera ezarri da, berariaz EKLren 36. artikuluan<br />
(batzar orokorrerako) eta EKLren 48. artikuluan (artezkaritza-kontseilurako) ezarri<br />
bezala, arauketa guztia EKLren 48 artikulu horren 2. eta 3. puntuetan jasotakoari<br />
igorriz. Irakurleari 48 artikuluaren iruzkinera bidaltzen dugu, beraz.<br />
d) EKLren 32. artikuluaren laugarren paragrafoak kooperatiben munduari datxekion<br />
ohiko xedapena jasotzen du. Bertan arautzen denez, kooperatibek bazkideen<br />
ordezkaritza orekatua erabiliko dute sozietate-organoetan. Atal horrek EKLren<br />
1.2 artikuluaren arauketa garatzen du, honako hau esaten duelarik: “Kooperatibak<br />
Nazioarteko Kooperatiba Aliantzaren printzipio kooperatiboetara egokitu beharko<br />
ditu egitura eta funtzionamendua, eta printzipio horiek lege honen esparruan<br />
aplikatuko dira”. EKLren 32. artikuluak dioenez, kooperatiba-sozietateek eta<br />
113
KOOPERATIBAREN ORGANOAK: BATZAR OROKORRA<br />
haien sozietate-egiturek bazkideen presentzia orekatua bilatuko dute organoetan.<br />
Ildo horretan, ezin da parekatu lehen mailako kooperatiba baten egoera, non<br />
bazkidearen ordezkaritzak, ahal den neurrian, boto-eskubidean islatzen den (bazkide<br />
bat, boto bat), berdintasunik handiena bilatuta, eta bigarren mailako edo goragoko<br />
mailako kooperatiba batena, non bazkideen arteko orekak, berdintasun-harremana<br />
baino, proportzionaltasuna erdietsi nahi duen, eta halaxe adierazten du EKLren<br />
149. artikuluak. EKLk aukera baten edo bestearen aldeko aukera zabalik uzten du,<br />
kooperatiba-sozietateko eta haien sozietate-egituretako bazkideen presentzia orekatua<br />
izatea baita kontua, bazkideak ordezkatzeko tresna bakarraren alde egin gabe.<br />
e) Ikuspegi sistematiko batetik, EKLren 32. artikuluaren laugarren zenbakia in fineren<br />
kokapena ez dirudi egokiena denik. Gogora dezagun manu horrek honako hau<br />
xedatzen duela: “Sozietate kooperatiboek eta haien sozietate-egiturek ahaleginak<br />
egingo dituzte (…). Halaber, genero-berdintasuneko neurriak ezarriko dituzte, eta,<br />
bereziki, bizitza pertsonala, familia eta lana bateratzeari begirakoak”. Agerikoa<br />
dirudi 32.4 artikuluak kooperatibaren sozietate-organoen eremua gainditzen duela,<br />
kooperatibaren jarduera osoan aplikatzeko, baita kooperatiba txertatzen den edozein<br />
sozietate-egituraren jardueran ere. Kooperatibaren barruan genero-berdintasuna<br />
sustatzeko eta norberaren bizitza, familiakoa eta lanekoa uztartzeko neurriak<br />
hartzeko proposatzen da. Neurri horiek sozietate-organoen sorreran, osaeran,<br />
antolaketan eta funtzionamenduan arautu beharko dira, baina, zalantzarik gabe,<br />
kooperatibaren eguneroko jarduerari ere aplikatu beharko zaizkio, nahi bada, indar<br />
handiagoz. Horrela, berariaz txertatu dira Emakumeen eta Gizonen Berdintasun<br />
eragingarrirako martxoaren 22ko 3/2007 Lege Organikoaren IV. tituluan agertzen<br />
diren manuak. Artikuluaren aplikazio-eremuaren barruan kokatu behar ditugu,<br />
zalantzarik gabe, lan elkartuko kooperatibetako bazkide langileak eta gainerako<br />
kooperatibetako lan-bazkideak, berdintasuna sustatzeko eta norberaren bizitza,<br />
familiakoa eta lanekoa uztartzeko neurriei dagokienez. Baina ez ditugu ahaztu behar,<br />
inondik inora, kooperatibak kontrata ditzakeen besteren konturako langileak, horiek<br />
ere manu horren babespean baitaude; izan ere, manu hori ez da kooperatibak bere<br />
bazkideekin dituen harremanetara mugatzen, kooperatibaren eta haren sozietate-<br />
-egituren jarduera orokorrari lotzen baitzaio. Beraz, ondorioztatu behar dugu<br />
kooperatibek genero-berdintasuna sustatzeko eta norberaren bizitza, familiakoa eta<br />
lanekoa uztartzeko har ditzakeen neurriek kontuan hartu beharko dutela bazkideen<br />
egoera, bai eta soldatapeko langileena ere.<br />
5.1.3. Beste arau aplikagarri batzuk<br />
Genero-berdintasuna sustatzeko neurriei dagokienez, Emakumeen eta Gizonen Berdintasun<br />
eragingarrirako martxoaren 22ko 3/2007 Lege Organikoaren IV. titulua aplikatu behar da,<br />
baita norberaren bizitza, familiakoa eta lanekoa uztartzearen arloko lan-legeria ere, lan<br />
elkartuko kooperatibetako bazkide langileei eta gainerako kooperatibetako lan-bazkideei<br />
dagokienez, bai eta besteren kontura kontratatutako langileei dagokienez ere.<br />
114
KOOPERATIBAREN ORGANOAK: BATZAR OROKORRA<br />
5.2. Batzar orokorra: kontzeptua eta eskumenak<br />
33. artikulua.– Batzar orokorra. Kontzeptua eta eskumenak.<br />
1.– Kooperatibako batzar orokorra bazkideen bilkura da, bere eskumeneko arloez<br />
eztabaidatu eta erabakiak hartzeko sortua.<br />
2.– Bazkide guztiek bete behar dituzte batzar orokorraren erabakiak.<br />
3.– Batzar orokorrak baino ez du izango honako erabaki hauek hartzeko eskumena:<br />
a) Isilpeko boto bidez honako hauek izendatzea eta ezeztatzea: administratzaileak,<br />
zaintza-batzordeko kideak, kitatzaileak eta, hala badagokio, errekurtso-batzordeko<br />
eta sozietate-kontseiluko kideak. Era berean, erantzukizun-akzioa egikaritu ahal<br />
izango du horien guztien aurka.<br />
b) Kontu-auditoreak izendatzea eta ezeztatzea, bakarrik hartarako arrazoi zuzen<br />
bat dagoenean.<br />
c) Sozietatearen kudeaketa aztertzea, eta urteko kontuak eta soberakinen banaketa<br />
edo galera-egozpena onartzea.<br />
d) Nahitaezko beste ekarpen batzuk ezartzea, eta zehaztea zer interes sortuko<br />
dituzten kapitalari egindako ekarpenek, eta zein diren bazkide bihurtzeko edo<br />
aldian-aldian egin beharreko ekarpenak.<br />
e) Obligazioak, partaidetza-tituluak eta partaidetza bereziak, edo 68. artikuluan<br />
aurreikusitako beste finantzaketa mota batzuk jaulkitzea, hargatik eragotzi gabe<br />
62.2 artikuluan ezarritakoa.<br />
f) Sozietatearen estatutuak aldatzea.<br />
g) Bigarren edo maila handiagoko kooperatibak, kooperatiba-taldeak eta antzeko<br />
beste entitate batzuk sortzea, bai eta horietara atxikitzea edo horietatik bereiztea<br />
ere.<br />
h) Sozietatearen bat-egitea, zatitzea, transformatzea eta desegitea.<br />
i) Estatutuen arabera kooperatibaren ekonomiaren, antolaketaren eta funtzioen<br />
egituretan oinarrizko aldaketak eragin ditzaketen beste erabaki guztiak hartzea.<br />
j) Kooperatibaren barne-erregelamendua onartu edo aldatzea.<br />
k) Legeak ezartzen dituen gainerako erabakiak hartzea.<br />
4.– Era berean, batzar orokorrak kooperatibarentzat interesgarriak diren gai guztiez<br />
eztabaidatu ahal izango du, baina behartze-indarreko erabakiak hartu, lege honen<br />
arabera sozietateko beste organo baten eskumen esklusiboa ez diren arloetan<br />
bakarrik hartuko ditu.<br />
5.– Ezin izango dira delegatu legearen arabera batzar orokorraren erabakia eskatzen<br />
duten egintzei buruzko eskumenak, salbu eta artikulu honen 3.g atalean adierazten<br />
den kooperatiba-integrazioko prozesuetarako aurreikusitakoak.<br />
5.2.1. Berrikuntza nagusiak aurreko araudiaren aldean<br />
a) Batzar orokorraren kontzeptuari dagokionez, bere baitan hartzen diren erabakien<br />
115
KOOPERATIBAREN ORGANOAK: BATZAR OROKORRA<br />
aplikazio-eremua, batzar orokorrari era esklusiboan esleitzen zaizkion erregulaziogaiak,<br />
sozietatearen gaiei buruzko eztabaida-eskumenak eta kooperatibaren barruan<br />
arautu daitezkeen gaiei buruzko mugak direla eta, funtsean, 1993ko EKLn ageri zen<br />
erregulazioari eutsi zaio, gaingiroki, eta, beraz, berrikuntzak oso txikiak eta garrantzi<br />
txikikoak dira.<br />
b) Zehazki, desberdintasunak daude EKLren 33.2 artikuluaren e) eta g) letretan,<br />
aurretik indarrean zegoen araudiarekin alderatuta. E) letraz denaz bezainbatean,<br />
kooperatiba zor-tituluen bidez finantzatzea dela eta, batzar orokorraren erabakia<br />
behar da obligazioak, partaidetza-tituluak eta partaidetza bereziak jaulkitzeko,<br />
artean, aurreko legean aipatzen zirenak. Oraingo EKLk, gainera, batzar orokorraren<br />
erabakiaren beharra ezarri du beste finantzaketa-tresna batzuetan, hala nola<br />
partaidetza-kontuetarako eta bazkideak edo bazkideak ez diren hirugarrenek egiten<br />
duten borondatezko finantzaketa, EKLren 68. artikuluak xedatu bezala.<br />
c) Azkenik, EKLren 33.3 artikuluaren g) letran, ezabatu egin da kooperatibakorporazioen<br />
aipamena, eta horren ordez, maila handiagoko kooperatibak eta<br />
kooperatiba-taldeak aipatzen dira; beraz, kooperatiba maila handiagoko entitate<br />
horietan txertatzeko, batzar orokorraren erabakia beharko da.<br />
5.2.2. Iruzkin orokorra eta esanahi praktikoa<br />
a) Batzar orokorra kooperatibaren organo gorena eta subiranoa da, eta bertan adierazten<br />
da sozietatea osatzen duten bazkideen borondatea. Organo gorenaren izaera hori<br />
legez esleituta dituen eskumenetatik ondoriozta daiteke, hala nola kooperatibako<br />
gainerako sozietate-organoetako kideak izendatzea eta kargutik kentzea, edo<br />
batzarrak bere jardunari buruzko beste ezein sozietate-organoren aurrean konturik<br />
eman behar ez izatea.<br />
Legezko definizioaren arabera, kooperatibaren batzar nagusia bazkideen bilera edo<br />
batzarra da, eta bere eskumeneko gaien inguruan eztabaidatu eta erabakiak hartzeko<br />
helburua du, hartutako erabakiak bazkide guztiei lotzen zaizkiela. Kontuan izan<br />
behar da batzarraren erabakiek bazkide guztiak lotzen dituztela, baita batzarrean<br />
parte hartu ez duten edo biltzarraren erabakiaren aurka bozkatu duten bazkideak ere.<br />
Batzar orokorra, beraz, kide anitzeko organoa da, eta bazkide guztiek osatzen<br />
dute, kooperatiben kudeaketa arautzen duen printzipio demokratikoari jarraituz,<br />
kooperatiben borondate soziala finkatzeko. Batzarrean, kooperatibaren kontrol<br />
demokratikoa gauzatzen da, bazkideek batzarraren bidez kooperatibaren politikak<br />
finkatzen eta erabakiak hartzen parte hartzen baitute. Bazkideentzako erabaki<br />
lotesleak hartzeko, aurretiazko baldintza batzuk bete behar dira batzarrerako<br />
deialdiari, nahikoa bazkide egoteari eta erabakiak baliozko boto kopuruaren arabera<br />
hartzeari dagokienez.<br />
b) Batzar orokorrak kooperatibaren politika orokorra finkatzen du bere eskumenekoak<br />
diren gaietan. Batzarra ez da ahal osokoa edo ahalguztiduna kooperatibaren barruan;<br />
izan ere, EKLk sozietate-organoen artean banatzen ditu erabakiak hartuko direneko<br />
116
KOOPERATIBAREN ORGANOAK: BATZAR OROKORRA<br />
gaiak, eta sozietate-organo batek ezin izango du beste baten erabakietan esku hartu<br />
legez edo estatutuen arabera eskumena duen gaietan. Eskumenen banaketa hori<br />
zentzuzkoa da, batzarraren funtzionamendua noizbehinkakoa eta etena delako, eta<br />
horrek, besteak beste, kudeaketa-zereginak bere gain hartzeko gaitasunik gabe uzten<br />
duelako praktikan.<br />
Batzar orokorrari bakarrik dagokio honako erabaki hauek hartzea:<br />
a) Isilpeko boto bidez honako hauek izendatzea eta ezeztatzea: administratzaileak,<br />
zaintza-batzordeko kideak, kitatzaileak eta, hala badagokio, errekurtsobatzordeko<br />
eta sozietate-kontseiluko kideak. Era berean, erantzukizun-akzioa<br />
egikaritu ahal izango du horien guztien aurka.<br />
b) Kontu-auditoreak izendatzea eta ezeztatzea, bakarrik hartarako arrazoi zuzen bat<br />
dagoenean.<br />
c) Sozietatearen kudeaketa aztertzea, eta urteko kontuak eta soberakinen banaketa<br />
edo galera-egozpena onartzea.<br />
d) Nahitaezko beste ekarpen batzuk ezartzea, eta zehaztea zer interes sortuko<br />
dituzten kapitalera egindako ekarpenek, eta zein diren bazkide bihurtzeko edo<br />
aldian-aldian egin beharreko ekarpenak.<br />
e) Obligazioak, partaidetza-tituluak eta partaidetza bereziak, edo 68. artikuluan<br />
aurreikusitako beste finantzaketa mota batzuk jaulkitzea, hargatik eragotzi gabe<br />
62.2 artikuluan ezarritakoa. Artikulu horien iruzkinari lotzen gatzaizkio, edukia<br />
eta irismena hobeto uler dadin.<br />
f) Sozietatearen estatutuak aldatzea, EKLren 79. artikuluak, udalerri beraren barruan,<br />
sozietatearen egoitza aldatzeari buruz diharduenak, araututako salbuespenaz.<br />
g) Bigarren edo maila handiagoko kooperatibak, kooperatiba-taldeak eta antzeko<br />
beste entitate batzuk sortzea, bai eta horietara atxikitzea edo horietatik bereiztea<br />
ere.<br />
h) Sozietatearen bat-egitea, zatitzea, transformatzea eta desegitea.<br />
i) Estatutuen arabera kooperatibaren ekonomiaren, antolaketaren eta funtzioen<br />
egituretan oinarrizko aldaketak eragin ditzaketen beste erabaki guztiak hartzea.<br />
Beste alde batetik, erabakiek estatutuen aldaketa eragingo badute, nahitaezkoa<br />
izango da beti batzar orokorraren erabakia, legezko xedapen honetan jasotako<br />
erabakiaren irismena balioesteko beharrik gabe. Atal horrek, adibidez,<br />
sozietatearen estatutuetan jaso beharrik ez dagoen ekoizpen-lantegi berria<br />
irekitzeko erabakia ukitzen du. Era berean, administrazio-organoari aparteko<br />
administrazio-egintzak egiteko ematen zaion ahal orokorra kontuan hartuta,<br />
modu murriztailean interpretatu beharko genuke atala, administrazio-organoaren<br />
eskumenei ez eragiteko. Horrenbestez, egokiena litzateke batzar orokorrak<br />
erabaki beharreko funtsezko aldaketatzat har daitezkeen kasuak estatutuetan<br />
mugatzea.<br />
j) Kooperatibaren barne-erregelamendua onartu edo aldatzea.<br />
117
KOOPERATIBAREN ORGANOAK: BATZAR OROKORRA<br />
k) Legeak ezartzen dituen gainerako erabakiak hartzea.<br />
Sozietatearen estatutuek zabal dezakete batzar orokorrak erabakiak hartzeko<br />
eskumen esklusiboa izango duen gaien zerrenda, nahiz eta, bide horretatik, ezingo<br />
lituzkeen edukiz hustu gainerako sozietate-organoen eskumenak, hau da, ezingo<br />
luke aldatu EKLk kooperatibaren sozietate-organoen artean deskribatzen duen<br />
eskumen-banaketa. Are gehiago, EKLren 42. artikuluak arautzen du administrazioorganoaren<br />
eskumena izango dela legeak edo kooperatibaren estatutuek beste<br />
sozietate-organo bati berariaz esleitzen ez dioten edozein eskumen.<br />
c) Batzar orokorraren eskumen esklusiboen zerrendak ez ditu kasu guztiak barneratzen;<br />
izan ere, EKLren artikuluetan ageri diren beste gai batzuez ere erabaki beharko du<br />
batzar orokorrak. Artikulu horien iruzkinei lotzen gatzaizkie azalpen zehatzagoa<br />
jasotzeko. Hala, adibidez, batzar orokorrak honako gai hauei buruz erabaki behar<br />
du: atal bateko bazkideen batzarraren erabakiak etetea, kooperatiban halakorik<br />
balego (6.5 artikulua); errekurtsoa ebaztea bazkideak zehatzeko erabakiaren aurkako<br />
errekurtsoa aurkezten badu (29.3.c artikulua); edo kanporatzeko erabakiaren aurkakoa<br />
aurkezten badu (28.2 artikulua), zaintza-batzorderik ez bada; lan-harremana etetea<br />
edo bazkideei nahitaezko baja ematea arrazoi tekniko, ekonomiko, antolakuntzakoak<br />
edo ekoizpenekoak edo ezinbestea tarteko (30. artikulua); administratzaileen<br />
ordainsarien urteko zenbatekoa erabakitzea (45. artikulua); administratzaileen<br />
aurkako erantzukizun-akzioak erabiltzeari uko egiteari edo transakzioari buruzko<br />
akordioa hartzea (51.1 artikulua); kapitalera ekarpenak gauzatan eta ez dirutan<br />
egiteko aukerari buruzko erabakia hartzea eta haren balorazioa onartzea (60.4<br />
artikulua); kooperatiben hezkuntzarako eta sustapenerako ekarpena aplikatzeko<br />
oinarrizko ildoak onartzea (72.1 artikulua); kooperatibaren urteko kontuak eta<br />
eta kudeaketa-txostena kanpoko ikuskaritza baten esku uztea, legez beharrezkoa<br />
ez denean (76.1.c artikulua); desegindako kooperatiba berraktibatzeko erabakia<br />
hartzea (92.5 artikulua); likidazioaren azken balantzea eta sozietatearen ondasunak<br />
banatzeko proiektua onartzea (99.2 artikulua); lan-araubidearen (105.1 artikulua)<br />
edo diziplina-araubidearen (106.1 artikulua) oinarrizko esparrua ezartzea, sozietate-<br />
-estatuturik edo barne-araubideko erregelamendurik izan ezean.<br />
d) Dena dela, batzar orokorrak kooperatibarentzat interesgarria izan daitekeen beste<br />
edozein gairi buruz eztabaidatu ahal izango du, baina eztabaida horien inguruko<br />
erabakirik ezin izango da hartu, EKLren arabera, beste sozietate-organo baten<br />
eskumen esklusiboa direneko gaietan, batez ere, kooperatibaren administrazioorganoaren<br />
gaietan. Adibidez, batzar orokorrak ezin du kooperatiba ordezkatu edo<br />
bere burua deitu, administrazio-organoaren eskumen esklusiboak direlako.<br />
Era berean, eta sozietatearen estatutuetan kontrakorik xedatu ezean, batzar orokorrak<br />
gai jakin batzuei buruzko jarraibideak eman ahal izango dizkio administrazioorganoari,<br />
eta, hala badagokio, baimena eskatu ahal izango dio erabaki-organo horri<br />
edo erabakiak edo akordio zehatzak hartzeko, betiere administrazio-organo horren<br />
eskumenak babesten badira. Nolanahi ere, aukera hori salbuespenezkoa edo unean<br />
unekoa izango da, eta lotuta egon beharko du batzar orokorrak kooperatibaren<br />
oinarrizko politika finkatzeko daukan eskumenarekin.<br />
118
KOOPERATIBAREN ORGANOAK: BATZAR OROKORRA<br />
e) Gainera, batzar orokorrak ezin die beste sozietate-organo batzuei eskuordetu era<br />
esklusiboan esleitzen zaizkion gaiei buruzko erabakiak hartzea. Eta, jakina, batzarra<br />
gai horiei buruzko erabakiak hartzeko organo eskudun bakarra denez, deuseza<br />
izango da beste sozietate-organo batek gai horiek jorratzen dituen edozein erabaki,<br />
edo batzarraz bestelako organo bati edo batzuei eginkizun horietakoren bat agintzen<br />
dien edozein estatutu-arau. Salbuespen gisa, EELren 33.2.g) artikuluan jasotako<br />
integrazio kooperatiboko prozesuak direnean, beste organo batzuei eskuordetzea<br />
onartzen da, batez ere, administrazio-organoari. Irakurlea EKLren 152.etik 154.era<br />
bitarteko artikuluen iruzkinetara igorriko dugu, salbuespen hori zehatzago azaltzeko.<br />
5.2.3. Beste arau aplikagarri batzuk<br />
Estatuko legeak ez dakar berrikuntzarik, eta EELk arlo horretan ezarritako erregulazioa<br />
ere ez du osatzen.<br />
5.3. Batzar orokor motak<br />
34. artikulua.– Batzar orokor motak.<br />
Batzar orokorrak ohikoak edo bereziak izango dira. Ohiko batzar orokorraren helburu<br />
nagusia da sozietatearen kudeaketa aztertzea, urteroko kontuak onartzea, beharrezkoa<br />
bada, eta, hala badagokio, soberakinak banatzeari edo galerak egozteari buruz ebaztea.<br />
Bestalde, gai-zerrendan batzarraren eskumenekoa den beste edozein gai gehitu ahal izango<br />
du. Gainerako batzar orokor guztiak bereziak izango dira.<br />
5.3.1. Berrikuntza nagusiak aurreko araudiaren aldean<br />
Ez dago aldaketarik aurreko araudiarekin alderatuta.<br />
5.3.2. Iruzkin orokorra eta esanahi praktikoa<br />
a) EKLk batzar orokor ohikoak eta ezohikoak bereizten ditu. Batzar orokorra ohikoa<br />
izango da horren xede nagusia sozietatearen kudeaketa aztertzea denean, edo urteko<br />
kontuak onestea, hala badagokio, edo soberakinak banatzeari edo galerak egozteari<br />
buruzko erabakia hartzea, halakorik balego. Era berean, batzarraren eskumeneko<br />
beste edozein gai sartu ahal izango du aztergaien zerrendan. Ezaugarri horiekin<br />
batera, ohiko batzar orokorra ezohiko batzarretik bereizteko beste irizpide batzuk<br />
hauek dira: batzar hori nahitaez egin beharra eta bazkideek batzarra egiteko eskaeran<br />
bete beharreko baldintzak (hurrengo artikulua aztertzean aipatuko ditugu horiek).<br />
Hala, ekitaldi ekonomiko bakoitzean, gutxienez, ohiko batzar bat egiteko beharra<br />
ezarrita dago.<br />
b) Bazterketaz, deitzen den beste zeinahi batzar orokor ezohikoa izango da. Ohiko<br />
batzarren erabakiak jasotzen ez dituzten batzar guztiak ezohiko batzartzat joko dira.<br />
Ez dira beharrezkoak, aukerakoak baizik, eta urteko edozein unetan egin daitezke,<br />
119
KOOPERATIBAREN ORGANOAK: BATZAR OROKORRA<br />
baita urte berean ezohiko batzar bat baino gehiago ere, behar izanez gero. Hala ere,<br />
horrek ez du esan nahi horretarako legitimazioa duen pertsonaren batek ezohiko<br />
batzarrerako deialdia egitea eskatzen badu, batzar hori egitea nahitaezkoa eta<br />
saihestezina ez denik.<br />
5.3.3. Beste arau aplikagarri batzuk<br />
KSLren 163. artikulutik 165.era artekoek 34. artikuluaren edukia, kapital-sozietateetako<br />
batzar orokorren motak arautzen dituena, osatzen dute. Adibidez, KSLren 164.2 artikuluak<br />
hau ezartzen duenean: “ohiko batzar orokorra baliozkoa izango da, nahiz eta deialdia epez<br />
kanpo egin edo batzarra bera epez kanpo egin”.<br />
5.4. Batzar orokorrerako deia<br />
35. artikulua.– Deialdia.<br />
1.– Batzar orokorrerako deia administratzaileek egingo dute.<br />
2.– Ohiko batzar orokorrerako deia * sozietatearen ekitaldia amaitu eta hurrengo sei<br />
hilabeteak igaro baino lehen egin beharko da, nahitaez. Epe hori igaro, eta ez bada ez<br />
batzarrik ez deialdirik egiten, edozein bazkidek, notario bidez edo bestelako edozein<br />
bide sinesgarri erabiliz, administratzaileei errekeritu ahal izango die batzarrerako<br />
deia egin dezatela. Errekerimendua egin, eta hortik aurrerako hamabost eguneko<br />
epean administratzaileek deirik egiten ez badute, bazkideak batzarrerako deia egin<br />
dezala eskatu ahal izango dio sozietatearen egoitza dagoen lekuko merkataritzako<br />
epaitegiari, zeinak, deia egin, eta erabakiko baitu nor izango den batzarreko burua.<br />
Batzar orokor hori, epez kanpo deitutakoa izanda ere, ohikoa izango da.<br />
3.– Batzar orokor berezia edozein unetan bilduko da, administratzaileek beren<br />
aldetik eskatuta, zaintza-batzordeak eskatuta edo boto guztien ehuneko hogei<br />
gutxienez ordezkatzen duten bazkideek eskatuta. Horretarako, administratzaileei<br />
agiri sinesgarri baten bidez egin beharko zaie eskaria, eztabaidarako gaien eta<br />
proposamen gai-zerrenda jasotzen duena. Eskaria jaso eta hortik aurrerako hogeita<br />
hamar eguneko epean ez bada egiten batzar orokorra biltzeko deirik, epailearen<br />
bidezko deia eskatu ahal izango da, aurreko zenbakian erabakitako moduan.<br />
4.– Deialdia egin eta hurrengo bost egunak igaro baino lehen, boto guztien ehuneko<br />
hamar baino gehiago ordezkatzen duten bazkideek gai-zerrendan gai bat edo gehiago<br />
sartzeko eskatu ahal izango diete administratzaileei, idatziz. Administratzaileek gai<br />
horiek kontuan hartu eta gai-zerrenda berria legeak eskatzen duen bezala argitaratu<br />
beharko dute, batzar orokorra izan baino lau egun lehenago gutxienez. Batzarraren<br />
bilera-eguna ezin izango da inola ere atzeratu.<br />
5.– Batzar orokorra biltzeko deialdia sozietatearen egoitzan eta kooperatibak bere<br />
jarduera garatzen duen leku guztietan jarriko da jendaurrean modu nabarmenean;<br />
* Legearen euskarazko itzulpenak ez du jaso erderazko bertsioaren esanahia. Erderaz, batzarra sei<br />
hilabeteetan bildu behar da nahitaez; eta euskarazko bertsioan, deia egin behar da epe horren barruan,<br />
batzarra bildu ala ez<br />
120
KOOPERATIBAREN ORGANOAK: BATZAR OROKORRA<br />
era berean, estatutuetan hala jasotzen bada, banakako eta idatzizko beste edozein<br />
komunikazio-prozeduraren bidez ere zabalduko da.<br />
Kooperatibak bostehun bazkide baino gehiago baldin baditu edo estatutuek hala<br />
eskatzen badute, sozietatearen egoitzaren lurralde historikoan hedapen handia duen<br />
egunkari batean –idatzizkoa edo digitala– ere iragarriko da deialdia.<br />
Kooperatibak web-orri korporatibo bat duenean, sozietatearen web-orrian<br />
iragarriko da batzar orokorraren deialdia, betiere batzar orokorrak hartu badu<br />
web-orria sortzeko erabakia eta Euskadiko<br />
Kooperatiben Erregistroan kooperatibarentzat irekitako orrian jasota badago<br />
erabaki hori. Horrela bada, ez da aplikatu beharko aurreko paragrafoan ezarritako<br />
betebeharra.<br />
Deialdia bazkide guztiengana helduko dela bermatzeko, legean xedatutakoez<br />
bestelako mekanismo batzuk ezarri ahal izango dira sozietatearen estatutuetan,<br />
eta sozietateari exijitu ahal izango zaio alerta-sistema telematiko bat ezar dezala<br />
bazkideentzat batzarrerako deialdia sozietatearen web-orrian egiten duenean.<br />
6.– Hau izango da deialdia jendaurrean jartzeko epea: bilera egin baino hamar egun<br />
lehenago gutxienez eta hirurogei egun lehenago gehienez.<br />
7.– Deialdian zehaztu beharko da, gutxienez, zein egunetan, zein ordutan eta non izango<br />
den bilera, bai lehenengo eta baita bigarren deialdian ere, eta bion artean ordu<br />
erdiko tartea utzi beharko da gutxienez. Horretaz gain, garbi eta zehaztasunez eta<br />
behar bezala sailkatuta jaso beharko dira gai-zerrenda osatzen duten gaiak.<br />
Datu horiez gainera, orobat adieraziko da bazkideek eskubidea dutela gai-zerrendari<br />
buruzko dokumentu guztiak sozietatearen egoitzan aztertzeko, baita, izatekotan,<br />
sozietatearen intranetean ere.<br />
8.– Artikulu honetako aurreko ataletan ezarritakoa eragotzi gabe, deialdi gabeko<br />
batzarra osatu ahal izango da baldin eta bazkide guztiak bilduta edo ordezkatuta<br />
egonik aho batez erabakitzen badute batzar unibertsala sortzea. Horretarako, denek<br />
onartu eta izenpetu behar dute gai-zerrenda eta bertaratutakoena, nahiz eta gero ez<br />
duten denek batzarrean geratu beharrik izango.<br />
5.4.1. Berrikuntza nagusiak aurreko araudiaren aldean<br />
a) Batzar orokorraren deialdiaren arauketa orokorrak ez du aldaketa handirik izan<br />
2019ko EKLren erregulazioaren aldean. Batzarra hasteko legitimazio aktiboak,<br />
deialdiaren moduek eta epeek, batzar unibertsala egiteko aukerak, oro har, lehen<br />
bezala diraute, jakina denez, informazioaren eta komunikazioaren teknologiek<br />
eskaintzen dizkiguten aukera gehigarriak txertaturik.<br />
b) Hala ere, ñabardura garrantzitsua gehitu da ohiko batzar orokorra egiteko epean,<br />
kapital-sozietateen legeriaren manuei jarraiki. Lehen, sozietatearen ekitaldia ixten<br />
zenetik sei hilabeteko epea xedatzen zen ohiko batzar orokorrerako deialdia egiteko,<br />
baina ez zen berariaz aipatzen epe horren barruan egin behar zenik. Orain, EKLk<br />
121
KOOPERATIBAREN ORGANOAK: BATZAR OROKORRA<br />
dio batzar orokorra egin behar dela sei hilabeteko epearen barruan. Hau da, ez da<br />
nahikoa epe horren buruan deialdia egitea, batzarra ere egin behar da.<br />
c) Bestalde, arlo judizialean gertatu diren aldaketen arabera, EKLk orain sozietatearen<br />
egoitzaren merkataritza-arloko epaitegia darabil batzar orokorraren deialdiaren<br />
inguruan sortzen diren gatazkak ebazteko organo judizial gisa, eta alde batera utzi<br />
du lehen auzialdiko epailea, gaur egun eskuduna ez delarik.<br />
d) Azkenik, EKLn barneratu dira informazioaren eta komunikazioaren teknologiek<br />
eskaintzen dituzten bitartekoak kooperatibaren batzarrerako deialdia ezagutarazteko.<br />
Hala, aukera ematen da banakako eta idatzizko beste komunikabide batzuk<br />
erabiltzeko, iragarkiak egunkari digitaletan egiteko aukera edo webgune korporatibo<br />
bat sortzekoa, batzar orokorraren deialdia argitaratzeko eta/edo deialdia egiteko.<br />
5.4.2. Iruzkin orokorra eta esanahi praktikoa<br />
a) Ohiko batzar orokorrerako deialdia kooperatibako administrazio-organoak egin<br />
beharko du, sozietatearen ekitaldia itxi eta hurrengo sei hilabeteetan. Are gehiago,<br />
ohiko batzar orokorra egin beharko litzateke epe horren barruan. Aurreko legerian,<br />
sozietatearen ekitaldia ixten zenetik sei hilabeteko epea arautzen zen ohiko batzar<br />
orokorrerako deialdia egiteko, baina ez zen berariaz aipatzen batzarra epe horren<br />
barruan egin behar zenik. Orain, EKLk dio batzar orokorra sei hilabeteko epearen<br />
barruan egin behar dela, kapital-sozietateen legeriaren manuei jarraituz. Hau da, ez<br />
da nahikoa deialdia epe horretan egitea; batzarra ere egin behar da.<br />
Epe hori igaro eta batzarra egin ez bada eta deialdia ere bidali ez bada, edozein<br />
bazkidek eska diezaioke kooperatibako administrazio-organoari, notario bidez edo<br />
bestelako bide egiaztagarri baten bidez, deialdia egin dezan. Hala, errekerimendua jaso<br />
eta hamabost eguneko epean deialdia egiten ez badute, zeinahi bazkidek sozietatearen<br />
egoitzari dagokion merkataritza-arloko epaitegiari eskatu ahalko dio deialdia egin<br />
dezan. Esandako epaitegiak batzarrerako deialdia egin beharko du, eta batzar horretako<br />
buru nor izango den izendatuko. Ildo horretan, EKLk zehazten duenez, batzar orokor<br />
horrek, epez kanpo deitzen bada ere, ez du ohiko izaera galduko.<br />
Era berean, EKLren 56.1.c) artikuluaren arabera, zaintza-batzordeak batzar<br />
orokorrerako deia egin dezake, hala badagokio, kooperatibaren intereserako<br />
beharrezkotzat jotzen duenean, baldin eta administrazio-organoak, legez ezarritako<br />
epeetan, bazkideek aldez aurretik egindako eskaerari jaramonik egin ez badio.<br />
Teorian, behintzat, deialdi hori bat etor daiteke deialdi judizialarekin, legeak ez<br />
baitu bikoiztasun hori konpontzeko tresnarik arautu. Praktikan, ziurrenik, zaintzabatzordera<br />
joko da lehenik, kooperatiban halakorik badago, eta, irtenbide hori izan<br />
ezean, auzibidera joko da. EKLren 56. artikuluaren iruzkinari lotzen gatzaizkio,<br />
aukera horren azalpen zehatzagoaz jakiteko.<br />
b) Ezohiko batzar orokorrerako deialdiari gagozkiola, deialdia egiteko legitimazioa<br />
ez dator bat ohiko batzarrerako ikusi dugunarekin. Ohiko batzar orokorrarekin<br />
gertatzen den bezala, kooperatibako administrazio-organoak egin beharko du<br />
122
KOOPERATIBAREN ORGANOAK: BATZAR OROKORRA<br />
ezohiko batzarrerako deia, eta edozein unetan egin ahalko du, epe jakin bati men egin<br />
gabe. Administrazio-organoaren ekimenez gain, zaintza-batzordeak edo, gutxienez,<br />
boto guztien ehuneko hogei ordezkatzen duten bazkideek ezohiko batzarra deitzeko<br />
eskatu ahal izango diote administrazio-organoari. Bazkideen errekerimendu horrek,<br />
gainera, sinesgarria izan beharko du, eta aztergaien zerrenda eduki beharko du,<br />
eztabaidatu beharreko gaiak eta proposamenak jasota.<br />
Jarraian, hogeita hamar eguneko epea ematen zaio administrazio-organoari<br />
errekerimenduari erantzun diezaion, eskaera jaso zuenetik zenbatzen hasita, eta<br />
ezohiko batzarrerako deia egin dezan. Administrazio-organoak eskaerari jaramonik<br />
egiten ez badio, ezohiko batzarrerako deialdia era judizialean egin daiteke, ohiko<br />
batzarrerako aurreikusitako betekizunen arabera; hau da, ez da beharrezkoa<br />
izango botoen ehuneko hogei ordezkatzen duten bazkideek eskaera egitea. Bada,<br />
bazkideetatik edozeinek eskatu ahal izango dio sozietatearen egoitzari dagokion<br />
merkataritza-arloko epaitegiari ezohiko batzarrerako deialdia egin eta batzarra egin<br />
dezala. Dena dela, administrazio-organoak errekerimenduari jaramonik egiten ez<br />
badio, zaintza-batzordeak ere dei dezake batzarra (EKLren 56.1.c) artikulua).<br />
c) Edozein batzar behar besteko aurrerapenaz deitu behar da, baina ez gehiegizko<br />
aurrerapenaz. Zehazki, deialdia batzarra egin baino, gutxienez, hamar egun lehenago<br />
eta, gehienez, hirurogei egun lehenago argitaratuko da. Egun baliodunak bakarrik<br />
zenbatuko dira, jaiegunak alde batera utzita. Bestalde, EKLren isiltasunaren aurrean,<br />
uler daiteke (Kooperatibei buruzko 27/1999 Legearen 24.1 artikuluaren irizpideari<br />
jarraiki) epea zenbatzeko orduan ez dela kontuan hartuko ez iragarkia argitaratu,<br />
bidali edo argitaratzen den eguna, ez eta batzarra egiten den eguna ere.<br />
d) Deialdia baliozkoa izango da haren edukiak baldintza batzuk betetzen baditu.<br />
EKLk deialdiaren gutxieneko edukia ezartzen du: bileraren data, ordua eta tokia;<br />
lehenengo eta bigarren deialdia eta horien artean egongo den denbora, gutxienez,<br />
ordu erdikoa; aztergaien zerrenda, aztertu beharreko gaiak argi, zehatz eta behar<br />
bezain xehe adierazita; aztergaien zerrendako alderdiei lotutako dokumentazioa<br />
aztertzeko bazkide guztiek duten eskubidea, sozietatearen egoitzan eta, halakorik<br />
balego, sozietatearen intraneten.<br />
Hala ere, deialdian proposatutako aztergaien zerrenda ez da gaien zerrenda itxia;<br />
izan ere, batzarra egin baino lehen aldatzea onartuta dago, baldin eta boto guztien<br />
ehuneko hamar baino gehiago ordezkatzen duten bazkideek hala eskatzen badute,<br />
administrazio-organoari zuzendutako idazki batean eta deialdia iragarri eta hurrengo<br />
bost egunetan. Horrela, aztergaien zerrenda berria aldatu eta argitaratuko da,<br />
legeak eskatzen duen publizitatea emanda, gutxienez, batzarra egin baino lau egun<br />
lehenago eta, edonola ere, batzarra ezin izango da atzeratu. Gomendagarria dirudi,<br />
beraz, batzarra legeak ezartzen duen hamar eguneko gutxieneko aurrerapenaz baino<br />
denbora luzeagoz deitzea, bestela, administrazio-organoak zailtasun handiak izango<br />
baititu legezko epeak betetzeko, aztergaien zerrenda handitzea eskatzen bada.<br />
e) Deialdiaren publizitatea bazkide guztiengana iritsi behar da. Horretarako, EKLk<br />
123
KOOPERATIBAREN ORGANOAK: BATZAR OROKORRA<br />
hainbat modu eta leku ezartzen ditu batzarra deitzen duen iragarkiari publizitatea<br />
emateko: sozietatearen egoitza eta kooperatibaren jarduera-tokiak; estatutuetan<br />
araututako banakako eta idatzizko edozein komunikazio-prozedura; paperezko<br />
egunkari batean edo egunkari digital batean egindako iragarkia (bostehun bazkide<br />
baino gehiago dituzten kooperatibentzat); webgune korporatiboa edo bazkideak<br />
ohartarazteko sistema telematikoren bat.<br />
Aurreikusitako publizitate-bideetako lehena, hau da, sozietatearen egoitzan eta<br />
kooperatibak jarduera garatzen duen gainerako tokietan jarritako jendaurreko<br />
iragarkia beharrezkoa da; beraz, iragarkia sozietatearen egoitzan argitaratzen ez<br />
bada, batzarrerako deialdia baliogabetu ahal izango dute behar bezala deitu ez dietela<br />
alegatzen duten bazkideek. Hala ere, ez da beharrezkoa iragarkia jarduera-toki<br />
guztietan agertzea (Auzitegi Gorenaren 1988ko irailaren 12ko epaia), estatutuetan<br />
zehaztu daiteke-eta deialdia non agertu behar den.<br />
Sozietatearen estatutuek deialdiaren iragarkia banaka eta idatziz jakinarazteko beste<br />
prozedura batzuk jaso ditzakete, baina halakoek ezin izango dute kooperatibaren<br />
egoitzan agertu beharreko iragarkia ordeztu. Publizitate-modu gehigarri horiek,<br />
nolanahi ere, bermatu behar dute deialdia bazkide guztiei jakinaraziko zaiela eta<br />
guztiek iragarkia jasoko dutela (Auzitegi Gorenaren 1986ko apirilaren 3ko, 1995eko<br />
apirilaren 9ko eta 1997ko abenduaren 23ko epaiak). Administrazio-organoak,<br />
zalantzarik gabe, bitarteko gehigarriak erabil ditzake batzar orokorrerako deialdia<br />
egiteko, egoki baderitzo, hala nola batzar hori Interneteko plataformen bidez<br />
bidaltzea (Telegram, Signal, WhatsApp…), baina publizitate gehigarria izango<br />
litzateke, borondatezkoa, legez eta estatutuetan araututako gutxienekoen gainetik<br />
dagoena.<br />
Beste aukera bat da deialdiaren iragarkia kooperatiba-sozietatearen egoitzari<br />
dagokion lurralde historikoan zabalkunde handia duen egunkari batean argitaratzea,<br />
paperean edo bertsio digitalean. Aukera hori nahitaezkoa da bostehun bazkide<br />
baino gehiago dituzten kooperatibentzat, edo beste edozein kooperatibarentzat,<br />
estatutuek hala galdatzen badute. Hala ere, betebehar hori bertan behera geratuko<br />
da kooperatibak batzar orokorra webgunearen bidez deitzen badu, jarraian aipatzen<br />
ditugun baldintzak betez gero.<br />
Azkenik, egunetik egunera indarra hartzen joango den aukera gehigarri gisa hauxe<br />
da: batzarra deitzea kooperatibaren webgunean, halakorik balego. Ez da nahikoa<br />
kooperatibak webgunea izatea Interneten, deialdia bertan argitaratzea baliozkoa<br />
izan dadin ondorio horietarako. Nahitaezkoa da webgunea sortzeko erabakia<br />
batzar orokorrak hartzea eta erabaki hori Euskadiko Kooperatiben Erregistroan<br />
kooperatibarentzat irekitako orrian jasotzea. Kasu horretan, gainera, kooperatibak<br />
sozietatearen webgunean txertatutako deialdi-iragarkiei buruzko alerta-sistema<br />
telematikoa kudeatu behar du bazkideentzat.<br />
f) Lege-eskakizun horiek guztiak, eta, hala badagokio, estatutu-eskakizunak, oso<br />
esanguratsuak dira, bete ezean, batzarraren baliozkotasuna aldrebestu eta, ondorioz,<br />
124
KOOPERATIBAREN ORGANOAK: BATZAR OROKORRA<br />
batzarrean bertan hartzen diren erabakiak baliorik gabe utzi dezaketelako. Gainera,<br />
zenbait erabakik, hala nola estatutuak aldatzeak, kooperatibaren bat-egiteak eta<br />
zatiketak eta kooperatiba desegiteak, aurrerago aztertuko ditugun publizitate-<br />
-eskakizun gehigarriak ekar ditzakete. Deialdi-baldintzak ez betetzeagatiko<br />
deuseztasun-arrazoiak organo judizialak edo arbitraje-organoak aztertuko ditu,<br />
aurkaratzekotan, edo Kooperatiben Erregistroko arduradunak, batzarrean hartutako<br />
erabakiak erregistro horretan inskribatzen badira.<br />
g) Batzar orokorretarako deialdiari eta publizitateari buruzko aurreko arauen salbuespen<br />
gisa, batzar orokor unibertsalak egitea onartzen da, aldez aurreko deialdirik egin<br />
gabe. Deialdiaren baldintzak bazkideen eskubideak babesteko ezarri direnez, ez dira<br />
urratzen bazkide guztiak bertan badaude eta batzarra adostasunez egitea erabakitzen<br />
badute. Batzar orokorra unibertsala izango da deialdi formala beharrezkoa ez denean,<br />
kooperatibako bazkide guztiak bertan daudelako edo ordezkatuta daudelako. Hau<br />
da, batzarra baliozkoa izango da bazkide guztiek aho batez batzar orokor unibertsala<br />
eratzea erabakitzen badute. Batzar unibertsala baliozkoa izan dadin, bazkide guztiak<br />
egon behar dira bertan edo ordezkatuta, eta aztergaien zerrenda eta batzarrera joan<br />
direnen zerrenda onartu eta sinatu behar dituzte. Sinadura hori ez da batzarraren aktan<br />
agerrarazi behar den sinaduraren berdina, eta batzarra egin aurretik sinatu behar da.<br />
Horrela eratutako batzarra ohikoa edo ezohikoa izan daiteke. Batzar unibertsala hasi<br />
ondoren, ez da beharrezkoa bazkide guztiak batzar hori amaitu arte egotea.<br />
5.4.3. Beste arau aplikagarri batzuk<br />
Hedaduraz, aplikagarria izan daiteke Estatuko Kooperatiben 27/1999 Legearen 24.1<br />
artikulua, batzar baterako deialdian iragarri eta gero batzarra egiteko epea zenbatzeari<br />
dagokionez. Beste alde batetik, KSLren 166. artikulutik 178.era bitartekoek batzar<br />
orokorraren deialdiaren erregulazioa osa dezakete, kooperatiba-sozietatearen izaerarekin<br />
bateraezinak ez diren heinean, batez ere, informazioaren eta komunikazioaren teknologien<br />
erabilerari dagokionez.<br />
5.5. Batzar orokorraren funtzionamendua<br />
36. artikulua.– Funtzionamendua.<br />
1.– Batzar nagusia, unibertsala ez bada behintzat, modu presentzialean, sozietatearen<br />
egoitza dagoen udalerrian egin beharko da. Bestela egitea justifikatzen duen<br />
arrazoiren bat dagoenean, estatutuetan finkatu ahal izango dira, oro har, bilera<br />
egiteko beste leku batzuk, edo administratzaileek erabili beharreko irizpideak bilera<br />
zein lekutan egingo den erabakitzeko.<br />
Horrez gain, estatutuetan aurreikusi ahal izango da batzar nagusiak, osorik edo<br />
partzialki, modu telematikoan egitea edo teknologiak aukera ematen duen antzeko<br />
beste edozein sistemaren bidez.<br />
Administrazio-organoak ezarriko du modu ez-presentzialean bertaratzeko sistema<br />
eta bermatuko du:<br />
125
KOOPERATIBAREN ORGANOAK: BATZAR OROKORRA<br />
a) Deialdian sartzekoak diren pertsona guztiek izatea bilerara bertaratzeko aukera.<br />
b) Bazkideen nortasuna egiaztatzea.<br />
c) Boto-eskubidea egikaritzea eta, hala aurreikusita dagoenean, botoaren<br />
konfidentzialtasuna.<br />
d) Komunikazioa bi norabidetakoa izatea eta irudiaren eta soinuaren aldi berekoa,<br />
eta ikusizko, entzunezko eta hitzezko interakzioa.<br />
e) Hala adierazten duten bazkideek modu presentzialean parte hartu ahal izatea<br />
batzarrean.<br />
Batzarraren idazkariak, hartutako erabakiak baliozkoak izateko exijituriko baldintza<br />
guztiekin batera, espresuki jasoko du aktan zer sistemaren bidez bertaratu den<br />
batzarrera bazkide bakoitza, bazkide horren izen-abizenak eta zer bitarteko erabili<br />
duen bere borondatea adierazteko.*<br />
2.– Batzar orokorra baliozkoa izango da, lehen deialdian, baldin eta bildutako edo<br />
ordezkatutako bazkideek botoen gehiengoa badute; eta bigarren deialdian, baldin<br />
eta bildutakoak edo ordezkatutakoak botoen ehuneko hamarrera iristen badira<br />
edo ehun botora iristen badira. Estatutuetan bestelakorik esaten ez bada, nahikoa<br />
izango da quorum hori bileraren hasieran lortzea. Ordea, kontsumo, irakaskuntza<br />
eta nekazaritzako eta elikagaien kooperatibek, esklusiboki, hirugarren deialdi bat<br />
aurreikusi ahal izango dute; kasu horretan, berdin dio zenbat boto dauden bilduta<br />
edo ordezkatuta, baina estatutu sozialetan ezarritako tartea errespetatuko da,<br />
gutxienez, bigarren eta hirugarren deialdien artean.<br />
3.– Batzar orokorrerako deialdia egin zen datarako, gutxienez, bazkide zirenek izango<br />
dute batzarrera joateko eskubidea.<br />
4.– Estatutuetan ez bada zehazten batzarretara pertsonalki joan beharra, bazkide<br />
batzuek beste batzuk ordezkatu ahal izango dituzte; horretarako, ordezkari gisa parte<br />
hartzen duten bazkideek idatzizko baimen bat izan beharko dute batzar bakoitzeko.<br />
Batzar unibertsalaren kasuan, aurreikusitako gai-zerrenda ere jaso beharko da<br />
ordezkari gisa parte hartzen dela egiaztatzen den idatzian.<br />
Bazkideek ezin izango dute, bakoitzak bereaz gainera, bi baino gehiago ordezkatu.<br />
Ordezkaritza ezeztatu ahal izango da. Ordezkaritza beste norbaiti eman dion<br />
pertsona batzar orokorrera joateak ordezkaritza ezeztatzeko indarra izango du.<br />
5.– Estatutuetan hala jasotzen bada, kontsumoko, etxebizitzako, irakaskuntzako,<br />
nekazaritzako eta elikagaien kooperatibetan edo familiako beharrizanei aurre egitera<br />
zuzendutako kooperatibetan, ezkontideak edo familiako besteren batek –estatutuetan<br />
onartzen den ahaidetasun-mailaraino–, edo legezko tutoreak ordezkatu ahal izango du<br />
bazkidea batzar orokorrean, baldin eta jarduteko gaitasun osoa baldin badu. Orobat<br />
zehaztu beharko da estatutuetan ea ahalorde berezi bat behar den batzar bakoitzerako,<br />
edo ordezkaritza-idatziak haietan zehaztutako eperako balio izango duen.<br />
* Euskadiko Kooperatiben abenduaren 20ko 11/2019 legea aldatzeko urriaren 7ko 5/2021 Legearen<br />
hirugarren artikuluaren araberako idazketa<br />
126
KOOPERATIBAREN ORGANOAK: BATZAR OROKORRA<br />
6.– Estatutuetan izendaturiko pertsona izango da batzar orokorreko mahaiburu;<br />
hori ezin bada izan, administrazio-organoko lehendakaria izango da, eta azken<br />
hau ere ezin bada izan, batzarrak hautatutako bazkidea izango da. Batzarreko<br />
lehendakariaren egitekoak izango dira eztabaidak bideratu, batzarra behar bezala<br />
burutu dadin zaindu eta legezko izapideak betearaztea.<br />
7.– Lehendakariak idazkari baten laguntza izango du, eta hura ere estatutuek edo<br />
batzarrera bildu diren bazkideek izendatuko dute.<br />
8.– Bozketa isilpekoa izango da lege honetan edo estatutuetan aurreikusitako kasuetan<br />
eta bertaratu diren eta ordezkatuak izan diren bazkideen ehuneko hamarrek hala<br />
izan dadila eskatzen duten kasu guztietan.<br />
9.– Gai-zerrendan jaso gabeko gaiei buruzko erabakiek ez dute baliorik izango, lege<br />
honetan dena delako erabakia hartzea espresuki baimentzen den kasuan izan ezik.<br />
10.– Administratzaileek batzar orokorretara joan beharra izango dute. Estatutuek<br />
batzarrera joateko baimena edo agindua eman diezaiekete zuzendari, kudeatzaile<br />
eta teknikariei, bai eta sozietate-gaien martxa onaren gaineko interesa dutenei<br />
ere. Batzar orokorrak beste edozeini ere eman ahal izango dio batzarrean egoteko<br />
baimena.<br />
5.5.1. Berrikuntza nagusiak aurreko araudiaren aldean<br />
a) Batzar nagusiaren funtzionamendua, funtsean, ez da aldatu 2019ko EKLren<br />
erregulazioan, eta 1993ko araudian ezarritako manuei jarraitzen die. Egindako<br />
aldaketak bi egoera oso zehatzetara mugatzen dira.<br />
b) Alde batetik, bazkideek batzarrean parte hartu ahal izango dute bideo bidezko<br />
hitzaldi edo bideokonferentzia bidez edo irudiaren eta soinuaren noranzko biko<br />
eta aldi bereko komunikazioa ahalbidetzen duen antzeko sistemaren baten bidez,<br />
betiere ikusizko, entzunezko eta ahozko elkarreragina bermatuta. Egoera hori<br />
berariaz jaso beharko da batzarraren aktan. Administrazio-organoari esleitu zaio<br />
modu ez-presentzialean bertaratzeko sistemaren antolaketa; modu horretara, bazkide<br />
guztiek bertaratzea bermatuko da, horien nortasuna egiaztatuz, eta boto-eskubidea<br />
egikaritzea eta horren konfidentzialtasuna ahalbidetuko da.<br />
c) Bestalde, irakaskuntza-kooperatibak eta elikagaien kooperatibak gehitu dira<br />
kooperatiben zerrendan (kontsumoa, nekazaritza-kooperatibak eta familia-beharrak<br />
asetzen dituztenak), gainerako kooperatibez bestelako arauak har ditzaketenak, hala<br />
nola batzar orokorraren hirugarren deialdia arautzea, bertaratutako edo ordezkatutako<br />
bazkide-kopurua edozein dela ere, edo bazkideek ordezkaritza baliatzeko aukera<br />
izatea gertuko senideen edo legezko tutoreen eskutik.<br />
5.5.2. Iruzkin orokorra eta esanahi praktikoa<br />
a) EKLk batzar orokorra non egingo den finkatzeko irizpide gisa kooperatibaren<br />
egoitza ezartzen du. Hala, batzarra sozietatearen egoitza dagoen herrian egitea<br />
arautzen da. Hala ere, arau orokor horrek estatutuetan jasotako salbuespenak eta<br />
127
KOOPERATIBAREN ORGANOAK: BATZAR OROKORRA<br />
bideokonferentzia bidezko parte-hartzea onartzen ditu, zenbait baldintza errespetatuz<br />
gero. Beraz, administrazio-organoak batzarra egiteko beste leku bat ezarri ahal izango<br />
du, kooperatibaren egoitza dagoen herria ez dena, estatutuek hala arautzen dutenean,<br />
betiere, erabaki hori justifikatzen duen arrazoirik badago. Hala ere, administrazio-<br />
-organoari halmena eman beharrean batzarra non egin askatasunez erabaki dezan,<br />
estatutuetan ere zehaztu ahal izango dira toki hori erabakitzeko jarraitu beharreko<br />
irizpideak.<br />
Beste aukera bat da batzarrean parte hartzeko aukera izatea bideokonferentzia<br />
bidez edo irudiaren eta soinuaren noranzko biko eta aldi bereko komunikazioa<br />
ahalbidetzen duen antzeko sistemaren baten bidez, betiere ikusizko, entzunezko<br />
eta ahozko elkarreragina bermatuta. Glosa honetan, 37. artikuluan, parte hartzeko<br />
modu horren berezitasunak aztertuko ditugu. Aukera hori estatutuetan gaitu behar<br />
da. Batzarra osorik edo partzialki modu ez-presentzialean egin daiteke, hau da,<br />
bazkide guztiak bide telematikoaren bitartez bertara daitezke ala bazkide batzuek<br />
modu presentzialean parte har dezakete eta besteek bide telematikoen bitartez.<br />
Kasu horietan, batzarraren idazkariak berariaz jaso beharko ditu aktan bazkidearen<br />
nortasuna eta horretarako erabilitako bidea, erabakiak baliozkoak izateko eskatzen<br />
diren gainerako baldintzekin batera.<br />
b) Batzar orokorra kooperatibako bazkideen bilera da; beraz, hasteko, kooperatibako<br />
bazkideei baino ez zaie deituko bertan parte hartzera. Batzar orokorrerako deia egin<br />
zen egunean bazkide ziren pertsonek parte hartu ahal izango dute batzarrean; beraz,<br />
ezin izango dute kooperatibako beste laguntzailerik parte hartu, bazkide ez badira,<br />
edo batzarrerako deialdia egin ondotik bazkidetu badira. Batzarrerako deia egiteko<br />
erabakiak ez du zertan bat etorri akordio horren publizitatearekin, eta lehenengo data<br />
izango da kontuan hartu behar duguna bazkideen bertaratzeko eskubidea zehazteko.<br />
Hala ere, batzarrean beste pertsona batzuk egotea baimendu ahal izango da, baldin eta,<br />
horrela, batzarrean eztabaidatu beharreko gaien azalpena errazten bada. Hala, legeak<br />
aipatzen duenez, administratzaileek nahitaez egon behar dute, nahiz eta, arruntean,<br />
horiek guztiak kooperatibako bazkideak diren eta kooperatibako bazkide gisa parte<br />
hartzen duten, bai eta zuzendariek, kudeatzaileek, teknikariek, eta sozietatearen<br />
jardunbide onean interesa duten gainerako pertsonek ere. Beste edozein pertsona<br />
egotea onar daiteke, batzar orokorraren aldez aurreko baimenarekin, esaterako,<br />
kooperatibako aholkulari juridikoa, kontularia edo kontuen ikuskaria…<br />
Aipatutako pertsona guztiak batzarrera joan badaitezke ere, bazkideak baino ez<br />
dira kontuan hartuko batzarra eratzeko. EKLk quorum bikoitza ezartzen du batzar<br />
orokorra balio osoz eratutzat jo dadin: lehenengo deialdian, botoen gehiengoak (ez<br />
bazkideen gehiengoak) egon behar du bertan edo ordezkatuta; eta bigarren deialdian,<br />
gutxienez, botoen ehuneko hamarra duten bazkideek edo, bestela, ehun botok. Botoen<br />
ehuneko hamarra edo ehun boto eskatzea bi quorumetatik txikienari dagokio; beraz,<br />
tamaina txikiko edo ertaineko kooperatibetan, botoen ehunekoa aplikatuko da, ehun<br />
botoko kopurua, oro har, ehuneko hamar baino handiagoa izango baita. Gutxieneko<br />
eskakizun horiek aginduzkoak dira, eta estatutuek ezin dituzte murriztu; nolanahi<br />
128
KOOPERATIBAREN ORGANOAK: BATZAR OROKORRA<br />
ere, quorumaren baldintzak gogortu ditzakete, batzarra behar bezala eratzeko behar<br />
den boto kopurua handituz.<br />
Gutxieneko parte-hartze hori bilkuraren hasieran bete behar da, baina estatutuek<br />
kopuruari batzar osoan eustea eska dezakete. Baldintza hori betetzen dela<br />
egiaztatzeko, bertaratutakoen zerrenda egingo da eta bazkide edo ordezkari direla<br />
egiaztatuko da. Bigarren deialdian, botoen ehuneko hamarrera edo ehun botora<br />
iristen ez bada, batzar orokorra ezin izango da baliozkotasunez egin, eta bazkideen<br />
kooperatibarekiko utzikeria edo zabarkeria geratuko da agerian, kooperatibaren<br />
etorkizunari buruz ezer onik iragartzen ez duena. Azkenik, delegatuen batzarra<br />
ere araututa dago kooperatiba handi samarrentzat, bazkide guztiak leku berean<br />
egotea nahikoa zail suerta daitekeelako. EKLren 40. artikuluari buruzko iruzkinean<br />
aztertuko dugu egoera hori.<br />
Arau berezi gisa, ildo horretako estatutu-xedapenik baldin badago, kontsumoko,<br />
irakaskuntzako, nekazaritzako eta elikagaigintzako kooperatibetan soilik, batzarra<br />
eratzeko arauak malguagoak dira, kooperatibaren organo gorena geldiaraz dadin<br />
saihesteko. Hirugarren deialdia onartuko da legez ezarritako quoruma betetzeko<br />
gutxieneko bertaratze-baldintzak betetzen ez badira. Hala, batzarra baliozkoa izatea<br />
onartzen da, bertaratutako edo ordezkatutako boto-kopurua edozein izanda ere; hala<br />
ere, bigarren eta hirugarren deialdien artean, gutxienez, sozietatearen estatutuetan<br />
ezarritako tartea egon beharko da. Horrela, mota horretako kooperatibetan beste<br />
batzar orokor bat deitzeko beharra saihetsi ohi da, non erraza ez den lehen eta bigarren<br />
deialdietan ezarritako legezko gutxienekoak lortzea. Sozietatearen estatutuek finkatu<br />
behar dute bigarren eta hirugarren deialdien arteko tartea, baina denbora-tarte horrek,<br />
gutxienez, ordu erdikoa izan beharko luke, EKLren 35.7 artikuluak xedatzen duen<br />
moduan batzarraren lehen eta bigarren deialdien arteko tarteari dagokionez.<br />
c) Bazkideak bertaratu gabe parte-hartzea onartzen da, batzar bakoitzeko baimen<br />
berezia idatziz emanez, beste bazkide batzuek ordezka ditzaten. Baimena idatziz<br />
eman behar da, eta ezin da ahozko edo telefono bidezko agindurik eman. Ezin da<br />
izan ordezkaritza orokorreko ahalordea, batzar bakoitzerako berariazkoa baizik.<br />
Hala ere, ordezkaritza hiru zentzutan mugatzen da: alde batetik, sozietatearen<br />
estatutuek aurrez aurreko bertaratzea eska dezakete eta bazkideen ordezkaritza<br />
eragotzi; bigarrenik, bazkide batek, gehienez ere, bi ahal izan ditzake, hau da,<br />
bazkide batek ezin izango ditu hiru boto baino gehiago erabili, ordezkatzen dituen<br />
pertsonen biena eta bere botoa (eta, horrela, saihestu egingo da beti bazkide oso gutxi<br />
joatea batzarretara, gutxi horiek batzarretara joaten ez diren bazkideen ordezkaritza<br />
hartuta). Bazkideren baten ordezkaritzaren egokitasunari buruz sortzen den edozein<br />
zalantza zaintza-batzordeak ebatzi beharko du, halakorik balego (EKLren 56.1.d)<br />
artikulua). Azkenik, ordezkaritza ezeztatu daiteke, adibidez, ordezkatutako pertsona<br />
batzarrera bertaratzen bada.<br />
Batzar unibertsalaren kasuan, ordezkaritza egiaztatzen duen idazkiak aurreikusi den<br />
aztergaien zerrenda jaso beharko du. Hau da, bat-bateko batzar unibertsal batek, non<br />
bazkide guztiak biltzen diren eta batzarra eratzea erabakitzen duten, eragotzi egiten<br />
129
KOOPERATIBAREN ORGANOAK: BATZAR OROKORRA<br />
du ordezkaritzaren bidez parte-hartzea, aztergaien zerrenda ezagutzea ezinezkoa<br />
delako, definizioz, batzarraren garapenean jorratuko baita.<br />
Aipatu dugun hirugarren mugaren salbuespen gisa, baldin eta estatutuetan hala<br />
gaitu bada kontsumo-kooperatibetan, etxebizitzen kooperatibetan, irakaskuntza-,<br />
nekazaritza- eta elikagaigintza-kooperatibetan eta familia-beharrak asetzea helburu<br />
duten beste edozein kooperatibatan, bazkidearen ezkontideak edo jarduteko gaitasun<br />
osoa duen beste senide edo legezko tutore batek ordezka dezakete bazkidea batzar<br />
orokorrean. Kasu horretan, estatutuek zehaztu beharko dute bazkidea ordezka<br />
dezaketen senideen ahaidetasun-maila, bai eta biltzar-saio bakoitzeko ahal berezia<br />
eskatuko den edo ordezkaritza-idazkia baliozkoa izango den estatutuetan adierazitako<br />
aldi osoan.<br />
Ordezkaritzaren inguruko arau horiek borondatezko izaerari buruzkoak dira.<br />
Legezko ordezkaritzaz denaz bezainbatean, arau horiek ez dira aplikagarriak, eta<br />
kooperatibak ezin dio bertaratzerik eragotzi bazkide baten legezko ordezkariari<br />
arau horietan oinarrituta. Beraz, pertsona juridikoen eta adingabeen edo ezgaituen<br />
legezko ordezkaritza zuzenbide erkideko arau aplikagarrien araberakoa izango da.<br />
d) Batzar orokorraren funtzionamendua artezten duten bi pertsona daude: Batzarburua<br />
eta idazkaria. Batzarburuak eztabaidak zuzendu beharko ditu, batzarraren garapenean<br />
ordenari eutsi beharko dio eta legezko betekizun betetzen direla zaindu beharko du.<br />
Estatutuek izendatutako pertsona izango da batzarburu edo presidentea; eta halakorik<br />
ez badago, administrazio-organoaren burua; eta, administrazio-organorik ez badago,<br />
batzarrak aukeratzen duen bazkidea. Batzarburuaren izendapenaren gaineko<br />
adostasunik ez badago, batzarra ezin da egin (Auzitegi Gorenaren 2000ko urriaren<br />
19ko epaia). Salbuespen gisa, batzarrerako deialdi judizialaren kasuan, epaileak<br />
izendatuko du batzarraren batzarburuaren eginkizunak beteko dituen pertsona.<br />
Batzarburuari idazkariak lagunduko dio eta kargu horren izendapena ere estatutuetan<br />
jasota egongo da, edo, bestela, batzarrera bertaratzen diren bazkideek egiletsiko<br />
dute. Idazkariak batzarraren akta idatziko du, eta akta-liburuan transkribatuko du,<br />
aurrerago ikusiko dugun bezala.<br />
e) Oro har, bozketa-prozedura librea da. Hala ere, bozketa isilpekoa izango da legeak<br />
edo estatutuek hala arautzen badute (sozietatearen karguen hautaketa, hala nola<br />
sozietate-kontseiluaren administratzaileak edo zaintza-batzordeko kideak), edo<br />
bertan dauden eta ordezkatuta dauden bazkideen ehuneko hamarra ordezkatzen duten<br />
bazkideek hala eskatzen badute (kontuan hartu botoen kopuruaz eta kooperatibako<br />
bazkide guztien kopuruaz ez dela ari). Deusezak izango dira aztergaien zerrendan<br />
jasota ez dauden gaiei buruzko erabakiak, non eta lege honek ez duen berariaz<br />
baimentzen erabaki horiek hartzea. Hurrengo artikuluen iruzkinei lotuko gatzaizkie,<br />
batzarreko bozketari buruzko azalpena zabaltzeko, bai eta batzarrean hartutako<br />
erabakien baliozkotasunari eta aurkaratzeari buruzkoetan sakontzeko ere.<br />
5.5.3. Beste arau aplikagarri batzuk<br />
130
KOOPERATIBAREN ORGANOAK: BATZAR OROKORRA<br />
Eremu horretan, EKLren erregulazioa 27/1999 Legearen 27.2 artikuluarekin osa daiteke<br />
(27/1999 Legea, estatuko kooperatibei buruzkoa), bazkideek batzarrean duten legezko<br />
ordezkaritzari dagokionez, eta, oro har, Kapital Sozietateei buruzko Legeak jasotako<br />
erregulazioarekin, askoz ere zehatzagoa dela, bazkideen laguntzari eta ordezkaritzari<br />
dagokienez, bereziki, ordezkaritza telematikoari dagokionez (KSLren 179-187 artikuluak),<br />
eta batzarra eratzeari dagokionez (KSLren 191-195 artikuluak), kooperatiba-sozietatearen<br />
izaerarekin bateraezinak ez diren neurrian.<br />
5.6. Boto-eskubidea<br />
37. artikulua.– Boto-eskubidea.<br />
1.– Kooperatibetan, bazkideek boto bana izango dute.<br />
2.– Dena den, estatutuetan honako hau aurreikusi ahal izango da lehen mailako<br />
kooperatibei dagokienez: pertsona juridikoak diren bazkideen boto-eskubidea –<br />
kooperatiben, kooperatiba horiek kontrolatutako sozietateen eta entitate publikoen<br />
bazkideena– kooperatibarekin duten jarduera-mailaren edo kooperatiba horien<br />
arteko harremanetan osagarriak diren prestazioen neurriaren araberakoa izatea.<br />
Kasu horretan, estatutuetan argi zehaztu beharko da zein diren boto-eskubidearen<br />
proportzionaltasun-irizpideak.<br />
Sozietate kooperatiboa ez den bazkide batek izan dezakeen boto kopurua ezin izango<br />
da kooperatibako boto guztien herena baino handiagoa izan.<br />
3.– Bigarren edo maila handiagoko kooperatibetan 149. artikuluan ezarritakoa bete<br />
beharko da.<br />
Kreditu-kooperatibetan, entitate horiei dagokien araubide berezian ezarritakoa bete<br />
beharko da.<br />
4.– Bazkide laguntzaileen, bazkide ez-aktiboen edo bazkide ez-erabiltzaileen, bazkide<br />
eszedentziadunen eta iraupen jakineko bazkideen boto kopurua ezin izango da inoiz<br />
ere kooperatibako boto guztien erdia izatera iritsi.<br />
5.– Estatutuetan adierazi beharko da zein kasutan abstenitu beharko den bazkidea<br />
interes-gatazkak sortzen direnean.<br />
6.– Estatutuetan ezarri ahal izango dira bozketak telematikoki egiteko prozedura,<br />
baldintzak eta betekizunak, kontuan hartuta botoaren konfidentzialtasuna bermatuko<br />
behar dela nahitaez.<br />
5.6.1. Berrikuntza nagusiak aurreko araudiaren aldean<br />
a) Boto-eskubidearen erregulazioan, 11/2019 Legeak 1993an txertaturiko berrikuntzei<br />
eutsi die, pertsona juridiko espezifikoei lotutako boto plurala emateko aukerari<br />
dagokionez; kooperatiba-jarduera bete-betean egiten ez duten bazkideen boto-<br />
-eskubidearen mugari dagokionez; eta interes-gatazkaren erregulazioari eta horren<br />
ondorioei dagokienez.<br />
b) Aurreko atalean adierazi dugun bezala, kooperatibaren guztizko botoen erdia baino<br />
131
KOOPERATIBAREN ORGANOAK: BATZAR OROKORRA<br />
gutxiagoko muga orokorrari eutsi zaio kooperatiba-jarduera osorik egiten ez duten<br />
bazkideentzat, baina 4/1993 Legean araututako taldeei (bazkide laguntzaileak,<br />
bazkide ez-aktiboak eta ez-erabiltzaileak eta iraupen jakineko lotura duten<br />
bazkideak), oraingo legean, eszedentzian dauden bazkideena gehitu zaie; izan ere,<br />
legearen 31. artikuluan arautzen dira, bazkide ez-aktiboekin eta ez-erabiltzaileekin<br />
batera eta, beraz, kooperatibak kontuan hartu beharko du bazkideen kategoria hori,<br />
estatus arruntaz bestelako bazkide guztiek ez dezaten gainditu legezko boto-muga.<br />
c) Era berean, teknologia berriak erabiltzeko aukera gehitu da (bideokonferentzia edo<br />
irudiaren eta soinuaren noranzko biko eta aldi bereko komunikazioa eta ikusizko,<br />
entzunezko eta ahozko elkarreragina ahalbidetzen duen antzeko beste sistemaren<br />
bat erabiliz), sozietate-partaidetza errazteko akordioak hartzean. Hori dela eta,<br />
lege-testu berriak berariaz arautzen du estatutuek prozedura telematikoen bidezko<br />
bozketak egiteko prozedura, baldintzak eta betekizunak ezarri ahal izango dituztela.<br />
5.6.2. Iruzkin orokorra eta esanahi praktikoa<br />
a) Kooperatibako bazkidearen boto-eskubidea ezin indargabetuzkoa da, eta bazkide<br />
bat, boto bat arau orokorraren mende dago sozietate-mota horietan indarrean<br />
dagoen printzipio demokratikoan oinarrituta, nahiz eta arau horrek gero eta<br />
salbuespen gehiago onartzen dituen. Ildo horretan, 11/2019 Legean, lehen mailako<br />
kooperatibentzat xedatutako arau orokorra “bazkide bat, boto bat” tradiziozko araua<br />
da (37.1 artikulua). Hala ere, legegileak onartu du, baldintza murriztaileetan, boto<br />
plurala ezartzeko aukera, betiere honako baldintza hauek betetzen badira:<br />
1. Estatutu-xedapen berariazko bat egotea hori txertatzeko.<br />
2. Xedapen hori kooperatibetara, kooperatibek kontrolatutako sozietateetara eta<br />
erakunde publikoetara mugatzea; izan ere, salbuespen hori dela bide, izaera<br />
kooperatiboa urratu gabe, pertsona juridiko horien parte-hartzea sustatu nahi<br />
da, eta horrela, kooperatiba-erakunde berrien sorrera sustatzea eta lehendik<br />
daudenak sendotzea.<br />
3. Estatutuek boto-eskubidearen proportzionaltasun-irizpideak argi eta garbi<br />
ezartzea, kontuan hartuta, alde batetik, boto-eskubideak proportzionala izan<br />
behar duela sozietatearekiko kooperatiba-jarduerarekin edo lankidetzaren<br />
esparruan jarduera horren osagarri diren prestazioekin, eta, bestetik, kooperatibasozietatea<br />
ez den bazkide baten boto-kopurua ezingo dela izan boto guztien<br />
herena baino handiagoa (37.2 artikulua).<br />
b) Beste alde batetik, bigarren mailako kooperatibetan, boto plurala da arau orokorra:<br />
proportzionala kooperatiba-jarduerako parte hartzearekin edo bazkide-kopuruarekin<br />
(nahiz eta irizpide horiek ez diren berariaz jasotzen EKLren 149. artikuluaren azken<br />
bertsioan, ulertu behar da estatutuek, kooperatibak zuzendu behar dituzten printzipioei<br />
egokitutako irtenbidea hartzeko, horietako baten alde egin behar dutela: Kooperatiben<br />
Legearen 26.6 artikulua ere ildo horretakoa da). Kreditu-kooperatibetan, legeak ez<br />
du boto plurala emateko aukera ezartzen; aitzitik, estatutu-arauketa behar da. Gai<br />
132
KOOPERATIBAREN ORGANOAK: BATZAR OROKORRA<br />
hori Kreditu-kooperatibei buruzko maiatzaren 26ko 13/1989 Legearen 9.2 artikuluak<br />
arautzen du, honela baitio: “Batzar orokorrean, bazkide bakoitzak boto bat izango<br />
du. Hala ere, estatutuek hala arautzen badute, bazkideen botoa proportzionala izan<br />
daiteke sozietatearen kapitalean egindako ekarpenekin, garatutako jarduerarekin edo<br />
elkartutako kooperatiben bazkide kopuruarekin kasu horretan, estatutuek argi eta<br />
garbi finkatu beharko dituzte botoaren proportzionaltasun-irizpideak”.<br />
c) Kooperatiban, bazkide laguntzaileak, ez-aktiboak eta ez-erabiltzaileak edo iraupen<br />
jakineko lotura dutenak badaude, estatutuek zaindu beharko dute kolektibo bakoitzaren<br />
botoen ehunekoak ez duela gainditzen horretarako ezarritako muga berezia (legeak<br />
ez du muga berezirik ezartzen eszedentzian dauden bazkideentzat). Beraz, kontuan<br />
hartu beharko da bazkide laguntzaileen multzoak, bazkide hori kooperatibasozietatea<br />
izan ezik, ezin duela botoen herena baino gehiagoren titular izan, ez batzar<br />
orokorrean, ez artezkaritza-kontseiluan (19.5 artikulua); iraupen mugatuko lotura<br />
duten bazkideen multzoak ezin duela izan sozietatearen guztizko botoen bostena baino<br />
gehiago (26.2 artikulua); eta pertsona ez-aktiboen edo ez-erabiltzaileen botoa bostena<br />
baino gehiago ezin dela izan (31.2 artikulua). Baina, gainera, legeak debekatzen<br />
duenez bazkide laguntzaileen, ez-aktiboen edo ez-erabiltzaileen, eszedentzian<br />
dauden bazkideen eta iraupen jakineko bazkideen botoa kooperatibaren boto guztien<br />
erdira iristea, erakundearen gehiengoaren kontrola kooperatibaren jarduera osorik<br />
egiten duten bazkideen esku gera dadin (37.4 artikulua), estatutuetan, baldin eta<br />
lehen aipaturiko kolektibo guztietako kideak badaude, kolektibo bakoitzaren botoen<br />
gehieneko ehunekoa ezarri beharko da, eta horrek zatikiak eragin ditzake, hau da<br />
unitatetik beherako boto-kopurua, estatutuetan bazkide-mota bakoitzarentzat ezarri<br />
den gehieneko boto-ehunekoarekiko proportzionaltasunari eusteko, behar izanez<br />
gero. Botoen gehieneko ehunekoak finkatu beharrean, 37. artikuluaren 4. zenbakian<br />
jasotako bazkide-kategoria bakoitzaren botoen proportzioa finkatzea erabakitzen<br />
bada, botoen guztizko kopurua kooperatibaren guztizko botoen erdira iritsi gabe,<br />
zenbait kategoriatan boto pluraleko egoerak aurki genitzake, eta, gure iritziz, hori ez<br />
litzateke legez onargarria izango, baldin eta horrek legearen 37. artikuluak dakartzan<br />
aginduzko manuren bat urratzea balekar, bereziki, bazkide bat, boto bat aldarrikatzen<br />
duena.<br />
d) Bazkideek ezin izango dute botorik eman interes-gatazkako egoeran daudenean, hau<br />
da, kooperatibaren interesen eta bazkideak bazkide gisa duen interes espezifikotik<br />
kanpo nahi duenaren arteko aurkakotasun-kasu baten aurrean. Interes-gatazkako<br />
egoera horiek ez dira legean jasotzen; aitzitik, legeak zehazten duenez, estatutuetan<br />
ezarri beharko da bazkideak, interes-gatazkak direla eta, zein kasutan ez duen botorik<br />
eman behar (37.5 artikulua). Interes-gatazkak kooperatiba bakoitzaren motaren eta<br />
inguruabarren araberakoa izango dela egia bada ere, zentzuzkoa dirudi pentsatzeak<br />
bazkideak ezingo duela boto-eskubidea erabili, behintzat, sozietatetik kanpo uzten<br />
duen, obligazio batetik askatzen duen edo eskubide bat ematen dion akordio bat hartu<br />
behar denean, edo, bestela, sozietateak bazkideari funtsak aurreratzea erabakitzen<br />
duenean, kredituak edo maileguak ematen dizkionean, bermeak ematen dizkionean,<br />
edo, administratzaileari dagokionez, akordioak elkarlehia debekatzeko lekapen edo<br />
133
KOOPERATIBAREN ORGANOAK: BATZAR OROKORRA<br />
salbuespenaz diharduenean, edo sozietatearekiko harreman pribatu bat ezartzeaz<br />
(bazkidea izateaz bestelakoa), edozein motatako obra edo zerbitzuak emateko.<br />
e) 11/2019 Legeak dakarren berrikuntza nagusia teknologia berriak erabiltzeko<br />
aukera da, erabakiak hartzerakoan sozietate-partaidetza errazteko helburuz. Batzar<br />
orokorrean laguntza telematikoaren eta boto elektronikoaren balioa berariaz<br />
aitortzea bazegoen jasota Espainiako kooperatiben legeetan. Ildo horretan, GKLk<br />
ondokoa ezartzen du: estatutuek hala arautzen badute, bazkideek bide telematikoak<br />
erabili ahal izango dituzte beren nortasuna behar bezala bermatuz gero, eta batzar<br />
orokorrean era telematikoan parte hartzen dutenek eskubideak baliatzeko epeak,<br />
moduak eta erak zehaztuko dira deialdian (35.3.2 artikulua). Bestalde, KKLk<br />
berariaz baimentzen du estatutuek «batzar nagusia bideokonferentziaz edo beste<br />
komunikabide batzuk erabiliz bildu ahal izatea, betiere bertaratuen identifikazioa,<br />
komunikazioaren iraupena, eztabaidetan esku hartzeko eta botoa emateko aukera<br />
bermatzen bada» (46.3 artikulua), bai eta «bozketak modu telematikoen bidez egiteko<br />
prozedura, baldintzak eta betekizunak ere, nolanahi ere, botoaren konfidentzialtasuna<br />
bermatu» (46.2 artikulua).<br />
GMKLren arabera, sozietate-estatutuek horretarako aukera ematen badute, «bazkideak<br />
posta elektronikoa erabiliz edo urrutiko beste edozein komunikabide baliatuz eman<br />
ahal izango du botoa, betiere boto-eskubidea egikaritzen duen subjektuaren nortasuna<br />
behar bezala bermatzen bada» (49.9 artikulua). Azkenik, Andaluziako Kooperatiben<br />
Legeak modu zabalean aitortzen du aukera hori, eta erregelamenduaren garapenera<br />
igortzen du, «bozketa ez-presentzialetarako beharrezko baldintzak eta betekizunak<br />
ezartze aldera; horietan, bazkidearen nortasuna, botoaren benetakotasuna eta, hala<br />
arautzen den kasuetan, konfidentzialtasuna bermatuko dira» (30.4.2 artikulua).<br />
Europan, EKSren estatutuak ondokoa xedatzen du: «estatutuek posta bidezko botoa<br />
edo boto elektronikoa baimendu ahalko dute, eta horien modalitateak finkatuko<br />
dituzte» (EKSEEren 58.4 artikulua).<br />
Arlo honetan, garrantzitsua da parte-hartze telematikoak eskakizun teknikoak bete<br />
ditzan, ondokoak bermatzeko: bilera denbora errealean transmititzea, bi noranzkoko<br />
komunikazioa izatea, urruneko parte-hartzaileek bileran parte-hartzea izan<br />
dezaten urrutiko leku batetik, isilpeko boto elektronikoa, eta kideen nortasuna eta<br />
komunikazio elektronikoen segurtasuna egiaztatzea.<br />
f) Arauaren esanahi praktikoari dagokionez, nabarmentzekoa da kooperatibaren<br />
funtzionamenduari begirakoa dela, alde batetik, estatutuen bidez boto plurala<br />
txertatzeko aukera ematen diolako, manuan deskribatutako modu eta baldintzetan.<br />
Eta, bestetik, zinez ezartzen diolako kooperatibaren estatutuetan zehaztea, bai interes-<br />
-gatazkako egoeren ondorioz, bazkideak botoa emateari noiz uko egin behar dion,<br />
bai eta, hala badagokio, 37.4 artikuluan aipatutako bazkideen kategorietako botoen<br />
gehieneko proportzioa ere, kolektibo horien boto guztien kopurua kooperatibaren<br />
boto guztien erdia izan ez dadin.<br />
5.6.3. Beste arau aplikagarri batzuk<br />
134
KOOPERATIBAREN ORGANOAK: BATZAR OROKORRA<br />
EKL ez den beste araudi aplikagarri bakarra Kreditu-kooperatibei buruzko maiatzaren<br />
26ko 13/1989 Legea da (9. artikulua). Izan ere, Estatuaren eta autonomia-erkidegoen arteko<br />
eskumen-banaketa, kooperatibei dagokienez, ñabartu da kreditu- eta aseguru-kooperatibei<br />
dagokienez, Estatuak eskumen esklusiboak dituelako kreditua eta bankuak antolatzeko<br />
oinarriak ezartzerakoan (Espainiako Konstituzioaren 149.1.11 artikulua). Manu horren<br />
arabera, Estatuak Kreditu-kooperatibei buruzko 13/1989 Legea eman zuen, eta, bertan,<br />
Konstituzio Auzitegiaren zenbait ebazpenetan funtsatuta, kreditu-kooperatibei lotutako<br />
oinarri horiek zein diren ezarri zuen (azken xedapenetatik bigarrena), eta legearen edukiak<br />
lehentasuna dauka autonomia-erkidegoetako arauen gainetik. Zehazki, legeak ezartzen du<br />
kreditu-kooperatibak euren lege espezifikoaren eta garapen-arauen arabera arautzen direla,<br />
autonomia-erkidegoek arlo horretan esleituta dituzten eskumenak baliatuz onar ditzaketen<br />
xedapenei kalterik egin gabe; eta kreditu-erakundeen jarduerak, oro har, arautzen dituzten<br />
arauen arabera, kooperatibei buruzko legeria modu subsidiarioan aplikatuko delarik (2.<br />
artikulua).<br />
5.7. Gehiengo-araubidea<br />
38. artikulua.– Gehiengo-araubidea.<br />
1.– Batzar orokorrean erabakiak hartzeko, baliozkotasunez emandako botoen erdia<br />
baino gehiago beharko da. Ondorio horietarako, ez dira zenbatuko ez boto zuriak<br />
ez abstentzioak. Dena den, salbuespen izango dira lege honetan edo estatutuetan<br />
gehiengo indartuak eskatzen diren kasuak.<br />
2.– Kooperatibaren transformazioa, bat-egitea, zatitzea edo desegitea erabakitzeko,<br />
batzarrean daudenen edo ordezkatutakoen baliozko botoen bi hereneko gehiengoa<br />
beharko da, betiere kooperatibako boto guztien ehuneko hirurogeita hamabost baino<br />
txikiagoa baldin bada bertaratu eta ordezkatutakoen boto kopurua.<br />
5.7.1. Berrikuntza nagusiak aurreko araudiaren aldean<br />
a) Erabakiak hartzeko gehiengoen araubideari dagokionez, 11/2019 Legean,<br />
1993koan bezala, arau orokor bat eta arau berezi bat ere jasotzen dira, eta azken<br />
hori aplikatzekoa izango da sozietatearen bizitzan garrantzi berezia duten erabakiak<br />
onartu behar direnean, hala nola kooperatibaren eraldaketa, bat-egitea, zatiketa eta<br />
desegitea.<br />
b) Lege berrian aurreikusitako berrikuntza bakarra 38. artikuluaren 2. paragrafoan<br />
erabakiak hartzeko jasotako arau berezian egindako ñabardura da. 36.2 artikulu<br />
zaharrak honako hau ezartzen zuen: “Bertaratutako edo ordezkatutako botoen bi<br />
herenen gehiengoa beharko da erabakiak hartzeko”. 38.2 artikulu berriak, aldiz,<br />
honako hau dio: “Bertaratutako edo ordezkatutako bazkideek emandako baliozko<br />
botoen bi herenen gehiengoa beharko da erabakiak hartzeko…”. Horrela, argi<br />
geratzen da arau berria indarrean sartu zenetik, baliozko eran emandako botoen bi<br />
herenak (bertaratutakoenak edo ordezkatutakoenak) direla, eta ez bertaratutako edo<br />
ordezkatutako boto guztien bi herenak. Nolanahi ere, eta atal honetan esanbidezko<br />
135
KOOPERATIBAREN ORGANOAK: BATZAR OROKORRA<br />
aipamenik egin ezean, zalantza geratuko litzateke “baliozko moduan emandako<br />
botoak” esapidearen barruan boto zuriak sartzen diren ala ez; gure ustez, boto zuriak<br />
ez dira zenbatu behar, 38.1 artikuluan egindako zehaztapena atal honi ere aplika<br />
dakiokeelako: “Ondorio horietarako (hau da, erabakiak hartzerakoan), ez dira boto<br />
zuriak eta abstentzioak zenbatuko”.<br />
5.7.2. Iruzkin orokorra eta esanahi praktikoa<br />
a) EKLk, kooperatibei buruzko gainerako legeek bezala, legean eta estatutuetan<br />
araututako gehiengo jakin batzuk ateratzea eskatzen du, bozkatu beharreko erabakiak<br />
onartutzat jo ahal izateko.<br />
b) EKLk ezartzen du, arau orokor gisa, batzarraren erabakiak balio osoz emandako<br />
botoen erdiaren baino gehiagoren bidez hartuko direla, ondore horietarako boto<br />
zuriak eta abstentzioak zenbatu gabe (38.1 artikulua). Hala ere, sozietatearen<br />
bizitzaren kasu berezi jakin batzuei eragiten dieten erabakiak onartu behar direnean,<br />
hala nola transformazioa, bat-egitea, zatiketa eta desegitea, emandako baliozko<br />
botoen bi herenak beharko dira (boto baliogabeak, boto zuriak eta abstentzioak<br />
zenbatu gabe), betiere bertaratutako eta ordezkatutako botoen kopurua kooperatiban<br />
dauden guztizko botoen ehuneko hirurogeita hamabostetik beherakoa bada. Beraz,<br />
ohartu gaitezen erabakiak hartzeko ere ez dela beharrezkoa gehiengo indartua baliatzea,<br />
kooperatibaren boto guztien ehuneko hirurogeita hamabosteko quoruma dagoenean.<br />
Kasu horretan, akordioa onartzeko, nahikoa izango da 38.1 artikuluak ezarritako<br />
gehiengoa izatea. Era berean, kontuan hartu beharko da manuan jasotako erabakien<br />
zerrenda ez dela itxia, EKLren beste artikulu batzuetan ere gehiengo hori eskatzen baita:<br />
adibidez, legearen 92.5 artikuluak honako hau arautzen du: “Desegindako kooperatiba<br />
berriro jarri ahal izango da jardunean, desegiteko arrazoia desagertzen baldin bada eta<br />
bazkideen ekarpenak itzultzen hasi ez bada. Horretarako, beharrezkoa izango da batzar<br />
orokorraren erabakia, 38.2 artikuluan aurreikusitako gehiengoaren bitartez”.<br />
c) Legean finkatutako gehiengoak eta ehunekoak ezin dira estatutuetan murriztu,<br />
nahiz eta posiblea den, bai ohiko akordioetan, bai kooperatibaren bizitzan garrantzi<br />
berezia duten kasuetan, beti edo kasu jakin batzuetarako eska daitekeen gehiengoa<br />
handitzea, eta garrantzi bereziko erabakien kasuan, gehiengo indartua eskatzeko<br />
ala ez eskatzeko behar den bertaratze-quoruma ere handitu daiteke. Gaur egun, ez<br />
dago gehieneko mugarik gehiengoak handitzeko orduan, nahiz eta, sozietateetan<br />
gehiengoak erabakitzeko printzipioak agintzen duenez, ahobatezkotasuna edo ia<br />
ahobatezkotasunaren baliokidea den hain ehuneko handia eskatu ezin den.<br />
d) Arauaren esanahi praktikoari dagokionez, adierazi behar da haren hartzaile nagusia<br />
kooperatiba dela; izan ere, manuak aukera ematen dio, estatutuetan araututa, araubide<br />
berezia taxutzeko, legean finkatutako gehiengoak eta ehunekoak errespetatuz,<br />
estatutuetan ezin baitira murriztu, lehen adierazi den bezala.<br />
5.7.3. Beste arau aplikagarri batzuk<br />
136
KOOPERATIBAREN ORGANOAK: BATZAR OROKORRA<br />
Gai honi EKLren 38. artikulua baino ez zaio aplikatuko, eta, hala badagokio, kooperatiba<br />
bakoitzaren estatutuetan legearen jarraibideen arabera araututakoa, Kooperatibei buruzko<br />
27/1999 Legea arau subsidiario edo ordezkoa ez dela, eta, zehazki, 28. artikulua, alderdi<br />
horretan ez baitago inolako lege-hutsunerik autonomia-erkidegoaren legerian.<br />
5.8. Batzar orokorraren akta<br />
39. artikulua.– Batzar orokorraren akta.<br />
1.– Batzar orokorrean hartutako erabakiak aktan jasoko dira. Akta idazkariak idatziko<br />
du eta, ondoren, akta-liburuan jasoko, datu hauek adierazita:<br />
a) Bileraren eguna eta lekua.<br />
b) Deialdia noiz eta zein modutan egin den, batzar orokor unibertsalak direnetan<br />
izan ezik.<br />
c) Deialdiaren testu osoa.<br />
d) Zenbat bazkide bildu diren, zehaztuta zenbat etorri diren pertsonalki eta<br />
zenbat diren ordezkatuak, baita batzarra lehenengo deialdian, bigarrenean edo<br />
hirugarrenean egiten den ere.<br />
e) Eztabaidatutako gaien eta aktan jaso daitezela eskatutako iritzien laburpena.<br />
f) Hartutako erabakien edukia.<br />
g) Bozketen emaitzak, erabaki bakoitza zenbateko gehiengoarekin hartu den<br />
zehaztuta. Aurkako botoa eman duenak hala eskatzen badu, aurkakotza hori ere<br />
jasoko da.<br />
h) Aktaren onespena, bilera bukatu ondoren hala gertatzen bada.<br />
2.– Bertaratutakoen zerrenda aktaren hasieran edo beronekin batera jasoko da<br />
lehendakariak oniritzia eman eta idazkariak izenpetutako eranskin batean.<br />
Bertaratutakoen zerrenda fitxategi bidez osatu edo euskarri informatikoan jaso ahal<br />
izango da, betiere ezaugarri horietako sozietateentzat merkataritza-erregistroko<br />
erregelamenduan finkatutako baldintzak betez.<br />
3.– Akta batzarrak berak onartu ahal izango du, batzarra egin ondoren, edo,<br />
bestela, lehendakariak eta batzarrak berak izendatutako bi kidek onartuko dute,<br />
idazkariarekin batera sinatuta, hamabost eguneko epean.<br />
4.– Batzar orokorrera joandako edozeinek eskubidea izango du aktaren edo hartutako<br />
erabakien testu osoaren ziurtapenak eskatzeko. Ziurtagiria egiten den egunean<br />
idazkari denak emango ditu ziurtapenok, lehendakariaren edo, hala badagokio,<br />
administratzaile bakarraren oniritziarekin.<br />
5.– Erabakietan esaten direnek onartzen diren unetik aurrera izango dituzte ondorioak.<br />
6.– Erregistroan inskribatu daitezkeen erabakiak Euskadiko Kooperatiben Erregistroan<br />
aurkeztu beharko dira, hogeita hamar eguneko epean, akta onartu eta hurrengo<br />
egunetik aurrera kontaturik.<br />
137
KOOPERATIBAREN ORGANOAK: BATZAR OROKORRA<br />
5.8.1. Berrikuntza nagusiak aurreko araudiaren aldean<br />
a) Indarrean dagoen testuak 1993ko araudiaren jarraibideei men egiten die. Araudi<br />
horrek xehe-xehe jaso zituen batzar orokorraren aktari buruzko ia gai guztiak. Ildo<br />
horretan, 11/2019 Legeak honako hauek arautzen ditu: batzar orokorraren aktaren<br />
beharrezko edukia, akta onartzeko dauden aukerak, bertaratutakoek batzarraren<br />
erabakien ziurtagiriak eskatzeko eskubidea, erabakien betearazgarritasuna eta<br />
inskriba daitezkeen erabakiak Kooperatiben Erregistroan aurkezteko epea.<br />
b) Aurreko araudiarekin alderatuta, ezin dugu esan funtsezko berrikuntzarik dagoenik.<br />
1 d) atalean soilik, aktaren beharrezko edukiari dagokionez, aipatzen da, hala<br />
badagokio, batzarra hirugarren deialdian egin den ala ez adierazi behar dela, lege<br />
berriak aukera hori jasotzen baitu orain irakaskuntza-kooperatibentzat, lehenago<br />
kontsumo- eta nekazaritza- eta elikagaigintza-kooperatibentzat baimenduta zegoen<br />
moduan. Beste alde batetik, 4. atalean, bertaratutakoek batzarraren erabakien<br />
ziurtagiriak eskatzeko eskubideaz diharduenean, argitu da idazkariak emango dituela<br />
ziurtagiri horiek, batzarburuaren edo, hala badagokio, administratzaile bakarraren<br />
oniritziarekin.<br />
c) Aurrekoa azaldu ondoren, nabarmendu behar dugu notario-aktaren aukerari buruzko<br />
lege-arauketaren hutsunea sumatu dugula –Kapital Sozietateen Legearen 203.<br />
artikuluan eta Kooperatiben Legearen 29.4 artikuluan xedatutakoaren antzekoa−<br />
oso baliagarria delako bazkideen artean adostasunik ez badago. Hala ere, horrek ez<br />
du esan nahi notario-aktarik jaso ezin denik bilkuran. Izan ere, aukera hori berenberegi<br />
onartzen du EKEEren 51.1 artikuluak, honako hau adierazten duenean:<br />
“Batzarreko aktari buruz notarioak egindako egiaztapenarekin, notarioaren<br />
aktaren kopia baimenduarekin nahiz eskritura publikoarekin ere inskriba daiteke<br />
–administratzaileen− izendapena”.<br />
5.8.2. Iruzkin orokorra eta esanahi praktikoa<br />
a) EKLren 39.1 artikuluan agertzen diren aipamen guztiak aginduzkoak dira, eta, beraz,<br />
batzar nagusiko idazkariak idatzi behar duen aktaren gutxieneko edukia osatzen dute,<br />
idazkariak beste batzuk ere gehitu behar edo gehitu ahal izateari kalterik egin gabe,<br />
bere ekimenez eginda edo estatutuetan arautzen direlako. Horren adibide esanguratsu<br />
bat dugu bazkideen mintzaldiena: interesdunek berariaz eskatutakoak baino ez ditu<br />
aktara transkribatzeko betebeharra ezartzen EKLk, baina, hala eskatzen ez bada,<br />
idazkariak aukera izango du, iritzira, bazkideen mintzaldi edo parte-hartze guztien<br />
erreferentzia laburra egiteko edo, bestela, ohiko esapidea erabiltzeko idazketan:<br />
“bazkideek parte hartu ondoren, erabakia bozkatu da, eta ondoko emaitzaz onartu<br />
da”. Gainera, EKL berrian, aurrekoan bezala, iruzkinaren xede den manuan ez<br />
dago aktan jaso beharreko lege-aipamen guztien zerrenda osoa. Hala, zerrendan ez<br />
dago letradu aholkulariaren irizpena jasotzeari buruz 77.2 artikuluak egiten duen<br />
aipamena, Euskadiko Kooperatiben Erregistroan inskriba daitezkeen batzar nagusiak<br />
edo artezkaritza-kontseiluak hartutako erabakiak zuzenbidearekin bat datozen ala ez<br />
zehaztuz.<br />
138
KOOPERATIBAREN ORGANOAK: BATZAR OROKORRA<br />
b) Bertaratutakoen zerrenda aktaren hasieran agertu behar da, edo aktari erantsi behar<br />
zaio, idazkariak sinatutako eranskin baten bidez, batzarburuaren oniritziarekin.<br />
Zerrendaren prestaketa errazteko, batik bat, bazkide-kopuru handia duten<br />
sozietateetan, fitxategi bidez osatu ahal izango da edo euskarri informatiko<br />
batean erantsi, merkataritza-erregistroan izaera horretako sozietateentzat<br />
ezarritako betekizunekin bat etorriz (39.2 artikulua). Merkataritza-erregistroaren<br />
erregelamenduak, kasu horietan, aktan erabilitako bitartekoa jasotzea eskatzen<br />
du, eta fitxategiaren edo euskarriaren estalki zigilatuan dagokion identifikazio-<br />
-eginbidea eratzea, idazkariak sinatuta, batzarburuaren oniritziarekin (MEEren 98.2<br />
artikulua).<br />
c) Aztergaien zerrendan ageri direnak eztabaidatu ondoren, akta onartzeko sistema zein<br />
izango den erabaki behar da, baina onarpena ezin da gerorako batzar batera atzeratu.<br />
Akta onartzeko legezko bi aukera daude: bilera egin ahala idatzi bada, batzarrak berak<br />
onar dezake, aztergaien zerrendako azken gai gisa. Gainerako kasuetan, hurrengo 15<br />
egunen barruan onartuko da. Horretarako, beharrezkoa izango da batzarburuak eta,<br />
batzarrean parte hartu duten bazkideen artean, bik akta onartzea, azkenek aktaren<br />
artekari-lanak egingo dituztela. Kasu horretan, aktaren testuaren amaieran, onarpen-<br />
-eginbidea agertu behar da, eta eginbide horretan bileraren idazkariaren, bi artekarien<br />
eta batzarburuaren sinadurak agertu behar dira.<br />
d) Interesa duen edozein bazkidek administrazio-organoari aktaren ziurtagiria eskatu<br />
ahalko dio. Kooperatibako idazkariak sinatuko ditu ziurtagiriak, batzarburuaren<br />
oniritzi edo ikus-onespenaz, administratzaile bakarraren kasuetan izan ezik,<br />
halakoetan administratzaileak sinatuko baititu. Ziurtagirietan –hitzez hitzekoak edo<br />
erabakien edukiaren laburpenak izan daitezke–, beharrezkoa da ziurtatzailea nor den<br />
identifikatzea, kasuan kasuko batzarraren datuak jasotzea, hitzez hitzeko transkripzioa<br />
agertzea, edo, eguna, ordua, lekua, deialdia eta eraketari buruzko datuak adierazi<br />
ondoren, erabakiei buruzko laburpena egitea, eta, erabakien onespenari dagokionez,<br />
bozketaren emaitza adieraztea.<br />
e) Sozietatearen erabakien eraginkortasunari dagokionez, EKLk adierazten du erabakiek<br />
eurei datxezkien ondorioak izango dituztela hartzen diren unetik bertatik, baina<br />
zehaztu behar da nahitaez inskribatu beharreko egintzek fede oneko hirugarrenei<br />
bakarrik eragiten dietela kooperatiben erregistroan inskribatzen direnetik (EKEEren<br />
8.2 artikulua). Horretarako, aldez aurretik, akta onartu beharko da, eta inskribatu<br />
beharreko erabakia aurkeztu.<br />
f) Sozietatearen erabakiak inskribatzeko aurkezteari dagokionez, lege-testuak arautzen<br />
duenez, hartutako erabakiak Kooperatiben Erregistroan inskriba badaitezke,<br />
administrazio-organoak akta onetsi eta hurrengo hogeita hamar eguneko epean<br />
aurkeztu beharko dituela, inskribatzeko. Erregistroan aurkezteko, erabaki-motaren<br />
arabera, beharrezkoa izango da eskrituratzea edo sozietatearen erabakiaren<br />
ziurtagiriaren sinadurak notario bidez legitimatzea (EKEEren 33. artikulutik 35era).<br />
Hala ere, egia da, batzarrak berariazko erabakirik hartu ez badu, artezkaritzakontseiluko<br />
buruari dagokiola, edo, bidezkoa bada, administratzaile bakarrari<br />
dagokiola notariotzan agertzea erabakien eskritura egiteko, baina, praktikan,<br />
139
KOOPERATIBAREN ORGANOAK: BATZAR OROKORRA<br />
ohikoa eta baliagarria da batzarrak berak aztergaien zerrendako puntu bat erabiltzea<br />
ahalmenak emateko, eta hori, arruntean, era solidarioan egin ohi da artezkaritzakontseiluko<br />
buruaren eta idazkariaren alde, erabakiak eskrituratu eta erregistroan<br />
aurkezteko, edo, hala badagokio, erregistroak galdatzen dituen zuzenketa eta<br />
aldaketa oro egiteko.<br />
g) Arauaren esanahi praktikoari dagokionez, adierazi behar da hartzaile nagusiak<br />
honako hauek direla: batzarreko idazkaria, akta idazteaz arduratzen den aldetik, eta<br />
batzarburua, oniritzia eman behar duena delako, bai eta batzarra bera ere, bileraren<br />
amaieran akta onartzea erabakitzen bada, aztergaien zerrendako azkena jasota, edo<br />
batzarrak hautaturiko bi bazkide, akta batzarra egin eta 15 egunera onartzen bada.<br />
Administrazio-organoko kideak ere aipatu behar dira hartzaile nabarmen gisa, haiei<br />
baitagokie aktaren testu osoaren edo batzarrean hartutako erabakien ziurtagiriak<br />
sinatzea, bai eta horiek eskatu dituzten bazkideak ere.<br />
5.8.3. Beste arau aplikagarri batzuk<br />
Beste arau aplikagarri batzuei dagokienez, artikuluak berak merkataritza-erregistroaren<br />
erregelamenduaren araudira jotzen du, bertaratutakoen zerrenda fitxategi bidez osatzeko<br />
edo euskarri informatikoren batean jasotzeko (MEEren 98.2 artikulua). Gainera, sozietateen<br />
erregulazioan ezarritako irizpidea kontuan hartuta, eta aukera hori EKEEren 51.1 artikuluak<br />
berariaz onartzen duela aintzat hartuta, gure iritziz, batzarraren akta egin dezan, notarioa<br />
eskatzeko aukerari buruzko erregulaziorik ez badago EKLn, Estatuko Kooperatiben Legearen<br />
29.4 artikuluak jasotako xedapenarekin ordeztu behar da; izan ere, artikulu horretan, alde<br />
batetik, administratzaileen betebeharra jasotzen da notarioaren presentzia eskatzeko, hauxe<br />
baitio: “artezkaritza-kontseiluak notarioaren presentzia eskatu ahalko du batzarraren akta<br />
egin dezan, eta hala egin beharko du baldin eta, bilkura egiteko finkatu den eguna baino zazpi<br />
egun lehenago, gutxienez, bazkide guztien ehuneko hamarra ordezkatzen duten bazkideek<br />
hala eskatzen badute”. Eta, bestetik, notario-aktaren ondorioei dagokienez, honako hau<br />
ezartzen du: “Notarioaren aktak ez du onarpenaren izapidea bete beharko, eta batzarraren<br />
aktatzat hartuko da”.<br />
5.9. Delegatuen batzarra<br />
40. artikulua.– Delegatuen batzarra.<br />
1.– Batzar orokorra prestatze-biltzarretan aukeratutako bazkide-delegatuen batzar gisa<br />
sortzeko aukera jaso ahal izango da estatutuetan, baldin eta kooperatibak bostehun<br />
bazkide baino gehiago baldin baditu edo batzar orokorrean bazkide guztiak egotea<br />
modu larrian eta etengabe oztopatzen duten gorabeherak gertatzen badira.<br />
2.– Estatutuetan berariaz erregulatuta egon beharko dira ondorengo alderdi hauek:<br />
bazkideak prestatze-biltzar batera edo bestera joateko irizpideak, deialdien eta<br />
osaeraren araubidea, delegatuak aukeratzeko arauak (beti bazkideak izan beharko<br />
dute), batzar nagusian bakoitzak izango duen boto kopurua eta emango zaien<br />
agintearen izaera eta iraupena.<br />
140
KOOPERATIBAREN ORGANOAK: BATZAR OROKORRA<br />
3.– Prestatze-biltzar bakoitzean zenbat delegatu hautatuko den eta horiek batzar<br />
orokorrean zenbat boto izango duten erregulatzeko, estatutuetan proportzionaltasunirizpidek<br />
hartu beharko dira kontuan nahitaez.<br />
4.– Artikulu honetan eta estatutuetan prestatze-biltzarrei buruz aurreikusi gabeko<br />
alderdiei dagokienez, batzar nagusirako esaten dena bete beharko da, aplikatzekoa<br />
den neurrian.<br />
5.9.1. Berrikuntza nagusiak aurreko araudiaren aldean<br />
a) Gai honetan, egungo araudia bat dator aurrekoarekin, eta horren helburua da bazkide<br />
guztiak aldi berean egotea eragozten duten inguruabarrak dituzten kooperatibetan,<br />
oro har, kooperatiba handietan, parte-hartzea bultzatzea.<br />
b) Batzar orokorrean. Kasu horietan, batzar orokorra egin baino lehen, antzeko<br />
ezaugarriak dituzten bazkide-taldeentzako bileretarako deia egin daiteke, hau da,<br />
prestatze-biltzar deritzenak egiteko. Bilera horietan, batzarreko aztergaien zerrendan<br />
jasotako gaiak aztertzen dira, baina ez da erabakirik hartzen; aitzitik, bazkideek,<br />
banaka, botoa beste bazkide batzuen esku uzten dute batzar orokorraren saioan<br />
balia dezaten. Horrela, batzar orokorra bigarren mailako batzar bihurtu ohi da, eta<br />
prestatze-biltzarretan aukeratutako delegatuek bakarrik osatzen dute.<br />
c) 1993ko Legean gertatzen zen bezala, indarrean dagoen legean, legegileak ohiko<br />
batzarra arautu duenean, ez du kontuan hartu manu horiek eta delegatuen batzarra<br />
arautzen dutenak berdinak direla, eta horrek, praktikan, zalantza ugari sor ditzake.<br />
Hori dela eta, komeni da delegatuen batzarrari lotutako gai jakin batzuk zehaztea<br />
estatutuetan, hala nola aplikatu beharreko quoruma, informazio-eskubideari buruzko<br />
nondik norakoak, akta onartzeari buruzko eskakizunak edo batzarraren erabakiak<br />
aurkaratzeko legitimazio aktiboari buruzko baldintzak.<br />
5.9.2. Iruzkin orokorra eta esanahi praktikoa<br />
a) Batzar orokorra delegatuen batzar gisa eratzeko betekizunak, estatutuetan araututakoari<br />
jarraiki.<br />
Lehenik eta behin, kontuan izan behar dugu delegatuen batzarra estatutuetan ezar<br />
daitekeen erabilera murriztaileko aukera bat dela. Bi baldintza hauetako bat betetzen<br />
duten kooperatibentzat baino ezin da egin: bostehun bazkide baino gehiago izatea<br />
edo batzar orokorrean bazkide guztiak egotea modu larrian eta iraunkorrean zailtzen<br />
duten inguruabarrak gertatzea (beraz, ez da nahikoa garrantzi txikiko zailtasuna edo<br />
eragozpen iragankorra izatea). Lehenengo baldintza objektiboa da eta ez du merezi<br />
iruzkin gehiago egitea. Bigarrenari dagokionez, bazkideak batzarrean egotea zailtzen<br />
duten inguruabarren artean, honako hauek azpimarra ditzakegu: antolakuntzakoak<br />
(areto egokia aurkitzeko zailtasunak, bozketak kontrolatzeko zailtasunak edo<br />
ekitaldiaren gehiegizko iraupenak eragindako arazoak) edo hainbat lantoki<br />
sakabanatu egotea. Estatutuetan delegatuen batzarrak egiteko aukera bidezkotuko<br />
lukeen kasu berezi bat dugu, ekoizpen-katea geldi ez dadin, jarduera hiru txandatan<br />
antolatuta duen industria-ekoizpeneko kooperatiba batena.<br />
141
KOOPERATIBAREN ORGANOAK: BATZAR OROKORRA<br />
b) Estatutuetan nahitaez arautu beharreko prestatze-biltzarrei eta delegatuei buruzko<br />
alderdiak.<br />
EKLren 40.2 artikuluak xedatutakoaren arabera, honako hauek dira:<br />
1. Bazkideak prestatze-biltzarretara joateko irizpideak.<br />
Delegatuak izendatzeko egin behar diren prestatze-biltzar guztiak ezarri behar<br />
dituzte estatutuek. Erabaki hori hartzeko eta bazkideak aukeratzeko, kontuan<br />
hartu behar da neurri horren bidez lortu nahi den helburua parte-hartzea<br />
sustatzea dela, eta, ondorio horretarako, garrantzitsua dela estatutuek sistema<br />
hori arautzeko aintzat hartu duten arrazoia. Hala, oro har, ez litzateke zentzuzkoa<br />
izango prestatze-biltzarren kopuru jakin bat ezartzea horietako bakoitzera<br />
bostehun bazkide baino gehiago joan dadin; izan ere, legeak dioenaren arabera,<br />
bertaratuen kopuru horretatik aurrera, justifikatuta dago honelako sistema ezartzea<br />
antolaketa-arazoak saihesteko, adibidez, batzarrean parte hartzen duten pertsona<br />
guztientzako lokal egokia aurkitzeko zailtasuna saihesteko. Era berean, ez<br />
litzateke arrazoizkoa izango prestatze-biltzarren arauketa lantokiak sakabanatuta<br />
daudelako justifikatzen bada, prestatze-biltzarren kopurua antolatzeko dagoen<br />
lantoki-kopurua ez den beste irizpide bati jarraitzea, haietako bi gertu badaude<br />
izan ezean. Nolanahi ere, bazkideak aukeratzeko irizpideak (lantokiaren edo<br />
lan-txandaren, atalaren edo kategoriaren arabera) objektiboak izan behar dira,<br />
eta ezin dira iruzurrezko helburuetarako erabili, esate baterako, irizpide bat<br />
ezartzeko non gehiengoa ez duten eta arazoak sor litzaketen bazkideak biltzar<br />
batzuetan banatuta gertuko liratekeen, horien eragin-gaitasuna apaltzeko.<br />
2. Prestatze-biltzarren deialdien eta osaeraren araubidea.<br />
Prestatze-biltzarrak deitzeko eskumena, bai eta delegatuen batzarra deitzekoa<br />
ere, administrazio-organoarena da. Gure ustez, onena litzateke deialdi bakarra<br />
egitea, biak hartuta, hau da, delegatuen batzarra eta prestatze-biltzarrak,<br />
eta batzar guztiak egun berean eta aldi berean egitea. Horrela, gure iritziz,<br />
sozietatearen nahia behar bezala gorpuzten laguntzen da, batzar batzuetako<br />
bozketen emaitzek besteetan eraginik izan ez dezaten. Hala eta guztiz ere, egia<br />
da, alde batetik, legeak ez duela halakorik agintzen, eta, bestetik, ezin izango dela<br />
beti aldi berean egin, kasurako, ekoizpen-katea geldi ez dadin, jarduera txandaka<br />
antolatuta duen industria-ekoizpeneko kooperatiba batean. Kasu horretan, bai<br />
bazkideen atxikipena, bai batzar bakoitzaren ordutegia, lan-txanden araberakoak<br />
izango dira. Estatutuetan ere arautu beharko da, legean jasotako araudiaren<br />
eskakizun guztiei erantzun beharrik gabe, malgutasunez eta kooperatiba<br />
bakoitzaren egoerara egokituta, baina bazkideen laguntza-, partaidetza- eta<br />
informazio-eskubideei kalterik egin gabe, deialdiaren erari, publizitateari eta<br />
edukiari dagokiena. Estatutuetan arautu beharreko beste alderdi bat batzarra<br />
eratzeko quoruma da: gai honetan, uste dugu ezen, prestatze-biltzarrek aldez<br />
aurreko aldiari datxekion helburua bete dezaten, eta bazkideei horietan partehartzeak<br />
duen garrantzia gogorarazteari kalterik egin gabe, ahaleginak egin<br />
behar direla batzarra lehenengo deialdian egin dadin errazteko eta gutxieneko<br />
142
KOOPERATIBAREN ORGANOAK: BATZAR OROKORRA<br />
quorumak saihesteko, edo, behintzat, quorum horiek batzar orokorra eratzeko<br />
legeak arautzen dituenak baino txikiagoak izan ez daitezen.<br />
3. Delegatuak aukeratzeko arauak: delegatuen kopurua eta delegatuen botoen<br />
kopurua.<br />
Hauek dira EKLk ezartzen dituen aginduzko xedapen bakarrak:<br />
a) Delegatuek bazkideak izan behar dute.<br />
b) Prestatze-biltzar bakoitzak aukeratu beharreko delegatu-kopurua eta<br />
horiek batzar orokorrean duten boto-kopurua arautzeko, estatutuek<br />
proportzionaltasun-irizpideei jarraitu beharko diete nahitaez. Horren<br />
adibide bat izango litzateke estatutuetan arautzea delegatu izateko<br />
beharrezkoa izango dela, hasiera batean, une horretan prestatzebiltzarrean<br />
dauden eta ordezkaturik dauden bazkideek emandako baliozko<br />
botoen ehuneko 10, gutxienez, baina ehuneko 20 baino gutxiago lortzea,<br />
eta delegatu bakoitzak batzarrean emandako botoak delegatu horrek<br />
ordezkatzen dituen bazkideen balio bera izango duela. Boto-atalase<br />
hori gainditzen duten ordezkariek edo ordezkari izendatzeko behar<br />
diren gutxieneko botoak lortzen ez dituzten hautagaiek, bozketa amaitu<br />
ondoren, honako hauek egin ahalko dituzte: (i) jasotako botoak hautatua<br />
izan ez den beste hautagai bati eman, delegatu gisa hautatua izan dadin,<br />
edo (ii) botoak hautetsia izan den delegatu bati laga, betiere, arestian<br />
esandako boto-kopurura iritsi ez bada eta, beraz, jasotako botoen kopurua<br />
handituko du. Horrez gain, prestatze-biltzarrean, ehuneko 10eko atalasera<br />
iritsi ez diren gutxiengoen mesedetan eta halakoek eskatuta, baimena<br />
emango da gutxiengoek delegatu berezi eta gehigarria bat izenda dezaten<br />
eta horrek boto guztiak jasoko ditu, baterakorrak ez izan arren, botoak<br />
idatziz adierazi eta emateko, banan-banan, bakoitzaren edukiaren arabera,<br />
delegatuen batzarrean.<br />
Estatutuetan arautzen diren delegatuen hautaketari buruzko beste gai<br />
batzuen artean, nabarmendu behar da hainbat baldintza betetzea eskatu<br />
ohi dela, besteak beste, hautagai gisa aurkeztu izana, dela batzarra egin<br />
baino lehenagoko epe baten barruan, dela batzarra hasi aurretik; prestatzebiltzarrean<br />
parte-hartzea, kooperatibako organoetan (artezkaritzakontseilua,<br />
errekurtso-batzordea, zaintza-batzordea) kargurik ez izatea;<br />
aztergaien zerrendako gaien inguruko iritzia agertzea; eta, batzuetan,<br />
gutxieneko antzinatasuna izatea kooperatiban. Ikuspegi praktikotik,<br />
komeni da ordezko delegatuak ere aukeratzea, badaezpada, delegaturen<br />
batek batzarrera joaterik ez badauka.<br />
4. Agintearen izaera eta iraupena.<br />
Estatutuetan nahitaez arautu beharreko beste gai bat agintearen izaera da.<br />
Aginte hori nahitaezkoa izan daiteke, hau da, ezinbestean bete beharrekoa;<br />
indikatiboa izan daiteke, non, muga batzuen barruan, delegatuak lan egiteko<br />
tartea daukan bere eskumena erabili ahal izateko; edo fakultatiboa izan daiteke,<br />
143
KOOPERATIBAREN ORGANOAK: BATZAR OROKORRA<br />
non delegatuak erabateko eskumena daukan eta hura aukeratu duen prestatze-<br />
-biltzarrean agertu diren jarrera eta irizpideei ere muzin egin diezaiekeen. Gure<br />
iritziz, aginte fakultatiboa baztertu egin behar da. Eta beste bi ereduen artean,<br />
nahitaezko edo aginduzko ereduaren alde egiten dugu, inguruabarren funtsezko<br />
aldaketarik izan ezean. Ildo horretan, delegatuen batzar orokorrak ebaluatu eta<br />
deklaratu behar du funtsezko aldaketa, estatutuei erreparaturik, betiere aztertzen<br />
diren inguruabarrak prestatze-biltzarra egin denetik batzarra egiten denera arte<br />
doan aldian gertatu badira.<br />
Agintaldiaren iraupenari dagokionez, Estatuko Kooperatibei buruzko Legeak ez<br />
bezala -horrek, gehienez ere, hiru urtera mugatzen du agintaldia-, EKLk ez du<br />
mugarik ezartzen. Gure irizpidearen arabera, aukerarik onena urtebeteko muga<br />
ezartzea litzateke, delegatua berriz hautatu ahal izateari kalterik egin gabe. Hau da,<br />
delegatuak prestatze-biltzarretan aukeratuko lirateke, urteko ohiko batzar orokorra<br />
egiten den egunetik hurrengo ohiko batzarrerako deialdia egiten den egunera arteko<br />
aldian. Horretarako, egiten diren batzar guztietara, baita ezohiko batzarretara ere,<br />
joan beharko lukete delegatu gisa, batzar bakoitzaren aurretik egiten diren prestatzebiltzarretan<br />
emandako aginduzko jarraibide bereziei men eginda.<br />
c) Arau osagarri aplikagarriak<br />
Gainera, prestatze-biltzarrak direla eta, kontuan izan behar dugu iruzkin honen xede<br />
den artikuluan eta kooperatibaren estatutuetan arautzen ez den guztiari dagokionez,<br />
oro har, batzar orokorrarentzat xedatutakoak aplikatuko direla. Xedapen horiei<br />
erreparaturik, egokia da kooperatibako kideek gogoeta egin dezaten, kasuan-kasuan,<br />
aipatutako arauak prestatze-biltzarretan araututako ereduarekin bat ote datozen,<br />
besteak beste, bertaratze-quorumarekin, ordezkaritzarekin, bileraren aktaren<br />
onarpenarekin edo informazio-eskubidearen erabilerarekin, edo, bestela, arauak<br />
oso behartuta dauden; azken kasu horretan, komenigarria litzateke lehen esandako<br />
alderdiak berariaz arautzea kooperatibaren estatutuetan.<br />
Arauaren esanahi praktikoari dagokionez, adierazi behar da, azaldutako guztia<br />
kontuan hartuta, kooperatiba dela haren hartzaile nagusia, eta, hortaz, estatutuetan<br />
araututakoaren bidez, kooperatiba bakoitzaren egoerara eta beharretara egokitutako<br />
araubide aplikagarria zehaztu beharko duela, legean xedatutakoa betez eta bazkideen<br />
eskubideak eta printzipio kooperatiboak behar bezala errespetatuz.<br />
5.9.3. Beste arau aplikagarri batzuk<br />
Gai horri EKLren 40. artikulua eta kooperatiba bakoitzaren estatutuetan jasotako<br />
erregulazioa aplikatuko zaizkio, legearen jarraibideen arabera; izan ere, Euskal Autonomia<br />
Erkidegoko legegileak gutxienekoen araudia hobetsi du, hizpide darabilgun gaia estatutuen<br />
autoerregulazioaren esku utzita. Artikulu horretan eta kooperatiba bakoitzaren estatutuetan<br />
arautzen ez den guztiaz denaz bezainbatean, batzar orokorrarentzat ezarritako arauak beteko<br />
dira, eta, beraz, arau subsidiario edo osagarri gisa ez da aplikatuko Kooperatibei buruzko<br />
27/1999 Legea, eta, bereziki, haren 30. artikuluak jasotako aurreikuspenak.<br />
144
KOOPERATIBAREN ORGANOAK: BATZAR OROKORRA<br />
5.10. Batzar orokorrak hartutako erabakiak aurkaratzea.<br />
41. artikulua.– Batzar orokorrak hartutako erabakiak aurkaratzea.<br />
1.– Batzar orokorraren erabakiak aurkaratu ahal izango dira baldin eta legearen nahiz<br />
estatutuen aurkakoak badira edo kooperatibaren kaltetan hartu badira bazkide<br />
baten edo gehiagoren zein hirugarren ez-bazkideen mesedetan.<br />
2.– Erabakia ezin izango da aurkaratu baldin eta, Kapital Sozietateei buruzko Legean<br />
ezarritako baldintzei jarraikiz, hura ondoriorik gabe utzi bada edo beste erabaki<br />
batek baliozkotasunez ordeztu badu, ezta aipatu lege horretan xedatutako beste<br />
kasuetan ere. Aurkaratzeko arrazoia ezaba daitekeenean, merkataritza-arloko<br />
epaitegiak zentzuzko epe bat emango du hori konpontzeko.<br />
3.– Aurkaratze-akzioa honako hauek egikaritu ahal izango dute: bazkideek,<br />
administratzaileek, zaintza-batzordeko kideek edo interes legitimoa duen bazkide<br />
ez den edozein hirugarrenek; aurkaratze-akzioa egikaritzeko aukera urtebetean<br />
iraungiko da, salbu eta erabaki horien karia edo edukia ordena publikoaren<br />
aurkakoak direnean.<br />
4.– Artikulu honen aurreko apartatuan aurreikusitako aurkaratze-akzioa egikaritzeko<br />
iraungipen-epea erabakia hartu zenetik aurrera hasiko da kontatzen; erabaki hori<br />
Euskadiko Kooperatiben Erregistroan inskribatu behar bada, berriz, inskribatzen<br />
den unetik aurrera.<br />
5.– Oro har, Sozietate Kapitalaren Legearen arabera ezarriko da aurkaratzeprozedura.<br />
Salbuespenez, baina, demanda-idatzian aurkaratutako erabakia eten<br />
dadila eskatzeko, exijituko da zaintza-batzordeak berak edo ondoren azaltzen den<br />
ordezkaritza duten pertsonek eskatzea:bazkideen ehuneko hamar ordezkatzen<br />
duten pertsonek, kooperatibak 50 bazkide baino gehiago badu; bazkideen ehuneko<br />
hamabost ordezkatzen dutenek, kooperatibak 10 eta 50 arteko bazkide baditu, eta<br />
bazkideen ehuneko hogei ordezkatzen dutenek, kooperatibak 10 bazkide baino<br />
gutxiago badu.<br />
6.– Aurkaratze-akzioaren baiespen-epaiak bazkide guztiengan izango du eragina,<br />
baina ez die eragingo aurkaratutako erabakiaren ondorioz hirugarren ez-bazkide<br />
onustedunek lortutako eskubideei. Aurkaratutako erabakia Euskadiko Kooperatiben<br />
Erregistroan jasota badago, epaiak inskripzio horren ezereztea aginduko du.<br />
5.10.1. Berrikuntza nagusiak aurreko araudiaren aldean<br />
a) Alderdi berritzaile gisa, adierazi behar da, EKLren zioen azalpenean bertan adierazten<br />
denez, kapital-sozietateen oraintsuko erregulazioan erabakiak aurkaratzeko<br />
ezarritako irizpidea hartu dela, honako hauei gagozkiela: kasuak, legitimazioa, epeak<br />
eta horien iraungipena; eta hori guztia enpresa kooperatiboen trafiko juridikoaren<br />
segurtasunaren alde, neurri horrekin ez baita inolako berezitasun kooperatiborik<br />
arriskuan jartzen.<br />
b) Kapital-sozietateen esparruan, gobernu korporatiboa hobetzeko Kapital Sozietateen<br />
145
KOOPERATIBAREN ORGANOAK: BATZAR OROKORRA<br />
Legea aldatzen duen abenduaren 3ko 31/2014 Legeak ekarri zuen indarreko araudia.<br />
Arau horretan, sozietatearen akordioak aurkaratzeko araubide juridikoari dagokionez,<br />
enpresa-eraginkortasunaren ziozko eskakizunak haztatu dira gutxiengoen babesaren<br />
eta trafiko juridikoaren segurtasunaren ziozkoen aldean. Ondorioz, eredu horretan<br />
oinarritzen den EKLn bezala, zenbait kautela-neurri hartu dira garrantzi gutxiko<br />
akats formalen eta legitimazioaren inguruan, praktikan gerta daitezkeen abusuak<br />
saihesteko, eta aurkaratze-kasu guztiak bateratu dira deuseztatzeko araubide<br />
orokorraren ildoan.<br />
5.10.2. Iruzkin orokorra eta esanahi praktikoa<br />
a) Kapital-sozietateen erabakiak aurkaratzeko ezarrita dagoen araubideari jarraiki,<br />
EKLk honako hau xedatzen du: “batzar orokorraren erabakiak aurkaratu ahal izango<br />
dira baldin eta legearen nahiz estatutuen aurkakoak badira edo kooperatibaren<br />
kaltetan hartu badira bazkide baten edo gehiagoren zein hirugarren ez-bazkideen<br />
mesedetan” (41.1 artikulua). Eta, era berean, “erabakia ezin izango da aurkaratu<br />
baldin eta, Kapital Sozietateei buruzko Legean ezarritako baldintzei jarraikiz, hura<br />
ondoriorik gabe utzi bada edo beste erabaki batek baliozkotasunez ordeztu badu,<br />
ezta aipatu lege horretan xedatutako beste kasuetan ere. Aurkaratzeko arrazoia ezaba<br />
daitekeenean, merkataritza-arloko epaitegiak zentzuzko epe bat emango du hori<br />
konpontzeko” (41.2 artikulua).<br />
Erabaki deusezak legearen aurkakoak dira, baina “lege” terminoa modu zabalean<br />
hartu behar da, eta, horren ondorioz, EKLn edo, hala badagokio, Estatuko<br />
Kooperatiben Legean xedatutakoaren aurkakoak diren erabakiez gain, ulertu<br />
behar dugu deusezak izango direla aginduzko edozein legeren aurkako guztiak.<br />
Aitzitik, manu horren interpretazio murriztailea egin behar da, lege bat ez betetzeak<br />
ez baitakar beti onartutako erabakiaren erabateko deuseztasuna deklaratzea.<br />
Gogora dezagun erabateko deuseztasunaren deklarazioak ondorio deusezak erabat<br />
suntsiarazten dituela, eta horrek ondorio juridiko larriak dakartzala; horregatik,<br />
malgutasunik eza dela eta, Auzitegi Gorenak ahaleginak egin ditu ordenamenduari<br />
zenbait bide emateko deuseztasunari ihes egin diezaion. Horrela, jurisprudentzia<br />
zibila aztertuz gero, agerian geratuko zaigu Auzitegi Gorenak ahalegin handia egin<br />
duela Kode Zibilaren 6.3 artikuluaren aplikazio-eremua mugatzeko, hau da, oro<br />
har, ordenamendu osoa aintzat hartuta, aginduzko edo debekuzko arau bat urratzea<br />
erabateko deuseztasunaz zigortzen dela dioen artikulua mugatzeko, ezpada, arau<br />
horretan urratze-kasuarentzako bestelako ondorio bat ezartzen dela (Auzitegi<br />
Gorenaren 2002-06-18ko epaia, Auzitegi Gorenaren 2004-02-24ko epaia, Auzitegi<br />
Gorenaren 2007-04-10eko epaia eta Auzitegi Gorenaren 2012-12-09ko epaia).<br />
Auzitegi Gorenak 1987ko urriaren 17ko epaian adierazi bezala, manua ezin da<br />
bereizketarik gabe aplikatu deuseztasunaren erabakigarri gisa; aitzitik, legearen<br />
aurkako egintzak hiru taldetan sailkatu behar dira: 1) deuseztasuna hala ezartzen<br />
duen legearen manu espezifiko eta erabakigarri batean oinarri dutenak (hala nola,<br />
salbuespenak salbuespen, aztergaien zerrendan jasota ez daudenak), agerikoa izanik<br />
146
KOOPERATIBAREN ORGANOAK: BATZAR OROKORRA<br />
deuseztasuna orduan deklaratu behar dela; 2) legearen aurkako egintzak, legeak<br />
berak, hala eta guztiz ere, haien baliozkotasuna xedatzen duenean; eta, orduan,<br />
egintza horiei baliozkotasuna aitortu behar zaie “contra legem” edo legearen aurka;<br />
eta 3) legezko manuren bat urratzen duten edo haren aurkakoak diren egintzak, baldin<br />
eta manu horrek egintzon deuseztasunari edo baliozkotasunari buruzko berariazko<br />
deklaraziorik egiten ez badu, eta, orduan, epaileak zuhurtzia osoz jardun beharko du,<br />
neurri batean interpretaziozkoa den ahalmen bat erabiliz. Horretarako, aurkaratutako<br />
lege-manuaren izaera eta helburua aztertuko ditu, bai eta gauzatutako egintzen<br />
izaera, arrazoiak, inguruabarrak eta gauzatutakoek sorraraz ditzaketen ondorioak ere<br />
bai, eta, azkenean, egintza baliozkotzat joko du, legezko arau-haustea gertatu arren,<br />
kasuaren arintasunak horretarako aukera ematen badu.<br />
“Estatutuen aurkakoak diren” erabakiei buruzko aipamena ez da ulertu behar barne-<br />
-erregelamenduaren aurkako erabakietara zabaldu ezin den termino murriztaileetan,<br />
halakorik balego, estatutuetan ezarritakoaren garapena baita, ez besterik. Bestalde,<br />
estatutu-arauek lege batek aginduta ezartzen duena agertu besterik egiten ez dutenean<br />
−hori oso ohikoa da−, kontuan hartu behar da arau-haustea gertatuz gero, akordioa<br />
deuseza izango litzatekeela, legearen aurkakoa delako.<br />
“Kooperatibaren interesei” kalterik dakarkioten erabakien balizko deuseztagarritasunari<br />
dagokionez, baldintza bikoitza bete behar da: sozietateari berari kalte egitea eta,<br />
aldi berean, bazkide batentzat edo batzuentzat edo hirugarrenentzat onuragarriak<br />
izatea. Aurkaratzeko arrazoi horren arauketak berariaz aitortzen ditu gehiengoak<br />
hartutako erabakien mugak, hau da, gehiengoak gehiegikeriaz ezarritako erabakiak<br />
deuseztagarriak izango lirateke. Ildo horretan, azpimarratu behar dugu sozietatearen<br />
interesaren kaltea gertatzen dela, hala berean, erabakiak sozietatearen ondareari<br />
kalterik eragin ez arren, gehiengoak gehiegikeriaz ezartzen duenean, eta erabakia<br />
gehiegikeriaz ezarri dela ulertuko da sozietatearen arrazoizko behar bati erantzun<br />
gabe, gehiengoak bere interesen alde eta, inolako justifikaziorik gabe, gainerako<br />
bazkideen kaltetan hartzen duenean.<br />
Beste alde batetik, EKLk ezartzen duenez, erabaki bat ezin izango da aurkaratu<br />
baldin eta, Kapital Sozietateei buruzko Legean xedaturiko baldintzei jarraiki,<br />
hura ondoriorik gabe utzi bada edo beste erabaki batek baliozkotasunez ordeztu<br />
badu, ezta aipatu lege horretan xedatutako beste kasuetan ere (41.2 artikulua).<br />
Ildo horretan, KSLren 204.2 artikuluak honako hau argitzen du: “ez da bidezkoa<br />
izango sozietatearen erabaki bat aurkaratzea, baldin eta aurkaratzeko demanda jarri<br />
aurretik balio osoz hartutako erabaki batek ordeztu badu edo baliorik gabe utzi badu.<br />
Erabakia errekurtsoa jarri ondoren ezeztatzen edo ordezten bada, epaileak prozedura<br />
amaitzeko autoa emango du, objektua gertatzez desagertu delako. Atal honetan<br />
xedatutakoak ez dio kalterik egingo aurkaratzen duenaren eskubideari, hau da,<br />
indarrean egon den bitartean, erabakik eragin dizkion ondorioak desagertzeko edo<br />
kalteak konpon daitezen eskatzeko eskubideari”. Bestalde, KSLren 204. artikuluaren<br />
3. atalak honako hau xedatzen du: “ezin izango dira erabakiak aurkaratu honako<br />
arrazoi hauetan oinarrituta:<br />
147
KOOPERATIBAREN ORGANOAK: BATZAR OROKORRA<br />
a) Legeak, estatutuek edo batzarraren eta kontseiluaren erregelamenduek deialdia<br />
egiteko, organoa eratzeko edo akordioa hartzeko ezarri diren prozedurazko<br />
betekizunak haustea, deialdiaren aurretiazko erari eta epeari, organoa eratzeko<br />
funtsezko arauei edo erabakiak hartzeko beharrezko gehiengoei buruzko arau-<br />
-haustea bada izan ezik edo esanguratsua den edozein arau-hauste izan ezik.<br />
b) Batzarraren aurretik informazio-eskubidea baliatzeari erantzunez sozietateak<br />
emandako informazioa okerra edo nahikoa ez izatea, informazio okerra edo<br />
eman gabea akziodunak edo bazkide arruntak boto-eskubidea egikaritzeko<br />
edo parte hartzeko gainerako eskubideak zentzuz baliatzeko funtsezkoa bada<br />
izan ezik.<br />
c) Legitimaziorik ez duten pertsonek bileran parte-hartzea, parte-hartze hori<br />
organoa eratzeko erabakigarria suertatu bada izan ezik.<br />
d) Boto bat edo batzuk baliogabeak izatea edo emandakoak oker zenbatzea, boto<br />
baliogabeak edo zenbaketan egindako akatsa eska daitekeen gehiengoa lortzeko<br />
erabakigarriak badira izan ezik”.<br />
Era berean, manuak honako hau zehazten du: “demanda aurkeztu ondoren, paragrafo<br />
honetan araututako aurkaratze-arrazoien funtsezko izaerari edo izaera erabakigarriari<br />
buruzko gaia aldez aurretik erabaki beharreko arazo intzidentaltzat hartuko da”.<br />
Gainera, EKLren beraren arabera (41.2 artikuluaren amaieran), aurkaratzeko<br />
arrazoia ezabatu ahal izanez gero, merkataritza-arloko epaitegiak arrazoizko epea<br />
emango du hura zuzendu edo konpondu ahal izateko. Horrela, batzar orokorrak<br />
berak erabakietan egindako akatsak konpon ditzake aurkaratu aurretik, beste batzar<br />
orokor batean hartutako beste erabaki baten bidez, non ondoriorik gabe uzten baita<br />
aurkaratu daitekeen erabakia. Zuzenketarekin, erabakia aurkaratzen zuten akatsak<br />
ezabatu nahi dira. Erabakiek forma-akatsik ez dutenean, ondoriorik gabe uzteko,<br />
beste erabaki bat hartu behar da, aurrekoaren eduki berekoa, legeari eta estatutuei<br />
men eginda. Legean ezarritako zuzenketa, azken batean, aurreko negozio juridiko<br />
bat berritzea da, lehengoa ordeztuz.<br />
b) Sozietatearen erabakiak aurkaratzeko legitimazioari dagokionez, aurkaratze-kasu<br />
guztiak deuseztatzeko araubide orokor bakarraren inguruan biltzen direnez, berdin<br />
dio erabaki deusezak edo deuseztagarriak diren, eta bat etorriko dira aurkaratzeko<br />
akzioa egikaritzeko legitimazioa eta akzioa egikaritzeko epea. Hala, aurkaratze-<br />
-akzioa bazkide guztiek bideratu ahalko dute, bai eta administratzaileek, zaintza-<br />
-batzordeko kideek eta interes legitimoa duen bazkide ez den beste edozein<br />
pertsonak ere, eta urtebeteko epean iraungiko da (EKLren 41.3 artikulua). Horrek<br />
esan nahi du epe horren barruan aurkaratzen ez diren erabakiak baliozkotzat jo eta<br />
baliozkotu egiten direla, arrazoi edo edukiagatik ordena publikoaren aurkakoak<br />
diren akordioak izan ezik. Izan ere, salbuespenez, ordena publikoaren aurkako<br />
erabakiak direla eta, denboraren joanak ez luke ondorio balioztatzailerik izango,<br />
erabateko deuseztasunak baliogabetutako erabakiak baitira; kasu horretan, akzioa<br />
ez da iraungiko, ezta preskribatuko ere. “Ordena publikoaren” kontzeptua ez dago<br />
148
KOOPERATIBAREN ORGANOAK: BATZAR OROKORRA<br />
argi definituta gure doktrinan eta jurisprudentzian, nahiz eta garrantzitsua iruditzen<br />
zaigun Auzitegi Gorenak 2005eko azaroaren 28ko epaian adierazitakoa, eta, bereziki,<br />
ordena publikoaren kontzeptuak, autonomia pribatuaren muga gisa, finkatzeko<br />
zailtasun batzuk badituela aipatzea, baita aurkaratze-ekintzen iraungitze-arauaren<br />
salbuespen gisa aurkezten dela ere, esanahi murriztailean ulertuta, zeren eta, bestela,<br />
aurkaratzeko aukera orokortuko litzateke eta trafikoaren segurtasunaren arloan<br />
ezarritako aurkaratze-akzioaren iraungipenaren araua honda liteke. Doktrinarik<br />
onena lagun, pentsa liteke sozietate anonimoaren lege-diziplinan sozietatearen<br />
printzipio eratzaileetan aurki daitekeela ordena publikoa, eta baieztapen hori heda<br />
daitekeela kooperatibei eta horiek eratzen dituzten printzipioei dagokienez.<br />
Adierazitako kasuan izan ezik, iraungitze-epea erabakia hartzen den egunetik<br />
bertatik hasiko da zenbatzen, edo, erabakia Euskadiko Kooperatiben Erregistroan<br />
inskribatu behar bada, inskribatzen den egunetik aurrera (EKLren 41.4 artikulua.<br />
Ildo beretik, KSLren 205.2 artikulua).<br />
c) Erabakiak aurkaratzeko prozedurari dagokionez, adierazi behar da gai prozesala<br />
dela, eta Estatuak eskumen esklusiboa duela haren gainean (EKren 149.1.6a):<br />
horregatik, Espainiako kooperatibei buruzko legeek, bai eta EKLk ere (41.5<br />
artikulua), oso espezialitate zehatzen bat izan ezik, KSLren artikuluetara igortzen<br />
dute, baina arau horren 207.1 artikuluak honako hau ezartzen du: “sozietatearen<br />
erabakiak aurkaratzeko, auzibide arruntaren izapideak bideratuko dira eta Prozedura<br />
Zibilaren Legeak jasotako xedapenei jarraituko zaie”, hau da, 399. artikulutik 466.<br />
artikulura bitarteko artikuluek jasotakoei, eta sozietateak egoitza daukan lekuan<br />
jurisdikzioa duen merkataritza-arloko epaileak eskumena izango du demandaz<br />
arduratzeko edo, arbitrajeari lotzeko klausularik egonez gero estatutuetan, Euskadiko<br />
Kooperatiben Kontseilu Nagusiak izendatutako arbitroak esku har dezake, EKLren<br />
165.2 f) I artikuluak araututakoaren arabera (Auzitegi Gorenaren 1998ko apirilaren<br />
18ko Epaiak sartutako irizpidearen arabera idatzita dago artikulua; irizpide<br />
hori Auzitegi Gorenaren 2001eko azaroaren 30eko edo 2007ko uztailaren 9ko<br />
epaietan ere baliatu da), “arbitrajearen bidez, kooperatiben artean, kooperatiben<br />
eta bazkideen artean edo kooperatiben barruan bazkideen artean sortzen diren<br />
auzietan, bi alderdiek hala eskatzen dutenean edo horretara behartuta daudenean,<br />
beraien estatutuen, barne-erregelamenduaren edo konpromiso-klausularen arabera.<br />
Nolanahi ere, auzia alderdiek zuzenbidearen arabera askatasunez xedatu beharreko<br />
gaien gainekoa izan behar da, eta izaera kooperatiboko printzipio, arau, ohitura eta<br />
usadioen interpretazioari eta aplikazioari eragin behar dio nagusiki”. Dena dela,<br />
lehen esandako EKLren manuaren II. atalak adierazi bezala, “kooperatibetako<br />
bazkideek, edozein motatakoak direla ere, kooperatibaren eta kooperatibaren artean<br />
sor daitezkeen gatazkak konpontzeko helburuz jurisdikzio eskudunera edo judizioz<br />
kanpoko bideetara jo aurretik, agortu egin beharko dute lege honetan, legearen<br />
garapen-arauetan, sozietatearen estatutuetan edo kooperatibaren barne-arauetan<br />
ezarritako barneko bide kooperatiboa”.<br />
Aurkaratutako erabakia eteteko eskaerari dagokionez, arau berezi bat ezarri da<br />
149
KOOPERATIBAREN ORGANOAK: BATZAR OROKORRA<br />
kapital-sozietateei dagokienez; beraz, etetea eskatu ahal izateko, zaintza-batzordea<br />
izan behar da eskatzailea, edo, gutxienez, 50 bazkide baino gehiagoko kooperatibetan,<br />
botoen % 10, gutxienez, ordezkatzen duten bazkideak, 10 eta 50 bazkide arteko<br />
kooperatibetan, botoen % 15, eta 10 bazkide baino gutxiagoko kooperatibetan,<br />
botoen % 20 (41. artikuluaren amaieran).<br />
d) Aurkaratzea baiesten duen epaiaren ondorioei gagozkiela, EKLren 41.6 artikuluak<br />
ezartzen du bazkide guztien aurrean izango dituela ondorioak, baina ez diela eragingo<br />
on ustean jardun duten hirugarrenek eskuratutako eskubideei. Ukitutako erabakiak<br />
kooperatiben erregistroan inskribatuta daudenean, epaiak zehaztuko du, halaber,<br />
horien inskripzioa ezereztea, bai eta kontraesanean dauden geroko idazkunak<br />
ezereztea ere. Deuseztasun-deklarazioa erregistro-idazpenetan agerrarazteko, epaiaren<br />
lekukotza aurkeztu beharko da, edo, hala badagokio, arbitraje-organoak sinatutako<br />
laudoari dagokion testu osoa.<br />
e) Arauaren esanahi praktikoari dagokionez, adierazi behar da batzarraren erabakiak<br />
aurkaratzeko legitimazioa aktibo eta pasibo dutenak direla arauaren hartzaile<br />
nagusiak. Lehenengoen artean, bazkideak, administratzaileak, zaintza-batzordeko<br />
kideak eta interes legitimoa duen baina bazkidea ez den edozein pertsona aipatu<br />
behar dira. Bestalde, legitimazio pasiboa sozietateak berak dauka. Era berean,<br />
epaileak eta arbitraje-organoak dira arauaren hartzaile nabarmenak, eta aurkaratzeak<br />
ebatzi behar dituzte.<br />
5.10.3. Beste arau aplikagarri batzuk<br />
Beste arau aplikagarri batzuei dagokienez, EKLren artikuluak berak, 2. eta 5. ataletan,<br />
Kapital Sozietateen Legeak jasotako araudira igortzen du, eta lege horrek, era berean,<br />
adierazten du “sozietatearen erabakiak aurkaratzeko auzibide arruntaren izapideak eta<br />
Prozedura Zibilaren Legean jasotako xedapenak beteko direla”, hau da, Prozedura Zibilaren<br />
Legearen 399. artikulutik 436. artikulura bitartekoek diotena. Gainera, arbitrajeari lotzeko<br />
estatutu-klausula egonez gero, Euskadiko Kooperatiben Kontseilu Nagusiak izendatutako<br />
arbitraje-organoak batzarraren erabakia aurkaratzea ebazten badu, era berean, Euskadiko<br />
Kooperatiben Kontseilu Nagusiaren 2012ko urtarrilaren 27ko Erregelamendua, euskal<br />
kooperatiben gatazkak ebazteko prozedurei buruzkoa, aplikatuko da.<br />
150
6. KOOPERATIBA ADMINISTRATZEA ETA<br />
ORDEZKATZEA *1.<br />
6.1. Sarrera<br />
Administrazio-organoaren legezko konfigurazioak berebiziko garrantzia dauka sozietate<br />
bat arautzen duen edozein legetan. Horren haritik, legearen zioen azalpenak berak dio<br />
artikuluen alderdi garrantzitsuenetakoak direla administrazio- eta kudeaketa-organoaren<br />
erregulazioan egindako aldaketak.<br />
Lege berriak administrazio-organoaren garrantzia berretsi du, eta argi eta garbi mugatu<br />
ditu hari dagozkion eskumenak, administratzaileentzat bakarrik gorde baititu kooperatibaren<br />
kudeaketa eta ordezkaritza, eta, gainera, legeak edo estatutuek beste organo batzuei berariaz<br />
esleitzen ez dizkien ahalmen guztiak ere ematen baitizkie −Euskadiko Kooperatiben<br />
Legearen (aurrerantzean, EKL) 42.1 artikulua−.<br />
Beraz, sozietateen inguruko legeriarik orokorrenak finkatutako teknika bat baliatu<br />
da trafikoaren segurtasuna eta kudeaketa eraginkorra bermatzeko. Horretarako ibilbide<br />
egiaztatua eta merkatuan erraz ezagutzeko moduko konfigurazio juridikoa eman zaio organo<br />
horri.<br />
Kooperatiba-egitatearen berezitasunak islatzen dituzten arau espezifikoei eutsi bazaie ere,<br />
aurreko legeak hasitako bideari jarraitu zaio, hots, sozietate-organoen araubidea kapitalsozietateentzat<br />
ezarritako araubidera hurbiltzeari.<br />
Hala ere, denboraren joanak eta sozietateen bilakaera teknikoak nolabait zaharkiturik<br />
zeukan kooperatibei buruzko araudia, eta, horregatik, modernizatu beharra zegoen. Hain<br />
zuzen ere, gizarte-organoen arloko erreferentziazko merkataritza-erregulazioa, Kapital<br />
Sozietateen Legeak (aurrerantzean, KSL), eraberritze eta modernizazio sakona izan<br />
zuen 2014an, gobernu korporatiboaren arloan, eta lege berri horren idazketa baliatu da<br />
bertan txertaturiko zenbait berrikuntza gehitzeko eta, bestetik, kooperatiba-sozietatearen<br />
administrazio-organoaren erregulazioa hobetzeko eta eguneratzeko.<br />
Kooperatibak merkatu globalizatu konplexuetan ere lehiatzen direnez gero, eraginkortasuna<br />
zorroztu behar dute eta kudeaketa profesionala eta arina beharrezkoa dute, baita arduratsua<br />
eta leiala ere. Ezin dira kapital-sozietate anonimoen nahiz erantzukizun mugatuko sozietateen<br />
esparruan egun aplikatzen diren gobernu korporatibo onaren eskakizunetatik kanpo<br />
geratu. Artezkaritza-kontseilua osatzen dutenen gaitasun teknikorik ezak, kontrol-tresnen<br />
hutsuneek eta erantzukizun-araubidearekiko segurtasun faltak, batzuetan, kooperatiben<br />
funtzionamendu ona oztopatu dute, eta, horren ondorioz, kooperatiben lehiakortasuna.<br />
Horregatik, indargabetutako legearen araubidea hobetuko zukeen legegintzazko jarduketa<br />
gauzatu behar izan da.<br />
* María Pilar Rodríguez Álvarez eta Rosa Otxoa-Errarte Goikoetxea andreek, UPV-EHUko Enpresa<br />
Zuzenbidea eta Zuzenbide Zibila Saileko Merkataritza Zuzenbideko irakasleek, egindako iruzkina.<br />
151
KOOPERATIBA ADMINISTRATZEA ETA ORDEZKATZEA<br />
Hala eta guztiz ere, doktrinak gobernu korporatibo onaren printzipioak kooperatibei<br />
aplikatzeaz jardun duenean, ohartarazi du zuhurtasunez egin behar dela kapital-sozietateei<br />
aplikatzen zaizkien arauetarako hurbilketa, kooperatiben berezitasunak kontuan hartuta.<br />
Gobernu on horrek oreka ona lortu beharko luke eraginkortasun ekonomikoaren eta<br />
kooperatiba-nortasunaren zaintzaren artean, eta, bereziki, funtzionamendu demokratikoaren<br />
eta kooperatiben printzipioekiko errespetuaren artean. Printzipio horiek legearen 1. artikuluan<br />
aipatzen dira, eta erabateko beharkizunak dira kooperatiben araubide juridikoan.<br />
Ezin da bazter utzi administratzaileen kudeaketa egokia eta proiektu kooperatibo<br />
partekatuaren buru izateko gaitasuna proiektu horren arrakastari lotuta egongo direla, eta<br />
lege-erregulazio egokiak hura lortzen lagundu behar duela, ahal den neurrian.<br />
Administrazio-organoari aplika dakiokeen erregulazioa V. kapituluaren 2. atalean dago.<br />
Kapitulu horrek hamaika artikulu ditu, 42tik 52ra bitartekoak, horiek biak ere aintzat harturik.<br />
42. artikulua.– Administratzaileak. Izaera eta eskumenak<br />
43. artikulua.– Administratzaileak hautatzea<br />
44. artikulua.– Ezgaitasunak eta debekuak<br />
45. artikulua.– Ordainsariak<br />
46. artikulua.– Iraupena eta kargutik kentzea<br />
47. artikulua.– Artezkaritza-kontseilua osatzea eta berritzea<br />
48. artikulua.– Artezkaritza-kontseiluaren funtzionamendua<br />
49. artikulua.– Administratzaileen betebeharrak<br />
50. artikulua.– Administratzaileen erantzukizuna<br />
51. artikulua.– Administratzaileen kontrako erantzukizun-akzioak<br />
52. artikulua.– Administratzaileen erabakiak aurkaratzea<br />
Esandako artikuluei gehitu zaizkien berrikuntza esanguratsuenen artean, administratzaileek<br />
erabili beharreko hizkera inklusiboaz gain, honako hauek nabarmendu behar ditugu:<br />
Kudeaketa-organoak profesionaltasun handiagoa izan beharko duela arautu da, bazkide<br />
ez diren pertsonek parte hartzeko muga heren bateraino igota (1993ko Legean, laurdenekoa<br />
zen), edo idazkariaren zereginak kontseiluko kide ez diren profesionalen esku uzteko aukera<br />
ematen da, kontseiluko kideak kooptazio bidez izendatzeko aukera gehitu da, informazioaren<br />
eta komunikazioaren teknologia berriak erabiltzeko modua gehitu da, bileretako partehartzea<br />
errazteko eta bizkortzeko, eginbeharren eraentza hobetu da, prestasun eta leialtasun<br />
betebeharren araubide espezifikoa jasoz, dagokion erantzukizun-arauekin eta hau eskatzeko<br />
akzioekin batera. Era berean, berria da kooperatiben gobernu-organoan gizonen eta<br />
emakumeen presentzia orekatua izateko aipamena.<br />
Bestalde, berrikuntza garrantzitsuak gehitu dira ordainsarien araubideari dagokionez,<br />
nahiz eta karguaren doakotasunaren printzipiotik abiatzen den, estatutuen esku uzten baitu<br />
zer irizpideri erantzungo dion zehaztea eta batzarraren esku uzten baitu urteko zenbatekoa<br />
finkatzea; hala ere, galdatzen du ordainsariek arrazoizko proportzioa izan beharko dutela<br />
kooperatibaren garrantziarekin, unean-unean daukan egoera ekonomikoarekin eta<br />
administratzaileek karguan aritzean emandako benetako prestazioekin.<br />
152
KOOPERATIBA ADMINISTRATZEA ETA ORDEZKATZEA<br />
Azkenik, batzar orokorraren erabakiei gagozkiela, administrazio-organoaren erabakiak<br />
aurkaratzeko araubidea aldatu da, kausei, legitimazioari, epeei eta iraungitzeari dagokienez.<br />
6.2. Administratzaileak. Izaera eta eskumenak<br />
42. artikulua.– Administratzaileak. Izaera eta eskumenak<br />
1.– Administratzaileei bakarrik dagokie kooperatiba kudeatzea eta ordezkatzea; gainera,<br />
legeek edo estatutuek sozietateko beste organo baten esku espresuki uzten ez dituzten<br />
beste eskumen guztiak ere haienak izango dira.<br />
2.– Estatutuetan zehaztu beharko da zein modutan egikarituko den administratzaileei<br />
esleitutako ordezkaritza. Ordezkapen hori helburu sozialaren barruan dauden<br />
egintza guztietarako izango da, bai epaiketetan eta baita epaiketaz kanpokoetarako<br />
ere. Administratzaileen ordezkaritza-ahalmenei estatutuetan jarritako edozein<br />
mugak ez die hirugarren ez-bazkideei eragingo.<br />
Sozietatea betebeharpean jarriko da onustez eta erru larririk gabe jardun duten<br />
hirugarren ez-bazkideei begira, nahiz eta estatutuen arabera egintza ez egon helburu<br />
sozialaren barruan.<br />
6.2.1. Berrikuntza nagusiak aurreko araudiaren aldean<br />
Lege berriak ez ditu aldatu aurrekoak zehaztutako administrazio-organoaren eginkizunak,<br />
ezta eskumenak ere. Administrazio-organoari dagokio “era esklusiboan” kooperatiba<br />
kudeatzea eta ordezkatzea, eta, gainera, hondar-eskumena du, “legeak edo estatutuek<br />
sozietatearen beste organo batzuei berariaz esleitzen ez dizkieten ahalmen guztiak barneratzen<br />
dituena.<br />
Ordezkatzeko ahalmenari dagokionez, sozietatearen objektu sozialak zedarritutakoari ere<br />
eutsi zaio, eta hirugarrenen aurrean ez dira eraginkorrak izango estatutuetan ezarritako mugak.<br />
Gainera, kooperatibak hirugarrenen aurrean erantzungo du, nahiz eta administratzaileek<br />
estatutuetan jasotzen den objektu sozialak mugaten duen eremua gainditu, betiere on ustean<br />
fede onez eta erru larririk gabe jardun badute; hori egitea daukate nahiz eta estatutuetatik<br />
ondorioztatu egintza hori ez dagoela objektu sozialaren barruan.<br />
6.2.2. Iruzkin orokorra eta esanahi praktikoa<br />
6.2.2.1. Iruzkin orokorra<br />
6.2.2.1.1. Administrazio-organoaren eginkizunak kooperatiba kudeatzea (bai jarduera<br />
kooperatibizatua kudeatzea, bai pertsona juridikoarena ere) eta kooperatiba ordezkatzea<br />
dira, hau da, kooperatiba hirugarrenekin lotzen duten harremanak ezartzea. Bi-biak “era<br />
esklusiboan” esleituta ditu, eta horrek baztertu egiten du batzarrak kudeaketa-gaietan parte<br />
hartzea. Gainera, adierazi den bezala, legeak administratzaileei esleitzen dizkie legeak edo<br />
estatutuek beste organo batzuei berariaz esleitu ez dizkieten ahalmen guztiak.<br />
153
KOOPERATIBA ADMINISTRATZEA ETA ORDEZKATZEA<br />
Legegileak, kasu honetan, ez dio kapital-sozietateen eskubide modernoenaren bideari<br />
heldu, berariaz ezartzen baitu, estatutu-gaikuntzarik ezean ere, batzarrak, oro har, kudeaketagaietan<br />
esku hartzeko gaitasuna duela. Kapital Sozietateen Legearen 161. artikuluak bi bide<br />
ezartzen ditu esku-hartze hori gauzatzeko. Alde batetik, administratzaileei jarraibideak<br />
ematea, ekintza jakin batzuk egiteko eskatuz edo horiek gauzatzeko jarraitu beharreko<br />
eginbideak ezarriz; hori bai, kanpoko edo ordezkaritzako esparrua eragotzi gabe. Eta,<br />
bestetik, administratzaileen erabaki-eremukoak izango liratekeen eragiketa jakin batzuk<br />
egiteko baimena ematea. Estatutuek kontrakoa xedatzen dutenean, ez bestetan, debekatuko<br />
zaizkio eskumen horiek batzarrari.<br />
Batzarraren eskumen “orohartzaile” hori, hasiera batean, 1995eko legean jaso zen<br />
erantzukizun mugatuko sozietatearentzat, eta kapital-sozietate guztietara hedatu zen legearen<br />
2014ko erreformaren bidez, gobernu korporatiboaren arloko aldaketei dagokienez.<br />
Indarrean dauden kooperatiben beste lege batzuek, hala nola Valentziakoak (41. Artikulua)<br />
Kataluniakoak (53. artikulua) edo Extremadurakoak (39.1 artikulua) arautzen dute batzarrak<br />
kudeaketa-gaietan esku har dezakeela, nahiz eta estatutu-gaikuntzarik ez izan; aukera<br />
hori Estatuko Kooperatiben 27/1999 Legean jaso zen, honako hau xedatuta: “estatutuetan<br />
kontrakorik xedatu ezean, batzar orokorrak jarraibideak eman ahal izango dizkio artezkaritzakontseiluari<br />
edo baimena eman ahal izango du organo horrek gai jakin batzuei buruzko<br />
erabakiak edo akordioak har ditzan” (21.1.II artikulua).<br />
Euskal legegileak nahiago izan du administrazio-organoaren autonomia handiagoari eutsi,<br />
esklusibotasuna baitu, bai kudeaketa-egintza arruntei dagokienez, bai ohiz kanpokoei dagokienez<br />
ere, horiek guztiek duten garrantziagatik edo salbuespenagatik. Euskal kooperatibek ezin dute<br />
arautu, ezta estatutuen bidez ere (ikus 40.1 eta 33.4 artikuluak), bazkideek kudeaketan eskuhartzea<br />
edo eragina izatea, esandako kudeaketa-organoari baitagokio era esklusiboan (Legearen<br />
33.3. i) artikuluan jasotako salbuespenarekin). Bazkideek, beraz, bakarrik administratzaileen<br />
ekimenez, kudeaketa-gaiak batzarrera eramaten direnean, izango dute hauen inguruan<br />
erabakiak hartzeko aukera. .<br />
6.2.2.1.2. Ordezkaritza-ahalmenaren egikaritza arautzea estatutuei dagokie. Ordezkaritzaahalmen<br />
hori artezkaritza-kontseiluari esleitu ahalko zaio, kontseiluburuari, kontseiluko kide<br />
eskuorde bati edo batzuei, edo exekuzio-batzorde bati.<br />
Ordezkaritza-ahalmen hori estatutuetan zehaztutako objektu sozialean jasotako egintza<br />
guztietara hedatzen da. Balizko mugek barne-eraginkortasuna izan dezakete, baina ezin<br />
dira baliatu hirugarrenen aurrean, trafiko juridikoaren segurtasun-arrazoiengatik babestuta<br />
geratzen baitira, ordezkaritzari lotutako eskumenen hedadura dagokion erregistroan<br />
kontsultatu beharrik izan gabe.<br />
Alabaina, legea haratago doa; izan ere, kooperatibaren izenean kontratatzen duenak<br />
objektu sozialak zehaztutako eremu hori gainditzen badu ere, kooperatiba lotuta geratuko da<br />
on ustean eta erru larririk gabe jardun duten hirugarrenekin. Usteko fede onak edo uste onak<br />
ez du indarrik galduko objektu soziala estatutuetan agertzen delako, eta, beraz, kooperatiben<br />
erregistroan nahiz eta erregistro horretatik ondoriozta daitekeen ordezkaritza- egintzak ez<br />
duela zerikusirik harekin.<br />
Nolanahi ere, alde batetik, ordezkariak kooperatibaren izenean jarduteko legitimazioa izan<br />
154
KOOPERATIBA ADMINISTRATZEA ETA ORDEZKATZEA<br />
behar du, eta, bestetik, hirugarrenak babesa merezi izan behar du, eta ez da hala izango<br />
eskumena gainditzearen jakitun denaren edo administratzailearekin iruzurrezko kolusioan<br />
diharduenaren kasuan. Kooperatibak frogatu beharko ditu azken kasu horiek. Era berean,<br />
legeak ez du babesten erru larriz jokatu duen hirugarrena, hau da, edozein pertsonari eska<br />
dakiokeen eginbidea aplikatuz, gehiegikeriari antzeman beharko liokeena.<br />
6.2.2.2. Esanahi praktikoa<br />
Arau honen hartzaileak kooperatiba bera, administratzaileak eta harekin kontratatzen duten<br />
hirugarrenak dira. Lehena, egitura organikoa taxutzeko oinarrizko esparrua eratzen duelako,<br />
eta, hein handi batean, beharrezko organoen arteko eskumen-banaketa zehazten duelako.<br />
Bigarrenek, kooperatiban duten eginkizuna eta posizio juridikoa definitzen dutelako. Eta,<br />
azkenik, hirugarrenek, kooperatibaren izenean jarduten duten administratzaileei dagokien<br />
ordezkaritza-eremua osatzen dutelako.<br />
Sozietatearen estatutuak prestatzerakoan, kontuan hartu beharko da, batzarrari garrantzi<br />
handiagoa eman nahi bazaio, berariaz esleitu beharko zaizkiola beste ezein organori esleitu<br />
gabeko ahalmenak, bestela, administrazio-organoari egokituko baitzaizkio. Artikulu honek<br />
kudeaketa eta ordezkaritza era esklusiboan esleitzen dizkio organo horri, eta manu hori ezin<br />
izango da estatutuen bidez aldatu. Hala, 33.3 i) artikuluaren interpretazio zabala baino ezin da<br />
egin, batzarraren esku uzten baitu “estatutuen arabera, kooperatibaren egitura ekonomikoa,<br />
antolakuntzakoa edo funtzionala funtsean aldatzea dakarren erabaki oro”. Bide horretatik<br />
bakarrik egon litezke batzarraren esku aparteko administrazio-egintzak dakartzaten<br />
aldaketak (lantokia edo funtsezko aldaketa dakarten beste ondasun, eskubide edo jarduera<br />
batzuk besterentzea eta abar) egitea.<br />
Estatutuei dagokie, halaber, ordezkaritza nola gauzatu behar den zehaztea, eta, hala<br />
badagokio, kontseiluaren beraren ardura izan daiteke ordezkaritza hori, kontseiluburuaren,<br />
kontseiluburuordearen edo kontseiluko kide eskuorde baten edo batzuen esku utzita. Azken<br />
aukera horiek azaltzen dira ordezkaritza-jarduera bizkortasunez betetzeagatik.<br />
Objektu sozialak mugatutako ordezkaritza-eremuaren balizko estatutu-mugapenak ezin<br />
izango dira hirugarrenen aurrean aurkaratu. Eraginkortasunik eza azaltzen duten trafiko<br />
juridikoaren segurtasun-arrazoi berberek bidezkotzen dute, era berean, kooperatiba uste oneko<br />
hirugarrenen aurrean ere behartuta egotea, objektu sozialetik kanpoko administratzaileen<br />
egintzen ondorioz.<br />
Araua edozein kooperatiba-motari aplika dakioke.<br />
6.2.3. Beste arau aplikagarri batzuk<br />
Arestian esan bezala, Kooperatibei buruzko 27/1999 Legeak beste modu batean arautzen<br />
ditu iruzkintzen ari garen dugun arauan jasotako zenbait alderdi. Hala, 21.1 artikuluak dio<br />
batzar orokorrak “kooperatibaren politika orokorra finkatuko duela” dio, eta “estatutuetan<br />
kontrakorik xedatu ezean, batzar orokorrak jarraibideak eman ahal izango dizkiola<br />
artezkaritza-kontseiluari, edo organo horrek gai jakin batzuei buruzko erabakiak edo<br />
akordioak hartzeko baimena eman ahal izango duela” ere bai. Euskadiko legeak (33.4<br />
155
KOOPERATIBA ADMINISTRATZEA ETA ORDEZKATZEA<br />
artikulua) “kooperatibarentzat interesgarriak diren gai guztiei buruz eztabaidatzeko” aukera<br />
baino ez dio ematen batzarrari; ez, ordea, administratzaileen eskumen esklusiboko gaietan,<br />
hala nola kudeaketan, nahitaezko erabakiak hartzea, inolako salbuespenik gabe.<br />
Administrazio-organoa artezkaritza-kontseilua izanez gero, ordezkaritza-ahalmena esleitzeari<br />
buruzko erabakia ere bestelakoa da. Kontseiluburua edo, hala badagokio, kontseiluburuordea<br />
dira ahalmen hori dutenak (Legearen 32.2 artikulua).<br />
Objektu sozialak zehazten duen ordezkaritza-eremuari dagokionez, , 27/1999 Legeak ez<br />
zuen ezarri hirugarrenak ere babestuta egongo zirenik administratzaileen jarduerak muga<br />
hori gainditzen duenean. 1993ko euskal legeak, ordea, babesa ezarri zuen eta horri eutsi dio<br />
lege berriak. Euskadiko legeak ez bezala, Estatuko arauketak ez du eskatzen babestutako<br />
hirugarrenek uste ona izatea, eta, beraz, beharrezkoa litzateke zuzenbide pribatuaren<br />
printzipio orokorrera jotzea, hirugarrenen babesa baldintzatzen baitu, kasu horietan, euren<br />
fede edo uste onaren arabera.<br />
Edonola ere, 27/1999 Legeak ez du ezer gehitzen Euskadiko legeak gai horretan<br />
ezarritakoaren inguruan.<br />
6.3. Administratzaileak hautatzea<br />
43. artikulua.– Administratzaileak hautatzea.<br />
1.– Administratzaileek kide anitzeko organoa osatuko dute, eta organo horri<br />
artezkaritza-kontseilua deituko zaio. Dena den, kooperatiban hamar bazkide baino<br />
gehiago ez baldin badira, administratzaile bakarra izatea aurreikusi ahal izango<br />
da estatutuetan. Sozietatearen estatutuetan zehaztuko da zenbat izango diren<br />
administratzaileak, edo zenbat izango diren gehienez, eta zenbat gutxienez. Azken<br />
kasu horretan, batzar orokorrak erabakiko du administratzaile kopuru zehatza.<br />
2.– Administratzaile bakarrak bazkide kooperatzailea izan beharko du. Artezkaritzakontseiluan,<br />
berriz, kideen herena ez-bazkideen artean hautatu ahal izango da,<br />
salbu eta estatutuetan espresuki galarazten bada.<br />
3.– Administratzaileak batzar orokorrean hautatuko dira, isilpeko bozketan emandako<br />
baliozko botoen kopururik handiena lortuta. Baldin eta 47.6 artikuluari jarraikiz<br />
artezkaritza-kontseiluan postuak erreserbatzen badira, salbu eta estatutuetan ez<br />
bada bestelakorik xedatzen, ukitutako bazkide-talde bakoitzak eskubidea izango du<br />
berari dagokion kontseilari kopurua aukeratzeko batzarrean zuzenean, baina ez du<br />
esku hartuko kontseiluko gainerako kideen hautaketan.<br />
4.– Pertsona juridiko bat izendatuz gero administratzaile-kargu horren funtzioak<br />
egikaritzeko lanak egiteko, hark pertsona fisiko bat izendatu beharko du.<br />
5.– Onartzen den une beretik izango ditu ondorioak administratzaile-izendapenak, eta<br />
Euskadiko Kooperatiben Erregistroan inskribatu beharko da, 30 eguneko epean,<br />
kargua onartzen denetik aurrera kontaturik.<br />
6.– Administrazio-organoak ahalorde orokorrak eman ahal izango dizkie zuzendarigerente<br />
bati edo batzuei, eta errebokatu ere bai; haien ahalmenak ahalorde-eskrituran<br />
156
KOOPERATIBA ADMINISTRATZEA ETA ORDEZKATZEA<br />
ageri direnak izango dira, kooperatibaren ohiko trafikora mugatuak. Euskadiko<br />
Kooperatiben Erregistroan jaso beharko dira bai izendapena, bai ahalmenak<br />
ematea eta errebokatzea. Horretaz gain, administrazio-organoak ahalorde bereziak<br />
eman ahal izango dizkio edozeini.<br />
7.– Kontseilari diharduten epearen barruan postu gutxi batzuk hutsik geratzen badira<br />
eta ordezkorik ez badago, artezkaritza-kontseiluak bazkide bat izendatu ahal izango<br />
du lehenengo batzar orokorra biltzen den arte.<br />
6.3.1. Berritasun nagusiak aurreko araudiaren aldean<br />
6.3.1.1. Lege berriak artezkaritza-kontseiluari eutsi dio kooperatibaren kudeaketa eta<br />
ordezkaritza antolatzeko tresna nagusitzat, hamar bazkide edo gutxiagoko kooperatiben<br />
kasuan izan ezik, halakoetan, administratzaile bakarra egotea arautu baitaiteke estatutuetan.<br />
Berritasuna dugu estatutuak berariaz aipatzen direla, administratzaileen kopurua edo<br />
gehieneko eta gutxieneko kopuruak zehaztu behar baitituzte; kasu horretan, batzar<br />
orokorrak zehaztu behar du.<br />
6.3.1.2. Administratzaile bakarra, halakorik badago, bazkide laguntzailea izan beharko<br />
da. Horrela, argitu egiten da administratzailearen izendapena zein bazkide-motarena izan<br />
daitekeen.<br />
6.3.1.3. Garrantzi handiagoa du bazkide ez diren kontseiluko kideen kopurua areagotzeak,<br />
laurden batetik heren batera igaro baita. Legearen zioen azalpenean bertan adierazten<br />
da kudeaketa-organoa profesionalizatzea dela helburuetako bat. Kontuan izan behar da<br />
kooperatibak merkatu globalizatu konplexuetan lehiatzen direla, eta horrek eraginkortasuna<br />
areagotzera behartzen duela, bai eta kudeaketa profesionala, arina eta arduratsua eta leiala<br />
izatea.<br />
6.3.1.4. Artezkaritza-kontseiluak bertako kideak zuzenean izendatzeko aukera gehitu<br />
da, kideen erdia baino gutxiago hutsik geratzen direnean eta ordezkorik ez dagoenean.<br />
Izendapen hori baliozkoa izango da batzar orokorra bildu arte. Horrela, kontseiluaren<br />
funtzionamendua erraztu nahi da.<br />
6.3.1.5. Azkenik, ezarri da administrazio-organoak, ez bakarrik artezkaritza-kontseiluak,<br />
ahalorde orokorrak eman ahalko dizkiela zuzendaritzako edo gerentziako arduradun bati<br />
edo batzuei eta ahalordeak baliorik gabe utzi ahalko dituela. Horrek edo horiek ahalordeeskrituran<br />
emandako eskuduntzak izango ditu, eta kooperatibaren ohiko trafikoaren<br />
ingurukoak baino ezin izango dira izan. Izendapena, ahalordetzea eta, indargabetu den<br />
legean jasotzen ez den, ahalordeak indargabetzea Kooperatiben Erregistroan inskribatu<br />
behar dira. Ahalorde bereziak ere eman ditzake, inskribatzeko beharrik gabekoak.<br />
6.3.2. Iruzkin orokorra eta esanahi praktikoa<br />
6.3.2.1. Iruzkin orokorra<br />
157
KOOPERATIBA ADMINISTRATZEA ETA ORDEZKATZEA<br />
6.3.2.1.1. Ezintasunari eta debekuei dagokienez, 44. artikuluak ezarritakoaz gain, legeak ez<br />
du ezartzen artezkaritza-kontseiluko kide edo administratzaile bakarra izateko betekizunik;<br />
hala ere, estatutuek administratzaile izateko baldintzak eta betekizunak ezar ditzakete<br />
(antzinatasuna kooperatiban, jarduera kooperatibizatuaren garapena…).<br />
Nahiz eta legeak profesionalizazioaren aldeko apustua egin, bazkide ez diren kontseiluko<br />
kideen ehunekoa handituz, estatutuek bazkide ez diren administratzaileak izendatzea<br />
berariaz debekatzeko aukerari eutsi dio. Kooperatiba bakoitzaren egoerak iradokiko du<br />
bazkideen kudeaketa demokratikoaren printzipioa lehenetsi behar den edo kudeaketa<br />
pluralagoa, independenteagoa eta profesionalagoa ekarriko duten hirugarrenei sarbidea<br />
eman behar zaien.<br />
Bazkideak ez diren pertsonak sartzea ez dago baldintzaturik, 27/1999 Legeak arautu<br />
bezala, pertsona “kualifikatu eta adituak” izatera, edo organoaren funtzioak aintzat hartuta,<br />
ohoragarritasun, lanbide-gaikuntza eta eskarmentu tekniko edo enpresarial egokiak<br />
izatera, zaintza-batzordeko hirugarren kideei eskatzen zaien moduan, eta Ekonomia eta<br />
Gizarte Arazoetarako Batzordeak (aurrerantzean, EGAB) aurreproiektua zela eta egindako<br />
txostenean proposatu zuen legez. Erakunde horrek proposatutako ezaugarriak eskatu<br />
beharreko gehieneko betekizuntzat hartu dira, beti desiragarriak, baina ez beti lorgarriak<br />
kooperatiba-mota guztientzat. Eskakizun horrek eragotzi egingo luke, arestian esan<br />
denez, gaikuntza profesional eta teknikoa duten baina eskarmenturik ez duten pertsonak<br />
kontseiluan sartzea. Hala eta guztiz ere, arauaren helburua administrazio-organoa<br />
profesionalizatzea denez, ez dirudi arrazoizkoa denik gaikuntzaren kualifikazioaren<br />
irizpidea erabat baztertzea. Estatutuek ezar dezakete betekizun hori, legeak ezarritako<br />
helburua lortzen dela bermatzeko.<br />
6.3.2.1.2. Honako arau honi eutsi zaio: batzar orokorrak hautatuko ditu administratzaileak,<br />
isilpeko bozketan eta baliozko eran emandako botoen gehiengoz (gehiengo soila).<br />
Bestalde, honako honi ere eutsi zaio: lanpostuen erreserbak ezarri badira, 47.6 artikuluak<br />
ezarritakoari jarraiki, kolektibo bakoitzak zuzenean aukeratu ahal izango du berari<br />
dagokion kontseiluko kideen kopurua, betiere estatutuek aurkakorik xedatzen ez badute.<br />
Ezarpen geografikoaren, garatutako jardueren eta bazkide-moten araberako lanpostuerreserbez<br />
gain, lege berriak genero-ikuspegia ere jasotzen du, eta estatutuek kontuan<br />
hartu ahal izango dute “emakumeen eta gizonen ordezkaritza orekatua” lortzeko (ikus 47.6<br />
artikulua).<br />
Era berean, pertsona juridiko bat administratzaile izendatzeko aukerari eutsi zaio. Pertsona<br />
juridiko horrek pertsona fisiko bat izendatu beharko du, haren izenean eta hura ordezkatuz,<br />
administratzailearen eginkizunak beteko dituena (Euskadiko Kooperatiben Erregistroaren<br />
Erregelamenduaren 51.4 artikulua).<br />
6.3.2.1.3. Izendapenak eragina izango du onartzen den unetik bertatik, baina Euskadiko<br />
Kooperatiben Erregistroan inskribatu behar da, onartu eta hurrengo 30 egunen barruan.<br />
Publizitate materialaren, aurkakotasunaren eta publizitate negatiboaren ondorioak<br />
inskripzio horretatik sortuko dira.<br />
Ondorio horietarako, garrantzitsua da, era berean, administrazio-organoak eman eta<br />
baliogabetzen dituen ahalordetzeak inskribatzea. Ahalorde orokorrak kooperatibaren<br />
158
KOOPERATIBA ADMINISTRATZEA ETA ORDEZKATZEA<br />
ohiko trafikoari buruzkoak baino ezin dira izan, eta erregistroan inskribatu behar dira;<br />
bereziak, ordea, inskribatu daitezke, baina ez da zertan (Erregelamenduaren 65. artikulua).<br />
6.3.2.1.4. Lehen adierazi bezala, legeak aukera hau ere gehitu du: ordezkapen aurreikusirik<br />
gabeko lanpostu hutsen kasuan, kontseiluak berak izenda ditzake lanpostu horiek beteko<br />
dituzten pertsonak, hurrengo batzar orokorra egin arte. Legeak ez du ezarrita artezkaritzakontseiluak<br />
izendatzen dituen kontseilukide horiek bazkide izan behar dutenik, kasurako,<br />
KSLk sozietate anonimoen administrazio-kontseiluetako kooptazioaren kasuan egiten<br />
duen bezala (KSLren 244. artikulua). Nolanahi ere, bazkide ez diren kontseiluko<br />
kideak izendatzeko debekua estatutuen eskumena izanik, gure iritziz, kooptazio bidez<br />
izendatutakoak bazkide izatea eskatu dezakete.<br />
6.3.2.2. Esanahi praktikoa<br />
Kooperatiba da agindu horren hartzaile nagusia. Estatutuak egiterakoan, kontuan hartu<br />
beharreko hainbat alderdi daude artikulu horrekin lotuta. Lehenik, administrazio-organoko<br />
kide izateko baldintza edo betekizun jakin batzuk eskatzeko aukera; bigarrenik, bazkide ez<br />
diren administratzaileak izendatzeko debekua; hirugarrenik, hamar bazkide edo gutxiagoko<br />
kooperatiba bada, administratzaile bakarra izendatzeko aukera, bazkide kooperatzaile izan<br />
beharko duena. Azken kasu horretan, eta KSLk ahalbidetzen duen bezala (210.3 artikulua)<br />
erantzukizun mugatuko sozietateen kasuan, badirudi artezkaritza-kontseiluaren sorrera arautu<br />
daitekeela hamar bazkideko kopurua gainditzen denean. Horrela, ez litzateke beharrezkoa<br />
izango estatutuak aldatzea, baldin eta bazkide berriak sartzeak kooperatiba behartzen ez<br />
badu administrazio-organoaren egitura aldatzera.<br />
Legeak ez du hauteskunde-prozesua arautzen, eta, beraz, kooperatiben estatutuek ezarri<br />
behar dituzte prozesu hori garatzeko arauak.<br />
6.3.3. Beste arau aplikagarri batzuk<br />
Kasu honetan ere, Estatuko legeak ez du ekarpenik egiten Euskadiko legearen gainean<br />
edo hura osatzen. Erregulazioa desberdina da, funtsean, eta adierazi den bezala, bazkide<br />
ez diren administratzaileei eskatzen zaizkien betekizunetan, aintzat hartu beharko da<br />
“kualifikatuak eta adituak” izan beharko direla. Betekizun hori beste autonomia-erkidego<br />
batzuetako legeetan ere agertzen da, Nafarroakoan, adibidez (37.3 artikulua) edo, berrikiago,<br />
Extremadurakoan (50.5 artikulua).<br />
Bestalde, Estatuko legeak estatutuetan jasotzea eskatzen du kanpoko kontseilukideak<br />
hautatzeko aukera, eta kontseiluburuaren eta kontseiluburuordearen karguetan aritzea<br />
eragozten die.<br />
6.4. Ezgaitasuna eta debekuak<br />
44. artikulua.– Ezgaitasunak eta debekuak.<br />
1.– Honako hauek ezin izango dira izan administratzaile:<br />
a) Emantzipatu gabeko adingabeak; epaiketa bidez ezgaituak; Konkurtso Legearen<br />
arabera desgaituak, konkurtsoa kalifikatzeko epaian ezarritako desgaikuntzaldia<br />
159
KOOPERATIBA ADMINISTRATZEA ETA ORDEZKATZEA<br />
amaitu arte; askatasunaren, ondarearen edo ordena sozioekonomikoaren kontrako<br />
delituengatik kondenatuak, segurtasun kolektiboaren kontrako delituengatik<br />
kondenatuak, Justizia Administrazioaren kontrako delituengatik kondenatuak<br />
edo edozein faltsukeriagatik kondenatuak, bai eta haien kargua dela-eta<br />
merkataritzan ezin jardun dezaketenak ere.<br />
b) Funtzionarioak eta Administrazio publikoaren zerbitzuko langileak, dena delako<br />
kooperatibaren berezko jarduerekin zerikusia duten funtzioak baldin badituzte,<br />
epaile eta magistratuak, eta legezko bateraezintasun batek ukitutako gainerako<br />
pertsonak.<br />
c) Beren edo besteren kontura arituz kooperatibarekin lehian dauden jarduerak<br />
egiten dituztenak, edo modu batera edo bestera kooperatibaren interesen<br />
aurkako interesak dituztenak, hargatik eragotzi gabe lege honen 49.4 artikuluan<br />
xedaturikoa.<br />
d) Zaintza-batzordeko eta errekurtso-batzordeko kideak eta zuzendari gerenteak.<br />
e) Estatutuetan aurreikusitako kasuetako batean sartuta daudenak.<br />
2.– Administratzaileren bati eragiten badio artikulu honetan aipatzen den ezgaitasun<br />
edo debekuren batek, berehala utzi beharko du bere kargua. Dena den, bere<br />
karguan jarduteari aldi baterako uztera behartu ahal izango du zaintza-batzordeak<br />
edo, halakorik ez balego, artezkaritza-kontseiluak, hurrengo batzar orokorra egin<br />
arte. Batzar orokorrak administratzailea kargutik kenduko du, baldin eta kargua<br />
kautelaz eten bazaio edo bazkide batek eteteko eskatu badu; salbu eta c) apartatuan<br />
aurreikusitako kasuan, zeinean batzar orokorrak libreki erabakiko baitu kargutik<br />
kendu ala ez.<br />
6.4.1 Berritasun nagusiak aurreko araudiaren aldean<br />
6.4.1.1. Lehenik eta behin, artikulua birformulatu da, indarreko araudira egokituz; horrela,<br />
porrotari buruzko aipamena desagertu da, eta ezarri da Konkurtso Legearen arabera<br />
desgaitutako pertsonak ezin izango direla administratzaile izan, harik eta konkurtsoa<br />
kalifikatzeko epaian ezarritako desgaikuntza-aldia amaitu arte.<br />
6.4.1.2. Judizialki desgaituta dauden pertsonek administratzaile izan ezinik jarraitzen<br />
dute; hala ere, aurreko araubidea malgutu egin da adingabeen kasuan. 44. artikuluak<br />
emantzipatu gabeko adingabeei mugatu egiten die administratzaile izateko debekua; beraz,<br />
emantzipatutako adingabeak administratzaile izan daitezke. Legegileak onartu du EKLk<br />
sozietate anonimo eta mugatuetako administratzaileentzat jasotzen duen formulazioa.<br />
6.4.1.3. KSLri jarraiki, mugarritu dira administratzaile izateko debekua dakarten “lege edo<br />
xedapen sozialen” urraketak. Debekua dakartenak askatasunaren, ondarearen edo ordena<br />
sozioekonomikoaren aurkako delituak dira, bai eta segurtasun kolektiboaren edo Justizia<br />
Administrazioaren aurkakoak edo edozein motatako faltsutzeak.<br />
6.4.1.4. Debekuak “merkataritzan jardun” ezin dutenei ere eragiten die. Aldatu egin da<br />
indargabetutako legeak “irabazizko jarduera ekonomikoei” egiten zuen aipamena.<br />
160
KOOPERATIBA ADMINISTRATZEA ETA ORDEZKATZEA<br />
6.4.1.5. Kasuan kasuko sozietateen berezko jarduerekin zerikusia duten funtzionarioez<br />
edo administrazio publikoaren zerbitzura dauden langileez gain, epaileak, magistratuak<br />
eta legezko bateraezintasunen batek eragindako gainerako pertsonak ere gehitu dira.<br />
6.4.1.6. Kooperatibarekiko lehian dabiltzan jarduerak beren kontura edo besteren kontura<br />
egiten dituztenei edo kooperatibaren aurkako interesak dituztenei dagokienez, aukera dago<br />
kooperatibak debekutik salbuesteko, kasu berezietan, batzar orokorraren berariaz erabaki<br />
ondoren (legearen 49.4 artikulua). Gatazka-egoeretan, ezin izango dute bozketetan parte hartu.<br />
6.4.2 Iruzkin orokorra eta esanahi praktikoa<br />
6.4.2.1. Iruzkin orokorra<br />
6.4.2.1.1. Emantzipatutako adingabeek administratu ahal izateko aukerak eztabaida piztu<br />
du kapital-sozietateen esparruan, notario eta erregistratzaile askok ukatu dutelarik aukera<br />
hori.. Izan ere, Kode Zibilaren 323 artikuluaren arabera, ezin dituzte maileguak eskatu,<br />
ezin dituzte ondasun higiezinak, merkataritza- edo industria- establezimenduak edo<br />
aparteko balioa duten objektuak kargatu edo besterendu, gurasoen edo, hala dagokionean,<br />
zaintzaileen baimenik gabe. Merkataritza Kodearen 4. artikuluak ere, adin-nagusitasuna<br />
eta ondasunen erabateko jabetza eskatzen duenez, ez luke aukera hori bermatuko. Hala<br />
ere, legearen idazkera nahiko argia da, eta administratzaile izateko aukera ez zaie adingabe<br />
guztiei mugatzen, emantzipatu gabeko adingabeei baizik. Ulertu behar da, beraz, azken<br />
horiek administratzaile izan daitezkeela. Pertsonaren gaitasunaren mugatzeko behar den<br />
interpretazio murriztaileak hori bermatzen baitu.<br />
6.4.2.1.2. Kargua dela eta, merkataritzan jardun ezin duten pertsonentzako debekuak<br />
Merkataritza Kodearen 13.3 eta 14. artikuluetara garamatza. Lehenengoak Gobernuko<br />
kideei eta Estatuko Administrazio Orokorreko goi-kargudunei eragiten die (martxoaren<br />
30eko 3/2015 Legearen 13. eta 14. artikuluak). Bigarrenak, berriz, jardunean dauden<br />
Fiskaltzako funtzionarioei eragiten die, bai eta epaile eta magistratuei ere, Legearen<br />
44.1.b) artikuluak berariaz adierazten duen moduan; barruti, probintzia edo plazetako<br />
gobernu- eta ekonomia-buruzagitza eta buruzagitza militarrei; Zerga Administrazioaren<br />
Estatu Agentziako langileei, eta lege edo xedapen berezien bidez lurralde jakin batean<br />
merkataritzan jardun ezin dutenei.<br />
6.4.2.1.3. Ezin izango dira administrazio-organoko kide izan kooperatibaren jarduerarekiko<br />
lehia dakarten jarduerak beren kontura edo besteren kontura egiten dituztenak, ez eta<br />
kooperatibaren aurkako interesak dituztenak ere. Legeak ez du eragozten pertsona bat<br />
kooperatiba batean baino gehiagotan administratzaile edo kontseiluko kide izatea, eta<br />
ez du ezartzen kargu hori bete dezakeen kooperatiben gehieneko kopururik, ezta erabat<br />
debekatzen ere kooperatibarekiko lehia dakarten jardueretan parte-hartzerik; hala ere,<br />
azken horien kasuan, batzar orokorrak baimena edo lekapena ematea eskatzen da, jarduera<br />
horiek kooperatibatik kanpo egiteak interes-gatazka sorraraz dezakeen kasuetan. Kasu<br />
horietan, leialtasun-betebeharrak administratzaileari eskatzen dio bozketan parte ez hartzea<br />
(egoeraren berri eman behar dio artezkaritza-kontseiluari edo batzarrari, administratzaile<br />
bakarra bada) (ikus legearen 49 artikulua).<br />
161
KOOPERATIBA ADMINISTRATZEA ETA ORDEZKATZEA<br />
Zaintza-batzordeko eta errekurtso-batzordeko kideak ezin dira administrazio-organoko<br />
kide izan. Zaintza-batzordeak administrazio-organoaren nolabaiteko fiskalizazioa dakarten<br />
funtzioak bere gain hartzen baditu, eta errekurtso-batzordeak administratzaileek diziplinaarloan<br />
hartzen dituzten erabakien aurrean, bazkideek aurkezten dituzten errekurtsoak<br />
ebazten baditu, zentzuzkoa dirudi kargu horiek aldi berean ezin betetzea. Zuzendari<br />
kudeatzaileak ere ezin dira administratzaile izendatu.<br />
Azkenik, legeak bide ematen du beste debeku-kasu batzuk jasotzeko estatutuetan.<br />
6.4.2.1.4. Artikulu honetan jasotako debeku- edo ezintasun-kasuetako batean dagoen<br />
administratzaile bat aukeratu bada, edo horiek gerora gertatzen badira, izendatutako<br />
pertsonak dimisioa eman beharko du berehala. Hala egiten ez badu, aldi baterako<br />
etendura ezarri ahalko dio zaintza-batzordeak (eta halakorik ez balego, artezkaritzakontseiluak),<br />
hurrengo batzarra izan arte. Zaintza-batzordeak edo artezkaritza-kontseiluak<br />
administratzailea kargugabetzen ez badute, edozein bazkidek eska diezaioke batzarrari<br />
kargutik kentzeko. Bi kasuetan, batzarrak administratzailea kargutik kendu beharko du.<br />
Salbuespena 44. Artikuluan c) letran jasota dago. Artikulu horren arabera, batzarrak<br />
askatasunez erabaki dezake haren kontura edo besteren kontura lehia dakarten jarduerak<br />
egiten ari dena edo kooperatibaren interesen aurkakoak dituena kargutik kentzea edo<br />
karguan jarraitzea. Salbuespena bat dator 49.4 artikuluak ezarritakoarekin, hain zuen,<br />
artikulu horrek lekapena xedatzen baitu kasu horietan. Eta, era berean, arrazoizkoa da,<br />
batzuetan, kooperatibaren interesen ikuspuntutik interes-gatazka dagoen eta zenbateko<br />
garrantzia daukan antzemateko zailtasuna kontuan hartuta.<br />
Pentsatzekoa denez, batzarraren erabakia edozein dela ere, administratzaileak aurkaratu<br />
egin dezake, kargua uzteko debekua edo ezintasuna sorrarazten duen kasurik gertatu ez<br />
dela uste badu. Edo, bestela, kooperatibaren interesei kalte egiten zaiela uste dutenek,<br />
debeku-kasuren bati lotutako pertsona baten aurkako etendura ezarri ez, eta kooperatiban<br />
jarraitzea erabakitzen denean.<br />
Legeak ez du konpondu kooperatibako administratzaile bakarraren balizko dimisioaren<br />
arazoa.<br />
6.4.2.2. Esanahi praktikoa<br />
Arauaren hartzaile nagusiak kooperatiba bera eta haren administratzaileak dira. Batzarrari<br />
dagokio organo horrek administratzaile hautatutako pertsonak legean jasotako debeku edo<br />
bateraezintasun kasuetako batean egon ez daitezen zaintzea. Eta administratzaileei, ordea,<br />
izendapenaren zilegitasuna eta karguan irauteko aukera aintzat hartzea; hala, artezkaritzakontseiluari<br />
edo batzarrari eman beharko liokete esandakoen inguruan zalantzarik sor<br />
dezaketen egoera guztien berri.<br />
Iruzkintzen ari garen arauan jasotako ezintasun- edo debeku-kasuak ezin dira estatutuak<br />
erabiliz indargabetu, baina bateraezintasun-kasuak bai handitu daitezke. Era berean, ezin da<br />
estatutuen bidez aldatu 42.2 artikuluak arautzen duen kargutik kentzeko prozedura.<br />
Manua mota guztietako kooperatibei aplika dakieke. Etxebizitza- eta kreditu-kooperatibek<br />
ezaugarri bereziak dituzte. Hala, lehenengoetan, pertsona bat ezin da izan mota horretako<br />
kooperatiba baten baino gehiagoren administratzaile izan, estatutuek berariaz onartzen<br />
162
KOOPERATIBA ADMINISTRATZEA ETA ORDEZKATZEA<br />
badute izan ezik (120.1 artikulua). Eta bigarrenetan, aldiz, ezin da administratzaile izan lau<br />
kreditu-erakundetan baino gehiagotan (Kreditu Kooperatiben Legearen 9.8 artikulua).<br />
6.4.3. Beste arau aplikagarri batzuk<br />
Berriz ere esan behar da Estatuko legeak ez diola euskal legeari ekarpenik egiten, ezta hura<br />
osatzen ere, ezintasun- eta debeku-araubideari dagokionez.<br />
Bi legeen artean, baina, desberdintasun batzuk daude. Horrela, estatukoak debekatu egiten<br />
die sozietate-karguak betetzea kooperatibei buruzko legeria urratzeagatik falta astun edo oso<br />
astunen ziozko zehapena izan dutenei; debeku horrek bost urte iraungo du, azken zehapena<br />
irmo bihurtzen denetik zenbatzen hasita. Bestalde, une horretan beste organo batzuetako kide<br />
direnei, haien ezkontideei edo bigarren mailarainoko odol-ahaidetasuna dutenei ere eragiten<br />
die bateraezintasunak. Salbuespena da, hautaketaren unean, kooperatibako bazkideen<br />
kopurua dela kausa, halako zergatiek ukitzen ez duten bazkiderik ez dagoenean. Halaber,<br />
lehen mailako hiru kooperatibatan baino gehiagotan eta aldi berean karguan aritzeko debekua<br />
jasotzen du.<br />
6.5. Ordainsariak<br />
45. artikulua.– Ordainsariak.<br />
1.– Administratzailearen kargua doakoa izango, baina ordaindu egingo zaio hala<br />
jasotzen bada espresuki estatutuetan, zeinetan ordainsariak finkatzeko irizpideak ere<br />
ezarriko baitira. Batzar orokorrak finkatuko du zenbat ordaindu behar zaion urtean.<br />
Nolanahi ere, ordainsariak proportzioa gorde beharko du kooperatibak duen garrantziarekin,<br />
haren unean uneko egoera ekonomikoarekin eta, batez ere, administratzaileek beren<br />
karguan dihardutenean emandako benetako prestazioekin.<br />
Hori guztia urteko memorian jasoko da.<br />
2.– Edozein kasutan, karguaren ondoriozko gastuak ordaindu beharko zaizkie.<br />
6.5.1 Berrikuntza nagusiak aurreko araudiaren aldean<br />
6.5.1.1. Lege berriak argi eta garbi azaltzen du administratzaile-karguaren doakotasunaren<br />
printzipio orokorra, eta, beraz, horren ordainsaria, hala badagokio, estatutuetan araututa<br />
egon behar da (ez da nahikoa, indargabetutako legeak ezartzen zuen bezala, batzar<br />
orokorrak ordainsaria esleitzea administrazio-organoko kideei).<br />
Estatutuek ere ordainsari hori finkatzeko irizpideak ezarri behar dituzte, eta batzarrari<br />
dagokio administratzaileek urtean jasoko duten zenbatekoa zehaztea. 45. artikuluan<br />
plurala erabiltzeak adierazten du ordainsari-irizpide bakarra edo batzuk ezar daitezkeela.<br />
Legeak ez du irizpiderik aipatzen, eredu gisa baliatu duen Kapital Sozietateen Legeak<br />
egiten duen bezala; azkenaren arabera, irizpideok honako hauek izan daitezke: dirukopuru<br />
finkoa, bertaratze-dietak, mozkinetako partaidetza, erreferentziazko adierazle<br />
edo parametro orokorrak dituen ordainsari aldakorra, kargua uzteagatiko kalte-ordainak<br />
163
KOOPERATIBA ADMINISTRATZEA ETA ORDEZKATZEA<br />
(betiere, administratzaileak bere eginkizunak ez betetzeagatik ez bada) edo aurrezteedo<br />
aurreikuspen-sistemak (sozietate anonimoaren akzioez ordaintzeaz gain). Kapitalsozietateek<br />
erabiltzen dituzten tresnak kooperatiba-zuzenbidearen berezitasunetara egokitu<br />
beharko dira.<br />
Arauak ez du argitzen batzarrak administratzaile guztien urteko ordainsariaren zenbatekoa<br />
onartu behar duen, eta, beraz, artezkaritza-kontseiluak erabakiko duen zenbateko hori<br />
kideen artean nola banatu. Edo batzarraren ardura ote den administratzaile bakoitzari<br />
dagokion ordainsaria finkatzea. Gure aburuz, batzar orokorrak bestela xedatzen ez badu,<br />
kontseiluaren erabakiz zehaztuko da kontseiluko kide bakoitzaren ordainsaria.<br />
Urteko memoriak horren inguruko informazio guztia jaso behar du.<br />
6.5.1.2. Bereziki garrantzitsua da honako printzipio hau: ordainsariak egokia izan behar<br />
du, eta arrazoizko proportzioa gorde behar du kooperatibaren garrantziarekin eta egoera<br />
ekonomikoarekin, eta, batez ere, administratzaileek kargua betetzean emandako benetako<br />
prestazioekin. Bestalde, “nork bere gain hartutako erantzukizuna” delako irizpidea ere kontuan<br />
hartzeko proposamena errefusatu da, ordainsariak administratzaileak bere gain hartutako<br />
kudeaketa- eta erabakimen-eginkizun zehatzen araberakoa izan behar duela iritzita.<br />
6.5.1.3. Administratzaileei kargua betetzeak eragiten dizkien gastuak ordaintzeko<br />
manuari eutsi zaio. Joan-etorriengatiko, otorduengatiko eta abarrengatiko kalte-ordaina<br />
izango litzateke, baina ez kargua betetzeak dakartzan jarduerengatik, hala nola bileretara<br />
joateagatik edo dokumentazioa aztertzeagatik. Beste gauza bat da karguan emandako<br />
denbora “dieten” bidez konpentsatzea. Kasu horretan, ordainsariaz ari gara, baina hori<br />
ezinezkoa da, kargua doakoa bada.<br />
6.5.2 Iruzkin orokorra eta esanahi praktikoa<br />
6.5.2.1. Iruzkin orokorra<br />
6.5.2.1.1. Kapital-sozietateen administrazio-organoaren ordainsariaren gaiak eztabaida<br />
sutsuak sortu ditu azken hamarkadetan, batez ere, 2008ko ekonomia- eta finantza-krisialditik<br />
aurrera. Krisi horrek agerian utzi zuen administrazio-organoaren autoerregulazioaren<br />
ondorioz, neurriz kanpoko ordainsariak ezarri zirela hainbatetan, bai eta kudeatutako<br />
erakundeak krisialdian zeudenean ere. Ordainsari aldakorrak lortzeko ezarritako baldintzek,<br />
edo, batzuetan, kargua uzteagatik hitzartutako gehiegizko kalte-ordainek askotan areagotu<br />
zituzten sozietate ugariren zailtasun ekonomikoak.<br />
Europako legegileak erreforma bat sustatu zuen, hiru printzipiotan oinarrituta: batzar<br />
orokorrak pisu handiagoa izatea ordainsarien arloan, gardentasun handiagoa eskatzea eta<br />
ordainsariek egokiak izan behar dutela dioen printzipioa ezartzea. Printzipio horiek, batez<br />
ere, kotizatutako sozietateentzat pentsatutakoak, kapital-sozietateen legean txertatu dira,<br />
eta gure herrialdean sozietate itxiei ere aplikatu behar zaizkie. Lege berria argitaratu zenez<br />
geroztik, kooperatiben eremuari ere aplikatzen zaizkio.<br />
Kooperatibetan kargua doan betetzearen tradizioak nolabaiteko gaitzespena ekar diezaioke<br />
estatutuetan ordainsari-sistemak arautu nahi izateari, baina bat dator Legearen zioen<br />
164
KOOPERATIBA ADMINISTRATZEA ETA ORDEZKATZEA<br />
azalpenean adierazitako profesionalizazio-borondatearekin. Eta halaxe da lege berriak<br />
galdatzen dituen ardura- eta erantzukizun-mailarekin.<br />
6.5.2.1.2. Lehen adierazi bezala, irizpide batek edo batzuek osa dezakete ordainketasistema.<br />
KSLk horietako batzuk aipatzen ditu beren-beregi: kopuru finkoa, bertaratzedietak,<br />
mozkinetako partaidetza, ordainsari aldakorra erreferentziazko adierazle edo<br />
parametro orokor batzuen arabera, kargua uzteagatiko kalte-ordainak edo aurrezpen- edo<br />
aurreikuspen-sistemak. Baina zerrenda irekia da, non, adibidez, gauzazko ordainsariak gehi<br />
daitezkeen, hala nola etxe baten alokairua eta automobil baten erabilera, edo erantzukizun<br />
zibileko aseguruen ordainketa… Irizpide horiek kooperatibetan ere aplika daitezke,<br />
batzuetan egokitzapenak eginda.<br />
Estatutuek hainbat ordainsari-irizpide jaso ditzakete, eta batzarraren esku utz dezakete<br />
unean-unean aplikatu behar direnen inguruko erabakia.<br />
6.5.2.1.3. Batzarraren ardura da, hala berean, administrazio-organoaren ordainsariari<br />
dagokion zenbatekoa urtero finkatzea. KSLren 217.3 artikuluak ezartzen duenez, batzar<br />
orokorrak administratzaile guztien urteko gehieneko zenbatekoa onartu beharko du, eta<br />
zenbateko hori indarrean egongo da aldaketarik onartzen ez den bitartean. Eta batzarrak<br />
berak besterik zehazten ez badu, ordainsaria administratzaileen artean banatzeko erabakia<br />
administratzaileek eurek hartuko dute, eta administrazio-kontseiluaren kasuan, kontseiluak<br />
berak erabakiko du. Ildo horretan, administrazio-kontseiluak kontuan hartu beharko ditu<br />
kontseiluko kide bakoitzari esleitutako eginkizunak eta ardurak.<br />
Kooperatiben Legea ez da hain zehatza, hauxe besterik ez baitio: “batzar orokorrari dagokio<br />
ordainsariaren urteko zenbatekoa finkatzea”. Ildo horretan, ulertu behar dugu, batzar<br />
orokorrak bestela xedatzen ez badu, kontseiluaren erabakiz zehaztuko dela kontseiluko kide<br />
bakoitzaren ordainsaria. Horixe da zentzuzkoena, administratzaileek emandako benetako<br />
prestazioak ordainsaria finkatzeko irizpideak badira, kontseilua izango delako organorik<br />
egokiena ordainsari hori administratzaile bakoitzaren jardunaren arabera egokitzeko.<br />
6.5.2.1.4. 41.1 artikuluaren bigarren paragrafoak administratzaileen ordainsaria egokitzeko<br />
printzipioa deritzona jasotzen du. Egokitzapena balioesteko lehen parametroa kooperatibaren<br />
garrantziarena da: kooperatibaren tamaina, negozio-bolumena, bazkide-kopurua eta<br />
abar hartu beharko dira kontuan. Eta bigarrena kooperatibak unean-unean duen egoera<br />
ekonomikoa: errentagarritasuna, aukerak, balizko galerak eta abar. Azkenik, “eta batez<br />
ere”, kontuan hartu beharko dira administratzaileek kargua betetzean emandako benetako<br />
prestazioak. Egokitzapena dugu, beraz, artezkaritza-kontseilua egonez gero, kontseiluko<br />
kide bakoitzaren ordainsariaren egokitzapena.<br />
Karguaren ordainsari egokiak erraztu egiten du kanpoko aholkulariak edo profesionalak<br />
kooperatiban sartzea, eta legeak ere horixe sustatu nahi du; baina, era berean, bazkideak<br />
denbora eta ahalegina eskatzen duten lanetan ari daitezen bultzatu nahi du, bai eta legeak<br />
zorroztu duen erantzukizun-araubidea norbereganatzea ere. Hala ere, ordainsaria ez da<br />
gehiegizkoa izan behar, administratzaileek euren eginkizunak betetzeko independentzia<br />
arriskuan egongo bailitzateke horrela. Kooperatiban, beste edozein arlotan baino gehiago,<br />
sen ekonomikoak eskatzen duen neurritasuna ere kontuan hartu beharreko irizpidea da<br />
administrazio-organoaren ordainsariak finkatzerakoan.<br />
165
KOOPERATIBA ADMINISTRATZEA ETA ORDEZKATZEA<br />
Eduki juridiko zehaztugabea duten izaera programatikoko irizpideak dira. Nolanahi ere,<br />
kontuan izan behar da sozietatearen interesaren defentsaren muga, horrek aukera ematen<br />
baitu batzar nagusiak edo artezkaritza-kontseiluak hartutako erabakien aurka egiteko,<br />
erabaki horiek, ustez, kooperatibaren interesaren aurkakoak badira.<br />
6.5.2.2. Esanahi praktikoa<br />
Arau honen hartzaile nagusiak kooperatiba bera eta haren administratzaileak dira. Adierazi<br />
den bezala, estatutuetan zehaztu behar da, hala badagokio, administrazio-organoa osatzen<br />
duten kideen ordainsari-sistema (etxebizitza-kooperatibena izan ezik, 120.1.II artikuluak<br />
debekatu egiten duelako mota horretako kooperatibetako administratzaileek ordainsaririk<br />
jasotzea euren eginkizuna betetzeagatik).<br />
Oso garrantzitsua da argi eta garbi definitzea administratzaileek zer irizpideren arabera<br />
jasoko duten ordainsari hori, batez ere, helburu jakin batzuk lortzeari lotutako ordainsari<br />
aldakorra denean edo kooperatibak lortutako emaitzetan partaidetza eskuratzea denean,<br />
azkena bidezkoa den kasuetan. Azken inguruabar horietan, aintzat hartu beharko da<br />
adostutako irizpideek kooperatiba-proiektuaren errentagarritasuna bila dezaten, bai eta<br />
kooperatibaren iraunkortasuna ere, epe ertain eta luzean. Hortaz, ordainsariak egokitzeko<br />
printzipioak mugatu egiten du estatutuen bidezko autoerregulazio-ahalmena.<br />
Estatutuek ezarri behar dute, hala badagokio, ea batzarraren esku uzten den estatutuetan<br />
ageri diren irizpide guztiak edo batzuk aplikatzea, irizpide horiek kooperatibaren unean<br />
uneko errealitatera egokitzen joan nahi bada, irizpide horiek sarritan aldatu beharrik ez<br />
izateko.<br />
Era berean, 45.2 artikuluak jasotzen duen gastuen ordaina ematea ere estatutuetan jaso<br />
daiteke, baina gastuen ordainketa beti bermatu behar da.<br />
6.5.3 Beste arau aplikagarri batzuk<br />
Artikulu honetan araututako gaiari dagokionez, ez da beharrezkoa 27/1999 Legera jotzea<br />
euskal araudia osatzeko; izan ere, Estatuko legeak egiten duen bezala, oraingo euskal legeak<br />
bai jaso du estatutuek arautu behar dutela administratzailearen karguaren izaera ordaindua.<br />
Administratzaileen ordainsaria oso gai eztabaidatua izan da kapital-sozietateen<br />
esparruan, bai nazioartean, bai Europan. Bertan dauden interes guztiak aintzat hartzen<br />
dituen arauketa baten inguruko kezkaren ondorioz, KSLk, lehen esan bezala, xehetasun<br />
handiagoz landu du gaia. Nahiz eta, bistan denez, lege hau ezin den aplikatu iruzkintzen<br />
ari garen arauak xedatutakoa osatzeko, eredutzat har genezake kooperatiben esparruan sor<br />
daitezkeen eztabaidetan, kooperatiba bateko kontseilukidearen karguaren izaera ordaindua<br />
normaltasunez onartzen denean.<br />
Oso jakingarria da, adibidez, KSLren 217.4.II artikulua. Bertan esaten denez, ezarritako<br />
ordainketa-sistemak sozietatearen epe luzeko errentagarritasuna eta iraunkortasuna<br />
sustatzeko helburua izan beharko du, eta gehiegizko arriskuak hartzea eta kontrako emaitzak<br />
saritzea saihesteko beharrezko kautela-neurriak hartu beharko ditu. Konparagarriak diren<br />
enpresen merkatu-estandarrak ere aipatzen ditu adierazle gisa.<br />
166
KOOPERATIBA ADMINISTRATZEA ETA ORDEZKATZEA<br />
KSLk aipamen berezia egiten du mozkinetako partaidetzaren bidezko ordainketa-erari.<br />
Tradizioz, kapital-sozietateetan aplikatzen den sistema da, administrazioaren interesak eta<br />
bazkideen interesak lerrokatu nahi baitira, inbertsioaren ziozko errentagarritasun handiena<br />
lortzea espero baitute. Ñabardurak ñabardura, kooperatiben estatutuek lege horretan ezarritako<br />
antzeko mugak izan ditzakete kontuan. Horrela, estatutuetan partaidetza edo partaidetzaren<br />
gehieneko ehunekoa zehaztu beharko dela xedatzen da; azken kasu horretan, batzarra izango<br />
da estatutuetan ezarritako gehienekoaren barruan ehunekotan finkatzen dena. Eta, adibidez,<br />
erantzukizun mugatuko sozietateen kasuan, gehieneko zenbatekoak ezin izango du gainditu<br />
bazkideen artean bana daitezkeen irabazien ehuneko hamarra.<br />
6.6. Iraupena eta kargutik kentzea<br />
46. artikulua.– Iraupena eta kargutik kentzea.<br />
1.– Estatutuetan finkatuko den eperako hautatuko dira administratzaileak, bi eta bost<br />
urte arteko eperako betiere. Berriz ere hautatu ahal izango dira, denbora tarte<br />
bererako, salbu eta estatutuetan kontrakoa ezartzen denean. Izendapenari zegokion<br />
epea igaro ondoren ere, karguan jarraituko dute administratzaileek, behin-behingoz<br />
hurrengo batzar orokorra izan arte.<br />
2.– Batzar orokorrean, administratzaileak kargutik kentzea erabaki ahal izango da, gaizerrendan<br />
halakorik agertzen ez bada ere. Gai hori gai-zerrendan ageri ez denean,<br />
kargutik kentzearen alde batzarrean dauden botoen eta ordezkatutakoen bi herenek<br />
bozkatu beharko dute.<br />
3.– Administratzaileren bat kargutik kentzen baldin bada, administratzaile berriak<br />
hautatu beharko dira batzar orokorraren saio berean, gai-zerrendan halakorik<br />
agertzen ez bada ere.<br />
4.– Administratzaile bat kargutik kentzeko arrazoia edozein dela ere, hirugarren ezbazkideen<br />
aurrean Euskadiko Kooperatiben Erregistroan izena ematen denetik<br />
aurrera izango ditu ondorioak.<br />
6.6.1. Berrikuntza nagusiak aurreko araudiaren aldean<br />
Artikulu honek errepikatzen du 1993ko legeak administratzaileen iraupenari eta karguuzteari<br />
buruz ezarritako edukia. Ez da horri buruzko aldaketarik egin.<br />
6.6.2. Iruzkin orokorra eta esanahi praktikoa<br />
6.6.2.1. Iruzkin orokorra<br />
6.6.2.1.1. Lege berriak eutsi egin dio aurreko legeak araututako agintaldiaren iraupenari,<br />
eta, beraz, administratzaileak bi eta bost urte bitarteko aldietarako aukeratuko dira,<br />
estatutuetan ezartzen denari jarraiki, eta epe berdinetan berrautatu ahal izango dira,<br />
mugarik ezarri gabe; betiere, estatutuetan kontrakoa ezarri ez bada.<br />
167
KOOPERATIBA ADMINISTRATZEA ETA ORDEZKATZEA<br />
Dena dela, estatutuek berrautapenen kopurua mugatu egin dezakete. Hala erabakitzen<br />
denean, kontuan izan behar da kargua betetzerakoan egonkortasuna izatea baliotsua izango<br />
dela kooperatibarentzat, betiere jardun hori legeak eskatzen dituen ardura-betekizunak<br />
betez egiten bada.<br />
Agintaldia amaitzen bada administratzailea berriro hautatu ez dela, kargua utzi beharko<br />
du, baina, kudeaketak normaltasunez jarrai dezan, karguan jarraituko du behin-behinean<br />
hurrengo batzar orokorra egin arte. Hala, batzar orokorrak erabaki beharko du berriro<br />
hautatzen duen edo haren ordezkoa izendatzen duen.<br />
Agintean behin-behinean jarraitzeko legezko arauketa horrek aukera ematen dio<br />
kooperatibari kudeaketa- eta ordezkaritza-organoek “hutsik” gabe heltzeko jarduerari,<br />
baina, batzuetan, administratzaileak karguan betikotu dira, karguan aritzeko izendatu<br />
ziren alditik askoz harago iraun dutela, batzarraren geldotasun hutsagatik. Hori dela eta,<br />
Erregistroaren Erregelamenduaren 52. artikuluak ezartzen du urteka egindako izendapena<br />
iraungi egingo dela, epemuga amaituta, hurrengo batzar orokorra egin denean edo ohiko<br />
batzar orokorra egiteko legezko epemuga igaro denean. Inskripzioa iraungi eta hogeita<br />
hamar egun igarotakoan, Erregistroak ofizioz ezereztuko du inskripzioa.<br />
6.6.2.1.2. Administratzaileak konfiantzazko kargua dauka kooperatiban, eta, horregatik,<br />
batzarrak kargutik kendu dezake, ad nutum, egoki irizten dionean. Kargua ezeztatzeko<br />
aukera askearen printzipio hori ordena publikoaren printzipioa da sozietate-eremuan.<br />
Horregatik, estatutuek ezin dute mugatu, ezta alderdien artean egindako akordioek ere<br />
(ez kargugabetzeko itunak, arrazoi zuzena edo bidezko arrazoia eskatzeko itunak…).<br />
Ezin da baldintzarik ezarri, praktikan, kargugabetzea gauzatzea zailtzen duenik; adibidez,<br />
disuasioko kalte-ordainen akordiorik. Era berean, ezin dira bide horretatik indartu legeak<br />
kargugabetzeko eskatzen dituen gehiengoak: bertaratutako edo ordezkatutako botoen<br />
bi heren, erabakia hartzen duen batzarraren aztergaien zerrendan agertzen ez bada; eta<br />
gehiengo soila (baliozkotasunez emandako botoen erdia baino gehiago), bertan jasota<br />
badago. 46. artikuluak ez du azken hori berariaz adierazten eta, beraz, erabakiak hartzeko<br />
gehiengo arrunta dela ulertu behar da, Legearen 38.1 artikuluak ezarritakoaren ildoan.<br />
6.6.2.1.3. Administratzaileren bat kargutik kentzen denean, beste administratzaile<br />
bat izendatu beharko da, kooperatiba administrazio-organorik gabe edo osatu gabeko<br />
organoren batekin gera ez dadin. Legearen arabera, bilkura berean, aztergaien zerrendan<br />
agertzen ez bada ere, hautatu egin behar du batzarrak.<br />
6.6.2.1.4. Administratzaileek kargua utzi ahal izango dute, gainera, gertatzezko<br />
baliaezintasun-egoeretan edo bateraezintasun-kasuetan (ikus 44.2 artikuluari buru egindako<br />
iruzkina) eta batzarrak haien aurkako erantzukizun-akzioak baliatzea erabakitzen duenean<br />
(edo demanda jarri osteko transakzioa dagoenean, ikus 51.2 artikuluari buru egindako<br />
iruzkina). Bi kasuetan, batzar orokorrak kargugabetzeko erabakiak ere hartu behar ditu.<br />
Administratzaileak uko egiteak edo dimisioa emateak harremana azkenduko du. Hala ere,<br />
legeak bazkideei hautatuak izan diren karguak onartzeko betebeharra ezartzen dienez, ez da<br />
erabat askea. Uko egiteko arrazoien berri eman behar zaio artezkaritza-kontseiluari, idatziz<br />
jakinarazita; artezkaritza-kontseiluak justifikatutzat ala ez justifikatutzat joko du, eta, azken<br />
kasu horretan, kalte-galerengatiko ordaina eskatu ahal izango dio administratzaileari (ikus<br />
47.3 artikuluari buru egindako iruzkina).<br />
168
KOOPERATIBA ADMINISTRATZEA ETA ORDEZKATZEA<br />
6.6.2.1.5. Edozein arrazoirengatik gertatzen dela, kargugabetzea Euskadiko Kooperatiben<br />
Erregistroan inskribatu behar da, eta inskripzio horretatik aurrera bakarrik izango ditu<br />
ondorioak bazkide ez diren hirugarren pertsonen aurrean. Hala ere, kooperatibaren eta<br />
administratzailearen artean, kargugabetzeak ondorioak izango ditu akordioa hartzen<br />
denetik eta ukitutako pertsonari jakinarazten zaionetik.<br />
6.6.2.2. Esanahi praktikoa<br />
Kooperatiba eta administratzaileak ditugu arauaren hartzaileak, bai eta, neurri txikiagoan,<br />
Euskadiko Kooperatiben Erregistroa ere.<br />
Estatutuek administratzaileen agintaldia zehaztu beharko dute, arauak ezartzen dituen<br />
mugak aintzat hartuta (ezin dira bost urtetik gorako agintaldiak ezarri). Eta berriz hautatzea<br />
debeka dezakete, edo agintaldi-kopurua muga dezakete, berrautapena baimentzen bada.<br />
Agindua mota guztietako kooperatibei aplika dakieke.<br />
6.6.3 Beste arau aplikagarri batzuk<br />
Kooperatibei buruzko 27/1999 Legeak jasotzen duen araubidea hainbat alderditan<br />
aldentzen da euskal legean ezarritakotik. Gehieneko eta gutxieneko agintaldiak zertxobait<br />
handiagoak dira, sei eta hiru urtekoak, hurrenez hurren; administratzaileek euren kargua<br />
betetzen jarraitzen dute ordezkoak onartu arte; eguneko aztergaien zerrendan jasota ez dagoen<br />
kargugabetze-akordioak kooperatibaren boto guztien gehiengoa behar du (batzarrean egon<br />
ala ez egon), estatutu-arauren batek, justifikatutako kasuetan, gehiengo txikiagoa arautzen<br />
badu izan ezik, eta ezintasun- edo bateraezintasun-kasuetan izan ezik.<br />
Estatuko legeak Euskadikoak aintzat hartu ez dituen eta estatutuen bidez jaso daitezkeen<br />
zenbait alderdi arautzen ditu. Horrela, 35.5 artikuluak xedatzen du kooperatibaren buruaren<br />
kargua hutsik geratzen bada, eta ordezko bat aukeratzen ez den bitartean, buruordeak<br />
hartuko dituela lehenengoaren eginkizunak bere gain, ezinezkoa denean edo interesak<br />
kontrajartzen direnean, egokitzat jotzen diren ordezkapenak egiteari kalterik egin gabe.<br />
Eta 35.6. artikuluak dioenez, batzarrak hautatu dituen buruaren eta buruordearen karguak<br />
aldi berean hutsik geratzen badira, edo artezkaritza-kontseiluko kideen kopurua baliozkoa<br />
izateko nahikoa ez bada, kontseiluburuaren eginkizunak kontseilukideen artean hautatutako<br />
kideak hartuko ditu bere gain. Halakoetan, batzarra hamabost eguneko epean deitu beharko<br />
da, sortu diren lanpostu hutsak betetzeko (nahiz eta kontseiluak ez izan akordioa hartzeko<br />
behar den kontseiluko kideen kopurua).<br />
6.7. Artezkaritza-kontseilua osatzea eta berritzea<br />
47. artikulua.– Artezkaritza-kontseilua osatzea eta berritzea.<br />
1.– Estatutuetan finkatuko da nola osatu behar den artezkaritza-kontseilua, baina<br />
ezin izango dira hiru kide baino gutxiago izan. Behin betiko hutsuneak direla-eta<br />
titularren ordezkoak jartzea ezartzen bada, erabaki beharko da zenbat izango diren<br />
ordezko horiek eta zein izango den hautaketa- eta ordezpen-sistema.<br />
169
KOOPERATIBA ADMINISTRATZEA ETA ORDEZKATZEA<br />
2.– Artezkaritza-kontseiluak bere kideen artean aukeratuko ditu lehendakari- eta<br />
idazkari-karguak, salbu eta estatutuetan aurreikusten denean hori batzar orokorrari<br />
dagokiola. Estatutuetan xedatu ahal izango da, halaber, idazkariak ez duela izan<br />
behar ez kooperatibako bazkide ez kontseilari.<br />
3.– Kontseilari batek bere karguari uko eginez gero, arrazoitu egin beharko du bere<br />
erabakia, idatziz, eta artezkaritza-kontseiluari jakinarazi; kontseiluak erabakiko du<br />
ea justifikatuta dagoen uko egiteko adierazitako arrazoia, eta idatziz jakinaraziko<br />
dio interesdunari.<br />
Uko egitearen kalifikazioa batzar orokorrean edo errekurtso-batzordean errekurritu<br />
ahal izango da, nahitaezko bajarentzat ezarritako baldintza eta epe beretan.<br />
Kontseilari uko-egileak bere jakinarazpenean finkaturiko datan izango ditu ondorioak<br />
uko-egiteak; data hori ezin izango da izan jakinarazpena baino lehenagokoa.<br />
Kooperatibaren ustetan uko-egitea ez badago arrazoituta, kalte-galerak ordaintzea<br />
eskatu ahal izango zaio, hala badagokio, dena delako administratzaileari.<br />
4.– Artezkaritza-kontseilua partzialki berriztatuko da, salbu eta estatutuetan ezartzen<br />
denean kide guztiak berritu behar direla.<br />
5.– Kontseilariak behin eta berriz hautatu ahal izango dira, salbu eta estatutuetan<br />
kontrakorik ezartzen bada.<br />
6.– Estatutuetan, artezkaritza-kontseilua osatzean honako hauek kontuan hartzea<br />
xedatu daiteke besteak beste: zer ezarpen geografiko duen kooperatibak, zer<br />
jarduera garatzen dituen, zer bazkide mota dituen eta zein diren mota bakoitzaren<br />
portzentajeak, baita alderdi horien arabera ezarri beharreko kontseilari-postuen<br />
erreserba eta emakume eta gizonen arteko ordezkaritza orekatua ere.<br />
6.7.1. Berrikuntza nagusiak aurreko araudiaren aldean<br />
6.7.1.1. Kooperatibaren administrazio- eta ordezkaritza-organoa nahitaezkoa da hamar<br />
bazkide baino gehiago dituen kooperatiba orotan eta, nolanahi ere, kooperatiba-mota<br />
batzuentzat, eta horren erregulazioari dagokionez, lege berria kontinuista da, aurreko<br />
legean ezarritako arau gehien-gehienak berdintsu ageri baitira.<br />
Hala ere, zehaztu behar da legean jasotako manu askok xedapen-izaera dutela eta hortaz,<br />
kooperatiba bakoitzak barne-erregulazioaren bidez arautu ditzakeela; hala aukera horiek<br />
egokitzen joan dira kooperatiba bakoitzaren eskarmentuaren eredura, irtenbide onenaren<br />
bila. Malgutasun horrek eragotzi egiten du artezkaritza-kontseiluaren erregulazioa<br />
sorgortzea edo errealitate berrietara ez egokitzea, eta, horregatik, ez da beharrezkoa goitik<br />
beherako erreformarik egitea.<br />
6.7.1.2. Hiru berrikuntza nabarmendu behar ditugu; batetik, idazkariaren funtzioa<br />
kontseilukide ez den profesional baten esku uzteko aukera, kooperatibaren profesionalizazioan<br />
aurrera egiteko nahiarekin bat etorriz, eta, bestetik, kontseiluko kideek uko eginez gero,<br />
ukapena arrazoitzeko betebeharra. Gainera, erregulazioak ondokoak ezartzen ditu:<br />
administrazio-organoaren kalifikazioa, uko egitearen prozedura eta, justifikatu gabeko uko<br />
egite gisa kalifikatuz gero, kalte-ordainen ondorioak.<br />
170
KOOPERATIBA ADMINISTRATZEA ETA ORDEZKATZEA<br />
Hirugarrena eta berritzaileena dugu kooperatiban parekotasun-neurri jakin batzuk txertatu<br />
ahal izateko aukera; ildo horretan, lege berriak adierazten duenez, estatutuetan araututako<br />
irizpideen arabera, kontseiluko lanpostuak gordetzen diren kasuetan, emakumeen eta<br />
gizonen ordezkaritza orekatua izan beharko dela artezkaritza-kontseiluan.<br />
6.7.1.3. Kontseiluko kide baten uko egiteari dagokionez, artikulu honen 3. atalak ezartzen<br />
du uko egitea idatziz eta behar bezala arrazoituta jakinarazi beharko zaiola artezkaritzakontseiluari,<br />
eta artezkaritza-kontseiluak erabaki beharko duela uko egiteko alegatu den<br />
arrazoia justifikatuta dagoen ala ez, eta idatziz jakinarazi beharko diola interesdunari. Uko<br />
egitearen eragin-data uko egin duen kontseiluko kideak jakinarazpenean adierazten duena<br />
izango da, eta ezingo da izan, inola ere, jakinarazpen-data baino lehenagokoa.<br />
Artezkaritza-kontseiluak uko egitearen kalifikazioari buruz hartutako erabakiaren<br />
aurkako errekurtsoa aurkeztu ahal izango da batzar orokorrean edo errekurtso-batzordean,<br />
nahitaezko bajarako ezarritako baldintza eta epe bertsuetan.<br />
Kooperatibak uste badu ukoa justifikatuta ez dagoela, kalte-galeren ordaina eskatu ahal<br />
izango zaio administratzaileari.<br />
6.7.2. Iruzkin orokorra eta esanahi praktikoa<br />
Artezkaritza-kontseiluaren eraketari buruzko sarrera-arau honetan txertatu dira berritasunik<br />
handienak; izan ere, aurreko araudiarekin bat dator eta sozietate-arloko ohiko erabakia<br />
berretsi du, hau da, gutxienez, hiru kidek osatzea artezkaritza-kontseilua. Aldi berean, zabalzabal<br />
egokitzat jo den aukera bati eutsita, gai horietako gehienen erregulazioa kooperatibaerakunde<br />
bakoitzaren autoerregulazioaren esku uzten du, sozietatearen estatutuak erabiliz.<br />
6.7.2.1. Estatutuen pentzuan utzi dira ondokoak: ordezkoak egotea eta arautzea, kontseiluko<br />
karguak barne-izendapen bidez hautatzea edo batzarrak aukeratzea, kontseiluko kideak<br />
erabat edo partzialki berritzea edo berriro hautatzeko mugak jartzea.<br />
Hain zuzen ere, estatutuetan ezarriko da artezkaritza-kontseiluaren osaera, betiere hiruko<br />
gutxienekoa errespetatuz, kide anitzeko organoa baita. Aukeran, ordezkoak ere ezar<br />
daitezke kide titularrak ordezkatzeko, behin betiko lanpostu hutsak gertatzen direnean.<br />
Sistema hori printzipio demokratikoarentzat egokiena dela uste du doktrinak; izan ere,<br />
ustekabeko kargu-uzterik bada, kargudunen hautaketa batzar orokorrari esleitzen baitzaio,<br />
baina ez da nahikoa ezartzea ordezkoak egongo direla; kasu horretan, beharrezkoa da<br />
estatutuetan ordezko horien araubidea zehaztea, bai eta horien kopurua eta hautatzeko eta<br />
ordezkatzeko sistema zedarriztatzea ere.<br />
Artezkaritza-kontseilua berritzeko sistemari buruzko arauketa ere ezar dezakete estatutuek;<br />
besterik ezean, zati batez berrituko da, inoiz ez aldi berean. Era berean, artezkaritzakontseiluko<br />
kideak mugarik gabe berrautatu ahalko dira, estatutuetan kontrakoa ezartzen<br />
ez bada.<br />
Batzar orokorraren barne-karguak izendatzea beraren esku uzten bada, estatutuetan<br />
jaso beharko da, bestela artezkaritza-kontseiluak hautatuko baititu batzarburuaren edo<br />
lehendakariaren eta idazkariaren karguak, bere kideen artetik.<br />
171
KOOPERATIBA ADMINISTRATZEA ETA ORDEZKATZEA<br />
6.7.2.2. Azken kargu horri buruz, badago xedapen berritzaile bat, artean merkataritzasozietateetan<br />
ezaguna dena; izan ere, estatutuek hala arautzen badute, badago idazkaria<br />
kooperatibako bazkide edo kontseiluko kide ez izatea. Berrikuntza horren helburua da, argi<br />
eta garbi, artezkaritza-kontseiluaren profesionalizazioan aurrera egitea, eta xedapen berri<br />
hori tresna gomendagarritzat har daiteke, kontseiluko kideen erantzukizun-maila murriztu<br />
edo saiheste aldera, geroago ikusiko dugun moduan.<br />
6.7.2.3. Borondatezko dimisioari buruzko arauak gehitu izanak gatazkak prebenitzea,<br />
beste justifikaziorik ez dauka; horiek lagun, kontseiluko kideek ez dute oinarri gutxiko<br />
borondatezko dimisiorik aurkeztu beharko.<br />
Kontseilukide baten borondatezko dimisioak, sozietatearen kargu bat betetzeko izendapena<br />
onartzeko betebeharra urratzeaz gain, arazo bat sorrarazten du: inguruabar zehatzen<br />
zioz, sozietatearen zuzendaritzan hutsunea gerta daiteke edo artezkaritza-kontseiluaren<br />
eraketa blokeaturik suerta daiteke, kargu-uzteen kopuruak kontseiluaren deialdia, eraketa<br />
edo jardunbidea zailtzen badu. Sozietateei buruzko doktrinak eta jurisprudentziak<br />
ondorioztatuta zuten ardura- eta leialtasun-betebeharrek hala eskatuta, egoera bideratzeko<br />
neurriak xedatu ondotik soilik dimititu daitekeela, eragozpenik aurreikusten ez denean<br />
izan ezik, kasurako, kide askoko kontseilu batean, borondatezko kargu-uzte bakarra bada,<br />
eta, beraz, kargu-uzteak ez badu inolako eraginik haren funtzionamenduan.<br />
Artikulu honetan borondatezko kargu-uzteei buruz xedatutakoaren ondorioa, egiatan,<br />
aipatutako doktrinak sorrarazten duen berbera da, hau da, kontseilukide arau-hauslearen<br />
aurkako erantzukizun-ekintzen ziozko kalteen balizko kalte-ordaina. Hala ere, zalantzazkoa<br />
da lege-irtenbide berria eragingarria izango ote den kasu guztietan, baldin eta dimisioak,<br />
oso desgaraikoa eta justifikatu gabekoa izanik ere, sozietatearen jarduna gerarazten ez badu<br />
edo eragozpenik sortzen ez badio, eta, horren ondorioz, kalte nabaririk eragiten ez badio;<br />
esan barik doa, halako kasuetan, auzitegiek nekez onartuko dutela kalte-ordainik ezartzea.<br />
Nolanahi ere, antzeko arauketa baten hutsunea antzematen dugu, beharrezkoagoa dirudielako,<br />
administratzaile bakarraren desgaraiko dimisioaren kasuan; izan ere, kargugabetze hori<br />
batzar orokor batean egiten ez bada −kasu horretan, beste hautaketa bat egin ahalko litzateke,<br />
46.3 artikuluak dioenarekin bat etorriz−, bidezko kautela-neurriak ezarri ezean, errazagoa<br />
da kooperatibaren jarduera geldirik uztea edo bertan behera geratzea. Kasu horretan, goian<br />
aipatutako doktrinara jo beharko genuke irtenbidea bilatzeko.<br />
6.7.2.4. Kooperatiba bakoitzaren inguruabarrak direla-eta, gomendagarria litzateke<br />
estatutuetan arautzea artezkaritza-kontseiluaren osaeran hainbat alderdi islatu behar direla,<br />
besteak beste, hainbat lekutze geografiko, kooperatibak garatutako jarduera guztiak,<br />
askotariko bazkide-motak eta horien arteko proportzioa, eta karguak horren arabera<br />
gordetzea. Aurreko araudian aukera hori bazegoen ere, gaur egungoan, berariaz txertatu da<br />
emakumeen eta gizonen ordezkaritza orekatua izateari buruzko aipamena.<br />
Parekotasun-neurriei buruzko aipamen horri modernizazioa eta printzipio demokratikoaren<br />
aplikazioa datxezkio, sexuan oinarritutako diskriminazioa saihesteko eta berdintasunaren<br />
aldeko politika aktiboak sustatzeko, baina ez dirudi hitz-tarte hori bereziki egokia denik.<br />
172
KOOPERATIBA ADMINISTRATZEA ETA ORDEZKATZEA<br />
Artezkaritza-kontseiluan, kolektibo batzuentzako karguak gordetzeko araua kooperatibaren<br />
ahalmen borondatezkoa da, argi eta garbi, kolektibo horiek badiren ala ez kontuan hartu<br />
gabe. Beraz, zalantza egin behar dugu sozietatearen estatutuek ordezkaritza orekatu hori<br />
garatzeko moduari buruzko arauren bat gehitu behar ote duten, edo soilik nahitaezkoa<br />
ote den administrazio-organoaren barruko kolektiboak badirela adierazten denean; kasu<br />
horretan, zinez derrigorrezkoa izango da, lanpostuak gorde beharko dira eta emakumeen<br />
eta gizonen ordezkaritza orekatua ezarri beharko da.<br />
Berriro diot, sozietatearen gobernu-organoaren baitan, emakumeen eta gizonen<br />
ordezkaritza orekatua ahalbidetzea edo sustatzea printzipio demokratikoaren ondoriotzat<br />
jo daitekeela, baina erregulazio hori, gehienbat, xedapenezkoa denez, zentzuzkoagoa<br />
da interpretatzea kooperatiba ez dagoela behartuta arautze hori gehitzera estatutuetan,<br />
are gehiago, diskriminaziorik eza egitatezko bitartekoen bidez gauzatu daitekeelako,<br />
hala nola emakumezkoen eta gizonezkoen presentzia orekatua ahalbidetuta hautapenproposamenetan.<br />
Era iraunkorrean bestela jardungo balitz, kontseiluko kideak aukeratzeko<br />
erabakiak aurkaragarriak izan litezke, kooperatiben printzipioak urratzen dituztelako.<br />
Salbuespena dugu karguak gordetzeko aukerari eustea edo aurretiaz egin izana; kasu<br />
horretan, legeak dio inguruabar hori kontuan hartu beharko dela. Nolanahi ere, araudiak ez<br />
dihardu karguak gordetzeko sistema batez edo parekotasun hertsiko sistema batez, ez baita<br />
zentzuzkoa, jakina baita kooperatiba batzuetan, sektoreari erreparaturik, emakumezkoak<br />
edo gizonak erabat nagusi direna, baizik eta batzuen eta besteen ordezkaritza orekatua<br />
ahalbidetzeaz.<br />
Azpimarratzekoa da bazkide-taldeen ordezkaritza proportzionala ekar lezaketen<br />
inguruabarren zerrenda ereduzkoa eta irekia baino ez dela, berariaz adierazten baita<br />
beste inguruabar batzuen artean. Lege-gaikuntza baliatu ahal izango da artikulu honetan<br />
berariaz jasota ez dauden kasuetan, betiere komenigarri izan badaiteke kasu horietan.<br />
6.7.2.5. Artikulu honen hartzailea kooperatiba bera da. Kooperatibak modu autonomoan eta<br />
bere estatutuen bidez konfiguratu beharko du sozietatearen kudeaketa- eta administrazioorganoa,<br />
nahiz eta erregulazioak lehenetsitako arauak ezartzen dituen estatutuetan alderdi<br />
horiei buruzko arauketarik ez badago.<br />
Araudi berria indarrean hasteaz batera, ez dirudi egungo estatutu-klausularik indargabetuko<br />
denik, baina egia da emakumeen eta gizonen ordezkaritza orekatuari buruzko arauak gehitu<br />
beharko direla.<br />
Berriro esan behar da ezinbestekoa dela, ordezkoak egon, karguak gorde edo berrautapena<br />
debekatu nahi bada, geroago zehaztapenak sartzea. Hala, berrautatzeari mugak jarri nahi<br />
bazaizkio, erabaki beharko da beste agintaldi batean ezin aukeratzea behin betikoa edo<br />
aldi baterakoa den, agintaldi bateko edo batzuetako indarraldia duen edo aldi jakin bat<br />
igaro ondoren amaitzen den, besteak beste. Era berean, ordezkaritza proportzionalak<br />
nekez baliatu ahalko da eragindako kolektiboak argi eta garbi zedarriztatzen ez badira, eta<br />
gordetako karguetan izendatzen diren pertsonen ordezkapenari buruzko zenbait xedapen<br />
ematen ez badira.<br />
173
KOOPERATIBA ADMINISTRATZEA ETA ORDEZKATZEA<br />
Beharbada, berrikuntza partzialaren kasua dugu bereziena; izan ere, legeak lehenetsitako<br />
aukerak ezarritakoari jarraiki, estatutuek zehaztu beharko dute nola egin behar den, aldi<br />
berean izendatutako pertsonen kasuan, bai eta zenbateko kide-kopuru berritu behar den ere,<br />
aritmetika hutsak hala agintzen ez duenean, agintaldiaren epea amaitu delako edo hainbat<br />
unetan sartu direlako, edo kargua utzi duten pertsonak nola izendatzen diren, besteak beste.<br />
Bitxia bada ere, kontrako irtenbidea aukeratzen bada, hau da, aldi berean berritzea, ez<br />
dirudi geroko zehaztapenik egin behar denik.<br />
Kooperatibaren tamainak ez die 47. artikuluaren xedapenei eragiten; dena dela, kooperatibak<br />
kontseiluko kideen kopuru handiagoa edo txikiagoa ezartzea erabaki dezake, bazkideen<br />
kopuruaren arabera, eta beste inguruabar batzuek ere (esterako, lantoki bat baino gehiago<br />
izatea), eragina izan dezakete ordezkaritza proportzionalaren aukera ezartzerakoan.<br />
6.7.3. Beste arau aplikagarri batzuk<br />
Aztertu berri den artikuluan jasotako gaia arlo kooperatibokoa da soil-soilik, eta, beraz,<br />
KLOn jasotako estatuko erregulazioa ez da aplikagarria izango. Izan ere, azken horrek,<br />
kontseiluari buruzko artikuluetan, ez baitio ekarpenik egiten euskal legeak ezarritakoari.<br />
Aipatzekoa da, antzekotasun esanguratsuak badira ere (besteak beste, ordezkoak sartzeko<br />
aukera edo karguak gordetzeko aukera), desberdintasun nabarmenak ere badaudela<br />
erregulazioan, eta horiek ez direla inola ere aplikatuko EKLren esparruan, hala nola<br />
berariazko eta nahitaezko estatutu-gaikuntza artezkaritza-kontseiluak burua izendatu ahal<br />
izateko edo, kideen artean, langileen ordezkaria egon ahal izateko.<br />
Era berean, gogoratu behar da, estatu mailan eta oinarrizko eskubideen garapenaren<br />
esparruan etorkizunean eman litekeen edozein arau, sozietateen kontseiluan emakumeen<br />
gutxieneko presentzia ezartzeari buruzkoa, sektoreka edo sozietatearen tamainaren arabera,<br />
euskal kooperatibei ere aplikatu ahalko zaiela.<br />
6.8. Artezkaritza-kontseiluaren funtzionamendua<br />
48. artikulua.– Artezkaritza-kontseiluaren funtzionamendua.<br />
1.– Estatutuetan erregulatuko da artezkaritza-kontseiluaren barne-funtzionamendua.<br />
Estatutuetan arautu gabeko gaietan, artezkaritza-kontseiluak berak erregulatu ahal<br />
izango du bere funtzionamendua.<br />
2.– Artezkaritza-kontseilua biltzeko deia lehendakariak egingo du, eta, bilera baliozkoa<br />
izateko, kideetako erdiak baino gehiagok egon beharko du bertan. Kontseilariek<br />
pertsonalki parte hartuko dute kontseiluaren bileretan, eta betebehar hori ezin<br />
izango da delegatu.<br />
Estatutuek kontseilariei aukera eman ahal izango diete, estatuetan arautzen den<br />
eran, bilerara bertaratzeko bideokonferentzia bidez edo antzeko beste sistema<br />
baten bidez, baldin eta aukera ematen badu irudiaren eta soinuaren bi noranzko eta<br />
aldibereko komunikazioa izateko, eta ikusizko, entzunezko eta ahozko interakzioa<br />
izateko.<br />
174
KOOPERATIBA ADMINISTRATZEA ETA ORDEZKATZEA<br />
Idazkariak espresuki jasoko du aktan, hartutako erabakiak baliozkoak izateko<br />
exijituriko baldintza guztiekin batera, zein diren kontseilari horien izen-abizenak<br />
eta zer bide erabili duten bileran parte hartzeko.*<br />
3.– Erabakiak hartzeko, bertaratutakoen erdiak baino gehiagoren botoak beharko dira,<br />
salbu eta besterik xedatzen bada legean edo estatutuetan. Kontseilariek boto bana<br />
izango dute. Ondorio horietarako, ez dira zenbatuko ez boto zuriak, ez abstentzioak.<br />
Artezkaritza-kontseiluak aurreko paragrafoaren arabera emandako bi herenen<br />
aldeko botoa beharko du, gutxienez, honako erabaki hauek hartzeko:<br />
a) Jarduera-zentro nagusi bat edo haren zati garrantzitsu bat itxi edo lekuz aldatzea.<br />
b) Kooperatibaren jarduera murriztu, zabaldu edo nabarmen aldatzea.<br />
c) Kooperatibaren antolamenduan aldaketa garrantzitsuak egitea.<br />
d) Kooperatiba diren edo ez diren beste entitate batzuekin lankidetza-harremanak<br />
egin edo azkentzea, betiere lankidetza-harreman horiek iraunkorrak eta<br />
baliagarriak gertatzen badira kooperatibarentzat.<br />
e) Legeak hala ezartzen duenean.<br />
Berdinketen kasuan, lehendakariaren botoak erabakiko du.<br />
4.– Kontseiluaren erabakiak akta-liburu batean jasoko dira. Bileraren aktan, izandako<br />
eztabaiden laburpena eta erabakien testua jasoko dira, bozketen emaitzekin batera,<br />
eta lehendakariak eta idazkariak izenpetuko dute.<br />
5.– Sozietate kooperatiboaren estatutuetan besterik ezartzen ez bada, artezkaritzakontseiluak<br />
batzorde betearazle bat edo kontseilari delegatu bat edo gehiago<br />
izendatu ahal izango ditu bere kideen artetik.<br />
Ezin izango da inola ere delegatu batzar orokorrari kontuak emateko eta urteko<br />
kontuak aurkezteko lana; era berean, ezin izango dira delegatu batzar orokorrak<br />
artezkaritza-kontseiluari laga dizkion ahalmenak, salbu batzar orokorrak espresuki<br />
ematen duenean hori egiteko baimena.<br />
Batzorde betearazleari edo kontseilari delegatuari artezkaritza-kontseiluaren<br />
ahalmenak modu iraunkorrean delegatzeko, eta kargu horiek bete behar dituzten<br />
kontseilariak izendatzeko, kontseiluko kideen bi herenek horren aldeko botoa eman<br />
behar dute, bat etorriz 3. zenbakian xedatutakoarekin; delegatutako ahalmen eta<br />
izendapen horiek ez dute ondoriorik izango Euskadiko Kooperatiben Erregistroan<br />
inskribatu arte.<br />
6.8.1. Berrikuntza nagusiak aurreko araudiaren aldean<br />
Artezkaritza-kontseiluaren funtzionamenduan, berrikuntza esanguratsu batzuk txertatu<br />
dira, bai eta hobekuntzak eta zehaztapenak ere idazketan, aurreko legearen aldean.<br />
* Euskadiko Kooperatiben abenduaren 20ko 11/2019 legea aldatzeko urriaren 7ko 5/2021 Legearen<br />
laugarren artikuluaren araberako idazketa.<br />
175
KOOPERATIBA ADMINISTRATZEA ETA ORDEZKATZEA<br />
6.8.1.1. Aldaketa batzuk gehituta, garrantzi bereziko erabakiak hartzeko gehiengo<br />
indartuen beharrari eutsi zaio, bai eta batzorde betearazleak izendatzeko edo kontseilukide<br />
delegatuak izendatzeko aukerari ere; beste alde batetik, botoak zenbatzeko araubidea<br />
argitu da, batzar orokorraren kasuan erabilitako irizpide berari jarraituz.<br />
6.8.1.2. Kapital-sozietateetan dagoeneko baliatzen ari denarekin bat etorriz, berrikuntza<br />
handiena dugu artezkaritza-kontseiluan linean parte hartzeko aukera, administrazioorganoaren<br />
funtzionamenduan, informazioaren eta komunikazioaren teknologia berriak<br />
baliaturik.<br />
Arauketa horrek lagundu egiten du kide anitzeko administrazio-organoaren bileretan<br />
parte hartzen, eta bilerak erraztu egiten ditu, betiere kideen parte-hartze benetakoa eta<br />
eraginkorra bermatuta.<br />
48. artikuluaren 2. atalak dioenarekin bat etorriz, estatutuek aukera ematen badute,<br />
artezkaritza-kontseiluko kideek bileretara joateko eta parte hartzeko aukera izango<br />
dute, bideokonferentzia bidez edo irudiaren eta soinuaren norabide biko eta aldi bereko<br />
komunikazioa eta ikusizko, entzunezko eta ahozko elkarreragina ahalbidetzen duen antzeko<br />
beste sistema bat erabiliz. Horrela, aztertutako gaiei buruzko iritzia adierazi ahalko dute,<br />
eta, botoa urrutitik emanda, erabakiak baliozkotasunez hartu ahal izango dituzte.<br />
Segurtasun juridikoa indartzeko, artezkaritza-kontseiluko kideren batek organo horren<br />
bileretan parte hartzen badu eta, bilera horretan, urrutiko bilera horretan bere iritzia<br />
adierazten badu, idazkariak berariaz jasoko du aktan haren nortasuna eta horretarako<br />
erabilitako bidea, erabakiak baliozkoak izateko eskatzen diren gainerako baldintzekin<br />
batera.<br />
6.8.2. Iruzkin orokorra eta esanahi praktikoa<br />
Oro har, lege berria nahiko kontinuista da eta aurreko legearen arauak jasotzen ditu; arau<br />
horiek guztiek ibilbide luzea egin dute, bai kapital-sozietateen esparruan, bai kooperatibaarloan,<br />
eta bi-biotan, baliagarri eta erabilgarriak direla erakutsi dute.<br />
6.8.2.1. Deialdia, bertaratzea eta botoa, garrantzi bereziko akordioetarako beharrezkoak<br />
diren gehiengoak bereizita, edo ahalmenak eskuordetzeko arauketa, ez da ia aldentzen<br />
aurreko legetik.<br />
Berretsi egin da, hasteko, artezkaritza-kontseiluaren barne-funtzionamendua estatutuek<br />
arautuko dutela, baina estatutuetan jaso ezean, artezkaritza-kontseiluak bere funtzionamendua<br />
arautu ahalko du.<br />
Kontseiluburuak egingo du artezkaritza-kontseiluaren deialdia, eta ez da beste araurik<br />
ezarriko kontseilukideek ezin badute egin edo jarrera oztopatzaile edo eragozleak azaltzen<br />
badira bileretarako deia egiteko. Konponbide horiek bideragarriak dira eta gomendagarria<br />
litzateke estatutuetan jasotzea.<br />
Bilkura behar bezala eratuta geratuko da bilerara kideen erdia baino gehiago agertzen<br />
direnean. Kontseiluaren bileretara bertaratzea pertsonala eta ordezkaezina izango da, nahiz<br />
eta bertaratze birtuala ahalbidetzen den.<br />
Beste berrikuntza bat ere jaso da, hau da, gehiengoaren formulazio berria egin da erabakiak<br />
176
KOOPERATIBA ADMINISTRATZEA ETA ORDEZKATZEA<br />
hartzeko. Hala, erabakiak hartzeko, bertaratutakoen botoen erdia baino gehiago beharko da<br />
−ez kontseiluko kideen guztizko kopuruaren gainean, ezta emandako botoen kopuruaren<br />
gainean ere−, eta, ondorio horietarako, boto zuriak eta abstentzioak ez dira zenbatuko.<br />
Hala ere, legeak edo estatutuek besterik xedatu dezakete, hau da, oro har, eskatzen den<br />
gehiengoa edo soilik akordio jakin batzuetarako eskatzen dena handitzeko edo indartzeko<br />
aukera. Kontseilukide bakoitzak boto bat izango du, eta kontseiluburuaren botoak ebatziko<br />
ditu berdinketak.<br />
Halaber, garrantzi bereziko akordioak aipatzen dira, eta legegileak ez du egokitzat jo<br />
aurreko legean ageri zen zerrenda aldatzea, gehikuntza bat sartzeko izan ezik: gehiengo<br />
indartua eskatuko dela legeak xedatzen duen beste edozein kasutan; zerrenda horretan<br />
era egokian laburbiltzen ziren kontseiluaren irizpenari lotu ahal zaizkion eta kudeaketa<br />
arrunta nabarmen gainditzen duten gai garrantzitsuenak. Horrela, artezkaritza-kontseiluak,<br />
gutxienez, aurreko paragrafoak esandakoari jarraiki, emandako botoen bi herenen aldeko<br />
botoa beharko du –lehen, bertaratutakoen bi herenen botoak ziren− erabaki garrantzitsu<br />
batzuk hartzeko: ekoizpen-lantoki nagusi bat edo haren zati esanguratsu bat ixtea edo<br />
lekualdatzea, kooperatibaren jarduera nabarmen murriztea, handitzea edo aldatzea,<br />
kooperatibaren antolaketan garrantzizko aldaketak egitea, beste erakunde (erakunde<br />
kooperatiboak ala ez) batzuekiko lankidetza iraunkorra dakarten loturak lantzea edo<br />
azkentzea, eta, azkenik, legeak ezarritako kasuei doazkien erabakiak.<br />
6.8.2.2. Kontseiluan eskuordetzeak egiteko aukera lehengoari jarraitu zaio, nahiz eta<br />
merkataritza-sozietateen esparruan berrikuntza garrantzitsuak gertatu diren, Euskadiko<br />
legegileak ez baitu egokitzat jo berrikuntza horiek txertatzea.<br />
Batzorde betearazleak edo kontseilukide delegatuak izendatzeko aukerari eutsi zaio.<br />
Administrazio-kontseiluaren ahalmenen bat administratzaileei modu iraunkorrean<br />
eskuordetzeko eta kargu horiek beteko dituztenak administratzaileen artean izendatzeko,<br />
artezkaritza-kontseilua osatzen duten pertsonen bi herenek aldeko botoa eman beharko<br />
dute. Bestelako arauketa espezifikorik ezean, eskuordetutako karguak uzteko erabakia<br />
gehiengo arruntari lotuko litzaioke.<br />
Lege berriak berretsi du ezin izango direla inola ere eskuordetu batzar orokorrari kontuak<br />
ematea eta urteko kontuak aurkeztea, ezta batzar orokorrak artezkaritza-kontseiluari<br />
ematen dizkion ahalmenak ere, batzarrak esanbidez baimentzen duenean izan ezik.<br />
Hala ere, kontseiluaren eginkizunei eta kontseilukideen erantzukizunari buruzko teoria<br />
orokorra aplikatuz gero, esan daiteke KSL dela medio eskuordetu daitezkeen gaien<br />
zerrendari gehitutako salbuespen batzuk aplika daitezkeela, hala nola izendatutako organo<br />
delegatuen eta zuzendarien funtzionamendu eraginkorra eta jarduna gainbegiratzea.<br />
Bestalde, lege berriak ez du jaso nahi izan EKLren azken erreforman, 249.3 artikuluak<br />
jasotzen duen betebehar erantsia. Betebehar horren arabera, administrazio-kontseiluko<br />
kide bat kontseilukide delegatu izendatzen denean edo eginkizun betearazleak esleitzen<br />
zaizkionean, beharrezkoa izango da pertsona horren eta sozietatearen arteko kontratua<br />
egitea, administrazio-kontseiluak aldez aurretik onetsi beharko duena, eta eragindako<br />
pertsona abstenitu beharko da. Kontratu horretan, besteak beste, honako hauek zehaztuko<br />
dira: bete beharreko eginkizun betearazle horiengatik lortuko duen ordainsariaren<br />
177
KOOPERATIBA ADMINISTRATZEA ETA ORDEZKATZEA<br />
kontzeptu guztiak, hala badagokio, eginkizun horiek aldez aurretik uzteagatiko kalteordaina<br />
barne, eta sozietateak aseguru-primen edo aurrezki-sistemetarako ekarpenen zioz<br />
ordaindu beharreko zenbatekoak; kontratu horretan araututa ez dagoen ordainsaririk ezin<br />
izango du jaso, inola ere.<br />
Nahiz eta kontratu hori EKLn nahitaezko baldintza ez den, komeni da horren egokitasuna<br />
eta baliagarritasuna balioestea estatutuek araututako betebehar gisa jasotzeko; ez dago<br />
esan beharrik oso baliagarria dela zeharkako ordainsari jakin batzuk aldez aurretik eta<br />
gardentasunez finkatzea, betebeharrak ez betetzeari buruzko etorkizuneko gatazkak<br />
prebenitzea, edo aldez aurretik finkatutako zigor-klausulak ezartzea, kargua utzi edo<br />
kooperatiba utzi ondoren, sekretu-betebeharrak edo ez lehiatzeko betebeharrak bete<br />
daitezen sustatzeko. Era berean, itundutako zigor horiek baliagarriak izan litezke desgaraiko<br />
eta justifikatu gabeko borondatezko kargu-uzteak saihesteko. Badirudi irtenbide hori<br />
eraginkorragoa dela arestian aipatu dugun 47. artikulu ohiak zekarren kalteen balizko kalteordaina<br />
eskatzea baino.<br />
6.8.2.3. Kontseiluaren bilkuretan urrutitik eta era birtualean parte-hartzea egingarria<br />
eta baliozkoa izan dadin, beharrezkoa da estatutuetan prozedura onestea, isiltasun hutsa<br />
nahikoa ez dela.<br />
Segurtasun- eta benetakotasun-baldintza egokiak bermatzen dituen sistema bat zehazteaz<br />
gain, bideokonferentzia edo etorkizunean sortzen den antzeko beste sistema bat izan<br />
behar du, betiere irudiaren eta soinuaren norabide biko eta aldi bereko komunikazioa eta<br />
ikusizko, entzunezko eta ahozko elkarreragina ahalbidetzen duena. Beraz, ez litzateke<br />
baliozkoa izango ikusle soil gisako laguntza birtuala ematen duen prozedura bat, nahiz<br />
eta une egokian botoa emateko edo txat-eko eztabaidetan edo antzekoetan erabakitzeko<br />
gailuren batekin osatu.<br />
Kapital-sozietateetan ez bezala, baldintza horiek baztertu egiten dute kontseiluko kideak<br />
aldi berean bertatik bertara egon gabe egiten diren bileretan erabakiak idatziz eta bilkurarik<br />
gabe hartzea.<br />
Kontseiluaren bilkura edo saioetara era telematikoan parte hartzeko aukera jaso izana goraipatu<br />
behar bada ere, badirudi idatzita dagoen erak aukera murriztu egiten duela urrun dauden<br />
artezkaritza-kontseiluko kideen kasuetara; haatik, badirudi komenigarria dela aukera beste<br />
kasu batzuetara hedatzea, hala nola, osasun-kontuak direla eta, mugikortasun murriztua duten<br />
pertsonen kasuetara, bai eta aldi baterako egoeretan ere –gaixotasunagatik edo istripuagatik−,<br />
edo gaur egun aski ezagunak diren mugikortasun-murrizketen egoeretan, murrizketak legez<br />
ezartzen badira edo borondatez ezartzen badira arrisku-egoeretan, kasurako, izurriteetan,<br />
eguraldiari lotutako gertakarietan edo ingurumen-hondamendietan.<br />
Erabiltzen den lineako komunikazio-sistemak bileren benetakotasuna eta segurtasuna<br />
bermatzen baditu, onurak baino ez ditu ekarriko; izan ere, kontseiluaren jarduera ohikoagoa<br />
eta jarraituagoa izango da, kostu gutxiago sorraraziko ditu eta ez dio mentsik ekarriko<br />
eginkizunak eta betebeharrak eraz betetzeari. Kasu horietan, bertaratu beharra ezartzea,<br />
neurri handi batean, dagoeneko gaindituta dagoen sozietate- eta enpresa-kulturari dagokio.<br />
Nolanahi ere, komeni da estatutuetan aipamen argigarria egitea, aipatutakoak bezalako<br />
kasuak berariaz jasoko dituena.<br />
178
KOOPERATIBA ADMINISTRATZEA ETA ORDEZKATZEA<br />
6.8.2.4. Artikulu honen hartzailea kooperatiba bera da. Kooperatibak kudeaketaorganoaren<br />
eta kide anitzeko administrazio-organoaren funtzionamendua bere kabuz<br />
eta bere estatutuen bidez egituratu beharko du, eta gomendagarria litzateke estatutu<br />
horiek aldatzea, kooperatibarentzako berrikuntza erabilgarrienak jasotze aldera, bai eta<br />
artezkaritza-kontseiluarentzat berarentzat ere, autoerregulazio-ahalmenen garapenari<br />
atxikita.<br />
6.8.3. Beste arau aplikagarri batzuk<br />
Aztertu berri den artikuluan jasotako gaia kooperatiba-arlokoa da soil-soilik, eta, beraz,<br />
ez da aplikagarria izango Estatuko Kooperatiben Lege Orokorrean jasotako erregulazioa,<br />
horrek, kontseiluari buruzko artikuluetan, ez baitio ekarpenik egiten euskal legean<br />
ezarritakoari. Esan beharra dago antzekotasun esanguratsuak badituela, baina beste aukera<br />
batzuk ere arautzen dituela, hala nola besteren konturako langileen ordezkariak kontseiluko<br />
kide izatea, EKLk ezarritako manuekin bat ez datozenak.<br />
6.9. Administratzaileen betebeharrak<br />
49. artikulua.– Administratzaileen betebeharrak.<br />
1.– Administratzaileek beren karguari dagozkion funtzioak eta legeetan eta estatutuetan<br />
ezarritako betebeharrak enpresaburu onaren arretaz bete beharko dituzte, kontuan<br />
harturik zer izaera duen haien karguak eta zer funtzio esleitu zaizkien, eta behar<br />
besteko neurri hartu beharko dituzte kooperatiba behar bezala kudeatzeko eta<br />
ordezkatzeko.<br />
2.– Era berean, ordezkari leial bati dagokion fideltasunez jardungo dute beren karguan,<br />
onustez eta kooperatibaren onurarako, eta esleitu zaizkien ahalmenak ezarritako<br />
helburuetarako baliatuko dituzte, eta ez beste ezertarako.<br />
3.– Administratzaileek, beren funtzioak amaitu eta gero ere, sekretupean gorde behar<br />
dituzte isilpeko datuak, legeak bestelakoa ahalbidetzen edo agintzen duenean salbu.<br />
4.– Administratzaileek ez dute inongo jarduerarik garatuko, ez bere kabuz ez besteren<br />
konturako, baldin eta horrek lehia egiten badio kooperatibari, edo, nola edo hala,<br />
gatazka sortzen badu haren interesekiko.<br />
Nolanahi ere, kooperatibak debeku horietatik salbuetsi ahal izango du administratzailea,<br />
betiere kasu berezietan eta batzar orokorrak horretarako baimena ematen badu<br />
espresuki.<br />
Administratzaileak, horrelako gatazka-egoera batean inplikatuta badago, zeinaren<br />
berri eman beharko baitio artezkaritza-kontseiluari edo batzar orokorrari<br />
administratzaile bakarra bada, ezin izango du parte hartu bozketan.<br />
Aipaturiko baimenik gabe gauzaturiko egintzak, kontratuak eta eragiketak deuseztatu<br />
ahal izango dira, salbu eta hirugarren ez-bazkide onustedunek eskuraturiko eskubideen<br />
kasuan.<br />
5.– Enpresa-diskrezionalitateari atxikitako erabaki estrategikoen eta negozio-erabakien<br />
arloan, ulertuko da enpresaburu onaren arretaren estandarra betetzen dela<br />
179
KOOPERATIBA ADMINISTRATZEA ETA ORDEZKATZEA<br />
administratzailea onustez jardun denean, erabakiaren xede den gaian interes<br />
pertsonalik izan gabe, behar adina informaziorekin eta erabakitzeko prozedura<br />
egokiaren arabera jardunez.<br />
Ez dira enpresa-diskrezionalitatearen barruan jasoko kooperatibaren interesekiko<br />
gatazka eragiten duten edo eragin dezaketen erabakiak.<br />
6.9.1. Berrikuntza nagusiak aurreko araudiaren aldean<br />
Lege berrian, berrikuntza gehien ditugu administratzaileen ardurari eta leialtasunari lotutako<br />
betebeharren eta horien ziozko erantzukizunaren erregulazioan, bai eta administratzaileen<br />
erabakiak aurkaratzeko eremuan ere, kapital-sozietateentzat alor horretan gaur egun<br />
indarrean dauden legegintza-manuekin bat etorriz. Lege berriak administrazio-organoari<br />
eskaintzen dizkion azken artikuluek izan dute eraginik handiena eta horiexek aldatu dira<br />
aurreko erregulazioarekin alderatuta; izan ere, lehen aurreratu bezala, abenduaren 3ko<br />
31/2014 Legeak jasotzen dituen Kapital Sozietateen Legearen aldaketak gehitu dira, neurri<br />
handi batean, gobernu korporatiboa hobetzeko helburuz.<br />
Jakina, aurreko legeak ez zuen ezezagun gai garrantzitsu hori, baina labur-labur agertzen<br />
zen 47. artikuluan, administratzaileen erantzukizunari buruzko artikulu zaharrean; izan<br />
ere, jakina denez, nekez arautu daiteke alderdi hori administratzailearen erantzukizuna zer<br />
betebehar ez-betetzea eragingo duen aldez aurretik adierazi gabe.<br />
Zehazki, indargabetutako arauak ezartzen zuen administratzaileek enpresaburu ordenatu<br />
baten eta ordezkari leial baten arduraz beteko dutela beren kargua, eta geroago gehitzen<br />
zuen behar bezalako arduraz jokatzeko betebeharra eta sekretua gordetzeko betebeharra<br />
bazegoela izaera konfidentziala duten datuei buruz, baita administratzaileek eginkizunak<br />
utzi ondoren ere.<br />
6.9.1.1. Egungo araubideak zehazten du administratzaileek bi kontzeptu orokorren gainean<br />
egituratzen diren betebeharrak bete behar dituztela: ardura-betebeharra eta leialtasunbetebeharra.<br />
Lehenengoari dagokionez, legeak ezartzen du administratzaileek kargua bete beharko<br />
dutela eta legeek eta sozietatearen estatutuek ezarritako betebeharrak bete beharko dituztela<br />
enpresaburu ordenatu baten arduraz, karguaren izaera eta horietako bakoitzari esleitutako<br />
eginkizunak kontuan hartuta, eta kooperatiba behar bezala kudeatzeko eta ordezkatzeko<br />
behar diren neurriak harturik.<br />
Bigarrenari dagokionez, administratzaileek ordezkari zintzo baten leialtasunaz beteko<br />
dute euren kargua, kooperatibaren interesik onenaren aldeko fede onez jardunez, eta euren<br />
ahalmenak ez dituzte baliatuko eman zaizkienak ez diren beste helburu batzuk erdiesteko.<br />
Leialtasun-betebehar orokor horren barruan, beste betebehar batzuk gehitzen zaizkie<br />
sekretu-betebeharrari, lehiatzeko debekuari edo interes-gatazkari dagokienez; horietako<br />
bakoitzaren garrantzia dela eta, banan-banan jorratu behar ditugu.<br />
Administratzaileek sekretupekoak diren datuak isilpean gorde behar dituzte, bai eta beren<br />
eginkizunei utzi ondotik ere, legeak baimentzen duenean edo galdatzen duenean izan ezik.<br />
180
KOOPERATIBA ADMINISTRATZEA ETA ORDEZKATZEA<br />
Administratzaileek ez dute beren konturako edo besteren konturako jarduerarik egingo,<br />
baldin eta jarduera horiek lehian aritzen badira kooperatibaren jarduerekin edo, bestela,<br />
gatazkarik sortzen badute kooperatibaren interesekin.<br />
Betebehar hori kasu zehatzetan modulatu daiteke; izan ere, kooperatibak, batzar orokorraren<br />
berariazko erabakiaren bidez, aurreko zenbakian jasotako debekuak salbuetsi ahalko ditu<br />
kasu berezietan.<br />
Gatazka-egoera horietan dagoen administratzaileak ezin izango du dagokion bozketan<br />
parte hartu; nolanahi ere, administratzaile bakarra denean, artezkaritza-kontseiluari edo<br />
batzar orokorrari jakinarazi beharko dio.<br />
Esandako baimen hori lortu gabe egindako egintza, kontratu edo eragiketak deuseztatu<br />
ahal izango dira, bazkide ez diren hirugarren onustedunek eskuratutako eskubideak onik<br />
geratuko direla.<br />
6.9.1.2. Era berean, arduraren betebeharraren ñabardura gisa, enpresen eskumena<br />
babesteko printzipioa deritzona jaso da. Printzipio horrek argitzen du kudeaketa ez oso<br />
egokia edo arrakastarik gabekoa ezin dela besterik gabe parekatu arduraren ezarekin.<br />
Beraz, enpresaren eskumenari loturik dauden erabaki estrategikoen eta negozio-erabakien<br />
esparruan, enpresaburu ordenatu baten arduraren edo arretaren estandarra betetzat joko<br />
da administratzaileak fede onez jokatzen duenean, erabaki den gaian interes pertsonalik<br />
gabe, behar besteko informazioa baliatuz eta funtzionamendu egokiaren esparruan. Dena<br />
den, kooperatibarekin interes-gatazkarik dagoen edo egon daitekeeneko erabakiak ez dira<br />
enpresaren eskumenaren eremuan sartuko.<br />
6.9.2. Iruzkin orokorra eta esanahi praktikoa<br />
Gobernu korporatiboaren sozietate-erregulazio berria kooperatiba-eremura ekartzeak<br />
zentzuzko irtenbidea eman zion zaharkituta zegoen erregulazio kooperatiboari.<br />
Gaur egun jasotzen den formulazioa kapital-sozietateei buruzko legerian ezarritakoaren<br />
oso antzekoa da; bada, azkenak modernizazio izugarria txertatu zuen arlo horretan, azkena<br />
eta onena 2014ko erreforma horretan, non doktrina- eta jurisprudentzia-lan mardularen<br />
emaitzak jasotzen diren, administratzaileen betebeharrak osatu, argitu eta zehazteko.<br />
Hala ere, horrek ez du esan nahi eremu horretan erabateko berrikuntzarik dagoenik; izan<br />
ere, egungo aginduak barneratutzat jotzen ziren eta hala interpreta zitezkeen aurreko legerian<br />
eginbideei eta leialtasunari buruz hitz egiten zenean.<br />
6.9.2.1. Esan daiteke arau berriak, teknikoki askoz ere perfektuagoa denak eta segurtasun<br />
juridiko handiagoa ematen duenak, aurreko sozietate- eta kooperatiba-legerian lehendik<br />
zeuden oinarrizko betebeharrak garatzen eta birdefinitzen dituela.<br />
Arlo honetan, kapital-sozietateen legeriari nolabaiteko jarraipena egiteak onuragarria<br />
dirudi; izan ere, horrek aukera ematen du administratzaileen jokabide gaitzesgarriak epaitu<br />
dituen jurisprudentzia-ondare zabala aprobetxatzeko, organo judizialek desleialtzat jotako<br />
jokabideen zerrenda ugaria baitute, eta horrek segurtasun juridiko handia dakar, egintza eta<br />
jokabide jakin asko gaitzesgarritzat jotzen baitira.<br />
181
KOOPERATIBA ADMINISTRATZEA ETA ORDEZKATZEA<br />
Aitzitik, ez dirudi kapital-sozietateen leialtasun-estandarra kooperatibei ez zabaltzeko<br />
inongo arrazoirik dagoenik. Bazkide ez den kooperatibako administratzaileak, haren<br />
profesionaltasuna dela kausa izendatutakoak, ez dio inoiz leialtasun gutxiago zor izango<br />
sozietateari kooperatiba izateagatik; Administrazio-organoan jarduteko izendatutakoak<br />
bazkideak badira, aldiz, guztiz zentzugabea da leialtasun txikiagoa eskatzea kooperatibako<br />
lankideen aurrean eta guztiek partekatzen duten proiektuaren aurrean beste kapitalsozietate<br />
bateko kanpoko agintariari baino.<br />
Beraz, gomendagarria dirudi, hedaduraz, lege honetan berariaz jasotako inguruabarrak<br />
ez ezik, KSLk dakarren zerrenda zabalagoan ageri direnak desleialtasun-kasuen artean<br />
jasotzea, kontua ez baita inguruabar berriak gehitzea, betebehar orokor horren zehaztapen<br />
hutsak direlako.<br />
Hain zuzen ere, betebehar horren aurkakotzat jotzen da sozietatearekiko transakzio ezarruntak<br />
egitea, sozietatearen izena erabiltzea edo administratzailearen izaera argudiatzea<br />
bidegabeki eragitea jarduketa pribatuak egiteko xedez, karguari lot dakizkiokeen<br />
hirugarrenen abantailak edo ordainsariak lortzea (adeitasun hutsezko arreta denean izan<br />
ezik), norberaren edo besteren konturako lehiazko jarduerak garatzea, edo sozietatearen<br />
aktiboak helburu pribatuekin erabiltzea, informazio pribatua ere aintzat hartuta.<br />
6.9.2.2. Aurreratu den bezala, administratzaileek beren kargua bete beharko dute, eta<br />
legeak eta estatutuek ezarritako betebeharrak bete, enpresaburu ordenatu baten arduraz.<br />
Enuntziatu horrek nolabaiteko beldurra eragin zuen hirugarrenen balioespenek betebehar<br />
hori ez betetzea leporatuko ote zieten administratzaileei, haien kudeaketa arrakastarik<br />
gabekotzat jo daitekeenean, dela kudeaketa eraginkorragoa egiteko gaitasunik ez<br />
izateagatik, dela merkatuaren inguruabar txarrak gainditzen ez jakiteagatik, horren<br />
ondorioz, justifikazio gutxiko auzi ugari etor zitezkeelakoan.<br />
Behar bezala jarduten duen administratzailearen jarduna ez-betetzetzat jo ez dadin, nahiz<br />
eta emaitzarik onenak lortu ez, enpresaren eskumena babesteko printzipioa jaso da.<br />
Printzipio horrek esan nahi du arduraren estandarra betetzat joko dela administratzaileak<br />
fede onez, interes pertsonalik gabe, informazio nahikoarekin eta erabakitzeko prozedura<br />
egoki baten arabera jardun duenean.<br />
Asmo txarrez jokatu ez bada, ez geldotasunez edo zabarkeriaz, ezpada, arrakasta gutxiz, ez<br />
da erraza izango administratzaileari arduragabekeria aurpegiratzea, sozietatearen emaitza<br />
onek lagundu ez arren. Dena den, eskumen horretan ez da inoiz sartuko artikulu honek<br />
interes-gatazketan ezartzen dituen betebeharrak ez betetzea.<br />
6.9.2.3. Hala ere, administratzaileak beti sozietatearen interesik onenaren alde jardun behar<br />
duela ezartzen denean, gogorarazi behar da, arauaren merkataritza-jatorria gorabehera,<br />
kooperatibak eta kapital-sozietateak arras desberdinak direla sozietatearen interes horren<br />
esanahiari dagokionez.<br />
Kapital-sozietateetan, administrazio-organoaren zeregin nagusia bazkideentzako balioa<br />
sortzea dela adierazi dugu, baina kooperatibaren helburua erabat desberdina da; hala,<br />
kudeaketa jasangarria eta, ekonomiaren ikuspegitik, asmo txikiagoko proiektua lehenetsi<br />
ahalko dira.<br />
182
KOOPERATIBA ADMINISTRATZEA ETA ORDEZKATZEA<br />
Proiektu erkidearen parametroaren eta batzarraren jarraibide orokorren barruan,<br />
administratzaile arduratsuak helburu horiek lortu beharko ditu, hala nola enpresaren<br />
jarraipena, bideragarria den bitartean, onura ekonomiko adierazgarririk ateratzen ez badu<br />
ere, edo bazkideentzako ordainsari-, lan- edo kontsumo-baldintza onenak lortzen ez baditu.<br />
6.9.2.4. Artikulu honen hartzaileak kooperatibako administratzaileak dira, eta haien<br />
jokabidea egokitu beharko dute legezko eskakizunetara eta etorkizunean haien aurkako<br />
erantzukizun-demandak aurkez ditzaketen eskatzaileen uzietara.<br />
6.9.3. Beste arau aplikagarri batzuk<br />
Aztertu berri den artikuluan jasotako gaia kooperatiboa da soil-soilik, eta, beraz, ez da aplikatuko<br />
KLOn jasotako Estatuko erregulazioa; gainera, esan beharra dago azkena ez dela eguneratu arlo<br />
horretan, eta, hortaz, euskal legean ezarritakoari egiten dion ekarpena deuseza da.<br />
Hala ere, merkatuan jarduten duen sozietate ororentzat zeharkako gaiak direnez, komeni da<br />
administratzailearen betebeharren eremua osatzea, Lehia Desleialari buruzko Legeak (bere<br />
eginbeharrak ez betetzeari edo desgaraiko atzera egiteei dagokienez) eta Enpresa Sekretuen<br />
Legeak ezarritakoekin bat etorriz.<br />
6.10. Administratzaileen erantzukizuna<br />
50. artikulua.– Administratzaileen erantzukizuna.<br />
1.– Administratzaileena izango da legearen edo estatutuen kontrako egintzen ondorioz<br />
sorturiko kalteen erantzukizuna, baita karguari dagozkion funtzioak ez betetzean<br />
eragindakoena ere, betiere dolo edo erruz jardun badute.<br />
2.– Erantzukizun solidarioa dute egintza kaltegarria gauzatu edo erabaki kaltegarria<br />
hartu duen organoaren kide guztiek, salbu eta honako hau frogatzen dutenek:<br />
erabakia hartu edo betearaztean esku ez hartzeaz gain, ez zekitela erabaki hori<br />
hartu zenik, edo, jakin arren, kalteak saihesteko beharrezkoa zen guztia egin zutela,<br />
edo, gutxienez, espresuki jo zutela erabakiaren aurka.<br />
3.– Erantzukizuna berbera izango da egintza edo erabaki kaltegarria batzar orokorrak<br />
hartu, baimendu edo berretsi bazuen ere.<br />
4.– Administratzaileen erantzukizuna egitezko administratzaileengana ere zabaltzen<br />
da. Xede horretarako, egitezko administratzailetzat joko da hala administratzaile<br />
izendatu gabe haren funtzioak betetzen dituena nola sozietateko administratzaileek<br />
beren jardunerako jarraitzen dituzten jarraibideak ematen dituena.<br />
Ez da egitezko administratzailetzat joko kooperatibari laguntza finantzarioa<br />
baldintza eta errekerimendu batzuk ezarrita eskaintzen dion hartzekoduna, salbu<br />
eta kontrakoa frogatzen den kasuan.<br />
6.10.1. Berrikuntza nagusiak aurreko araudiaren aldean<br />
Administratzaileen erantzukizunaren erregulazioak saihestu ezinezko zenbait berrikuntza<br />
izan ditu, sozietateen gobernu korporatiboari buruzko lege-berrikuntzetara egokitzeko xedez.<br />
183
KOOPERATIBA ADMINISTRATZEA ETA ORDEZKATZEA<br />
Lehenago azaldu den bezala, indargabetutako legean artikulu bakar batean arautzen zen<br />
gaia; orain, aldiz, bi arautan banatzen da: batetik, organo kudeatzailea osatzen dutenen<br />
betebeharrei buruzkoa, eta bestetik, orain aipatzen ari garen moduan, administratzaileek izan<br />
dezaketen erantzukizuna, ez besterik, arautzen duena.<br />
Gainera, bi berrikuntza garrantzitsu daude eska daitekeen arduraren eduki berriari eta<br />
egitatezko administratzaileen aipamen berriari dagokienez, eta horiei ere erantzukizunari<br />
buruzko arauak aplikatuko zaizkie.<br />
6.10.1.1. Tradizioz, legeak ezarri ohi du administratzaileek erantzungo dutela legearen edo<br />
sozietatearen estatutuen aurkako egintzek eragindako kalteengatik, edo karguari datxezkion<br />
betebeharrak ez betetzeagatik eragindakoengatik, betiere doloz edo erruz jokatu badute.<br />
Dena den, eska daitekeen erruaren maila aldatuz joan da denboraren poderioz. Kapitalsozietateetan,<br />
1989az geroztik, erru-mota guztiek, baita arinek ere, erantzukizuna ekar<br />
dezakete. Aurreko euskal legean ñabardura bat ezarri zen, behar bezalako ardurarik gabe<br />
egindako egintzek erantzukizuna sor zezaketelako, eta zorroztasun handiagoz edo txikiagoz<br />
balioetsi behar zen, kargua ordaindutakoa zen ala ez kontuan hartuta. Administratzaile<br />
batzuei ardura-maila txikiagoa onartu zitzaienez, litekeena zen erantzukizuna saihestea,<br />
erru arinaz jokatuz gero.<br />
Horrela, administratzaileen erantzukizunari dagokionez, nolabaiteko larritasuna ezarri da;<br />
izan ere, gaur egun, ñabardurarik gabe, erantzukizuna izango dute, baldin eta jardunean<br />
doloz edo erruz jokatu badute, baita arinkeriaz ere.<br />
6.10.1.2. Lehenengo aldiz, arauaren aplikazioa egitatezko administratzaileei ere hedatuko<br />
zaie.<br />
Horretarako, egitatezko administratzailetzat hartuko da, administratzaile izendatu gabe<br />
ere, karguari dagozkion eginkizunak betetzen dituen pertsona, bai eta, hala badagokio,<br />
sozietatearen administratzaileek horren jarraibideei men egiten diotela jarduten duten<br />
pertsona.<br />
Aitzitik, ez da egitatezko administratzailetzat hartuko kooperatibari finantza-laguntza<br />
ematen dion pertsona hartzekoduna, baldintza edo eskakizun batzuk ezarrita, kontrakoa<br />
frogatu ezean.<br />
6.10.2. Iruzkin orokorra eta esanahi praktikoa<br />
Lege berriak, beste gai batzuetan, aurreko erregulazioaren ildo orokorrei eutsi die; horren<br />
haritik, ezarri du administratzaileek erantzun beharko dutela legearen edo sozietatearen<br />
estatutuen aurkako egintzen ondorioz edo karguari datxezkion eginbeharrak ez betetzeagatik<br />
sorrarazten diren kalteengatik, betiere doloz edo erruz jokatu badute.<br />
Gainera, erantzukizun hori solidarioa izango da, eta egintza kaltegarria egin edo erabaki<br />
kaltegarria hartu zuen organoko kide guztiei eragingo die, honako hauek izan ezik: egintza<br />
hartzen edo betearazten parte hartu ez arren, kaltegarria zela ez zekitela edo, horren berri<br />
izanda ere, kaltea saihesteko ahal zuten guztia egin zutela, edo, gutxienez, berariaz horren<br />
aurka agertu zirela frogatzen dutenak.<br />
184
KOOPERATIBA ADMINISTRATZEA ETA ORDEZKATZEA<br />
6.10.2.1. Bistakoa denez, erantzukizuna hainbat modutan bana daiteke, ekintza kaltegarriaren<br />
eragileetara mugatuz eta erabakian parte hartu ez zutenak edo erabakiaren aurka egin ziotenak<br />
salbuetsiz. Hala ere, jokabide pasibo hutsak ez dakar, ezinbestean, erantzukizunik ez izateko<br />
bermerik.<br />
Ardura izateko betebeharraren arloan aipatutakoaz gain, doktrinak beti zehaztu du,<br />
zuzeneko jarduketez gain, erantzukizuna sor dezakeela culpa in vigilando deiturikoak,<br />
hau da, eskuordetzea erabiliz gero, izendatutako pertsonak ez kontrolatzeak sorrarazitako<br />
kalteengatik.<br />
Era berean, zehaztu da egintza edo erabaki kaltegarria batzar orokorrak hartu, baimendu<br />
edo berretsi izanak ez duela erantzukizunetik salbuetsiko.<br />
Aitzitik, legeak ez du jaso KSLk egiten duen zehaztasuna; hala, egintza legearen edo<br />
sozietatearen estatutuen aurkakoa denean, erruduntasun-presuntzioa dagoela ulertuko da,<br />
kontrako frogarik izan ezean.<br />
Pentsatzekoa da arau hori, berariaz jaso ez den arren, auzitegietan aplikatuko dela,<br />
zentzuzko interpretazio-irizpide bat jasotzen baitu; izan ere, legeari eta sozietatearen<br />
itunaren edukiari buruzko informazioa jasotzeak eta horiei men egitea administratzaileari<br />
eska dakiokeen gutxieneko ardura dakarrela ulertu behar da.<br />
Ildo horretan, hala dagoenean, letradu aholkulariaren zeregina oso garrantzitsua izango da<br />
sozietateetan (ikus 77. artikuluari buruzko iruzkina). Legearen gaineko jakintza urria duten<br />
administratzaileak babestu ahalko dira adituaren gomendioari edo aldeko irizpenari esker,<br />
egintza edo jokabide kaltegarriaren erregulartasunaren inguruan, eta, kasu askotan, errurik<br />
izan ez zutela epaituko da.<br />
6.10.2.2. Administratzaile guztiei eska dakiekeen ardura-maila parekatzeak dakarren<br />
larriagotzeari dagokionez, profesionalizazio handiagoa edo txikiagoa bereizi gabe –orain<br />
arte, karguaren izaera ordainduarekin edo ordaindu gabearekin lotzen zen, besterik gabe−<br />
esan behar dugu legegileak irizpidea modernizatu nahi izan duela, eta, oro har, sozietateen<br />
kasuan indarrean dagoenarekin parekatzen ahalegindu da.<br />
Oinarrizko legerian artean irauten zuen berezitasunaren arrazoia errealitate soziologiko<br />
batean zetzan, kontseiluko kide ez hain adituen babesa justifikatzen zuena, kudeaketako<br />
profesionalak ez zirelako eta, sarritan, doako karguak betetzen zituztelako. Gaur egungo<br />
egoera ez da indargabetutako legea eman zeneko berdina.<br />
Kooperatibismoa eta horren erregulazioa txertatzen joan dira kudeatzaileen belaunaldi<br />
berrien prestakuntzan eta, gainera, informazioa jasotzeko baliabideak askoz ugariagoak<br />
dira gaur egun iraganean baino, baita oso adituak ez diren pertsonentzat ere. Legeak<br />
profesionalizazio handiagoa sustatzen du, kontseiluan bazkideak ez diren kideak eta<br />
kontseiluko kide ez diren idazkariak aritzeko aukera emanda, ziurrenik, hobeto prestatuta<br />
daudenak euren betebeharren norainokoaz eta lege aplikagarrien edukiaz jabetzeko.<br />
Hori dela eta, aurreikus zitekeen kooperatibaren administratzaileak eta beste sozietate<br />
batzuetako administratzaileak parekatuko zirela galdagarriak diren jokabideei dagokienez.<br />
Paradoxikoa bada ere, administratzaileen betebeharrak arintzea haientzat onuragarria izan<br />
zitekeen arren, gertaera horrek diskriminazio garbia zekarren eta kooperatiba-sozietatearen<br />
balioa galarazten zuen.<br />
185
KOOPERATIBA ADMINISTRATZEA ETA ORDEZKATZEA<br />
Oraingo legerian gehitu den araubide arautzailea aspalditik zegoen indarrean mota<br />
guztietako sozietateetan, bai anonimoetan, bai erantzukizun mugatuko sozietate txiki<br />
eta ertainetan, nahiz sozietate haien organo kudeatzaileak, kasu askotan, oso profesional<br />
prestaturik izan ez. Egia esatera, ondorioztatu beharko litzateke kudeatzaile kooperatiboek<br />
tratu hobea jasotzen zutela merkataritza-sozietateetakoek baino, baina, bestetik, pertsona<br />
ezgaituagoak bailiran tratatzen ziren. Lege berria dela eta, parekatzea erabatekoa da.<br />
Hala eta guztiz ere, arau berriak hartzaileengan nolabaiteko kezka sortzen badu, komeni<br />
da adieraztea profesionalizazio txikiago hori, kargua doan betetzean datzana, kasu jakin<br />
batean eska daitekeen ardura estandarra bete ote den ebaluatzean, epaitu behar duen<br />
pertsona batek kontuan izan dezakeen irizpideetako bat izan daitekeela.<br />
Aurreratu behar dugu, halere, administratzaileen betebeharrak ez betetzeagatiko araubide<br />
berria oso zorrotza izan daitekeen arren, legeak dakarren erantzukizuna kalteengatiko<br />
erantzukizuna izaten jarraitzen duela. Jokabideren bat oso gaitzesgarria bada ere edo<br />
legezko betebeharrak urratzea oso bistakoa bada ere, jokabide horrek kooperatibari edo<br />
hirugarrenei kalte egiazkorik eta frogagarririk eragiten ez badie, edo bien arteko kausazko<br />
lotura frogatzen ez bada, arau-hausleak ez luke kondenarik hartuko horren aurkako<br />
erantzukizun-akziorik aurkeztu gero.<br />
6.10.2.3. Egitatezko administratzailearen berariazko erregulazioa gehitu da, eta, segurtasun<br />
juridikoari egiten dion ekarpenagatik, bikain balioetsi behar da.<br />
Egitatezko administratzailearen kontzeptua, doktrinak sorturikoa izendapena iraungita<br />
duten edo izendapen erregularrik ez duten administratzaileak kalifikatzeko, kudeatzaile<br />
gisa ageri ohi ziren bazkideei eratxiki zien jurisprudentziak, eta bazkide horiek, kapitalsozietateen<br />
inguruko legeetan araututako erantzukizuna saihesteko, kudeaketa-lan<br />
eraginkorra egiten zuten, era formalean izendatutako baina jardunik gabeko administratzaile<br />
baten babespean.<br />
Jurisprudentziak egitatezko administratzaile deituriko horiengana ere erantzukizuna<br />
hedatu bazuen ere, KSLren azken erreformak berariaz jaso zituen administratzaileen<br />
erantzukizuna arautzean.<br />
Gertaera hori, hala berean, kooperatiben munduko sektore batzuetan ohikoa zen, eta<br />
kudeatzaileak edo zuzendariak aritzen ziren euren profesionaltasun handiagoagatik (KLSk,<br />
bereziki, kudeatzaileak aipatzen ditu kontseilukide delegaturik ez dagoenean).<br />
Ahalordedun orokor hutsak izanik, batzuetan, benetako kudeatzaile eta administratzaile<br />
bihurtzen ziren, kargu horiek dagozkion erabakiak hartuz eta legezko izendapenez<br />
hautaturiko kontseilukideak ere alde batera utziz.<br />
Jokabide horiek kontrolatzeko beharra bazter utzita, edozein kasutan, karguari dagozkion<br />
eginkizunak izendapen formalik gabe betetzen dituenak edo sozietatea administratzen<br />
duenak, itxurazko administratzaileei jarraibideak ematen dizkiela, erantzukizun berbera<br />
izango du.<br />
6.10.3. Beste arau aplikagarri batzuk<br />
Aztertu berri dugun artikuluan jasotako gaia kooperatiboa da soil-soilik, eta, beraz, ez da<br />
aplikatuko Kooperatiben Lege Orokorrak jasotako Estatuko erregulazioa; gainera, azkena<br />
ez da eguneratu arlo horretan, eta, beraz, euskal legean ezarritakoari egiten dion ekarpena<br />
deuseza da.<br />
186
KOOPERATIBA ADMINISTRATZEA ETA ORDEZKATZEA<br />
6.11. Administratzaileen kontrako erantzukizun-akzioak<br />
51. artikulua.– Administratzaileen kontrako erantzukizun-akzioak.<br />
1.– Administratzaileen aurkako erantzukizun-akzio soziala kooperatibak egikaritu ahal<br />
izango du; aurrez, batzar orokorrak gehiengo soilez erabaki beharko du, nahiz eta<br />
eguneko gai zerrendan halakorik agertu ez. Batzar orokorrak edonoiz emango dio<br />
baiezkoa nahiz ezezkoa akzioa egikaritzeari.<br />
Gai-zerrendan agertzen ez bada, aldeko botoa eman beharko dute batzarrean<br />
daudenen eta ordezkatutakoen botoen bi herenek. Ez dira kontatuko ez boto zuriak<br />
ez baliogabeak.<br />
2.– Batzar orokorrak erantzukizun-akzioa bultzatzea edo egikaritzeari baiezkoa ematea<br />
erabakiz gero, ukitutako administratzaileak kargutik kanpo geratuko dira berez eta<br />
besterik gabe.<br />
3.– Erabakia hartu ondoko hiru hilabeteetan kooperatibak berak erantzukizun-akziorik<br />
hasten ez badu, edozein bazkidek hasi ahal izango du. Sozietatearen interesaren<br />
alde, botoen ehuneko hogei ordezkatzen duten bazkideek ere hasi ahal izango dute<br />
erantzukizun-akzioa, baldin eta administratzaileek ez badute deitzen horretarako<br />
eskaturiko batzar orokorra.<br />
4.– Kaltea egin eta sei hilabetera batzarrak edo bazkideek ez badute akzioa gauzatzen,<br />
sozietateko edozein hartzekodunek hasi ahal izango du erantzukizun-akzioa,<br />
kooperatibaren ondarea berriro osatzeko helburuarekin bakar-bakarrik.<br />
5.– Dena den, akzioa iraungita geratuko da baldin eta bi urte igaro badira erantzukizunakzioa<br />
eragin zuten egintzak gertatu edo ezagutu zirenetik.<br />
6.– Aurreko zenbakietan erabakitakoa gorabehera, guzti horretatik kanpo geratzen dira<br />
bazkide edo hirugarren ez-bazkideei dagozkien norbanako akzioak, hain zuzen ere<br />
administratzaileek haien kaltetan egindako egintzen aurkakoak.<br />
7.– Leialtasun-betebeharra urratzeak bidegabeki lortutako aberastasuna sozietateari<br />
itzultzeko betebeharra ere ekarriko dio administratzaileari, sozietatearen ondareari<br />
eragindako kaltea ordaintzeko betebeharraz gain.<br />
6.11.1. Berrikuntza nagusiak aurreko araudiaren aldean<br />
Administratzaileen aurkako erantzukizun-ekintzen erregulazioak egitura klasikoari eutsi<br />
dio, eta arlo horretan ere ez da berritasun handirik egon kapital-sozietateetan, erantzukizunari<br />
lotutako sozietatearen ekintzak norbanakoen ekintzak bereizten dituela, baina zehaztapen<br />
batzuk gehituta, hala nola aztergaien zerrendan ageri ez den kargugabetzea ebazteko behar<br />
den gehiengoaren gehikuntza eta legitimazioaren arloko beste berrikuntza zehatz batzuk.<br />
Berritzaileena dugu egintza espezifiko berri bat arautzea leialtasun-betebeharra hausten<br />
den kasuetarako.<br />
Hala, 51. artikuluaren 7. atal berriak ezartzen duenez, leialtasun-betebeharra urratuz gero,<br />
sozietatearen ondareari eragindako kaltea ordaintzeko betebeharra ez ezik, kooperatibari<br />
aberaste bidegabea itzultzeko betebeharra ere egongo da.<br />
Bidegabe aberasteagatiko akzioak bideratzeko aukera lehendik ere bazegoen arren,<br />
zuzenbide pribatuaren teoria orokorra aplikatuz, komenigarria da lege honetan hori berrestea.<br />
187
KOOPERATIBA ADMINISTRATZEA ETA ORDEZKATZEA<br />
Sozietateen jardunean, zenbait kasu hauteman dira, hala nola administratzaileek sozietatearen<br />
izena edo gizarte-ondasunak baliatzea helburu pribatuetan, ondasunok hondatu gabe, karguagatik<br />
lortutako informazioa norberaren edo hurbilekoen onurarako erabilita, isilpekotasunari lotzeko<br />
betebeharra egonik ere, zeinetan sozietateak ez duen zuzenean eta benetan kalterik hartu.<br />
Hala eta guztiz ere, bere eginbeharrak horrela urratzen dituen administratzaileak<br />
legez kanpoko onura garbia lortzen du, eta, akzio hori bideratzera, kooperatibari itzuli<br />
beharko dio.<br />
6.11.2. Iruzkin orokorra eta esanahi praktikoa<br />
Erantzukizunaren ziozko sozietate-akzioari dagokionez, esan behar da urraska egikaritzen<br />
dela, hau da, hasiera batean legitimatuta egon direnen geldotasunak bakarrik emango dio<br />
bidea balizko demandatzaileen hurrengo kategoriari.<br />
6.11.2.1. Lehenik eta behin, kooperatibak berak egikaritu dezake, batzar orokorrak hala<br />
erabaki ondoren, gehiengo arruntez. Erabaki hori hartu ahal izango da, nahiz eta aztergaien<br />
zerrendan ez agertu. Berritasun gisa, ordea, hauxe gehitu da: gaia aztergaien zerrendan<br />
jasota ez badago, bertaratutako eta ordezkatutako botoen bi herenek eman beharko dutela<br />
aldeko botoa, boto zuriak eta baliogabeak alde batera utzita.<br />
Gai horri buruz edozein unetan erabaki ahal izatea arau izan da beti sozietateen<br />
arloan, kargutik kentzeko eta demandatzeko aukera gerarazi nahian, jardunean dauden<br />
administratzaileen balizko jarrera eragozleei aurre egiteko. Hala ere, kudeaketaren<br />
iraunkortasunak duen balioa dela eta, arrazoizkoa da gehiengo indartua arautzea,<br />
ustekabean, kasurako, parte-hartze txikia duen batzar batean, gutxieneko babesa izan<br />
barik, akzioak bideratzeko mozioei aurre egiteko.<br />
Edozein kasutan, batzar orokorrak edozein unetan onartu edo uko egin ahalko dio<br />
transakzioa bideratzeari. Bai akzioa sustatzeko akordioak, bai horren inguruko transakzioa<br />
onartu eta bideratzeko erabakiak ekarriko du eragindako administratzaileak berehala<br />
kargutik kentzea.<br />
Bigarrenik, kooperatibak erabakitako erantzukizun-akzioa hiru hilabeteko epearen barruan<br />
egikaritzen ez badu, dena delako erabakia hartzen den egunetik zenbatzen hasita, zeinahi<br />
bazkidek egikaritu ahal izango du. Kontuan izan behar da, kapital-sozietateetan ez bezala,<br />
ez dagoela egikaritzerik sozietatearen akordioa erantzukizuna eskatzearen aurkakoa<br />
denean.<br />
Soziologiaren ikuspegitik, legegileak bazkide kapitalisten aldean desberdinak diren<br />
bazkide-talde baten baitako sozietate-bakea lehenesteak, bere betebeharrak betetzen ez<br />
dituen eta kalteak sorrarazten dituen administratzaile bat ez kargugabetzearen gainetik,<br />
ez du eragozten batzarraren erabakia aurkaratzea, sozietatearen interesen aurkakoa bada.<br />
Alta, gaia aztertu ez bada, legeak aukera ematen die, gutxienez, botoen ehuneko hogei<br />
ordezkatzen duten bazkideei erantzukizun-akzioa abiarazteko, sozietatearen interesak<br />
defendatzeko helburuz, administratzaileek xede horretarako eskatutako batzar orokorrerako<br />
deia egiten ez dutenean.<br />
188
KOOPERATIBA ADMINISTRATZEA ETA ORDEZKATZEA<br />
Lehendik kapital-sozietateen arloan bazegoen gehikuntza hori txalogarria da; izan ere,<br />
batetik, administratzaileen balizko jarrera eragozleak moteltzeko baliagarria da –bazkideek<br />
eskatuta, administratzaile horien kargugabetzea ekar lezakeen batzarrerako deia egiten ez<br />
badute−, eta bestetik, auzitarako ekonomia eta denborazkoa sustatzen du, zinez saihesten<br />
baitu bazkideek, hasteko eta bat, batzarra egiteko eskaera epaileari egin behar izatea, akzio<br />
egokiak bideratzeko modua izan baino lehen.<br />
Azkenik, eta hirugarrenik, kaltea gertatu eta sei hilabeteko epea igarotakoan batzarrak edo<br />
bazkideek akzioa egikaritu ez badute, sozietatearen edozein hartzekodunek erantzukizunakzioa<br />
abiarazi ahalko du, kooperatibaren ondarea berreskuratzearen ondorioetarako.<br />
Akzio horiek egikarituz eskuratzen den kalte-ordaina sozietatearen ondarean gehituko da,<br />
eta, hortaz, pentsatzekoa da hartzekodunek nekez bideratuko dutela sozietatearen akzio hori.<br />
6.11.2.2. Banakako erantzukizun-akzioak egikaritzeko aukera berriro ageri da, eta ezarri da<br />
bazkideei eta bazkideak ez diren hirugarrenei horien interesak zuzenean kaltetzen dituzten<br />
administratzaileen egintzengatik dagozkien banakako akzioak salbuetsita daudela.<br />
Horrela, banakako erantzukizun-akzioaren bidez, bazkideek eta hirugarren pertsonek<br />
administratzaileen egintzen ziozko kalte-ordainen akzioak egikaritu ahal izango dituzte,<br />
baldin eta aurrekoen egintzek horien interesei zuzenean kalte egin badiete. Kalte hartutako<br />
pertsonei kalte-ordainak jasotzeko banakako akzioak jartzeko aukera ematen zaie,<br />
eragindako kalteak haien alde konpontzeko eskaturik. Kasu horretan, kalte-ordaina ez da<br />
sozietatearentzat erreklamatzen, ezpada, administratzaileen egintzaren zioz kaltea hartu<br />
eta demanda aurkezten duten pertsona zehatzentzat.<br />
Kapital-sozietateetan tradizio luzea duten akzio horiek kalteak eragiten dituzten akziotzat<br />
jotzen dira, baina frogatu behar da demandatutako administratzaileek kalte zuzena eta<br />
zehatza eragin dietela bazkideen eta hirugarrenen (oro har, sozietatearen hartzekodunen)<br />
interesei, bai eta kausazko lotura zuzena dagoela ere jokabide horren eta kaltearen artean.<br />
Ez da nahikoa jokabidea administratzailearen betebeharren aurkakoa izatea; kalte zuzena<br />
eragin behar du. Tradizioz, jurisprudentziak baztertu egin du sozietatea pobretzeak<br />
kudeaketa eskasaren edo desleialaren ondorioz bazkideei eta hirugarren hartzekodunei<br />
zuzenean kalte egiten dienik.<br />
Zuzeneko kalte hori egonda ere, jokabidearen eta kaltearen arteko kausazko lotura zuzena<br />
eta berariazkoa badagoela frogatu behar da.<br />
Izan ere, Auzitegi Gorenaren azken epaiek indartu egin dute kausazko lotura zuzen<br />
eta frogatuaren inguruko eskakizuna. Kasu ohikoena da hartzekodunek akzio hori<br />
administratzaileen aurka erabiltzen dutenekoa, baldin eta sozietate bat kaudimengabeziaegoeran<br />
badago, jarduera utzi badu eta legez kontra desagertu bada, sozietatearen<br />
hartzekodunekiko zorrei aurre egin gabe.<br />
Jurisprudentziak baietsi du hartzekodunei egindako kaltea ezin dela ustezkoa izan, nahiz<br />
eta sozietatearen kudeatzaileek contra legem edo legearen aurkako jokabidea izan, eta<br />
behar bezala frogatu behar dela ez ordaintzea jokabide horren ondorio izan zela, hori ez<br />
bailitzateke gertatuko, adibidez, itxi aurretik ordaintzeko baliabide ekonomikorik ez balego<br />
edo merkatuaren ustekabeko inguruabarrengatik sortzen diren kaudimengabezietan.<br />
189
KOOPERATIBA ADMINISTRATZEA ETA ORDEZKATZEA<br />
6.11.3. Beste arau aplikagarri batzuk<br />
Artikulu honetan, administratzaileen erantzukizun-egintzen sistema osoa ezartzen da, eta<br />
Kooperatiben Lege Orokorra ez dago aplikatzerik.<br />
Sozietateei eragindako kalteengatiko erantzukizunaren eremu orokorraren barruan,<br />
zalantzagarria da, KSLren 367. artikuluak arautzen duenez, administratzaileek desegite<br />
ezagatik duten erantzukizuna aplikagarria den, baina EKLn ez dago halako arauketa<br />
baliokiderik.<br />
Aipaturiko lege hartan, legegileak erantzukizun-araubide zorrotza ezarri du, administratzaileek,<br />
desegite-arrazoiren bat gertatuz gero, batzar orokorrerako deia egiteko betebeharra beteko<br />
dutela bermatzeko. Arrazoi horiek, hein handi batean, EKLren 91. artikuluan ezarritakoekin<br />
bat datoz, edo, batzarra eratu ezin bada edo akordiorik lortu ezingo balu, desegite judiziala edo<br />
konkurtsoa eskatuko dela bermatzeko. Araututako epearen barruan egiten ez badute, sozietatebetebeharren<br />
ordainketaren erantzule solidarioak eta pertsonalak izango dira, desegiteko<br />
legezko arrazoi hori gertatu ondoren.<br />
Jurisprudentziak erantzukizun objektibotzat edo ia objektibotzat jotzen du, eta zehapen<br />
edo zigor zibiltzat.<br />
Hain zuzen ere, arau zehatzailearen izaera hori dela eta, kooperatibara hedatzea (azkenaren<br />
legeak ez ditu berariaz jasotzen) arbuiagarria da. Horrek ez du esan nahi arau honetan<br />
araututako jokabideen antzeko ez-betetzeak kalte arruntengatiko erantzukizun-akzioen xede<br />
izan ezin direnik.<br />
Nolanahi ere, komeni da gogoraraztea ezen, kaudimengabeziaren kasuan, konkurtsolegeria<br />
aplikatuko zaiela kooperatibei, EKLren 101. artikuluak xedatzen duenaren arabera.<br />
Legeria horretan, eta kalifikazio-aldia irekiz gero, konkurtsoa erruduntzat jotzen bada,<br />
kalifikazio-epaiak zigor handiak ezar diezazkieke administratzaileei, hala nola besteren<br />
ondasunak administratzeko desgaikuntza edo zeinahi pertsona ordezkatzea bi urtetik<br />
hamabost urte arteko epean (Konkurtso-legearen 455.2.2 artikulua) edo administratzaile<br />
guztiei edo batzuei, era solidarioan ala ez-solidarioan, defizita, osorik edo zati batean,<br />
ordaintzeko kondena (Konkurtso-legearen 456.1 artikulua).<br />
6.12. Administratzaileen erabakiak aurkaratzea<br />
52. artikulua.– Administratzaileen erabakiak aurkaratzea.<br />
1.– Artezkaritza-kontseiluaren erabakiak edo, hala badagokio, batzorde betearazlearenak<br />
aurkaratu ahal izango dira, baldin eta legearen edo estatutuen aurkakoak badira edo<br />
kooperatibaren kaltetan hartu badira bazkide baten edo gehiagoren zein bazkide ez<br />
direnen mesedetan.<br />
2.– Administratzaileek eta zaintza-batzordeak erabaki horiek aurkaratu ahal izango<br />
dituzte hirurogei eguneko epean, erabakia hartzen denetik aurrera kontaturik.<br />
3.– Era berean, edozein bazkidek aurkaratu ahal izango ditu erabakiak, hirurogei<br />
eguneko epean, haien berri izan zuenetik aurrera kontaturik, betiere ez bada urtebete<br />
igaro erabakia hartu zenetik.<br />
190
KOOPERATIBA ADMINISTRATZEA ETA ORDEZKATZEA<br />
4.– Aurkaratzeak zehaztuta dauden ondorioak izango ditu eta batzar orokorraren<br />
erabakiak aurkaratzeko ezarritakoaren arabera izapidetuko da.<br />
6.12.1. Berrikuntza nagusiak aurreko araudiaren aldean<br />
Lege honen beste alderdi berritzaile bat izan da kapital-sozietateen legearen oraintsuko<br />
erregulazioan erabakiak aurkaratzeko ezarri den irizpidea hartzea, kooperatiba-enpresen<br />
trafikoaren segurtasun juridikoaren alde, gainerako sozietateekin parekatzen baitira. Gertaera<br />
horrek, gainera, aukera ematen du sozietate-gatazkei buruzko jurisprudentzia zabal baten<br />
abantailak baliatzeko, eta balioestekoa da, eremu zehatz honetan, aukera horrek ez duela<br />
kooperatiben inongo berezitasunik arriskuan jartzen.<br />
Administratzaileen erabakiak aurkaratzea beti batzar orokorraren erabakiak aurkaratzean<br />
oinarrituta idatzi denez, ezinbestekoa zen ia auzi horri buruzko ia guztia erabat aldatzea.<br />
Erabaki deusezen eta deuseztagarrien arteko bereizketa ezabatu denez (doktrinak gogor<br />
kritikatzen zuen bereizketa hori) kausen, legitimazioaren, epeen eta iraungitzearen arauketa<br />
berria gehitu da.<br />
6.12.2. Iruzkin orokorra eta esanahi praktikoa<br />
Kide anitzeko administrazio-organoen erabakiak aurkaratu ahal izango dira (ez, ordea,<br />
administratzailearen edo kontseilukide delegatuen egintza baliokideak), kasurako,<br />
artezkaritza-kontseiluarenak edo batzorde betearazlearenak, halakorik balego, legearen edo<br />
sozietatearen estatutuen aurkakoak badira, edo, bazkide baten edo batzuen edo bazkide ez<br />
diren pertsonen mesedetan, kooperatibaren interesak kaltetzen badituzte, hau da, sozietatearen<br />
interesen aurkako akordioak badira.<br />
Legitimazioari eta epeari buruz, administratzaileek eta zaintza-batzordeak erabaki horiek<br />
aurkaratu ahalko dituzte hirurogei eguneko epean, akordioak hartzen direnetik zenbatzen<br />
hasita.<br />
Edozein bazkidek erabakiak aurkaratu ahal izango ditu hirurogei eguneko epean,<br />
erabakiaren berri izan duenetik zenbatzen hasita, betiere erabakia hartu zenetik urtebete<br />
igaro ez bada.<br />
Azkenik, azalpen zabala egin da batzar orokorraren erabakiak aurkaratzeko modua<br />
arautzen duten xedapenei, eta ezarri da aurkaratzeak araututako ondorioak izango dituela eta<br />
batzar orokorraren erabakiak aurkaratzeko prozeduraz denaz bezainbatean ezarritakoaren<br />
arabera izapidetuko dela.<br />
Auzitegietan egikaritu ahal izateaz gain, aurkaratze horiek arbitrajeari lot dakizkioke,<br />
CSCE-EKGKren eskumenen esparruan, 165.2.f. artikuluak xedatzen duen legez.<br />
6.12.3. Beste arau aplikagarri batzuk<br />
Artikulu horretan, akordioak aurkaratzeko akzioen sistema osoa ezarri da, baina<br />
Kooperatibei buruzko Lege Orokorra ez da aplikatu behar eta, gainera, oraindik ez ditu<br />
EKLren berrikuntzak txertatu.<br />
191
KOOPERATIBA ADMINISTRATZEA ETA ORDEZKATZEA<br />
Nolanahi ere, estatu-mailako auzi prozesalak direnez, lege honen 41. Artikuluak xedatzen<br />
duen KLSren erregulaziorako igorpena egin da, batzar orokorraren erabakiak aurkaratzeari<br />
buruzkoa; bertan ezartzen denez, aurkaratze-prozedura, oro har, Kapital Sozietateen Legean<br />
ezarritako arauetara egokituko da.<br />
192
7. ZAINTZA-BATZORDEA* 1<br />
7.1. Osaera, agintaldia eta izendapena<br />
Euskadiko Kooperatibei buruzko abenduaren 20ko 11/2019 Legeak (aurrerantzean, EKL)<br />
V. kapituluaren 3. atala (“Kooperatibaren organoak”) eskaini dio, oso-osorik, zaintzabatzordeari,<br />
eta ondoz ondo arautu ditu osaera, agintaldia eta izendapena (53. artikulua),<br />
informazio-ahalmenak (54. artikulua), jarduketa-eremua (55. artikulua) eta haren eskumenak<br />
eta funtzionamendua (56. artikulua).<br />
Zaintza-batzordea kooperatibaren kudeaketa kontrolatzeko eta fiskalizatzeko organoa<br />
da. Organo hori Euskadiko Kooperatibei buruzko 4/1993 Legeak modu berritzailean eratu<br />
zuen arren, Euskadiko Kooperatibei buruzko 1/1982 Legeak jasotako kontu-hartzaileak izan<br />
zituen aurrekari, eta, hainbat izen erabili badira ere, etengabe jorratu den alderdia izan da<br />
estatuko eta autonomia-erkidegoko kooperatiba-zuzenbidean, bai eta zuzenbide konparatuan<br />
ere, non mota guztietako kooperatibetan ezarri den nahitaez.<br />
Euskadiko Kooperatiben 4/1993 Legeak, honen aurrekoak, organoaren izena aldatzeaz<br />
gain, lehengo kontu-hartzaileen mugak eta urritasunak ikusita, organoaren eginkizunak<br />
nabarmen handitu zituen, gure legeriaren, kooperatibaren eta, oro har, sozietateen argitan<br />
ere demokratikoan indartzeko, bai estatu mailan, bai zuzenbide konparatuan. Era berean,<br />
legeak batzar orokorraren eskumenak trinkotu ditu, eta, horren ondorioz, administrazioorganoa<br />
indartu egin da, batzar orokorrak har ezin ditzakeen eskumen esklusiboen titularra<br />
den aldetik eta legeak era esklusiboan batzar orokorrari esleitzen ez dizkion eskumen guztiak<br />
zeharka hartzen dituen organoa den aldetik.<br />
Eta EKL berriak zaintza-batzordearen erregulazioari eutsi dio, osaeran doikuntzaren bat<br />
eginda eta geroago aztertuko den eginkizun bat aldatuta, batzorde hori izatea eta haren<br />
eginkizunak onuragarritzat jotzen dituelako, izaera demokratikoa izateaz gain, batzar<br />
orokorraren bileren eta, funtsean, kontrolatzen duen administrazio-organoaren etengabeko<br />
funtzionamenduaren arteko lotura demokratikoarena egiten baitu.<br />
53. artikulua.– Osaera, agintaldia eta izendapena.<br />
1.– Estatutuetan zehaztuko da zenbat kide titular izan behar dituen zaintza-batzordeak<br />
(gutxienez hiru), baita, hala badagokio, zenbat ordezko kide izan behar dituen eta<br />
zenbat iraungo duen haien agintaldiak, zeina ez baita izango administratzaileen<br />
agintaldiaren berbera.<br />
Batzorde hori ez da nahitaezkoa izango baldin kooperatibak ehun bazkide baino<br />
gutxiago baditu.<br />
* Alejandro Elejabarrieta Goienetxe jaunak, LABORAL KUTXAren Aholkularitza Juridikoaren zuzendari<br />
eta bertako Artezkaritza-kontseiluko idazkari tekniko eta Euskadiko Kooperatiben Goren Kontseiluko<br />
kideak, egindako iruzkina.<br />
193
ZAINTZA-BATZORDEA<br />
2.– Bazkide izan beharko da zaintza-batzordeko kide izateko, salbu eta estatutuetan<br />
ez-bazkideak onartzeko aukera aurreikusi bada. Bestelakorik onartzekotan,<br />
zuzentasuna, lan-prestakuntza eta esperientzia teknikoa edo enpresariala<br />
eskatuko zaizkio, zaintza-batzordearen betebeharren arabera. Bazkide ez diren kide<br />
horiek ez dira batzordeko kide guztien erdia baino gehiago izango, erditik azpirantz<br />
jota neurtuta.<br />
Kooperatiban berrogeita hamar langile baino gehiago badaude lan-kontratuarekin,<br />
horien artetik aukeratutako ordezkari bat zaintza-batzordeko kide izango da hala<br />
aurreikusten bada estatutuetan.<br />
3.– Batzordeko kideak aukeratu edo kanporatzeko, batzar orokorrean emandako<br />
baliozko boto guztien zatirik handiena beharko da, eta isilpeko bozketa egin beharko<br />
da betiere; estatutuetan oztoporik ezartzen ez bada, berriz ere aukeratu ahal izango<br />
dira, eta administratzaileentzat lege honek ezarri dituen arauak bete beharko dituzte<br />
erantzukizun, lansari, ezintasun, debeku eta erregistroan inskribatzeari dagokienez.<br />
7.1.1. Sarrera<br />
Zaintza-batzordearen eta batzordekideen osaerari dagokionez, araua kontinuista da<br />
eta, hortaz, Euskadiko Kooperatibei buruzko 4/1993 Legeak barneratutako aldaketa<br />
esanguratsuei eutsi die, estatutuetan arautuz gero, organoaren kideak bazkide ez izateko<br />
aukerari dagokionez. Hala ere, aldatu egin da 4/1993 Legeak berritasun gisa jasotako “lanarloko<br />
baterako zaintzaren” erregulazioa.<br />
7.1.2. Berrikuntza nagusiak aurreko araudiaren aldean<br />
Artikulua bat dator Euskadiko Kooperatibei buruzko 4/1993 Legearen 50. artikulu<br />
zaharrarekin, eta, hizkera inklusiboaren inguruko moldaketak (gehienbat, gaztelaniazko<br />
bertsioan) alde batera utzita, bi berritasun daude:<br />
− Kooperatibak besteren konturako berrogeita hamarretik gora langile dituenean,<br />
besteren konturako langileek zaintza-batzordean duten ordezkaritza ez da nahitaezkoa<br />
izango, hautazkoa baizik.<br />
− Eta aurreko guztiak ordezkatzen dituen pertsonak ez du zertan kontratu mugagabea<br />
izan; aitzitik, horren lotura mugagabea izan daiteke ala ez; izan ere, baldintza bakarra<br />
lan-kontratua duen langile bat izatea da, ordezkaritzaren aukera lan-kontratu mota<br />
jakin batzuetara mugatu gabe.<br />
Soldatapeko pertsona guztiek aukeratu behar dutela dioen berariazko araua kendu da, baina<br />
agerikoa da, are gehiago kontratu mugagabea ez duten langileak aukeratu daitezkeelako<br />
aldaketa kontuan hartuta, hori horrela dela.<br />
Bi berrikuntza horien jatorria eztabaidagarria da, aurrerago aipatuko dugun bezala.<br />
7.1.3. Iruzkin orokorra eta esanahi orokorra<br />
−<br />
Zaintza-batzordearen derrigortasunari dagokionez.<br />
194
ZAINTZA-BATZORDEA<br />
−<br />
EKL berrian ez dago aldaketarik, eta, honen aurretik indarrean egon den legean<br />
bezala, batzordearen derrigortasuna kooperatibaren bazkide-kopuruaren dimentsioari<br />
lotzen zaio: 100 baino gutxiago baditu, organoa ez da nahitaezkoa; 100 bazkidek<br />
edo gehiagok osatzen badute, berriz, nahitaezkoa izango da zaintza-batzordea eratu<br />
dadin eta funtziona dezan.<br />
Kontu honetan, EKL ez dator bat Estatuko legearekin, eta autonomia-erkidegoetako<br />
legeen joera nagusia ere desberdina da; izan ere, autonomia-erkidegoek,<br />
antzeko organoari dagokionez (kontu-hartzaileak), nahitaezkoa dela ezarri dute,<br />
kooperatibaren tamaina alde batera utzita.<br />
EKLk eskaintzen duen aukera, hau da, nahitaezko organoa izatea bakar-bakarrik<br />
dimentsio handiko kooperatibentzat (kooperatiben gutxiengoa dira guztien artean),<br />
badirudi kontraesanean dagoela 4/1993 Legeak batzorde hori egituratzean eman<br />
zizkion ahalmen handiagoekin, hori guztia kooperatiben administratzaileen<br />
kudeaketaren gaineko kontrol handiagoa egon zedin, bazkideei gardentasuna eta<br />
informazioa bermatze aldera.<br />
Inolako zalantzarik gabe, organoa nahitaezkotzat jotzen duten araudiek ez dute<br />
kontuan hartu kooperatiba txiki eta ertainentzat derrigortasun horrek dakarren zama,<br />
ez eta batzordearen egokitasuna eta eraginkortasuna zalantzagarriagoa dela halako<br />
kooperatibetan, egiatan, prestakuntza tekniko egokirik ez duten bazkideek izango<br />
baitute erantzukizuna, ezagun dituzten (eta, beraz, honelako edo halako harremana<br />
izango dute haiekin, harreman ona ala txarra) kideek osaturiko artezkaritzakontseiluaren<br />
eta kudeatzailetzaren jarduna fiskalizatzeko helburuz; esan barik doa<br />
baldintzapen horiek guztiek lan objektiboa gauzatzea zailduko dutela.<br />
Nolanahi ere, eta begi-bistakoa izan daitekeen arren, argitu behar da, legeak<br />
hala aginduta ez ezik, bazkideek, beren burua erregulatzeko gaitasuna baliatuz,<br />
estatutuetan jasotako aukera askearen bidez ere ezar dezaketela organoa, kooperatiban<br />
100 bazkide baino gehiago ez direnean.<br />
Hala, 100 bazkide baino gutxiago dituzten kooperatibek behar bezala baloratu<br />
behar dute aukera hori; izan ere, garrantzitsua da kooperatibako organoen artean<br />
autofiskalizazioko bat edukitzea, estatutuetan araututa. Jakina denez, batzar<br />
orokorrak onartu beharko du aukera hori sortze-estatutuak onartzean edo jatorrizko<br />
estatutuen ondoko aldaketa baten bidez.<br />
Horretarako, hainbat inguruabar hartu behar dituzte kontuan, hala nola kooperatibaren<br />
dimentsioa, jarrera parte-hartzailea, izan nahi den gardentasuna, administratzaileen<br />
eta zuzendaritza-taldeetako kideen gainbegiratze- eta kontrol-joera handiagoa edo<br />
txikiagoa, administratzaileak aldian-aldian jardunean dabiltzan eta informazioa<br />
ematen duten…<br />
Legeak aginduta edo estatutuetan hala erabakita, kooperatiba batek zaintza-batzordea<br />
duenean, aginduzko arau batzuk bete behar ditu: gutxieneko kide-kopurua 3koa<br />
izan behar da; bazkide ez diren kideen kopurua ezin da izan batzordekide guztien<br />
erdia baino handiagoa; batzar orokorrak bozketa sekretuaren bidez hautatuko ditu<br />
kideak; administratzaileentzat ezarritako gai askori buruzko lege-arauak aplikatzea,<br />
erantzukizunaren ondorioetarako eta abar.<br />
195
ZAINTZA-BATZORDEA<br />
Alabaina, EKLk nolabaiteko askatasunari heldu dio estatutuetan arautzerakoan:<br />
ordezkoen kopurua, agintaldiaren iraupena, funtzionamendu-araubidea, bazkide ez<br />
diren baina lanbide-kualifikazioa eta enpresa-arloko eskarmentua duten pertsonak<br />
batzordeko kide izateko aukera (baita batzar orokorrak aukeratuta ere).<br />
Eta 11/2019 Legeak ekarritako berritasuna dela medio, zaintza-batzordean lan-arloko<br />
baterako zaintza txertatzeko ala ez txertatzeko aukera ere ematen da estatutuetan.<br />
Berrikuntza hori zioen azalpenean justifikatu da organoaren osaeraren egokitzapena<br />
dela esanda, sozietate-izaeraren araberako egokitzapena delarik, ez lanekoa. Hori<br />
egia da, baina, era berean, zalantzan jar daiteke kooperatiben izaera demokratikoaren<br />
ikuspegitik, beste sozietate-mota batzuekin alderatuta gardentasun handiagoa baitu.<br />
Horrek arrazoitzen du besteren konturako langileek, nahiz eta bazkideak ez izan,<br />
lan egiten duten kooperatibaren kudeaketa kontrolatzen parte hartu ahal izatea, eta,<br />
horregatik, bazkideen interesak ez ezik, besteren konturako langileen interesak ere<br />
babesten dira.<br />
Aldaketa dela bide, lan-arloko baterako zaintza delako hori bazkideen borondatearen<br />
esku uzten da; izan ere, baliteke bazkideek ez ezartzea, eta, hasiera batean, kooperatiba<br />
bakoitzak bere burua arautzeko gaitasun handiagoa izatea komeni den, gai jakin<br />
batzuetan, eskubide jakin batzuk legez aginduta egotea ere onuragarria da. Aurreko<br />
guztia alde batera utzita, besteren konturako langileak printzipio bereziak dituen<br />
eta lanaren osagaia hain garrantzitsua duen kooperatiba batean gutxieneko kontrola<br />
egiteko aukeratik kanpo utziz gero, atzerapena eragin lezake halako langileen<br />
lan-eskubideei dagokienez, batez ere, euskal araudia estatuko erregulazioarekin<br />
alderatzen badugu, non, azkenean, besteren konturako langileen antzeko eskubide<br />
antzekoa ezartzen baita aginduzko izaeraz, ez zaintza-batzordearentzat, artezkaritzakontseiluarentzat<br />
berarentzat baizik. Dena den, iruzkingile honen iritziz, estatuko<br />
legeak dakarren aukera hori ere zalantzazkoa da.<br />
Nire aburuz, gai horri lotutako bigarren aldaketa ere eztabaidagarria da (hein<br />
txikiagoan); esan nahi baita, besteren konturako langile guztiak hautagarri izatea,<br />
ez soilik kontratu mugagabea dutenak (ez bakarrik hautesle, aurreko EKLk xedatu<br />
bezala). Kontratu mugagabea ez duten pertsonek denborazko lotura txikiagoa<br />
dutenez eta haien interesa epe laburragokoa denez, interes-gatazka handiagoa sor<br />
daiteke epe ertain-luzea xede duen kudeaketa arduratsuagoarekin, nahiz eta egia den<br />
hizpide darabilgun eskubidea kontrol-organoaren kide izateko dela, ez administrazioorganoaren<br />
kide izateko.<br />
Azkenik, 53. artikulu horri doakionez, aipatu behar da, 3. atalak dioenez, zaintzabatzordeko<br />
kideek artezkaritza-kontseiluko kideen erantzukizun-araubide bera<br />
izango dutela eta, beraz, aurreko lege-arauketari eutsi zaio.<br />
Estatuan eta autonomia-erkidegoan, erantzukizun-araubidea berariaz parekatzea<br />
ohikoa bada ere, egile batzuk ez daude ados horrekin, neurriz kanpokoa delako;<br />
areago, zaintza-batzordeko kideak edo kontu-hartzaileak bazkideak izan ohi<br />
direlako eta ez zaielako prestakuntza berezirik eskatzen. Nire ustez, proposamena<br />
zuzena da, baldin eta erantzukizun-araubidearen inguruan esaten dena ulertzen<br />
bada eta pertsona bakoitzari egokitzen bazaio, pertsona horren eginkizunen eta<br />
erantzukizunen esparruan.<br />
196
ZAINTZA-BATZORDEA<br />
7.1.4. Beste arau aplikagarri batzuk<br />
EKLk ez du berariaz arautzen pertsona juridikoak zaintza-batzordeko kide izan daitezkeenik,<br />
ez lehen, ez orain; gaztelaniazko bertsioari erreparaturik, “persona” berba erabiltzeak aukera<br />
horretara hurbiltzen duen arren, hizkera inklusiboaren erabileraren ondorioa besterik ez da.<br />
Hala eta guztiz ere, pertsona juridiko bat administratzaile izendatzen denean arautzen<br />
duen EKLren 43.4 artikuluaren aplikazio analogikoari jarraiki, ez dirudi zailtasunik egon<br />
daitekeenik pertsona juridikoak zaintza-batzordeko kide gisa onartzeko, eta, kasu horretan,<br />
pertsona juridikoek pertsona fisikoa izendatu behar izatea ordezkatzeko.<br />
Aurrekoa zalantzazkoa balitz, estatuko legeak (Kooperatibei buruzko 27/1999 Legea),<br />
analogiaz eta modu osagarrian, EKLren 53. artikulua osa lezake; izan ere, 38.3 artikuluak,<br />
“esku-hartzea” arautzen duenak, xedapen hori jasotzen du, eta horixe da, hain zuzen, estatuko<br />
legeak arlo horretan egiten duen ekarpen bakarra.<br />
7.2. Informazio-ahalmenak<br />
54. artikulua.– Informazio-ahalmenak.<br />
1.– Administratzaileek zaintza-batzordeari kooperatibaren jardueren eta ustez izango<br />
duen bilakaeraren berri eman beharko diote, hiru hilabetean behin gutxienez.<br />
2.– Batzordeak bere lana egiteko behar beste egiaztapen egiteko eskubidea du, eta hori<br />
egiteko agindua bere kideetako bati edo batzuei eman ahal izango die edo, bestela,<br />
adituen laguntza eskatu ahal izango du, kideen artean halakorik ez badago.<br />
3.– Batzordeko kide guztiek izango dute emandako edo jasotako informazio guztia<br />
ezagutzeko aukera, baina ez dute ikerketa-lanen edo jasotako informazioaren<br />
emaitzen berri ematerik izango estatutuetan zehaztutako eremuetatik kanpo, ez eta<br />
kooperatibako kideen aurrean ere.<br />
7.2.1. Sarrera<br />
Guztiz esanguratsua da EKLk bere testuko artikulu bat erabiltzea informazio-ahalmenak<br />
(54. artikulua) 56. artikuluak ezartzen dituen gainerako eskumen eta ahalmenetatik berariaz<br />
eta modu bereizian arautzeko. Hori horrela, informazio-eskubideak zaintza-batzordearentzat<br />
daukan garrantzia azpimarratu nahi da, bere eskumenak behar bezala erabiltze aldera,<br />
Kooperatiben 27/1999 Legeak, estatukoak, arlo horren inguruan jasotzen duen erregulazio<br />
laburrak ez bezala.<br />
7.2.2. Berrikuntza nagusiak aurreko araudiaren aldean<br />
Hizkera inklusiboa landu dela (gaztelaniazko bertsioan, “persona” berba erabilita) eta<br />
idazketa hobetu dela bazter utzirik, EKLren 54. artikuluaren testua bat dator, hitzez hitz,<br />
araudi honen aurretik indarrean zegoen Euskadiko Kooperatibei buruzko 4/1993 Legearen<br />
51. Artikulukoaren edukiarekin.<br />
197
ZAINTZA-BATZORDEA<br />
7.2.3. Iruzkin orokorra eta esanahi orokorra<br />
54. artikuluan ezarri dira, kasu guztietan, zaintza-batzordearen informazio-ahalmenak, bere<br />
eskumenak behar bezala erabili ahal izateko premiarekin bat datozenak, aginduzko izaeraz,<br />
hau da, estatutuetan jasotako xedapenen bidez aldatu ezin diren nahitaez bete beharreko<br />
legezko arauak baliatuz.<br />
Eta batzordea badago, legeak hala aginduta edo estatutuek hala xedatuta, beti aplikatuko<br />
dira arau horiek, kooperatibaren tamaina alde batera utzita.<br />
Edukiari dagokionez, esan beharra dago informazio-ahalmenak zabalak direla, eta 1.<br />
atalak administratzaileak behartzen ditu informazioa aldian-aldian eman dezaten (gutxienez,<br />
hiru hilean behin); gainera, behar diren egiaztapen guztiak egiteko ahalmena ematen die<br />
(2. atala), jardun horretan zehaztapen garrantzitsua eginda: batzordeko kide bat bera ere<br />
aditua ez bada, adituen laguntza eskatu ahalko dute. Kanpoko adituengana jotzeko eskubide<br />
horren garrantzia azpimarratu nahi dut, eta legeak berariaz esaten ez badu ere, kooperatibako<br />
funtsen kontura egingo dela argi utzi nahi dut, bestela balitz, batzuetan, eskubidea edukirik<br />
gabe gera bailiteke praktikan.<br />
3. atalak bi gai bereizten ditu:<br />
− Alde batetik, zehaztu da batzordeko kide guztiek badutela informazio guztia<br />
eskuratzeko aukera, eta, iruzkingile honen ustez, horrek adierazi nahi du ezin direla<br />
mugatu norbanakoaren eskubideak informazioa eskuratzeko, kide anitzeko gehiengo<br />
batek hala erabakita. Bestela esanda, eskubidea ez dagokiola nahitaez organoari<br />
(hots, kide guztiei batera).<br />
− Eta, bestetik, batzordeko kideen informazio-eskubidearen ifrentzua dugu, jakina<br />
denez, konfidentzialtasunari heldu behar izatea eta eskuratutako informazioa<br />
isilpean gorde behar izatea; Halatan, batzordekideek ezin izango dute informazioa<br />
estatutuetan zehaztutako eremuetatik kanpo jakinarazi, ezta kooperatibako kideei<br />
ere. Batzordekide ez diren hirugarren pertsonei informazioa partekatzeko mugaren<br />
inguruko zedarriztapena erabat ezarrita dago, nahiz eta “estatutuetan zehaztutako<br />
eremuetatik kanpo” esamoldea zehaztugabea den, eta, informazioaren baliatzeko eta<br />
erabiltzeko kasu orotan bezala, jarraipena egiteko eta mugatzeko zaila, kasu askotan.<br />
7.2.4. Beste arau aplikagarri batzuk<br />
Kooperatibei buruzko 27/1999 Legeak dakarren estatuko araudiaren 38. artikuluaren<br />
1. ataleko paragrafo laburraren edukia ez da aplikagarria, eta ez du ekarpenik egiten arlo<br />
horretan.<br />
7.3. Jarduketa-eremua<br />
55. artikulua.– Jarduketa-eremua.<br />
Zaintza-batzordeak lege honetan zehaztutako funtzioak egikarituko ditu, baina ezin<br />
izango du kooperatibaren kudeaketan zuzenean parte hartu, eta ezingo da kooperatibaren<br />
198
ZAINTZA-BATZORDEA<br />
ordezkari izan hirugarren ez-bazkideen aurrean; baina, kooperatibaren ordezkari izango<br />
da kooperatiba beraren administrazio-organoaren edo bere kideetako edozeinen aurrean,<br />
baldin eta organo hori auzitara eraman behar bada edo organo horren kideekiko hitzarmenak<br />
bukatu egin badira.<br />
7.3.1. Sarrera<br />
Aurreko artikuluaren edukiarekin gertatzen den moduan, EKLren 55. artikuluaz denaz<br />
bezainbatean, Euskal Autonomia Erkidegoko legegilearen borondatea esanguratsua da,<br />
legearen testu artikulatuaren barruan, artikulu batek berariaz arautzen baitu zaintzabatzordearen<br />
jardun-eremuaren barruan ez dagoela kooperatibaren zuzeneko kudeaketan<br />
esku-hartzea, ez eta hura hirugarrenen aurrean ordezkatzea ere.<br />
Batzordearen funtsezko printzipioa da, eta ez du inoiz arazo izan behar kudeaketa arin eta<br />
egokia egiteko.<br />
7.3.2. Berrikuntza nagusiak aurreko araudiaren aldean<br />
Oraingo legearen 55. artikuluaren testua bat dator, hitzez hitz, lehen indarrean zegoen<br />
Euskadiko Kooperatibei buruzko 4/1993 Legearen 52. artikuluarekin, hizkera inklusiboa<br />
gorabehera (gaztelaniazko bertsioan), baina zalantzak sor ditzakeen termino bat, “ezbazkideak”,<br />
gehitu du. Azter ditzagun bi testuak, zalantza ñabardurazkoa delako:<br />
− 4/1993 Legea: “… ezta hura hirugarrenen aurrean ordezkatzea ere”.<br />
− 11/2019 Legea: “… eta ezingo da kooperatibaren ordezkari izan hirugarren ezbazkideen<br />
aurrean (iruzkingile honek azpimarratu du testua).<br />
Termino hori gehitzeak sor dezakeen zalantza hauxe da: idazketari lotutako ondorioa den,<br />
edukian eraginik ez duena, aurreko legean (4/1993), “hirugarren” terminoak bazkideak<br />
ez ziren pertsonak bakarrik aintzat hartzen zituelako; edo, bestela, edukia aldatu egin den,<br />
batzordeak lehen ez zuelako ordezkaritzarik bazkideen aurrean eta orain bai.<br />
Jakina denez, “hirugarren” berba bazkide ez diren pertsonei lotuta gehiagotan erabiltzen<br />
da batzordeko kide ez ziren pertsonei (bazkideak izan ala ez) lotuta baino; bestetik, 11/2019<br />
Legeak berak, zioen azalpenean, honako gai hau berritasun edo aldaketa gisa adierazten ez<br />
duenez, pentsatu behar dugu esanahia ez dela aldatu, eta, hortaz, zaintza-batzordeak lehen<br />
ezin zuela eta orain ere ezin duela kooperatiba ordezkatu kide ez diren pertsonen aurrean.<br />
7.3.3. Iruzkin orokorra eta esanahi orokorra<br />
Lehenik eta behin, argi dago EKLren 55. artikuluak ezarritako zaintza-batzordearen<br />
jardun-eremua ez duela biderik ematen estatutuen erregulazioak arauketa desberdina edo<br />
osagarri esanguratsua ezartzea.<br />
Zaintza-batzordea kontrol-organoa denez, EKLk argi eta garbi ezarri du zaintza-batzordeak<br />
ezin duela zuzenean esku hartu kooperatibaren kudeaketan eta ezin duela ordezkatu bazkide<br />
ez diren hirugarren pertsonen aurrean. Ez luke zentzurik izango eta ez luke bere helburua<br />
beteko administratzaileak fiskalizatu beharrean, kooperatiba kudeatu eta ordezkatuko balute.<br />
199
ZAINTZA-BATZORDEA<br />
Gainera, EKLren 42. artikuluaren 1. zenbakiak berariaz eta inolako zalantzarik gabe ezarrita<br />
dauka kooperatibaren kudeaketa eta ordezkaritza administratzaileei bakarrik dagokiela.<br />
Hala ere, EKLren 55. artikuluak berak aurrekoaren salbuespen bat dakar eta badio<br />
kooperatibaren ordezkari izango dela “kooperatiba beraren administrazio-organoaren edo<br />
bere kideetako edozeinen aurrean, baldin eta organo hori auzitara eraman behar bada edo<br />
organo horren kideekiko hitzarmenak bukatu egin badira”.<br />
Salbuespen horren ondorioz, batzordeak eskumena dauka, bere fiskalizazio-zereginen<br />
barruan, batzar orokorrak legearen edo estatutuen aurka hartutako erabakiak aurkaratzeko<br />
edo, bazkide baten edo batzuen edo hirugarrenen mesedetan, kooperatibaren interesei kalte<br />
egiten diotenak aurkaratzeko (EKLren 41. artikulua). Bestetik, administrazio-organoak<br />
hartutako erabaki deusez edo deuseztagarriak aurkaratzeko eskumena ere badauka (EKLren<br />
52. artikulua).<br />
7.3.4. Beste arau aplikagarri batzuk<br />
Kooperatiben 27/1999 Legeak, estatukoak, ez dauka aplikazio osagarririk, eta ez du<br />
ekarpenik egiten, ezta ezer osatzen ere.<br />
7.4. Eskumenak eta funtzionamendua<br />
56. artikulua.– Eskumenak eta funtzionamendua.<br />
1.– Zaintza-batzordeak honako funtzio hauek betetzeko ahalmena du:<br />
a) Urteko kontuak aztertzea eta kontu horiei eta soberakinak banatzeko edo galerak<br />
egozteko proposamenari buruz nahitaezko txostena egitea, batzar orokorrean<br />
azaldu aurretik, salbu eta kooperatibak bere finantza-egoera auditoretzaren<br />
baten aurrean aurkeztu behar duenean.<br />
b) Kooperatibaren liburuak aztertzea.<br />
c) Kooperatibaren onerako beharrezkotzat jotzen duenean, batzar orokorra biltzeko<br />
deia egitea, baldin eta administratzaileek ez badiote, epe barruan, kasurik egin<br />
bazkideek 35. artikuluaren 2. eta 3. ataletan ezarritakoaren arabera egindako<br />
eskariari.<br />
d) Ordezkaritza-idazkiak egokiak diren gainbegiratu eta kalifikatzea, eta,<br />
orokorrean, batzarretara sartzeko eskubideari buruzko zalantza eta gorabeherak<br />
ebaztea.<br />
e) Lege honetan zehaztutako kasuetan, sozietatearen erabakiak aurkaratzea.<br />
f) Batzar orokorrari ebazpena emateko aurkeztu dizkion egoera edo arazo zehatzei<br />
buruzko informazioa ematea.<br />
g) Batzar orokorrak gainerako organoetako kideak aukeratzen dituenean<br />
erabilitako hautaketa- eta izendapen-prozesua zaintzea.<br />
200
ZAINTZA-BATZORDEA<br />
h) Administratzaileen funtzioak etetea, baldin eta 44. artikuluko ezintasun- edo<br />
debeku-egoeraren batean badaude, eta, hala gertatuz gero, beharrezko neurriak<br />
hartzea batzar orokorra bildu arte.<br />
i) Lege honek espresuki agindutako gainerako eginkizun guztiak.<br />
2.– Kooperatibak bere finantza-egoerak auditatu behar dituenean, zaintza-batzordeak<br />
kontabilitate-euskarriak aztertu ahal izango ditu –kideek komeni dela uste badute,<br />
eta, beharrezkoa bada, horiei buruzko txostena egin ahal izango du. Dena dela,<br />
txosten hori ez da nahitaezkoa izango kooperatibaren urteko kontu auditatuak<br />
onartzeko.<br />
Era berean, eta urteko kontuak auditatzen badira ere, zaintza-batzordeak txosten bat<br />
egin ahal izango du soberakinak banatzeko edo galerak egozteko proposamenari<br />
buruz.<br />
Deskribaturiko bi kasu horietan, zaintza-batzordeak administratzaileei jakinarazi<br />
beharko die asmoa duela aurkezteko kooperatibaren urteko kontuei buruzko eta<br />
soberakinak banatzeko edo galerak egozteko proposamenari buruzko ez-nahitaezko<br />
txosten bat, bazkideek txosten hori aztertzeko aukera izan dezaten ohiko batzar<br />
orokorraren deialdia argitaratzen den unean berean.<br />
3.– Zaintza-batzordearen funtzionamendu-araubidea estatutuetan, edo, hala badagokio,<br />
barne-erregelamenduan erabakitakoaren araberakoa izango da. Halere, edozein<br />
administratzailek edo batzordeko edozein kidek eska diezaioke idatziz bertako<br />
lehendakariari organo hori biltzeko deia egin dezala, eskaera egiteko dituen<br />
arrazoiak azalduz. Eskaera hori gutxienez artezkaritza-kontseiluaren edo zaintzabatzordearen<br />
beraren herenak egiten baldin badu, eta hilabeteko epean biltzeko<br />
deirik egiten ez bada, eskatu duten taldeetako edozeinek egin ahal izango du deia.<br />
4.– Likidazioaldian, artikulu honetan zehaztu zaizkion funtzioen artetik aldi horretan<br />
bidezkoak direnak bakarrik egikarituko ditu zaintza-batzordeak.<br />
7.4.1. Sarrera<br />
Zaintza-batzordearen eskumenak xehetasunez ezarrita daude EKLren 56. artikuluaren<br />
1. atalean eta 2. zenbaki berrian, baina bertan ageri den zerrenda ez da zerrenda itxia, i)<br />
azpiatalak, gainera, arautu baitu legeak berariaz esleitzen dizkion gainerako funtzioak izango<br />
dituela.<br />
Horrela, bada, ez da baliozkoa eginkizun horiek estatutuetan zabaltzea edo murriztea; izan<br />
ere, eginkizunok beren-beregi eta nahikoa zehatz zedarriztatuta daudenak eta legeak berak<br />
beste artikulu batzuetan “berariaz” ezartzen dituenak izan behar dute.<br />
7.4.2. Berrikuntza nagusiak aurreko araudiaren aldean<br />
56. artikuluaren 1., 3. eta 4. atalen testua bat dator, hitzez hitz, aurretik indarrean zegoen<br />
Euskadiko Kooperatibei buruzko 4/1993 Legearen 53. artikuluaren edukiarekin, salbuespen<br />
birekin: hizkera inklusiboa landu da, legezko testu osoan bezala; berritasuna dugu, ordea,<br />
201
ZAINTZA-BATZORDEA<br />
2. Paragrafoa, guztiz berria baita, kooperatibaren kontuei buruzko txostena egiteko funtzioa<br />
eta haren ondorioak legean arautzeko xedez, kooperatibak finantza-egoerak ikuskatu behar<br />
dituenean.<br />
2. atal berria lege-testuan baino ez da berrikuntza, haren idazketa osoa bat baitator<br />
Euskadiko Kooperatiben Legearen Erregelamenduaren 21. artikuluak (58/2005 Dekretua)<br />
ezarritakoarekin, eta, beraz, ez da berritasuna kooperatibentzat.<br />
7.4.3. Iruzkin orokorra eta esanahi orokorra<br />
Hauexek dira 1. paragrafoak berariaz jasotako ahalmenak edo eskumenak:<br />
“a) Urteko kontuak aztertzea eta kontu horiei eta soberakinak banatzeko edo galerak<br />
egozteko proposamenari buruz nahitaezko txostena egitea, batzar orokorrean azaldu<br />
aurretik, salbu eta kooperatibak bere finantza-egoera auditoretzaren baten aurrean<br />
aurkeztu behar duenean”.<br />
Kontuak fiskalizatzeko funtzio hori batzordearen eginkizun klasikoa da, bai eta<br />
eginkizun nagusia ere, kooperatiba kanpoko auditoretza batek fiskalizatzera<br />
behartuta ez dagoenean.<br />
Gogoratu behar da kooperatibak behartuta daudela urteko kontuak eta kudeaketatxostena<br />
ikuskatzera, Kontu Auditoretzaren 22/2015 Legean eta hura garatzeko<br />
arauetan ezarritako moduan eta kasuetan, eta horregatik gehitu dira paragrafoaren<br />
azken salbuespena eta artikulu honen 2. atalean araututakoa.<br />
“b) Kooperatibaren liburuak aztertzea”.<br />
Eskumen hori zentzu zabalean ulertu behar da, EKLren 74. artikuluaren 1. atalak<br />
adierazten dituenaren ildoan, kooperatibak nahitaez eraman behar dituen liburu<br />
guztiei dagokienez, bai eta prozedura informatikoen bidez egindako gainerako<br />
liburu, kontabilitate-erregistro eta idazpen eta idatzoharrei dagokienez ere, nahiz eta<br />
kasu batzuetan errepikakorra izan a) atalean ageri den ahalmena kontuan hartuta.<br />
“c) Kooperatibaren onerako beharrezkotzat jotzen duenean, batzar orokorra biltzeko<br />
deia egitea”.<br />
Eskumen hori administrazio-organoak ahalmen hori duela dioen arau orokorraren<br />
salbuespena denez, honako hau eskatzen da: “… baldin eta administratzaileek ez<br />
badiote, epe barruan, kasurik egin bazkideek 35. artikuluaren 2. eta 3. ataletan<br />
ezarritakoaren arabera egindako eskariari”.<br />
Azken batean, hau bezalako ahalmen garrantzitsu bat aitortzen zaio batzordeari,<br />
administrazio-organoa kontrolatzeko eta organo hori eta bazkideak lotzeko egiten<br />
duen lanarekin bat etorriz, baina zenbait baldintza bete behar ditu ahalmen horrek:<br />
kooperatibaren interesentzat beharrezkotzat jotzea, alderdi guztiz subjektiboa, eta<br />
administrazio-organoak ez jaramonik ez egitea ohiko nahiz ezohiko batzar orokorra<br />
(35.1 artikulua eta 35.2 artikulua, hurrenez hurren) elkartzeko xedez deia egin dadila<br />
eskatzeko eskubidea duten bazkideei eta gizarte-organoei, alderdi guztiz objektiboa.<br />
“d) Ordezkaritza-idazkiak egokiak diren gainbegiratu eta kalifikatzea, eta, orokorrean,<br />
batzarretara sartzeko eskubideari buruzko zalantza eta gorabeherak ebaztea”.<br />
202
ZAINTZA-BATZORDEA<br />
Ahalmen hori, egiatan eta finantza-egoerak fiskalizatzeko kanpo-auditoreak<br />
daudenean, zaintza-batzordeko kideek garatu ohi duten gutxietako bat da, eta<br />
bazkideek batzarraren bileretan parte hartzeko eskubidea behar bezala betetzen<br />
dela bermatzea du helburu, bai bertaratzen direnean, bai beste bazkide batzuek<br />
ordezkatzen dituztenean. Arruntean, administratzaileek egiten dituzte, zuzenean edo<br />
zeharka, gerora bazkide gehien-gehienek erabiltzen dituzten ordezkaritza-idazki<br />
formalizatuak eta zuzenean edo zeharka kudeatzen dituzten batzarretan parte hartzeko<br />
baliabide materialak eta pertsonalak ere kudeatzen dituzte, zuzenean edo zeharka;<br />
horren ondorioz, ahalmen hori, funtsean, administratzaile horiek kontrolatzea helburu<br />
duen arren, inolako zalantzarik gabe, bazkideak kontrolatzeko tresna izan daiteke eta<br />
izan behar du, batzarretan parte hartzeko eskubide demokratikoa oker edo modu<br />
desegokian erabil ez dezaten, dela legezko edo estatutuetan jasotako eskakizunak<br />
betetzen ez direlako, dela nortasuna behar bezala egiaztatzen ez dutelako, dela beste<br />
eraren batean.<br />
“e) Lege honetan zehaztutako kasuetan, sozietatearen erabakiak aurkaratzea”.<br />
Ez zen beharrezkoa ahalmen hori artikulu honetan berariaz ezartzea, batzordeak<br />
lehendik baduelako legezko testuaren beste artikulu batzuetan ezarri delako. Hala<br />
ere, mesedegarria da didaktikaren ikuspegitik, eta legitimazio bizia dakar erabaki<br />
deusezak nahiz deuseztagarriak eta batzar orokorrak nahiz artezkaritza-kontseiluak<br />
hartutako akordioak aurkaratzeko.<br />
Kasu honetan ere, nabarmentzekoa da ahalmen hori araututa dagoen moduan,<br />
eta zaintza-batzordearen fiskalizazio-jarduera betetzen den era aintzat hartuta,<br />
administrazio-organoaren gainean gauzatzeaz gain, batzar orokorrean bildutako<br />
bazkideak kontrolatzeko ahalmena ere badakarrela.<br />
“f) Batzar orokorrari ebazpena emateko aurkeztu dizkion egoera edo arazo zehatzei<br />
buruzko informazioa ematea”.<br />
Ahalmen hori bazkideen informazio-eskubidearen barruan sartzen da, are<br />
garrantzitsuagoa dena kooperatiben arloan, baina zehaztu behar da legezko testuak<br />
ez diela bazkideei eskubidea banaka esleitzen; aitzitik, batzarrak aurkeztu behar<br />
dizkio batzordeari egokitzat jotzen dituen gaiak, eta, ondorioz, erabaki bat hartu<br />
behar da ildo horretan eta erabakiak hartzeko baldintza orokorrei kasu eginda.<br />
“g) Batzar orokorrak gainerako organoetako kideak aukeratzen dituenean erabilitako<br />
hautaketa- eta izendapen-prozesua zaintzea”.<br />
Ahalmen hori administrazio-organoko kideak eta bazkideak kontrolatzeko ere izan<br />
daiteke, eta batzarraren gardentasuna eta funtzionamendu demokratikoa bermatzea<br />
du helburu, haren funtsezko funtzioetako bati jarraiki, hau da, sozietatearen<br />
gainerako organoetako kideak aukeratzean. Gainera, prozesu gatazkatsuak izan<br />
daitezke, aukeratu behar direnak baino pertsona gehiago edo pertsona-zerrenda<br />
gehiago aurkezten direnean.<br />
“h) Administratzaileen funtzioak etetea, baldin eta 44. artikuluko ezintasun- edo debekuegoeraren<br />
batean badaude, eta, hala gertatuz gero, beharrezko neurriak hartzea<br />
batzar orokorra bildu arte”.<br />
203
ZAINTZA-BATZORDEA<br />
Aldez aurretik adierazi behar da amaierako zatian aipatzen den “batzar orokorra”<br />
izango dela etetea egokia den ala ez aztertuko dena, eta, hala badagokio, etendakoen<br />
ordezko administratzaileak aukeratuko direla bertan. Horren haritik, 44. artikuluaren<br />
2. atalak ezarritakoaren arabera, hurrengo batzar orokorra izan beharko da.<br />
Zalantzarik gabe, ahalmen hori oso irekia da, eta gatazkatsua ere izan daiteke; izan<br />
ere, administratzaileak aukeratzeko eta kargugabetzeko eskumena ez duen organo<br />
bati ematen dio, baina eskumenduna izan daiteke administrazio-organoaren kide<br />
batzuei aldi baterako egiazko esku-hartzea aplikatzen bazaie, jarduketa horren bidez,<br />
administratzaileak etetzeaz gain, batzordeak bere eskumenak baliatu behar baditu,<br />
sozietatearentzat ezinbestekoa bada, hurrengo batzar orokorra egin arte.<br />
Aipatu duguna, batik bat, muturrera eramanda, egiatan nekez gertatuko den ariketa<br />
teorikoa da; bada, administrazio-organoaren kideek, kargugabetuak izan ala ez,<br />
eginkizunak eraginkortasunez luzatzeko bitartekoak izango dituzte eskura hurrengo<br />
batzar orokorra egin arte, baina administratzaileek batzar hori presaz deitu ahalko<br />
dute, interesatzen bazaie, behintzat.<br />
Nolanahi ere, berriz ere diogu ahalmen irekia eta gatazkatsua dela, are gehiago<br />
ezintasun- edo debeku-arrazoiren batek balorazio subjektibo handia eskatzen<br />
duenean edo hainbat interpretazio ahalbidetzen dituenean. Horrela, EKLren 56.<br />
artikuluaren 1.4) atalak aipatzen duen 44. artikuluaren 1.a) eta 1.d), eta 1.b) ataleko<br />
beste batzuk, objektiboak dira (adibidez, beste batzuk desgaitzeko epai judiziala),<br />
baina 44. artikuluaren 1.b) edo 1.c) ataletan ezarritakoak guztiz interpretagarriak<br />
izan daitezke eta, hortaz, zenbait modutan balioetsi daitezke, kasu bakoitzaren<br />
inguruabar zehatzen arabera (adibidez, kooperatibarekiko lehia zer jarduerak<br />
dakarren, eta langile funtzionarioen zer eginkizun lotzen diren kooperatibaren<br />
berezko jarduerarekin).<br />
“i) Lege honek espresuki agindutako gainerako eginkizun guztiak”.<br />
Idazketa hori erabiliz, saihestu egiten da EKLren testu artikulatuaren beste zati<br />
batzuetan zaintza-batzordeari ematen zaizkion funtzio guztiak zehatz-mehatz<br />
agertzea.<br />
Eta artikulu honen iruzkinean arestian adierazi dugun bezala, testua argia da, eta<br />
nahitaez eragozten du zaintza-batzordeak EKLn jaso gabeko funtzioak izatea, eta ez<br />
du aukerarik ematen kooperatibaren autoerregulazioaren bidez beste funtzio batzuk<br />
ezartzeko.<br />
2. atalak nolabaiteko bateragarritasuna xedatzen du zaintza-batzordearen funtzioen<br />
eta kanpoko auditoreen funtzioen artean, kooperatibaren finantza-egoerak ikuskatzea<br />
nahitaezkoa denean. Horrela:<br />
− Kasu horietan ere, batzordeari ahalmena ematen zaio kontabilitate-euskarriak<br />
aztertzeko eta horiei buruzko txostena egin ahal izateko, baina txosten hori ez da<br />
loteslea izango ikuskatutako urteko kontuak onartzeko.<br />
− Eta ahalmena ematen zaio, halaber, soberakinak banatzeko edo galerak egozteko<br />
proposamenari buruzko txostena egin ahal izateko.<br />
204
ZAINTZA-BATZORDEA<br />
Eta aurreko bi kasuetan, zaintza-batzordeak administratzaileei jakinarazi beharko die<br />
adierazitako txostena edo txostenak aurkezteko asmoa duela, bazkideek aztertu ahal<br />
izan ditzaten, onartzeko aurkeztuko diren batzar orokorraren deialdia argitaratzen<br />
den unean bertan, hori guztia bazkideei zor zaien gardentasuna eta informazioa<br />
lortzearen ildoan.<br />
Nolanahi ere, kontuak kanpoko auditoria batek fiskalizatzeko betebeharra dagoenean,<br />
zalantzan jarri behar da zaintza-batzordeak, hautazko izaeraz bada ere, adierazitako<br />
ahalmenak izan ote ditzakeen.<br />
3. atalean, zaintza-batzordearen funtzionamendu-araubidea arautu da, eta aurreko<br />
bi ataletan eskumenei buruz araututakoek duten beharrezko izaerarekin gertatu ez<br />
bezala, hautazko izaera du. Hautazkotasun horrek aukera ematen dio kooperatibari<br />
bere burua erregulatzeko estatutuak edo barne-araubideko erregelamendua erabiliz,<br />
baina aginduzko arauren bat ere ezartzen du, batzordeburuari batzordearen deialdia<br />
egiteko eska dezaketenen inguruan (administrazio-organoari atxikitako edozein kide<br />
edo zaintza-batzordeko edozein kide) edo batzordeburuak hilabeteko epean deitzen<br />
ez duenean, zuzenean deitu dezaketenen inguruan (artezkaritza-kontseiluko edo<br />
zaintza-batzordeko kideen herena, gutxienez).<br />
Azkenik, 4. atalak oso modu zehaztugabean ezarri du, likidazio-aldian, zaintzabatzordeak,<br />
bere eginkizun guztien artean, “aldi horretan bidezkoak direnak” baino<br />
ez dituela egingo.<br />
7.4.4. Beste arau aplikagarri batzuk<br />
Kooperatiben 27/1999 Legea, estatukoa, ez da osagarri gisa aplikatzekoa, eta ez du inolako<br />
ekarpenik egiten edo ezer osatzen. Lege horren 30. artikuluak urteko kontuen eta kudeaketatxostenaren<br />
zentsura besterik ez du arautzen, eta 38. artikuluak, oro har, legeak beste artikulu<br />
batzuetan berariaz esleitzen dizkion edo estatutuetan esleitzen zaizkion gainerakoetarako<br />
igorpena egiten du. Azken hori ez dator bat EKLrekin; izan ere, lehen esan bezala, EKLk<br />
ez du aukerarik ematen bere testu artikulatuan ageri diren bestelako funtzioak esleitzeko<br />
estatutuak baliatuz.<br />
Beste arau aplikagarri batzuk badira, 1.a) eta 2. ataletan ezarritakoen zioz, sozietateek,<br />
kooperatiba-sozietateek ere aintzat hartuta, beren finantza-egoerak kanpoko kontuen<br />
auditoretza baten bidez ikuskatzeko betebeharra ezartzen duen araudia. Hau da, Kontu<br />
Auditoretzari buruzko 22/2015 Legearen lehen xedapen gehigarriaren 1. atala, eta egoera<br />
hori edozein sozietateri aplikatuta, oro har, Kapital Sozietateei buruzko Legearen 263.<br />
artikulua (1/2010 Legegintzako Errege Dekretua).<br />
205
8. BESTE ORGANO BATZUK* 1.<br />
Euskadiko Kooperatiben 11/2019 Legeak (EKL) eta gainerako kooperatiba-legeek<br />
(estatukoak nahiz autonomia-erkidegoetakoek), kooperatiben egitura organikoa eratzerakoan,<br />
nahitaezko hiru organo ezartzen dituzte, aukerakoak ez direnak (batzar nagusia, artezkaritzakontseilua<br />
eta zaintza-batzordea edo kontu-hartze batzordea), bai eta, aginduzkoak ez,<br />
hautazkoak diren beste sozietate-organo batzuk ere, sozietatearen nahiari lotutakoak.<br />
EKLren I. tituluaren V. kapituluko 4. atalean, “Beste organo batzuk” deritzonean, hautazko<br />
organo gisa araututa daude sozietate-kontseilua (57. artikulua) eta errekurtso-batzordea (58.<br />
artikulua).<br />
Hautazko bi organo horiez gain, kooperatiba bakoitzak borondatezko beste organo batzuk<br />
sor edo eratu ditzake, eta haien osaera, eginkizunak eta abar arautu, bada, edozein sozietatek<br />
egin dezakeen moduan, zeinek bere autoerregulazio-ahalmenaren esparruan, baldin eta<br />
nahitaezko organoei legez esleitutako eskumenak urratzen ez badituzte.<br />
8.1. Sozietate-kontseilua. Izaera eta funtzioak<br />
57. artikulua.– Sozietate-kontseilua. Izaera eta funtzioak.<br />
1.– Estatutuetan, sozietate-kontseilu bat egotea aurreikusi ahal izango da, kooperatibako<br />
bazkideen ordezkotza duen organo bezala oinarrizko funtzio hauek izango dituena:<br />
administratzaileei informazioa, aholkuak eta iritziak ematea lan-harremanari<br />
dagozkion alderdi guztiei buruz, zeinei buruz nahitaezko txostena egin behar baita,<br />
eta, bereziki, 30. eta 105.2 artikuluetan adierazitakoei buruzkoak.<br />
2.– Halaber, beren estatutuetan hori jasotzen duten kooperatibetan, nahitaezkoa izango<br />
da sozietate-kontseiluari iritzia eskatzea bazkide ez diren soldatapekoekiko lanharremanari<br />
dagozkion alderdi guztiei buruz.<br />
3.– Sozietate-kontseilua bazkide langileek edo lan-bazkideek osatuko dute.<br />
Estatutuetan zehaztuko da sozietate-kontseiluaren osaera, iraupena, desegitea eta<br />
funtzionamendua, eta administratzaileek haren bileretan parte hartzeko aukerarik<br />
baduten ala ez.<br />
8.1.1. Sarrera<br />
Sozietate-kontseilua, kooperatibaren organo legez, aurreneko aldiz arautu zen Euskadiko<br />
Kooperatiben 4/1993 Legean, lehendik aurrekaririk ez zeukala, ez EAEko legerian, ez<br />
estatukoan, ez autonomia-erkidegoetakoan, nahiz eta, sozietatearen nahia eta autoerregulazioahalmena<br />
baliatuz, kooperatiba guztiek antzeko organo bat sor zezaketen.<br />
* Alejandro Elejabarrieta Goienetxe jaunak, LABORAL KUTXAren Aholkularitza Juridikoaren zuzendari<br />
eta bertako Artezkaritza-kontseiluko idazkari tekniko eta Euskadiko Kooperatiben Goren Kontseiluko<br />
kideak, egindako iruzkina.<br />
207
BESTE ORGANO BATZUK<br />
EKL berriak ere organoaren arauketari eta erregulazioari eutsi die, zioen azalpenean<br />
adierazten den bezala, sozietate-kontseiluari dagokionez, “ikusi da baliagarria dela euskal<br />
kooperatibismoaren barruan”.<br />
Iruzkingile hau bat dator legegileak sozietate-kontseiluaren erabilgarritasun eta<br />
egokitasunari buruz duen iritziarekin, kooperatibaren izaera nahasten duen organo gisa<br />
ikusten duten doktrinazko sektore kualifikatuen iritzi kritikoa gorabehera, batzar orokorraren<br />
eta artezkaritza-kontseiluaren artean jarrita dagoela, enpresa-batzordearen parekotzat jo<br />
baitaiteke, eta lan egiten duten bazkideak ordezkatzen dituen organoa dela pentsa baitaiteke,<br />
artezkaritza-kontseiluak ordezkatzen ez dituen edo partez ordezkatzen dituenaren aurrean.<br />
Iritzi horien eta iritziok azaleratzen dituzten benetako arriskuen aurrean, iruzkingile<br />
honen aburuz, sozietate-kontseilua solaskide garrantzitsua da bazkide langileen edo lanbazkideen<br />
kooperatibaren sozietate-bizitzan eta, hartara, ez da artezkaritza-kontseiluaren<br />
aurkako organotzat jo behar, bi organo horiek gai guzti-guztietan bat ez badatoz ere; aitzitik,<br />
laguntzailetzat hartu behar da, organoaren berezko gaietan, ez beste batzuetan, kudeaketa<br />
bideratzen laguntzen baitu eta lan-emaile diren bazkide langileak hein handiagoan partaide<br />
bihurtzen baititu, une gozoetan eta, bereziki, une zailetan, eta atxikimendu hori txit<br />
onuragarria da.<br />
8.1.2. Berrikuntza nagusiak aurreko araudiaren aldean<br />
Lehengo 4/1993 Legearekin alderatuta (54. artikulua), EKLren 57. artikuluaren berritasun<br />
bakarra 1. atalean jasota dago, eta kooperatiba orok, bazkide-kopurua edozein izanda ere,<br />
organo hori sortzeko aukeran datza.<br />
Aurreko 4/1993 Legeak organo horren hautazko sorrera baino ez zuen arautzen kopuru<br />
jakin batetik aurrerako kooperatibentzat, hau da, “berrogeita hamar bazkide langile edo lanbazkidetik<br />
gorako kooperatibentzat”.<br />
Aldaketa hori gehituta, EKL berriak aurreko 4/1993 Legeak sortutako zalantza, hau da,<br />
bi mota horietako 50 bazkide baino gehiagoko sozietate-errolda duten kooperatibentzat<br />
gordetako organoa ote zen, argitu du, eta kooperatiba guztietan ezartzearen alde agertu da,<br />
bazkideen kopurua bazter utzita eta aurrekoan legezko debekurik ez zegoela oinarri hartuta,<br />
Espainiako Konstituzioaren 38. artikuluan ezarritako enpresa-askatasuna eta kooperatibek<br />
beren burua erregulatzeko gaitasuna aitortuta eta kooperatiba-printzipioen aurka egiten ez<br />
duela argi utzita.<br />
Aurreko aldaketarekin batera −iruzkingile honen iritziz, onuragarria izan dena−, legelariak<br />
euskal eremuaren baitan EKL berrian emandako idazketak, kooperatibak “50 bazkide<br />
langile edo lan-bazkide baino gehiago” izan behar duelako baldintza ezabatuta, ez du soilik<br />
bazkideen kopuruaren betekizuna kendu, ezpada, idazketari lotutako beste bat; izan ere,<br />
sozietate-kontseilua izan zedin, manuak adierazitako bi bazkide-motetako bat izan behar<br />
zuen kooperatibak: bazkide langileak (lan elkartuko kooperatibetan) edo lan-bazkideak<br />
(gainerako kooperatibetan).<br />
EKL berriak orain sorrarazten duen zalantza, berriz, hauxe da: zeinahi kooperatibak bazkide<br />
langilerik edo lan-bazkiderik izan ez arren, sozietate-kontseilua izatea arautu dezake?<br />
208
BESTE ORGANO BATZUK<br />
Artikuluaren edukiak debekatzen ez badu ere, ez du arautzen, eta iruzkingile honen<br />
ustez, idazketak dakarren hutsunea edo gabezia da, organoak esangura baitauka bi bazkidemota<br />
horiekin lotuz gero, ez bestela. Ez dauka zentzurik kooperatibak besteren konturako<br />
langileak baino ez dituenean; izan ere, pertsona horiek badute ordezkaritza sindikala<br />
baliatzeko eskubidea, berme osokoa eta Langileen Estatutuan nahiz gainerako lan-araudian<br />
nahitaezkotasunez eta era zabalean arautua.<br />
Are gehiago, oso eztabaidagarria izango litzateke bi organo horien (sozietate-kontseilua<br />
eta enpresa-batzordea edo delegatu sindikalak) bateragarritasuna eremu berean funtzioak<br />
betetzeko. Bada, sozietate-kontseilua egonez gero, enpresa batzordeari edo ordezkari<br />
sindikalei esleitutako legezko eskumenak eta funtsezko eskumenak, sindikatu-askatasunari<br />
lotutakoak, zapal daitezke.<br />
Arestian azaldutako arauzko berritasunaz gain, EKLren 57. artikuluak bi berritasun formal<br />
gehitu ditu, lehengo 4/1993 Legearen 54. artikuluaren edukia aldatzerik ez dakartenak:<br />
− Hizkuntza inklusiboa erabiltzea.<br />
− Eta 1. lerroaldearen amaieran ageri diren 30 eta 105.2 artikuluen aipamena, aurreko<br />
legearen 103. eta 101.2 artikuluekin bat datozenak, hurrenez hurren.<br />
8.1.3. Iruzkin orokorra eta esanahi praktikoa<br />
57. artikuluaren 1. atalak batzar orokorrari ematen dio sozietate-kontseilua sortu eta<br />
arautzeko ahalmena, bi gai horiek estatutuetan jaso behar baitira, hasierako onespenean edo<br />
ondoko aldaketa batean, eta ahalmen hori batzar orokorraren eskumen esklusiboa da.<br />
Estatutuek askatasun osoz arau ditzakete hainbat alderdi, baina 57. artikuluan ezarritako<br />
oinarrizko arauak errespetatu beharko dituzte, nahitaez.<br />
Hala berean, batzar orokorraren eskumen esklusiboa da sozietate-kontseiluko kideak<br />
izendatzea eta horien izendapena ezeztatzea, EKLren 33.3.a) artikuluak ezarritakoaren<br />
arabera.<br />
Sozietate-kontseiluaren oinarrizko eginkizunak 57. artikuluaren 1. lerroaldean ezarrita<br />
daude, eta honako hauek dira:<br />
- “administratzaileei informazioa, aholkuak eta iritziak ematea, lan-harremanari<br />
dagozkion alderdi guztiei buruz, zeinei buruz nahitaezko txostena egin behar baita”.<br />
Izan al ditzake sozietate-kontseiluak beste funtzio batzuk, zenbait alderditan, erabakitzaileak<br />
eta, hortaz, aholkularitza- eta kontsulta-organo bat baino gehiago izan daiteke?<br />
Iruzkingile honen ustez, bai, baina auzi hori lausoa izan daiteke; izan ere, sozietatekontseiluak<br />
ezin izango ditu sekula bere gain hartu beste organo batzuen kudeaketa-eskumen<br />
esklusiboak, eta, oro har, esan beharra dago administrazio-organoari dagokiola kudeatzeko<br />
ahalmena.<br />
Hala ere, administrazio-organoak berak funtzioren bat eskuordetu diezaiokeelako edo<br />
batzar orokorrak, estatutuetan hala arautuz gero, eskumen batzuk kontseiluaren menera<br />
uzten dituelako, badirudi sozietate-kontseiluak eskumen erabakigarriak har ditzakeela bere<br />
gain, nahiz eta, lehen kasuan, eskuordetzea eman duen administrazio-organoak baliogabetu<br />
ditzakeen eta, bigarren kasuan, batzar orokorrak.<br />
209
BESTE ORGANO BATZUK<br />
Sozietate-kontseiluak administrazio-organoa ez den beste bati informazioa edo aholkua<br />
eman diezaioke eta azkenak kontsultak egin diezazkioke sozietate-kontseiluari?<br />
Iruzkingile honen ustez, bai; izan ere, oinarrizko zereginak administrazio-organoarentzat<br />
egin beharko ditu, eta hala arautzen da berariaz EKLn, baina ez du besterik debekatzen,<br />
eta ez dirudi zentzurik duenik eginkizun horiek beste organo batzuentzat bete ezin izateak,<br />
organo horiek hala eskatzen badute eta estatutuen erregulazioan debekatuta ez badago.<br />
Sozietate-kontseiluak aholkuak eman ditzake lan-harremanez bestelako alderdiei buruz?<br />
Iruzkingile honen ustez, zeregin hori betetzeak ez du inolako zentzurik, organoaren<br />
helburuagatik eta egituragatik, salbuespenezko gaietan izan ezik, baina, organo informazioemaile,<br />
aholku-emaile eta, batez ere, kontsulta-organoa den aldetik, teorian, behintzat,<br />
zergatik ezin diote beste gai batzuei buruzko kontsulta egin, kooperatibaz kanpoko hirugarren<br />
aholkulariei kontsulta egiten zaien modu berean?<br />
Lotesleak al dira nahitaezko txostenak?<br />
Ez, txostenak nahitaezkoak izateak ez du esan nahi lotesleak direnik administratzaileentzat;<br />
izan ere, administratzaileek askatasunez eta sozietate-kontseiluaren iritziarekin bat etorri barik<br />
har ditzakete erabakiak; izan ere, txostenak eskatu behar dituztenek ez dituzte kooperatibaren<br />
kudeaketan dituzten eskumenak hertsatzen edo mugatzen, ezta horiek gauzatzeagatik duten<br />
erantzukizuna ere.<br />
57. artikuluaren 2. zenbakiak balizko salbuespen bat ezarri dio sozietate-kontseiluaren<br />
eginkizunen eremuari; izan ere, kontseiluaren nahitaezko txostenek, oro har, bazkideek<br />
egiten duten lanaz jardun behar dute, ez soldatapeko pertsonek edo besteren konturako<br />
langileek egiten duten lanaz.<br />
Eta 3. atalean, organoaren osaera arautu da, eta aginduzko arau gisa ezarri da kontseiluko<br />
kide guztiek bazkide langile (lan elkartuko kooperatibetan) edo lan-bazkide (gainerako<br />
kooperatibetan) izan behar dutela, nahitaez.<br />
Horrez gain, estatutuen arauketa baliatu da honako hauek ezartzeko: kontseiluaren “osaera,<br />
iraupena, kargu-uztea eta jardunbidea, bai eta administratzaileek bileretan parte hartzeko<br />
aukera ere”.<br />
8.1.4. Beste arau aplikagarri batzuk<br />
Kooperatibei buruzko 27/1999 Legeak (estatukoa) ez du orain arte sozietate-kontseiluari<br />
buruzko erregulaziorik jaso, ezta antzeko beste organo bati buruzko erregulaziorik ere; beraz,<br />
hautazko organoa da, autonomia-erkidegoen esparruan araututa dagoena, soilik Euskadin eta<br />
beste hiru autonomia-erkidegotan. Horregatik, Estatuko legea ezin da zuzenbide osagarri<br />
gisa erabili EKLren zalantzak edo hutsuneak ebazteko, kasurako, 8.1.2 atalean adierazitako<br />
zalantza ebazteko.<br />
8.2. Errekurtso-batzordea. Osaera eta funtzioak<br />
58. artikulua.– Errekurtso-batzordea. Osaera eta funtzioak.<br />
210
BESTE ORGANO BATZUK<br />
1.– Kooperatibako estatutuetan, errekurtso-batzorde bat arautu ahal izango da bazkideen<br />
arau-hauste astun edo oso astunengatik entitatean lehen auzialdian hartutako<br />
erabaki zehatzaileak berriro aztertzeko, baina bakarrik ukitutakoak berrazterketa<br />
eskatzen badu. Zehatzaileak ez diren erabakiengatik ere errekurtsoa jarri ahal<br />
izango zaio batzorde honi, aukera hori ezarri bada lege honetan edo estatutuetan.<br />
2.– Organo horretako kide izateko, bazkideek estatutuetan eskatzen diren baldintza<br />
hauek bete beharko dituzte: antzinatasuna, kooperatiben arloko esperientzia eta<br />
egokitasuna. Kide titularrak eta, hala badagokio, ordezko kideak batzar orokorrak<br />
aukeratuko ditu, estatutuetan agindutako kopuruan, isilpeko bozketan eta sozietatean<br />
ardurazko kargurik ez duten eta kooperatibako soldatapeko ere ez diren bazkideen<br />
artetik. Haien agintaldia ez da hiru urtetik beherakoa izango eta berriztatu ahal<br />
izango da.<br />
3.– Errekurtso-batzordearen eztabaidak baliozkoak izateko bileran kideen erdiek baino<br />
gehiagok egon beharko dute, eta ezin izango da botoa delegatu; erabakiak hartzeko,<br />
estatutuetan zehaztuko den gehiengoa beharko da. Diziplinarekin zerikusia duten<br />
erabakiak hartzeko bozketa isilpekoa izango da beti, eta ez da egongo kalitatezko<br />
botorik.<br />
4.– Errekurtsoei buruzko izapideak egin edo erabakitzerakoan, batzordeko kideek ezin<br />
izango dute parte hartu baldin eta ukitutako bazkidearekiko bigarren gradura arteko<br />
odol-ahaidetasuna edo ezkontza-ahaidetasuna badute edo pertsona horrekiko<br />
mendekotasuna, adiskidetasun estua edo ageriko etsaitasuna badute.<br />
5.– Errekurtso-batzordearen erabakiak, sozietatearen nahiaren adierazpen direnez gero,<br />
berehalakoan bete beharko dira eta behin betikoak izango dira. Aurkaratu egin<br />
daitezke, batzar orokorrak hartu izan balitu bezala, 41. artikuluak ezarritakoaren<br />
arabera.<br />
6.– Artikulu honetako aurreko zenbakietan aurreikusi gabeko kasuetan, kooperatibaren<br />
estatutuek agintzen dutena bete beharko da.<br />
8.2.1. Sarrera<br />
EKLren 58. artikuluak xedatutakoaren arabera, errekurtso-batzordea hautazko organoa<br />
da, estatutuetan arautzen denari men eginda, eta organo horrekikoak arautzeko ahalmen<br />
handia ematen die kooperatiba guztiei, nahiz eta, arauketan beharrezkoak diren arau jakin<br />
batzuk ezarri; izan ere, kooperatibak errekurtso-batzordea sortzeko erabakia hartzen badu,<br />
estatutuetan jasotako erregulazioak aginduzko arau batzuk bete beharko ditu, hauteskundegaitasun<br />
pasiboari, hauteskunde-prozedurari, funtzionamenduari, agintaldiari eta kideen<br />
gutxieneko inpartzialtasun-baldintzei buruz.<br />
Administrazio-organoaren erabakien aurka aurkezten diren errekurtsoak berraztertzen<br />
dituenez gero, organo horrek batzar nagusia ordezten du ondorio horietako eta, beraz,<br />
oso erabilgarria da bazkideen kopuru ertaina edo handia duten kooperatibetan eta,<br />
gainera, eraginkortasuna ematen die, organoaren helbururik behinena barne-gatazka jakin<br />
batzuk izapidetzea eta ebazpena bizkortzea eta erraztea baita, batez ere, lehen auzialdian<br />
211
BESTE ORGANO BATZUK<br />
administrazio-organoaren zehapen-akordioa dakarten diziplina-arlokoak, horrela saihesten<br />
baita batzar orokorrak aztertu behar izatea, prozesu luze eta konplexu baten arabera, batik<br />
bat, bazkideen kopuru txikia duteneko kooperatibetan, eta, horren ondorioz, arau-hauste<br />
astunen edo oso astunen ziozko diziplina-espedienteen ebazpena luzestea ekiditen da, horien<br />
emaitza zeinahi delarik ere, halakoak oso kaltegarriak baitira kooperatibaren funtzionamendu<br />
onerako eta, gainera, bidegabeak izan baitaitezke zehatutako pertsonentzat.<br />
Haatik, organo hori ezarri ahal izateko, EKLk gutxieneko bazkide-kopururik ezartzen<br />
ez badu ere, ez du eraginkortasunik edo ondorio emankorrik izango bazkide-kopuru txikia<br />
duten kooperatibetan ezartzeak, bazkide guztiak erraz bildu baitaitezke batzar orokorrean.<br />
8.2.2. Berrikuntza nagusiak aurreko araudiaren aldean<br />
Lehengo araudiaren 54. artikuluaren aldean, EKLren 58. artikuluaren berritasun bakarrak<br />
hiru dira: lehenengoa, argigarria, eta beste biak berrikuntza formalak.<br />
− Argigarria dugu manu berriak berariaz arautzea errekurtso-batzordeak, kide titularrez<br />
gain, ordezkoak ere izateko aukera. Arau berriak dakarren argibidea onuragarria da,<br />
baina esan beharra dago gauza bera ondoriozta genezakeela PZLren 43. artikuluaren<br />
7. paragrafoak administratzaileei dagokienez arautzen duena parekotasunez<br />
aplikatuko bagenu.<br />
− Eta bi berritasun formalak hauexek dira: hizkera inklusiboaren erabilera, aurreko<br />
termino batzuen ordez, ikuspegi inklusiboa dutenak baitarabiltza oraingoak; eta<br />
lehengo 54. artikuluaren 4. atalaren bigarren paragrafoa bitan banatzea, bosgarren<br />
atal berria gehituta, 58. artikuluan, hain zuzen ere. Bestetik, egungo EKLren 41.<br />
artikulurako igorpena egiten du (lehengo araudiak 39. artikulurako igorpena egiten<br />
zuen) eta lehen 5. artikuluan araututakoa 6. paragrafo berri batera ekarri du oraingoan.<br />
8.2.3. Iruzkin orokorra eta esanahi praktikoa<br />
Artikulu honi buruzko iruzkinean adierazi den bezala, errekurtso-batzordea hautazko<br />
organoa da, bazkideen borondatearen araberakoa. Izan ere, bazkideek, esandako organoa<br />
arautzeko ahalmena baliatuz, zati handi batean erabaki dezakete organo hori kooperatiban<br />
txertatu ala ez, bai eta nola egituratu ere. Nolanahi ere, hala egiten badute, EKLren 58.<br />
artikuluak ezarritako gutxieneko aginduzko arauak bete behar dira, eta EKLren beraren beste<br />
artikulu batzuek jasotako manuak aplikatuko zaizkio, errekurtso-batzordeari aplikatzekoak<br />
badira, batez ere, batzordeak izan ditzakeen eginkizunen inguruan, bai eta 58. artikuluaren<br />
5. atalak jasotzen duen igorpenagatik ere, erabakiak aurkaratzeko araubideaz denaz<br />
bezainbatean.<br />
− 1. atalak batzordearen estatutuetako egitura eta eskumenak ezartzen ditu.<br />
Batzordea estatutuen bidez arautu behar da, eta, beraz, batzar orokorrak dauka<br />
hautazko batzorde hori eratzeko eta horren araudia ezartzeko eskumena, ez ohiko<br />
akordio baten bidez, estatutuak hasieran onartzeko edo geroago aldatzeko eskatzen<br />
diren baldintza formalak eta gehiengoen baldintzak betez baizik.<br />
212
BESTE ORGANO BATZUK<br />
Legezko testuak arautu duen bezala, edozein kooperatiba-motatan sor daiteke<br />
batzordea, sozietatearen tamaina edo garrantzi ekonomikoa alde batera utzita, bai<br />
lehen mailako kooperatibetan, bai bigarren mailako kooperatibetan edo handik<br />
gorakoetan.<br />
Bazkideen arau-hauste astunak edo oso astunak direla eta, lehen auzialdian hartutako<br />
zehapen-erabakiak berrikustea, hau da, errekurtsoak ebaztea, funtsezko eginkizun<br />
gisa ezartzen du; horrek esan nahi du, lege-testuak berariaz esaten ez badu ere,<br />
administrazio-organoak hartutako erabakien aurkako errekurtsoak ebazten dituela,<br />
berari baitagokio zehapen-eskumena lehen auzialdian.<br />
Gainera, diziplinazkoak ez diren erabakien aurkako errekurtsoa ere jarri ahal izango<br />
da, EKLk beste artikulu batzuetan edo sozietatearen estatutuetan hala arautzen<br />
duenean.<br />
Azken batean, errekurtso-batzordean errekurritu daitezkeen erabakien xedea<br />
hauetako bat izan daiteke:<br />
• Edonola ere, bazkideen arau-hauste astunak edo oso astunak direla eta,<br />
erakundearen barruan lehen auzialdian hartutako zehapen-akordioak. Beraz,<br />
sozietate-diziplinako arauen lege- eta estatutu-erregulazioa, hutsegiteen<br />
tipifikazioa eta horiei dagozkien zehapenak eta zehapen-prozedurak aintzat<br />
hartu behar ditu, kanporatzeko zehapena bereziki aipatu behar dugula, eta<br />
horren araudi berezitua. Eta balizko arau-hauste guztietatik, arinak, astunak eta<br />
oso astunak izan daitezkeenak, errekurtso-batzordera jo daiteke soilik azken bi<br />
taldeetan tipifikatutakoen inguruan hartutako erabakiengatik. Hala, bizkortasunarrazoiak<br />
direla eta, garrantzi txikiko gaietan, arau-hauste arinei dagokienetan,<br />
ezin da errekurtso-batzordera jo, batzordea egongo ez balitz bezala.<br />
• EKLk berariaz ezartzen dituen beste erabaki batzuk, zehatzaileak ez direnak,<br />
hala nola bazkide-izaera onartzeari edo ukatzeari buruzkoak (20.4 eta 20.5<br />
artikuluak) edo bazkideen informazio-eskubidea ukatzeari buruzkoak (25.1<br />
artikulua).<br />
• Eta beste erabaki ez-zehatzaile batzuk, ezpada, beste gai batzuei buruzkoak,<br />
estatutuetan berariaz araututa badaude. Lege-arauketa horrek, estatutuerregulazioaren<br />
bidez, batzordearen aurrean errekurritu daitezkeen gaiei<br />
mugarik jartzen ez dienez, iruzkingile honen ustez, eztabaidatzeko modukoa<br />
da, gehiegikeriaz baliatzen bada, batzordearen funtsezko xedea hutsaldu eta<br />
eraginkortasun gutxikoa bihur dezakeelako.<br />
Beste alde batetik, zehapen-erabakiak batzordearen aurrean errekurritzeko legitimazio<br />
aktiboa ezartzen du, erabaki horiek eragindako pertsonaren esparrura mugatuta; beraz,<br />
batzordeak ezin izango du ofizioz jardun, ez eta eragindakoak ez diren beste organo edo<br />
pertsona batzuek eskatuta ere.<br />
− 2. atalean, batzordearen osaera eta agintaldia arautu dira, azaletik baina era trinkoan,<br />
eta honako hauek ezarri dira:<br />
• Kide izateko baldintzak: eskubide osoko bazkidea izatea (edozein bazkide-mota)<br />
213
ARAUBIDE EKONOMIKOA<br />
−<br />
−<br />
−<br />
eta estatutuek eskatzen dituzten egokitasun-baldintzak betetzea: zalantzagarria<br />
izan daiteke eskubide osoko bazkideak ez diren adituek batzordean parte<br />
hartu ezin izatea; gainera, gabezia hori ez da konpentsatu batzordeak kanpoko<br />
adituengana jotzea ahalbidetzen duen berariazko arau baten bidez.<br />
• Batzar orokorrak aukeratuko ditu, isilpeko bozketa bidez, eta izendapenean<br />
arreta berezia jarriko da, batzordearen eta haren kideen izaera demokratikoa eta<br />
mendekotasunik ezakoa indartzeko.<br />
• Batzordeko kide izatea eta kooperatibako beste edozein sozietate-kargu edo<br />
soldatapeko pertsona izatea bateraezinak dira. Azken arauketa hori, baina, ez<br />
da erabat funtsezkoa; izan ere, lan elkartuko kooperatibak ez diren beste mota<br />
batekoetan, soldatapeko eta bazkide izan daiteke aldi berean, adibidez, kreditukooperatiba<br />
bateko bazkide bezeroa edo ohikoa besteren konturako langile ere<br />
izatea.<br />
• Eta, estatutuetan finkatu beharreko agintaldi zehatzik eta gehieneko eperik<br />
ezartzen ez badu ere, hiru urtetik beherakoa ez izatea galdatzen du, eta berritu<br />
ahal izango da.<br />
3. atalak batzordearen funtzionamendua arautzen du, eta honako hauek ezarri dira:<br />
• Bertaratzeko gutxieneko quoruma egon behar da deliberamendua baliozkoa<br />
izateko (ulertu behar dugu batzordea behar bezala eratuta gera dadin), honela<br />
finkatuta: kideen erdia baino gehiago.<br />
• Botoa eskuordetzea ez da baliozkoa; betekizun hori antzekoa da beste sozietateorgano<br />
batzuetan, batzar orokorrean izan ezik, eta kooperatibetan izaera partehartzailearekin<br />
bat dator.<br />
• Erabakiak hartzeko, estatutuetan zehaztutako gehiengoa beharko da.<br />
• Eta, bereziki, diziplina-arloko ebazpenak emateko, bozketa isilpekoa izango<br />
da beti, eta ez da kalitate-botorik egongo. Betekizun eta arau horiek bat datoz<br />
erabaki horien garrantziarekin; dena dela, diziplinakoak ez diren gaien inguruko<br />
erabakiak hartzeko aukera badago isilpekoa ez den bozketa eta kalitate-botoa<br />
erabiliz.<br />
4. atalak abstenitzeko arrazoiak eta, hala badagokio, batzordeko kideak errefusatzeko<br />
arrazoiak ezartzen ditu, bai errekurtsoen izapidetzean parte hartzeko, bai errekurtso<br />
horiek ebazteko, ahaidetasun-harremanei eta mendekotasun-, adiskidetasun- edo<br />
etsaitasun-loturei gagozkiela.<br />
5 atalak batzordearen erabakien eraginkortasuna eta haien balizko aurkaratzea<br />
arautzen ditu, honako hauetan ezartzen denez:<br />
• Batzordearen erabakiak “berehalakoan bete beharko dira eta behin betikoak<br />
izango dira”, administrazio-organoaren erabakiak berrikusteko eginkizunean<br />
ordezkatzen duen batzar nagusiarenak bezalakoak.<br />
• Eta “Aurkaratu egin daitezke, batzar orokorrak hartu izan balitu bezala, 41.<br />
artikuluak ezarritakoaren arabera”. Artikulu horrek batzar orokorraren erabakiak<br />
214
BESTE ORGANO BATZUK<br />
aurkaratzeko modua arautzen du, eta, beraz, batzar orokorrak hartu izan balitu<br />
bezala xedatzen du, baina artikulu horretarako igorpena eztabaidagarria da, modu<br />
orokorregian ezarri baita, batzar nagusiaren eta errekurtso-batzordearen funtzio,<br />
osaera eta funtzionamendua desberdinak baitira. Esan beharra dago, errekurtsobatzordeak<br />
zehapen-erabakiak izapidetu eta ebazten dituenez, aurkaratzeko epea<br />
zenbatzeko dies a quo edo hasiera-data ez dela aurkaratu beharreko erabakia<br />
hartzen den data, errekurtsogileak benetan ezagutzen edo jakinarazpena jasotzen<br />
duen data baizik, eta, horrela, pertsona horren defentsa-gabezia saihesten da.<br />
− Eta 6. atalak, estatutuetarako igorpen subsidiario orokorra egiten du, 58. artikuluaren<br />
aurreko ataletan araututa ez dagoen guztiari dagokionez, baina ulertu behar da<br />
EKLren beraren beste artikulu batzuetan araututa ez dagoenari ere eragiten diola.<br />
58. artikuluari buruzko iruzkinaren atal hau amaitzeko, adierazi behar da EKLren 106.<br />
artikuluak araubide berezia ezarri duela lan elkartuko kooperatibentzat diziplina-araubidearen<br />
arloan.<br />
8.2.4. Beste arau aplikagarri batzuk<br />
Kooperatiben 27/1999 Legeak (estatukoa), 44. artikuluan, errekurtso-batzordea egoteko<br />
aukera aratuta dauka, EKLren 58. artikulua dakarren antzeko edukia duen arau baten bidez,<br />
baina aldaketa batzuk baditu.<br />
Estatuko arau hori lagungarria izan daiteke, egiatan, bi arlori buruzko ondorioak berresteko<br />
eta ondorioak sendotzeko, EKLren interpretazioaren bidez ere atera daitezkeenak, baina,<br />
hala eta guztiz ere, agerikoa da EKLren arauketa-gabezia aipaturiko bi gai horietan. Hona<br />
hemen:<br />
− Errekurtso-batzordeak, aurkezten zaizkion errekurtsoak ebazteaz gain, izapidetu<br />
egin ditzakeela argitzea.<br />
− Bestetik, komenigarria litzateke –ez, horrenbestez, beharrezkoa− baztordekideen<br />
agintaldiaren iraupena agerraraztea; bada, EKLk berariaz ezartzen du agintaldiak,<br />
gutxienez, hiru urteko iraupena izan behar duela.<br />
Bestalde, azter liteke Estatuko legearen 44. artikuluaren 4. atalaren xedapena kontuan<br />
hartuta, batzordekideei buruz egiten den igorpen orokorrari dagokionez, estatuko legearen<br />
paragrafo horretan epaile eta magistratuei aplikatzen zaizkien abstentzio- eta ezespenarrazoiak<br />
modu osagarrian aplikagarriak izan ote daitezkeen, EKLren 58. artikuluan<br />
xedatutakoei gehigarriak zaizkienean.<br />
Iruzkingile honen aburuz, ez dira aplikagarriak. Estatuko araua egokia ez izateaz gain,<br />
errekurtso-batzordeko kideen funtzioak eta epaile zein magistratuenak, administratzaileenak<br />
eta zaintza-batzordeko kideenak oso desberdinak baitira, EKLren 58. artikuluak gaia arautzen<br />
du, eta 2. atalak gai hori izateko baldintzak eta bateraezintasunak arautzen ditu, bai eta 4.<br />
atalak abstentzio-arrazoiak ere; beraz, Euskadiko legegileak gaia araututa dauka eta ez dago<br />
bete beharreko legezko hutsunerik.<br />
215
9. ARAUBIDE EKONOMIKOA* 1.<br />
9.1. Sarrera<br />
VI. kapituluan, Kooperatiben Lege berriak erakunde horien araubide ekonomikoa arautu<br />
du, eta, oro har, aurreko araudian xedatutako manu-ildoei jarraitu die. Hala ere, komeni<br />
da azpimarratzea arau berriak zenbait alderdi argitu nahi izan dituela, horien interpretazioa<br />
eztabaidagarria izan baita. Ildo horretan, argi eta garbi zehaztu du bazkideek sozietatearen<br />
zorrengatik hartzen duten erantzukizun-araubidea. EKLren 59. artikulu berriak zehatzmehatz<br />
argitu du bazkideek ez diotela sozietatearen zorrei erantzun behar, eta euren<br />
erantzukizuna kooperatibari egindako ekarpenetara mugatuko dela. Horrela, azpimarratu<br />
behar dugu bazkideek sozietatearen zorrengatik hartzen duten erantzukizunari buruzko<br />
eztabaida ebatzita geratu dela, bazkideen erantzukizunaren izaera mugatua nabarmendu baita.<br />
Bestalde, gogoeta hori behar bezala uztartu da galeren egozpenaren araubidearekin, EKLren<br />
arabera, argi baitago kooperatibaren galerak ezin izango zaizkiola egotzi bazkidearen ondare<br />
pertsonalari; hortaz, egozpen hori egiteko aukera sozietate-kapitalari egindako ekarpenetara<br />
edo hurrengo bost urteetan bazkideari legozkiokeen erreserbetara mugatuko da. Horregatik,<br />
araudi berria indarrean hasteaz batera, behin betiko konpondu da kooperatibako bazkidearen<br />
erantzukizun-araubideari buruzko eztabaida; izan ere, legezko eduki berriarekin eta aurreko<br />
araudiarekin bat etorriz, eztabaidaezina da bazkideak ez diela erantzungo bere ondarearen<br />
bidez sozietatearen zorrei.<br />
Alderdi garrantzitsu horrez gain, EKLn xedatutako araubide ekonomikoa eta aurreko<br />
araudian araututakoa oso antzekoak dira. EKLren 60. artikuluak kapital-araubidea dakar,<br />
eta lehengo erregulazioan jasotako orientabide berdintsuei oratu die, zenbait zehaztapen<br />
txertaturik, esate baterako, baldintzarik gabe errefusatu daitezkeen ekarpenetan baja emanez<br />
gero, itzulketa-eskubidea duten ekarpen bihurtzeko, ez da nahikoa batzarrak erabakitzea,<br />
lehen onartzen zen moduan, eta orain estatutuak aldatu beharko dira hori egin ahal izateko.<br />
Hartara, asmoa da horrelako aldaketek berariazko arauketa izatea estatutuetan, azken batean,<br />
bazkideek horrelako erabakiak hartzeko aukeraren berri garaiz izan dezaten eta egoeraren<br />
arabera har ez ditzaten saihesteko. Mendeko finantzaketen araubidearen gardentasun<br />
handiagoa lortze aldera, merezi du nabarmentzea, hala berean, horrelako finantza-tresna<br />
bat jaulkitzen denean, informazio-eskakizunak indartu behar direla, bazkideek ez ezik,<br />
hirugarren interesdunek ere jaulkipen berriaren irismenaren eta edukiaren berri izan dezaten,<br />
kooperatibek gainerako konpainien gardentasun-maila bera izan dezaten finantzaketa<br />
lortzerakoan.<br />
Era berean, araubide ekonomiko berriak, oro har, lehengo araudiko nahitaezko eta<br />
borondatezko ekarpenen erregulazioari eutsi dio, oraingoan, EKLren 61. eta 62. artikuluetan,<br />
non bazkideek kooperatibari eman behar dizkioten ekarpenek bete beharreko araubidea<br />
ezartzen den, kooperatibak bere jarduera gauzatu ahal izan dezan. Bestea alde batetik,<br />
nabarmendu behar da ekarpenen interes-araubideari eutsi zaiola (EKLren 63. artikulua)<br />
* Oihana García Pereda andreak eta Beñat Salaberria Osa jaunak, LKS Next Legalen Sozietate Arloko<br />
abokatuek, egindako iruzkina.<br />
217
ARAUBIDE EKONOMIKOA<br />
eta, horren arabera, ekarpenek bazkideentzako interesa sortzeko modua zehaztu da, baina<br />
araubide horrek ez du inolako berritasunik ekarri lehengo araubidetik oraingora. Ildo beretik,<br />
artikulu berrian jasotako partaidetza-eskualdaketaren araubidea aipatu behar da, hots,<br />
EKLren 65. artikulu berriak dakarrena; artikulu horrek, oro har, aurreko erregulazioari eutsi<br />
dio hitzez hitz, eta ekarpenak bizien artean (inter vivos) edo heriotzaren ondorioz (mortis<br />
causa) eskualdatzeko modua ematen du. Hala ere, azpimarratu behar da azken tartekiak<br />
argitu duela, ekarpenak eskualdatuz gero, bazkide eskualdatzaileen hartzekodun pertsonalek<br />
ez dutela inolako eskubiderik izango kooperatibaren ondasunen gainean, ezta kooperatibari<br />
egindako ekarpenen gainean ere, argi gera dadin bazkideen hartzekodun pertsonalek ezin<br />
dutela kooperatibara jo beren kredituak erreklamatzeko xedez.<br />
Ekarpenak itzultzeko araubidea EKLren 66. artikulu berrian jaso da eta artikulu horretan<br />
araudiak zekarren erregulazioaren oso antzekoa jaso da, baina zehaztu da kooperatibaren<br />
estatutuek ezarri behar dutela itzulketaren kenkariaren ehunekoaren muga, berriz ere,<br />
araudi osoan gertatzen den moduan, bereziki garrantzitsuak diren alderdietan estatutuei<br />
ematen zaien eginkizuna nabarmenduta, kooperatibak berak finka dezan bere araubidearen<br />
edukia. EKLren 67. eta 68. artikuluek ere lehengo ildoei eutsi diete, partaidetza berezien<br />
araubidea xedatzerakoan. Partaidetza horien bidez, finantzaketa lortzeko aukera ematen<br />
zaie kooperatibei, sozietatearen beharrak ase edo enpresa-ekimen berriei ekin ahal izateko.<br />
Kapitulu horien edukiak, aurreko araudiari zintzoki jarraituta, kooperatiben finantzaketa<br />
errazteko erabil daitezkeen tresnak xehe-xehe zehaztu nahi ditu.<br />
Araubide ekonomikoari buruzko kapituluaren amaieran, soberakinen zehaztapenari<br />
eta banaketari buruzko erregulazioa ageri da (EKLren 69. eta 70. artikuluak). Haietan,<br />
kooperatibek beren jarduera kooperatibizatuaren zioz lortutako “etekinak” banatzeko<br />
sistema berezia azaldu da. Araudi horretan, nabarmendu behar da soberakin horien zati bat<br />
berariazko funts batzuetan −(NEF eta KOIPH), EKLren 71. eta 72. artikuluak− banatu behar<br />
dela, argi gera dadin kooperatibak bere soberakinen zati bat nahitaez kooperatibara bideratu<br />
behar duela (NEF), bai eta ekarpena egin behar duela kooperatiba-heziketa eta sustapenerako<br />
eta interes publikoko beste helburu batzuetan (KOIPH); hala, araudi berrian xedatu da<br />
azken funts horren xedeak heziketa eta prestakuntza barneratzea, emakumeen eta gizonen<br />
berdintasunerako bidean aurrera egiteko helburuz (EKLren 72.1 f) artikulua).<br />
Azken batean, VI. kapitulu berriak, kooperatibaren araubide ekonomikoari buruzkoak,<br />
kooperatibaren finantza-premietara egokitutako erregulazioa dakar, eta horren bidez<br />
kooperatibaren finantza-egoera bermatu nahi da, kooperatibari bere helburuak lortzeko<br />
tresnak eskuetaratuz. Baina, aldi berean, modu xehean zehazten du kooperatibari ekarpenak<br />
egin dizkioten bazkideen erantzukizun-araubidea. Horren arabera, argi dago bazkideak<br />
ez direla kooperatibaren zorren erantzule, galerak egozteko aplikatu beharreko barnearaubideari<br />
kalterik egin gabe.<br />
9.2. Erantzukizuna<br />
59. artikulua.– Erantzukizuna.<br />
218
ARAUBIDE EKONOMIKOA<br />
1.– Kooperatibak erantzungo du sozietatearen zorrez uneko eta geroko ondare<br />
guztiarekin, salbu eta kooperatiba-heziketa eta sustapenerako eta interes publikoko<br />
beste helburu batzuetarako ekarpenari dagokiona, zeinaren bidez helburu horiek<br />
betetzean sorturiko zorrez bakarrik erantzungo baita.<br />
2.– Bazkideek ez dute sozietatearen zorren erantzukizun pertsonalik izango. Haien<br />
erantzukizuna sozietate-kapitalari egindako ekarpenek mugatuko dute.<br />
3.– Itzuli beharreko ekarpenen zenbatekoa zehaztu ondoren, baja ematen duten langileek<br />
ez dute inolako erantzukizunik izango baja eman aurretik kooperatibak egin zituen<br />
zorrengatik.<br />
4.– Baina, bazkideek, baja eman eta gero ere, erantzukizuna izango dute baldin eta<br />
kontratuak izenpetu edo betebeharrak hartu badituzte, berariaz eta espresuki,<br />
sozietate kooperatiboarekin, eta betebehar horiek ez badira azkentzen, beren izaera<br />
dela-eta, bazkide izateari utzi eta gero.<br />
9.2.1. Sarrera<br />
Kooperatibetan aplika daitekeen erantzukizun-araubidea eztabaida handiak piztu dituen<br />
gaia da, neurri handi batean, Euskadiko Kooperatiben ekainaren 24ko 4/1993 Lege<br />
zaharrean auzia arautu zeneko argitasun faltagatik. Berria ahalegindu da gai horren inguruko<br />
zalantzei amaiera ematen, zehaztapen terminologiko eta semantiko batzuk txertaturik,<br />
behingoan bazkideen erantzukizunaren izaera mugatuari buruzko edozein zalantza uxatzen<br />
dutenak. Harrigarria bada ere, EKL berriaren aldarrikapenaren ondorioz gehien nabarmendu<br />
den gaietako bat, hain zuzen ere, ez da aldaketa bat izan, azalpen tekniko bat baizik,<br />
kooperatibetako bazkideen erantzukizuna mugagabea dela defendatzen duten interpretazioak<br />
saihesteko. Lege berriak, zioen azalpenean, arautu du berrikuspen honen xedea sozietatearen<br />
eta bazkideen erantzukizuna zehatzago argitzea eta areago mugatzea dela, inolako zalantzarik<br />
egon ez dadin bazkideen erantzukizuna mugatua dela, eta beti izan dela, finkatzeko; hortaz,<br />
ezin dela inola ere esan arauketaren aldaketa baten aurrean gaudenik.<br />
Bestalde, artikulu honetan araututako erantzukizun-araubidea hobeto ulertzeko,<br />
beharrezkoa da haren edukiaren testuingurua EKLren 66. eta 73. artikuluek, ekarpenen<br />
itzulketa eta galeren egozpena arautzen dituztenek, xedatzen dutenaren moldera ematea.<br />
Artikulu horiek erantzukizun-araubidearen esparrua osatu dute, eta, horregatik, ezinbestekoa<br />
da haren edukiaren ikuspegi bateratua izatea, kooperatibari eta bazkideei eska dakiekeen<br />
erantzukizun-araubidea ulertzeko.<br />
9.2.2. Berrikuntza nagusiak aurreko araudiaren aldean<br />
Erantzukizun-araubidea argitze aldera, eta lehengo legearen testua aldatzen duela, EKLren<br />
59.1. artikuluak azpimarratu du kooperatibak erantzun behar diela sozietatearen zorrei,<br />
oraingo eta etorkizuneko ondare guztiarekin. Zentzu hertsian, ez da lege-aldaketa bat, lege<br />
zaharrean berez jasota zegoen ideia baten gauzapena. Horrela, bazkideen erantzukizunaraubidea<br />
mugatu da eta kooperatibei eska dakiekeen erantzukizuna zehaztu da, bazkideen<br />
erantzukizunaren izaera mugatuari buruzko zalantzak argitzeko helburuarekin bat etorriz.<br />
219
ARAUBIDE EKONOMIKOA<br />
Horri buruzko zalantza guztiak uxatzeko, aipatutako EKLren 59.1 artikuluak salbuetsi egin<br />
du kooperatiba-heziketa eta sustapenerako eta interes publikoko beste helburu batzuetan<br />
aplikatu beharreko araubidea (EKLren 72 artikulua); horren izaera bereziak azaltzen<br />
duenez, kooperatibak hartu dituen zorren erantzukizunetik kanpo geratzen da, ez delako<br />
kooperatibaren errekurtso berekia.<br />
Bigarrenik, artikuluaren laugarren paragrafoan, legegileak bazkideen erantzukizunaraubidea<br />
indartu nahi izan du; izan ere, berrikuntza gisa gehitu du testuan kooperatibasozietatearekiko<br />
kontratuak sinatu edo betebeharrak beren-beregi eta berariaz bere gain<br />
hartu dituzten bazkideek, kontratuon izaera dela eta, bazkide izaera galduz azkentzen ez<br />
direnek, kontratuak betetzeari eutsi behar diotela, bazkide izateari utzi ondoren ere. Horrela,<br />
erantzukizun mugatuko araubidetik kanpo geratzen dira bazkideek kooperatibarekin<br />
izenpetutako kontratu edo betebeharrak, baldin eta sozietate-harremanarekin zerikusirik<br />
ez badute, kontratuon izaeragatik; beraz, bazkideek kontratu edo betebehar horiei erantzun<br />
beharko diete, baja hartu ondoren ere.<br />
Azken batean, EKLren 59. artikuluan txertaturiko ustezko “aldaketa” guztiek kooperatibetan<br />
indarrean dagoen erantzukizun-araubidea zehaztasun handiagoz argitu eta mugatu, beste<br />
helbururik ez dute.<br />
9.2.3. Iruzkin orokorra eta esanahi praktikoa<br />
Artikuluaren ideia nagusia dugu kooperatibak erantzun behar diela sozietatearen zorrei<br />
bere ondare osoarekin, oraingoarekin eta etorkizunekoarekin, KOIPH beren berez kanpo<br />
geratzen dela, enbargaezina delako. Funts horren erregulazioa eta izaera zehatz-mehatz<br />
aztertuko dira EKLren 72. artikuluari dagokion atalean. Printzipio horren bidez, argi eta<br />
garbi mugatu nahi da bazkideei eska dakiekeen erantzukizuna. Bazkideek kooperatibaren<br />
zorrengatik erantzukizunik ez izatearen araua irtenbide logikoa da kooperatibaren berezko<br />
nortasun juridikoa aitortzeko, bai eta kooperatibaren kide diren bazkideen ondaretik lokabea<br />
den ondarea izateko ere. EKL indarrean hasi zenetik, ezin da bazkideen erantzukizunari<br />
buruzko eztabaidarik egin; izan ere, oraingo araudian agerikoa da erantzukizuna mugatua<br />
dela, beti izan den bezala, nahiz eta orain arauak inolako zalantzarik gabe aldarrikatzen duen.<br />
Bazkideak kooperatibaren zorrengatik duen erantzukizun mugatuko printzipio hori<br />
berariaz jasota dago EKLren 59. artikuluan eta aginduzko maila du. Horrek esan nahi du<br />
kooperatiba guztiek nahitaez bete behar dutela eta, beraz, ez dagoela estatutu bidez arintzeko<br />
edo zabaltzeko aukerarik. Estatutuek ez dute ahalmenik EKLren 59. artikuluak arautzen<br />
duen bazkideen erantzukizunaren legezko araubidearen edukia.<br />
Beraz, kooperatibaren ondarea da, hau da, kooperatibari dagozkion eskubide eta ondasunen<br />
multzoa, hau da, balioespen ekonomikoa jaso dezakeena, horrek dituen ondasun eta eskubide<br />
guztien bidez zorrei aurre egin beharko diena, bai oraingoei, bai etorkizunekoei. Ondorioz,<br />
kooperatibaren hartzekodun batek ezin izango die bazkideei erantzukizunik eskatu, horiek ez<br />
direlako sozietatearen zorren erantzule.<br />
Bazkideen erantzukizuna harpidetutako sozietatearen kapitalari egindako ekarpenetara<br />
mugatzen da (EKLren 59.2 artikulua). Ideia hori funtsezkoa da bazkideei eska dakiekeen<br />
220
ARAUBIDE EKONOMIKOA<br />
erantzukizuna ulertzeko. Pertsona horiek, bazkide bihurtzen direnean, ekarpenak egiteko<br />
konpromisoa hartzen dute, eta, hala badagokio, etorkizunean ekarpen berriak harpidetu<br />
ahal izango dituzte, organo eskudunaren erabakiz. Horregatik, kooperatibaren zorren<br />
erantzukizuna harpidetutako ekarpen horietara mugatzen da, ekarpenok ordainduta egon<br />
ala ez. Horrela, baja hartzen duen pertsona bati, harpidetutako ekarpenak itzuli gabe dituen<br />
heinean, eskatu ahal izango zaio itzulketa hori egin dezan, baja eman ondoren ere.<br />
Gainerakoan, itzuli beharreko zenbatekoa finkatu ondotik, bazkideek ez dute inolako<br />
erantzukizunik izango zorrengatik; beraz, une horretatik aurrera, ez dute inolako<br />
erantzukizunik izango kooperatibak baja eman aurretik hartutako zorrengatik. Manu horrek<br />
segurtasun juridiko nabarmena ematen dio erantzukizun-araubideari; izan ere, bazkideen<br />
erantzukizunari amaiera ematen dion une zehatza finkatzea ahalbidetu du, eta une horretatik<br />
aurrera seguru egon daitezke ezin izango zaiela inolako erantzukizunik eskatu sozietatearen<br />
zorrei dagokienez. Horrela, bazkideen erantzukizunari behin betiko amaiera ematea erabaki<br />
du legegileak, erantzukizuna benetan amaitzen den uneari buruzko zalantzarik egon ez dadin.<br />
Azkenik, berrikuntzei buruzko atalean aurreratu den bezala, legegileak berrikuntza gisa<br />
gehitu du EKLren 59.4 artikuluan kooperatiba-sozietatearekiko kontratuak sinatu dituzten<br />
edo betebeharrak beren gain hartu dituzten bazkideak ez direla azkenduko bazkide-izaera<br />
galtzen dutenean, eta indarrean jarraituko dutela sozietateko bajaren ondoren ere. Horrela,<br />
legegileak beharrezkotzat jo du kooperatiba mota batzuetan egiten den jarduera bat kontuan<br />
hartzea. Hala ere, adierazi behar da esandakoa argipen hutsa dela, ez aldaketa, ez baitakar<br />
berritasunik. Jakina denez, sozietate-harremanaz bestelako kontratu eta betebeharrak<br />
harreman horretatik kanpokoak dira, eta, beraz, harreman eta betebehar lokabe horien<br />
baldintzen arabera arautu behar dira.<br />
9.3. Kapital soziala<br />
60. artikulua.– Kapital soziala<br />
1.– Bazkideek kapital sozialari egiten dizkioten ondare-ekarpenek, nahitaezkoek edo<br />
borondatezkoek, osatuko dute kooperatibaren kapitala. Ekarpen horiek honelakoak<br />
izan daitezke:<br />
a) Baja-kasuan itzultzeko eskubidea duten ekarpenak.<br />
b) Batzar orokorrak edo artezkaritza-kontseiluak, estatutuetan xedatutakoaren<br />
arabera, baldintza gabe ukatuz gero itzultzeko eskubiderik ez duten ekarpenak.<br />
Baja-kasuan itzultzeko eskubidea duten ekarpenak nahitaez bihurtu ahal izateko<br />
kooperatibak baldintza gabe ukatuz gero itzultzeko eskubiderik ez duten ekarpen,<br />
edo alderantzizko bihurketa egiteko, estatutuak aldatzeko erabakia beharko da.<br />
Bazkideren bat ez badago ados horrekin, baja eman ahal izango du; baja hori<br />
bidezkotzat joko da.<br />
2.– Estatutuetan aurreikusi ahal izango da ezen, ekitaldi ekonomiko batean itzuli<br />
beharreko ekarpenen kopurua estatutu horietan ezarritako sozietate-kapitalari<br />
dagokion kopurua baino handiagoa bada, artezkaritza-kontseiluaren aldeko iritzia<br />
beharko dela ekarpen berriak itzultzeko.<br />
221
ARAUBIDE EKONOMIKOA<br />
Bazkideren bat ez badago ados portzentaje hori ezartzearekin edo gutxitzearekin,<br />
baja eskatu ahal izango du; baja hori bidezkotzat joko da.<br />
Kasu horretan, honako hauek ere aplikatuko dira: 63.4 artikulua, 65.1 artikulua eta<br />
98.3 artikulua.<br />
Era berean, estatutuetan espezifikoki aurreikusi ahal izango da aurreko 1.b<br />
apartatuko ekarpenen itzulketa ezesteko betebeharra, baldin eta itzulketaren ondorioz<br />
kooperatibak ezin badu estali estatutuetan ezarritako ratioa edo erreferentzia.<br />
3.– Sozietate-kapitalari egindako ekarpenak ziurtatzeko, izendun tituluak erabiliko dira,<br />
baina ez dira diru-baliozko titulutzat hartuko; edo, bestela, izendun partaidetzalibretak<br />
erabiliko dira, non egindako ekarpen eta eguneratze guztiak eta bazkideari<br />
egotzitako galerengatik egindako kenketak azalduko baitira, hala badagokio.<br />
4.– Ekarpenak egiteko, legezko dirua erabili beharko da. Sozietatearen estatutuetan<br />
baimena ematen bada edo batzar orokorrak hala erabakitzen badu, ondasunak<br />
edo eskubideak ere erabili ahal izango dira ekarpenetarako. Halako kasuetan,<br />
administratzaileek zehaztuko dute balioa, baina, horretarako, beraiek izendatutako<br />
aditu independente batek edo batzuek egindako txosten bat aurkeztu beharko dute,<br />
aditu horien erantzukizunez egina, ekarpenaren ezaugarriei eta balioari eta hura<br />
kalkulatzeko erabili dituzten irizpideei buruzkoa. Halere, estatutuetan hala jasotzen<br />
bada, administratzaileek egindako balioespena batzar orokorrak onartu beharko du.<br />
5.– Lehen mailako kooperatibetan, bazkide bakoitzak egindako guztizko ekarpenek<br />
ezin izango dute gainditu sozietateren kapitalaren herena, salbu eta sozietate<br />
kooperatiboen edo bazkide laguntzaileen kasuan. Muga hori ez zaie ezarriko hamar<br />
bazkidetik beheragoko kooperatibei.<br />
6.– Mendeko finantzaketatzat hartzen dira kooperatibek jaso eta, kredituen lehentasunen<br />
hurrenkeran, hartzekodun komun guztien ondoren datozen finantzaketak.<br />
Edozein dela ere sozietatearen kapitalaren izena eta formalizazio juridikoa,<br />
sozietatearen kapitaltzat hartuko dira kooperatibak bazkideekin edo hirugarren<br />
ez-bazkideekin kontrataturiko mendeko finantza-ekarpen guztiak, likidazioa<br />
onartu ondoren baino itzul ezin daitezkeenak. Kontrakorik hitzartu ezean, ekarpen<br />
horiei ez zaie aplikatuko lege honen 62. artikulutik 66. artikuluetara bitarte<br />
ezarritakoa. Ekarpen edo partaidetza horiek itzuli edo karteran lortu ahal izango<br />
dira hala bermea duten mekanismo finantzarioen bidez, kapital-sozietateetan<br />
partaidetzetarako edo akzioetarako ezarritakoaren parekoak direnak –barne direla<br />
Merkataritza Sozietateen Egiturazko Aldaketei buruzko apirilaren 3ko 3/2009<br />
Legean aurreikusitako aukerak–, nola erregelamenduz ezartzen diren baldintzen<br />
arabera.<br />
Ekarpen horien ordainsaria finkoa, aldagarria edo partaidetza bidezkoa izan daiteke,<br />
eta tituluen edo kontuko idatzoharren bidez adieraziko dira, eta balore higigarritzat<br />
hartu ahal izango dira hala aurreikusten denean jaulkipen-erabakian; kasu horretan,<br />
horrelako finantza-aktiboei dagokien araudira egokituko da ekarpenon araubide<br />
juridikoa.<br />
222
ARAUBIDE EKONOMIKOA<br />
Ekarpen horiek ez dute inola ere emango batzar orokorrean botoa emateko<br />
eskubiderik, ezta administrazio-organoan parte hartzekorik ere.<br />
Ekarpen horien jaulkipenen edo kontratazioaren ehuneko berrogeita hamarra<br />
gutxienez kooperatibako bazkideei eta soldatapeko langileei eskaini beharko zaie<br />
hirugarren ez-bazkideei eskaini baino lehen. Eskaintza horri publizitatea emango<br />
zaio, batzar orokorrak deitzeko ezarritako baldintza beretan.<br />
Eskaintza-jaulkipena baimentzeko eskumena duten agintaritza ekonomikoek<br />
informazioa gainbegiratu eta onartu ondoren, organo gainbegiratzaile eskudunak<br />
ezarritako entitate arduradunak arduratuko dira informazio hori hirugarren ezbazkideek<br />
jaso dutela bermatzeaz.<br />
7.– Artikulu honen 1. ataletik 5.era bitarte ezarritakoa kreditu-kooperatibei eta asegurukooperatibei<br />
ere ezarriko zaie baldin eta kooperatiba horien sektoreko araudietan ez<br />
bada horretarako eragozpenik jartzen.<br />
9.3.1. Berrikuntza nagusiak aurreko araudiaren aldean<br />
Kooperatiben Lege berriak, funtsean, aurreko araudiaren 60. artikuluaren eduki berbera<br />
dakar, baina aldaketa txiki batzuk gehitu dira arau berrian sozietatearen kapitalaren<br />
erregulazioan.<br />
Lehenengoa artikuluaren lehen atalean jasota dago eta baldintzarik gabe errefusatu<br />
daitezkeen ekarpenetan baja emanez gero, itzulketa-eskubidea duten ekarpen bihurtzeko<br />
aukerari doakio. Lege zaharrak agintzen zuen batzarraren erabakia nahikoa zela eraldaketa<br />
edo bihurketa hori egin ahal izateko. Hala eta guztiz ere, EKLren 60.1.2. artikuluak xedatzen<br />
duenez, ekarpenak bihurtu ahal izateko, sozietatearen estatutuak aldatzeko erabakia beharko<br />
da; beraz, lege berriari jarraiki, batzarrak erabaki beharko du, baina erabakia estatutualdaketa<br />
batean gauzatu beharko da, eta, beraz, estatutuen testuan islatuta geratu beharko da<br />
eraldaketa.<br />
Bigarrenik, ELLren 60.2.4 artikulua dela bide, lege berriak aukera eman du estatutuetan<br />
ekarpenak itzultzeari uko egiteko eginbeharra arautzeko, baldin eta, itzulketaren ondorioz,<br />
kooperatibak estatutuetan ezarritako ratioa edo erreferentzia behar beste estaltzen ez badu.<br />
Beraz, aukera eman du estatutuetan erreferentzia objektibo bat arautzeko, ekarpenen<br />
itzulketari buruzko erabakiari begira baremo gisa balio dezan, administrazio-organoak hartu<br />
beharreko erabakia ez dadin geratu hura osatzen duten pertsonen nahierara.<br />
Azkenik, mendeko finantza-ekarpenen araubidea ere berrikusi da, bazkide ez diren<br />
hirugarren eskuratzaileen informazio-eskubidea babestuz. Horrela, EKLren 60.6 artikuluan,<br />
informazio nahikoaren kontzeptua txertatu da, agintari ekonomikoek eta ikuskaritza-organo<br />
eskudunak gainbegiratu beharko duten legezko erreferentzia gisa, bazkide ez diren hirugarren<br />
eskuratzaileek informazio hori jasotzen dutela bermatzeko. Aldaketa hori erantzun argia da<br />
lege berriaren aurreko jaulkipenetan harpidedunek adierazitako eskakizunei dagokienez;<br />
izan ere, beharrezkotzat jo zuten informazio hori gehitzea, ekarpenok eskuratzeko behar<br />
ziren judizio-elementuak izan zitzaten.<br />
223
ARAUBIDE EKONOMIKOA<br />
9.3.2. Iruzkin orokorra eta esanahi praktikoa<br />
9.3.2.1. Kapitala: ekarpenaren esangura eta ekarpen-motak<br />
EKLren 60. artikuluaren hasieran adierazi denez, kooperatibaren kapital soziala bazkideek<br />
egindako ondare-ekarpenek osatzen dute. Ondorio horietarako, ekarpentzat hartzen da era<br />
ekonomikoan zenbatetsi daitekeen ondasun edo eskubide oro, egiten denetik kooperatibari<br />
lotuta geratzen dena. Ekarpen horiek nahitaezkoak edo borondatezkoak izan daitezke;<br />
beraz, bazkideek egiten duten ekarpena edozein dela ere, nahitaez kategoria batean edo<br />
bestean sailkatuko da, eta ezin izango da beste ekarpen-kategoriarik aintzat hartu. Kapitalsozietateetan<br />
ez bezala, kooperatibako bazkideen ekarpenak ez dira sozietatearen ondarearen<br />
zati proportzional edo zati alikuota, eta ez dira eskubide politiko eta ekonomikoak emateko<br />
erreferentzia, kapitala ordaintzeko izan ezik.<br />
Izenak berak dioen bezala, nahitaezko ekarpenak (61. artikuluan araututakoak), bazkide<br />
guztiek egin beharrekoak dira, batzar orokorrak hala erabakita. Borondatezkoak (62.<br />
artikuluak araututakoak), aldiz, kooperatibak erabakitakoak dira, eta bazkide guztiek ez dute<br />
harpidetu edo ordaindu beharrik.<br />
9.3.2.2. Itzultzeko eskubidea<br />
Kapitalari egindako ekarpenak itzulketa-eskubidea duten ekarpenak izan daitezke, edo,<br />
bestela, itzulketari uko egin dakiokeen ekarpenak. Lehenengoek dirua itzultzeko eskubide<br />
“automatikoa” ematen dute, baina baldintzak eta epeak bete behar dira. Bigarrenetan, berriz,<br />
itzulketa eskatzeko aukera bazkideen eskubidea da, eta kooperatibak atzera bota dezake.<br />
Desberdintasun hori EKLren bigarren aldaketan gehitu zen, abenduaren 1eko 8/2006<br />
Legearen bidez, kooperatibei nazioarteko 32. kontabilitate-araua aplikatzearen ondorioz.<br />
Bada, arau horrek eragotzi zuen kooperatiben kapital sozialari egindako ekarpenak baliabide<br />
propiotzat hartzea, legearen aurreko idazketak arautzen baitzuen bazkideek dirua itzultzeko<br />
baldintzarik gabeko eskubidea zutela. Bazkideek sozietatearen kapitalari egindako<br />
ekarpenak kooperatibaren baliabide berekitzat ez hartzeko arriskuaren aurrean, bazkideek<br />
ekarpenok itzultzeko baldintzarik gabeko eskubidea izanik, gertaera horrek kalte larriak<br />
eragin dizkiekeelako kooperatibei hirugarrenen aurrean kaudimenaren inguruko irudiari<br />
loturik, euskal lurralde-eremuko legegileak erabaki zuen ondoko aukera gehitzea legean:<br />
itzulketa-eskubidea duten ekarpenak, kontabilitatean besteren baliabidetzat hartu beharko<br />
liratekeenak, eta itzulketa baldintzarik gabe errefusatzeko modua ematen duten ekarpenak,<br />
hau da, baliabide berekitzat jotzeko kontabilitate-eskakizunak beteko lituzkeenak, bereiztea.<br />
Horrela, 2006. urtean, kooperatiben legea aldatu zenean, kooperatiba bakoitzaren esku utzi<br />
zen sozietatearen kapitalari egindako ekarpenak, ez nahitaezkoak, baina kooperatibaren<br />
erabakiaren zioz itzulgarriak, sozietatearen estatutuetan arautzeko aukera, eta horrela,<br />
bazkideen ekarpen horiek baliabide bereki edo propiotzat kontabilizatzeko aukera eman zen.<br />
Aurrekoaren ondorioz, bazkide batek kooperatiban baja eskatzen duenean, bajaren<br />
tratamendua aldatu egingo da ekarpenek itzulketa-eskubidea dutenetz. Izan ere, kasu horretan,<br />
bazkideak itzulketa egokia jasotzeko eskubidea izango du (EKLren 66. artikulua). Dena<br />
dela, batzar orokorrak edo administratzaileek ekarpenen itzulketa-eskubidea baldintzarik<br />
224
ARAUBIDE EKONOMIKOA<br />
gabe atzera bota badezakete, betiere aukera hori estatutuetan berariaz araututa badago,<br />
bazkideak estatutuetan horretarako izendatutako organo eskudunak erabakitzen duenaren<br />
begira egon beharko du. Hala, baliteke itzulketa hori aitortzea, edo baliteke itzulketa hori<br />
ukatzea, bazkideak kooperatiban baja ematea erabakitzen badu.<br />
Nolanahi ere den, horrelako ekarpenen jabe diren bazkideen interesak babesteko, baldin<br />
eta horiek itzultzeari baldintzarik gabe uko egin ahal bazaio, baja emanez gero, era horretako<br />
partaidetzak dituzten bazkideen babesa osatzeko hainbat neurri ezarri dira: alde batetik,<br />
ekarpenak ordaintzeko eta estatutuek ezartzen duten itzulkinak banatzeko lehentasunak<br />
aitortzen zaizkio ekarpen horien titularrari (EKLren 63.4 artikulua); bestetik, itzulgarriak<br />
ez diren ekarpen horiek eskualdatzeko askatasun osoa izateaz gain, estatutuek hala arautzen<br />
badute, kooperatibaren ekarpen berriak itzulgarriak ez diren ekarpen mota horiek eskuratuz<br />
harpidetu behar dira (EKLren 65.1.2. artikulua); eta, azkenik, lehentasunezko itzulketa dute<br />
kooperatiba likidatuz gero (EKLren 98.3 artikulua).<br />
Itzulketa-eskubidea, eskubide oro bezala, preskripzio-epe bati lotzen zaio, eta, hala<br />
badagokio, kooperatibaren araudian berariaz ezarrita ez dagoenez, KZren 1964. artikuluan<br />
araututako epeak aplikatu behar zaizkio.<br />
9.3.2.3. Kasu berezia: itzultzeko eskubidea duten ekarpenak bihurtzea<br />
EKLren 60.1.2 artikuluak dakarren eduki berriari erreparaturik, baja emanez gero,<br />
itzultzeko eskubidea duten ekarpenak itzultzeari uko egin dakiokeen ekarpen bihurtzeko<br />
edo alderantzizko bihurketa egiteko, ez da nahikoa batzarrak erabakitzea; aitzitik, estatutuak<br />
aldatzeko erabakia ere behar da. Hala, eraldaketa-prozesu hori ezin izango du batzarraren<br />
xedapenez egin, estatutu-aldaketa egokiaren bidez baizik. Horrela, bada, horrelako eraldaketak<br />
ezin dira ustekabean edo salbuespenez egin, ezpada, VIII. kapituluan arautzen den estatutuak<br />
aldatzeko legezko prozesuaren bidez; prozesu horrek proposatutako aldaketa justifikatzeko<br />
betebeharra ezartzen dio kooperatibari, bai eta aldaketa-proposamena bazkideen esku uzteko;<br />
era berean,aldaketa doan bidaltzeko bazkideen eskubidea aipatzen da. Egiatan, prozedura<br />
horrek informazio gehiago eskatzen du kontabilitateko ondorioa daukan batzarraren erabaki<br />
huts batek baino.<br />
Nolanahi ere, bihurketa horrekin bat ez datorren bazkiderik badago, berariaz onartzen da<br />
baja hartu ahal izango dutela, eta baja hori justifikatutzat joko da (EKLren 26. artikulua).<br />
Aukera gisan, EKLren 60.2 artikuluak aukera ematen du hauxe arautzeko: ekitaldi<br />
ekonomiko batean, ekarpenen itzulketaren zenbatekoak haietan ezarritako sozietatekapitalaren<br />
ehunekoa gainditzen duenean, ehuneko hori gainditzen duten itzulketak<br />
administratzaileen aldeko erabakiari loturik egongo direla. Horrela, bermaturik geratzen<br />
da sozietatearen kapitalaren ehuneko bat baliabide berekitzat hartu ahal izatea, eta, beraz,<br />
estatutuetan ezarri behar ez izatea itzulketa-eskubidea duten ekarpenen eta itzulketari uko<br />
egin dakiokeen ekarpenen artean bereiztea. Adierazi behar da portzentaje hori ezartzearekin<br />
edo murriztearekin ados ez dagoen bazkideak baja hartu ahal izango duela, eta baja hori<br />
justifikatutzat joko dela (EKLren 26. artikulua).<br />
225
ARAUBIDE EKONOMIKOA<br />
Itzultzeari uko egin dakiekeen ekarpenak itzultzeko akordioaren objektibazioa sustatzeko<br />
asmoz, EKLren 60.2.4 artikuluak estatutuetan berariazko erreferentzia bat jasotzeko aukera<br />
arautu du, ekarpen horiek itzultzeari uko egin ala ez erabakitzeko neurgailua izan dadin.<br />
Horrela, estatutuetan berariaz arautu ahal izango da ekarpenen itzulketari uko egiteko<br />
betebeharra, baldin eta horrek estatutuetan berariaz jasotako kooperatibaren ratioa edo<br />
erreferentzia estaltzen ez badu. Horrela, aukera ematen da kooperatibak berak estatutuetan<br />
egokien deritzon ratioa edo erreferentzia arautzeko, baldin eta ratio edo erreferentzia hori<br />
gaindituz gero, ekarpenak itzultzeari uko egiteko betebehar automatikoa ezartzeko.<br />
9.3.2.4. Ekarpenak ziurtatzea<br />
Ekarpenak legezko dirutan zein ondasun edo eskubideetan egin daitezke, estatutuek hala<br />
baimentzen badute edo batzar orokorrak hala erabakitzen badu (EKLren 60.4 artikulua).<br />
Edonola ere, ekarpenak titulu izendunen bidez ere ziurtatu ahalko dira, baina ez dira diruzko<br />
titulutzat hartuko, edo, bestela, ekarpenen xede izan diren eskualdaketak adierazten dituzten<br />
libreta izendunen bidez (EKLren 60.3 artikulua). Nolanahi ere, gogoratu behar da titulua<br />
eskuratze hutsarekin ez dela bazkide-izaera eskuratzen, eta ezinbestekoa dela pertsona<br />
eskuratzailea bazkide gisa onartzea, artean bazkide ez bada (EKLren 20. artikulua).<br />
Ondasunen edo eskubideen ekarpena bada, berme-sistema espezifikoa ezarrita dago<br />
kooperatibaren, pertsonen, oro har, eta hirugarrenen eskubideak babesteko. Sistema horren<br />
oinarria da emandako ondasunen eta eskubideen balioa administratzaileek finkatzea, legearen<br />
arabera izendatutako aditu independente batek edo batzuek txostena egin ondoren. Hala<br />
ere, estatutuetan arautu daiteke balioespena batzarrak berretsi behar izatea, kooperatiban<br />
zalantzarik egon ez dadin ekarpen horien balioespena errealitatearekin bat datorrela (EKLren<br />
60.4 artikulua).<br />
Hala ere, kreditu-kooperatibak eta aseguru-kooperatibak arlo horretako araudi espezifikoaren<br />
arabera arautzen dira. Horrela, EKLren 60. artikuluak xedatutako araubidea baino ez zaie<br />
aplikatuko horien araudi sektorialak eragozten ez duen neurrian. Salbuespenezko araubide<br />
horretatik kanpo geratzen da EKLren 60. artikuluak xedatzen duen finantza-ekarpenen<br />
araubidea, mota horretako kooperatibei ere aplikagarria baitzaie.<br />
9.3.2.5. Menpeko finantza-ekarpenen araubidea<br />
Azkenik, EKLren 60.6 artikuluan, mendeko finantza-ekarpenen araubidea ezarri da. Tresna<br />
hori bazegoen lehendik lege zaharrean, eta berrikusi egin da, iragan hurbilean aplikazio<br />
praktikoan antzemandako akatsak ikusita. Tresna mendeko finantzaketatzat hartzen jarraitu<br />
behar da eta, horren ondorioz, kredituen lehentasunaren ondorioetarako, hartzekodun<br />
arrunten atzetik dago. Hau da, kooperatiba bat likidatzen bada, mendeko finantza-ekarpenen<br />
titularrei “kreditua” ordainduko zaie kooperatibak hartzekodun arruntei ordaindu ondoren<br />
eta bazkideek ekarpenak berreskuratu baino lehen. Bada, mendeko finantzaketa denez,<br />
eta kooperatiba likidatu arte likidatu ezin denez, finantza-produktu konplexu horren<br />
erakargarritasun nagusia ordainsarian datza, eta finkoa, aldakorra edo parte-hartzailea izan<br />
daiteke.<br />
226
ARAUBIDE EKONOMIKOA<br />
Ekarpen-mota hori tituluen edo kontuko idatzoharren bidez adieraziko da, eta horiek balore<br />
higigarritzat hartu ahalko dira, baldin eta jaulkipenean hala jasotzen bada; kasu horretan,<br />
finantza-aktibo horiei aplikatu beharreko araudiari loturik egongo dira (EKLren 60.6.3<br />
artikulua). Horren funtsa dugu mendeko finantza-ekarpen horiek modu askean eskualdatu<br />
ahal izatea merkatuan, harpidedunek inbertsioa likidatu ahal izan dezaten, hala nahi izanez<br />
gero, arestian aipatu dugun likidazio-araubide zorrotzaren mende geratu gabe. Esan gabe<br />
doa legeak aukera ematen duela kooperatiba jaulkitzaileak autozorroko ekarpenak itzuli<br />
edo eskura ditzan, gerora amortizatzeko asmoz, kapital-sozietateetako partaidetzetarako edo<br />
akzioetarako ezarritako berme-tresna finantzarioen bidez, merkataritza-sozietateen egituraaldaketei<br />
buruzko apirilaren 3ko 3/2009 Legeak jasotako aukerak ere aintzat hartuta, edo<br />
erregelamendu bidez ezarritako baldintzei jarraiki.<br />
Adierazi behar da ekarpen horiek berez finantzarioak direla eta ez dutela boto-eskubiderik<br />
ematen, ezta administrazio-organoan parte hartzeko eskubiderik ere (EKLren 60.6.4<br />
artikulua).<br />
Bestalde, legegileak berriro eskatu du ekarpen horien jaulkipenaren % 50, gutxienez,<br />
kooperatiba jaulkitzaileko bazkideei edo soldatapeko langileei eskaintzea, bazkide ez diren<br />
hirugarren pertsonei eskaini aurretik. Horrela, kooperatibetako bazkide eta soldatapeko<br />
langileek ekarpenak harpidetzeko eskubidea bermatu nahi du legegileak. Eta eskubide hori<br />
babesteko, jaulkipenak batzar orokorrerako deialdia egiteko behar diren publizitate-baldintza<br />
berdinak bete ditzala galdatzen da.<br />
Berritasun gisa, EKLren 60.6.5 artikuluak informazio nahikoaren kontzeptua gehitu du,<br />
bazkide ez diren harpidedunen informazio-eskubidea babesteko elementu espezifiko gisa<br />
sortuta. Beraz, jaulkipena baimentzeko eskumena duten agintari ekonomikoek ekarpenak<br />
egin aurretik behar den informazioa gainbegiratu eta onartu beharko dute, eta “ezarpenaz”<br />
arduratzen diren erakundeek bazkide ez diren eskuratzaileek informazio hori jasoko dutela<br />
bermatu beharko dute. Informazio-eskubidearen babes hori mendeko finantza-ekarpenen<br />
finantza-aktibo konplexuaren izaeraren ondoriotzat hartu behar da, eta, horren zioz,<br />
legegileak informazioaren inguruko eskakizunak gogortu ditu, harpidedunek eskuratzen ari<br />
diren ekarpenaren ezaugarriei buruzko ezagutza osoa dutela bermatzeko. Horrela, bazkideen<br />
informazio-eskubidea babesteko, nahitaezkoa da jaulkipenak batzar orokor baten publizitatebaldintzak<br />
betetzea, eta bazkide ez diren eskuratzaileei dagokienez, informazio nahikoaren<br />
bermea nahitaez zaindu behar da.<br />
9.3.3. Beste arau aplikagarri batzuk<br />
KZren 1964. artikulua, itzulketa-eskubidearen preskripzio-epeari buruzkoa.<br />
9.4. Kapital sozialari nahitaez egin beharreko ekarpenak<br />
61. artikulua.– Kapital sozialari nahitaez egin beharreko ekarpenak<br />
1.– Estatutuetan zehaztuko da zein den bazkide izateko hasierako nahitaezko ekarpena,<br />
zeina desberdina izan daitekeen lege honetan ageri den bazkide mota bakoitzarentzat,<br />
227
ARAUBIDE EKONOMIKOA<br />
edo kontuan hartuta zer izaera duen, fisikoa ala juridikoa. Ezberdina izan daiteke,<br />
halaber, bazkide bakoitzarentzat ere, kooperatibaren jarduerarekiko bakoitzak duen<br />
konpromisoaren edo erabileraren arabera.<br />
2.– Bazkide izateko hasierako nahitaezko ekarpenaren ehuneko hogeita bost gutxienez<br />
izenpetzearekin batera ordaindu beharko da, eta gainerako guztia sozietatearen<br />
estatutuetan edo batzar orokorrak erabakitako epean. Epe hori lau urtekoa izango<br />
da, gehienez ere.<br />
3.– Bazkideei kooperatibaren galerak egozten zaizkielako edo estatutuetan jasotako<br />
diru-zehapena ordaindu behar dutelako, bazkideren batek edo batzuek sozietatekapitalari<br />
egin beharreko ekarpena ez bada heltzen estatutuek edo, halakorik ez<br />
badago, batzar orokorrak halakoetarako erabakitako gutxieneko zenbatekora,<br />
ukitutako bazkideei berehala errekerituko zaie beste ekarpen osagarri bat egin<br />
dezatela bazkide izaten jarraitzeko. Estatutuek edo, halakorik ez badago, batzar<br />
orokorrak finkatuko dute zein den ekarpen hori egiteko epea, baina epe hori ezin<br />
izango da inoiz urtebetetik gorakoa izan, errekerimendua egin denetik aurrera<br />
kontaturik.<br />
4.– Batzar orokorrak urtero erabakiko du bazkide berrien hasierako nahitaezko ekarpena,<br />
eta nahitaezko ekarpen berriak ere erabaki ahal izango ditu, eta zenbatekoa eta<br />
ordaintzeko epeak eta baldintzak zehaztu. Zenbateko hori desberdina izan liteke<br />
bazkide batentzat edo beste batentzat, 1. zenbakian ezarritako irizpideen arabera.<br />
Kapitala nahitaez zabaltzearekin konforme ez dagoen bazkideak baja eman ahal<br />
izango du. Baja hori bidezkotzat joko da.<br />
Aurrez egindako borondatezko ekarpenak erabili ahal izango dira nahitaezko<br />
ekarpen berriak ordaintzeko.<br />
5.– Aurreko apartatuetan ezarritakoaren arabera, eskatutako ekarpenak ordaintzeko<br />
berandutzarik badago bazkideren baten aldetik, kooperatibari legezko interesa<br />
ordaindu eta berandutzaren ondorioz egindako kalteen eta galeren ordaina eman<br />
beharko dio. Bazkideak bere egoera zuzentzeko agindua jaso eta hurrengo hirurogei<br />
egunetan ez badu zuzendu:<br />
a) Nahitaezko baja eman ahal izango diote bazkide izateko hasierako nahitaezko<br />
ekarpenaren edo 3. apartatuan ezarritako gutxieneko kopuruaren kasuan.<br />
b) Gainerako kasuetan, kooperatibatik kanporatu ahal izango dute.<br />
9.4.1. Sarrera<br />
Legearen 61. artikuluak kooperatibetan erabil daitezkeen nahitaezko ekarpenak aratu<br />
ditu, baina, bestalde, manu horretan ageri den zerrenda ez da numerus clausus; izan ere,<br />
ohiko jardunean, beste kasu batzuk ere aurki ditzakegu, hala nola itzulkinen, interesen eta<br />
gainerako kontzeptuen kapitalizazioa. Beraz, hasierako nahitaezko ekarpena, nahitaezko<br />
gutxieneko ekarpena eta batzar orokorrak erabaki ditzakeen nahitaezko ekarpen berriak<br />
jorratuko ditugu.<br />
228
ARAUBIDE EKONOMIKOA<br />
9.4.2. Berrikuntza nagusiak aurreko araudiaren aldean<br />
EKLren 61. artikuluak hitzez hitz dakar aurreko Kooperatiben Legearen 58. artikuluaren<br />
edukia. Ez dugu inolako berrikuntzarik antzeman artikulu berrian, artikulatu berri osoan,<br />
hizkera inklusiboaren erabilerari egokitzeko egin diren aldaketei kalterik egin gabe. Hortaz,<br />
legegileak ez du beharrezkotzat jo gaia berrikustea, ebatzi duelako lehengo arauketak ez<br />
zuela inolako eguneratzerik behar.<br />
9.4.3. Iruzkin orokorra eta esanahi praktikoa<br />
9.4.3.1. Nahitaezko ekarpenaren esangura: hasierako nahitaezko ekarpena eta<br />
nahitaezko gutxieneko ekarpena<br />
Nahitaezko ekarpena, borondatezko ekarpena ez bezala, betebehar bati lotzen zaio. Horren<br />
ondorioz, nahitaezko ekarpenen hainbat modalitate egon daitezke, hala nola bazkide-izaera<br />
eskuratzeko eskatzen den hasierako nahitaezko ekarpena, edo batzar orokorrak adostutako<br />
geroko beste edozein ekarpen, galerak estaltzeko edo inbertsio berriak egiteko, kooperatibaren<br />
finantza-egoera indartzeko eta abarretarako (EKLren 61.1 artikulua).<br />
Bazkide izateko egiten den hasierako nahitaezko ekarpena berariaz araututa egon behar<br />
da estatutuetan. Betebehar hori, hala ere, atxikipen askearen printzipioarekin lotu behar da;<br />
izan ere, printzipio hori urratu ez dadin, diru-sarreren baldintza ekonomikoek ez dute bereziki<br />
garestiak izan behar.<br />
Nolanahi ere, legeak aukera ematen du estatutuetan nahitaezko ekarpen batzuk arautzeko, bai<br />
hasierakoak, bai batzar orokorrak erabakitako berriak, eta aldeak ezarri ahalko dira bazkideen<br />
tipologiaren, pertsonen izaera fisikoaren edo juridikoaren arabera, jarduera kooperatibizatuaren<br />
heinean edo kooperatibarekin duten loturaren iraupenaren arabera.<br />
Dena dela, estatutuetan ezarrita dagoen kooperatibari egin beharreko hasierako ekarpenari<br />
doakionez, gutxienez, guztizko zenbatekoaren % 25 ordaindu beharko da harpidetza egiten<br />
den unean, hau da, bazkide berria onartzen den unean. Gainerako % 75, gehienez ere, 4 urteko<br />
epean ordaindu beharko da, nahiz eta estatutuetan edo batzar orokorrean ordainketa-epe<br />
laburragoak ezar daitezkeen.<br />
EKLren 61.3 artikuluak nahitaezko gutxieneko ekarpenaren kontzeptua arautu du −askotan,<br />
hasierako nahitaezko ekarpenarekin nahastu ohi da−. Gutxieneko ekarpena bazkide guztiek<br />
sozietatearen kapitalari egindako ekarpenetan gordeta egon behar den gutxieneko zenbatekoa<br />
da. Hala, hasierakoa bazkide-izaera eskuratzeko nahitaezko ekarpena bada, gutxieneko ekarpena<br />
bazkide batek kooperatiban izan beharko duen gutxieneko nahitaezko ekarpena da, bazkide<br />
izaten jarraitu ahal izateko. Gogoratu behar da galeren egozpenak edo zehapen ekonomikoen<br />
aplikazioak bazkideak ordaindutako ekarpena murriztea ekar dezaketela. Horregatik,<br />
kooperatiba deskapitalizatzea saihestu nahi duen tresna bat ezarri da, hirugarrenen eskubideak<br />
bermatzeko neurri gisa. Horrela, bazkideak estatutuetan nahitaezko gutxieneko ekarpen gisa<br />
ezarritako zenbatekoa baino txikiagoa badu ekarpenak, ekarpena handitu beharko du gutxieneko<br />
zenbatekora iritsi arte. Legegileak arautu duenez, administrazio-organoak berehala erantzun<br />
behar dio egoera horri, baldin eta bazkide baten ekarpena ezarritako gutxienekoaren azpitik<br />
geratzen bada, eta, gertaera hori jazoz gero, arduraz eta bizkor jokatu beharko du.<br />
229
ARAUBIDE EKONOMIKOA<br />
9.4.3.2. Hasierako nahitaezko ekarpenaren zenbatekoa finkatzeko era bazkide<br />
berrientzat eta nahitaezko ekarpen berriak eskatzea<br />
Batzar orokorrari dagokio kooperatiban sartu nahi duten bazkide berrientzako hasierako<br />
nahitaezko ekarpenaren zenbatekoa urtero-urtero eguneratzea (EKLren 61.4 artikulua).<br />
Egiatan, ohikoa izaten da eguneratze hori urteko batzar orokorretan bozkatzea, eta,<br />
horregatik, ez da beharrezkoa estatutuetan zenbatekoak eguneratzea. Horrek nolabaiteko<br />
aldea eragin dezake estatutuetan hasieran finkatutako zenbatekoaren eta batzar orokorraren<br />
urteko azken bilkuran benetan onartutako indarreko zenbatekoaren artean, azken hori izango<br />
baita, nolanahi ere, gailenduko dena.<br />
Nolanahi ere den, batzar orokorrak legitimazioa du hasierakoaz bestelako nahitaezko<br />
beste ekarpen batzuk adosteko. Esan bezala, metatutako galerak, inbertsio-premia berriak<br />
edo finantza-egoera zailak direla-eta, batzarrak erabaki dezake bazkideek nahitaezko<br />
beste ekarpen batzuk egin behar izatea. Ekarpen horien zenbatekoa eta epeak desberdinak<br />
izan daitezke bazkideentzat, hasierako nahitaezko ekarpena finkatzeko kontuan hartutako<br />
irizpideen arabera (EKLren 61.4 artikulua). Batzar orokorrak erabakia hartu ondoren, bazkide<br />
guztiek aukera izango dute ekarpen berriak adostutako baldintzetan ordaintzeko, edo, bestela,<br />
kooperatiban baja hartzeko, EKLren 26. artikuluak ezarritakoari jarraiki, kontuan hartuta<br />
baja hori justifikatutzat jo beharko dela beti. Nahitaezko ekarpen berriak eskatzen direla<br />
ikusita, bazkideek kooperatiban aurretiaz egin dituzten borondatezko ekarpenak baliatu<br />
ahal izango dituzte haiek ordaintzeko; beraz, kooperatibari borondatezko ekarpenak egin<br />
dizkioten bazkideek, hala nahi izanez gero, ez dute nahitaezko ekarpen berririk harpidetu<br />
beharrik izango.<br />
Araudian jaso ez bada ere, kooperatibetan ohikoa da nahitaezko ekarpen berriak<br />
aurrerakinen, borondatezko erreserben, nominen edo interesen kapitalizazioaren bidez<br />
ordaintzea. Kasu horietako edozeinetan, batzar orokorraren aldeko erabakia beharko da,<br />
organo eskuduna baita ekarpen berriak eskatzeari dagokionez.<br />
9.4.3.3. Nahitaezko ekarpenen ordainketa ez-betetzea: ondorio nagusiak<br />
Azkenik, nahitaezko ekarpenak garaiz eta behar bezala ez ordaintzeagatik, bazkide batek<br />
berandutza-egoeran egotearen ziozko ondorioak arautu ditu legeak. Horri dagokionez, hiru<br />
hipotesi bereizi behar dira:<br />
a) Bazkideak hasierako ekarpenaren zenbatekoa estatutuetan ezarritako epearen barruan<br />
ordaindu ez badu −zenbatekoa ezin izango da inoiz lau urtetik gorakoa izan (EKLren 61.2<br />
artikulua)−, berandutzaren pean eroriko da eta kooperatibari diruaren legezko interesak<br />
ordaindu beharko dizkio, bai eta berandutzak eragindako kalte-galeren ordaina ere.<br />
Gainera, berandutze-egoeran dagoen bazkideari baja eman ahal izango zaio kooperatiban<br />
(EKL, 61.5.a) artikulua), bazkideak bere egoera 60 eguneko epean erregularizatzen ez<br />
badu, ez ordaintzeari erantzuteko eskatzen zaionetik zenbatzen hasita.<br />
b) Kooperatibaren galerak bazkideei egotzi zaizkielako edo estatutuetan araututako<br />
zehapen ekonomikoren baten zioz, bazkideak egindako ekarpena estatutuetan edo<br />
batzar orokorrean ezarri den gutxieneko zenbatekoaren azpitik geratzen bada, eta<br />
bazkideak bere egoera estatutuetan ezarritako epean edo, halakorik ezean, batzar<br />
orokorrak ezarritako epean (ezin izango da inola ere urtebetetik gorakoa izan)<br />
230
ARAUBIDE EKONOMIKOA<br />
erregularizatzen ez badu, bazkideari baja eman ahalko zaio (EKLren 61.5.a)<br />
artikulua), 60 eguneko epean bere egoera erregularizatu ez badu ez ordaindutakoa<br />
ordaintzeko eskatzen zaionetik.<br />
c) Kooperatibak bazkideei ekarpen berriak eskatzeko erabakia hartzen badu, bazkideak<br />
kapitala nahitaez handitzearekin ados ez dagoela adierazi ez badu, kooperatibatik<br />
bidali ahalko da, baldin eta ekarpen berri hori 60 eguneko epearen barruan egiten<br />
ez badu ekarpen berriari erantzuteko eskatzen zaionetik zenbatzen hasita (EKLren<br />
61.5b) artikulua).<br />
9.5. Sozietatearen kapitalari egindako borondatezko ekarpenak<br />
62. artikulua.– Sozietatearen kapitalari egindako borondatezko ekarpenak<br />
1.– Batzar orokorrak erabaki ahal izango du bazkideek sozietatearen kapitalari<br />
borondatez egindako ekarpenak onartu ala ez, ekarpen horien baldintzak zehaztuta.<br />
2.– Administratzaileek edozein unetan onartu ahal izango dituzte bazkideek sozietatearen<br />
kapitalari borondatez egindako ekarpenak, baina haien ordainsaria ez da izango<br />
batzar orokorrak kapitalarentzat erabakitako borondatezko azken ekarpenena baino<br />
handiagoa, edo, horrelako ekarpenik ez badago, ez da izango nahitaezko ekarpenena<br />
baino handiagoa.<br />
9.5.1. Berrikuntza nagusiak aurreko araudiaren aldean<br />
EKLren 62. artikuluak hitzez hitz dakar aurreko Kooperatiben Legearen 59. artikuluaren<br />
edukia. Ez dugu inolako berrikuntzarik antzeman artikulu berrian, artikulatu berri osoan,<br />
hizkera inklusiboaren erabilerari egokitzeko egin diren aldaketei kalterik egin gabe. Hortaz,<br />
legegileak ez du beharrezkotzat jo gaia berrikustea, ebatzi duelako lehengo arauketak ez<br />
zuela inolako eguneratzerik behar.<br />
9.5.2. Iruzkin orokorra eta esanahi praktikoa<br />
9.5.2.1. Borondatezko ekarpenaren esangura<br />
Borondatezko ekarpenak ez dira beharrezkoak kooperatiban bazkide izateko edo izaera<br />
horri eusteko. Bazkideek borondatez ordaindutako ekarpenak dira, eta nahitaezko ekarpenak<br />
bezala, kooperatibaren sozietatearen kapitalaren ondare bihurtzen dira. Dena dela, aldi<br />
berean, kooperatibaren finantza-egoera indartzeko modua izan daiteke, nahitaezko ekarpen<br />
berriak egin ordez.<br />
Ordainketa egin ondoren, borondatezko ekarpenek sozietate-izaera dute, eta, beraz, haiek<br />
itzultzeari uko egin dakioke kooperatibak aukera hori arautu badu, eta galeren egozpenari<br />
ere lot daitezke, batzar orokorrak hala erabakitzen badu. Kooperatibak epe jakin batean<br />
itzultzeko erabakia hartzen duenean baliabide bereki edo propioaren izaera galdu egingo<br />
dute eta baliabide galdagarri bihurtuko dira. Horren erakusgarri garbia dugu, EKLren 61.4.2<br />
artikuluaren inguruan azaldu dugunez, bazkideek borondatezko ekarpenak nahitaezko ekarpen<br />
bihur ditzaketela, baldin eta batzar orokorrak beste ordainketa batzuk egitea erabakitzen badu.<br />
231
ARAUBIDE EKONOMIKOA<br />
9.5.2.2. Borondatezko ekarpenak onartzeko prozedurak: horien arteko aldeak<br />
Borondatezko ekarpenen esanahia da bazkideak askatasunez egiten dituztela, eta<br />
kooperatibak ere ez duela ekarpen horiek onartu beharrik. Ondorio horretarako, EKLk<br />
borondatezko ekarpenak onartzeko bi era arautu ditu, lehen indarrean zegoen araudian ere<br />
araututa zeudenak. Horrela, alde batetik, borondatezko ekarpenak batzarraren bidez bidera<br />
daitezke (EKLren 62.1 artikulua); bestetik, administrazio-organoa balia daiteke (EKLren<br />
62.2. artikulua). Era horietako bakoitzak prozedura espezifikoa dauka.<br />
a) Borondatezko ekarpena batzarraren bidez bideratuz gero, batzarrak ekarpena<br />
onartzeko eta baldintzak ezartzeko eskumena izango du.<br />
b) Borondatezko ekarpena egiteko administratzaileengana joz gero, bazkideek egiten<br />
dituzten borondatezko ekarpen truke jasoko duten ordainsaria finkatzeko eskumena<br />
izango dute administratzaileek, baina ordainsari hori ezin izango da inoiz izan,<br />
batzarrak erabakitakoari men eginda, borondatezko azken ekarpenek jasotakoa<br />
baino handiagoa, eta, beraz, txikiagoa izan daiteke.<br />
Beraz, azaldutako bi era horien arteko alde nagusia dugu batzarrak ahalmena duela<br />
bazkideek egindako borondatezko ekarpenen inguruko baldintzak ezartzeko; bazkideen<br />
borondatezko ekarpenak jasotzen eta onartzen dituztenak administratzaileak badira, ordea,<br />
administratzaileek ezarritako ordainsaria batzarrak borondatezko ekarpenen inguruan<br />
aurretiaz ezarritako ordainsari-baldintzei lotu beharko zaie, edo, bestela, nahitaezko<br />
ekarpenen inguruan finkatutako baldintzei heldu beharko die.<br />
Bigarren aldea, lehenengoa baino askozaz sotilagoa, badugu justifikatu gabeko baja<br />
gisa kalifikatutako bajen edo kanporatzeen kasuetan arautu diren zehapenak, estatutuetan<br />
erregulatzeko moduko ekarpenen gaineko deskontu gisa eta administrazio-organoaren<br />
nahierara aplika daitezkeenak, nahitaezko ekarpenei soilik aplika dakizkiekeela, eta, beraz,<br />
borondatezkoak zigor-zehapen horien aplikaziotik kanpo geratzen dira (EKLren 27.1<br />
artikulua eta EKLren 66.1 artikulua).<br />
Azken aldea kooperatibaren ondasunak likidatzeko prozesuan esleitzeko kasuetan datza.<br />
Hain zuzen ere, 98.2 artikuluaren b letran ezarritakoaren arabera, bazkideek kapitalari<br />
egindako ekarpenen zenbatekoa itzuliko da; lehenik eta behin, borondatezko ekarpen gisa<br />
aitortutako zenbatekoak itzuli beharko dira, eta, ondoren, nahitaezko ekarpentzat aitortutako<br />
zenbatekoak.<br />
9.6. Ekarpenen interesa<br />
63. artikulua.– Ekarpenen interesa<br />
1.– Kapitalari egindako ekarpenek interesa eman dezakete, aurrez batzar orokorrak<br />
erabakitako beste, hargatik eragotzi gabe aurreko artikuluaren 2. atalean<br />
erabakitakoa.<br />
2.– Interes hori ez da diruaren legezko interesa baino sei puntu gehiagokoa izango.<br />
3.– Kapitalari egindako ekarpenen ordainsariak emango dira baldin eta horretarako<br />
beharrezkoa den soberakin garbirik edo erabilera askeko erreserbarik badago.<br />
232
ARAUBIDE EKONOMIKOA<br />
4.– Batzar orokorrak erabakitzen badu ekarpenei interesen bat sorraraztea edo<br />
erabilgarri dituen soberakinak itzulkinetara edo erreserba banagarrietara<br />
bideratzea, ordainsari bat jasotzeko lehentasuna izango dute 60.1.b artikuluan<br />
aurreikusitako ekarpen hauek: titularrek baja eman eta kooperatibak itzultzea ezetsi<br />
dituen ekarpenak. Lehentasunezko ordainsari hori estatutu sozialetan ezarriko da.<br />
9.6.1. Berrikuntza nagusiak aurreko araudiaren aldean<br />
EKLren 63. artikuluak hitzez hitz dakar aurreko Kooperatiben Legearen 60. artikuluaren<br />
edukia. Ez dugu inolako berrikuntzarik antzeman artikulu berrian, artikulatu berri osoan,<br />
hizkera inklusiboaren erabilerari egokitzeko egin diren aldaketei kalterik egin gabe. Hortaz,<br />
legegileak ez du beharrezkotzat jo gaia berrikustea, ebatzi duelako lehengo arauketak ez<br />
zuela inolako eguneratzerik behar.<br />
9.6.2. Iruzkin orokorra eta esanahi praktikoa<br />
9.6.2.1. Ekarpenak ordaintzeko eskakizunak: batzar orokorraren akordioa eta<br />
diruzko baliabideak erabilgarri egotea<br />
Ekarpenak ordaindu ahal izango dira, baldin eta batzarrak hala erabaki badu eta horretaraji<br />
baliabide ekonomiko nahikoak badaude. Ordainsariak mugatua izan behar du, muga hori<br />
kooperatibak eratzeko printzipioetako bat baita. Interesen sortzapena zehazteko ahalmena<br />
batzarrari dagokio (EKLren 63.1 artikulua), eta haren gehieneko tasak ezin du diruaren<br />
legezko interesa gehi sei puntu gainditu (EKLren 63.2 artikulua). Irabazi-asmorik gabeko<br />
kooperatibei gagozkiola, aldiz, gehieneko tasa diruaren legezko interesa izango da. Gainera,<br />
ordainsari hori jasotzeko, beharrezkoa da soberakin garbiak egotea, edo hura ordaintzeko<br />
adinako erabilera libreko erreserbak. Esandakotik ondorioztatzen denez, guztiz bideragarria<br />
da kooperatiba batek ekarpenak ordaintzea iraganean metatu dituen borondatezko erreserben<br />
kontura, banatzeko modukoak badira, nahiz eta aurreko ekitaldian emaitza nahikoak lortu;<br />
hartara, arauketa horrek batzarrak arlo horretan daukan subiranotasuna sendotzen du<br />
(EKLren 60.3 in fine artikulua).<br />
9.6.2.2. Ekarpenen interesa zehaztea<br />
Legeak berariazko betekizun eta baldintza batzuk ezarrita baditu ere, legezko araubideak<br />
tarte zabala eskaintzen dio malgutasunari. Ildo horretan, azpimarratzekoa da legeak aukera<br />
ematen duela hainbat ekarpenek ordainsari desberdinak sortzeko, borondatezko ekarpenetan<br />
gerta daitekeen bezala (EKLren 62.2. artikulua); bestalde, itzulketa adostu den ekarpenetan;<br />
diruaren legezko interesa jasotzeko eskubidea izango dute ekarpen horiek, kooperatibak<br />
ondu ditzakeen emaitza eta erreserbak gorabehera, edo, are gehiago, itzulketari uko egindako<br />
ekarpenetan, lehentasunezko interesa itundu daiteke (EKLren 63.4 artikulua). Ildo horretan,<br />
onargarria litzateke kapitalari hainbat ordainsari esleitzea, bazkideen kategoriaren arabera.<br />
Batzarrak interesak sortzea edo soberakin erabilgarriak itzulkinetan edo erreserba<br />
banagarrietan baliatzea erabakiz gero, itzulketa ukatu zaien ekarpenek, horien titularrek baja<br />
hartu badute, sozietatearen estatutuetan arautzen den lehentasunezko ordainsaria jasoko dute,<br />
233
ARAUBIDE EKONOMIKOA<br />
EKLren 60.1.b) artikuluak dioenari jarraiki. Hori horrela, kooperatiba bakoitzari dagokio<br />
lehentasunezko ordainsari hori arautzea bere estatutuetan , egokitzat jotzen badute, eta, hortaz,<br />
legearen xedapenek ematen duten aukera hezurmamituko da. Horren haritik, lehentasunezko<br />
interesaz dihardugunean, gainerako ekarpenei aitortzen zaien interesa baino handiagoa dela<br />
ulertu behar da.<br />
Kontabilitate-plan orokorrean egindako azken aldaketak aintzat hartuta, kapitalari egindako<br />
ekarpenen ordainsaria, kontabilitatearen ikuspegitik, emaitzaren banaketaren zati izatera<br />
igaro da, eta, era berean, ekitaldiko emaitza kalkulatzeko kontu-sail edo partida kengarria da.<br />
Dikotomia horren ondorioz, kalkulu zirkular bat egin behar da ekitaldiaren emaitza zehazteko,<br />
eta, beste alde batetik, interesak zenbatu behar dira emaitzen banaketan, batzarrak urteko<br />
bilkuran onar ditzan.<br />
9.6.2.3. Ekarpenen interesa onartzeko prozedurak<br />
Egiatan, ekarpenen interesa onartzea eta horien zenbatekoa zehaztea bi prozedura izan<br />
daitezke:<br />
a) Alde batetik, urteko ohiko bilkuran, ekarpenen ordainketari buruzko erabakian,<br />
badago interesak ordaintzeko akordioa onestea sozietatearen kudeaketa aztertu, urteko<br />
kontuak onartu eta soberakinak edo galerak banatzeko helburuz, batzarrak egiten duen<br />
saio horretan bertan.<br />
b) Beste alde batetik, urteko ohiko bilkuran, gerta liteke batzarrak ekarpenak ordaintzeko<br />
erabakia administrazio-organoaren esku uztea. Baimen horrekin batera, administrazioorganoak<br />
arlo horretan hartutako erabakiaren emaitza baldintzatzen duten mugak eta<br />
betekizunak izan daitezke. Aukera horri esker, bazkideek nork bere ekarpenak jaso<br />
ahal izango ditu ekitaldiaren aldi goiztiar batean, batzarraren urteko ohiko bilkura egin<br />
arte, hau da, ekitaldia hasi eta hilabete batzuk igaro arte, itxaron beharrik eduki gabe.<br />
Hala ere, kasu horretan, komeni da kontuan hartzea kooperatibaren administrazioorganoak,<br />
batzarraren baimenaz, ekarpenen ordainketari buruz hartzen duen erabakia<br />
ez dela erabat indarrean egongo batzarrak interes horiek sortu diren ekitaldiko emaitza<br />
banatzea erabakitzen duen arte; beraz, beharrezkoa izango da batzarrak esanbidez<br />
berrestea, emaitzaren banaketa onetsi behar duelarik.<br />
9.6.2.4. Monetizazioa eta/edo kapitalizazioa<br />
Legeak alderdi horri buruz ezer xedatzen ez badu ere −eta horrek malgutasuna ematen<br />
die sozietate-organo eskudunei− interesak monetizatu eta/edo kapitalizatu ahal izango<br />
dira bazkideen nahitaezko ekarpen berri gisa. Horrela, aukera ematen da ekarpenen<br />
ordainsaria kooperatibentzako finantzabidea sendotzen duen tresnatzat baliatzeko, interesak<br />
kapitalizatuz. Esan barik doa ez dagoela oztoporik interesen monetizazio edo kapitalizazio<br />
partziala dakarten tarteko aukerak proposatzeko.<br />
9.6.3. Beste arau aplikagarri batzuk<br />
Nabarmendu behar dugu ekarpenen ordainsariaren erregulazioa murriztaileagoa dela<br />
234
ARAUBIDE EKONOMIKOA<br />
irabazi-asmorik gabeko kooperatibetan. Ildo horretan, otsailaren 2ko 64/1999 Dekretuak,<br />
onura publikoko kooperatiba-sozietateei buruzko prozedurei eta betekizunei buruzko<br />
erregelamendua onartzen duenak, eta apirilaren 4ko 61/2000 Dekretuak, gizarte-ekimeneko<br />
kooperatibak arautzen dituenak, xedatzen dutenez, kooperatiba bat irabazi-asmorik<br />
gabekotzat jo ahal izateko, bazkideek kapital sozialari egindako ekarpenek, bai nahitaezkoek,<br />
bai borondatezkoek, ezin dute legezko interesaren gaineko interesik sortu, ekarpenak<br />
eguneratzeari kalterik egin gabe.<br />
9.7. Ekarpenak eguneratzea.<br />
64. artikulua.– Ekarpenak eguneratzea<br />
1.– Kooperatibaren balantzea zuzenbide erkideko sozietateentzat xedatutako<br />
baldintza eta onura berekin erregularizatu ahal izango da, hargatik eragotzi gabe<br />
erregularizazioaren ondoriozko gainbalioarentzat lege honetan ezarritako xedea.<br />
2.– Aipaturiko gainbalioa, kooperatibak berak egoki iritzitako proportzioan, kapitala<br />
eguneratzeko edo erreserbak, nahitaezkoak zein borondatezkoak, handitzeko<br />
erabiliko du kooperatibak ekitaldi bakarrean edo gehiagotan. Nolanahi ere,<br />
kooperatibak konpentsatu gabeko galerak baldin baditu, erregularizazioaren<br />
ondoriozko gainbalioa haiek konpentsatzeko erabiliko da, eta gainerakoa arestian<br />
aipaturiko helburuetarako.<br />
9.7.1. Berrikuntza nagusiak aurreko araudiaren aldean<br />
EKLren 64. artikuluak hitzez hitz dakar aurreko Kooperatiben Legearen 60. artikuluaren<br />
edukia. Ez dugu inolako berrikuntzarik antzeman artikulu berrian, artikulatu berri osoan,<br />
hizkera inklusiboaren erabilerari egokitzeko egin diren aldaketei kalterik egin gabe. Hortaz,<br />
legegileak ez du beharrezkotzat jo gaia berrikustea, ebatzi duelako lehengo arauketak ez<br />
zuela inolako eguneratzerik behar.<br />
9.7.2. Iruzkin orokorra eta esanahi praktikoa<br />
9.7.2.1. Premisa: kooperatibaren balantzea eguneratzea<br />
Enpresa guztiek, denboraren poderioz, hainbat ekonomia- eta diru-faktore direla kausa,<br />
balantzeak eguneratu behar izan dituzte, inflazioak kontabilitate-egoeretan eragiten dituen<br />
ondorioak saihesteko; hala, enpresen balioa eta irudia hirugarrenen aurrean desitxuratzen<br />
duten ondare-egoera irrealak kendu behar izan dituzte balantzetik.<br />
Abenduaren 27ko 16/2012 Legearen bidez onartutako azken ealdaketak balantze-aktibo<br />
jakin batzuk eguneratzeko aukera ematen duen legea da. Lege horren bidez, finantza<br />
publikoak kontsolidatzeko eta jarduera ekonomikoa ezartzeko zenbait tributu-neurri onartu<br />
ziren estatuan eta hiru lurralde historikoek gure ordenamendura egokitu zituzten.<br />
Arlo horretan, kooperatibek balantzeak erregularizatzeko aukera dute zuzenbide erkideko<br />
gainerako erakundeentzat hala ezartzen denean, eta, gainera, ez da beharrezkoa estatutuetan<br />
235
ARAUBIDE EKONOMIKOA<br />
araututa egotea. Kooperatibaren balantzea eragiketa horiek arautzen dituzten arauetan<br />
ezarritako baldintzetan eta onurak baliatuz eguneratu edo erregularizatu daiteke. Kooperatiben<br />
berezitasun bakarra gainbalioaren helburua da, kooperatiben araudi espezifikoa errespetatu<br />
behar baitu (EKLren 64.1 in fine artikulua).<br />
Balantzea eguneratzean, kontabilitate-balio historikoak gaurkotuko dira, eta<br />
erregularizazioan, berriz, ezkutuko partidak edo elementuak sartuko dira balantzean.<br />
Balantzeko kontabilitate-balioak eguneratzeko edo erregularizatzeko baimena jasotzen<br />
denean, indarreko araudiak eragiketen ziozko gainbalioaren zerga-murrizketa dakar,<br />
eragiketok jasaten dituzten operadoreei zerga-kalterik ez eragiteko xedez.<br />
Neurri horiek hartu ahal izateko, kontuan hartu behar da, denborak aurrera egin<br />
ahala, kooperatibaren ondasun eta eskubide jakin batzuen balioa handitu egin dela,<br />
eta, kontabilitateari dagokionez, beharrezkoa izango dela balioaren gehikuntza hori<br />
kooperatibaren kontabilitatean agertzea, haren finantza-egoera behar bezala islatzeko.<br />
Hala, eguneratzea egiteko, ibilgetu materialaren atal den ondasunaren eskuratze-balioari<br />
eta ondasun horri lotuta egin ziren amortizazioei koefiziente jakin batzuk aplikatzen zaizkie.<br />
Koefiziente horiek ondasun-motaren eta eskuratze-dataren araberakoak dira. Esandako<br />
koefizientea aplikatu ondoren, gainbalioa dugu aplikazio horren zioz ateratako balioaren<br />
eta ondasunaren eskuratze-balioaren arteko aldea. Edonola ere, eguneratze-prozedura<br />
borondatezkoa da, eta, beraz, soilik jarriko da martxan kooperatibak egoki irizten badio.<br />
9.7.2.2. Gainbalioaren helburua<br />
EKLren 64.2 artikuluan berariaz ezarrita dago gainbalioa kapitala eguneratzeko edo<br />
nahitaezko zein borondatezko erreserbak handitzeko erabiliko dela, kooperatibak egokitzat<br />
jotzen duen neurrian. Jakina denez, hasteko eta bat, agerikoa da gainbalioa balantzeak<br />
eguneratzeko araudiak eskatzen dituen baldintzak betez lortu beharko dela.<br />
Hala eta guztiz ere, kooperatibak konpentsatu gabeko galerak baditu, erregularizazioaren<br />
gainbalioa, lehenik eta behin, galera horiek konpentsatzeko erabiliko da, eta gainerakoa,<br />
arestian aipatutako helburuetarako, hau da, ekarpenen balioa eguneratzeko edo erreserbafuntsak<br />
handitzeko (EKLren 64.2 in fine artikulua).<br />
Eguneratzearen bidez ateratzen den gainbalioa NEF funtsean edo kooperatibaren beste<br />
edozein funts berariazkotan baliatzeko betebeharrik ez dagoenez eta araudiak horri buruzko<br />
irizpiderik eman ez duenez, ulertu behar da batzarrari dagokiola balantzea eguneratzearen<br />
zioz ateratzen diren gainbalioak bazkideen artean banatzeko esleipen-irizpideak onartzea.<br />
9.8. Ekarpenak eskualdatzea<br />
65. artikulua.– Ekarpenak eskualdatzea<br />
Ekarpenak honela eskualdatu daitezke:<br />
1.– Bazkideen eta hurrengo hiru hilabeteetan bazkide izatera engaiatzen diren pertsonen<br />
arteko inter vivos egintzen bidez, estatutuetan ezarritako baldintzetan.<br />
Estatutuetan aurreikusi ahal izango da bazkide berrien hasierako nahitaezko<br />
236
ARAUBIDE EKONOMIKOA<br />
ekarpenak 60.1.b artikuluan aurreikusitako ekarpenak eskuratuz egin behar<br />
direla, hau da, kooperatibak itzultzea ukatu dituen ekarpenen bidez, betiere haien<br />
titularrek baja egin ondoren. Eskualdaketa ekarpen mota horien itzulketa-eskarien<br />
antzinatasunaren arabera egingo da; eskariak data berean egiten diren kasuan,<br />
berriz, ekarpenen zenbatekoaren arabera egingo da.<br />
2.– Mortis causa oinordetzaren bidez, kausadunei, bazkideak badira eta eskatzen badute,<br />
edo, bazkide ez badira, 20. artikuluan xedatutakoaren arabera bazkidetzat onartu<br />
ondoren; bazkide izateko eskaera heriotza gertatu eta hurrengo hiru hilabeteko epean<br />
egin beharko da. Bestela, sozietate-ekarpenari dagokion kredituaren likidazioa<br />
jasotzeko eskubidea izango dute, hurrengo artikuluan aurreikusitako moduan.<br />
Bazkideen hartzekodun pertsonalek ez dute inongo eskubiderik izango kooperatiben<br />
ondasunen gainean eta bazkideek sozietatearen kapitalari egindako ekarpenen<br />
gainean, biak ala biak ezin enbargatuzkoak baitira. Horrek ez ditu eragotziko<br />
hartzekodunek balia ditzaketen eskubideak, hau da, bazkidearenak diren itzulketen,<br />
interesen eta itzulkinen gainean dituen eskubideak.<br />
9.8.1. Berrikuntza nagusiak aurreko araudiaren aldean<br />
EKLren 65. artikuluak, funtsean, aurreko Kooperatiben Legearen 62. artikuluaren<br />
eduki berdina dakar, artikulatu berri osoan, hizkera inklusiboaren erabilerari egokitzeko<br />
egin diren aldaketei kalterik egin gabe. Hala ere, paragrafo bat gehitu du, EKLren 65.2.2<br />
artikulua, hain zuzen, horren edukia ez baitzegoen araututa aurreko araudian, eta artikulu<br />
berri horren arabera ezarri da, berariaz esaten ez bada ere, ekarpenak eskualdatuz gero,<br />
bazkideen (eskualdatzaileen) hartzekodun pertsonalek ez dutela inolako eskubiderik izango<br />
kooperatibaren ondasunen gainean, ez eta bazkideek sozietatearen kapitalari egindako<br />
ekarpenen gainean ere, azkenak enbargaezinak baitira. Nolanahi ere, arauketa horrek ez du<br />
eragotziko hartzekodunak bazkideari dagozkion itzulketa, interes eta itzulkinen gaineko<br />
eskubideak egikaritu ditzan.<br />
9.8.2. Iruzkin orokorra eta esanahi praktikoa<br />
9.8.2.1. Ekarpenak eskualdatzeko araubidea: ezaugarri orokorrak<br />
Kooperatibaren izaerari datxekion joera pertsonalista dela eta, bazkidearen izaera<br />
eskuratzeko eskatzen diren betekizunen garrantziaren ondorioz, kapitalari ekarpenak<br />
eskualdatzeko araubidea modu horren murriztailean zergatik arautzen den jabetu gaitezke.<br />
Eskualdaketak inter vivos edo mortis causa egin ahalko dira, jarraian azalduko ditugun<br />
prozedurekin bat etorriz. Hala eta guztiz ere, komeni da gogoraraztea eskualdatzea ez dela<br />
nahikoa eskualdatze horren onuraduna kooperatibako bazkide bilakatzeko, eta gainera,<br />
erakundean sartzeko eskaera onartu egin behar dela (EKLren 20. artikulua).<br />
Ekarpenen eskualdaketa onarpen-prozeduraren arabera egin beharko da. Ekarpenak<br />
bazkide berriaren ekarpentzat hartuko dira, eta, hasteko, bazkide horrek ez du sarrerakuotarik<br />
ordaindu behar izango; nolanahi ere, aldea bai berdindu beharko du, eskuratzeprezioaren<br />
balioa nahitaezko ekarpenaren zenbatekotik beherakoa bada.<br />
237
ARAUBIDE EKONOMIKOA<br />
Ekarpenen eskualdaketa osoa edo partziala izan daiteke. Eskualdaketa osoa bada, bazkide<br />
eskualdatzaileak bazkide izateari utziko dio; bigarren kasuan, berriz, bazkide izaten jarraituko<br />
du, eta, beraz, nahitaezko gutxieneko ekarpenaren muga estaltzen duten ekarpen nahikoak<br />
atxiki beharko ditu.<br />
Ekarpenen eskualdaketa pertsona baten edo batzuen alde egin daiteke. Ohikoena<br />
eskuratzaile bakarraren alde egitea da, baina ez dago eragozpenik, egoera jakin batzuetan,<br />
mortis causa edo hil ondoko 0skualdaketen kasuan, eskuratzaileak bat baino gehiago izateko,<br />
eta guztiak bazkide bihurtuko dira kooperatibak hala onartzen badu; hala, bada, ekarpena<br />
zatigarritzat hartuko da.<br />
EKLren 65. artikuluak era nahikoa zehatzean ezarri du ekarpenak eskualdatzeko araubidea,<br />
baina, egia esatera, estatutuetan xedatu beharko da ekarpenak eskualdatzeko araubidearen<br />
berariazko baldintzak finkatzen direneko arauzko esparrua. Beraz, kooperatibari eta, beraz,<br />
kooperatiba osatzen duten bazkideei dagokie horrelako eskualdaketak arautzen dituen<br />
araubidea diseinatzea.<br />
9.8.2.2. Inter vivos edo bizien arteko eskualdaketa<br />
Hasteko, EKLren 65.1 artikuluak ezarri duen inter vivos edo bizien arteko egintzen<br />
bidez eskualdatzeko araubide orokorrak, itxuraz, eskualdatzeak bazkideen artean egitea<br />
ahalbidetzen du. Hala ere, bazkide ez diren pertsonen alde egiteko aukera ere onartzen<br />
du, baldin eta titular berriak bazkide bihurtzen badira eskualdaketa egin eta hurrengo hiru<br />
hilabeteetan, betiere estatutuetan horretarako araututa dagoen araubidearekin bat etorriz.<br />
Beraz, esan dezagun askatasuna dagoela eskualdatzeak bazkideen artean egiteko eta<br />
ekarpenak bazkide bihurtzen direnei eskualdatzeko, baldin eta eskualdatzea egiten denetik,<br />
gehienez ere, hiru hilabeteko epean bazkide izateko konpromisoa hartzen badute.<br />
Baina, horrezaz gain, Nazioarteko Kontabilitate Arauen 32.a indarrean hasi ondotik,<br />
bazkidearen irteteko eskubidea eta sozietatearen kapitalaren eta kontabilitatearen araubide<br />
berria bateratze aldera, badago aukerarik bazkideen borondatezko irteera bideratzen<br />
laguntzeko ekarpenak eskualdatzaren bidez, batez ere, ekarpenen itzulketari uko egin zaionean.<br />
Horrela, itzulketa ukatu zaion bazkideak, nolabait esanda, bere ekarpena “berreskuratzeko”<br />
modua izan dezan, EKLren 65.1.2. artikuluak dioenez, estatutuetan arautu ahalko da,<br />
kooperatiban bazkide berriak sartuz gero, bazkideak eskatutako eta kooperatibak ukatutako<br />
ekarpenak eskuratuz egin ahalko zaizkiola ekarpenak kapitalari. Bazkide bat baino gehiago<br />
ingurumari horretan badago, inolako gatazkarik sor ez dadin, ezarri da itzulketari uko egin<br />
zaion ekarpenen itzulketa-eskaeren antzinatasun-hurrenkeraren arabera eskualdatuko direla,<br />
ekarpen horiek eskualdatzeko lehentasun-hurrenkera argi eta garbi gera dadin.<br />
9.8.2.3. Mortis causa edo hil ondoko egintzen bidezko eskualdaketa<br />
Kooperatibaren ekarpenak mortis causa edo hil ondoko egintzen bidez ere eskualda<br />
daitezke. Inter vivos egintzen bidezko eskualdatzeetan bezala, eskualdatzea bazkidearen nahi<br />
askearen arabera egin ahalko da, baina EKLren 65.2.1 artikuluaren helburua da kooperatibak<br />
badaukan bazkideak onartzeko kontrola eta kooperatibako kideek badituzten oinordetza-<br />
238
ARAUBIDE EKONOMIKOA<br />
eskubideak errespetatuz bateratzea. Hala, aipaturiko artikuluak ezarri du baliozkoa izango<br />
dela izendatutako kausadunei egindako eskualdatzea, une horretan bazkideak badira eta hala<br />
eskatzen badute, edo, bazkide ez badira, bazkide izateko konpromisoa hartuta, EKLren 20.<br />
artikuluak dioenari jarraiki, heriotza gertazen denetik, gehienez ere, hiru hilabeteko epera.<br />
Kooperatibak kausadunak onartzen ez baditu edo, besterik gabe, onarpen-eskaera garaiz<br />
eta behar bezala izapidetzen ez badute, sozietate-ekarpenari dagokion kreditua likidatzeko<br />
eskubidea izango dute, EKLren 66. Artikuluarekin bat etorriz.<br />
9.8.2.4. Hartzekodunen eskubideak bazkideen ekarpenen gainean<br />
EKLren 65.2.2. artikuluak, nahiko eztabaidagarria den sistematikari jarraituz, badio manu<br />
horretan bazkideen hartzekodun pertsonalek ez dutela eskubiderik izango, ez kooperatibaren<br />
ondasunen gainean, ez bazkideek kapitalari egindako ekarpenen gainean. Horren bidez,<br />
agerian jarri nahi da kooperatibak ezin dituela ordaindu bazkideen balizko zor pertsonalak,<br />
eta hori gauza jakina da, zorrak ez direlako kooperatibarenak, bazkidearenak baizik, eta,<br />
bazkideak kooperatibaren kapitalari ekarpena egiten dionean, ekarpen hoi kooperatibarena<br />
delako, eta, hortaz, ez du balio bazkide ekarlearen zor pertsonalak ordaintzeko.<br />
Horrek guztiak, jakina, ez du eragozten hartzekodunak akzio egokiak egikaritu ditzan<br />
bazkide zordunaren aurka, ordainketa besterendu daitezkeen elementuetan oinarrituta<br />
erreklamatzeko; esate baterako, bazkideari dagozkion itzulketetan, interes eta itzulkinetan,<br />
halakoak erreklamatu egin baitaitezke, eta, hala badagokio, enbargatu, zordundutako<br />
kredituaren zenbatekoa hartzekodunari ordaintzen ez bazaio.<br />
9.9. Ekarpenak itzultzea<br />
66. artikulua.– Ekarpenak itzultzea<br />
1.– Estatutuetan erregulatuko da sozietatearen kapitalari egindako ekarpenen itzulketa,<br />
eta ezarri ahal izango da kenkariak soilik nahitaezko ekarpenen gainean aplikatuko<br />
direla, gehienezko portzentaje hauek aplikatuz: ehuneko hogeita hamarreraino<br />
baten bat kanporatzen denean, eta ehuneko hogeiraino bidezkoa ez den baja bat<br />
gertatzen denean.<br />
Estatutuetan aurreikusi ahal izango da ezen, itundutako gutxieneko iraupenaldia<br />
bete ezean, ehuneko hamar puntu gehitu ahal izango zaizkiola, gehienez ere,<br />
bidezkoa ez den bajaren kasuan aplikatu beharreko kenkari-portzentajeari.<br />
2.– Kasu bakoitzean aplikatu beharreko kenkari-portzentajearen gaineko erabakia<br />
administratzaileen eskumenekoa izango da, zeinek estatutuetan jasotako mugak<br />
errespetatu beharko dituzten.<br />
3.– Arestian aipatutako kenkarien aurka joan gabe, baja ematen duen bazkideari itzuli<br />
beharreko ekarpenaren deskontu-ondorioetarako, baja gertatzen den ekitaldiko<br />
itxierabalantzean jasotako galerak zenbatuko dira, direla ekitaldi horri dagozkionak,<br />
direla aurreko beste ekitaldi batzuetatik datozenak edo sozietatearen kapitalari<br />
egindako ekarpen osoaren arabera konpentsatu gabe daudenak.<br />
239
ARAUBIDE EKONOMIKOA<br />
4.– Itzulketa-epea bost urtekoa izango da gehienez ere, baja-datatik aurrera kontaturik.<br />
Bazkidearen heriotza gertatuz gero, kausadunei egin beharreko itzulketa egitate<br />
eragilea izan denetik urtebetetik beherako epean egin beharko zaio.<br />
60.1.b artikuluan aurreikusitako ekarpenetarako, kooperatibak itzulketa erabakitzen<br />
duen datatik aurrera zenbatuko dira aurreko zenbakian aipatutako epeak.<br />
5.– Kooperatibak itzultzea erabaki duen ekarpenetan, itzultzeke dauden kopuruak ezin<br />
izango dira eguneratu, baina eskubidea emango dute gutxienez diruaren legezko<br />
interesa jasotzeko.<br />
6.– Aurreko apartatuetan ezarritakoa eragotzi gabe, ekarpenak itzuli beharko dira<br />
batzar orokorrak sozietatearen kapitala murriztea erabaki duelako edo bazkidearen<br />
jarduera kooperatibizatua murriztu delako, betiere estatutuetan ezarritako baldintzei<br />
jarraituta.<br />
9.9.1. Berrikuntza nagusiak aurreko araudiaren aldean<br />
EKLren 64. artikuluak, funtsean, aurreko Kooperatiben Legearen 63. artikuluaren edukia<br />
dakar, artikulatu berri osoan, hizkera inklusiboaren erabilerari egokitzeko egin diren aldaketei<br />
kalterik egin gabe. Hala ere, alderdi batzuen edukia zehazten laguntzeko zehaztapen batzuk<br />
jasotzen ditu.<br />
Horrela, EKLren 66.2 artikuluak dioenez, kasuan-kasuan aplikatu beharreko kenkariaren<br />
ehunekoari buruzko erabakia administratzaileen eskumena izango da, baina gaineratu du<br />
ehuneko horrek estatutuetan jasotako mugak errespetatu beharko dituela; hortaz, nabarmena<br />
da estatutuek ezartzen dutela itzulketaren kenkariaren ehunekoaren muga.<br />
Bigarrenik, EKLren 66.3 artikuluaren arabera, baja hartzen duen bazkideari itzuli beharreko<br />
ekarpenetik dagokion deskontua egiteko, baja gertatzen den ekitaldiko balantzean gertatu<br />
diren galerak zenbatuko dira, sozietatearen kapitalari egindako ekarpenen mugaraino, argi<br />
gera dadin, kooperatiban galerak egon arren, bazkidearen itzulketatik soilik ken daitezkeela,<br />
bazkideak kapitalari egindako ekarpenen zenbatekoaren mugaraino.<br />
Azkenik, EKLren 66.6 artikulu berriak ezartzen duenez, ekarpenen itzulketa, halaber,<br />
batzar orokorrak sozeiatetaren kapitala murrizteko hartutako erabakiaren bidez egin ahalko<br />
da, kapital-sozietateen ereduari jarraituz, edo, bestela, jarduera kooperatibizatua murriztuz,<br />
kooperatiba-ereduari jarraituz.<br />
9.9.2. Berrikuntza nagusiak aurreko araudiaren aldean<br />
9.9.2.1. Kapitala likidatzea edo itzultzea<br />
Ekarpenak itzultzeko eskubidea bazkideen eskubide garrantzitsuenetako bat da, eta ate<br />
irekiko printzipio kooperatiboaren adierazpena da. EKLren 66. artikuluak berariaz jasotzen<br />
du ekarpenen itzulketa, baina, beharbada, terminorik zehatzena ekarpenen likidazioa<br />
litzateke, bazkideari ez baitzaio berariaz aitortzen kooperatibari egindako guztizko ekarpena<br />
berreskuratzeko eskubidea. Berez, baja hartzen duen bazkideak ez du eskubiderik kapitalari<br />
240
ARAUBIDE EKONOMIKOA<br />
egindako ekarpena itzul diezaioten, egindako ekarpenaren likidazioa diezaioten baizik.<br />
Eta zenbateko hori handitu edo gutxitu egin daiteke, kooperatibaren finantza-egoeraren<br />
bilakaeraren arabera.<br />
Hasiera batean, estatutuei dagokie sozietatearen kapitalari egindako ekarpenen itzulketa<br />
arautzea (EKLren 66.1 artikulua). Kooperatibak, beraz, bazkideen ekarpenak itzultzeko<br />
sistema diseinatu beharko du estatutuetan, eta sistema horrek, nolanahi ere, esparru horretan<br />
aplikatzekoa den araudia errespetatu beharko du.<br />
9.9.2.2. Itzulketaren zenbatekoa: kenkariak eta mugak<br />
Itzulketaren zenbatekoa kalkulatzeko, bi kenkari-mota izan daitezke: konpentsatu gabe<br />
dauden galerengatiko kenkariak eta justifikatu gabeko bajagatiko edo kanporatzeagatiko<br />
kenkariak.<br />
Itzulketaren zenbatekoa kalkulatzeko, hasierako likidazio-balioa zehaztu behar da, eta,<br />
horretarako, ekarpenaren eguneratzearen ondorioz gerta daitekeen gehikuntza zehaztu<br />
behar da, bai eta kenkari horien ondorioz egin daitezkeen deskontuak ere. Horren guztiaren<br />
ondorioz, kooperatiban baja eskatu duen bazkideak jasotzeko eskubidea izango duen<br />
zenbatekoa aterako da.<br />
Beraz, itzulketaren balioa kalkulatzeko, baja eskatu duen bazkideari aitortutako<br />
ekarpenaren baliotik abiatuko da. Bazkideak baja hartu duen ekitaldiko emaitzatik datozen<br />
zenbatekoak gehitu edo kendu beharko zaizkio, batzar orokorrak horri buruz hartutako<br />
erabakiarekin bat etorriz. Geroago, zenbateko horri dagozkion kenkariak egingo dira, baja<br />
justifikatu gabekotzat kalifikatu bada. Hauxe izango litzateke, beraz, hurrenkera: lehenik,<br />
itzuli beharreko zenbatekoa finkatzea, eta, ondoren, justifikatu gabeko bajagatiko kenkariak<br />
egitea zenbateko horren gainean.<br />
a) Galerengatiko kenkariak bazkideak aitortuta dituen sozietatearen kapitalari egindako<br />
ekarpenen guztizko zenbatekoaren gainean egingo dira, nahitaezko ekarpenak direla,<br />
borondatezko ekarpenak direla.<br />
Kenkari izan daitezkeen galeren irismena argitzeko, EKLren 66.3 artikuluak<br />
xedatzen duenez, baja hartzen duen bazkideari itzulketaren kenkaria kalkulatzeko,<br />
baja gertatzen den ekitaldiaren itxiera-balantzean jasotako galerak zenbatuko dira,<br />
ekitaldi horretakoak izan zein aurreko beste batzuetatik etorritakoak izan. Horren<br />
ondorioz, baja hartzen duen bazkideak bere ekarpena baliatuz aurre egin beharko<br />
die konpentsatzeke dauden eta hari dagozkion galerei, galera horiek eragin zituzten<br />
ekitaldietan egindako jarduera kooperatibizatuaren arabera, kapitalari egindako<br />
ekarpenaren guztizko zenbatekoraino, baina.<br />
Argitzeko asmo horri lotuta, azken tartekia gehitu da EKLren 66.3 artikuluan. Bertan<br />
ezartzen denez, kenkariaren xede diren galeren muga kapital sozialari egindako<br />
ekarpenak izango dira, eta, horrela, nabarmendu nahi da kooperatibak metatutako<br />
galerak ezin direla inoiz kendu egindako ekarpenen zenbatekotik gorakoa aplikatuta.<br />
Horrela, bazkideek kooperatibetan duten erantzukizuna mugatzeari buruzko beste<br />
241
ARAUBIDE EKONOMIKOA<br />
oinarri bat ezarri da. Ondorioz, baja hartu duen pertsonaren kapitalari egindako<br />
ekarpena ez bada gauza konpentsatzeko dauden eta berari dagozkion galera guztiei<br />
aurre egiteko, konpentsatu gabeko zatia kooperatibak berak eta beste bazkideek<br />
hartuko dute euren gain, eta baja hartutako pertsonak ez dio inolako zenbatekorik<br />
zor izango kooperatibari.<br />
b) Justifikatu gabeko bajagatiko edo kanporatzeagatiko kenkariak.<br />
Itzuli beharreko zenbatekoaren gainean kenketa egiteko aukera ematen du legeak,<br />
estatutuetan araututa, baja justifikatu gabekotzat kalifikatzen den kasuetan edo<br />
kanporatze-kasuetan.<br />
Beraz, estatutuek arautu beharko dute aukera hori berariaz, bai eta egin beharreko<br />
kenduren zenbatekoak ere; zenbateko horiek ezin izango dira artikulu honetan<br />
araututako ehuneko hogei edo hogeita hamar baino handiagoak izan.<br />
Administratzaileek baja justifikatu gabekotzat jotzen badute, kenkariak % 20ra<br />
artekoak izan daitezke, EKLren 26. artikuluak xedatutakoa aintzat hartuta. Hala ere,<br />
estatutuetan ezarritako gutxieneko iraupen-aldia errespetatu ez bada, kenkaria % 10<br />
handitu ahal izango da.<br />
Kanporatzeagatiko bajari dagokionez, kenkaria % 30era artekoa izan daiteke.<br />
Kasu guztietan, arrazoi horiengatiko kenkariak nahitaezko ekarpenen gainean<br />
bakarrik egin ahalko dira.<br />
Galerak zehaztu ondoren, dagozkion kenkariak aplikatu ahalko dira, baina ezin<br />
izango dira % 30etik gorakoak izan kanporatzearen kasuan, ezta % 20tik gorakoak<br />
ere justifikatu gabeko bajen kasuan (EKLren 66.1 artikulua). Estatutuek finkatuko<br />
dituzte muga horiek, betiere arestian aipatutako gehieneko mugak errespetatuz.<br />
9.9.2.3. Itzultzeko epeak<br />
Itzultze-eskubidea duen bazkideak epe jakin baten barruan jaso behar du itzulketa. EKLren<br />
66.4 artikuluak dioenaren arabera, itzultzeko epea ezingo da bost urtetik gorakoa izan, bajaren<br />
datatik zenbatzen hasita. Epe hori urtebetera mugatuko da, baldin eta itzulketa bazkide baten<br />
heriotzaren ondorioz sortu bada. Berezitasun gisa, esan behar da kooperatibak baldintzarik gabe<br />
itzultzeari uko egin diezaiokeen ekarpenei gagozkiela, itzulketa hori egiteko epea kooperatibak<br />
berak itzulketa erabakitzen duen unean hasiko da zenbatzen (EKLren 66.4.2. artikulua).<br />
Estatutuetan agertu beharko da zehatz-mehatz itzulketa-epea. Ildo horretan, EKL, 66.2<br />
artikuluak dakartzan epeak, arestian esandakoak, murriztu ahalko dituzte estatutuek. Epe<br />
jakin bat ezartzea, non handik aurrera itzulketa galdagarria den, inolako zalantzarik gabe,<br />
onuragarria da kooperatibarentzat, sozietatea uzten duen bazkideari itzulketa berehala<br />
ordaindu behar izateak eragingo lukeen deskapitalizazioa leuntzeko aukera ematen<br />
diona. Nolanahi ere, ez dago epe horiek laburtzea sustatzen duen eskubide berariazkorik.<br />
Kooperatiba erabat burujabea da bere finantza-egoerari eusteko egokitzat jotzen duen epea<br />
ezartzerakoan, gerta daitezkeen bajen aurreikuspena kontuan hartuta.<br />
Kooperatibak itzulketa egokiaren nondik norakoak erabaki ondoren, gerta daiteke, edozein<br />
arrazoi dela medio, kargua uzten duen bazkideari zor zaion itzulketaren zenbateko osoa<br />
ez ordaintzea. EKLren 66.5 artikuluak argitzen duenez, itzultzeke dauden zenbatekoak<br />
ezin izango dira eguneratu; hala ere, horien ordainketa eskatzeko eta zenbateko zordunari<br />
242
ARAUBIDE EKONOMIKOA<br />
dagokion legezko interesa osagarri gisa jasotzeko eskubidea izango dute. Ildo horretan,<br />
araudiak berariaz adierazten ez badu ere, ulertu behar da diruaren legezko interesa ordaintzeko<br />
eskubidea dirua itzultzeko eskubidea sortu eta ordaindu ez denean sortu dela.<br />
9.9.2.4. Beste itzulketa-aukera batzuk<br />
Kooperatibako bazkide baten bajaren ondorioz gertatzen den ohiko itzulketa-prozedura<br />
alde batera utzita, kooperatiba uzten duen bazkidearentzat itzulketa-eskubideari atxikita,<br />
EKLren 66.6 artikulu berriak xedatu du itzulketa erregelamenduzko araudian jasota dauden<br />
beste inguruabar batzuen ondorioz ere egin ahal izango dela: hala, berariaz aitortzen da<br />
ekarpenen itzulketa sor daitekeela batzar orokorrak sozietatearen kapitala murrizteko<br />
hartutako erabakiaren zioz edo bazkidearen kooperatiba-jarduera murriztearen zioz. Dena<br />
dela, inguruabar horietan, dirua itzultzeko eskubidea sor dadin, kooperatibaren estatutuetan<br />
berariaz araututa egon beharko da.<br />
9.10. Partaidetza bereziak<br />
67. artikulua.– Partaidetza bereziak<br />
1.– Partaidetza berezitzat hartuko dira artikulu honetako arauketaren araberako<br />
mendeko finantzaketak, zeinetan harpidedunak ez diren inolaz ere kooperatibak<br />
izango, salbu eta artikulu honen 4. atalean aurreikusitako bazkideen kasuan,<br />
itzulketa ez den gauzatuko partaidetza jaulki eta gutxienez bost urte igaro arte, eta<br />
ordainsaria kooperatibaren emaitzen araberakoa izango den.<br />
2.– Partaidetza hauen gainerako ezaugarriak jaulkitzen direnean ezarriko dira,<br />
libreki, baina ezin izango zaie aitortu, inolaz ere, batzar orokorrean botoa emateko<br />
eskubidea, ezta administrazio-organoan parte hartzekorik ere.<br />
3.– Artikulu honetan ezarritakoa soil-soilik aplikatu ahal izango zaie kreditukooperatibei<br />
eta aseguru-kooperatibei, baldin eta sektore horretako araudietan ez<br />
bada horretarako eragozpenik jartzen.<br />
4.– Partaidetza berezi horien jaulkipenen edo kontratazioaren ehuneko berrogeita<br />
hamarra gutxienez kooperatibako bazkideei eta soldatapeko langileei eskaini<br />
beharko zaie hirugarren ez-bazkideei eskaini baino lehen. Eskaintza horri<br />
publizitatea emango zaio, batzar orokorrak deitzeko ezarritako baldintza beretan.<br />
5.– Artikulu honetan ezarritakoaren arabera erregulatzen ez diren partaidetzetarako<br />
–edozein dela ere horien izena–, itun askearen sistema ezarriko da, baita 60.<br />
artikuluan sozietate-kapitalarentzat ezarritakoa edo 68.ean bestelako finantzaketei<br />
buruz ezarritakoa ere.<br />
9.10.1. Berrikuntza nagusiak aurreko araudiaren aldean<br />
EKLren 67. artikuluak, funtsean, aurreko Kooperatiben Legearen 63. artikuluaren edukia<br />
dakar, artikulatu berri osoan, hizkera inklusiboaren erabilerari egokitzeko egin diren aldaketei<br />
kalterik egin gabe. Hala ere, alderdi batzuen edukia zehazten laguntzeko zehaztapen batzuk<br />
jasotzen ditu.<br />
243
ARAUBIDE EKONOMIKOA<br />
9.10.2. Iruzkin orokorra eta esanahi praktikoa<br />
9.10.2.1. Kontzeptua eta izaera<br />
Kooperatiben finantzaketa-beharren ondorioz, kooperatiben legezko erregulazioak tresna<br />
espezifiko batzuk ere jaso ditu, kooperatiben finantza-baliabideak indartu ahal izateko,<br />
betiere mota horretako erakundeen ezaugarriak errespetatuz. Hala, kapital soziala osatzen<br />
duten nahitaezko eta borondatezko ekarpenekin batera, sozietatearen kapitala osatzen ez<br />
duten beste finantza-tresna batzuk ere erabil daitezke.<br />
Kooperatiba finantzatzeko tresnen kategoria horren barruan, EKLren 67. artikuluak<br />
partaidetza bereziak arautzen ditu, hau da, harpidedunak nahitaez kooperatibak ez diren<br />
erakundeak mendeko finantzaketak, eta horietan, itzulketa ez da egingo, gutxienez,<br />
jaulkipenetik bost urte igarotzen diren arte, eta ordainketa kooperatibaren emaitzen arabera<br />
kalkulatuko da. Araudi horri loturik jartzen ez diren partaidetzak ez dira arau horren<br />
mendekoak izango, ezpada, itun askearen mendekoak, eta EKLren, 60. eta 68. artikuluek<br />
(EKLren 67.5 artikulua) xedatutakoaren mendekoak.<br />
Partaidetza bereziak, beraz, kooperatibak bazkideen eskutik zein mota guztietako<br />
hirugarrenen eskutik lor daitezkeen finantza-baliabideak dira, eta kooperatiba guztiek<br />
erabil ditzakete; hala ere, kooperatibak kreditukoak eta aseguruetakoak badira, EKLren 67.<br />
artikuluak jasotzen dituen araubidearen eskakizunak baino ez dituzte bete beharko, baldin<br />
eta kooperatiba horiei aplikatu beharreko sektore-araudiak eragozten ez badu (EKLren 67.3<br />
artikulua).<br />
9.10.2.2. Jaulkipena egiteko eskumena eta edukiaren irismena<br />
Estatutuek, hasteko, ez dute eskumenik finantzaketa-tresna espezifiko hori arautzeko.<br />
Batzar orokorrari dagokio partaidetza berezi horiek jaulkitzeko eskumena (EKLren 33.3.e)<br />
artikulua); hala, batzarra arduratuko da partaidetzek jaulkipenaren unean dituzten ezaugarri<br />
nagusiak zehazteaz (EKLren 67.2. artikulua). Batzarrak zehaztu ahal izango du partaidetza<br />
berezi horien araubidearen norainokoa, baina partaidetzok ezin izango dute batzarreko<br />
boto-eskubiderik eman, ezta administrazio-organoari atxikitako partaidetza-eskubiderik ere<br />
(EKLren 67.2 in fine artikulua).<br />
Hasteko eta bat, partaidetza berezi horiek eskain dakizkioke interesa duen edozein<br />
pertsonari. Nolanahi ere, EKLren 67.4 artikuluaren arabera, partaidetza berezien jaulkipena<br />
edo kontratazioa, lehenik eta behin, kooperatibako bazkideei eta soldatapeko langileei eskaini<br />
beharko zaie, gutxienez, horien % 50, eta kolektibo horri eskaini ondoren bakar-bakarrik<br />
eskaini ahalko zaizkie hirugarrenei, baldin eta mota horretako partaidetzakeskuratzeko<br />
interesa agertu badute. Gogoratu behar da, lehen nabarmendu den bezala, partaidetza<br />
berezi horien harpidedunak ezin izango direla kooperatibak izan (EKLren 67.1. artikulua),<br />
partaidetza horiek jaulkitzen dituen kooperatibako bazkideak diren ala ez kontuan hartu gabe.<br />
Hortik ondoriozta daiteke partaidetza horien eskualdatze askea ez dela onartzen, araudiak gai<br />
hori berariaz arautzen ez duen arren; izan ere, eskualdatze askea onartuz gero, muga horren<br />
iruzurra eragin lezake.<br />
244
ARAUBIDE EKONOMIKOA<br />
Partaidetza bereziek partaidetza horiek jaulkitzeko erabakian aitortutako eskubideak ematen<br />
dizkiete titularrei. Hasiera batean, batzarrak nolabaiteko tartea du eskubide horien irismena<br />
zehazteko. EKLren 67.2 artikuluak berak dioenez, “partaidetza horien gainerako ezaugarriak<br />
era askean ezarriko dira jaulkipenaren unean”. Hala ere, araudia bera arretaz irakurriz gero,<br />
ohartuko gara araugintzako ahalmen horrek muga nabariak dituela, partaidetza horien<br />
eskubideen edukiari mugak ezartzen baitzaizkio. Alde batetik, partaidetza berezia jaulkitzearen<br />
ondorioz, kooperatibak duen kredituaren izaera mendekoa da, EKLren 67.1.artikuluak dioenez.<br />
Horrenbestez, kooperatiba likidatzen bada, haren titularrek gainerako hartzekodunen ondotik<br />
kobratzeko eskubidea izango dute. Bigarrenik, artikuluak argitzen du partaidetza berezi horien<br />
harpidedunak jasotzen duen ordainsaria ezin izango dela eskatu edozein kasutan; aitzitik,<br />
kooperatibaren emaitzen arabera ezarriko da (EKLren 64.1 artikulua). Eta, azkenik, debekatuta<br />
dago partaidetza berezien harpidedunei batzarrean botoa emateko edo administrazio-organoan<br />
parte hartzeko eskubidea ematea (EKLren 64.2 artikulua).<br />
9.10.2.3. Epemuga eta itzulketa-data<br />
Partaidetza berezien epemuga, gutxienez, bost urtekoa da, eta jaulkipen-akordioan finkatu<br />
beharko da (EKLren 67.1 artikulua). Horrek esan nahi du batzarrak partaidetza horien<br />
epemuga ezar dezakeela, edo are gehiago luza dezakeela. Ezin da horrelako partaidetzarik<br />
jaulki epemuga laburragoan.<br />
Itzulketa, beraz, partaidetzen epea amaitu ondoren egingo da. Une horretatik aurrera,<br />
kooperatibak partaidetzaren zenbatekoa itzuli beharko dio harpidedunari, dagokion ordainsaria<br />
emanda, kooperatibaren emaitzen arabera kalkulatuta.<br />
9.11. Beste finantzaketa batzuk<br />
68. artikulua.– Beste finantzaketa batzuk<br />
1.– Estatutuek edo, hala badagokio, batzar orokorrak ezarri ahal izango dituzte<br />
sozietatearen kapitalean sartuko ez diren eta itzulgarriak izango ez diren sarrerakuotak<br />
eta aldikakoak. Kuota horiek ezberdinak izan daitezke, honako alderdi hauen<br />
arabera: zein bazkide mota aurreikusten diren lege honetan, zein den haien izaera –<br />
fisikoa ala juridikoa–, edo zer konpromiso duen kooperatibarekin edo zer proportziotan<br />
jardun dezakeen kooperatiba jardueran.<br />
2.– Sarrera-kuotek ezingo dute gainditu unean-unean bazkide izateko sozietatearen<br />
kapitalari egin behar zaion indarreko nahitaezko ekarpenaren ehuneko hogeita bost.<br />
3.– Ez dira sozietatearen kapitalean sartzen bazkideek kooperatibaren kudeaketarako<br />
entregatutako ondasunak eta emandako zerbitzuak eta, orokorrean, kooperatibazerbitzuak<br />
lortzeko egindako ordainketak. Eragiketa horiek kooperatibarekin<br />
finkaturiko eta kontrataturiko baldintzen mende egongo dira. Haiek guztiak ez dira<br />
sartzen kooperatibaren ondarean, eta sozietatearen hartzekodunek ezin izango dituzte<br />
enbargatu.<br />
245
ARAUBIDE EKONOMIKOA<br />
4.– Kooperatibak honelako jaulkipenak erabaki ahal izango ditu: bazkideen edo<br />
boto-eskubiderik ez duten hirugarren ez-bazkideen obligazioak, partaidetzatituluak,<br />
partaidetza-kontuak eta borondatezko finantzaketak, edozein dela ere<br />
haien modalitate juridikoa. Kontuan harturik zein diren kooperatibaren emaitzak,<br />
eragiketa horien ordainsaria osoa edo partziala izan daiteke, zeina ezartzen diren<br />
epe eta baldintzak betez ordaindu beharko baita.<br />
9.11.1. Berrikuntza nagusiak aurreko araudiaren aldean<br />
EKLren 68. artikuluak, funtsean, aurreko Kooperatiben Legearen 65. artikuluaren edukia<br />
dakar, artikulatu berri osoan, hizkera inklusiboaren erabilerari egokitzeko egin diren aldaketei<br />
kalterik egin gabe. Hala ere, alderdi batzuen edukia zehazten laguntzeko zehaztapen batzuk<br />
jasotzen ditu.<br />
Azpimarratzekoa da, lehenik eta behin, lehengo 65. artikuluaren laugarren eta bosgarren<br />
atalak bateratu dituela EKLren 68.4 artikulu berrian. Hala, sinplifikatu egin da obligazioak,<br />
partaidetza-tituluak, partaidetzako kontuak eta borondatezko finantzaketa jaulkitzeko<br />
araubidea, eta araubide orokorra ezarri da horiei guztiei aplikatzeko. Araubide horren<br />
arabera, titular horiek ez dute boto-eskubiderik izango, eta kooperatibaren emaitzen arabera<br />
finkatu ahal izango da haien ordainsaria, osorik edo zati batean.<br />
Bigarrenik, EKLren 68.4 artikulu berriak, itxuraz titulu horiek emateko eskumena kendu<br />
dio batzar orokorrari, 1993ko Kooperatiben Legearen 65.4 eta 64.5 artikuluetan ezarrita<br />
zegoenaren kontra. Izan ere, berriak dio kooperatibak erabaki dezakeela jaulkipena egitea,<br />
horretarako organo eskuduna zein den zehaztu gabe. Hala ere, eskumen-kentze horren<br />
arrazoia dugu behin eta berriz ez errepikatzea, EKLren 33.3.e) artikuluak beren-beregi<br />
baitakar batzar orokorrari dagokiola, era esklusiboan, EKLren 68. artikuluan jasota dauden<br />
beste finantzaketa-era batzuk jaulkitzeko eskumena.<br />
9.11.2. Iruzkin orokorra eta esanahi praktikoa<br />
9.11.2.1. Sarrera-kuotak eta aldizkako kuotak<br />
Kooperatiben sozietate-kapitala osatzen duten ekarpenekin batera, beste ekarpen batzuk<br />
egin daitezke kapitaletik kanpo, besteren baliabidetzat hartzen direnak, hala nola partaidetza<br />
bereziak (EKLren 67 artikulua) eta, zentzu hertsian, ekarpenak ez diren kooperatiba<br />
finantzatzeko beste edozein tresna, EKLren 68. artikuluaren iruzkinean ageri den legez.<br />
Zerrenda horretan, lehenik eta behin, sarrera-kuotak edo bazkidetzeko kuotak agertzen<br />
dira, hau da, bazkideek sozietateko kide izateko unean egiten dituzten ekarpenak, baina ez<br />
dira kooperatibaren kapitalaren zati bihurtzen, haren ondarearen zati baizik. Eta, bigarrenik,<br />
aldizkako kuotak, bazkideek kooperatibari modu finkoan egin behar dizkioten emateak,<br />
horrela ordaintzea erabaki diren gastuei aurre egiteko. Bi kuota-mota horiek eskatu ahal<br />
izango dira batzar orokorrak hartutako erabakiaren arabera ezarri direnean (EKLren 33.3.d)<br />
artikulua), estatutuetan ere arautu daitezkeen arren (EKLren 68.1 artikulua).<br />
246
ARAUBIDE EKONOMIKOA<br />
Sarrera-kuotek kapital-sozietateetan jaulkipen-primak edo, kapital-gehikuntzetan,<br />
lehentasunezko harpidetza-eskubideak garatzen duen eginkizunaren antzekoa betetzen<br />
dute; izan ere, kapital-ekarpenek dakarten finantzaketa osagarria ematen diote erakunde<br />
onuradunari, eta, batez ere, bazkidearen kooperatiba-ondarean gertatzen den murrizketa<br />
zuzentzeko aukera ematen dute, bazkide berriak sartzen direnean, diru-sarrera hori baliatzeaz<br />
batera kooperatibaren ondarearen gehikuntza proportzionala gertatzen ez dela. Horregatik,<br />
hasiera batean, ondarea sozietatearen kapitalaren zenbatekoa baino handiagoa den kasuetan<br />
soilik eskatu beharko litzateke, eta zenbatekoa ondarearen eta kapitalaren arteko proportzioaren<br />
arabera finkatu beharko litzateke, sarrera-kuota ezin baita erabili bazkide berriak sar ez daitezen.<br />
Dena dela, kuotaren zenbatekoa bazkide izateko indarrean dagoen sozietatearen kapitalari egin<br />
beharreko nahitaezko ekarpenaren % 25era mugatuta dago (EKLren 68.2 artikulua).<br />
Sarrera-kuotena, azken batean, bazkide berriei eskatzen zaien ordainketa osagarria da,<br />
sozietate-kapitalari egin beharreko gutxieneko ekarpena alde batera utzita, kooperatibaren<br />
ondarea baitute xede. Ezin dira itzuli, eta irismen desberdinekoak izan daitezke (EKLren<br />
68.1 artikulua). Horregatik, berez sarrerakoak ez diren kuotak ere eman daitezke, hau da,<br />
beste eginkizun bat dutenak. Kuotak, halaber, desberdinak izan daitezke legean araututako<br />
bazkide-motentzat, edo, bazkide-moten izaera fisiko edo juridikoaren arabera, edo bazkide<br />
bakoitzarentzat, norberak daukan konpromisoaren edo kooperatiba-jardueraren erabilera<br />
potentzialaren arabera (EKLren 68.1 in fine artikulua). Horregatik, kooperatibak sarrerakuota<br />
desberdinak ezarri ahal izango ditu bazkide bakoitzarentzat, eta aldizkako prestazioak<br />
finkatu ahal ditu, unean uneko premien arabera. Hasiera batean, modu askean finka daitezke,<br />
kooperatibak unean-unean duen finantza-egoeraren arabera.<br />
9.11.2.2. Kooperatibaren aldeko ondasun-emateak, zerbitzuen prestazioa eta<br />
ordainketak<br />
Bazkideek kooperatibak kudea ditzan ematen dituzten edozein motatako ondasunak,<br />
kooperatibak kudea ditzan ematen dizkioten zerbitzuak eta bazkideek kooperatiba-zerbitzuak<br />
lortzeko egiten dituzten ordainketak erabat onargarriak dira, eta kooperatibaren finantza-egoera<br />
indartzeko balio dezakete, baina ez dute haren sozietate-kapitala osatzen, ezta haren ondarea<br />
ere (EKLren 68.3 artikulua).<br />
Nolanahi ere, kooperatibarekin sinatutako baldintzei loturik egongo dira emate horiek, eta<br />
kooperatibaren hartzekodunek ezin izango dituzte enbargatu, ez direlako haren ondarearen<br />
atal (EKLren 68.3 in fine artikulua). Horregatik, kooperatibari bere jarduera kooperatibizatua<br />
gauzatzen laguntzeko eman zaizkion arren, kooperatibaren hartzekodunek ezin dituzte<br />
enbargatu, ez dutelako haren ondarea osatzen eta, beraz, ezin direlako erabili kooperatibaren<br />
zorrak kobratzeko.<br />
9.11.2.3. Obligazioak edo partaidetza-tituluak jaulkitzea, partaidetza-kontuak eta<br />
borondatezko finantzaketa<br />
Kooperatibak finantzatzeko hainbat modalitate dira, eta oso zeregin baliagarria bete<br />
dezakete, finantzaketa-bide osagarriak eta berriak ematen dizkietelako. EKLren 68.4 artikuluak<br />
247
ARAUBIDE EKONOMIKOA<br />
manu bakarrera bildu ditu 1993ko Kooperatiben Legearen 65 artikuluaren 4., 5. eta 6. atalak, eta<br />
aurretiaz erregulatutako finantzaketa-tresna guztiak batera arautu ditu:<br />
a) Lehenik eta behin, obligazioak aipatu behar dira; seriean jaulkitako balore higigarri<br />
negoziagarriak dira, eta zorraren aitorpena eta edukitzaileari interesak ordaintzeko<br />
agintza dokumentatzen eta jasotzen dute, printzipala itzultzeaz gain.<br />
b) Bigarrenik, partaidetza-tituluak aipatu behar dira. Titulu horiek kooperatibaren<br />
kanpo-finantzaketarako tresnak dira, eta titularrei eskubide politiko eta ekonomiko<br />
batzuk ematen dizkiete, kooperatibari egiten dioten aldez aurretik zehaztutako<br />
ekarpen ekonomiko baten truke.<br />
c) Hirugarrenik, partaidetzako kontuak aipatu behar ditugu. Tresna hori Merkataritza<br />
Kodearen 239. artikulutik 243.era arautua dago eta, horren arabera, ekarpen-egileak<br />
hitzarmena sinatzen du kooperatibarekin, eta kooperatibari ekarpen bat egitera, baina<br />
kudeaketan eskurik ez hartzera behartzen du bere burua. Horren truke, kooperatibak<br />
jarduera hori behar bezala kudeatuko du, eta lortutako emaitzaren hein bat emango<br />
dio ekarpen-egileari, egin duen ekarpenaren arabera. Berezitasun gisa, finantzaketaakordio<br />
horren berririk ez dute izango akordioz kanpoko hirugarrenek, eta, beraz, bi<br />
kontratugileen arteko harremanaren barne-eremuan geratuko da.<br />
d) Azkenik, borondatezko finantzaketa ere aipatu behar da. Finantzaketa-mota horren<br />
bidez, baliabide ekonomikoak iritsi ahalko zaizkio kooperatibari, finantzaketa<br />
gauzatzen duen edozein formularen bidez, finantzatzailearen eta kooperatibaren<br />
arteko akordioan ezarritako epe eta baldintzei jaraiki. Finantzaketa hau, manu<br />
honetan arautzen diren gainerako tresnak ez bezala, bazkideek ez ezik, bazkideak ez<br />
direnek ere izenpetu dezakete.<br />
Tresna horiek guztiak baliatzeko eskumena batzar orokorrari dagokio (EKLren 33.3<br />
artikulua), nahiz eta iruzkin honen xede den manuan dagoeneko ez agertu, 1993ko<br />
Kooperatiben Legearen 65. artikuluan ez bezala. Beraz, ez da beharrezkoa estatutuetan<br />
arautzea. Nahikoa da kooperatibaren batzarrak horiek jaulkitzeko eta baldintzak<br />
finkatzeko erabakia hartzea, gauzatu ahal izateko. Akordio horretan, besteak beste,<br />
ordainsaria jaso beharko da eta ordainsari hori kooperatibaren emaitzen arabera<br />
finkatu ahalko da, osorik edo zati batean, eta ezarritako epean ordaindu beharko da<br />
(EKLren 68.4 in fine artikulua). Manu horretan araututako zeinahi finantza-tresna<br />
izenpetzeak ez du sorraraziko parte hartzen duen finantzaketaren boto-eskubide<br />
espezifikorik.<br />
9.12. Soberakin garbiak zehaztea<br />
69. artikulua.– Soberakin garbiak zehaztea<br />
1.– Soberakin garbiak zehazteko, merkataritza-sozietateentzat ezarritako kontabilitatearau<br />
eta -irizpideak ezarriko dira, salbu eta espezifikoki erregulatzen badira<br />
sozietate kooperatiboentzat.<br />
248
ARAUBIDE EKONOMIKOA<br />
2.– Dena dela, soberakin garbiak zehazterakoan honako hauek partida kengarritzat<br />
hartuko dira:<br />
a) Kooperatibaren kudeaketarako entregatutako ondasunen zenbatekoa, zeina ez<br />
baita balioetsiko merkatu-preziotik gora, eta bazkide langileen eta lan-bazkideen<br />
lan-aurrerakinen zenbatekoa, zeina, oro har, ez baita izango eskualdean bazkide<br />
horien jarduera-sektore berean ordaindu ohi dena baino handiagoa.<br />
b) Kapital sozialari egindako ekarpenen ondoriozko interesak, lege honen 60.<br />
artikuluan arautuak, eta kapital sozialean sartzen ez diren prestazio eta<br />
finantzaketen ondoriozkoak.<br />
9.12.1. Berrikuntza nagusiak aurreko araudiaren aldean<br />
EKLren 69. artikuluak, funtsean, aurreko Kooperatiben Legearen 66. artikuluaren<br />
edukia dakar, artikulatu berri osoan, hizkera inklusiboaren erabilerari egokitzeko egin<br />
diren aldaketei kalterik egin gabe. Hala ere, alderdi batzuen edukia zehazten laguntzeko<br />
zehaztapen batzuk jasotzen ditu. Berritasun gisa, aipatzekoa da EKLren 69. artikuluaren<br />
1. lerroaldean honako tarteki hau gehitu dela: “salbu eta espezifikoki erregulatzen badira<br />
sozietate kooperatiboentzat”. Horrela, soberakin garbiak zehazterakoan, merkataritzasozietateentzat<br />
xedatutako irizpideak aplikatuko direla argitu da, kooperatibentzat araubide<br />
espezifikorik ez badago, behintzat.<br />
9.12.2. Iruzkin orokorra eta esanahi praktikoa<br />
9.12.2.1. Ekitaldi ekonomikoa<br />
Emaitza zehazteko, jarduera ekonomikoa ekitaldi ekonomikoen arabera periodifikatu<br />
behar da, eta ekitaldi bakoitzean lortutako emaitza zehaztuko da. Ildo horretan, ekitaldi<br />
ekonomikoaren iraupena 12 hilabetekoa da, egutegiko urtearekin bat etorrita, urtarrilaren<br />
1etik abenduaren 31ra arte, baina ez da horrela zertan izan, kooperatibak hala erabakitzen<br />
badu, ekonomia-, enpresa-, antolamendu- edo beste edozein motatako arrazoiengatik, eta<br />
egutegiko urteaz bestelako aldi batean finkatzen badu. Nolanahi ere, besterik esaten ez bada,<br />
ekitaldi ekonomikoa egutegiko urtearekin bat datorrela ulertuko da.<br />
9.12.2.2. Emaitza zehaztea<br />
Ekitaldi ekonomikoa amaitzen denean, kontuak formulatu eta emaitza zehaztu ohi da,<br />
merkataritza-sozietateentzat ezarritako kontabilitate-arauak eta -irizpideak aplikatuz,<br />
kooperatiben berariazko araudiak horri buruzko erregulazio espezifikoa jasotzen ez badu,<br />
behintzat (EKLren 69.1 artikulua). Euskadiko Kooperatiben 4/1993 Lege zaharrean eta<br />
egungo araudian ere ez dira bereizten kooperatiba-emaitzak eta eta kooperatibaz kanpoko<br />
emaitzak, guztia emaitza-kontu bakarrean gauzatzen dela, eta horren banakaketak oro har<br />
ezarritako arauei men egin behar die: nahitaezko kooperatiba-funtsen zuzkidura (gutxienez,<br />
249
ARAUBIDE EKONOMIKOA<br />
% 30), itzulkinen banaketa eta/edo sozietatearen kapitalaren ordainsaria, edo beste batzuk.<br />
Oro har hartuta, erregulazio kooperatiboan araututako betebeharrak bat datoz merkataritzalegeriaren<br />
arloko kontabilitatearen araubide juridikoarekin eta, aldi berean, araubide<br />
horretako manuez osatzen dira, zehazki, merkataritza-kodean jasotako araudiaz.<br />
Kooperatibako administrazio-organoak zehaztuko du soberakin garbia, eta organo hori<br />
arduratuko da kontuak formulatzeaz (EKLren 42. artikulua ); batzar orokorrak, berriz, onartu<br />
beharko ditu (EKLren 33.3.c) artikulua). Emaitza edo soberakin garbia galdu-irabazien<br />
kontutik aterako da, non, barne-ondorioetarako soilik, kooperatibaren xede sozialaren<br />
ustiapen-jardueratik datozen emaitzak, hots, emaitza arrunten edo ustiapen-emaitzen<br />
kontuan jasotakoak, eta ezohiko emaitzak eta emaitza finantzarioak, hau da, emaitza-kontu<br />
espezifikoetan agertzen direnak, bereiz daitezkeen. Hala ere, barne-bereizketa horrek ez du<br />
inolako garrantzirik; izan ere, Estatuko Kooperatiben Legean edo beste lege autonomiko<br />
batean ez bezala, EKLk ez du behartzen bi emaitzak bereiztera.<br />
Nolanahi ere, kooperatiba-araudiak arauketa propioa du, eta EKLren 69.1 artikulua<br />
aplikagarria izango da berariaz arautzen den heinean. EKLren 69. artikuluak ez du soberakin<br />
garbia zehazteko araubide osoa ezartzen; aitzitik, merkataritza-sozietateen araudian<br />
finkatutako emaitza zehazteko araubide orokorrari buruzko zenbait zehaztapen egiten ditu,<br />
ez besterik. Alde horretatik, ulertu behar da galdu-irabazien kontuan agertzen diren soberakin<br />
garbien emaitzak edo zehaztapenak kooperatibaren diru-sarrerak eta gastuak dituela<br />
abiapuntutzat, baina EKLn ez da arautu kontabilitatean bereizi behar direnik bazkideekin<br />
egindako eragiketen ziozko emaitzak eta hirugarrenekin egindako eragiketen ziozkoak, edo<br />
kooperatibaren jarduera ekonomikoetatik lortutako emaitzak eta kooperatibaren berariazko<br />
xedeetatik lortutakoak.<br />
a) Horrela, diru-sarreren arloan, EKLk ez du erregulazio espezifikorik jasotzen, eta,<br />
beraz, merkataritza-sozietateen arloko araudi orokorra aplikatu beharko da. Horrela,<br />
diru-sarreren sailaren barruan sartuko dira, zehatzegiak izateko asmorik gabe,<br />
kooperatiba-jardueratik eratorritakoak, hirugarrenekin egindako eragiketetatik<br />
eratorritakoak, kooperatibaren berariazko helburuekin zerikusirik ez duten<br />
jarduera ekonomikoetatik lortutakoak, beste sozietate batzuetako partaidetzetatik<br />
eratorritakoak, bazkideek ordaindutako kuotak, aktibo ibilgetuaren elementuak<br />
besterentzetik eratorritako gainbalioak eta kooperatibek lortutako interesak eta<br />
etekinak.<br />
b) Bestalde, gastuen arloan, EKLren 69.2 artikuluak ezartzen duenez, kooperatibek gastu<br />
edo kenkari gisa kontabiliza ditzakete, merkataritzako sozietate-araudian berariaz<br />
aurreikusitakoez gain, kooperatiba kudeatzeko emandako ondasunen zenbatekoa,<br />
bazkide langileei edo lan-bazkideei emandako aurrerakinen zenbatekoa, kapitalekarpenen<br />
ordainsariak eta kapitalean integratu gabeko beste edozein finantzaketa,<br />
hala nola partaidetza bereziak, obligazioak edo kredituak. Horren haritik, kooperatiben<br />
zerga-kenkari espezifikoak honako hauek izango lirateke:<br />
Lehenik eta behin, bazkideek egindako ondasun-, zerbitzu- edo hornidura-emateen<br />
zenbatekoa, bazkideen lan-prestazioak eta bazkideek kooperatibari lagatako ondasunen<br />
errentak, betiere haien merkatu-balioa gainditzen ez badute.<br />
250
ARAUBIDE EKONOMIKOA<br />
Bigarrenik, lan-aurrerakinen zenbatekoa, dagokion jarduera-sektorearen eremuko<br />
ordainsari arruntak baino txikiagoa izan behar duena.<br />
Hirugarrenik, legearen edo estatutuaren arabera, Nahitaezko Erreserba Funtsera<br />
bideratzen den zenbatekoaren ehuneko 50.<br />
Laugarrenik, kooperatibek hezkuntza eta sustapen kooperatiborako eta interes<br />
publikoko beste helburu batzuetarako nahitaez bideratzen dituzten zenbatekoak,<br />
legerian bertan adierazitako berariazko betekizunak beteta.<br />
Bosgarrenik, bazkideek sozietatearen kapitalari egindako nahitaezko edo borondatezko<br />
ekarpenen zioz sortutako interesak, ekarpen berezien interesak ere kontuan hartuta, eta<br />
kapitalean integraturik ez dauden prestazio eta finantzazioen interesak ere bai.<br />
Azkenik, kooperatibek kooperatiben arteko lankidetzarako erakundeei ematen<br />
dizkieten zenbatekoak, finantza-saneamendurako edo kooperatibak edo jarduera<br />
berriak sustatu eta garatzeko helburu dutenak.<br />
Hala ere, partida kengarriak neurriz kanpo hazi eta soberakin garbiak gehiegi apal<br />
daitezen saihesteko zenbait zehaztapen ere arautu dira. Alde batetik, xedatu da<br />
kooperatibak kudeatzeko ematen diren ondasunen zenbatekoak ezingo dituela<br />
merkatuko prezioak gainditu. Bestalde, debekatuta dago bazkide langileen eta lanbazkideen<br />
lan-aurrerakinen zenbatekoa dena delako eremuko ordainsari arruntak<br />
baino handiagoa izatea, jarduera-sektorea zein den.<br />
9.13. Soberakinak banatzea<br />
70. artikulua.– Soberakinak banatzea<br />
1.– Aurreko ekitaldietako galerak konpentsatzeko zenbatekoak eta eskatu daitezkeen<br />
zergak kendu ostean, soberakin baliagarri bilakatuko dira soberakin garbiak.<br />
2.– Urtero, honela bideratuko dira soberakinak:<br />
a) Ehuneko hogeita hamar, gutxienez, Nahitaezko Erreserba Funtserako eta<br />
kooperatiba-heziketa eta -sustapenerako eta interes publikoko beste helburu<br />
batzuetarako ekarpenerako. Portzentaje horretatik, gutxienez ehuneko hamar<br />
kooperatiba-heziketa eta -sustapenerako eta interes publikoko beste helburu<br />
batzuetarako ekarpenerako bideratuko da, eta ehuneko hogei, berriz, Nahitaezko<br />
Erreserba Funtserako.<br />
b) Gainerakoa, batzar orokorraren esku egongo da, zeinak honela banatu ahal<br />
izango duen: bazkideei itzuli, edo borondatezko erreserba-funtsetarako eman<br />
–funts banagarri edo banaezin bezala, estatutuek ezartzen dutenaren arabera<br />
edo, halakorik ez badago, batzar orokorrak erabakitzen duenaren arabera–,<br />
edo, hala badagokio, soldatapeko langileek parte hartzea kooperatibaren<br />
irabazietan, hargatik eragotzi gabe kontabilitate-gastutzat jotzea.<br />
3.– Nahitaezko Erreserba Funtsa sozietate-kapitalaren ehuneko berrogeita hamarrera<br />
heltzen ez den bitartean, erdiraino murriztu ahal izango da kooperatiba-heziketa<br />
eta-sustapenerako eta interes publikoko beste helburu batzuetarako ekarpenerako<br />
ezartzen den gutxieneko ekarpena.<br />
251
ARAUBIDE EKONOMIKOA<br />
4.– Bazkideei itzulkinak adjudikatzeko orduan, kontuan izango da zer eragiketa, zerbitzu<br />
edo jarduera egin duen bazkide bakoitzak kooperatibarekin, eta proportzio berean<br />
esleituko zaizkie.<br />
5.– Kooperatibaren estatutuetan, edo batzar orokorraren erabakiz, onartu eta zehaztu<br />
ahal izango da soldatapeko langileek eskubidea dutela soberakin erabilgarrietan<br />
parte hartzeko. Partaidetza horrek soldata-izaera izango du. Lan-arloan aplikatu<br />
behar den araudian halako osagarririk ezarrita badago, hura ordezkatuko du,<br />
osagarri hori baino handiagoa bada. Txikiagoa izanez gero, araudiak ezarritako<br />
osagarria aplikatuko da.<br />
9.13.1. Berrikuntza nagusiak aurreko araudiaren aldean<br />
EKLren 70. artikuluak, funtsean, aurreko Kooperatiben Legearen 67. artikuluaren edukia<br />
dakar, artikulatu berri osoan, hizkera inklusiboaren erabilerari egokitzeko egin diren aldaketei<br />
kalterik egin gabe.<br />
Hala ere, aldaketa txiki batzuk egin ditu, eta kontuan hartu behar dira. Alde batetik,<br />
sinplifikatzeko asmoz, lehen indarrean zegoen 67.2 artikuluaren a) eta b) atalak bateratu<br />
dira EKLren 70.2. artikuluaren a) atal berrian, hauxe ezarrita: urtero, eskuragarri dauden<br />
soberakin guztietatik, soberakin horien % 30 NEF eta KOIPH direlakoetara bideratu ahal<br />
izango dira batera, baina funts horiei modu bereizian esleitu ahal izango zaizkie, araudiak<br />
xedatzen dituen ehunekoen heinean, hau da, % 20 NEFera eta % 10 KOIPHra. Ildo<br />
beretik, EKLren 70.2.b) artikuluak lehen indarrean zegoen 1993ko Kooperatiben Legearen<br />
67.2.artikuluaren c) idatz-zatia laburtu du, eta NEF eta KOIPH funtsak zuzkitu ondotik,<br />
gainerako soberakinak zertan erabil daitezkeen jaso du segida batean; gainera, azken tartekia<br />
ere gehitu du, gerakinak soldatapeko langileen artean banatzeko aukera azpimarratzeko,<br />
gerakin horiek gastutzat hartuta kontabilitatearen ikuspegitik.<br />
9.13.2. Iruzkin orokorra eta esanahi praktikoa<br />
9.13.2.1. Soberakin garbiak: banatzeko irizpideak<br />
Erabilgarri dauden soberakinak zehazteko, beharrezkoa da, aldez aurretik, soberakin garbiak<br />
galerekin konpentsatzea eta zergak ordaintzea. Horrela, ekitaldian galerak daudenean, dirusarrerak<br />
gastuak baino txikiagoak direlako, estatutuetan araututako moduan konpentsatu eta<br />
egotzi beharko dira (EKLren 73. artikulua). Ildo horretan, EKLk ezarrita dauka erabilgarri<br />
dauden soberakinen kuantifikazioa aurreko ekitaldietako galerak konpentsatzeko erabiltzen<br />
diren kopuruak kendu eta ordaindu beharreko zergak ordaindu ondoren zehaztuko dela.<br />
Hartara, soberakin erabilgarriak bazkideen artean banatu ahal izango dira. Dena den,<br />
EKLren 70. artikuluak mugatu egiten du banaketa-askatasun hori, ezarri baitu, kooperatibak<br />
soberakin horiek banatzeko aukera izan baino lehen, onura horien ehuneko jakin bat funts<br />
espezifiko batzuetara bideratu beharko dela.<br />
252
ARAUBIDE EKONOMIKOA<br />
Gauzak horrela, EKLren 70.2 artikuluak dioenez, kooperatibak eskuragarri dituen<br />
soberakinetatik, gutxienez soberakin horien % 30 bideratu beharko da NEF eta KOIPH<br />
funtsetara, nahiz eta soberakinak bereizita bideratu ahalko diren. Zehazki, % 20 NEF<br />
funtsera eta % 10 KOIPHra. Dena den, NEF funtsa kapitalaren % 50era iristen ez bada,<br />
KOIPHren alde ezarritako gutxieneko zuzkidura erdira murriztu ahal izango da (EKLren<br />
70.31 artikulua). Kooperatibak, gutxienez, bere soberakinetatik funts horietara bideratu<br />
behar dituen ehunekoak dira, bazkideen artean banatu aurretik. Nolanahi ere den, NEF eta<br />
KOIPH funtsak sakon aztertzeko, EKLren 71. eta 72. artikuluei lotzen gatzaizkie.<br />
Zuzkidura egokiak nahitaezko bi funts horietara bideratu ondoren, geratzen den gainerakoa<br />
batzar orokorrak erabakitzen duenarekin bat banatu ahalko da, organo hori baita banaketa nola<br />
egin behar den zehazteko organo eskuduna. Hala eta guztiz ere, EKLren 70.2.b) artikuluak<br />
eskumen hori mugatu du, zenbait murrizketa ezarri baititu. Bada, gainerako zenbatekoa,<br />
NEF eta KOIPH funtsetara ehuneko egokiak bideratu ondoren, bazkideei banatu ahalko zaie,<br />
itzulkin gisa. Borondatezko erreserba-funtsak hornitzeko ere erabili ahal izango da, funts<br />
horiek banatzeko modukoak izanik ala ez, estatutuetan arautzen edo, halakorik ezean, batzar<br />
orokorrak horri buruz erabakitzen duenaren arabera. Eta, azkenik, soldatapeko langileei ere<br />
eslei dakieke, kontuan hartuta zenbatekoen kontabilitate-kudeaketan gastutzat hartuko dela.<br />
9.13.2.2. Itzulkina: araubidea eta irismena<br />
Itzulkina bazkideen artean banatzea adostu daitekeen emaitza eskuragarriaren zatia da.<br />
Azken batean, kooperatibak, nahitaezko funtsetara ehuneko jakin bat bideratu ondoren,<br />
bazkideei itzultzen dizkien irabazien zatia da.<br />
Itzulkinek bazkideek emaitzetan duten parte-hartze ekonomikoaren printzipioari<br />
erantzuten diote; izan ere, kooperatibak bere baliabideak arrakastaz kudeatzen eta bere<br />
jarduera abantailaz garatzen jakin izanaren emaitza dira, eta, horregatik, kudeaketa on horren<br />
emaitzaren zati bat kooperatibako bazkideengana bihurtzen da.<br />
Itzulkina ekitaldiko kontuak onartu ondoren banatuko da, eta bazkideei esleituko zaie<br />
kooperatibako bazkide bakoitzak kooperatibarekin egiten duen jardueraren, eragiketen edo<br />
zerbitzuen heinean (hots, jarduera kooperatibizatuaren arabera) (EKLren 70.4 artikulua).<br />
Beraz, banaketa ez da egingo bazkideek sozietatearen kapitalean duten partaidetzaren<br />
arabera, kapital-sozietateetan gertatzen den bezala. Hori kooperatiben izaera ez-kapitalistaren<br />
erakusgarri nabarmena da.<br />
Batzar orokorrak hala erabakiz gero, itzulkinak dirutan edo kapitalizazioan jaso ahal izango<br />
dira, batzarrak ebazten dituen baldintzetan. Horrela, aukera ematen da itzulkinen banaketak<br />
kooperatibentzako finantza-errefortzu gisa ere funtziona dezan, hura kapitalizatuz. Esan<br />
gabe doa oztoporik ez dagoela batzarrak itzulkinen monetizazio edo kapitalizazio partziala<br />
dakarten tarteko aukerak hartzeko.<br />
9.13.2.3. Soldatapeko langileen partaidetza<br />
EKLren 70.5 artikuluak aukera ematen dio kooperatibari, estatutuetan jasotzen bada edo,<br />
bestela, batzar orokorrak hala erabakiz gero, eskuragarri dauden soberakinetan soldatapeko<br />
253
ARAUBIDE EKONOMIKOA<br />
langileei parte hartzeko eskubidea aitortzeko. Horrelako etekinak soldatari atxikitzen zaizkio,<br />
EKLren 70.5 artikuluak dioen moduan, eta, hala badagokio, lan-araudian ezarritako antzeko<br />
osagarria ordeztuko du, osagarri hori baino txikiagoa denean izan ezik; kasu horretan, azkena<br />
aplikatuko da.<br />
9.14. Nahitaezko Erreserba Funtsa<br />
71. artikulua.– Nahitaezko Erreserba Funtsa<br />
1.– Kooperatiba finkatu, garatu eta bermatzeko da Nahitaezko Erreserba Funtsa, eta ezin<br />
da bazkideen artean banatu, lege honek espresuki aurreikusitako egoeretan izan ezik.<br />
2.– Honako diru kopuru hauek zuzendu beharko dira Nahitaezko Erreserba Funtsera:<br />
a) Soberakin baliagarrien portzentaje bat. Batzar orokorrak ezarriko du portzentaje<br />
hori, aurreko artikuluan ezarritakoaren arabera.<br />
b) Bazkideen bajaren kasuan, sozietatearen kapitalari nahitaez egin beharreko<br />
ekarpenen kenkariak.<br />
c) Sarrera-kuotak.<br />
9.14.1. Berrikuntza nagusiak aurreko araudiaren aldean<br />
EKLren 71. artikuluak, funtsean, aurreko Kooperatiben Legearen 68. artikuluaren edukia<br />
dakar, artikulatu berri osoan, hizkera inklusiboaren erabilerari egokitzeko egin diren aldaketei<br />
kalterik egin gabe. Hizkuntza-egokitzapen horretaz gain, aipatu behar dugu, Nahitaezko<br />
Sozietate Funtsa terminoaren ordez, Nahitaezko Erreserba Funtsa esapidea erabili dela,<br />
askoz ere espezifikoagoa baita.<br />
9.14.2. Iruzkin orokorra eta esanahi praktikoa<br />
9.14.2.1. Nahitaezko erreserba funtsa: esangura eta izaera banaezina<br />
Kooperatibek erreserba berezi batzuk eratuta dituzte, hau da, lege- eta estatutu-araubide<br />
zehatz baten arabera kudeatu eta hornitzen diren erreserba-funts batzuk.<br />
Nahitaezko Erreserba Funtsa (NEF) EKLren 71. artikuluan araututa dago eta<br />
kooperatibaren ondarea indartzeko funtzioa dauka. NEF, azken batean, kooperatiba sendotu,<br />
garatu eta bermatzeko baliatzen da (EKLren 71.1 artikulua). Funtsaren beraren ezaugarriek<br />
indartzen dute sendotze hori; izan ere, funtsa osatzen duten partidak ez dira inorenak, eta<br />
ez dira ordainketaren xede. Horregatik, NEF ezin da bazkideen artean banatu, ezta galerak<br />
konpentsatzea ez den beste xederik eman ere. Eta kooperatiba desegiten eta likidatzen bada,<br />
funtsaren gerakina kooperatibagintza sustatzen erabili beharko da.<br />
9.14.2.2. Funtsak NEFera bideratzea<br />
Lehenik eta behin, batzarrak ezarritako soberakinen ehunekoa bideratu beharko da,<br />
254
ARAUBIDE EKONOMIKOA<br />
nahitaez, NEFera, eta ehuneko horrek legez ezarritako gutxienekoak bete beharko ditu. Ildo<br />
horretan, kooperatibak NEF funtsari esleitzen dizkion soberakin erabilgarrien ehunekoa<br />
ezingo da izan soberakin horien % 20 baino txikiagoa, EKLren 70.2.a) artikuluak dioenari<br />
jarraiki. Bigarrenik, bazkideek baja emanez gero, sozietatearen kapitalari nahitaez egin<br />
beharreko ekarpenei lotutako kenkariak ere bideratu beharko dira. Eta azkenik, sarrerakuotak<br />
ere nahitaez sartu behar dira NEFen.<br />
Kooperatibaren administratzaileek enpresa-jarduera garatzeko beharrezkoak diren<br />
inbertsioak egiteko, ondasunak eskuratzeko edo zerbitzuak erabiltzeko baliatu beharko dute<br />
NEFen gordetako zenbatekoa.<br />
9.15. Kooperatiba-heziketa eta sustapenerako eta interes publikoko beste helburu<br />
batzuetarako ekarpena<br />
72. artikulua.– Kooperatiba-heziketa eta sustapenerako eta interes publikoko beste<br />
helburu batzuetarako ekarpena<br />
1.– Estatutuek edo batzar orokorrak finkatutako oinarrizko ildoak aplikatuz, interes<br />
publikoko helburu hauetakoren bat izango du soberakinei 70.2.a) artikuluan<br />
ezartzen zaien nahitaezko ekarpenak:<br />
a) Bazkideak eta langileak prestatzea eta heztea kooperatibismoaren eta kooperatibajardueren<br />
arloan eta lanpostuarekin lotuta ez dauden beste arlo batzuetan.<br />
b) Kooperatiben arteko harremanak sustatzea. Eremu horretan, gastu hauek ere<br />
estaliko dira: kooperatiba guztiak sustatu, lagundu eta zuzentzeko sortutako<br />
entitateetan parte hartzearren sortzen diren gastuak edo kooperatibek elkarri<br />
laguntzeko jarduerek sortzen dituztenak.<br />
c) Hezkuntza, kultura, lanbidea eta laguntza sustatzea eta kooperatibismoaren<br />
ezaugarriak zabaltzea kooperatibak lan egiten duen gizarte-inguruan eta<br />
gizartean oro har.<br />
d) Euskararen erabilera sustatzea.<br />
e) Kooperatiba-enpresa berriak sustatzea. Horretarako, diru-ekarpenak egingo<br />
zaizkie kooperatiben euskal mugimenduak sustatzen dituzten irabazteko asmorik<br />
gabeko entitateei.<br />
f) Bazkideei eta langileei formakuntza eta heziketa ematea, kooperatibeetan<br />
emakumeen eta gizonen berdintasuneranzko urratsak egiteko politika eraginkor<br />
bat sustatze aldera.<br />
2.– Aurreko apartatuan adierazten diren helburuetara bideratu ahal izango da<br />
nahitaezko ekarpen hori, diru-ekarpenak eginez irabazteko asmorik gabeko<br />
entitateei edo aurreko 1.b artikuluan adierazten diren lankidetza-entitateei.<br />
Bitartekaritza-entitate horiei diru-ekarpenak egiteko, beharrezkoa izango da<br />
adierazitako interes publiko horiek dituzten helburuetara zuzentzea ekarpenok;<br />
horretarako, bitartekaritza-entitateak berak egingo ditu jarduerak; bestela, beste<br />
pertsona fisiko edo juridiko batzuei zuzenduko dizkie jasotzen dituen baliabideak.<br />
255
ARAUBIDE EKONOMIKOA<br />
3.– Kooperatibak ezin du erabili ekarpen hori, salbu eta arestian aipatu diren interes<br />
publikoko helburuetara zuzentzeko; ekarpen hori, horrenbestez, enbargaezina da<br />
eta balantzearen pasiboan azaldu behar da.<br />
4.– Ekarpen horretarako aurreikusitako helburuetarako erabiliko dira kooperatibak<br />
bazkideei ezartzen dizkien zehapen ekonomikoak.<br />
5.– Kooperatibak berak adierazitako interes publikoko helburuetara zuzendu ez<br />
den ekarpen horren zenbatekoa irabazi-asmorik gabeko entitateei emango zaie,<br />
soberakinaren banaketa onetsi den ekitaldi ekonomikoaren hurrengo ekitaldian,<br />
entitate horiek erabil dezaten ekarpen horretarako erabaki diren interes publikoko<br />
helburuetan.<br />
9.15.1. Berrikuntza nagusiak aurreko araudiaren aldean<br />
EKLren 72. artikuluak, funtsean, aurreko Kooperatiben Legearen 69. artikuluaren edukia<br />
dakar, artikulatu berri osoan, hizkera inklusiboaren erabilerari egokitzeko egin diren aldaketei<br />
kalterik egin gabe. Hizkuntza-egokitzapen horretaz gain, aipatu behar dugu, Nahitaezko<br />
Sozietate Funtsa terminoaren ordez, Nahitaezko Erreserba Funtsa esapidea erabili dela,<br />
askoz ere espezifikoagoa baita. Berrikuntza bakar gisa, nabarmendu behar da beste atal<br />
bat gehitu zaiela kooperatiben hezkuntzarako eta sustapenerako ekarpenaren helburu izan<br />
daitezkeen interes publikoko helburuei (aurrerantzean, KOIPH), bazkideen eta langileen<br />
prestakuntza eta heziketa ere aintzat hartuta, kooperatiba-sozietateetan emakumeen eta<br />
gizonen berdintasunerako bidean aurrera egiteko politika eraginkorra sustatzeko helburuz<br />
(EKLren 72.1.f) artikulua).<br />
9.15.2. Iruzkin orokorra eta esanahi praktikoa<br />
9.15.2.1. Kooperatiba-heziketa eta sustapenerako ekarpena: kontzeptua eta helburu<br />
nagusiak<br />
KOIPHren helburua, NEF funtsarena ez bezala, heziketa- eta sustapen-jarduerak egitea<br />
da, baina ez, nahitaez, kooperatibako bazkideentzat soilik. Sozietate kooperatiboen gizarteerantzukizunaren<br />
zerbitzura dagoen tresna da, eta, beraz, kooperatiben sustapenaren eta<br />
interes publikoaren sustapenaren barruan txerta daitezkeen jardueretan baliatu beharko da,<br />
nahitaez.<br />
Beraz, funts horren bilakaerari erreparaturik, esan dezagun apurka-apurka interes<br />
orokorreko helburuak izan dituzten jardueretan erabili dela. Horrela adierazita dago<br />
KOIPHren helburuak jasotzen diren EKLren 72.1 artikuluan, hiru multzotan banatuta:<br />
a) Lehenik eta behin, KOIPH funtsa kooperatibismoari lotutako jardueretan balia daiteke:<br />
kooperatibismoari eta kooperatiba-jarduerei buruzko prestakuntza eta heziketa emateko<br />
bazkideei eta langileei; kooperatiben arteko harremanak sustatzeko, kooperatiben<br />
arteko laguntza-jarduerak sustatzeko beren-berengi sortutako erakundeetan parte<br />
hartzeagatiko gastuak ordaintzeko ere bai; heziketa, kultura, lanbidea eta laguntza<br />
sustatzeko jardueretan balia daiteke, bai eta kooperatibagintzaren ezugarriak<br />
256
ARAUBIDE EKONOMIKOA<br />
zabaltzeko ere kooperatibaren ingurune hurbilean eta, oro har, gizartean, eta enpresa<br />
kooperatibo berriak sustatzeko, euskal kooperatiba-mugimenduak sustatutako<br />
irabazi-asmorik gabeko erakunde bati diruzko ekarpenak emanda.<br />
b) Bigarrenik, KOIPH funtsa balia daiteke, kooperatiban bertan, lanpostuari zuzenean<br />
lotuta ez dauden gaiei buruzko prestakuntza-jarduerak egiteko; bazkideak eta<br />
langileak kooperatibaren jarduerari buruzko gaietan prestatu eta trebatzeko; bai<br />
eta bazkideak eta langileak prestatu eta heziketa emateko ere, kooperatibetan<br />
emakumeen eta gizonen berdintasunerantz aurrera egiteko politika eraginkorra<br />
sustatzeko helburuz.<br />
c) Eta, hirugarrenik, interes orokorreko jarduerak garatzeko erabil daiteke, hala<br />
nola euskararen erabilera sustatzeko jardueretan, tokiko ingurunea bultzatzeko<br />
jardueretan, bizi-kalitatea eta komunitatearen garapena hobetzeko jardueretan,<br />
ingurumena babesteko eta garapen jasangarrirako ekintzetan eta abarretan.<br />
Kooperatibak zuzenean egin ditzake jarduera horiek guztiak, edo zeharka, sozietate<br />
edo erakunde pribatuekin zein erakunde publikoekin lankidetzan arituz, kooperatibak<br />
diru-ekarpenak eginez KOIPHren kontura. Nolanahi ere, aipaturiko diru-ekarpenak<br />
emango badira, baliabide horiek lehen adierazitako interes publikoko helburuak<br />
dituzten jardueretan erabili beharko dira, KOIPH funtsa jasotzen duen erakundearen<br />
beraren bidez edo erakundearen eskutik baliabide horiek eskuratu dituzten beste<br />
pertsona batzuen bidez (EKLren 72.2.2 artikulua).<br />
KOIPH funtsa kooperatibak berak adierazitako interes publikoko helburuak betetzera<br />
bideratu ez bada, legez ezarritako araubidearen arabera, behar bezala erabili ez den<br />
funts hori irabazi-asmorik gabeko erakundeei eman beharko zaie, soberakinaren<br />
banaketa onartu eta hurrengo ekitaldi ekonomikoaren barruan, horrelako funtsei<br />
esleitutako interes publikoko helburuetara bidera dezaten (EKLren 72.5 artikulua).<br />
Nolanahi ere, ekitaldi jakin bateko emaitzen banaketaren ondotik sortutako KOIPH<br />
funtsa ekitaldi horretan eta hurrengo ekitaldian erabili beharko da. Hala, adibidez,<br />
2020ko ekitaldiko emaitzen bidez sortutako KOIPH, 2021eko batzar nagusiak<br />
onartutakoa, 2022ko ekitaldia amaitu baino lehen erabili beharko da.<br />
9.15.2.2. KOIPHren zuzkidura: izaera enbargaezina<br />
KOIPH, nagusiki, batzarrak edo estatutuek zehazten dituzten soberakin erabilgarrien<br />
ehunekoaren bidez hornitzen da, eta portzentaje horrek legez ezarritako gutxienekoak bete<br />
beharko ditu. Ildo horretan, kooperatibak KOIPHri esleitzen dizkion soberakinen ehunekoa<br />
ezingo da izan soberakin horien % 10 baino txikiagoa, EKLren 70.2.a) artikuluak dioen<br />
moduan. Baina, horrez gain, kooperatibak bazkideei ezartzen dizkien zigor ekonomikoez ere<br />
hornituko da (EKLren 72.4 artikulua).<br />
Beraz, KOIPH ez da kooperatibaren berezko baliabidea. Legeak araututako helburuetarako<br />
baino ezin du erabili funts hori. Estatutuek edo batzar orokorrak ahalmena dute KOIPHren<br />
irismena zehazteko, eta araututako legezko mugen barruan zertarako erabil ditzaketen<br />
finkatzeko, baina ez dute funtsa erabili ahal izateko gaitasunik. Horregatik, KOIPH<br />
enbargaezina da, eta balantzeko pasiboan agertu behar du (EKLren 70.3 artikulua).<br />
257
ARAUBIDE EKONOMIKOA<br />
9.16. Galerak egoztea<br />
73. artikulua.– Galerak egoztea<br />
1.– Estatutuek finkatu beharko dute zein diren galerak konpentsatzeko irizpideak.<br />
Irizpide horiek erregela hauek bete beharko dituzte beti:<br />
a) Borondatezko erreserba-funtsik badago, galera guztiak egotzi ahal izango<br />
zaizkie funts horiei.<br />
b) Nahitaezko Erreserba Funtsari egotziko zaio, gehienez ere, soberakin positiboak<br />
izandako azkenengo bost urteetan legez nahitaezko diren funtsetara bideratu<br />
diren diru kopuruen batezbestekoa, edo, kooperatiba bost urte horiek baino<br />
berriagoa bada, sortze-unetik beretik bideratutakoen batezbestekoa. Nolanahi<br />
ere, Nahitaezko Erreserba Funtsak kooperatibaren sozietate-kapitalaren<br />
ehuneko berrogeita hamarra gainditzen badu, galerak konpentsatzeko erabili<br />
ahal izango da portzentaje horretatik gorako zenbatekoa.<br />
c) Nahitaezko eta borondatezko funtsekin konpentsatzen ez den zenbatekoa<br />
bazkideei egotziko zaie. Zer eragiketa, zerbitzu edo jarduera egin duen bazkide<br />
bakoitzak kooperatibarekin, proportzio berean egotziko zaio zenbatekoa.<br />
Egindako zerbitzu edo eragiketa horiek bazkide bakoitzak gutxienez egin behar<br />
dituenak baino gutxiago badira, aipatutako galera horiek ere proportzionalki<br />
egotziko dira nahitaez egin beharreko gutxieneko jarduera kooperatibizatuaren<br />
arabera.<br />
2.– Bazkide bakoitzari egotzi beharreko galera horiek batzar orokorrak erabakitzen<br />
duenaren arabera kitatuko dira, era hauetakoren batean:<br />
a) Zuzenean edo bazkideak sozietate-kapitalari egiten dizkion ekarpenetatik<br />
kenduta, edo, hala badagokio, bazkideak kooperatiban egiten duen edozein<br />
finantza-inbertsiotatik kenduta, baldin eta inbertsio horrek egozpen hori<br />
onartzen badu; betiere, galera sortu eta hurrengo ekitaldiaren barruan.<br />
b) Bazkideak hurrengo bost urteetan izan ahal dituen itzulkinen kontura.<br />
Konpentsatu gabeko galerarik geratzen bada, urtebeteko epean, gutxienez ere,<br />
kitatu beharko ditu bazkideak.<br />
3.– Galerak kontu berezi bati egotzi ahal izango zaizkio, etorkizuneko irabazien kontura<br />
amortizatzeko. Bost urtekoa izango da, gehienez ere, galerak horrela amortizatzeko<br />
epea. Epe hori igaro eta galerarik geratzen bada konpentsatu barik, artikulu<br />
honetako 1. ataleko a), b) eta c) letretan ezarritakoaren arabera konpentsatuko dira;<br />
azken kasuan, urtebeteko epean, gehienez jota.<br />
4.– Aurreko zenbakietan adierazitako epe horiek guztiak igaro eta galerarik geratzen<br />
bada konpentsatu gabe, batzar orokorrak erabakitako ekarpen berriekin kitatu<br />
beharko dira, edo kooperatibako bazkide izaten jarraitzeko egin beharreko ekarpen<br />
berriekin, eta bazkideari baja emango zaio, baldin eta haren ekarpenak estatutuetan<br />
ezarritako gutxiengora heltzen ez badira eta ekarpen berririk egiten ez badu. Hori<br />
guztia gorabehera, kooperatibak konkurtsoa bultzatu beharko du, konkurtsolegearen<br />
arabera.<br />
258
ARAUBIDE EKONOMIKOA<br />
9.16.1. Berrikuntza nagusiak aurreko araudiaren aldean<br />
EKLren 73. artikuluak, funtsean, aurreko Kooperatiben Legearen 69. artikuluaren edukia<br />
dakar, artikulatu berri osoan, hizkera inklusiboaren erabilerari egokitzeko egin diren<br />
aldaketei kalterik egin gabe. Hala ere, edukiak sortzen zituen zalantza batzuk argitzeko<br />
asmoz, zenbait hobekuntza txertatu ditu, galerak egozteko araubidearen irismenari buruzko<br />
akats oro saihesteko.<br />
Lehenik eta behin, a) letraren idazketan egindako aldaketak dio galerak egozteko aukerek<br />
ez dakartela lehentasunik hurrenkeran, eta kooperatibak galerak ezarritako edozein partidari<br />
egotzi ahal izango dizkiola, estatutuetan edo batzar orokorrak erabakitzen dutenari jarraiki.<br />
Bigarrenik, azpimarratu behar da 1993ko Kooperatiben Legearen 69. artikuluaren 1. eta 2.<br />
atalak bateratu direla EKLren 73.1 artikuluan, galerak konpentsatzeko irizpideak zehazteko.<br />
Hala eta guztiz ere, EKLren 73.1 b) artikuluan, alde batetik, idatz-zati berri bat gehitu da eta,<br />
horren arabera, NEF funtsak kooperatibaren kapitalaren % 50 gainditzen badu, zenbateko<br />
horren soberakina galerak konpentsatzeko ere erabili ahal izango da. Eta, bestetik, EKLren<br />
73.1 c) artikuluan adierazten denez, egindako zerbitzuak edo eragiketak bazkide bakoitzak<br />
gutxienez egin behar dituenak baino txikiagoak badira, galeren egozpena nahitaezko<br />
gutxieneko jarduera kooperatibizatuaren neurrian egin beharko da.<br />
Hirugarrenik, EKLren 73.2 artikulu berriak, aurreko 69.2 c) artikulua aletzetik sortzen<br />
denak berariaz jaso du batzar orokorrak erabakiko duela galerak nola egotzi behar zaizkion<br />
bazkide bakoitzari.<br />
Laugarrenik, EKLren 69.1 artikuluaren azken tartekia EKLren 73.3 artikulu berrira ekarri<br />
da, eta galerak amortizatzeko kontu berezi batera egotzi ahal izateko aukerari eutsi zaio,<br />
etorkizuneko emaitza positiboen kargura, bost urteko epean; dena dela, idatz-zati berria<br />
gehitu zaio hauxe gehituta: epe hori igarotakoan galerak konpentsatu ez badira, orduan,<br />
EKLren 73.1 artikuluaren a), b) eta c) atalek galerak egozteko xedez arautzen duten prozedura<br />
orokorraren kontura ordaindu beharko dira, urtebeteko epean.<br />
Azkenik, esan beharra dago beste paragrafo bat gehitu dela, EKLren 73.4 artikulua, galerak<br />
egozteko sistema biribildu nahi duena. Hala, idatz-zati berriak xedatu duen sistema horren<br />
arabera, aurreko epeak agortuta, artean konpentsatu gabeko galerak geratzen badira, galera<br />
horiek batzar orokorrak erabakitako ekarpen berrien bidez edo bazkideak kooperatiban<br />
bertan bazkide-izaerari eusteko beharrezkoak liratekeen ekarpen berrien bidez ordainduko<br />
dira. Kasu horietan, bazkideak ekarpen berririk egiten ez badu eta estatutuetan ezarritako<br />
gutxienekoaren azpitik geratzen bada, baja eman beharko zaio. Ohar hori da, hain zuzen ere,<br />
59. artikuluak eta 66. artikuluak arautzen dutenarekin batera, argi eta garbi xedatzen duena<br />
bazkideen erantzukizuna mugatua dela; izan ere, bazkideak kapitalari egiten dion ekarpena<br />
estatutuetan ezarritako gutxienekotik behera murrizten bada, bazkideak gutxieneko horretara<br />
iristerainoko zenbatekoa jarri ahalko du, edo, bestela, baja hartuko du. Beraz, ekarpena<br />
estatutuetan jasotako gutxienekoraino birjartzeko betebeharrik ez izateak argiro erakusten<br />
digu, berriro ere, egotzitako galeren aurrean, bazkideek duten erantzukizuna kapitalari<br />
egindako ekarpenaren zenbatekora mugatuta dagoela.<br />
259
ARAUBIDE EKONOMIKOA<br />
9.16.2. Iruzkin orokorra eta esanahi praktikoa<br />
9.16.2.1. Galerak egoztea eta bazkideen erantzukizuna<br />
EKLren 73. artikuluak xedatzen duen galeren egozpenaren erregulazio berria ez dakar<br />
aldaketa esanguratsurik 1993ko Kooperatiben Legearen 69. artikuluak zekarrenaren aldean.<br />
Hala ere, agerikoa da legegileak ahaleginak egin dituela galerak egoztearen norainokoa<br />
argitzeko; izan ere, horren irismena oso eztabaidatua izan da, bazkideek kooperatibaren<br />
zorrengatik duten erantzukizun-mailari buruz sortutako zalantzak ikusita. Hala, araudi berrian,<br />
behin betiko argitu da bazkideek kooperatibaren zorrei erantzuten diétela kapitalari egindako<br />
ekarpenetara mugatuta (horren ildoan, ikus EKLren 59 artikuluaren inguruan egindako<br />
iruzkina), eta, beraz, bazkideen galeren egozpenaren irismena ildo beretik interpretatu behar<br />
da, agerian gera dadin egozpen horrek ezin dituela bazkideak behartu norberak erantzutera.<br />
Galerak egozteko sistema erakundearen balizko galerak kooperatiben araubide ekonomiko<br />
eta juridikoaren berezitasunaren eredura egokitzeko modua da, bazkideen erantzukizun<br />
mugatua zeharka aldatu gabe. Kooperatibetan, beste erakunde batzuetan bezala, galerak<br />
sozietatearen kapitalari egotz dakizkioke, hau da, bazkideen ekarpenei, baina, aldi<br />
berean, kontuan hartu behar da kooperatibaren araubide berezia sozietatearen funtsei eta<br />
bazkideek sozietatearen emaitzetan duten parte-hartzeari dagokienez, horiek ez baitaude<br />
kapital sozialean duten partaidetzari loturik, jarduera kooperatibizatuari baizik. Horregatik<br />
guztiagatik, bazkideei egotz dakizkiekeen galerak kapitalari egindako ekarpenei egozgarriak<br />
izango dira, betiere muga horrekin; nolanahi ere, kooperatibak legez eta estatutuen arabera<br />
eskatzen den gutxieneko kapitala izan beharko du, eta bazkideek kapitalari egindako<br />
gutxieneko ekarpenak izan beharko dituzte, izaera horri eutsi ahal izateko.<br />
Hala ere, kapitalari egiten dioten ekarpena estatutuetan ezarritako gutxienekotik behera<br />
murrizten denean, bazkideek zenbateko horretara berriro heltzeko ekarpena egingo dute hala<br />
nahi izanez gero, bazkide izaten jarraitu ahal izateko. Beraz, aukerakoa da, ez nahitaezko<br />
betebeharra. Dena dela, galeraren heina berriz jartzen ez bada, bazkideak baja hartuko du<br />
kooperatiban, baina ez du inolako erantzukizunik hartuko konpentsatu gabeko galeren<br />
gainean.<br />
Horrela, galeren egozpena eta sozietatearen zorren ziozko erantzukizuna bi araubide<br />
bereiziak dira, nahiz eta lotuta ere egon daitezkeen, baldin eta, galeren egozpena eta<br />
konpentsazioa dela-eta, bazkideek ekarpen berriak egin behar badituzte bazkide izaten<br />
jarraitzeko.<br />
9.16.2.2. Galeren egozpenaren araubidea: ezaugarri nagusiak<br />
Galeren egozpenaren araubideak, oro har, aurreko erregulazioari eutsi dio, eta araudian<br />
zenbait doikuntza egin baditu ere, argi dago galerak konpentsatzeko erabili beharreko partiden<br />
artean ez dagoela inolako lehentasunik. Gainera, NEF funtsaren erabilera malgutu du, eta, batez<br />
ere, agerian utzi du bazkideei galerak egozteak ezin diola eragin haien erantzukizun mugatuari.<br />
Azpimarratzekoa da EKLren 73.1 artikuluan jaso dela galerak konpentsatzeko irizpideak<br />
estatutuetan finkatu behar direla. Batzarrak, legeak ezarritako erregelak betez, hala<br />
dagokionean, estatutuetan ezarritako arauak betez, galerak egozteko modua zehaztu ahal<br />
izango du.<br />
260
ARAUBIDE EKONOMIKOA<br />
Jarraian, EKLren 73.1 artikuluak berak galerak konpentsatzeko irizpideak ezarri ditu.<br />
Arestian aipatu bezala, irizpideok estatutuetan arautu ahal izango dira, baina gutxieneko arau<br />
batzuk bete beharko dituzte:<br />
a) Horrela, ezarri da galera guztiak borondatezko erreserba-funtsei egotzi ahalko<br />
zaizkiela, halakoak badaude, eta hori guztiz zentzuzkoa da, kooperatibarentzat<br />
erabilera askekoak diren funts horiek balio baitezakete erakundearen zorrak bere<br />
baliabide ekonomikoen bitartez arintzeko.<br />
b) Halaber, galeren zenbatekoa NEF funtsari egotzi ahal zaizkio, halako eran non,<br />
soberakin positiboak izan diren azken bost urteotan funts horretara bideratu den<br />
batez besteko ehunekoa baino handiagoa ezin den izan, edo bestela, funtsa eratu<br />
zenetik, eratze-data bost urtekoa baino lehenagokoa ez bada. Hala ere, berrikuntza<br />
gisa, manuak onartu du NEF funtsaren zenbatekao kooperatibaren kapitalaren % 50<br />
gaindituz gero, ehuneko hori gainditzen duen zenbatekoa galerak konpentsatzeko<br />
ere erabili ahal izango dela. Horrela, NEF funtsaren araubidea malgutu egin da, eta,<br />
inguruabar jakin batzuetan, kooperatibaren galerei aurre egiteko erabili ahal izango<br />
da, betiere sozietatearen kapitalaren % 50 gainditzen badu.<br />
c) Azkenik, kontuan izan behar da nahitaezko eta borondatezko funtsak baliatuz<br />
konpentsatu ez diren galeren zenbatekoa bazkideei egotzi ahalko zaiela, bakoitzak<br />
kooperatibarekin egindako zerbitzuen eta jardueren neurrian. Hala ere, beste tarteki<br />
bat gehitu da, galeren egozpenaren irismena argitzeko helburuz, bazkideren batek<br />
egindako zerbitzu eta jardueren emaitza bazkideari dagokiona (bazkide izateagatik)<br />
baino txikiagoa bada. Hala, kasu horietan, galeren egozpena nahitaezko gutxieneko<br />
jarduera kooperatibizatuaren proportzioan egin beharko da.<br />
EKLren 73.2 artikuluak berariaz ezarrita dauka, galerak bazkideei egozteko, legez<br />
araututako moduren bat erabili ahal izango dela, batzar orokorrak erabakitakoaren arabera:<br />
a) Horrela, zuzenean ordaindu ahal izango dituzte, edo, bestela, bazkideak kapitalari<br />
egindako ekarpenei edo bestelako finantza-inbertsioei aplikatutako kenkarien bidez,<br />
egozpena egin den ekitaldiaren hurrengo ekitaldiaren barruan (EKLren 73.2.a)<br />
artikulua.<br />
b) Halaber, bazkideari hurrengo 5 urteetan legozkiokeen itzulkinen kontura ordaindu<br />
ahal izango dira. Nolanahi ere, konpentsatu gabeko galerak badaude, bazkideak<br />
ordaindu beharko ditu, gehienez ere, urtebeteko epean (EKLren 73.2 b) artikulua).<br />
c) Era berean, galerak kontu berezi batera egotzi ahal izango dira, geroko emaitza<br />
positiboen kargura amortizatzeko, gehienez ere, bost urteko epean.<br />
Galerak bost urteko epean konpentsatu ezin izan badira, EKLren 73.3. artikuluaren<br />
azken tartekiak ezartzen duenez, galera horiek ordaindu egin beharko dira EKLren 73.1 a)<br />
artikuluak ezarritakoari jarraiki, hau da, borondatezko erreserba-funtsak edo NEF funtsa<br />
baliatuz, EKLren 73.1 a) artikuluak dioenarekin bat etorriz edo, azkenik, bazkideek ordaindu<br />
beharko dituzte, bazkide bakoitzak egindako zerbitzu edo jardueren proportzioan (EKLren<br />
73.1 c) artikulua). Azken inguruabar horretan, bazkideek urtebeteko epea izango dute galerak<br />
ordaintzeko.<br />
261
ARAUBIDE EKONOMIKOA<br />
Esandako epeak igarotakoan, artean konpentsatu gabeko galerak badaude, batzarrak<br />
erabakitako ekarpen berrien bidez ordainduko dira edo kooperatibako bazkide-izaerari<br />
eusteko beharrezkoak diren ekarpen berrien bidez (EKLren 73.4 artikulua). Ildo horretan,<br />
bazkideak baja hartu beharko du bere ekarpenak estatutuetan ezarritako gutxienekotik behera<br />
geratzen direnean eta horiek berdintzeko ekarpen berririk egiten ez duenean.<br />
Azken azalpen hori bat dator EKLren 61.3 artikuluak dioenarekin. Artikulu horren arabera,<br />
galerak egozteagatik edo zehapen ekonomikoagatik, bazkideen kapitalari egindako ekarpena<br />
estatutuetan edo batzar orokorrean ondorio horietarako ezarritako gutxieneko zenbatekoaren<br />
azpitik geratzen bada, eragindako bazkideak zenbateko horretara iritsi arteko ekarpena<br />
egin beharko du bazkide izaten segitzeko. Ildo beretik, ekarpenen itzulketari dagokionez,<br />
EKLren 66.3. artikuluak dio baja hartzen duten bazkideei egotzi beharreko galerak kapitalari<br />
egindako ekarpenen mugarainokoak izango direla.<br />
262
10. DOKUMENTAZIO ETA KONTABILITATE SOZIALA* 1.<br />
10.1. Sarrera<br />
Kapitulu honetan, Euskadiko Kooperatiben Legearen (aurrerantzean, EKL) 74-77 artikuluen<br />
edukia aztertuko eta iruzkinduko dugu. Artikulu horiek bat datoz aurreko erregulazioaren 70-<br />
73 artikuluekin. Zehatzago esanda, honako hauek dira artikuluetan jasotako gaiak:<br />
• Kooperatibek izan behar dituzten sozietate- eta kontabilitate-liburuak, haien antolaerasistema<br />
(papera edo prozedura informatikoak edo elektronikoak), eta horiek Euskadiko<br />
Kooperatiben Erregistroan legeztatzeko edo gaitzeko betebeharra (EKLren 74.<br />
artikulua).<br />
• Kooperatiben urteko kontuak, eta, hala badagokio, kudeaketa-txostena eta informazio<br />
ez-finantzarioaren egoera, bai eta Euskadiko Kooperatiben Erregistroan gordailutzeko<br />
betebeharra ere (EKLren 75. artikulua).<br />
• Kooperatibarentzat kontu-ikuskaritza nahitaezkoa den kasuak, bai eta auditorea<br />
izendatzeko prozedura ere (EKLren 76. artikulua).<br />
• Legelari aholkularia eta haren eginkizunak, bateraezintasunak, kooperatibarekiko<br />
harreman-modalitateak eta erantzukizun-araubidea (EKLren 77. artikulua).<br />
EKLk gehitu dituen berrikuntzei dagokienez, labur-labur esanda, honako hauek aipa daitezke:<br />
• Kontularitza edo kontabilitateari dagokionez, oro har, kooperatiben berariazko<br />
erregulaziorik ezean, merkataritza-araudira joko da, ez merkataritza-kodera, 1993ko<br />
euskal erregulazioan egiten zen bezala.<br />
• Nahitaezko urteko kontuei dagokienez, ondare garbiaren aldaketen egoera-orriari eta<br />
diru-fluxuen aldaketen egoera orriari buruzko aipamenak gehitu dira, hala badagokio,<br />
gaur egun indarrean dagoen kontabilitate-araudira egokitzeko.<br />
• Informazio ez-finantzarioaren egoeraren inguruko aipamena ere ageri da, 2018an<br />
txertatu zena (11/2018 Legea, abenduaren 28koa), eta haren edukia eta nahitaezkotasuna<br />
merkataritza-araudiari lotu zaizkio. Gauza bera esan genezake kudeaketa-txostenari<br />
dagokionez, horren nahitaezkotasunari eta edukiari buruz ez baitu EKLk xedatzen, eta<br />
merkataritza-legeriara jotzen du.<br />
• Kooperatibaren kontabilitatearen erregulazioa honako hauei egokitu beharko zaie:<br />
kontabilitate-plan orokorrari, kooperatiba-sozietateen kontabilitate-arau espezifikoei,<br />
kontabilitate-plan orokorra garatzeko kontabilitateko eta kontu-auditoretzako<br />
institutuak onartutako nahitaez bete beharreko arauei, eta aplikagarri zaion gainerako<br />
kontabilitate-araudiari.<br />
* Marta Enciso Santocildes andreak, Deustuko Unibertsitateko Zuzenbide Fakultateko Irakasle titularrak<br />
egindako iruzkina.<br />
263
DOKUMENTAZIO ETA KONTABILITATE SOZIALA<br />
10.2. Dokumentazio soziala<br />
74. artikulua.– Dokumentazio soziala.<br />
1.– Kooperatibek antolatuta eta eguneratuta izan beharko dituzte liburu hauek:<br />
a) Bazkideen erregistroa.<br />
b) Sozietate-kapitalari egiten zaizkion ekarpenen erregistroa.<br />
c) Akta-liburua: batzar orokorrarena, artezkaritza-kontseiluarena eta, hala badagokio,<br />
zaintza-batzordearena, errekurtso-batzordearena eta prestatze-biltzarrena.<br />
d) Inbentario- eta balantze-liburua eta eguneko liburua.<br />
e) Lege-xedapenek eskatzen dituzten beste guztiak.<br />
2.– Liburuek eta kontu-erregistroek koadernatuta eta orrialdekatuta egon beharko dute.<br />
3.– Baliozkoak dira, halaber, nahitaezko liburuak egiteko prozedura informatiko edo<br />
elektronikoen bidez egiten diren idazpenak eta idatzoharrak.<br />
Liburu horiek, euskarri elektronikoan edo paperean eginak, Euskadiko Kooperatiben<br />
Erregistroak legeztatuko ditu, sei hilabeteko epean, ekitaldia ixten denetik aurrera<br />
kontaturik.<br />
1.c apartatuan adierazten diren liburuak legeztatzen ez diren bitartean, akten kopia<br />
erkatua bidali beharko zaio Euskadiko Kooperatiben Erregistroari, hilabeteko epean,<br />
akta horiek onartu zirenetik aurrera kontaturik.<br />
10.2.1. Berrikuntza nagusiak aurreko araudiaren aldean<br />
Artikulu honek ez du inolako aldaketarik izan 1993ko legeriaren 70. Artikuluaren aldean.<br />
Izan ere, aurreko manuan bai txertatu ziren berrikuntza garrantzitsuak, esate baterako, liburuak<br />
legeztatzea eta gaitzea Euskadiko Kooperatiben Erregistroan, ez kooperatibak egoitza duen<br />
epaitegian.<br />
10.2.2. Iruzkin orokorra eta esanahi praktikoa<br />
Lehenik eta behin, artikuluan oinarrituta zehaztu ditzakegu kooperatiba guztientzat<br />
nahitaezkoak diren liburuak, sozietate kooperatiboaren mota, neurria edo tamaina edozein dela<br />
ere. Honako hauek dira:<br />
• Bazkideen erregistro-liburua<br />
• Sozietatearen kapitalari egindako ekarpenen erregistro-liburua<br />
• Batzar orokorraren akta-liburua<br />
• Kontabilitate-betebeharrak betetzeko, kooperatibek bi liburu izan beharko dituzte:<br />
inbentarioak eta balantzeak, batetik, eta eguneroko liburua, bestetik. Betebehar hori<br />
berdina da enpresa guztientzat, haien izaera juridikoa, jarduera ekonomikoa eta<br />
lurralde-eremua edozein izanik ere.<br />
Bigarrenik, kooperatiba-araudiak beste organo batzuen derrigortasuna ezarri du,<br />
kooperatibaren tamainaren arabera, adibidez, artezkaritza-kontseiluarena (EKLren 43.1<br />
artikulua), edo zaintza-batzordearena (EKLren 53. artikulua). Era berean, arauak ahalmena<br />
264
DOKUMENTAZIO ETA KONTABILITATE SOZIALA<br />
eman die kooperatibei beste organo batzuk eratzeari buruz erabakitzeko, hala nola errekurtsobatzordea<br />
(EKLren 58 artikulua) edo prestatze-biltzarrak (EKLren 40. artikulua). Organo<br />
horiek egonez gero, nahitaezkoa izango da horietako bakoitzaren akta-liburua izatea.<br />
Kooperatibetako bazkideek informazio-eskubidea aitortuta daukate, eta, sozietatearen liburuei<br />
dagokienez, kooperatibako bazkideen erregistro-liburua eta batzar orokorraren akta-liburua<br />
aztertzeko eskubidea dute (EKLren 24.2 b) artikulua). Beste alde batetik, zaintza-batzordeari<br />
kooperatibako liburuak berrikusteko ahalmena aitortu zaio (EKLren 56.1 b) artikulua.<br />
EKLren 74. artikuluaren 2. eta 3. paragrafoetan, kooperatiben kontabilitate-liburuak eta<br />
-erregistroak nola jaso daitezkeen adierazita dago, eta, artikuluak dioenez, koadernatuta<br />
zenbakituta doazenak zein nahitaezko liburu horiek osatzeko prozedura informatiko edo<br />
elektronikoen bidez egindakoak onartuko dira.<br />
Era berean, liburu guztiak legeztatzeko betebeharra ezarri da, bai eta kontabilitate-erregistroak<br />
legeztatzekoa ere, euskarri elektronikoan edo paperean. Betebehar horrek kooperatiba guztiei<br />
eragiten die, enpresaren mota eta tamaina edozein izanik ere, baina kasuan-kasuan aldatzen<br />
dira nahitaezkoak diren liburuak. Artikulu horrek legeztatzeaz diharduenean, ulertu behar<br />
da legeztatzea zentzu hertsian jasota dagoela, bai eta liburu zuriak gaitzea ere, Euskadiko<br />
Kooperatiben Erregistroaren Erregelamenduak (EKEE) ezartzen duen bezala.<br />
Euskadiko Kooperatiben Erregistroak legeztatuko ditu liburuak, EKLren 17 b) artikuluak<br />
dioen legez, ez merkataritza-erregistroak, ekitaldia ixten denetik sei hilabeteko epearen<br />
barruan. Manu horretan, badago aldea merkataritza-araudi orokorrak ezarritakoarekin, azkenak<br />
4 hilabeteko epea ezartzen baitu (merkataritza-erregistroaren erregelamenduaren 333.2<br />
artikulua).<br />
Era berean, kooperatibako organoen akta-liburuak legeztatu arte, dagozkion akten kopia<br />
ziurtatua bidali beharko da Euskadiko Kooperatiben Erregistrora, bi hilabeteko epean, onartzen<br />
direnetik zenbatzen hasita.<br />
Liburuak legeztatzeko eta gaitzeko prozedura Kooperatiben Erregistroaren Erregelamenduan<br />
jasota dago, baina arau hori aldatu egingo da, EKLren 4. xedapen gehigarriak xedatu duen<br />
moduan. Aldaketak berariaz arautuko du erregistro-espedienteen izapidetze elektronikoa, eta<br />
erraztu egingo du erregistratzeko prozedura.<br />
10.3. Kontabilitatea<br />
75. artikulua.– Kontabilitatea<br />
1.– Kooperatibek kontabilitate ordenatua eraman behar dute, nork bere jarduerari<br />
egokitua merkataritza-legeriaren arabera, salbu eta espezifikoki erregulatzen bada<br />
haientzat; kontabilitate horrek, bestalde, errespetatu behar ditu kooperatibaren<br />
araubide ekonomikoaren berezitasunak.<br />
2.– Ekitaldia ixtean, administratzaileek kooperatibaren urteko kontuak formulatu beharko<br />
dituzte, hiru hilabeteko epean, gehienez ere, sozietatearen ekitaldia ixten denetik<br />
aurrera kontaturik eta bat etorrita aplikagarri zaion informazio finantzarioari buruzko<br />
araudi-esparruarekin. Kontuetan, jaso beharko dituzte balantzea, irabazi-galeren<br />
265
DOKUMENTAZIO ETA KONTABILITATE SOZIALA<br />
kontua, memoria eta, hala badagokio, ondare garbian izandako aldaketen egoera eta<br />
efektibo-fluxuen egoera.<br />
Administratzaileek kudeaketa-txostena ere aurkeztuko dute ekitaldiko kontuekin batera,<br />
merkataritza-legeriari jarraituz, eta, hala dagokionean, informazio ez-finantzarioaren<br />
egoera kudeaketa-txostenaren barruan edo beste txosten batean jasota.<br />
3.– Administratzaileek urteko kontuak aurkeztu beharko dituzte Euskadiko Kooperatiben<br />
Erregistroan gordailutzeko, hilabeteko epean, kontuak onartzen direnetik aurrera<br />
kontaturik. Behar izanez gero, kudeaketa-txostena eta kontu-auditoreena ere<br />
aurkeztu beharko dituzte. Administratzaile guztiek sinatu beharko dituzte urteko<br />
kontu horiek eta kudeaketa-txostena; baten baten sinadura falta bada, espresuki<br />
adieraziko da zergatik.<br />
10.3.1. Sarrera<br />
Atal honetan, berrikuntza garrantzitsuak txertatu dira, hurrengo atalean garatuko ditugunak.<br />
Lehen indarrean zegoen Euskadiko Kooperatiben 1993ko araudiaz geroztik, bilakaera<br />
esanguratsua izan da kontabilitate-legeriari dagokionez, bai nazioartean, bai estatuan. Izan<br />
ere, 2002an, Europar Batasunak berariazko erregelamendu bat onartu zuen: 1606/2002 EE<br />
erregelamendua, uztailaren 19koa, Nazioarteko Kontabilitate Arauak (NKA) eta Finantza<br />
Informazioari buruzko Nazioarteko Arauak (FINA) onartzen dituena. Araudi horrek zuzeneko<br />
eraginkortasuna du estatu kide guztietan, transposiziorik egin beharrik gabe. 2005eko<br />
urtarrilaren 1etik aurrera hasitako finantza-ekitaldietan aplikatzen hasi zen, eta edozein estatu<br />
kidetako merkatu arautu batean kotizatzen duten baloreak dituzten enpresa-taldeei eragiten<br />
die. Erkidegoko araudi horren helburua da sozietate horiek emandako finantza-informazioa<br />
harmonizatzea, bai eta finantza-egoeren gardentasun- eta konparagarritasun-maila handia<br />
bermatzea ere.<br />
Kontabilitate-eredu berri horrek funtsezko berrikuntzak ekarri zituen, eta, horren ondorioz,<br />
estatu kideetako barne-kontabilitateko araudia ere aldatu behar izan zen, enpresa txiki eta<br />
ertainei aplikatzeko, kotizatzen ez duten edo, kotizatuz gero, enpresa-talderik osatzen ez<br />
duten erakundeei aplikatzeko. Espainian, 2007an bi kontabilitate-plan onartu ziren: bata,<br />
orokorra (1514/2007 Errege Dekretua, azaroaren 16koa) eta, bestea, enpresa txiki eta ertainena<br />
eta mikroenpresentzako arau zehatzak zekartzana (1515/2007 Errege Dekretua, azaroaren<br />
16koa), 1990eko kontabilitate-plana ordeztekoak. Erreforma horren bidez, kontabilitatearen<br />
arloko merkataritza-legeria egokitu egin zen, nazioartean harmonizatzeko helburuz, Europar<br />
Batasuneko araudian oinarrituta. Plan horiek nahitaez aplikatu behar zaizkie enpresa guztiei,<br />
haien eite juridikoa, banakoa edo sozietate-izaera edozein dela ere, zenbait espezialitateri<br />
kalterik egin gabe, hala nola finantza-erakundeei.<br />
Era berean, Ekonomia eta Ogasun Ministerioa gaitu zen, kontabilitatearen eta kontuauditoretzen<br />
institutuak proposatuta, kontabilitate-plan orokorraren egokitzapenak onartzeko.<br />
Hala, kasu batzuetan, egokitzapen sektorialak egin dira, subjektuaren jarduera ekonomikoaren<br />
ezaugarriak eta izaera kontuan hartuta. Beste kasu batzuetan, kontabilitate-subjektuaren kausaz<br />
egin behar izan da egokitzapena, subjektuaren izaera juridiko berezia kontuan hartuta. Azken<br />
kasu hori kooperatiben kasua izango litzateke.<br />
266
DOKUMENTAZIO ETA KONTABILITATE SOZIALA<br />
2010ean, kooperatiba-sozietateen kontabilitate-alderdiei buruzko arauak onartu ziren<br />
(EHA/3360/2010 Agindua, abenduaren 21ekoa), 2003ko aurreko araudia (ECO/3614/2003<br />
Agindua) ordeztu zuena. 2010eko aginduak (aurrerantzean, KSKP), kooperatiba-enpresei<br />
aplika dakizkiekeen kontabilitate-alderdiak edo berezitasunak jasotzen ditu, 2007ko bi errege<br />
dekretuetan (KPO eta KPO ETEak) jasotako kontabilitateko araudi orokorra osatu eta egokitzen<br />
dituela.<br />
Kooperatiben kontabilitate-alderdiei buruzko arauek 13 manu eta bi eranskin dituzte, eta<br />
urteko kontuen ereduak (eredu arrunta eta eredu laburtua) erantsi dira.<br />
2003ko kontabilitate-sistema kooperatiboak, 2010ekoarekin alderatuta, jaso dituen<br />
berrikuntzei dagokienez, alde batetik, esan behar da aukera ematen diela kooperatiba-sozietateei<br />
kontabilitate-arau batzuk eskura izan ditzaten, finantza-informazioa ematen jarraitzeko<br />
kontabilitate-plan orokorraren eta enpresa txiki eta ertainen kontabilitate-plan orokorraren<br />
esparruan. Beraz, bat dator Europar Batasunak finantza-informazioari buruz onartutako barnearauekin,<br />
baina 2003. urtean onartutako araudi bereziaren zati handi bat alde batera utzi gabe,<br />
kasu batzuetan berrikuspen formal hutsak besterik ez baitzaizkio egin.<br />
Bestalde, 2009ko abenduaren 31ra arte ezarritako epe iragankorra igarotzea ahalbidetu<br />
du, funts propioen (eskatu ezin direnak) eta besteren funtsen (epe luzera eska daitezkeenak<br />
eta pasibotzat jotzen direnak) arteko mugaketari dagokionez. Hala, erraztu ziren autonomiaerkidegoetan<br />
legegintza-mailan egin beharreko aldaketak, kooperatibetako bazkideen<br />
ekarpenen galdagarritasunik ezaren ingurukoak, artean, EAEko, Nafarroako eta Estatuko<br />
legerian besterik ez baitzeuden jasota. Era berean, nahikoa denbora eman zen kooperatiben<br />
estatutuetan aldaketak egiteko.<br />
10.3.2. Berrikuntza nagusiak aurreko araudiaren aldean<br />
Artikuluaren lehen atalean aipatzen da kontularitza ordenatua eta egokia izan behar dela<br />
kooperatibaren jarduera aintzat hartuta, enpresa guztiei eskatzen zaien bezala (Merkataritza<br />
Kodearen 25.1 zenbakia, aurrerantzean MK). 1993ko testuarekin alderatuta, berritasun gisa,<br />
testuak merkataritza-legeriara eta kooperatiben berariazko legeriara igortzen du, merkataritzakodera<br />
soilik jo beharrean. Horren arrazoia hauxe da: aurreko atalean azaldu ditugun<br />
merkataritza-kontabilitatean gertatu diren aldaketa garrantzitsuak. Aipamen horren ondorio<br />
praktikoa xehetasunez azalduko dugu hurrengo atalean.<br />
Bigarren atala urteko kontuen formulazioari buruzkoa da, administratzaileen betebeharra<br />
izanik, enpresa guztietan gertatzen den bezala, bai eta 3 hilabeteko formulazio-epea ere, sistema<br />
osoan berdina dena (Kapital Sozietateen Legearen 253.1 artikulua, aurrerantzean, KSL).<br />
Halaber, prestatu beharreko urteko kontuak adierazi dira, hau da, balantzea, galera-irabazien<br />
kontua, memoria (enpresa txiki eta ertainentzat eta mikroenpresentzat); eta gainerako<br />
enpresentzat, gainera, ondare garbiaren aldaketen egoera-orria eta diru-fluxuen egoera-orria.<br />
Era berean, merkataritza-araudiak hala ezartzen badu, kudeaketa-txostena egingo da, eta,<br />
hala badagokio, informazio ez-finantzarioaren egoera-orria, dela kudeaketa-txostenean, dela<br />
txosten bereizi batean.<br />
267
DOKUMENTAZIO ETA KONTABILITATE SOZIALA<br />
Xedapen horiek berriak dira 93ko legeriarekin alderatuta, eta merkataritza-araudiaren<br />
gainerakoarekin (254. artikulua eta hurrengoak eta KSLren 262. artikulua), kontabilitateplan<br />
orokorrekin eta kooperatiben kontabilitate-arau espezifikoekiko koherentzia bilatzea<br />
du helburu. Ez da beharrezkotzat jo KSLren 262. artikuluan xedaturik dauden kudeaketatxostenaren<br />
edukiak zehaztea, ezta finantza-arlokoa ez den informazioaren egoera-orria ere.<br />
Artikulu honen hirugarren paragrafoak, urteko kontuen eta beste dokumentu batzuen<br />
gordailuari buruzkoak, ez du 1993ko arauaren edukia ezertan aldatzen.<br />
10.3.3. Iruzkin orokorra eta esanahi praktikoa<br />
10.3.3.1. 75. artikuluaren 1. atalari buruzko iruzkinak<br />
Kooperatiben kontabilitateari aplika dakiokeen araudiari dagokionez, merkataritzako<br />
legeriari eta kooperatibentzako berariazko araudiari lotu behar gatzaizkie. Ikuspegi praktikotik,<br />
kooperatibek honako arau hauek aplikatu behar dituzte kontabilitatea kudeatzeaz denaz<br />
bezainbatean:<br />
• 2010eko aginduan (KSKP) jasotako berariazkoak, kooperatiba-sozietateen kontabilitatearauak<br />
jasotzen dituena eta horientzat nahitaezkoa dena.<br />
• KSKPk berariaz aldatzen ez duen guztiari dagokionez, kontabilitate-planak aplikatuko<br />
dira, hau da, plan orokorra (1514/2007 ED), zein, hala badagokio, ETEentzako plan<br />
orokorra (1515/2007 ED).<br />
• Kontabilitatearen eta Kontu Auditoretzen Institutuak kontabilitate-plan orokorrak<br />
garatzeko xedez onartu dituen arauak, nahitaez bete beharrekoak (aurrerantzean,<br />
KKPPOO).<br />
• Hala badagokio, direnak direlako jarduera ekonomikoei lotutako plan sektorialak.<br />
• Kreditu-kooperatiben eta aseguru-kooperatiben kasuan, mota horretako erakundeentzat<br />
ezarritako kontabilitate-araudi espezifikoa aplikatu behar dute, eta, beraz, horietan<br />
berariaz arautzen ez den guztian soilik aplikatuko zaie KSKP.<br />
• KSKPk kreditu-saila duten kooperatibentzat ezartzen duenez, sail horri dagokionez,<br />
autonomia-erkidegoek KPO garatzeko onartzen duten berariazko araudia aplikatu<br />
beharko dute. Euskadin ez da erregulazio hori egin, eta, beraz, kooperatibentzako<br />
kontabilitate-arau espezifikoak aplikatuko dira.<br />
• Kooperatiba batean sailak badaude, kontabilitate bereizia izan beharko dute,<br />
kooperatibari doakion kontabilitate orokorra alde batera utzi gabe (EKLren 6.1<br />
artikulua). Era berean, estatutuetan behar diren kontabilizazio bereiziko irizpideak jaso<br />
ahalko direla ezarri da (6.2 d) artikulua). KSKPk sail bakoitzari buruzko informazioa<br />
bereizita eman ahal izateko arauak jasotzen ditu, bai eta aktiboen bereizketa, ondare<br />
garbiaren eta pasiboaren bereizketa eta galera-irabazien kontua atalka islatzen duten<br />
ohiko ereduak eta laburtuak ere (hamahirugarren araua, 4 B paragrafoa).<br />
• Kooperatiben batasunen, federazioen eta konfederazioei gagozkiela, kontabilitateari<br />
eta kontu-auditoretzari buruzko lege orokorrean ezarritakoa aplikatuko da (EKLren<br />
164.7 artikulua).<br />
268
DOKUMENTAZIO ETA KONTABILITATE SOZIALA<br />
EKLren 75. artikuluaren lehen paragrafoa, 1993ko araudian gertatu legez, honela amaitzen<br />
da: “bestalde, errespetatu behar ditu kooperatibaren araubide ekonomikoaren berezitasunak”.<br />
Gai hori kooperatibei aplika dakizkiekeen kontabilitate-arauetan (KSKP) jaso da, hain zuzen,<br />
funtsezko alderdietan, hala nola ekarpenetan edo nahitaezko funtsetan, emaitzen zehaztapenean<br />
eta banaketa edo bazkideekiko harremanetan, besteak beste. Hona hemen, labur-labur:<br />
• Bazkideek kooperatibari egiten dizkioten ekarpenak (bigarren araua) funts bereki<br />
edo propio, finantza-tresna konposatu edo pasibo gisa kalifikatu daitezke, itzulgarriak<br />
diren ala ez, eta ekarpenen ordainsaria nahitaezkoa den ala ez kontuan hartuta.<br />
Bereizketa horrek desberdintasunak dakartza kasu bakoitzean egozten diren kontuei,<br />
haien kontabilitate-balioztapenari eta urteko kontuen errubriketan duten kalifikazioari<br />
dagokienez.<br />
• Bazkideek kooperatibari egindako ekarpenen ordainsaria (bigarren araua)<br />
kontabilitatean jaso daiteke, edo, bestela, emaitzaren banaketatzat hartu, ekarpenak<br />
funts propio gisa kalifikatu badira, edo gastu gisa kalifikatu badira, azkenak nahitaezko<br />
izaera badu.<br />
• Nahitaezko erreserba-funtsa (laugarren araua) legezko erreserba bat da, eta kooperatiba<br />
finkatzea, bermatzea eta garatzea du helburu. Euskadiko araudiaren kasuan, banaezina<br />
da (EKLren 71 artikulua); beraz, kontabilitateko funts propiotzat jo behar da.<br />
• Kooperatiben eta interes publikoko beste helburu batzuen hezkuntza-, prestakuntzaeta<br />
sustapen-funtsa (seigarren araua) kooperatibetan nahitaez eratu behar diren<br />
zenbatekoei lotzen zaie, bazkideei, langileei eta, hala badagokio, komunitateari, oro<br />
har, onurak ekartzen dizkieten jarduera jakin batzuetan aplika daitezen (EKLren 72.<br />
artikulua). Kontabilitatean, funts horren zuzkidura gastua da kooperatibarentzat,<br />
eta funtsa pasibotzat, korrontetzat edo ez-korrontetzat joko da, mugaegunaren<br />
arabera (urtebete baino gehiago edo gutxiago). Pasiboaren barruan, “hornidurak eta<br />
kontingentziak” epigrafearen barruan jasotzen da.<br />
• Emaitza zehaztean (zazpigarren araua), KPOn edo ETEen KPOn jasotako printzipio<br />
eta nahitaezko arauak aplikatzea xedatu da, zortzigarren arautik hamargarrenera<br />
bitartean jasotako arau espezifikoei kalterik egin gabe.<br />
• Kooperatibako ekarpenez bestelakoak diren bazkideekiko harremanak ere badira<br />
agindu honen xede, euren izaera espezifikoagatik. Hala, bazkideei eskuratutako<br />
ondasun gisa kontabilizatu behar direla adierazi da (zortzigarren araua), bazkideei<br />
eskuratutako lan-zerbitzu gisa (bederatzigarren araua) edo bazkideekiko eragiketen<br />
ziozko diru-sarrera gisa (hamargarren araua).<br />
• Emaitzen banaketak (hamaikagarren araua) ezartzen duenez, kooperatibak jarduerasail<br />
bat baino gehiago darabilenean, emaitzaren banaketa eta galeren egozpena bereizita<br />
egingo dira horietako bakoitzarentzat, betiere legeak horretarako aukera ematen badu<br />
eta sozietatearen estatutuek hala galdatzen badute.<br />
10.3.3.2. 75. artikuluaren 2. atalari buruzko iruzkinak<br />
Kooperatibek urteko kontuak prestatzeari dagokionez, KSKPren hamahirugarren arauak<br />
kooperatiben berezitasunak eta erabili beharreko ereduak jasotzen ditu (KSKPren I. eta<br />
269
DOKUMENTAZIO ETA KONTABILITATE SOZIALA<br />
II. eranskinak). Agindu honen arabera berariazkoa ez den guztian, KKPPOO direlakoak<br />
aplikatuko dira.<br />
Ikuspuntu praktikotik, kooperatibak honako egoera hauetakoren batean egon daitezke:<br />
• ETEen KPOri lotzaen zaizkion enpresek hiru kontu egin behar dituzte urtean: balantzea,<br />
galera-irabazien kontua eta memoria. ETEtzat hartzeko ezarritako baldintzak,<br />
1515/2007 EDren 2. artikuluan jasotakoak, betetzen dituzten kooperatibek aplikatu<br />
ahal izango dute plan hori; bestela, mikroenpresentzako arau espezifikoak, esandako<br />
erregelamenduaren 4. artikuluak jasotako eskakizunak betetzen badituzte. Beste<br />
alde batetik, erregelamenduaren 2.2 artikuluak ezartzen ditu aplikazio-salbuespenak.<br />
Kooperatiba horiek bete beharreko eredu zehatzak KSKPn ageri dira, hain zuzen<br />
ere, planak laburtutzat hartzen dituenak, eranskinak berak adierazitako salbuespenak<br />
aintzat hartuta: (^) enpresa txiki eta ertainentzat, eta (^^) mikroenpresentzat.<br />
• Haien borondatez edo, bestela, ETEtzat hartzeko baldintzak betetzen ez dituztelako<br />
kontabilitate-plan orokorrari lotzen zaizkion kooperatibek bost kontu prestatu behar<br />
dituzte urtean: balantzea, galera-irabazien kontua, memoria (ETEak balira bezala)<br />
eta, gainera, ondare garbiaren aldaketen egoera-orria eta diru-fluxuen egoera-orria.<br />
KSKPren I. eranskinean jasotako eredu arruntak erabiliko dituzte horretarako.<br />
• Gerta daiteke KPOri lotutako kooperatibek eredu laburtuak erabili ahal izatea. Eredu<br />
horiek baliatu ahal izateko betekizunak KPOren hirugarren zatian (“urteko kontuak<br />
egiteko arauak”), 4. arauan (“urteko kontu laburtuak”) jasota daude, eta ereduak<br />
KSKPren II. eranskinean ageri dira.<br />
EKLren 75.2 artikuluak jasotzen duenez, halaber, derrigorrezkoa da urteko kontuekin batera<br />
kudeaketa-txostena aurkeztea, merkataritza-legeriari jarraiki, eta, hala badagokio, informazio<br />
ez-finantzarioaren egoera-orria ere bai, dela kudeaketa-txostenaren barruan, dela txosten<br />
bereizi batean.<br />
Kooperatiba bat kudeaketa-txostena egitera behartuta dagoen jakiteko, KSLren 262. artikulura<br />
jo behar dugu. Artikulu horren hirugarren atalean jasota dago ez daudela horretara behartuta<br />
balantze eta ondare garbiaren aldaketen egoera-orri laburtuak aurkezten dituzten sozietateak.<br />
Enpresa txiki eta ertainen KPOri lotzen zaizkion kooperatibek ere ez dute kudeaketa-txostenik<br />
egin behar.<br />
Edukiari dagokionez, esan behar da KSLren 262 artikuluaren 1, 2 eta 4. ataletan zehazten dela:<br />
• Negozioen bilakaera eta sozietatearen egoera, aurre egin beharreko arrisku eta<br />
ziurgabetasun nagusien deskribapenarekin batera.<br />
• Ekitaldi-itxieraren ondoren, sozietatearentzat izandako gertaera garrantzitsuak,<br />
aurreikus daitekeen sozietatearen bilakaera, ikerketa- eta garapen-arloko jarduerak eta,<br />
lege honetan ezarritako moduan, akzio propioen eskuratzeak.<br />
• Sozietateak finantza-tresnak erabiltzen dituenean, eta bere aktiboak, pasiboak,<br />
finantza-egoera eta emaitzak baloratzeko garrantzitsuak direnean, sozietatearen<br />
finantza-arriskua kudeatzeko helburuak eta politikak ere aurkeztu behar dira, bai eta<br />
sozietateak izan ditzakeen arriskuak ere: prezio-arriskua, kreditu-arriskua, likideziaarriskua<br />
eta eskudiruaren fluxuaren arriskua.<br />
270
DOKUMENTAZIO ETA KONTABILITATE SOZIALA<br />
Informazio ez-finantzarioaren egoerari dagokionez, baldintza hauetakoren bat betetzen duten<br />
enpresek egin behar dute (KSLren 262.5 artikulua):<br />
• Ekitaldian, batez beste, 500 langile baino gehiago izatea.<br />
• Interes publikoko erakundeak izatea, kontu-auditoretzaren legeriaren arabera (Kontu<br />
Auditoretzaren Legearen 3.5 artikulua, aurrerantzean, KAL).<br />
• Elkarren segidako bi ekitalditan zehar, ekitaldi bakoitzaren itxiera-datan, gutxienez,<br />
honako baldintza hauetako bi betetzea (34/2013 Zuzentarauarekin bat etorriz):<br />
− Aktiboaren partiden guztizkoa 20.000.000 eurotik gorakoa izatea.<br />
− Urteko negozio-zifraren zenbateko garbia 40.000.000 eurotik gorakoa izatea.<br />
− Ekitaldian enplegatutako langileen batez besteko kopurua berrehun eta berrogeita<br />
hamarretik gorakoa izatea.<br />
Informazio ez-finantzarioaren egoerari dagokionez, baldintza hauetakoren bat betetzen duten<br />
enpresek egin behar dute (KSLren 262.5 artikulua):<br />
• Ekitaldian batez beste 500 langile baino gehiago izatea.<br />
• Interes publikoko erakundetzat hartzea, kontu-auditoretzaren legeriaren arabera<br />
(Kontu Auditoretzaren Legearen 3.5 artikulua, aurrerantzean, KAL).<br />
• Elkarren segidako bi ekitalditan zehar, ekitaldi bakoitzaren itxiera-datan, gutxienez<br />
honako baldintza hauetako bi betetzea (34/2013 Zuzentarauarekin bat etorriz):<br />
• Betebehar hori bertan behera geratuko da, baldin eta ondoz ondoko bi ekitalditan<br />
arestian ezarritako baldintzaren bat betetzeari uzten badiote.<br />
Sozietatea sortu eta lehenengo bi ekitaldietan, informazio ez-finantzarioaren egoera-orria<br />
egin beharko du sozietateak, baldin eta lehenengo ekitaldia ixtean, gutxienez, hirugarren<br />
inguruabarrean aipatutako hiru egoeretatik bi betetzen badira; betiere, ekitaldia ixtean, gainera,<br />
lehen paragrafoan xedatutako baldintza betetzen bada, hau da, batez beste, 500 langiletik<br />
gorako kopurua badu.<br />
Txosten horren edukiari dagokionez, KSLren 262.5 artikuluak MKren 49. artikulura igortzen<br />
du eta azkena abenduaren 28ko 11/2018 Legeak aldatu zuen. Erreforma horrek Europako<br />
zuzentarauen transposizioa egiten du, enpresen atarramentua eta horrek gizartean duen eragina<br />
neurtzen, gainbegiratzen eta kudeatzen laguntzeko, bai eta jasangarritasuna neurtzeko ere, epe<br />
luzeko errentagarritasuna gizarte-justiziarekin eta ingurumenaren babesarekin uztartuz. Nahiz<br />
eta Merkataritza Kodearen 49. artikuluak kontu bateratuen informazio ez-finantzarioaren<br />
egoera-orriaren edukiak aipatzen dituen, KSLk hala adierazita, eduki bera eska dakieke egoeraorri<br />
hori idaztera behartuta dauden banako sozietateei.<br />
MKren 49. Artikuluaren 6. atalak xehe-xehe jasotzen du dokumentu horren edukia. Oro har,<br />
enpresaren bilakaera, emaitzak eta egoera ulertzeko behar beste informazioa jaso behar duela<br />
ezartzen da, bai eta enpresaren jarduerak honako arlo hauetan duen eragina ere:<br />
• Ingurumen-alderdiak, hala nola kutsadura, ekonomia zirkular, hondakinen prebentzio<br />
eta kudeaketa, baliabideen erabilera jasangarri, klima-aldaketa edo biodibertsitateari<br />
buruzkoak.<br />
• Sozietateari eta langileei buruzko gaiak, emakumeen eta gizonen arteko tratueta<br />
aukera-berdintasunaren printzipioa eta diskriminaziorik eza garatzeko nahiz<br />
271
DOKUMENTAZIO ETA KONTABILITATE SOZIALA<br />
desgaitasuna duten pertsonen inklusioa eta irisgarritasun unibertsala bultzatzeko hartu<br />
diren neurriak barne.<br />
• Giza eskubideen errespetua, behar bezalako arreta-prozedurak, giza eskubideak<br />
urratzen dituzten arriskuak prebenitzeko prozedurak eta, hala badagokio, egindako<br />
abusuak arintzeko, kudeatzeko eta konpontzeko neurriak aplikatuz, besteak beste.<br />
• Ustelkeriaren eta eroskeriaren aurkako borroka: ustelkeria eta eroskeria prebenitzeko<br />
hartutako neurriak; kapitalen zuriketaren aurka borrokatzeko neurriak, fundazioei eta<br />
irabazi-asmorik gabeko erakundeei egindako ekarpenak.<br />
• Sozietateak berak jasangarritasunarekin duen konpromisoaz denaz bezainbatean,<br />
hornitzaileak eta azpikontratak, kontsumitzaileak edo informazio fiskala herrialdeka.<br />
Atal horietako bakoitzaren eduki zehatzak Merkataritza Kodearen 49. artikuluan bertan<br />
zehaztuta daude, bana-banaka. Era berean, adierazten da behartutako enpresek lehendik dauden<br />
esparruetan oinarritu behar dutela, hala nola EMAS (ingurumen-kudeaketa eta -auditoretzako<br />
sistema), GJH (garapen jasangarrirako helburuak) edo GRI (global reporting iniciative)<br />
esparruetan, horietako gutxi batzuk aipatzearren.<br />
Bestalde, enpresak atal horretan araututako gairen batean politikarik aplikatzen ez badu,<br />
informazio ez-finantzarioaren egoera-orriak horri buruzko azalpen argia eta arrazoitua<br />
emango du.<br />
Informazio ez-finantzarioaren egoera-orriaren edukiaren publizitateari dagokionez, jendearen<br />
eskura jarriko da, doan, eta erraz eskuratzeko moduan egongo da sozietatearen webgunean,<br />
finantza-urtea amaitu eta hurrengo sei hilabeteen barruan, eta bost urterako (MKren 49.9<br />
artikulua).<br />
Azkenik, gogorarazi behar da kooperatibetako bazkideek informazio-eskubidea aitortuta<br />
dutela, eta, kooperatibaren kontabilitateari, emaitzei eta egoera ekonomikoari dagokienez,<br />
honako alderdi hauetan zehazten dela, labur-zurrean esanda (EKLren 24. artikuluaren 3-6<br />
atalak):<br />
• Edozein bazkidek eska dezake idatziz kooperatibaren funtzionamenduari edo emaitzei<br />
buruzko informazioa.<br />
• Kontabilitateko dokumentazioa eskuragarri jarri behar da, batzar orokorrean, gaizerrendan<br />
jasotakoari jarraiki, ekitaldiko kontuei edo zeinahi proposamen ekonomikori<br />
buruz eztabaidatu behar denean. Halaber, bazkideek idatziz eskatu ahal izango dituzte,<br />
batzarra egin baino bost egun lehenago, gutxienez, dokumentazio ekonomikoari<br />
buruzko azalpenak eta argibideak, batzarraren ekitaldian erantzun daitezen.<br />
• Gutxienez, boto sozial guztien ehuneko hamar ordezkatzen duten bazkideek<br />
beharrezkotzat jotzen duten informazioa eskatu ahal izango dute, idatziz, une oro.<br />
• Administratzaileek kooperatibaren aldagai sozioekonomiko nagusien berri eman<br />
beharko diete bazkideei edo haiek ordezkatzen dituzten organoei, gutxienez hiru hilean<br />
behin eta egokitzat jotzen duten modua erabiliz.<br />
10.3.3.3. 75. artikuluaren 3. atalari buruzko iruzkinak<br />
Azkenik, EKLren 75. artikuluaren hirugarren atalean, urteko kontuen gordailua aipatzen da:<br />
272
DOKUMENTAZIO ETA KONTABILITATE SOZIALA<br />
• Euskadiko Kooperatiben Erregistroan egingo da.<br />
• Epea hilabetekoa izango da onartzen denetik, eta enpresei oro har aplikatzen zaien<br />
berbera izango da.<br />
• Urteko kontuak, auditoretza-txostena eta kudeaketa-txostena gordailutu behar dira.<br />
Artikuluak aipatzen ez badu ere, informazio ez-finantzarioaren egoera-orria barneratuta<br />
dagoela ulertu behar da, KSLren 279.1 artikuluarekin bat etorriz, kudeaketa-txostenetik<br />
bereiz egin bada.<br />
• Administratzaile guztiek sinatu behar dituzte urteko kontuak, eta sinaduretako bat falta<br />
bada, horren arrazoia adierazi behar da. Oro har, enpresei eskatzen zaien baldintza<br />
berdina da.<br />
EKLren 17. artikuluak, Euskadiko Kooperatiben Erregistroaren funtzioez diharduenak, c)<br />
atalean adierazten du bere eginkizuna dela aurkeztutako dokumentuak legeak eskatutakoak<br />
direnetz kalifikatzea, batzar orokorrak behar bezala onartuta dauden eta nahitaezko sinadurak<br />
dauden ala ez egiaztatzea.<br />
Urteko kontuak gordailutzeko prozedura zehatzak Euskadiko Kooperatiben Erregistroaren<br />
erregelamenduan jasota dago, eta, arestian aipatu bezala, bertan ezarri da araudi berria egingo<br />
dela, EKLk txertaturiko berrikuntzetara egokitzeko (EKLren 4. xedapen gehigarria).<br />
10.4. Kontu-auditoretza<br />
76. artikulua.– Kontu-auditoretza.<br />
1.– Kooperatibek kanpo-auditoretza baten mende jarriko dituzte, Kontu Auditoretzari<br />
buruzko Legean eta lege hori garatzen duten arauetan ezarritako baldintzetan,<br />
kooperatiben urteko kontuak eta ekitaldiko kudeaketa-txostena honako egoeraren bat<br />
gertatzen denean:<br />
a) Gainditzen direnean erregelamenduz finkatutako mugak, honako hauei<br />
dagozkienak gutxienez: negozio kopurua, balantzearen araberako aktiboaren<br />
zenbateko osoa eta enpleguen batez besteko kopurua, aipaturiko legearen edo<br />
hura garatzeko arauen aplikazioaren ondoriozkoak.<br />
b) Hala eskatzen duenean batzar orokorraren deialdia egiteko eskatzen den<br />
gutxieneko bazkide kopuru berak, betiere hori eskatzen dutenek aurre egiten<br />
badiete auditoretzak dakartzan gastuei, hargatik eragotzi gabe gastuon<br />
zenbatekoak itzultzea funtseko akatsik edo irregulartasunik antzematen bada<br />
kontabilitatean.<br />
c) Estatutuek xedatzen dutenean, edo hala erabakitzen duenean batzar orokorrak<br />
edo artezkaritza-kontseiluak edo zaintza-batzordeak.<br />
2.– Batzar orokorrak izendatuko ditu kontu-auditoreak. Nolanahi ere, batzar orokorrak<br />
egokiro izendatzen ez baditu edo izendatutako pertsonek ezin badituzte beren funtzioak<br />
bete, administratzaileek izendatu ahalko dituzte auditoreak, eta horren berri emango<br />
diote batzar orokorrari hark egiten duen lehenengo bilkuran.<br />
273
DOKUMENTAZIO ETA KONTABILITATE SOZIALA<br />
10.4.1. Sarrera<br />
Kontu-auditoretzari buruzko erregulazioa Kontu-auditoretzari buruzko uztailaren 20ko<br />
22/2015 Legean (KAL) dago jasota, 2010. urtekoa ordeztu duenekoan. Lege horrek 2014ko<br />
2014/56/EB Zuzentarauak txertatutako aldaketetara egokitu zuen Espainiako barne-legeria,<br />
aurreko erregulaziotik ekonomia- eta finantza-testuinguruan izandako eraldaketaren eta, batez<br />
ere, aurreko urteetako finantza-krisiaren ondoren.<br />
Kontu-auditoretzaren jarduerak dimentsio publikoa du; izan ere, zerbitzu bat emateaz eta<br />
berrikusitako erakundeari eragiteaz gain, hirugarrenentzat ere garrantzitsua da, ikuskatutako<br />
informazio ekonomiko eta finantzarioaren kalitatea ezagutzea ahalbidetzen baitu. Arauaren<br />
helburua da, alde batetik, auditoreek beren jardueran duten gardentasuna, independentzia eta<br />
objektibotasuna indartzea, eta, bestetik, auditoretza-merkatua dinamizatzea eta irekitzea. Neurri<br />
horiekin guztiekin batera, apirilaren 16ko 537/2014 (EB) Erregelamenduan gehitu direnak<br />
ditugu, honako hauen ingurukoak, hain zuzen: baterako auditoretzak egiteko pizgarriak, tamaina<br />
txikiagoko erakundeek nahitaezko lizitazio-prozesu publiko eta aldizkakoetan parte hartzea,<br />
auditorearen hautaketa sinplifikatuz arautzen direnak, eta kanpo-errotazioaren betebeharra.<br />
10.4.2. Berrikuntza nagusiak aurreko araudiaren aldean<br />
Artikulu honetan, kooperatiba baten urteko kontuak eta kudeaketa-txostena kanpoauditoretzaren<br />
mende jartzea zein kasutan den nahitaezkoa jasotzen da. Lehenengo atalak<br />
idazkera aldatu du, baina ez edukia; izan ere, unean-unean indarrean dagoen arauari lotzen zaio,<br />
1993ko legeak egin bezala, nahiz eta ikuskatzea derrigorrezkoa den ala ez erabakitzeko oro har<br />
aplikatzen diren irizpideak zehazten dituen. Irizpide horiek hiru dira: negozio-zifra (negozioen<br />
urteko bolumenaren zenbateko garbia, kontabilitateko merkataritza-nomenklaturaren arabera),<br />
aktibo osoa balantzearen arabera, eta batez besteko enplegu-kopurua. Irizpide horiek erabiltzen<br />
dira, besteak beste, enpresa batek aplikatu beharreko kontabilitate-plana (orokorra edo ETEena)<br />
zehazteko, edo urteko kontuetan eredu ohikoak edo laburtuak erabili behar dituen zehazteko.<br />
Bazkideen gutxiengo batek auditoria egiteko eskatuz gero, berrikuntza bat dakar, eskatzaileek<br />
auditoriaren ziozko kostuak ordain ditzatela eskatzen baitu. Kontabilitatean funtsezko akatsak<br />
edo irregulartasunak antzemanez gero, dirua itzultzeko aukera ere aitortzen du. Auditoretza<br />
eskatzeko behar diren pertsonen gutxieneko kopurua ez da aldatu aurreko araudiarekin<br />
alderatuta.<br />
Hirugarren kasuak ez du aldaketarik 1993ko arauaren aldean. Idatz-zati horretan, estatutuetan<br />
ikuskaritza bat egiteko derrigortasuna ezarrita egoteko aukera aipatzen da, bai eta batzar<br />
orokorrak, kontseilu errektoreak edo zaintza-batzordeak erabakitzeko aukera ere.<br />
Bigarren atalak, auditoreen izendapenari buruzkoak, ez dakar inolako berritasunik aurreko<br />
erregulazioarekin alderatuta.<br />
10.4.3. Iruzkin orokorra eta esanahi praktikoa<br />
EKLren 76. artikuluak, lehenengo paragrafoan, kooperatiben urteko kontuak eta kudeaketatxostena<br />
kanpo-auditoretzari lotzeko betebeharra jasotzen du, honako kasu hauetan:<br />
1.- Legez ezarritako mugak, KSLren 263.2 artikuluak ezarritakoak, oro har, gainditzen<br />
direnean. Salbuetsita dago ondoz ondoko bi ekitalditan zehar, ekitaldi bakoitzaren<br />
274
DOKUMENTAZIO ETA KONTABILITATE SOZIALA<br />
itxiera-datan, hurrengo inguruabarretatik gutxienez bi betetzen dituzten sozietateei<br />
auditoretza egiteko betebeharra:<br />
a) Aktiboaren partiden guztizkoa bi milioi zortziehun eta berrogeita hamar mila<br />
eurotik gorakoa ez izatea.<br />
b) Negozioen urteko zifraren zenbateko garbia bost milioi zazpiehun mila eurotik<br />
gorakoa ez izatea.<br />
c) Ekitaldian zehar enplegatutako langileen batez besteko kopurua berrogeita<br />
hamarretik gorakoa ez izatea.<br />
2.- Batzar orokorrerako deialdia eskatzeko adina bazkide dituen gutxiengo batek eskatzen<br />
duenean. Gutxieneko hori boto guztien ehuneko hogeikoa izango da, gutxienez<br />
(EKLren 35.3 artikulua). Berritasun horrek adierazten du eskatzaileek nahitaez<br />
ordaindu behar dutela auditoria horretatik sortutako kostua. Arauak kostu horren<br />
itzulketa ere jasotzen du, egindako auditoretzaren ondorioz, kontabilitatean funtsezko<br />
akatsak edo irregulartasunak antzematen badira.<br />
3.- Kooperatiba batek bere borondatez ezar dezake auditoria, nahiz eta legeak ezarritako<br />
mugak gainditu ez. Estatutuetan bertan ezar daiteke aukera hori, edo batzar nagusiak,<br />
artezkaritza-kontseiluak edo, halakorik balego, zaintza-batzordeak erabaki dezakete.<br />
Kooperatiba batek zaintza-batzordea badu, EKLk eginkizun garrantzitsua aitortzen du<br />
kontuak berrikusteari dagokionez:<br />
• Kooperatiba finantza-egoerak kontu-ikuskaritza bati lotzera behartuta ez badago,<br />
organo horrek nahitaezko txosten bat egin beharko du urteko kontuei buruz, bai<br />
eta soberakinak banatzeko edo galerak egozteko proposamenari buruz ere, batzar<br />
orokorrean aurkeztu aurretik (EKLren 56.1 artikulua).<br />
• Kooperatibak bere finantza-egoerak ikuskatu behar baditu, kideek komenigarritzat<br />
jotzen badute, zaintza-batzordeak kontabilitate-euskarriak aztertu ahal izango ditu<br />
eta, hala badagokio, horiei buruzko txostena egin ahalko du. Aurreko kasuan ez<br />
bezala, txostena ez da loteslea izango kooperatibaren urteko kontu ikuskatuak<br />
onartzeko. Zaintza-batzordeak soberakinak banatzeko edo galerak egozteko<br />
proposamenari buruzko txostena ere egin dezake. Kasu horietan, zaintzabatzordeak<br />
administratzaileei jakinarazi beharko die kooperatibaren urteko<br />
kontuei eta soberakinak banatzeko edo galerak egozteko proposamenari buruzko<br />
txosten ez-loteslea aurkezteko asmoa duela, bazkideek aztertu ahal izan dezaten<br />
ohiko batzar orokorraren deialdia argitaratzen den unean bertan (EKLren 56.2<br />
artikulua).<br />
Kooperatibak urteko kontuak kanpo-auditoria bati lotzen badizkio, dela legez hala ezartzen<br />
delako, dela bere garapen-arauek hala ezartzen dutelako, administratzaileen erabakiz, legelari<br />
aholkulari bat izendatu beharko dute ( EKLren 77.1 artikulua).<br />
Era berean, kontu-auditoretzaren arloko kasu espezifikoak ageri dira arauaren barruan:<br />
• Kooperatibaren barruan sailak badaude, kreditukoak edo bestelakoak, kontuauditoretza<br />
eskatuko da horiekin kontratatzen dutenen alde (EKLren 6.6 artikulua).<br />
• Etxebizitza-kooperatibek urteko kontuak ikuskatu beharko dituzte ohiko batzar<br />
orokorrean aurkeztu aurretik, batzarrak aztertu eta onar ditzan. Legezko betebehar<br />
275
DOKUMENTAZIO ETA KONTABILITATE SOZIALA<br />
horrek indarrean iraungo du, harik eta etxebizitza edo lokalak bazkideei esleitu edo<br />
laga arte (EKLren 121.1 artikulua).<br />
• Kooperatiba-sozietate txikientzat (EKLren 137. artikulua eta hurrengoak), auditoretza<br />
nahitaezkoa izango da araudiaren arabera, baina, horrez gain, bere kontuak ere<br />
ikuskatu beharko ditu, batzar orokorrak hala erabakitzen duenean, bertaratutako eta<br />
ordezkatutako bazkideen gehiengoz, edo bazkide batek eskatzen duen guztietan.<br />
Azken kasu horretan, auditoriaren zioz sortutako gastuak estatutu-erregulazioaren<br />
arabera ordainduko dira, EKLren 76.1.b) artikuluak ezarritakoari jarraiki.<br />
• Kooperatiben batasunek, federazioek eta konfederazioek kontabilitateari eta kontuauditoretzari<br />
buruzko EKLren xedapenak bete beharko dituzte (EKLren 164.7<br />
artikulua).<br />
• EKLren 165. artikuluak Euskadiko Kooperatiben Goren Kontseilua (CSCE/EKGK)<br />
aipatzen du, eta 6. atalean adierazten du kanpo-auditoretzari lotuko zaizkiola<br />
erakundeak onartzen dituen urteko kontuak, eta kontu horiek aplikagarri zaion<br />
finantza-informazioko arau-esparruaren arabera formulatuko direla.<br />
Ikuskatu beharreko dokumentazioari dagokionez, honako agiri hauek ikuskatuko dira:<br />
• Urteko kontuak.<br />
• Kudeaketa-txostena.<br />
• Informazio ez-finantzarioaren egoera-orriaren kasuan, egin dela eta kudeaketatxostenean<br />
jasota dagoela egiaztatu behar du, edo, hala badagokio, txosten bereiziari<br />
dagokion aipamena txertatu dela egiaztatu. Hala ez bada, auditoretza-txostenean<br />
adieraziko du. (KALren 35.2.a) artikulua).<br />
Auditoreen izendapenari dagokionez, arauak honako kasu hauek ezartzen ditu (EKLren 76.2<br />
artikulua):<br />
• Eskuarki, batzar orokorrak izendatuko ditu.<br />
• Batzar orokorrak izendapena behar bezala egin ez badu edo izendatutako pertsonek<br />
beren eginkizunak bete ezin badituzte, administratzaileek egin ahalko dute izendapen<br />
hori, eta horren berri emango diote egiten den lehenengo batzar orokorrari.<br />
10.5. Legelari aholkularia<br />
77. artikulua.– Legelari aholkularia.<br />
1.– Baldin eta, Kontu Auditoretzari buruzko Legeak xedatutakoa edo haren garapenarauak<br />
betetzeko, kooperatibek beren urteko kontuen kanpoko auditoretza egin<br />
behar badute, kooperatibek, administratzaileek erabakita, legelari aholkulari bat<br />
izendatu beharko dute.<br />
2.– Legelari aholkulariak irizpen bat eman eta sinatuko du, non adieraziko baitu ea<br />
zuzenbidearen araberakoak diren ala ez batzar orokorrak edo artekaritza-kontseiluak<br />
hartutako erabakiak, Euskadiko Kooperatiben Erregistroan inskribatzekoak direnak.<br />
Erabaki horien ziurtagirietan, jasota geratuko da akta-liburuan azaltzen direla<br />
legelari aholkulariaren irizpenaz emandako erabaki horiek.<br />
276
DOKUMENTAZIO ETA KONTABILITATE SOZIALA<br />
3.– Zabarkeria profesionalik izanez gero, legelari aholkulariak arlo zibiletik erantzun<br />
beharko du kooperatibaren aurrean, haren bazkideen aurrean eta hirugarren ezbazkideen<br />
aurrean.<br />
4.– Legelari aholkularia ezin daiteke izan, bateraezinak baitira haien funtzioak, ez<br />
zuzendari kudeatzaile, ez administratzaile, ez errekurtso-batzordeko kide, ezta<br />
zaintza-batzordeko kide ere.<br />
5.– Kooperatibaren eta legelari aholkulariaren arteko harremana izan daiteke zerbitzuerrentamendukoa<br />
(langile profesional gisa, lan-kontratupekoa) edo sozietateharremana<br />
(kooperatibako bazkide langile gisa edo lan-bazkide gisa).<br />
Abokaturik izanez gero, zerbitzu hori kooperatiben batasunek edo federazioek<br />
eta beste kooperatiba batzuek eman ahal izango dute, eta abokatuek izango dute<br />
irizpena exekutatzeko erantzukizun profesionala. Abokatu horien eta aipaturiko<br />
entitateen arteko harremanak ez badira profesional liberal gisa emandako zerbitzuerrentamendukoak,<br />
entitate horiek arlo zibiletik erantzungo dute, abokatuarekin<br />
batera, legelari aholkulari kargua egikaritzean kooperatibari sortutako kalteengatik.<br />
10.5.1. Berrikuntza nagusiak aurreko araudiaren aldean<br />
Artikulu honek ez du aldaketarik izan 1993ko araudiaren aldean. Azken horretan gehitu zen<br />
lehen aldiz legelari aholkularia, kooperatibaren barruko irregulartasun juridikoak saihesteko<br />
helburuz.<br />
Nolanahi ere, legelari aholkulariaren erregulazioa berria da etxebizitza-kooperatiben kasuan,<br />
horietan, eginkizun handiagoak baitituzte (EKLren 117. artikulutik 122.era). Egoera hori ez<br />
da gertatzen arauan jasotako beste kooperatiba batzuei dagokienez. Legelari aholkulariaren<br />
aldeko irizpena behar da, oro har jasotakoaz gain, jarduera-multzo jakin bat bideratzeko,<br />
iruzkin honetako etxebizitza-kooperatibei buruzko kapituluan zehazten den bezala. Ekinbide<br />
horren bidez, etxebizitza-kooperatibetan parte-hartze eraginkorra eta kudeaketa demokratikoa<br />
bermatzeko helburua lortu nahi da, funtsezko eragiketa juridiko-ekonomikoei buruzko irizpena<br />
behar baitute.<br />
10.5.2. Iruzkin orokorra eta esanahi praktikoa<br />
Legelari aholkularia nahitaezkoa da kooperatibek urteko kontuak kanpo-auditoretzaren<br />
mende jarri behar badituzte, merkataritza-araudiaren arabera. Betebehar hori, 10.4.3 atalean<br />
adierazi den bezala, KSLren 263.2 artikuluak legez ezarritako mugak gainditzen direnean<br />
gertatzen da.<br />
Legelari aholkularia izendatzea nahitaezkoa bada, kooperatibako administratzaileek<br />
erabakiko dute kargu hori nork betetzen duen.<br />
Dena dela, eginkizun hori (4. atala) bateraezina da kooperatibaren barruko honako zeregin<br />
hauekin:<br />
• Zuzendari kudeatzailea.<br />
• Administratzailea.<br />
277
DOKUMENTAZIO ETA KONTABILITATE SOZIALA<br />
• Errekurtsoen batzordeko kidea.<br />
• Zaintza-batzordeko kidea.<br />
Legelari aholkulariaren eta kooperatibaren arteko harremana hainbat modutan antola daiteke<br />
(5. atala):<br />
• Profesional liberal gisa, zerbitzuak kontratatuta.<br />
• Lan-kontratu bidez (besteren kontura).<br />
• Bazkide langile gisa (lan elkartuko kooperatibetan) edo lan-bazkide gisa (gainerako<br />
kooperatiba-motetan) onartuta.<br />
Kooperatiben batasunek edo federazioek, bai eta beste kooperatiba batzuek ere, zerbitzu hori<br />
eman ahal izango dute abokatuak badituzte, eta haiei egokituko zaie irizpenaren betearazpena<br />
eta irizpenaren erantzukizun profesionala (5. atala).<br />
Legelari aholkulariaren eginkizunei dagokienez, bigarren atalak adierazten duenez, legelariak<br />
ebatzi eta sinatu beharko ditu batzar nagusiak edo artezkaritza-kontseiluak hartutako erabakiak,<br />
Euskadiko Kooperatiben Erregistroan inskriba daitezkeenak, zuzenbidearen araberakoak diren<br />
ala ez dioten irizpenak. EKLren arabera, kooperatibak sortzeaz gain (EKLren 11. artikulua),<br />
honako akordio hauek inskribatzeko modukoak dira:<br />
• Administratzaileak izendatzea, izendapenak baliogabetzea eta kargutik kentzea<br />
(EKLren 43.6 eta 46. artikuluak); era berean, artezkaritza-kontseiluaren ahalmenen<br />
bat batzorde betearazleari edo kontseilari eskuordetu bati modu iraunkorrean<br />
eskuordetzea inskriba daiteke (EKLren 48.5 artikulua).<br />
• Zaintza-batzordeko kideen izendapena baliogabetzea eta kargutik kentzea (EKLren<br />
53. artikulua), sozietate-kontseiluko kideena (EKLren 57. artikulua) eta errekurtsobatzordekoena<br />
(EKLren 58. artikulua).<br />
• Kooperatibaren estatutuak aldatzea (EKLren 78.2 artikulua).<br />
• Sozietatearen egoitza aldatzea (EKLren 79. artikulua).<br />
• Transformazioa (EKLren 89. artikulua), bat-egitea (EKLren 86.3 artikulua) eta<br />
kooperatibaren zatiketa (EKLren 88. artikulua).<br />
• Kooperatiba desegitea (EKLren 91.4 artikulua) eta berraktibatzeko aukera (EKLren<br />
91.5 artikulua) bai eta haren likidazioa ere (EKLren 100. artikulua).<br />
• Likidatzaileak izendatzea (EKLren 94.1 artikulua).<br />
Erabaki horien inguruko ziurtagiriek agerrarazi behar dute erabakiok akta-liburuan jasota<br />
daudela, legelari aholkulariak irizpena eman ondoren.<br />
Era berean, legelari aholkulariaren erantzukizuna ezarri da (3. atala), eta, xedatutakoari jarraiki,<br />
legelariak erantzukizun zibila izango du lanbide-zabarkeriaren kasuan, bai kooperatibaren eta<br />
haren bazkideen aurrean, bai bazkide ez diren hirugarren pertsonen aurrean.<br />
Eginkizun hori kooperatiben batasun edo federazioetako abokatuekin eskutik gauzatzen<br />
bada, eta horiekiko lotura profesional liberal baten zerbitzuak kontratatzearen ziozkoa ez<br />
bada, esandako erakundeek erantzukizun zibila izango dute, abokatuarekin batera, legelari<br />
aholkulariaren kargua betetzean kooperatibari sorrarazten zaizkion kalteen gainean (5. atala).<br />
278
11. ESTATUTUAK ALDATZEA* 1 .<br />
78. artikulua.– Estatutuak aldatzea.<br />
1.– Batzar orokorrak erabakiko ditu sozietatearen estatutuetan egiten diren aldaketa<br />
guztiak; horretarako, baina, honako baldintza hauek bete beharko dira:<br />
a) Proposamenaren egileek txosten idatzi bat aurkeztea, adieraziko duena zergatik<br />
egin behar diren aldaketak.<br />
b) Deialdian argi eta garbi adieraztea zer puntu aldatu behar diren.<br />
c) Deialdian espresuki azaltzea bazkide guztiek eskubidea dutela sozietatearen<br />
egoitzan aztertzeko proposaturiko aldaketaren testu osoa eta hura justifikatzen<br />
duen azalpen-txostena, eta dokumentu horiek eskatzeko edo etxean dohainik<br />
jasotzeko.<br />
2.– Eskritura publikoan idatziko da aipaturiko erabaki hori, eta Euskadiko Kooperatiben<br />
Erregistroan inskribatuko.<br />
3.– Horrez gain, sozietatearen izena, egoitza edo helburua aldatzea erabakitzen bada,<br />
sozietatearen egoitza dagoen lurralde historikoan zabalkunde handia duen egunkari<br />
batean iragarriko da erabakia inskribatu baino lehen.<br />
4.– Kooperatiba mota edo kooperatibaren helburu soziala nabarmenki aldatzea<br />
erabakitzen bada, bazkideek kooperatibatik alde egiteko eskubidea izango dute baldin<br />
eta proposamenaren kontrako botoa eman badute edo, batzarrera joan ez arren,<br />
administratzaileei idazki bidez zuzentzen badiete beren desadostasuna, berrogei<br />
eguneko epean, erabakia Euskadiko Kooperatiben Erregistroan inskribatzen denetik<br />
aurrera kontaturik. Horrelakoetan, bidezkotzat joko da baja.<br />
79. artikulua.– Egoitza soziala aldatzea.<br />
Estatutuek besterik xedatu ezean, ez da batzar orokorraren erabakirik beharko udalerri<br />
berean egoitza sozialaz aldatzeko. Administratzaileek berek erabaki dezakete hori; eskritura<br />
publikoan jaso beharko dute, eta, gero, eskritura publiko hori Euskadiko Kooperatiben<br />
Erregistroan inskribatu.<br />
11.1 Sarrera: legezko arauketaren xedea eta egitura<br />
Autoerregulazioa, hau da, erakunde pribatuek euren funtzionamendua artezteko arauak<br />
sortzea, kooperatibaren funtsezko ezaugarria da sozietate-tresna gisa. Kooperatiben legearaubideak,<br />
batez ere, iruzkintzen ari garen lege honek jasotzen duenak, erregulatzeko<br />
aukera ugari jasotzen ditu, eta horien aplikazioa estatutu-aldaketaren bidez era formalean<br />
adierazitako eta gauzatutako sozietateko kideen nahiaren araberakoa izango da. Gainera,<br />
sozietateak beste tresna batzuk ere baliatu ahalko ditu, araututa egon gabe ere, kooperatibaren<br />
* Fernando Aberasturi Lauzirika abokatuak eta IKASGILTZAko kudeatzaileak egindako iruzkina.<br />
279
ESTATUTUAK ALDATZEA<br />
barruan sortutako harreman juridikoen eguneroko funtzionamenduan eta arauketan lagun<br />
dezaketenak, muga bakar bati men eginda: Kooperatiben Legearen beraren edo beste edozein<br />
legeren aurka ez joatea.<br />
Kooperatibako kideen kontrol demokratikoaz diharduen bigarren printzipio kooperatiboaren<br />
ondorioetako bat da. Printzipio horren arabera, Nazioarteko Kooperatiba Aliantzak, NKAk,<br />
1995ean ezarritako nortasun kooperatiboaren adierazpenaren arabera, “kooperatibak kideek<br />
kontrolatutako erakunde demokratikoak dira, eta kide horiek gogotik parte hartzen dute<br />
sozietatearen politikak ezartzen eta erabakiak hartzen”. Printzipio demokratiko horretan<br />
oinarrituta, bazkideak enpresaren kudeaketaren erantzukizuna bere gain hartzeko aukera<br />
ematen duen ordezkatze-modua gorabehera, printzipio demokratiko horren adierazgarririk<br />
handiena dugu bazkideek kooperatibarekiko harremana gobernatzen duten arauak ezartzen<br />
parte-hartzea.<br />
Legegileak nahitaez bete beharreko gutxieneko oinarriak ezarri ditu, eta horien garapena<br />
bazkideen borondateari lotuta geratuko da; izan ere, pertsona horiek legeak araututako aukerak<br />
hauta ditzakete edo irtenbide berritzaileak proposa ditzakete, betiere kooperatiba bakoitzaren<br />
kulturara eta ohiturara egokitu behar dela kontuan hartuta, eta aplikatu beharreko beste<br />
edozein arauren aurka jotzen ez duela bermatuta, zuhurtasun osoz. Esandakoa konpainiaren<br />
kudeaketa errazten duen tresna baliotsua da, eta konponbide azkarrak eta eraginkorrak<br />
eskain ditzake balizko gatazken aurrean, gatazka horietan, oro har, balantzan jartzen baitira<br />
sozietatearen beraren eskubideak eta betebeharrak zein sozietateko bazkideenak.<br />
Autoerregulatzeko gaitasun horren adierazgarririk behinena kooperatiba eratzeko unean<br />
gertatzen da. Bertan, fundatzaileek ex novo edo berriren berri ezarriko dituzte haien arteko<br />
harremanak eta osatuko duten sozietatearekiko harremanak arautzen dituzten xedapenak,<br />
bai eta sozietateak berak hirugarren pertsonekin dituen harremanak arautzen dituenak ere.<br />
Ordutik aurrera, bazkideen lege-araubide hori moldatzeko bidea estatutuen aldaketa da, lege<br />
berriaren VIII. kapituluak arautzen dituen baldintzetan.<br />
Beste atal batzuetan bezala, legearen idazketa berrian, estatutuak aldatzeari dagokion legearaubidearen<br />
ezarpena aurreko legearen egituraren antzera garatu da, eta, hartara, gai horri<br />
buruzko artikuluen zenbakiak baino ez dira aldatu.<br />
Honako kapitulu hau bi artikulutan egituratu da:<br />
78. artikulua.– Estatutuak aldatzea.<br />
79. artikulua.– Egoitza soziala aldatzea.<br />
Kapital-sozietateen legeriak ez bezala, sozietatearen bizitzan berebiziko garrantzia<br />
daukan erakunde juridiko horren euskal kooperatiba-arauketaren lautasun edo soiltasunak<br />
bi artikulutan bildu ditu barne-araudiaren aldaketei ekiteko behar diren betekizun formalak<br />
eta materialak. Eta hori guztia egin da bazkideen eta hirugarrenen eskubideak babesteko<br />
beharrezko bermeak alde batera utzi gabe.<br />
Alde batetik, 78. artikuluan, estatutuetako testua oro har aldatzeko eragiketaren betekizunak<br />
xedatu dira, eta 79. artikuluak sozietatearen egoitza aldatzea dakarren kasu berezia jaso<br />
du. Azken kasu horretan, eragiketak estatutuak aldatzea badakar ere, prozedura orokorraz<br />
bestelakoa da, prozedura hori gauzatzeko ahala zein organori dagokion zehazterakoan.<br />
280
ESTATUTUAK ALDATZEA<br />
Kapital-sozietateak arautzen dituen legerian gertatzen den moduan, administrazio-organoak<br />
erabaki dezake sozietatearen egoitza arautu diren baldintzetan aldatzea. Hori guztia, jakina,<br />
estatutuetan berariaz kontrakorik adierazten ez bada.<br />
11.2. Berrikuntza nagusiak aurreko araudiaren aldean<br />
Kapitulu hau osatzen duten bi artikuluek ez dute sakoneko aldaketarik izan lege berria<br />
indarrean hasi zenean. Kontzeptuaren ikuspegitik, edukia aurreko idazkeraren berdinberdina<br />
da, idazketa era formalean aldatzeari kalterik egin gabe, hizkuntza inklusiboaren<br />
egokitzapenak eraginda edukietan. Hala ere, arestian esan bezala, egokitzapen formal<br />
horretatik harago, eduki materialak ez du inolako aldaketarik izan.<br />
Indargabetu berri den Euskadiko Kooperatiben ekainaren 24ko 4/1993 Legeak bilakaera<br />
garrantzitsua ekarri zuen arlo horretako aurreko legeriak (Kooperatibei buruzko otsailaren<br />
11ko 1/1982 Legea) jasotzen zuen araubidearekin alderatuta. 1993koa dela medio, hainbat<br />
alderdiren inguruko eskakizun berriak ezarri ziren: sozietatearen ikuspegitik, aldatzeko<br />
erabakia hartu behar duen organoari buruzko ahala, akordio hori formalizatzea eta inskribatzea,<br />
publizitate-betekizun bereziak eta bazkidearen banantze-eskubideari buruzko betekizunak.<br />
Gai horiek guztiak ez zeuden 1982ko Legean jasota; prozedura horri dagokionez, aldaketaakordioari<br />
balioa emateko, bi hereneko gehiengoa eskatzeko zuhurtzia besterik ez zuen<br />
arautzen. Bidenabar, esan dezagun 1994ko Legeak ez ziola kasurik egin esandako zuhurtasun<br />
horri, eta kooperatiben lege berriak ere ez duela galdatu, Kapital Sozietateei buruzko Legeak<br />
ez bezala. Azkenak, merkataritza-sozietateen esparruan, bai eskatzen du gehiengo indartua<br />
estatutuen edozein aldaketa aurrera ateratzeko.<br />
Horren ondorioz, legegileak erabaki du elementu hori ez aldatzea eta aurreko legearen<br />
erregulazioari eutsi dio, jarraian azalduko dugun bezala, 78. artikuluan jasotako estatutualdaketen<br />
erregulazio orokorraren esparruan, nahiz 79. artikuluak xedatzen duen udalerri<br />
beraren barruan sozietatearen egoitza aldatzeko manu espezifikoaren esparruan.<br />
11.3. Manuaren izaera edo indar juridikoa<br />
78. artikuluaren izaera loteslea beharrezkoa eta aginduzkoa da nagusiki, baina 79.<br />
artikuluarena ez; izan ere, azkenak xedapen-izaeraz ezarri du administrazio-organoak<br />
estatutu-testua aldatzeko eskumena izateko aukera, sozietatearen egoitza aldatzea dakarrena,<br />
betiere aldaketa udalerriaren barruan egiten bada. Hala eta guztiz ere, arau hori indargabetu<br />
daiteke, era berean xedatu baita kooperatibak aukera hori ukatu ahal izango duela, estatutuetan<br />
berariaz debekatuz.<br />
Xedapen horien aginduzko izaeraren irismenari buruzko ñabardurak kontuan hartuta,<br />
zehatz-mehatz aztertuko ditugu.<br />
Hasteko, 78. artikuluak batzar orokorrarentzat gorde du, oro har, estatutuak aldatzeko<br />
ahalmena, 33.3 artikuluaren f) atalarekin bat etorriz. Artikulu horrek batzar orokorraren<br />
eginkizun gisa jaso du, organo horri dagozkion eskumen esklusiboetan jasotzen denez.<br />
Esklusibotasun horretatik salbuetsi behar da, arestian azaldu dugun moduan, estatutuen<br />
aldaketa sozietatearen egoitza aldatzearen ziozkoa den kasua, baldin eta aldaketa hori<br />
udalerriaren barruan egiten bada eta estatutuetan berariaz debekatzen ez bada.<br />
281
ESTATUTUAK ALDATZEA<br />
Beharrezko izaera bera dute, kasu honetan salbuespenik gabe, gainerako artikuluan<br />
jasotako baldintzek. Bai justifikazio-txostena egiteko betebeharra, bai deialdiaren publizitate<br />
espezifikoa, bai aldatu beharreko alderdiak behar bezain argi adieraztea, bai bazkideei<br />
dagokien informazio-eskubidearen osagarria, saihestezinak dira ikuspuntu formaletik,<br />
estatutu-aldaketa formalizatuko bada. Hain dira saihestezinak ezen, Euskadiko Kooperatiben<br />
Erregistroaren antolamenduari eta funtzionamenduari buruzko Erregelamenduak berak<br />
(martxoaren 29ko 59/2005 Dekretua), 57. artikulua dela bide, arautu duen erregistroak<br />
baldintza horien egiaztapena kontrolatuko duela, aldaketa eragiten duten erabakiak<br />
jendaurrean jartzeko eskrituran jasota utzirik.<br />
Baldintza horiek azaletik aipatu ditugun arren, aipatu behar dugu jarraian estatutu-aldaketa<br />
Batzar Orokor Unibertsalaren esparruan egiten den kasuetan gertatzen den salbuespena. Hau<br />
da, oro har araututako epeei lotutako deialdi formala tartean izan gabe balio osoz eratutako<br />
batzarraren esparruan. Batzar hori baliozkoa izango da bazkide guztiek parte hartzen dutelako<br />
eta batzarra eratzeko nahia aho batez hartzen dutelako.<br />
Kasu horretan bakarrik, Merkataritza Erregistroaren Erregelamenduaren 158.2 artikuluaren<br />
aplikazio analogikoaren ondorioz, merkataritza-sozietateei dagokienez, eta, gainera,<br />
Kooperatiben Erregistroak onartu ohi duelako, ez da beharrezkoa izango 78.1 artikuluak<br />
jasotako betekizunak betetzea.<br />
Bestalde, baldintza horiei gagozkiela, arazorik korapilatsuena dugu aldatu beharreko<br />
alderdiak “behar bezalako argitasunez” adierazi behar direla deialdian.<br />
Komatxo artean ageri den esapidearen interpretazio-irismenak jurisprudentzia-bilakaera<br />
handia eragin du jarrera formalisten eta posibilisten artean. Jurisprudentziaren bilakaera hori<br />
aztertzea iruzkin honen xedea ez denez, Josefa Brenés Cortés (Merkataritza Zuzenbidea. 3.<br />
liburukia. Merkataritza-sozietateak. Marcial Pons. 2013) aipatuko dugu. Hizpide darabilgun<br />
azterketari azkena emateko, Brenés irakasleak “aldatu beharreko alderdiak behar bezain<br />
argi” adierazteko beharraren inguruan azaldu duenez, ez da nahikoa “estatutuen aldaketa<br />
orokorra aipatzea aztergaien zerrendan; aitzitik, gutxienez, aldatu nahi diren klausula<br />
zehatzak adierazi behar dira, eta gomendagarria litzateke haien esanahiari eta irismenari<br />
buruzko azalpenen bat txertatzea”.<br />
Legeak berak ezarritako berme osagarriak indartu egiten du jarrera hori, hau da, aldaketaproposamenaren<br />
erantzuleei justifikazio-txostena prestatzeko eta bazkideen esku jar dadila<br />
eskatzeko ekimena. Baldintza horretara batzen da modu biribilean legelariaren nahia,<br />
bazkidearen sozietate-eskubideak modu arduratsuan eta informatuan baliatzeko behar duen<br />
informazioa bermatzekoa.<br />
78. artikuluaren bigarren atalak agertzen duenez, estatutuak aldatzeko sozietate-erabakiak<br />
eskritura publiko bihurtzeko eta tresna hori Kooperatiben Erregistroan erregistratzeko<br />
betebehar formala dago eta hori ere aginduzkoa da. Inskripzio hori, legearen 16.2 artikuluaren<br />
arabera, adierazpenezkoa baino ez da izango. Horrek esan nahi du, beraz, aldaketa<br />
dakarten erabakiek ondorio guztiak hedatzen dituztela bazkideen artean batzar orokorrean<br />
baliozkotasunez hartzen diren unetik bertatik aurrera.<br />
78. artikuluaren hirugarren atalak, aurrekoek bezala, aginduzko izaera daukanak, kooperatibaz<br />
282
ESTATUTUAK ALDATZEA<br />
kanpoko pertsonekiko eragin handiena izan dezaketen akordioak gizarteratzea helburu duen<br />
beste betebehar formal batez dihardu: izena, helbidea edo sozietatearen xedea aldatzea.<br />
Zehazki, sozietateak helbidea dagoeneko lurralde historikoan zabalkunde handia duen<br />
egunkari batean argitaratzera behartzen du, inskribatu aurretik.<br />
Harrigarria da baldintza horri eustea, kapital-sozietateen esparruan 2011. urtetik<br />
gainditutzat jo baita, publikotasunaren inguruko betekizun hori indargabetu baitzen<br />
abuztuaren 1eko 25/2011 Legearen xedapen indargabetzaile bakarrari jarraiki (25/2011<br />
Legea, abuztuaren 1ekoa, Kapital Sozietateei buruzko Legea zati batean aldatu zuena eta<br />
Europako Parlamentuaren eta Kontseiluaren uztailaren 11ko 2007/36/EE Zuzentaraua,<br />
sozietate kotizatuen eskubide jakin batzuk baliatzeari buruzkoa, gehitu zuena).<br />
Badirudi euskal kooperatiben legelariak ere ez duela nahi izan publizitate-tresna hori<br />
teknologiaren egungo egoerarekin bat datozen bitartekoen arabera eguneratu, nahiz eta<br />
horrek erraztu eta merkatu egingo lukeen izapide horien kudeaketa. Esan nahi duguna zera da:<br />
betekizuna betetzat jo litekeela egunkari digitaletan argitaratuta, horretarako baimena ematen<br />
baita batzar orokorraren deialdiaren kasuan, legearen 35.5 artikuluak ezartzen duen bezala.<br />
Deialdia argitaratzeko berariazko baimenari dagokionez egin ez duen bezala, legelariak ez<br />
du aukera hori berariaz jaso izenaren, xedearen edo helbidearen aldaketa argitaratzen den<br />
kasuan, eta horregatik interpretatu behar dugu ez dela onartzen.<br />
78. artikuluaren azken atalak bazkidea banantzeko eskubidea ezarri du, lehen esan dugun<br />
bezala, aginduzko izaeraz. Berme horrek kooperatiba uztea ahalbidetzen dio bazkideari,<br />
eta, beraz, sozietate-konpromisoetatik askatzeko ere bai, legeak arautzen duen ohiko bajaprozeduratik<br />
kanpo. Estatutu-aldaketa baten bidez, sozietatearen egitura nabarmen aldatzen<br />
denean gertatzen da eta bazkideak hitzemanda zituen baldintzak gainditzen direnean;<br />
halakoetan, proiektua bertan behera uzteko aukera ematen zaio, bajaren kalifikazioari<br />
dagokionez ondorio kaltegarririk sortu gabe.<br />
Egia da “ate irekien” printzipio kooperatiboak aukera ematen diela bazkideei edozein<br />
unetan baja emateko, baina, bestetik, egia da baja-eskaera egoera jakin batzuetan egin<br />
behar dela, bazkidearentzat ondorio ekonomiko kaltegarririk izan ez dezan, baja justifikatu<br />
gabekotzat kalifikatzeak eragin ditzakeen kenkariak direla kausa.<br />
78. artikuluaren azken paragrafoak dakarren kasuan, hain zuzen ere, egoera horretan<br />
gertatzen den banantze-eskubideari bajaren kalifikazio automatikoa ematen zaio, eta,<br />
horrela, eragotzi egiten dira bazkideak pairatu beharreko ondorio ekonomiko kaltegarriak,<br />
lehen aipatu dugun bezala.<br />
Banantze-eskubide hori mugatu egiten da sozietatea motaz aldatzen den kasuetara edo<br />
sozietatearen xedea funtsean aldatzen den kasuetara. Eskubidea egikaritzeko, idazki bat<br />
bidali behar zaie administratzaileei, hartutako erabakiarekin ados ez daudela adierazteko,<br />
erabakia Kooperatiben Erregistroan inskribatu eta 40 eguneko epearen barruan. Kasu<br />
horretan, banantze-eskubidea baliatzearen zioz sortutako baja justifikatutzat hartu beharko<br />
da, lehen esan dugun moduan.<br />
Bestalde, 79. artikuluak, lehenago aurreratu dugun bezala, estatutuak aldatzeko eskumenaren<br />
ohiko esleipena salbuesteko aukera jaso du, aldaketa hori sozietatearen egoitza udalerri beraren<br />
283
ESTATUTUAK ALDATZEA<br />
barruan aldatzean datzanean. Zeharo indargabetu daitekeen xedapena da; izan ere, edukia<br />
hitzez hitz hartuta, estatutuek aurkako xedapenik ezarri ezean baliatu ahal baita aukera<br />
hori. Edo, bestela esanda, administrazio-organoari eskumen hori esleitzea saihets dezakegu,<br />
estatutuetan jarduera horren aurkako aipamena gehituta.<br />
Indar lotesleari buruzko atal hau ixteko, egokia iruditu zaigu lege berriaren bigarren<br />
xedapen iragankorraren edukia gogoratzea; xedapen horren bidez, ezarri da kooperatiba<br />
guztiek nahitaez egokitu behar dutela estatutuen edukia lege berriaren xedapenetara, bi<br />
urteko epean, legea indarrean jarri eta hurrengo egunetik aurrera zenbatzen hasita. Ondorioz,<br />
kooperatiba guztiak behartuta daude estatutuak aldatzera, aurretiaz azaldu bezala, 2022ko<br />
urtarrilaren 30a baino lehen.<br />
Arestian azaldutako manua bete ezean, aurreko araudiak ex lege edo legearen xedapenez<br />
desegitera behartzen zituen estatutuak egokitzen ez zituzten kooperatibak, baina, oraingo<br />
honetan legelariak ondorio laxoagoaren alde egin du, eta erregistroaren blokeo moduko bat<br />
ezarri du, egokitzapen egokia egiaztatzen den arte.<br />
11.4. Esanahi praktikoa<br />
Atal honetan, aztertutako xedapenen hartzaileak zein diren aztertuko dugu.<br />
Xedapenok eragiten dieten kooperatibei dagokienez, 78. eta 79. artikuluak edozein<br />
kooperatiba-motatan dute eragina, edozein motatakoak edo egituratakoak direla ere. Lege<br />
berriaren aplikazio-eremuan dagoen edozein kooperatibak zorrotz bete beharko ditu xedapen<br />
horiek, estatutuak behar bezala aldatze aldera.<br />
78. artikuluak subjektu ugariri eragiten die: aldaketaren sustatzaileei, administratzaileei,<br />
bazkideei eta, zeharka, kooperatibatik kanpoko hirugarrenei. Eta lotura hori bi alderditan<br />
gauzatzen da: eskubideak sortzea eta betebeharrak sortzea.<br />
Alde batetik, aldaketa-proposamenaren egileek egin behar dute aldaketaren justifikaziotxostena.<br />
Normalean, administratzaileek hartuko dute aldaketaren ekimena, horiek baitira<br />
estatutu-araubideak izango dituen aldaketa-beharrizanen berri errazena izan dezaketenak.<br />
Hori guztia gorabehera, legegileak atea ireki du bazkideetatik edozeinek egokitzat jotzen<br />
dituen aldaketak proposa ditzan; kasu horretan, aldaketa proposatzen duen justifikaziotxostena<br />
idazteaz arduratu beharko da.<br />
Horri dagokionez, aldaketa Batzar Unibertsalean egiten bada, baldintza horretatik<br />
salbuesteari buruz arestian aipatutakoari helduko diogu.<br />
Aldaketa-proposamenari lotutako izapidea hasi ondoren, gainerako betebeharrak<br />
administratzaileentzat dira, argi eta garbi, bazkideen eskubideak babesten dituzten bermeak<br />
eta zuhurtziako neurriak barneratzen diren izapideen arduradun diren aldetik. Gauzak<br />
horrela, administratzaileak arduratzen dira deialdia behar bezain argi idazteaz, bazkidearen<br />
informazio-eskubidea bertan sartzeaz, argitalpen egokiak egiteaz, hala badagokio,<br />
proposatutako aldaketen testu osoa eta justifikazio-txostena bazkideen eskura jartzeaz,<br />
erabakiak eskritura publikoan jasotzeaz eta erabakiak Kooperatiben Erregistroan inskriba<br />
daitezen aurkezteaz.<br />
284
ESTATUTUAK ALDATZEA<br />
Azken ondorio horietarako, gogora dezagun legearen 39.6 artikuluan jasotako betebeharra,<br />
Kooperatiben Erregistroan inskribatzeko erabakiak aurkezteko epeari dagokionez, nahitaezko<br />
izapideak egin ondoren. Erabakiak akta onartu eta hurrengo hogeita hamar egunen barruan<br />
aurkeztu beharko dira.<br />
Bi artikulu horietatik datozen eskubideei doakienez, bazkideak izango dira hartzaile<br />
nagusiak. Izan ere, bazkideentzat dira informazio-eskubidea indartzen duten bermeak:<br />
deialdia behar bezala argitzeko betebeharra, proposatutako aldaketaren testu osoa aztertzeko<br />
eskubidea, justifikazio-txostenarena, eta dokumentu horiek doan bidaltzeko ere eskatzeko<br />
eskubidea.<br />
Bereziki, aldaketak kooperatiba-motaren aldaketari edo sozietatearen xedearen funtsezko<br />
aldaketari eragiten dionean xedatzen den banantze-eskubidearen hartzaile dira bazkideak.<br />
Goian esan dugu xedapen horien zeharkako hartzaileak egon badaudela; izan ere, gure<br />
ustez, izendapenari, helbideari edo sozietatearen xedeari buruzko aldaketak zabalkunde<br />
handiko egunkari batean argitaratzeko betebeharraren helburua da aldaketa garrantzitsu<br />
horiek gizarteratzea eta kooperatibatik kanpoko pertsonei komunikatzea. Eta hori guztia,<br />
pertsona horientzat oso garrantzitsua delako ezagutza hori, kooperatibarekin beste zeinahi<br />
harreman- mota dutelako lehendik euren trafiko juridikoaren esparruan.<br />
Beste alde batetik, 79. artikulua administratzaileentzat da, sozietatearen egoitza udalerri<br />
baten barruan aldatzea erabakitzeko eskumenaren esleipenaren hartzaile diren aldetik, bai<br />
eta kooperatibarentzat berarentzat ere, aukera hori estatutuetan jasoz gero, debekua ezarri<br />
ahal delako.<br />
11.5. Beste arau aplikagarri batzuk<br />
Estatuko kooperatiben araubidearen erregulazioa Kooperatibei buruzko uztailaren 16ko<br />
27/1999 Legean jasota dago. Lege hori ez da Euskadin aplikatzekoa, ezpada, euskal araudiak<br />
izan ditzakeen hutsuneak osatzeko kasuetan.<br />
Estatuko araudiak ez du EAEkoak bezain sistematikoki arautzen, eta berariazko kapitulu bat<br />
eskaintzen dio estatutua aldatzeko prozedurari. Artikuluetan zehar, prozedura horri eragiten<br />
dioten betekizun jakin batzuk aletzen ditu, baina horiek ez datoz bat euskal araudiarekin. Era<br />
berean, artikulu horiek ez dute arautzen hemen jasotzen ez den gairik, eta, beraz, legeak ezin<br />
du bete hutsuneak osatzeko eginkizunik.<br />
Atal honetan, Kooperatiben Erregistroaren Erregelamenduan jasotako araudia aipatzea<br />
komeni da; izan ere, legean jasota dagoen aldaketa-erabakia eskritura publiko bihurtzeko<br />
derrigortasunaz gain, eskritura horren edukiaren berariazko eduki xehatua ezartzen du<br />
erregelamenduak; ildo horretan, gogora dezagun, eduki horren egiaztapena erregistroak<br />
berak inskripzioa ebatzi aurretik egiten duen azterketaren barruan dagoela. Hau da: hartutako<br />
aldaketa-erabakia, erantsitako edo aldatutako artikuluen hitzez hitzeko transkripzioa,<br />
txostena eta deialdia behar bezalako argitasunez idatzi izanaren egiaztagiria, tresna publikora<br />
helarazita, eta, hala badagokio, aldaketa argitaratzen duen iragarkia ere erantsita.<br />
285
12. KOOPERATIBAREN BAT-EGITEA ETA ZATITZEA* 1.<br />
12.1. Bat-egitearen modalitateak eta ondorioak<br />
80. artikulua.– Bat-egitearen modalitateak eta ondorioak.<br />
1.– Kooperatibek bat egin ahal izango dute, dela kooperatiba batzuk batu eta beste<br />
berri bat sortuta, dela sorturik dagoen kooperatiba batek beste bat edo batzuk<br />
bereganatuta.<br />
2.– Kooperatiba berri batean bat egiten duten kooperatibak edo beste kooperatiba<br />
batek bereganatzen dituen kooperatibak desegingo dira, baina ez dira likidatuko.<br />
Haien sozietate-ondareak, denak batera, eskualdatuko zaizkio kooperatiba berriari<br />
edo kooperatiba bereganatzaileari, zeinek bereganatuko baitituzte azkentzen diren<br />
kooperatiben eskubideak eta betebeharrak. Era berean, kooperatiba berrian edo<br />
bereganatzailean sartuko dira bat-egitearen ondorioz azkendutako kooperatibetako<br />
bazkideak.<br />
3.– Kooperatiba berria edo kooperatiba bereganatzailea jabetuko da bat-egitearen<br />
ondorioz azkentzen diren kooperatiben nahitaezko funts guztiez.<br />
12.1.1. Sarrera<br />
Bat-egiteak elkartzeko beharrari erantzun ohi dio, ikuspegi ekonomikotik trinkoago batu<br />
eta proiektu bat partekatzen dela. Sinergiak sortu ohi ditu. Kooperatiben arteko bat-egiteek<br />
bi kooperatiba-sozietateri edo gehiagori eragiten diete, eta berdin dio autonomia bateko<br />
lege bati edo beste lege bati lotuta dauden, bata euskal legeari eta bestea estatuko legeari<br />
lotuta dauden, eta, ondorioz, kooperatibetako guztiak edo batzuk azkentzen dira, guztien<br />
bazkideak eta bat egindako sozietateen aktiboak eta pasiboak erakunde bakar batera biltzeko.<br />
Erakunde berria kooperatiba sortu berria izan daiteke edo, bestela, bat-egitean parte hartu<br />
duen kooperatibetako bat izan daiteke (xurgapen bidezko bat-egitea).<br />
Bi kooperatiben arteko bat-egiteak gertaera biziki konplexuak dira; izan ere, kapitalsozietateetan<br />
sortzen diren ohiko kontuei (ondareen bateratzea) jarduera kooperatibizatu<br />
oso desberdinetan jardun dezaketen bazkideak bateratzearen ziozkoak gehitu behar zaizkie<br />
(kasurako, kooperatiba-mota desberdinen arteko bat-egiteak direnean).<br />
12.1.2. Berrikuntza nagusiak aurreko araudiaren aldean<br />
80. artikuluaren testua bat dator, hitzez hitz, Euskadiko Kooperatibei buruzko 4/1993<br />
Legearen 76. artikulu zaharraren edukiarekin (hizkera inklusiboaren erabilera gorabehera,<br />
legezko testu osoan gertatzen den moduan).<br />
* Iñigo Nagore Aparicio jaunak, Zuzenbideko doktoreak, LEGALKIDE ABOGADOS SLPko bazkideak,<br />
UPV/EHUko irakasle elkartuak (Enpresa Zuzenbidearen Arloa) eta BITARTU-Kooperatiben Arbitrajeko<br />
Euskal Zerbitzubitartekariak, egindako iruzkina.<br />
287
KOOPERATIBAREN BAT-EGITEA ETA ZATITZEA<br />
12.1.3. Iruzkin orokorra eta esanahi praktikoa<br />
80. artikulua gutxienekoen aginduzko manua da, eta ezin izango da beherantz aldatu<br />
estatutu-erregulazioaren bidez, ez barne-araubideko erregelamenduaren bidez, ez bat<br />
egiten duten kooperatiben batzarren nahiaren bidez. Esan liteke artikulu horretan sozietatezuzenbidearen<br />
arauketa klasikoa jaso dela, kooperatiben berezitasunetara egokituta.<br />
Artikuluak, hurrenez hurren, hiru zenbakitan arautu ditu bat-egite motak edo modalitateak,<br />
bat-egiteak nahitaez ekarriko dituen ondorioak eta azkentzen diren kooperatiben nahitaezko<br />
sozietate-funtsen xedea.<br />
4/1993 Legearen 76. artikuluan bezala, orain indarrean dagoen 80. artikuluaren 1. zenbakiak<br />
sozietate-zuzenbidean dauden bi aukera klasikoak aipatzen ditu, bat-egiteari dagokionez:<br />
kooperatiba-sozietate berria sortzearen ziozko bat-egitea (gutxienez, bi kooperatibaren bategitearen<br />
emaitza) eta xurgatze bidezko bat-egitea (lehendik dagoen sozietate batek beste<br />
bat edo gehiago xurgatzearen emaitza). Kooperatibak bat egin dezake, bai kooperatiba batek<br />
baino gehiagok bat eginda, kooperatiba berria sortzeko, bai lehendik dagoen kooperatiba<br />
batek beste kooperatiba bat edo gehiago xurgatuta.<br />
Legean arautu den bat-egitea kooperatiben arteko bat-egitea da, baina horrek ez du esan<br />
nahi kooperatibek, nahitaez, euskal araudiari lotuta egon behar dutenik. Bat-egiteak euskal<br />
legearen mendeko kooperatibak eta beste autonomia batzuetako legearen edo estatuko<br />
legeriaren mendeko kooperatibak hartzen dituenean, Kode Zibilaren nazioarteko zuzenbide<br />
pribatuari buruzko araudira jo beharko dugu. Horrela, 9.11. artikuluaren bigarren paragrafoak<br />
dioena, 16.1.1 artikuluarekin lotuta, aplikatuz gero, kooperatiba bakoitzari dagozkion<br />
egintzak zuzenean aplikagarria zaion legearen arabera arautuko dira (hots, kooperatibari<br />
lotuta legearen arabera), eta banako-egintzak, aldiz, kooperatiba berriak edo xurgatzaileak<br />
bete behar duen legearen arabera. Hala ere, batzuetan, aztertu beharko da ondoriozko<br />
kooperatibak bete beharreko baldintza batzuk prozesu osoan bete behar diren.<br />
Artikuluaren 2. zenbakian, sozietateen zuzenbideak azaltzen duenez, bat-egiteen kasuei<br />
ohituraz doazkien ondorio guztiak jaso dira: xurgatutako kooperatibak desegitea, eta,<br />
ondorioz, berria sortzea; sozietate-ondasunak eta bazkideak kooperatiba berriari edo<br />
xurgatzaileari eskualdatzea. Hala, kooperatiba berria sortzeko bat egiten duten kooperatibak<br />
edo xurgatzen direnak desegin egingo dira, likidaziorik egin beharrik gabe, eta sozietateondasunak<br />
kooperatiba berriari edo xurgatzaileari eskualdatuko zaizkio oso-osorik eta<br />
batera, eta berriak bere gain hartuko ditu azkentzen diren eskubide eta betebeharrak eta, era<br />
berean, bazkideak.<br />
Osoko eskualdaketa horri esker, ondasun, eskubide eta betebehar guztiak egintza bakarrean<br />
eskualdatuko zaizkio sozietate sortu berriari, eta hura izango da sozietatea osatzen duten<br />
guztien ondorengoa.<br />
Hirugarren zenbakiak, nahitaezko sozietate-funtsen banaezintasun-printzipioaren arabera,<br />
ezarri du bat-egitearen ondorioz azkentzen diren kooperatiba-sozietateen nahitaezko<br />
sozietate-funts guztiak kooperatiba berriaren edo xurgatzailearen funtsetan barruratuko<br />
direla.<br />
Aurreko zenbakian xedatutakoa urratzen bada, gainera, arau-hauste oso astunetan arautzen<br />
diren zehapenak ezar litezke, Kooperatiben Legearen beraren 159.2.c) letrak xedatutakoari<br />
jarraiki (aurreko legearen 139.3 artikuluaren c) letran ageri den eduki berdina).<br />
288
KOOPERATIBAREN BAT-EGITEA ETA ZATITZEA<br />
12.1.4. Beste arau aplikagarri batzuk<br />
Euskadiko Kooperatiben Legearen 80. artikuluaren arauketak euskal legeak artezten<br />
dituen kooperatiben arloa xedatzen du, eta ez da aplikagarria izango Kooperatiben 27/1999<br />
Legearen 63. artikuluaren lehen ataletik hirugarrenera arautzen den Estatuko araudia. Hala<br />
ere, haren edukia oso antzekoa da (horrek ez gintuzke harritu behar, ez baitirudi bat-egitearen,<br />
modalitateen eta funtsezko erregulazioaren definizioak desberdinak izan daitezkeenik arau<br />
baten edo bestearen arabera); guztiaz ere, ondokoak erantsi dira:<br />
• Desegindako sozietateen funts guztiak, nahitaezkoak zein borondatezkoak,<br />
kooperatiba berriaren edo xurgatzailearen mota berekoetan txertatuko direla<br />
arautu da (63.3 artikulua). Xedapenak zentzuzkoa dirudi, bat egiteko proiektuan<br />
besterik ezarri ezean (adibidez, bat egin beharreko kooperatiba bateko bazkideen<br />
borondatezko ekarpenen zati bat nahitaezko bihurtzea, zati batean edo osorik,<br />
ondoriozko sozietateko bazkideen nahitaezko ekarpenak berdinak izan daitezen).<br />
• Likidazioan dagoen kooperatiba-sozietate batek bat-egitean parte hartzeko aukera<br />
arautu da, betiere ekarpenak itzultzen hasi ez bada (63.2 artikulua). Egoera<br />
hori indarrean dagoen euskal legean ere xedatu da, desegindako kooperatiba<br />
berraktibatzea ahalbidetzen baitu (92.5 artikulua) baldin eta ekarpenak itzultzen hasi<br />
ez bada (euskal kooperatiben aurreko legearen 88.5 artikulua).<br />
Kooperatiben arteko bat-egiteen kasuan, beste araudi batera jo beharko da, bakar-bakarrik,<br />
bat egin behar dutenetako bat bestelako araudi horri lotzen bazaio. Aurreko atalean, 80.1<br />
artikuluari buruz egindako iruzkina azter daiteke.<br />
Era zuzenagoan, kooperatiben erregistroko erregelamenduek edo aplikatu beharreko legea<br />
garatzeko edozein arauk ezartzen dutena hartu beharko da kontuan.<br />
12.2. Bat-egiteari buruzko proiektua<br />
81. artikulua.– Bat-egiteari buruzko proiektua.<br />
1.– Bat-egitean parte hartzen duten kooperatiben administratzaileek bat-egiteari<br />
buruzko proiektu bat idatzi beharko dute, eta aurretiazko hitzarmen gisa sinatu.<br />
2.– Bat-egiteari buruzko proiektuak honako aipamen hauek jasoko ditu gutxienez:<br />
a) Zein den bat-egitearen proiektuan parte hartzen duten kooperatiben izena,<br />
mota eta egoitza, eta, halakorik erabakita badago, kooperatiba sortu berriaren<br />
izena, mota eta egoitza; Euskadiko Kooperatiben Erregistroko inskripzioa<br />
identifikatzen duten datuak ere jaso beharko dira.<br />
b) Zer sistema erabiliko den zehazteko ea zer partaidetza-zati dagokion azkentzen<br />
diren kooperatibetako bazkide bakoitzari, kooperatiba-kapitalari egindako<br />
ekarpen modura, kooperatiba berrian edo bereganatzailean; horretarako,<br />
kontuan hartuko dira borondatezko erreserba banagarriak, halakorik badago.<br />
c) Zer eskubide eta betebehar onartzen zaizkien azkendutako kooperatibako<br />
bazkideei kooperatiba berrian edo kooperatiba bereganatzailean.<br />
d) Zer egunetatik aurrera ulertuko da kooperatiba berriak edo kooperatiba<br />
bereganatzaileak eginak direla, kontabilitate-ondorioetarako, azkendutako<br />
kooperatiben eragiketak.<br />
289
KOOPERATIBAREN BAT-EGITEA ETA ZATITZEA<br />
e) Zer eskubide izango dituzten azkendutako kooperatiben partaidetza berezien<br />
titularrek edo partaidetza-tituluen eta antzeko beste titulu batzuen jabeek<br />
kooperatiba berrian edo kooperatiba bereganatzailean.<br />
3.– Bat egiteko proiektua onartuta, bat egiten duten kooperatiben administratzaileek ez<br />
dute egingo proiektua onartzea oztopa dezakeen ezein egintzarik edo kontraturik,<br />
ezta azkendutako kooperatiben bazkideek kooperatiba berrian edo kooperatiba<br />
bereganatzailean duten partaidetzaren proportzioa nabarmen alda dezakeen<br />
egintzarik edo kontraturik ere.<br />
4.– Proiektua bertan behera geratuko da baldin eta hura onartu eta sei hilabetera<br />
onartzen ez badute prozesuan parte hartzen duten kooperatiba guztiek.<br />
12.2.1. Sarrera<br />
Sozietateen bat-egiteei eskatzen zaie gutxieneko alderdi batzuk jasotzen dituen aurretiko<br />
azterketa bat egitea. Kooperatibei dagokienez, gutxieneko horiek handitu egiten dira<br />
kooperatiben berezko alderdiak aintzat hartuta, hala nola funts propioen sistema konplexu<br />
eta desberdina.<br />
12.2.2. Berrikuntza nagusiak aurreko araudiaren aldean<br />
Artikulua Euskadiko Kooperatibei buruzko 4/1993 Legearen 77. artikulu zaharrarekin bat<br />
dator, 2. artikuluaren a) letran adierazitako presioagatik izan ezik; izan ere, bertan aipatzen<br />
den erregistroa Euskadikoa da.<br />
12.2.3. Iruzkin orokorra eta esanahi praktikoa<br />
Bat-egiteko akordio bat egin baino lehen, aldez aurreko jarduketa batzuk egin behar<br />
dira. Hala, 81. artikuluak bat egiteko proiektua idazteko eskatzen die esku hartzen duten<br />
kooperatibetako administratzaileei, eta aurretiazko hitzarmena bailitzan sinatu behar dute.<br />
Idazketaren aginduzko izaera gorabehera, ulertu behar da administratzaileren bat bategitearen<br />
alde egon ezean, proiektuaren inguruko arrazoiak adierazteko betebeharra duela,<br />
Kooperatiben Legeak berak 75.3 artikuluak ezarritakoaren ildotik, hauxe ezartzen duelarik:<br />
urteko kontuetan administratzaileren baten sinadura falta bada, berariaz adieraziko da<br />
horren arrazoia (apirilaren 3ko 3/2009 Legearen 30.bat artikuluak, merkataritza-sozietateen<br />
egiturazko aldaketei buruzkoak, esandakoaren ildoan). Ez gaude ahobatezkotasuneko<br />
eskakizun baten aurrean, eta esku hartzen duten kooperatiben administrazio-organoak<br />
bat egiteko proiektua onar dezake, horrelako erabakiak hartzeko ezartzen den gehiengoa<br />
baliatuta.<br />
Euskadiko Kooperatiben Legearen 48. artikuluak ez du gehiengo kualifikaturik eskatzen<br />
proiektua onartzeko, proiektua batzar orokorrak onartu behar baitu, organo horrek hartzen<br />
duelako behin betiko erabakia. Hala eta guztiz ere, kooperatibaren jarduerak nabarmen<br />
handitzeari edo aldatzeari buruzko erabakiak, kooperatibaren antolaketa esanguratsuak<br />
egiteko edo kooperatibarentzat etengabeko lankidetza-harreman baliotsua dakarten beste<br />
erakunde batzuekiko harremanak lantzeko edo amaiarazteko buruzko erabakiak hartzeko,<br />
ematen diren botoen bi herenen aldeko emaitza beharrezkoa denez, boto kualifikatu hori<br />
290
KOOPERATIBAREN BAT-EGITEA ETA ZATITZEA<br />
beharrezkoa dela uler liteke. Gehiengo kualifikatua berariaz eskatzen ez denez, eta bat<br />
egiteko erabakia batzar orokorrak hartu behar duenez, gure ustez, estatutuetan gehiengo<br />
kualifikatua eskatzen ez bada, erabakiak hartzeko oro har araututakoa nahikoa izango da.<br />
81. artikuluaren bigarren zenbakian, berariaz ezarri dira bat-egiteko proiektuak izan behar<br />
dituen gutxieneko aipamenak. Gutxienekoak direnez, ezin izango dira murriztu, bai, ordea,<br />
handitu. Proiektuan, parte hartzen duten kooperatibetako administrazio-organoek adostutako<br />
oinarriak jasoko dira, eta horien gainean egingo da bat-egitea, baldin eta parte hartzen duten<br />
kooperatibetako batzar orokorrek onartzen badute. Hala, proiektuak honako hauek jasoko<br />
ditu:<br />
a) Bat-egitean parte hartzen duten kooperatiben izena, mota eta helbidea, eta, hala<br />
badagokio, kooperatiba berriarenak, bai eta horiek Euskadiko Kooperatiben<br />
Erregistroan inskribatu izana identifikatzen duten datuak ere.<br />
Lehen adierazi dugu “Euskadikoa” gehitzea izan dela artikuluak izan duen aldaketa<br />
bakarra, nahiz eta hori gabe ere zalantzarik ez zegoen zeri buruz ari zen.<br />
Kooperatiba berria identifikatzeak badakar haren izena gordeta izatea, bai Euskadiko<br />
erregistroan, bai estatukoan.<br />
b) Kooperatiba berriaren edo xurgatzailearen kapitalerako ekarpen gisa azkentzen diren<br />
kooperatibetako bazkide bakoitzari aitortzen zaion zenbatekoa finkatzeko sistema,<br />
borondatezko erreserba banagarriak zenbatuta, halakorik dagoenean.<br />
Arauak ez du zenbatekoa finkatzea eskatzen, hura ezartzeko sistema baizik; izan ere,<br />
bat-egiteko prozesua hasten denetik prozesua amaitzen den arte, kopuruak aldatu egin<br />
daitezke. Era berean, nahitaez konpondu da esku hartzen duten kooperatibetan izan<br />
daitezkeen borondatezko erreserba banagarrien arazoa. Izan ere, bazkideek eskubide<br />
batzuk izan ditzakete erreserba horien gainean, eta bat-egiteko proiektuan jaso<br />
ezean, eskubide horiek gal ditzakete, proiektuan sartuko liratekeen bazkide berrien<br />
ekarpenekin nahasita. Horrela, erreserba banagarri horiek dituzten entitateetako<br />
bazkideak diskriminatzea saihestuko litzateke, erreserbarik ez duten entitateetako<br />
bazkideen aldean.<br />
Hala ere, legeak ez ditu jasotzen borondatezko erreserba horiek banatzeko modukoak<br />
izan daitezen batzar orokorrak ezarri ahal izan dituen hainbat kasu, eta, hortaz,<br />
erreserbak zenbatzeko eskatzen du.<br />
c) Azkendu den kooperatibako bazkideei kooperatiba berrian edo xurgatzailean<br />
aitortzen zaizkien eskubideak eta betebeharrak.<br />
Gai hori bereziki garrantzitsua izango da sozietate-xede desberdinak dituzten<br />
kooperatiben bat-egiteen aurrean gaudenean, baita mota desberdinetakoak direnean<br />
ere. Alderdi horiek ez dira soilik kontuan hartu behar kooperatiba-jarduera zuzenean<br />
egiten duten bazkideei dagokienez, baita bazkide laguntzaileei, ez-aktiboei, iraupen<br />
mugatuko lotura dutenei edo lan-bazkideei dagokienez ere.<br />
d) Azkentzen diren kooperatiben eragiketak kooperatiba berriaren edo xurgatzailearen<br />
kontura egindakotzat noiztik aurrera aintza hartuko diren, kontabilitate-ondorioetarako.<br />
e) Kooperatiba berrian edo xurgatzailean azkentzen diren kooperatiben partaidetza<br />
berezien, partaidetza-tituluen edo antzeko tituluen titularrei dagozkien eskubideak.<br />
291
KOOPERATIBAREN BAT-EGITEA ETA ZATITZEA<br />
Hirugarren zenbakiak eskatzen du, bat egiteko proiektua onartu ondoren, bat egiten duten<br />
kooperatibetako administratzaileek ez dezatela inolako egintzarik egin edo kontraturik sinatu,<br />
baldin eta horrek proiektua onartzea eragozten badu, edo azkendutako kooperatibetako<br />
bazkideek kooperatiba berrian edo xurgatzailean duten partaidetzaren proportzioa nabarmen<br />
alda badezake. Horrela, sozietateak bat egiteko edozein proiektutan bezala, kontua da<br />
partaideen administratzaile guztiek negoziatutako eta ezarritako gutxieneko jarraibideak<br />
gerora ez indargabetzea bakoitzaren administratzaileek geroago egiten dituzten jarduketen<br />
bidez. Arauaren berariazko agindua da, esku-hartzaileen fede onari datxekion kontua izan<br />
arren. Arauak funtsezkotasuna ezartzen du, negozioaren eguneroko kudeaketa hutsak eta<br />
bat egiteko proiektua onartzen denetik hura gertatzeko behar diren urrats guztiak eman<br />
arte igarotzen den aldian galerak edo irabaziak aterako baitira, eta horiek eragina izango<br />
baitute. Ulertu behar da, beraz, eginbehar horiek proiektua sinatu zuten administratzaileak<br />
eta halakotzat aritu daitekeen edonor behartzen dituztela, geroago eta onartu behar duen<br />
batzar orokorraren aurretik.<br />
Azkenik, laugarren zenbakiak, hirugarren zenbakian eskatutakoari dagokionez, eta<br />
proiektua onartzea oztopa dezakeen edo bazkideen parte-hartzea nabarmen alda dezakeen<br />
edozein kontratu egitean parte ez hartzeko betebehar hori dela eta, ezartzen du proiektua<br />
ondoriorik gabe geratuko dela baldin eta bertan parte hartzen duten kooperatiba guztiek ez<br />
badute bat-egitea onartzen proiektuaren hasiera-datatik sei hilabeteko epean. Legeak berak<br />
sei hilabeteko epea ematen du, bat-egitearen proiektua sinatzen denetik hasita, hura buka<br />
dadin, eta, bestela, alderdiak aipatutako proiektuan jasotako betebeharretatik askatzen ditu.<br />
Kooperatiben Erregistroaren Erregelamendu berririk ezean, egungo 61. artikuluan<br />
(59/2005 Dekretua) artikuluaren aginduzko izaera indartu egin da, kooperatiba bakoitzeko<br />
administratzaileei proiektua gordailutzeko betebeharra ezartzen dien betekizun erantsia dela<br />
eta (61.1 artikulua), eta aurkeztutako dokumentua legezko aginduak eskatutakoa den eta<br />
behar bezala sinatuta dagoen kontuan hartuta kalifikatuko da; era berean, bazterreko oharra<br />
egingo da hamabost eguneko epean, esku hartzen duen kooperatiba bakoitzari irekitako<br />
orrian (61.2 artikulua). Bazterreko oharra aurretiazko baldintzatzat jo behar da, aginduzkoa<br />
baita bat-egiteari buruzko erabakia hartzen duten batzarren deialdia argitaratu ahal izateko<br />
(61.3 artikulua). Erregistroak idatzoharra jakinaraziko dio bat-egitean parte hartzen duten<br />
sozietate guztiei.<br />
12.2.4. Beste arau aplikagarri batzuk<br />
Arlo honetan, bereziki, garapen-araudian ezartzen denari eta Euskadiko Kooperatiben<br />
Erregistroaren Erregelamenduan arautzen denari erreparatu beharko zaie. Berria falta denez,<br />
59/2005 Dekretuaren 62. artikuluan ezartzen da proiektua gordailutu behar dutela bat egin<br />
behar duten kooperatiba bakoitzeko administratzaileek, eta debekatuta dagoela batzar<br />
orokorrerako deialdia egitea proiektua gordailutu arte.<br />
Estatuko legeriari dagokionez, esan beharra dago Kooperatibei buruzko 27/1999 Legearen<br />
63. artikuluaren lau, bost eta seigarren paragrafoak ez liratekeela osagarri gisa aplikatuko,<br />
eta, nolanahi ere, bat-egitearen aurreko eragiketak eta bat-egiteko proiektua euskal legean<br />
xedatutakoaren modu berean arautuko liratekeela (estatuko arauan borondatezko erreserba<br />
banagarririk ez dagoela kontuan hartuta).<br />
292
KOOPERATIBAREN BAT-EGITEA ETA ZATITZEA<br />
Hala ere, bat-egitean estatuko edo euskal autonomia erkidegokoa ez den beste lege baten<br />
araberako kooperatibek parte hartuko balute (euskal lege bati lotuta dagoen kooperatiba<br />
batez gain), lege horietan proiektuaren betekizunei buruz xedatutakoa bete beharko litzateke;<br />
izan ere, parte hartzen duten guztientzako proiektu erkidea izanik, lege guztietan ageri diren<br />
betekizunak bete beharko lirateke.<br />
12.3. Bat-egiteari buruzko informazioa<br />
82. artikulua.– Bat-egiteari buruzko informazioa.<br />
Bat-egitea onartu behar duen batzar orokorreko deialdia egitean, honako dokumentu<br />
hauek jarri beharko dira bazkideen eskura sozietatearen egoitzan:<br />
a) Bat-egitearen proiektua.<br />
b) Bat-egitearen onurak eta ondorioak azaltzen dituzten txostenak, kooperatiba<br />
bakoitzaren administratzaileek idatziak.<br />
c) Bat-egitean parte hartzen duten kooperatiben urteko kontuak, azken hiru<br />
ekitaldietakoak, eta, hala badagokio, kudeaketa-txostenak eta kontu-auditoreenak.<br />
d) Kooperatiba bakoitzaren bat-egitearen balantzea, onartu den azken urteko<br />
balantzeaz bestelakoa baldin bada balantze hori. Azken urtean onartutako balantzea<br />
jo ahal izango da bat-egitearen balantzetzat, baldin eta bat-egitearen onarpenaren<br />
aurreko sei hilabeteren barruan itxi bada.<br />
e) Kooperatiba berriaren estatutu-proiektua edo kooperatiba bereganatzailearen<br />
estatutuetan sartu beharreko aldaketak jasotzen dituen testu osoa.<br />
f) Bat-egitean parte hartzen duten kooperatiba guztietan indarrean dauden estatutuak.<br />
g) Bat-egitean parte hartzen duten sozietateetako administratzaileen izen-abizenak<br />
eta adina, pertsona fisikoak badira, edo izena edo izen soziala, pertsona juridikoak<br />
badira, eta, batean zein bestean, nazionalitatea eta helbidea, eta noiztik dauden<br />
kargu horietan, eta, hala badagokio, bat-egitearen ondorioz administratzaile<br />
proposatuko diren pertsonen datu berberak.<br />
12.3.1. Sarrera<br />
Sozietateen gainerako zuzenbidean gertatzen den bezala, bat-egiteari buruzko erabakia<br />
hartzen duten bazkideek hori egiteko behar den informazioa izan behar dute. Gutxienekotzat<br />
jotzen den informazioa ezarri da, estatutuetan arautzen den gainerako informazioari edo<br />
administratzaileek, euren erabakiz, eman dezaketenari kalterik egin gabe.<br />
Artikuluaren helburua da bazkideek, hartutako informazioari esker, irizpide bat lantzeko<br />
modua izan dezaten, proposatzen zaien erabakiaren alde ala kontra bozkatzeko.<br />
12.3.2. Berrikuntza nagusiak aurreko araudiaren aldean<br />
Hizpide darabilgun 82. artikuluak 4/1993 Legearen 78. artikuluaren eduki berdina dakar,<br />
baina c) letran, urteko kontuen ordez, kontu horiek osatzen dituztenei buruzko aurreko<br />
aipamena ageri da: balantzea, galera-irabazien kontua eta memoria.<br />
293
KOOPERATIBAREN BAT-EGITEA ETA ZATITZEA<br />
12.3.3. Iruzkin orokorra eta esanahi praktikoa<br />
Legeak gutxieneko dokumentu batzuk ezarri ditu, eta dokumentu horiek bazkideen eskura<br />
egon behar dute bat-egitea onartu behar duen batzarrerako deialdia egiten denetik. Horrez<br />
gain, administratzaileek egokitzat jotzen duten informazioa eman dezakete. Ondokoek<br />
bazkideen eskura egon behar dute sozietatearen egoitzan:<br />
a) Bat-egiteko proiektua, dagoeneko aipatu duguna, eskatzen den gutxieneko<br />
informazioa jasota.<br />
b) Proiektatutako bat-egitearen komenigarritasunari eta ondorioei buruzko txostenak,<br />
kooperatiba bakoitzeko administratzaileek idatzitakoak.<br />
Legeak ez du besterik esaten, eta txosten horietan bat-egitea onartu behar dela uste<br />
ez duten kontseilukideen kontrako iritziak jasoko dira.<br />
Merkataritza-sozietateen egitura-aldaketei buruzko apirilaren 3ko 3/2009 Legearen<br />
33. artikuluak ezarri ez bezala, ez da txosten horren edukia xedatu, nahiz eta honako<br />
alderdi hauek aipatzen diren: “alderdi juridikoak eta ekonomikoak, bereziki, akzioen,<br />
partaidetzen edo kuoten truke-mota eta izan litezkeen balorazio-zailtasun bereziak<br />
aipatuta, bai eta bat-egiteak bazkideengan, hartzekodunengan eta langileengan<br />
dituen ondorioak ere”.<br />
Hala ere, badirudi ondorio juridiko eta ekonomikoei buruzko aipamena nahitaez<br />
egin behar dela, bai eta bat egingo duten kooperatiben kapital eta erreserbak nola<br />
geratuko diren azaldu ere.<br />
Balorazioa egiteko balizko zailtasunei dagokienez, kooperatiben araubide<br />
ekonomikoaren berezitasunak bereziki kontuan hartuta (adibidez, filialen balioa<br />
Espainian edo atzerrian, gainbalioak dituzten lurrak), komenigarria litzateke<br />
bazkideari oraingo eta etorkizuneko ondorioei buruzko informazioa ematea, baina<br />
testuak ez du ezer eskatzen.<br />
Are arazo gehiago dakartza hartzekodunei eta langileei buruzko aipamenak; izan<br />
ere, haien interesak sistema kooperatibotik kanpo ez badaude ere, testuan ez dira<br />
horien aipamenik ageri. Ildo horretan, esan behar da artikuluak botoa emango duten<br />
bazkideei informazioa ematea duela xede, ez hirugarrenei informazioa ematea.<br />
c) Bat-egitean parte hartzen duten kooperatiben azken hiru ekitaldietako urteko<br />
kontuak, eta, hala badagokio, kudeaketa-txostenak eta kontu-auditoreenak.<br />
d) Kooperatiba bakoitzaren bat-egitearen balantzea, onetsitako azken urtekoa ez denean.<br />
Bat-egitearen balantzetzat har daiteke onartutako azken urteko balantzea, baldin eta<br />
bat-egiteko proiektua onetsi aurreko sei hilabeteen barruan itxi bada.<br />
e) Kooperatiba berriaren estatutuen proiektua edo kooperatiba irenslearen estatutuetan<br />
gehitu beharreko aldaketen testu osoa.<br />
Bat egindako sozietatea arautzen duten estatutuak zein izango diren jakitea da<br />
kontua.<br />
f) Bat-egitean parte hartzen duten kooperatiba guztien indarreko estatutuak.<br />
g) Bat-egitean parte hartzen duten sozietateen administratzaileen izenak, abizenak<br />
eta adina, pertsona fisikoak badira, edo sozietatearen izena, pertsona juridikoak<br />
badira, eta, bi kasuetan, nazionalitatea eta egoitza, eta karguak zein datatik aurrera<br />
294
KOOPERATIBAREN BAT-EGITEA ETA ZATITZEA<br />
betetzen dituzten, eta, hala badagokio, bat-egitearen ondorioz administratzaile gisa<br />
proposatuko direnen aipamen berberak.<br />
12.3.4. Beste arau aplikagarri batzuk<br />
Arestian adierazi dugun bezala, 27/1999 Legea ez da modu osagarrian aplikatzekoa, baina,<br />
nolanahi ere den, lege horren edukia ia bat dator 63. artikuluaren 7. zenbakiak xedatzen<br />
duenarekin.<br />
Hala ere, bat-egitean estatuko edo autonomiako beste lege bati lotutako kooperatibek parte<br />
hartuko balute (euskal legeari lotutako kooperatiba batekin batera), lege horietan bazkideei<br />
eman beharreko informazioari buruz xedatutakoa bete beharko litzateke; izan ere, nahiz eta<br />
formalki kooperatiba bakoitzari aplikatu beharreko lege bakoitzean eskatutakoa emanez<br />
beteko litzatekeen, desberdintasunik balego, ondok alegazioa aurkez liteke: emandako<br />
informazioa desberdina izan dela, eta, beraz, bazkideek ez dutela informazio berdina eskura<br />
izan erabakia hartzerakoan.<br />
12.4. Bat-egiteari buruzko erabakia<br />
83. artikulua.– Bat-egiteari buruzko erabakia.<br />
1.– Bat-egitean parte hartzen duten kooperatiba guztietako batzar orokorrek hartu<br />
beharko dute bat-egiteari buruzko erabakia, bat-egiteari buruzko proiektuarekin<br />
bat etorriz.<br />
2.– Estatutuak aldatzeko legeetan eta estatutuetan bertan ezarrita dauden arauak<br />
aintzat harturik, batzar orokorra egiteko deialdian azaldu beharko da bat-egitearen<br />
proiektua gordailutu dela Euskadiko Kooperatiben Erregistroan, eta bazkide guztiek<br />
eskubidea dutela sozietatearen egoitzan aztertzeko aurreko artikuluan adierazitako<br />
dokumentu guztiak, baita dokumentu horien testu osoa eman edo doan helaraz<br />
diezaieten ere.<br />
3.– Bat-egitearen erabakia 38.2 artikuluan xedatutako gehiengoak onartu beharko du,<br />
eta erabaki horrek ezin izango du aldatu lehendik hitzartuta dagoen bat-egitearen<br />
proiektua.<br />
4.– Bat-egitearen erabakiak kooperatiba berri bat sortzeko legez exijitzen diren<br />
aipamenak bildu beharko ditu; kooperatiba bereganatzailearen kasuan, berriz,<br />
estatutuetan egin behar diren aldaketak bildu beharko ditu erabakiak.<br />
5.– Prozesu horretan parte hartzen duten kooperatibetako batzar orokorrek proiektua<br />
onartuz gero, kooperatiba horiek behartuta egongo dira bat-egitearen prozedurarekin<br />
jarraitzeko.<br />
6.– Bat-egitea erabaki ondoren, Euskal Herriko Agintaritzaren Aldizkarian argitaratuko<br />
da erabakia, baita bat-egitean parte hartu duen kooperatibetako bakoitzak helbide<br />
soziala duen lurralde historikoan zabalkunde handia duten bi egunkaritan ere.<br />
12.4.1. Sarrera<br />
Bat-egitearen akordioaren araudiak gutxieneko arau batzuk ezartzen ditu batzarren<br />
295
KOOPERATIBAREN BAT-EGITEA ETA ZATITZEA<br />
deialdiari, akordioaren edukiari eta onarpenari, onespenaren ondorioei eta argitaratzeko<br />
eskakizun bereziei buruz.<br />
12.4.2. Berrikuntza nagusiak aurreko araudiaren aldean<br />
Indarrean dagoen 83. artikulua 4/1993 Legearen 79. artikulu zaharrari dagokio, baina<br />
artikuluaren hirugarren zenbakiak egiten duen igorpena, 36. Artikuluaren bigarren zenbakiak<br />
xedatutako gehiengoari buruzkoa, ordeztu da, eta gaur egun gehiengo hori arautzen duen<br />
artikuluaren aipamena, 38.2 artikuluarena, alegia, egin da.<br />
12.4.3. Iruzkin orokorra eta esanahi praktikoa<br />
83. artikuluak gutxieneko batzuk ezartzen ditu, akordioa baliozkoa izan dadin bete behar<br />
direnak, bai eta, esku hartzen duten kooperatiben batzar orokorrek eta hirugarrenentzako<br />
informazio-bideak onartu ondoren, akordio horrekiko lotura ere.<br />
Lehenengo zenbakian ezarri da bat-egitearen erabakia bertan parte hartzen duen kooperatiba<br />
bakoitzaren batzar orokorrek hartu behar dutela, bat-egiteko proiektuaren arabera. Erabakia<br />
bat-egitearen proiektuaren arabera hartzeko derrigortasuna artikulu bereko hirugarren<br />
zenbakian ere ageri da, geroago ikusiko dugun bezala.<br />
Bigarren zenbakiak, batzar orokorraren deialdiari buruzkoak, eskatzen du deialdia estatutuak<br />
aldatzeko araututako lege- eta estatutu-arauekin bat etor dadin, eta bat-egitearen proiektua<br />
Euskadiko Kooperatiben Erregistroan gordailutu dela adieraztera behartzen du, bai eta bazkide<br />
guztiek 82. artikuluan adierazitako dokumentuak sozietatearen egoitzan aztertzeko eskubidea<br />
jasotzera eta haien testu osoa doan emateko edo bidaltzeko eskatzera ere.<br />
Horrela, bazkideek jakin behar dute gutxieneko informazioa dagoela eta deialdia zabaldu<br />
ondotik eskuragarri dutela, bai sozietatearen egoitzan aztertzeko, bai, modu errazagoan, nahi<br />
duten lekuan kontsultatu ahal izateko, doan igortzeko eskatu ondoren.<br />
Gutxieneko alderdi horiek estatutuetan edo aldebakartasunez zabal ditzake deitzaileak<br />
berak.<br />
Legeak ez du arautu bat-egiteari buruzko akordiorik eman dezakeen biltzar orokor<br />
unibertsalaren aukera, eskatutako dokumentazio eta informazioaren eskuragarritasunari uko<br />
eginez gero. Ikuspuntu teorikotik begiratuta, ez dirudi inolako arazorik egon daitekeenik<br />
ulertu ahal izateko, merkataritza-sozietateen egiturazko aldaketei buruzko apirilaren 3ko<br />
3/2009 Legearen 42. artikuluaren lehenengo zenbakiaren ildotik, bat egiteko erabakia legeak<br />
eskatzen dituen dokumentuak aldez aurretik argitaratu edo gordailutu beharrik gabe hartu ezin<br />
denik, bai eta bat-egitearen proiektuari buruz administratzaileek egindako txostena aurkeztu<br />
gabe ere, baldin eta bat egiteko erabakia “batzar unibertsalean eta boto-eskubidea duten<br />
bazkide guztien ahobatezkotasunez eta, hala badagokio, legeak edo estatutuek diotenari<br />
jarraiki, boto-eskubidea balia dezaketenen ahobatezkotasunez” hartzen bada, batzar<br />
unibertsala bidezkoa bada eta, ahobatezkotasunik izanez gero, gutxieneko alderdi horien<br />
bidez babestu nahi diren eskubideak dituzten bazkide guztiek uko egiten badiote; dena dela,<br />
82. artikuluaren edukia balizko interpretazio horren aurkakoa da, artikulu horrek arautzen<br />
duenez, bat-egiteak modua izango du bat-egitearen proiektua Euskadiko Kooperatiben<br />
Erregistroan gordailutzen bada eta gainerako betekizunak betetzen badira.<br />
296
KOOPERATIBAREN BAT-EGITEA ETA ZATITZEA<br />
Hirugarren zenbakian, bat egiteko erabakia onartzeko behar den gehiengoa araututa dago,<br />
eta 38.2 artikuluak araututako gehiengoari lotzen zaio (bertaratutako edo ordezkatutako<br />
bazkideek balio osoz emandako botoen bi hereneko gehiengoa, betiere bertaratutako eta<br />
ordezkatutako botoen kopurua kooperatibaren boto guztien % 75 baino txikiagoa bada;<br />
bestela, balio osoz emandako botoen erdia). Gehiengo hori bat-egitean esku hartzen duten<br />
kooperatiba guztietan lortu behar da, bat-egitea gehiengo horren bidez onartu behar baita<br />
kooperatiba bakoitzean.<br />
Gehiengo horiek estatutuen arabera goititu daitezke.<br />
Era berean, zenbaki horrek berak ezarri du itundutako bat-egitearen proiektua aldatzea<br />
ezinezkoa dela. Batzarrak baiezkoa edo ezezkoa eman beharko du, eta bozketaren emaitza<br />
ezezkoa bada, bat-egitea hasieratik negoziatu ahalko da berriro, baldin eta esku hartzen duten<br />
beste kooperatibek artean interesa badute. Esku hartzen duten kooperatibek onartzen duten<br />
bat-egitea proiektu bakarrean oinarrituta egon behar da, eta, beraz, erabaki horiek proposatu<br />
diren moduan onartu behar dira. Ildo beretik, gogoratu behar da merkataritza-sozietateen<br />
egiturazko aldaketei buruzko apirilaren 3ko 3/2009 Legearen 40. artikuluak berariaz arautzen<br />
duela, lehenengo zenbakian, “bat-egitearen proiektua aldatzen duen sozietate baten edozein<br />
erabaki proposamena baztertzearen baliokidea izango da”.<br />
Laugarren zenbakiak bi kasu bereziten ditu: kooperatiba berria sortzea eta kooperatiba<br />
batek beste bat xurgatzea. Lehenengo kasuan, bat-egitearen akordioak kooperatiba berria<br />
sortzeko legez galdatzen diren aipamenak jasotzea xedatu da. Bigarrenean, aldiz, estatutuetan<br />
egin beharreko aldaketak onartzea. Eta kasuoi darien eztabaida akademikoa hauxe da: estatu<br />
berriak bi koopertaibek onartu behar dituzte ala kooperatiba xurgatzailearen batzarrak soilik.<br />
Egia esatera, estatutuen testua legearen 82. zenbakiaren e) letran ezarritako baldintza da, testu<br />
horrek beharrezko informazioa baitakar gerora onartuko den bat-egiteari buruz, eta, bestetik,<br />
deialditik aurrera esku hartzen duten kooperatiba bakoitzeko bazkideen eskura egongo baita.<br />
Zentzuzkoena litzateke, xurgatutako kooperatibako bazkideek, bat-egitearen erabakiaren<br />
barruan, sozietate xurgatzailearen estatutu aldatuak proiektuari erantsitakoak izango direla<br />
onartzea. Nolanahi ere, hori alde batera utzita, xurgatzailearen estatutuen aldaketa, azkenean,<br />
xurgatuak onartzen ez badu, ulertu beharko da bat-egiterik ez dela gertatu, estatutu horien<br />
testua bazkideek erabakia hartzerakoan zerabilten oinarrizko informazioetako bat zelako.<br />
Horrez gain, adierazi behar da 86.2 artikuluak kooperatiba xurgatzaileak erabakitako<br />
estatutu-aldaketez diharduela.<br />
Bosgarren zenbakiak ezarri ditu batzar orokorrek bat-egitearen proiektua onartzeak zernolako<br />
ondorio izan duen esku hartzen duten kooperatibentzat, eta bertan adierazi denez,<br />
proiektua onartzen den unetik kooperatibek aurrera atera beharko dutela. Aginduzko artikulu<br />
hori baliagarria izan daiteke esku-hartzaileren bateko administratzaileek bat-egitea burutzeko<br />
beharrezkoak diren egintzak egiteari uko egiten badiote, batzar orokorrak onartu ostean.<br />
Azkenik, seigarrenen artikuluan bat-egitaren erabakiaren beharrezko publizitatea arautu<br />
da, behin erabakia hartuta, eta galdatu da Euskal Herriko Agintaritzaren Aldizkarian eta<br />
bat-egitean parte hartzen duen kooperatiba bakoitzak sozietate-helbidea daukan lurralde<br />
historikoan zabalkunde handia duten bi egunkaritan argitaratu behar dela. Hau da, iragarkiaren<br />
testua bera denean eta parte hartzen duten kooperatiben helbidea lurralde historiko berean<br />
dagoenean, eskakizuna bete ahal izango da Euskal Herriko Agintaritzaren Aldizkarian iragarki<br />
bakarra argitaratuz eta egoitza dagoeneko lurralde historikoan zabalkunde handia duten bi<br />
297
KOOPERATIBAREN BAT-EGITEA ETA ZATITZEA<br />
egunkaritan argitaratuz. Aitzitik, bat egindakoen helbideak lurralde historiko desberdinetan<br />
badaude, lurralde bakoitzean bitan argiatartu beharko da beharko dira (hedapen handiko<br />
egunkaria bi lurralde horietan argitaratu ezean). Berdin gertatuko da kooperatiba bakoitzak<br />
bat egiteko hartutako erabakiaren onespena soilik argitaratzen duenean. Horregatik, datei<br />
eta argitalpenei dagokienez, erabakiak koordinatuz gero, eskakizuna erraztu egin daiteke,<br />
batez ere, argitaratzeak geroago aztertuko ditugun 80. eta 81. artikuluetan ageri diren epeak<br />
hasarazten dituelako.<br />
Kooperatiben Erregistroaren Erregelamendu berririk ezean, 59/2005 Dekretuaren 62.2<br />
artikuluaren a) letrak argitalpenen ale bana bat-egitearen eskriturari eranstea xedatzen du,<br />
adierazpen hutsa nahikoa ez dela. Eskakizun hori bete gabe, ezin izango da inskripzioa egin,<br />
eta, beraz, bat-egitea ezin izango da gauzatu.<br />
12.4.4. Beste arau aplikagarri batzuk<br />
Lehen adierazi dugun bezala, 27/1999 Legea modu osagarrian aplikatu ezin den arren,<br />
esan dezakegu legearen 64. artikuluaren edukia ez dela hain zehatza. Hala ere, bat-egitean<br />
estatuko edo euskal autonomia-erkidegokoa ez den beste lege bati lotutako kooperatibek<br />
parte hartzen badute (euskal legeari lotutako kooperatiba batez gainera), gai horri buruzko<br />
arauetan xedatutakoa bete beharko da; izan ere, kooperatiba sortu berrian desagertu egingo<br />
baitira kooperatiben erregistro desberdinetan inskribatutako lehengo kooperatibak, eta<br />
xurgatze bidezko bat-egiteetan, berriz, xurgatutakoak.<br />
Horrez gain, aplikagarria ez bada ere, Merkataritzako sozietateen egiturazko aldaketei<br />
buruzko apirilaren 3ko 3/2009 Legearen 40. artikulutik 44. artikulura agertzen den<br />
erregulazioa azter daiteke, esku-hartzaileen bazkideei eman beharreko eskubide gehigarriei<br />
buruzko ideiak eman diezazkiekeelako administratzaileei.<br />
12.5. Bazkidearen eskubidea kooperatiba uzteko<br />
84. artikulua.– Bazkidearen eskubidea kooperatiba uzteko.<br />
1.– Bat-egitean parte hartzen duten kooperatibetako bazkide guztiek eskubidea izango<br />
dute kooperatiba uzteko baldin eta bat-egitearen kontrako botoa eman badute edo,<br />
batzarrera joan ez arren, bat-egitearen kontra azaltzen badira eta desadostasun<br />
horren berri ematen badiete administratzaileei, idazki bidez, berrogei eguneko<br />
epean, bat-egiteari buruzko azken iragarkia argitaratzen denetik aurrera kontaturik.<br />
2.– Eskubide hori baliatuz gero, bidezkotzat joko da bazkidearen baja. Kooperatiba<br />
berriaren edo bereganatzailearen betebeharra izango da bat-egitearen ondorioz<br />
azkentzen diren kooperatibetako bazkideei ekarpenak itzultzea.<br />
12.5.1. Sarrera<br />
Bat-egiteak egiturazko aldaketak dakartza parte hartzen duten kooperatibetan, eta baliteke<br />
aldaketa horiek interesgarriak ez izatea kooperatiba osatzen zuten bazkideren batentzat,<br />
legeak banantze-eskubidea aitortzen baitie. Bat-egitea aurreko artikuluetan ezarritako<br />
gehiengoaren bidez erabaki behar da, baina zenbait baldintza betetzen dituzten bazkideak<br />
bategitearen proiektutik aldendu ahalko dira.<br />
298
KOOPERATIBAREN BAT-EGITEA ETA ZATITZEA<br />
12.5.2. Berrikuntza nagusiak aurreko araudiaren aldean<br />
Artikulua bat dator 4/1993 Legearen 80. artikuluarekin.<br />
12.5.3. Iruzkin orokorra eta esanahi praktikoa<br />
Lehenengo zenbakiak kooperatibatik bereizteko eskubidea aitortzen die bat-egitean parte<br />
hartzen duten kooperatiba guztietako bazkideei, baldin eta:<br />
• bat-egitearen aurka bozkatu badute,<br />
• edo, batzarrera joan ez arren, desadostasuna adierazten badute administratzaileei<br />
bidalitako idazki baten bidez, berrogei eguneko epearen barruan, bat egiteko<br />
erabakiaren azken iragarkia egin zenetik zenbatzen hasita.<br />
Legeak aurka bozkatzea xedatzen du, eta hori egiaztatu ahal izateko, beharrezkoa izango da<br />
bazkidearen botoaren emaitza aktan agerraraztea. Batzarrera joan ez bada (bertaratutakoen<br />
zerrendaren bidez egiazta daiteke), akordioarekiko desadostasuna idatziz adierazi beharko<br />
die administratzaileei, 40 eguneko epearen barruan, 83.6 artikuluak jasotako bat-egitearen<br />
erabakiaren azken iragarkia egin zenetik zenbatzen hasita.<br />
Banantzeko eskubidea aurreko baldintzak betetzen dituzten kooperatiba jarduleetarik<br />
bateko bazkideei ematen zaie, eta, horrela, xurgatze bidezko bat-egiteetan, kooperatiba<br />
xurgatzaileko bazkideei.<br />
Banantze-eskubidea baliatzen duen bazkidearen baja justifikatutzat jotzen da (84.2<br />
artikulua), eta kooperatiba berriak edo xurgatzaileak itzuli beharko ditu haren ekarpenak.<br />
84. artikuluaren bigarren zenbakiak ekarpenaren itzulketaz dihardu, bat-egitearen ondorioz<br />
azkentzen diren kooperatibetako bazkideentzat, eta betebehar hori kooperatiba berriari edo<br />
xurgatzaileari dagokiola ezarri da. Hala ere, betebehar bera ezarri zaio xurgatzaileari, lehen<br />
kide ziren bazkideei dagokienez.<br />
Kooperatiben Erregistroaren Erregelamendurik ezean, 59/2005 Dekretuaren 62.1<br />
artikuluaren d) letrari jarraiki, bat-egitearen eskrituraren nahitaezko edukia da egilesleen<br />
adierazpena, banantze-eskubidea egikaritu duten bazkideak identifikatuz eta ekarpenak<br />
itzultzeko baldintzak jasoz.<br />
12.5.4. Beste arau aplikagarri batzuk<br />
Bat-egitea arautzen duten gainerako artikuluak bezala, 27/1999 Legearen 65. artikulua<br />
ez da zuzenean aplikatzekoa, eta, nolanahi ere, erregulazioa oso antzekoa da. Beharbada,<br />
idazketa zehatzagoa izango luke aldeko botoa eman ez duten bazkideak aipatuko balitu,<br />
oro har, baja-eskaeraren idazkia artezkaritza-kontseiluko buruari edo presidenteari helarazi<br />
behar zaiola zehaztuko balu (euskal legearen kasuan, beti ez dago organo hori, kooperatiba<br />
hainbat modutan administratu ahal delako) eta “bat-egitearen ondoriozko kooperatiba”ren<br />
gaineko itzulketa egiteko betebeharra ezarriko balu.<br />
Euskal kooperatiba batekin bat egiten duten zenbait autonomia-legeri edo estatuko legeari<br />
lotutako kooperatibek esku hartzen badute, horietako bakoitzak banantze-eskubideari buruz<br />
duen erregulazioa hartu beharko da kontuan.<br />
299
KOOPERATIBAREN BAT-EGITEA ETA ZATITZEA<br />
12.6. Hartzekodunek aurka egiteko eskubidea<br />
85. artikulua.– Hartzekodunek aurka egiteko eskubidea.<br />
1.– Kooperatibek bat egiteko, hilabete igaro beharko da 83.6 artikuluan xedatutako<br />
azken iragarkia jartzen denetik aurrera kontaturik. Epealdi horretan, bat-egitean<br />
parte hartzen duten kooperatibetakoren baten hartzekodunak idatziz azaltzen badira<br />
bat-egitearen kontra, kooperatibak ezin izango dira batu harik eta erabat kitatu arte<br />
hartzekodun horiekin dituzten kredituak, edo zorrak dituen sozietateak edo bategitearen<br />
ondorioz sortzen den kooperatibak nahikoa berme eskaini arte.<br />
2.– Hartzekodunek ezingo diote aurka egin ordainketari, nahiz eta epeak amaitu gabe<br />
egon.<br />
3.– Bat-egiteari buruzko erabakiaren iragarkian, espresuki aipatu beharko da<br />
hartzekodunek aurka egiteko eskubidea dutela.<br />
12.6.1. Sarrera<br />
Kooperatiben batzarrek erabakitako egiturazko aldaketak eragina izan dezake sozietate<br />
berriko hartzekodunetan eta azkenak sozietate berriaren hartzekodun bihurtuko lirateke.<br />
Baliteke sozietate berriaren kaudimena aldatzea, jatorrizko sozietatearen edo sozietateen<br />
aldean, edo jarduera nagusiari zein hartzekodunari hartzekodun bihurtu zuen eragiketa ez<br />
egitea iradokiko zion beste edozein alderdi garrantzitsuri dagokionez.<br />
Horregatik guztiagatik, bat-egiteak arautzen dituen sozietate-araudiak, oro har,<br />
hartzekodunak bat-egiteak ekarriko lukeen aldaketaren aurka egiteko aukera arautzen du,<br />
hainbat ñabardura eta baldintzarekin. Ez da bat-egitea blokeatzeko aurkaritza, banandu<br />
daitekeen bazkidearen antzeko eskubidea baizik. Hartzekoduna sozietatetik bereiz daiteke<br />
eta bere kreditua ordaintzeko eskatu edo, gutxienez, kreditua kobratuko duelako berme<br />
nahikoa lortu.<br />
12.6. Berrikuntza nagusiak aurreko araudiaren aldean<br />
Indarrean dagoen 85. artikulua bat dator 4/1993 Legearen 81. artikulu zaharrarekin, eta<br />
artikuluaren lehen zenbakiak 79. artikuluaren 6. zenbakian arautzen ziren iragarkietatik<br />
lehenengoari egindako igorpenaren ordez, oraingo artikuluaren (83. artikuluaren 6. zenbakia)<br />
ageri da.<br />
12.6.3. Iruzkin orokorra eta esanahi praktikoa<br />
83.6 artikuluan araututako azken iragarkia argitaratzen denetik hilabeteko epean, ezin<br />
izango da bat-egiterik egin (85. Artikuluaren lehenengo zenbakia). Epe horretan, bat-egitean<br />
parte hartzen duten kooperatiben zeinahi hartzekodunek (ez xurgatuarenak bakarrik) bategitearen<br />
aurka egin dezake idatziz. Eta idatzizko aurkaratzea aurkeztu ondoren, bat-egitea<br />
ezin izango da gauzatu hartzekodunaren kredituak osorik ordaintzen ez badira edo sozietate<br />
zordunak edo bat-egitearen ondoriozko kooperatibak behar besteko bermerik ematen ez<br />
badu.<br />
Dena dela, ez da adierazi berme nahikotzat zer jotzen den. Merkataritza-sozietateen<br />
300
KOOPERATIBAREN BAT-EGITEA ETA ZATITZEA<br />
egiturazko aldaketei buruzko apirilaren 3ko 3/2009 Legearen 44. artikuluaren 3. zenbakiak<br />
honako hau adierazten du: “Hartzekoduna gogobetetzen duen bermea, edo, bestela,<br />
fidantzak emateko behar bezala gaituta dagoen kreditu-erakunde batek sozietatearen aldeko<br />
fidantza solidarioa eratu duela hartzekodun horri jakinarazten dion arte; fidantza horrek<br />
hartzekodunaren jabetzako kredituaren zenbatekoa estaliko du, eta indarrean egongo da<br />
fidantza eskatzeko egintza preskribatzen ez den artean”. Hartzekodunak bermea onartzen<br />
badu, nahikoa izango da, eta hala egiten ez badu, aipatutako artikuluan beste aukera bat<br />
ezarri da, bermeak ematen dituena eta hartzekodunaren ekintza eragozlea ekiten duena.<br />
Artikuluaren bigarren zenbakian, artean kredituak mugaeguneratuta ez dituen<br />
hartzekodunari kredituak ordaintzeko aukera ematen da, hartzekodunak bat-egitearen kontra<br />
egin baitezake muga-eguna iritsi bitartean. Horrela, bermea emateko modu bat eskaintzen<br />
da, ordainketa aurreratzea ahalbidetuta.<br />
Azkenik, hirugarren zenbakian eskatzen da bat-egiteko erabakiaren iragarkian berariaz<br />
aipa dadila aurka egiteko hartzekodunen eskubidea. Hartzekodunak eskubidea baduela<br />
gogorarazteko ekintza da, gerta baitaiteke, hartzekodunak iragarkia ikusi eta eskubide hori<br />
baduela ez jabetzea.<br />
Kooperatiben Erregistroaren Erregelamendu berririk ez dagoenez, 59/2005 Dekretuaren<br />
62.1 artikuluaren c) letrak ezartzen du bat-egitearen eskrituraren nahitaezko edukia dela<br />
egilesleek adieraztea bat-egitean parte hartzen duten kooperatibetako hartzekodunetako bat<br />
ere ez dela horren aurka agertu, hilabeteko epean, azken iragarkia argitaratu den datatik<br />
zenbatzen hasita. Bestela, aurka dauden hartzekodunak adierazi behar dira, eta horien<br />
helbidea agertu behar da, bai eta bakoitzaren kredituaren zenbatekoa eta sozietate zordunak<br />
edo bat-egitearen ondoriozko kooperatibak horiek ordaintzeko emandako bermeak ere.<br />
12.6.4. Beste arau aplikagarri batzuk<br />
Bat-egitea arautzen duten gainerako artikuluak bezala, 27/1999 Legearen 66. artikuluaren<br />
1. zenbakia ez da aplikatzekoa; nolanahi ere, haren arauketa oso antzekoa da, baina epea bi<br />
hilabetera luzatu da eta hartzekodun arruntetara mugatu da.<br />
Autonomia-erkidego batzuetako zenbait legeri edo estatuko lege bati loturik dauden<br />
kooperatibek esku hartzen badute bat-egitean –ondoriozko kooperatiba euskal legeari<br />
lotutakoa dela− horietako bakoitzak aurka egiteko eskubideari buruz duen erregulazioa<br />
aintza hartu beharko da.<br />
12.7. Bat-egitearen eskritura eta inskripzioa<br />
86. artikulua.– Bat-egitearen eskritura eta inskripzioa.<br />
1.– Eskritura publiko bakar batean formalizatuko dira bat-egiteari buruzko erabakiak,<br />
eta eskritura horretan azalduko dira: batetik, bat-egitearen erabakia, batzen<br />
diren kooperatiben batzar orokorrek hartzen dutena, eta, bestetik, azkentzen diren<br />
kooperatiben bat-egitearen balantzeak.<br />
2.– Kooperatibek bat egitearen ondorioz kooperatiba berri bat sortuz gero, legez sortzeko<br />
aurreikusten diren aipamenak ere jaso beharko dira eskrituran. Kooperatiba<br />
batek beste bat bereganatuz gero, kooperatiba bereganatzaileak zer aldatzen duen<br />
estatutuetan, aldaketa horiek jaso beharko dituzte eskriturek.<br />
301
KOOPERATIBAREN BAT-EGITEA ETA ZATITZEA<br />
3.– Bat-egitea eraginkorra izan dadin, ezinbestekoa izango da kooperatiba berria<br />
inskribatzea, edo, bereganatze-prozesu bat izan bada, kooperatiba bereganatu<br />
dela inskribatzea. Bat-egitearen ondoriozko sortze berriaren edo bereganatzearen<br />
gaineko eskritura Euskadiko Kooperatiben Erregistroan behin inskribatuta,<br />
deuseztatuko dira azkentzen diren kooperatiben erregistro-idazpenak.<br />
12.7.1. Sarrera<br />
Aurreko urratsak bete ondoren, bat-egitea burutzeko, eskritura publikoa egiletsi eta<br />
erregistroan inskribatu behar da.<br />
12.7.2. Berrikuntza nagusiak aurreko araudiaren aldean<br />
Artikulua bat dator 4/1993 Legearen 82. artikuluarekin.<br />
12.7.3. Iruzkin orokorra eta esanahi praktikoa<br />
Artikulu honek ere aginduzko izaera dauka.<br />
86. artikuluaren lehenengo zenbakiak ezartzen duenez, bat-egitearen erabakiak eskritura<br />
publiko bakarrean formalizatuko dira. Eskritura horretan, bat egiten duten kooperatiben<br />
batzar orokorrek onartutako bat-egitearen erabakia eta azkentzen diren kooperatiben<br />
bat-egitearen balantzea jasoko dira. Eskritura bakarrari eutsi zaio, 4/1993 Legearen 82.<br />
artikuluaren idazketa berari oratuta. Bat-egitearen inguruko erabakiak aldi berean jasoko<br />
dira, eta horien artean, xurgatzailearen estatutuetan edo kooperatibaren estatutu berrietan<br />
izan daitezkeen aldaketak, artikuluaren hurrengo zenbakian adierazten den bezala.<br />
Bigarren zenbakiak zehazten duenez, bat-egitearen ondorioz kooperatiba berria sortzen<br />
bada, eskriturak, gainera, kooperatiba eratzeko legez eskatzen diren aipamenak jaso beharko<br />
ditu. Kooperatiba berri horrek kooperatiba sortu berriei eska dakizkiekeen aipamenak<br />
betetzea da helburua. Xurgatze bidezko bat-egiteetan, berriz, eskrituran kooperatiba irensleak<br />
erabakitako estatutu-aldaketak jaso behar dira; aldaketa horiek, jakina denez, xurgatuaren<br />
bazkideek erabakia hartzeko erabilitako dokumentazioaren barruan egon behar ziren.<br />
Artikuluaren hirugarren zenbakiak, lege beraren 16. artikuluaren bigarren zenbakiak<br />
ezarritakoaren ildotik, bat-egitearen inskripzioak izaera eratzailea duela ezarri du. Horren<br />
eraginkortasuna kooperatiba berria inskribatzearen edo, hala badagokio, xurgatzea inskribatzeari<br />
lotuta geratuko da. Hala ere, inskripzioa eragiten duen kalifikazio positiboak ez ditu zuzentzen<br />
aurkaratzea ekar lezaketen eta judizialki ebatziko liratekeen akordioaren akatsak.<br />
Azkenik, hirugarren zenbakiak berak adierazi du bat-egitearen bidezko eraketaeskritura<br />
edo xurgatze-eskritura Euskadiko Kooperatiben Erregistroan inskribatu ondoren,<br />
azkendutako kooperatiben erregistro-idazpenak ezereztuko direla. Kooperatiba bat sortzeak<br />
edo bertara xurgatzeak gainerako gainerakoak hiltzea dakar erregistroan, ezereztuta.<br />
Kooperatiben Erregistroaren Erregelamendu berririk ez dagoenez, 59/2005 Dekretuaren<br />
62.1 artikuluak bat-egitearen eskritura publiko bakarraren nahitaezko edukia ezartzen du.<br />
Eskritura hori kooperatiba parte-hartzaile guztiek egiletsi behar dute, eta, bertan, garai hartan<br />
indarrean zegoen Euskadiko Kooperatiben Legearen 82.2 artikuluaren (gaur egun, 86.2<br />
artikulua) inguruko igorpenez gain, honako hauek jasotzen dira:<br />
302
KOOPERATIBAREN BAT-EGITEA ETA ZATITZEA<br />
a) Bat-egiteko erabakia, bat-egitean parte hartzen duten batzar orokorrek hartutakoa,<br />
lege horren 79. artikuluan (gaur egun, 83. artikulua) xedatutakoaren arabera.<br />
b) Egilesleen adierazpena, euren erantzukizunpean eginikoa, bazkideek aipatutako<br />
informazioa izan dutela adieraziz, eta lege beraren 78. artikuluan (gaur egun 82.<br />
artikulua) ezarritako baldintzetan.<br />
c) Egilesleen adierazpena, bat-egitean parte hartzen duten kooperatibetako<br />
hartzekodunek, hilabeteko epean, bat-egitearen aurka egin ez dutela adierazten<br />
duena, lege horren 79.6 artikuluak (gaur egun 83.6 artikulua) jasotzen dituen<br />
iragarkietatik azkenetik zenbatzen hasita. Bestela, aurka dauden hartzekodunak eta<br />
horien helbideak eman beharko dira, bai eta haien kredituen zenbatekoa eta sozietate<br />
zordunak edo bat-egitearen ziozko kooperatibak horiek ordaintzeko emandako<br />
bermeak ere.<br />
d) Banantze-eskubidea baliatu duten bazkideen identifikazioa eta ekarpenak itzultzeko<br />
baldintzak, egilesleen adierazpenaren bidez.<br />
2. zenbakiak eskatzen du bat-egitearen eskritura publikoarekin batera honako agiri hauek<br />
aurkeztu behar direla:<br />
a) Lege horren 79. artikuluaren (gaur egun, 83.6 artikulua) 6. zenbakian jasotako<br />
argitalpenen ale bana.<br />
Bat-egitearen erabakiaren iragarkian espresuki jaso behar da hartzekodunen<br />
eskubidea aurka egiteko.<br />
b) Prozesu horretan parte hartzen duten kooperatiben bat-egitearen balantzea.<br />
Onetsitako azken urtekoa halakotzat jo daiteke, baldin eta bat-egiteari buruz ebatzi<br />
behar duen batzarra egin aurreko 6 hilabeteen barruan itxi bada.<br />
c) Bat-egitean parte hartzen duten kooperatiba bakoitzeko administratzaileek idatzitako<br />
txostenak, proiektatutako bategitearen komenigarritasunari eta ondorioei buruzkoak.<br />
Hala, g) artikuluaren 78. artikuluaren g) letran (gaur egun, 82. artikuluaren g)<br />
letra) ezarritako aipamenak jaso beharko dira, bai bat-egitean parte hartzen duten<br />
kooperatiba bakoitzeko administratzaileei dagokienez, bai, hala badagokio, bategitearen<br />
ondorioz administratzaile gisa proposatzen direnei dagokienez.<br />
Azkenik, Kooperatiben Erregistroaren Erregelamenduaren 63. artikuluak (59/2005<br />
Dekretua) ezartzen duenez, Euskadiko Kooperatiben Legearen 82.3 artikuluak (gaur egun,<br />
86.3 artikulua) ezarritakoarekin bat etorriz, bat-egitearen eraginkortasuna erregistroan<br />
inskribatzeari loturik geratuko da (legearen 16.6 artikuluak ere xedatu du), eta, hori egin<br />
ondoren, iraungitako Kooperatiben idazpenak ofizioz ezereztuko dira.<br />
12.7.4. Beste arau aplikagarri batzuk<br />
Bat-egitea arautzen duten gainerako artikuluak bezala, 27/1999 Legearen 64.4 eta 66.<br />
artikuluak ez dira zuzenean aplikatzekoak, eta, nolanahi ere, erregulazioa oso antzekoa da,<br />
euskal legean araututakoa gehitzen edo osatzen ez dutela.<br />
Euskal kooperatiba batekin bat egiten duten zenbait autonomia-legeri edo estatuko legeari<br />
lotutako kooperatiba batzuek esku hartzen badute, eskrituran, horietako bakoitza nola<br />
arautzen den aintzat hartu beharko da; izan ere, eskritura inskribatuta geratzen den erregistroan<br />
303
KOOPERATIBAREN BAT-EGITEA ETA ZATITZEA<br />
aurkeztu beharko da, eta handik gainerakoetara bidali. Koordinazio hori gertatzen ez bada,<br />
kooperatibak egin beharko du, desagertzen direnen idazpenak ezereztu daitezen.<br />
12.8. Bat-egite bereziak<br />
87. artikulua.– Bat-egite bereziak.<br />
1.– Lege-aginduren batek espresuki debekatu ezean, kooperatibek bat egin ahal izango<br />
dute sozietate zibilekin, merkataritza-sozietateekin edo bestelako entitateekin,<br />
kooperatibak entitate edo sozietate horiek bereganatuz edo sozietate berri bat sortuz.<br />
Bestelako entitate batek kooperatiba bat bereganatuta bat egiten duen kasuan,<br />
lege honen 89.4 artikuluan transformazioari buruz erregulatutakoa aplikatuko da,<br />
artikulu horretan aipatzen diren funtsei dagokienez.<br />
Horrelako bat-egiteetan, bat egiten duten sozietateen arauak aplikatu beharko dira.<br />
2.– Aurreko zenbakian ezarritakoa beteko da nekazaritzako eta elikagaien kooperatibek<br />
eta eraldaketako nekazaritza-sozietateek bat egiteko.<br />
12.8.1. Sarrera<br />
Kooperatiba-arloko doktrinan, bat-egite berezia esaten zaio kooperatiba-sozietate batek<br />
formula juridiko ez-kooperatiboa duen beste sozietate batekin bat egiteari. Horrela, bada,<br />
kontzeptua ez dator bat merkataritza-sozietateen egiturazko aldaketei buruzko apirilaren<br />
3ko 3/2009 Legean erabilitakoarekin. Lege horrek EBko zenbait zuzentarau barneratu ditu,<br />
eta kontzeptua erabili du partaidetza osoa edo kapitalaren ehuneko laurogeita hamar baino<br />
gehiago duten sozietateen xurgapenez jarduteko (49. artikulua eta hurrengoak).<br />
12.8.2. Berrikuntza nagusiak aurreko araudiaren aldean<br />
Legeak berak zioen azalpenean adierazten duenez, “lehen ere irizpide bezala finkatuta zegoen<br />
alderdi bat xedatu da espresuki bat-egite berezien kasuetarako: sozietate kooperatiboek bat<br />
egin ahal izatea beste sozietate mota batzuekin, zibilekin edo merkataritzakoekin, baldin eta<br />
ez badago hori espresuki eragoz lezakeen bestelako legezko agindurik”.<br />
Amaiera eman zaio, horrela, doktrinaren eztabaidari. Hau da, erreforma egin aurretik,<br />
aukera hori ba ote zegoen eztabaidatzeari, batetik, debekatuta ez zegoelako eta, bestetik,<br />
beste lege-testu batzuetan onartuta zegoelako, edo, bestela, bat-egitearen aurretik edo aldi<br />
berean transformazioa egin behar ote zen eta transformazioaren emaitzak bat egin behar<br />
zuen. Azken batean, kooperatiba baten transformazioa edo kooperatiba bihurtzea. Oraingo<br />
legearekin bat, aurretiazko urrats hori, egiatan, ez da beharrezkoa, nahiz eta komenigarria<br />
izaten jarrai dezakeen beste arrazoi batzuengatik (ikus Transformazioen kapitulua).<br />
Horrela, zabaldu egin da aurreko aukera, lan elkartuko kooperatiben eta lan-sozietate<br />
anonimoen bat-egiteak, betiere kooperatiba bihurtuta, berariaz arautzen zituena. Sozietate<br />
zibilak, merkataritza-sozietateak eta beste edozein motatako erakundeak bat egitea<br />
ahalbidetu egin da. Bada, beraz, arau ahalbideratzailea, eta arauketa baimenduna eskatzen du<br />
bat-egite bereziei dagokienez arauketa ez-kooperatiboan, dela estatukoan, dela autonomiaerkidegoetako<br />
legerian. Autonomia-erkidegoen legeriari berari dagokionez (kasurako euskal<br />
304
KOOPERATIBAREN BAT-EGITEA ETA ZATITZEA<br />
legeari lotutako sozietate baten eta euskal legeari lotutako kooperatiba baten arteko bategitea),<br />
artikulu horrek eskakizuna betetzen duela uler daiteke.<br />
Zioen azalpenean bertan gaineratu denez, “Kooperatiba transformatzen den kasurako<br />
proposatutako aldaketen ildoari jarraikiz, tratamendu bera aurreikusten da 89.4 artikuluan<br />
finkatutako funtsetarako, bat-egite prozesu batean sozietate ez-kooperatibo batek sozietate<br />
kooperatibo bat bereganatzen duenean”.<br />
Era berean, bigarren zenbakiak, nekazaritzako kooperatibez gain (horiek lehendik<br />
agertzen ziren), oraingo legearen 112. artikuluan eta hurrengoetan jasota dauden elikagaien<br />
kooperatibak sartu ditu, halakoak eraldaketako nekazaritza-sozietateekin bat eginez gero,<br />
aurreko sistemaren aplikagarritasuna arautzean.<br />
12.8.3. Iruzkin orokorra eta esanahi praktikoa<br />
Arauketa berriak, 87. artikuluaren lehenengo zenbakian, bidea eman du sozietate zibilak,<br />
merkataritza-sozietateak edo beste edozein motatako erakundeak kooperatibekin elkar<br />
daitezen, kooperatibek sozietateak xurgatuz edo sozietate berria eratuz, baldin eta hori<br />
berariaz debekatzen duen legezko manurik ez badago. Bat-egite berezietan, gutxienez, bi<br />
arau erregulatzaile egongo dira, bat esku hartzen duen sozietate bakoitzeko eta, batzuetan,<br />
gehiago (adibidez, bat egin behar duten hiru sozietate desberdin, edo jatorrizko sozietatea eta<br />
amaierakoa desberdinak direnean).<br />
Gainera, kooperatiba bat beste mota bateko erakunde batek xurgatzearen ziozko bategitearen<br />
kasuan, legearen 89.4 artikuluak transformazioari buruz araututakoa aplika dadila<br />
xedatu da, artikulu horretan ageri diren funtsei dagokienez. Artikulu horren inguruko<br />
iruzkinari lotuko gatzaizkio.<br />
Lehenengo zenbakia amaitzeko, legeak dio bat-egite horietan bat egiten duten sozietateak<br />
erregulatzen dituzten arauak aplikatu behar direla. Arauok bat-egitea ahalbidetu beharko dute<br />
edo, berariaz bat-egitearen aurka egin ezean, arauetan xedatutakoekin bat etor daitezkeela<br />
interpretatzea izan beharko genuke.<br />
Bigarren zenbakiak argitu du lehenengo zenbakiak xedatutakoa nekazaritzako eta<br />
elikagaien kooperatiben eta eraldaketako nekazaritza-sozietateen arteko bat-egiteei ere<br />
aplikatzen zaiela.<br />
Kooperatiben Erregistroaren Erregelamendu berririk ez dagoenez, 59/2005 Dekretuaren<br />
65. artikuluaren 1. eta 2. zenbakiek arautu dute, aplikatu beharreko kasu bakoitzerako<br />
legeriak eskatzen duena betetzen dela egiaztatzeko, erregistroko arduradunak informazio-,<br />
lankidetza- eta kontsulta-harreman egokiak ezar ditzala parte hartzen duten kooperatibaz<br />
kanpoko erakundeak inskribatuta dauden erregistroekin, beharrezkoa den erregistrokoordinazioa<br />
bermatzeko, ezinbestekoa baita bat-egitearen zioz azkentzen diren erakundeen<br />
erregistro-idazpenak ezerezteko. Gogoan izan behar da aurreko legea dela medio, lansozietate<br />
anonimoekin eta eraldaketako nekazaritza-sozietateekiko bat-egite bereziak baino<br />
ez zirela arautzen, betiere kooperatiba berria sortuta.<br />
12.8.4. Beste arau aplikagarri batzuk<br />
Artikulu horretan araututako gaiak kooperatibaren eremua gainditzen du. Kooperatiba-<br />
305
KOOPERATIBAREN BAT-EGITEA ETA ZATITZEA<br />
sozietate bat kooperatiba ez den beste sozietate batekin elkartuko dugu, batak bestea<br />
xurgatuta edo, emaitza gisa, beste sozietate bat sortzeko, azkena kooperatiba dela zein ez<br />
dela. Arauak berariaz aitortzen du bat egiteko aukera, ez besterik, baina beharrezkoa da<br />
euskal kooperatibak bat egiteko erabiliko duen formula juridikoa arautzen duen manuak ere<br />
aukera hori onartzea, edo, berariazko debekurik egon ezean, aukera hori gauza daitekeela<br />
interpretatzea.<br />
Hori dela eta, estatuko eta autonomia-erkidegoko formula juridiko ez-kooperatiboa<br />
erregulatzen duen araua (adibidez, elkarte batekin bat egitea) intentsitate handiagoz edo<br />
txikiagoz aplikatuko da, hasieran bat egiten duten erakunde bati bakarrik aplikatu ahal zaion<br />
edo bat-egitearen emaitzari aplikatuko zaion kontuan hartuta.<br />
Estatuko 27/1999 Legearen 67. artikulua ez da zuzenean aplikatzekoa izango, baina aplikatu<br />
ahalko da parte-hartzaileetako bat araudi horri loturik badago (adibidez, estatuko kooperatiba<br />
bat euskal kooperatiba batekin eta kooperatiba ez den beste batekin elkartzea, edo estatuko<br />
legearen araberako bat-egite kooperatiboaren emaitza). Kooperatibek sozietate zibilekin<br />
edo merkataritza-sozietateekin bat egitea besterik ez du xedatu artikuluak, eta lege horren<br />
64., 65. eta 66. artikuluen aplikagarritasuna gogorarazi du, erabakia hartzeari eta bazkideen<br />
eta hartzekodunen eskubideen bermeei dagokienez, bai eta sozietate xurgatzailearen edo bategitearen<br />
ondorioz eratutako sozietatearen araudi erregulatzailearen aplikazioari dagokionez<br />
ere. Arauketa hori argigarria da, eta, nolanahi ere, eragiketaren logikari datxekiolako beteko da.<br />
Beste kontu bat da EAEko Legeak, garatzen deneko eskumen-eremua aintzat hartuta,<br />
estatukoaren antzeko aldarrikapena egin ote zezakeen, eskumen-eremu hori gainditzen duela<br />
uler baitzitekeen. Horregatik, laburragoa eta gaitzaile hutsa da, EKLren 89.4 artikuluak<br />
jasotzen dituen funtsak araututa.<br />
12.9. Kooperatiba zatitzea<br />
88. artikulua.– Kooperatiba zatitzea.<br />
1.– Honela zatitu daitezke kooperatibak:<br />
a) Azkenduta, aurretiko likidaziorik gabe, kooperatibaren bazkideak banatuz<br />
eta ondarea bitan edo zati gehiagotan zatituz; ondare-zatiak denak batera<br />
eskualdatzen dira beste kooperatiba edo entitate ez-kooperatibo sortu berri<br />
batera edo batzuetara, edo denak batera bereganatzen dituzte dagoeneko<br />
existitzen den beste kooperatiba edo entitate ez-kooperatibo batek edo batzuek;<br />
bazkideak kooperatiba edo entitate ez-kooperatibo hauei atxikitzen zaizkie.<br />
b) Kooperatibaren ondarearen zati bat edo batzuk eta bazkideak bereizita,<br />
kooperatiba azkendu gabe, bereizitakoa dena batera eskualdatuz eta bazkideak<br />
atxikiz kooperatiba edo entitate berri bati edo batzuei edo jada existitzen den<br />
bati edo batzuei.<br />
c) Kooperatibaren ondarearen zati bat edo batzuk bereizita, kooperatiba azkendu<br />
gabe, bereizitakoa dena batera eskualdatuz kooperatiba edo entitate ezkooperatibo<br />
berri bati edo batzuei edo jada existitzen den bati edo batzuei.<br />
2.– Parte hartzen duten entitateen administratzaileek hitzartutako zatitze-proiektuak<br />
proposamen bat jaso beharko du, zehazten duena zein ondare-zati eta, hala<br />
306
KOOPERATIBAREN BAT-EGITEA ETA ZATITZEA<br />
badagokio, zenbat bazkide eskualdatuko diren entitate bereganatzaileetara edo<br />
prozesu horren ondorioz sortzen diren entitateetara.<br />
3.– Entitate onuradun batek ez badu betetzen zatiketaren ondorioz hartu duen<br />
betebeharren bat, gainerako entitate onuradunek izango dute horren gaineko<br />
erantzukizun solidarioa, horietatik bakoitzari zatiketan egotzi zaion aktibo garbiaren<br />
zenbatekoraino. Zatitutako sozietatea zatitzearen ondorioz desagertzen ez bada,<br />
zatitutako sozietateak berak izango du betebehar guztiaren erantzukizuna.<br />
4.– Kooperatibek bat egiteko aplikatzen diren arau berak aplikatuko dira haiek<br />
zatitzeko, aurreko zenbakietan azaltzen diren salbuespenekin; kooperatibak<br />
zatitzeko prozeduran parte hartzen duten kooperatibetako bazkide eta hartzekodunek<br />
kooperatibek bat egitean izaten dituzten eskubide berak baliatu ahal izango dituzte.<br />
5.– Kooperatibaren ondarea edo bazkideak bereizten direnean kooperatiba ez den<br />
entitate baten alde, eta, gainera, zatitzearen ondorioz erabat edo partzialki<br />
eskualdatzen badira lege honen 89.4 artikuluan transformaziorako aipatzen diren<br />
funtsak, kooperatibaren balantzearen pasiboan erregistratuak izan direnak, artikulu<br />
horretan xedatutako erregelak aplikatuko dira.<br />
12.9.1. Sarrera<br />
Zatiketa bat-egitearen alderantzizko ekintzatzat hartu izan ohi da, baina bi-biek elementu<br />
asko partekatzen dituzte. Bat-egitean bat baino gehiago izatetik bat izatera igarotzen bada,<br />
zatitzean, bat izatetik bat baino gehiago izatera igarotzen da emaitza, edo baten zati bat<br />
(kooperatibetan: ondarea eta bazkideak) beste kooperatiba bat edo batzuk bihurtzen dira.<br />
Bat-egitean, proiektu bat partekatzen da eta sinergiak azaleratzen dira; zatiketan, berriz,<br />
proiektua espezializatu, hedatu eta onbideratu egin daiteke (krisian dagoen unitate bat<br />
banatuz), eta batzuetan, oso salbuespenezko kasuetan, bazkideen arteko liskar-arazoak<br />
konpon daitezke.<br />
Legeak ez du zatiketa berezia arautzen, eta bat-egite bereziaren eduki baliokidea arautzen<br />
da zatiketaren barruan.<br />
12.9.2. Berrikuntza nagusiak aurreko araudiaren aldean<br />
Legearen zioen azalpenak dioen bezala, “espresuki erregulatzen dira, aipaturiko bategite<br />
bereziak ez ezik, sozietate kooperatiboak entitate ez-kooperatibo baten alde zatitzea<br />
edo bereiztea ere; praktika kooperatiboan beharrezkoa ikusi da aukera hori, eta, beraz,<br />
sozietate-arauak aukera hori ahalbidetu behar du, kooperatiba-legeria autonomikoan eta<br />
merkataritza-legerian gertatzen den bezala”. Horrenbestez, zatiketa emaitza kooperatiboak<br />
ez dituen emaitzetara zabaldu da, eta, beraz, emaitza horietan ere zatitu egin daiteke, bitarteko<br />
eraldaketak saihestuta. Kooperatiba bat bi kooperatiba edo gehiagotan zatitu daiteke, edo<br />
bere ondarearen zati bat edo batzuk beste kooperatiba batzuetan zatitu; baina, horrez gain,<br />
kooperatiba ez den era juridiko bat izan daiteke emaitza edo banandutako zatia kooperatiba<br />
ez den erakunde batean txertatzea. Hori dela eta, bat zenbakiaren c letran, kooperatibako<br />
bazkideek bertan jarraitzeko aukera arautu da, kanporatu nahi duten ondarearen zatia baino<br />
ez zatituta.<br />
307
KOOPERATIBAREN BAT-EGITEA ETA ZATITZEA<br />
Azkenik, bosgarren zenbakia gehitu da, eta bertan ezarri denez, kooperatiba ez den emaitza<br />
sortzen deneko kasuetan, legearen beraren 89.4 artikuluak transformazioetan araututako<br />
funtsak osorik edo zati batean eskualdatzen direnean, artikulu horretan xedaturiko arauak<br />
aplikatuko dira. Kasu horietan, zatiketa sozietate kooperatibo batetik kooperatiboa ez<br />
den sozietate batera igarotzea denez, funts horietarako arautu erregulazioa aplikatuko da<br />
transformazioan, zatiketaren bidez lortu baita.<br />
Gainerakoa 4/1993 Legearen 84. artikuluaren ia berdina da.<br />
12.9.3 Iruzkin orokorra eta esanahi praktikoa<br />
Artikuluaren lehenengo zenbakiak zatiketa-moduak jaso eta azaldu ditu:<br />
a) Bazkideak banatzea eta ondarea zati bitan edo gehiagotan banatzea. Horiek guztiak<br />
batera eskualdatuko zaizkie beste kooperatiba edo erakunde ez-kooperatibo sortu<br />
berri bati edo batzuei, edo, bestela, lehendik dauden beste kooperatiba edo erakunde<br />
ez-kooperatibo batzuek xurgatuko dituzte, eta haiei atxikiko zaizkie. Eta azkenduko<br />
dira, aurretiko likidaziorik gabe.<br />
b) Ondarearen zati bat edo batzuk eta kooperatibako bazkideak bereiztea, azkendu edo<br />
amaitu gabe, banandutakoa osorik eskualdatuta eta bazkideak kooperatiba bati edo<br />
gehiagori edo lehendik dauden beste erakunde batzuei atxikita. Ohartarazi behar da<br />
legezko betekizuna dela bazkideak kooperatiba batera edo gehiagotara atxikitzea,<br />
nahiz eta bazkide berberak hainbat kooperatibatara atxikita egon (adibidez, jarduera<br />
laboreen arabera zatitzen duen nekazaritza-kooperatiba batean, badira pertsona<br />
batzuk sozietate zatituen artean banatutako hainbat labore lantzen dituztenak, eta<br />
interesgarritzat jo dute ondoriozko sozietateetan parte hartzen jarraitzea, bazkidearen<br />
izaerari eusteko, erakunde bakoitzean eskatzen diren kapitalei heltzeko egin<br />
beharreko ekarpenak gorabehera.<br />
c) Kooperatibaren ondarearen zati bat edo batzuk banantzea, azkendu gabe,<br />
banandutakoa kooperatiba edo erakunde ez-kooperatibo sortu berri bati edo gehiagori<br />
edo lehendik daudenei eskualdatuta. Aukera honetan, kooperatibako bazkide guztiak<br />
geratuko dira eta ondare-elementuak aterako dira.<br />
Zatiketaren gainerako erregulazioak bat-egitearenaren alderantzizko egitura du.<br />
Hala, bigarren zenbakia zatiketa-proiektuari buruzkoa da, eta ezarri da bertan parte hartzen<br />
duten erakundeetako administratzaileek sinatu behar dutela, eta ondarearen zatiari buruzko<br />
proposamen xehatua jaso behar duela, bai eta, hala badagokio, emaitzazko erakundeei edo<br />
xurgatzaileei eskualdatuko zaizkien bazkideei buruzkoa ere.<br />
Hirugarren zenbakiak erantzukizun-araubidea arautu du. Erakunde onuradun batek bere<br />
gain hartutako betebehar bat betetzen ez badu, gainerako erakunde onuradunek modu<br />
solidarioan erantzungo diote betebehar hori betetzeari, zatitzean bakoitzari esleitutako aktibo<br />
garbiaren zenbatekoa betetzeraino. Zatitutako sozietatea zatiketaren ondorioz azkendu ez<br />
bada, zatitutako sozietatea bera izango da erantzule, betebeharraren guztizkoa bere gain<br />
hartuta.<br />
Laugarren zenbakiak bat-egitearen erregulazioaren aplikazioa ezarri du, aurreko<br />
zenbakietan berariaz araututako salbuespenak ere aintzat hartuta: “Kooperatibek bat egiteko<br />
308
KOOPERATIBAREN BAT-EGITEA ETA ZATITZEA<br />
aplikatzen diren arau berak aplikatuko dira haiek zatitzeko, aurreko zenbakietan azaltzen<br />
diren salbuespenekin; kooperatibak zatitzeko prozeduran parte hartzen duten kooperatibetako<br />
bazkide eta hartzekodunek kooperatibek bat egitean izaten dituzten eskubide berak baliatu<br />
ahal izango dituzte”.<br />
Eta bosgarren zenbakiak, funts jakin batzuk eskualdatuta zatiketa berezi gisa izenda litekeena<br />
araututa, kooperatibako ondarea eta/edo bazkideak kooperatibaz kanpoko erakunde baten<br />
alde bereizten diren kasuak jaso ditu, eta, horrez gain, bereizketa gauzatzearen ondorioz, lege<br />
honen 89.4 artikuluak transformazioaren kasuan aipatutako funtsak osorik edo zati baten<br />
eskualdatuko dira, aipatutako kooperatibaren balantzearen pasiboan erregistratutakoak,<br />
eta artikulu horretan xedatutako arauak aplikatuko direla dio. Kasu horietan, zatiketa<br />
sozietate kooperatibo batetik sozietate ez-kooperatibo batera igarotzea denez, funts horiei<br />
transformazioan arautu den erregulazioa aplikatuko zaie. Horren inguruan arituko gara<br />
transformazioari buruzko artikulua aztertzen dugunean.<br />
Kooperatiben Erregistroaren Erregelamendu berririk ezean, 59/2005 Dekretuaren<br />
64. artikuluak lehengo 84. artikuluak araututako zatiketak baino ez ditu jaso, hau da,<br />
kooperatibetatik kooperatibetara. Beraz, pentsatu behar dugu egokia izan beharko duela<br />
erregelamenduaren aldaketa desiratuan.<br />
− Zatiketa inskribatzea: eskritura publiko bidez egingo da, eta bertan erregelamenduaren<br />
62. artikuluak (bat-egiteak) jasotako aipamenak jaso beharko dira, aplikagarriak<br />
diren heinean, eta Euskadiko Kooperatiben Legearen 84.2 artikuluak (gaur egun,<br />
88.2 artikulua) jaso duen proposamen xehatua kontuan hartuta. Gainera, zehaztu<br />
beharko da zatitzen den kooperatiba azkentzen den ala ez, eta zatitzearen onuradun<br />
diren kooperatibak sortu berriak diren edo lehendik bazeuden.<br />
− Administratzaile berriak: zatiketa osoaren zein partzialaren kasuan, nahitaezkoa<br />
da administratzaile berriak aukeratzea onuradunak kooperatiba sortu berri bat edo<br />
gehiago direnean edo lehendik zeuden kooperatibetara igarotzen diren bazkideen<br />
kopurua zatiketa baino handiagoa denean.<br />
Administratzaileen hautaketa estatutu-arauetara egokitu beharko da, eta, halakorik ezean,<br />
zatiketa-batzarrerako deialdian jaso behar da. Deialdi horrek ondoko arauak izan ditzake:<br />
a) Sozietate onuraduna kooperatiba sortu berri batez edo gehiagoz osatzen denean,<br />
zatiketa erabakitzen duen batzarrean bertan aukera daitezke, behin-behinean,<br />
haien administratzaileak, kooperatiba horiek eratuko dituzten bazkideen bozketa<br />
bananduaren bidez. Hala eta guztiz ere, bozketa hori behin betikoa izango da, baldin<br />
eta deialdiak iragarri badu batzar sortzailearen izaera emango zaiola saio bereizi<br />
horri.<br />
b) Sozietate onuraduna lehendik zegoen kooperatiba batez edo gehiagoz osatzen<br />
denean, kooperatiba horietara igarotzen diren bazkideen arteko bozketa banandua<br />
sozietate horien batzar orokorraren prestatze-biltzarrean egin dela jo daiteke eta,<br />
bidenabar, zatitutako ondarea jasotzea onartu behar du.<br />
– Zatitzen den kooperatiba azkentzen bada, kooperatiba horri buruzko erregistroidazpenak<br />
ezereztuko dira, lehendik zeuden kooperatiba edo kooperatibak<br />
zatitzearen edo horiek xurgatzearen ondoriozko kooperatiba berria(k)<br />
kooperatiba xurgatzaileei dagozkien orrietan inskribatu ondoren,<br />
309
KOOPERATIBAREN BAT-EGITEA ETA ZATITZEA<br />
– Zatiketa partziala bada, bereizketa kooperatiba bereizleari irekitako orrian<br />
inskribatuko da, bai eta zatiketaren onuradun diren sozietateei dagozkienetan<br />
ere, sortu berriak zein xurgatzaileak izanik.<br />
Zatiketaren inskripzioa eratze-inskripzioa izango da, 11/2019 Legearen 16.2 artikuluak<br />
xedatutakoari jarraiki.<br />
12.9.4. Beste arau aplikagarri batzuk<br />
Ikusi dugunez, zatiketari buruzko artikulua aldatu egin da, eta berariaz ahalbidetu da<br />
euskal kooperatiba bat zatitzearen ondoriozko eraketa juridikoa kooperatiboa izatea edo ez.<br />
27/1999 Legeak eraketa kooperatiboa besterik ez zuen jaso (68. artikulua) euskal legearen<br />
84. artikulu zaharraren antzeko moduan.<br />
Zatitutako kooperatiba euskal legeari lotuta badago eta emaitza euskal legearen araberako<br />
kooperatiba bihurtzen edo kooperatiba batean txertatzen bada, Euskadiko Kooperatiben<br />
Legeak arautuko du prozesu osoa. Aitzitik, esku hartzen duten kooperatiba-sozietateetako<br />
bat euskal kooperatiben legeari lotuta dagoenean, eta beste bat estatuko edo Euskadikoa<br />
ez den autonomia-erkidego bateko kooperatiba-legeari edo kooperatibez kanpoko estatuko<br />
edo autonomia-erkidego bateko legeari loturik dagoenean (adibidez, kapital-sozietateen<br />
egiturazko aldaketei eta balizko igorpenei eta garapen-erregulazioari buruzko legeari,<br />
elkarteen legeari edo besteri loturik dagoenean), araudi hori aztertu beharko dugu, eta<br />
eragiketa baimentzen duen edo, behintzat, berariaz debekatzen ez duen eta baimentzeko<br />
modukoa dela interpreta daitekeen egiaztatu. Eragiketa diseinatu beharko da aplikagarri<br />
diren legeek eragiketaren amaiera egokirako eskatzen dituzten baldintzak bete ahal izateko<br />
moduan.<br />
310
13. TRANSFORMAZIOA* 1.<br />
13.1. Kooperatiba transformatzea<br />
89. artikulua.– Kooperatiba transformatzea.<br />
1.– Kooperatibak transformatu, eta sozietate zibil edo merkataritza-sozietate bihur<br />
daitezke, betiere betekizun hauek betetzen badira:<br />
a) Kooperatiben sistema juridikoan, administratzaileen ustez, ezin gauzatuzkoak<br />
diren sozietate-konponbideak exijitzen dituzten enpresa-beharrengatik bakarrik<br />
egin ahal izango da transformazioa. Hartara, administratzaileek horri buruzko<br />
txosten bat egin beharko dute, transformazioaren eskritura publikoari erantsiko<br />
zaiona eta zeinaren berri emango zaion, ondorengo b) letran aipatzen den<br />
erabakia hartu baino lehenago, Euskadiko Kooperatiben Goren Kontseiluari.<br />
b) Batzar orokorraren erabakia beharko da, berariazkoa eta aldekoa. Hori<br />
erabakitzeko, estatutuak aldatzeko dauden betekizun berak bete beharko dira.<br />
c) Batzarraren erabakia Euskal Herriko Agintaritzaren Aldizkarian argitaratuko<br />
da, baita kooperatibak egoitza duen lurralde historikoko hedapen handiko bi<br />
egunkaritan ere.<br />
d) Transformazioaren eskritura publikoak hautatzen den sozietate mota sortzeko<br />
legez eta arauz aurreikusten diren aipamen guztiak bilduko ditu, eta lege<br />
honetan ezarritako guztia errespetatu beharko du. Eskritura horri, behar izanez<br />
gero, aditu independenteek sozietate-ondare ez-diruzkoari buruz egiten duten<br />
txostena erantsiko zaio, merkataritza-legeriak aurreikusten duena.<br />
e) Eskritura publiko hori, lehenengo Euskadiko Kooperatiben Erregistroan<br />
aurkeztu beharko da, dagokion baja inskribatzeko; gero, hala badagokio,<br />
merkataritza-erregistroan edo erregistro eskudunean ere aurkeztu beharko<br />
da, entitateak hartzen duen forma hartzen duela, haren lehenengo inskripzioa<br />
egiteko. Eskriturarekin batera, balantzea aurkeztu beharko da, transformazioerabakia<br />
hartu zen egunaren bezperan itxia; bestela, azken ekitaldia<br />
amaitzerakoan itxitako balantzea, baldin eta sei hilabete baino gehiago igaro<br />
ez badira azken ekitaldia itxi zenetik eta hura sozietatearen egoitzan aurkeztu<br />
bazen eta bazkideek aztertzeko moduan jarri bazen batzar orokorreko deialdia<br />
egin zen egun beretik aurrera.<br />
f) Kooperatibaren transformazioa ezin izango da inskribatu harik eta Euskadiko<br />
Kooperatiben Erregistroan egiaztatzen den arte ezen bete dela hurrengo 4.<br />
paragrafoan erregulatutakoa lege honen 98.2.d) artikuluan xedatutakoari<br />
dagokionez.<br />
* Iñigo Nagore Aparicio jaunak, Zuzenbideko doktore, LEGALKIDE ABOGADOS SLPko kide, UPV/<br />
EHUko irakasle elkartu (Enpresa Zuzenbidearen arloa) eta BITARTU-Kooperatiba Arbitrajearen Euskal<br />
Zerbitzuko bitartekariak egindako iruzkina.<br />
311
TRANSFORMAZIOA<br />
Halaber, zerrenda batean jasoko da zein bazkidek egikaritu duen kooperatiba<br />
uzteko eskubidea, zer kapital ordezkatzen duten bazkide horiek, eta zein den<br />
azken balantzea, administratzaileek egina eta eskritura egilesten den egunaren<br />
bezperan itxia.<br />
2.– Kooperatiba transformatu arren, ez da aldatuko haren nortasun juridikoa, sozietate<br />
berriak nortasun juridiko berari eutsiko baitio.<br />
3.– Bazkideek kooperatiba uzteko eskubidea izango dute, baldin eta batzarrean ezezko<br />
botoa eman badute edo, batzarrean azaldu ez arren, bat ez badatoz eta hori adierazten<br />
badiete administratzaileei, idazki bidez, berrogei eguneko epean, erabakiaren azken<br />
iragarkia argitaratzen denetik aurrera kontaturik. Bazkide horiek eskubidea izango<br />
dute kapitalari egindako ekarpenak itzul dakizkien, transformatze-erabakiaren<br />
egunetik estatutuek zehazten duten egunera bitartean edo batzarrak erabakitzen<br />
duen epean, baina 66. artikuluan aurreikusitako epea luzatu gabe. Atzeratutako diru<br />
kopuruengatik dagozkien legezko interesak ere jasoko dituzte.<br />
4.– Nahitaezko Erreserba Funtsaren dotazioen balioa eta, hala badagokio, borondatezko<br />
erreserba-funtsak, estatutuetan izaera banaezina dutenak eta batzar orokorrak izaera<br />
horrekin erabaki dituenak, Euskadiko Kooperatiben Goren Kontseiluaren esku jarriko<br />
dira. Nolanahi ere, ez dira Euskadiko Kooperatiben Goren Kontseiluaren esku jarriko<br />
aplikazio eta helmuga zehatz bat ezarri zaizkien borondatezko erreserba-funtsak.<br />
Euskadiko Kooperatiben Goren Kontseiluaren esku jarri beharreko funtsen balioa<br />
kalkulatzeko, haien balio nominaletik kendu beharko dira batzar orokorrak<br />
onartutako transformazio-balantzearen arabera konpentsatzeko dauden galerak.<br />
Nolanahi ere, aplikatu beharreko legeriaren arabera aditu independente baten<br />
txostena aurkeztu behar bada eta sozietate berriaren balantzean aktiboek izandako<br />
minusbalioa erregistratu behar bada, minusbalio hori Euskadiko Kooperatiben<br />
Goren Kontseiluaren esku jarritako funtsen balioari aplikatuko zaio, funts horiek<br />
ondare garbi osoaren gainean duten proportzioaren arabera.<br />
Estatutuetan aurreikusitako xedeetarako erabiliko da kooperatiba-heziketa eta<br />
-sustapenerako eta interes publikoko beste helburu batzuetarako ekarpena, eta,<br />
halakorik ezean, lege honen 98.2.a) artikuluan kooperatibaren likidazio-kasurako<br />
ezartzen den xederako.<br />
5.– Kooperatiba transformatzea onartzerakoan, batzar orokorrak aukera izango du<br />
entitate berri horren partaidetza ekonomiko bihurtzeko kapital sozialari egindako<br />
ekarpenak, bazkide bakoitzak kooperatiban jarri zuen kapitalaren araberako<br />
proportzio zuzenean, kooperatiban zuen boto-eskubidearen araberako proportzioan,<br />
edo bi irizpide horiek konbinaturik.<br />
13.1.1. Sarrera<br />
“Transformazioaren ondorioz, sozietate batek beste sozietate-mota bat bereganatzen du,<br />
baina nortasun juridikoari eusten dio” (Merkataritza-sozietateen egitura-aldaketei buruzko<br />
apirilaren 3ko 3/2009 Legearen 3. artikulua). Emaitza ez da ondare-elementuak eta bazkideak<br />
eskualdatu direla; bertan jarraitzen dute, nortasun juridikoari eusten baitzaio, berbera da,<br />
baina funtzionamendu-arau juridikoak aldatu dira.<br />
312
TRANSFORMAZIOA<br />
Horrela, era juridiko jakin baten bidez garatzen den proiektua beste era juridiko batera<br />
aldatu egiten da, likidatu eta desegin beharrik gabe, edo elementuak desegin eta beste<br />
sozietate-mota bati eskualdatu beharrik gabe, eta hori guztia, nortasun juridikoari eutsita.<br />
13.1.2. Berrikuntza nagusiak aurreko araudiaren aldean<br />
Legearen zioen azalpenak honela deskribatu du transformazioa:<br />
“Sozietate motak birmoldaketa-bideen bitartez berregituratzeko prozesuak, esku hartzen<br />
duten kooperatiben izaera kooperatibista kontrolatzen dutenak eta sozietateen zuzenbidearen<br />
araugintza-teknikak aprobetxatzen dituztenak, indarreko terminoetan formulatu dira, salbu<br />
eta Euskadiko Kooperatiben Goren Kontseiluak transformazio-prozesuan izan beharreko<br />
esku-hartzeari dagokionez eta, hala badagokio, zaintza-batzordeak prozesuan izan beharreko<br />
esku-hartzeari dagokionez.<br />
Ildo horretan, eta kooperatibei buruzko lege autonomiko ezberdinen erregulazioarekin bat,<br />
aztertu da zergatik eta zertarako esleitu zaion Euskadiko Kooperatiben Goren Kontseiluari<br />
homologazio-funtzioa, eta nolakoa eta zenbatekoa den aipatutako organo horren esku<br />
partaidetza-kontu gisa jarri beharreko ondarea.<br />
Azterketa horren ondorioz, erregulazioa aldatu da, transformatzeko betekizun gisa<br />
aipaturiko homologazioa behar izatea bertan behera utziz, ulertzen delako ezen, nahiz<br />
eta Euskadiko Kooperatibei buruzko ekainaren 24ko 4/1993 Legea aitzindari izan zen<br />
kooperatiben transformazio erregulatzen, hartan ezarritako betekizun batzuk gehiegizko<br />
bihurtu direla, denboraren joanean, kautelazko neurri gisa. Hala, homologazioaren ordez<br />
aipaturiko organoari informazioa eman beharra ezarri da, eta, gainera, malgutu da funts<br />
banaezinak organo horretara transferitzeko modu operatiboa; argitzen da ezen aplikazio<br />
zehatzen mende dauden helburu-izaerako erreserbak ez direla sartzen mugimendu<br />
kooperatiboa sustatzeko atxiki beharreko ondarearen barruan; bestalde, doitzen da funtsa<br />
horien benetako balioa, kontuan hartuz balantzean agertu diren eta konpentsatu gabe<br />
dauden galerak, edo aditu independente baten txostenaren ondorioz aktiboaren elementuen<br />
gainean ager litezkeen minusbalioak.<br />
Modu berean, zaintza-batzordeari buruz aurreikusitako esku-hartzea ez da, erregulatu<br />
zenetik, gertatu; beraz, ez da egoki jotzen lege berri honetan sartzea, araugintza-teknika<br />
egoki baten mesedetan”.<br />
Hain zuzen ere, Euskadiko Kooperatiben ekainaren 24ko 4/1993 Legea aitzindaria izan<br />
zen eraldaketa ahalbidetzen, modu mugatuan bada ere (“Enpresak koperatibei buruzko<br />
legerian aurkitzen ez diren irtenbideak behar dituenean, orduantxe soilik egin daiteke<br />
eraldaketa. Kudeatzaileek ebatziko dute egoera nolakoa den eta, balego, koperatibako<br />
Zaintza-batzordeak ere iritziko dio; azkenik, Euskadiko Koperatiben Kontseilu Nagusiak<br />
onartu beharko du” (85. artikuluaren bat ataleko a) letra). Neurri batean, transformazioa<br />
ez zen onartzen bazkideen borondate hutsagatik –nahiz eta, hasiera batean, sozietate<br />
kooperatiboaren alde egiteko balio izan zuen−, baizik eta gaitz txikiena eragiteko aukera<br />
ematen zelako, ez baitzegoen orduan irtenbide juridiko kooperatiborik unean uneko enpresabeharrei<br />
erantzuteko, zergatiak aldez aurretik egiaztatuta (Euskadiko Kooperatiben Goren<br />
Kontseiluaren homologazioa).<br />
313
TRANSFORMAZIOA<br />
Lege berrian ere, bazkideen borondate soila ez da nahikoa, “enpresa-beharren” eskakizunari<br />
eutsi baitzaio, baina aurretiazko homologazioaren betekizuna kendu da, adierazitako zergatiak<br />
ez egoteak lekarzkeen ondorio juridikoak aipatu ez badira ere. Homologazioa desagertu denez,<br />
nahitaezko funts banaezinen gaineko kontrola zehaztu da. Zenbait aldaketa egin badira ere,<br />
funts horiek Euskadiko Kooperatiben Goren Kontseiluari eman beharko zaizkio, lehengo<br />
moduan.<br />
Zioen azalpenean ikusi dugunez, lege berriak zaintza-batzordearen egiaztapena kendu du,<br />
eta kooperatibaren kapitalaren eraldaketa argitu du, EKGKri eman beharreko funts banaezinei<br />
dagokienez; ildo horretan, argitu du funtsak nola doitu behar diren konpentsatzeko dauden<br />
galeren eta balizko minusbaliotasunen aurrean.<br />
Transformazioa beti baloratu beharko da sozietatea desegiteari eta likidazioari ekin aurretik,<br />
batak edo besteak bazkideentzat izan ditzakeen ondorio ekonomikoak direla eta.<br />
13.1.3. Iruzkin orokorra eta esanahi praktikoa<br />
Euskal kooperatibak edozein motatako sozietate zibil edo merkataritza-sozietate bihur<br />
daitezke, baldin eta legeak ezartzen dituen baldintzak betetzen badira. Hala ere, Kooperatiben<br />
Erregistroaren Erregelamendu berririk ez dagoenez, 59/2005 Dekretuaren 59. artikulua<br />
zabalagoa da, edozein motatako pertsona juridikoak ere kontuan hartzen baititu, Legearen<br />
beraren 90. artikuluarekin bat etorriz, alderantzizko transformazioa (kooperatiba bihurtzea)<br />
arautzen duenean baino eskuzabalago jokatzen duelarik. Aurreko legean ere bazegoen esandako<br />
aldea erregulazioan, eta ez da baliatu lege-mailan ebazteko, beharbada, gai horrek ia eraginik<br />
ez duelako maila praktikoan. Egiatan, erregelamendua bere eta beste lege-xedapen batzuetan<br />
jasotako xedapenak gaitzea nahikotzat jo da euskal kooperatibak beste era juridiko bat bihur<br />
daitezen ahalbidetzeko.<br />
Betekizunak, funtsean, lehen eskatzen ziren berberak dira, ñabarduraren bat edo beste eginda:<br />
a) Administratzaileen iritzira, sistema juridiko kooperatiboan bideraezinak diren sozietateirtenbideak<br />
eskatzen dituzten enpresa-beharrizanen zioz bakarrik egin daiteke<br />
transformazioa. Halakoetan, administratzaileek egoera horri buruzko txostena egin<br />
behar dute, eta Euskadiko Kooperatiben Goren Kontseiluari jakinarazi behar diote,<br />
hurrengo idatz-zatian jorratzen den transformazioaren inguruko erabakia hartu aurretik.<br />
Oraingo legeak ez du eskatzen EKGK-k zergatiak aldez aurretik homologatzea,<br />
baina argudiatutako arrazoien berri eman behar zaio kontseiluari. Oraingoz ez dago<br />
erregulaziorik EKGK-k zergatirik ez dagoela iriztearen ondorioei buruz, ezta epeei<br />
buruz ere.<br />
Txostena transformazioaren eskritura publikoari erantsi behar zaio.<br />
b) Batzar orokorraren esanbidezko eta aldeko erabakia, estatutuak aldatzeko ezarritako<br />
betekizunei jarraiki hartutakoa. Kapitulu horretan (estatutuak aldatzea) adierazitakoari<br />
lotzen gatzaizkio.<br />
c) Batzarra aldatzeko erabakia Euskal Herriko Agintaritzaren Aldizkarian eta kooperatibak<br />
egoitza duen lurralde historikoan zabalkunde handia duten bi egunkaritan argitaratu<br />
behar da.<br />
d) Transformazio-eskritura publikoak dena delako erakundea eratzeko legez eta<br />
314
TRANSFORMAZIOA<br />
erregelamendu bidez eskatzen diren aipamen guztiak jaso behar ditu, eta, gainera,<br />
11/2019 Legeak xedatutakoa errespetatu behar du. Merkataritza-legeriak xedatzen<br />
duenarekin bat, pertsona aditu independenteek egindako diruz kanpoko sozietateondareari<br />
buruzko txostena eskatzen denean, txosten hori eskriturari erantsi behar zaio.<br />
Berirro ere, esan daiteke arauketa argigarria dela, baina baliteke arauketaren<br />
eskumen-esparrutik haratago joatea, betekizunaren eskakizuna merkataritza-legean<br />
ezarri behar baita. Lege horretan badago, araua ez da premiazkoa, eta ez badago,<br />
hutsala da.<br />
e) Eskritura publiko hori ondoz ondo aurkeztu behar da Euskadiko Kooperatiben<br />
Erregistroan, dagokion baja inskribatzeko, eta, hala badagokio, Merkataritza<br />
Erregistroan edo, hartzen duen eitea zein den, dena delako erakundearen lehenengo<br />
inskripzioa egiteko erregistro eskudunean.<br />
f) Eskriturarekin batera balantzea aurkeztu behar da, transformazio-erabakiaren<br />
aurreko egunean itxitakoa, edo, bestela, azken ekitaldia amaitzean, baldin eta sei<br />
hilabete baino gutxiago igaro badira ekitaldia itxi zenetik, sozietatearen egoitzan<br />
gordailutu bada eta bazkideen esku utzi bada batzar orokorraren deialdia egin zen<br />
egunetik.<br />
Onetsitako azken balantzea ala ez erabiltzea kontu handiz baloratu beharreko<br />
aukera da, epeak horretarako modua ematen duenean. Transformazio askotan,<br />
kapitalen kontuak “berrantolatu” beharko dira, transformazioa gauzatzeko erabakia<br />
hartu aurretik. Are gehiago, itxiera batek aukera eman dezake emaitzak irizpide<br />
kooperatiboen arabera egozteko, eta irizpide horiek ez dira zertan transformazio egin<br />
ostean hartuko direnen berdinak izan; hortaz, aztertu beharko da egozteko irizpidealdaketa<br />
horrek bazkideei nola eragingo dien, balantzea erabili edo, osterantzean,<br />
beste itxiera bat egin behar den erabakitzeko.<br />
g) Kooperatibaren transformazioaren inskripzioa ezin da egin 4. zenbakian araututakoa<br />
betetzen dela Euskadiko Kooperatiben Erregistroan egiaztatu arte. Geroago ikusiko<br />
dugu manu hori, legearen beraren 98.2.d) artikuluak xedatutakoaren ildoan.<br />
h) Halaber, geroago iruzkinduko dugun banantze-eskubidea baliatu duten bazkideak<br />
ere jaso behar dira.<br />
i) Bai eta bazkide horiek ordezkatzen duten kapitala.<br />
j) Administratzaileek prestaturiko eta eskritura egiletsi aurreko egunean itxitako azken<br />
balantzea.<br />
Bigarren zenbakiak gogorarazten digu transformazioak ez diola transformatutako<br />
kooperatibaren nortasun juridikoari eragiten, kooperatibak izaera berriari loturik iraungo baitu.<br />
Hirugarren zenbakian bazkideen banantze-eskubidea arautzen da. Batzarrean, transformazioaren<br />
aurkako botoa ematen duten bazkideei banantze-eskubidea aitortzen zaie zaie, baita batzarrera<br />
joan ez eta desadostasuna adierazten dutenei ere, administratzaileei igorritako idazki baten bidez,<br />
erabakiaren azken iragarkia argitaratu eta berrogei eguneko epearen barruan. Bazkide horiei<br />
kapitalari egindako ekarpenak itzultzeko eskubidea aitortzen zaie, eraldaketa-erabakiaren<br />
datatik zenbatuta eta 66. artikuluak (ekarpenen itzulketa) xedatutakoa gainditu gabe,<br />
estatutuetan zehaztutako edo batzarrean erabakitako epean. Itzuli arteko aldian, atzeratutako<br />
zenbatekoen gaineko diruaren legezko interesa jasotzeko eskubidea ere aitortzen zaie. Gaur<br />
egun, nahiko ezohikoa da estatutuek gai hori arautzea.<br />
315
TRANSFORMAZIOA<br />
Araututako baldintzetan, arreta bereziz aztertu behar du banantze-eskubidea baliatu nahi<br />
duen bazkideak, hartzen den formula juridikoaren eta transformatu beharreko sozietatearen<br />
balantzearen arabera. Hala, onuragarriagoa suerta liteke eraldaketan jarraitzea eta geroago<br />
eskualdatzea.<br />
Artikuluaren laugarren zenbakiak hainbat berritasun dakartza aurreko legearen aldean, eta,<br />
gainera, zenbait zalantza argitu dira funts propioak eraldatzeak dituen ondorioei buruz.<br />
• Derrigorrezko Erreserba Funtsean gordetako zuzkiduren balioa eta, hala badagokio,<br />
estatutuei jarraiki banaezinak diren borondatezko erreserba-funtsen balioa, eta batzar<br />
orokorrak berariaz izaera horri atxikirik erabakitakoak Euskadiko Kooperatiben<br />
Goren Kontseiluaren esku jarri behar dira. Batzar orokorrak erabakitakoei buruzko<br />
aipamena berria eta arrazoizkoa da; izan ere, banaezinak badira, ez dauka inolako<br />
garrantzirik estatutuek zehazten duten edo batzar batek berariaz erabakitzen duen.<br />
• Nolanahi ere den, aplikazio edo xede jakin bat ezarrita duten borondatezko erreserbafuntsak<br />
ez dira lehen aipatutako funtsen esku-jartzeari lotuko. Badirudi “edonola ere<br />
esapidearen bidez nabarmendutako legearen berritasun hori borondatezko erreserbafunts<br />
banaezinei buruzkoa dela, besteak ez baitzaizkio EKGKri eman behar.<br />
Beraz, funtsa banaezina bada, baina aplikazio edo xede jakin bat badu (adibidez,<br />
etorkizuneko galeren konpentsazioa), ematetik kanpo geratuko da. Alabaina, legeak<br />
ez du ezarri helburu zehatza funtsa eratzean edo edozein batzarretan erabaki behar<br />
den, transformazioaren aurreko zeinahi akordiotan.<br />
• Gainera, berritasun gisa, ezarri da Euskadiko Kooperatiben Goren Kontseiluaren esku<br />
jarri behar diren funtsen balioa kalkulatzeko, haien balio izendatutik kenduko direla<br />
batzar nagusiak onartutako transformazio-balantzean ageri diren konpentsatzeko<br />
dauden galerak. Idazketa hori dela eta, hainbat alderdi jorratu beharko ditugu<br />
manuaren irismenari buruz:<br />
- Edukia aginduzkoa da.<br />
- Konpentsatzeko dauden galerak kenduko dira. Eta ez da ehunekorik ezarri, ez<br />
eta egozgarria ez den gutxienekorik ere, 73.1.b artikuluan ageri diren galeren<br />
egozpenean, oro har, ez bezala.<br />
- Bereizi ez direnez, transformazioaren aurreko balantzea ixteagatik sor daitezkeen<br />
galerak kontuan hartu behar dira.<br />
- Legearen 73.3 artikulukoei dagokienez (bost urtean amortizatzeko kontu berezia),<br />
ez dago zalantzarik.<br />
- Zalantza gehiago sortzen zaizkigu 73. artikuluaren 2. zenbakikoak, bazkideei<br />
egotzitakoak. Horiei egotzitakoan, ulertuko beharko genuke esleituta daudela eta<br />
horrezkero ez direla kooperatibarenak. Kontua da, balantzean agertzen badira,<br />
artikuluaren esangurak bai jasoko lituzkeela, eta horrek kooperatibaren jardueran<br />
oinarritutako egozpenari eraso egin liezaiokeela, jarduera transformazioan<br />
apurtuko litzatekeela eta. Kontuan hartu behar da ezen, kooperatiba-jarduerak<br />
denboran aldatu badira, aldi horretako konpentsazio-mailaren eta bazkide berriak<br />
sartzearen ondorioz, ordaintzeko dagoen zatia era linealean eta nahitaezko funtsen<br />
kontura konpentsatu ahalko da, akordioa hartu zen unean araututakoaz beste,<br />
ez erabakia hartu zuen organoak berak erabakia aldatu delako, transformazioa<br />
arautzen duen arauaren aginduzko idazketaren ondorioz.<br />
316
TRANSFORMAZIOA<br />
Are bitxiagoa da laugarren zenbakiaren hurrengo atal berriaren idazketa. Arestian esandakoa<br />
“hala ere” lokailuaren bidez salbuetsita, aplikatu beharreko legeriak aditu independenteen<br />
txostena eskatzen badu eta sozietate berriaren balantzean aktiboen balio-galera erregistratu<br />
behar bada, prezio-jaiste hori Euskadiko Kooperatiben Goren Kontseiluaren esku<br />
jarritako funtsen balioari aplikatuko zaio, funts horiek ondare garbi osoaren gainean duten<br />
proportzioaren arabera. Arauak ez dauka eraginik balio-galera izateagatik, ezpada, aplikatu<br />
beharreko lege berriak eskatzen duen aditu independenteen txostenaren ondorioz agertzen<br />
bada. Hau da, badirudi gaia kontuan hartu beharko dugula formula juridikoa aukeratzeari<br />
begira. Autu horretan, konpentsazioa funts horien eta ondare garbi osoaren arteko<br />
proportzioaren arabera egin behar da, eta horren arrazoibidea da aktiboaren balio-galerak<br />
proportzioan eragin behar duela. Orokorretik aldentzen den tratamenduaren bitxikeria da<br />
ekitaldi berean ondasuna aldez aurretik bereiziz gero, aukera eman diezagukeela guztizko<br />
balio-galera osoa nahitaezko funtsen eta funts banaezinen aurka egozteko. Gainera, horrek<br />
ez die kalterik egingo, salbuespenaren ordez, emaitza orokor berdinaren emaitza izango<br />
luketen beste kontabilitate-eragiketa batzuei.<br />
Amaitzeko, laugarren zenbakiak badio kooperatiben heziketarako eta sustapenerako eta<br />
interes publikoko beste helburu batzuetarako ekarpena estatutuetan araututakoaren arabera<br />
aplikatu behar dela, eta, halakorik ezean, 98.2.a) artikuluak ezarritakoaren arabera (Euskadiko<br />
Kooperatiben Goren Kontseiluari ematea), kooperatiba likidatu behar deneko kasuan.<br />
Desegitearen kasuan baino eduki zabalagoa dakarrenez, benetako aukera gehigarriren bat<br />
ematen duen ikusi beharko dugu.<br />
Aipatutako funtsa jasotzen duen 72. artikuluak adierazten duenez, estatutuetan edo batzar<br />
orokorrean ezarritako oinarrizko ildoak aplikatuz, legeak interes publikokotzat jotzen dituen<br />
zenbait helburutara bideratuko da (lehenengo zenbakia), eta ekitaldi ekonomikoan aplikatu<br />
ez dena irabazi-asmorik gabeko erakundeei ematera behartzen du, ekarpen horretarako<br />
ezarritako interes publikoko helburuetara bideratzeko helburuz (laugarren zenbakia). Beraz,<br />
zenbateko hori izan beharko litzateke transformazioaren aurretik onartutako azken ekitalditik<br />
aplikatzeko dagoena, edo emaitza positiborik egotekotan, itxieran sortuko litzatekeena<br />
(transformazio-dataren arabera).<br />
Dirudienez, desegite eta likidazioaren eta eraldaketa-tratamenduen arteko aldea da, bigarren<br />
kasu horretan, aukera ematen dela diru-kopuru hori 72.1 artikuluak jasotako helburuak<br />
betetzen dituen onuradunen bati emateko, ez EKGKri. Transformazio-balantzearen aurreko<br />
emaitzei buruzko akordioa dagoenean, transformazioaren aurretik aplikatu ahal izango da,<br />
eta, beraz, badirudi inguruabarra transformazio-balantzearen beraren ondorioz edo, bestela,<br />
artean onartu gabe dagoen aurreko ekitaldiaren ondorioz sortzen direnetara mugatuko dela.<br />
Azkenik, bosgarren zenbakiak aurreko legearen edukiari eutsi dio, eta beraz, transformazioa<br />
onartzean, batzar orokorrak, sozietatearen kapitalari egindako ekarpenak erakunde berriaren<br />
partaidetza ekonomiko bihurtzerakoan, aukera hauen artean hautatu beharko du: bazkide<br />
bakoitzak kooperatiban ordaindutako kapitalaren zuzeneko proportzioan, kooperatiban zuen<br />
boto-eskubidearen proportzioan edo bi irizpideak konbinatuz.<br />
Irtenbidea malgua da, baina ez du konpondu gehiengoz lehendik dauden azaleratu gabeko<br />
gainbalioen banaketa-arauak aldatzea gehiengoz onartzeak dakarren arazoa. Adibidez,<br />
balantzean gainbalioak badaude, eta transformazioan, akzio edo partaidetza berrien balizko<br />
eskualdatze-prezioetan kontuan hartzen badira, horiek sortu ziren ez bezala banatuta buka<br />
daitezke.<br />
317
TRANSFORMAZIOA<br />
Onena da bazkideen ahobatezkotasuna lortzea, aurretik zer-nolako eskubideak zituzten eta<br />
gerora zer-nolakoak izango dituzten argi utzita.<br />
Artikuluan jasotako transformazioaz gain, edo horretarako arrazoi gehigarri gisa,<br />
deskalifikatze baten ondoriozkoak ere badira. 11/2019 Legearen 161.4 artikuluan honako<br />
hau ezarrita dago:<br />
“4.– Behin deskalifikatzeko ebazpena irmoa denean, ofizioz izango ditu erregistroondorioak,<br />
eta horrek ekarriko du kooperatiba desegitea edo transformatzea, sei hilabeteko<br />
epean, administrazio-ebazpena betearazlea denetik aurrera kontaturik”.<br />
Deskalifikatutako sozietatea transformatzea ere bideragarria da. Hala ere, esan liteke, aukera<br />
arautu baino, aukera badagoela gogorarazi egiten dela. 161.1 artikuluaren deskalifikatzearrazoiak<br />
aztertuz gero, ikusiko dugu halakoak ez direla “sistema juridiko kooperatiboan<br />
bideraezinak diren sozietate-irtenbideak eskatzen dituzten enpresa-beharrak” (89.1.a<br />
artikulua), baina deskalifikazioa ez da izango eskatutako betekizuna salbuestea justifikatzen<br />
duen arrazoi nahikoa. Horregatik, badirudi deskalifikatzearen beraren betekizun gehigarria<br />
dela, eta sozietateak transformazioa hautatu ahal izango duela, betetzen duela uste badu.<br />
Kooperatiben Erregistroaren Erregelamendu berririk ezean, 59/2005 Dekretuaren 59.<br />
artikuluak era zabalagoan arautu du eraldaketa edo transformazioa: “Kooperatiba bat<br />
edozein motako sozietate zibil, merkataritza-sozietate edo pertsona juridiko bihurtzeak<br />
kooperatibaren erregistro-idazpenak ezeztatzea dakar berekin”.<br />
Edukiari dagokionez, hirugarren zenbakiak eskatzen du, sozietate eraldatu berria eratzeko<br />
behar diren legezko eta erregelamenduzko betekizunez gain (horien artean, erregistro<br />
eskudunari eskatutako izena egon behar da), honako hauek ere egikaritu behar direla:<br />
a) Euskadiko Kooperatiben Goren Kontseiluaren homologazioa. Gaur egun,<br />
indargabetuta.<br />
b) Kooperatibaren batzar orokorraren berariazko eta aldeko erabakia, Euskadiko<br />
Kooperatiben Legearen 36. artikuluan (gaur egun 38. artikulua) ezarritako<br />
gehiengoz –gutxienez− hartutakoa, bertan dauden eta ordezkatuta dauden bazkideen<br />
quorumaren arabera.<br />
c) Euskadiko Kooperatiben Legearen 85.1.b artikuluak (gaur egun 89.1.b artikulua)<br />
eskatzen dituen baldintzak betetzen direla egiaztatzea.<br />
d) Transformazioaren erabakia Euskal Herriko Agintaritzaren Aldizkarian eta<br />
kooperatibaren egoitza dagoeneko lurralde historikoko hedapen handiko bi<br />
egunkaritan argitaratu izanaren justifikazioa.<br />
e) Euskadiko Kooperatiben Legearen 85.1 artikuluaren e) letrak eta azken paragrafoak<br />
aipatzen dituzten balantzeak (gaur egun, 89.1 artikuluaren e letra eta azken<br />
paragrafoa).<br />
f) Banantze-eskubidea erabili duten bazkideen zerrenda, ordezkatzen duten kapitala<br />
adierazita.<br />
g) Heziketarako eta Kooperatiba Sustapenerako Funtsa aplikatu izanaren egiaztagiria,<br />
bai eta batzar orokorrak Euskadiko Kooperatiben Goren Kontseiluari dagozkion<br />
partaidetzako kontuen tituluei buruz hartutako erabakia ere, Euskadiko Kooperatiben<br />
Legearen 85.4 artikuluan arautzen den moduan. Gaur egun, 89.4) artikuluak dakarren<br />
sistema berriaren arabera ulertu beharko litzateke.<br />
318
TRANSFORMAZIOA<br />
h) Eta diruz kanpoko sozietate-ondareari buruz aditu independenteek egindako<br />
txostena, merkataritza-legerian araututakoarekin bat etorriz, baldin eta kooperatiba<br />
araudi horri lotutako sozietate bihurtzen bada.<br />
13.1.4. Beste arau aplikagarri batzuk<br />
Estatuko legeriak artikulu bakar batean jasotzen du kooperatibaren eraldaketa eta<br />
kooperatiba bihurtzea, hain zuzen ere, 69. artikuluan, (27/1999 Legea), kooperatiba edozein<br />
motatako sozietate zibil edo merkataritza-sozietate bihurtzea ahalbidetzen duela; gainerako<br />
erregulazioa 1. zenbakiaren bigarren eta hirugarren esaldietan, 2. zenbakian eta 6. zenbakian<br />
ageri da. Estatuko kooperatiba-araudia ez da aplikatzekoa, baina, nolanahi ere, ez du ekarpen<br />
garrantzitsurik egin arlo horretan.<br />
Horrez gain, beti izango dugu helmugako erregulazioa. Kooperatiba beste izakunde<br />
juridiko bat bihurtzen da, eta izakunde horren eskakizunak bete beharko ditu, eraldaketa edo<br />
transformazioa behar bezala egin dadin.<br />
13.2. Kooperatibatan transformatzea<br />
90. artikulua.– Kooperatibatan transformatzea.<br />
1.– Lege-aginduren batek espresuki debekatu ezean, sozietate zibilak, merkataritzasozietateak,<br />
elkarteak, taldeak edo kooperatiba ez diren bestelako entitate motak<br />
lege honetan erregulatzen diren kooperatiba motetako batean transformatu ahal<br />
izango dira.<br />
2.– Batzar orokorrak erabakiko du kooperatibatan transformatu daitekeen ala ez;<br />
bestela, sozietatearen borondatea adierazten duen sistema baliokide baten bidez<br />
erabakiko da, aplikatu beharreko legeriak ezarritako gehiengoarekin. Kooperatiba<br />
bihurtutakoaren nortasun juridikoak bere hartan jarraituko du, eta hala adieraziko<br />
da eskritura publikoan, non ezinbestez jasoko baitira kooperatiba bat sortzeko lege<br />
honetan aurreikusten diren aipamen guztiak.<br />
3.– Transformazioaren eskritura publikoa inskribatzeko, merkataritza-erregistroan<br />
aurkeztuko da, eta, hala badagokio, sozietate-ondare ez-diruzkoari buruz aditu<br />
independenteek egindako txostena erantsiko zaio. Eskritura hori, hala badagokio,<br />
bidezko diren beste erregistro guztietan ere aurkeztuko da; nolanahi ere, beti aurkeztu<br />
beharko da Euskadiko Kooperatiben Erregistroan, transformazio-erabakiaren<br />
egunaren bezperan itxitako balantzearekin batera.<br />
4.– Kooperatiba bihurtzeak ez du aldatzen transformatutako entitateko bazkideek<br />
lehendik zuten erantzukizun-araubidea, kooperatiba bihurtu aurretik sozietateak<br />
zituen zorren ondorioa dena, salbu eta hartzekodunek espresuki onartzen dutenean<br />
transformazio hori.<br />
13.2.1. Sarrera<br />
Aurreko artikuluak kooperatiba bat beste izakunde juridiko bat bihurtzea arautzen du, eta<br />
honek alderantzizko eragiketa ahalbidetzen: kooperatiba ez den erakunde bat euskal legeari<br />
lotutako kooperatiba bihurtzea.<br />
319
TRANSFORMAZIOA<br />
13.2.2 Berrikuntza nagusiak aurreko araudiaren aldean<br />
Aurreko 4/1993 Legearen 86. artikuluak sozietate eta elkarte ez-kooperatiboen eraldaketa<br />
jasotzen zuen. Lege berriaren 90. artikuluak eduki zabalagoa dakar, eta aurrekoak, elkarteak<br />
eta, oro har, izaera ez-kooperatiboa duen edozein erakunde biltzen ditu. 90. artikuluaren<br />
gainerakoa lehengo 86ko testuarekin bat dator.<br />
13.2.3 Iruzkin orokorra eta esanahi praktikoa<br />
Artikuluaren lehenengo zenbakiak aukera zabala ematen du euskal kooperatiba bihurtzeko:<br />
izaera ez-kooperatiboa duen edozein sozietate zibil, merkataritza-sozietate, elkarte edo beste<br />
mota bateko erakunde bat 11/2019 Legeak arautzen dituenetako kooperatiba bihur daiteke,<br />
baldin eta horretarako berariazko debekuri ezartzen duen lege-agindurik ez badago. Beraz,<br />
jatorrizko arauan debekurik ez egoteari lotuta dago jatorrizko izakundea beste bat “bihurtzea”.<br />
Jatorri ez-kooperatiboa daukan izakundea erregistroren batean inskribatuta dagoenez, eta<br />
baja eman behar zaionez Euskadiko erregistroan alta eman aurretik, adierazitakoa berariaz<br />
jo behar da asmo-agerpentzat. Eraldatzeko aukerak ezarrita egon behar du jatorrizkoan, edo,<br />
gutxienez, ez du berariaz debekatuta egon behar, eta hortaz, beste arrazoi batzuetan oinarrituta,<br />
onartutzat hartu ahal izateko moduan, baina interpretazio hori jatorrizko erregistroak aldeztu<br />
beharko du, edo ukatzea errekurritu beharko da.<br />
Bigarren zenbakiak ezarrita dauka transformazioa batzar orokorrak erabaki behar duela,<br />
edo sozietatearen nahia adierazteko baliozko sistema baliokidearen bidez onetsi behar<br />
dela, aplikatzekoa den legeriak eskatzen duen gehiengoarekin, eraldatutako erakundearen<br />
nortasun juridikoari eragin gabe, eta eskritura publikoan agerrarazi behar direla kooperatiba<br />
bat eratzeko lege honetan araututako betekizun guztiak.<br />
Edukia argia da, baina, egiatan, eraldaketa hura arautzen duen manuak ezarritako moduan<br />
eta baldintzetan egin behar da; horregatik, eztabaidagarria da euskal araua aplikatzerik<br />
dagoen, ezta analogiaz ere, jatorrizkoan erregulaziorik ez badago, euskal legeari lotutako<br />
izakunde juridikoen eraldaketetan izan ezik (adibidez, euskal elkartea).<br />
Nortasun juridikoak irautea transformazioaren osagai erkidea da, eta eskritura publikoa<br />
egilesteko eskakizuna, kooperatiba bat eratzeko behar diren betekizun guztiak biltzen dituena<br />
(izena barne, hau da, Euskadiko eta estatuko erregistroaren ziurtagiria), horien arauketarekin<br />
bat dator.<br />
Hirugarren zenbakiak transformazioaren eskritura publikoan, hala dagokionean, diruzkoa<br />
ez den sozietate-ondareari buruzko aditu independenteen txostena txertatzea eskatzen du, bai<br />
eta txosten hori merkataritza-erregistroan eta bidezkoak diren gainerakoetan inskribatzeko<br />
aurkeztea ere, betiere kooperatiben erregistroan, transformazio-erabakiaren aurreko egunean<br />
itxitako balantzearekin batera.<br />
“Merkataritza-erregistroan eta, hala badagokio, bidezkoak diren gainerakoetan aurkeztea”<br />
jatorrizko erregistroan eta, ondoren, euskal kooperatiben erregistroan inskribatu behar dela<br />
ulertu behar da. Legearen beste artikulu batzuetan, Euskadi jaso da, baina hemen 4/1993<br />
Legearen edukiari eutsi zaio, nahiz eta ezin den interpretatu beste bati buruzkoa denik,<br />
inskripzio horrek kooperatiba bihurtuko baitu euskal legeari loturik (eraketa-inskripzioa da,<br />
Legearen 16.2 artikuluaren arabera).<br />
320
TRANSFORMAZIOA<br />
Azkenik, laugarren zenbakian azpimarratzen da kooperatiba bihurtzeak ez duela aldatzen<br />
erakundea eraldatu aurretik erakunde eraldatuko bazkideek hartutako sozietate-zorrengatik<br />
zeukaten aurreko erantzukizun-araubidea, hartzekodunek eraldaketa berariaz onartu ez<br />
badute. Hau da, izakunde ez-kooperatiboan, erantzukizuna mugatu ez bada, aurreko zorrek<br />
iraungo dute aldaketa egin ondotik, horren onuradunek (hartzekodunek) araubide horri uko<br />
egin ezik.<br />
Kooperatiben Erregistroaren araudi berririk ezean, 59/2005 Dekretuaren 60. artikuluak ez<br />
du ezer gehigarririk proposatu, bigarren zenbakiak dakarren erregistroko koordinazioa salbu:<br />
“2.- Kooperatiba bihurtzeko egintza Euskadiko Kooperatiben Erregistroan inskribatzen<br />
denean, eraldatutako sozietatea aurrez inskribatuta zegoen Erregistroari horren berri eman<br />
behar zaio, dagozkion ondorioetarako”.<br />
13.2.4 Beste arau aplikagarri batzuk<br />
27/1999 Legearen 69.1 artikuluak kooperatiba bihurtzea arautzen du, eta aukera ematen<br />
du “izaera kooperatiboa ez duen edozein elkarte edo sozietate eta interes ekonomikoko<br />
elkarte” bihur dadin, baldin eta sektoreko legeriaren baldintzak betetzen badira eta sozietate<br />
horietako kideak lankide izan badaitezke eraldaketaren ondoriozko erakundeari ezartzen<br />
zaion sozietate-xedeari dagokionez.<br />
Artikulu horri buruzko kritika zehatzik ez dugu egingo, ez baita aplikagarria, baina<br />
erabilgarria izan daiteke, baldin eta eraldaketa izakunde ez-kooperatibo bati loturik egiten<br />
ez bada, izakunde hori estatuko legeari lotuta badago. Berariaz jasotzen ez deneko kasu<br />
horietan, kooperatiba bihurtzeko gaitasuna ematen duen estatu-mailako arau bat izango dugu,<br />
eta zentzugabea izango litzateke euskal legearen araberako kooperatiba bat nahi badugu,<br />
estatuko legeari lotutako kooperatiba eraldatzera behartzea, eta, gero, kooperatiba-jarduerak<br />
egiteko eremua murriztuz eta estatutuak egokituz, euskal legeari lotzea.<br />
Horrez gain, kooperatibaz kanpoko izakunde juridikoaren arauketa osoa izango dugu, eta<br />
hori aztertu beharko da transformazioa burutu dadin.<br />
321
14. KOOPERATIBAK DESEGITEA ETA LIKIDATZEA* 1<br />
14.1 Sarrera: legezko erregulazioaren egitura eta xedea<br />
Edozein sozietate azkentzeko, prozesuan interes legitimoa izan dezaketen alderdi guztien<br />
segurtasun juridiko ahalik eta handiena lortzeko, beharrezkoa da hura modu ordenatuan<br />
gauzatzea ahalbidetuko duten betekizun eta prozedura batzuk betetzea. Horrela, oro har,<br />
aipatutako azkentze-prozesuaren aurretik, nahitaez, desegitea egin beharko da; salbuespen<br />
izango dira kasuan kasuko konkurtso-prozeduraren ondorioz gerta daitezkeen azkentzeak.<br />
Desegiteak, sozietatea azkentzeko aurretiazko eta beharrezko urrats gisa, sozietatearen<br />
likidazio-aldia irekitzea dakar, eta, horregatik, beharrezkoa da azkentzeko xede horretarako<br />
eragiketak aztertzea. Hau da, likidazio-aldia irekita, sozietateak bere enpresa-aktiboa garatzen<br />
jarrai dezan edo jarraitzeko modua daukala, ohikoa (enpresa-proiektuaren bideragarritasuna<br />
lortzea bere ohiko jardueraren bidez) ez den beste helburu bati lotuta egin behar du, hau<br />
da, sozietatea desagertzea. Helburu hori gauzatzeko, funtsean, egiteke dauden kredituak<br />
kobratu beharko dira, hala badagokio, ondasun aktiboak likido (diru) bihurtuko dira, zorrak<br />
ordainduko dira eta eragiketa horien zioz, sozietatearen ondasunak esleituko dira, legez<br />
ezarritako baldintzetan eta pertsona fisiko eta juridikoen alde. Horiek guztiak amaituta,<br />
kooperatibaren azkentzea benetan formalizatzeko aukera ematen du legeak.<br />
Horrela, legelariak “Kooperatibak desegitea eta likidatzea” arautu du I. tituluaren XI.<br />
kapituluaren barruan. Kapitulu hori hamaika artikuluk osatzen dute, 91. artikulutik 101.<br />
artikuluraino, biak barne. Hona hemen:<br />
91. artikulua.– Desegiteko arrazoiak.<br />
92. artikulua.– Desegiteko arrazoien eraginkortasuna.<br />
93. artikulua.– Likidatzeko prozesua.<br />
94. artikulua.– Likidatzaileen izendapena.<br />
95. artikulua.– Funtzioak eskualdatzea.<br />
96. artikulua.– Likidatzaileen funtzioak.<br />
97. artikulua.– Likidazioan kontu-hartzea.<br />
98. artikulua.– Sozietatearen ondasunak adjudikatzea.<br />
99. artikulua.– Azken balantzea.<br />
100. artikulua.– Erregistroa ezereztea.<br />
101. artikulua.– Kooperatibaren konkurtsoa<br />
* Gotzon Gondra Elgezabal jaunak, abokatu eta Deustuko Unibertsitateko Zuzenbide Fakultateko<br />
irakasleak, egindako iruzkina.<br />
323
KOOPERATIBAK DESEGITEA ETA LIKIDATZEA<br />
Legegilea ez berritzaileena izan legearen kapitulu honetan, baina berritasun batzuk<br />
ekarri ditu, irizpide tekniko eta juridikoak aintzat hartuta garrantzi berezirik ez dutenak,<br />
baina ikuspegi praktiko eta juridikotik funtsezkoak direnak. Hala jaso da Legearen<br />
zioen azalpenean bertan, non ohartarazi baita kaudimengabeziaren ziozko terminologia<br />
(ordainketa-etenduraren eta porrotaren kasu zaharrak) konkurtso-arloan indarrean dagoen<br />
legeriara egokitu dela, eta, hortaz, kooperatiba prozedura arautu horri eta berezko ondorio<br />
juridikoak betetzeari lotu behar zaiela; horrek guztiak ez dio kalterik egiten sozietatea bera<br />
eta horren jarduera arrunta berraktibatzeko aukerari eta, zioen azalpenean esaten denez.<br />
Era berean, sozietatea azkentzearen ondorioz sor daitezkeen gatazkak aztertu eta ebazteko<br />
eskumena duen jurisdikzio-ordenari buruzko aipamena egokitu da, eta, ezarri denez, gatazka<br />
horiek merkataritza-arloko epaitegien mendean geratuko dira, baldin eta kooperatiba lehen<br />
indarrean zegoen kooperatiba-legeriaren ondotik eratu bada. Berebiziko berrikuntza horrek<br />
badakar bazkideak ez diren pertsonak likidatzaile izendatzeko aukera, sozietatearen azkentzeprozesuan<br />
eraginkortasun handiagoa eta, hala badagokio, profesionaltasun handiagoa<br />
bilatuta; gainera, batzar orokorraren eskumen esklusibotzat ezarri du, hala egoki iritziz<br />
gero, horiek bete beharko duten funtzionamendu-araubidea zehaztu eta finkatzeko modua;<br />
eskumen hori batzar orokorrari era esklusiboan dagokion pertsonak izendatzeko ahalmenetik<br />
eratortzen da. Batzar orokorrak onartutako azken balantzea aurkaratzeko epea ere ezarri da,<br />
eta eskumen esklusibokoa eta baztertzailea ere izango da kooperatibaren desegiteari eta<br />
likidatzeari dagokienez, eta egindako likidazio-eragiketetatik dator; hori guztia, aipatutako<br />
erabakiak jendaurrean jarri aurretik. Eskritura publiko hori, ordura arte ez bezala, ez dago<br />
kooperatibaren dokumentazioarekin batera aurkeztu beharrik erregistro-idazpenak ezerezteko<br />
eskaera-prozesuaren esparruan, eta likidatzaileen zaintzapean eta babespean gera daiteke sei<br />
urteko aldi berean, betebehar horretatik eratortzen den erantzukizuna sortuko dela.<br />
Desegitearen eta likidazioaren arloan jasotako berrikuntza nagusiak nabarmendu badira<br />
ere, gai horiek eta lotutako beste batzuk zehatzago aztertu eta horietan sakontzeko, atal bat<br />
eskainiko diogu kapituluaren artikulu bakoitzari.<br />
14.2. Desegiteko arrazoiak<br />
91. artikulua.– Desegiteko arrazoiak.<br />
Honako hauek dira kooperatibak desegiteko arrazoiak:<br />
1.– Estatutuetan finkatutako epemuga betetzea.<br />
2.– Sozietatearen helburua betetzea, edo argi eta garbi ikustea ezin dela hura bete.<br />
3.– Bi urtetan jarraian, sozietatearen organoak geldirik edo jarduerarik gabe geratzea,<br />
edo, arrazoirik gabe, kooperatiba-jarduera etetea.<br />
4.– Kooperatiba sortzeko legez eskatzen den gutxienekotik behera murriztea bazkide<br />
kopurua, baldin eta murrizketa horrek hamabi hilabete baino gehiago irauten badu.<br />
5.– Estatutuetan ezartzen den gutxienekotik behera murriztea sozietatearen kapitala,<br />
baldin eta hamabi hilabete edo gehiago irauten badu murrizketa horrek.<br />
324
KOOPERATIBAK DESEGITEA ETA LIKIDATZEA<br />
6.– Kooperatiben bat-egitea edo erabateko zatiketa.<br />
7.– Kooperatibaren likidazio-fasea irekitzea konkurtso-prozeduran.<br />
8.– Batzar orokorrak desegiteko erabakia hartzea, 38.2 artikuluan ezarritako gehiengoaren<br />
erabakiz.<br />
9.– Legeetan edo sozietatearen estatutuetan ezarritako beste edozein arrazoi.<br />
14.2.1. Berrikuntza nagusiak aurreko araudiaren aldean<br />
Ez dago inolako aldaketarik kooperatiba desegiteko egungo 91. artikuluak jaso dituen<br />
arrazoien zerrendan, indargabetutako legearen 87. artikuluan jasotakoen aldean, 7.<br />
paragrafoan araututako kaudimengabezia-kasua (porrota) konkurtso-legeriaren araberako<br />
egokitze juridikoaz harago.<br />
Horrenbestez, kooperatiba desegiteko arrazoien zerrendan ageri diren baldintzek lehengoan<br />
diraute. Honako hauek dira:<br />
a) Estatutuetan finkatutako epemuga betetzea, hau da, kooperatibaren iraupen gisa<br />
estatutuetan ezarritako epea. Horrek guztiak ez du esan nahi kooperatibak, batzar<br />
orokorraren bidez, epemuga bete baino lehen estatutuetan aldaketak egiteko<br />
(iraupena luzatzeko) aukera izango ez duenik.<br />
b) Sozietatearen helburua betetzea, edo hura ezin dela bete argi eta garbi ikustea, batez<br />
ere, estatutuek sozietate-helburu jakin eta finitu bat aurrez ezarri duten kasuetan, edo<br />
sozietate-helburu hori zehaztearen beraren ondorioz, helburua gauzatzea nabarmen<br />
eta objektiboki ezinezkoa zela ondorioztatzen den kasuetan.<br />
c) Bi urtetan jarraian, sozietatearen organoak geldirik edo jarduerarik gabe geratzea,<br />
edo, arrazoirik gabe, kooperatiba-jarduera etetea. Kasu horretan, egokitzat jotzen da<br />
bereiztea gizarte-organoen jarduerarik eza, hau da, erabaki egokiak hartzeko bilerarik<br />
ez egitea, manu hau aplikatzea ekarriko lukeena, eta bilera horiek egitea, baina<br />
adostasunik eta gehiengo nahikorik gabe esandako akordioak hartzek. Kooperatibajarduera<br />
arrazoi justifikaturik gabe eteteari dagokionez, jarduera kooperatibizatua<br />
etetera mugatzen da, estatutuetan araututako sozietate-xedearen arabera.<br />
d) Kooperatiba sortzeko legez eskatzen den gutxienekotik behera murriztea bazkide<br />
kopurua, baldin eta murrizketa horrek hamabi hilabete baino gehiago irauten<br />
badu. Alde horretatik, kontuan izan behar da legeak indargabetutako legeriaren<br />
artean Euskadiko Kooperatiba Sozietate Txikiei buruzko ekainaren 25eko 6/2008<br />
Legeak jasotakoa dagoela, baina lege horretan jasotako erregulazioa II. tituluaren II.<br />
kapituluan txertatu dela (136. artikulua eta hurrengoak); beraz, kooperatiba eratzeko,<br />
gutxienez 2 bazkide egon daitezke, legeak berariaz horretarako gaitutako kasuetan.<br />
e) Estatutuetan ezartzen den gutxienekotik behera murriztea sozietatearen kapitala,<br />
baldin eta hamabi hilabete edo gehiago irauten badu murrizketa horrek. Nolanahi<br />
ere, Legeak xedatzen duenaren arabera, ezin izango da hiru mila eurotik beherakoa<br />
izan. Estatutuek, ordea, zenbateko handiagoa arautu ahal izango dute, eta, kasu<br />
horretan, kooperatibak ahalmena izango du, batzar orokorraren bidez, estatutuak<br />
aldatu eta legeak ezarritako gutxieneko mugaraino murrizteko.<br />
325
KOOPERATIBAK DESEGITEA ETA LIKIDATZEA<br />
f) Kooperatiben bat-egitea edo erabateko zatiketa; horrekin batera, desegitea ez ezik,<br />
sozietatearen likidazioa eta azkentze automatikoa ere egin beharko dira, likidazioaldirik<br />
ireki eta likidazio-eragiketak gauzatu beharrik gabe; izan ere, bat-egite eta<br />
zatiketa osoari doazkionak dira. Ez kooperatibak beste sozietate bat xurgatzeko<br />
egindako bat-egitearen ondorioz, ez zatiketa partzialaren ondorioz, kooperatiba<br />
ez litzateke desegingo, kooperatibak enpresa-jarduerari eutsiko liokeelako, beste<br />
sozietatea xurgatu duelako jarduera hori zabalduz, lehengo moduan edukiz edo<br />
jarduera murriztuz, horren zati bat bereizi delako.<br />
g) Kooperatibaren likidazio-fasea irekitzea konkurtso-prozeduran. Manu hori berria<br />
da, indargabetutako legeak arautu nahi zuen egitatezko kasu bera (porrotaren<br />
ondoriozko kaudimengabezia) konkurtso-legeriak jasotako erregulaziora egokitu<br />
baitu, ordainketa-etenduraren eta porrotaren kasuak bilduta. Ildo horretan, adierazi<br />
behar da konkurtso-legerian jasotako erregulaziotik ondorioztatzen den berezitasun<br />
bat dela batzar orokorrak likidazio-aldia hasteko desegitearen inguruaren hartutako<br />
erabakia ez dela nahitaezkoa; aitzitik, likidazio-aldia irekitzea merkataritza<br />
arloko epaitegiak aipatutako prozedura judizialaren esparruan emandako ebazpen<br />
judizialetik bertatik dator zuzenean eta era automatikoan.<br />
h) Batzar orokorrak desegiteko erabakia hartzea, 38.2 artikuluan ezarritako gehiengoaren<br />
erabakiz. Kontua da behin eta berriz adieraztea kooperatibak bere batzarraren bidez<br />
borondate askez desegitea erabaki ahal izateko gehiengo kualifikatua behar dela,<br />
baldin eta kooperatibara ehuneko hirurogeita hamabosteko (gutxieneko quoruma)<br />
ehunekora iristen ez bada; hala eginez gero, gehiengo soila nahikoa izango da. Hori<br />
horrelakoa da sozietatearen edozein egitura-aldaketak eskatzen duen segurtasun<br />
juridikoagatik, hizpide darabilgun kasu zehatzean gertatzen den bezala.<br />
i) Legeetan edo sozietatearen estatutuetan ezarritako beste edozein arrazoi. Hau da,<br />
edozein legetan jasota dagoen eta kooperatiba desegiteko arrazoiren bat badaukala<br />
ondorioztatzen deneko erregulazioa kontuan hartuta, kooperatibaren estatutuetan<br />
berariaz jaso daitekeen beste edozein arauz gain.<br />
14.2.2. Manuaren izaera edo indar juridikoa<br />
Kooperatiba bat desegiteko arrazoia zein kasutan egon daitekeen ezarri du 91. artikuluak.<br />
Garrantzitsu deritzogu desegiteko arrazoiak legezkoak edo estatutuei loturikoak izan<br />
daitezkeela aipatzeari, manuaren beraren edukian ondoriozta daitekeenez. Gainera,<br />
legezko kausetan, batzuk-batzuk automatikoki aplikatu beharrekoak dira, eta beste batzuk<br />
kooperatibaren beraren borondatearen edo ahalmenaren araberakoak dira, batzar orokorrak<br />
hala erabakita.<br />
Hala, nabarmendu behar dugu ezen, indarreko legeriak adierazitako kasuak alde batera<br />
utzita ezar litezkeen desegite-kausekin gertatzen den bezala, hau da, estatutuen ziozko<br />
kausekin (9. atalean jasotakoak) gertatzen den moduan, arestian deskribatutako legezko<br />
kausa askoren aplikagarritasuna kooperatibak, batzar orokorraren bidez, hura ondoriorik<br />
gabe geratzeko erabakia hartzeko aukerari lotu behar zaizkiola. Ikusi, kasurako, kooperatibak<br />
326
KOOPERATIBAK DESEGITEA ETA LIKIDATZEA<br />
iraupen mugagabea adosten dueneko kasua, eta enpresa- edo merkataritza-jarduera gisa<br />
(sozietatearen xedea) gauzapen materiala daukan zeinahi jarduera ezarrita; hala, egiatan, 1.<br />
eta 2. ataletan jasotako legezko kausak ondoriorik gabe geratuko lirateke.<br />
Beste alde batetik, esan beharra dago kooperatibak eragina izan dezakeela, batzar orokorrak<br />
hartutako erabakien bidez, legez ezarritako mugetara egokitzerakoan. Hau da, baliteke<br />
kooperatibaren estatutuek ez murriztea legeak 3. paragrafoan aipatutako kasuetarako ezarri<br />
duen ondoz ondoko 2 urteko epea, edo bazkideen gutxieneko kopurua eta sozietatearen<br />
gutxieneko kapitala bat etorraraztea 4. eta 5. paragrafoek legez araututakoekin. Nolanahi ere<br />
den, kooperatibak har ditzakeen akordioak gorabehera, desegiteko arrazoia era objektiboan<br />
gertatzen bada, desegite hori automatikoa izango da. Kooperatibak bere estatutuetan legez<br />
sozietatearen interesen mesederako ezarri diren mugekin bat egiteko aukera izateaz gain,<br />
arrazoizko epeak balia ditzake, barne-erabakien bidez, desegiteko arrazoia eragin duen<br />
egoera juridiko-ekonomikoa konpontzen saiatzeko, desegite hori gertatu eta 12 hilabeteko<br />
epean:<br />
a) Bazkide berriak sartuta (4. atala). Alde horretatik, azpimarratu behar da gutxieneko<br />
bazkide-kopurua 2koa dela (ikus II. tituluaren II. kapitulua – Legearen 136.3<br />
artikulua−), eta kasu horretan, sozietatea kooperatiba txikitzat kalifikatuko da;<br />
praktikan, gerta liteke bazkide bakar batek osatutako kooperatiba bat egotea, gehienez<br />
ere, 12 hilabeteko epean, sozietatearen administratzaile bakar gisa jarduten duena,<br />
eta, gutxienez, beste bazkide bat sartzen ahalegintzen dena, desegitea saihesteko.<br />
b) Behar den kapital-gehikuntza eginda, hiru mila euroraino (5. atala).<br />
6. eta 8. zenbakietan legez ezarritako arrazoiak kooperatibaren beraren borondateari loturik<br />
daude, oso-osorik. Horrela, sozietatea eratzea bazkideen ageriko borondateari datxekion bezala,<br />
zentzuzkoa dirudi ondorioztatzea, halaber, bazkideek ahalmena izan behar dutela sozietatearen<br />
desegitea eta likidatzea erabakitzeko, egoki iritziz gero (6. paragrafoa). Era berean, bazkideek<br />
askatasunez eta borondatez adostu ahal izango dute erabateko bat-egitea edo zatiketa. Hori<br />
dela eta, akordioaren garrantzia eta horrek dakartzan ondorio juridiko-ekonomikoak kontuan<br />
hartuta, beharrezkoa da, gutxienez, boto guztien hiru laurdenak batzarrera joatea (quoruma),<br />
gehiengo soilak erabakia har dezan, edo, bestela, batzar horren esparruan dauden botoen bi<br />
herenen gehiengo kualifikatua behar. Hori guztia diogu, bat-egite eta erabateko zatiketa kasuei<br />
buruz esandakoa errepikatzeari bidezko deritzogula, honako alderdi hauei dagokienez:<br />
a) Desegiteko legezko arrazoi gisa araututa dagoen arren, egiatan, ikuspegi juridiko<br />
eta ekonomiko hertsiki batetik, aipatutako egiturazko aldaketa-prozesuetatik ezin da<br />
desegitea eta likidazio-aldiaren irekitzea ondorioztatu, baizik eta eragiketak berak<br />
sozietatea automatikoki azkentzea dakarrela;<br />
b) Kooperatibak bat-egitearen prozesuaren ondorioz irauten duenean, hau da,<br />
kooperatiba xurgatzailea denean, edo jatorrizko kooperatibaren zatiketa erabatekoa<br />
ez denean, eta ordura arte egiten zuen jardueraren edo jardueren zati bati esker<br />
jardunean dagoenean, ez dago, ez desegiterik, ez sozietate-likidazio eraginkorrik,<br />
ez sozietatea azkentzerik, eta kooperatibak aurrera jarraituko du, lehenengo kasuan,<br />
gainera, ondare handiagoarekin (xurgatu duen sozietateari dagokiona).<br />
327
KOOPERATIBAK DESEGITEA ETA LIKIDATZEA<br />
Jakina denez, beste edozein legetan (9. paragrafoa) jasotako erregulazioa aplikatzean<br />
sortzen den desegiteko arrazoia automatikoa izango litzateke dena delako egitatea gertatzen<br />
denean, kooperatibaren partez horretarako akordiorik behar ez dela, aplikazio horren<br />
esparruan, gertaera adierazten duen administrazio-ebazpena behar izatetik harago.<br />
Azkenik, konkurtso-prozeduraren esparruan emandako likidazio-aldia irekitzeko ebazpen<br />
judizialetik datorren desegite-kasua aztertu behar dugu (7. atala), likidazio-eragiketak<br />
automatikoki hastea eragiten duena, aldez aurretik desegin behar ez bada ere. Hori dela<br />
eta, oro har, likidazio-prozesua desegitea hasi aurreko izapidea izanik ere, ulertu behar da<br />
likidazio-aldia zuzenean irekitzeak badakarrela, ezinbestean, sozietatea desegitea eta, hortaz,<br />
haren ohiko jarduera amaitzea, eta kooperatiba, aurrerantzean, arestian deskribatutako<br />
likidazio-eragiketei ekin beharko die.<br />
14.2.3. Esanahi praktikoa<br />
Argi dago 91. artikuluan jasotako erregulazioaren hartzaile nagusia kooperatiba bera<br />
dela, bai eta kooperatiba desegiteko interesa izan dezaketen gainerako guztiak ere, hala<br />
nola kooperatiba osatzen duten bazkideak eta harekiko merkataritza-harremanak dituzten<br />
hirugarrenak.<br />
Legez ezarritako desegite-arrazoien aginduzko izaerak esan nahi du kooperatibak<br />
ezin duela arrazoi horiek aldatu edo ezabatu; hau da, arrazoi horiek aplikagarriak dira<br />
sozietatearen estatutuetan berariaz islatu beharrik izan gabe. Alabaina, horrek ez dio<br />
kalterik egingo kooperatibak estatutuetan muga murriztaileagoak ezartzeko aukerari,<br />
baldin eta muga horiek ez betetzea desegite-arrazoitzat jotzeko legez araututakoekin bat<br />
badatoz, edo desegite-arrazoitzat legez araututakoez bestelako kasuak xedatzeko aukerari,<br />
betiere xedatutakoak legeen aurkakoak ez badira eta kooperatiba-sozietatearen printzipio<br />
orientatzaileen aurkakoak ez badira (Legearen 12.3 artikulua, 1.1 artikuluak aratutakoarekin<br />
eta NKAk onartutako Kooperatiba Printzipioekin bat).<br />
Manu hori eskuarki aplikatuko zaie kooperatiba guztiei, haien tamaina eta mota edozein<br />
izanda ere, sektore bakoitzeko araudi espezifikoak desegitearen arloan kooperatiba horiei ere<br />
eragin diezaiekeen eratik harago.<br />
14.2.4. Beste arau aplikagarri batzuk<br />
Autonomia-erkide bateko legean jasotako erregulazioa denez, eta, beraz, Euskadiko<br />
lurralde-eremura mugatuta aplikatu beharrekoa denez, soilik, kooperatiba-arloan, eta hori<br />
guztia Gernikako Autonomia Estatutuaren 10.23 artikulua dela bide, Euskal Autonomia<br />
Erkidegoak berariaz jasotako eskumenaren arabera, Espainiako Konstituzioaren 148.<br />
artikuluak dioenarekin bat etorriz, ezin da beste araudirik aplikatu. Ildo horretan, adierazi<br />
behar da, halaber, legegileak desegiteko arrazoien zerrenda ezarri duenez gero, gai horri<br />
ez zaiola aplikagarri Estatuko kooperatiben legerian jasotako erregulazioa (Kooperatibei<br />
buruzko uztailaren 16ko 27/1999 Legearen 70.1 artikulua), autonomia-erkidegoko legeak<br />
arautu ez duen guztiari modu osagarrian aplikatzekoa. Nolanahi ere, esan behar da estatuko<br />
328
KOOPERATIBAK DESEGITEA ETA LIKIDATZEA<br />
legeriak ez diola ezer gehitzen edo ez duela osatzen EKLk desegiteko arrazoiei buruz<br />
xedatutakoa.<br />
14.3. Desegiteko arrazoien eraginkortasuna<br />
92. artikulua.– Desegiteko arrazoien eraginkortasuna.<br />
1.– Finkaturiko aldia amaitzeak erabateko ondorioak izango ditu, salbu eta batzar<br />
orokorrak espresuki luzatzen badu epe hori 38.2 artikuluko gehiengoaren bidez,<br />
eta luzapen hori Euskadiko Kooperatiben Erregistroan inskribatzen bada. Epealdia<br />
luzatzea erabakitzen bada, horrek bide emango du bazkidearen baja bidezkotzat<br />
jotzeko, baldin eta hark kooperatiba uztea erabakitzen badu, eskubide hori onartuko<br />
baitzaio bazkideari 78.4 artikuluan xedatutako moduan.<br />
2.– Kooperatibak bestelako arrazoi batengatik desegiteko, ezinbestekoa izango da batzar<br />
orokorraren erabakia, ohiko gehiengoaren bidez hartua, salbu eta aurreko artikuluko<br />
6. eta 8. ataletan aurreikusitako kasuetan. Halakoetan, administratzaileek batzar<br />
orokorreko deialdia egin beharko dute bi hilabeteren epean. Zaintza-batzordeak edo<br />
edozein bazkidek eskatu ahal izango die administratzaileei deialdia egin dezatela.<br />
3.– Administratzaileek eskatu beharko dute kooperatiba judizialki desegiteko, baldin<br />
eta batzar-deirik egiten ez bada, batzarrik egiten ez bada estatutuetan ezarritako<br />
epean edo, batzarra egin arren, ezin bada desegiteko erabaki, edo kooperatiba<br />
ez desegitea erabakitzen bada. Halakoetan, edozein interesdunek ere eskatu ahal<br />
izango du kooperatiba judizialki desegiteko. Nolanahi ere, interesdunak izango<br />
dira: Eusko Jaurlaritzan lan-eskumena duen saila, Euskadiko Kooperatiben Goren<br />
Kontseilua, kooperatiben ordezkaritzarik handiena duten federazioak eta, hala<br />
badagokio, Euskadiko Kooperatiben Konfederazioa.<br />
4.– Euskadiko Kooperatiben Erregistroan inskribatu beharko da desegiteko erabakia<br />
edo desegitea deklaratzen duen ebazpen judiziala, eta Euskal Herriko Agintaritzaren<br />
Aldizkarian argitaratu beharko da, baita sozietatearen egoitza dagoen lurralde<br />
historikoko zabalkunde handiko egunkari batean ere.<br />
5.– Desegindako kooperatiba berriro jarri ahal izango da jardunean, desegiteko<br />
arrazoia desagertzen baldin bada eta bazkideen ekarpenak itzultzen hasi ez bada.<br />
Horretarako, beharrezkoa izango da batzar orokorraren erabakia, 38.2 artikuluan<br />
aurreikusitako gehiengoaren bitartez hartua. Erabaki horrek ez du ondorerik sortuko<br />
harik eta Euskadiko Kooperatiben Erregistroan inskribatu arte.<br />
Konkurtso-prozeduren kasuan, eta likidazio-fasea hasi bada, hitzarmen bat sinatu<br />
behar da hartzekodunekin kooperatiba berriro jartzeko jardunean.<br />
14.3.1. Berrikuntza nagusiak aurreko araudiaren aldean<br />
Praktikan, bi berrikuntza formal txertatu dira, bi-biak arauaren idazketa elkartze eta<br />
legegintza errealitate berrira egokitzean daudelarik. Hona hemen:<br />
329
KOOPERATIBAK DESEGITEA ETA LIKIDATZEA<br />
a) Batetik, gehitu da erakunde, entitate eta antolakundeen artean, desegite judiziala<br />
eskatzeko legitimazioa izango dutela, batzarrak berak hala erabakitzen ez badu, nahiz<br />
eta kooperatibak legezko kausa bat izan, Euskadiko Kooperatiben Konfederazioaren<br />
aurrean. Horrela, EKL elkartegintza kooperatiboaren ingurumari berrira egokitu da.<br />
b) Beste alde batetik, kooperatiba desegindakoan berraktibatzeko aukerari buruz<br />
jasotako erregulazioaren esparruan, dagoeneko indargabetuta dagoen porrotaren<br />
tresna juridiko-ekonomikoari buruzko aipamenaren ordez, konkurtso-prozedurari<br />
buruzkoa ageri da, gaur egun indarrean dagoena. Eta, aldi berean, egitatezko kasu<br />
zehatza (likidazio-aldia hasitakoan berraktibatzea) konkurtso-legerian jasotako<br />
araudira egokitzeko ahalegina egin da.<br />
14.3.2. Manuaren izaera edo indar juridikoa<br />
Horrela, eta aurreko artikuluaren esparruan legez araututako eta aztertutako desegitearrazoien<br />
indar juridikoari eta eraginkortasunari dagokienez, arrazoi horiek bereizi egin<br />
behar ditugu, bakoitzaren izaera juridikoa kontuan hartuta. Horrela, funtsean, 3 talde bereiz<br />
ditzakegu:<br />
1.- Estatutuetan ezarritako epea betetzeari buruzkoa; izan ere, ipso iure edo zuzenbidearen<br />
araberakoa bada ere, benetan, erraz konpon daiteke, kooperatibak epemuga hori<br />
baino lehen hartutako erabaki egokiaren bidez, aipatutako epea luzatuta, modu<br />
zehatzean edo mugagabean. Nolanahi ere, kontuan hartuta, batetik, batzar orokorrak<br />
sozietatearen estatutuak aldatzeko erabaki horrek kooperatiban bertan izango lukeen<br />
garrantzia, eta, bestetik, erabaki horrek kooperatiba osatzen duten bazkideengan<br />
izango lukeen eragina, egiturazko alderdi baten funtsezko aldaketa ekarriko lukeelako,<br />
estatutuetan araututako epetik harago luzatzearen ondorioz, manuak berme batzuk<br />
dakartza, bi alderdi horien inguruko segurtasun juridiko handiagoa lortzeko. Alde<br />
batetik, kooperatibaren beraren interesaren aurrean, erabakia gehiengo kualifikatu<br />
batek hartzea, batzarrera bertaratutakoen eta ordezkatutakoen artean emandako<br />
baliozko botoen bi herenek, baldin eta botoen ehuneko hirurogeita hamabostera<br />
iristen ez bada. Eta, bestetik, bazkidearen interesari erreparatuta, bazkideak banantzeeskubidea<br />
egikaritu ahal izango du, eta, kasu horretan, banantzea justifikatutzat jo<br />
beharko da nahitaez, baldin eta kooperatibaren iraupen-epea luzatzeko erabakiaren<br />
aurka bozkatu badu batzarraren esparruan, edo, batzarrera joan ez bada, desadostasuna<br />
berariaz jakinarazten badie administratzaileei idazki bat bidalita, erabakia erregistratzen<br />
denetik berrogei egun balioduneko epearen barruan. Estatutuen aldaketari buruzko<br />
erabakia, kooperatibaren jarduera kooperatibizatuaren iraupenaren eta garapenaren<br />
epea luzatzea helburu duena, nahitaez inskribatu behar da erregistroan.<br />
2.- 91. artikuluaren 2., 3., 4., 5. eta 7. ataletan jasotako kasuetan, batzar orokorrak hartutako<br />
erabakia beharko da kooperatiba desegiteko, gehiengo soilaren bidez. Gainera, kasu<br />
horietan, administratzaileek batzar orokorra deitu beharko dute bi hilabeteko epean,<br />
desegitea eragin duen gertaera jazo denetik zenbatzen hasita, azaldutako kasuren<br />
batean gertaera eragilea zer epe zehatzetan jazo den zehazteak ekar lezakeen<br />
330
KOOPERATIBAK DESEGITEA ETA LIKIDATZEA<br />
zailtasunaz harago, desegiteko erabakia edo, hala badagokio, gertaera eragilea<br />
zuzentzea lortzeko, kooperatibak aurrera jarrai dezan. Zaintza-batzordeak, halakorik<br />
balego, edo edozein bazkidek, gertaera eragilea jazo ondoren, administratzaileei<br />
batzar horretarako deialdia egin dezatela eskatzeko ahalmena ere arautu da.<br />
3.- 91. artikuluaren 6. eta 8. puntuetan araututako arrazoiei dagokienez, horietan ere<br />
batzar orokorrak hartutako erabakia beharko da kooperatiba desegiteko, baina bi<br />
kasuetan gehiengo kualifikatuz hartu beharko da erabakia, batzarrera bertaratzen<br />
direnen (bertaratuen eta ordezkatuen artean) baliozko eran emandako botoen bi<br />
hereneko gehiengo kualifikatuz, baldin eta botoen ehuneko hirurogeita hamabostera<br />
iristen ez bada.<br />
Horrek guztiak ez dio kalterik egingo desegiteak beste lege batzuetan jasotako erregulazioa<br />
edo estatutu sozialetan berariaz araututako beste kasu batzuetatik etortzeari; kasu horretan,<br />
aipatutakoen izaera hartu beharko da kontuan, desegiteak eraginkortasuna izateko.<br />
Administratzaileek batzar horretarako deialdia bi hilabeteko epean edo zaintza-batzordeak<br />
edo zeinahi bazkidek eskatzen diotenean egiten ez badute eta deialdia egin bada, edo<br />
batzarra deituta, legez eta estatutuen arabera araututako epean egiten ez bada, edo batzarra<br />
bildu dela, akordioa hartu ezin bada edo desegitea deklaratzearen aurkako erabakirik<br />
hartzen bada, administratzaileek desegite judiziala eskatu beharko dute, euren ardurapeko<br />
eginkizunak betez. Era berean, edozein interesdunek desegite judiziala eskatu ahal izango<br />
du, eta legegileak izaera hori eman dio Eusko Jaurlaritzan lan-arloko eskumena duen<br />
sailari, EKGKri, bazkideekiko ordezkaritza handiena duten federazioei eta, hala badagokio,<br />
Euskadiko Kooperatiben Konfederazioari. Hau da, bai administrazio publikoari, bai<br />
legeak berak berariaz aitortutako kooperatibismoaren elkarte-sektoreari (ikus legearen IV.<br />
tituluaren azterlana). Hori guztia, manuak aitortutako balizko interesdunen zerrenda hori<br />
zerrenda esklusibo eta baztertzaile gisa interpretatu behar izan gabe; izan ere, bazkideak eta<br />
hartzekodunak ere, besteak beste, interesdunak izango dira.<br />
Desegitea erregistroan inskriba daitekeen egintza bat denez, eta inskripzio horrek izaera<br />
eratzailea duenez (gertatu arte ez du ondoriorik izango), desegitea batzarrak ildo horretan<br />
hartutako erabakiaren ondorioz edo hala adierazten duen ebazpen judizialaren ondorioz<br />
gertatzen bada, desegitea inskribatu aurretik argitaratu beharko da, behar bezala egiaztatuta<br />
erregistro-inskripzioa bera izapidetzearen esparruan, EHAAn eta kooperatibaren egoitza<br />
dagoeneko lurralde historikoko hedapen handiko egunkari batean. Desegitea argitaratzeko<br />
helburua dugu interesdun izan daitezkeenek gertakariaren berri izatea. Horregatik,<br />
desegitearen arrazoia estatutuetan araututako iraupen-epea mugaeguneratzeari lotzen<br />
zaionean, hau da, eskubide osoko desegitea denean, erregistroko inskripzioa automatikoa<br />
izango da, inolako argitalpenik egin beharrik gabe.<br />
Nolanahi ere, kooperatibaren desegitea inskribatzeak ez dakar, ezinbestean, gerora likidatzea<br />
eta erregistro-idazpenak ezereztea. Horrela, beren-beregi arautu da balizko berraktibatzearen<br />
aukera, eta, horretarako, i) berraktibatze hori eragin zuen arrazoia desagertzea eskatuko da,<br />
ii) bazkideen aldeko ekarpenen itzulketa hasi aurretik egitea, eta iii) batzarrak gehiengoz<br />
hartutako erabaki baten ondorio izatea, balio osoz emandako guztizko botoen bi herenen<br />
331
KOOPERATIBAK DESEGITEA ETA LIKIDATZEA<br />
aldeko emaitza aterata (bertaratutakoen eta ordezkatutakoen artean), batzarrera joan behar<br />
izanez gero, batzarrean boto guztien ehuneko hirurogeita hamabost ez badaude; dena dela,<br />
quorum hori gaindituz gero, gehiengo soila nahikoa izango da.<br />
Desegiteko erabakiarekin gertatzen den bezala, sozietatea berraktibatzeko erabakia,<br />
merkataritza-trafikoan jarduten jarraitzeko asmoa duelako, kooperatiba-jardueraren garapenaren<br />
bidez, aurrekoa ondoriorik gabe utzita, nahitaez inskribatu behar da erregistroan (eratzeizaera<br />
dauka); hau da, ez du ondoriorik izango inskripzioa eraginkorra izan arte. Ildo horretan,<br />
kontuan hartu behar dugu berraktibazio-erabakia inskribatzeko ez dela publizitaterik egin<br />
behar, desegiteari dagokionez ez bezala.<br />
Amaitzeko, legegileak konkurtso-prozedura batean dauden kooperatibak berraktibatzeko<br />
aukera arautu du, eta adierazi du hura –berraktibazioa– likidazio-aldia ireki denean bakarrik<br />
abiatu ahal izango dela, hartzekodunekiko hitzarmen egokia egin ondoren. Hau da, likidazioaldia<br />
ireki aurreko berraktibazioa kooperatibaren beraren borondatearen araberakoa<br />
izango da soilik, eta kooperatibak xedapen-ahalmen hori galduko du, gaia aztertzen ari<br />
den merkataritza- arloko epaitegiak likidazio-aldia irekita dagoela ebatzi ondoren. Une<br />
horretatik aurrera, kooperatibak nahitaez saiatu beharko du hitzarmena formalizatzen eta<br />
hura egiaztatzen sozietatearen hartzekodunekin, kooperatiba berraktibatzen ahalegintzeko.<br />
14.3.3. Esanahi praktikoa<br />
Legeak arautzen duen guztian kooperatibak baliagarri ez duen aginduzko araua da,<br />
kooperatibak berak xedatzen duenarekin kontraesanean ez dauden zehaztapenak txertatzeko<br />
aukerari kalterik egin gabe; esate baterako, erabakiak hartzeko gehiengo indartuak xedatzea<br />
edo eskubideak aitortzea berrindartzearekin ados ez daudela berariaz adierazi duten<br />
bazkideen alde.<br />
Arauaren hartzaileak, lehenik eta behin, kooperatiba bera eta haren sozietate-organoak izango<br />
dira, batez ere, administratzaileak, eta horiei ezarri zaie batzarrerako deia egiteko betebeharra,<br />
desegitea eragin duen gertaera jazo ondoren. Aldi berean, interesdunen kolektibo hauek<br />
ditugu: zaintza-batzordeko kideak, euren eginkizunak betetzean, administratzaileei deialdia<br />
egiteko eskatu ahal izango dietenak; kooperatiba osatzen duten bazkide guztiak, eskubide<br />
bera izango dutenak; administrazio publikoa, Eusko Jaurlaritzan lan-arloko eskumena duen<br />
sailaren bidez; eta kooperatibismoaren elkarte-sektorea –EKGK eta federazioak, elkartutako<br />
kooperatiben aurrean− eta Euskadiko Kooperatiben Konfederazioa. Hori guztia, erregistratzen<br />
duenarentzat ere aginduaren idazketaren zuzeneko interesaren berezitasunari kalterik egin<br />
gabe, kooperatibak estatutuetan araututako iraupen-epea amaitzeko arrazoia zuzenbide<br />
osokoa baita; horrela, erregistratzaileak kooperatiba desegitearen inskripzio automatikoa<br />
egin beharko du, batzarrak erabakirik hartu behar izan gabe, edo ebazpen judizialik edo<br />
hirugarren interesdunak egindako errekerimendurik gabe.<br />
Kooperatiba guztiei aplika dakieke, edozein motatakoak izanda ere, eta dituzten baldintza<br />
bereziak dituztela ere (bazkideen kopurua, ondarea...).<br />
332
KOOPERATIBAK DESEGITEA ETA LIKIDATZEA<br />
14.3.4. Beste arau aplikagarri batzuk<br />
Erregulazio zehatza eta soilik kooperatiboa izanik, ez da beste araudirik aplikatu behar.<br />
Ezta estatuko legerian jasotakoa ere (27/1999 Legearen 70. artikulua), EKLri osagarri gisa<br />
aplikatzekoa, ez baitio ezer gehitzen EKLri edo hura osatzen, biak oso antzekoak direla,<br />
alderdi formal eta zehatz batzuk kenduta, hala nola erabakiak erregistroan inskribatzeko<br />
izapideei buruzko deskribapen handiagoa estatukoan.<br />
14.4. Likidatzeko prozesua<br />
93. artikulua.– Likidatzeko prozesua.<br />
1.– Behin kooperatiba desegin ondoren, likidazioaldia irekiko da, bat-egiteetan edo<br />
erabateko zatitzeetan izan ezik. Kooperatibak bere nortasun juridikoari eutsiko dio,<br />
baina «likidazioaldian» hitza gehituko dio bere izenari aldi horretan.<br />
2.– Likidazioaldian, batzar orokorren araubidearen gaineko lege- eta estatutu-arauak<br />
beteko dira. Administratzaileek egingo dituzte batzar orokorren deialdiak, eta<br />
batzarburu jardungo dute batzarretan; batzar horietan, likidazioaren berri eman<br />
beharko dute, interes erkideari komeni zaiona erabakitzeko.<br />
14.4.1. Berrikuntza nagusiak aurreko araudiaren aldean<br />
Manu honetan jasotako testua eta lege indargabetuaren 89. artikuluaren edukia berdinak<br />
dira. Salbuespen bakarra dugu administratzaileek batzar orokorretarako deialdia egin behar<br />
dutela, likidatzaileek egin beharrean, lege horretan jasotzen zen bezala. Nolanahi ere,<br />
aldaketa horren garrantzia eta ondorio juridikoa formala baino ez da, batzar orokorretarako<br />
deialdia egiteko eskumena berariaz xedatuta baitago administratzaileen alde legearen 35.1<br />
artikuluaren arabera. Ildo horretan, batzar orokorrak likidatzaile izendatutako pertsonak hartu<br />
behar dira likidazio-aldian dauden kooperatibako administratzaileak eta, hortaz, aurreko<br />
testua argigarriagoa zelakoan gaude. Izan ere, likidatzaile berba irakurtzean, ohartu behar<br />
ginen, eta orain ohartu behar gara, kooperatiba likidazio-prozesu batean barruan dagoela,<br />
eta prozesu horretan, sozietatearen administrazioak ez duela ohiko jarduera (sozietatearen<br />
xedea) garatzen.<br />
14.4.2. Manuaren izaera edo indar juridikoa<br />
Manuak ezartzen duenez, likidazio-prozesua nahitaez ireki behar da kooperatiba desegin<br />
ondoren; beraz, nahitaezkoa da hura aplikatzea, eta kooperatibak, organo sozialen bidez,<br />
ezin du kontrako erabakirik hartu. Eta hori guztia, kapitulu honen azterketan eta analisian<br />
arestian aipatu ditugun bi salbuespenak aintzat hartuta, artikuluan berariaz jasotzen direnak,<br />
bada, bat-egite kasuak (gogoratu kooperatiba xurgatzailea ez dela desegiten) eta erabateko<br />
zatiketa. Bi eragiketa horien bidez, sozietatearen azkentzea lor daiteke erregistro-idazpenak<br />
ezereztuz, aldez aurretik desegin beharrik izan gabe, edo likidazio-prozesurik egin gabe.<br />
Likidazio-aldia irekitzearen helburua da, lehen azaldu dugun moduan, likidazio-eragiketak<br />
333
KOOPERATIBAK DESEGITEA ETA LIKIDATZEA<br />
izapidetzea eta horiek kudeatzea: ordaintzeke dauden kredituak kobratzea, hala badagokio,<br />
ondasun aktiboak likido (dirua) bihurtzea, zorrak ordaintzea, eta, eragiketa horien guztien<br />
zioz ateratzen den hartzekoa legez ezarritako baldintzetan esleitzea pertsona fisiko eta<br />
juridiko egokien alde.<br />
Kooperatiba likidazio-prozesuan dagoen bitartean –likidazioak aldi baterakoa izan behar<br />
du, kooperatiba berriro aktibatzen delako edo behin betiko likidatu eta sozietatea azkentzen<br />
delako− sozietateak nortasun juridikoari eutsiko dio, eta, beraz, aldi horretan, amaitzeke<br />
dauden jarduketak kudeatzeaz gain, merkataritza-trafikoan merkataritza-jarduketa berriak<br />
egin ahal izango ditu. Horregatik, kooperatibarekin merkataritza- eta lan-lotura duten edo<br />
izan dezaketen hirugarren interesdunentzako gardentasun eta segurtasun juridiko handiena<br />
bermatzeko, beharrezkoa da sozietatearen izenari “likidazioan” esapidea gehitzea, eta hal<br />
jaso beharko da aurrerantzean egiten diren transakzio eta eragiketa guztietan. Horrela,<br />
hirugarren interesdun orok jakin ahalko du kooperatibaren egoera juridiko-ekonomikoa<br />
zein den, horren inguruko ikerketarik egin behar izan gabe, eta sozietatearen izena<br />
irakurri, besterik ez du egin behar izango, aipatutako esapidearekin batera. Hau da,<br />
informazio esanguratsua helarazi nahi da jendaurrean, sozietatearen izenean nahitaez<br />
jasotako informazioarekin batera, izen horrek berak duen irismen juridikoari buruzkoa,<br />
hortik alderdi garrantzitsuak ondorioztatu ahal direla, hala nola hura osatzen duten kideei<br />
aplikatu beharreko erantzukizun-araubidea. Adierazpen horrek kooperatibaren uneko<br />
errealitate juridiko-ekonomikoaren berria ematen du, aipatutako likidazio-prozesuaren<br />
esparruan lortu nahi diren helburu eta xedeetan izan den aldaketa konponezinaren<br />
ondorioz, kooperatiba bere jardueraren ohiko garapenetik sozietatearen balizko likidazio<br />
eta azkentzera bideratutako likidazio-eragiketetara igaroko delarik.<br />
Beste alde batetik, manuaren edukian ondorioztatzen da batzar orokorrak berebiziko<br />
garrantzia duela kooperatibaren bizitzan, eta horrek likidazio-prozesuan ere duen<br />
garrantziari eutsi egiten diola, batzarra nahitaez egin beharra ezarri baita, legearen I.<br />
tituluaren V. kapituluaren 1. atalean eta sozietatearen estatutuetan xedatutakoaren arabera.<br />
Hau da, likidazio-prozesua urtebetetik gora luzatzen bada, gutxienez, batzar orokorrak bilera<br />
bat, ohiko bilkuraren baliokidea, egin beharko du urtero. Eta hori guztia, kooperatibako<br />
administratzaileek, ordurako likidatzaile jarduten dutenek, horretarako deialdia egin ondoren<br />
eta batzar orokorreko buru izanik, sozietatea osatzen duten bazkide guztiei kooperatiba<br />
dagoen likidazio-eragiketen eta egoera juridiko-ekonomikoaren berri eman diezaieten,<br />
SALren 371. artikuluak dioenari jarraiki. Batzar orokor horrek, bai aztertutako aginduan<br />
jasotako erregulazioaren hitzez hitzeko edukiari, bai likidazio-prozesua hasterakoan<br />
kooperatibarentzat eratortzen den araubide juridiko-ekonomiko bereziari erreparatuta,<br />
pentsatzekoa da ez dituela urteko kontuak onartu behar, EKLren 35.3.c) eta 34. Artikuluek<br />
xedatutako baldintzetan; hala, sozietatearen interes erkidearen alde komenigarrientzat jotzen<br />
duena adostera mugatu ahalko da, sozietateak une horretan duen egoerari eta egindako<br />
likidazio eragiketei dagokienez.<br />
Interes orokor horrek, likidazio-prozesuaren esparruan gauzatutako jarduketen eta horien<br />
nondik norakoez gain, beste gai batzuk ere har ditzake bere baitan, hala nola administratzaileei<br />
334
KOOPERATIBAK DESEGITEA ETA LIKIDATZEA<br />
–hau da, likidatzaileei− prozesu hori kudeatzeko irizpide eta jarraibide zehatzak ezartzea,<br />
baita kooperatiba berraktibatzea ere, likidazio-prozesua bertan behera utziz eta ohiko<br />
jarduerari berriro ekinez, eta, hortaz, kooperatibaren izenaren ondotik “likidazioan” esapidea<br />
kendu beharko dela.<br />
14.4.3. Esanahi praktikoa<br />
Kooperatibak bere sozietate-estatutuen bidez balia ezin dezakeen aginduzko manua da;<br />
hala ere, estatutuetan arau osagarriak xedatu daitezke, betiere xedapenok legearen aurkakoak<br />
ez badira, ezta kooperatiba-sozietatea eratzen duten printzipioen aurkakoak ere. Kooperatiba<br />
guztiei aplika dakieke, mota, tamaina eta gainerako baldintzak edozein direla ere.<br />
Kooperatibari berari eragiten dio zuzenean, eta nabarmentzekoa da batzar orokorraren<br />
funtzionamenduaren garrantziari eutsi diola, legeak eta estatutuek araututako ohiko<br />
baldintzetan, sozietatearen organo gorena den aldetik, bai eta likidatzaile gisa eratutako<br />
administratzailearen karguari ere, administratzaileak kooperatibaren kudeaketaren<br />
eta ordezkaritzaren arduradun diren aldetik. Halaber, manuak arreta berezia jarri dio<br />
kooperatibarekin lan egiten duten hirugarren interesdunen gardentasun eta segurtasun juridiko<br />
egokiari, kooperatibari ezarritako betebeharraren bidez: kooperatibak likidazio-prozesuan<br />
dagoen sozietatea dela iragarri behar du, sozietatearen izenaren alboan, “likidazioan”<br />
esapidea txertaturik.<br />
14.4.4. Beste arau aplikagarri batzuk<br />
Aztertutako aginduan jasotako erregulazioaren eta SALren ildo berean jasotakoaren<br />
arteko bat etortzeari kalterik egin gabe, arlo kooperatiboari doakion gaia besterik ez da.<br />
Horrela, estatuko legeria ere (Kooperatibei buruzko uztailaren 16ko 27/1999 Legearen 71.<br />
artikuluaren 1. eta 5. atalak), EKLk xedatu ez duen guztian osagarri gisa aplikatu behar<br />
dena, ez da aplikagarria; izan ere, hemengo legeak berariaz xedatzen du likidazio-prozesua<br />
irekitzeko egin nahi den arauketa eta haren funtzionamendu organikoa, eta, gainera, estatuko<br />
legeak EKLren edukiaren oso antzekoa dakar.<br />
14.5. Likidatzaileen izendapena<br />
94. artikulua.– Likidatzaileen izendapena.<br />
1.– Batzar orokorrak likidatzaile bat edo gehiago hautatuko ditu, ahal bada kooperatibako<br />
bazkideen artetik, beti kopuru bakoitietan. Bidezko arrazoia adieraziz bazkideetako<br />
inork ez badu nahi likidatzaile izan, kooperatibako bazkide ez diren pertsona fisiko<br />
edo juridikoen artean izendatu beharko da. Likidatzaileei ordaindu ahal izango zaie.<br />
Izendapenak ez du ondorerik sortuko hirugarren ez-bazkideen aurrean Euskadiko<br />
Kooperatiben Erregistroan inskribatu arte.<br />
2.– Kooperatiba desegin eta bi hilabeteren buruan inor ez bada likidatzaile izendatzen<br />
eta inork ez badu izendapen hori onartzen, administratzaileek sozietatearen egoitzako<br />
335
KOOPERATIBAK DESEGITEA ETA LIKIDATZEA<br />
merkataritza-arloko epaitegiari eskatu beharko diote likidatzaileak izendatzeko,<br />
zeinak kooperatibako bazkide ez diren pertsonak izan ahalko baitira.<br />
Era berean, edozein interesdunek ere egin ahal izango du eskaera hori, kontuan<br />
hartuta zer zehazten den 92.3 artikuluan.<br />
14.5.1. Berrikuntza nagusiak aurreko araudiaren aldean<br />
Artikulu honen barruan, idazketa generoa aintzat hartzen duen hizkera inklusiboaren<br />
arabera egokitzeaz gain, funtsezko berritasun bat txertatu da, hau da, kooperatibaren batzar<br />
orokorrak bazkideak ez diren hirugarren pertsonak likidatzaile izendatzeko ahalmena berariaz<br />
aitortzea. Ahalmen hori, gainera, arauaren arabera, betebehar bilakatuko da bazkide bakar<br />
batek ere ez badu onartzen likidatzaile izateko izendapena, aldez aurretik horretarako arrazoi<br />
egokia egiaztatuta. Betebehar hori manuan bazkideak likidatzaile izendatzeko beharrezkoa<br />
den lehentasunari buruzko berariazko adierazpenaren ondorioa da. Hirugarren pertsona(k)<br />
likidatzaile izendatzeko gaikuntza horren ondorioz, arauak ezartzen du likidatzailea(k)<br />
pertsona juridikoa(k) eta fisikoa(k) izan daite(z)keela, jakina denez.<br />
Bazkideak ez diren hirugarrenak likidatzaile izendatzeko aukera kasu jakin batean<br />
baino ezin zen erabili, indargabetutako legean: batzarrak desegitea erabaki eta bi hilabete<br />
igarotakoan batzarrak izendapenik ez egitea edo, izendapena egin arren, izendatuek kargua<br />
nahitaez ez onartzea. Kasu horretan, administratzaileek likidatzaileen izendapen judiziala<br />
eskatu behar zuten, hau da, bazkide ez ziren hirugarren pertsonak bakarrik izenda zitezkeen<br />
likidatzaile, ildo horretan emandako ebazpen judizial baten bidez.<br />
Horrela, erregulazio berrian eutsi zaionez administratzaileek izendapen judiziala nahitaez<br />
eskatzeko betekizunari arestian deskribatu dugun kasu berean (batzarrak desegitea erabaki<br />
ondoren, bi hilabete igaro badira eta batzarrak izendapen egokirik egin ez badu, edo,<br />
izendapena egin arren, izendatuek kargua nahitaez onartu ez badute), kooperatibari berariazko<br />
ahalmena emango zaio (batzar orokorraren bidez, izendapen orokorrik gabe) likidatzaileen<br />
izendapena bazkide ez diren pertsonen alde egiteko, errekerimendu judizialik egin behar<br />
izateke. Ahalmen hori betebehar bihurtuko da bazkide batek ere onartzen ez duenean, modu<br />
arrazoituan, likidatzaile izateko kargua betetzea eragiten dion izendapena.<br />
Horrekin guztiarekin batera, likidatzaileak izendatzeko eskumena aitortzen zaie, lehen<br />
auzialdiko epaitegien ordez, kooperatibaren sozietate-egoitza duteneko merkataritza arloko<br />
epaitegiei, lehen azaldu moduan, administratzaileek jurisdikzio ordena horren aurreko<br />
errekerimendua egiten badute.<br />
14.5.2. Manuaren izaera edo indar juridikoa<br />
Kooperatibak, kooperatiba desegin ondoren, likidatzaile kopuru bakoitia izendatzeko<br />
betebeharra xedatu du arauak, pertsona bakarra izan edo batzuk izan. Gainera, lehen ohartarazi<br />
dugunez, berrikuntza garrantzitsu bat dakar, indargabetutako arauak ez bezala, bazkide ez<br />
diren pertsonak likidatzaile izendatzeko aukera ematen baitu. Eta horrek ez du eragotziko,<br />
manuaren edukiaren arabera, bazkideen izendapenak lehentasuna izatea bazkideak ez<br />
diren pertsonen izendapenaren aurretik. Horrela, arauak berak bihurtu du betebehar hasiera<br />
336
KOOPERATIBAK DESEGITEA ETA LIKIDATZEA<br />
batean eskubide gisa uler zitekeena, baldin eta, bazkideen artean likidatzaileak izendatzeko<br />
lehentasunaren kudeaketaren esparruan, bazkide batek ere izendapen hori onartzen ez<br />
badu, betebehar horretatik desenkusatzeko arrazoi zuzena egiaztatuta. Hau da, bazkide ez<br />
den pertsona bat likidatzaile izendatu aurretik, bazkideek likidatzaile izateko izendapenari<br />
uko egitea justifikatu beharko dute. Egintza hori, hau da, bazkideek likidatzaile izateko<br />
izendapena ez onartzea, egiaztatu beharko den arren, aginduan jasotako erregulazioak berak<br />
jasotzen duen bezala, egia da justifikatutzat jo daitezkeen arrazoien zerrendarik xedatu ez<br />
denez, nahiz eta, adierazpenezko edo adibidezko zerrenda izan eta mugatua ez izan, ez eta<br />
emandako arrazoiak egiaztatzeko jarraitu beharreko prozedura ere, bi gai horiek ahalik eta<br />
modu zabalenean eta ahalgarrienean interpretatu beharko liratekeela. Hori guztia Euskadiko<br />
Kooperatiben Erregistroaren antolamendu- eta funtzionamendu-erregelamenduaren esparruaren<br />
baitan, gaiak izan dezakeen garapenari kalterik egin gabe; izan ere, likidatzaileak izendatzea<br />
inskribatzeko moduko akordioa da, hirugarrenen aurrean ondorioak izan ditzan. Eta badirudi<br />
zentzuzkoa dela ondorioztatzea desenkusatzeko arrazoi zuzenaren egiaztapena bazkide ez<br />
diren pertsonak likidatzaile gisa erregistroan inskribatzeko erabakiari atxiki beharko zaiola.<br />
Aldi berean, eutsi egin zaio indargabetutako legean araututa dagoen aukera honi: batzarrak<br />
erabaki ahal izatea likidatzaile-kargua betetzeagatiko ordainsaria, likidatzailea izateko<br />
bazkide bat edo kooperatibako kide ez den hirugarren bat (pertsona fisikoa edo juridikoa)<br />
izendatuta ere. Interpreta dezakegu akordio hori hartzea ohikoa izango dela bazkide ez<br />
diren hirugarrenak likidatzaile izendatzen direnean, nekez hartuko baitu bere gain karguari<br />
dagokion erantzukizuna likidazio-prozesuan bertan interes zuzenik ez duen pertsona<br />
batek, etekin ekonomiko bat lortzearen truke ez bada. Ulertzekoa denez, erantzukizun hori<br />
nabarmen areagotuko da kargu hori betetzea ordaindua denean, ordaindutako karguari, ustez,<br />
aitortzekoa zaion profesionalizazioaren ondorioz.<br />
Kooperatiba desegiten bada eta bi hilabete igarotzen badira kooperatibako batzar orokorrak<br />
likidatzaileak izendatu gabe, administratzaileek sozietatearen egoitza merkataritza-arloko<br />
epaitegiak likidatzaileak izendatu ditzala eskatu beharko dute, eta epaitegiak hirugarren<br />
pertsona bat edo batzuk izendatu ahal izango ditu likidatzaile. Sozietatearen interesak eta<br />
likidazio-prozesuan interesa duten pertsonen interesak zaintzeko betebeharrari dagokionez<br />
–indargabetutako legeak ere bazekarren−, ondoriozta daiteke batzarrak bazkideak ez diren<br />
pertsonak likidatzaile izendatzeko aldez aurreko gaikuntza eginda, administratzaileek<br />
izendapen judizialaren errekerimendua formulatzeko beharra eta derrigortasuna saihestu<br />
nahi dela.<br />
Likidatzaileak judizialki izendatzeko eskaera, kooperatiba desegiten denetik bi hilabete<br />
igaro ondoren, zeinarentzat edozein interesdunek ere legitimatuta egongo baita, hirugarren<br />
interesdunek desegite deklarazioa eskatzeko eskubidearen inguruan azaldu eta aztertu diren<br />
baldintza berberetan (legeak zuzeneko igorpena egiten du 92.3 artikuluak jasotzen duen<br />
arauketara). Hau da, likidatzaileak izendatu behar diren batzarra biltzeko deialdirik egiten ez<br />
bada, deialdia egin arren, epearen barruan biltzen ez bada, izendapen-erabaki egokirik hartzen<br />
ez badu edo izendapen horren aurkako erabakirik hartzen badu. Aldi berean, lan-arloan<br />
eskumena duen Eusko Jaurlaritzako saila, EKGK, kide diren kooperatibei erreparaturik,<br />
ordezkaritzarik handiena duten federazioak eta, hala badagokio, Euskadiko Kooperatiben<br />
Konfederazioa jaso dira pertsona interesdun gisa. Arrazoizkoa dirudi interesdunen zerrenda<br />
337
KOOPERATIBAK DESEGITEA ETA LIKIDATZEA<br />
horri kooperatiba osatzen duten bazkideak eta kooperatibaren hartzekodunak gehitzea.<br />
Ahalmen hori, berriz diogu, administratzaileekin gertatzen den bezala, sozietatea desegin<br />
eta legez ezarritako bi hilabeteak igaro ondoren bakarrik balia daiteke, eta epe hori erabili<br />
beharko litzateke berezko eskumena duen sozietatearen organoak, hau da, batzar orokorrak,<br />
izendapena egin dezan.<br />
14.5.3. Esanahi praktikoa<br />
Aginduzko araua da, eta kooperatibak ezin du erabili manuak berariaz xedatzen duenari<br />
dagokionez. Nolanahi ere, sozietateak aukera izango du, batzar orokorraren bidez, legeak<br />
maniobratzeko tartea ematen duen heinean, hainbat gai estatutuen bidez zehazteko, hala<br />
egokitzat jotzen badu: adibide soil gisa, izendatu beharreko likidatzaileen kopuru jakina<br />
zehazteko aukera, arauak ezarritako kopuru bakoitia errespetatuz; likidatzaile- edo likidatzailekargua<br />
betetzeko izaera ordaindua edo ez-ordaindua erabakitzea, eta, ordaintzeko aukera<br />
erabakitzekotan, horren zenbatekoa; likidatzaileek jarraitu beharreko sistema aplikagarria<br />
zehaztea zereginak betetzeko eta, hala badagokio, zeregin horien banaketa.<br />
Kooperatibari berari eta, bereziki, batzar orokorrari doakio araua, berez (izendapen judiziala<br />
alde batera utzita) likidatzaileak izendatzeko eskumena era esklusiboan daukan sozietatearen<br />
organoa delako. Era berean, kooperatiba-sozietatearen egoitza dagoeneko merkataritzaarloko<br />
epaitegiak izendapen judizialaren eskaera egiteko legitimazioa duten pertsonentzat<br />
ere interesgarria da araua; hau da, administratzaileentzat. Gainera, administratzaileek egin<br />
beharko dute hasiera batean izendapen hori ebatzi behar duen batzar orokorraren deialdia,<br />
eta horrek ez dio kalterik egiten gerora bide judizialez eskatzeko betebeharrari, baldin eta,<br />
batzarra egiten ez bada, edo, batzarra egin arren, likidatzaileen izendapena erabakitzen ez<br />
bada, arrazoia edozein izanda ere, eta interes legitimoa duen beste edozein pertsonaren alde.<br />
Horiez guztiez gain, erregistroko arduraduna ere interesduna da, likidatzaileak izendatzea<br />
inskribatzeko moduko egintza baita, eta hirugarrenean aurreko izendapenaren ondorioak ere<br />
erregistroko inskripzioan ere ezarrita geratuko dira.<br />
Kooperatiba guztiei aplika dakiekeen manua da, edozein motatakoak direla eta haien<br />
ezaugarri bereziak zeinahi direla (bazkide-kopurua, ondarea...).<br />
14.5.4. Beste arau aplikagarri batzuk<br />
Erregulazio zehatza eta soil-soilik kooperatiba-esparrukoa denez, ez da beste araudirik<br />
aplikatu behar. Ezta estatuko legerian jasotakoa ere (27/1999 Legearen 71. artikuluaren 1., 2.<br />
eta 3. atalak), EKLren osagarri gisa aplikatu behar denez gero; izan ere, ez du ezer gehitzen,<br />
ez hemengoa osatzen ere, eta bietan jasotako edukia oso antzekoa da.<br />
14.6. Funtzioak eskualdatzea<br />
95. artikulua.– Funtzioak eskualdatzea.<br />
Behin kooperatiba desegin eta gero, administratzaileek ordezkatze- eta kudeatze-lanetan<br />
jarraituko dute, baina kalteak saihesteko baino ez, eta likidatzaileak izendatu bezain pronto<br />
338
KOOPERATIBAK DESEGITEA ETA LIKIDATZEA<br />
utziko dute kargua; bestalde, kooperatibaren inbentarioa eta balantzea sinatu beharko<br />
dute likidatzaileekin batera, likidazioa hasten den egunari egokitua eta likidatzaileak beren<br />
funtzioak betetzen hasi baino lehen.<br />
Horrez gain, eta likidatzaileek argibiderik eskatzen badiete, administratzaileek informazio<br />
eta aurrekari guztien berri eman beharko diete likidazio-eragiketak egin ditzaten.<br />
14.6.1. Berrikuntza nagusiak aurreko araudiaren aldean<br />
Ez da berrikuntzarik egin, eta indargabetutako legean jasotako erregulazioaren edukiari<br />
eutsi zaio oso-osoan, testuan generoaren araberako hizkera inklusiboa erabiltzeari kalterik<br />
egin gabe.<br />
14.6.2. Manuaren izaera edo indar juridikoa<br />
Kooperatiba desegin ondoren, arrazoia edozein izanda ere, eta likidatzaileak izendatu arte,<br />
administratzaileek izango dute sozietatearen kudeaketarekin eta ordezkaritzarekin jarraitzeko<br />
ardura, sozietatearentzat eta likidazio-prozesuan interesa duten pertsonenentzat gerta<br />
litezkeen balizko kalteak saihesteko helburuz. Ildo horretan, aurreko manuan xedatutakoa<br />
zorrotz betez, gogora dezagun aldi hori ez litzatekeela bi hilabetetik gora luzatu behar;<br />
izan ere, epe hori igarotakoan, administratzaileek izendapen judiziala eskatu beharko dute<br />
(kooperatiba-sozietateak egoitza dueneko merkataritza-arloko epaitegian). Hala eta guztiz<br />
ere, horrek ez dio kalterik egingo likidatzaileak aldi berean (jarraian) izendatzeko aukera eta<br />
komenigarritasunari, desegitea erabakiz gero. Legelariak azaldutako izendapena paratu du<br />
aurreko atalean azaldutako eta aztertutako baldintzetan.<br />
Likidatzaileak izendatzeko unean, administratzaileek ordura arte betetzen zituzten<br />
kudeaketa- eta ordezkaritza-eginkizunak utziko dituzte, dela kooperatibaren beraren<br />
jardueraren garapenaren esparruan, hura desegiteko erabakiarekin batera gertatzen denean,<br />
dela balizko kalteak saihesteko helburuz, izendapena aldi berekoa ez denean. Likidatzaileak<br />
izendatzean, bi alderdiek (administratzaileek eta likidatzaileek) kooperatibaren inbentarioa<br />
eta egoeraren balantzea prestatu eta sinatuko dute, likidazio-prozesua hasi aurreko<br />
egunekoa (gogora dezagun likidazioa sozietatea desegitearekin batera gertatzen dela); eta,<br />
nolanahi ere, likidatzaileak euren eginkizunak betetzen hasi aurretik. Garrantzi handikoa<br />
da hori, kooperatiba deseginda, aurrerantzean ez baitira beteko araubide ekonomikoari<br />
aplikatu beharreko lege- eta estatutu-arauak, emaitzak zehazteari, soberakinak banatzeari<br />
edo galerak egozteari dagokienez. Beraz, gainbaliorik gertatuz gero, hartzeko likidoaren<br />
soberakintzat hartuko dira, eta, beraz, legez ezarritako destinoa izango dute [EKLren<br />
98.2.d) artikulua – ikus azterketa aurrerago].<br />
Likidatzaileak izendatzeko unean administratzaileek beren eginkizunak uzteari kalterik<br />
egin gabe, lehenengoen kudeaketaren emaitza bigarrenekin sinatutako inbentarioan eta<br />
egoeraren balantzean jasota geratuko delarik, administratzaileek badute likidatzaileei<br />
likidazio-eragiketak bideratzeko eska dakiekeen kooperatibari buruzko informazio guztia<br />
emateko betebeharra. Hau da, administratzaileek betebeharrak izaten jarraituko dute,<br />
sozietatearen kudeatzaile eta ordezkari gisa bete dituzten eginkizunak utzi ondoren ere.<br />
339
KOOPERATIBAK DESEGITEA ETA LIKIDATZEA<br />
14.6.3. Esanahi praktikoa<br />
Aginduzko araua da, kooperatibak baliatu ezin duena, eta, batez ere, sozietatea bera dugu<br />
hartzailea; izan ere, sozietatearen kudeaketan eta ordezkaritzan hutsik ez egoteko bermea<br />
ematen du, eta, hortaz, administratzaileek funtzio horiei eutsiko diete likidatzaileak izendatzen<br />
diren arte. Horren ondorioz, interesgarria da, halaber, bereziko garrantzi juridikoa duelako,<br />
bai administratzaileentzat, kargua utzi ondoren ere atxiki behar duten betebehar bat ezartzen<br />
zaielako (likidatzaileei informazioa ematea), bai likidatzaileentzat, azkenek kooperatibaren<br />
kudeaketa eta ordezkaritza euren gain noiz hartuko duten zehazten duelako. Aldi berean,<br />
baterako betebehar bat dago, hau da, inbentarioa eta egoeraren balantzea sinatzea likidazioprozesua<br />
hasi aurreko egunean, eta horrek zehaztuko du funtzioak eskualdatzeko unea.<br />
Kooperatiba guztiei aplika dakieke, edozein motatakoak izanda ere, eta dituzten baldintza<br />
bereziak dituztela ere (bazkideen kopurua, ondarea...).<br />
14.6.4. Beste arau aplikagarri batzuk<br />
Erregulazio zehatza eta soil-soilik kooperatiba-esparrukoa denez, ez da beste araudirik<br />
aplikatu behar. Ezta estatuko legerian jasotakoa ere (27/1999 Legearen 71. artikuluaren 3.<br />
eta 4. atalak), EKLren osagarri gisa aplikatu behar denez gero; izan ere, ez du ezer gehitzen,<br />
ez hemengoa osatzen ere, eta bietan jasotako edukia oso antzekoa da.<br />
14.7. Likidatzaileen funtzioak<br />
96. artikulua.– Likidatzaileen funtzioak.<br />
1.– Likidatzaileak hainbat direnean, batzar orokorrak erabakiko zu zer araubide<br />
aplikatuko den.<br />
2.– Likidatzaileek ahalmena izango dute likidazio-eragiketa guztiak egiteko. Esleitzen<br />
zaizkien funtzioak betetzeko, kooperatiba ordezkatuko dute epaiketan eta<br />
epaiketatik kanpo, eta sozietatea obligatuko dute hirugarren ez-bazkideen aurrean,<br />
kooperatibaren administrazio-organoa obligatzen den modu berean.<br />
Bereziki, eginkizun hauek izango dituzte:<br />
a) Aurreko artikuluan aipatzen diren inbentarioa eta hasierako balantzea sinatzea.<br />
b) Kooperatibaren liburu eta gutunak betetzea eta jagotea, eta ondareak osorik<br />
jarrai dezan zaintzea.<br />
c) Gauzatzeke dauden eragiketak bukatzea, eta kooperatiba likidatzeko egin<br />
beharreko zeregin guztiak egitea.<br />
d) Sozietatearen ondasunak besterentzea.<br />
e) Gauzatzeke dauden kredituak erreklamatzea hirugarren ez-bazkideei edo<br />
bazkideei, eta kredituok jasotzea.<br />
f) Sozietatearen interesek hala eskatzen dutenean, transakzioak eta arbitrajeak<br />
hitzartzea.<br />
340
KOOPERATIBAK DESEGITEA ETA LIKIDATZEA<br />
g) Hartzekodunei eta bazkideei ordaintzea eta kooperatibaren gerakinak<br />
transferitzea, 98. artikuluan ezarritakoaren arabera.<br />
3.– Likidatzaileen funtzioak amaituko dira likidazioa erabat burutzen denean, batzar<br />
orokorrak izendapena errebokatzen duenean edo, botoen ehuneko hogei ordezkatzen<br />
duen bazkide-talde batek bidezko arrazoiengatik eskatuta, ebazpen judiziala ematen<br />
denean. Likidatzaileen erantzukizuna administratzaileena adinakoa izango da.<br />
14.7.1. Berrikuntza nagusiak aurreko araudiaren aldean<br />
Testua generoaren araberako hizkera inklusiboz idazteaz gain, bi berritasun jasotzen<br />
ditu aginduak: alde batetik, aitortzen du batzarrak ahalmena duela, likidatzaile bat baino<br />
gehiago izendatuz gero, horiei aplikatu beharreko funtzionamendu-araubidea zehazteko.<br />
Indargabetutako legeak xedatutakoaren arabera, kide anitzeko organo gisa bakarrik bete<br />
zitzaketen eginkizunak likidatzaileek, batzarrak beste ezer adosteko inolako gaitasunik ez<br />
zeukala.<br />
Bestetik, indargabetutako legearen 92. artikuluaren 3. paragrafoan jasotako erregulazio osoa<br />
kendu da. Horren arabera, likidatzaileek jardun jakin bat egin behar zuten, kooperatibaren<br />
kaudimengabezia gertatuz gero. Ildo horretan, aintzat harturik konkurtso-prozedura guztiei<br />
aplika dakiekeen araudi espezifikoa dagoela (kaudimengabezia-kasuak ere barne hartzen<br />
dituena), hots, merkataritza-esparruko eremu zabal osoan aginduzko izaera duen konkurtsolegeria,<br />
eta, ondorio horietarako, kooperatibak eremu zabal horren barruan daudela ulertuta,<br />
ez da inolako erregulaziorik behar ildo horretan. Bada, konkurtsoaren kasuan, likidatzaileak<br />
edo likidatzaileek egin beharreko jarduketak aipatutako araudi espezifiko aplikagarrian<br />
berariaz jasotzen direnak edo araudi horretatik eratortzen direnak izango dira.<br />
14.7.2. Manuaren izaera edo indar juridikoa<br />
Aurreneko funtsezko gaia, arestian ohartarazi dugunez, honako hau da: hainbat likidatzaile<br />
izendatzen direnean, likidatzaileek, kide anitzeko batzordekide legez jarduteaz gain, modu<br />
solidarioan edo mankomunatuan bete ahal dituzte eginkizunak. Hau da, haiek izendatzen<br />
dituen batzarrak berak erabakiko du zein funtzionamendu-araubide aplikatuko zaien, eta,<br />
eraginkortasunari begira, komeni da araubidea izendapena egiten den unean bertan zehaztea;<br />
nolanahi ere, batzarrak egokitzat jo ahalko izango du araubide hori aldatzea geroko edozein<br />
unetan.<br />
Ondorio praktikoetarako, esan dezagun likidatzaile berriek administratzaileek ordura arte<br />
betetzen zituzten eskumen berberak izango dituztela, hau da, kooperatibaren kudeaketaz eta<br />
ordezkaritzaz arduratuko dira, eta berariazko ahalmena izango dute likidazio-prozesuaren<br />
esparruan eskatzen den edozein likidazio-eragiketa egiteko. Horren haritik, ordezkaritzaren<br />
ikuspuntutik esan nahi da, desegin aurreko ohiko trafikoan administratzaileei esleitutako<br />
funtzioak (kooperatiba-jardueraren garapena) oso antzekoak dira eta ia ez dira aldatzen, eta<br />
arauak berariaz gogorarazten digu ahalmen hori sozietateak parte har dezakeen prozedura<br />
judizialetara ere zabalduko dela, baina kudeaketaren ikuspegitik, ordea, aldeak garrantzitsuak<br />
341
KOOPERATIBAK DESEGITEA ETA LIKIDATZEA<br />
dira. Desberdintasun horiek ez datoz sozietatearen kudeaketa-funtzioaren noziotik, baizik<br />
eta hura gauzatzearen bidez lortu nahi diren xede eta helburuetatik. Hala, administratzaileen<br />
kudeaketak kooperatiba-jarduera ahalik eta ondoen garatzea eta sozietate-helburuak lortzea izan<br />
behar du (proiektuaren bideragarritasuna, emaitza positiboak erdiestea…), baina likidatzaileenak,<br />
nahitaez, kooperatibaren likidazioa izan behar du helburu, dagokion azken balantzea eta<br />
sozietatearen ondasunak banatzeko proiektua eginez. Horregatik, hain zuzen ere, bi kargu horien<br />
araubide funtzionala ia bera dela aintzat hartuta, manuak berariaz xedatu du administratzaileei<br />
aplika dakiekeen erantzukizun-araubidearen zuzeneko estrapolazioa –murrizteko aukerarik<br />
gabe– (ikus EKLren 51. artikuluaren azterketa) likidatzaileei, eta kooperatibaren egoitza<br />
dagoeneko tokiko merkataritza-arloko epaitegiek dute hori epaitzeko eta ebazteko eskumena.<br />
Lehen ohartarazi dugun bezala, erantzukizun-araubide hori dator likidazio-prozesuan zehar<br />
likidatzaileak kooperatibaren kudeaketaz eta ordezkaritzaz hartzen duten arduratik.<br />
Horrela, likidazio-prozesuaren esparruan, likidatzaileek egin ditzaketen jarduketa eta<br />
eragiketa ugariei kalterik egin gabe, benetan, behin baino gehiagotan esan dugun moduan,<br />
mugagabetzat jotzen direnak baldin eta jarduketok kudeatzea helburu badute eta batzarraren<br />
alde eta era esklusiboan legez ezarritako eskumen-esparrua errespetatzen badute, arauak berak<br />
jaso du, kooperatiba desegitea xede duen likidazio orokorrari lotutako likidazio-eragiketa<br />
kooperatiboen zerrenda, adierazpenez, likidatzaileek nahitaez gauzatu beharrekoak.<br />
Likidazio-eragiketa zehatz horiek, bi funtzio-taldetan bil ditzakegu:<br />
a) Sozietatearen ohiko egoerari eustea likidazio-prozesuak irauten duen bitartean;<br />
prozesu hori (i) inbentarioa eta hasierako balantzea izenpetzean sortzen da, eta<br />
geroago (ii) kooperatibaren liburuak eta gutuneria kudeatu eta zaindu behar ditu, eta<br />
(iii) kooperatibaren ondarearen osotasuna zaindu behar du, eta (iii) egiteke dauden<br />
eragiketak eta kooperatiba likidatzeko beharrezkoak edo komenigarriak diren<br />
eragiketa berriak gauzatu behar ditu.<br />
b) Sozietatea benetan likidatzea helburu hertsia dutenak, hala nola (iv) sozietatearen<br />
ondasunak besterentzea, (v) ordaintzeke dauden kredituak erreklamatzea eta<br />
jasotzea, bazkide ez diren hirugarren pertsonen aurka edo bazkideen aurka, (vi)<br />
transakzioak eta arbitrajeak hitzartzea sozietatearen interesentzat komeni denean, eta<br />
(vii) hartzekodunei eta sozietateko pertsonei ordaintzea eta gerakina transferitzea,<br />
EKLk berak sozietatearen hartzea esleitzearen inguruan xedatutakoari jarraiki (ikus,<br />
aurrerago, azterketa).<br />
Sozietate-ondasunak besterentzea; horrek ez du esan nahi ondasun horiek nahitaez<br />
monetarizatu behar direnik, nahiz eta, aukera hori komenigarriena dela esan behar den,<br />
sozietatearen hartzekoa geroago banatzea errazten baitu. Era berean, ordaintzeke dauden<br />
kredituak eskualdatzeak likidazio-prozesua nabarmen zailduko luke, nahiz eta eskualdatzea,<br />
ikuspegi juridikotik, zuzenbidearen araberakoa izan. Hori guztia bideratu behar da bazkideen<br />
interesek eta, batez ere, hirugarren interesdunenek kalterik har ez dezaten ahaleginduz, besteak<br />
beste, EKGKrenek, geratzen den azken hartzekoaren titularra den aldetik (ikus, aurrerago,<br />
sozietatearen ondasunen esleipenari buruzko azterketa). Hori dela eta, zuhurtasun-printzipio<br />
342
KOOPERATIBAK DESEGITEA ETA LIKIDATZEA<br />
batetik abiatuta, gomendagarria da erakunde publiko hori jakinaren gainean egotea uneanunean<br />
egiten ari diren likidazio-eragiketei buruz.<br />
Likidatzailearen (edo likidatzaileen) zereginak bete beharreko eginkizunak eraz betetzen<br />
dituenean amaituko dira, hau da, kooperatibaren likidazioa eraginkorra denean, edo, bestela,<br />
batzar orokorrak kargutik kentzen duenean (likidatzaile gisa izendatzeko baldintza berdinak<br />
bete behar dira), edo ebazpen judiziala dela medio (kooperatibaren egoitza dagoeneko<br />
merkataritza-arloko epaitegiek emanda), behar bezala arrazoituta, gutxienez, kooperatiban<br />
diren botoen ehuneko hogei osatzen duten bazkideek hala eskatuta, (ikus EKLren 37.<br />
Artikuluak xedatzen duen boto-eskubideari buruzko iruzkina).<br />
14.7.3. Esanahi praktikoa<br />
Arauaren aginduzko izaera alde batera utzi gabe, ondorioztatu behar da kooperatibak<br />
nolabaiteko xedatze-gaitasuna daukala legeak ezarritako mugen barruan, hala nola<br />
likidatzaileek izan behar duten funtzionamenduaren araubideari dagokionez (kide anitzeko<br />
organo bati atxikitakoak, solidarioak, mankomunatuak), haiek betetzen dituzten ahalmenen<br />
finkapena eta mugaketa arautzeko aukera dutela (adibidez, batzarrak berretsi behar izatea<br />
zenbateko jakin batetik gorako eragiketak), bai eta legeak adierazitakoez gain, likidazioegintza<br />
zehatz batzuk ere nahitaezkotzat jotzeko modua ere (adibidez, bazkideei informazioa<br />
emateko beharra, aldizkakotasun jakin batekin).<br />
Manua, batik bat, likidatzaileentzat da; izan ere, beharrezkoa den edozein likidazioeragiketa<br />
egiteko ahalmena esleitzeaz gain, agintzen zaizkion eginkizun guztien barruan,<br />
nahitaez bete beharreko egintza zehatz batzuen zerrenda ere ezarri delako. Likidatzaile(ar)en<br />
eginkizun eta ahalmen horiek kontuan hartuta, arauak berebiziko interesa dauka likidazioprozesuaren<br />
barruan harekin edo haiekin batera jarduten duten hirugarrenentzat ere bai,<br />
kooperatibaren izenean jarduten duten pertsonen legitimitatea eta ordezkagarritasuna<br />
bermatutzat joko baitute ondorio horietarako. Era berean, esan dezakegu kooperatibarentzat<br />
berarentzat eta kooperatiba osatzen duten bazkideentzat ere interesgarria dela; likidatzaile<br />
hori edo horiek zein funtzionamendu-araubideri lotuta egon behar duten zehaztu behar<br />
baitute, eta, gainera, kargutik kendu ahalko dituzte, batzarraren erabakiaren bidez, betiere<br />
izendapena berresteko behar den gehiengoz hartzen bada lehenengo kasuan (kooperatiba) eta<br />
errekerimendu judizialez bigarrenean (gutxienez, boto guztien ehuneko hogei ordezkatzen<br />
duten bazkideak). Azaldutakoaren ondorioz, likidatzaileak kargutik kentzeko eta, hala<br />
badagokio, likidatzaile berriak izendatzeko eskaera ebazteko eskumena duen epaitegiari<br />
ere eragingo dio: hots, kooperatibaren egoitza dagoeneko merkataritza-arloko epaitegiei.<br />
Amaitzeko, aipatutako epaitegien eskumen-eremuaz denaz bezainbatean, likidatzaileen aurka<br />
abiaraz daitezkeen erantzukizun-akzioak ere auzibideratu beharko baitituzte, erakargarria da<br />
ondorio horietarako legitimatuta dauden pertsonentzat, hau da, administratzaileen aurkako<br />
akzio berdinak hasarazteko eskumena duten pertsonentzat.<br />
Kooperatiba guztiei aplika dakieke, edozein motatakoak izanda ere, eta dituzten baldintza<br />
bereziak dituztela ere (bazkideen kopurua, ondarea...).<br />
343
KOOPERATIBAK DESEGITEA ETA LIKIDATZEA<br />
14.7.4. Beste arau aplikagarri batzuk<br />
Erregulazio zehatza eta soil-soilik kooperatiba-esparrukoa denez, ez da beste araudirik<br />
aplikatu behar. Ezta estatuko legerian jasotakoa ere (27/1999 Legearen 71. artikuluaren 1., 2.<br />
eta 3. atalak), EKLren osagarri gisa aplikatu behar denez gero; izan ere, ez du ezer gehitzen,<br />
ez hemengoa osatzen ere, eta bietan jasotako edukia oso antzekoa da. Ildo horretan, esan<br />
beharra dago EKLk dakarren erregulazioa askoz xeheagoa dela.<br />
14.8. Intervención de la liquidación<br />
97. artikulua.– Likidazioan kontu-hartzea.<br />
1.– Likidazio-eragiketak fiskalizatzeko, bazkideen ehuneko hogeik sozietate-egoitzako<br />
merkataritza-arloko epaitegiari eskatu ahal izango dio kontu-hartzaile bat edo<br />
gehiago izendatzeko.<br />
2.– Likidatzen den ondarea handia denean, bazkide asko dagoenean edo likidazioa<br />
garrantzitsua denean beste edozein arrazoirengatik, Eusko Jaurlaritzan lanarloko<br />
eskumena duen sailburuak pertsona bat edo gehiago izendatu ahal izango<br />
ditu, ofizioz edo interesdunen eskariz, likidazioan esku hartzeko eta legeak nahiz<br />
sozietatearen estatutuak betearazteko.<br />
3.– Likidatzaileen egintzek ez dute baliorik izango, baldin eta kontu-hartzaileek parte<br />
hartzen ez badute.<br />
14.8.1. Berrikuntza nagusiak aurreko araudiaren aldean<br />
Esan genezake, EKL osoan gauzatu den generoaren araberako hizkera inklusiboaz gain,<br />
EKLren araudi berrian jasotako berritasun nagusiak, dagoeneko indargabetuta dagoen<br />
araudiaren aldean, egiatan, formalak direla likidazioa bideratzeko moduari dagokionez, nahiz<br />
eta bietatik ondorio juridikoak sortzen diren. Berrikuntza horien bidez, likidazio-prozesua<br />
fiskalizatzen duten kontu-hartzaileak izendatzeko eskumena zuten erakundeak ordeztu dira,<br />
eta erregulazioa errealitate politiko-administratibo berrira egokitu da. Hau da:<br />
a) Kontu-hartzaileak izendatzeko eskumena duten epaitegiak ordeztu dira, eta lehen<br />
auzialdiko epaitegietatik kooperatiba-sozietateak egoitza duen tokiko merkataritzaarloko<br />
epaitegietara igaro dira. Hori guztia merkataritza-arloko epaitegiak eratzearen<br />
eta horien eskumen-eremua finkatzearen ondorioz, uztailaren 9ko 8/2003 Lege<br />
Organikoak, Konkurtsoa erreformatzekoak −Botere Judizialaren Lege Organikoa<br />
ere aldarazi zuen lege horrek−, xedatutakoari jarraiki.<br />
b) Kontu-hartzaileak izendatzeko eskumena duen autonomia-erkidegoko administrazioorganoaren<br />
aipamena ordeztu da, likidazio-prozesua interes orokorrekoa (publikoa)<br />
denean, haren garrantzia eta eragina dela eta, eta Lan eta Gizarte Segurantzako<br />
sailburuaren ardura izatetik Eusko Jaurlaritzan lan-arloko eskumena duen saileko<br />
titularraren eskuetara igaroko da, azkenaren kargua zeinahi delarik ere.<br />
344
KOOPERATIBAK DESEGITEA ETA LIKIDATZEA<br />
14.8.2. Manuaren izaera edo indar juridikoa<br />
Likidazio-prozesuen garrantzi juridiko-ekonomikoa kontuan hartuta, EKLk bat egiten<br />
du KSLek dioenarekin (381. artikulua); horrek aukera ematen du, likidazio-prozesuak<br />
irauten duen artean, kooperatiba kudeatzeaz eta ordezkatzeaz arduratzeko izendatu diren<br />
likidatzaileen lana hirugarrenek fiskaliza (begiratu eta kontrolatu) dezaten. Derragun, kontuhartzaile<br />
gisa hautaturiko pertsonen izendapenaz, nolanahi ere, kooperatibatik kanpoko<br />
hirugarrenak jabetuko direla, eta, hala, agintzen zaizkien eginkizunak (likidazio-eragiketak<br />
fiskalizatzea eta legeak eta sozietatearen estatutuak betetzen direla zaintzea) ahalik eta<br />
inpartzialtasun handienaz betetzen ahalegintzeaz gain, adituak eta profesionalak izango dira<br />
gaia lantzeko orduan.<br />
Horrela, izendapen hori bi bidetatik egin daiteke:<br />
a) Kooperatiba-sozietateak egoitza duen tokiko merkataritza-arloko epaitegiak<br />
izendatuta, kooperatiba osatzen duten bazkideen % 20k, gutxienez, hala eskatuta.<br />
Hau da, kooperatiba osatzen duten bazkideen % 20k, gutxienez, eskatu beharko du<br />
izendapena egin dadin, eta ez da beharrezkoa izango bazkide horiek sozietatearen<br />
boto guztien % 20 izatea. Beraz, kooperatibaren sozietate-osaerari doakion<br />
kopuruzko irizpide soila hartuko da kontuan.<br />
b) Eusko Jaurlaritzan, lan-arloko eskumena duen saileko titularrak:<br />
b.1) Ofizioz: likidazio-prozesua Euskadirentzat interes sozial eta interes orokor<br />
nahikotzat jotzearen ondorioz,<br />
b.2) Alderdi interesdunak eskatuta: alderdi interesduntzat jo behar dira kooperatiba<br />
osatzen duten bazkideak eta haien hartzekodunak, EKGK, eta, hala badagokio,<br />
dena delako kooperatiba kooperatiben elkarte bateko kide bada, azken hori ere<br />
bai (EKLren 163. artikulua, IV. tituluaren I. kapituluan jasotakoa−ikus haren<br />
iruzkin xehea).<br />
Bi kasuetan, autonomia-erkidegoko administrazioak egindako izendapen<br />
horrek arrazoi objektibo bat izan behar du, Euskadiren interes soziala eta<br />
interes orokorra defendatu behar duela, legearen 156. artikuluaren 1. eta 2<br />
ataletan xedatutakoarekin bat etorriz (III. titulua, kooperatiba-sozietateei eta<br />
administrazio publikoari buruzkoa–ikus iruzkin xehea aurrerago). Horrela,<br />
EKLk berak berariaz ohartarazten du zein irizpide hartu behar diren kontuan<br />
arrazoi objektibo gisa, eragiketak eragindako zenbateko ekonomikofinantzarioan<br />
eta eragindako bazkideen kopuruan oinarrituta:<br />
• Likidatu beharreko ondare handia;<br />
• Eragindako bazkide-kopuru handia;<br />
Ildo horretan, kontuan hartu behar da arauak ez duela zehazki ezartzen<br />
ondarearen zenbateko zehatz bat, ezta gutxieneko bazkide-kopuru bat ere,<br />
horietatik abiatuta, autonomia-erkidegoko administrazioak kontu-hartzaileak<br />
izendatzeko egintza automatikoki aplikagarria izango dela ulertzeko. Beraz,<br />
izendapen hori erabakitzen duen administrazio-ebazpena administrazio horren<br />
eskumenari lotuko zaio, eta kasu bakoitzaren berezitasunak aintzat hartuta<br />
emango du ebazpena.<br />
345
KOOPERATIBAK DESEGITEA ETA LIKIDATZEA<br />
Ildo beretik, administrazioak ildo horretako ebazpenik har lezakeen kasuen<br />
numerus clausus delakoa ezartzen saiatuko ez garela, inguruabar horri atxikitako<br />
erregulazio batetik sor litekeen segurtasun juridikorik ezagatik eta, orobat, kasu<br />
bakoitzaren egoera bereziaren arabera esku hartzeko beharra izango luketen<br />
kasuak kanpoan geratuko liratekeelako, EKLk nahas-mahasa xedatu du, eta<br />
bertan sar liteke beste edozein egitatezko kasu:<br />
Likidazioaren garrantzia, hori justifikatzen duen beste edozein arrazoirengatik.<br />
Beraz, haren barruan, beste edozein irizpide objektibo edo objektibagarri uler<br />
daiteke, adibidez, eremu geografiko jakin bati eragitea.<br />
Beste alde batetik, EKLk xedatzen duenari erreparatuta, merkataritza-arloko epaitegiak<br />
izendatuz gero, kontu-hartzaileen eginkizuna likidazio-eragiketak fiskalizatzea izango<br />
litzateke, eta administrazioak izendatuz gero, berriz, arestian aipaturiko eginkizunaz<br />
landa, legeak eta sozietatearen estatutuak betetzen direla zaintzea. Halatan, bidezkoa da<br />
ondorioztatzea azken eginkizun hori, bigarren kasuan berariaz araututakoa (administrazioebazpenaren<br />
bidezko izendapena), ebazpen judizialez (merkataritza-arloko epaitegiek<br />
emandako ebazpenez) izendaturiko kontu-hartzaileek ere bete beharko luketela. Hori<br />
diogu, praktikan, ezinezkoa litzatekeelako likidatzaileek egindako likidazio-eragiketak<br />
fiskalizatzea, eragindako interesak defendatzen saiatzen direla, egintza horien inguruan<br />
estatutuetan jasotako erregulazio eta zuzenbidearekin bat ote datozen ere fiskalizatu gabe.<br />
Izendapena banakakoa edo pertsona anitzekoa izan daiteke, eta EKLk ez du ezarri azken<br />
kasu horretan, nahitaez, kopuru bakoitia izan behar duenik, likidatzaileen kasuan gertatzen<br />
den bezala. Nolanahi ere den, kasu horretan, aintzat hartu beharko da, izendapenak egiten<br />
direnean, kontu-hartzaile bakoitzari dagozkion eginkizunak zehaztu beharko direla,<br />
azken horiek euren izenean eta ordezkaritzan jardungo baitute, banaka eta nork bere<br />
erantzukizunpean, manuak ez duelako ezer xedatu kide anitzeko organo gisa eratzeko<br />
beharrari buruz.<br />
Kontu-hartzaileek eginkizunak betetzean izan behar duten funtzionamenduari dagokionez,<br />
hau da, likidazio-eragiketak fiskalizatzeari eta legeak eta estatutuak betetzen direla zaintzeari<br />
dagokienez, izendapena eragin zuten interes babesgarritzat jotako interesen defentsan, nahiz<br />
eta egia den EKLk berak likidatzaileek gauzatutako egintzen gaineko beto-eskubide moduko<br />
bat ematen diela, Kapital Sozietatearen Legeak arautzen duen guztiaren kontra, argiro esan<br />
behar da ez direla zehatz arautu haiek kooperatibaren sozietate-bizitzan izan behar duten parte<br />
hartzea. Eta “beto-eskubide modukoa” diogu, arauak berariaz xedatzen baitu likidatzaileen<br />
egintzak ez direla baliozkoak izango, baldin eta kontu-hartzaileek parte hartu gabe egiten<br />
badira. Agindu horrek, ezinbestean, bagaramatza “kontu-hartzaileen parte-hartzea” zertan<br />
datzan gure buruari galdetzera. Azaldutako edukiaren interpretazio zabala eginez, ondoriozta<br />
liteke parte-hartze hori kontu-hartzaileek edozein likidazio-eragiketa gauzatu aurretik eman<br />
behar duten nahitaezko oniritziari dagokiola, eta, beraz, kooperatibaren kudeaketa dela<br />
eta, kontu-hartzaileen eta likidatzaileen legezko gaitasuna parekatzeaz gain, lehenengoak<br />
bigarrenen gainetik ere jarriko lituzke. Esan nahi da, likidatzaileen erabakia biribiltzeko<br />
beharrezkoa den nolabaiteko erabaki erkidea eta/edo berrespena lortu behar dute likidatzaileek,<br />
kooperatibaren legezko ordezkari gisa jarduten dutenean. Itxuraz, interpretazio hori ez<br />
346
KOOPERATIBAK DESEGITEA ETA LIKIDATZEA<br />
da zuzenbidez bidezkoa, EKLn jasotako erregulazioaren xedapen orokorrei erreparatzen<br />
badiegu; bada, EKLk ez die kontu-hartzaile izendatutako pertsonei botorik emateko<br />
eskubiderik aitortu likidatzaileen bileretan (EKLren 43. eta 48. Artikuluetan xedatutakoaren<br />
ildoan), ez eta batzar orokorrera joateko eskubidea ere (EKLren 36.2 artikulua) eta, hortaz,<br />
ezin izango dute batzar orokorrean botorik eman (37. artikulua). Horrek ez dio kalterik<br />
egiten kontu-hartzaileek parte hartzeko aukerari –batzar orokorrera bertaratuta− eta, hala<br />
badagokio, komenigarritasunari, likidatzaileek egiten dituzten bilera guztietan, hitzarekin<br />
baina botorik gabe (EKLren 48. artikulua), eta batzar orokorretan (EKLren 36.10 artikulua),<br />
baldin eta estatutuek horretarako modua ematen badute edo sozietatearen bi organoetako<br />
edozeinek baimena ematen badu.<br />
Horregatik guztiagatik, gure aburuz, kontu-hartzaileek likidatzaileek gauzatzen dituzten<br />
egintzetan parte hartzea era murriztaileagoan ulertu behar da eta ez da inola ere gutxietsi<br />
behar haien indar juridiko esanguratsua. Hain zuzen ere, ez horrenbeste likidatzaileek hartzen<br />
dituzten erabakiei betoa jartzeko eskubidea aitortu zaielako, ezpada, likidatzaileek nahitaez<br />
une oro jakinarazi behar dizkietelako egin asmo dituzten likidazio-eragiketa guztiak, kontuhartzaileek<br />
aginduzko erabakia hartu baino lehen eta egintzak gauzatu ondotik. Gainera, horrek<br />
ez die kontu-hartzaileei eragotziko kooperatibari buruzko informazio eta dokumentazio guztia<br />
eskuratzeko eskubidea, ez soilik likidazio-prozesuari buruzko informazioari dagokiona. Hau<br />
da, kontu-hartzaileen informazio-eskubidearen zentzu zabaleneko interpretazioa oinarri<br />
hartuta, beraien eginkizunak behar bezala betetzeko (likidazio-eragiketak fiskalizatu, jagon<br />
eta kontrolatzea, legeak eta estatutuak betetzen direla zainduz), likidatzaileek duten irispide<br />
bera izan beharko dute nahitaez; hau da, kooperatibari buruzko informazioa mugarik gabe<br />
eskuratu ahal izango dute, bai barne-harremanei dagokienez (sozietatearen barrukoak)<br />
bai kanpo-harremanei dagokienez (merkataritza-arlokoak). Alabaina, kontu-hartzaileek<br />
likidatzaileen jarduketetan beto-eskubidea erabiltzeko gaitasunik ez dutela kontuan hartzeak<br />
ez liguke pentsarazi beharko ikuskapen-eginkizunaren esangura eta garrantzia apalak direnik;<br />
izan ere, eginkizun horrek bere baitakoa du likidatzaileek hartutako erabakiak aurkaratzeko<br />
akzioa egikaritzeko legitimitatea, eta, horrez gain, haiek deusez daitezela eskatu behar dute,<br />
legearen edo estatutuen aurka doazela uste dutenean, bai eta kooperatibaren interesei kalte<br />
egiten dietela uste dutenean ere, eta egintza horien ziozko erantzukizun-akzioak egikaritzeko<br />
ardura ere haiena da. Hori guztia halakoa da nahiz eta emandako interpretazioak kalte egin<br />
diezaiokeen segurtasun juridikoari, azkenak, besteak beste, merkatuan kooperatibarekin<br />
batera eta likidatzaileek formalizatu dituzten harekiko negozio juridikoak gauzatuz jarduten<br />
duten hirugarren onustedunak babestu beharko bailituzke, egintza horiek gerora baliogabetu<br />
ahal izango liratekeelako, hain zuzen ere, kontu-hartzaileek aurretiaz parte hartu ez dutelako.<br />
Aipatzekoa dugu, halaber, EKLk ez duela eperik ezarri kontu-hartzaileek likidazioeragiketen<br />
fiskalizazio-jarduera gauzatzeko edo luzatzeko, edo jarduerok legeak eta estatutuak<br />
betetzen dituztela jagoteko, eta, hortaz, ondoriozta dezakegu epe hori iraunkortzat jo behar<br />
dela, izendapena erabakitzeko legitimazioa duen erakundeak beste zerbait erabaki ahal izateari<br />
kalterik egin gabe, dela izendapenaren unean bertan, dela likidazioak iraun artean, beste<br />
edozein unetan. Hau da, karguaren iraupena zehaztea, izendapenaren unea edozein izanda<br />
ere, hura erabaki duen erakundeari dagokio, dela merkataritza-arloko epaitegiari, gutxienez,<br />
bazkide guztietatik 20k hala eskatuta, dela Eusko Jaurlaritzan lan-arloko eskumena duen<br />
347
KOOPERATIBAK DESEGITEA ETA LIKIDATZEA<br />
saileko titularrari, ofizioz edo alderdi batek eskatuta. Izendapen hori, EKLk xedatutakoaren<br />
arabera, merkataritza-arloko epaitegiaren aurrean formulatutako errekerimenduaren kasuan,<br />
automatikotzat jo badaiteke ere, gaiaren funtsari buruz eztabaidatu beharrik gabe eta gaiaren<br />
kudeaketa eta izapidetzea kontraesaneko prozedura arrunt gisa hartu beharrik gabe, badirudi<br />
administrazio bidezko izendapenari gagozkiola, EKLk Eusko Jaurlaritza (zehazki, lanarloan<br />
eskumena duen saileko titularra) behartzen duela erabakia behar bezala justifikatzera<br />
eta arrazoitzera.<br />
Kontu-hartzaileen izendapena eraginkorra izan dadin, likidatzaileen izendapenean gertatzen<br />
den bezala, hautaturiko pertsonek kargua onartu behar dute, eta, gainera, erregistroan<br />
inskribatu beharko da, izendapenak ondorioak izan ditzan hirugarrenen aurrean. Inskripzio<br />
hori, Euskadiko Kooperatiben Erregistroaren antolamenduak eta funtzionamenduak eduki<br />
daukan erregelamendu-garapenari kalterik egin gabe, ebazpen judizialaren lekukotzaren edo<br />
hala xedatu duen administrazio-egintzaren kopiaren bidez egin beharko litzateke.<br />
14.8.3 Esanahi praktikoa<br />
Manu honen hartzaile nagusiak kontu-hartzaileak izendatzeko interesa eta legitimazioa<br />
dutenak izango lirateke, hala nola:<br />
a) Kooperatiba osatzen duten bazkideak:<br />
a.1) Modu mankomunatuan, betiere bazkide guztien % 20ra iritsita, merkataritzaarloko<br />
epaitegi eskudunaren aurrean eskatzeko;<br />
a.2) Eskatzen dutenen kopurua edozein dela ere, Eusko Jaurlaritzan lan-arloko<br />
eskumena duen saileko titularrari eskaera eginez.<br />
b) Kooperatibako hartzekodunak, Eusko Jaurlaritzan lan-arloko eskumena duen saileko<br />
titularrari egindako eskaeraren bidez bakarrik.<br />
c) EKGK, Eusko Jaurlaritzan lan-arloko eskumena duen saileko titularrari egindako<br />
eskaeraren bidez bakarrik.<br />
d) Kooperatiba atxikita dagoen kooperatiba-elkartea Eusko Jaurlaritzan lan-arloko<br />
eskumena duen saileko titularrari eskaera eginez.<br />
Bai eta kontu-hartzaileen izendapena ebazteko legitimatuta dauden erakundeak, hala nola:<br />
a) Kooperatibak egoitza duen tokiko merkataritza-arloko epaitegia, kooperatiba<br />
osatzen duten bazkideen % 20k, gutxienez, egindako eskaeraren bidez bakarrik;<br />
b) Eusko Jaurlaritzan lan-arloko eskumena duen saileko titularra; erabaki hori ofizioz<br />
hartu ahal izango du, bai eta aurretik adierazitako alderdi interesdunek eskatuta ere.<br />
Likidatzaileentzat ere interesgarria da; izan ere, kontu-hartzaileak izendatzearen ondorioz,<br />
likidatzaileen eginkizun funtzionalak fiskalizatu egingo lirateke, hain zuzen ere, likidazioeragiketak,<br />
eta kontu-hartzaileek kontrolatu egingo lukete horiek egiten direla legeek eta<br />
sozietatearen estatutuek xedatzen dutena zorrotz betez.<br />
Ez da kooperatibak baliatzeko moduko gaia, aipaturiko izendapena egiteko eskumena<br />
eta legitimazioa duten erakundeek kasuan-kasuan eman dezaketen ebazpen judizial edo<br />
administratiboari lotuta baitago haren eraginkortasuna. Hau da, kooperatibak ezin ditu legez<br />
348
KOOPERATIBAK DESEGITEA ETA LIKIDATZEA<br />
ezarritako baldintzak aldatu, inola ere ez: ezin ditu handitu, EKLk izendapen hori eskatu ahal<br />
izateko ematen duen eskubidea mugatu edo murrizteko helburuz, ezta malgutu ere, esandako<br />
izendapena ebazteko eskumena duten erakundeen erabakimenaren autonomia mugatzeko<br />
helburuz.<br />
Hasiera batean, kooperatiba guztiei aplikatu behar zaie, edozein motatakoak direla edo<br />
dituzten berezitasunak dituztela, baina azpimarratu behar da administrazio-ebazpenari<br />
doakion esku-hartzeak motibazio objektiboa behar duela, ekonomiaren eta finantzen<br />
garrantzian funtsatuta (ondarearen zenbatekoa erreferentziatzat hartuta), gizartean eta<br />
sozietatean oinarritua (eraginpean dauden kooperatiba-bazkideen kopurua erreferentziatzat<br />
hartuta) edo neurria justifikatzen duen beste edozein arrazoi oinarri hartuta, bazkideen<br />
eta, oro har, Euskadiren interesa jagote aldera (EKLren 156 artikuluak, kooperatibez eta<br />
administrazio publikoaz diharduenean, ezarritakoarekin bat etorriz).<br />
14.8.4. Beste arau aplikagarri batzuk<br />
Kooperatiba-eremuari datxezkion gaia denez, ez da beste araudirik aplikatu behar. Ildo<br />
horretan, aintzat hartu behar da estatuko kooperatiben legeriak (27/1999 Legearen 72.<br />
artikulua), EKLren arauen osagarri gisa aplikatu behar denak, ez duela ezer gehitzen, ezta<br />
euskal legea osatzen ere, eta gainera, ez da nahikoa, bazkideen % 20k eskatuta, ebazpen<br />
judizial bidez, ez bestela, izendatzeko aukera ezarri baitu. Ez du irizpiderik ezarri horien<br />
funtzionamenduari buruz, ez eta izango lituzketen eskumen funtzionalei buruz ere.<br />
14.9. Sozietatearen ondasunak adjudikatzea<br />
98. artikulua.– Sozietatearen ondasunak adjudikatzea.<br />
1.– Sozietatearen ondasunak ezin izango dira ez adjudikatu ez banatu sozietatearen<br />
zorrak erabat kitatu arte, zorrok kontsignatu arte edo muga-egunera iritsi ez diren<br />
kredituak ordainduko direla ziurtatu arte.<br />
2.– Zor horiek kitatu ondoren, hurrenkera honetan adjudikatuko dira sozietatearen<br />
gainerako ondasunak:<br />
a) Kooperatiba-heziketa eta -sustapenerako eta interes publikoko beste helburu<br />
batzuetarako ekarpena Euskadiko Kooperatiben Goren Kontseiluaren esku<br />
jarriko da.<br />
b) Bazkideek sozietatearen kapitalari egindako ekarpenak (hala badagokio,<br />
eguneratuak) bazkideei itzuliko zaizkie; lehenengo eta behin, borondatezkoak,<br />
eta gero, nahitaezkoak.<br />
c) Bazkideek borondatezko erreserba-funtsetan duten partaidetza bazkideen artean<br />
banatuko da, hori egitea zilegi bada estatutuen arabera edo batzar orokorrak<br />
erabakitakoaren arabera, eta estatutuetan edo erabaki horretan ezarritako<br />
arauak beteta. Halako araurik ez badago, bazkide bakoitzak azken bost urteetan<br />
kooperatibarekin egin dituen eragiketa, zerbitzu edo jardueren proportzio<br />
berean banatuko da, edo, bost urtetik beherako kooperatiben kasuan, haiek<br />
sortu zirenetik hasita.<br />
349
KOOPERATIBAK DESEGITEA ETA LIKIDATZEA<br />
d) Nºahitaezko Erreserba Funtsetik edo kooperatibaren ondasun likidotik geratzen<br />
dena: halakorik geratzen bada, Euskadiko Kooperatiben Goren Kontseiluaren<br />
esku jarriko da, salbu bigarren mailako edo maila handiagoko kooperatibetarako<br />
150. artikuluan xedatzen dena.<br />
3.– Harik eta 60.1.b artikuluan aurreikusitako ekarpenak itzuli arte, bajan dauden<br />
titularrek eta kooperatibak itzulketa ukatu dien bazkideek sozietatearen ondasunen<br />
adjudikazioan parte hartuko dute, kooperatiba-heziketa eta sustapenerako eta<br />
interes publikoko beste helburu batzuetarako ekarpenaren ostean, eta, sozietateestatutuek<br />
kontrakorik aurreikusi ezean, gainerako ekarpenak itzuli baino lehenago.<br />
14.9.1. Berrikuntza nagusiak aurreko araudiaren aldean<br />
Lehen aipatu dugun artikuluaren 1. eta 2. ataletan jasotako erregulazioa, 4/1993 Legearen<br />
94. artikuluak zekarrenaren eta 6/2008 Legearen laugarren xedapen gehigarrian ageri zenaren<br />
berdina da; bi lege horiek indargabetu ditu egungo EKLk. Hau da, 1. eta 2. idatz-zatiei<br />
dagokienez, gertatu den aldaketa bakarra hauxe da: kooperatiba-heziketa eta sustapenerako<br />
eta interes publikoko beste helburu batzuetarako ekarpena (KOIPH) deritzon funtsa berariaz<br />
jaso dela, 6/2008 Legeak ezarritako baldintzetan, aurreko Hezkuntzarako eta Kooperatiba<br />
Sustapenerako Funtsaren ordez (4/1993 Legea, indargabetua).<br />
Berria da, ordea, EKLn gehitu den 3. zenbakia, orain arte ez zegoena. Horren bidez,<br />
sozietatearen “lehentasunezko” ondasunen esleipenaren banaketan parte hartzeko eskubidea<br />
arautu da kooperatiban, baja emanda itzulketa egiteari uko egin zaien bazkideen aldekoa,<br />
EKLren 60.1.b) artikuluak ezarritakoari jarraiki, araubide ekonomikoaren esparruan aztertu<br />
den moduan. “Lehentasunezko” eskubide hori honetan datza: egiteke eta bigarrenak izateko<br />
uko eginda dauden itzulketa horiek EKLk xedatutako lehentasun-hurrenkeran aintzat hartzea,<br />
hain zuzen ere, KOIPH delako funtsean dauden zuzkidurak EKGKren esku jartzearen<br />
atzean, eta azken balantzea nahiz sozietatearen ondasunak banatzeko proiektua onartzen den<br />
egunean kooperatiba osatzen duten bazkideen sozietate-kapitalaren ekarpenen itzulketaren<br />
aurretik. Hori guztia horrela bideratutako da sozietatearen estatutuetan bestela arautu ezean.<br />
Hau da, kooperatibak gai horri buruz duen xedatze-ahalmenari kalterik egin gabe, baina<br />
berariaz adierazi beharko da.<br />
14.9.2 Manuaren izaera edo indar juridikoa<br />
EKLk ezarri duenez, sozietatearen ondasunak ezin dira esleitu edo banatu harik eta<br />
sozietatearen zor guztiak kitatu arte, zor horiei dagozkien zenbatekoak kontsignatuta edo,<br />
bestela, mugaeguneratu gabeko kredituen ordainketa bermatu –ziurtatu− arte. Alderdi<br />
garrantzitsua da hori, eta zabal jorratu du legelariak hurrengo artikuluan, azken balantzeari<br />
buruzkoan. Hau da, ezin da esleitu –bestela esanda, ezin da sozietatearen ondasunen zati<br />
baten gaineko titulartasuna aitortu− ez eta aldez aurretik aitortutako zenbatekoaren banaketa<br />
eraginkorra –likidazioa− egin, harik eta kooperatibako hartzekodunen kobrantza-eskubideak<br />
bermatzen diren arte.<br />
350
KOOPERATIBAK DESEGITEA ETA LIKIDATZEA<br />
Sozietatearen zorrak ordaindu ondoren, edo zor horiek ondorio horietarako dagokion<br />
kontsignazioaren edo berme-ematearen bidez ziurtatu ondoren, likidatzaileek sozietatearen<br />
hartzekoa esleituko dute, EKLk berak ildo horretan berariaz ezarritako lehentasunaren<br />
arabera. Honako hau da:<br />
1.- EKGKren esku jartzea KOIPH delako funtsean dauden zuzkidurak.<br />
2.- Kooperatiba osatzen duten bazkideek sasoia zenean sozietatearen kapitalari egindako<br />
ekarpenak itzultzea, eguneratuta, hala badagokio, borondatezko ekarpenetatik hasita,<br />
halakorik balego, eta likidezia soberan geratuz gero, nahitaezko ekarpenetatik<br />
jarraituta.<br />
Kooperatibak, batzar orokorraren bidez, sozietate-kapitalaren ekarpenak<br />
eguneratzea erabakitzeko aukerari kalte egin barik, berebiziko garrantzia dauka gai<br />
hau aztertzeak bazkideek ordaindutako ekarpenak osorik itzultzeko sozietatearen<br />
likidezia –altxortegia− nahikoa ez den kasuetan. Horregatik, kooperatibak, manuak<br />
horri buruz ezer agintzen ez duenez gero, itzulketa arautuko duten irizpideak erabaki<br />
behar ditu, borondatezko ekarpenei zein nahitaezko ekarpenei doakienez. Horrela,<br />
nahiz eta lehenengoak (borondatezkoak) itzultzeko aukera nahikoa zabala dirudien<br />
(haien antzinatasunaren arabera; epemugaren arabera; hein proportzionalean…),<br />
zentzuzkoa da ondorioztatzea, nahitaezko ekarpenei dagokienez, kooperatibaren<br />
erabakimena txikiagoa izan beharko litzatekeela, eta, hala badagokio, itzulketa<br />
proportzionala egin beharko lukeela, itzulketa osoa egiteko altxortegiaren eskasia<br />
kontuan hartuta.<br />
Hala berean, zentzuzkotzat jotzen da, borondatezko ekarpenak nahitaezkoen aurretik<br />
itzultzeko lehentasuna; izan ere, azkenak hertsiki lotuta daude bazkide-izaera<br />
eskuratzearekin, eta, beraz, zuzenean josi behar zaizkio enpresa-arriskuaren eta<br />
hirugarrenekiko bermearen –erantzukizunaren− kontzeptuari. Hau da, sozietatearen<br />
zorrei aurre egiteko balizko prozesu batean, lehen kaltetuak dira.<br />
3.- Estatutuak araututa edo batzarrak erabakita, banatzeko modukoak diren borondatezko<br />
erreserba-funtsak itzultzea. Horretarako, funtsen inguruan berariaz araututako<br />
irizpideei jarraitu beharko zaie, hala badagokio, estatutuetan araututakoei, edo,<br />
bestela, banatzeko modukoak direla erabaki zuen batzarraren erabakiaren esparruan<br />
araututakoei. Kasu honetan, borondatezko eta nahitaezko ekarpenen itzulketari buruz<br />
adierazi dugunaz bestera, lege-manuak berak ezartzen du zein irizpide jarraitu behar<br />
den sozietatearen estatutuetan araututa ez badago eta batzarrak zehaztu ez badu.<br />
Hala, barne-araudirik ez badago, bazkide bakoitzak azken bost urteetan egindako<br />
jarduera kooperatibizatuaren arabera egingo da itzulketa, edo, kooperatibak bost urte<br />
bete ez baditu, sortu zenetik zenbatzen hasita. Hau da, bazkide bakoitzak garatutako<br />
jarduera kooperatibizatua erreferentziatzat hartuta, azken bost urteetako guztizkoaren<br />
proportzioan, edo, kooperatibak bost urte baino gutxiago baditu, sortu zenetik.<br />
4.- Nahitaezko Erreserba Funtsetik (NEF) edo kooperatibaren hartzeko likidotik geratzen<br />
den soberakina EKGKren esku utzi beharko da, EKLk ezarritako soberakin jakinaren<br />
destinoa izan ezik (150. artikulua), bigarren mailako edo hortik gorako kooperatibak<br />
351
KOOPERATIBAK DESEGITEA ETA LIKIDATZEA<br />
likidatzen badira; kasu horretan, legeak xedatutakoa berariaz beteko da, kooperatiba<br />
horiei dagozkien berezitasunak aintzat hartuta (ikus aurrerago ageri den gaiaren<br />
iruzkina).<br />
Modu berean jokatu beharko da izan daitezkeen borondatezko erreserba-funts banaezinei<br />
dagokienez, hau da, EKGKren esku jarrita.<br />
Lehentasun-xedapen horrek, bigarren mailako edo maila goragoko kooperatiba-sozietateen<br />
likidazioei dagokienez xedatu den salbuespenaz gain –lehengo erregulazio indargabetuan<br />
araututa zegoena–, beste bat ere badu: itzulketak ukatu zaizkien eta ordaintzeke dauden<br />
bazkideen lehentasuna finkatzea, hain zuzen ere, bigarren lekuan, aipatutako lehentasunhurrenkeran,<br />
KOIPH funtsak EKGPren esku jartzearen atzetik, baldin eta, jakina denez,<br />
KOIPH funtsik badago. Lehentasun hori, gainera, automatikoa da, estatutuetan kontrakorik<br />
arautu ez bada, behintzat. Hau da, arauak ahalmena eman dio kooperatibari, legez xedatutako<br />
lehentasun-hurrenkeren esparruan, ekarpenen horien itzulketari beste leku bat esleitzeko,<br />
baina esanbidez eta era arautuan gauza dezala behartzen du, eta estatutuetan jaso beharko du<br />
nahitaez, eragindako interesdun eta balizko interesdun guztien segurtasun juridiko handiagoa<br />
bermatzeko. Esan beharra dago EKLk ez duela inolako banaketa-irizpiderik ezarri ordaintzeke<br />
dauden eta ukatu diren ekarpenen gainean eta, beraz, ulertu behar da kooperatibak baduela<br />
ekarpen horiek itzultzeko lehentasuna finkatzeko ahalmena; adibidez, ukatzearen antzinatasunirizpideen<br />
arabera, modu proportzionalean…<br />
14.9.3. Esanahi praktikoa<br />
Aginduzko araua da, eta, beraz, kooperatibak ez du horren gainetik xedatzeko gaitasunik,<br />
sozietatea osatzen duten taldeen (bazkideak) barruan, sozietatearen ondasunak banatzeko<br />
irizpideak zehaztetik at, berariaz azaldu den moduan, dela estatutuetan jasotako erregulazioaren<br />
bidez, dela batzar nagusiak hartutako erabakien bidez, gai horren eskumen esklusiboa daukan<br />
sozietate-organoa den aldetik. Irizpide-aukerakotasun hori, nolanahi ere, legezko mugen<br />
barruan kokatu behar da (irizpideak ezin dira indarrean dagoen legeriaren aurkakoak izan),<br />
betiere, kooperatiba-sozietatea eratzen duten printzipioek xedatutakoa urratu gabe.<br />
Batez ere, likidatzaileentzako araua da, haiei baitagokie sozietatearen hartzekoa edo<br />
ondasunak esleitzeko proposamena egitea (sozietatearen ondasunak banatzeko proiektua)<br />
eta, hala badagokio, onartutako baldintzetan banatzea.<br />
Lehen mailako kooperatiba orori aplikatu beharreko manua dugu, sozietatea edozein<br />
motatakoa dela ere, eta kooperatiba horri datxezkion gainerako berezitasunak gorabehera.<br />
Bigarren mailako edo hortik gorako kooperatibak, zati batez, araua aplikatzetik salbuetsita<br />
daude, arestian adierazi den moduan (ikus bigarren mailako edo hortik gorako kooperatiben<br />
soberakinaren destinoaren berezitasunei buruzko azterketa, EKLren 150. artikulua, II.<br />
tituluaren III. kapituluaren 1. atalekoa).<br />
14.9.4. Beste arau aplikagarri batzuk<br />
Erregulazio zehatza eta soil-soilik kooperatiba-esparrukoa denez, ez da beste araudirik<br />
aplikatu behar. Ezta estatuko legerian jasotakoa ere (27/1999 Legearen 71. artikuluaren 1., 2.<br />
352
KOOPERATIBAK DESEGITEA ETA LIKIDATZEA<br />
eta 3. atalak), EKLren osagarri gisa aplikatu behar denez gero; izan ere, ez du ezer gehitzen,<br />
ez hemengoa osatzen ere, eta bietan jasotako edukia oso antzekoa da. Are gehiago, kontuan<br />
hartzen badugu bi erregulazioen arteko sozietatearen ondasunen helburuak oso desberdinak<br />
direla, horrek agerian uzten baitu bakoitzak daukan asmoa eta lortu nahi dituen helburuak.<br />
14.10. Azken balantzea<br />
99. artikulua.– Azken balantzea.<br />
1.– Sozietatearen zor guztiak kitatu ondoren, likidatzaileek kooperatibaren ondareegoerari<br />
buruzko azken balantzea egingo dute, eta sozietatearen ondasunak<br />
banatzeko proiektua idatziko, aurreko artikuluan ezarritakoaren arabera.<br />
2.– Azken balantzea eta sozietatearen ondasunak banatzeko proiektua batzar orokorrean<br />
aurkeztuko da, onartzeko, zaintza-batzordeak txostena egin eta gero, edo, hala<br />
badagokio, kontu-auditoreek eta -hartzaileek irizpena eman eta gero. Onarpen hori<br />
Euskal Herriko Agintaritzaren Aldizkarian eta sozietatearen egoitzako lurralde<br />
historikoan hedapen handia duen egunkari batean argitaratuko da, eta iragarkian<br />
jaso beharko da ezen erabaki horiei buruzko dokumentazioa sozietatearen egoitzan<br />
dagoela interesdunek eskura dezaten.<br />
3.– Iragarki hori argitaratuta, berrogei eguneko epea egongo da kaltetuta sentitzen<br />
diren bazkideek eta kredituak kitatuta edo bermatuta ikusi ez dituzten hartzekodunek<br />
erabakia aurkara dezaten, batzar orokorrak horretarako ezarritako prozeduraren<br />
arabera.<br />
4.– Ondoriozko aktiboa ezin izango da banatu aurkaratzeko epea igaro arte edo<br />
erreklamazioak epai irmoz ebatzi arte. Nolanahi ere, likidatzaileek ordainketak<br />
egin ahal izango dituzte sozietatearen ondasunen kontura, baldin eta, zenbatekoak<br />
direla-eta, erreklamazioen emaitzen pentzutan ez badaude.<br />
14.10.1. Berrikuntza nagusiak aurreko araudiaren aldean<br />
Lege berriak erraz bereiz daitezkeen bi berrikuntza dakartza, artikuluaren 3. eta 4. zenbaki<br />
berrien edukian jasota daudenak, lehengo araudian (hau da, indargabetutako legean) ageri ez<br />
zirelako. Horrela, 1. eta 2. atalen edukia indargabetutako legean jasota zegoenaren berdina<br />
izanik, testua generoaren araberako hizkera inklusibora egokitu dela, EKL osoan egin bezala,<br />
berrikuntzak honako hauek dira:<br />
a) Azken balantzea aurkaratzeko epeari dagokionez, estatuko legerian jasotako 40<br />
eguneko epea (74.2 artikulua, 27/1999 Legearen 76. artikuluak xedatutakoarekin bat<br />
etorriz), EKLra estrapolatu da beren-beregi. Horretarako eskatzen den iragarpenaren<br />
hurrengo egunetik aurrera hasiko da zenbatzen epe hori, EKLren 100 artikuluak<br />
dioenari jarraiki, aurrerago ikusiko dugun bezala. Egiatan, Euskadiko Kooperatiben<br />
Erregistroak aintzat hartzen zuen epe hori, estatuko legea osagarri gisa aplikatuta.<br />
Halaber, ezarri da aurkaratzea abiarazteko legitimitate osoa izango dutela euren burua<br />
iraindutzat hartzen duten bazkideek, bai eta hartzekodunek ere, azkenen kredituak<br />
353
KOOPERATIBAK DESEGITEA ETA LIKIDATZEA<br />
likidatzeko edo bermatzeko badaude. Hori guztia, batzar orokorraren erabakiak<br />
aurkaratzeko legez ezarritako prozedurari jarraituz (EKLren 41. artikulua).<br />
b) Ezarritako aurkaratze-epeari dagokionez, EKLk ere xedatu du epe horren ondorio<br />
juridikoak zein diren. Hala, aipatutako aurkaratze-epea igaro arte, edo epe horren<br />
barruan egindako erreklamazioak epai irmo bidez ebatzi arte, likidatzaileek ezin<br />
izango dituzte ondasunak banatu. Nolanahi ere, likidatzaile horiek sozietatearen<br />
ondasunen konturako ordainketak egin ahal izango dituzte egindako erreklamazioei<br />
buruzko ebazpen irmoa egon aurretik, baldin eta, eztabaidatutako zenbatekoa delaeta<br />
(erreklamatzen dena), ebazpenak ez badie eragiten sozietatearen ondasunen<br />
kontura egindako ordainketei.<br />
14.10.2. Manuaren izaera edo indar juridikoa<br />
Lehenengo gaiari dagokionez, artikuluak xedatu du azken balantzea ezin izango dela<br />
prestatu sozietatearen zor guztiak kitatu arte. Ondorioz, ezin da zorrik jasotzen duen azken<br />
balantzerik egin. Gainera, likidatzaileek azken balantze hori egiten dutenean, sozietatearen<br />
zor guztiak ordaindu ondoren, sozietatearen hartzekoa banatzeko proiektua ere idatzi beharko<br />
dute. Proiektu hori, nahitaez, EKLk berak aurreko artikuluan (98.a) ezarritako arauen arabera<br />
egin beharko da, eta aldez aurretik aztertu beharko da.<br />
Bai azken balantzea, bai sozietatearen ondasunak banatzeko proiektua batzar orokorrak<br />
onartu beharko ditu, ondorio horietarako, organo horrek eskumen esklusiboa baitauka,<br />
33.3.k) artikuluak xedatutakoari jarraiki, aldez aurretik zaintza-batzordeak, halakorik balego,<br />
edo, hala badagokio, auditoreek, dokumentu horiei buruzko txostena egin ondoren, baldin<br />
eta kooperatibak bere kontuen kanpoko auditoretza egin behar badu (EKLren 76. eta 121.1<br />
artikuluak). Txostena likidatzaileak ez diren beste pertsona batzuek egiteko arrazoia dugu<br />
ahalik eta segurtasun juridiko gehien lortzea. Batzar orokorrak onartu beharko du txostena,<br />
eta, jakina denez, horretarako deialdi egokia egin beharko da (batzarra izaera unibertsalarekin<br />
egiten den kasuan izan ezik –ikus aipatutako sozietate-organoari buruz egindako azterketa,<br />
I. tituluaren V. kapituluaren 1. atalean arautua). Bertan, berariaz jaso beharko da bazkide<br />
guztien esku jarri behar dela aipatutako dokumentazioa, hots, bozkatuko dena, bai eta<br />
bazkideen eskubidea ere dokumentazioa doan jasotzekoa, ohiko batzar orokorren esparruan,<br />
urteko kontuei buruz xedatu denaren baldintza berdinetan.<br />
Azken balantzea eta sozietatearen ondasunak banatzeko proiektua onartzeko erabakia<br />
hartuta, −horretarako, desegite-erabakian ez bezala, nahikoa izango da baliozkotasunez<br />
emandako botoen gehiengo soila, batzarra egiteko legez ezarritako quorumaren beharrik gabe<br />
(36.2 artikulua)−, EHAAn eta kooperatibaren egoitza dagoen lurralde historikoko zabalkunde<br />
handiko egunkari batean argitaratu beharko da. Iragarki horretan, berariaz jaso beharko da<br />
batzarrak hartutako erabakiei buruzko dokumentazioa (azken balantzea eta sozietatearen<br />
ondasunak banatzeko proiektua) kooperatibaren egoitzan dagoela, interesdunen eskura.<br />
Erabakien onarpena argitaratu ondoren, eta kooperatibak nahitaez egin behar dituen bi<br />
iragarkietatik azkena erreferentziatzat hartuta, 40 eguneko aldia zenbatzen hasiko da. Egun<br />
horiek baliodunak edo lanegunak izango dira, EKLren lehenengo xedapen gehigarrian<br />
354
KOOPERATIBAK DESEGITEA ETA LIKIDATZEA<br />
jasotako erregulazioaren arabera, bere burua iraindutzat hartzen duen edozein bazkidek eta<br />
ordaindu ez zaion edo bermatu ez zaion edozein hartzekodunek (horien artean, EKGK egon<br />
daiteke, sozietatearen ondasunak banatzeko proiektua egiteko prestatzen den azterketaren<br />
esparruan adierazitakoa kontuan hartuta) aurkaratu ahalko dituzte erabakiak. Ildo horretan,<br />
kontuan hartu behar da aurkaratzeko prozedura ohikoa dela batzarraren erabakietarako (41.<br />
artikulua), eta hortaz, ulertu behar dugu bere burua iraindutzat jotzen duen bazkidea dela<br />
batzarrera joan eta erabakiak onartzearen aurka bozkatu duen edo batzarrera joan ez den<br />
pertsona. Hau da, batzarraren esparruan erabakiekin bat datorrela adierazi duen bazkideak<br />
ezin izango ditu erabaki horiek aurkaratu, ez eta bozketan abstenitu denak ere. Hartzekodunei<br />
dagokienez, berriz, legitimitate aktiboa izango du kreditu bat likidatzeko edo bermatzeko<br />
duenak. Ondorioz, kooperatibak, likidatzaileen bidez, ordaintzeko dauden kredituen likidazioa<br />
bermatu ahal izango luke, eta, horrela, kreditu horien titularrei legitimazioa kenduko litzaieke<br />
aipatutako erabakiak aurkaratu ahal izateko. Horrela, likidatzaileak gaituta geratuko lirateke<br />
likidazio-erabaki horiek jendaurrean iragartzeko eta erregistro-idazpenak ezerezteko. Azken<br />
gai horrek, hasiera batean, kontraesankorra lirudike lehen adierazitakoarekin, likidatzaileek<br />
ezin dutelako azken balantzea prestatu aldez aurretik sozietatearen zor guztiak ordainduta<br />
ez badaude, baina zorra kitatuta ezz duten kredituen jabe diren hirugarren hartzekodunen<br />
segurtasun juridikorik handiena bermatzen da horrela, likidatzaileak, dena dela, aipaturiko<br />
kredituak jasotzen ez dituen azken balantzea onesten saiatzen badira.<br />
Horrela, aurkaratzeko epea igaro arte, inongo aurkaratzerik aurkeztu ez dela, edo<br />
erreklamazioren bat hasi bada, dela bazkide batek edo batzuek, dela hartzekodun batek edo<br />
batzuek egindakoa, horren gaineko ebazpen irmoa eman arte, likidatzaileek ezin izango dute<br />
sozietatearen ondasunak banatu. Deskribatutako gertaeren epemuga etorri arte, sozietatearen<br />
ondasunak banatzeko debeku horrek salbuespen bat du: ordainketak egiteko aukera<br />
sozietatearen ondasun horien kontura, erreklamatutako zenbatekodunak, horien gainean<br />
emandako ebazpena edozein izanda ere, ordainketa horiek eraginik jasaten ez dutenean. Ildo<br />
horretan, kontuan hartu behar da manuak erreklamazioren bat egin den kasuetarako baino ez<br />
duela arautzen aukera hori, baina ondorioztatu behar da, zuhurtzia-printzipioa aplikatuz baino<br />
ez bada ere, salbuespen hori kasu guztietan aplikatu beharko litzatekeela, aurkaratzeko epea<br />
igaro ondoren, eta, beraz, likidatzaileek badakitela erreklamazio gehiagorik egitea ez dagoela.<br />
Hortik ondorioztatuko litzateke, ezintasuna ez bada, bai, behintzat, sortutako hartzekoaren<br />
banaketa ez egitea, kasu batean ere, legez ezarritako aurkaratze-epea amaitu baino lehen.<br />
Epe horiek kontuan hartu behar dira, era berean, erregistro-idazpenen likidazioa eta<br />
ezereztea (sozietatearen azkentzea) eragingo duten erabaki horiek jendaurrean jartzeko,<br />
hurrengo atalean aztertuko diren baldintzetan.<br />
14.10.3. Esanahi praktikoa<br />
Manu honen hartzaile nagusiak likidatzaileak dira, likidazio-prozesuan kooperatibako<br />
administratzaileak, eta haiek egin beharko dute azken balantzea eta sozietatearen ondasunak<br />
banatzeko proiektua prestatu, EKLk berak xedatutakoaren arabera. Aldi berean, interes<br />
berezikoa da honako hauentzat ere:<br />
355
KOOPERATIBAK DESEGITEA ETA LIKIDATZEA<br />
• Aipatutako dokumentuei buruzko txostena egin behar duten pertsonak, hala nola<br />
zaintza-batzordeko kideak (halakorik badago), ikuskatzaileak (halakorik badago) eta<br />
ikuskatzaileak (izendatu badira). Eta, jakina denez,<br />
• Aurkaratzeko akzio hasarazteko legitimazioa duten beste batzuk, aipatutako<br />
dokumentuak onesten dituzten erabakiak (azken balantzea eta sozietatearen<br />
ondasunak banatzeko proiektua) deusezak izan daitezen saiatuz, hala nola batzarrean<br />
parte hartu ez duten edo, hala egin arren, aurkako botoa eman duten bazkide minduak,<br />
eta likidatzeko zain eta bermatu gabe dauden etekinak dituzten hartzekodunak<br />
(EKGK barne).<br />
Aginduzko arau bat denez, kooperatibak ez du ahalmenik arlo horretan araututakoari<br />
buruz xedatzeko; nolanahi ere, egokitzat jo ahal izango du beste xedapen batzuk gehitzea,<br />
murriztaileagoak edo bermatzaileagoak, ahal bada, baina ezin izango dira inola ere indarrean<br />
dagoen legeriaren kontrakoak izan, ezta kooperatiba-sozietatea eratzen duten printzipioen<br />
aurkakoak izan ere (EKLren 12.3 artikulua).<br />
Aztertutako erregulazioa kooperatiba guztiei aplika dakieke, edozein motatakoak izanda<br />
ere, eta dituzten baldintza bereziak dituztela ere (bazkideen kopurua, ondarea…).<br />
14.10.4. Beste arau aplikagarri batzuk<br />
Arautzen den gaia kooperatiba-esparrukoa baino ez denez, ez da beste araudirik aplikatu<br />
behar, ezta estatuko legerian (27/1999 Legea) jasotako erregulazioa ere. Arestian nabarmendu<br />
dugun bezala, 40 egun balioduneko aurkaratze-epearen berariazko aipamena jaso da,<br />
batzarraren erabakiak, azken balantzeari eta sozietatearen ondasunak banatzeko proiektuari<br />
buruzkoak, deusezak izan daitezen saiatzeko, baina ez du besterik gehitu, ezta osatu ere<br />
Aurkaratze-epea betetzeko baldintza, izatez, lehendik eskatzen zuen Euskadiko Kooperatiben<br />
Erregistroak, bi erabaki horiek erregistroan inskribatzeari eta kooperatibaren erregistroidazpenak<br />
ezeztatzeari begira, hain zuzen ere, estatuko legerian jasotako erregulazioaren<br />
aplikazio osagarria kontuan hartuta.<br />
14.11. Erregistroa ezereztea<br />
100. artikulua.– Erregistroa ezereztea.<br />
Likidazioa amaitu eta sozietatearen ondasunak aurreko artikuluetan ezarritakoaren<br />
arabera banatu ostean, likidatzaileek Euskadiko Kooperatiben Erregistroari eskatuko diote<br />
kooperatibaren idazpenak ezerezteko, eta sozietatearen trafikoari lotutako merkataritzaliburuak,<br />
korrespondentzia, dokumentazioa eta ziurtagiriak gordailutuko dituzte, eskritura<br />
bidez, zeinari azken balantzea eta likidazio-eragiketak erantsiko baitzaizkio, salbu eta<br />
eskritura horretan likidatzaileek eginbeharra hartu dutenean liburu nahiz agiriak gordetzeko<br />
sei urteko epean, sozietatearen ezerezte-idazpenetik aurrera kontaturik, edo adierazi<br />
dutenean sozietateak ez duela halakorik.<br />
Dokumentuak gordailutzekotan, euskarri elektronikoan edo baliabide elektronikoen bidez<br />
gordailutu ahal izango dira.<br />
356
KOOPERATIBAK DESEGITEA ETA LIKIDATZEA<br />
14.11.1. Berrikuntza nagusiak aurreko araudiaren aldean<br />
Generoa kontuan hartzen duen hizkera inklusiboa erabiliz, edukia egokitzeaz gain,<br />
kasurako, gizonezko likidatzaileez gain, emakumezko likidatzaileak izendatzeko aukera<br />
berariaz aipatuta −nahiz eta, egiatan, aukera hori ere bazen−, arauketa berriak bi berritasun<br />
baditu indargabetutako arauaren aldean. Biak ere funtsezkoak dira, eta honako hauek dira:<br />
a) Kooperatibaren agiriak eta likidatzeko erabakia, azken balantzea eta horren<br />
ondoriozko eragiketak jasotzen dituen eskritura publikoa –eragiketak horietan,<br />
sozietatearen ondasunak banatzeko proiektua agertu behar da, EKLren 98. artikuluak<br />
xedatutako baldintzetan−, gordailutzeko nahitaezkotasunaren ordez, likidatzaileek<br />
horiek guztiak zaindu eta jagon ditzaten arautzeko aukera. Hori guztia, sei urteko<br />
epeari eutsita, aldi horren barruan, aipatutako dokumentazioa hirugarren interesdun<br />
legitimatuen eskura beharko delako, aztertzea eta eta ikustea izan dezaten.<br />
b) Dokumentazioaren xehetasuna zabaltzea eta zehaztea, dokumentazioa Euskadiko<br />
Kooperatiben Erregistroan eskritura publikoarekin batera gordailutu beharko delako<br />
edo, bestela, likidatzaileek gorde beharko dutelako,. Ildo horretan, arauak liburu eta<br />
dokumentu orokorrak aipatzen zituen lehen, eta merkataritza-liburuak, gutuneria,<br />
dokumentazioa eta sozietatearen trafikoari buruzko egiaztagiriak jasotzen ditu orain.<br />
14.11.2. Manuaren izaera edo indar juridikoa<br />
Kooperatiba-sozietatearen likidazioa Euskadiko Kooperatiben Erregistroan inskribatzeko<br />
moduko egintza denez, indarrean dagoen erregelamenduak xedatzen duen bezala, eta<br />
EKL onartzearen ondorioz horrek izan dezakeen erregelamendu-garapenari kalterik egin<br />
gabe, erabaki egokiak hartzeaz gain, prozedura izapidetu behar da, jarraian azaltzen diren<br />
baldintzetan:<br />
a) Gai horretan eskumen esklusiboa duen batzar orokorraren deialdia, berariaz adierazita<br />
bazkideen esku jarri dela edo sozietatearen likidazioa onesteko euskarri den agiriteria<br />
doan bidal diezaietela eskatzeko eskubidea dutela bazkideek. Funtsean, honako<br />
dokumentu hauek biltzen ditu esandako agiriteriak: azken balantzea, likidazioeragiketen<br />
emaitza, eta sozietatearen ondasunak banatzeko proiektua, EKLk berak<br />
berariaz ezarritako arauekin bat datorrena (98. artikulua, lehen aztertutakoa).<br />
b) Aipatutako batzar orokorra garaiz eta behar bezala egitea, eta azken balantzea eta<br />
sozietatearen ondasunak gehiengo soilez banatzeko proiektua onartzea.<br />
c) Aipatutako erabakiak argitaratzea, eta berariaz adieraztea hirugarren interesdunen esku<br />
jarriko direla aipaturiko agiriak, ikustea eta aztertzea izan dezaten, bai kooperatibaren<br />
egoitza dagoeneko lurralde historikoan zabalkunde handia duen egunkari batean, bai<br />
Euskal Herriko Agintaritzaren Aldizkarian (EHAA).<br />
d) Sozietatearen ondasunak 98. artikuluak xedatutako baldintzetan esleitzeko arauak bete<br />
direla, EKGKren “homologazioaren” bidez.<br />
e) Ondorio horietarako legitimatuta dauden bazkideek (batzarrera joan ez direnek<br />
edo, joan arren, erabakiaren aurka bozkatu dutenek) eta likidatu gabe edo bermatu<br />
357
KOOPERATIBAK DESEGITEA ETA LIKIDATZEA<br />
gabe dauden kredituak dituzten hartzekodunek erabakiak aurkaratzeko 40 egun<br />
balioduneko epea igaro dela egiaztatzen duen agiria. Azken iragarkia argitaratzen<br />
den egunetik aurrera hasiko da zenbatzen epea, atal honetako c) letran adierazi den<br />
moduan. Nolanahi ere, likidatzaileek aukera izango dute hartzekodunei kredituak osoosorik<br />
ordaindu zaizkiela ziurtatzeko, edo kredituen guztizko zenbatekoa kontsignatu<br />
dela, edo ordainketa segurtatu dela ziurtatzeko, eta erabakia kooperatiba osatzen duten<br />
bazkide guztien aldeko botoaren bidez hartu zela, aipatutako aurkaratze-epea igaro<br />
baino lehen.<br />
f) Likidatzaileek eskritura publikoa egitea, eskrituraren oinarri diren erabakiak (azken<br />
balantzea eta sozietatearen ondasunak banatzeko proiektua), euren erantzukizunpean,<br />
eta aurretik deskribatutako gainerako baldintzak betetzen dituztela egiaztatzea. Hori<br />
guztia, eskritura publikoarekin batera, sozietatearen agiriak 6 urtez gordailututa<br />
egongo direla jasotzen duen dokumentu zehatzaren aipamena eginda, edo, halakorik<br />
ezean, esanbidez adieraziz dokumentazioa likidatzaileek zaindu eta jagongo dutela eta<br />
haien erantzukizunpean geratzen dela.<br />
Ildo horretan, adierazi behar da, gainera, likidazioa erregistroan inskribatzeak eta<br />
erregistro-idazpenak ezerezteak ez duela zuzenketa-ondoriorik, likidazio horren<br />
inskripzioa ukatuz ebatzi bada. Hori dela eta, egintza horiek inskribatu arren<br />
(erregistro-idazpenen likidazioa eta ezereztea), ados ez dagoen pertsona kaltedun<br />
orok, bazkideak edo hartzekodunak izanik ere, erregistro-ezereztearen inskripzioa<br />
deuseztatzeko eska dezake, likidazio-prozesua berriz ireki dadila saiatuta, eta,<br />
hala badagokio, hura kudeatu eta izapidetu duten likidatzaileen erantzukizunari<br />
ere berriro oratuta.<br />
14.11.3. Esanahi praktikoa<br />
Gai hori aginduzkoa da, ez bakarrik kooperatibaren eremura mugatuta, ezpada, bereziki,<br />
erregistroaren arloan, eta, beraz, kooperatibak ezin izango dio heldu sozietate-estatutuen<br />
eta bertako organoen bidez. Hori guztia, estatutuetan beste arau murriztaileagoak edo<br />
bermatzaileagoak ezartzeko aukerari kalterik egin gabe. Dena dela, arau horiek ezin dira<br />
izan indarrean dagoen legeriaren aurkakoak, ezta kooperatiba-sozietatea eratzen duten<br />
printzipioen aurkakoak ere.<br />
Arauaren hartzaile nagusia kooperatiba bera dela dirudien arren, egia da likidatzaileek egin<br />
behar dituzten jarduketen eta adierazpenen ondoriozko erantzukizuna, nahitaezko eskritura<br />
publikoan berariaz jasota dagoena, aintzat hartuta, interesa batzar orokorretik likidatzaile<br />
horiengana hedatzen dela. Horren ondoren, bazkideen eta hartzekodunen interesa ere izango<br />
genuke, halakoen eskubideak asebeterik ez daudela iritzita, kooperatibaren erregistroidazpena<br />
ezereztea eta kooperatibaren sozietate-azkentzea eska bailitzakete.<br />
Aztertutako erregulazioa kooperatiba guztiei aplika dakieke, edozein motatakoak izanda<br />
ere, eta dituzten baldintza bereziak dituztela ere (bazkideen kopurua, ondarea…).<br />
358
KOOPERATIBAK DESEGITEA ETA LIKIDATZEA<br />
14.11.4. Beste arau aplikagarri batzuk<br />
Kooperatiba-esparrura hertsiki mugatutako arauketa da; estatuko legeria (Kooperatibei<br />
buruzko uztailaren 16ko 27/1999 Legearen 76. artikulua), EKLk xedatu ez duen guztian<br />
modu osagarrian aplikatu behar dena, ez da aplikagarria inguruabar zehatz horretan; are<br />
gutxiago, EAEko legegileak azken balantzea aurkaratzeko epea (40 egun baliodunekoa),<br />
27/1999 Legearen 74. artikuluak xedatu duena, kontuan hartu duenetik, azken balantzeari<br />
buruzko iruzkinean azaldu dugun bezala. Hori horrela, estatuko legeriak ez dio ezer gehitzen<br />
EKLk araututakoari ezta hura osatzen ere.<br />
Eraikuntzaren Antolamenduari buruzko azaroaren 5eko 38/1999 Legean jasotako<br />
erregulazioa aplika daiteke, baina etxebizitza-kooperatibei besterik ez. Zehatzago esanda<br />
hamar urteko aseguruaren indarraldiaren derrigortasuna ezartzen duen manua [38/1999<br />
Legearen 19.1.c) artikulua] aplikatzekoa da, etxebizitzak bazkide esleipendunentzat sustatu<br />
dituzten kooperatibentzat, baldin eta esleipendunek sustatutako elementuak likidatzen eta<br />
erregistro-idazpenak ezerezten badituzte esleipen eraginkorra egin denetik 10 urte igaro<br />
baino lehen –esleipendunen alde eskrituratzea−. Egiaztapen hori zuzenean egin daiteke<br />
hamar urteko aseguruaren kopia eskritura publikoan erantsita.<br />
14.12. Kooperatibaren konkurtsoa<br />
101. artikulua.– Kooperatibaren konkurtsoa.<br />
Kooperatibei konkurtso-legeria aplikatuko zaie, eta Euskadiko Kooperatiben Erregistroan<br />
inskribatu beharko dira erregistro-publizitateari buruz ematen diren ebazpen judizial guztiak.<br />
14.12.1. Berrikuntza nagusiak aurreko araudiaren aldean<br />
Berrikuntza honetan datza:<br />
a) Batetik, aginduan jasotako edukia konkurtso-legeriak modu bateratuan arautu dituen<br />
kaudimengabezia-prozesuen errealitate juridikora egokitzea (lehen ordainketaetendura<br />
eta porrota esaten zitzaien prozesu horiei). Hau da, kaudimengabeziakasuak<br />
antolatu eta ikuspegi juridiko-prozesaletik tratatu direnez, legeak lehiaketak<br />
kudeatzeko onartutako araudi espezifiko eta espezializatu horietarako igorpena<br />
egin du.<br />
b) Bestetik, konkurtso-prozeduraren esparruan eman daitezkeen eta erregistropublizitate<br />
hori behar duten ebazpen judizialak Euskadiko Kooperatiben Erregistroan<br />
inskribatzeko betebeharra ezartzea. Indargabetutako legeak ordainketa-etenduraren<br />
edo porrotaren eskaeraren ondorioz eman beharreko probidentzia judiziala<br />
erregistroan inskribatzeko betebeharra baino ez zuen ezartzen, eta hura aurkeztutzat<br />
jotzen zuen.<br />
14.12.2. Manuaren izaera edo indar juridikoa<br />
Legezko manua sozietateen kaudimengabezia-kasuen errealitate juridiko berrira egokitu<br />
359
KOOPERATIBAK DESEGITEA ETA LIKIDATZEA<br />
behar direnez, eta erregulazio berriaren baldintzak egokitzat jotzen direnez, aurrerago<br />
azalduko dugun bezala, ezin dugu alde batera utzi, atal honen esparruan, legegileak<br />
manua beste leku batean kokatzeko aukera alferrik galdu duela. Izan ere, kooperatibak<br />
desegiteko eta likidatzeko kapituluaren azken xedapenean, horren inguruko aipamenari<br />
eutsi badio ere, egia da kooperatiba desegitea edo sozietatea likidatzea ez dela berez<br />
gertatzen kooperatibak konkurtso-eskaera egiten duenean edo konkurtsoaren deklarazio<br />
judiziala adierazten denean. Hau da, konkurtsoa deklaratzeari hasiera eman eta deklarazio<br />
hori ondorio horietarako araututako prozeduraren bidez judizialki izapidetu ondoren,<br />
kooperatiba prozedura horretatik irten daiteke likidazio-aldia ireki gabe, eta, beraz,<br />
desegiteko prozedura bete gabe. Gertakari hori jazo daiteke baldin eta, kooperatibak<br />
bere jardueraren esparruan garatzen dituen eragiketen –hasiera batean, ohiko eragiketak<br />
garatuta– eta konkurtso-prozeduraren zioz, konkurtsoaren deklarazioa eragin zuen egoerari<br />
buelta eman eta atzean utziko balu.<br />
Aurrekoa azalduta, eta kooperatibei konkurtso-arloko merkataritza-legeria aplikatzeko<br />
aukera indargabetutako legearen esparruan artean ebatzita dagoela, nahiz eta, esanahi<br />
hertsian, halakoak merkataritza-sozietateak ez izan, Konstituzio Auzitegiak uztailaren<br />
29ko 72/1983 epaian ebatzi zuen bezala, ondoriozta daiteke konkurtso-legera egiten den<br />
igorpena egokia dela. Are gehiago, konkurtso-prozeduraren esparruan emandako ebazpen<br />
judizial oro berariaz ireki badaiteke erregistroan inskribatzeko moduko egitate gisa, ebazpen<br />
horrek hala agintzen badu dagokion erregistro-publizitatea egiteko; ez bakarrik konkurtsoeskaerari<br />
buruzko probidentziak. Egitate hori nahitaezkoa zen, bai konkurtso-legeria bera<br />
aplikatuz, zeinak xedatzen baitu konkurtso-prozeduraren esparruan eman behar diren hainbat<br />
ebazpen nahitaez inskribatu behar direla, bai Euskadiko Kooperatiben Erregistroa arautzen<br />
duen indarreko araudia aplikatuz, zeinak konkurtsoaren deklarazio judiziala eta gainerako<br />
ebazpen judizialak, EKLk edo erregelamenduak berak araututakoaren arabera, hurrenez<br />
hurren, nahitaez inskribatu beharreko egitate gisa arautzen baititu. Horrek guztiak dio<br />
kalterik egiten EKL “berriari” lotutako Euskadiko Kooperatiben Erregistroaren antolaketa<br />
eta funtzionamenduaren erregelamendu bidezko garapenari. Bada, konkurtso-prozedurak<br />
korapilatsuak eta garrantzi handikoak direnez, eta haien balizko ondorioak kontuan<br />
harturik, publizitate hori beharrezkoa da interesdunen eta eragindakoen segurtasun juridikoa<br />
bermatzeko.<br />
14.12.3. Esanahi praktikoa<br />
Nahiz eta aginduan jasotako erregulazioaren hartzaile nagusia kooperatiba bera izan, egia da<br />
konkurtso-legeria aplikatuz beste pertsona batzuei egotz dakiekeen erantzukizun-araubidea,<br />
funtsean haiek erruduntzat jotzearen ondorioz, bereziki interesgarria dela kooperatibaren<br />
administratzaileentzat eta likidatzaileentzat, bai eta balizko hartzekodunentzat ere. Berriro<br />
diogu, administratzaileak ez ezik, likidatzaileak ere izan daitezkeela kooperatibaren konkurtsodeklarazioa<br />
eskatzeko ardura izan dezaketenak, likidazio-aldian dagoen kooperatibaren<br />
kudeaketaren eta ordezkaritzaren erantzuleak diren aldetik, kooperatiba desegiteko aldez<br />
aurreko erabakiaren eta likidatzaile izendatzearen ondorioz, konkurtsoaren deklarazioa<br />
360
KOOPERATIBAK DESEGITEA ETA LIKIDATZEA<br />
bidezkoa balitz, sozietatea likidazio-aldian dagoela, ondorio horietarako konkurtso-legeriak<br />
xedatutako beharrezko inguruabarrak betetzeagatik.<br />
Konkurtso-legeriaren aplikazioa aginduzkoa izanik, kooperatibak ezin du gai hori bere<br />
estatutuen bidez xedatu, eta konkurtso-legerian jasotako erregulazioa zorrotz bete eta hari<br />
men egin behar dio.<br />
14.12.4. Beste arau aplikagarri batzuk<br />
Manu hau arlo kooperatiboa gainditzen duen estatuaren eskumen-eremuko merkataritzalegeriari<br />
–eta konkurtso-legeriari− lotzen zaio. Hori dela eta, beste ezein araudi ez da<br />
aplikagarria, araudi horretarako bidalketak aplikazio osagarriaren premia oro ebazten<br />
baitu, hala nola estatuko kooperatiben legeriarena (27/1999 Legea). Azkena, nolanahi ere,<br />
aztertutako manuak aipatzen duen konkurtso-legeria bera baino lehenagokoa izanik, berariaz<br />
xedatutakoa gehitu edo osatu beharrean, indargabetuta zeukan haren laugarren xedapen<br />
gehigarrian jasotako erregulazioa, indargabetutako legean jasotakoaren ia berdin-berdina<br />
baitzen.<br />
361
15. KOOPERATIBA MOTAK:<br />
LAN ELKARTUKO KOOPERATIBAK* 1<br />
15.1. Sarrera: legezko arauketaren egitura eta xedea<br />
“KOOPERATIBA-MOTAK” izenburuaren ildoan, EKLren II tituluaren I. kapituluak<br />
metodo kooperatiboan oinarritzen diren kooperatiba-sozietateen tipologia juridikoa aletu du<br />
hamahiru sailetan. Kooperatiba-mota horien guztien izendapenak eta horiek arautu dituzten<br />
artikuluak ondokoak dira:<br />
• 1. atala: Sailkapena eta aplikatu beharreko araudia (102. artikulua).<br />
• 2. atala: Lan elkartuko kooperatibak (103-107 artikuluak).<br />
• 3. atala: Kontsumo-kooperatibak (108. artikulua).<br />
• 4. atala: Irakaskuntza kooperatibak (109-111 artikuluak).<br />
• 5. atala: Nekazaritzako eta elikagaien kooperatibak (112-113 artikuluak).<br />
• 6. atala: Erkidegoan ustiatzeko kooperatibak (114-116 artikuluak)<br />
• 7. atala: Etxebizitza-kooperatibak (117-122 artikuluak).<br />
• 8. atala: Finantza-kooperatibak (123. eta 124. artikuluak).<br />
• 9. atala: Osasun-kooperatibak (125. eta 126. artikuluak).<br />
• 10. atala: Zerbitzu-kooperatibak (127-131 artikuluak).<br />
• 11. atala: Junior kooperatibak (132. artikulua).<br />
• 12. atala: Gizarteratze-kooperatibak (133. eta 134. artikuluak).<br />
• 13. atala: Enpresak sustatzeko kooperatibak (135. artikulua).<br />
Era berean, “Kooperatiba Sozietate Txikia” izenburuaren ildoan, EKLren II. tituluaren II.<br />
kapituluak kooperatiba-mota hori arautu da 136. artikulutik 145.era, sei ataletan banatuta.<br />
Kooperatiba-motak arautzearen helburua EKLren XII. ataleko zioen azalpenaren lehen<br />
idatz-zatian dago:“Oro har, modu irekian sailkatu dira kooperatibak, orain arte bezala;<br />
horretarako, kontuan hartu da zer helburu duten kooperatibek eta zer egoera juridiko duten<br />
bazkideek; espezifikoki erregulatu gabeko alderdietarako, kooperatiba mota bakoitzari<br />
dagozkion berariazko alderdiak lehenetsi dira arau orokorren gainetik”.<br />
15.2. Sailkapena eta aplikatu beharreko araudia<br />
102. artikulua.– Sailkapena eta aplikatu beharreko araudia.<br />
* Francisco Javier Sanz Santaolalla jaunak, BITARTU-Arbitraje Kooperatiboko Euskal Zerbitzuko<br />
buru, Elkar-Lan, S. Coop.eko zuzendari eta Euskal Mugimendu Kooperatiboaren Batzorde Juridikoaren<br />
koordinatzaileak, egindako iruzkina.<br />
363
KOOPERATIBA MOTAK: LAN ELKARTUKO KOOPERATIBAK<br />
1.– Kooperatibak sortzeko, oinarritzat hartu beharko dira kapitulu honetan arautzen<br />
diren kooperatiba motak. Nolanahi ere, bestelako kooperatibak ere eratu ahal izango<br />
dira, estatutu-bidez, baldin eta argi eta garbi zehazten bada zein den kooperatibajarduera<br />
eta kooperatiban parte hartu behar duten bazkideen posizio juridikoa. Kasu<br />
horretan, erregistroak eta interesdunek aplikatuko dituzte kooperatiba horiekiko<br />
analogia handiena duten entitateentzat legez xedatu diren arauak.<br />
2.– Hona zein den kooperatiba mota edo tipo bakoitzari legez ezartzen zaion muga<br />
bakarra: ezin izango da dagokion motako bigarren mailako entitaterik sortu, baldin<br />
eta bazkide kooperatzaile gehienak pertsona fisikoak izan behar badira nahitaez.<br />
3.– Kooperatiba bakoitzak, bestalde, bete beharko ditu, bai lege honetan bere burua<br />
sortzeko ezartzen diren printzipioak, bai dagokion motari aplikatu beharreko<br />
xedapen bereziak; dagokion atalean aurreikusten ez den guztirako, berriz, arau<br />
orokorrak bete beharko ditu.<br />
15.2.1. Berrikuntza nagusiak aurreko araudiaren aldean<br />
Ez dago inolako berritasunik, testua indargabetutako 4/1993 Legearen 98. artikuluaren<br />
artikuluaren berdin-berdina baita.<br />
15.2.2. Iruzkin orokorra eta esanahi praktikoa<br />
1. atala aginduzkoa da; izan ere, EKLk arautako kooperatiba-motetako bat sortu nahi bada,<br />
haren gutxieneko edukiak behar bezala zedarriztatuta egon behar du, eta, aldi berean, sortu<br />
nahi den kooperatiba EKLn jasota ez badago, sortu ahalko dela arautu da, betiere bazkideen<br />
jarduera kooperatiboa eta posizio juridikoa zehazten badira. Kasu horretan, EKLn jasota<br />
dagoen eta sortu nahi den kooperatibarekiko antzekotasunik handiena duen araudia aplikatu<br />
beharko da (halabeharrez). Azken batean, EKLn jasota ez dagoen kooperatiba-mota bat sortu<br />
nahi bada ere, jasota ez egoteak ez du esan nahi sortu ezin denik, aipatutako araudiak hori<br />
sortzeko modua jaso baitu, lehen azaldu den moduan.<br />
2. atala hautazkoa da; izan ere, kasu horretan, kooperatibako bazkideen nahia beharrezkoa<br />
litzateke, hau da, autoerregulazioa baliatzea, bazkide laguntzaile gehienak pertsona fisikoak<br />
izatea eskatzeko edo betekizun gisa ezartzeko, eta, beraz, ezinezkoa litzateke bigarren<br />
mailako kooperatiba bat sortu.<br />
3. paragrafoa aginduzkoa da, kooperatiba bakoitzak zeren arabera egokitu behar duen mugatu<br />
baitu: lehenik eta behin, EKLn jasotako kooperatiba-sozietatea sortzeko printzipioetara.<br />
Bigarrenik, kooperatiba-mota jakin baten arabera araututako xedapen berezietara (adibidez,<br />
kooperatiba-sozietate profesionalei dagokienez, 2/2007 Legea, lanbide-sozietateei buruzkoa)<br />
eta, hirugarrenik, atal berezian arautu gabekoari dagokionez (kooperatiba-mota aintzat<br />
harturik), EKLren arau orokorretan jasotako manuetara egokitu beharko da.<br />
15.2.3. Beste arau aplikagarri batzuk<br />
Estatuko Kooperatiben Legearen azken xedapenetatik bigarrena aplikatu ahal izango<br />
litzateke EKLk gai hori arautu izan ez balu, eta estatuko legea osagarria balitz, Espainiako<br />
Konstituzioaren 149.3 artikuluak dioenari jarraiki.<br />
364
KOOPERATIBA MOTAK: LAN ELKARTUKO KOOPERATIBAK<br />
EKLren erregulazioa askoz ere osoagoa da; izan ere, ohiko kooperatiba-moten zerrenda<br />
egiteaz gain, zerrendan ageri diren kooperatiba-moten barruan jaso ez den beste mota bateko<br />
kooperatibak sortzea ahalbidetzen du, eta ezohiko kooperatiba horrentzat egokienak diren<br />
xedapenak kidetasunez aplikatu. Hori guztia, EKLren azken xedapenetatik bigarrenean<br />
ezarritakoari kalterik egin gabe, eta iruzkin honetan horri buruzko azaldutakora bidalita.<br />
15.3. Lan elkartuko kooperatibak<br />
15.3.1. Helburua eta arau orokorrak<br />
103. artikulua.– Helburua eta arau orokorrak.<br />
1.– Lan elkartuko kooperatibak dira batez ere pertsona fisikoak elkartzen dituztenak<br />
lanaldi osoan edo partzialean edozein jarduera ekonomiko edo profesional egiteko,<br />
eta elkarrekin hirugarren ez-bazkideentzako ondasunak edo zerbitzuak ekoizteko.<br />
Bazkide langileek sozietate-harremana izango dute kooperatibarekin.<br />
2.– Bazkide langile izateko, gai izan behar da nork bere lana legez kontratatzeko.<br />
Atzerritarrak ere bazkide langile izan daitezke, betiere Espainiako estatuan lan<br />
egiteko legeria espezifikoan xedatutakoaren arabera.<br />
3.– Bazkide langile izateari uzteak ekarriko du behin betiko uztea kooperatiban lan<br />
egiteari.<br />
4.– Lan elkartuko kooperatiben helburua da bazkideei enplegu bat ematea eta haiek<br />
lan egitea. Hala eta guztiz ere, kooperatibek besteren konturako kontratuak ere egin<br />
ahal izango dituzte, baina kontratu horiek inoiz ezin izango dute gainditu bazkide<br />
langileek urtean egiten dituzten orduen ehuneko hogeita hamarra. Enpresaren<br />
premia objektiboak direla-eta, portzentaje hori gainditu ahal izango da, baina hiru<br />
hilabetean baino ez. Epe hori luzatzeko, baimen arrazoitua eskatu beharko zaio<br />
Eusko Jaurlaritzan lan-arloko eskumena duen sailari. Sail horrek hamabost eguneko<br />
epean ebatzi beharko du, eta, isiltasuna gertatzen bada, baimena onartutzat joko da.<br />
Portzentaje horretan ez dira zenbatuko:<br />
a) Mendeko lan-zentroetan edo ataletan urtean egindako orduak, edo zentro edo<br />
atal osagarrietan eginak.<br />
Nolanahi ere, mendeko lan-zentroan edo lan-zentro osagarrian egindako<br />
lantzat joko da kooperatibek kontratatutako besteren konturako langileek<br />
egiten dutena, epe mugatu bateko zerbitzuak emateko bezeroen edo onuradunen<br />
lokaletan eta Administrazio publikoarentzat. Halaber, era horretako lantzat joko<br />
dira kooperatibak obretan, muntaketa-lanetan edo jarduera laguntzaileetan<br />
egin behar dituen jarduerak, betiere jarduera horiek ez badira kooperatibaren<br />
helburu sozial nagusia, eta, jarduerak berak hala eskatuta, kooperatibako<br />
lokaletatik kanpo egin behar badira, eta, horrez gain, kooperatibarekin duten<br />
harremana ez bada, argi eta garbi, egonkorra eta iraupen mugagabekoa.<br />
365
KOOPERATIBA MOTAK: LAN ELKARTUKO KOOPERATIBAK<br />
b) Legezko subrogazioaren ondorioz, kooperatibetan integratuta dauden besteren<br />
konturako langileek egiten duten lana, eta subrogazio horien mende dauden<br />
jardueretan hasten diren langileek egiten dutena.<br />
c) Eszedentzian edo aldi baterako ezintasun-egoeretan edo amatasun-, adopzioedo<br />
harrera-egoeretan dauden edo familia eta lana uztartu nahi duten bazkide<br />
langileen edo soldatapeko langileen ordezkapenak egiten dituzten langileek<br />
egiten duten lana.<br />
d) Bazkide langile izateari esplizituki uko egiten dioten langileek egiten duten lana.<br />
e) Kooperatibak aldi baterako laneko enpresa gisa jarduten duenean, enpresa<br />
erabiltzaileen esanetara jartzeko kontratatzen diren langileek egiten duten lana.<br />
f) Enplegu eta prestakuntza-programetan prestakuntza, orientazio eta lanbitartekaritzako<br />
kooperatibetako ikasleek egiten duten lana.<br />
g) Praktika- eta prestakuntza-kontratuak dituzten langileek egiten duten lana.<br />
h) Gutxienez ehuneko hogeita hamahiruko desgaitasun fisiko, psikiko edo<br />
sentsoriala onartuta duten pertsonek egiten duten lana, salbu enplegu-zentro<br />
berezi modura kalifikatu eta onartu diren lan elkartuko kooperatibetan.<br />
i) Kooperatibak Administrazioarekin edo nagusiki administrazio publikoen<br />
partaidetza duten enpresekin, partzuergoekin, fundazioekin eta gainerako<br />
entitateekin duen kontratuaren ondorioz lanean hasten diren langileek egiten<br />
duten lana.<br />
Zenbaki honetan xedatutakoa gorabehera, zortzi bazkide langile baino gutxiago<br />
dituzten kooperatibek aukera izango dute gehienez ere bi langile enplegatzeko<br />
besteren konturako lan-kontratuaren bidez.<br />
5.– Estatutuetan finkatu ahal izango da zer prozedura bete behar den soldatapeko<br />
langileak bazkide izatera iristeko. Baldin eta artikulu honetan erregulatzen<br />
diren kooperatibek soldatapeko lanetarako ezarritako muga gainditzen badute,<br />
bazkide langile modura onartu beharko da epemugarik gabeko kontratua izan eta<br />
kooperatiban urtebete baino gehiagoko antzinatasuna duen langilea, probaldirik<br />
gabe, gainerako baldintza guztiak betetzen baditu eta hala eskatzen badu eskubide<br />
hori baliatzeko aukera duenetik eta hurrengo hamabi hilabeteetan.<br />
Bazkide izateko aukera ezin baliatu dezaketen soldatapeko langileek, edo aukera<br />
hori baliatzea izan arte, kooperatibaren emaitzen partaidetza izango dute, emaitzak<br />
positiboak direnean, estatutuek definitu behar duten proportzioan, zeina inoiz ez<br />
den izango lanbide-maila bereko edo antzeko bazkideei onartutako kooperatibaitzulkinaren<br />
ehuneko hogeita bost baino txikiagoa. Soldatapeko langilearen baja<br />
gertatzen denean, batzar orokorrak onartutako azken kontuak hartu ahal izango<br />
dira oinarritzat partaidetza hori kalkulatzeko. Irabazietako partaidetza horrek lege<br />
honetako 70.5 artikuluan adierazten den izaera izango du.<br />
6.– Lan egiteagatik, bazkide langileek eskubidea dute aldian-aldian –hilabeteko epean,<br />
gehienez ere– lan-aurrerakinak jasotzeko, zeinak ez baitira lanbide arteko gutxieneko<br />
soldata baino txikiagoak izango, urteko zenbatekotan.<br />
366
KOOPERATIBA MOTAK: LAN ELKARTUKO KOOPERATIBAK<br />
7.– Kooperatiba mota hauen lan-zentroek eta haien bazkideek lan-arriskuen prebentzioari<br />
buruzko arau orokorrak bete beharko dituzte.<br />
Halaber, 18 urte beteta ez dituzten bazkide langileek lan-arloko legeriak 18 urtez<br />
azpiko langileentzat ezarritako mugak izango dituzte gaueko lanak egiteko edo lan<br />
osasungaitz, nekagarri, kaltegarri edo arriskutsuak egiteko.<br />
8.– Gizarte Segurantzaren ondorioetarako, besteren konturako langileekin edo langile<br />
autonomoekin parekatuko dira bazkide langileak. Estatutuek aukeratuko dute zein<br />
araubide aplikatuko den, bata ala bestea.<br />
Lan elkartuko kooperatibek estatutuetan erabakitzen badute beren bazkide langileak<br />
kasuan kasuko araubide bereziko langile autonomoekin parekatzea, bat etorriz<br />
Gizarte Segurantzaren Lege orokorraren testu bateginaren 14. artikuluarekin –<br />
urriaren 30eko 8/2015 Legegintzako Errege Dekretuak onartua–, beren gain<br />
hartuko dute bazkideen kuotak eta obligazioak ordaintzeko betebeharra, haiek<br />
kooperatibetan eta zerbitzaldian dauden bitartean, betiere horrela jasota badaukate<br />
estatutuetan, hargatik eragotzi gabe Gizarte Segurantzari dagokion araubide nagusia<br />
bete beharra. Ordaindutako zenbatekoak ez dira aurrerakinaren parte izango, eta<br />
partida kengarritzat joko dira legearen 69. artikuluan definitutako soberakin garbia<br />
zehazteko orduan.<br />
9.– Kooperatiben uztailaren 16ko 27/1999 Legearen 86.2 artikuluaren arabera,<br />
lan elkartuko kooperatiba batek bertan behera uzten badu zerbitzu-kontrata<br />
edo administrazio-emakida bat berari egoztekoak ez diren arrazoiengatik eta<br />
beste enpresaburu bat egiten bada haren kargu, kontrata edo emakida horretan<br />
lanean jarduten diren bazkide langileen eskubideak eta betebeharrak izango<br />
dira kooperatiban besteren konturako langile gisa lan egin balute, indarrean den<br />
araudiaren arabera, izango zituzketen eskubide eta betebehar berberak.<br />
Aurreko paragrafoan azaltzen den egoeran dauden langileek lehentasun-eskubidea<br />
izango dute, bost urtean, jatorrizko kooperatibara itzultzeko, baldin eta lanpostu<br />
berririk sortzen bada eta lanpostu berriak haien lanpostuak zuen eduki bera edo<br />
antzekoa badu.<br />
15.3.1.1 Berrikuntza nagusiak aurreko araudiaren aldean<br />
1. atalean, hiru berrikuntza txertatu dira, eta horietako bat oso garrantzitsua da:<br />
a) Lana lanaldi partzialekoa edo osokoa izan daiteke (aurreko araudiak ez zekarren<br />
zehaztapen hori).<br />
b) “Hirugarrenentzat” adierazpenaren ordez, “Bazkide ez diren hirugarrenentzat” jarri<br />
da. Genero-hizkuntzaren aldaketa bat da (gaztelaniazko bertsioan).<br />
c) Lehenengo aldiz, Euskadiko Kooperatiben Legearen artikulu batean honako hau esan<br />
da: “Bazkide langileak kooperatibarekin duen harremana sozietate-harremana da”.<br />
Aurreko legean, zioen azalpenean, honako hau jaso zen: “..bazkide langileak bere<br />
kooperatibarekin duen harreman berezi, sozietate autogestionatu bati atxikia eta<br />
lanez kanpokoari erreparatuta”. Baina zioen azalpena ez da legea.<br />
367
KOOPERATIBA MOTAK: LAN ELKARTUKO KOOPERATIBAK<br />
Idazketa hori erabilta, aurrerapen garrantzitsua lortu da, sozietate-harremana<br />
argudia baitezakegu, EKLren 103.1 artikuluak xedatutakoari jarraiki; hori funtsezko<br />
berrikuntza da, aurreko legearen aldean.<br />
2. atalean ez dago berritasunik, genero-hizkerarena izan ezik.<br />
3. atalean ez dago berritasunik, genero-hizkerarena izan ezik.<br />
4. atalean, berrikuntza hauek gehitu dira:<br />
a) Bazkide langileek urtean egindako lanordu guztien ehuneko hogeita hamarrera<br />
igo da (aurreko araudian ehuneko hogeita bostekoa zen muga).<br />
b) Besteren konturako langileek lan egindako orduen zenbaketan, honako hauek<br />
jaso dira salbuespen gisa:<br />
1.- Kooperatiba guztientzat:<br />
1.1. Familia eta lana bateragarri egitea (ikus EKLren 103.4.c) artikulua.<br />
1.2. Praktikaldiko eta prestakuntzako kontratuak dituzten langileek egindako lana<br />
(ikus EKLren 103.4.g) artikulua).<br />
1.3. Kooperatibak administrazioarekin edo administrazio publikoen partaidetza<br />
nagusia duten enpresa, partzuergo, fundazio eta gainerako erakundeekin<br />
egindako kontratu baten zioz sartu diren langileek egindako lana (ikus EKLren<br />
103.4.i) artikulua.<br />
1.4. Gutxienez, ehuneko hogeita hamahiruko desgaitasun fisiko, psikiko eta/edo<br />
sentsoriala duten pertsonek egindako lana. Salbuespen hori ez zaie aplikatuko<br />
enplegu-zentro berezi gisa kalifikatu eta aitortu diren lan elkartuko kooperatibei<br />
(ikus EKLren 103.4.h) artikulua).<br />
2.- Enpleguko eta prestakuntzako programetan, prestakuntzan, orientazioan eta lanbitartekaritzan<br />
diharduten kooperatibentzat bakarrik: ikasleek egindako lana (ikus<br />
EKLren 103.4.f) artikulua).<br />
3.- Aldi baterako laneko enpresa gisa jarduten duten kooperatibentzat bakarrik: enpresa<br />
erabiltzaileen esku uzteko kontratatutako langileek egindako lana (ikus EKLren<br />
103.4.e) artikulua).<br />
5. ataleko lehenengo paragrafoak bi berritasun dakartza: bata, genero-hizkerari buruzkoa,<br />
eta bestea, soldatapeko langileek edo besteren konturako langileek kooperatibako bazkide<br />
langile mugagabe gisa sartzeko eskubidea baliatzeko baldintza ezarri duena; izan ere, aukera<br />
hori baliatzeko, kooperatibak gainditu egin behar du kooperatiban egindako soldatapeko<br />
lanaren muga.<br />
Bigarren paragrafoa soldatapeko langileek kooperatibaren emaitzetan duten partehartzeari<br />
buruzkoa da, eta berritasun bakarra du genero-hizkera kontuan hartuta idatzi dela.<br />
Gainerakoan, haren edukia aurreko araudian araututakoaren berdina da.<br />
6. atalak ez dakar inolako berritasunik, genero-hizkerarena izan ezik. Bada, bai lanaurrerakinaren<br />
aldizkakotasuna, bai urteko gutxieneko zenbatekoa, ezarrita zeuden aurreko<br />
araudian.<br />
368
KOOPERATIBA MOTAK: LAN ELKARTUKO KOOPERATIBAK<br />
7. atalak ez dakar berritasunik, lehenengo paragrafoak izan ezik, laneko segurtasunari eta<br />
higieneari buruzko arauen ordez “laneko arriskuen prebentzioari buruzko arau orokorrak”<br />
ageri baitira; azken batean, gai horri buruzko araudia aldatzea/egokitzea da. Genero-hizkerari<br />
lotutako aldaketa bat ere badago.<br />
Bigarren paragrafoan, genero-hizkerak eragindako aldaketa izan ezik, ez dago inolako<br />
aldaketarik kooperatiben aurreko legearen 8. paragrafoan jasotako erregulazioari dagokionez.<br />
8. atalaren lehen paragrafoan, genero-hizkerak dakarren moldaketa baino ez dago; izan ere,<br />
Gizarte Segurantzaren ondorioetarako, aukera ematen du kooperatibako bazkide langileak<br />
araubide orokorrean edo langile autonomoen araubide berezian sar daitezen.<br />
8. atalaren bigarren paragrafoan jaso den edukiari dagokionez, berria da kooperatiben<br />
aurreko legearen aldean, −ez, ordea, erregelamenduaren 3. artikuluaren testuaz denaz<br />
bezainbatean, edukia berdina delako, genero-hizkerak eragindako moldaketa eta Gizarte<br />
Segurantzaren Lege Orokorraren testu bateginari doakion arau-egokitzapena gorabehera−.<br />
Hala, bazkide langileak kasuan kasuko araubide bereziko langileekin parekatzea erabaki<br />
bada, jarduteko modua ezarri da.<br />
9. atalak aurreko Kooperatiben Legearen 99.9 artikuluaren eduki bera dakar.<br />
15.3.1.2 Iruzkin orokorra eta esanahi praktikoa<br />
1. atala aginduzkoa da; izan ere, kooperatiba horietan, bazkide langileak elkartu behar<br />
dira gehienbat, eta horiek lanaldi osoan (adibidez: lansaio osoko sozietate-kontratua) edo<br />
lanaldi partzialean (adibidez: lansaio erdiko sozietate-kontratua) lan egin dezakete jarduera<br />
ekonomikoak edo profesionalak egiten. Horrela, hirugarrenentzako ondasunak ekoitzi<br />
(adibidez: moldeen fabrikazioa) edo zerbitzuak (adibidez: aholkularitza-zerbitzuak) emango<br />
dira.<br />
Kooperatiba-mota horretan, lana da jarduera kooperatibizatua, eta, hain zuzen ere, jarduera<br />
horrek erabakiko du lan-kooperatiba elkartu baten edo beste kooperatiba-mota baten aurrean<br />
gauden. Dena dela, kooperatibako bazkide gehienak bazkide langileak izan behar dira.<br />
Atal horretan, argiro zehaztu da bazkide langileen eta kooperatibaren arteko harremana<br />
sozietate-harremana dela, hau da, ez da lan-harremana, eta horrek berezko autoerregulazioaren<br />
bidea ireki du bazkide langileen eta kooperatibaren arteko lotura garatzeko.<br />
2. atala aginduzkoa da, bertan zehaztu baita zer pertsona kontrata daitekeen bazkide langile<br />
gisa eta zer pertsona ezin den kontratatu.<br />
3. atala aginduzkoa da; izan ere, pertsona batek bazkide langile izateari uzten badio, era<br />
automatikoan eta aldi berean utzi behar dio kooperatiban lan egiteari.<br />
Horixe dugu bazkide langilearen eta kooperatibaren arteko sozietate-harremanaren ondorio<br />
argia.<br />
Azken batean, jasota utzi nahi da, edozein arrazoi dela kausa, borondatezko baja edo<br />
nahitaezko baja hartzen denean, bazkide langile izateari uzteak badakarrela nahitaez eta aldi<br />
berean kooperatiban lan egiteari uztea, eta horrek esan nahi du bazkide langile ohiak ez<br />
duela inolako eskubiderik kooperatiban lan egiten jarraitzeko, bazkide langile izateari utzi<br />
369
KOOPERATIBA MOTAK: LAN ELKARTUKO KOOPERATIBAK<br />
baino lehen, lanean baitzegoen bazkide langile zelako (horixe baita bazkide langile izateak<br />
esleitzen dion jarduera, betiere bazkide-mota horrentzat ezarritako baldintzak betetzen<br />
dituelako onartu bada, eta, hala badagokio, egin zaion probaldia gainditu badu, eta hasierako<br />
nahitaezko ekarpen guztiak harpidetu eta eskatu zaion zenbatekoa ordaindu badu); hala,<br />
pertsona batek bazkide langile izateari uzten dionean, kooperatibako lana egiteari ere utziko<br />
dio, pertsona batek prestazio horri ekin behar baitio bazkide langilearen izaera eskuratzeko<br />
eta, gainera, prestazio horri ekiteko obligazioa hartu duelako bazkide langilearen izaerari<br />
eusten dion artean.<br />
Hala eta guztiz ere, kooperatibak besteren konturako langile gisa kontratatu ahal izango<br />
du bazkide langile izateari utzi dion pertsona bat, baina kasu horretan, kooperatibarekiko<br />
lotura lan-kontratukoa izango litzateke, eta ez sozietate-harremana. Egoera hori ez da ohikoa<br />
izaten kooperatibetan, baina egia da, batzuetan, arrazoi ugari direla medio (pertsonalak,<br />
ekonomikoak, etab.) gerta daitekeela. Kooperatibaren administrazio-organoak edo, hala<br />
badagokio, kooperatiban besteren konturako langileak kontratatzeko eskumena duenak<br />
baloratu beharko ditu arrazoi horiek guztiak eta erabakiak hartu.<br />
4. atala mistoa da, hots, xedapenezko zati bat dauka eta beste bat aginduzkoa. Atal horretan,<br />
lan elkartuko kooperatibaren helburua bazkideei lana ematea dela aitortzen da, enplegua<br />
sortuz, baina, era berean, aukera ematen da, kooperatibak egokitzat jotzen badu (beraz,<br />
kooperatibak iritzira balia dezakeen aukera da: xedapenezko zatia), besteren konturako<br />
langileak kontratatzeko, gainditu ezin diren muga batzuk ezarrita (atalaren aginduzko zatia),<br />
premia objektiboen ziozko kasu jakin batzuetan izan ezik, urtean zehar hiru hilabete baino<br />
gehiagoz (adibidez, kooperatibari eskaera edo kontratu bat esleitzearen ondorioz, bazkideen<br />
kopuruak baino pertsona gehiagok lan egin behar dutenean, urteko lan-ordu guztien ehuneko<br />
hogeita hamar baino gehiago, eta 14 hilabeteko aldian baino denbora luzeagoan). Halakoetan,<br />
eskaera arrazoitua egin behar da, Eusko Jaurlaritzako Lan eta Enplegu Sailaren aldi baterako<br />
baimena lortzeko. Baimen hori hamabost eguneko epean ebatzi behar da, eta, halakorik<br />
ezean, baimena eman dela ulertuko da.<br />
Azken batean, legegileak besteren konturako kontrataziorako muga orokor bat ezarri die<br />
lan elkartuko kooperatibei: kooperatibako bazkide langileek urtean egindako ordu guztien<br />
ehuneko hogeita hamar; Muga horretan, bazkide langile mugagabeen orduak eta iraupen<br />
mugatuko bazkideenak zenbatu behar dira. Adibidez, kooperatibak 25 bazkide langile<br />
mugagabe eta iraupen mugatuko 5 pertsona baditu (horietako bik urte osoko iraupena dute,<br />
bazkide langile mugagabeen lanaldi bera, eta beste hirurek 6 hilabeteko iraupena dute,<br />
seihilekoan 930 orduko arduraldia beteta), horietako bakoitzaren urteko orduak zenbatu<br />
beharko dira (adibidez, 1.726 ordu x 27 (25 langile mugagabe eta iraupen mugatuko 2<br />
langileei dagozkien orduak) = 46.690 ordu + 2.790 ordu (iraupen mugatuko hiru langileek<br />
ematen dituztenak, seihilekoan, 930 ordu) = 49.392 ordu, eta kopuru horren gainean,<br />
gehienez ere % 30eko muga ezarrita dago, 14.818 ordukoa, hau da, ordu-kopuru hori da<br />
besteren konturako langileek ekitaldi ekonomikoan zehar eman ditzaketen orduena.<br />
Arestian esan bezala, orduen muga orokor hori aldi baterako gainditu ahal izango<br />
litzateke, betiere premia objektiboko kasuak tarteko badaude. Premia objektibo hori eskaera<br />
370
KOOPERATIBA MOTAK: LAN ELKARTUKO KOOPERATIBAK<br />
arrazoituan egiaztatu beharko da, eta Eusko Jaurlaritzako Lan eta Enplegu sailari baimena<br />
eskatuko baitzaio, lehen azaldu den bezala.<br />
Eta, azkenik, zortzi bazkide langile baino gutxiago dituzten kooperatiben kasuan, besteren<br />
konturako lan-kontratua duten bi langileren mugari eutsi zaio, edozein modalitatetan, betiere<br />
kooperatiba horiei lehenago lotutako salbuespenak aplikatzeari kalterik egin gabe.<br />
5. atalaren lehenengo paragrafoa mistoa da; izan ere, alde batetik (atalaren xedapenezko<br />
zatia) kooperatibari aukera ematen dio soldatapeko pertsonak, mugagabeak edo iraupen<br />
jakinekoak izan, bazkide izateko prozedura estatutuetan arautzeko. Eta, bestetik (aginduzko<br />
zatia), artikulu honetan soldatapeko langileen kontratazioari dagokionez ezarritako mugak<br />
gainditu baditu kooperatibak, lan-kontratu mugagabea duen edozein langile, gutxienez<br />
urtebeteko antzinatasuna duena, bazkide langile mugagabe gisa sartzeko eskatzen badu,<br />
hamabi hilabeteko epean, antzinatasun-urtea amaitu eta hurrengo hamabi hilabeteetan,<br />
bazkide langile gisa onartu beharko da, probaldirik gabe, eta ezarritako gainerako baldintzak<br />
betetzen baditu. Adibidez, demagun 2016an kontratatutako langilea, 2019ko uztailean<br />
mugagabea, eta 2020ko urrian (2020ko uztailetik urtebeteko antzinatasuna du), kooperatiban<br />
bazkide langile gisa sartzeko eskatu du. Kooperatibak, soldatapekoen lanaren muga gainditzen<br />
badu, bazkide langile gisa kontratatu beharko du, eta hala egiten ez badu, besteren konturako<br />
langileak demanda jarri ahalko dio kooperatibari lan-arloko jurisdikzioaren aurrean (EKLren<br />
107.2.e) EEL).<br />
Kooperatibak soldatapekoen lanaren muga gainditzen ez badu, besteren konturako<br />
langileak egindako eskaera atzera bota edo onartu ahal izango du, baina eskaerari ezezkoa<br />
ematea erabakiz gero, komeni da egiaztatzea kooperatibak ez duela kontratazio-muga<br />
gaindituta eskaeraren datan eta ezespenaren datan.<br />
Aintzat hartu behar dugu besteren konturako langileen eskubidea desagertzen dela hamabi<br />
hilabete igaro ondoren, langile mugagabe gisa urtebeteko antzinatasuna izan zuenetik<br />
zenbatzen hasita. Nolanahi ere, hamabi hilabete horiek igarotakoan, interesdunak bazkide<br />
langile mugagabe gisa sartzea eska dezake, nahiz eta, kasu horretan, kooperatibak onartzeko<br />
inolako betebeharrik ez duen.<br />
Eta bigarren paragrafoak eduki mistoa dakar, aginduzkoa eta xedapenezkoa kooperatibarentzat.<br />
Idatz-zati horrek arautzen duenez (aginduzko edukia), besteren konturako langileek<br />
kooperatibaren emaitzetan parte hartzeko eskubidea dute: 1.- Bazkide langile izateko<br />
aukerarik ez duten soldatapekoek (adibidez, obra edo zerbitzu bakoitzeko aldi batera<br />
kontratatutako edo zereginen pilaketaz kontratatutako soldatapeko langileak, bitarteko<br />
lanetan kontrataturikoak….) eta 2.- Bazkide izateko aukera baliatu ezin duten soldatapekoek<br />
(kasurako, urtebeteko gutxieneko antzinatasunik ez dutelako, aukera baliatu ezin duten<br />
soldatapeko langileek).<br />
Horrenbestez, ez dute emaitzetan parte hartzeko eskubiderik izango hamabi hilabeteko<br />
epea igarotzen utzi duten besteren konturako langileek, urtebeteko antzinatasuna duten<br />
unetik zenbatzen hasita, ezta kooperatibak bazkide langile mugagabe gisa sartzea eskaini<br />
dien eta eskaintza horri uko egin dioten pertsonek ere.<br />
371
KOOPERATIBA MOTAK: LAN ELKARTUKO KOOPERATIBAK<br />
Emaitzetan izandako partaidetzaren zenbatekoari dagokionez, kooperatibak aukera dauka<br />
(atal honen xedapenezko edukia) estatutuetan egoki iritzitako proportzioan finkatzeko,<br />
baina, gutxienez (atalaren aginduzko edukia), kategoria profesional bereko edo baliokideko<br />
bazkide langile batek jasoko lukeen itzulketaren ehuneko hogeita bostekoa izan beharko du.<br />
Adibidez, kooperatiba bateko tornulariaren lanpostua esleituta duen bazkide langile batek<br />
8.000 euro jaso ditu itzulkin gisa, eta emaitzetan parte hartzeko eskubidea duen soldatapeko<br />
langile batek kooperatibaren estatutuen arabera dagokion zenbatekoa jaso beharko du,<br />
eskuarki, ehuneko hogeita bostekoa (EKLn ezarritako gutxienekoa); beraz, adibide honetan,<br />
2.000 euro jasoko lituzke, eta zenbateko horrek soldata-izaera du, lan honetan dagoeneko<br />
iruzkindu den EKLren 70.5 artikuluak adierazi bezala.<br />
Hala berean, langileak jardun dueneko lanaren emaitza zein izan den jakiteko ekitaldia<br />
itxi arte itxaron beharrean, kooperatibak emaitzen zatia esleitu ahal izango dio langileari,<br />
aurreko ekitaldiko emaitzetan oinarriturik. Aukera hori baliagarria da bi aldeentzat; izan ere,<br />
besteren konturako langileak lehenago kobratuko du, eta kooperatibak kitapena eta Gizarte<br />
Segurantzarekikoak izapidetuko ditu (langileen izen-zerrenda eta kotizazioen likidazioordainagiria,<br />
lehen TC1 eta TC2 deiturikoak) lan-harremana amaitzean.<br />
EKLk zehaztu du kooperatibaren emaitzetan parte-hartzeak ordeztu egingo duela<br />
aplikatzekoa den lan-araudian ezarritako antzeko osagarria, hala badagokio; esate baterako,<br />
soldatapeko langileei aplikatzekoa den hitzarmen kolektiboan aurreikusitako irabazien<br />
hirugarren ordainsaria, osagarri hori baino txikiagoa bada izan ezik; kasu horretan, osagarria<br />
aplikatuko da.<br />
6. atala aginduzkoa da, eta atal horretako edukiak esan nahi du kooperatibek beren bazkide<br />
langileen eskura jarri behar dituztela lan-aurrerakinak, gutxienez hilean behin, eta horien<br />
urteko zenbatekoa ezin izango dela inoiz izan 2020an lanaldi osoko urteko 13.300 euroko<br />
LGS baino txikiagoa.<br />
Horrek esan nahi du kooperatiba batek, adibidez, 4 hilabetez, 900 euro ordain ditzakeela,<br />
hau da, hilean 950 euro baino gutxiagoko hileko lan-aurrerakinak, eta beste hilabete<br />
batzuetan zenbateko handiagoetan, adibidez, 1.400 eurokoak; horrela, ekitaldiaren amaieran,<br />
gutxienez, zenbateko osoa 13.300 eurokoa edo handik gorakoa izango da (adibide honetan,<br />
esaterako, zenbateko hori gaindituko litzateke, 13.800 euro guztira).<br />
Nolanahi ere, urteko zenbaketa orokorrean aurreikusitako lan-aurrerakina oso txikia da<br />
lanaldi osoan aritzen den bazkide langile mugagabe batentzat.<br />
7. paragrafoan, edukia aginduzkoa da, bi paragrafoetan. Lehenengoan, lan-arriskuen<br />
prebentzioari buruzko arau orokorrak ezartzen dira, bai kooperatiben lantokietan bai langile<br />
bazkideei dagokienez, eta, jakina, EKLk aipatzen ez baditu ere, besteren konturako langileei<br />
aplikatuko zaizkie. Beraz, lan elkartuko kooperatibek nahitaez bete beharreko araudiak<br />
bidaltzen ari gara (atal honetan mota horretako kooperatibak baino ezin ditugu aipatu).<br />
Bigarren paragrafoa ere aginduzkoa da, eta hemezortzi urtetik beherako bazkide langileei<br />
buruzkoa da. Langile horiei lan-legeriak jasotzen dituen mugak aplikatuko zaizkie gaueko<br />
lanei dagokienez (ez dute lanik egin behar hogeita bi: 00etatik sei: 00etara bitartean),<br />
osasungaitzak, nekagarriak, kaltegarriak edo arriskutsuak badira. Araudi horren zerrenda<br />
15.3.1.3 azpipuntuan egingo dugu, 7. atalari heltzen zaionean.<br />
372
KOOPERATIBA MOTAK: LAN ELKARTUKO KOOPERATIBAK<br />
7. ataleko edukia aginduzkoa da, bi paragrafoetan. Lehenengoan, lan-arriskuen<br />
prebentzioari buruzko arau orokorrak ezarri dira, bai kooperatiben lantokietan bai langile<br />
bazkideei dagokienez, eta, jakina denez, EKLk aipatzen ez baditu ere, besteren konturako<br />
langileei aplikatuko zaizkie. Beraz, lan elkartuko kooperatibek nahitaez bete beharreko<br />
araudietarako igorpena egiten ari gara (atal honetan, mota horretako kooperatibak baino ezin<br />
ditugu aipatu).<br />
Bigarren paragrafoa ere aginduzkoa da, eta hemezortzi urtetik beherako bazkide langileei<br />
buruzkoa da. Langile horiei lan-legeriak jasotzen dituen mugak aplikatuko zaizkie gaueko<br />
lanei (hau da, ez dute lanik egin behar gaueko hamarretatik goizaldeko seiak bitartean),<br />
osasungaitzei, nekagarriei, kaltegarriei edo arriskutsuei dagokienez. Araudi horren zerrenda<br />
15.3.1.3 azpiatalean egingo dugu, 7. atalari heltzen zaionean<br />
8. atalaren lehenengo idatz-zatia aginduzkoa da, eta, horregatik, kooperatibak honako<br />
modalitate hauen artean aukeratu behar du bazkide langileentzat sozietate-estatutuetan:<br />
besteren konturako langileekin parekatutako langile gisa (araubide orokorrari edo Gizarte<br />
Segurantzaren araubide bereziren bati atxikita, dagokion jardueraren arabera), edo norbere<br />
konturako langile gisa, dagokion araubide berezian. Aukera hori sozietate-estatutuak<br />
aldatzeko izapidea erabiliz bakarrik alda daiteke, eta soilik aldatu nahi den Gizarte<br />
Segurantzaren araubideari atxikitzeko egin den aukeratik, gutxienez, bost urte igaro ondoren.<br />
Bigarren idatz-zatiak izaera mistoa du; izan ere, arautu denez gero, kooperatibak bere<br />
bazkide langileak dagokion araubide bereziko langile edo norbere konturako langileekin<br />
parekatzea erabaki badu, estatutuetan ezarri ahalko du (aukerakoa da) kooperatiban<br />
jardunean dauden bitartean (hau da, bazkide langile izaten jarraitzen duten bitartean) bazkide<br />
langileen kuotak eta betebeharrak ordaintzeko betebeharra kooperatibak bere gain hartuko<br />
duela (aginduzkoa den arren), dagokion Gizarte Segurantzaren araubide berezia aplikatzeari<br />
kalterik egin gabe. Kooperatibak kontzeptu horien kariaz ordaindutako zenbatekoak ez<br />
dira bazkide langileen lan-aurrerakinaren zati izango, eta kooperatibaren soberakin garbia<br />
zehazteko sail edo partida kengarritzat hartuko dira; azken batean, kooperatibaren gastu gisa<br />
zenbatuko dira.<br />
9. atalaren lehen idatz-zatia aginduzkoa da. Bertan aletu dira kooperatibak zerbitzukontrata<br />
edo administrazio-emakida batean, jarduera uzten ditueneko kasuak, bere nahiarekin<br />
zerikusirik ez duten arrazoiengatik, eta kooperatibaren ordez beste enpresa lanean hasten<br />
denean. Inguruabar horretan, kooperatibako bazkide langileei eta besteren konturako langileei<br />
eskubide berberak aitortzen zaizkie subrogazioa egonez gero, eta subrogazioa estatuaren<br />
eskumen esklusiboa denez, estatu-mailako Kooperatiben Legearen 86.2 artikuluari lotzen<br />
gatzaizkio, hartara, subrogazioetan, kooperatibako langileek besteren konturako langileek<br />
duten tratu berbera izan dezaten. Azken batean, bazkide langileen sozietate-kontratuak<br />
besteren konturako lan-kontratu bihurtuko dira, eta kooperatiban besteren konturako langile<br />
gisa lan egin izan balute legozkiekeen eskubide eta betebehar berberak aitortuko zaizkie.<br />
9. ataleko bigarren idatz-zatiak aginduzko izaera du kooperatibarentzat, eta, 5 urteko epean,<br />
zerbitzu-kontrata batean edo administrazio-emakida batean beste enpresa batek kooperatiba<br />
ordeztu zuen unetik zenbatzen hasita, kooperatiban berriz sartzeko lehentasunezko<br />
eskubideari eustera behartzen du kooperatiba ordeztu zuen enpresak subrogatu zituen<br />
373
KOOPERATIBA MOTAK: LAN ELKARTUKO KOOPERATIBAK<br />
pertsonak, kooperatiban lehendik zuten lanaren antzeko zereginak dituzten lanpostu berriak<br />
sortzen direnean. Kooperatiban lehentasunez laneratzeko eskubideari lotutako epe hori<br />
igarotakoan, eskubidea galdu egingo da, baina horrek ez du esan nahi estatutuen bidez luza<br />
ezin daitekeenik, edo bazkide ohiek kooperatiban laneratzeari uko egin ezin diezaioketenik,<br />
baldin eta kooperatibak berriro lanean hasteko eskaintzen badie, kooperatiban izandako<br />
lanen antzeko zereginak dituzten lanpostu berriak edo antzeko jarduerak sortu direlako.<br />
Subrogazioaren erregulazio espezifikoari kalterik egin gabe, egokiena da kooperatibak<br />
egoera hori arautzea, EKLk ematen dion autoerregulazioa erabiliz.<br />
15.3.1.3 Beste arau aplikagarri batzuk<br />
1. idatz-zatiari dagokionez, estatuko legeriaren artikulu baliokidea 80.1 artikulua da;<br />
hala eta guztiz ere, artikulu hori ez dugu ezertarako baliatu behar. Izan ere, gure arauketa<br />
artikulu horren edukia baino osatuagoa da, nahiz eta estatukoaren testuan honako hau jaso<br />
zen: “Bazkide langileen eta kooperatibaren arteko lotura sozietate-harremana da”. Azken<br />
batean, estatuko araudiak, kasu honetan, ezin da izan indarrean dagoen EKLren arau osagarria<br />
(EKren 149.3 artikulua).<br />
2. idatz-zatiari gagozkiola, estatuko kooperatiba-araudiaren artikulu baliokidea 80.2<br />
artikulua da eta horren edukia gure 2. paragrafoaren testuaren berdina; beraz, ezin da izan<br />
indarrean dagoen EKLren arau osagarria (EKren 149.3 artikulua).<br />
Hala ere, lana kontratatzeko gaitasuna legez nork duen jakiteko, lehenik eta behin,<br />
LELTBra jo behar dugu, hain zuzen ere, 7. artikulura:<br />
“7. artikulua. Kontratuak egiteko gaitasuna.<br />
Pertsona hauek egin ditzakete beren lan-zerbitzuak betetzeko kontratuak:<br />
a) Kode Zibilean xedatutakoaren arabera, jarduteko gaitasun osoa daukatenek.<br />
b) Hemezortzi urte baino gutxiago, eta hamasei baino gehiago edukita, independente<br />
bizi direnek, baldin eta gurasoen edo tutoreen onespenez, edo bere kargura dauzkan<br />
pertsonaren edo erakundearen baimenez aurkitzen badira egoera horretan.<br />
Baldin eta gaitasun mugatua daukan pertsonaren baten legezko ordezkariak,<br />
berariaz edo isilbidez, lanen bat egiteko baimena ematen badio hari, kontratutik<br />
sortutako eskubideak gauzatzeko eta betebeharrak betetzeko baimena ere ematen<br />
dio, baita kontratua eteteko ere.<br />
c) Atzerritarrek ere egin ditzakete kontratuak, gai horren inguruko berariazko legeetan<br />
xedatutakoarekin bat etorriz.<br />
Merkataritza Kodeak (315. eta 322. artikuluak), bestalde, zehaztu du adin nagusiko<br />
pertsonek, hau da, hemezortzi urtetik gorakoek, jarduteko gaitasuna dutela.<br />
Adingabeei dagokienez, EKLk kontuan hartu beharreko zenbait murrizketa jaso ditu,<br />
hala nola EKLren 44.1 eta 53.3 artikuluetan xedatutakoak, emantzipatu gabeko adingabeak<br />
administratzaile edo zaintza-batzordeko kide izatea eragozten dutenak, baina emantzipatutako<br />
adingabeak izan daitezke; edo 103. artikuluaren 7. atalean xedatutakoak. Azkenaren arabera,<br />
18 urtetik beherako bazkide langileek eta 18 urtetik beherako besteren konturako langileek<br />
374
KOOPERATIBA MOTAK: LAN ELKARTUKO KOOPERATIBAK<br />
lan-legerian ezarritako muga berberak izango dituzte gaueko lan edo lan osasungaitz,<br />
nekagarri, kaltegarri edo arriskutsuei dagokienez.<br />
Eta atzerritarren kontratazioari buruzko legeriari dagokionez, honako hau nabarmendu<br />
nahi dugu: alde batetik, Kode Zibilaren 27. artikuluak espainiar nazionalitatekoei aitortzen<br />
zaien gaitasun orokor berdina aitortzen die, baina gai horren inguruan lege berezietan eta<br />
nazioarteko tratatuetan zehaztutakoak ez ditu aipatu; bestalde, kontuan izan behar dugu<br />
urtarrilaren 11ko 4/2000 Lege Organikoa, a; bai eta atzerritarrek Espainian dituzten eskubide<br />
eta askatasunei eta haien gizarteratzeari buruzko apirilaren 20ko 557/2011 Errege Dekretua<br />
ere, 4/2000 Lege Organikoaren Erregelamendua onartzen duena, 2/2009 Lege Organikoak<br />
aldatu ondotik. Eta, azkenik, otsailaren 16ko 240/2007 Errege Dekretua, Europar Batasuneko<br />
estatu kideetako eta Europako Esparru Ekonomikoari buruzko Akordioan parte hartzen duten<br />
beste estatu batzuetako herritarrak Espainian sartu, aske ibili eta bizitzeari buruzkoa.<br />
3. idatz-zatiari dagokionez, estatuko legeriaren artikulu baliokidea 80.3 artikulua da. Hala<br />
eta guztiz ere, artikulu hori ez dugu ezertarako baliatu behar, gure erregulazioa berdina<br />
baita, eta, beraz, estatuko araudia, kasu honetan, ezin da izan indarrean dagoen EKLren arau<br />
osagarria (EKren 149.3 artikulua).<br />
4. idatz-zatiari gagozkiola, estatuko legeriaren artikulu baliokidea 80.3 artikulua da eta<br />
urteko orduen muga orokorra jaso du besteren konturako langileei dagokienez, baina muga<br />
horren salbuespenak handiagoak dira gure araudian, eta, beraz, ezin da izan indarrean dagoen<br />
EKLren arau osagarria (EKren 149.3 artikulua).<br />
Nolanahi ere, lan-kontratuen xede izan daitezkeen orduen zenbaketa lanaldi bihurtu ahal<br />
izateko, Langileen Estatutuaren Legearen Testu Bateginera jo behar dugu, zehazki 34.1<br />
artikulura. Artikulu horretan, ondokoak zehaztu dira: “1. Lanaldiak hitzarmen kolektiboetan<br />
edo lan-kontratuetan itundutakoa iraungo du.<br />
Lanaldi normalaren gehieneko iraupena, astean, berrogei ordukoa izango da, benetan<br />
lanean egindakoetan, urteko batez bestekoa hartuta”.<br />
Xedapen hori oinarri hartuta, besteren konturako langileen kontratuan eta bazkide langileen<br />
lan-kontratuan berdin finka dezakegu lanaldia, betiere hori bat badator ondorio horretarako<br />
araututako xedapenekin, lanaldiari dagokionez, aplikatzekoa den hitzarmen kolektiboan eta,<br />
betiere, Langileen Estatutuaren Legearen Testu Bateginaren 34.1 artikuluak jasotako lan<br />
eraginkorraren asteko batez bestekoa errespetatuta.<br />
Besteren konturako langileen subrogazioaren kasuan, aurrekoaz gain, kontuan hartu<br />
beharko dugu enpresaren ondorengotza arautzen duen LELTBren 44. artikulua. Artikuluak,<br />
besteak beste, hauxe dio: “Enpresa baten, lantoki baten edo produkzio-unitate autonomo<br />
baten titulartasuna aldatuta ere, horrek, besterik gabe, ez du ekarriko bertako langileekiko<br />
lan-harremana azkentzea; izan ere, enpresaburu berriak aurrekoak lan-arloa eta Gizarte<br />
Segurantza dela-eta zituen eskubide eta betebeharrak subrogatuko ditu, horien artean direla<br />
pentsioen inguruko betebeharrak, beti ere gai horren inguruko araudi berezian esaten dena<br />
kontuan izanda. Orokorrean, lagatzaileak babes sozial osagarriaren arloan bereganatutako<br />
betebehar guztiak subrogatuko ditu enpresaburu berriak”.<br />
375
KOOPERATIBA MOTAK: LAN ELKARTUKO KOOPERATIBAK<br />
Praktikaldiko eta prestakuntzako kontratuei dagokienez, Langileen Estatutuaren Legearen<br />
Testu Bateginaren 11. Artikulua aintzat hartu behar dugu, bertan definitu baitira bi kontratuak<br />
eta aipatutako kontratu-modalitate bakoitzean bete beharreko arauak.<br />
Aldi baterako laneko enpresak arautzen dituen ekainaren 1eko 14/1994 Legearen hirugarren<br />
xedapen gehigarriak aukera ematen die lan elkartuko kooperatibei enpresa erabiltzaileen esku<br />
jarri behar dituzten langile guztiak kontratatzeko. Azken batean, lege horrek salbuespen bera<br />
ematen die aldi baterako laneko enpresa gisa jarduten duten kooperatibei (EKLren 103.4.e)<br />
artikulua).<br />
Eta, gutxienez, ehuneko hogeita hamahiruko desgaitasun fisiko, psikiko eta/edo sentsorial<br />
aitortua duten pertsonak kontratatzeari dagokionez, honako hauek hartu behar ditugu kontuan:<br />
azaroaren 29ko 1/2013 Legegintzako Errege Dekretua, desgaitasuna duten pertsonen<br />
eskubideei eta haien gizarteratzeari buruzko lege orokorraren testu bategina onartzen<br />
duena, eta 44/2007 Legea, abenduaren 13koa, laneratze-enpresen araubidea arautzekoa, eta<br />
bereziki, lege horren bigarren xedapen gehigarria, laneratze-prozesuan dauden langileen<br />
zenbaketari buruzkoa; izan ere, enplegua sustatzeko aldi baterako kontratua duten langileak<br />
ez dira zenbatuko bazkide ez diren langileek lan elkartuko kooperatibetan parte hartzeko<br />
baimendutako gehieneko ehunekoa ezartzearen ondorioetarako.<br />
40/2015 Legea, urriaren 1ekoa, Sektore Publikoaren Araubide Juridikoarena, besteren<br />
konturako langileen bidez egindako lanei buruzkoa, kooperatibak administrazioarekin edo<br />
administrazioen gehiengo partaidetza duten enpresa, partzuergo, fundazio eta gainerako<br />
erakundeekin egindako kontratuen arabera.<br />
5. ataleko lehen paragrafoan, estatuko legeriaren artikulu baliokidea 80.8 artikulua da.<br />
Hala eta guztiz ere, artikulu hori ez dugu ezertarako baliatu behar, gure erregulazioa berdina<br />
baita, eta, beraz, estatuko araudia, kasu honetan, ezin da izan indarrean dagoen EKLren arau<br />
osagarria (EKren 149.3 artikulua).<br />
Atal horretako bigarren paragrafoari dagokionez, estatuko legean ez dago artikulu<br />
baliokiderik.<br />
6. atalean, ez dugu estatuko kooperatiben legediaren artikulu baliokiderik, eta, beraz, kasu<br />
honetan ere ezin da izan indarrean dagoen EKLren arau osagarria EKren 149.3 artikulua).<br />
Hala ere, kontuan hartu behar dugu lanbide arteko gutxieneko soldata (LGS) ezartzen duen<br />
araudia, 2020ko ekitaldian honako hau izan zelarik: 231/2020 Errege Dekretua, otsailaren<br />
4koa, 2020rako lanbide arteko gutxieneko soldata finkatzen duena, hau da, 31,66 euro<br />
eguneko edo 950 euro hileko, soldata egunka edo hilabeteka finkatuta dagoen kontuan hartuta.<br />
Atal honetan ezarritakoaren arabera, horixe da lanaldi osoko bazkide langile mugagabe batek<br />
jaso dezakeen gutxieneko zenbatekoa. 2020an, LGSren urteko zenbatekoa 13.300 eurokoa<br />
izan zen.<br />
7. paragrafoan, estatuko legeriaren artikulu baliokidea 80. artikulua da, eta horren 5. eta 6.<br />
atalak. Hala eta guztiz ere, artikulu hori ez dugu ezertarako baliatu behar, gure erregulazioa,<br />
funtsean, berdina baita, eta, beraz, estatuko araudia, kasu honetan, ezin da izan indarrean<br />
dagoen EKLren arau osagarria (EKren 149.3 artikulua).<br />
Hala ere, honako arau hauek hartu behar ditugu kontuan atal honetan: 31/1995 Legea,<br />
376
KOOPERATIBA MOTAK: LAN ELKARTUKO KOOPERATIBAK<br />
azaroaren 8koa, laneko arriskuen prebentzioari buruzkoa; 1957ko uztailaren 26ko Dekretua,<br />
arriskutsuak edo osasungaitzak izateagatik emakumeei eta adingabeei debekatutako industria<br />
eta lanei buruzkoa; Kontseiluaren 94/33/EE Zuzentaraua, 1994ko ekainaren 22koa, gazteak<br />
lanean babesteari buruzkoa; eta Langileen Estatutuaren Legearen Testu Bateginaren 6.2<br />
artikulua, eta uztailaren 21eko 23/2015 Legea, Lan eta Gizarte Segurantzaren ikuskatzailetzasistema<br />
antolatzen duena, bereziki 12.1.f) eta 19.1.f) artikuluak.<br />
8. paragrafoari dagokionez, ez dugu estatuko kooperatiben legediaren artikulu baliokiderik.<br />
Hala ere, estatuko legeria hau kontuan izan behar dugu, bere eskumen esklusiboko gaia<br />
delako: 8/2015 Legegintzako Errege Dekretua, urriaren 30ekoa, Gizarte Segurantzaren Lege<br />
Orokorraren testu bategina onartzen duena.<br />
9. atalari gagozkiola, estatuko legeriaren artikulu baliokidea 86.2 artikulua da. Horretarako<br />
igorpena egin du, hain zuzen ere, EKLk, estatuak arlo horretan duen eskumen esklusiboa<br />
kontuan hartuta. Baina, horrez gain, aintzat izan behar dugu LELTBren 44. artikuluan eta<br />
Sektore Publikoko Kontratuen azaroaren 8ko 9/2017 Legearen 130. eta 308.2 artikuluetan<br />
xedatutakoa. Lege horren bidez, Europako Parlamentuaren eta Kontseiluaren 2014ko<br />
otsailaren 26ko 2014/23/EB eta 2014/24/EB Zuzentarauen transposizioa egin da Espainiako<br />
ordenamendu juridikora.<br />
15.3.2. Probaldia<br />
104. artikulua.– Probaldia.<br />
1.– Estatutuek probaldia ezar dezakete langile bat bazkide gisa hartzeko baldintzatzat.<br />
Probaldia ez da sei hilabete baino gehiago luzatuko. Nolanahi ere, probaldia<br />
hamazortzi hilabetera arte luza daiteke administratzaileek –edo batzar orokorrak,<br />
hala ezartzen bada espresuki estatutuetan– finkatutako lanpostuak, lanbideeskakizun<br />
bereziak dituztenak, betetzeko. Lanpostu horiek ezin izango dira izan<br />
kooperatibako lanpostu guztien ehuneko hogei baino gehiago.<br />
2.– Probaldian, bazkide langilegaiek bazkideek dituzten eskubide eta betebehar berak<br />
izango dituzte, berezitasun hauekin:<br />
a) Nork bere kabuz ebatzi ahal izango du lan-harremana eten ala ez. Kooperatibako<br />
administratzaileek ere ahalmen bera izango dute.<br />
b) Ezin izango dira hautagai izan sozietatearen organoetako karguak betetzeko.<br />
c) Ez dute ez betebeharrik ez ahalmenik izango sozietatearen kapitalari ekarpenik<br />
egiteko, ezta sarrera-kuota ordaintzeko ere.<br />
d) Ez diete eragingo probaldian zehar kooperatibak izan ditzakeen galerek, eta ez<br />
dute eskubiderik izango kooperatiba-itzulkinak jasotzeko, nahiz eta eskubidea<br />
duten irabazien portzentaje bat kobratzeko, soldatapekoei onartzen zaienaren<br />
adinakoa izango dena.<br />
3.– Ez da probaldirik ezarriko baldin eta langileak probaldia egin eta gainditua badu<br />
baina ez bada bazkide bezala sartu harremana ebatzi zenetik<br />
377
KOOPERATIBA MOTAK: LAN ELKARTUKO KOOPERATIBAK<br />
15.3.2.1. Berrikuntza nagusiak aurreko araudiaren aldean<br />
Ez dakar inolako berritasunik lehen bi atalei dagokienez, baina 3. atalak berritasun bat<br />
dakar; izan ere, langile bati ezin izango zaio probaldirik egin, baldin eta aurretik egoera<br />
horretan egon bada eta gainditu egin badu, bazkide gisa sartu gabe, kooperatibarekin lotzen<br />
zuen harremana eten zenetik.<br />
15.3.2.2. Iruzkin orokorra eta esanahi praktikoa<br />
1. atalak xedapenezko izaera dauka kooperatibentzat; izan ere, aukera ematen du sozietateestatutuetan<br />
pertsona bat bazkide langile gisa onartu ahal izateko baldintza gisa finka dadin,<br />
betiere sei hilabetetik gorakoa ez den probaldia behin betiko gainditzen badu, baldintza<br />
profesional bereziak eskatzen dituzten lanpostuetan (adibidez, arduradun bat, finantzazuzendari<br />
bat, arloko arduradun bat, etab.) izan ezik. Kasu horretan, epea hemezortzi<br />
hilabetekoa izango da, baina kooperatibak ezin izango du egoera horretan egoera horretan<br />
eduki, hau da hemezortzi hilabete arteko probaldi horiekin, kooperatibaren lanpostu guztien<br />
ehuneko hogei baino gehiago, hau da, bazkide langileena zein besteren konturako langileena.<br />
Kooperatibetan, pertsonaren lanbide-ezaupideak egiaztatzeko (modu objektiboan edo ez<br />
hain objektiboan egiaztatu daitezkeenak) eta kooperatibaren enpresa-kulturara egokitzeko<br />
(balorazio subjektiboagoa da) bitarteko gisa ulertu behar da probaldia. Biak dira garrantzitsuak,<br />
eta behar bezala gainditu behar dira, pertsona bat bazkide langile gisa onar dadin, edo hobeto<br />
esanda, probaldian dagoen bazkide langileak gainditu dezan. Une horretan, eskubide osoko<br />
bazkide langilearen izaera juridikoa hartuko du, mugagabea edo iraupen jakinekoa (ez da oso<br />
ohikoa, baina teorian egin daiteke).<br />
2. atala aginduzkoa da kooperatibentzat, eta esan nahi du probaldian dauden bazkideek<br />
kontuan hartu beharreko berezitasun batzuk dituztela:<br />
a) Probaldian dagoen bazkide langileak eta kooperatibak beren kabuz azken dezakete<br />
sozietate-kontratua, aurreabisurik eta kalte-ordainik gabe.<br />
b) Probaldian dauden bazkide langileak edo lan-bazkideak ezin dira aukeratu<br />
kooperatibaren sozietate-karguak betetzeko (hau da, administrazio-organoan −<br />
bazkide ez den pertsona gisa hautatua izan ezean, ikus EKLren 43.2 artikulua−,<br />
errekurtso-batzordean, zaintza-batzordean, sozietate-kontseiluan, edo kooperatiba<br />
sor dezakeen beste ezein sozietate-organotan). Arrazoia praktikoa da, gerta baitaiteke<br />
pertsona horrek probaldia ez gainditzea, bere borondatez edo administrazioorganoaren<br />
erabakiz.<br />
c) Kooperatibak galerak baditu, ezin izango zaizkie probaldian dauden bazkideei egotzi<br />
(doktrinak bazkide langileen izangai ere izendatzen ditu), baina ez dute itzulkinik<br />
jasotzeko eskubiderik izango, eta soberakin garbietan parte hartzeko eskubidea<br />
izango dute, besteren konturako langileek bezala, hau da, estatutuetan finkatutako<br />
proportzioan, eta inoiz ez besteren konturako langile baten antzeko kategoria daukan<br />
bazkide bati esleitutako ehuneko hogeita bost baino gutxiagoko kopuruan. Hala<br />
ere, sozietate-estatutuen bidez edo batzar orokorraren erabakiaren bidez, langileek<br />
besteren kontura jasotzen dutena baino zenbateko handiagoa ezarri ahal izango<br />
378
KOOPERATIBA MOTAK: LAN ELKARTUKO KOOPERATIBAK<br />
litzateke, edo, are gehiago, bazkide langile mugagabeek edo iraupen jakinekoek<br />
jasotzen duten zenbateko berdina esleitu ahal izango litzaioke.<br />
15.3.2.3. Beste arau aplikagarri batzuk<br />
Estatuko kooperatiba-araudiaren artikulu baliokidea 81. artikulua da. Estatukoaren edukia<br />
eta gurea desberdinak dira eta, hortaz, indarrean dagoen EKLren arau osagarria izan liteke<br />
(EKren 149.3 artikulua), batez ere, Estatuko arauak hauxe agintzen duenean: “batzar<br />
orokorrean bozkatzeko eskubidea dute gai guztietan, gai pertsonaletan eta zuzenekoetan izan<br />
ezik”, baina gure arauak gauza bera aitortu du artikuluen edukian, ez 104. artikuluan bertan.<br />
Azken batean, estatuko legeriak boto-eskubidea eratxiki die eta EKLk boto-eskubidea<br />
aitortu die bazkideei (ikus EKLren 37.1 artikulua), baina batzuetan ez dakigu, ez baita<br />
bereizten, ez antzematen, probaldian dauden bazkide langileek “gainerako bazkideek dituzten<br />
eskubide eta betebehar berberak izango dituztela” (ikus 104.2 artikulua) eta, hain zuzen ere,<br />
horrexegatik dute sozietate-harremana kooperatibarekin probaldian, eta horregatik ematen<br />
zaie alta Gizarte Segurantzaren araubidean, kooperatibak bazkide langileentzat aukeratzen<br />
baitu (adibidez, langile autonomoen araubide berezian), hori ezingo bailitzateke egin<br />
harremana lanekoa balitz; izan ere, kasu horretan, alta eman beharko litzaioke langileari<br />
Gizarte Segurantzaren araubide orokorrean, 104.2 artikuluak araututako berezitasunak<br />
aintzat hartuta, eta, probaldian bada ere, bazkideak direnez, botoa emateko eskubidea dute.<br />
15.3.3. Lan-araubidea<br />
105. artikulua.– Lan-araubidea.<br />
1.– Estatutuek edo barne-araubideko erregelamenduak ezarriko dute zein den bazkide<br />
langileen lan-araubideko oinarrizko esparrua; estatuturik edo erregelamendurik ez<br />
badago, batzar orokorrak ezarriko du oinarrizko esparru hori.<br />
2.– Araubide horretan erregulatu daitezke lanaren antolaketa, lanaldiak, asteko<br />
atsedenaldia, jaiegunak, oporrak, baimenak, lanpostuen sailkapena, mugigarritasun<br />
funtzionala eta geografikoa, eszedentziak, lan-harreman kooperatiboa eten edo<br />
azkentzeko arrazoiak eta, oro har, bazkide langileak egiten duen lanarekin zerikusia<br />
duten eskubide nahiz betebeharrei buruzko gaiak.<br />
3.– Edonola ere, kooperatibak berak zehaztutako lan-erregimenak, lan-baldintza duinak<br />
eta Lanaren Nazioarteko Erakundeak zehaztutako gutxieneko lan-estandarrak<br />
errespetatuko ditu.<br />
15.3.3.1. Berrikuntza nagusiak aurreko araudiaren aldean<br />
1. paragrafoan, barne-araubideko erregelamendua gehitu da, baina berrikuntza hori ez da<br />
hainbesteko berritasun, aurreko araudian horretarako aukera ematen baitzen, EKLn bezala,<br />
batzar orokorrak erabakiak har ditzan, bazkide langileen lan-araubidearen oinarrizko esparrua<br />
ezartzeko, bai eta barne-erregelamendua ere (testu artikulatua izan arren, batzar orokorraren<br />
erabaki baten bidez onartzen dena). Era berean, genero-hizkeraren arabera moldatu da testua.<br />
379
KOOPERATIBA MOTAK: LAN ELKARTUKO KOOPERATIBAK<br />
2. atalean ez da berritasunik txertatu aurreko araudiarekin alderatuta, genero-hizkerari<br />
lotutakoa izan ezik.<br />
3. atalean, atal osoa da berria, aurreko araudian ez baitzegoen, eta kooperatiba bakoitzari<br />
bi muga ezartzean datza, bazkide langileentzako lan-araudia garatzerakoan:<br />
1.- Kooperatibak onartutako lan-araubideak errespetatuko ditu bazkideak.<br />
2.- Bazkide langileen lan-baldintzak duinak izango dira eta Lanaren Nazioarteko<br />
Erakundeak ezarritako gutxieneko estandarrak errespetatuko dira<br />
15.3.3.2. Iruzkin orokorra eta esanahi praktikoa<br />
1. atalak xedapenezko izaera du kooperatibarentzat; izan ere, aukera ematen du, batzar<br />
orokorrak hala erabakitzen badu, lan-bazkideen lan-araubidearen oinarrizko esparrua<br />
arautzeko, azken batean, autoerregulatu ahal izateko edo bazkide langileek lan egin dezaten<br />
oinarrizko arauak finkatzeko, dela sozietate-estatutuen bidez, dela barne-araubidearen<br />
erregelamenduaren bidez, dela batzar orokorraren berariazko akordioen bidez, nahiz eta<br />
horiek barne-araubideak izan.<br />
2. atalak xedapenezko izaera dauka kooperatibarentzat, kooperatiben bazkide langileentzako<br />
lan-araubidearen oinarrizko esparrua osatzen duten zenbait gai aipatzen ditu, baina zerrenda<br />
itxirik osatu gabe:<br />
- Lanaren antolaketa: kooperatiba bakoitzak egokien datorkion moduan garatuko<br />
du, egiten dituen jardueren arabera; azken batean, bazkide bakoitzak produktuak<br />
fabrikatzeko edo zerbitzuak emateko bere lana nola egingo duen zehaztuko da.<br />
- Lanaldiak: modu jarraituan egiten den zehaztuko da (adibidez, 8:00etatik 16:00etara);<br />
lanaldi zatituz, non gutxieneko atsedenaldi bat egin behar den (adibidez, 8:30etatik<br />
13:30etara eta 15:00etatik 18:00etara); txandaka (adibidez, 06:00etatik 14:00etara<br />
eta 14:00etatik 22:00etara) malgua den (ekoizpenaren edo zerbitzuak emateko<br />
eguneroko beharren arabera), telelanez beteko den (langileak etxetik egingo du<br />
lan), lan-aste trinkoa erabiliko den (esate baterako, 10 orduko lansaioa astelehenetik<br />
ostegunera)…<br />
- Asteko atsedenaldia: kooperatibak erabakiko du, adibidez, astean bi egunetan (oro<br />
har, larunbatean eta igandean, baina kooperatiba bakoitzaren jardueraren araberakoa<br />
izango da).<br />
- Jaiegunak: kooperatiban zehaztu ohi direnak, normalean, Eusko Jaurlaritzak ezartzen<br />
dituenak izango dira, eta lurralde historiko bakoitzeko eta kooperatibaren egoitza<br />
dagoen udalerriko jaiegunak.<br />
- Oporrak: kooperatibak zehaztuko ditu. Kooperatiba oporretan ixten bada (adibidez:<br />
abuztuan), bazkide langile guztienntzat oporraldia izango da.<br />
- Baimenak: kooperatibak zedarriztatuko ditu, baita lan-aurrerakin bidez ordainduko<br />
diren edo ordaindugabeak edo berreskuragarriak diren ere (lan egin gabeko orduak<br />
ordaindu egingo dira, baina berreskuratu egin behar dira, esate baterako, hurrengo<br />
hilabetean).<br />
380
KOOPERATIBA MOTAK: LAN ELKARTUKO KOOPERATIBAK<br />
- Lanbide-sailkapena: bazkide langileen lanbide-kategoriei dagokie (1. eta 2. mailako<br />
ofizialak, arduraduna, administrari laguntzailea, goi-mailako tituluduna, etab.).<br />
- Mugigarritasun funtzionala: kooperatiban arautuko da, egokitzat jotzen den<br />
moduan, kontuan hartuta barruan edo kanpoan emandako titulazio akademikoak edo<br />
profesionalak edo prestakuntza-ikastaroak.<br />
- Mugigarritasun geografikoa: kooperatiban arautuko da, egokitzat jotzen den moduan,<br />
eta bazkide langileek bizilekua aldatu behar dutenean gertatuko da.<br />
- Eszedentziak (nahitaezkoak eta borondatezkoak) edo kooperatiba-lana eteteko<br />
beste edozein arrazoi, hala nola: bazkide langilearen eta administrazio-organoaren<br />
arteko adostasunez hartutakoak; bazkide langilearen aldi baterako ezintasunagatik<br />
hartutakoak; jaiotzagatik hartutakoak; besteak beste.<br />
- Kooperatibako lan-harremana azkentzeko arrazoiak: kooperatiba bakoitzean<br />
arautuko dira, egokitzat jotzen den moduan, eta kasu hauek izan daitezke bazkide<br />
langilearentzat: borondatezko edo nahitaezko baja; iraupen mugatuko sozietatekontratuan<br />
hitzartutako denbora amaitzea; heriotzagatik; baliaezintasun handiagatik;<br />
edo ezintasun iraunkor oso edo absolutuagatik; erretiroagatik; kanporatzeagatik.<br />
- Eta, oro har, bazkide langileak lan egitearen ziozko eskubide eta betebeharrekin<br />
lotura zuzena duen beste edozein gai, hala nola: bazkide langileek jasotzen dituzten<br />
lan-aurrerakinak, lan-baldintzen funtsezko aldaketak, besteak beste.<br />
3. atala aginduzkoa da kooperatibentzat. Horri jarraiki, kooperatibek onartutako lanaraubideen<br />
esparruan, lan-baldintza duinak izan behar dituzte bazkide langileentzat eta<br />
Lanaren Nazioarteko Erakundeak (LANE) ezarritako gutxieneko lan-estandarrei men egin<br />
behar diete.<br />
Egia esatera, kooperatibek betidanik betetzen duten aginduzko manua da, eta kooperatiba<br />
bateko bazkide langileen lan-baldintzak duinak ez badira, normalena da Lan Ikuskaritzan<br />
salaketa jartzea<br />
Bazkide langileen lan-baldintzak aldez aurretik ezarri badira kooperatibarekin lotzen<br />
duen sozietate-kontratuan, edo kooperatibaren estatutuetan, barne-araubidean edo batzar<br />
orokorraren akordio espezifikoetan jasotako barne-erregulazioan, eta halakorik ezean,<br />
kooperatiba kokatuta dagoen sektoreko hitzarmen kolektiboan ezarritakoak aplikatzen<br />
bazaizkio, edo, bestela, Langileen Estatutuaren Legearen Testu Bateginean jasotako<br />
lan-baldintzak aplikatzen bazaizkio, dena delako kooperatibak lan-baldintza duinak<br />
badarabiltzala pentsatuko dugu. Nolanahi ere, kooperatibak bere autoerregulazioa erabiltzean<br />
oinarrizko lan-araubidearen esparruan arautzen diren guztiak hartuko dira halakotzat,<br />
betiere kooperatibak adostutako lan-baldintza bakoitzean dituen legezko mugen barruan<br />
badaude. Lan-baldintza duinen adibidea: asteko gutxieneko atsedenaldia etenik gabeko<br />
egun eta erdikoa izango da; lan-aurrerakinen sorta: gutxienez, lanaldi osoko LGSa; lanaldia:<br />
egunean zortzi ordukoa edo hamar ordukoa, egoerak hala eskatzen duenean; aldi baterako<br />
ezintasunagatiko bajaren kasuan, kooperatibak ez du osatuko Gizarte Segurantzatik jasotzen<br />
duen eguneroko sorospena (edo, bestela, % 20ko osagarriarekin osatuko du, adibidez, hileko<br />
lan-aurrerakinaren zenbatekoaren gainean, edo kooperatibak kontingentzia horiek estaltzeko<br />
381
KOOPERATIBA MOTAK: LAN ELKARTUKO KOOPERATIBAK<br />
kontratatuta duen aseguru pribatuari dagokion zenbatekoa erabiliz); bazkide langileak<br />
babesteko planen diseinua, lan-baldintza duinak eta seguruak izan ditzaten.<br />
LANEk kooperatiben lan-araubideetan ezarritako gutxieneko lan-estandarrei men egiteari<br />
dagokionez, kooperatiba bakoitzak lehenik eta behin ezagutu beharko lituzke bere bazkide<br />
langileentzat aplikagarriak diren LANEren gutxieneko lan-estandarrak, eta egiaztatu beharko<br />
luke kooperatiban indarrean dagoen lan-araubidean kooperatiban bazkide langileentzat<br />
ezarritako lan-baldintza guztiak betetzen direla.<br />
15.3.3.3. Beste arau aplikagarri batzuk<br />
Estatuko kooperatiba-araudiaren artikulu baliokidea 83. artikulua da; horren edukia<br />
gurearen desberdina denez, indarrean dagoen EKLren arau osagarria izan liteke (EKren 149.3<br />
artikulua), batez ere, estatuko legerian arautzen diren gaiak kooperatibak autoerregulatzeko<br />
aukera erabiltzen ez duenean, hala nola: lanaldi baten eta bestearen artean egon behar duen<br />
gutxieneko denbora-tartea, adingabeek lan egin dezaketen lanaldia, nahitaez bete beharreko<br />
jaiegunak, adingabeentzako eta hirurogei urtetik gorakoentzako urteko oporrak, baimenak<br />
eta horien izaera ordaindua edo ordaintzeko proportzioa.<br />
Era berean, kooperatibei aitortzen zaien autorregulazioa erabiltzen ez bada, estatutuen,<br />
barne-araubideko erregelamenduaren edo batzar orokorreko akordioen bidez, bazkide<br />
langileen lan-araubidea prestatzean, bere hedadura osoan, kooperatibaren jarduera kokatuta<br />
dagoen sektoreko hitzarmen kolektibora eta Langileen Estatutuaren Legearen Testu<br />
Bateginera jo beharko dugu, baina berriro diogu hori bakarrik baliatu behar dela kooperatibari<br />
aitortzen zaion autoerregulazioa –bazkideek duten sozietate-harremana, ez lan-harremana−<br />
erabiltzen ez denean.<br />
Hala berean, kontuan hartu behar da urriaren 13ko 901/2020 Errege Dekretua, berdintasunplanak<br />
arautzen dituena eta maiatzaren 28ko 713/2010 Errege Dekretua, lan-hitzarmen eta<br />
-akordio kolektiboak erregistratzeari eta gordailutzeari buruzkoa, aldatzen duena; izan ere,<br />
dekretu horren 45. artikuluaren arabera, gutxienez, berrogeita hamar langile edo gehiago<br />
dituzten kooperatibei (bazkideak izan edo ez) eta haien bazkide langileei aplika dakieke.<br />
Eta urriaren 13ko 902/2020 Errege Dekretua, emakumeen eta gizonen ordainsariberdintasunari<br />
buruzkoa; printzipioz, kooperatibetako besteren konturako langileei bakarrik<br />
aplikatuko litzaieke, xedapen horren 2. artikuluak esandakotik ondoriozta daitekeenez<br />
15.3.4. Diziplina-araubidea<br />
106. artikulua.– Diziplina-araubidea.<br />
1.– Estatutuek, barne-araubideko erregelamenduak edo, halakorik ezean, batzar<br />
orokorrak finkatuko dute zein den bazkide langileen diziplina-araubidearen oinarrizko<br />
esparrua.<br />
2.– Diziplina-araubidean erregulatuko dira lana egitean gerta daitezkeen faltak,<br />
zehapenak, zehapen-ahalmenak delegatuta dituzten organoak eta pertsonak, eta<br />
zehapen-prozedurak, izapideak, errekurtsoak eta epeak adierazita. Edonola ere,<br />
382
KOOPERATIBA MOTAK: LAN ELKARTUKO KOOPERATIBAK<br />
beti errespetatuko dira bazkide espedientatuen defentsa-bermeak, hau da, deskarguorriak<br />
eta aurretiazko nahitaezko entzunaldiak baliatzeko aukerak eta, halaber, falta<br />
astunen eta oso astunen kasuan, errekurtsorik jarri bada, errekurtso-batzordeak<br />
edo, halakorik ez badago, batzar orokorrak, espedienteak berraztertzeko aukerak.<br />
3.– Administratzaileek baino ezin izango dute erabaki bazkide langileak kanporatzea;<br />
erabaki horren kontra, berriz, langileek errekurtsoa jarri ahal izango diote errekurtsobatzorderi<br />
edo, halakorik ez badago, batzar orokorrari, hamabost eguneko epean,<br />
erabakiaren jakinarazpena jasotzen duten egunetik aurrera kontaturik. Nahiz eta<br />
kanporatzeko erabaki horrek ez duen indarrik izango dagokion organoak berretsi<br />
arte edo errekurtsoa aurkezteko epea amaitu arte, kooperatibak enplegurik gabe<br />
utzi ahal izango du bazkide langilea, zeinak bere eskubidea gordeko baitu, behinbehinean,<br />
dagozkion lan-aurrerakinak lanean jarraituko balu bezala jasotzeko.<br />
15.3.4.1. Berrikuntza nagusiak aurreko araudiaren aldean<br />
Ez dago berrikuntzarik, genero-hizkerari lotutakoa izan ezik.<br />
15.3.4.2. Iruzkin orokorra eta esanahi praktikoa<br />
1. atala aginduzkoa da kooperatibarentzat, eta ezarri du bazkide langileen diziplinaaraubidearen<br />
oinarrizko esparrua jorratu eta arautu dezakeen sozietate-organo bakarra,<br />
bazkideek ematen duten prestazioagatik, batzar orokorra dela, eta hasieran, edo geroago,<br />
estatutuetan, barne-araubideko erregelamenduan edo batzar orokorraren erabakien bidez<br />
egin dezakeela.<br />
Sozietatearen diziplina-arauak ez bezala −horiek kooperatiba ororen sozietate-estatutuen<br />
gutxieneko edukia osatu behar baitute (ikus EELren 13.1.h) artikulua), ez da horrela gertatzen<br />
bazkide langileen lan-prestazioarekin lotutako diziplina-araubideari dagokionez; izan ere,<br />
ohikoena da gai hori estatutu sozialetan ez jorratzea (gai horrek aldaketak eta moldaketak<br />
izaten dituelako etengabe eta, horregatik, ahal dela, estatutuetatik at lantzea komeni da,<br />
kasu honetan egin den bezala), baina oso ohikoa da horietan berariaz aipatzea laneko arauhausteak<br />
eragiten dituzten diziplina-urratzeak, hau da, bazkide langileen lan-hutsegiteak,<br />
kooperatibaren barne-araubidean edo batzar orokorraren erabakien bidez arautuko direla.<br />
2. atala aginduzkoa eta gutxienekoei buruzkoa da kooperatibarentzat; izan ere, alde batetik,<br />
batzar orokorrak jorratu beharreko gaiak zedarriztatu ditu, bazkide langileen lan egiteagatiko<br />
diziplina-araubidea arautzea erabakitzen denean, eta, beste alde batetik, mota horretako<br />
diziplina-prozedura baten xede diren bazkide langileek beti izan beharko dituzten bermeak<br />
zehaztu ditu.<br />
Diziplina-araubide honetan, honako gai hauek jorratu behar dira beti:<br />
a) Falta motak.<br />
Ohikoena da, garrantziaren, irismenaren eta intentzionalitatearen arabera, arinak,<br />
astunak eta oso astunak izatea.<br />
Tipifikazioa librea da, sen onari kalterik egin gabe, oso astuntzat ez jotzeko; adibidez,<br />
383
KOOPERATIBA MOTAK: LAN ELKARTUKO KOOPERATIBAK<br />
seihileko batean berandu iristea, justifikaziorik gabe. Edo hutsegite arintzat jotzeko<br />
da lan-istripu larriak edo kalte larriak eragitea kooperatiban, laneko arduragabekeria<br />
edo barkatu ezinezko zabarkeriagatik.<br />
B) Zehapenak<br />
Anitzak izan daitezke. Berriro ere autoerregulazioa lehenetsi da. Adibidez:<br />
Falta edo hutsegite arinak: hitzezko/idatzizko ohartarazpena. Lana eta lan-aurrerakina<br />
bi egunez etetea.<br />
Falta astunak: lana eta lan-aurrerakina etetea, hamabost egunera arte. Hasierako<br />
nahitaezko ekarpenaren zenbatekoaren % 10era arteko diruzko zehapena.<br />
Kooperatibako lanpostua aldatzea.<br />
Falta oso astunak: lana eta lan-aurrerakina etetea, gehienez ere hogeita hamar egunez.<br />
Itzulkinen deskontu partziala edo osoa uneko urteko lanagatik. Gehienez ere, 3 urteko<br />
epean lanbide-kategoriaz igotzeko desgaikuntza. Diruzko zehapena, une bakoitzean<br />
indarrean dagoen hasierako nahitaezko ekarpenaren zenbatekoaren % 30erainokoa.<br />
Gizarte Segurantzan baja automatikoa duen kooperatibatik eta kooperatibak dituen<br />
gainerako gizarte-osagarrietatik kanporatzea eta nahitaezko baja ematea.<br />
Nolanahi ere, kooperatiba bakoitza dugu “bere errealitatea” ondoen ezagutzen<br />
duena eta zigorrak bere neurrira ezarri behar dituena. Abantaila hori dauka<br />
autoerregulazioak, eta kooperatibek modu egokian eta neurriz gauzatu behar dute.<br />
c) Eskuordetutako zehapen-ahalmenak dituzten organoak eta pertsonak.<br />
Zehatzeko eskumena administrazio-organoarena da, baina falta sozialetan ez bezala<br />
(ikus EKLren 29.3.a) artikulua) –halakoetan, administratzaileek zehatzeko eskumen<br />
esklusiboa dute− lan-prestazioarekin zerikusia duten hutsegiteetan, ahalmen hori<br />
eduki arren, aukeran, zehatzeko ahalmena pertsona jakin batzuei esleitu ahal diete,<br />
administrazio-organoak berariaz emandako eskuordetzearen bidez, betiere hala<br />
aurreikusita badago eta berariaz araututa badago kooperatibako bazkide langileen<br />
diziplina-araubidean, lan-prestazioaren esparruan.<br />
Adibidez, zehapen-ahalmen hori zuzendari-kudeatzailearen esku utz daiteke, eta<br />
enpresaren tamainaren arabera, arduradunari.<br />
d) Espedientea ireki zaien bazkideak defendatzeko gutxieneko bermeak: deskarguorriak,<br />
aldez aurreko nahitaezko entzunaldiak, eta, falta astunen edo oso astunen<br />
kasuan, berraztertzea, betiere errekurtso-batzordearen aurrean eta, halakorik ezean,<br />
batzar orokorraren aurrean errekurritzen badira.<br />
Ezin bestela izan, EKLk bazkide langileak “zaindu” behar ditu; izan ere,<br />
kooperatiba pertsonek osaturiko sozietatea da, eta, horregatik, lan egiteagatik<br />
diziplina-espediente baten xede direnean izan behar duten defentsarako eskubidea<br />
aldarrikatzen du, gutxienekoen eskakizun gisa, eta modu zabalean egiten du, neurri<br />
guztiak errespetatzera behartuz, defentsa-berme deiturikoen barruan.<br />
Horrekin lortu nahi dena hauxe da: bazkide langile bat ez zehatzea EKLn araututako<br />
gutxieneko defentsa-bermeen neurriak aplikatu ez bazaizkio edo horiek erabiltzeko<br />
384
KOOPERATIBA MOTAK: LAN ELKARTUKO KOOPERATIBAK<br />
modua ahalbidetu ez bazaio. Neurri horiek, nolanahi ere, diziplina-araubidean jasota<br />
egon beharko dute. Hona hemen neurrien zerrenda:<br />
1.- deskargu-orria: espedientea ireki zaion bazkideak aldez aurretik kargu-orria jaso<br />
behar du, eta bertan, instruktoreak edo, hala badagokio, instruktoreek, egozten<br />
zaizkion egitate edo ez-egiteen berri eman behar diote, bai eta zehapenen<br />
proposamena ere, eta zehaztu behar dute zer epe duen deskargu-orria egiteko;<br />
deskargu-orrian, egotzi zaizkion egitateak edo ekintzak ezeztatzeko edo<br />
aldatzeko egokitzat jotzen dituen argudio guztiak jasota uzteko aukera emango<br />
zaio, bai eta deskargu-agirian adierazten duena egiaztatzeko egokitzat jotzen<br />
dituen frogak aurkezteko aukera ere.<br />
2.- Nahitaezko aurretiazko entzunaldiak: espedientea ireki zaion pertsonari aldez<br />
aurreko zitazioa bidaliko zaio, administrazio-organoan edo zehatzeko ahalmena<br />
duen pertsonaren aurrean ager dadin, dagokion erabakia hartu aurretik, defentsa<br />
ahoz egin ahal izan dezan. Horrela, organo zehatzaileak edo zehatzeko ahalmena<br />
duen pertsonak ebatzi ahal izango du deskargu-pleguari buruz edo bazkide<br />
langileak berak egindako azalpenari buruz zuen edozein zalantza.<br />
3.- Berrikuspena edo berraztertzea: hasiera batean hartutako erabakia edo emandako<br />
ebazpena bigarren auzialdian berrikusteko/berraztertzeko aukera ematen du,<br />
baldin eta espedientepeko pertsonak lehen auzialdian hartutako erabakian<br />
edo emandako ebazpenean ezarritako epeen barruan eskatzen badu. Beraz,<br />
espedientepeko bazkide langilearen hautazko bidea da. Esate baterako, falta<br />
astunen edo oso astunen ziozko espediente batean, administrazio-organoak<br />
hartutako kanporatze-erabakia, dagokion errekurtsoa jartzen bada zehapenprozedurak<br />
ezarritako epean, bazkide langileen lan-prestazioarekin lotutako<br />
hutsegiteengatiko diziplina-araubidearen erregulazioaren barruan, batzar<br />
orokorrak berrikusiko du, errekurtso-batzordea dagoen kooperatibetan izan ezik.<br />
Azken horrek, administrazio-organoaren erabakia ezetsi edo berretsi aurretik,<br />
espedientepeko bazkide langileari aginduzko entzunaldiaren zitazioa egingo dio<br />
(baldi eta errekurtso-batzordeak errekurtsoa auzibideratu behar badu), eta batzar<br />
orokorrak errekurtsoa ebatzi behar badu, bilkura egokian egingo du, bazkide<br />
langileak aldez aurretik esku hartuta, non bere interesen defentsarako egokitzat<br />
jotzen dituen argudio guztiak azalduko dituen, eta batzar orokorrak ebatziko<br />
du errekurtsoa, isilpeko bozketaz, eta kooperatibaren barruko bideari azkena<br />
emango zaio.<br />
Berme horri esker, espedientea bigarren auzialdian auzibideratzeko aukera<br />
ematen da.<br />
d) zehapen-prozedurak, izapideak, errekurtsoak eta epeak adierazita.<br />
Ohikoena da, langile bazkideari egozten zaion laneko hutsegitearen edo leporatzen<br />
zaizkion hutsegiteen arabera, zehapen-prozedura bat edo beste erabiltzea. Prozedura<br />
horretan zehaztuko da nork hasaraziko duen, nola izapidetuko duen eta, hala, karguorria<br />
osatuko da. Agiri horretan, nahitaez, bazkide langileari egotzi zaizkion egintzak<br />
385
KOOPERATIBA MOTAK: LAN ELKARTUKO KOOPERATIBAK<br />
edo ez-egiteak eta egite- edo ez-egite datak jasoko dira, bai eta aplikatzekoak diren<br />
estatutuetako barne-xedapenenak ere, aplikatu diren oinarri juridikoak adierazita<br />
(estatutuak, kooperatibaren barne-erregelamendua, batzar orokorraren erabakiak…),<br />
kasuan kasuko artikuluak eta/edo atalak aipaturik, eta zehapen-proposamena edo<br />
proposamen batzuk jasota, baita deskargu-orria aurkezteko epea ere, egoki iritziz<br />
gero, eta berariaz adieraziko da interesdunak zer sozietate-organoren aurrean<br />
aurkeztu behar duen.<br />
Zehapen-prozeduren adibideak, horien izapide, errekurtso eta epeak.<br />
I) Hutsegite arinengatik, goi-hurrengo arduradunak izapidetuko du espedientea,<br />
eta hark idatziz jakinarazko dio zuzendari-kudeatzaileari, eta, halakorik ezean,<br />
administrazio-organoko kideen artetik izendatutako instruktoreari. Azkena<br />
espedientepeko bazkidearekin bilduko da, haren alegatuak edo iritziak entzuteko,<br />
aldez aurreko nahitaezko entzunaldian. Entzunaldi horren ondoren, falta<br />
kalifikatuko du, eta, hala badagokio, zehapena ezarriko dio. Bazkideak errekurtsoa<br />
jarri ahal izango du administrazio-organoaren aurrean. Kasu horretan, aldez<br />
aurreko nahitaezko entzunaldira deituko da berariaz, eta, horren ondoren, bazkidea<br />
bertaratu ala ez, administrazio-organoak ebatziko du, kooperatibaren barne-bidea<br />
agortuta.<br />
II) Zuzendari-kudeatzaileari dagokio falta astun eta oso astunengatiko espedienteen<br />
izapidetzea egitea, eta, halakorik ezean, haien arteko administrazio-organoak<br />
izendatzen duen instruktoreari. Azkenak idatziz jakinaraziko dizkio bazkide<br />
interesdunari egotzi zaizkion egintzak edo ez-egiteak, hutsegitearen behin-behineko<br />
kalifikazioa eta zehapen-proposamena. Bazkideak deskargu-orria aurkeztu ahalko<br />
du zuzendari-kudeatzailearen aurrean, eta hark ebatziko du lehen auzialdian, aldez<br />
aurretik, bazkideari entzunda. Proposatutako zehapena kooperatibatik kanporatzea<br />
bada, administrazio-organoak bakarrik erabaki ahal izango du. Administrazioorganoaren<br />
kanporatzeko ebazpenaren aurkako errekurtsoa jarri ahal izango da<br />
batzar orokorraren aurrean, hamabost eguneko epean, jakinarazi denetik zenbatzen<br />
hasita, errekurtso-batzordearen aurrean eta, halakorik ezean, batzar orokorraren<br />
aurrean.<br />
III) Horrelako hutsegiteetan, espedientepeko bazkideak entzunaldirako eskubidea<br />
izango du, gutxienez hitzezkoa, zuzendari-kudeatzaileak kargu-orria formulatu<br />
aurretik, eta, halakorik ezean, administrazio-organoko instruktoreak formulatu<br />
aurretik.<br />
IV) Aurreko paragrafoetan araututako errekurtsoak aurkezteko epeak hamar egunekoak<br />
izango dira falta arinetan, eta hamabost egunekoak falta astunetan eta oso astunetan,<br />
zehapen-espedientearen ebazpenaren jakinarazpena jasotzen denetik zenbatzen<br />
hasita.<br />
V) Behar bezala eta epearen barruan errekurritu ez diren zehapenak, bai eta geroko<br />
errekurtsorik onartzen ez dutenak ere, berehala betearaztekoak izango dira,<br />
dagozkien jurisdikzio-ekintzei kalterik egin gabe.<br />
386
KOOPERATIBA MOTAK: LAN ELKARTUKO KOOPERATIBAK<br />
VI) Era berean, zuzendari-kudeatzailearen eta, halakorik ezean, administrazio-organoari<br />
atxikitako instruktorearen iritziz, espedientea izapidetzen ari den bitartean, arazoak<br />
sor badaitezke kooperatibaren barruko bizikidetzan, diziplinan, gertaeren ikerketan<br />
edo antzeko zailtasunak jazo badaitezke, espedientepeko bazkide langileari aldi<br />
baterako eten ahalko dio enplegua, haren eskubide ekonomikoei kalterik egin gabe.<br />
VII) Aurreko paragrafoetan berariaz ezarri ez den guztiari dagokionez, sozietateestatutuetan<br />
kanporatzeari eta zehapen-prozedurei buruzko artikuluetan xedatutakoa<br />
beteko da, hurrenez hurren.<br />
Ohikoena da kooperatibak autoerregulazio berariazkoa baliatzea eta bere diziplinaaraubidea<br />
ezartzea, baina, haatik, aplikagarriak izan daitezkeen araudi sektorialak ere aintzat<br />
hartu beharko ditugu.<br />
Jakina denez, kooperatibak legelari aholkularia badu, komenigarria da administrazioorganoak<br />
diziplina-araubideari buruzko proposamena egitea, eta proposamen hori legelariari<br />
bidaltzea, azter dezan eta, hala badagokio, bidezkoak diren zuzenketak eta irizpenak egin<br />
ditzan; bestalde, kontuan hartu behar da, horren erregulazioa sozietatearen estatutuetan<br />
txertatu nahi bada, legelariaren sinadura beharrezkoa litzatekeela batzarrak erabakia edo<br />
erabakiak hartzen dituenean, erabakiok legelariaren aldeko irizpena izan behar baitute,<br />
zuzenbidekoa dela baiesteko (ikus EKLren 77.2 artikulua). Erabaki horretan, sozietateestatutuetan<br />
txertatuko dela adierazi beharko da eta Euskadiko Kooperatiben Erregistroan<br />
inskribatu beharko da,<br />
Abokatu aholkularirik ez, diziplina-prozedura araututa ez duten baina kooperatiban ezarri<br />
nahi duten kooperatiben kasuan, egokiena da prozedura prestatzea. Horretarako, lehenik<br />
eta behin, ahal den guztietan, kooperatibako administrazio-organoak diziplina-araubidea<br />
arautzeko proiektua landu beharko luke, oinarrizko eredu bat erabiliz, −segurutik, Euskadiko<br />
Kooperatiben Konfederazioak, KONFEKOOPek edukiko du elkartuko kooperatiba guztiei<br />
bidaltzeko−, eta gero, administrazio-organoak prestatu ondotik, gomendagarriena da<br />
aholkulari batek ikuskatzea (kasu honetan, ez da beharrezkoa legelari aholkularia izatea),<br />
izan ditzakeen hutsak edo gabeziak zuzenetzeko, eta ondoren batzar orokorrera eramatea,<br />
hark onar dezan, aldez aurreko informazio-bilerak eginda edo egin gabe, kooperatibaren<br />
tamainaren arabera.<br />
3. atalaren edukia aginduzkoa da, bai kooperatibaren administrazio-organoarentzat, bai<br />
batzar nagusiarentzat, bai errekurtso-batzordearentzat, bai bazkide langileentzat, bai lanarloko<br />
jurisdikzioarentzat. Oso esanahi garrantzitsua du, eta, aldi berean, erraza, kontuan<br />
harturik bazkide langileentzako diziplina-zehapen handiena aletu duela: kanporatzea.<br />
Zehapen hori kooperatibako administrazio-organoak bakarrik ezar dezake (ezin da inor<br />
eskuordetu zehapena ezartzeko), ondorio horretarako izapidetutako diziplina-espedientea<br />
bideratu ondoren, lan-prestazioarekin zerikusia duen hutsegite batengatik (kasu honetan,<br />
inoiz ez sozietate-faltengatik, ikus EKLren 28. artikulua), ezarritako prozedurari jarraiki<br />
eta espedientepeko pertsonaren defentsa-berme guztiak beteta, betiere langileari egotzitako<br />
laneko falta edo faltak oso astuntzat jotzen badira, kooperatibak egindako tipifikazioan falta<br />
arinak, astunak eta oso astunak ageri badira.<br />
387
KOOPERATIBA MOTAK: LAN ELKARTUKO KOOPERATIBAK<br />
Administrazio-organoak diziplina-espedientea ebatzi ondoren, espedientepeko bazkide<br />
langileari jakinaraziko zaio, eta hark, egoki baderitzo, errekurtsoa jarri ahal izango du<br />
errekurtso-batzordearen aurrean (sozietate-organo hori kooperatiban badago, ikus EKLren<br />
58. artikulua) eta, halakorik ezean, batzar orokorraren aurrean.<br />
Kooperatibak daukan barne-erregulazioa kontuan hartu behar dugu errekurtso-batzordeak<br />
errekurtsoa ebazteko duen epea zein den jakiteko, eta eskumena batzar orokorrarena bada,<br />
kasuan kasuko bilkuran aztertuko dela errespetatu beharko da (adibidez: 30 eguneko epean<br />
egin beharreko batzar orokorrean edo errekurtsoa aurkeztu ondoren egiten den lehenengo<br />
batzar orokorrean aztertu beharko dela ezar daiteke).<br />
Sozietate-organo eskuduna errekurtso-batzordea izanez gero, organo horrek auzibideratuko<br />
du, espedientepeko bazkideari nahitaez entzun ondoren, eta kideen isilpeko botazioaren bidez<br />
ebatziko da. Berdinketa gertatuz gero, presidenteak ez du kalitateko botorik izango; beraz,<br />
kasu horretan, errekurtsoa baietsitzat joko litzateke, errekurtso-batzordearen gehiengoa lortu<br />
ez duelako (ikus EKLren 58.3 artikulua).<br />
Errekurtsoa batzar orokorrak ebatzi behar badu, ohikoena da, ebazpena eman aurretik,<br />
bertaratutako bazkideen eta behar bezala ordezkatutakoen isilpeko botazioaren bidez,<br />
batzarburuak diziplina-espedientean gertatutakoaren azalpena egitea, eta, nahitaez, hitza<br />
eman beharko dio espedientepeko bazkide langileari, bere interesak defendatzeko egokitzat<br />
jotzen duen azalpena egin dezan, administrazio-organoak hura kanporatzeko paratu duen<br />
diziplina-espedientean egotzi zaizkion egitateak edo ez-egiteak ezeztatuz edo aldatuz, eta<br />
esku-hartze hori nahitaezko aurretiazko entzunalditzat hartuko da, administrazio-organoak<br />
hartutako kanporatze-erabakiari buruzko errekurtsoa ebatziko duen sozietate-organoaren<br />
aurrean. Aurretiazko entzunaldia amaitu ondoren, batzarburuak bazkideen esku-hartzeen<br />
txanda ireki dezake (aukerakoa), edo zuzenean isilpeko bozketa agindu dezake errekurtsoa<br />
ebazteko, errekurtsoa ezetsita edo baietsita, administrazio-organoaren erabakia berretsita,<br />
hori guztia kooperatibaren barne-araudian horretarako ezarritako gehiengoaren bidez,<br />
ohikoena gehiengo arrunta ezartzea da, hau da, baliozko botoen erdia baino gehiago (ez<br />
dira boto zuriak eta abstentzioak kontuan hartuko (ikus EKLren 38.1 artikulua). Dena<br />
dela, estatutuan jasotako arauketaren ondorioz, gerta daiteke kanporatze-erabakia hartzeko<br />
gehiengo kualifikatua eskatzea ere bai.<br />
Administrazio-organoak hartutako kanporatze-erabakia ez da betearazlea, hau da, ez du<br />
ondoriorik izango edo ezin da aplikatu, harik eta egoera hauetakoren bat gertatzen ez den<br />
arte:<br />
a) Espedientean dagoen bazkide langileak errekurritzeko duen epea igarotzea, edo<br />
b) Bazkide langileak kanporatze-erabakiaren aurka jarritako errekurtsoa sozietateorgano<br />
eskudunak berrestea (errekurtso-batzordeak eta, halakorik ezean, batzar<br />
orokorrak).<br />
Aurrekoa gorabehera, kooperatibak, administrazio-organoaren bitartez, eten egin ahal<br />
izango dio lan-prestazioa bazkide langileari eta, behin-behinean, eutsi egingo dio lanaurrerakina<br />
jasotzeko eskubideari, kooperatiban lan egiten ariko balitz bezala, eta eskubide<br />
indarrean izango da kanporatzeko erabakia exekutiboa izan arte. Egia da neurri hori hartu ohi<br />
dela garrantzi handiko kausak edo arrazoiak tartean daudenean, baina, egia esatera, inguruar<br />
hori ez da beharrezkoa erabakia hartzeko.<br />
388
KOOPERATIBA MOTAK: LAN ELKARTUKO KOOPERATIBAK<br />
15.3.4.3 Beste arau aplikagarri batzuk<br />
Estatuko kooperatiba-legeriaren artikulu baliokidea 82. artikulua da. Artikulu horren 1.<br />
Atalak dioenari jarraiki, zehapen-prozedurak sozietate-estatutuetan arautu behar dira (EKLn<br />
aukerakoa da), baina diziplina-araubidea estatutuetan edo barne-erregelamenduaren bidez<br />
bakarrik landu daiteke (ez da aurreikusi barne-araubideko erregelamendua osatzen ez duten<br />
batzar orokorraren akordioen bidez arautzea). Atal hori, beraz, ez zaie inola ere aplikatuko<br />
gure kooperatibei. 2. atala EKLren 106.2 artikuluak dakarren edukiaren lehen zatiaren<br />
berdina da eta, beraz, ez litzateke aplikagarria izango, eta, gainera, gure atala zabalagoa eta<br />
bermatzaileagoa da, lan-bazkideak defendatzeko estatuko legeak ez arautzen, ez galdatzen,<br />
ez dituen bermeak eskatzen baititu.<br />
Nolanahi ere, hirugarren paragrafoa bai aplikatu daiteke, baldin eta kooperatibaren barneerregulazioak<br />
zehaztu ez badu errekurtsoa ebazteko epea, errekurtso-batzordeak ebatzi behar<br />
duela (bi hilabetekoa izango da) edo batzar orokorrak ebatzi behar duela (errekurtsoa jarri<br />
ondoren egiten den lehen batzarrak auzibideratu behar duela ezarrita dago). Azken batean,<br />
atal hori nahitaez bete beharko litzateke kooperatibaren barne-erregulazioan horretarako<br />
berariazko erregulaziorik ez balego, eta, kasu horretan, indarrean dagoen EKL arau osagarria<br />
izango litzateke (EKren 149.3 artikulua).<br />
15.3.5. Auziak<br />
107. artikulua.– Auziak.<br />
1.– Lan-arloko organo judizialek ebatziko dituzte lan elkartuko kooperatiben eta<br />
haien bazkide langileen artean sustatzen diren auziak, kooperatibako bazkide<br />
izatearren sortzen direnak. Ondorioz, merkataritza-arloko epaitegi eta auzitegien<br />
jurisdikzioaren mende geratuko dira auziak, baldin eta zerikusirik ez badute lotura<br />
soziolaboral berezi horrekin eta beste edozein kooperatibaren eta bazkideen arteko<br />
auzien antzekoak badira.<br />
2.– Ondorio horietarako, honako gai hauek baino ez dute zerikusia lankidekooperatibaren<br />
eta haren bazkide langileen arteko ohiko harremanarekin:<br />
a) Lan-aurrerakinak edo haien prestazio osagarriak edo ordezkoak jasotzea,<br />
halakorik eska daitekeen neurrian.<br />
b) Diziplina soziolaboraleko arauak hausteagatik ezarritako zehapenen aurkako<br />
errekurtsoak, arrazoi berberagatik jarritako kanporatze-zehapenaren aurkako<br />
errekurtsoa barne.<br />
c) Lan-eteteak eta eszedentziak.<br />
d) Gizarte Segurantzari buruzko gaiak.<br />
e) Soldatapeko langile izatetik bazkide langile izatera pasatzea.<br />
f) Oro har, kooperatibako lanaren araubidearen barne-arauetan jatorria duten<br />
eskubide eta betebeharrak.<br />
3.– Edozein kasutan, halako auzigaiak ebazterakoan aplikatuko dira lege hau,<br />
389
KOOPERATIBA MOTAK: LAN ELKARTUKO KOOPERATIBAK<br />
sozietatearen estatutuak eta kooperatibaren gainerako barne-erabakiak eta, oro<br />
har, kooperatibismoaren printzipioak. Soilik halakorik ez badago, lan-legeriaren<br />
xedapenak aplikatuko dira, analogiaz.<br />
15.3.5.1. Berrikuntza nagusiak aurreko araudiaren aldean<br />
1. atalean, ordena zibileko epaitegi eta auzitegien ordez, merkataritzako epaitegi eta<br />
auzitegiak ezarri dira, bai eta hizkera inklusiboaren araberako aldaketa ere egin da.<br />
2. atalean, hizkera inklusiboari lotutako berritasuna baino ez da txertatu.<br />
3. atalean, garrantzi handiko berrikuntza bat gehitu da; izan ere, atal horretan ezarri da<br />
lan-arloko jurisdikzio-organoek analogiaz baino ez dituztela aplikatuko lan-legeriaren<br />
xedapenak, bazkide langileen eta lan elkartuko kooperatiben arteko auziak ebazteko, baldin<br />
eta horien ebazpena EKLren xedapenak, sozietate-estatutuak eta kooperatiben gainerako<br />
barne-akordioak eta, oro har, printzipio kooperatiboak aplikatuz araututa ez badago.<br />
15.3.5.2. Iruzkin orokorra eta esanahi praktikoa<br />
1. atala aginduzkoa da lan elkartuko kooperatibentzat eta haien bazkide langileentzat,<br />
bai eta lan-bazkideak dituzten beste kooperatiba mota batzuentzat ere (ikus 21.2 artikulua);<br />
horrek esan nahi du lan-arloko jurisdikzioko epaitegiek eta auzitegiek ebatzi behar dituztela<br />
aipatutako kooperatiben eta haien bazkide langileen edo lan-bazkideen artean sortzen<br />
diren auzigaiak/gatazkak, lan-bazkide edo bazkide langile izateagatik, baina ez, ordea,<br />
kooperatibarekin izan ditzaketen auziak eta gatazkak, lanaren prestazioarekin zerikusirik<br />
ez duten beste arrazoi batzuengatik edo antzeko beste arrazoi batzuengatik sortzen badira.<br />
Kasu horretan, merkataritza-arloko auzitegiek eta epaitegiek izango dute gatazkak sortzeko<br />
eskumena (adibidez, kapital sozialari egindako ekarpenen itzulketari buruzko auzia).<br />
Horrenbestez, auzigaia zein den, eskumena jurisdikzio batena edo bestearena izango da,<br />
baina horrek ez die kalterik egingo arbitrajearen irizpenari lotzeko modukoak izan daitezkeen<br />
gaiei, baldin eta konpromiso-klausularen bat badago edo alderdien artean berariazko itunen<br />
bat badago, adibidez, EKGKren arbitrajearen bidez ebatz dadin; kasu horretan, auzibidetik<br />
kanpo ebatziko litzateke auzia.<br />
2. atala aginduzkoa da lan elkartuko kooperatibentzat eta haien bazkide langileentzat, bai eta<br />
laneko bazkideak dituzten beste kooperatiba mota batzuentzat ere, nahitaez kooperatibaren<br />
eta haren bazkide langileen edo lan-bazkideen arteko harreman arruntaren osagaitzat jotzen<br />
diren gaiak ukitzen baitituzte, hau da, lan-prestazioagatik edo haren ondorioengatik. Hona<br />
hemen:<br />
a) Lan-aurrerakinak edo horien prestazio osagarriak edo ordezkoak jasotzea, eskatzen<br />
diren neurrian.<br />
Azken batean, soberakinen kontura bazkide langileei edo lan-bazkideei emandako<br />
zenbatekoekin lotutako partida guztiak sartuko dira arlo honetan.<br />
b) Gizarte- eta lan-diziplinako arauak hausteagatik ezarritako zehapenen ziozko<br />
errekurtsoak, arrazoi horrengatik kanporatzeko errekurtsoa barne.<br />
Bazkide langileei edo lan-bazkideei lan egiteagatik kooperatibaren diziplina-<br />
390
KOOPERATIBA MOTAK: LAN ELKARTUKO KOOPERATIBAK<br />
araubidea aplikatzearen ziozko zehapenei buruz ari da, edo, halakorik ezean, izan<br />
direnei buruz.<br />
c) Lana eteteko egoerak eta eszedentziak.<br />
Erabakigarria izango da kooperatibak gai horietan daukan erregulazioa.<br />
d) Gizarte Segurantzari lotutako gaiak.<br />
Gizarte Segurantzako prestazioekin lotutakoak ebatziko ditu, langabezia-babesa eta<br />
jarduera uzteagatiko babesa barne, besteren konturako langileen araubide berezian<br />
dauden bazkide langileen kasuan, bai eta kooperatibari edo hirugarrenei Gizarte<br />
Segurantzako prestazioen gaineko erantzukizunak egozteari buruzkoak ere.<br />
Desgaitasun-maila balioesteari, aitortzeari eta kalifikatzeari buruzko auzigaiak ere<br />
ebatziko ditu.<br />
Gizarte Segurantzaren babes-jarduera hobetzeko sistemen aplikazioari buruzko<br />
auziak ere bideratuko ditu, bai eta prestazioen edo kalte-ordainen osagarriei<br />
buruzkoak ere.<br />
e) Soldatapeko langilea bazkide langile bihurtzea. Erabakigarria izango da kooperatibak<br />
arlo horretan daukan barne-erregulazioa.<br />
f) Oro har, kooperatiba-lanaren araubideari buruzko barne-arauetatik datozen eskubide<br />
eta betebeharrak.<br />
Azken atal horrek jasotzen dituen ia gai guztiak badira aurretiaz aipatu ez direnak eta<br />
kooperatibak dituen barne-arauei doazkien eskubide edo betebeharrekin zerikusia dutenak.<br />
Hain zuzen ere, bazkide langileen edo lan-bazkideen lan-prestazioari atxikitako gai guztiak<br />
lotuta daudenez gero, horietako edozeinetan auziren bat izanez gero, lan-arloko jurisdikzioko<br />
epaitegi eta auzitegiei dagokie eskumena; hala ere, demandatzaileak lehenago egiaztatu<br />
beharko du EKLn, hura garatzeko arauetan, sozietate-estatutuetan edo kooperatibaren<br />
arauetan (barne-araubideko erregelamendua edo berariazko akordioak) araututako barruko<br />
bide kooperatiboa agortu dela, EKLren 165.1.f) artikuluak ezarritakoari jarraiki. Lan honetan,<br />
artikulu horri buruzko egindako iruzkinari lotzen natzaio.<br />
3. atala aginduzkoa da lan-arloko jurisdikzioko epaitegi eta auzitegientzat. Horrek esan<br />
nahi du, alderdi gisa, kooperatibei eta bazkide langile edo lan-bazkideei eragiten dieten<br />
auziak ebazteko, EKL, sozietate-estatutuak eta kooperatibaren gainerako barne-akordioak<br />
eta, oro har, printzipio kooperatiboak aplikatuz ebatzi beharko dituztela. Dena dela, auziaren<br />
xede den gaia EKL aplikatuz edo kooperatibaren barne-araudia aplikatuz edo printzipio<br />
kooperatiboen bidez ezin bada ebatzi, eta kasu horretan bakarrik, lan-arloko jurisdikzioko<br />
epaitegi edo auzitegiek analogiaz aplikatuko dituzte lan-esparruko legeriaren xedapenak.<br />
15.3.5.3. Beste arau aplikagarri batzuk<br />
Estatuko kooperatiba-legeriaren artikulu baliokidea 87. artikulua da, eta haren edukiaren<br />
arabera, kasu honetan, ez da aplikagarria gure autonomia-erkidegoan; beraz, ez du egingo<br />
egun indarrean dagoen EKLren arau osagarriarena (EKren 149.3 artikulua), 3. atalak xedatzen<br />
duenari dagokionez izan ezik. Atal horrek dioenez, kooperatibetan araututa ez badago,<br />
391
KOOPERATIBA MOTAK: LAN ELKARTUKO KOOPERATIBAK<br />
kooperatiben barneko bidea agortzen den bitartean eten egingo da akzioak egikaritzeko edo<br />
eskubideak baieztatzeko preskripzio- edo iraungitze-epeen zenbaketa.<br />
Era berean, araudi hauek hartu behar ditugu kontuan:<br />
a) Botere Judizialaren uztailaren 1eko 6/1985 Lege Organikoa, bereziki 86 ter.2. a)<br />
artikulua.<br />
b) Lan-arloko jurisdikzioa arautzen duen urriaren 10eko 36/2011 Legea, bereziki, 2.c)<br />
artikulua (eskumena esleitzea), 103. artikulua eta hurrengoak (kanporatze-kasua);<br />
114. artikulua (zehapenak aurkaratzea), besteak beste, auziaren gaiaren arabera.<br />
c) LELTB eta kooperatibaren jarduera jasota dagoen sektoreari aplika dakizkiokeen<br />
hitzarmen kolektiboak, EKLk, barne-kooperatibaren araudiak eta printzipio<br />
kooperatiboek arautzen ez dituzten gai guztietan.<br />
d) 8/2015 Legegintzako Errege Dekretua, urriaren 30ekoa, Gizarte Segurantzaren Lege<br />
Orokorraren testu bategina onartzen duena, bereziki, 7.1.c) artikulua (lan elkartuko<br />
kooperatibetako langile bazkideei aplika dakieke); 14. artikulua (langile eta laneko<br />
bazkideei doakiena); 152.1 eta 215.5 artikuluak (erretiro partzialaz dihardutenak);<br />
327. artikulua (jarduera etetea); 330.2 artikulua (jarduera eteteagatiko prestazioa<br />
sortzea); 335. artikulua (jarduera eteteko kasuak); hogeita zortzigarren xedapen<br />
gehigarria (laneko istripu eta lanbide-gaixotasunagatiko kontingentzien, jarduera<br />
etetearen eta lanbide-heziketaren salbuespenak); eta hemeretzigarren xedapen<br />
iragankorra (lan-bazkide jakin batzuen araubidea).<br />
392
16. KONTSUMO-KOOPERATIBAK* 1<br />
16.1. Sarrera<br />
Kontsumo-kooperatiben jatorria, historiak dioenez, Ingalaterrako Rochdale herrian hasi<br />
zen mugimendu kooperatiboari atxikita dago, zehazki, 1844ko abuztuaren 24an, hiriko<br />
ehuleek sortutako Rochdale Pionners Equitable Society izeneko sozietateari. Ehule horiek<br />
etxeko gauzakien eta elikagaien biltegi kooperatiboa eratu zuten, bazkide bakoitzak astean<br />
behin ematen zuen bi penny-ko kapitala baliatuz. Antolatzeko era hori eredugarri bilakatu<br />
zen egungo kooperatiba modernoa ekarri zuten beste kooperatiba batzuentzat.<br />
Gure inguruan, 1887ko Elkarteen Legeak kontsumo-kooperatibak sozietate zibil gisa<br />
arautu eta haien oinarrizko printzipioak ezarri baino lehen, Bizkaiko Labe Garaien enpresako<br />
langileek sortutako Barakaldoko Langileen Kooperatiba Sozietatea izan zen aitzindaria,<br />
1884ko uztailaren 1ean sortu zen, eta gerora, antzeko beste batzuk sortu ziren, enpresei eta<br />
langile-mugimendu sozialistari, abertzaleari edo katolikoari lotutakoak.<br />
Kontsumo-kooperatibak euren kabuz ekoizteko edo merkatuan kalitate- eta preziobaldintza<br />
onenak bilatzeko eratu ohi ziren, bazkideek behar zituzten ondasun eta zerbitzuez<br />
hornitzeko, batez ere elikagaiez, bai eta jantziez, uraz edo argiaz ere. Gainera, batzuetan,<br />
bazkideentzako hezkuntza-, kultura- edo laguntza-zerbitzuak finantzatzeko onurak lortzen<br />
zituzten.<br />
Gaur egun, kontsumo-kooperatibek edo kontsumitzaile eta erabiltzaileen kooperatibek<br />
bilakaera nabarmena izan dute, merkatuaren errealitatera egokitu dira beste erakunde batzuekin<br />
baldintza berdinetan lehiatu ahal izateko, eta haien elkarte-izaera demokratikoa garrantzia<br />
galduz joan da, haiek kudeatzen dituztenek hartzen dituzten erabakien mesedetan, enpresa<br />
kapitalistetan gertatzen den moduan. Hala eta guztiz ere, gehien-gehienek tamaina txikiko<br />
erakundeak izaten jarraitzen dute, eta sozietatearen jarduera tokiko eremura mugatuta dago,<br />
salbuespenak salbuespen, horiek baitira fakturazioaren zatirik handiena barneratzen dutenak.<br />
16.2. Berrikuntza nagusiak aurreko araudiaren aldean<br />
Euskadiko Kooperatiben abenduaren 20ko 11/2019 Legeak (aurrerantzean EKL)<br />
indargabetutako araudiaren aldean, azkena genero-ikuspegiaren arabera egokitu, besterik ez<br />
du egin<br />
16.3. Iruzkin orokorra eta esanahi praktikoa<br />
16.3.1. Kontzeptua<br />
EKLren 108. artikuluak ondoko helburua aitortzen die kontsumo-kooperatibei: “ondasun<br />
nahiz zerbitzuak eskaintzea bazkideei eta haiekin bizi direnei, eta kontsumitzaile eta<br />
erabiltzaileen bidezko eskubide eta interesak defendatzea eta sustatzea”.<br />
* Carlos Díaz-Aguado Jalón jaunak, UPV/EHUko Zuzenbide Zibila Saileko Zuzenbide Zibileko irakasle<br />
titularrak, egindako iruzkina.<br />
393
KONTSUMO-KOOPERATIBAK<br />
EKLren 108.1 artikuluaren edukiaren berbaz berbako interpretazioa eginda, ondorioztatu<br />
behar dugu kontsumo-kooperatibak kontsumitzaileen eta erabiltzaileen elkarteak ere badirela,<br />
kontsumitzaile eta erabiltzaileen eskubide eta interes legitimoak defendatzea eta sustatzea<br />
baitute helburu. Hala eta guztiz ere, abenduaren 22ko 6/2003 Legeak, Kontsumitzaileen eta<br />
Erabiltzaileen Estatutuarenak (KEE), dakarren 29. artikulua ikusita, eduki hori ñabartu behar<br />
dugu, artikuluak dioenez, “Lege honen ondorioetarako… Kontsumitzaileek kooperatibalegerian<br />
oinarrituta sortzen dituzten erakundeak ere kontsumitzaileen eta erabiltzaileen<br />
elkarteak izango dira, baldin eta horien helburuetako bat kideak hezi eta prestatzea bada<br />
eta horretarako funtsa eratzera behartuta badaude, legeria zehatzaren arabera”, hau<br />
da, kontsumitzaileek eratutako kooperatibak, KEEren ondorioetarako, kontsumitzaileen<br />
elkarteak izango dira, baldin eta haien helburuen artean nahitaez bazkideak heztea eta<br />
prestatzea badaude eta xede horretarako funts eratzera behartuta badaude.<br />
Berariaz ezarrita ez badu ere, Kontsumitzaileak eta Erabiltzaileak Babesteko Lege<br />
Orokorraren Testu Bategina (KEBLOTB) onartzen duen azaroaren 16ko 1/2007<br />
Legegintzako Errege Dekretuaren 24. Artikuluak eta beste lege osagarri batzuek estatumailan<br />
ezartzen duen esanahiari lotuta interpretatu behar da; artikulu horrek dioenaren<br />
arabera, KEEk xedatutakoari jarraiki eratutako kontsumitzaileen elkarte edo kooperatibak<br />
dira kontsumitzaileen eta erabiltzaileen izenean eta haien interes orokorrak ordezkatuz<br />
jardun dezaketen bakarrak.Hori aitortzen diete berariaz KEEren 28.1 artikuluak; aitzitik,<br />
esandako artikuluak araututako betekizunak betetzen ez dituztenek bazkideak edo elkartearen<br />
interesak soilik ordezkatu ahal izango dituzte, baina ez kontsumitzaileen interes orokorrak,<br />
kolektiboak edo lausoak.<br />
Nolanahi ere, hori guztia alde batera utzita, bi elkarte horien arteko aldea dugu<br />
kontsumitzaileen eta erabiltzaileen kooperatiba gisa eratutako erakundeen helburua dela<br />
bazkideak eta haiekin bizi direnak erabili edo kontsumitzeko ondasunak edo zerbitzuak<br />
bilatzea, eta, gainera, EKLren 108.2 artikuluak dioenarekin bat etorriz, kontsumitzaileen eta<br />
erabiltzaileen eskubide eta interes legitimoak defendatzea eta sustatzea. Kontsumitzaileen<br />
eta erabiltzaileen elkarteek, aldiz, ez dute esandako lehen helburua.<br />
16.3.2. Kontsumo-kooperatibak sortzea<br />
Bereiz aztertu behar ditugu EKLk eta EEK-k galdatzen dituzten betekizunak.<br />
EKLk ia ez die manu berezirik eskaintzen kontsumo-kooperatibei, aipatutako 108.<br />
artikuluaz gain; beraz, kooperatiba guztientzat I. tituluaren II. kapituluan ezarritako aginduek<br />
arautzen dute haien sorrera.<br />
Kooperatiba mota hori eratzeko bazkide-kopuru handia behar dela pentsa daitekeen<br />
arren, EKLk ez dio salbuespenik ezarri 19.1 artikuluaren arau orokorrari. Horren arabera,<br />
“Kooperatiba sortzen den unean, sortzen den kooperatiba motako hiru bazkidek, gutxienez,<br />
osatu beharko dituzte lehen mailako kooperatibak”; legegilearen aburuz, kooperatiba txikiak<br />
egoteko aukera ematen du, eta, horrez gain, hasiera batean, gutxienez, hiru bazkidek izan<br />
behar dutela eskakizuna den arren, bazkide gehiago izateko debekurik ez dago eta, bestetik,<br />
ondo antolatutako pertsonek behar bezala sor dezakete kooperatiba eta, atxikipen askeko<br />
printzipioari jarraiki, kooperatiba gerora haz daiteke.<br />
394
KONTSUMO-KOOPERATIBAK<br />
Berezitasun gisa, kooperatiben sorrera erregulatzen duten arauen artean, kooperatiben batzar<br />
orokorra lehen edo bigarren deialdian soilik biltzeko arau orokorraren aurrean, salbuespen<br />
gisa, EKLren zioen azalpenean azaltzen den bezala, batzar orokorra egiteko lehen bi saiakera<br />
horiek, quorum-faltagatik, emaitzarik izan ez badute, EKLren 13.1.l. artikuluak modua eman<br />
du hirugarren deialdia ere ezartzea aukera gisa kontsumo-kooperatibetan, estatutuotan hauxe<br />
agertu behar dela: “Nola deituko den batzar orokorra, ohikoa zein berezia: publizitatea eta<br />
epea; lehenengo edo bigarren deialdian, edo hirugarrenean kontsumo-kooperatibetan…”.<br />
Eta, kasu horretan, 36.2 artikuluak ezartzen duenez, batzar orokorra lehen deialdian<br />
behar bezala eratzeko beharrezkoa izango da bertaratutakoen edo ordezkatutakoen botoen<br />
gehiengoa bertaratzea, eta, bigarren deialdian, botoen ehuneko hamar edo ehun boto dituzten<br />
bazkideak egotea, baina estatutuetan hirugarren deialdia arautu ahalko da; kasu horretan,<br />
batzarra egin ahal izango da, bertaratutako edo ordezkatutako botoen kopurua edozein<br />
dela ere; nolanahi ere, bigarren eta hirugarren deialdien artean, sozietatearen estatutuetan<br />
ezarritako tartea egon beharko da.<br />
Gainera, EKLren 36.5 artikuluak, kontsumo-kooperatibak direla eta, ondokoa dakar:<br />
“Estatutuetan hala jasotzen bada,…, ezkontideak edo familiako besteren batek –estatutuetan<br />
onartzen den ahaidetasun-mailaraino–, edo legezko tutoreak ordezkatu ahal izango<br />
du bazkidea batzar orokorrean, baldin eta jarduteko gaitasun osoa baldin badu. Orobat<br />
zehaztu beharko da estatutuetan ea ahalorde berezi bat behar den batzar bakoitzerako, edo<br />
ordezkaritza-idatziak haietan zehaztutako eperako balio izango duen”.<br />
Berezitasun horiek guztiak aplika dakizkieke irakaskuntza-kooperatibei, baldin eta<br />
ikasleen gurasoak, horien legezko ordezkariak edo ikasleak elkartzen badituzte (EKLren<br />
109.2 artikulua) eta osasun-instalazioetako kooperatibei, halakoek ematen duten zerbitzuaren<br />
espezialitatea eta jarduten duten sektorea kontuan hartuta erregelamendu bidez ezar<br />
daitezkeen egokitzapenak aintzat hartuta (EKLren 126.2 artikulua).<br />
KEEk ematen dizkien onurak gozatu ahal izateko, erregelamenduak ezarritako baldintzei<br />
dagokienez, kontsumitzaile eta erabiltzaileen kooperatibek honako baldintza hauek bete<br />
beharko dituzte sorreran:<br />
1. Euskadiko Kontsumitzaileen eta Erabiltzaileen El-karteei buruzko Erregistroan<br />
inskribatuta egotea.<br />
2. Egoitza Euskal Autonomia Erkidegoan izatea.<br />
3. Onura-mota bakoitza lortzeko legez ezartzen zaiz-kien baldintzak eta betekizunak<br />
biltzea. Betekizun hauek erregelamenduz zehazteko unean, besteak beste,honako<br />
irizpideak jarraituko dira: Euskal Autonomia Erkidegoan duten lurralde-ezarpena,<br />
kide-zenbakia etajarduera-programa.<br />
4. Kontsumitzaileen eta erabiltzaileen elkarteek fedeonaren, leialtasunaren eta<br />
prestasunaren printzipioetan oinarrituz egingo dituzte beren jarduketak. Ez dute<br />
daturik zabalduko horretarako akreditazio, analisi-emaitza edo behar bezala<br />
kontrastatutako kalitate-kontrolik ez badago. Dena dela, honek guztiak ez dio<br />
kalterik egiten elkarteek egoki ikusten dituzten salaketak jarri ahal izateko duten<br />
eskubideari.<br />
395
KONTSUMO-KOOPERATIBAK<br />
Azkenik, KEEren 29.2 artikuluak ondokoa dio: “Kontsumitzaileek kooperatiba-legerian<br />
oinarrituta sortzen dituzten erakundeak ere kontsumitzaileen eta erabiltzaileen elkarteak…<br />
baldin eta horien helburuetako bat kideak hezi eta prestatzea bada eta horretarako funtsa<br />
eratzera behartuta badaude, legeria zehatzaren arabera”. EKLren 70.2.a) eta 72 1.a)<br />
artikuluek jaso duten funts berdina da; Lehen artikuluaren arabera, “Urtero, honela bideratuko<br />
dira soberakinak: a) Ehuneko hogeita hamar, gutxienez, Nahitaezko Erreserba Funtserako<br />
eta kooperatiba-heziketa eta -sustapenerako eta interes publikoko beste helburu batzuetarako<br />
ekarpenerako. Portzentaje horretatik, gutxienez ehuneko hamar kooperatiba-heziketa eta<br />
-sustapenerako eta interes publikoko beste helburu batzuetarako ekarpenerako bideratuko<br />
da…”, eta, bigarrenaren arabera, “Estatutuek edo batzar orokorrak finkatutako oinarrizko<br />
ildoak aplikatuz, interes publikoko helburu hauetakoren bat izango du soberakinei 70.2.a)<br />
artikuluan ezartzen zaien nahitaezko ekarpenak: a) Bazkideak eta langileak prestatzea eta<br />
heztea kooperatibismoaren eta kooperatiba-jardueren arloan eta lanpostuarekin lotuta ez<br />
dauden beste arlo batzuetan”.<br />
16.3.3. Bazkideak<br />
Kontsumitzaileen eta erabiltzaileen kooperatiba bateko bazkideen mota aldatu egiten da,<br />
lehen edo bigarren mailako kooperatiba den:<br />
a). Lehen mailako kooperatibak<br />
Lehen mailako kooperatibetan, EKLren 19.1 artikuluak dioenarekin bate etorriz,<br />
bazkide izan daitezke pertsona fisikoak zein juridikoak, publikoak zein pribatuak. Eta,<br />
kontsumitzaileen eta erabiltzaileen kooperatiben kasuan, 108.1 artikuluak dio bazkide<br />
izan daitezkeela pertsona fisikoak eta entitate edo erakundeak, baina betiere kooperatibak<br />
eskainitako ondasun edo zerbitzuen azken hartzaile badira.<br />
“Ondasunen edo zerbitzuen azken hartzaileak” esapidearen jatorria dago uztailaren<br />
19ko 26/1984 Legean, gaur egun indargabetuta dagoen kontsumitzaileak eta erabiltzaileak<br />
babesteari buruzkoan. Lege horrek honela ezarri zuen kontsumitzaile eta erabiltzaileen<br />
kontzeptua: azken hartzaile gisa ondasun higigarriak edo higiezinak, produktuak, zerbitzuak,<br />
jarduerak edo funtzioak eskuratu, erabili edo gozatzen dituzten pertsona fisiko edo juridikoak<br />
dira, eta kontsumitzaile edo erabiltzaile izaera ukatu zien azken hartzaile ez direnei. “Ondasun<br />
edo zerbitzu baten azken hartzailea” esapidearen esanahia zehazteko zailtasuna dela eta,<br />
estatuko legegileak berak kontzeptu hori baztertu du indarrean dagoen KEBLOTBen.<br />
Azkenak kontsumitzailetzat hartzen ditu merkataritza- edo enpresa-jarduera batetik<br />
kanpoko eremu batean irabazi-asmorik gabe jarduten duten pertsona fisikoak edo nortasun<br />
juridikorik gabeko entitateak, eta, Euskadiren eremuan, hauxe dio KEEren 3. artikuluak:<br />
“lege honen ondorioetarako, kontsumitzaileak eta erabiltzaileak dira edozein nazionalitate<br />
edo bizilekutako pertsona fisiko edo juridikoak, baldin eta azken hartzaile gisa ondasun<br />
higigarriak edo higiezinak, produktuak eta zerbitzuak eskuratzen, erabiltzen edo gozatzen<br />
badituzte, eta hornitzailea enpresa profesionala bada edo administrazioa bera, zerbitzuak<br />
ematen edo produktuak hornitzen baditu zuzenbide pribatuko araubidearen arabera”.<br />
Eta, gaia areago argitzeko, honako hau erantsi dudu: “ez dira kontsumitzaile edo<br />
erabiltzailetzat hartuko produktuak, ondasunak eta zerbitzuak merkaturatzeko edo zerbitzuak<br />
emateko ekoizpen-prozesu batean txertatzen dituzten pertsona fisiko edo juridikoak, txertatze<br />
horrek zuzeneko onurarik ez badakar ere”.<br />
396
KONTSUMO-KOOPERATIBAK<br />
Funtsezkoa da, beraz, bazkideek eurek edo elkarrekin bizi diren pertsonek kontsumitzeko<br />
eskuratzea ondasunak edo zerbitzuak, irabazi-asmorik gabe, eta merkatura itzultzeko inolako<br />
asmorik ez dutela, merkataritza- edo enpresa-jardueraren bat eginez.<br />
Bazkide izan ahal izateko, bazkideek estatutuetan ezarritako onartze-baldintzak bete<br />
beharko dituzte, oro har, elikagaien merkataritza-banaketan aritzen diren kooperatiben<br />
kasuan, azken hartzaile izatea. Estatutuetan araututako hasierako nahitaezko ekarpena ere<br />
egin beharko dute.<br />
Bazkideek honako betebehar hauek dituzte:<br />
1. Batzar orokorraren eta deitzen dieten gainerako organoen bileretara joatea.<br />
2. Karguren baterako izendatu badituzte, onartzea, salbu eta ez onartzeko bidezko<br />
arrazoia dagoen kasuetan.<br />
3. Kooperatibaren helburu diren jardueretan parte hartzea.<br />
4. Ez egitea kooperatibaren helburu sozialarekin lehian dagoen jarduerarik, eta ez aritzea<br />
lankidetzan horrelako jarduerak egiten dituztenekin; salbu eta administratzaileek<br />
espresuki horretarako baimena ematen duten kasuetan.<br />
5. Isilpean gordetzea kooperatibaren jarduerak eta datuak.<br />
6. Aurreikusitako baldintzetan egitea kapital sozialari egin behar dizkion ekarpenak.<br />
7. Galerak beren gain hartzea, batzar orokorrak erabakitako kopuruan.<br />
8. Legeen eta estatutuen ondorioz sortzen diren gainerako betebeharrak betetzea, eta<br />
kooperatibako organoek balio osoz hartutako erabakien ondorioz sortzen direnak<br />
betetzea.<br />
Bazkideek eskubide hauek izango dituzte:<br />
1. Kooperatibako organoetako karguetarako kideak hautatzea, eta kargu horietarako<br />
hautatuak izatea.<br />
2. Batzar orokorrean edo batzarkide diren gainerako organoetan proposamenak egitea<br />
eta hartzen diren erabaki guztietan parte hartzea hitzez eta botoa emanez.<br />
3. Kooperatibaren jarduera guztietan parte hartzea, diskriminaziorik gabe.<br />
4. Eskubideak baliatzeko eta betebeharrak betetzeko beharrezkoa den informazio<br />
guztia jasotzea.<br />
5. Bidezkoa bada, sozietatearen kapitalera egindako ekarpenak eguneratzea eta<br />
itzultzea, baita, hala badagokio, sortutako interesak jasotzea ere.<br />
6. Kooperatiba-itzulkina jasotzea, hala badagokio.<br />
7. Lege eta estatutuen ondoriozko gainerakoak.<br />
b) Bigarren mailako kooperatibak<br />
Hazteko eta merkatuan hobeto lehiatu ahal izateko helburuz, beste kooperatiba batzuekin<br />
lankidetzan aritzeko beharra dela eta, batzuetan, kooperatibek bigarren mailako beste<br />
kooperatiba batzuk sortzen dituzte, EKLren 146.1 artikuluak ezarri duen bezala, erakunde<br />
kideen eta sortzen den taldearen jarduera ekonomikoa osatu, sustatu, koordinatu, indartu edo<br />
integratzeko xedez, estatutuek jasotzen duten esanguran eta hedaduraz. Azkenik, estatutuek<br />
397
KONTSUMO-KOOPERATIBAK<br />
kooperatiba berrien organoei eskualdatzen dizkieten funtsezko ahalmenak ere ezarri beharko<br />
baitituzte, xedea garatzeko beharrezkoak direlako.<br />
Bigarren mailako kooperatibak, gutxienez, bi kooperatibak osatzen dituzte, eta horiei beste<br />
pertsona juridiko batzuk eta banakako enpresaburuak atxiki dakizkieke. Kooperatiba horiek<br />
ezin izango dute, inola ere, bigarren mailako kooperatiban dauden boto guztien erdia baino<br />
gehiago izan.<br />
Bigarren mailako kooperatiba enpresa-integrazio helburuz eratzen denean, estatutuetan<br />
zehaztuko dira jarduera-arlo integratuak, taldearen zuzendaritza gauzatzeko oinarriak eta<br />
ezaugarriak.<br />
Estatutuetan arautuko dira, halaber, elkartutako erakundeen proposamenak azalpenezkoak<br />
eta, beraz, lotesleak ez diren gaiak edo arloak.<br />
16.3.4. Xedea<br />
Kontsumitzaileen eta erabiltzaileen kooperatiba baten sozietate-xedea da, EKLren 108.<br />
artikuluak berariaz ezarri duen bezala, “bazkideak eta haiekin bizi direnak erabili eta<br />
kontsumitzeko ondasunak edo zerbitzuak ematea”, eta, EKLren 13.1.c) artikuluak dioen<br />
bezala, estatutuetan kooperatibaren sozietate-helburua osatzen duen jarduera jaso beharko<br />
da, kooperatibak garatu nahi dituen jarduera espezifikoak zehaztuta.<br />
Arestian esan bezala, kooperatibak ondasunak eta zerbitzuak eskaintzen dizkien bazkideek<br />
eta haiekin bizi direnek, nahitaez, ondasun eta zerbitzu horien azken hartzaileak izan behar<br />
dute, hau da, beren kontsumorako erabili behar dituzte, inolako jarduera ekonomikotan<br />
baliatu gabe. Eta hori aplikagarria da, bai pertsona fisikoak direnean, bai nortasun juridikoa<br />
duten edo ez duten erakundeak direnean.<br />
Kooperatibak bere bazkideei ematen dizkien ondasun edo zerbitzuen izaerari dagokionez,<br />
estatuaren eremuan, Kooperatibei buruzko Legearen 5.12 xedapen gehigarriak dio<br />
kooperatibek bazkideei emandako ondasun-emateak eta zerbitzu-prestazioak, direla<br />
kooperatibek sortutakoak, beraien sozietate-helburuak betetzeko, direla hirugarrenei<br />
eskuratutakoak, ez direla salmentatzat hartuko, eta, gehiago zehaztuta, Gaztela-Mantxako<br />
Kooperatiben Legearen 144.2 artikuluak dioenaren arabera, kooperatibak bere bazkideei<br />
egindako hornidurak barruko sozietate-eragiketak dira, kooperatibak zuzeneko kontsumitzaile<br />
bateratu edo komunitario gisa jarduten baitu.<br />
Hirugarrenekiko jarduerak<br />
Egia da EKLren 108. artikuluan adierazita dagoela kontsumo-kooperatiben xedea dela<br />
bazkideei eta haiekin bizi direnei ondasunak eskuetaratzea edo zerbitzuak ematea, bazkideek<br />
erabiltzeko edo kontsumitzeko, eta, beraz, kooperatiben jarduera, funtsean, horretan datza.<br />
Dena dela, artikulu berak, 2. zenbakian, gaineratu du bazkideak ez diren pertsona edo<br />
erakundeei ondasunak edo zerbitzuak eskuratu eta eman ahal izango dizkietela, estatutuek<br />
hala arautzen dutenean eta betiere sozietateen lurralde-eremuaren barruan.<br />
Izan ere, batzuetan, sozietate-xedea gauzatu ahal izateko, kontsumo-kooperatibek bazkide<br />
ez diren pertsonekin jardun behar dute; izan ere, zer egin behar dute, adibidez, bazkideen<br />
398
KONTSUMO-KOOPERATIBAK<br />
eskaria gainditzen duen ekoizpenaren zatiarekin? Horregatik, zenbait sektoretan gertaera<br />
horrek beti eragin duen aurkaritza gaindituta, gaur egungo legeria gehienek onartzen dute<br />
kontsumo-kooperatibek bazkideak ez diren pertsonei edo erakundeei produktuak edo<br />
zerbitzuak eskaintzeko aukera.<br />
Gure kasuan, EKLren 5.1 artikuluak, 108.2 artikuluak kontsumo-kooperatibentzat berresten<br />
duena aurreratuta, hau da, kooperatibek kooperatiba-jarduera egin ahal izango dutela bazkide<br />
ez diren pertsonekin, legeetan eta kooperatiben estatutuetan ezarritakoak baino muga<br />
gehiagorik gabe, eta kooperatibek hirugarrenekiko jarduerak egin ahalko dituztela onartuta,<br />
kendu egin du gaur egun indargabetuta dagoen EKLren hurrengo artikuluak zekarren muga,<br />
hau da, hirugarrenekiko kooperatiba-jarduerak bazkideekiko jardueraren osagarria edo haren<br />
mendekoa izan behar zuela, nahiz eta, bazkide ez diren pertsonentzako hornidura bideragarria<br />
izateko, kooperatibaren estatutuetan jasota egon behar zuela eta, beraz, kooperatibaren<br />
jarduerarekin nola edo hala lotuta egon behar zuela, osterantzean, estatutuetako xedapena<br />
lekuz kanpokoa izango zelako.<br />
Gutziaz ere, EKLren 108.2 artikuluak muga honi eutsi dio: bazkide ez diren pertsona edo<br />
erakundeentzako hornidura kooperatibaren lurralde-eremuaren barruan egin beharko da.<br />
Kontsumitzaile edo erabiltzaileen eskubide eta interesak defendatzea<br />
EKLren 108. artikuluak, ondokoa ezarri du kontsumo-kooperatiben xedean, eta, beraz,<br />
kooperatiba bakoitzaren estatutuek ez dute ezarri behar: “kontsumitzaile eta erabiltzaileen<br />
bidezko eskubide eta interesak defendatzea eta sustatzea”. Gainera, KEEren 29.2 artikuluaren<br />
xedapenez, hauxe gehitu behar zaio xede horri, , “kideak hezi eta prestatzea”. Ildo horretan,<br />
24.2 artikuluak dioenez, “Kontsumitzailearen eta erabiltzailearen heziketa-bidez, alderdi<br />
hauek lortu nahi dira:<br />
a) Pertsonaren prestakuntza osoa garatzea eta kontsumo arduratsua bultzatzea.<br />
b) Eskubideak zein diren eta eskubideez nola baliatu jakitea.<br />
c) Ondasunak eta zerbitzuak erabiltzeak eta kontsumitzeak dakartzan arriskuen berri<br />
izatea.<br />
d) Kontsumitzeko jarraibideak egokitzea, baliabideak arrazoizko eran erabiltzera<br />
jotzeko, ekologiako balioak aintzat hartuz, era horretan kontsumitzaileek eta<br />
erabiltzaileek kontzientzia har dezaten ingurumena zaintzeko eta garapen jasangarria<br />
lortzeko duten erantzukizunaz.<br />
Azkenik, 25. artikuluak xedatu duenez, Eusko Jaurlaritzak, kontsumitzaileak eta<br />
erabiltzaileak babesteko gaietan eskumena duten organoen bidez, kontsumitzaileak eta<br />
erabiltzaileak hezteko eta prestatzeko programak antolatuko, sustatuko eta garatuko<br />
ditu, baina ez dago inolako oztoporik kontsumo-kooperatibek ere gauza bera egin ahal<br />
izateko, EKLren 108. artikuluak sozietatearen xedean txertatu baitu “kontsumitzaileen eta<br />
erabiltzaileen eskubide eta interes legitimoak defendatzea eta sustatzea”.<br />
Heziketa- eta prestakuntza-programak dira, eta, horien artean, 25. artikuluaren bigarren<br />
paragrafoan adierazi den bezala, ondokoak aipatu behar ditugu kontsumo-kooperatibei<br />
bereziki aplikatzekoetan, testuak halako kooperatibak aipatzen ez dituen arren:<br />
399
KONTSUMO-KOOPERATIBAK<br />
a. Kontsumitzaileak babesteko gaietan eskumenak dituzten langileen prestakuntza<br />
sustatzea, gehienbat merkatua kontrolatzeko lanetan eta kontsumitzaileei eta<br />
erabiltzaileei informazioa eta orientabidea ematen aritzen diren langileena eta,<br />
orobat, kontsumitzaileen eta erabiltzaileen elkarteetako langileena.<br />
b. Enpresa-erakundeekin batera, enpresa-sektoreen kontsumo-arloko prestakuntza<br />
sustatzea eta garatzea.<br />
16.4. Beste arau aplikagarri batzuk<br />
Kontsumo-kooperatibek, ezinbestean −bizitzan, oro har, gertatzen den moduan−, bilakatu<br />
behar izan dira gizarte-aldaketetara egokitzeko. Kooperatiba-mota berrientzako eredu<br />
izatetik gaur egun, kasu batzuetan, izugarri hazi dira, tamaina handiko erakunde bihurtu arte,<br />
edo hirugarrenekiko jarduerak egitea onartu zaie, aldaketa esanguratsu batzuk aipatzearren.<br />
Etengabeko bilakaera horri kontsumo-kooperatiben kontzeptua partez aldatzen duen<br />
alderdi bat gehitu behar zaio gaur egun, gizarteak kontsumitzaileak eta erabiltzaileak<br />
babesteko beharra azaleratu zuenetik, haiek babesteko legeria modernoarekin bat eginda.<br />
Kontsumo-kooperatibek bazkidek eta haiekin bizi direnek erabiltzeko eta kontsumitzeko<br />
ondasunak lortzeari edo zerbitzuak emateari lotutako ohiko helburuari kontsumitzaileen<br />
eta erabiltzaileen interes legitimoen defentsa babestea gehitu diote, bai eta horien heziketa<br />
eta prestakuntza sustatzea ere. Horren ondorioz, kooperatibatzat ez ezik, kontsumitzaileen<br />
elkartetzat ere jo behar dira, horrek dakarren guztia aintzat hartuta.<br />
Bada, aurrekoa esanda, Kontsumitzaileen eta Erabiltzaileen Estatutuari buruzko abenduaren<br />
22ko 6/2003 Legea aipatu behar dugu arau aplikagarri gisa.<br />
400
17. IRAKASKUNTZA-KOOPERATIBAK* 1<br />
109. artikulua.– Helburua eta modalitateak.<br />
1.– Irakaskuntza-kooperatibak dira irakaslanak egiten dituztenak jakintza edo<br />
prestakuntzako edozein maila, etapa, ziklo, gradu eta modalitatetan. Eskolaz kanpoko<br />
ekintzak eta haiekin zerikusia dutenak ere egin ditzakete; era berean, eskola-zerbitzu<br />
osagarriak eman ditzakete, eta irakaslanak errazten dituzten zerbitzu guztiak.<br />
2.– Ikasleak, haien gurasoak edo haien legezko ordezkariak elkartzen dituztenean, lege<br />
honetan kontsumo-kooperatibetarako ezarritako arauak aplikatuko zaizkie, bai eta<br />
36.2 artikuluan xedatutakoa ere. Irakasleak eta ikastetxeko gainerako langileak<br />
ere sartu ahal izango dira kooperatiban, edo lan-bazkide modura, edo bazkide<br />
laguntzaile modura. Beste interesdun batzuen artean, ikasle ohiek ere izan dezakete<br />
azken posizio hori.<br />
3.– Irakaskuntza-kooperatibek irakasleak, irakasle ez diren langileak eta zerbitzulangileak<br />
elkartzen dituztenean, 36.2 artikuluan adierazitakoa ez ezik, lege honetan<br />
lan elkartuko kooperatibentzat ezarritako arauak ere aplikatuko zaizkie, salbu eta<br />
30. artikuluan erregulatutakoa, eta bazkide laguntzaileen posizioa izan ahalko dute<br />
ikasleek, haien gurasoek edo legezko ordezkariek eta ikasle ohiek, besteak beste.<br />
4.– Estatutuetan aurreikusiz gero, integrala edo sektoreartekoa izan daiteke<br />
irakaskuntza-kooperatiba; horretarako, batetik, gutxienez irakasle eta irakasle ez<br />
diren langile gehienak bildu behar dira, eta, bestetik, ikasle gehienak edo haien<br />
ordezkari gehienak; edo, bestela, halako gehiengoetara iritsi gabe, mota horretako<br />
kooperatiba bat sortzeko estatutuetan eskatzen den bazkide kopurura heldu beharko<br />
da talde bi horietako kideekin.<br />
110. artikulua.– Irakaskuntza-kooperatiba integralen berezitasunak.<br />
1.– Aurreko artikuluko 4. atalean aipatzen diren kooperatibei dagokienez, 36.2 artikuluan<br />
jasotakoa ez ezik, honako hau ezar daiteke estatutuetan:<br />
a) Probaldiak jartzea kooperatiba osatzen duten bi taldeetako bazkideei; gehienez<br />
ere, ikasturte batekoak izango dira probaldiok.<br />
b) Aurreikustea kooperatibako organo sozial guztiek gehiengo indartuz funtzionatuko<br />
dutela, organo bakoitza sortzeko behar den quorumaren hiru laurdenak gainditu<br />
gabe.<br />
c) Oro har finkatzea, erabakiak hartzeko aurreikusten den gehiengo indartua<br />
lortzen ez den kasuetarako, edo horrek ardura ez duen kasuetarako, zenbat<br />
izango diren gehienez ere kontseilariak eta zenbat boto esleitu ahal izango<br />
zaizkion batzar orokorrean bazkide erabiltzaileen taldeari lan-bazkideekin<br />
gorde beharreko oreka gal ez dadin.<br />
* Fernando Aberasturi Lauzurika jaunak, abokatu eta IKASGILTZAko kudeatzaileak; eta Gotzon<br />
Gondra Elgezabal jaunak, abokatu eta Deustuko Unibertsitateko Zuzenbide Fakultateko irakasleak,<br />
egindako iruzkina.<br />
401
IRAKASKUNTZA-KOOPERATIBAK<br />
d) Arautzea batzarretara joateko eta haietan hitz egiteko eskubideen egikaritzea,<br />
oreka zaintzeko neurriak jarrita edo jarri gabe, are bazkide erabiltzaileek<br />
aurretik biltzar berezi bat edo batzuk egin ahal izatea ere, hurrengo batzar<br />
orokorrean eta, hala badagokio, estatutuek zehazten duten epearen barruan<br />
egiten diren hurrengo batzarretan izango dituzten ordezkariak hautatzeko.<br />
e) Kide anitzeko organoetako lehendakariak txandakatzeko sistema bat<br />
aurreikustea; hala, kooperatiba osatzen duten bi taldeetako bazkideek aukera<br />
izango dute iraupen berbereko aldietan txandakatzeko kide anitzeko organo<br />
guztietako lehendakaritzetan.<br />
f) Batzorde erabakitzaile bat arautzea, osaera parekidea izango duena eta<br />
adituek parte hartzea onartuko duena, organoetan batzuetan gertatzen diren<br />
berdinketak ebazteko; horretarako, batzorde horri delegatu ahal izango zaio<br />
dagokion organoak adostu ezin dituen gaiak erabakitzeko ahalmena, zeinahi<br />
ere den gaiaren edukia.<br />
2.– Aurreko zenbakian azaldutako neurriak aldizka edo metatuta ezarri ahal izango<br />
dira, baldin eta estatutuek hartarako bidea ematen badute. Era berean, estatutuek<br />
arau berezi batzuk ezarri ahal izango dituzte bazkide laguntzaileek behar bezala<br />
parte har dezaten.<br />
3.– Bazkide-kolektibo bat besteari sistematikoki nagusitzen zaiolako, sozietatearen<br />
organoak nabarmen eta maiz geldiarazi edo oztopatzen direlako edo behar bezala<br />
oinarritutako arrazoiak daudelako, estatutuek zehaztu ahal izango dute zein<br />
jarraibide edo irizpide erabili beharko diren erabakitzeko egoki den kooperatiba<br />
eramatea aurreko artikuluko 2. eta 3. zenbakietan arauturiko modalitateetako<br />
batera, sozietatea zatituz edo zatitu gabe.<br />
111. artikulua.– Izaera edo onura publikoko bazkideak.<br />
1.– Entitate eta erakunde publikoak eta onura publikoko pribatuak bazkide erabiltzaile<br />
izan ahal izango dira ikasle adingabeen edo ezgaien legezko zaintza eta babesa<br />
egikaritzen ari direnean edo beren mendeko etxe, egoitza edo establezimenduetan<br />
hartu dituzten ikasle adinez nagusiek beren ordezkari izateko ahalmena espresuki<br />
eman dietenean, hargatik kaltetu gabe bazkide laguntzaile gisa, are aldi berean ere,<br />
onartuak izateko aukera.<br />
Estatutuetan espresuki erregulatuko da, lege honen esparruan eta hezkuntza-arloan<br />
indarrean dauden xedapenen esparruan, zer ondorio duen aldi berean bazkide<br />
laguntzaile eta bazkide erabiltzaile izateak.<br />
2.– Halako entitate eta erakundeek, zuzenbidezko edozein tituluren bitartez, era<br />
guztietako ondare-ekarpenak egin ditzakete kooperatiba sortzeko edo egoki<br />
garatzeko; besteak beste, lursail, etxe eta bestelako ondasun higiezinak laga ahal<br />
izango dituzte, tresneriaz hornituak edo hornitu gabeak.<br />
3.– Estatutuek aurreikusiz gero, bazkide instituzional horiei lekua gordeko zaie<br />
artezkaritza-kontseiluan, eta, bazkide erabiltzaile diren aldetik, ordezkatzen dituzten<br />
ikasleen araberako boto kopurua izango dute batzar orokorretan, 37.2 artikuluko<br />
mugarik gabe.<br />
402
IRAKASKUNTZA-KOOPERATIBAK<br />
17.1. Sarrera: legezko arauketaren egitura eta xedea<br />
Oro har, kooperatibismoak bezala, irakaskuntzak sustrai sendoak dauzka eta garapen<br />
handia izan du gure herrialdean. Iruzkin hau argitaratu orduko, kooperatiben erregistroan<br />
inskribatutako irakaskuntza-kooperatiben kopurua (3 modalitateetan) 90 ingurukoa da,<br />
74.000 ikasle baino gehiago dituzte eta 6.500 lanpostu inguru sortuta dituzte. Horren<br />
ondorioz, kooperatibak arautzen dituen euskal araudian ohikoa den bezala, legeak atal bat<br />
eskaini dio kooperatiba-mota horien erregulazioari, bigarren tituluaren (xedapen bereziak)<br />
lehen kapituluaren barruan (kooperatiba-motak).<br />
Aurreko legearen erregulazioan garatutako egituraren antzera (artikuluen zenbakiak baino<br />
ez dira aldatu), atal honen egungo egiturak hiru artikulu ditu:<br />
• 109. artikulua.– Helburua eta modalitateak.<br />
• 110. artikulua.– Irakaskuntza-kooperatiba integralen berezitasunak.<br />
• 111. artikulua.– Izaera edo onura publikoko bazkideak.<br />
Ezarritako araubidearen helburu nagusia, hain zuzen ere, egitura horretatik ondorioztatzen<br />
da, eta legegilearen asmo bikoitza igartzen da.<br />
Alde batetik, irakaskuntza-kooperatibak osatzen dituzten bi talde handien (ikasleak<br />
eta langileak) beharrak batera jartzean sortutako aukeretatik sortzen diren irakaskuntzakooperatiben<br />
motak arautzea.<br />
Bestetik, izaera edo onura publikoko bazkideen parte-hartzea arautzea, mota horretako<br />
kooperatibetan ezarpen handiko sozietate-tresna baita.<br />
Legearen zioen azalpenean aurreratu bezala, irakaskuntza-kooperatibek euren konfigurazio<br />
juridikoari eutsi diote, eta aldaketa bakarra da irakasleak eta irakasle ez diren langileak<br />
lotzen dituzten kooperatibetan, 30. artikulua aplikatzeko era, aurrerago ikusiko dugunez, eta<br />
batzarrak hirugarren deialdian egiteko aukera ere badagoela.<br />
17.2. Berrikuntza nagusiak aurreko araudiaren aldean<br />
Atal hau osatzen duten 3 artikuluek ez dute sakoneko aldaketarik izan atal honetan aipatuko<br />
ditugun uneko moldaketetatik landa, baina, gainerako artikuluetan bezala, idazketa hizkera<br />
inklusiboaren moldera egokitu da, eta, beraz, testua ez da aurreko araudian ageri zenaren<br />
berdin-berdina.<br />
Mota horretako kooperatiben araubideari eragin dion aldaketa nagusia batzar orokorra<br />
hirugarren deialdian egiteko aukera da, Legearen 36.2 artikuluak arautzen duen moduan.<br />
Lege berria aldarrikatu aurretik, zenbait adituk berariaz aldeztu zuten aukera hori, eta, beraz,<br />
bete egin da sektorearen etengabeko eskaeretako bat.<br />
Goian esan dugun bezala, bazeuden batzarrak hirugarren deialdian egitea aldezten zutenak,<br />
aurreko legearen 34.4 artikuluan jasotako kontzeptua kidetasunez aplikatuta, “familiabeharrak<br />
asetzera bideratutako beste edozein (kooperatiba)” aipatzen baitzen bertan.<br />
Zalantzarik gabe, irakaskuntza-kooperatibak, familiak lotzen dituztenak behintzat, tipologia<br />
horretan koka daitezke, baina lege berriak gai gatazkatsu hori konpondu du.<br />
403
IRAKASKUNTZA-KOOPERATIBAK<br />
Funtzionamendu-araubidearen funtsezko beste aldaketa bat, irakasleak eta irakaskuntzaz<br />
kanpoko langileak eta zerbitzuetakoak lotzen dituzten irakaskuntza-kooperatibei eragiten<br />
diena, kooperatiba guztientzat, oro har, legearen 30. artikuluan ezarritako prozeduraren<br />
aplikaziotik kanpo uztea da, bazkide langilearen edo lan-bazkidearen nahitaezko etetea edo<br />
baja arautze aldera, arrazoi ekonomikoak, teknikoak, antolamendukoak, ekoizpenekoak edo<br />
ezinbesteko arrazoiak direla medio. Lege berriaren 109.3 artikuluak berariaz baztertu ditu<br />
irakasleak eta irakasle ez diren langileak eta zerbitzu-langileak lotzen dituzten irakaskuntzakooperatibak<br />
prozedura horretatik, eta, aldi berean, lan elkartuko kooperatibak erregulatzen<br />
dituzten gainerako arauetara igorri ditu, azkenak aplika daitezen.<br />
Legearen zioen azalpenak salbuespena justifikatu du: “salbuespen horren arrazoia da kooperatiba<br />
horiek ezaugarri bereziak dituztela: hezkuntza-proiektuak garatzen dituzte, alderdi<br />
soziala nabarmenduz –ia gehienak irabazi-asmorik gabeko onura publikoko entitatetzat<br />
jotzen dira–, eta, ondorioz, kooperatiba horietan garatzen diren lanek ere ezaugarri bereziak<br />
dituzte, gainerako kooperatiba motetako lan-bazkideek edo langile bazkideek egiten<br />
duten lanarekin guztiz parekatu ezin direnak, ez behintzat kooperatiba mota horien gaur<br />
egungo enpresa-bilakaeraren barruan”.<br />
Azkenik, kronologiaren eta garrantziaren hurrenkeran, 111.1 artikuluaren aldaketa dugu.<br />
Berrikuntza horren harira, kendu egin da aurreko legeak 108.1 artikuluan ageri zen ongintzako<br />
erakundeen berariazko aipamena, bazkide erabiltzaile edo laguntzaile izateko subjektu<br />
gisa. Ulertu behar dugu kooperatiba batean bazkide gisa parte har dezaketen erakundeen<br />
irismen subjektiboa argitzea izan dela legelariaren nahia.<br />
17.3. Manuaren izaera edo indar juridikoa<br />
Irakaskuntza-kooperatibak arautzen dituzten artikuluetan jasotako xedapenen aginduaren<br />
irismena ezartzerakoan, artikulu bakoitzaren banakako azterketa egitea komeni da.<br />
Lehenik eta behin, mota horretako kooperatiben xedea eta modalitateak arautzen dituen 109.<br />
artikuluak nahitaez ezarri du deskribatutako jarduerak garatzen dituzten kooperatibek bete<br />
beharreko araudia: “Irakaskuntza-jarduerak maila, ziklo, gradu eta modalitate desberdinetan,<br />
jakintzaren edo prestakuntzaren edozein arlotan”.<br />
Horrela, zehatz-mehatz ezarri da zer kooperatiba-motari atxiki behar zaizkion jarduera<br />
horiek, eta, kasu honetan ere, hautazko izaeraz ezarri da jarduera horiek eskolaz kanpoko<br />
eta lotutako jarduerak ere egin ahal izango dituztela, bai eta eskola-zerbitzu osagarriak eta<br />
irakaskuntza-jarduerak errazten dituzten gainerako zerbitzuak eman ere.<br />
Era berean, garrantzitsua da artikulu honen 2. eta 3. zenbakietan jasotako aginduzko izaera,<br />
kooperatibaren arabera aplikatu beharreko arau espezifikoak ez baitira berdinak ikasleen<br />
gurasoek edo irakasleek eta irakasle ez diren zerbitzuetako langileek osatzen dituzten.<br />
Lehenengoei, aginduzko izaeraz, kontsumo-kooperatibei buruzko lege-arauak aplikatuko<br />
zaizkie, eta bigarrenei, berriz, lan elkartuko kooperatibei dagozkienak.<br />
Artikuluaren amaieran, 4. paragrafoak ezarri du, aukeran, kooperatibek izaera integrala<br />
izan dezaketela, honako kasu hauetan: mota horretako kooperatibetan (kontsumo- eta lan-<br />
404
IRAKASKUNTZA-KOOPERATIBAK<br />
kooperatibetan) lan egin dezaketen bazkide gehienak biltzen dituztenean edo, gehiengo<br />
horiek egon gabe, estatutuetan araututako izaera hori lortzeko aurreikuspena erdiesten<br />
denean. Esan dugu manu hori aukerakoa dela hala idatzita dagoelako, aukera gisa jasota.<br />
Egitatezko baldintza betetzeak ez du esan nahi izaera integrala lortzearen ondorio juridikoa<br />
nahitaez sortu behar denik, baizik eta, estatutu-aldaketa baten bidez, sozietatearen nahiaren<br />
adierazpena tarteko dela. Hain da zabala legeak mota horretako kooperatibak eratzeko<br />
jasotzen dituen aukerak, ezen ez baitu zehatz-mehatz ezarri bi bazkide-taldeen artean zer<br />
proportzio behar den integralaren kategorian sartzeko; aitzitik, baldintza kuantitatibo hori<br />
kooperatibaren beraren borondatearen esku utzi da, eta kooperatibak berak molda dezake<br />
estatutu-arauketa egokiaren bidez.<br />
110. artikuluari dagokionez, bertan ezartzen den erregulazioa, kooperatiba integralen<br />
funtzionamenduari buruzkoa, guztiz hautazkoa da. Legeak, berriro ere, kooperatibak<br />
esandako bi bazkide-motak batzen dituenean antolatzeko ezar ditzakeen tresna sorta zabala<br />
proposatu du. 2. atalak adierazi du kooperatibak aukera baduela tresna horiek aukerako<br />
moduan edo era metagarrian ezartzen dituen erabakitzeko.<br />
Era berean, integraltasunaren ezaugarri hori aske erabiltzeko seinale gisa, artikuluaren<br />
amaieran, 3. paragrafoak dio kooperatibak izaera integral horri uzteko modua duela<br />
estatutuen bidez eta, legearekin bat etorriz, kooperatiba “birbideratu” ahal duela irakaskuntzakooperatiben<br />
beste mota batera.<br />
Hiru kasutan arautu da kooperatiba integralak beste mota batzuetara “bideratzeko” aukera:<br />
kolektibo bat beste kolektibo baten gainean sistemaz ezartzen denean, sozietate-organoak<br />
nabarmen eta maiz geldiarazten edo oztopatzen direnean, edo estatutuetan behar bezala<br />
jasota dauden funtsezko beste arrazoi batzuengatik.<br />
Kasu horretan, halaber, legeak bide ematen du, prozedura horrek sozietatearen zatiketa<br />
ekarriko duen ala ez xedatzeko.<br />
Azkenik, 111. artikulua, izaera edo onura publikoko bazkideei buruzkoa, hautazkoa da ere<br />
bai, izaera edo onura publikoko bazkideek parte hartzeko aukera ematen baitu, kooperatiban<br />
kolaboratzaile edo erabiltzaile gisa parte hartu ahal izateko. 111. artikuluaren azken<br />
paragrafoak xedatu du modua badagoela kolaboratzaile-izaera eta erabiltzaile-izaeraren<br />
metaketa estatutuetan arautzeko.<br />
Kooperatiba mota horien erregulazio orokorraren hautazko izaerarekin jarraituz, 111.<br />
artikuluaren amaieran, aukera eman da erakunde-mota horiek ondare-ekarpenak egin<br />
ditzaten, administrazio-organoan kargu-erreserbak izan ditzaten eta batzarrean boto haztatu<br />
moduko bat izan dezaten, zenbat erabiltzaile ordezka dezaketen kontuan hartuta.<br />
Bitxia da, baina ez da berria, 108.3 artikulu zaharrean bezala arautu baita, 37.2 artikuluan<br />
ezarritakoa, hau da, sozietate boto guztien herenaren mugatik salbuestea kooperatibak ez<br />
diren bazkideentzat. Legegilearen ustez, erakunde batek bazkide erabiltzaile gisa parte<br />
hartzen badu bere baitan hartutako pertsonen ordezkari gisa, Kudeaketa Demokratikoaren<br />
Printzipio Kooperatiboari euste aldera, beharrezkoa da kooperatibaren zerbitzuaren zuzeneko<br />
erabiltzaile diren bere erakundeko kideen kopuruarekiko partaidetza proportzionala izatea.<br />
405
IRAKASKUNTZA-KOOPERATIBAK<br />
17.4. Esanahi praktikoa<br />
Irakaskuntza-kooperatiben funtzionamendu-araubidea arautzen duten xedapenak, batez<br />
ere, 109. eta 110. artikuluak, mota horretako kooperatibetako bazkideentzat dira, funtsean.<br />
111. artikulua izaera edo onura publikoko erakundeak ditu helburu, baina, nolanahi ere,<br />
sozietate barruko harremanen funtzionamendua ere arautu du, azkenak kooperatiba bateko<br />
bazkide diren unetik.<br />
Arauketa horren esanahi praktikoa ezartzerakoan, aurreko atalean garatu dugun izaera<br />
juridikoarekin edo indar loteslearekin lotu behar dugu.<br />
109. artikuluaren lehen hiru atalek, gehienbat, aginduzko izaera dutenak, kooperatiba<br />
horien funtzionamenduari eta kalitateari buruzko arau orokorrak ezartzen dituzte; laugarren<br />
paragrafoak eta 110. eta 111. artikuluek, aldiz, xedapen-izaera handiagoa dutela eta, modua<br />
ematen dute kooperatiba bakoitzak berak gara ditzan legeak eskaintzen dituen aukerak, eta,<br />
ondorioz, xedapen horien esanahi praktikoa zabaltzen dute. Horiek horrela, kooperatibek<br />
hausnarketa sakona egin behar dute, kooperatibaren sozietate-errealitatea eta kultura<br />
legeak ematen dituzten aukeretara egokitu ahal izateko, lege-testuak eskaintzen dituzten<br />
baliagarritasunak ahalik eta gehien erabili ahal izateko.<br />
Hirugarren deialdia arautu duen berritasuna, lehen esan dugun bezala, sektorearen<br />
eskakizuna izan da, orain indargabetuta dagoen legea indarrean sartu zen egunetik bertatik.<br />
Aukera horrek baliozkotasuna emango die egiten diren batzar guztiei, bertaratutako bazkidekopurua<br />
edozein dela ere, lehenengo deialdi bien artean ezarritako denbora igaro ondoren,<br />
baldin eta lehenengo eta bigarren deialdian, batzarraren bilkura baliozkotasunez eratzeko<br />
gutxieneko bazkide-kopurua bete ez bada.<br />
Aukera onuragarria delakoan gaude irakaskuntza-kooperatiba guztientzat. Bai eta batzarra<br />
behar bezala eratzeko behar diren baldintzak betetzeko ohiko arazorik ez dutenentzat ere.<br />
Erabakitzeko organo gorenaren funtzionamendua bermatzeko klausula bat da guztientzat<br />
kooperatiban. Hala ere, aukera hori ere arazotzat har daiteke, bazkideen artean desmobilizazioa<br />
eragin baitezake batzarrean parte hartzeko, edo bazkideen gutxiengo txiki batek sozietateakordioak<br />
har baititzake.<br />
Hala eta guztiz ere, eta aukera hori gauzatu ahal izateko, legeak galdatzen duen estatutuarauketaren<br />
beharra azpimarratu behar dugu; beraz, ezin izango da aukera hori erabili,<br />
kooperatibaren estatutuetan berariaz jasota ez badago, batzarraren funtzionamendua<br />
arautzeko orduan.<br />
Kooperatiba integralei dagokienez, esan behar dugu arauaren esanahi praktikoak berebiziko<br />
garrantzia duela; izan ere, arauak ematen dituen aukerak baliatzeko, estatutuetan txertatu<br />
beharko dira. Kooperatibak integraltzat jotzen diren unetik bertatik, estatutuen bidez ezarri<br />
beharko da halako sozietateen funtzionamenduaren garapenik xeheena ere bai.<br />
Adierazgarria da, era berean, legeak dakarren erregulazioa kooperatiba integral batek<br />
izaera hori galdu eta lehengo egoeraren itzuli nahi duen kasuari buruz. Kooperatiba integralak<br />
osatzen dituzten kide-mota guztien interesa babesteko tresna interesgarria da; izan ere, beste<br />
bazkide-talde batek ezar ditzakeen ezarpen sistematikoetatik babestuko ditu, edo kolektiboen<br />
arteko gatazkagatik ere sor daitezkeen sozietate-organoak oztopatzetik libratuko. Era berean,<br />
406
IRAKASKUNTZA-KOOPERATIBAK<br />
estatutuen bidez arautu daitezke lehengo egoerara itzultzea bidezkoa den beste kasu batzuk.<br />
Horrek erraztu egingo du kooperatiba-mota horien osaera, itzulketa-klausula horrek bermeak<br />
eta babesa ematen baitizkie bazkide guztiei, eta, integratzeko orduan, errezelo uxatzea eragin<br />
dezake.<br />
Lehen esan dugun bezala, ezinbestekoa da kooperatibaren egungo ohitura eta kultura sakon<br />
aztertzea, legeak ematen dizkigun aukeren arabera, horrelako kooperatibetan integratzen<br />
diren bi bazkide-moten interesak eta beharrak ondoen orekatuko dituen funtzionamenduaraubidea<br />
ezartzeko.<br />
17.5. Beste arau aplikagarri batzuk<br />
Estatuko kooperatiben araubidearen erregulazioa Kooperatibei buruzko uztailaren 16ko<br />
27/1999 Legean jasota dago. Lege hori ez da Euskadin aplikatzekoa, ezpada, euskal araudiak<br />
izan ditzakeen hutsuneak osatzeko kasuetan.<br />
Testu arauemaile horren 11. atalak artikulu bakarra dakar, 103. Artikulua, hain zuzen ere,<br />
eta horrek ez du eman Euskal Autonomia Erkidegoko legeriaren hutsuneak osatzeko balio<br />
dezakeen xedapenik. Mota horretako kooperatiben xedea eta horiek osatzen dituzten sozietatesubjektuaren<br />
arabera aplikatu beharreko arauak ezarri, besterik ez du aletzen edukiak. Hau<br />
da, bazkide erabiltzailez edo bazkide langilez osaturik dauden, kontsumo-kooperatiben edo<br />
lan elkartuko kooperatiben araubiderako igorpena egiten du, hurrenez hurren. Hori guztia,<br />
euskal legearen xedapenek egiten duten modu bertsuan.<br />
Hala ere, kooperatiba integralen arauketa berezi samarra da; estatuko legegileak<br />
irakaskuntzaren sektoretik bereizten ditu eta jarduera kooperatibizatu bikoitza edo anitza<br />
duten kooperatiben multzoan kokatu ditu. Euskal legeriaren 102. artikuluak ebatzi du<br />
kasu hori, kooperatiba-mota guztientzako arau erkideen barruan, eta, estatuko legegileak<br />
egin bezala, eta direnak direlako jarduerak garatzen dituen kooperatiba-mota bakoitzaren<br />
araubiderako igorpena egin du.<br />
Nolanahi ere, kooperatiba integralen izendapena, gure ordenamenduan, kooperatibaren<br />
sozietate-xedean interesa duten bi sektoreak biltzen dituzten irakaskuntza-kooperatibentzat<br />
gorde da, eta estatuko araubidearen edukiak baino garapen nabarmen handiagoa du; beraz,<br />
hutsuneak osatzeko funtzioak ez dauka inolako ibilbiderik.<br />
Interesgarria izan liteke estatuko legegileak kooperatiba integralen kontzeptua garatzeko<br />
erabili duen aipamena, kooperatiba horiek xede sozialaren barruko jarduera guztiei dagokien<br />
lege-tratamenduaren onuradun izan daitezen.<br />
Kasu horretan, uler dezakegu legegileak adierazi nahi izan duela kooperatiba horiek legemailan<br />
jaso ditzaketen onurak onuradun egokietaraino iritsi behar direla, bai erabiltzaileek<br />
osatutako kooperatibetaraino, bai bazkide langileek osatutako kooperatibetaraino.<br />
407
18. NEKAZARITZAKO ETA ELIKAGAIEN<br />
KOOPERATIBAK* 1<br />
112. artikulua.– Helburua eta jarduerak.<br />
1.– Nekazaritzako eta elikagaien kooperatibak dira nekazaritza, basogintza eta<br />
abelazkuntzako ustiategien edo ustiategi mistoen titularrak elkartzen dituztenak<br />
hornidurak, ekipoak eta zerbitzuak merkaturatzeko edo eskaintzeko edo honako<br />
hauek hobetzeko ekonomiaren eta gizartearen edozein arlotan: bazkideen<br />
ustiategiak, haien elementu eta osagaiak barne; kooperatiba bera edo landainguruneko<br />
bizimodua, besteak beste, kooperatibak bere langileekin eskaintzen<br />
dituen zerbitzuak, dela nekazaritza-lanak egiteko, dela aipatutako ustiategietan edo<br />
bazkideentzat eskaintzen dituen antzeko beste lan batzuk egiteko.<br />
Instituzio hori arautzen duen legerian ezarritako baldintzak betetzen dituen<br />
titulartasun partekatuaren kasuan, titulartasun partekatuko entitatea bera izango<br />
da bazkidea, berariazko erregistroan inskribatuta. Dena den, hura osatzen duten<br />
lagunetatik edozeinek ordezkatu ahal izango du, erregistro horretako ziurtagiria<br />
aurkeztuta.<br />
Era berean, titulartasun partekatua duen entitateren bat izendatzen bada<br />
administrazio-organoko karguren bat betetzeko, entitate horrek ziurtagiri bidez<br />
jakinarazi beharko du kideetako zeinek beteko dituen administrazio-organoaren<br />
berezko funtzioak. Betekizun hori bera bete beharko da, halaber, sozietate zibilen<br />
eta ondasun-erkidegoen kasuan eta nortasun juridikorik gaeko entitateen kasuan.<br />
Bazkide izatera iritsi eta hala jarraitu ahal izateko, kooperatibako estatutuen bidez<br />
konpromiso bat eskatu ahal izango da sozietatearen helburu den jardueran aritzeko,<br />
eta ez beste ezertan.<br />
2.– Helburu soziala betetzeko, nekazaritzako eta elikagaien kooperatibek, estatutuen<br />
arabera dagozkien jarduerak ez ezik, bestelako jarduerak ere egin ahal izango<br />
dituzte, baldin eta jarduerok aurrebaldintza, ondorio, osagarri edo baliabide badira<br />
kooperatibaren, bazkideen ustiategien, hauen elementuen eta landa-inguruaren<br />
hobekuntza ekonomiko, tekniko, laboral, ekologiko eta soziala lortzeko.<br />
113. artikulua.– Hirugarren ez-bazkideekiko eragiketak.<br />
1.– Merkataritzan jarduten diren nekazaritzako eta elikagaien kooperatibek, balioaniztunek<br />
zein espezializatuek, kooperatibaren edo bere bazkideen ustiategietatik ez datozen<br />
nekazaritza-produktuak merkaturatu ahal izango dituzte, edo merkaturatzearekin<br />
lotutako jarduerak egin ahal izango dituzte, are kontsumitzailearenganaino modu<br />
zuzenean heldu ere, honako kasu hauetan:<br />
* Carlos González Fernández jaunak, KONFEKOOP Euskadiko Kooperatiben Konfederazioaren legelari-aholkulariak,<br />
egindako iruzkina.<br />
409
NEKAZARITZAKO ETA ELIKAGAIEN KOOPERATIBAK<br />
a) Ekitaldi ekonomiko bakoitzean, ehuneko bosteraino; portzentaje hori bananbanan<br />
aplikatuko zaio hirugarren ez-bazkideen nekazaritza-produktuak<br />
erabiltzen dituen jarduera bakoitzari.<br />
b) Estatutuek aurreikusiz gero, ehuneko berrogeita bederatziraino heldu ahal<br />
izango da gehieneko portzentajea ekitaldi ekonomiko bakoitzean.<br />
c) Kooperatibak, berari egotzi ezin zaizkion arrazoiengatik, aurreko mugak<br />
gainditzea duenean, lege honetako 5. artikuluan xedaturiko baimena eman<br />
zaiolako.<br />
Kooperatibak honako kasu hauetan azaldu ahal izango ditu estatutuetan muga<br />
horiek, aurreko apartatuan aurreikusitako baimena eskatu beharrik gabe:<br />
sektore-araudi espezifikoak daudenean edo haiek aplikatzeko beste batzuk<br />
eman direnean, kooperatibari aplikatu behar zaizkionak nekazaritza-elikagaiei<br />
loturiko jarduerengatik, eta arestian adierazitako mugak baino handiagoak<br />
ezartzen direnean hirugarren ez-bazkideekiko produktuetarako edo muga horiek<br />
handitzeko baimena ematen denean. Halakoetan, estatutuetan espresuki adierazi<br />
beharko da zer xedapenek ematen duen bide portzentaje hori aplikatzeko.<br />
2.– Beren ustiategiak edo kideenak hornitzeko lanetan ari diren nekazaritzako eta<br />
elikagaien kooperatibek –berdin izanik jarduera hori bakartzat edo bereizitzat<br />
duten– hirugarren ez-bazkideei eskaini ahal izango dizkiete produktuak edo<br />
zerbitzuak, aurreko zenbakiko a) eta b) letretan ezarritako mugen barruan eta<br />
antzeko kasuetan, hargatik eragotzi gabe kooperatiba-jardueraren ohiko geldikinak<br />
izanez gero kooperatibaz kanpoko edonori eskaintzea inolako mugarik gabe.<br />
18.1. Sarrera<br />
Iruzkin honen xedea den kooperatiben lege berriaren arauketak ez dakar funtsezko<br />
aldaketarik mota horretako kooperatiben egitura organikoari dagokionez; hala ere, aurrekoa<br />
gorabehera, berrikuntza garrantzitsu batzuk jaso dira.<br />
Izan ere, kooperatiba-mota horrek aurrerabide handia izan zuen Euskadiko Kooperatibei<br />
buruzko ekainaren 26ko 4/1993 Legea onartu eta argitaratu zenean. Lege horretan, kapitulu<br />
honetan aztergai erabiliko dugun klasea txertatu zen, Kooperatibei buruzko otsailaren 11ko<br />
1/1982 Legean ez bezala, azken horrek ez baitzekarren kapitulu zehatzik kooperatiba-mota<br />
honentzat.<br />
Beste alde batetik, lege berrian aldaketa edo egokitzapen batzuk jaso dira, eta, adierazi dugun<br />
bezala, aldaketa edo egokitzapen horiek ez dute eraginik kooperatiba-motaren egituran, ez<br />
eta haren funtsezko elementuetan ere; aitzitik, moldaketek kooperatiba horien erregulazioa<br />
oraingo eta egungo beharretara egokitzeko balio dute. Aldi berean, araudiaren eguneratzeak,<br />
oro har, segurtasun juridiko handiagoa ematen die kooperatibei, bai eta kooperatibak osatzen<br />
dituzten bazkideei eta haiekin jarduten duten hirugarrenei ere.<br />
Egungo konfigurazioari gagozkiola, lege berriak 5. atalaren egitura eta eduki berari eutsi<br />
dio, 4/1993 Legean, artean, mota horretako kooperatibak araututa baitzeuden. Horrela, atal<br />
hori osatzen zuten bi artikuluek iraun dute, hain zuzen ere, “Helburu eta jarduerez” eta<br />
410
NEKAZARITZAKO ETA ELIKAGAIEN KOOPERATIBAK<br />
“Hirugarren ez-bazkideekiko eragiketez” dihardutenek. Artikuluen edukia hitzez hitz jaso da<br />
testu honen atarian.<br />
18.2. Berrikuntza nagusiak aurreko araudiaren aldean<br />
Arestian adierazi dugun bezala, 5. atal honetan, aldaketa txiki batzuk baino ez dira gehitu,<br />
ez garrantzi txikikoak, ordea, baina, azken batean, mota horretako kooperatiben erregulazioa<br />
hobetzen eta eguneratzen laguntzen dutenak.<br />
Ikus dezagun berrikuntza horiek zein diren atala osatzen duten bi artikuluetan, eta nolako<br />
garrantzia duten.<br />
18.2.1. 112. artikulua. Helburu eta jarduerak. Aldaketak<br />
18.2.1.1. Izena<br />
Edukia berriak dakarkigun lehen berritasuna izendapenaren aldaketa da. Bada, 4/1993<br />
Legearen ildoan, nekazaritzako kooperatibak genituen lehen eta, orain, berriz, nekazaritza<br />
eta elikagaien kooperatiba deritze mota horretako kooperatibei, horien izena eguneratzeko<br />
asmoz.<br />
Nabarmentzekoa da gure eremuko legelariak ez duela “nekazaritzako elikagaien<br />
kooperatibak” terminoa erabili, “Nekazaritzako eta elikagaien kooperatibak” adiera bikoitza<br />
baizik; izan ere, nahiz eta aipaturiko terminoa kooperatiba horien egunerokotasunak<br />
eragindako eremu guztietan egon, eta erabilera erkidekoa izan, hizkuntzaren ikuspegitik,<br />
esan behar da egokiagoa dela “nekazaritzako eta elikagaien kooperatibak” izendapena<br />
“nekazaritzako elikagaien kooperatibak” terminoa baino.<br />
Gure ustez, funtsezkoena da gaur egungo izenak askoz ere modu zinezkoagoan jaso duela<br />
mota horri atxikita eratzen diren kooperatiba-erakundeek gara ditzaketen jardueren benetako<br />
irismen materiala, geroago azalduko den bezala.<br />
18.2.1.2. Berrikuntza terminologikoak. Generoa aintzat hartzen duen hizkera<br />
Nahiz eta berrikuntza horrek kapitulu honi bakarrik eragiten ez dion, ezpada, legearen<br />
eduki osoari eta, beraz, kooperatiba-mota guztiak berdin ukitzen dituen, horrek duen<br />
garrantziagatik, ez genuke nabarmendu gabe utzi behar, bereziki, lehen mailako ekoizpenarloan<br />
eta elikagaien industriaren sektorean, emakumearen presentzia ez delako inoiz<br />
ikusarazi eta gaur egun ere hala gertatzen delako.<br />
Esan dezagun atal honetan ere terminologia genero-ikuspegitik egokitu dela, hizkera<br />
inklusiboagoa erabiliz, batik bat, gaztelaniazko idazketan.<br />
Emakumeak kooperatiben bizitzan eta kudeaketan gogotik parte har dezan, lehenengo urratsa<br />
dugu horren arrastorik kooperatiban bertan aurkitzea. Ikuspuntu horretatik, hizkuntzak berak<br />
eginkizun barneratzailea edo baztertzailea izan dezake. Hori dela eta, legeari dagokionez,<br />
aldaketa txikia den, aurrerapauso handia da garrantzi kualitatiboari begiratuta.<br />
411
NEKAZARITZAKO ETA ELIKAGAIEN KOOPERATIBAK<br />
18.2.1.3. Zerbitzuak ematea kooperatibako langileen bidez bazkideen ustiategietan<br />
112. artikuluaren lehen paragrafoak tarteki berritzaile bat gehitu du amaieran, eta, nolabait<br />
ere, nekazaritzako eta elikagaigintzako kooperatibek egin ditzaketen jarduerak eta helburu<br />
sozialaren irismena bururatzen edo garatzen ditu. Tarteki horretan zehaztu denez, jarduera<br />
horien artean aintzat hartzen da kooperatibek bazkideen ustiategietan eta kooperatibako<br />
langileen bidez zerbitzuak ematea, langileak baitira funtsezko elementuak.<br />
Zerbitzu horiek aipatutako ustiategietan nekazaritza-lanak edo antzekoak egiteko balio<br />
behar dute, betiere ustiategi horien titular diren kooperatibako bazkideen onurarako.<br />
Aipatu behar da, gure legeari gagozkiola, aipaturiko berrikuntza garrantzitsua den arren,<br />
ez dela berritasuna nekazaritzako elikagaien kooperatiba-esparruan; bada, egiatan, hemengo<br />
legeak testu berrira ekarri du estatuko araudian txertatu zen alderdi bat, zehazki, Kooperatibei<br />
buruzko uztailaren 16ko 27/1999 Legean, Ekonomia Jasangarriari buruzko 2/2011 Legearen<br />
azken xedapenetatik bigarrenaren bidez. Lege hori Estatuko Aldizkari Ofizialean argitaratu<br />
zen, 2011. urtean.<br />
Hala ere, Euskadiko nekazaritzako elikagaien kooperatiba-arloan eta kooperatiben legean<br />
txertatzeak segurtasun juridiko handiagoa ematen die adierazitako eragiketei.<br />
18.2.1.4. Titulartasun partekatuko entitateak eta izaera juridikorik gabeko beste<br />
antolakunde batzuk<br />
4/1993 Legearen edukiak nolabaiteko segurtasun juridikorik eza sorrarazten zuen<br />
Euskadiko nekazaritzako elikagaien sektorean, halako kooperatiba bateko bazkide izan<br />
zitezkeen pertsonei buruzko definizioan, aukera hori mugatzen zelako pertsona fisiko zein<br />
juridikoetara.<br />
Hala eta guztiz ere, Kooperatibei buruzko beste lege batzuetan gertatu ez bezala, euskal<br />
legeak ez zituen sozietate zibilak, ondasun-erkidegoak eta nortasun juridikorik gabeko<br />
beste erakunde batzuk aipatzen, hau da, ohituraz, nekazaritza-ustiategiak modu zabalean<br />
antolatzeko erabili ohi direnak, ez bakarrik Euskal Autonomia Erkidegoan, baizik eta, oro<br />
har, estatu osoan.<br />
Beraz, izakunde horiek ez zeuden berariaz jasota kooperatiben 1993ko legean, nekazaritzako<br />
kooperatiba batean parte hartzeko eskubidea zuten subjektu gisa, nahiz eta, egiatan,<br />
horrela izaten zen sarritan nekazaritzako kooperatiba gehienetan. Horregatik, beharrezkoa<br />
zen inguruabar hori jasotzea, legean guztiz hedatuta zegoen gertaera bat barneratzeko eta<br />
izakunde horiei segurtasun juridiko handiagoa emateko, mota horretako kooperatiba bateko<br />
kide ziren aldetik.<br />
Azaldutakoa alde batera utzita, landa-eremuan emakumearen presentzia ikusarazteko<br />
asmoz, 2011. urtean 35/2011 Legea eman zen, urriaren 4koa, Nekazaritzako Ustiategien<br />
Titulartasun Partekatuari buruzkoa, familiako nekazaritza-ustiategiak antolatzeko tresna<br />
berria sortu zuena. Hala, tresna berri horrek nortasun juridikorik gabeko zuzenbideko subjektu<br />
berria sortu zuen, ondasun eta eskubideen erkidego tradizionalen antzeko erakundea zena,<br />
nekazaritza eta abelazkuntzaren sektoreari lotutakoa, familia-taldeetan oinarriturik, non bi<br />
ezkontideek nekazaritza-ustiategia kudeatzen duten, bertan batera lan eginda.<br />
412
NEKAZARITZAKO ETA ELIKAGAIEN KOOPERATIBAK<br />
Ondasun-erkidegoekin, sozietate zibilekin eta nortasunik gabeko beste erakunde batzuekin<br />
jazotzen zen bezala, izakunde berri horrekin ere gauza bera gertatzen zen, eta, beraz, egokia<br />
izan da legeak sektorearen eskaera onartzea, izakunde hori berariaz jasota.<br />
18.2.1.5. Titulartasun partekatuko entitateen eta izaera juridikorik gabeko beste<br />
izakunde batzuen ordezkaritza<br />
Legearen edukian berariaz aitortzeaz gain, nekazaritzako eta elikagaien kooperatibetan<br />
bazkide gisa duten parte-hartzea segurtasun juridikoz janzteko, kooperatiben barruan<br />
nolabaiteko segurtasun juridikorik eza sortzen zuen beste alderdi bat ere bideratu du izakunde<br />
berri horrek.<br />
Hain zuzen ere, Nekazaritzako Ustiategien Titulartasun Partekatuari buruzko urriaren 4ko<br />
35/2011 Legeak ezarri duenez, erakunde horiek beste sektore-erakunde batzuetako kide<br />
direnean, hura osatzen duten bi ezkontideetako edozeinek ordezkatuko ditu.<br />
Zinez, lege-arauketa horrek hainbat arazo sortu ohi zituen erakunde horiek kooperatibetako<br />
artezkaritza-kontseiluetako karguak betetzeko izendatzen zirenean; izan ere, erakunde<br />
horiek arautzen dituen legearen arabera, bietako edozeinek har zezakeen ordezkaritza.<br />
Nolanahi ere, artezkaritza-kontseilua osatzen duten pertsonak erregistroan inskribatzeko,<br />
pertsona juridikoak direnean, kontseilu horrek pertsona fisiko bat izendatzea eskatzen du<br />
Kooperatiben Legeak, karguari dagozkion eginkizunak bete ditzan.<br />
Segurtasun juridikorik gabeko egoera ugari gertatzen ziren, artezkaritza-kontseiluaren<br />
bileretan titulartasun partekatuko erakunde bateko zeinahi kide agertzen zela eta. Kontuan<br />
harturik artezkaritza-kontseiluko kide izatea izenduna dela eta ezin dela ordezkaritzarik<br />
egin, beharrezkoa zen Kooperatiben Legeak ordezkaritza hori gauzatzeko modua mugatzea<br />
−titulartasun partekatuko erakundeko edozein kidek horren ordezkari izateko eskubideari<br />
kalterik egin gabe− titulartasun partekatuko erakundea artezkaritza-kontseiluko kide<br />
izendatzen denean.<br />
Behar horri irtenbidea emanda, lege berriak eskatzen du mota horretako erakundeak<br />
ordezkaritza gauzatuko duen pertsona fisikoaren hautaketaren berri eman behar dutela, horri<br />
buruz emandako ziurtagiri baten bidez.<br />
Horrela, segurtasun juridiko handiagoa bermatzen da, eta, aldi berean, errespetatu egiten<br />
da bi kideek erakundearen ordezkaritza askatasunez egikaritzea; izan ere, erakundeak uneoro<br />
alda dezake ordezkaritza hori beteko duen pertsona, ordezkaritza baliatzen jarraituko duen<br />
pertsonaren jakinarazpen berri baten bidez. Dena dela, kooperatibak aldaketa horren berri<br />
jakinarazi beharko dio Euskadiko Kooperatiben Erregistroari, inskriba dezan.<br />
Azkenik, adierazi behar da, hori eginda, arrazoizkoa zela legeak neurri horren eragina<br />
nortasun juridikorik gabeko gainerako erakundeetara hedatzea, ordezkaritza gauzatzeari<br />
dagokionez zehaztapenik ezak arazo bera zekarrelako.<br />
Horren haritik, sektorearen eskaerei jarraituz, legegileak alderdi hori jaso du, eta, zalantzarik<br />
gabe, segurtasun juridiko handiagoa eman die, bai titulartasun partekatuko erakundeei, bai<br />
kooperatibei.<br />
413
NEKAZARITZAKO ETA ELIKAGAIEN KOOPERATIBAK<br />
18.2.2. 113. artikulua. Hirugarren ez-bazkideekiko eragiketak. Berrikuntzak<br />
Lege osorako aipatu dugun berrikuntza orokorraz gain, artikulu honek terminologia<br />
egokiagoa erabiltzen du genero-hizkeraren ikuspegitik eta beste bi berrikuntza garrantzitsu<br />
jaso ditu bazkide ez diren hirugarren pertsonekin egin daitezkeen eragiketen gehieneko<br />
mugen inguruan.<br />
18.2.2.1. Gehieneko ehunekoaren gehikuntza ekitaldi guztietan<br />
Berrikuntza horietako lehena dugu kooperatibak ekitaldi ekonomiko bakoitzean<br />
kooperatibaren ustiategietatik edo bazkideen ustiategietatik ez datozen produktuekin egin<br />
ditzakeen eragiketen gehieneko ehunekoa bederatzi puntu handitu dela.<br />
Orain arte, gehieneko ehuneko hori eragiketa guztien % 40koa zen, betiere estatutuetan<br />
jasota bazegoen, eta hemendik aurrera % 49raino igo ahal izango da, betiere kooperatibaren<br />
estatutuetan ehuneko hori jasotzen bada.<br />
18.2.2.2. Mugak handitzeko aukera<br />
Lege berriak artikulu honi gehitu dion bigarren berritasuna aurreko % 49ko gehieneko<br />
ehunekoa gainditzeko aukera da, nahiz eta, horretarako, funtsezko bi baldintza ezarri diren:<br />
- Lehenik eta behin, muga handiago hori kooperatibari aplikatzen zaion araudi<br />
sektorialen batean jasota egon behar da, eta kooperatibak bere helburu sozialean<br />
jasotako jarduerak egin behar ditu, baldin eta araudi sektorial horien eraginpean<br />
badaude.<br />
- Bigarrenik, eta aurreko gehieneko mugarekin gertatzen den bezala, lortu nahi den<br />
ehunekoak estatutuetan jasota egon behar du, eta, gainera, berariaz jaso behar da<br />
ehuneko hori legitimatzen duen xedapen sektoriala.<br />
Adierazi beharra dago, bi baldintza horiek alde batera utzita, eta horiek bete ondoren,<br />
manuak oro har ezarritako baimena eskatzeko eta lortzeko betebeharretik salbuesten<br />
duela kooperatiba, artikulu honetan baldintzak betetzen ez dituzten eta legearen beraren 5.<br />
artikuluan gainerako kooperatiba-mota guztientzat eskatzen den beste kasu batzuentzat.<br />
Eduki horrek, zalantzarik gabe, manuaren aplikazio praktikoa errazten du, 5. artikuluan<br />
aipatzen den baimena aldi jakin batera mugatzen baita; hala ere, manuak jarraitutasun-izaera<br />
berria dakar, ez baitago soilik ezarrita egoera jakin batzuentzat, ezpada, kooperatibaren<br />
bizitzaren barruko ohiko praktika jarraitu batentzat.<br />
18.3. Iruzkin orokorra eta esanahi praktikoa<br />
18.3.1. Izena<br />
112. artikuluan txertatutako aldaketei dagokienez, alde batetik, argi utzi behar da legean<br />
jasotako izendapenak ez gaituela nahasi behar; ildo horretan, ezin dugu pentsatu erregulazio<br />
bat garatu dela non kooperatiba mota batzuk, nekazaritza-kooperatibak, izatetik, beste<br />
414
NEKAZARITZAKO ETA ELIKAGAIEN KOOPERATIBAK<br />
erregulazio bat izatera igaro garen, lehen bageneuzkan bi kooperatiba-mota, batetik,<br />
nekazaritza-kooperatibak eta, bestetik, elikagaien kooperatibak, elkartuta.<br />
Egiatan, hori ez da horrela, kooperatiba mota bakarra arautu delako, nahiz eta mota<br />
horretako kooperatiben artean oso sozietate desberdinak izan daitezkeen, eta oso jarduera<br />
desberdinak garatu ditzakete elikagaigintzaren balio-katearen barruan. Kasurako, lehen<br />
mailako ekoizpena eta azken kontsumitzailerainoko ekoizpena, manipulazioa, ontziratzea,<br />
eraldaketa, merkaturatzea eta horiei lotutako aldi guztiak.<br />
Ildo horretan, jarduerak garatzeko aukera zabal horren erakusgarri izan dadin, aipatzekoa<br />
da erabilera erkideko makinak baliatzen dituzten kooperatiben kasua. Halakoetan,<br />
kooperatibaren helburu nagusia da makina horiek elkarrekin erabiltzeko erostea, eta, horrela,<br />
makineria hori ezin eros lezaketen maila apalagoko nekazaritza eta abeltzaintzako ustiategiek<br />
berrikuntzarako sarbidea izatea.<br />
Harrigarria bada ere, kooperatiba horiek sekulako garrantzia hartu dute. Bada, Kooperatiben<br />
Legean azpiklase gisa ere aipatzen ez dira aipatzen, baina kooperatiba-motatzat hartu dira.<br />
Hain zuzen ere, laguntzak eta dirulaguntzak erregulatzen dituzten arau askotan laguntzalerro<br />
espezifikoak ezarri ohi dira, kooperatiba horiek benetako kooperatibak balira bezala<br />
hartuta, lan elkartuko kooperatibekin (LEK) edo komunitate-ustiapeneko kooperatibekin<br />
(KUK) parekatzen dituztela.<br />
Beste alde batetik, nekazaritza eta elikagaigintzaren kontzeptua gehitzeari dagokionez,<br />
nahikoa da lege berriko 112. artikuluaren lehen paragrafoa irakurtzea, eta ohartuko gara<br />
horrelako kooperatiben berezko jardueratzat deskribatzen direnak elikagaien eta horietatik<br />
eratorritako beste produktu eta azpiproduktu batzuen lehen eta hasierako ekoizpenetik askoz<br />
harago doazela. Horrez gain, abelazkuntzako eta basogintzako jarduerak ere aintzat hartu<br />
dira.<br />
Era berean, esan beharra dago, tradizioz, nekazaritzako eta elikagaigintzako kooperatiben<br />
esparruan, Euskadin ez ezik, nazioartean ere bai, gehienetan kooperatibizatzen dena ez<br />
dela aurreko paragrafoan aipatu ditugun elikagaien eta horien eratorrien hasierako eta<br />
lehen mailako ekoizpena; askotan, kooperatiba-sozietatearen xedea eta mota horretako<br />
kooperatibek partekatzen dutena ekoizkinen gaineko geroko aldiak edo jarduerak dira,<br />
hasierako ekoizkinak kooperatiba osatzen duten ekoizleen banako enpresa-ekimen<br />
pribatuaren esparruan ekoizten direla.<br />
Azken batean, esandakoak erakusten digu, kasu gehienetan, mota honetako kooperatiben<br />
benetako helburua edo jarduera elikagaien eta beste produktu batzuen lehen mailako eta<br />
hasierako ekoizpenetik haratago dagoela. Horrela, kooperatibak zinezko elikagai-enpresa<br />
bihurtzen dira, beren helburua edo jarduera, gehienbat, bazkideek banaka ekoitzitako<br />
nekazaritza-ekoizkinak eta elikagaiak eraldatzea eta egokitzea dela, eta horiek ematen dituzte<br />
ondoko aldietan merkatura kalitate-baldintzarik onenetan irits daitezen, balio erantsia eman<br />
eta merkaturatzeko preziorik onenak lortzeko helburuz.<br />
Denok izango ditugu buruan egunero-egunero merkaturatzen diren marka eta ekoizkin<br />
ezagun batzuk, hala nola esnekiak, arrautzak, haragiak, ardoak eta abar. Marka eta produktu<br />
415
NEKAZARITZAKO ETA ELIKAGAIEN KOOPERATIBAK<br />
horiek guztiak izaera juridiko kooperatiboa duten baina zuzenean ekoizten ez dituzten<br />
nekazaritzako elikagaien enpresek merkaturatzen dituzte, eta enpresa horiek osatzen dituzten<br />
ekoizleek ekoizten dituzte.<br />
Horregatik guztiagatik, bistakoa da “nekazaritza-kooperatiba” izendapena honezkero ez<br />
datorrela bat elikagaien enpresa horiek garatzen duten jardueraren benetako izaerarekin,<br />
jarduera askoz harago doalako, eta, ildo horretan, beharrezkoa zen mota horretako<br />
kooperatiben izena eguneratzea.<br />
Bestalde, ezin ditugu ahaztu duela hamarkada batzuetatik hona elikagaien osasun- eta<br />
segurtasun-baldintzak arautzen dituen legeria sektorialak berak eta erkidegoko nekazaritzapolitikak<br />
osatzen dituzten laguntzen eta dirulaguntzen programak eta lerro garrantzitsu eta<br />
ugariak arautzen dituen legeria zabalak, hala landa-eremua ukitzen dutenek (Landa Garapena)<br />
nola Merkatu Antolakunde Erkideei (MAE) atxikita dauden azken jomugek, ekoizpenarlo<br />
guztietan (ardogintza, frutagintza, barazkigintza, esneki eta zerealen industriak…)<br />
“nekazaritzako elikagaien” terminoa erabiltzen dute dagoeneko aldi guztiak hartzen<br />
dituen jarduera-kate hori guztia −nekazaritza eta abelazkuntzako ustiategietako ekoizpen<br />
primariotik hasita, ekoizkin eta elikagai horiek azken kontsumitzailearengana iristen diren<br />
arte− adierazteko. Hau da elikakatea deitu ohi duguna.<br />
Hori guztia dela eta, kooperatiben gaineko legerien esparruan, beharrezkoa da kontzeptu<br />
bakarra garatzea aipatutako elikakatearen jarduera-sorta osoa kontuan hartuko duena, non<br />
kate horren mailetan elkarreragiten duten operadoreek kooperatiben izaera juridikoa izango<br />
duten jarduera aldi horietako edozeinetan garatzeko.<br />
Era berean, ezin dugu alde batera utzi gaur egungo kooperatiba gehienek eta euren interesak<br />
defendatzeko eratzen dituzten antolakundeek (federazioak, batasunak, konfederazioak…),<br />
bai estatuan, bai Europar Batasunean, hamarkada bat baino gehiago daramatela “nekazaritza”<br />
terminoa gainditu eta, gehienbat, “nekazaritzako elikagaien” terminoa erabiltzen. Eta termino<br />
hori haien izenetan atxiki dute, hain zuzen ere, kooperatibek esandako antolakunde horien<br />
baitan egiatan ordezkatzen duten eremua hobeto adierazten baitu, elikakate osoa kontuan<br />
hartzen duelako.<br />
Azkenik, adierazi behar da adierazitako lurralde-eremu horietan dauden kooperatiben lege<br />
guztiek, halakoak dauden lekuetan, hamarkada bat baino gehiago daramatela “nekazaritzako<br />
elikagaien” terminoa jasotzen, tradizioz nekazaritza-kooperatiba gisa arautu izan dena<br />
aipatzeko. Gaztela eta Leongo Autonomia Erkidegoko Kooperatiben Legea azkena izan da.<br />
Hori guztia ikusita, justifikatuta dago mota horretako kooperatibak izendatzeko etorri den<br />
aldaketa, azken batean, gure kooperatiben legeak aurrera egitea eta islatzen ahalegintzen den<br />
errealitatera hobeto egokitzea dakarrelako.<br />
18.3.2. Genero-ikuspegia<br />
Genero-ikuspegia testu osoan lantzeari dagokionez, esan beharra dago terminologia<br />
egokiagoa erabiltzen dela berdintasun-elementuak asmo garbiz txertatzeko, eta horrek,<br />
behintzat, kooperatibak indarkeria sexistarik gabeko eremu bihurtzeko lehen harria jar dadin<br />
416
NEKAZARITZAKO ETA ELIKAGAIEN KOOPERATIBAK<br />
balio beharko luke, 13. artikuluak eskatzen duen bezala. Zalantzarik ez dago, indarkeria<br />
horren lehen agerpen agerikoa dela testuan erabiltzen den hizkera bera.<br />
Horregatik da garrantzizkoa eta oinarrizko elementua kooperatiben baitan eskubide eta<br />
betebeharren eremu berdinkidea sortzeko eta, batez ere, gizonentzako eta emakumeentzako<br />
aukera-berdintasunari heltzeko.<br />
18.3.3. Titulartasun partekatuko entitateak eta lanak egitea bazkideen ustiategietan<br />
Manu horrek, oro har, kooperatiba-mota horiek ezaugarri dituzten oinarrizko bi zutabeei<br />
eragiten die, hau da, kooperatiba horren parte izan daitezkeen pertsonei, bai eta gara ditzaketen<br />
jardueren irismenari ere, eta txertatutako berrikuntzek bi elementuak ukitzen dituzte.<br />
Bai kooperatibako langileek bazkideen ustiategietan lan egiteari dagokionez, bai nortasun<br />
juridikorik gabeko erakundeei buruzko berritasunei dagokienez, esan behar da bi berritasun<br />
horiek, azken batean, kooperatibako kide diren pertsonentzat eginda daude, hau da, ustiategien<br />
titularrentzat, azken finean, horiek baitira zeinahi motatako kooperatiben funtsezko osagaiak.<br />
Era berean, kasu honetan, arauak zinez gertatzen dena jasotzeaz gain, eta, hortaz, segurtasun<br />
juridiko handiagoa emateaz gain, ondorio praktikoak balio handiko bi alderdi dakartza. Alde<br />
batetik, kooperatibak bazkideen ustiategietan lanak egiteko erraztasunak eskaintzen ditu,<br />
kooperatibaren xedea eta jarduera goitik behera hedatuz elikakatearen jatorrirantz Eta, beste<br />
alde batetik, emakumea nekazaritzako elikagaien kooperatiben munduan sar dadin bultzatuz,<br />
erraztasunak ematen dituelako, eta, gainera, kooperatibetan titulartasun partekatuko<br />
erakundeen bidez eta, oro har, nortasun juridikorik gabeko gainerako erakundeen bidez parte<br />
hartzeko eta ordezkaritza gauzatzeko modua argitzen duelako.<br />
Lehenengoari dagokionez, ez da langileak lagatzea, besterik gabe, ezpada, zerbitzugintzaren<br />
antzeko ia kontratu baten bidez, kooperatiba-egitatearen irismena zabaltzea, edo kooperatibajardueraren<br />
beraren irismena elikakatean hedatzea, kasu honetan, atzerantz edo jardueraren<br />
jatorrirantz, hau da, azken batean, elikakatea osatzen duten alde guztiak garatuz, kooperatibak<br />
berak merkaturatuko dituen ekoizkinen lehen mailako ekoizpenerantz eginda.<br />
Eta hori guztia bidezkoa da, ez baitago inolako arrazoirik, kooperatibek bazkideen<br />
onurarako jarduerak balio-katearen norantza batean garatu ahal badituzte, hau da, katean<br />
aurrera eginda (eraldaketa, prestaketa, ontziratzea, kontrako norantzan egin ez dezaten, hau<br />
da, prozesuaren jatorrirantz.<br />
Bestalde, ohar gaitezen jarduera horiek, nolabait, gaur egun ere egiten direla. Hain zuzen<br />
ere, adibide gisa aipa dezakegu kooperatibek bazkide ekoizleen eskura jartzen duten ohiko<br />
laguntza: kooperatibako langileek aholkularitza teknikoa ematen dute bertatik bertara,<br />
ustiategiak bisitatuta.<br />
Beste adibide bat dugu erabilera erkideko nekazaritzako makinak erostea helburu duten<br />
kooperatibak, lehen aipatu ditugunak.<br />
Oro har, makina horiek gidatzen dituzten pertsonak kooperatibak berak kontratatutako<br />
langileak izaten dira, bazkideen ustiategian makinak erabiltzeko zerbitzua eman dezaten<br />
417
NEKAZARITZAKO ETA ELIKAGAIEN KOOPERATIBAK<br />
nekazaritza-lanak egiten, kooperatibak bere sozietate-helburua garatzeko erosi zituen<br />
makinak baliatuz. Hau da, azken batean, berrikuntza horri esker lortu dena segurtasun<br />
juridikoa hobetzea da, elikagaien sektorean dagoeneko ohikoa den errealitate bat berariaz<br />
arautzen baita.<br />
18.3.4. Hirugarrenekiko eragiketen ehunekoa handitzea<br />
Lege berriak 113. artikuluaren bidez dakartzan berritasunei dagokienez, bazkideen<br />
ustiategietatik ez datozen produktuekin egin daitezkeen eragiketen ehunekoa handitzeari<br />
buruzko berritasuna aurrerapen handia da nekazaritza- eta elikagaigintza-kooperatibentzat,<br />
eta horrek aukera ematen die, batetik, ekoizpen-jarduera programatzeko eta planifikatzeko,<br />
eta bestetik, merkataritza-jarduera antolatzeko, malgutasun handiagoz. Baina hortik harago,<br />
kasu batzuetan tresna bat izan daiteke kooperatibak galerak izan ditzaten saihesteko.<br />
Pentsa dezagun, adibidez, ohiko kasu batean: eguraldi txarraren ondorioz (izotza,<br />
kazkabarra, haizea…) gertatzen diren kalteak. Kasu askotan, kooperatibako bazkideen<br />
ustiategiek kalteak har ditzakete, eta azkenean, kooperatibari merkaturatzeko eman<br />
diezaioketen ekoizkinen bolumena nabarmen murriztu daiteke.<br />
Kooperatiba bat bazkideak ez diren hirugarren pertsonen bila joan eta haien ekoizpena<br />
baliatu ahal izatea merkataritza-jardueraren bolumenari eusteko, kooperatibaren iraupenari<br />
oratzeko bi alderdi jorratzen ditu aldi berean. Alde batetik, aukera horrek modua ematen dio<br />
kooperatibari errentagarritasun-atalasera iritsi ahal izateko, kostu finkoak ordaintzeko behar<br />
besteko diru-sarrerak lortu baititzake −bazkideen ekoizpenaren murrizketa handia gertatuz<br />
gero, ezin izango lituzke ordaindu− eta horrek, era berean, merkaturatzeko ekoizpenbolumenari<br />
eusten dio eta negoziazio-ahalmena handitu egiten du merkatuko operadoreen<br />
aurrean, bazkideen ekoizkina merkatuan baldintza onargarrietan saldu eta azken likidazioprezio<br />
nahikoa erdietsita.<br />
Beste alde batetik, horrela jokatuta, kooperatibak eutsi egingo die bezeroekin dituen<br />
salmenta-konpromisoei, bestela, bezero horiek galdu egingo balituzke bazkideen ekoizpenfalta<br />
beste bide batzuetatik lortutako ekoizkinez ordezteko aukerarik ez baleuka. Izan ere,<br />
zalantza izpirik ere ez dago, gaur egungo munduan, bolumena faktore kritikoa da jarduera<br />
askok iraun dezaten, eta, jakina, faktore kritikoa da nekazaritzako eta elikagaien kooperatibek<br />
egiten dituzten jardueretan.<br />
Labur-zurrean esanda, malgutasun handiagoak lehiakortasun-elementu berria eskaintzen<br />
die nekazaritza eta elikagaigintza-kooperatibei, eta horrek, azken batean, merkatuan duten<br />
posizionamenduari eusten laguntzen du, bai eta bezeroen aurrean antolatzeko gaitasuna eta<br />
negoziatzeko ahalmena handitzen ere, testuinguru globalizatu batean, non ekoizpenaren eta<br />
bolumenaren kontzentrazioa elementu funtsezko eta kritiko bihurtzen den.<br />
Hala eta guztiz ere, berritasun hori aurrerapen garrantzitsua den arren, edozein muga<br />
oraindik ere lehiatzeko desabantaila da kooperatibentzat, merkataritza-esparru berean<br />
kooperatibekin batera lan egiten duten merkatuko beste operadore batzuekin alderatuta,<br />
azkenek ez baitute horren inguruan legeriak ezarritako mugarik.<br />
418
NEKAZARITZAKO ETA ELIKAGAIEN KOOPERATIBAK<br />
Kontuan hartu behar da, % 49ko muga jarrita ere, izozte baten, harri-jasa baten edo uholde<br />
baten eraginez, bazkideen uztaren zatirik handiena galduko balitz, eta gabezia hori, gehienez<br />
ere, % 49raino soilik ordeztu ahalko balu kanpoko ekoizkinak eskuratuz, baliteke ekitaldi<br />
horretan kooperatiba oreka-puntura ez iristea eta galerak izatea. Horri gehitu beharko genioke<br />
bezeroak hornitzeko konpromisoa ezin bermatzeak dakarren arriskua, bezeroak une horretan<br />
gal baititzake kooperatibak eta, azken batean, galera unean unekoa baino behin betiko kalte<br />
bihur daitekeela sozietatearentzat.<br />
18.4. Beste arau aplikagarri batzuk<br />
Legeak dakartzan berritasunekin lotuta identifikatu ditugun arauez gain, beste arau batzuk<br />
ere aipa ditzakegu, argitaratu berriak direlako edo aldatutako alderdiekin lotutako beste<br />
arrazoi batzuengatik edo horiei eragin diezaieketelako.<br />
Hala, alde batetik, kooperatiba-mota honen izendapenari eta “nekazaritzako elikagaien<br />
kooperatibak” terminoaren erabilerari dagokienez, 11/2019 Legeak termino hori zehazki<br />
jasotzen ez badu ere, aipatu behar da Gaztela eta Leongo Kooperatiben apirilaren 11ko<br />
4/2002 Legea aldatzen duen ekainaren 18ko 2/2018 Legea izan dela azkena terminologia<br />
hori erabiltzen. Lege hori autonomia-esparruko kooperatibei buruz aldatu den azken legea<br />
izan da, eta, beste gauza batzuen artean, “nekazaritzako elikagaien kooperatibak” izendapena<br />
esleitu die mota horretako kooperatibei.<br />
Horren aurretik, estatu mailan, Kooperatibei buruzko uztailaren 16ko 27/1999 Legearen 93.<br />
Artikulua ere aldatu zen, hots, nekazaritzako kooperatibak arautzen zituena, Nekazaritzako<br />
elikagaien kooperatiben eta bestelako elkarteen integrazioa sustatzeari buruzko abuztuaren<br />
2ko 13/2013 Legearen azken xedapenaren bidez. Kooperatiba-mota horren idazketa berrian,<br />
garai hartan, “nekazaritzako elikagaien kooperatibak” terminoa erabili zen mota horretako<br />
kooperatibak izendatzeko.<br />
Bazkide ez diren hirugarren pertsonekin egindako eragiketen inguruko aldaketei<br />
dagokienez, Kooperatiben Zerga Araubidea xedatzen duten arauak aipatu behar dira, hiru<br />
lurralde historikoetan indarrean daudenak. Hau da, ekainaren 9ko 16/1997 Foru Araua,<br />
Arabako Kooperatiben Zerga Araubideari buruzkoa, eta haren homologoak, maiatzaren<br />
22ko 2/1999 Foru Araua eta abenduaren 12ko 6/18 Foru Araua, Gipuzkoako eta Bizkaiko<br />
kooperatiben zerga-araubideari buruzkoak, hurrenez hurren.<br />
Eta, kasu zehatz honetan, aipamenaren arrazoia dugu foru-arau horiek zerga-arloan<br />
babestutako kooperatibaren izaera galtzeko arrazoi gisa jasotzen dutela bazkide ez diren<br />
hirugarren pertsonekin egiten diren eragiketa-mota horien ehunekoen mugak ez errespetatzea,<br />
honako jausa hau jasota: “bazkide ez diren hirugarrenekiko kooperatiba-eragiketak egitea,<br />
legeetan baimendutako kasuetatik kanpo”.<br />
Arlo horretan, gogora ekarri behar da arau horiek 4/1993 Legeak ezarritako portzentajemuga<br />
berdinak dituztela gaur egun, eta, ildo horretan, pentsa liteke kooperatiben lege berrian<br />
(11/2019 Legea) araututako muga berriek talka egin dezaketela esandako zerga-arauek<br />
dituztenekin, murriztaileagoak baitira.<br />
419
NEKAZARITZAKO ETA ELIKAGAIEN KOOPERATIBAK<br />
Dena dela, itxurazko kontraesan hori berez ebatziko dugu baldin eta arau fiskal horietan<br />
ezarritakoaren edukiari hitzez hitz erreparatzen badiogu; izan ere, nahiz eta, hasiera batean,<br />
arau horietan adierazitako mugak urratzeak zerga-arloan babestutako izaera hori galtzea<br />
ekarriko lukeen, galtzeko kausa litzateke “legeetan ezarritako mugak urratzea”, inolako<br />
muga zehatzik aipatzen ez dela.<br />
Hori dela eta, zerga-arauek ezarritako mugen eta kooperatiben legeak ezarritako mugen<br />
arteko kontraesana egon arren, kooperatibena legea denez, 11/2019 Legeak ezartzen dituen<br />
muga handiagoak aplikatuz gero, ez litzateke zerga-araua urratuko, eta, beraz, zerga-arloan<br />
babestutako izaera ez litzateke galduko.<br />
Beste alde batetik, zerga-arau horiek beraiek finkatutako baldintzak gainditzea ere arautzea<br />
dute, dagokion Ogasun Sailari baimena eskatzeko aukera emanda, kooperatibari berari egotzi<br />
ezin zaizkion salbuespenezko inguruabarrak gertatzen direnean eta kooperatibak jarduera<br />
horiek handitu behar dituenean, epe eta kopuru jakin batzuen arabera.<br />
Ikuspegi horretatik, esan genezake zerga-arauek, nolabait, kooperatiben legea osatzen<br />
dutela, eta legeak berak ere ematen duela ehuneko horiek gainditzeko aukera, horretarako<br />
baimen baten bidez; gainera, 11/2019 Legeak baimentzen dituen muga handienak lortzeko<br />
baimena eman daiteke 113.2 artikuluaren eduki berriak eskatzen dituen beharrezko baldintzak<br />
betetzen ez diren kasuetan ere bai, kasurako, aukera hori eskaintzen duen arau sektorialik<br />
egonez gero.<br />
Adierazitakoak, inolako zalantzarik gabe, jarduteko marjina handiagoa ematen die<br />
kooperatibei arlo horretan, eta, esan bezala, lehiakortasun-faktore bihur daiteke, eta, hortaz,<br />
kooperatibek bizirauteko irtenbide.<br />
420
19. ERKIDEGOAN USTIATZEKO KOOPERATIBAK* 1<br />
114. artikulua.– Helburua eta eremua.<br />
1.– Kooperatiba mota hauek honako hauek elkartzen dituzte: batetik, nekazaritzan<br />
ustiatzeko izan daitezkeen ondasunak erabili eta aprobetxatzeko eskubideen<br />
titularrak, eskubide horiek kooperatibari lagatzen dizkiotenak –han lanik egin gabe<br />
edo lan eginez–, eta, bestetik, entitatean lan egiten dutenak, erabiltze-eskubiderik<br />
laga ez arren. Haien helburua da lursailak eta bestelako ekoizpen-baliabideak denon<br />
eskura jartzea nekazaritzako enpresa edo ustiategi bakar bat sortu edo kudeatzeko<br />
eta enpresa edo ustiategi horretan batzeko kooperatibak dituen ondasunak, edo zein<br />
tituluren ondorioz dituenak.<br />
Helburu soziala lortzera zuzendutako edozein jarduera garatu ahal izango dute, hala<br />
nekazaritzako produktuak zuzen lortzeko jarduerak nola ustiategiaren atal, funtzio<br />
eta prozesu guztiak sortu eta hobetzeko prestakuntza-lanak egiteko jarduerak;<br />
era berean, bilketa- eta banaketa-lanak eta lan horiekin zerikusia dutenak eta<br />
osagarri direnak gauzatzeko jarduerak egin ahal izango dituzte, eta, oro har, berez<br />
nekazaritzakoak direnak edo jarduera horien aurreko edo osteko lanak eta lan<br />
osagarriak egiteko direnak ere bai.<br />
2.– Lege honek nekazaritzako eta elikagaien kooperatibetarako aurreikusten duena<br />
bete beharko da hirugarren ez-bazkideen produktuak merkaturatzera bideratutako<br />
kooperatiba-jarduerak gauzatzeko. Lan-kontratua duten langileak ezingo dira izan<br />
kooperatibako lan-bazkide guztien ehuneko hogeita hamar baino gehiago.<br />
3.– Kooperatiba hauetan, estatutuek mugatuko dute zein den kooperatibaren lurraldeeremua,<br />
hau da, non garatu behar duten lan-bazkideek kooperatiba-jarduera eta<br />
non kokatu behar diren ustiapena osatzen duten ondasun higiezin gehienak.<br />
115. artikulua.– Bazkideen araubidea.<br />
1.– Inoiz, bazkide bera, lan-bazkide ez ezik, ondasunak erabili eta aprobetxatzeko<br />
eskubideen bazkide lagatzaile ere bada aldi berean, bazkideak boto bakarra baino<br />
ez du izango.<br />
2.– Lege honek lan elkartuko bazkide langileentzat ezartzen dituen arau berak aplikatuko<br />
zaizkie lan-bazkideei, atal honetako salbuespenak salbuespen.<br />
3.– Estatutuetan ezarriko da zenbat denbora eman behar duten bazkideek gutxienez,<br />
ondasunak erabili eta aprobetxatzeko eskubideen lagatzaile diren aldetik, kooperatiban<br />
(hamabost urte gehienez ere), eta zeintzuk diren titularren eskubideak kooperatibari<br />
eskualdatzeko arauak.<br />
* Carlos González Fernández jaunak. KONFEKOOP Euskadiko Kooperatiben Konfederazioaren legelari<br />
aholkulariak, egindako iruzkina.<br />
421
ERKIDEGOAN USTIATZEKO KOOPERATIBAK<br />
4.– Errentariek eta gozamen-eskubideren baten gainerako titularrek laga ahal izango<br />
dute ondasunak erabili eta aprobetxatzeko eskubidea kontratuak edo lege-tituluak<br />
dirauen artean, gehienez ere, baina hori ez da arrazoitzat hartuko maizterra<br />
botatzeko edo kontratua desegiteko.<br />
Horrelakoetan, kooperatibak titularra salbuetsi ahal izango du estatutuetan<br />
ezarritako gutxieneko epe hori betetzetik, baldin eta erabiltze- eta aprobetxatzeeskubideen<br />
titularrak konpromisoa hartzen badu dagokion lotura juridikoaren<br />
indarraldia amaitu arte lagako dituela eskubide horiek.<br />
116. artikulua.– Egitura ekonomikoa.<br />
1.– Ekarpen mota bi bereizi behar dira: benetako ondare-ekarpenak (diruzkoak izan<br />
ala ez), sozietatearen kapitala osatzen dutenak, eta bestelako ekarpenak, lana,<br />
zerbitzuak edo laguntza teknikoa emateko betebeharrean oinarritzen direnak, kapital<br />
sozialaren parte ezin daitezkeenak izan.<br />
2.– Tokian tokiko errenta- eta lansari-mailaren parekoak izango dira soldataordainsarien<br />
eta ondasunen erabilera lagatzeagatik sortzen diren errentak.<br />
Bazkideek zer jarduera bete kooperatiban, halako itzulkinak egiaztatuko zaizkie,<br />
hain zuzen ere ondasunak erabiltzen uzteagatik kooperatibak ordaindu behar dituen<br />
errenten eta lan-aurrerakinen proportzio berekoak.<br />
3.– Itzulkinak aitortzeko erabiltzen diren irizpide berak erabiliko dira galerak egozteko<br />
ere, baina estatutuek edo batzar orokorrak zehaztuko dute zer egin behar den lanbazkideei<br />
gutxieneko konpentsazio bat bermatzeko, zeina eskualde berean pareko<br />
lanaren trukean ordaintzen denaren ehuneko hirurogeita hamarrekoa izango den,<br />
gutxienez, eta inoiz ere ez lanbide arteko gutxieneko soldata baino txikiagoa.<br />
4.– Estatutuetan erregulatuko da zer prozedura erabili denen artean ustia daitezkeen<br />
ondasunak balioesteko, baita gozamenerako utzi diren eta sozietatean erkidegoan<br />
ustiatzeko planaren ondorio diren ondasunei eragin diezaieketen obren, hobekuntzen<br />
eta zortasunen araubidea ere. Era berean, arau batzuk ezarri ahal izango dira<br />
ondasunak erabiltzeko eta aprobetxatzeko eskubidea kooperatibari uzten dioten<br />
bazkideek galarazita izan dezaten ondasun horiek hirugarren ez-bazkideei<br />
eskualdatzea, bazkideek kooperatiban nahitaez egon behar duten denbora guztian,<br />
baldin eta, horren ondorioz, kooperatibak ezin baditu erabili eta aprobetxatu<br />
ondasun horiek.<br />
19.1. Berrikuntza nagusiak aurreko araudiaren aldean<br />
Hiru artikuluk osatzen dute erkidegoan ustiatzeko kooperatibei eskainitako 6. atala:<br />
“114. artikulua.– Helburua eta eremua”; “115. artikulua.– Bazkideen araubidea” eta “116.<br />
artikulua.– Egitura ekonomikoa”.<br />
Egia esatera, ezer gutxi esan daiteke erkidegoan ustiatzeko kooperatibei eskainitako 6. atal<br />
horri buruz; izan ere, aurreko 4/1993 Legearekin alderatuta, hiru alderdi baino ez dira aldatu<br />
11/2019 Legean.<br />
422
ERKIDEGOAN USTIATZEKO KOOPERATIBAK<br />
Alde batetik, esan behar da artikuluen zenbakia aldatu dela; beraz, aurreko legean, 111,<br />
112 eta 113 zenbakiak zegozkien hiru artikulu horiei, hurrenez hurren, eta lege berrian, aldiz,<br />
114, 115 eta 116 zenbakiak ezarri zaizkie, hurrenez hurren.<br />
Bigarren alderdi berritzailea dugu genero-ikuspegia lantzen duen hizkeraren erabilera,<br />
testu osora hedatzen dena.<br />
Hirugarrenik eta azkenik, aurreko 113. artikuluan ageri zen 4. zenbakia kendu da gaur<br />
egungo 116 zenbakitik.<br />
“4. Ustiapen komunitarioko kooperatibetako lan-bazkideak besteren konturako langileekin<br />
parekatuta daude Gizarte Segurantzaren ondorioetarako”.<br />
Eta paragrafo hori ezabatu denez, artikulu berrian 5. zenbakia izan behar zuen hurrengo<br />
paragrafoari 4. zenbakia dagokio.<br />
Esandako paragrafoa ezabatzeak dakarren ondorio praktikoa deuseza bada ere, geroago<br />
ikusiko dugun bezala, egokia da, Gizarte Segurantzari buruzko alderdiak arautzeko<br />
eskumenak gainditu egiten baitu Gernikako Estatutuak Euskal Autonomia Erkidegoari<br />
kooperatiben arloa arautzeko ematen dion eskumena.<br />
Alabaina, hori horrela ez balitz ere, alderdi hori aurretik araututa zegoen, eta gaur egun<br />
Gizarte Segurantza erregulatzen duen araudian zehaztuta dago, egiatan, araudi horretan<br />
erregulatu behar baita. Beraz, kooperatiben legean jasota egoteak ala ez egoteak ez du<br />
inolako ekarpenik edo aldaketarik eragiten Gizarte Segurantzaren beraren arauan alderdi<br />
horri buruz lehendik zegoen aurretiazko erregulazioan.<br />
Horiexek dira 6. atala idazterakoan berriak diren alderdi bakarrak, eta antolaketa- edo<br />
egitura-arloko beste aldaketa batzuk ez dira beharrezkotzat edo bideragarritzat jo.<br />
19.2. Iruzkin orokorra eta esanahi praktikoa<br />
Erkidegoan ustiatzeko kooperatibetan, aurrerantzean, EUK, lagunartean ezagutzen diren<br />
moduan, nekazaritzako eta elikagaien kooperatibekin gertatzen den bezala, kasu gehienetan,<br />
nekazaritza eta abeltzaintzako ustiategi txikien bidez edo nekazaritza-turismoko jardueren<br />
bidez garatzen da euren sozietate-helburua. Azken batean, familia-negozioak dira, eta<br />
horietan lan egiten duten pertsonak senar-emazteak dira edo, bestela, emakumeek presentzia<br />
handia duten familia-taldeak.<br />
Ikusmolde horretatik, 6. atal honi eragiten dion berritasun nagusia, haren antolamendu<br />
juridikoari eta kooperatiba-jardueraren egituratze materialari eragiten ez dion arren,<br />
berebiziko garrantzia dauka generoa aintzat hartzen duen hizkerari dagokionez egindako<br />
aldaketa soilak, emakumeak jarduera-arlo horretan benetan betetzen duen garrantzizko<br />
egitekoa ikusarazten ari delako, eta, horrekin batera, emakumeak laneko ingurunean<br />
gehiagotan parte hartzeko aukera ematen duelako, eta, horren ondorioz, emakumeek bat<br />
egiten dute arlo horrekin, haien egoera ikusarazten da eta eskubide-berdintasunari lotutako<br />
egoeran garatzen dute lan-ibilbidea. Ez bakarrik gizartearen barruko esparruan, ezpada,<br />
kooperatiba-enpresan garatzen duen lan-jardueraren inguruko benetako erantzukizun zibil,<br />
sozial eta fiskala ere bere gain hartuta.<br />
423
ERKIDEGOAN USTIATZEKO KOOPERATIBAK<br />
Sozietate-izakunde juridiko bat erregulatzen duen arau berria ematen denean, sozietateikuspegi<br />
juridikotik gertatzen diren aldaketa gehienetan ez bezala, kasu honetan, lege berriak<br />
ekarritako berritasunek ez diote inola ere eragiten sozietate-era horren egiturari, baizik<br />
eta haren erregulazio juridikoa ezertan aldatzen ez duen beste alderdi bati. Nolanahi ere,<br />
aldaketa guztiz garrantzizkoa da, azken batean, sozietate-era juridiko hau gogotik bultzatzen<br />
eta garatzen duelako.<br />
Horren haritik, esan behar da, gaur egun, kooperatiba-molde horren garapena oso urria<br />
dela, behintzat, Euskal Autonomia Erkidegoaren eremuari dagokionez. Hala eta guztiz<br />
ere, ikuspuntu horretan oinarri harturik, emakumearen garrantziak, edo, hobeto esanda,<br />
emakumearen benetako egitekoei dagokien garrantzia berreskuratzeak, eta sozietate horietan<br />
emakume gehiagok lan egin dezaten bultzatzeak eragin handia izan dezakete kooperatiben<br />
modalitate horren garapenean.<br />
Gaur egun, erkidegoan ustiatzeko kooperatiben kopurua oso txikia da. Harritzekoa da<br />
egoera hori, Euskal Autonomia Erkidegok daukan landa-ingurune kontuan hartuta; izan<br />
ere, orografia malkarragatik, oso zaila da latifundio edo lur-arlo handietan funtsaturiko<br />
ustiategiak baliatzea nekazaritza-ustiategiak enpresa bihurtzeko. Aitzitik, orografia horrek,<br />
bereziki, Bizkaian eta Gipuzkoan, beste ustiategi-mota batzuk erraztu ditu, txikiagoak eta<br />
familia-girokoak, eta horiek baldintza egokiak dakartzate halako kooperatibak sortzeko.<br />
Hala eta guztiz ere, esan bezala, badirudi sozietate-era horrek ez duela arrakasta handirik<br />
izan sektorean.<br />
Beste alde batetik, landa-eremuetako tradizioa ohiko “baserriaren” ereduan oinarritzen da,<br />
eta familiako kideak horren inguruan biltzen dira. Edonola ere, ustiategi horiek erkidegoan<br />
ustiatzeko kooperatiba-eredu juridikoari loturiko sortzeko bi baldintza benetan egokiak<br />
betetzen badira ere, kooperatiba-mota horrek ez du izan espero zitekeen garapena eta<br />
ezarpena.<br />
2008an, Euskadiko Kooperatiba Sozietate Txikiei buruzko ekainaren 25eko 6/2008 Legea<br />
eman zenean, lan elkartuko kooperatibak eta erkidegoan ustiatzeko kooperatibak baino ez<br />
ziren aintzat hartu kooperatiba txiki gisa egituratzeko, eta pentsatu zen orduan, kooperatiba<br />
bat bi bazkidek soilik eratzeko aukerak, goian aipatutako beste bi faktoreei gehituta,<br />
kooperatiba gehiago sortzea erraztuko zuela.<br />
Esandako erregulazioa sektorea antolatzeko aukera egokitzat ere jo zen, eta gainera,<br />
kasu gehienetan, sozietate zibil irregularren edo ondasun-erkidegoen bidez antolatzen ziren<br />
nekazaritzako eta abeltzaintzako familia-ustiategi horietako asko, nortasun juridikorik<br />
gabeko modalitate horiek sortzen zituzten arazo eta segurtasun juridikorik eza zirela eta,<br />
erkidegoan ustiatzeko kooperatiba txiki bihurtuko zirelako ustea nagusitu zen, kooperatibok<br />
segurtasun juridiko handiagoa izango zutelako, nortasun juridikoari esker.<br />
Hala ere, lege hura indarrean sartu zenetik 12 urte baino gehiago igaro dira, eta egungo<br />
egoerak kontrakoa adierazi digu.<br />
Ildo horretan, galdetu behar diogu gure buruari ea mota horretako kooperatiba gehiago<br />
eratzeko oztoporik izan ote dezakeen bazkideek Gizarte Segurantzaren araubidearen aukeren<br />
ondorioetarako aurki ditzaketen mugak.<br />
424
ERKIDEGOAN USTIATZEKO KOOPERATIBAK<br />
Izan ere, arestian aurreratu dugun bezala, Gizarte Segurantzaren Lege Orokorraren<br />
testu bategina onartzen duen urriaren 30eko 8/2015 Legegintzako Errege Dekretuaren<br />
14. artikuluak ezarritakoari jarraiki, kooperatiba horietako bazkideak besteren konturako<br />
langileen parekoak dira. Hori dela eta, norbere konturako langileen edo langile autonomoen<br />
araubide bereziari heltzeko aukera oro kentzen zaie bazkideei. Aukera hori, berriz, lan<br />
elkartuko kooperatibetan balia daiteke, eta gainera, malgutasun handiagoa ematen die<br />
sustatzaileei Gizarte Segurantzaren araubide bata edo bestea aukeratzeko, premien arabera.<br />
Hori guztia gutxi balitz, eta horren ondorioz, gaur egun, kooperatiba-mota horretako<br />
bazkideek beste arazo gehigarri bat dute, eta horrek ez du inola ere laguntzen sozietateen<br />
modalitate hori eratzen, guztiz kontrakoa baizik.<br />
Hain zuzen ere, arazoak sortzen ari dira kooperatiba-mota horiek inbertsio askori ekin<br />
ahal izateko berebiziko garrantzia duten laguntza-lerro batzuetan, laguntza horiek kudeatzen<br />
dituzten administrazio batzuek uste baitute laguntza horietako bazkideek ez dituztela<br />
betetzen nekazari profesionaltzat hartzeko beharrezko baldintzak, eta horixe da, hain zuzen<br />
ere, laguntza-lerro horiei heltzeko nahitaezko baldintzetako bat.<br />
Hala, arau horien interpretazio desegokiaren arabera, nekazari profesionalek Gizarte<br />
Segurantzan erabil dezaketen araubide bakarra autonomoen araubide berezia dela iritzi da.<br />
Arestian ikusi dugunez, ordea, EUKetan, Gizarte Segurantzaren araudiak besteren konturako<br />
langileekin parekatzen ditu, eta, beraz, Gizarte Segurantzaren araubide orokorrean egon<br />
behar dute nahitaez, eta ezin dute langile autonomoen araubide berezia aukeratu.<br />
Azaldu dugun arazo hori konpontzen ez bada, gaur egun, baliteke kooperatiben modalitate<br />
hori desagertzea edo, neurri handi batean, galarazi; izan ere, lehen esandako laguntzak<br />
kudeatzen dituen administrazioak berak ez die pizgarririk ematen espedienteen sustatzaileei<br />
erkidegoan ustiatzeko kooperatibak eratzeko. Beraz, itxura denez, etorkizun iluna dute<br />
sozietate-mota horiek.<br />
Hori dela eta, une zail honetan, emakumea laneratzea eta kooperatiba-modalitate horren<br />
bidez ikusaraztea errazten duen edozein neurri lagungarria izan daiteke kooperatiba-mota<br />
horren desagerpena saihesteko.<br />
Hori esanda, itxura batean 11/2019 Lege berriak ekarritako aldaketa txikiak, eta hizkera<br />
inklusiboa erabiliz, emakumea ikusarazteak, garrantzi handia dute, baldin eta horiei esker<br />
emakumearen parte-hartze eraginkorraren eta haren gizarte-aitorpenaren aldeko urratsak<br />
egiten badira.<br />
Azkenik, lehen aipatu den bezala, 4. paragrafoa kentzeari dagokionez, hau da, erkidegoan<br />
ustiatzeko kooperatibetako lan-bazkideak besteren konturako langileekin parekatzeari<br />
dagokionez, adierazi behar da asimilazio hori aipatzen zuen paragrafoa ezabatzeak ez duela<br />
ondorio praktikorik egungo egoeran.<br />
Hori horrela da aurreko legeak aipamen hori egin ala ez egin, Gizarte Segurantzaren Lege<br />
Orokorraren 14. artikuluak arautzen baitu gertaera hori. Beraz, kooperatiben legean jasota<br />
egonik ere, asimilazio horrek kooperatiben modalitate horretako bazkide diren pertsonei<br />
eragingo die beti, harik eta Gizarte Segurantzaren araua aldatzen den arte. Hori dela eta,<br />
paragrafoa ezabatzeak ez du benetako ondorio juridikorik.<br />
425
ERKIDEGOAN USTIATZEKO KOOPERATIBAK<br />
19.3. Beste arau aplikagarri batzuk<br />
Kooperatiba-mota horri buruzko aipamen bereziko arau gisa, alde batetik, Kooperatiben<br />
Legearen 136.1 artikulua aipa dezakegu. II. titulua kooperatiba-sozietate txikiei buruzkoa da,<br />
eta, bertan, erkidegoan ustiatzeko kooperatibak jasotzen dira berariaz, kooperatiba txikiaren<br />
kategoria izan dezaketen bi kooperatiba-modalitateetako bat baita.<br />
Hala, manu horrek honako hau dio hitzez hitz:<br />
“1.–Sozietate kooperatibo txikia lehen graduko sozietate kooperatiboa da, lan elkartukoa<br />
edo erkidegoan ustiatzekoa, zeinaren araubide juridikoa kapitulu honen bidez<br />
arautzen baita, sozietate kooperatiboen barruko espezialitate gisa”.<br />
Bestalde, egin dugun aipamenaren arabera, kooperatiba horietako lan-bazkideak Gizarte<br />
Segurantzan txertatzeko esparru arauemailea zedarriztatzen duen Gizarte Segurantzaren<br />
araudia ere nabarmendu behar da:<br />
14. artikulua. Kooperatibetako bazkide langileak eta lan-bazkideak.<br />
1. Lan elkartuko kooperatibetako bazkide langileek Gizarte Segurantzaren onurez<br />
gozatuko dute, eta kooperatibak honako modalitate hauen artean aukeratu ahalko du:<br />
a) Besteren konturako langileen parekatu gisa hartzea. Kooperatiba horiek<br />
Gizarte Segurantzako Araubide Orokorrean sartuko dira, edo beraren araubide<br />
berezietako batean, kasuan-kasuan, beren jardueraren arabera.<br />
b) Dagokien araubide bereziko langile autonomo gisa hartzea. Kooperatibek beren<br />
estatutuetan egingo dute aukera horren alde, eta aukera hori aldatu ahalko dute<br />
soilik Gobernuak ezartzen dituen kasuetan eta baldintzetan.<br />
2. Lurraren ustiapenerako kooperatibetako bazkide langileek eta uztailaren 16ko<br />
27/1999 Legearen 13.4 artikuluak aipatzen dituen lan-bazkideak besteren konturako<br />
langileekin parekatuko dira Gizarte Segurantzaren ondorioetarako.<br />
3. Nolanahi ere, ez lan elkartuko kooperatibei, ez lurraren ustiapen komunitarioko<br />
kooperatibei, ez eta haiek osatzen dituzten bazkide langileei ez zaizkie aplikatzekoak<br />
izango Soldatak Bermatzeko Funtsaren kotizazioari eta prestazioei buruzko arauak.<br />
4. Baimena ematen zaio Gobernuari artikulu honetan aurreikusitako aukeraren norainokoa,<br />
moduak eta baldintzak erregulatzeko, bai eta, kasua bada, Gizarte Segurantzako<br />
araubideen arauak kooperatiba-jardueraren berezitasunei egokitzeko ere.<br />
Araudi horrek, gainera, beste berezitasun bat dakarkie kooperatiba-mota horiei: Soldatak<br />
Bermatzeko Funtsaren kotizazioari eta prestazioei buruzko arauak ez zaizkie aplikatuko, ez<br />
kooperatibei, ez kooperatiba horietako kide diren lan-bazkideei. Amaitzeko, esan dezagun<br />
iruzkin honen xedea ez dela arazo horiek guztiak aztertzea, baina horiek aipatzea eta,<br />
kooperatiba-mota honen esparruan, arazorik badela nabarmentzea jakingarri delakoan gaude.<br />
426
20. ETXEBIZITZA-KOOPERATIBAK* 1<br />
20.1. Helburua, eragiketak eta eremua<br />
117. artikulua.– Helburua, eragiketak eta eremua.<br />
1.– Etxebizitza-kooperatiben helburua da bazkideei etxebizitzak, lokalak, eraikinak eta<br />
eraikin osagarriak eta instalazioak eskaintzea; higiezin horiek eta denek erabiltzen<br />
dituzten elementu, zati edo eraikinak hobetzea, zaintzea eta kudeatzea; behar diren<br />
zerbitzuak antolatu eta ematea, eta etxebizitzak, lokalak eta eraikinak bazkideei<br />
zuzendutako instalazioak birgaitzea.<br />
Nolanahi ere, kooperatibak berak garatu beharko du, zuzenean, helburu soziala,<br />
gutxienez oinarrizko alderdietan. Hala eta guztiz ere, kooperatibak hirugarren ezbazkideak<br />
kontratatu ahal izango ditu helburua lortzeko edo osatzeko. Kontratu<br />
horiek kooperatibaren legelari aholkulariaren aldeko irizpena jaso beharko dute.<br />
2.– Etxebizitza-kooperatibek lursailak erosi, zatikatu eta urbanizatu ahal izango dituzte,<br />
eta, oro har, behar bezainbat jarduera eta lan egin ahal izango dituzte beren helburu<br />
soziala lortzeko.<br />
Era berean, kooperatibaren premiak bete eta gero, merkataritza-lokalak, lursailak,<br />
instalazioak eta eraikin osagarriak besterendu ahal izango dituzte, edo hirugarren<br />
ez-bazkideei errentan eman ahal izango dizkiete, betiere hala erabakitzen badu<br />
batzar orokorrak.<br />
Horretaz gain, kooperatibak bazkide ez diren hirugarrenei ere besterendu ahal izango<br />
dizkie sustatzen dituen etxebizitzak, baldin eta hori egin behar badu kooperatibasustapena<br />
finantzatzeko, eta, betiere, behin bermatu ondoren bazkide guztiek<br />
dutela etxebizitzarako irispidea. Kasu horretan, sustatutako etxebizitzen ehuneko<br />
hirurogeita hamar, gutxienez, adjudikatuko zaie bazkideei. Gainerako etxebizitzak<br />
hirugarren ez-bazkideei besterendu ahal izateko, Euskadiko Kooperatiben Goren<br />
Kontseiluaren homologazioa beharko da, premia hori dagoela egiaztatzen duena.<br />
3.– Etxebizitza-kooperatibek etxebizitza eta lokalak sustatu ahal izango dituzte –sustapen<br />
bakarra kooperatiba bakoitzeko– soilik beren jardute-eremuan, zeina estatutu<br />
bidez ezarriko baita. Bazkide gehienek eremu horretan bizi beharko dute, salbu<br />
eta kooperatiba gehienbat edo soil-soilik hirugarren adineko bazkideei zerbitzua<br />
emateko bada edo bigarren bizilekuak sustatzeko bada. Horrelako kasuetan, posta<br />
ziurtatu hartu-agiridunarekin egingo dira batzar orokorreko deialdiak, eta bazkideek<br />
horretarako adierazitako helbidera bidaliko dira gutunak.<br />
* Santiago Merino Hernández jaunak, Euskadiko Kooperatiben Goren Kontseiluko letraduak, egindako<br />
iruzkina.<br />
427
ETXEBIZITZA-KOOPERATIBAK<br />
20.1.1. Sarrera<br />
Zalantzarik gabe, etxebizitza-kooperatibak izan dira, garraio-kooperatibekin eta “junior<br />
kooperatiba” izenekoekin batera, euskal legegileak gehien berritu dituen kooperatibamotetako<br />
bat, eraikuntzari eta kudeaketari lotutako oinarrizko erabakiak kooperatibistek<br />
eurek, kooperatiba eratzen denetik unetik aurrera, era demokratikoan har ditzaten ziurtatzeko.<br />
Horrela, bada, printzipio kooperatiboak zorrotz betetzeak izan behar du enpresa-proiektuak<br />
garatzeko kontzeptuzko oinarria, azken urteotan aipatutako printzipioetatik urruntzeagatik,<br />
hain zuzen ere, eztabaida ugari egon diren sektorearen esparruan.<br />
Nolanahi ere, printzipio kooperatiboak bete beharko dira, nahiz eta, higiezinen sustapenak<br />
eskatzen duen profesionaltasuna dela-eta, beharrezkoa izango den erakunde kudeatzaile<br />
bat kontratatzea, kooperatibaren eraikuntzari eta finantzaketari buruzko aholkularitza eman<br />
dezan. Gogora dezagun kooperatiban elkartzen diren pertsonek askotan ez dutela elkar<br />
ezagutzen, eta, aldi berean, garrantzi ekonomiko handiko enpresa-proiektuak garatzen<br />
dituztela. Hori esanda, eta aipatutako profesionalizazioa beharrezkoa bada ere, sustapenaren<br />
kontrola kooperatibako bazkideen esku dago, eta eragiketa guztien informazioa eta<br />
gardentasuna bermatu behar dira beti.<br />
20.1.2. Berrikuntza nagusiak aurreko araudiaren aldean<br />
Kapitulu honetan, helburuari, eragiketei eta eremuari buruzkoan, eta aurreratu dugun bezala,<br />
berariaz adierazi nahi izan da sozietatearen helburua kooperatibak berak garatu beharko duela,<br />
gutxienez, oinarrizko alderdiei dagokienez, betiere eragotzi gabe kooperatibak kontratatzen<br />
dituen bazkideak ez diren beste pertsona batzuek eman edo osatu ahal izatea. Hain zuzen<br />
ere, kooperatibak garatuko du kooperatiba-jarduera, eta, azken batean, erabakiak hartzeko<br />
ahalmena du bere organo eskudunen bidez (batzar orokorra eta artezkaritza-kontseilua), ez<br />
enpresa kudeatzaileek, askotan gertatu izan den bezala. Enpresa horiek haiekin kontratatzen<br />
dena bete beharko dute, kode zibilaren arabera (betebeharrak eta kontratuak). Baina, aurreko<br />
araudiarekin alderatuta, berritasun garrantzitsu gisa, esan behar dugu kontratu horien aldeko<br />
irizpena eman beharko duela legelari aholkulariak. Legelariarenak aurrerago jorratuko<br />
ditugu, 121. artikuluan.<br />
Merkataritza-lokalak, lursailak, instalazioak eta eraikin osagarriak bazkide ez diren beste<br />
pertsona batzuei besterentzeko edo errentan emateko aukera bazegoen jasota indargabetutako<br />
legerian, baina indarrean dagoenak dio batzar orokorrak aldeko erabakia hartu behar duela.<br />
Berrikuntzekin jarraituta, esango dugu artikulu honek aukera ematen duela azaldutakoak ez<br />
ezik –nolabait esanda, sustatutako etxebizitzekin zuzenean lotuta ez daudenak−, sustatutako<br />
etxebizitzak ere hirugarren pertsonei besterentzeko, kooperatiba-sustapena finantzatzeko<br />
beharrezkoa denean eta bazkide guztiek etxebizitza eskuratzeko aukera bermatuta dutenean.<br />
Nolanahi ere den, sustatutako etxebizitzen ehuneko hirurogeita hamar, gutxienez, bazkideei<br />
esleituko zaizkie. Ehuneko hori gainerako kooperatiba-motetan hirugarrenekin egin<br />
beharreko eragiketetan ezarritako ehunekoaren testuinguruan ulertu behar dugu. Ehunekoa<br />
handiagoa zen arauaren hasierako zirriborroetan, baina egun ezarrita dagoena gailendu zen<br />
azkenean. Kooperatiba-mota hori irizpide kooperatiboen arabera normalizatu nahi izan<br />
bada, hirugarrenekin egindako eragiketen ehunekoa, gertatu den bezala, beste kooperatiba<br />
428
ETXEBIZITZA-KOOPERATIBAK<br />
batzuentzat ezarritakoaren berdina izan behar zen, eta ez zen eragotzi behar, orain arte bezala,<br />
ezta kasu guztietan ezarritako ehuneko hogeita hamar gainditu ere.<br />
Aurrekoa gorabehera, bazkide ez diren hirugarren pertsonei gainerako etxebizitzak<br />
besterentzeko egintza Euskadiko Kooperatiben Goren Kontseiluak (aurrerantzean, EKGK)<br />
homologatu beharko du, lehen aipatu dugun beharra egiazta dezan. Orduan, zalantza<br />
sortzen da erakunde publiko horrek sustapenaren finantza-beharrez uler dezakeenaren<br />
inguruan. Irizpide hori, gure ustez, erakundeak zehazten duenari kalterik egin gabe, ezin<br />
da sustapenaren aurretik finkatu, finantza-arazoak sortuz gero, zuhurtasun ekonomikoko<br />
irizpideari jarraiki, sustapena gauzatu beharko ez litzatekeelako. Aitzitik, kooperatiba<br />
eratu ostean gertatu diren inguruabarretan pentsatzen ari gara, baldin eta egoera horiek<br />
kooperatibaren bideragarritasuna arrisku bizian jartzen badute. Inguruabar horiek gertatzen<br />
dira, adibidez, hartutako konpromisoez arduratu ezin diren bazkideek baja ematen dutenean,<br />
eta, aldi berean, bazkide gehiago lortzea ezinezkoa denean, baina etxebizitzak hirugarren<br />
pertsonen alde besterendu daiteke. Egia esatera, EKGKren homologazioa eragingo lukeen<br />
aukera hori Gizarte Ekonomiari buruzko martxoaren 29ko 5/2011 Legearen bigarren xedapen<br />
iragankorrean aurkitu dugu, nolabait. Hauxe dio xedapenak: “etxebizitza-kooperatibek bazkide<br />
ez diren hirugarrenei besterendu edo errentan eman ahal izango dizkiete lege hau indarrean<br />
jarri aurretik hasitako beren jabetzako etxebizitzak. Kasu horretan, etxebizitzak besterentzea<br />
edo errentan ematea eta horien baldintza orokorrak batzar orokorrak erabaki beharko ditu<br />
aldez aurretik. Horrez gain, bazkide ez diren hirugarrenekin egindako eragiketa horiek,<br />
gehienez ere, bazkideekin egindako eragiketen ehuneko 50 izan daitezke. Batzar orokorrak<br />
erabakiko du, halaber, besterentzearen edo errentamenduaren bidez lortutako zenbatekoa<br />
zertarako erabiliko den”. Horko horretan, 2008ko higiezinen krisiaren ondorioak arindu nahi<br />
izan ziren, bai eta proiektu kooperatiboak amaitu ahal izatea ere. Gure aburuz, gertakari<br />
horrek eragin du EKLn gehitutako berritasuna, bai eta EKGKren beharrezko kontrola ere.<br />
Azkenik, uste dugu kooperatiben erakundea ez dela beste administrazio publiko batzuekiko<br />
lankidetzan aurkeztutako proiektuetatik kanpo geratuko homologazioan (adibidez, tokiko<br />
erakundeekin egindakoetan, bazkide izan gabe, sustapena egingo den lurzoruaren trukea<br />
egiten baitute etxebizitza-kopuru jakin bat eraikitzeko), edo, oraingoan, eremu pribatuan,<br />
etorkizunean sustatzen diren eta garatu ezin daitezkeen etxebizitzen edukitzarri lotutako<br />
truke-eragiketetatik kanpo.<br />
Bereziki aipatu behar dugu arauaren zioen azalpenean ageri den adierazpena, lehen<br />
esandako mugak “ordezko bizitokia emateko balizko jarduerak egiteari kalterik egin gabe”<br />
indarra izango duela dioena, baina salbuespen hori ez da jaso testuaren artikuluetan, eta, beraz,<br />
aplikazio horri buruzko zalantzak sortu zaizkigu. Konstituzio Auzitegiak irizpena eman du<br />
hainbatetan onartutako lege-arauen zioen azalpenen edo hitzaurreen arauzko balioari buruz.<br />
Kasurako, azaroaren 12ko 36/1981 Epaian. Horren 7. oinarri juridikoan honako hau adierazi<br />
zuen: “hitzaurreak ez du arauzko baliorik, nahiz eta kontuan hartu beharreko elementua den<br />
legeen interpretazioan”; edo urriaren 4ko 150/1990 Epaian, zeinaren 2. oinarri juridikoan<br />
honako hau adierazi zuen: “legeen hitzaurreek edo zioen azalpenek ez dute arauko baliorik,<br />
eta ezin dira konstituzio-kontrakotasuneko errekurtso baten xede izan”. Edo apirilaren 20ko<br />
90/2009 Epaian, zeinaren 6. oinarri juridikoak hauxe ezarri zuen: “izan ere, legeen hitzaurreek<br />
edo zioen azalpenek arauzko baliorik ez duten arren…”. Gainera, auzitegi horren ildo bereko<br />
429
ETXEBIZITZA-KOOPERATIBAK<br />
beste epai batzuk aipa ditzakegu: besteak beste, ondokoak: 36/1981 Epaia, azaroaren 12koa,<br />
7. oinarri juridikoa; 150/1990 Epaia, urriaren 4koa, 2. oinarri juridikoa; 173/1998 Epaia,<br />
uztailaren 23koa, 4. oinarri juridikoa; 116/1999 Epaia, ekainaren 17koa, 2. oinarri juridikoa;<br />
edo 222/2006 Epaia, uztailaren 6koa, 8. oinarri juridikoa. Horrela, Konstituzio Auzitegiaren<br />
doktrinari jarraituz, araua interpretatzen, legegilea eta hark ezarritakoa nola aplikatu behar<br />
dugun ulertzen laguntzen digula esango dugu. Ildo horretan, harritzekoa da hirugarren<br />
pertsonekiko eragiketak egiteko ehuneko hogeita hamarreko mugak ordezko bizitokia<br />
emateko jarduerak alde batera utzita dioen adierazpena testuaren artikuluetan jaso ez izana.<br />
Horren aurrean, uste dugu, batez ere, etxebizitza babestuetako jarduketa horien ingurukoak<br />
ezartzen dituen administrazio-araudira jo behar dugula, bai eta EKGK-k hirugarrenekiko<br />
eragiketen kontrolean izan dezakeen interpretazio-irizpidera ere, eta ez hainbeste testuaren<br />
artikuluetan salbuespen orokortzat jo beharko litzatekeenera.<br />
Azkenik, berrikuntza garrantzitsu gisa, aipatu behar dugu etxebizitza-kooperatibek, orain<br />
arte ez bezala, etxebizitzen eta lokalen sustapen bakarra egin ahal izango dute kooperatiba<br />
bakoitzeko. Arauketa hori, indargabetutako arautegitik ez ezik, legeria autonomiko askotatik<br />
ere bereizi da, azkenetan, hain zuzen ere, sektorearen garapena justifikatzen baita askotariko<br />
sustapenen bidez, batzuek besteen bermearena egiten dutelarik. Esate baterako, Kooperatibei<br />
buruzko uztailaren 16ko 27/1999 Legean (aurrerantzean, KL) berariaz ezarri zen 90.<br />
artikuluan kudeaketaren eta ondarearen arteko autonomia aldien edo sustapenen artean,<br />
sustapen batzuek erantzun behar ez dutela besteetan sortutako zorren ondorioz (gainera,<br />
sustapenok izen espezifikoa eta bazkideen batzar bereziak dituzte, kooperatiba edozein dela<br />
ere). Ildo horretan, kooperatiba bakar baten esparruan aldiak edo sustapenak garatzeko edo<br />
ez garatzeko aukerari erreparatzen badiogu, bi eredu aurkituko ditugu. Sustapena amaitzeaz<br />
batera agortzen den aldi baterako ereduaren beste muturrean, sustapenen merkatuan irauteko<br />
asmoa duten kooperatibak ditugu, eta horren bidez, besteak beste, kostu finkoak txikiagotu<br />
nahi dira, sustapen guztiek partekatzen baitituzte kostuok.<br />
Bada, aurreko ereduaren aurrean, kontabilitate bereizia eramateko betebeharra eta sustapen<br />
bakoitzeko batzordeetan erabaki bereiziak hartzeko betebeharra gorabehera, balantze eta<br />
ustiapen-kontu bakarra zegoelako, praktikan, bazkideak beste batzuen erantzukizunak<br />
hartzera eraman dituena, baita diruko ekarpen handiak egitera ere, sustapen bakar batean<br />
izandako arazoei aurre egin eta kooperatibaren konkurtsoa saihesteko helburuz, askotan<br />
nagusi zen nahastea, batzuetan, interesatua, gainditzea erabaki du EKLk. Hala eta guztiz<br />
ere, euskal legegileak bazkideen segurtasun juridikoa bermatu nahi izan du proiektu<br />
kooperatiboan, bakoitzari benetan legokiokeen erantzukizuna esleituta, kooperatiba eta<br />
sustapena ezkonduta.<br />
20.1.3. Iruzkin orokorra eta esanahi praktikoa<br />
Kapitulu honetan, kooperatiba-mota garrantzitsuenetako bati helduko diogu, batez ere,<br />
kontuan hartzen badugu gizarte-arloan eta ekonomian gero eta garrantzi handiagoa izan<br />
duela, urte askotan, gure herrialdeko lurzoruaren arazoei eta bizitegi-eredu berriei irtenbidea<br />
emateko.<br />
430
ETXEBIZITZA-KOOPERATIBAK<br />
Iruzkintzen ari garen artikulua, 117.a, kooperatiba-mota horren helburuari, eragiketei eta<br />
eremuari buruzkoa da, eta, gai horiei dagokienez, oro har, indargabetutako arauan eta beste<br />
legeria autonomiko batzuetan ezarritako joerari lotu zaio.<br />
Hala ere, inolako zalantzarik ez dago, gero eta handiagoa den aniztasunak askotariko<br />
irtenbideak eskatzen dizkiola kooperatiba-mota bakoitzari, eta horixe erakusten du etxebizitzakooperatibak<br />
gure ingurune hurbileneko lege guztietan mota bereizi gisa agertzeak; edozelan<br />
ere, arauak, pentsatzekoa denez, ez du kontuan hartzen trafikoan ager daitezkeen kasuen<br />
aniztasuna. Hori dela eta, gai askotan, arauketa orokorrera jo behar izaten dugu, eta horrek<br />
ahalegin gehigarria eskatzen kooperatiba-mota horren ezaugarriak direla eta.<br />
Kooperatiba-mota horien xedea artikuluaren 1. atalean zehaztu da, eta, bertan, igar<br />
dezakegu bazkideak harreman berezia duela kooperatibarekin. Hala, bereiz ageri zaizkigu<br />
bazkideak sozietatearen kapitalean duen parte-hartzea (parte hartze ekonomikoa) eta<br />
sozietatearen organoetan parte-hartzea (kudeaketari atxikitako parte-hartzea) jarduera<br />
kooperatibizatuari lotutako parte-hartzetik. Zein da, baina, jarduera kooperatibizatu hori<br />
etxebizitza-kooperatibetan? Gure iritziz, zenbait eskubide eta betebehar betearazteak<br />
zehazten eta ezaugarritzen du jarduera kooperatibizatua. Alde batetik, bazkideak etxebizitza<br />
bat izateko eskubidea eta kooperatibak etxebizitza hori eskuratzeko betebeharra ditugu; eta,<br />
bestetik, kooperatibak bazkidearengandik sustapenari aurre egiteko behar beste baliabide<br />
lortzeko eskubidea dugu. Bazkideak Espainiako etxebizitza-kooperatibetan egiten duen<br />
jarduera kooperatibizatua, nagusiki, etxebizitzak sustatzea da, bazkideei jabetzan esleitzeko,<br />
eta salbuespenezkoak dira alokairuzko etxebizitzak sustatzen dituztenak edo jabetza<br />
horizontalaren administratzen dutenak, erabilera-lagapenaren araubideari dagokionez<br />
izandako esperientzia urriak ahaztu gabe.<br />
Deskribatzen ari garen harremanaren izaera juridikoa ezartzerakoan, esan behar dugu<br />
zeharkako ordezkaritzatzat hartu izan dela, non kooperatibak hirugarrenen aurrean jarduten<br />
duen, bere izenean, bere nortasun juridiko propioaren ondorioz, baina bazkidearen kontura,<br />
nolabait esatearren, titulartasun formal edo uste onezko egintza bati heldurik. Nolanahi ere,<br />
berariazko itunik edo beren-beregiko arauketarik ezean, kooperatibak kontura emandako<br />
zenbatekoak jasoko ditu, ez jabetzan, bazkidearen kontura eta intereserako baizik, eta, hain<br />
zuzen ere, kooperatiba-araubideari loturik kudeatzeko. Beraz, etxebizitzaren esleipenaren<br />
kontura emandako zenbatekoei dagokienez, helburu jakin bat lortzera bideratutako kudeaketa<br />
ekonomikoko masa benetakoak eta independenteak ditugu, jarduera ekonomikoa definitzen<br />
dutenak eta kontabilitate- eta zerga-tratu bereizia dutenak.<br />
Artikuluaren hirugarren paragrafoa, lurralde-eremuari dagokionez, estatutuetan ezarritakoari<br />
lotzen zaio, eta xedatu du eremu horren barruan bizi behar dela bazkideen gehiengoa (gure<br />
ustez, erdia gehi bat). Horren haritik, pertsona fisiko baten “ohiko bizilekutzat” (norberaren<br />
egoitzaz kanpoko kontzeptua) hartu behar dugu bazkidea normalean bizi den tokia, bertan<br />
lotura pertsonalak eta profesionalak dituelako. Zerga-arloan, urtean sei hilabetetik gorako<br />
iraupena duena da ohiko bizilekua. Araua salbuetsi egiten da kooperatiba hirugarren adineko<br />
bazkideei zerbitzu esklusiboa edo lehentasunezkoa emateko denean, edo bigarren etxea<br />
sustatzeko denean. Azken aipamen horrek ereduaren hedapena berretsi besterik ez du egiten,<br />
eta etxebizitza-kooperatibak ohiko etxebizitza eskuratzeko soilik eratu daitezkeelako ustea<br />
431
ETXEBIZITZA-KOOPERATIBAK<br />
gainditu egiten baitu. Horixe gertatzen da, ordea, sustapena etxebizitza babestua eraikitzeko<br />
denean, baina ez du kooperatiba-mota horien helburu orokorra mugatzen.<br />
Azken batean, dagoeneko aletu ditugun berrikuntza garrantzitsuak dakartza artikulu honek,<br />
eta helburu sozial zabala duen kooperatiba-mota bat islatzen du. Kooperatiba-mota horrek<br />
sustapen-egitatea ez ezik, higiezinen eta/edo beste elementu komun batzuen hobekuntza,<br />
kontserbazioa eta administrazioa ere aintzat hartzen ditu, bai eta eraikinekin zerikusia duten<br />
zerbitzuak ematea ere, bazkideentzat. Horretarako, kooperatibak beharrezkoak diren jarduera<br />
eta lan guztiak egin ahalko ditu.<br />
20.1.4. Beste arau aplikagarri batzuk<br />
Euskal etxebizitza-kooperatibagintzak estatuko araudian ezarritakoaz bestelako<br />
tratamendua izan du orain arte, eta bereizketa hori nabarmenagoa da indarrean dagoen<br />
EKLren edukian. Hala ere, ezin dugu ahaztu Kooperatiben Lege Orokorra (89-92 artikuluak,<br />
zehazki) araudi osagarria dela Euskal Autonomia Erkidegoan (aurrerantzean, EAE).<br />
Bestalde, estatuaren esparruan, kode zibila eta aplikazio orokorreko beste arau batzuk<br />
ahaztu gabe, etxebizitzaren arloari dagokionez, honako arau hauek ere aipatu behar ditugu:<br />
- 7/2015 Errege Dekretua, urriaren 30ekoa, Lurzoruari eta Hiri Birgaitzeari buruzko<br />
Legearen testu bategina onartzen duena.<br />
- 38/1999 Legea, azaroaren 5ekoa, Eraikuntzaren Antolamenduari buruzkoa.<br />
Gainera, EAEn, garapen-arauekin batera, honako arau hauek aipatuko ditugu esparru<br />
orokor gisa:<br />
- 2/2006 Legea, ekainaren 30ekoa, Lurzoruari eta Hirigintzari buruzkoa.<br />
- 2/2014 Legea, urriaren 2koa, Lurzoruari eta Hirigintzari buruzko 2/2006 Legea<br />
aldatzen duena.<br />
- 3/2015 Legea, ekainaren 18koa.<br />
20.2. Adjudikatzeko edo lagatzeko araubidea<br />
118. artikulua.– Adjudikatzeko edo lagatzeko araubidea.<br />
1.– Zuzenbidez onarturiko edozein tituluren bidez adjudikatu edo laga ahal izango zaizkie<br />
bazkideei etxebizitza eta lokalen jabetza edo erabilera eta luperketa, normalean<br />
erabiltzeko izan edo denboraldi baterako izan.<br />
2.– Kooperatiba desegin beharko da sustatzen dituen etxebizitza eta lokalen jabetza<br />
adjudikatu eta gero, baina, betiere, berme-epea eta ezkutuko akatsak direla-eta<br />
entitate sustatzaile modura erantzuteko aurreikusitako legezko epea igaro eta gero,<br />
zeina adjudikazioa egiten den egunetik kontatzen den, salbu eta estatutuek edo<br />
entitate publikoekin sinatutako hitzarmenek epe luzeagoa ezartzen dutenean.<br />
3.– Kooperatibak higiezin bakar modura etxebizitza eta lokal multzo bat sustatzen edo<br />
erosten duenean bazkideei lagatzeko, kooperatibaren jabetzakoa izango da higiezin-<br />
432
ETXEBIZITZA-KOOPERATIBAK<br />
multzoa, jabari oso edo beste eskubide baten modura, epe mugagabe batean edo,<br />
estatutuetan hala erabakiz gero, epe mugatu batean.<br />
Halakoetan, bazkide kooperatzaileek eskubidea izango dute kooperatibak adjudikatzen<br />
dizkien etxebizitzak eta lokalak erabiltzeko kooperatibaren estatutu eta barneantolamenduko<br />
arauen arabera, zeinen bidez bazkideen eskubide eta betebeharrak<br />
arautuko baitira.<br />
Erabilera lagatzeko kooperatiba mota hauetan, kapital-ekarpen bat izendatu beharko<br />
da bazkide izateko, eta higiezina sustatzeko edo erosteko kostuen araberakoa izango<br />
da ekarpen horren gehienezko zenbatekoa. Bazkideek, gainera, aldian aldiko kuota<br />
batzuk ordaindu beharko dituzte, kooperatibako organoek finkatuak, etxebizitzarako<br />
higiezinaren mantentze- eta hobetze-lanetarako eta pareko kontzeptuetarako.<br />
Bazkideren baten baja gertatzen bada, artezkaritza-kontseiluaren esku geratuko<br />
da haren erabiltze-eskubidea, eta kontseilu horrek bazkide berri bati adjudikatuko<br />
dio. Erabiltze-eskubide hori mortis causa eskualdatu ahal zaie hildako bazkidearen<br />
kausadunei, bazkidetzat onartu eta gero, betekizun orokorrekin bat etorriz;<br />
horretarako, baina, haiek eskatu beharko dute hori egiteko, hiru hilabeteko epean.<br />
Bestela, eskubidea izango dute dagokien kreditua likidatzeko.<br />
4.– Itzultzen den zenbatekoari lege honen 119.6 artikulukoan xedatutakoa aplikatu<br />
beharko zaio.<br />
20.2.1. Sarrera<br />
118. artikuluan, sustatutako etxebizitzen eta lokalen jabetza esleitu eta gero, kooperatibaren<br />
nahitaezko desegiteaz gain, berritasun garrantzitsuenetako bat jaso da: Espainiako estatu<br />
osoan, lehenengoz, erabilera-lagapeneko araubideari atxikitako etxebizitza-kooperatibak<br />
zuzenbide positiboari lotzea. Beste herrialde batzuetan, besteak beste, Danimarkan,<br />
Alemanian, Kanadan edo Uruguain dagoeneko finkatuta eta hedatuta dauden esperientzia<br />
horiek, haien berezitasun nabarmen eta guzti, behin betiko txertatu dira gure kooperatibazuzenbidean,<br />
indarrean dagoen EKLri esker.<br />
Egia esatera, Etxebizitzari buruzko 3/2015 Legeak eredu hori jasota dauka, hirugarren<br />
xedapen gehigarrian: “erabilera-lagatze araubidean, irabazi-asmorik gabeko elkarteek<br />
bizitegi-multzoak sustatzea edo eskuratzea”. Arau horrek Eusko Jaurlaritzak garatutako<br />
hainbat gobernu-politikatan balio izan du, eta garapen-eredu berri horien aldeko apustua<br />
egin du behin betiko, behintzat, esperientzia pilotu gisa, bizitegi-beharrak asetzeko. Horren<br />
adibide argia aurki dezakegu Eusko Jaurlaritzaren 2018-2020 Etxebizitzaren Gida Planean,<br />
eredu kooperatibo hori berariaz jaso baita planean.<br />
20.2.2. Berrikuntza nagusiak aurreko araudiaren aldean<br />
118. artikulu ia osoan bada berritasunik, eta indargabetutako arauditik etxebizitza eta<br />
lokalen esleipena, erabilera eta gozamena, ohikoa edo sasoikoa, zuzenbidean onartutako<br />
edozein tituluren bidez egiteko aukera besterik ez du jaso indargabetutako arauditik.<br />
433
ETXEBIZITZA-KOOPERATIBAK<br />
Hala, 2. atalak beharrezko desegitea ezarri du (testuak “desegin egin beharko da” dakar),<br />
betiere erakunde sustatzaile gisa ezkutuko akatsei erantzuteko araututako berme-epea eta<br />
legezko epea igaro badira. Baina zein dira epe horiek?<br />
Eraikuntzaren Antolamenduari buruzko 38/1999 Legearen 17. artikuluarekin bat etorriz,<br />
beste kontratu-erantzukizun batzuk alde batera utzi gabe, eraikuntzaren prozesuan esku<br />
hartzen duten pertsona fisiko edo juridikoek (gure kasuan, kooperatiba; gogoratu kooperatiba<br />
erakunde sustatzaile gisa eratzen dela) eraikinen jabeen eta hirugarren erosleen aurrean<br />
erantzuten dutela, edo eraikinen zati baten jabeen eta hirugarren erosleen aurrean, baldin<br />
eta zatitzen badira, eraikinak jasandako ondoko kalte materialak direla eta, obra-harreraren<br />
datatik aurrera, inolako erreserbarik gabe, edo horiek zuzentzen direnetik:<br />
a) Hamar urtean, zimenduei, euskarriei, habeei, forjatuei, karga-hormei edo bestelako<br />
egitura-elementuei eragiten dieten eta eraikinaren erresistentzia mekanikoa eta<br />
egonkortasuna zuzenean arriskuan jartzen duten akatsek eraikinean eragindako kalte<br />
materialak.<br />
b) Hiru urtean, 38/1999 Legearen 3. artikuluaren 1. paragrafoaren c) idatz-zatian ageri<br />
diren bizigarritasun-baldintzak ez betetzea eragiten duten eraikuntza-elementuen<br />
edo instalazioen akatsek edo akatsek eraikinean eragindako kalte materialak.<br />
c) Azkenik, eraikitzailea izango da obren amaiera- edo akabera-elementuei eragiten<br />
dieten exekuzio-huts edo -akatsen kalte materialen erantzulea, urtebeteko epean.<br />
Epeak zenbatzeko dies a quo edo zenbatzen hasten den lehen egunari dagokionez, EKLk<br />
ezarri du esleipen-datatik aurrera izango dela. Gainera, EKLk islatu nahi izan du litekeena<br />
dela erakunde publikoekin sinatutako estatutuek edo hitzarmenek epe luzeagoa ezarri izana,<br />
eta, hala bada, estatutu horietan ezarritakoa bete beharko dugu. Aztertu dugun edukia ikusita,<br />
pentsa daiteke Euskadiko Kooperatiben Erregistroak ezin izango duela kooperatiba baten<br />
likidazioa inskribatu eta erregistro-idazpenak ezereztu 38/1999 Legearen 17. artikuluaren<br />
arabera azaldutako epeak igaro arte. Hala eta guztiz ere, aukeran, hori egin ahal izango<br />
du erregistroaren beraren aurrean egiaztatzen denean, ezkutuko akats horiei dagokienez,<br />
hirugarren batek ordainketa bermatu duela, sustatu dituen eraikin guzti-guztiei dagokienez,<br />
aseguratutako kopuruak adierazita, bai eta ordainketa bermatzen duen erakundea aipatuta<br />
ere. Erregistroaren araudi propioan oinarrituta dagoen interpretazio horrek jarduera<br />
kooperatibizaturik egiten ez duten kooperatibak denboran irautea saihestu besterik ez du<br />
nahi, eta hamar urtera irits daiteke, sor daitezkeen erantzukizunak behar bezala bermatu<br />
dituztenean.<br />
Artikuluaren 3. zatiak, eta, gure ustez, 4. zatiak ere bai, erabilera-lagapenaren araubideari<br />
lotutako kooperatibak arautu dituzte. Oro har aztertuko ditugu halakoak hurrengo artikuluan.<br />
20.2.3. Iruzkin orokorra eta esanahi praktikoa<br />
Erabilera lagapenaren araubideari lotuta dauden kooperatibei buruzko iruzkinean<br />
sakonduta, etxebizitzen edo lokalen jabetza esleitu ondoren kooperatiba nahitaez desegin<br />
beharraren egintza aurreko atalean jorratu dugun heinean, esango dugu erregulazioa<br />
kooperatiba horien salbuespenetik sortu dela, bazkideei ez baitzaie esleitzen etxebizitza eta<br />
434
ETXEBIZITZA-KOOPERATIBAK<br />
lokalen jabetza. Ildo horretan, esan beharra dago etxebizitzak sustatzeko kooperatibak (hala<br />
deitu behar izan zaie) eta sail bananduetan erabiltzeko lagapen-araubideko kooperatiben<br />
artean bereiztea, EKLk berak ematen dituen beste aukera batzuei kalterik egin gabe. Ez<br />
dago inolako ezbairik, legegileak aipatu dituen etxebizitza-kooperatibak, guk etxebizitzak<br />
sustatzeko kooperatibatzat sailkatu ditugunak, tipologia zeharo nagusia izan arren, ereduak<br />
eskaintzen duen aukeretako bat baino ez direla.<br />
Bereziki, erabilera-lagapenaren araubidean dauden kooperatibei dagokienez, mota<br />
horretako kooperatibak beste aukera bat besterik ez dira etxebizitzen kooperatibagintzaren,<br />
eta egungo araudiak aukeratzat ezartzen du, merkatu ia-ia osoa bete duen jabetza erosteko<br />
araubidearen aldean. Mota horretakoetan, kooperatibek atxikitzen dute ondasun higiezinen<br />
multzoaren jabetza, izaera mugagabeaz edo iraupen jakineko izaeraz (estatutuek hala<br />
jasotzen badute), jabari osoaren edo beste eskubide baten arabera, eraiki ondoren; horrela,<br />
bazkideak etxebizitza erabiltzeko eta gozatzeko eskubidea baino ez du, errenta, kontribuzio<br />
edo alokairu baten truke.<br />
Eredu hori Andel ereduarekin ere lotu ohi da. Andel eredua oso errotuta dago Eskandinaviako<br />
herrialdeetan, duela hamarkada batzuetatik, baina orain arte ez da ezarri gure ingurunean,<br />
unean-unean izan diren esperientziak gorabehera, arauzko esparruak iparraldeko eredu hori<br />
aplikatzea ahalbidetzen zuen arren. EKLren zioen azalpenean bertan, ondokoa iragarri da:<br />
“… erregulazio zehatza, indargabetutako arauan iradokitako aukera soila hobetzen duena,<br />
jabetzako esleipenaren hautabide gisa, erabilera-lagapena baliatzen duten etxebizitzakooperatibena”.<br />
Aipamen horrek berretsi du ezerk ez zuela eragozten erabilera-lagapenaren<br />
araubideari lotutako kooperatibak eratzea indargabetutako arauari jarraiki, nahiz eta<br />
kooperatiba-zuzenbide positiboan behin betiko barneratu diren, baita estatu osoan ere,<br />
EKLren eskutik.<br />
Andel eredu horretan sakonduz, esan dezagun Danimarkan jaio zela 1911. urtean, eta<br />
hazkunde handia izan zuela 70eko hamarkadara arte. Modu demokratikoan funtzionatzen du,<br />
eta Andel moldeko bizilagunek ezin dute ohiko jabetza bihurtu, nahiz eta maizter arrunt batek<br />
baino eskubide gehiago dituzten, eredu horrek, azaldu dugun bezala, etxebizitzaren erabilera<br />
mugagabea ezartzen baitu, oro har. Suedia, Danimarka edo Alemanian bereziki errotuta<br />
aurki ditzakegu esperientzia horiek. Hala, herrialde horietan, etxebizitza-kooperatibek pisu<br />
kuantitatibo nabarmena dute etxebizitza-parke osoaren gainean (Kooperatiba Sozietateen<br />
Zuzenbideari buruzko Tratatuaren 2019ko tirant lo blanc 2. edizioan jasotako datuak).<br />
Adibidez, Danimarkan, 125.000 etxebizitza kudeatzen dira Andel ereduaren bidez, bereziki<br />
hirietan. Alemanian, etxebizitza-kooperatibek pisu handia dute eraikitako parke osoan,<br />
eta erabilera-lagapenaren eredua da nagusi; beraz, 5 milioi pertsona inguru bizi dira<br />
kooperatibek sustatutako etxebizitzetan (Alemaniako biztanleen % 6 inguru). Suedian, HSB<br />
Suediako Kooperatiben Federazio Nazionalak 400.000 etxebizitza inguru kudeatzen ditu,<br />
eta horietatik gehienak (310.000) erabilera-lagapenaren pareko ereduari dagozkio; bertan,<br />
bizi diren pertsonak maizterrak dira eta kooperatibak jabetza dauka atxikita. Europako<br />
hainbat herrialdek erabili dute bide hori, eta Uruguain, Kanadan eta Israelen ere tradizio<br />
luzea du. Espainian, orain arte, legeriak horretarako aukera ematen duela aipatu dugun arren,<br />
oso esperientzia gutxi izan dira. Hala ere, gaur egun, hainbat eremutatik ikusten da gero<br />
eta interes handiagoa dagoela eredu horietan norbanakoen arazoei erantzuteko, hala nola<br />
435
ETXEBIZITZA-KOOPERATIBAK<br />
eratorritako arazoei. Egoera hori gure gizartearen zahartzearen eta zainketen kudeaketaren<br />
adibide bat baino ez da.<br />
Artikuluaren 3. atalak berak ezarri duenez, bazkide laguntzaileek etxebizitza eta lokalak<br />
erabiltzeko eskubidea izango dute, eta kooperatibak eskubide hori esleituko die, estatutuen<br />
eta barne-antolamenduko arauen arabera, eta bertan ezarriko dira erabiltzaileen eskubideak<br />
eta betebeharrak. Araudi berekiari egindako igorpenak esleipen-moduaz dihardu, baina ezin<br />
da ñabardurarik egin, gure ustez, kode zibilean araututakoen artean, erabilera-lagapenaren<br />
ezohiko kontratutzat (erabilera eta gozamena) hartzen dugunaren inguruan. Begien bistakoa<br />
dirudi kontratu horretan, arauak dioen bezala, bazkideen eskubideak eta betebeharrak finkatu<br />
beharko direla, eta horiek, aldi berean, kooperatibaren barne-araudi osoan txertatu beharko<br />
direla.<br />
Legegileak kooperatibaren sortze-aldia darabil, kapitalari egindako ekarpenak eta<br />
bazkideek aldizka ordaindu beharreko kuotak bereizteko. Ez dakigu oso ondo zergatik ezin<br />
diren kapital-ekarpenak harpidetu bazkideei higiezinaren sustapen- edo eskuratze-kostuen<br />
arabera legozkiekeenez harago, baina baliteke ate irekiaren (eta berdintasunaren) printzipioa<br />
bermatu nahi izatea eta aukera horiei geroago heltzen dieten bazkideak zigortu nahi ez<br />
izatea. Gainera, nola ez, bazkideek kooperatibako organoek bizitegi-higiezinari ezarritako<br />
mantentze-lan, hobekuntza eta antzeko kontzeptuen inguruko aldizkako kuotak ordaindu<br />
beharko dituzte.<br />
Ikus dezagun, bada, hori guztia zehatzago. Kooperatiba horietan, hainbat betebehar<br />
dituzte bazkideek. Alde batetik, arestian ikusi dugun bezala, higiezinaren sustapenaren edo<br />
esleipenaren kostua ordaindu behar dute, eta bestetik, mantentze- eta hobekuntza-gastuak.<br />
Sustapen-kostua, oro har, kreditu sustatzaile batek finantzatu ohi du, eta, beraz, hasierako<br />
ekarpenak, kredituaren amortizazioa eta mantentzea bereizi behar ditugu. Kreditu sustatzaile<br />
hori eta, oro har, eratutako eredua kontabilizatzeko moduan, alde nabarmenak sortzen dira; izan<br />
ere, bazkide batek baja hartuz gero, kreditua amortizatzeko eskubidea izango du ala ez, nola<br />
kontabilizatu den. Diru-itzultzeak amortizatutako kopuruak aintzat hartzeak (amortizazioa<br />
kontuan hartu duten kapital-ekarpenak baldin baditugu), ziur asko, berdinkideago egiten du<br />
eredua, bazkide berriak iristen direnean, sortzaileek egindako ahalegin berdina egin behar<br />
baitute, nahiz eta bajak egonez gero, finantza-arazo handiak izan ditzakeen kooperatibak.<br />
Kreditua kooperatibarena izateak eta, behin amortizatuta, kapitalari egindako ekarpenekin<br />
inolako loturarik ez izateak, zalantzarik gabe, bazkide berrien sarbidea bermatuko du, eta,<br />
gainera, itzulketari lotutako finantza-arazorik ez da egongo etorkizunean. Gai horiek guztiak<br />
kooperatibaren estatutuetan zehaztu beharko lirateke, bai eta, kooperatibaren esparruan eta<br />
etxebizitzen erabileraren esparruan, bizikidetza-ereduen nondik norakoak argitu.<br />
Bazkideak baja hartzen badu, haren eskubidea artezkaritza-kontseiluaren esku jarriko da,<br />
eta kontseilu horrek bazkide berri bati esleituko dio, espekulazio-ondorioak izan ditzakeen<br />
biziarteko eskualdaketa eragotzita (gure ustez, modu egokian). Esan bezala, kooperatibako<br />
arduradunen fiskalizazioak bermatu egingo du eragiketa horretan ez dagoela irabazirik edo<br />
onura espekulatiborik, eta hori da, hain zuzen ere, erabilera-lagapenaren araudiko etxebizitzakooperatiben<br />
ezaugarririk behinena. Bestalde, erabiltzeko eskubidea hil ondoren eskualda<br />
dakieke hildako bazkidearen kausadunei. Kasu horretan ere, eskualdatzea bazkide-izaera<br />
436
ETXEBIZITZA-KOOPERATIBAK<br />
eskuratzearen mende dago (heriotza gertatzen denetik hiru hilabeteren buruan eskatzen<br />
badu), eta, agerikoa denez, litekeena da eskubide hori ez betetzea, eta, orduan, oinordekoak<br />
zendutakoaren kapitalaren eskubidea baino ez luke eskuratuko.<br />
Ezin dugu iruzkin hau amaitu hauxe esan gabe: eredu horrek aukera-sorta zabal-zabala<br />
eskaintzen du gune erkideak partekatu eta sortzeko, pertsona guztiak espazio bakarrean<br />
integratzeari begira, esaterako, interes berdinak dituztenak, arreta soziosanitarioa behar<br />
dutenak, gastu partekatuak baliatu nahi dituztenak, belaunaldien arteko komunikazioa landu<br />
nahi dutenak… azken batean, elkarrekiko laguntza.<br />
Artikuluaren azken zatiak, laugarrenak ezarrita dauka itzulketaren zenbatekoari EKLren<br />
119.6 artikuluan araututakoa aplikatuko zaiola. Azken artikulu horrek dioenez, estatutuetan<br />
hala jasotzen bada, bazkideak etxebizitzen eta lokalen ordainketa finantzatzeko emandako<br />
zenbatekoei EKLren 66.1 artikuluan kanporatze-kasuetarako eta justifikatu gabeko bajakasuetarako<br />
ezartzen diren portzentajeen ehuneko berrogeita hamarrera arteko kenkariak<br />
aplikatu ahal izango zaizkie. Horri dagokionez, ez dakigu zergatik ez den jaso 3. atalean<br />
bertan, dirudienez, erabilera-lagapenaren araubideko kooperatibei buruzkoa baita. Eta horrela<br />
behar duela uste dugu, gai hori, oro har, lehen adierazitako 119.6 artikuluan bertan jasota<br />
dagoen heinean. Esan bezala, agian egokiagoa zatekeen aipamen hori 3. atalean txertatzea,<br />
paragrafo bereizi batean txertatu ere.<br />
20.3. Bazkideen araubidea<br />
119. artikulua.– Bazkideen araubidea.<br />
1.– Etxebizitza-kooperatibak sortzeko, aurreko 117.1 artikuluak aipatzen dituen bazkide<br />
guztien ehuneko berrogeita hamar beharko da gutxienez, sustatutako proiektuaren<br />
arabera; proiektu horrek sortze-eskritura izan beharko du.<br />
Ehuneko hori ez dute bete beharko honako helburu hauetakoren bat duten etxebizitzakooperatibek:<br />
a) Euskal Autonomia Erkidegoak bultzatutako itunpeko sustapen bat egitea.<br />
b) Administrazio edo parte-hartze publikoa duen entitate batekin edo batzuekin<br />
hitzartutako sustapen bat egitea.<br />
c) Administrazio edo partaidetza publikoko entitate horien lursailak eskuratzea,<br />
besterentze zuzenaren zein lehiaketaren bidez.<br />
2.– Sortzen den unean, eta lege honetako 19.1 artikuluko hirugarren paragrafoan<br />
ezarritakoaren ondorioetarako, bazkide laguntzaileak kontatu ahal izango dira.<br />
Dena den, etxebizitzen adjudikaziodun edo lagapen-hartzaile diren bazkideak<br />
gerora gehitu ahal izango dira, babes publikoko etxebizitzen sustapenaren arloan<br />
indarrean dauden arauekin bat.<br />
Babes publikoko etxebizitzen kooperatiba bat sustatzen duten bazkideek sustapena behinbehinekoz<br />
kalifikatu aurretik benetan ezinbestekoak diren erabakiak hartu ahal izango<br />
dituzte soil-soilik. Edonola ere, lege honetako 121.2 artikuluan adierazitako erabakiak<br />
une honetan hartuko dira: kooperatiba sustatutako proiektuaren adjudikaziodun edo<br />
lagapen-hartzaile diren bazkideek eratuta dagoenean.<br />
437
ETXEBIZITZA-KOOPERATIBAK<br />
3.– Pertsona fisikoak eta kooperatibak elkartuko dira, gehienbat, etxebizitzakooperatibetan.<br />
Legelari aholkulariak aldeko irizpena eman eta adierazi beharko<br />
du bazkide izateko baldintzak betetzen direla, salbu eta babes publikoko etxebizitzen<br />
sustapenetan.<br />
4.– Kooperatibak adjudikaziodunei eskatzen badie dirua aurreratzeko eraikuntzaren<br />
kontura, diru hori bermatuta egon beharko da, eta, horretarako, abal-kontratua edo<br />
asegurua sinatu beharko da kalte-ordainak ziurtatzeko kontratua betetzen ez den<br />
kasuetan, Eraikingintza arautzeko azaroaren 5eko 38/1999 Legean ezarritakoari<br />
jarraikiz.<br />
5.– Jabetza adjudikatzen den kooperatibetan, pertsona fisikoek ezin izango dute eskuratu<br />
bi etxebizitza baino gehiago kooperatiba-araubidean, salbu eta familia ugariei<br />
aitorturiko eskubideak dituztenean.<br />
6.– Bazkideren baten baja gertatzen bada, eta estatutuek hala onartzen badute, 66.1<br />
artikuluan finkaturiko kenkariak aplikatu ahal izango zaizkie bazkideak etxebizitzak<br />
eta lokalak finantzatzeko jarritako diru kopuruei; gehienez ere, zenbaki horretan<br />
ezarritako portzentajeen ehuneko berrogeita hamarreko kenkariak aplikatu ahal<br />
izango zaizkie.<br />
Aurreko paragrafoan aipatzen diren diru kopuruak, eta bazkideak sozietatekapitalari<br />
egin dizkion ekarpenak, bazkideari itzuliko zaizkio beste bazkide edo<br />
bazkide ez den hirugarren batek bereganatzean haren eskubide eta betebeharrak.<br />
Etxebizitzaren edo lokalaren adjudikazioa formalizatu aurretik bazkideak kooperatiba<br />
uzten badu, bazkideak jarraitu beharko du hura eraikitzeko hartutako konpromisoei<br />
aurre egiten, gehienez ere hura adjudikatzeko azken preziora iritsi arte. Hori egin<br />
beharko du beste bazkide batek edo hirugarren ez-bazkide batek bereganatu arte hark<br />
adjudikatuta zituen etxebizitza eta lokalaren gaineko eskubideak eta betebeharrak.<br />
Dena den, kooperatiba uzten duen bazkideak bere betebeharrak bete beharko ditu<br />
bazkide berria edo hirugarren ez-bazkidea kooperatiban sartu baina harena ez den<br />
beste etxebizitza edo lokal bat esleitzen bazaio.<br />
7.– Etxebizitza-kooperatibetako bazkideen erantzukizuna mankomunatu sinplea da, eta<br />
haren gehieneko muga da sozietatearen kapitalari egin behar dizkion ekarpenak,<br />
nahitaezkoak eta borondatezkoak, gehi eraikitzeko kontuan sartutako diru kopuruak<br />
eta etxebizitza edo lokala adjudikatzeko prezioa osatzeko egin behar dituen guztiak,<br />
salbu eta Administrazioak ezarritako gehienezko prezio bat duenean; izan ere,<br />
kasu horretan, prezio hori izango da erantzukizun-muga ondorio guztietarako, bai<br />
kooperatibaren aurrean, bai bazkide eta hirugarren ez-bazkideen aurrean.<br />
20.3.1. Sarrera<br />
Bazkideen araubideari buruzko kapitulua ia-ia ex novo edo berriren berri idatzi da.<br />
Kooperatiba-araubideko bi etxebizitza baino gehiagoren titular izateko aukerari edo justifikatu<br />
gabeko kanporatze- edo baja-kasuetarako etxebizitzaren esleipenaren kontura emandako<br />
zenbatekoaren gaineko kenkariak aplikatzeko aukerari buruzko gai batzuk izan ezik, eduki<br />
438
ETXEBIZITZA-KOOPERATIBAK<br />
berria dugu, bazkidearen eta kooperatibaren arteko harremanaren segurtasun juridikoa bilatu<br />
duena, iraganean interpretazio-zalantzak sortu dituzten zenbait alderdi argituta.<br />
20.3.2. Berrikuntza nagusiak aurreko araudiaren aldean<br />
Arestian esan bezala, artikulu honi buruz hurrengo atalean egingo dugun iruzkinari kalterik<br />
egin gabe, gehitutako berrikuntzak honako gai hauei buruzkoak dira:<br />
- Gutxieneko bazkide-kopurua, sustatutako proiektuaren arabera.<br />
- Bazkideek abal- edo aseguru-kontratu bidez kontura emandako zenbatekoen<br />
beharrezko bermea.<br />
- Bazkideek hartutako konpromisoei aurre egiteko betebeharra.<br />
- Bazkideen erantzukizunari buruzko argipena eta irismena.<br />
Beraz, ikus dezagun bazkideen araubide orokorra arautzeari buruzko iruzkin orokorra.<br />
20.3.3. Iruzkin orokorra eta esanahi praktikoa<br />
EKLren alderdi berritzaileenetako bat dugu kooperatiba eratzea, gutxienez, bazkide<br />
guztien ehuneko berrogeita hamarrekin, sustatutako proiektuaren arabera. Gainera, proiektu<br />
hori eratze-eskritura publikoari erantsi beharko zaio. EKL ez da bakarra eratzeko orduan<br />
gutxieneko bazkide-kopurua eskatzeari dagokionez. Hain zuzen ere, Errioxan, adibidez,<br />
etxebizitzen kooperatiba-sozietaterik eratuko bada, sustapenaren bazkideen % 75 gutxienez<br />
bildu dela egiaztatu behar da (ErKLren 119.1 artikuluaren bigarren paragrafoa); edo<br />
Andaluzian, non ezartzen baita etxebizitza-kooperatiba osatzen duten bazkide erkideen<br />
kopurua erakundeak sustatutako etxebizitzen ehuneko hogeita bostekoa edo handik gorakoa<br />
izatea beharrezkoa izango dela (Andaluziako Kooperatiba Sozietateei buruzko abenduaren<br />
23ko 14/2011 Legearen Erregelamendua onartzen duen irailaren 2ko 123/2014 Dekretuaren<br />
87.2 artikulua). Posizio murriztaile hori areagotu egiten da babes publikoko etxebizitzen<br />
sustapena bada. Nahikoa da Nafarroako kasua aipatzea; foru-komunitatean, behin-behineko<br />
kalifikazioa behar da administrazio publikoek bazkide izan daitezkeenen zerrenda aurkez<br />
dezaten, lehia askearen eta publikotasunaren printzipioa bermatzeko. Dena dela, adierazi<br />
beharrik ez dago, bazkideei bermedun eta kontrol demokratikoan oinarritutako proiektua<br />
izatea bermatu nahi zaiela.<br />
Horren guztiaren helburua da, sortzearen unean, bereziki, ekimena bazkideena izatea,<br />
eta ez hirugarren pertsonena, askotan sustatutako etxebizitzen esleipendun ere ez baitira.<br />
Horrela, funtsa nagusia da oinarrizko erabakiak bazkideek har ditzatela. Ildo horretan, zer<br />
erabaki da garrantzitsuagoa kooperatiba bera sortzea baino? Horrek guztiak iradokitzen<br />
digu beste aldi batek egon behar duela sortze-egitatea baino lehen, kooperatibako kideak<br />
elkartu egin behar direlako, sustatu nahi duten proiektua izan behar dute, eta hori, lehen<br />
ikusi dugun bezala, eraketa-eskriturari erantsi behar zaio. Zalantza barik, aurretiazko aldi<br />
horretan, hirugarren interesdunen lidergoak ager daitezke (kudeatzailea, eraikuntza-enpresa,<br />
arkitektoak edo eta 121. artikuluan jasotako profesionalak ere), edo gerora bazkide izango<br />
diren sustatzaileek jardun dezakete sustapen-aldi horren buru. Ezin dugu ukatu etxebizitzak<br />
sustatzeko kooperatiben proiektu gehienak aipaturiko pertsonek bultzatzen dituztela, eta,<br />
439
ETXEBIZITZA-KOOPERATIBAK<br />
horren ondorioz, legelariak nahi izan duela, −gure ustez, oso modu egokian− kooperatiben<br />
bizitzaren hasieratik bertatik, bazkideek erabakiak har ditzaten, areago, kooperatiba sortzeko<br />
garaian, une horretan, gainera, sustapenaren etorkizunerako garrantzi handiko beste erabaki<br />
batzuk hartuko baitira.<br />
Hala ere, 1. artikuluak dioen bezala, ehuneko hori ez zaie eskatuko Euskal Autonomia<br />
Erkidegoak bultzatutako sustapen itundua egin behar duten etxebizitza-kooperatibei, hau da,<br />
partaidetza publikoa duten administrazio edo erakunde batekin edo batzuekin hitzartutako<br />
sustapen bat egin behar dutenei, edo administrazio horien edo partaidetza publikoa duten<br />
erakundeen lurrak eskuratu behar dituztenei, dela zuzenean besterenduz, dela lehiaketa<br />
bidez. Salbuespen hori, eragin kuantitatibo handikoa da, pribatuak ez diren sustapenak ugari<br />
direlako (salbuespena ez zen ageri 2018ko maiatzaren 24ko Lege Aurreproiektuan, bai, ordea,<br />
2018ko abenduaren 18koan), kooperatiba-sektoreak proposatutako hobekuntza gisa sartu<br />
zen, uste baitzen, bestela, kooperatiba-araubideari lotutako etxebizitza babestuak proiektuak<br />
prestatzea eragotziko lukeen baldintza bat izango lukeela. Kasu horretan ere, legegileak<br />
irizpide egokiz ulertu du ekimen publikoko sustapenetan badirela kontrol demokratikoa<br />
bermatzen duten tresnak, eta, aldi berean, askotan bazkideen benetako parte-hartzea ex post<br />
edo gerora etorri behar dela botere publikoek bultzatutako administrazio-prozeduretara.<br />
Horren erakusgarria dugu, kasurako, toki-erakunde batzuek proposatzen dituzten zozketak,<br />
eta horien eraginez, ez du zentzurik etxebizitzen esleipendun suerta ez daitezkeen pertsonek<br />
kooperatiba bat eratu behar izatea.<br />
Salbuespen hori babes publikoko etxebizitzentzat arautzeak aukera ematen du bazkideen<br />
gutxiengo batek egintzak gauzatu ahal izateko, baina egintza horiek, behin-behineko<br />
kalifikazioa lortu arte, behar-beharrezkoak direnak baino ez dira izango.<br />
Gainera, sustatutako proiektuaren esleipendunek edo lagapen-hartzaileek (erabileralagapenaren<br />
araubideari lotutako kooperatiben kasuan) onartu beharko dituzte beste bazkide<br />
batzuk onartzeari edo ordezkatzeari buruzkoak, kudeatzailearekin egindako kontratua,<br />
eraikitze-kontratua eta estatutuetan zehaztutako guztiak. Edukiaren argitan, zalantza sor<br />
daiteke bazkide guztiek egon beharko duten, edo, halakorik ezean, erabaki horiek noiz har<br />
daitezkeen. Ildo horretan, bazkide guztiak egotea desiragarriena izango balitz ere, uste dugu<br />
erabaki horiek sortze-unean har badaitezke (ikus 1. atala) bazkide gehienen (erdia gehi bat)<br />
botoa baliatuz, horixe izan behar dela bazkideek aipatutako kontratua formalizatzeko unea<br />
zehazteko irizpidea.<br />
Horrek guztiak, gainera, berebiziko garrantzia du, artikuluaren 2. atalak ezartzen baitu,<br />
sortzeko unean, bazkide laguntzaileak ere zenbatu daitezkeela, babes publikoko etxebizitzen<br />
sustapenaren arloan indarrean dauden arauak betetzeari kalterik egin gabe. Hala, adibidez,<br />
kudeatzaile batek, adibidez, bazkide gutxi dituen kooperatiba bat susta dezake (19.1 artikuluak<br />
hiru aipatzen ditu), baita hiru bazkide horietako kide izan ere, baina arau berriaren harira ezin<br />
izango da erabaki erabakigarririk hartu, ikusi dugun bezala, behin-behineko kalifikaziora<br />
bideratutako egintzetatik harago.<br />
1. atalari amaiera emateko, esan behar dugu sustatutako proiektua aipatzen denean, badirudi<br />
arkitektoak idatzitako oinarrizko proiektua izan litekeela; hala ere, zehaztu ez denez eta<br />
interpretazio zabala eginda, uste dugu nahikoa daitekeela proiektatutako etxebizitzen eta/edo<br />
440
ETXEBIZITZA-KOOPERATIBAK<br />
lokalen kopuruari buruzko deskribapen eta xehetasuna aurkeztea; hori guztia beharrezkoa da<br />
kooperatiba bazkide-kopuru nahikoak sortu duen jakiteko.<br />
3. atalean jaso denez, aurreko arauan ere jasota egon den moduan, etxebizitza-kooperatibek<br />
pertsona fisikoak eta kooperatiba-erakundeak batuko dituzte gehienbat, eta guztiek ere<br />
etxebizitzaren eta/edo lokalaren esleipendun izan beharko dute, sustapenari lotutako<br />
espekulaziorik egon ez dadin. Inguruabar horri dagokionez, gogoraraz dezagun, lehen aipatu<br />
dugun bezala, bazkideak ez diren pertsonentzako esleipena EKGK-k homologatu beharko<br />
duela. Hori guztia, gainera, legelari aholkulariak fiskalizatu beharko du, babes publikoko<br />
etxebizitzen sustapenak izan ezik, horietan bazkide-izaera lortzeko baldintzak administrazioirizpideen<br />
araberakoak baitira.<br />
119. artikuluari buruzko iruzkinarekin jarraituz, 4. atalak ezarri du etxebizitza edo<br />
lokalaren esleipenaren kontura emandako zenbatekoak bermatu behar direla (abala edo<br />
asegurua), Eraikuntzaren Antolamenduari buruzko 38/1999 Legeak dioenari jarraiki. Hala,<br />
EKLk iraganean zegoen zalantza bat argitu du, aipamen hori ez baitzen egiten gaur egun<br />
indargabetuta dagoen Legean. Izan ere, zalantza zegoen berme horren beharraz, kooperatibak<br />
zirelako edo, bestela esanda, autosustapena egiten zelako. Sektoreak argudiatzen zuenaren<br />
arabera, ez zirudien oso zentzuzkoa denik nork bere burua abalatzea (zenbatekoak bazkide<br />
den kooperatibari ematen zaizkio), 38/1999 Legearen helburua baitzen, eta egungoarena<br />
bada, elkarren artean zerikusirik ez duten bi esku-hartzaileren artean aurretiazko zenbateko<br />
batzuk eman daitezen bermatzea. Betebehar horrek, sektorearen iritziz, ez zuen aipatutako<br />
legeak bilatzen zuena betetzen, eta, gainera, bazkideak gastua gehigarria jasan behar<br />
izaten zuen ustiapen-kontuan. EKGK-k ere iritzia eman zuen iraganean, 38/1999 Legearen<br />
esparruan, berme hori nahitaez eratu beharrari buruz, kooperatibak izan arren, beste arrazoi<br />
batzuen artean, zenbatekoen emailearen eta sustatzailearen artean identifikazio juridikorik<br />
ez dagoelako. Kontrakoa pentsatzea kooperatibaren berezko nortasun juridikoa zalantzan<br />
jartzea izango litzateke, eta kooperatibaren barruan garatzen diren fluxu ekonomiko eta<br />
egintza juridiko guztiak ukatzea, hori guztia, aipatutako legea zuzenean aplikatzeari kalterik<br />
egin gabe, horixe bera uste genuen moduan. Indarrean dagoen EKLk, joera horri jarraituz,<br />
zeinahi zalantza argitu du eta berme hori testu artikulatuan txertatu behar dela adierazi du.<br />
Etxebizitzaren esleipenaren kontura emandako zenbatekoei buruz adierazitakoaren harira,<br />
horiek sakonago aztertzeko unea da, horien izaera juridikoa argitze aldera. Etxebizitzakooperatibetan,<br />
kooperatiba-jardueraren ondorioz, etxebizitzaren esleipenaren kontura<br />
emandako zenbatekoak ezin dira nahastu, batzuetan gertatzen den bezala, bazkideek<br />
kapitalari egiten dizkioten ekarpenekin. Kontu hori bereziki garrantzitsua da kontabilitatearen<br />
ikuspegitik aztertzen badugu. Gogora dezagun jarduera kooperatibizatuaren ezaugarria<br />
bazkideen interesen kudeaketa dela; beraz, baztertu egin behar dugu kooperatibak etxebizitzak<br />
bazkideei saltzea; aitzitik, sozietateak etxebizitzak esleitu egiten ditu, eta esleipen hori<br />
kontura emandako kopuruekin konpentsatu. Auzitegi Gorenaren 1990eko urriaren 2ko,<br />
1990eko abenduaren 4ko, 1991ko urriaren 1eko, 1993ko maiatzaren 8ko, 1993ko ekainaren<br />
16ko eta 1993ko azaroaren 8ko epaiek, besteak beste, berretsi dute translazio-negozioa<br />
esleipen edo adjudikazio bati dagokiola, ez salmenta bati.<br />
Bazkideak kapital sozialari egindako ekarpenak –sozietate-partaidetzaren ziozkoak–<br />
441
ETXEBIZITZA-KOOPERATIBAK<br />
kooperatibaren baliabide propiotzat kontabilizatu behar dira; etxebizitzaren esleipenaren<br />
kontura emandako zenbatekoak, berriz, halakotzat hartu beharko dira kanpoko baliabideen<br />
kapituluan (bazkide-kontu batekin pareka daitezke edo, era berean, hirugarrenekiko zor<br />
batekin ere), hori guztia, bi emateen izaera juridikoaren ondorioz. Bestalde, zenbaitek ikusi<br />
nahi izan dute aipatutako emateen izaera juridikoa, sozietatearen kapitaltzat ulertu beharrean,<br />
mandatu-harreman bati lotutako funtsen hornidura dela. Irizpide horiek aldatuz gero,<br />
kooperatibaren kontabilitatearen irudi leiala aldatuko litzateke, eta aldaketa handiak egingo<br />
lirateke eskuragarritasunaren, diruzaintzaren, finantza-kaudimenaren, egitura-bermearen eta<br />
zorpetzearen ratioetan; eta ratio horiek guztiak erabakigarriak dira sozietatearen finantzaegoeraz<br />
jakiteko.<br />
Etxebizitza-esleipenaren kontura emandako zenbatekoetan gehiago sakonduta, zehaztu behar<br />
dugu zer gastu eta zer inbertsio finantzatu ahal izango dituzten horiek, eta, kooperatibaren funts<br />
propioak erabiliz, aldiz, zer finantzatuko den, auzi hori zalantzazkoa baita askotan. Badirudi<br />
ordainketen multzoak (etxebizitzen esleipenaren kontura emandako zenbatekoak) bazkide<br />
bakoitzarentzat sustapen eta indibidualizazio fisiko eta juridikoa gauzatzeko beharrezko<br />
kostua baino ez duela kontuan hartu behar; horien artekoak ditugu, halaber (eraikuntzaren<br />
egitatetik bertatik eratorritakoez gain), lurzorua eskrituratu eta inskribatzekoak, obra<br />
berriaren deklaraziokoak eta banaketa horizontalekoak, hipoteka-kredituarenak konturako<br />
zenbatekoak jasotzeari lotutako asegurukoak, eta kreditua amortizatzekoak eta antzeko<br />
beste batzuk. Aitzitik, ezin izango dira kontura emandako zenbatekoen bidez finantzatu<br />
kooperatibak egiten dituen gainerako jarduerak, sustapenekoak izan ala ez, eta horiek<br />
bazkideen bestelako ekarpenen bidez finantzatu beharko dira.<br />
Bazkideen araubideari dagokionez, indargabetutako arauari jarraituz, inor ezin izango<br />
da araubide kooperatiboko bi etxebizitza baino gehiagoren titular izan, familia ugariei<br />
aitortutako eskubideak alde batera utzita. Kontuan izan, kasu horretan, etxebizitzaren jabetza<br />
esleitzeaz hitz egiten dela, ez 117.1 artikuluan jasotzen diren aukerez. Horren bidez, berriro<br />
ere, sozietate horietan kooperatiba-jarduera zorrotz betetzea dugu arauaren helburua; izan<br />
ere, gogora dezagun, oro har, helburua dela bazkideei etxebizitzak eskuratzea, bazkideek<br />
erabil ditzaten, eta erabilera hori etxebizitza bakarrean egin daitekeela, bistakoa den bezala.<br />
Familia ugariak salbuestekoak dira adierazitako guztiari dagokionez, haien ezaugarriak<br />
direla eta.<br />
Bazkidearen baja aintzat hartuta, EKL indarrean hasi arte ezarritakoak balio du, estatutuek<br />
hala arautzen badute, justifikatu gabeko kanporatze- edo baja-kasuengatiko kenkariak<br />
aplikatu ahal izateko, hark etxebizitzen eta lokalen ordainketa finantzatzeko emandako<br />
zenbatekoei ere aplikatu ahal izango zaizkie, gehienez ere, bertan ezartzen diren portzentajeen<br />
ehuneko berrogeita hamarrera arte. Ez luke zentzurik beste zigor bat arautu izan balitz,<br />
batez ere, kapitala askotan oso txikia den kooperatibetan. Arauketa horren justifikazioa<br />
kooperatiba-sozietatearen finantza-babesa da; izan ere, bazkide baten irteerak, sustapenaren<br />
azken unean, adibidez, zorpetze handia sorraraz dezake, eta hori minimizatu egin behar<br />
da. Esan dugun bezala, ez luke zentzurik izango kooperatiba babesteko finantza-neurri<br />
batzuk ezartzea nahitaezko ekarpenei dagokienez, eta ez egitea gauza bera etxebizitzaren<br />
esleipenaren kontura emandako zenbatekoekin, azkenak direlako, egiatan, sustapenaren<br />
benetako finantza-euskarria, eta, beraz, finantza-arazo handiak sor ditzaketenak, itzuli<br />
442
ETXEBIZITZA-KOOPERATIBAK<br />
behar izanez gero. Nolanahi ere, arauak dioenez, zenbateko horiek sozietate-kapitalarekin<br />
berarekin batera itzuli beharko zaizkio bazkideari, hark izandako eskubide eta betebeharrak<br />
bazkide ez den beste pertsona batek edo hirugarren batek eskuratzen dituenean. Hala, azken<br />
xedapen horretan esan bezala, bazkide ez diren pertsonen aldeko esleipenak egin ahalko dira,<br />
EKGK-k homologatzen baditu.<br />
Esandakoari zuzenean lotuta dago kapital-ekarpenen itzulketak eta kooperatiban baja hartu<br />
duten pertsonen kontura emandako kopuruak direla eta sortutako arazoa, bazkidetza uzten<br />
duen pertsonaren eskubide eta betebeharrak eskualdatzeko aukerarik ez dagoenean; gainera,<br />
zenbateko horien atxikipena bost urtetik gorakoa izan daiteke (urtebetekoa, heriotza gertatuz<br />
gero) 66.4 artikuluak jasotzen duen itzulketa gauzatzeko. Gai horrek eztabaida handiak sortu<br />
ditu gaurdaino, bai arbitraje-zerbitzuan, bai epaitegietan, eta oso auzi garrantzitsua izan da,<br />
askotan, kooperatiben etorkizuna horren mendean egon baita, aldi berean, baja ugari gertatuz<br />
gero, eta kooperatibak finantza-ahalmenik izan ez badu aipatu itzulketari aurre egiteko.<br />
Oraingoan, EKLk arazoa konpondu du, gerta litekeen eragin ekonomikoa minimizatuz, eta<br />
adierazi du baja hartzen duen pertsonak eraikitzeko hartutako konpromisoak ordaintzen<br />
jarraitu beharko duela, gehienez ere, esleipenaren azken prezioa mugatzat jarrita. Gogora<br />
dezagun bazkideak etxebizitza esleitzeko kontratua sinatzen duela kooperatibaren beraren<br />
esparruan, eta kontratua betetzeko konpromisoa hartzen duela, kode zibilaren beraren esparru<br />
juridikoarekin bat etorriz. Are gehiago, betebehar horri eutsiko zaio bazkide berri bat edo<br />
bazkide ez den hirugarren pertsona bat sartzen denean, eta hari berea ez den beste etxebizitza<br />
edo lokal bat esleitzen zaionean. Hau da, konpromisoak betetzeko ezin eska daitekeen aukera<br />
bakarra da eskubideak eta betebeharrak beste pertsona baten alde hertsiki subrogatzea.<br />
Esan dugun moduan, bazkidea atxikitze-kontratu baten bidez sartzen da kooperatiban,<br />
horren ondorioz, kontratu-hitzarmen bat sortzen da, eta kontratu-hitzarmen horren negozio<br />
juridikoak kooperatiba eta bazkidea behartzen ditu. Hala, beharrezkoa da arreta jartzea<br />
bazkideak sustapenaren partaide eta onuradun gisa hartzen dituen konpromisoei dagokienez<br />
sor daitekeen erantzukizuna dela eta, batez ere, kontratazioaren xedean aldaketak gertatzen<br />
direnean.<br />
Hain zuzen ere, sustapen-jarduera osatzen duten partida asko zehaztugabeak direnez,<br />
ohikoa da egikaritze-kostu berriak agertzea, etxebizitzaren esleipen-prezioan ezinbestean<br />
eragiten dutenak, eta kostu horiek, jakina denez, ez dira lehen aipatutako atxikitze-kontratuan<br />
jasotzen eta, kasu horretan, kontratu-harremana berritu egiten da. Hala ere, bistakoa da gastu<br />
erantsi horiek galerak sortuko dituztela kooperatiban, eta horrela jaso beharko direla ustiapenkontuan,<br />
baina, hasiera batean, kooperatibak zuzenean erantzun beharko die, gerora bazkideari<br />
galerak egozteari kalterik egin gabe, kooperatiba-jardueraren arabera. Horren arrazoia hauxe<br />
da: ez dago kontratu-harreman zuzenik bazkidearekin eta legitimazio prozesalak korrelazioprintzipioa<br />
falta du; beraz, auzietan kooperatibak parte hartu beharko du, inoiz ez bazkideak.<br />
Bestalde, erantzukizun hori kooperatibako kudeatzaileari jasanarazteko aukera egongo da<br />
beti, baldin eta frogatzen bada kudeaketa eskasa izan dela eta kudeaketa txar horrek galerak<br />
sortzea eragin duela.<br />
Azkenik, artikulu horren 7. atalak kooperatiba horietako bazkideen erantzukizuna arautu<br />
du. Hala, erantzukizun hori mankomunatu sinpletzat jotzen da, eta gehieneko muga kapital<br />
443
ETXEBIZITZA-KOOPERATIBAK<br />
sozialari egindako nahitaezko eta borondatezko ekarpenen zenbatekoari dagokiona izango<br />
da, bai eta eraikuntzari aurre egiteko kontura emandako zenbatekoei eta etxebizitza edo<br />
lokalaren esleipen-prezioa ordaintzeko eman behar dituen zenbatekoei dagokiena ere. Hau<br />
da, erantzukizuna, hasteko eta bat, sozietate-kapitalera mugatuta dago (ikus, ildo horretan,<br />
59.2 artikulua), eta eraikuntzaren benetako kostuetara hedatuko da, dela etxebizitzarena, dela<br />
lokalarena, jurisprudentziak agerian utzitako bidegabeko aberastasun ezaren tesiari jarraituz.<br />
Adibidez, Auzitegi Gorenaren 1991ko ekainaren 18ko Epaia aipa dezakegu, honako hau<br />
zioena: “etxebizitzen sustapen egoki batean parte hartzen duten bazkideek, euren sozietateekarpenak<br />
gorabehera, esleitu zaien etxebizitzaren eraikuntza-gastuak ordaindu behar<br />
dituzte, eta horrek, jakina, ez dakar bateraezintasunik edo kontraesanik erantzukizun<br />
mugatuaren printzipioarekin.., are gehiago, gizarte-etxebizitza jakin bat eraikitzetik<br />
eratorritako zorpekoak sozietate-ekarpenen parekoak ez direnean”. Zalantzarik gabe,<br />
bazkideek gauzek benetan balio dutena ordaindu behar dute; bestela, arestian adierazi dugun<br />
bezala, bidegabeko aberastea gertatuko litzateke, ondare-balio jakin bat eskuratuko bailukete<br />
benetako kostuaren azpitik. Horrek guztiak ez du eragotziko kooperatibako kudeatzaileek<br />
edo administratzaileek izan dezaketen erantzukizuna, baldin eta kudeaketaren ondorioz<br />
desbideratzerik edo kostu-igoerarik hautematen bada. Horregatik, bazkideek eraikuntzakostuengatik<br />
erantzun beharko dute, eta ondoren, hala badagokio, kudeatzailearekiko<br />
harremanetik erator daitekeen kontratu-erantzukizunean oinarrituta, adibidez, gehiegizko<br />
kostuak jasanarazi. Gogora dezagun, ildo horretan, Kode Zibilaren 1101. artikuluak hauxe<br />
adierazi duela: “Eragindako kalte-galeren ordaina eman behar dute euren betebeharrak<br />
betetzean doloz nahiz zabarkeriaz jarduten dutenek edo berandutza-egoeran jarri direnek,<br />
bai eta edozein modutan betebeharron edukia urratzen dutenek ere”. Bestalde, zilegi<br />
da administratzaileen aurkako erantzukizun-akzioa bideratzea, EKLren 51. artikuluak<br />
ezarritakoari jarraiki.<br />
EKLk doktrinari darion eztabaida bat itxi nahi izan du, aditu batzuek erantzukizun mugatuko<br />
etxebizitza-kooperatibarik ez dagoela ere adierazi baitute; izan ere, erantzukizunaren muga<br />
horren onura hirugarrenekin egindako eragiketetan baino ez zaio ematen bazkideari, hau da,<br />
sustapena osatzen duten lokalei, garajeei edo bestelako aktiboei buruzko eragiketetan, eta<br />
hori guztia, aipatutakoek diotenez, etxebizitza-kostuaren irizpide objektibo eta murriztailerik<br />
ezartzen ez delako, kapital urriak dakartzan hutseko onura erabiltzen delako eta etxebizitzakooperatibak<br />
denboran mugatzen direlako gertatzen da. Lehen adierazi dugun bezala, EKLk<br />
bazkideen erantzukizuna eta muga argitu ditu. Egoera horretatik harago, kaudimengabeziakasuetan,<br />
kooperatibak konkurtso-prozedura batera jo beharko du.<br />
Azkenik, EKLk argitu du, etxebizitza publikoen kasuan, administrazioak ezarritako<br />
gehieneko prezioa kooperatibaren, bazkideen eta bazkide ez diren hirugarren pertsonen<br />
aurrean izango duen erantzukizun-muga izango dela ondorio guztietarako. Gai hori ez da<br />
batere samurra, batez ere, kooperatibak kaudimengabezia-egoera jasan dezakeelako, askotan,<br />
bat-batean sortutako kostuak agertzen direlako, eta, etxebizitza babestua denez, bazkideek<br />
euren gain hartzen ez dituztelako. Zer gertatuko litzateke kasu horretan? Bazkide esleipendun<br />
subsidiarioen erantzukizunaren aldean –erantzukizun hori pertsonal eta mugagabetzat jo<br />
genezake, baldin eta kooperatibak ordaintzen ez badie kooperatibarekiko kontratua egin<br />
444
ETXEBIZITZA-KOOPERATIBAK<br />
duten hornitzaile edo eraikitzaileei− bazkideek, diogun legez, administrazioak zehaztutako<br />
prezioaren erantzukizuna baino ez lukete izango eta, hortaz, kooperatibak aipatutako<br />
konkurtso-prozedurara jo beharko luke.<br />
20.4. Artezkaritza-kontseilua<br />
120. artikulua.– Artezkaritza-kontseilua.<br />
1.– Estatutuek espresuki besterik onartu ezean, administratzaile-kargua etxebizitzakooperatiba<br />
bakarrean bete ahal izango da.<br />
Kargu horien titularrek ezin izango dute jaso inongo ordainsaririk beren funtzioa<br />
betetzeagatik, hargatik eragotzi gabe lan horretan izandako gastuen kalte-ordaina<br />
jasotzeko eskubidea.<br />
2.– Artezkaritza-kontseiluak behar beste ahalorde delegatu edo egiletsi ahal izango<br />
du helburu soziala betetzen laguntzeko. Ahalorde horiek inoiz ere ez dira luzatuko<br />
helburu sozialerako gauzatzen diren egintza edo kontratuak baino gehiago, ezta<br />
eraikitzeko eta finantzatzeko oinarrizko erabakiak eta hirugarren ez-bazkideekiko<br />
kontratuak baino gehiago ere. Ahalorde horiek Euskadiko Kooperatiben Erregistroan<br />
inskribatu beharko dira, legelari aholkulariak aldeko irizpena eman eta gero.<br />
20.4.1. Sarrera<br />
Kooperatiba-sozietatean, bazkideen eskubideetako bat artezkaritza-kontseiluko kideak<br />
hautatu eta kide gisa hautatua izatea da. Bada, sozietate-organo horrek darabilen araudi<br />
orokorrak dioena gorabehera, eutsi egin zaie aurreko testuak ezarritako berariazko debekuei,<br />
hau da, artezkaritza-kontseiluko kideek ordainsaririk ezin jasotzeko debekuari, bai eta<br />
etxebizitza-kooperatiba batean baino gehiagotan sozietate-organo horretako kide izateko<br />
bateraezintasunari ere<br />
20.4.2. Berrikuntza nagusiak aurreko araudiaren aldean<br />
Egiazki, artezkaritza-kontseiluaren inguruan jaso diren berezitasunei lotutako alderdiak<br />
berariazko artikulu batean islatu dira, indargabetutako arauan baino zuzenago; izan ere,<br />
orain arte, gai horiek bazkideen kapituluan jasotzen ziren, baina xedapenak, zinez, sozietateorgano<br />
bati dagozkio, eta, beraz, argi eta garbi bereizi behar da horietatik.<br />
Hori esanda, artikulu honen berritasuna 3. atalean aurki dezakegu, honako hau ezarrita:<br />
artezkaritza-kontseiluak sozietatearen xedea bete dadin errazteko beharrezkoak diren<br />
ahalordeak eskuordetu edo eman ahal izango ditu, baina ahalak ez dira inola ere hedatuko<br />
xedea oso-osorik hartzen duten egintza edo kontratuetara, ezta bazkide ez diren hirugarren<br />
pertsonekin egindako eraikuntzari, finantzaketari eta kontratuei buruzko oinarrizko<br />
erabakietara ere. Horrela, iraganean izandako jokaera batzuk eten nahi izan dira, sarritan,<br />
kooperatibak eratzeko unean ere (askotan, hurrengo protokolo-zenbakian ere), oro har,<br />
kudeatzailearen aldeko ahal orokorrak ematen ziren, eta kudeatzaile horrek, horrenbestez,<br />
445
ETXEBIZITZA-KOOPERATIBAK<br />
sustapena kontrolatzen zuen, eta kontuak batzar orokorraren aurrean ematen zituen, urtean<br />
behin baino ez. Jardunbide hori ezagututa, legegileak salbuetsi egin ditu kooperatiba-mota<br />
honetako sozietateak EKLren 43.6 artikuluan jasotako ahalordetze orokorren arautik, baita<br />
merkataritzako erabilera eta jardunbideetatik ere. Nolanahi ere, 120.3 artikuluak xedatzen<br />
dituen ahalak Euskadiko Kooperatiben Erregistroan inskribatu beharko dira, legelari<br />
aholkulariaren aldeko irizpena jaso ondoren.<br />
20.4.3. Iruzkin orokorra eta esanahi praktikoa<br />
Etxebizitza-kooperatibak, EKLn konfiguratu diren moduan, erakunde ez-profesional gisa<br />
ageri dira, eta berariaz jasotzen da administratzaileek ezin dutela ordainsaririk jaso beren<br />
kargua betetzeagatik. Eta hori horrela ezarri da, hain zuzen ere, lege horretan gai horri<br />
buruzko erregulazio berria xedatu denean, 45. artikuluak ordainsaria jasotzea ahalbidetzen<br />
duela (betiere, estatutuetan hala jasotzen bada) eta, are gehiago, artezkaritza-kontseiluan<br />
bazkide ez diren pertsonak egotea onartu da, estatutuetan berariaz debekatu ezean, 42.2<br />
artikuluak jaso duen bezala, eta pertsona horiek profesionalak izan daitezke. Gainera, 47.2<br />
artikuluan, oro har, esaten da estatutuetan arautu daitekeela idazkaria kooperatibako bazkide<br />
edo kontseiluko kide ez izatea.<br />
Esparru horretan, ordea, euskal legegilearen helburua da, argi eta garbi, kooperatiba<br />
horien administrazio-organoan bazkideen parte-hartze zuzena eta eraginkorra izan dadila,<br />
administratzaile gisa kooperatiba bakarrean parte hartuta (estatutuek berariaz onartzen<br />
dutenean izan ezik), ordainsaririk jaso gabe eta sozietatearen helburu osoari edo jardueraren<br />
oinarrizko erabakiei eragiten dieten ahalordetzeak egin gabe. Azken batean, eta iruzkin<br />
honetan esan dugun bezala, asmoa da jarduera kooperatibizatuaren baitako erabaki horiek<br />
esleipendunek edo gerora erabiltzaile izango diren kooperatibako kideek hartzea.<br />
20.5. Kontuak auditatzeko eta legelari aholkularia izateko betebeharra<br />
121. artikulua.– Kontuak auditatzeko eta legelari aholkularia izateko betebeharra.<br />
1.– Etxebizitza-kooperatibek kontu-auditoretza baten esku jarri beharko dituzte urteko<br />
kontuak, aztertu eta onartzeko ohiko batzar orokorrari aurkeztu baino lehenago.<br />
Lege-betebehar horrek indarra izango du bazkideei etxebizitzak edo lokalak<br />
adjudikatu edo laga arte.<br />
2.– Etxebizitza-kooperatibek legelari aholkulari bat izan beharko dute, zeinak, gutxienez,<br />
117, 118 eta 119. artikuluek aipatzen dituzten erabakiei buruzko irizpenak emango<br />
dituen, baita honako erabaki hauei buruzkoak ere:<br />
a) Bazkideak onartzeari edo atxikitzeari buruz.<br />
b) Bazkide ohiak ordeztea bazkide berriekin edo bazkide ez direnekin.<br />
c) Kudeatzaileekiko kontratuak.<br />
d) Eraikitze-kontratuak.<br />
e) Etxebizitza-kooperatibaren estatutuetan finkatzen direnak.<br />
446
ETXEBIZITZA-KOOPERATIBAK<br />
20.5.1. Sarrera<br />
Artikulu bat berritzailetzat jotzekotan, ez indargabetutako araudiari dagokionez, ezpada,<br />
estatuko zein autonomia-erkidegoko zuzenbide konparatu osoari dagokionez, 121.<br />
artikulua jo behar dugu, ez horrenbeste edukian lehendik dagoen kontu-auditoretzaren<br />
derrigortasunagatik, baizik eta kooperatiba horietan legelari aholkulariak jardun behar<br />
duelako, bere jarduera profesionalaren bidez, partaidetza eraginkorra eta kudeaketa<br />
demokratikoa bermatzeko, funtsezko eragiketa juridiko-ekonomikoei dagokienez.<br />
20.5.2. Berrikuntza nagusiak aurreko araudiaren aldean<br />
Arestian azaldu dugun bezala, mota horretako kooperatibetan, berritasun nagusia legelari<br />
aholkulariaren beharrezko erregulazioa izan da. Oraingo EKL indarrean hasi arte, mota<br />
horretako kooperatibek legelari aholkularia izendatu beharra zuten soilik urteko kontuak<br />
kanpo-auditoretzaren eraginpean jartzera behartuta zeudenean, Kontu Auditoretzaren<br />
Legeak ezarritakoari jarraiki (ikus indargabetutako arauaren 73. artikulua). Arautegiak berak<br />
zalantza sortzen zuen etxebizitza-kooperatiba guztiek legelari aholkularia izendatu behar ote<br />
zuten, kooperatiba guzti-guztiek kontuak auditatu behar zituztelako, harik eta etxebizitza<br />
edo lokalak bazkideei esleitu edo laga arte (ikus, halaber, indargabetutako arauaren 117.<br />
artikulua). Bada, nahiz eta kooperatiba askok legelari aholkularia izan, beti pentsatu izan<br />
dugu betebehar hori urteko kontuen auditoretza egitera behartzen zuten eta Auditoretza<br />
Legean bertan jasota zeuden zenbait baldintza betetzetik zetorrela, eta ez hainbeste 117.<br />
artikuluan jasotako betebeharragatik. Gainera, legelari aholkulari horren egiteko bakarra<br />
zen artezkaritza-kontseiluak edo batzar orokorrak hartutako akordioak, Kooperatiben<br />
Erregistroan inskribatu beharrekoak, zuzenbidearekin bat zetozen ala ez adieraztea, ez<br />
besterik.<br />
Horren aurrean, eta aurreratu dugun bezala, 121. artikuluan, kontu-hartzailetzat jo<br />
dezakegun karguduna aurkitu dugu; kargudun horren, inskribatzeko moduko egintzen berri<br />
ez ezik, kooperatibaren funtsezko eragiketa juridiko-ekonomiko guztien berri ere eman<br />
behar du, nahitaez.<br />
20.5.3. Iruzkin orokorra eta esanahi praktikoa<br />
Lehenik eta behin, esan behar dugu etxebizitza-kooperatiba guztietan ikuskatu edo auditatu<br />
behar direla kontuak, sozietateen tamaina eta Auditoretza Legea bera gorabehera. Betebehar<br />
horren iturria EKL bera da eta betebeharrak badirau etxebizitzak eta lokalak bazkideei esleitu<br />
edo laga arte. Asmatu egin du legegileak “esleipena edo lagapena” adierazi duelako; beraz,<br />
erabilera-lagapenaren araubideko kooperatibetan, erabilera-lagapenari lotutako kontratu<br />
guztiak sinatu ostean, urteko kontuak auditatzeko betebeharra indargabetuko litzateke,<br />
haatik, Auditoretza Legeak ezarritako betekizunengatik, betebehar horri eutsi behar izateari<br />
kalterik egin gabe. Argi dagoena zera da, EKLtik eratorritako eta betebeharra, guk erabat<br />
aldezten duguna, sustapen-egitateari dagokiola, une horretan gertatzen baitira, jakina denez,<br />
eragiketa ekonomiko handienak.<br />
Agian, argitu zitekeen betebehar horrek irauten ote duenetz etxebizitzak edo lokalak<br />
saltzeko geratzen direnean. Gure ustez, hori ezin da horrela izan, “etxebizitza edo lokal<br />
447
ETXEBIZITZA-KOOPERATIBAK<br />
guztiei” buruz ez hitz egiteaz gain, badirudi betebeharra etxebizitza edo lokala esleitu behar<br />
zaien bazkideak egiatan egotearekin lotzen duela. Beraz, indargabetutako arauaz bezala,<br />
oraingoan ere pentsatzen dugu, bazkiderik ez badago eta saltzeko aktibo ibilgetuak geratzen<br />
badira, ez dagoela kontuak auditatzeko betebeharrik; eta ondorio horri berresten dugu<br />
iraganean jazotako gertakari batzuk aintzat hartuta. Baziren inolako jarduerarik egiten ez<br />
zuten kooperatibak eta, hala ere, besterentzea ezinezkoa zitzaien lokal txiki bat zegoenez,<br />
mugimendurik gabeko kontuak auditatzeko betebeharra zutela uste zuten. Interpretazio horri<br />
erreparatuta, ez dugu uste betebehar horrek iraun behar duenik sustapenaren lokalak edo<br />
garajeak soberan edo esleitu gabe geratzen direnean, eta ohikoa da, askotan, bazkideei edo<br />
hirugarrenei saltzea, baina horiek ez dute zuzeneko loturarik bazkideek, hau da, jarduera<br />
kooperatibizatua nagusiki osatzen dutenek, sinatu duten esleipen- edo lagapen-kontratuarekin.<br />
Artikuluaren 2. atalak ekarri duen berritasun handiari helduz, legelari aholkulariak, 77.<br />
artikuluak profesional horientzat ezarritakotik askoz haratago jardun dezakeela, erabaki<br />
beharko du zuzenbidearekin bat datozen −ez bakarrik EKLrekin bat− oro har aplika<br />
daitekeen legeria publiko eta pribatuarekin bat datozen kooperatibaren organoek hartzen<br />
dituzten akordioak, eta gutxienez, 117., 118. eta 119. artikuluetan jasota dauden akordioak.<br />
Arauak “gutxienez” dioenez, gure ustez egin den errakuntza konpondu du, 117., 119. eta<br />
120. artikuluak aipatzean. Izan ere, 119. artikuluak ez dakar legelari aholkulariaren inguruko<br />
aipamenik; bai, ordea, 120. artikuluak, zehazki, 120.2 artikuluaren amaieran. Garrantzirik<br />
gabeko kontua izan daitekeela bazter utzita, legelari aholkulariak garrantzi handia dauka<br />
etxebizitza-kooperatibetan, erabaki behar baitu, besteak beste, sozietatearen xedea erraztu<br />
edo osatuko duten hirugarren pertsonekin sinatzen den (bereziki, kudeatzaileak eta<br />
eraikuntzarekin lotutako enpresek), bazkide izateko baldintzak betetzeko betebeharra (eta<br />
gainera, bazkideen onarpena edo atxikimendua, eta horien ordezpena), bai eta hirugarrenen<br />
ahalordetzeak ere, estatutuetan berariaz jasotzen direnak eta kooperatibarentzat funtsezkoa<br />
izan daitezkeen eragiketa juridiko-ekonomiko guztiak ere bai.<br />
Kasu horretan ere, badirudi erabilera-lagapenaren araubideari lotutako kooperatibei<br />
aplikatu behar zaiela, nahiz eta, lehen ikusi dugun bezala, legelari aholkularia 118. artikuluan<br />
aipatzen ez den, baina badirudi erabilera-lagapenaren kasuan ere legelaria asmo garbia duela<br />
mota horretako kooperatibek legelari aholkularia izan dezaten. 121. artikuluaren 2. atalak<br />
dioenez, “Etxebizitza-kooperatibek izan beharko dute…”, eta, beraz, kooperatiba guztiek,<br />
baita erabilera-lagapenaren araubidekoek ere, izan behar dute abokatu aholkularia, nahiz<br />
eta, ustez, etxebizitzak edo lokalak esleitu edo laga ondoren, eta, ondorioz, sustapen-egitatea<br />
amaituta, haien jarduera nabarmen murriztuko den. Alde nabarmena dago derrigorrezko<br />
kontu-auditoretzarekin, kasu horretan bai, etxebizitzak esleitzeaz edo lagatzeaz batera<br />
amaituko dena. Beraz, erabilera-lagapenaren araubideari lotutako etxebizitza-kooperatibetan,<br />
baliteke kontuak ikuskatzera behartuta egotea ala ez (Kontu Auditoretzaren Legeak ezarritako<br />
irizpideen araberakoa izango da), baina, jakina, legelari aholkulari bat izan beharko dute beti.<br />
Legelaria aholkulariak kooperatibarekin duen loturari dagokionez, 77. artikuluak oro har<br />
ezarritakoari lotzen gatzaizkio; hala ere, legelari aholkulariak etxebizitza-kooperatibetan<br />
duen posizio bereziagatik, gogorarazi behar dugu legelari aholkulari izendatzen diren<br />
pertsonek ezin izango dutela inolako kontratu-loturarik edo interesik izan, ez zuzenean,<br />
ez zeharka, kooperatibako artezkaritza-kontseiluko kideekin edo beste sozietate-organo<br />
448
ETXEBIZITZA-KOOPERATIBAK<br />
batzuetako kideekin, ez kooperatibarekin kontratatzen duten erakundeetako kideekin edo<br />
sozietate kooperatibarekiko interes erkideak dituztenekin, bereziki, kudeatzailearekin edo<br />
eraikuntzari lotutako enpresetako kideekin. Esan gabe doa zerbitzu profesional horiek ezin<br />
direla jaso kudeatzailearekin sinatzen den zerbitzuen errentamendu-kontratuan, gaur egun<br />
arte, askotan gertatu den bezala. Alde horretatik, ezin dugu ahaztu legelari aholkulariak<br />
erantzukizun zibila egikarituko duela kooperatibaren aurrean, edo haren bazkide eta bazkide<br />
ez diren hirugarrenen aurrean, 77.3 artikuluak adierazi bezala, bai eta, hala badagokio, jakina<br />
denez, erantzukizun penala ere bai.<br />
Kapitulu honi amaiera emateko, 77.5 artikulua gogoratuko dugu: kooperatibaren eta legelari<br />
aholkulariaren arteko harremana zerbitzu-errentamendukoa izan daiteke profesional liberal<br />
gisa kontratatuta, lan-kontratua edo sozietate-kontratua egin ahalko zaio edo kooperatibako<br />
bazkide langile zein lan-bazkide izan daiteke.<br />
20.6. Babes publikoko etxebizitzak sustatzea eta eskubideak eskualdatzea<br />
122. artikulua.– Babes publikoko etxebizitzak sustatzea eta eskubideak eskualdatzea.<br />
1.– Etxebizitza-kooperatibak babes publikoko etxebizitzak sustatzen dituenean mota<br />
horretako etxebizitzak erregulatzen dituen araudia bete beharko du beti.<br />
2.– Bazkideek etxebizitza edo lokalak inter vivos eskualdatzeko, errespetatu beharko<br />
dira Administrazioko araubidean aurreikusten diren mugak eta lehentasunezko<br />
eskuratze-eskubideak; halakorik ez badago, mota horretako kooperatibei buruzko<br />
ordezko araudi orokorra ezarriko da.<br />
Aurreko paragrafoan sartzen ez diren etxebizitza-kooperatibei dagokienez,<br />
estatutuetan edo barne-erregelamenduan zehaztuko da zer baldintza edo muga<br />
dauden bazkide baten etxebizitza eta lokalak besterenganatzeko edo errentan<br />
emateko, eta zer eskubide duten zain dauden bazkideek.<br />
20.6.1. Sarrera<br />
Etxebizitza-kooperatibagintzari buruz estatuan eta EAEn izandako aurrekariak oso<br />
lotuta daude etxebizitza babestuarekin, eta horren araudia lehentasunez aplikatu behar da<br />
kooperatiben erregulazioaren gainetik. Euskal legegileak, arau-hierarkiaren irizpide hori<br />
finkatzeaz eta horretara jotzeaz gain, egun indarrean dagoen EKL ordeztu duen kooperatibaaraudiko<br />
biziarteko eskualdatzeen mugei eta eskubideei buruzko araudia zehaztu du.<br />
20.6.2. Berrikuntza nagusiak aurreko araudiaren aldean<br />
Hain zuzen ere, babes publikoko etxebizitzak arautzen dituen araudira jotzea da berritasun<br />
nagusia, aurreko araudiarekin alderatuta, eta artikuluaren lehen atalean jaso da. Arestian<br />
adierazi dugun moduan, legelariak egungo arau-hierarkia islatu nahi izan du, eta gai<br />
horri buruzko iraganeko zalantza batzuk gainditu. Gogora dezagun aztergai darabiltzagun<br />
etxebizitza publikoen sustapenak parametro kooperatiboen arabera antolatzen eta kudeatzen<br />
direla, baina horiek ez dituztela inola ere baldintzatzen sustapena gertatzeko erabiltzen diren<br />
449
ETXEBIZITZA-KOOPERATIBAK<br />
administrazio-irizpideak; hori dela eta, gogorarazi behar da mota horretako etxebizitzen<br />
araudia bete behar dela. Alderdi hori jasoko ez balitz ere, jakina denez, ez luke esan nahi<br />
izango legea aplikatu behar ez denik, baina euskal legegileak asmatu egin du araudian jasota,<br />
sustapen horien gaineko alderdi pedagogikoa eta errazago ulertzeko bilatu duela.<br />
Bestalde, inter vivos edo bizien arteko eskualdatzeari dagokionez, idazketa nabarmen<br />
hobetu da. Izan ere, oro har ezarri da dagokion administrazio-araubidean araututako<br />
lehentasunezko eskuratzeen mugei eta eskubideei lotuta egongo dela; indargabetutako<br />
araudiak, aldiz, bazioen muga hori aplikatu behar zela kooperatibak erakunde publikoetatik<br />
dirulaguntzak edo laguntzak jasotzen zituenean. Bada, esan bezala, idazketa hobetu egin da,<br />
eskualdatzea baldintzatzeaz denaz bezainbatean, administrazio-araudira egindako igorpen<br />
orokorra erabiliz, helburuak betetzeagatik dirulaguntzak edo laguntzak lortu diren ala ez<br />
bazter utzita.<br />
Gainera, administrazio-araubide jakin bati lotuta ez dauden kooperatiben kasuan, barnearaudian<br />
ezarri ahal izango dira −ez estatutuetan bakarrik− batez ere, erraztasun handiagoa<br />
bilatuta horiek aldatzeko orduan. Ildo horretatik, nahiago genukeen baldintzak eta mugak<br />
estatutuetan bakarrik jaso izan balira, batik bat, kooperatibaren bilakaeran erabakigarriak<br />
direlako eta, beraz, Kooperatiba Erregistroaren legezkotasun-kontrolaren mende egon<br />
behar dutelako. Gogora dezagun, inguruabar honetan, estatutuak nahitaez inskribatu behar<br />
direla, bai eta estatutuak erregistro horretan aldatu behar direla ere, inskripzioari berari<br />
doakion ezagutza orokorraren mesedetan; barne-erregelamendua, aldiz, ez dago nahitaezko<br />
inskripzioari lotuta. Hala eta guztiz ere, oraingo honetan gehitu den berritasunaren mesedetan,<br />
legelari aholkularia izendatzeak, hasiera batean, behintzat, ordeztu egin du esandako<br />
legezkotasun-kontrol hori. Legelari aholkulariak, barne-araubideko erregelamendua ez ezik,<br />
aipatu ditugun eskualdatze guzti-guztiak zuzenbidezkoak direla ebatzi beharko duelako.<br />
20.6.3. Iruzkin orokorra eta esanahi praktikoa<br />
Bi gai jorratzen dira kapitulu honetan. Alde batetik, babes publikoko etxebizitzak arautzen<br />
dituen araudiarekiko lotura, eta, bestetik, lehentasunezko eskualdatze-eskubideei ezarritako<br />
mugak.<br />
Araudi publikoaren beharrezko aplikazioari dagokionez, hurrengo kapitulura jotzea,<br />
askoz gehiago ezin dugu egin, bertan alderi nabarmenenak jorratuko baititugu; nolanahi ere,<br />
gogorarazi behar dugu horrelako sustapenetan ere bizien arteko eskualdatzea administrazioaraubide<br />
jakin bati lotuta dagoela. Horren haritik, gogora dezagun kooperatibetan ez dela<br />
ate irekien printzipioa hasiera-hasieratik aldatu eta, printzipio horren arabera, bazkide batek<br />
edozein unetan utz dezake kooperatiba eta horrek etxebizitza eskualdatzea ekarriko luke.<br />
Kasu horretan, eragiketa ezin izango da askatasunez eskualdatu, eragiketa hori dagokion<br />
administrazio-araubidean xedatutako lehentasunezko eskuratzeen mugei eta eskubideei<br />
lotuta egongo baita.<br />
Horri dagokionez, ohar gaitezen inter vivos eskualdatzeez diharduen araudi publikora<br />
jotzeak ez duela argitzen eskualdatzea zer tituluren bidez egin daitekeen, baina, gure ustez,<br />
kasu guztiak aintzat hartzen ditu, kooperatiba uzten duen bazkidearen eta kooperatiban sartzen<br />
450
ETXEBIZITZA-KOOPERATIBAK<br />
denaren arteko subrogazioa ere bai, bigarrenaren bazkidetza onartu ondoren. etxebizitzaren<br />
eskualdaketarekiko subrogazioa administrazio-araudiak ere baldintzatuko luke. Segurutik,<br />
eskualdatzea arautzen duen administrazio-araubidea bera dugu idazketaren oinarria.<br />
Atalaren bigarren paragrafoan ezarritakoari gagozkiola, hau da, estatutuei eta barnearaubideko<br />
erregelamenduari egiten zaien igorpenari dagokionez, kasu honetan, uste dugu<br />
subrogazioa berariaz aipatu behar izan dela, bereziki, zalantza sortzen delako pertsona batek<br />
etxebizitza edo lokala besterendu ondotik kooperatibako bazkide gisa jarraitzea bidezkoa<br />
ote den. Auzi hori barne-araudian argitu behar da, ezagutu ditugun egoera jakin batzuk<br />
saihesteko: etxebizitza besterentzen duten bazkideek kooperatibako bazkide izaten jarraitzen<br />
dute, urteetan jakin gabe, horrek dakarzkien ondorioak sortuta. Ohikoena da etxebizitza<br />
besterentzeko orduan, bazkidetzaren subrogazioa ere egitea, eta subrogazio hori, nolanahi<br />
ere, administrazio-organoak dena delako pertsona bazkide gisa onartzeko baldintzapenari<br />
lotu behar zaio. Argi dagoena da bazkide batek bere etxebizitza edo lokala besterendu ahal<br />
duela, baina askatasunik ez duela bazkide-izaera besteri emateko, estatutuetan berariaz jaso<br />
ez bada, eta, gainera, gogora ekarri behar dugu zain dauden bazkideek (itxarote-zerrenda<br />
deitu ohi dena) eskubide batzuk izan ditzaketela, EKLn ere arautu den legez. Gai hori jorra<br />
zitekeen, are handitu ere, bazkideen araubideari buruzko kapituluan (119. artikulua), eta<br />
sustapen publikoari kapitulu osoa eskaini. Hala eginez gero, ziur aski, arauaren sistematika<br />
hobetuko zen.<br />
Nolanahi ere, azken iruzkin gisa, galdetu behar da zer gertatuko litzatekeen eskubidemugarik<br />
ezarri ezean eta estatutuetan lehentasunezko eskuratze-eskubideak jaso ezean.<br />
Bada, inguruabar horietan, inolako mugarik ez dagoela uler badaiteke ere, estatuko legearen<br />
92. artikuluak xedatutako lehentasunez erosteko eta atzera eskuratzeko eskubidearen<br />
araubidea aplikatu beharko litzateke, 122.2 artikuluaren amaieran ageri den ordezko araudi<br />
gisa, mota horretako kooperatibei buruzko araudi orokor eta osagarriak ere ezarritako mugak<br />
kontuan hartuko direla adierazten duelarik, azken batean kooperatibei buruzko estatuko<br />
legeak ezarritakoak aplikatu behar direla. Hala eta guztiz ere, ohar gaitezen aipamen hori<br />
artikuluaren lehen paragrafoan baino ez dugula aurkituko; hau da, badirudi etxebizitza<br />
babestuen sustapenei baino ez dagokiela, eta administrazio-araudirik ezean (“halakorik<br />
ez badago” dio artikuluak), bigarren paragrafoak barne-araudirako bidalketa egiten<br />
duenez, ez da, beraz, araudi osagarririk aplikatu behar. Nolanahi ere, eraginkortasunaren<br />
mesedetan, estatuko legea modu osagarrian aplikatzearen zioz lehentasunez erosteko edo<br />
atzera eskuratzeko eskubiderik dagoen ala ez dagoen eztabaida antzua saihestearren –guk<br />
geuk kontrako iritzia azaleratu dugu halako inguruabarretan−, gomendagarria litzateke<br />
kooperatibaren estatutuetan argitzeko aukera baliatzea.<br />
20.6.4. Beste arau aplikagarri batzuk<br />
EAEn indarrean dagoen eta horrelako etxebizitzak sustatzen dituzten kooperatibasozietateei<br />
aplikatu behar zaien babes ofizialeko araudiari dagokionez, honako hau<br />
nabarmendu behar da honako iruzkin hau egin orduko, kooperatiba-sozietateak berariaz<br />
ukitzen dituelako, aplikazio orokorreko beste araudi batzuei kalterik egin gabe:<br />
451
ETXEBIZITZA-KOOPERATIBAK<br />
- 39/2008 Dekretua, martxoaren 4koa, babes publikoko etxebizitzen araubide<br />
juridikoari eta etxebizitzaren eta lurzoruaren arloko finantza-neurriei buruzkoa.<br />
Dekretu horretan, 6.4, 9.3, 32.3 eta 34.1 artikuluak kontuan hartu behar dira berariaz,<br />
araudi berezia ezartzen dutelako kooperatiba-sozietateentzat, aplikazio orokorrari<br />
kalterik egin gabe.<br />
- Agindua, 2012ko urriaren 15ekoa, Etxebizitza, Herri Lan eta Garraio sailburuarena,<br />
etxebizitza-eskatzaileen erregistroari eta babes ofizialeko etxebizitzak nahiz<br />
autonomia-erkidegoko araubideari lotutako zuzkidura-bizitokiak esleitzeko<br />
prozedurei buruzkoa. Kasu honetan, 25.2, 70, 71 eta 72. artikuluak aipatuko ditugu<br />
berariaz, gainerakoei kalterik egin barik. Agindu horri dagokionez, ikus, halaber,<br />
Etxebizitza, Herri Lan eta Garraio sailburuaren 2012ko abenduaren 12ko Agindua,<br />
lehenengoaren akatsak zuzentzen dituena.<br />
Gainerako araudiaren eta eguneratzeen berri izateko, ikus www.etxebide.euskadi.eus.<br />
452
21. FINANTZA-KOOPERATIBAK* 1<br />
Euskadiko Kooperatiben 11/2019 Legeak (EKL) finantza-kooperatiben jarduera arautu<br />
du, II. tituluaren I. kapituluko 8. atalean jasotako bi manutan: 123. artikuluak kreditukooperatibez<br />
dihardu eta 124. artikuluak aseguru-kooperatibez.<br />
Sistematika horretan ikus daitekeenez, EKLk finantza-kooperatibei buruzko atal berean<br />
bildu ditu kreditu-jarduera edo aseguru-jarduera egiten duten bi adarrak, hurrenez hurren.<br />
Hedadura txikia eta eduki laburra kontuan hartuta, esan barik doa EKLk tratamendu<br />
urria eman diela finantza-kooperatibei; horren arrazoi nagusia da kreditua eta aseguruak<br />
antolatzeko araudia oinarrizkoa dela neurri oso garrantzitsu batean, eta, ondorioz, estatuaren<br />
eskumenekoa; beraz, euskal legegileak oso modu mugatuan arautu ditzake kooperatiba<br />
horiek.<br />
Izan ere, kreditu-kooperatibek eta aseguru-kooperatibek erregulazio berariazkoa dute<br />
berezigarri eta erregulazio hori, oinarrizkoa izateaz gain, neurri handi batean, oso luzea da.<br />
Horrez gain, Euskadin bakarrik jarduten duen kreditu-kooperatibarik eta asegurukooperatibarik<br />
ez dagoenez, ez dago eskakizun eta araudi espezifikorik euskal autonomiaren<br />
esparruan, eta Legebiltzarrak ez ditu beren-beregiko araudiak onartu mota horretako bi<br />
finantza-kooperatibentzat. Adierazi behar da Caja Laboral Popular S. Coop de Crédito,<br />
Laboral Kutxa, sozietate-egoitza Arrasaten duena, euskal kreditu-kooperatiba bakarra<br />
dela, 2012an, Ipar Kutxa Rural–Caja Rural Vasca sozietatearekin bat egin ondoren, baina<br />
autonomiaz gaindiko jarduera-eremua daukanez, estatuko kooperatiben legeari lotuta dago.<br />
21.1 Kreditu-kooperatibak<br />
123. artikulua.– Kreditu-kooperatibak.<br />
1.– Kreditu-kooperatibak dira helburu soziala dutenak beren bazkideen finantzapremia<br />
aktiboei eta pasiboei erantzutea, eta hirugarren ez-bazkideekin ere jardun<br />
daitezkeenak, eragiketa-eremu orokorrean jarduten den beste edozein kredituetxeren<br />
jarduerak eta zerbitzuak eginez.<br />
2.– Kreditu-kooperatibek «baserritarren kutxa» izena erabili ahal izango dute, baldin<br />
eta, beren estatutuen eta antolamenduaren ondorioz, batez ere landa-ingurunean eta<br />
ingurune horretako bizilagunei zerbitzua emateko sortzen badira.<br />
3.– Artikulu honetan erregulatzen diren entitateek kreditu-kooperatibei buruzko araudia<br />
eta kreditu-entitateei buruzko gainerako legeria sektoriala bete beharko dute beren<br />
eraketa, egitura, funtzionamendua eta jarduera gauzatzeko.<br />
* Alejandro Elejabarrieta Goienetxe jaunak, LABORAL KUTXAko Aholkularitza Juridikoaren zuzendari<br />
eta Artezkaritza Kontseiluko idazkari tekniko eta Euskadiko Kooperatiben Goren Kontseiluko kideak,<br />
idatzitako iruzkina.<br />
453
FINANTZA-KOOPERATIBAK<br />
4.– Eusko Jaurlaritzan ogasun- eta finantza-eskumenak dituen sailak kreditukooperatiben<br />
gainean dituen funtzioak egikarituko ditu, indarrean dauden legeekin<br />
bat etorriz: proposatze-, arautze-, informatze- eta ikuskatze-funtzioak eta estatistikaeta<br />
diziplina-funtzioak.<br />
21.1.1. Sarrera<br />
Kreditu-kooperatiben izaera bikoitza, kooperatiba-sozietateak direla, batetik, eta kredituerakunde,<br />
bestetik, kooperatibak arautzen dituen araudian islatzen da, eta, gai askotan,<br />
zail samarra da kooperatiben zuzenbidea eta kreditu-erakundeena uztartzea. Hala, azken<br />
urteotan, kooperatiben eta kreditu-erakundeen zuzenbidea aldatu egin da aldi berean, eta,<br />
gainera, bilakaera hori ezkondu behar izan da estatuko zuzenbide positiboarekin eta azkena<br />
Europar Batasunak emandako arauketari; gogora dezagun sektoreak sakoneko aldaketak<br />
izan dituela, ez horrenbeste kooperatiben esparruan, baina bai bankuen esparruan. Erreforma<br />
horiek guztiak hainbat alderditan bateratu du estatuan dauden hiru banku-erakunde moten<br />
araubide juridikoa, hots, bankuena, kreditu-kooperatibena eta aurrezki-kutxena (azkenena<br />
2008an hasitako krisi finantzario eta ekonomikoaren ondotik) eta kreditu-erakunde guztien<br />
errentagarritasuna hobetzeko premiei aurre egin behar izan diete, gaur egun ere ibili dabilen<br />
bat-egiteen oldea eraginda, eta, horren ondorioz, aurrezki-kutxen parte-hartzea oso txikia da<br />
banku-negozioan, ia-ia desagertu egin direla, desegin egin direlako edo, kasu garrantzitsu<br />
batzuetan banku-fundazio bihurtu direlako, eta eraldatu direneko bankuen jabetzari eusten<br />
diote, neurri handiagoan edo txikiagoan. Banku horiek dira, hain zuzen ere, banku-negozioa<br />
garatzen dutenak gaur egun.<br />
Zalantzarik gabe, erreforma-prozesuek bankarizatzeko joera etengabea dakarte, hau da,<br />
banku-sektorearen eredu gisa, sozietate anonimoena erabiltzekoa; bestela esanda, bankuek<br />
erabili ohi dutena.<br />
Joera sakonagoa da, kreditu-erakundeak, oro har, “interes publikoko erakunde” gisa<br />
hartzen baitira, eta horiei aplikatzen baitzaizkie “sozietate anonimo kotizatuei” eskatzen<br />
zaizkien gardentasun, gobernu on, kaudimen eta abarren inguruko eskakizunik handienak.<br />
Azken batean, gaur egun eta oraindik ere kooperatiba-araudia kreditu-kooperatibentzat<br />
garrantzitsua bada ere, jarduerari lotutako araudi sektorialari ez ezik, mota horretako<br />
kooperatibek kotizatutako sozietate anonimoen eta interes publikoko erakundeen<br />
merkataritza-legeriari “begiratu” behar diote, beste araudi batzuen bidez aldatzen ari den<br />
kreditu-kooperatiben araudiari baino gehiago.<br />
21.1.2. Aurrekariak<br />
Kooperatiba-kredituen lehen aurrekaria, manu espezifiko gisa, kreditu-kooperatibak<br />
arautzen dituen azaroaren 3ko 2680/78 Errege Dekretua izan zen. 1979ko otsailaren 26ko<br />
eta ekainaren 30eko aginduek garatu zuten errege-dekretu hura.<br />
Euskal Autonomia Erkidegoaren esparruan, Kooperatibei buruzko otsailaren 11ko 1/1982<br />
Legeak artikulu bat eskaini zien berariaz, 60. artikulua, hain zuzen ere, kreditu-kooperatibak<br />
mota horretako sozietate-mota bereizi gisa tipifikatuz, aseguru-kooperatibetatik bereiziz<br />
454
FINANTZA-KOOPERATIBAK<br />
eta finantza-kooperatiben taldetik ateraz, ikuspegi subjektibo zein objektibo oso mugatua<br />
erabilita; izan ere, (sasoi horretan indarrean zegoen estatuko araudiaren ildotik, horri<br />
egokitu behar baitzitzaion): lehen multzoan (2. atala) bakarrik onartzen ziren bazkidetzat<br />
“kooperatibak eta kooperatibetako bazkideak, bai eta beheragoko lurralde-esparruko<br />
kreditu-kooperatibak eta transformazioko nekazaritza-sozietateak”; eta bigarren multzoan<br />
(1. atala), pasiboari lotutako eragiketak onartzen ziren, baina aktiboari edo finantzaketari<br />
lotutakoak, berriz, sozietate horiei lotutako kooperatibei eta kooperatiba horietako bazkideei<br />
baino ez zitzaien onartzen. Bestetik, “Caja Rural” izena hartzen zutenei dagokienez, eragiketa<br />
aktiboak nekazaritza-, basogintza- edo abeltzaintza-sektoreetan bakarrik egin zitzaketen,<br />
edo landa-inguruneko bizimodua hobetzera bideratutako eragiketak finantzatu. Hori dela<br />
eta, horien jarduera-eremua eta bideragarritasun ekonomikoa mugatzen ziren, nahiz eta<br />
adierazpen batzuen zehaztugabetasunak jarduteko tarte zabalagoa ematen zien erakundeei.<br />
Estatuan, Kooperatibei buruzko apirilaren 2ko 3/1987 Lege Orokorra etorri zen geroago.<br />
Lege horren 116. Artikuluan zehaztu ziren kooperatiba-motak, eta mota bereizi gisa tipifikatu<br />
zituen finantzakoak, nahiz eta ez zien eskaini berariazko artikulurik legezko testuan, eta<br />
kreditu-kooperatiba horientzako aurreikuspen bakarrak seigarren xedapen iragankorrean<br />
ezarri zituen, ziur asko, kreditu-kooperatibentzako berariazko lege bat prestatzen ari<br />
zirelako orduan. Kreditu-kooperatibei buruzko maiatzaren 26ko 13/1989 Legeak berehala<br />
indargabetu zituen seigarren xedapen iragankor horretan jasotako arauak, eta hainbat ate<br />
ireki ziren, hala nola bazkide izateko gaitasuna, mota horretako kooperatibek egin zitzaketen<br />
eragiketak eta zerbitzuak handitzeko modua eta hirugarrenekiko eragiketak egiteko aukera,<br />
nahiz eta baliabide guztien % 15era mugatu.<br />
Kreditu-kooperatibei buruzko 13/1989 Legea aitzindaria izan zen legegintza-joera<br />
orokorrean, eta mota horretako kooperatibentzat artean ezarri zuen kreditu-kooperatibek<br />
bazkideen eta bazkide ez diren hirugarren pertsonen finantza-premietarako balio izatea,<br />
haiekiko eragiketak egiteko aukerak zabalduz, kooperatiba-eremuan elementu guztiz<br />
berritzaile eta “iraultzaile” gisa boto plurala emateko aukera ezarriz, muga jakin batzuekin,<br />
kapitalaren arabera, eta. azken batean, araudi malguagoa ezarriz sozietate-mota hori<br />
beste batzuen aldean horren mugaturik ez egoteko eta, horrela, ekonomia lehiakor<br />
modernora egokitu ahal izateko, araudi historiko zurrunaren eraginez, enpresa-aukerak eta<br />
bideragarritasun ekonomikoa mugatzera behartu gabe.<br />
Geroago, euskal eremuan, Euskadiko Kooperatibei buruzko 4/1993 Legeak eta, estatuan,<br />
Kooperatibei buruzko 27/1999 Legeak, bai eta autonomia-erkidegoetako kooperatiben<br />
legeek ere, hasitako joerari jarraitu zioten, kooperatiba-moldea enpresa-proiektu mota<br />
guztietan erabili ahal izateko, ez lehenago gertatzen zen bezala, salbuespenak salbuespen,<br />
horietako asko euskal lurraldearen eremuan, eta, neurri handi batean, Mondragon Taldearen<br />
barruan, legezko mugek eta, kapitala eskuratzeko, eredu kooperatiboaren beraren zailtasunen<br />
eraginez, kooperatibak enpresa txikiak eratzeko erabili ohi ziren eta enpresa handiagoek<br />
sozietate kapitalisten moldearen arabera sortzen ziren.<br />
Euskadin indarrean dagoen Euskadiko Kooperatiben 11/2019 Legearen aurrekaririk<br />
hurbilena, 4/1993 Legea, 1/2000 eta 8/2006 legeek zati batean aldatutakoa, joera horri lotu<br />
zitzaion bide ugari eta askotarikoak erabiliz, eta berritzailea izan zen irtenbide horietako<br />
455
FINANTZA-KOOPERATIBAK<br />
batzuetan, bai eta sozietate-arloko beste alderdi batzuetan eta sozietate-organoetan ere, horiek<br />
guztiek 11/2019 Lege berriaren testuan baitiraute, eta, ahal den neurrian, euskal esparruan<br />
jarduten duten kreditu-kooperatiben mugei dagokienez.<br />
21.1.3. Kreditu-kooperatibei aplikagarri zaien legeria<br />
Hurrengo 21.1.4 atalean kreditu-kooperatiben araubide juridikoa arautzen duten iturrien<br />
lehentasun-hurrenkera berariaz eta xehetasunez aletzeari kalterik egin gabe, eta legeriaren<br />
hedadura eta konplexutasuna antzemate aldera, kreditu-kooperatibei aplikatu beharreko<br />
legeria nagusiaren zerrenda emango dugu, sei taldetan banatuta.<br />
I.- Kreditu-kooperatibei buruzko sozietate-araudi berezia:<br />
- 13/1989 Legea, maiatzaren 26koa, kreditu-kooperatibei buruzkoa.<br />
- 84/1993 Errege Dekretua, urtarrilaren 22koa, Kreditu Kooperatiben Erregelamendua<br />
onartzen duena.<br />
II.- Kreditu-erakundeei buruzko araudi orokorra:<br />
a) Antolamenduari, gainbegiratzeari eta kaudimenari buruzkoak, bai eta gobernu korporatiboari<br />
buruzkoak ere:<br />
- 10/2014 Legea, ekainaren 26koa, kreditu-erakundeen antolamendu, gainbegiraketa<br />
eta kaudimenari buruzkoa.<br />
- 84/2015 Errege Dekretua, otsailaren 13koa, aurreko legea garatzen duena.<br />
- 2/2016 Zirkularra, otsailaren 2koa, Espainiako Bankuarena, kreditu-erakundeentzat,<br />
gainbegiratzeari eta kaudimenari buruzkoa, Espainiako ordenamendu juridikoa<br />
2013/36/EB Zuzentaraura eta 575/2013 (EB) Erregelamendura egokitzeko prozesua<br />
osatzen duena.<br />
- 13/1994 Legea, ekainaren 1ekoa, Espainiako Bankuaren autonomiari buruzkoa.<br />
- 5/2005 Legea, apirilaren 22koa, finantza-multzoak ikuskatzeari buruzkoa eta<br />
finantza-sektoreko beste lege batzuk aldatzen dituena.<br />
- 1332/2005 Errege Dekretua, azaroaren 11koa, aurreko legea garatzen duena.<br />
- 2/2012 Errege Dekretua, otsailaren 3koa, finantza-sektorearen saneamenduari buruzkoa.<br />
- 14/2013 Errege Dekretua, azaroaren 29koa, Espainiako zuzenbidea Europar<br />
Batasunaren finantza-jardueren gainbegiratze eta kaudimenaren arloko araudira<br />
egokitzeko premiazko neurriei buruzkoa.<br />
- 22/2018 Errege Lege Dekretua, abenduaren 14koa, Makrozuhurtziazko tresnak<br />
ezartzen dituena.<br />
- 102/2019 Errege Dekretua, martxoaren 1ekoa, Finantza Egonkortasunerako<br />
Kontseiluaren Makrozuhurtziazko Agintaritza sortu eta haren araubide juridikoa<br />
ezartzen duena.<br />
b) Baliabide propioak:<br />
- 13/1992 Legea, ekainaren 1ekoa, finantza-erakundeen baliabide propioei eta oinarri<br />
finkatuko ikuskapenari buruzkoa.<br />
456
FINANTZA-KOOPERATIBAK<br />
- 216/2008 Errege Dekretua, otsailaren 15ekoa, finantza-erakundeen baliabide<br />
propioei buruzkoa.<br />
c) Gordailugileen bermea:<br />
- 2606/1996 Errege Dekretua, abenduaren 20koa, kreditu-erakundeen gordailuak<br />
bermatzeko funtsei buruzkoa (indarrean dago, 16/2011 Errege Lege Dekretuari<br />
aurka egiten ez dion guztiari dagokionez).<br />
- 16/2011 Errege Dekretua, urriaren 14koa, Kreditu Erakundeen Gordailuak<br />
Bermatzeko Funtsa sortzen duena.<br />
d) Hipoteka-kreditua eta kontsumo-kreditua:<br />
- 5/2019 Legea, martxoaren 15ekoa, higiezinen kreditu-kontratuak arautzen dituena.<br />
2014/17/EB Zuzentarauaren transposizioa.<br />
- EHA/2899/2011 Agindua, urriaren 28koa, banku-zerbitzuen gardentasunari eta<br />
bezeroaren babesari buruzkoa.<br />
- 5/2012 Zirkularra, ekainaren 27koa, Espainiako Bankuarena, kreditu-erakundeei<br />
eta ordainketa-zerbitzuen hornitzaileentzat, banku-zerbitzuen gardentasunari eta<br />
maileguak emateko erantzukizunari buruzkoa.<br />
- 16/2011 Legea, ekainaren 24koa, kontsumorako kreditu-kontratuei buruzkoa.<br />
- 2/1994 Legea, martxoaren 30ekoa. Hipoteka-maileguen subrogazioa eta aldaketa.<br />
- 1/2017 Errege Lege Dekretua, urtarrilaren 20koa, kontsumitzaileak zoru-klausulen<br />
arloan babesteko premiazko neurriei buruzkoa.<br />
- 536/2017 Errege Dekretua, maiatzaren 26koa, urtarrilaren 20ko 1/2017 Errege Lege<br />
Dekretuan araututako Jarraipen, Kontrol eta Ebaluazio Batzordea sortu eta arautzen<br />
duena (1/2017 Errege Lege Dekretua, urtarrilaren 20koa, kontsumitzaileak zoruklausulen<br />
arloan babesteko premiazko neurriei buruzkoa), eta urriaren 2ko 877/2015<br />
Errege Dekretuaren 6. artikulua aldatzen duena (abenduaren 27ko 26/2013 Legea,<br />
aurrezki-kutxena eta banku-fundazioena, garatzen duena).<br />
- 2/2009 Legea, martxoaren 31koa, kontsumitzaileekiko hipoteka-maileguak edo<br />
-kredituak eta mailegu- edo kreditu-kontratuak egiteko bitartekaritza-zerbitzuak<br />
kontratatzea arautzen duena.<br />
- 41/2007 Legea, abenduaren 7koa, Hipoteka Merkatua arautzen duen martxoaren<br />
25eko 2/1981 Legea eta hipoteka- eta finantza-sistemaren beste arau batzuk aldatzen<br />
dituena, alderantzizko hipotekak eta mendekotasun-asegurua arautzen dituena eta<br />
tributu-arau jakin bat ezartzen duena.<br />
e) Hipoteka-zordunen babesa:<br />
- 6/2012 Errege Lege Dekretua, martxoaren 9koa, baliabiderik gabeko hipotekazordunak<br />
babesteko premiazko neurriei buruzkoa.<br />
- 1/2013 Legea, maiatzaren 14koa, hipoteka-zordunak babesteko, zorra berregituratzeko<br />
eta alokairu soziala indartzeko neurriei buruzkoa.<br />
- 25/2015 Legea, uztailaren 28koa, bigarren aukerako mekanismoarena, finantzakarga<br />
murriztekoa eta gizarte-arloko beste neurri batzuei buruzkoa.<br />
457
FINANTZA-KOOPERATIBAK<br />
f) Gardentasuna eta bezeroaren babesa:<br />
- 1/2007 Legegintzako Errege Dekretua, azaroaren 16koa, Kontsumitzaileen eta<br />
Erabiltzaileen Defentsarako Lege Orokorraren eta beste lege osagarri batzuen testu<br />
bategina onartzen duena.<br />
- EHA/2899/2011 Agindua, urriaren 28koa, banku-zerbitzuen gardentasunari eta<br />
bezeroaren babesari buruzkoa.<br />
- 5/2012 Zirkularra, ekainaren 27koa, Espainiako Bankuarena, kreditu-erakunde<br />
eta ordainketa-zerbitzuen hornitzaileentzat, banku-zerbitzuen gardentasunari eta<br />
maileguak emateko erantzukizunari buruzkoa (BOE, uztailaren 6koa) (hutsen<br />
zuzenketa, BOE, urriaren 11koa).<br />
- 22/2007 Legea, uztailaren 11koa, kontsumitzaileentzako finantza-zerbitzuak urrutitik<br />
merkaturatzeari buruzkoa.<br />
g) Ordainketa-zerbitzuak eta txekeak:<br />
- 19/2018 Errege Lege Dekretua, azaroaren 23koa, ordainketa-zerbitzuena eta<br />
finantza-arloko beste premiazko neurri batzuena. Barne-merkatuko ordainketazerbitzuei<br />
buruzko Europako Parlamentuaren eta Kontseiluaren 2015eko azaroaren<br />
25eko 2015/2366 (EB) Zuzentarauaren transposizioa egin zuen.<br />
- ECE/1263/2019 Agindua, abenduaren 26koa, ordainketa-zerbitzuei aplikatu<br />
beharreko informazio-baldintzen eta -betekizunen gardentasunari buruzkoa eta<br />
martxoaren 11ko ECO/734/2004 Agindua, finantza-erakundeetako bezeroaren<br />
arretarako eta defentsarako sail eta zerbitzuei buruzkoa, eta urriaren 28ko<br />
EHA/2899/2011 Agindua, banku-zerbitzuen gardentasunari eta bezeroaren babesari<br />
buruzkoa, aldatzen dituena.<br />
- 19/2017 Errege Lege Dekretua, azaroaren 24koa, oinarrizko ordainketa-kontuena,<br />
ordainketa-kontuen lekualdaketarena eta komisioen konparagarritasunarena.<br />
Europako Parlamentuaren eta Kontseiluaren 2014ko uztailaren 23ko 2014/92/EB<br />
Zuzentarauaren transposizioa, zati batean, egin zuen.<br />
- ECE/228/2019 Agindua, otsailaren 28koa, oinarrizko ordainketa-kontuei, ordainketakontuak<br />
lekualdatzeko prozedurari eta konparaziorako webguneen eskakizunei<br />
buruzkoa.<br />
- 164/2019 Errege Dekretua, martxoaren 22koa, kalteberatasun-egoeran edo finantzabazterkeria<br />
jasateko arriskuan dauden pertsonen onurarako oinarrizko ordainketakontuen<br />
doako araubidea ezartzen duena.<br />
- 19/1985 Legea, uztailaren 16koa, Aldaketari eta txekeari buruzkoa.<br />
- 11/2015 Errege Lege Dekretua, urriaren 2koa, kutxazain automatikoetan dirua<br />
ateratzeagatiko komisioak arautzekoa.<br />
- 2/2019 Zirkularra, martxoaren 29koa, Espainiako Bankuarena, Batzordeen<br />
eta Batzordeen Estatuaren informazio-dokumentuaren eta ordainketa-kontuak<br />
alderatzeko webguneen betekizunei buruzkoa, eta kreditu-erakundeei eta ordainketazerbitzuen<br />
hornitzaileei zuzendutako ekainaren 27ko 5/2012 Zirkularra aldatzen<br />
duena, banku-zerbitzuen gardentasunari eta maileguak emateko erantzukizunari<br />
buruzkoa.<br />
458
FINANTZA-KOOPERATIBAK<br />
- 736/2019 Errege Dekretua, abenduaren 20koa, ordainketa-zerbitzuen eta ordainketaerakundeen<br />
araubide juridikoarena, eta honako hauek aldatzen dituena: 778/2012<br />
Errege Dekretua, maiatzaren 4koa, diru elektronikoko erakundeen araubide<br />
juridikoarena, eta 84/2015 Errege Dekretua, otsailaren 13koa, kreditu-erakundeen<br />
antolamendu, gainbegiraketa eta kaudimenari buruzko ekainaren 26ko 10/2014<br />
Legea garatzen duena.<br />
h) Banku-zerbitzu eta -produktuen publizitatea:<br />
- EHA/1718/2010 Agindua, ekainaren 11koa, banku-zerbitzu eta -produktuen<br />
publizitatea arautu eta kontrolatzekoa.<br />
- 4/2020 Zirkularra, ekainaren 26koa, Espainiako Bankuarena, banku-produktu eta<br />
-zerbitzuen publizitateari buruzkoa.<br />
- ECC/2316/2015 Agindua, azaroaren 4koa, finantza-produktuen informazio- eta<br />
sailkapen-betebeharrei buruzkoa.<br />
i) Finantza-produktuak/inbertsioa:<br />
- MiFID: finantza-tresnen merkatuei buruzko Europako Zuzentaraua. 2004/39/<br />
EE Zuzentaraua eta 2006/73/EE Zuzentaraua, 2007ko azaroaren 1ean indarrean<br />
sartu zenetik zuzenean aplikatu beharreko 1287/20065 (EE) Erregelamenduarekin<br />
batera, MIFID araudia da. Espainian, Balore Merkatuari buruzko uztailaren 28ko<br />
24/1988 Legea aldatzen duen azaroaren 19ko 47/2007 Legearen transposizioa egin<br />
zen.<br />
- MiFID II (Markets in Financial Instruments Directive II): 2014/65/EU Zuzentaraua,<br />
finantza-tresnen merkatuei buruzkoa. Europar Batasunaren zuzentaraua, MIFIDekin<br />
ezarritako finantza-tresnen merkatuetan inbertitzailearen gardentasun- eta babesesparrua<br />
eguneratzen duena. 2018ko urtarrilaren 3an hasi zen indarrean. Espainiako<br />
zuzenbidea balore-merkatuaren arloan Europar Batasunaren araudira egokitzeko<br />
premiazko neurriei buruzko abenduaren 29ko 21/2017 Errege Lege Dekretuaren<br />
bidez txertatua.<br />
j) Erreklamazioak:<br />
- 7/2017 Legea, azaroaren 2koa, kontsumoaren arloko auzien ebazpen alternatiboari<br />
buruzko Europako Parlamentuaren eta Kontseiluaren 2013ko maiatzaren 21eko<br />
2013/11/EB Zuzentaraua Espainiako ordenamendu juridikoan txertatzen duena.<br />
- 44/2002 Legea, azaroaren 22koa, finantza-sistema erreformatzeko neurriei buruzkoa.<br />
- ECC/2502/2012 Agindua, azaroaren 16koa, Espainiako Bankuaren, Balore<br />
Merkatuaren Batzorde Nazionalaren eta Aseguruen eta Pentsio Funtsen Zuzendaritza<br />
Nagusiaren erreklamazio-zerbitzuetan erreklamazioak aurkezteko prozedura<br />
arautzen duena.<br />
- ECO/734/2004 Agindua, martxoaren 11koa, finantza-erakundeetako bezeroen<br />
arretarako sail eta zerbitzuei eta bezeroaren defendatzaileari buruzkoa.<br />
Kreditu-erakundeei buruzko araudi osoari Europako Banku Agintaritzaren (European<br />
Banking Authority – EBA) gidak gehitu behar zaizkio, interes handikoak baitira. Izan ere,<br />
gai ugari arautzen dituzte, baita gobernu korporatibo onari buruzkoak ere, eta, batez ere,<br />
kotizatutako sozietate anonimoak diren erakundeentzat izan arren, kreditu-erakunde guztiei<br />
aplikatzen zaizkie, neurri handi batean, “interes publikoko erakundeak” direlako.<br />
459
FINANTZA-KOOPERATIBAK<br />
III.- Kooperatibei buruzko sozietate-arauak, oro har:<br />
- Autonomia Erkidegoko kooperatiben kasuan, dagokion autonomia-kooperatiben<br />
legea, Euskadiko Autonomia Erkidegoaren eremuan, iruzkin honetan aipatutako<br />
Euskadiko Kooperatiben abenduaren 20ko 11/2019 Legea.<br />
- Eta autonomiaz gaindiko kooperatibentzat, Kooperatibei buruzko uztailaren 16ko<br />
27/1999 Legea, autonomikoen osagarri ere izan daitekeena, hala badagokio, haien<br />
arau-hutsuneak osatzeko.<br />
IV.- Hainbat helburutako araudia:<br />
- 10/2010 Legea, apirilaren 28koa, kapitalak zuritzeari eta terrorismoa finantzatzeari<br />
aurrea hartzeari buruzkoa. Europako Parlamentuaren eta Kontseiluaren 2005eko<br />
urriaren 26ko 2005/60/EE Zuzentarauaren transposizioa, kapitalak zuritzeko eta<br />
terrorismoa finantzatzeko finantza-sistemaren erabilera prebenitzeari buruzkoa.<br />
- 6/2013 Errege Lege Dekretua, martxoaren 22koa, zenbait aurrezki- eta inbertsioprodukturen<br />
titularrak babesteari eta beste finantza-neurri batzuei buruzkoa.<br />
- 5/2015 Legea, apirilaren 27koa, enpresa-finantzaketa sustatzekoa.<br />
- 3/2018 Lege Organikoa, abenduaren 5ekoa, Datu Pertsonalak Babesteari eta<br />
Eskubide digitalak Bermatzeari buruzkoa, 2016ko apirilaren 14an onartutako<br />
Datuak Babesteko Erregelamendu Orokorrak (DBEO) definitutako europar narratiba<br />
Espainiako legeriara egokitu zuena.<br />
- Besteren konturako langileei dagokienez, lan-araubideari buruzkoak, Langileen<br />
Estatutua berezia da, eta arloari dagokion Kreditu Sozietate Kooperatiboen<br />
Hitzarmen Kolektiboa.<br />
V.- Zerga-arauak:<br />
- 20/1990 Legea, abenduaren 19koa, Kooperatiben Zerga Araubideari buruzkoa; eta<br />
1345/1992 Errege Dekretua, azaroaren 6koa, Kooperatiba Taldeentzako mozkin<br />
finkatuaren gaineko tributazioa arautzen duten xedapenak onartzen dituena.<br />
- 2/1997 Foru Araua, maiatzaren 22koa, Gipuzkoako Kooperatiben Zerga Araubideari<br />
buruzkoa.<br />
- 16/1997 Foru Araua, ekainaren 9koa, Arabako Kooperatiben Zerga Araubideari<br />
buruzkoa.<br />
- 6/2018 Foru Araua, abenduaren 12koa, Bizkaiko Kooperatiben Zerga Araubideari<br />
buruzkoa.<br />
VI.- Erregistro-arauak:<br />
- 59/2005 Dekretua, martxoaren 29koa, Euskadiko Kooperatiben Erregistroaren<br />
antolaketa eta funtzionamenduaren Erregelamendua onartzen duena.<br />
- 136/2002 Errege Dekretua, otsailaren 1ekoa, Estatuko Kooperatiba Sozietateen<br />
Erregistroaren Erregelamendua onartzen duena.<br />
- 1784/1996 Errege Dekretua, uztailaren 19koa, Merkataritza Erregistroaren<br />
Erregelamendua onartzen duena. Gai honen ondoko atal batean aztertuko da gaia,<br />
berariazkoa baita finantza-kooperatibentzat.<br />
460
FINANTZA-KOOPERATIBAK<br />
21.1.4. Garrantzi handiko alderdiak kreditu-kooperatiben araugintza-esparruan.<br />
a) Kreditu-kooperatiben araubide juridikoa. Eskumenen banaketa eta mugaketa<br />
berezia.<br />
• Sarrera.<br />
Atal honen sarrera gisa, argigarria da Kreditu Kooperatibei buruzko maiatzaren 26ko<br />
13/1989 Legeak dakarren zioen azalpena. Hona hemen:<br />
“Jakina denez, estatuko legeriak zuzenbide osagarriaren izaera baino ez dauka<br />
kooperatiben arloan legegintza-eskumen osoa duten autonomia-erkidegoetako<br />
araudiaren aldean. Arau orokor ñabartu egin behar da, kreditu-kooperatibei dagokienez,<br />
ekainaren 28ko 1298/1986 Legegintzako Errege Dekretuak, kreditu-establezimenduen<br />
arloko legezko arauak Europako Ekonomia Erkidegoaren ordenamendu juridikora<br />
egokitzen dituenak, Espainiako Bankuaren Erregistro Berezian inskribatutako kreditukooperatibei<br />
kreditu-erakundearen izaera ematen dielako, banku pribatuei, aurrezkikutxei<br />
edo kreditu-erakunde ofizialei ematen dien moduan.<br />
Nabardura horiek egin dira Konstituzioaren 149.1 artikuluaren hamaikagarren<br />
paragrafoak estatuari ezarri diolako kredituaren eta bankuaren antolamenduaren<br />
oinarriak finkatzeko eskumen esklusiboa”.<br />
Kooperatibetan, eta batez ere, kreditu-kooperatibetan, eskumen-titulu ugari daude, eta<br />
horiek modu abstraktuan mugatzea zaila da, elkarren arteko gurutzaketa handia baita.<br />
Kreditu-kooperatibak, hasiera batean, kooperatiben mota erkidean sailka daitezkeenak,<br />
kreditu-jardueraren ziozko espezialitatea dela eta, kreditu-erakundeekin parekatu dira eta<br />
alor horretan txertatu dira; beraz, autonomia-erkidegoek kooperatiben arloan duten eskumen<br />
esklusiboak errespetatu egin behar du estatuak kredituaren ordenamenduaren oinarriak<br />
finkatzeko duen eskumen esklusiboa. Eta alderantziz. Azken batean, araugintza-eskumenak<br />
eta ikuskatze-eskumenak dituzten botere publikoek eskumen-banaketari men egin behar<br />
diote kreditu-kooperatiben araubide juridikoa ezartzerakoan.<br />
Gai horri buruzko doktrina konstituzionala ugaria da, eta horri lotuko gatzaizkio,<br />
Konstituzio Auzitegiaren honako epai hauek bereziki aipatuko ditugula: 155/1993 Epaia,<br />
maiatzaren 6koa; 204/1993 Epaia, ekainaren 17koa; 134/1992 Epaia, urriaren 5ekoa; 44/1984<br />
Epaia, martxoaren 27koa; 165/1985 Epaia, abenduaren 5ekoa; 96/1996 Epaia, maiatzaren<br />
30ekoa; 235/1999 Epaia, abenduaren 16koa; 275/2000ko Epaia, arazoaren 16koa; eta, oso<br />
modu berezian, 291/2005 Epaia, azaroaren 10ekoa. Azken horretan, arrazoibide juridikoetan<br />
ageri diren argudio batzuk azpimarratuko ditugu, kreditu-kooperatiben araubide juridikoari<br />
buruz berariaz jarduten dutelako.<br />
“Epaiketaren aurretiazko baldintza gisa, azaldutako konstituzio-doktrinak kreditukooperatiben<br />
izaera bikoitza dela egiaztatzeko aukera ematen digu: alde batetik, kredituerakundeak<br />
dira, ekainaren 28ko 1298/1986 Legegintzako Errege Dekretuak, kredituerakundeen<br />
arloan indarrean dagoen zuzenbidea Europako Erkidegokora egokitzeari<br />
buruzkoak (LBK 1986, 2109), 1.2 d) artikuluan dioenari jarraiki, eta, bestetik,<br />
kooperatiba-sozietateak dira, maiatzaren 26ko 13/1989 Legeak, kreditu-kooperatibei<br />
buruzkoak (LBK 1989, 1205), 1. artikuluan esaten denari jarraiki. Izaera bikoitz hori<br />
halako erakundeen araubide juridikoa xedatzen duen iturri-sisteman islatzen da.<br />
461
FINANTZA-KOOPERATIBAK<br />
Estatuko legegileak, oinarrizko izaeraz, araubide juridiko hori zehaztu du 13/1989<br />
Legearen 2. artikuluan”. (4. oinarri juridikoa).<br />
“Kasu horretan, gogoratu behar dugu, hain zuzen ere, aurkaratutako tartekian,<br />
estatuak kreditu-kooperatibei buruzko 13/1989 Legearen (LBK 1989, 1205) 2. artikuluan<br />
ezarritako kreditu-kooperatiben araubide juridiko berdina jasotzen eta mugatzen duen<br />
iturrien lehentasun-sistema dakarren lege-agindu bat epaitzen ari garela, eta manu hori<br />
eman zela Espainiako Konstituzioaren (LBK 1978, 2836) 149.1.11 artikuluak estatuari<br />
esleitzen dion eskumena baliatuz, eta Konstituzio Auzitegiaren 155/1993 Epaiak,<br />
maiatzaren 6koak (LBK 1993, 155), oinarrizko izaera hori berretsi zuela (5. oinarri<br />
juridikoa).<br />
“Kredituaren eta bankuen antolamenduari buruzko oinarrizko eskumenaren gaineko<br />
aipamen zehatza egiten denez, hasieran bertan zehaztu dugu arlo honetako oinarriek<br />
barne hauexek aintzat hartzen dituztela: “egitura, barne-antolaketa era finantzabitartekarien<br />
funtzioak erregulatzen dituzten arauak, bai bitartekari horien jardueraren<br />
funtsezko alderdiak erregulatzen dituztenak ere” (1/1982 KAE, urtarrilaren 28koa, 3.<br />
OJ; 235/1999 KAEk, maiatzaren 6koak (KAEb 1999, 235, 3. OJ) berretsitakoa)” (6.<br />
oinarri juridikoa).<br />
“Araubide juridiko hori arautzen duten iturrien lehentasunaren definizioa<br />
oinarrizkotzat jo da kreditu-kooperatiben arloan, EKren 149.1.11 artikuluak estatuari<br />
esleitutako eskumenaren babesean eman baita, eta, beraz, orain ondoriozta dezakegu<br />
beste lege-testu batean ageri eta zedarriztatzen bada, izaera berdina izan behar duela”<br />
(6. oinarri juridikoa).<br />
Kreditu-kooperatiben araubide juridikoa arautzen duen iturrien sistemaren oinarrizko<br />
izaera inolako zalantzarik gabe ezartzen duen aurreko azterketa orokorragoaren ondoren,<br />
haren lurralde-mugaketari ekingo diogu; izan ere, hainbat lurralde-eremutan aplika<br />
daitezkeen arauak daudenez, funtsezkoa da jakitea zer arau eta zer-nolako lehentasunez<br />
aplika dakiokeen erakunde jakin bakoitzari, segurtasun juridikoa osoa izan dezagun.<br />
• Autuari aplika dakizkiokeen lege-aginduak.<br />
- Arestian aipatu dugun Kreditu-kooperatibei buruzko maiatzaren 26ko 13/1989<br />
Legearen bigarren artikulua:<br />
“Bigarren artikulua. Araubide juridikoa.<br />
Kreditu-kooperatibak lege honen eta bere garapen-arauen arabera arautuko dira, azken<br />
horiei dagokienez, autonomia-erkidegoek arlo horretan esleituta dituzten eskumenak<br />
baliatzean onartzen dituzten xedapenei kalterik egin gabe. Kreditu-erakundeen jarduera oro<br />
har arautzen duten arauak ere aplikatuko zaizkie. Kooperatibei buruzko legeria aplikatuko<br />
zaie osagarri gisa”.<br />
- Kooperatibei buruzko uztailaren 16ko 27/1999 Legearen 2. eta 104. artikuluak:<br />
“2. artikulua. Aplikazio-eremua. – Lege hau honako hauei aplikatuko zaie:<br />
A) Beren kooperatiba-jarduera hainbat autonomia-erkidegotako lurraldean garatzen<br />
duten kooperatiba-sozietateei, horietako batean nagusiki garatzen denean izan ezik”.<br />
462
FINANTZA-KOOPERATIBAK<br />
104. artikulua. Araudi aplikagarria.- Kreditu-kooperatibak beren lege espezifikoaren<br />
eta garapen-arauen arabera arautuko dira.<br />
Era berean, kreditu-erakundeen jarduera oro har arautzen duten arauak aplikatuko<br />
zaizkie, eta, osagarri gisa, Kooperatibei buruzko Lege hau, baldin eta beren<br />
berariazko legearen arabera estatutuetan aitortutako jarduera-eremua autonomiaz<br />
gaindikoa edo estatukoa bada, eta, betiere, jarduera kooperatibizatua aipatutako<br />
eremuan benetan egiten badute”. (Zerga, Administrazio eta Gizarte Arloko Neurriei<br />
buruzko abenduaren 29ko 55/1999 Legearen 5. artikuluak egindako aldaketaren<br />
ondoko egungo idazketa).<br />
“104. artikulua. Araudi aplikagarria.- Kreditu-kooperatibak beren lege espezifikoaren<br />
eta garapen-arauen arabera arautuko dira.<br />
Era berean, kreditu-erakundeen jarduera oro har arautzen duten arauak aplikatuko<br />
zaizkie, eta, osagarri gisa, Kooperatiben Legea” (27/1999 Legearen jatorrizko<br />
idazketa).<br />
- Euskadiko Kooperatibei buruzko abenduaren 20ko 11/2019 Legearen azken<br />
xedapenetako lehenengoa:<br />
Aplikazio-eremua.<br />
Sozietate kooperatibo guztiei aplikatuko zaie lege hau, baldin eta Euskal Autonomia<br />
Erkidegoan badute sozietatearen egoitza eta batez ere lurralde horretan betetzen badute<br />
beren kooperatiba-jarduera Kooperatiben uztailaren 16ko 27/1999 Legearen 2.A) artikuluan<br />
aurreikusitakoaren arabera.<br />
- Otsailaren 1eko 136/2002 Errege Dekretuak, Estatuko Kooperatiba Sozietateen<br />
Erregistroaren Erregelamenduak, 2.1 artikuluan, jardueraren irizpide nagusia jaso<br />
du, haren aplikazio-eremua mugatzeko.<br />
- Era berean, Euskadiko Kooperatiben Erregistroaren Erregelamenduaren 2.1<br />
artikuluak (martxoaren 29ko 59/2005 Dekretua) jardueraren irizpide nagusia darabil<br />
aplikazio-eremua mugatzeko.<br />
• Doktrinaren abiaburuak eta horietatik eratorritako ondorioak.<br />
Atal honetan mahairatu den gai eztabaidagarria dugu Kreditu-kooperatibei buruzko 13/1989<br />
Legearen bigarren artikuluaren azken tartekiak adierazten duen “Kooperatiben legeria”<br />
(oinarrizko izaera eta lege berezia mota horretako kooperatibentzat) estatuko Kooperatibei<br />
buruzko 27/1999 Legearen 2. artikuluan agindutakoaren arabera zehaztu den edo, bestela,<br />
lege beraren 104. artikuluan ezarritakoaren arabera (egungo idazketari jarraiki) zehaztu den;<br />
artikuluok ez baitatoz bat: 2. artikuluak estatuko legea aplikatzea aldezten du kooperatibek<br />
autonomia-erkidego batean beren jarduera nagusia bakarrik gauzatzen ez dutenean; eta 104.<br />
artikuluak, berriz, badio estatuko legea aplikatuko dela kooperatiba-jarduera autonomiaerkidego<br />
batetik kanpo gauzatzen denean, modu eraginkorrean, jarduera txiki-txikia izanda ere.<br />
Edo, bestela esanda, desadostasuna honetan oinarritzen da: kooperatiben estatuko legeria<br />
orokorra aplikatzeko, kreditu-kooperatibak bere autonomia-erkidegotik kanpo gutxieneko<br />
jarduera eraginkorra egitea nahikoa den, ala beharrezkoa ote den jarduera nagusiki lurralde<br />
horretatik kanpo garatzea.<br />
463
FINANTZA-KOOPERATIBAK<br />
Eta funtsezko kontua da:<br />
- Izan ere, auziaren ebazpenari lotuko zaio lege osagarria bata edo bestea izatea, eta<br />
horien ondorioak zeharo desberdinak dira.<br />
- Araubide juridikoa estatuaren oinarrizko eskumena izanik, kreditu-kooperatibak<br />
arautzen dituen lege berezi autonomiko batek ere ezingo lukeelako beste modu<br />
batean xedatu.<br />
Eta alde hori Espainiako estatuko kreditu-kooperatiba ia guztietara heda daiteke; bada,<br />
horietako asko jatorrizko autonomia-erkidegotik kanpo eta sozietatearen egoitza dagoen<br />
tokitik kanpora hedatu badira ere, segurutik, guztiek (edo ia guztiek), oso lekututa daudelako<br />
eta orain dela gutxi hedatu direlako, jarduera nagusiki jatorrizko autonomia-erkidegoan<br />
garatzen jarraituko dute.<br />
Azken batean, emaitza hauxe da: 104. artikuluko irizpidea erabiliz, kreditu-kooperatiba<br />
askori (negozio-bolumenagatik ikuspegi ekonomikotik garrantzitsuenak direnak) estatuko<br />
legea aplikagarri zaiela; eta 2. artikulukoa erabiliz, ia kooperatiba bakar bati ere ez litzaiokeela<br />
aplikatu beharko, eta bai, ordea, egoitza edo jatorria duten autonomia-erkidegoko legea.<br />
Zer irizpide jasotzen ari dira autonomia-erkidegoak bertako lege zehatzetan? Jakina denez,<br />
erkidegoen eskumen-esparrua eta garrantzi instituzionala handitzeko asmo legitimoaren<br />
baitan, estatuko legearen 2. artikuluak dakarren irizpidea aldezten ari dira, eta eskumena<br />
aldarrikatzen dute jarduera kooperatibizatua nagusiki autonomia-erkidegoaren barruan<br />
garatzen denean.<br />
Hala, Euskadiko Kooperatiben Lege zaharraren azken xedapenetako bigarrenak, 1993ko<br />
jatorrizko idazketan, 27/1999 Estatuko Legea onartu ondoren benetan egindako jarduerari<br />
buruz ziharduenak, 2000. urteko erreformaren ostean izaera nagusiaren irizpidea hartu<br />
zuen, hau da, Euskadiko Kooperatibei buruzko 11/2019 Lege berriaren azken xedapenetako<br />
lehenengoak jarraitzen duena.<br />
Aurrekoa esanda, azter ditzagun berriro ere dauden bi jarrerak:<br />
1.- Lurraldearen zedarriztapenaren irizpidea da Kooperatibei buruzko uztailaren 16ko<br />
27/1999 Legearen 2. artikuluak jasotakoa, eta autonomia-erkidegoetako kooperatiben<br />
zenbait legek partekatu dute, hala nola Euskadiko Kooperatiben 11/2019 Legearen<br />
azken xedapenetako lehenengoak: jarduera izaera nagusiz garatzea.<br />
2.- Irizpide hori baliatuz gero, 27/1999 Legearen 104. artikulua urratzen da, Kreditu<br />
Kooperatibei buruzko maiatzaren 26ko 13/1989 Legearen 2. Artikuluari dagokionez;<br />
izan ere, 27/1999 Legearen 2. artikuluko irizpidea manu horietatik kanpo geratzen<br />
da: jarduera modu eraginkorrean garatzea, nahiz eta nagusia ez izan.<br />
Hau da, 27/1999 Legearen 104. artikuluak ezarritako irizpideak aplikatu behar zaizkio,<br />
lehentasunez, lege-testu beraren 2. artikuluari; izan ere, lehenengoak (13/1989 Legearen 2.<br />
artikuluarekin lotuta) berariazkoak dira kreditu-kooperatibentzat, eta horregatik nagusitu<br />
behar dira.<br />
Gainera, oinarrizko izaera dutenez, nagusitu egin behar dira, nahiz eta autonomiaerkidegoetako<br />
kooperatiba-legeek jarduera nagusiaren irizpidea aukeratu.<br />
464
FINANTZA-KOOPERATIBAK<br />
• Eta zein da Konstituzio Auzitegiak gaiari buruz duen doktrina?<br />
Zerga, Administrazio eta Gizarte Arloko Neurriei buruzko abenduaren 28ko 55/1999 Legeak<br />
104. artikulua erreformatu arteko aurrekariak aztertuko ditugu, Konstituzio Auzitegiaren<br />
doktrina nabarmenduta. Doktrina hori martxoaren 27ko 44/1984 eta maiatzaren 6ko 155/1993<br />
epaietan jasota dago, eta aipatutako lege-erreformaren ondoren, azaroaren 10eko 291/2005<br />
Epaian, lehen aipatutako 104. artikulua berariaz jorratzen duena.<br />
Lege- eta jurisprudentzia-aurrekariak<br />
Kooperatibei buruzko uztailaren 16ko 27/1999 Legeak indargabetu egin zuen Kooperatiben<br />
aurreko Lege Orokorra (apirilaren 2ko 3/1987 Legea), eta aldaketa garrantzitsuak ekarri<br />
zituen aurreko lege-araubidearen aldean, bereziki, estatuaren eta autonomia-erkidegoen<br />
arteko eskumen-banaketaren antolamendu berria.<br />
Aurreko irizpidearen aurrean, hau da, autonomia-erkidego baten lurraldez gaindiko eremua<br />
zuten kreditu-kooperatibak estatuko legeari lotu beharrean, haien estatuko lurraldearen<br />
barruan sozietate-egoitza edozein izanik ere (1987ko Legearen 16.3 c) artikuluak kooperatiba<br />
horiek Estatuko Administrazio Zentraleko Kooperatiben Erregistroko Atal Nagusian<br />
inskribatzeko beharra ezarri zuen), 27/1999 Legearen 2. artikuluak arau orokor gisa ezarri<br />
zuen kooperatibentzat estatuko legeak aplikatuko zitzaiela jarduera kooperatibizatua hainbat<br />
autonomia-erkidegoren lurraldean garatzen zuten sozietateei, jarduera nagusiki autonomiaerkidego<br />
batean garatzen bazen izan ezik.<br />
Nagusitasunaren salbuespena (hau da, kooperatiba-jarduera nagusiki autonomia-erkidego<br />
batean garatzea) hain da orokorra, ezen, benetan, kooperatiben estatuko legea ez aplikatzea<br />
ekarri zuen, lege autonomikoen mesedetan.<br />
Legegintza-joera berriari jarraituz, Kooperatiben 27/1999 Legearen 104. artikuluak honako<br />
hau ezarri zuen kreditu-kooperatibentzat:<br />
“Kreditu-kooperatibak euren lege espezifikoaren eta garapen-arauen arabera<br />
arautuko dira.<br />
Era berean, kreditu-erakundeen jarduera oro har arautzen duten arauak aplikatuko<br />
zaizkie, Kooperatiben Legearen osagarri gisa”.<br />
Legearen beraren 2. artikuluaren arabera interpretatuta, manu horrek “Kooperatiben Legea”<br />
eta “Kooperatiben Lege autonomikoa” identifikatzera behartzen zuen, eta gertaera horrek<br />
kreditu-kooperatiben segurtasunik eza eragin zuen, kreditu-kooperatiben erregelamendua<br />
onartzen duen urtarrilaren 22ko 84/1993 Errege Dekretuak honako hau ezarrita baitauka 7.1<br />
artikuluan, kooperatiben erregistro eskuduna finkatzean:<br />
“Aurreko artikuluan aurreikusitako ondorioetarako, Kooperatiben Estatuko<br />
Erregistroan inskribatu beharko dira ohiko jarduera-eremu arrunta, kooperatibizatua<br />
izan ala ez, autonomia-erkidego baten lurraldetik gorakoa duten sozietateak, egoitza<br />
soziala edozein udalerritan dutela ere. Autonomia-erkidegoei dagokie dagokion<br />
erkidegoaren eremua gainditzen ez duten erakundeak inskribatzea”.<br />
Konstituzio Auzitegiak, kooperatiben arloan, estatuaren eta autonomia-erkidegoen arteko<br />
eskumen-banaketari dagokionez, honako hau adierazi zuen martxoaren 22ko 44/1984 Epaian:<br />
“Era berean, kooperatiben arloko antolamendua estatuari era esklusiboan gorde ez<br />
zaionez, eskumena bere gain hartu duen autonomia-erkidegoari dagokio kooperatibek<br />
465
FINANTZA-KOOPERATIBAK<br />
beren lurraldean egin ohi dituzten eragiketak antolatzea, antolamendu horrek<br />
kooperatibatik kanpo egiten diren eragiketa instrumentalak babesteari kalterik egin<br />
gabe (1983ko uztailaren 29ko epaia); harago ez litzateke konstituzionala izango”.<br />
Horiek horrela, Konstituzio Auzitegiak adierazi zuen kooperatiben gaineko eskumen<br />
autonomikoa hedatu eta mugatu egin behar zela “sozietatearen jarduera kooperatibizatua<br />
edo bazkideekin barne-jarduera ” izenekoaren erregulazioan, baldin eta jarduera hori<br />
koopertaibaren lurraldearen barruan egiten bazen; izan ere, harreman kooperatibo horiek<br />
arautzeko eskumen autonomikoa ezin zen lurraldez kanpo hedatu autonomia-estatutuetan<br />
mugatutako eskumen-eremutik harago.<br />
Horixe izan zen kooperatibak arautzeko eskumen-banaketaren irtenbidea, ez bakarrik<br />
estatuaren eta autonomia-erkidegoen arteko eskumenak mugatzeko, bai eta autonomiaerkidegoen<br />
arteko eskumenak mugatzeko ere.<br />
Horren guztiaren ondorioz, kooperatiba-sozietate jakin baten estatutuetan araututako<br />
lurralde-eremua kooperatibei buruzko legeria berezkoa zuen autonomia-erkidego baten<br />
lurraldea baino handiagoa zenean, hura arautzeko eskumena estatuko legeari zegokion,<br />
kooperatiba horrek ohiko jarduera arrunta egin zezakeelako, bazkideekin eta hirugarrenekin,<br />
autonomia-erkidego bakoitzak legeak egiteko eskumena zueneko lurralde-eremutik kanpo.<br />
Hala adierazi zuen aipatutako 44/1984 KAEk, eta epai horren edukia oso jakingarria da,<br />
kreditu-kooperatibei buruzkoa baita berariaz, hauxe ebatzi zuela:<br />
“Horrenbestez, Euskal Autonomia Erkidegorako Autonomia Estatutuan ezarritako<br />
lurralde-mugen gainetik dagoen kooperatibaren jarduera-eremua zabaltzeak kreditusozietate<br />
kooperatiboaren jarduera ohikoari eragiten dio; izan ere, harreman juridikofinantzario<br />
egonkorrak ezartzea baitakar sozietate-egoitza eta jarduera-eremua beste<br />
autonomia-erkidego bati dagozkion bazkideekin, autonomia-erkidego horretan bulego<br />
berriak irekitzeko aukera sortuta… ez dira, beraz, Euskal Autonomia Erkidegoaren<br />
barruan egiten diren jarduera juridikoen ziozko ondorio soilak, ez eta hirugarrenekiko<br />
harreman juridikoak edo haiekin gauzatzen diren izaera instrumentaleko jarduerak ere,<br />
lurraldez kanpoko dimentsioa funtsezkoa baita kooperatiba-erakundearen egituran”. (2.<br />
oinarri juridikoa).<br />
Zerga, Administrazio eta Gizarte Arloko Neurriei buruzko abenduaren 29ko 55/1999<br />
Legeak egindako lege-erreforma.<br />
Aurreko legeriak kreditu-kooperatibentzat sortutako segurtasun-gabeziako egoeraren<br />
ondorioz, eta Konstituzio Auzitegiak kooperatiben arloko legegintza-eskumenak banatzeari<br />
buruz emandako doktrinari jarraipenik ez egitearen ondorioz, 27/1999 Legearen 104.<br />
artikulua zuzentzea proposatu zen, kreditu-kooperatiben jarduera-eremua 13/1989 Lege<br />
bereziaren arabera koordinatzeko, aplikagarria den kooperatiben legearen eremua (estatukoa<br />
edo autonomia-erkidegokoa) kontuan hartuta.<br />
Horretarako, 27/1999 Legearen 104. artikulua aldatzea proposatu zen; hain zuzen ere,<br />
arau berezi gisa den aldetik, lege horren 2. artikuluan jasotako arau orokorrari lehentasunez<br />
aplikatu beharko zitzaiokeela ulertzen baitzen. Bestela esanda, 104. artikulua legearen beraren<br />
2. artikuluan jasotakoaren salbuespen gisa hartu beharko zatekeela, kreditu-kooperatibei<br />
bakarrik aplikatuta.<br />
466
FINANTZA-KOOPERATIBAK<br />
Kooperatiben 27/1999 Legearen 104. artikuluan proposatutako testu berria honako hau<br />
izan zen:<br />
“104. artikulua. Aplikatu beharreko araudia:<br />
Kreditu-kooperatibak beren lege espezifikoaren eta garapen-arauen arabera arautuko<br />
dira.<br />
Era berean, kreditu-erakundeen jarduera oro har arautzen duten arauak aplikatuko zaizkie,<br />
eta, osagarri gisa, Kooperatiben Lege hau, baldin eta haien berariazko legearen arabera<br />
edo estatutuaren arabera aitortutako jarduera-eremua autonomia-erkidegoz gaindikoa edo<br />
estatukoa bada, betiere, kooperatiba-jarduera hori benetan gauzatzen badute”.<br />
Senatuan zuzenketa aurkeztu ondoren, ganbera horrek 1999ko abenduaren 17an onartu<br />
zuen, eta Diputatuen Kongresura bidali zen. Kongresuak zuzenketa onartu zuen, Zerga,<br />
Administrazio eta Gizarte Arloko Neurriei buruzko abenduaren 29ko 55/1999 Legearen 54.<br />
artikulu gisan.<br />
Arau hori kontuan hartuta, hauek dira kreditu-kooperatibei estatuko legea aplikatzeko<br />
betekizunak:<br />
1. Autonomia-erkidegoz gaindiko edo estatuko jarduera-eremua izatea, estatutuetan<br />
aitortua.<br />
2. Jarduera-eremu horrek Kreditu Kooperatiben Legean beharrezko kapital sozialari<br />
dagokionez araututakoari erantzutea (13/1989 Legearen 6. artikulua).<br />
3. Kooperatiba-jarduera autonomia-erkidegoz gaindiko eremuan edo estatuan benetan<br />
egitea.<br />
Lege-aldaketa horren arabera, kreditu-kooperatibei aplikatu beharreko iturrien lehentasunhurrenkera<br />
honela geratuko litzateke:<br />
1. 13/1989 Legea, maiatzaren 26koa, Kreditu-kooperatibei buruzkoa.<br />
2. 84/1993 Errege Dekretua, urtarrilaren 22koa, Kreditu Kooperatiben Erregelamendua<br />
onartzen duena.<br />
3. Kreditu-erakundeei buruzko arau orokorrak.<br />
4. Azkenik, eta aurreko legeriaren osagarri gisa, kooperatibei buruzko legeria orokorra<br />
aplikatuko da, eta kontuan hartu beharko da kreditu-kooperatibek legez mugatuta<br />
dutela jarduera-eremua, dituzten baliabide propioen mailaren arabera (13/1989<br />
Legearen 6. artikulua eta 84/1993 Errege Dekretuaren 3. artikulua). Horrela,<br />
erakunde horiek izan behar duten kapital sozialaren gutxieneko hiru maila bereizten<br />
dira, estatuko autonomiaz gaindiko edo handik goragoko eremuaren arabera.<br />
Horrekin guztiarekin bat etorriz:<br />
1. Estatutuen arabera, autonomia-erkidegoz gaindiko edo estatuko jarduera-eremua<br />
duten kreditu-kooperatibei Kooperatiben 27/1999 Legea aplikatuko zaie, baldin eta<br />
eremu horretan kooperatiba-jarduera egiten badute.<br />
2. Estatutuen arabera, autonomia-erkidegoz gaindiko edo estatuko jarduera-eremua<br />
duten kreditu-kooperatibei, eremu horretan kooperatiba-jarduera egiten ez badute,<br />
467
FINANTZA-KOOPERATIBAK<br />
jarduera nagusia zein autonomia-erkidegotan garatzen duten, bertako kooperatibalegeria<br />
aplikatuko zaie.<br />
3. Estatutuen arabera, tokiko edo autonomia-erkidegoko jarduera-eremua duten<br />
kreditu-kooperatibei jarduera nagusia zein autonomia-erkidegotan garatzen duten,<br />
bertako kooperatiba-legeria aplikatuko zaie.<br />
4. Eta estatutuen arabera, tokiko edo autonomia-erkidegoko jarduera-eremua duten<br />
kreditu-kooperatibei, eta jarduera nagusia garatzen duten autonomia-erkidegoan<br />
kooperatiben arloko legeria propiorik ez badago, Kooperatiben 27/1999 Legea<br />
aplikatuko zaie, aldi baterako eta lege autonomikoa onartu arte.<br />
Bistan denez, aipatutako 104. artikuluaren aldaketak kontrako iritziak sortu zituen<br />
autonomia-erkidegoetan, erreforma horren bidez, eskumenak murriztu zizkietela eta kreditukooperatiba<br />
askoren gaineko araugintza- eta gainbegiratze-ahalmenak galduko zituztelakoan,<br />
horiek baitira garrantzitsuenak ekonomiaren ikuspegitik.<br />
Horren ondorioz, 2000ko martxoaren 29an, Konstituzio Auzitegian erregistratutako idazki<br />
baten bidez, Andaluziako Juntak konstituziokontrakotasun-errekurtsoa (1829/2000 zenbakia)<br />
aurkeztu zuen Kooperatibei buruzko uztailaren 16ko 27/1999 Legearen 104. artikulua<br />
berridatzi zuen abenduaren 29ko 55/1999 Legearen 54. artikuluaren aurka. Errekurtso horrek<br />
Konstituzio Auzitegiaren azaroaren 10eko 291/2005 Epaia ekarri zuen. Epai horrek 104.<br />
artikuluaren idazketa berriaren konstituzio-arauekiko legezkotasuna eta zilegitasuna berretsi<br />
zuen, nahiz eta, zati batzuetan zeukan trinkotasuna eta alderdi nahasiak direla-eta, haren<br />
esanahiari eta irismenari buruzko eztabaida piztu zen.<br />
Konstituzio Auzitegiaren epaiaren oinarriari oratzen dion doktrinaren funtsezko muina<br />
dugu Kooperatiben Legearen 104. artikulua oinarrizko arau gisa aitortzea, 6. zuzenbideoinarrian<br />
argi eta garbi adierazi den legez: “baztertu egin behar dugu orain Kooperatiben<br />
Legearen 104. artikuluak xedatutakoa estatuaren hondar-eskumenaren barruan dagoela<br />
Espainiako Konstituzioaren 149.3 artikuluaren bidez; izan ere, eztabaidagaia ez da estatuak<br />
daukan eskumena kooperatiben arau orokorra onartzeko, baizik eta kreditu-kooperatiben<br />
araubide juridikoa zehazteko helburuz, kooperatiben araubide juridiko horren iturri<br />
juridikoen lehentasunak zein izan behar duen ebazteko manua zein den”. Gatazkaren<br />
ikuspegi hori funtsezkoa eta erabakigarria da bertatik ateratzen duen ondorioari begira:<br />
“aipatutako 104. artikuluak oraindik ere indarrean dagoen 13/1989 Legearen 2. artikuluan<br />
xedatutakoa jasotzen eta mugatzen duenez, haren kreditu eta banka arloak antolatzeko<br />
oinarriak dagoeneko adierazi dituenez, izaera eta eskumen-estaldura bera aitortu beharko<br />
dizkiogu hizpide darabilgun manuari”.<br />
Konstituzio Auzitegiak Kreditu Kooperatiben Legearen 2. artikuluaren eta Kooperatiben<br />
Legearen 104. artikuluaren artean dagoen simetria berretsi du, eta horrek 2. artikuluak dituen<br />
izaera eta eskumen-irismen berberak aitortzen dizkio manuari, eta, horregatik, guztiz egokia<br />
da kreditu-kooperatibei aplikatu beharreko iturrien lehentasun-sistema arautzeko.<br />
Baliteke 104. artikuluaren erregulazioan oinarrizko arau izateari buruzko aipamen<br />
berariazkoa egin behar izana, baina horrek ezin dio ukatu manuari oinarrizko izaera. Hala<br />
aitortu zuen Konstituzio Auzitegiaren epaiak 7. zuzenbideko oinarrian.<br />
468
FINANTZA-KOOPERATIBAK<br />
Azken batean, 104. artikuluak 27/1999 Legearen aplikazio-eremu osagarriaren zedarriztapena<br />
arautzen du kreditu-kooperatibentzat, oinarrizko gaia baita, eta kreditu-erakunde horien<br />
lurralde-jardueraren legezko mugak aintzat hartzen dituen ereduaren aldeko hautua egin du,<br />
Konstituzio Auzitegiak horren izaera misto bereziari buruz behin eta berriro jardun duenez.<br />
Nolanahi ere, gatazka konpontzeko hain da erabakigarria Kooperatiben Legearen 104.<br />
artikuluari oinarrizko izaera esleitzea, ezen Konstituzio Auzitegiak 7. oinarri juridikoaren<br />
azken arrazoibidea baliatzen duen doktrina garatzeko, honela: “Bada, Kooperatibei buruzko<br />
uztailaren 16ko 27/1999 Legearen 104. artikuluaren azken tartekian xedatutakoak zentzua<br />
hartzen du soil-soilik lege horren testuinguru orokorrean aztertzen bada, eta kreditukooperatibei<br />
buruzko maiatzaren 26ko 13/1989 Legearen 2. artikuluaren azken idatzzatiarekin<br />
lotzen bada, horrek xedatzen baitu kreditu-kooperatibei, modu osagarrian,<br />
kooperatiben legeari aplikatuko zaiela”. Bestela esanda, 27/1999 Legearen beraren<br />
aplikazio-eremu osagarriaren zedarriztapenaren aurrean gaude, hau da, 13/1989<br />
Legearen 2. artikuluak kreditu-erakunde horien araubide juridikoa osatzeko aipatzen duen<br />
“Kooperatiben legeria” delakoaren zehaztapenaren aurrean, kooperatiba-sozietateak<br />
diren aldetik. Horrenbestez, araubide juridiko hori arautzen duten iturrien lehentasunaren<br />
definizioak kreditu-kooperatiben arloko oinarritzat hartu denez, EKren 149.1.11 artikuluak<br />
estatuari esleitutako eskumenaren babesean emanda, orain ondoriozta dezakegu beste legetestu<br />
batean agertzeak eta mugatzeak izaera bera izan behar duela”.<br />
Kreditu-kooperatiben araubide osagarria horrela definituta, 27/1999 Legea mota horretako<br />
erakundeei aplikatu ahal izateko, bi baldintza bete behar dituzte erakundeok: sozietatearen<br />
estatutuetan bertan jasotzea autonomiaz gaindiko jarduera-eremua dutela, eta, gainera,<br />
kooperatiba jarduera eremu horretan egiten dela. Hala zehazten du epaiaren 8. zuzenbideko<br />
oinarriak, Kooperatiben Legearen 104. artikuluaren interpretazioari dagokionez, honela:<br />
“bi betekizun horiek izatea, hau da, materiala –bazkideekiko finantza-jarduera garatzea<br />
autonomia-erkidegoaren lurraldetik kanpo– eta formala –estatuetan jasota egotea–<br />
eskumenak banatzeko konstituzio- eta estatutu-ordenarako garrantzia duten 27/1999<br />
Legearen aplikagarritasun-irizpideak betetzen ote diren aztertu ahal izateko”.<br />
Arau osagarria oinarrizko gaia denez, mota horretako kooperatibei kreditu-erakunde gisa<br />
eragiten dielako, legeria kooperatiboak kreditu-kooperatibentzat ezarritako arau osagarriaren<br />
hautua errespetatu behar du.<br />
Ildo horretan, Kooperatiben Legearen 104. artikuluak kreditu-kooperatiben berariazko<br />
legera eta horiek garatzeko arauetara egiten duen igorpena inolako erreserbarik gabe egin<br />
da, eta, beraz, manu hori oinarrizkotzat eta Kreditu Kooperatiben Legearen 2. artikuluan<br />
txertatutzat jo denez (lege hori garatzen du), ondorioztatu behar dugu kreditu-kooperatibek<br />
erabili behar duten araubide osagarria lehen aipatutako Kreditu-kooperatiben 2. artikuluak<br />
jasotzen duen iturrien lehentasunezko zerrenda Kooperatiben Legearen 104. artikuluak<br />
ezarri duena dela.<br />
Bestalde, adierazi behar dugu araubide osagarriari buruzko gatazkak –hau da, araudi<br />
osagarria estatukoa al autonomia-erkidegokoa den− eragin egiten diola kreditu-kooperatibak<br />
erregistratzeko egintzari. Eta, ildo horretan, nabarmendu behar da Kooperatiben Legearen<br />
104. artikuluaren erregulazioa bat datorrela Kreditu Kooperatiben Erregelamenduaren 7.<br />
artikuluak dioenarekin, aintzat hartuta, arau hori oinarrizkoa dela, inolako zalantzarik gabe.<br />
469
FINANTZA-KOOPERATIBAK<br />
Azaroaren 10eko 291/2005 Epaiaren azterketatik ondorioztatzen bide zen gaia behin betiko<br />
ebatzita zegoela 104. artikuluan ezarritako irizpidea aplikatzearen alde (nahiz eta jarduera,<br />
batez ere, autonomia-erkidego batean garatu, jarduera eraginkorra autonomia-erkidego<br />
horretatik kanpo egiten bada, lege aplikagarria estatukoa izango da, ez autonomikoa). Baina<br />
ez da horrela izan, eta auziak eztabaida sortzen jarraitzen du, beharbada epaiaren alderdi<br />
batzuen astuntasunagatik eta zehaztasun faltagatik.<br />
291/2005 Epai horren aurretik, Extremadurako Justizia Auzitegi Nagusiak, maiatzaren<br />
20ko 446/2005 Epaia dela bide, kontrakoa ebatzi zuen Extremadurako Kreditu Kooperatibei<br />
buruzko maiatzaren 10eko 9/2001 Legearen 1. artikuluaren konstituzio-kontrakotasuna<br />
egotzi ziotenean. Hala, seigarren zuzenbideko oinarrian, honako hau zehaztu zuen:<br />
“eta legearen konstituzionaltasunari dagokionez, edo egoitza dela-eta kooperatibaizaera<br />
duten kreditu-erakundeak haren aplikazio-eremuari lotzeari dagokionez,<br />
Salak konstituzio-kontrakotasuneko auzia bakarrik bidera lezake Konstituzioaren<br />
162. artikuluak (LBK 1978, 2836), Konstituzio Auzitegiaren Lege Organikoaren 35.<br />
artikuluak (LBK 1979, 2383) eta Botere Judizialaren Lege Organikoaren 5. artikuluak<br />
(LBK 1985, azken ikustaldiaren arabera) ezarritakoarekin bat etorriz; baina hori ere ez<br />
da bidezkotzat jotzen, azken manu horrek ezarri duelako manuak Bermeen Auzitegiaren<br />
doktrinaren arabera interpretatu behar direla; eta, hartara, erabakia jurisprudentzia<br />
horri men egin behar diolako; alde batetik, gure autonomia-erkidegoak bere gain hartuta<br />
dituelako erakunde horiek arautzeko eskumenak, Estatutuaren egungo 7.1.23 artikuluak<br />
kooperatiben gaineko eskumen esklusiboa ematen baitio –Merkataritza-legeria<br />
errespetatuz–; bai eta, 36. paragrafoaren arabera, era esklusiboan, “Kooperatibakreditu<br />
publikoko eta lurralde-kredituko erakundeen” gaineko eskumena ere; dena<br />
dela, eskumen-titulu horrek ez dio eragingo “ekonomiaren antolamendu orokorraren<br />
esparruari, eta estatuak bere ahalmenez erabiliz ematen dituen xedapenei jarraiki”<br />
baliatu beharko da, baina egia da, era berean, Autonomia Erkidegoko Legeak ez duela<br />
esparru orokor hori aldatzen; are gehiago, “kredituaren, bankaren eta aseguruen”<br />
arloko eskumen betearazlea (sic) duelako (9.14 artikulua).<br />
Konstituzio Auzitegiaren 291/2005 Epaiaren ondoren, itxuraz gaia konpondu zuena,<br />
Andaluziako Justizia Auzitegi Nagusiaren otsailaren 13ko 276/2007 Epaiak ere ebatzi zuen<br />
291/2005 Epaiari emandako interpretazioaren aurka. Hala, epai honena, besteak beste,<br />
doktrina konstituzional gisa jaso arren, hainbat ondorio atera zizkion epaiari, eta ez zuen<br />
Konstituzioaren aurkakotzat jo Andaluziako Kooperatiba Sozietateei buruzko martxoaren<br />
31ko 2/1999 Legearen 1. artikulua. Hauxe dio:<br />
“Hala ere, Konstituzio Auzitegiaren 291/2005 Epaiak dioen bezala, bi baldintza horiek<br />
beharrezkoak dira, baina ez dira nahikoak, 27/1999 Legeak 2. artikuluan ezarrita baititu<br />
bere aplikagarritasun-irizpideak. Manu horren arabera, legea honako hauei aplikatuko<br />
zaie: “beren kooperatiba-jarduera hainbat autonomia-erkidegotako lurraldean garatzen<br />
duten kooperatiba-sozietateei, haietako batean nagusiki garatzen denean izan ezik”<br />
eta “jarduera kooperatibizatua Ceuta eta Melilla hirietan egiten duten kooperatibasozietateei”<br />
(2. artikulua).<br />
Ondorioz, 2. artikuluaren interpretazioak baztertu egiten du lege-testu hori Andaluziako<br />
kreditu-kooperatibei modu osagarrian aplikatzea; izan ere, Andaluziako Parlamentuaren<br />
470
FINANTZA-KOOPERATIBAK<br />
2/1999 Legearen 1. artikuluaren arabera, “Andaluziakoak dira, eta lege honen xedapenei<br />
loturik daude sozietate-jarduera nagusiki Andaluzian garatzen duten kooperatibasozietateak”<br />
(hirugarren oinarri juridikoa).<br />
“Aurreko oinarri juridikoan nabarmendu den doktrina konstituzionalak errekurtsoa<br />
ezestera garamatza, eta, beraz ez da beharrezkoa konstituzionaltasun-auzirik bideratzea;<br />
hirugarrenez, kreditu-kooperatibak autonomia-erkidego batean egoitza duenean, edo,<br />
batez ere, autonomia-erkidego horretan jarduten duenean, autonomia-erkidegoko<br />
arauak arautu beharko du kooperatiba hori. Hala ere, horrek ez du eragotziko<br />
autonomia-erkidegotik kanpo jardutea edo haren egintzek autonomia-erkidegotik<br />
kanpoko ondorioak izatea. Ikusi dugu Konstituzio Auzitegiak baietsi duela, kasu<br />
horietan, autonomia-erkidegoko araudia zuzenean aplikatu behar dela”. (Laugarren<br />
oinarri juridikoa).<br />
Iruzkingile honek Konstituzio Auzitegiaren 291/2005 Epaiaz egindako esangura berean eta,<br />
ondorioz, Extremadurako eta Andaluziako justizia-auzitegi nagusiek emandako epaien aurka,<br />
Kordobako Merkataritza Arloko Epaitegiaren 5/2005 Epaiak, martxoaren 1ekoak, honako<br />
hau ezarri zuen: “Kooperatiba-araudi osagarri horrek estatukoa izan behar du (27/1999<br />
Legea, uztailaren 16koa, Kooperatibei buruzkoa (LBK 1999/1846), ez autonomikoa, ‘Caja<br />
Rural de Cordoba’ erakundeak Andaluzian zein Madrilen jarduten baitu”.<br />
Aipatutako bi epaiek, iruzkingile honek Konstituzio Auzitegiaren 291/2005 Epaiari<br />
emandako interpretazioarekin bat ez datozenak, errespetu osoz eta doktrina-eztabaidaren<br />
ingurumarian ulertuta, ez dirudite balio handikoak:<br />
- Extremadurako Justizia Auzitegi Nagusiaren epaiari dagokionez, aztergai darabilgun<br />
gaia, batez ere, ikuspuntu formaletik ebazten duelako, gaiaren funtsaren azterketa<br />
sakonik egin gabe.<br />
- Eta Andaluziako Justizia Auzitegi Nagusiaren epaiari dagokionez, ez baitirudi<br />
arrazoizkoa denik Konstituzio Auzitegiaren 291/2005 Epaiak ezarritakoa baliatzea,<br />
harekin bat ez datozen emaitzak dituen ebazpen batera iristeko.<br />
Azken batean, iruzkingile honek Konstituzio Auzitegiaren azaroaren 10eko 291/2005 Epaia<br />
aztertzean iritzia azaldu badu ere, aitortu behar du, halaber, ez dirudiela auziak zalantzarik<br />
sorrarazten ez duenik, eta, hortaz, ezin zaiola erabateko erantzun biribilik eman.<br />
Gainera, jarduera eraginkorraren irizpidea dela eta, nahiz eta gutxieneko jarduera izan,<br />
aplikatu beharreko legearen baldintzatzaile den aldetik, litekeena da kooperatiben zuzenbide<br />
autonomikotik ihes egitea, edo kooperatiba bakoitzeko organoek aplikatu beharreko legea<br />
aukeratzea euren interesen arabera, baina horren legezkotasuna oso zalantzazkoa da.<br />
Hain zuzen ere, estatuko legeak araubide malguagoa eta liberalagoa baliatzen duelako,<br />
merkataritza-sozietateen eredutik gero eta hurbilago dagoena, edo beste edozein<br />
arrazoirengatik, hala nola, arrazoi fiskal edo politikoengatik, erakargarriagoa izan daiteke<br />
kooperatiba bat eratu behar dutenentzat edo dagoeneko eratuta dauden bazkideentzat,<br />
kooperatiba hori estatuko legearen araubide juridikori lotu nahi izatea. Eta erabaki hori oso<br />
erraz gara daiteke, esaterako, banku-bulego komertziala irekita bere autonomia-erkidegotik<br />
kanpo edo beste autonomia-erkidego batzuetako bazkideak sartuta sozietatean. Irizpidea<br />
471
FINANTZA-KOOPERATIBAK<br />
jarduera nagusia non garatzen den balitz, emaitza desberdina izango litzateke, ez baita<br />
erraza izaera nagusi hori zure esparrutik kanpo izatea, eta, gainera, kooperatibak hori izango<br />
balu, guztiz justifikatuta egongo litzateke estatuko legea aplikatzea, kooperatiba autonomiaerkidegoz<br />
gaindikoa izango bailitzateke, inolako zalantzarik gabe.<br />
Gogoeta gisa, esan behar da kreditu-kooperatibek duten esanguraren heineko garrantzia<br />
ekonomia- eta gizarte-sektore bati segurtasun juridikoa emateko, jurisdikzio-auzitegi<br />
gorenek, aukera dutenean, jarrera argia hartu beharko luketela, gaia argudio mardul asko<br />
erabiliz nahastu gabe. Izatez, kontua oso zehatza da, zaila baina zehatza: kreditu-kooperatiba<br />
batek jarduera eraginkor eta ez-nagusi bat egiten duenean, nahiz eta oso txikia izan, bere<br />
autonomia-erkidegotik kanpo, eta berezko lurraldean jarduera nagusia gauzatzen duenean,<br />
estatuko edo autonomia-erkidegoko legea aplikatu behar zaio?<br />
Edo, hobeto esanda, nagusi izan behar duen segurtasun juridikoa bermatzeko, komenigarria<br />
litzateke legegileak bere burua argi eta garbi definitzea gaiari buruz, dagozkion lege-aldaketak<br />
eginez, eta, horrela, ez litzateke epaileen (Konstituzio Auzitegia, kasu honetan) nahierara<br />
edo irizpidera zehaztu beharko, epaileek euren jurisdikzio-ahalmena erabili beharko baitute<br />
arauaren konstituzionaltasuna ebazteko, baina ez arauak zer esan nahi duen interpretatzeko<br />
B) Lege berezia-zuzenbide orokorra, kreditu-kooperatibentzat estatuaren eta autonomia<br />
erkidegoen artean eskumenak banatzeari dagokionez.<br />
Kreditu-kooperatibei buruzko maiatzaren 26ko 13/1989 Legea garatzeko Erregelamendua<br />
onartzen duen urtarrilaren 22ko 84/1993 Errege Dekretuaren zioen azalpenak honako hau dio:<br />
“Kreditu-kooperatibei buruzko maiatzaren 26ko 13/1989 Legeak urratu egin<br />
zuen erakunde horien gaineko gure zuzenbidearen araugintza-tradizio eskasa; izan<br />
ere, tradizio horren arabera, erakunde horien berezitasun ia guztiak eragozpen<br />
garrantzitsurik gabe legeperatzeko modukoak ziren –eta arauz legeperatzen ziren− beste<br />
mota batzuetako kooperatibei aplika dakiekeen eskema juridikora, eta, beraz, gainerako<br />
arazoei erregelamendu berezi baten bidez heldu ahalko zitzaien. Planteamendu hori ez<br />
zela egokia frogatu zuen kreditu-kooperatiben inguruan, 1978ko azaroan, onartutako<br />
maila bereko bi erregelamenduzko arauk arauketa arras desberdina jaso izanak, batetik,<br />
2710/1978 Errege Dekretuak eta, bestetik, 2860/1978 Errege Dekretuak , bai eta esparru<br />
bikoitz eta harmoniarik gabeko horretan sortutako zailtasunek eta auzibideek; baina,<br />
batez ere, esan beharra dago ikuspegia ezohikoa eta irreala zela, kreditu-kooperatiba<br />
guztientzako oinarria alderantzizkoa zelako, eta badelako, hau da, araudi berezia araudi<br />
orokorrari gailentzen zaiola, Sozietate Anonimoen Legeak beste sasoi batean adierazi<br />
eta gaur egun ere adierazten duen moduan”.<br />
Azken batean, aurreko a) letran araubide juridikoari buruz hitz egindakoarekin bat etorriz,<br />
kreditu-kooperatibak (aseguru-kooperatibak bezala) Konstituzioaren 149.1, 6, 7 eta 11.<br />
artikuluek estatuarentzat gordetako eskumenak baliatzean eman diren lan- eta merkataritzalegeriari<br />
eta kreditua antolatzeko oinarrizko arauei loturik geratzen dira; eta, bestetik,<br />
kooperatibak arautzen dituen legeari, dela estatuko legeari, dela tokian tokiko legeriari,<br />
kooperatibaren lurralde-eremua zein den.<br />
Oinarrizko gaiei dagokienez, ez dago inolako zalantzarik aplikatu beharreko araudiaren<br />
lehentasunezko hurrenkerari dagokionez:<br />
472
FINANTZA-KOOPERATIBAK<br />
- Autonomia-erkidegoz gaindiko edo estatuko jarduera-eremua duten kreditukooperatibentzat:<br />
1.- 13/1989 Legea; 2.- 84/1993 Errege Dekretua; 3.- Kredituerakundeei<br />
buruzko arau orokorrak; 4.- 27/1999 Legea.<br />
- Eta tokiko edo autonomia-erkidegoko jarduera-eremukoentzat: 1.- 13/1989 Legea;<br />
2.- 84/1993 Errege Dekretua; 3.- Kreditu-erakundeei buruzko arau orokorrak;<br />
4.- Berezko lege autonomikoa (11/2019 Legea Euskadirentzat); 5.- (autonomiaerkidegoetako<br />
legeen osagarri) 27/1999 Legea.<br />
Bestetik, ez dago zalantzarik oinarrizkoak ez diren gai edo aginduetan, kooperatibaren<br />
jarduera-eremua autonomiaz gaindikoa edo estatukoa denean: oinarrizko gaietan, lehen<br />
aipatu den berbera: 1.- 13/1989 Legea; 2.- 84/1993 Errege Dekretua; 3.- Kreditu-erakundeei<br />
buruzko arau orokorrak; 4.- 27/1999 Legea. Hori guztia lege bereziaren nagusitasunagatik<br />
orokorraren gainetik eta eskumen-gatazkarik ez dagoelako.<br />
Honaino, iruzkingile honen irizpideak bat datoz aurreko “a)” atalean azaldutako bi<br />
doktrina-jarreretako edozeinekin.<br />
Zalantzazko arazoa edo autua oinarrizkoak ez diren gai edo manuetan sortzen da, kreditukooperatibaren<br />
jarduera-eremua tokikoa edo autonomikoa denean; izan ere, oinarrizkoak ez<br />
diren gai horien inguruan, lege autonomikoak Kreditu Kooperatiben 13/1989 Lege bereziaz<br />
eta hura garatzen duen Erregelamenduaz bestela xedatzen duenean, zein legezko testu dugu<br />
lehentasunez aplikatzekoa, 13/1989 Legea eta haren garapen-erregelamendua, lege bereziari<br />
lotutako lehentasun-printzipioa eskumen-araubide orokorrari nagusitzen zaiolako, edo lege<br />
autonomikoa, araugintzako eskumena duten botere publikoen arteko eskumen-araubidearen<br />
esparruan, autonomia-erkidegoei, hala nola Euskal Autonomia Erkidegoari, legegintzako<br />
eskumen osoa esleitzen dielako kooperatiben arloan?<br />
Arazoa ez da ebazten erraza, banaka ere zailtasunik izan dezaketen bi alderdi elkartzen<br />
baitira:<br />
- Kooperatibentzat, oro har, eskumen-titulu ugari egonik, horiek guztiak mugatzea<br />
zaila delako, elkarren gainean jarri eta elkarren artean lotzeko baitira.<br />
- Eta, gainera, kreditu-jarduerari doakion espezialitatea, sektore horretako kooperatibak<br />
kreditu-erakundeen motarekin parekatu eta multzo horretan txertatu dituelako.<br />
Iruzkingile honen ustez, nahiz eta lege bereziak lege orokorraren gainetik duen<br />
lehentasuna arauz onartutako printzipio juridiko bat izan, malgutasun nahikoaz interpretatu<br />
behar da autonomia-erkidegoek berenganatutako eskumenak edukiz ez husteko, eta haren<br />
aplikazioaren gainetik Espainiako Konstituzioak eta autonomia-estatutuek ezarri duten<br />
eskumen-banaketarekiko errespetua gailendu behar da, are gehiago Euskadikoa bezalako<br />
autonomia-erkidegoetan, non, alde batetik, kooperatiben gaineko eskumen esklusiboa<br />
dagoen, eta, bestetik, kreditua eta banka, oro har, antolatzeko eskumen batzuk ere badauden,<br />
eta azkenak indar handikoak dira kreditu-kooperatibetan eta aurrezki-kutxetan. Hau da,<br />
Konstituzio Auzitegiaren azaroaren 16ko 275/2000 Epaiak 4. oinarrian ezarri zuenez,<br />
espezialitate-printzipioak (dela estatuko lege berezia, dela autonomia-erkidegokoa) erabateko<br />
adostasuna eta errespetua izan behar du eskumenak banatzeko konstituzio- eta estatutusistemarekin,<br />
Konstituzio Auzitegiaren 44/1984 Epaiak ezarritako doktrinarekin bat etorriz.<br />
473
FINANTZA-KOOPERATIBAK<br />
Ildo horretan, bereziki interesgarria da Konstituzio Auzitegiaren maiatzaren 6ko 155/1993<br />
Epaia, 3. oinarri juridikoan, honako hau ezarri zuena:<br />
“Horrela, beren-beregi aitortzen da autonomia-erkidegoek kreditu-kooperatiben<br />
araubide juridikoa arautzeko eskumena dutela, dagozkien autonomia-estatutuek<br />
xedatzen dutenarekin bat etorriz; halaber, kontuan hartu behar dira kreditu-kooperatiben<br />
ezaugarri bereziak, non, behintzat, aztergai darabilgunari dagokionez, kreditu-alderdiak<br />
eta kooperatiba-alderdiak ezkontzen diren –eta horiei, aldi berean lan- eta merkataritzaalderdiek<br />
eragiten dieten (Konstituzio Auzitegiaren 134/1992 Epaia, 2. oinarri<br />
juridikoa)−, eta, hartara, araudi autonomikoa Espainiako Konstituzioaren 149.1.11<br />
artikuluaren babesean emandako estatuko araudiaren osagarri izango da; horren<br />
araudia zuzenean aplikatzekoa izango da merkataritza- edo lan-izaera ez duten alderdi<br />
hertsiki kooperatiboetan (Espainiako Konstituzioaren 149.1.6 eta 7 artikuluak), horren<br />
eskumen esklusiboa autonomia-erkidegoena delako. Eskumen-banaketa hori, beraz,<br />
13/1989 Legearen 2. artikulua dela bide errespetatu behar da oso-osorik, arau-esparrua<br />
berariaz adierazten baititu “autonomia-erkidegoek arlo horretan esleituta dituzten<br />
eskumenak baliatzean onar ditzaketen xedapenak. Adierazpen hori nahikoa argia da eta<br />
aintzat hartzen du estatuak ematen duen kreditu-kooperatiben arloko legeria garatzeko<br />
eskumenari lotutako arau autonomikoak ez ezik, kooperatiben esparruan autonomiaerkidegoak<br />
daukan eskumen esklusiboaren babespeko arauak ere bai”.<br />
Hori guztia bat dator Konstituzio Auzitegiak berak azaroaren 16ko 37/1981 Epaian ezarri<br />
zuen irizpidearekin: “Arauen eta egintzen eraginkortasunaren lurralde-muga horrek ez du<br />
esan nahi, inola ere, autonomia-erkidegoko organoei, beren eskumenak erabiliz, debekatua<br />
zaienik nazioaren lurraldeko beste toki batzuetan ondorioak izan ditzaketen erabakiak<br />
hartzea”.<br />
Eta jurisprudentzia lagungarri gisa, halaber, Konstituzio Auzitegiaren azaroaren 10eko<br />
291/2005 Epaia dugu, Konstituzio Auzitegiak gai horri buruz egin zuen doktrina jasotzen<br />
duena. Hala, besteak beste, bertan adierazi zen Konstituzio Auzitegiak 72/1983 epaian<br />
landutako doktrinarekin jarraituz, “Konstituzioak ez diola estatuari zuzenean eta berariaz<br />
inolako eskumenik gordetzen kooperatiben arloan, eta, ondorioz, arauaren beraren<br />
149.3 artikuluak dioenari jarraiki, autonomia-erkidegoak badituela estatutuan jasotako<br />
eskumenak, eta estatuari dagozkiola autonomia-erkidegoak bere gain hartu ez dituen<br />
eskumenen gaineko ardura (3. oinarri juridikoa).<br />
Aurrekoaz gain, “kreditu-kooperatiben ezaugarri hauen arabera, non, behintzat, aztergai<br />
darabilgunari dagokionez, kreditu-alderdiak eta kooperatiba-alderdiak ezkontzen diren –<br />
eta horiei, aldi berean lan- eta merkataritza-alderdiek eragiten dieten (134/1992 KAE<br />
(LBK 1992, 1341, 2. oj)–, araudi autonomikoa EKren 149.1.11 artikuluaren babespean<br />
emandako estatuaren araudiaren osagarria izango da, eta zuzenean aplikatzekoa izango da<br />
kooperatiba-alderdi hutsei dagokienez; horien erregulazioa, merkataritza- edo lan-arlokoa<br />
ez denez (EKren 149.1.6 eta 7. artikuluak), autonomia-erkidegoen eskumen esklusiboa<br />
izango da.<br />
Eta, aurreko irizpenarekin bat etorriz, oinarrizkoak ez diren gaietan, toki-mailako edo<br />
autonomia-mailako kreditu-kooperatibei aplikatu beharreko araudiaren lehentasunezko<br />
474
FINANTZA-KOOPERATIBAK<br />
hurrenkera, iruzkingile honen iritziz, honako hau izango da: 1.- Lege autonomikoa (11/2019<br />
Legea Euskadirentzat); 2.- 13/1989 Legea; 3.- 84/1993 Errege Dekretua; 4.- Kredituerakundeei<br />
buruzko arau orokorrak; 5.- 27/1999 Legea.<br />
Aurreko irizpena eskuan hartuta, iruzkingile hau ez dator bat aurreko “a)” azpiatalean<br />
azaldutako bi doktrina-jarrerekin; izan ere, bi jarrera horiek ez zetozen bat beste gai batean,<br />
hau da, modu osagarrian aplikatu beharreko kooperatiba-lege orokorra (estatukoa edo<br />
autonomikoa) zein zen, lurralde-eremua zehazteko erabilitako irizpidearen arabera (jarduera<br />
“eraginkorra” edo “nagusia”), baina bat zetozen 13/1989 Legea eta hura garatzeko arauak<br />
lehentasunez aplikatu behar zirela esatean, eduki osoari (oinarrizkoa ala ez) dagokionez, lege<br />
horren bigarren artikuluak dioebnari jarraiki eta estatuaren eremuko Kooperatibei buruzko<br />
27/1999 Legearen 104. artikuluak dioenarekin bat etorriz.<br />
Iruzkingile hau, jarrera horri eusten diotenen gaitasuna aitortu arren, ez dago ados horrekin,<br />
honako hau argudiatuta: horrela, estatuaren eta autonomia-erkidegoen arteko eskumenbanaketa<br />
urratu egingo litzateke.<br />
Iruzkingile honen jarrera aldezteko beste interpretazio-irizpide bat honako hau da: (nahiz<br />
eta 13/1989 Legearen bigarren artikulua, “Araubide juridikoaz” diharduena, oinarrizkotzat<br />
jotzen den legearen beraren azken xedapenetan bigarrenean, eta termino horrek legezko testu<br />
osoari eragiten dion eta horrek beste doktrina-jarrera batzuei eusteko balio, eta iruzkingile<br />
honen interpretazioarekin bat ez etorri) ez luke zentzurik lehen aipaturiko 13/1989 Legearen<br />
azken xedapenetako bigarrenak manuetako batzuk ez-oinarrizkotzat jotzea. Hau da, 13/1989<br />
Legeak berak adierazten du bere edukiaren zati bat (ia dena )oinarrizkoa dela eta zerbait ez<br />
dela; beraz, bereizketa hori eginez gero, zergatik izango da eduki osoa nahitaez betetzekoa,<br />
baita oinarrizkoa ez dena ere, tokiko edo autonomia-erkidegoko kreditu-kooperatibentzat,<br />
eskumenen banaketaren gainetik lege bereziaren lehentasun-printzipioa jarriz?<br />
Ondorioa ikusita, bitxia lirudike iruzkingile honek atal honetan aurreko “a)” azpiatalean<br />
baino jarrera autonomistagoa hartzea, uste baitzuen atal honetan Konstituzio Auzitegiaren<br />
doktrina tesi autonomistaren aurkakoa zela, baina bere ustez, teknika juridikoko irizpide<br />
batean funtsatuta, hori ez da kontraesankorra.<br />
Nolanahi ere, B) idatz-zati honetan eta aurreko A) idatz-zatian jorratutako gaiari<br />
dagokionez, eta, oro har, gai horiei buruzko zalantzazko edozein gairi dagokionez, esan<br />
behar da 2008an hasitako finantza- eta ekonomia-krisialdiaren eraginez, banku-erreskateak<br />
diru publikoz laguntzeko egindako ahalegin handia eta Espainiako ordenamendu juridikora<br />
nahitaez eraman beharreko Europako araudi gero eta garrantzitsuagoa, Espainiako<br />
Bankuaren, Gordailuak Bermatzeko Funtsaren nahiz dagoeneko garatu den Europako Banku<br />
Agintaritzaren antolamendu, ikuskapen eta kaudimen arloko eskumen gero eta handiagoak<br />
direla eta, aurreko azterraldi juridikoek ez dute inolako garrantzirik, eta inork ez du<br />
zalantzan jartzen, batetik, estatuko eta estatuz gaindiko agintari eta ikuskatzaileek gero eta<br />
nagusitasun handiagoa eta ia erabatekoa dutela autonomia-erkidegoetako agintarien gainean,<br />
kreditu-erakundeei dagokien guztian, eta bestetik, banku-araudia aplikatzen zaiela inolako<br />
bereizketarik egin gabe bankuei eta kreditu-kooperatibei, kooperatiben erregulazioa aplikatu<br />
beharrean, azkenaren baliagarritasunaren gaineko zalantza egiten baitute ikuskatzaileek<br />
kreditu-erakundeei aplikatzekotan.<br />
475
FINANTZA-KOOPERATIBAK<br />
C) Erregistro-betebeharrak.<br />
Finantza-kooperatiben eta, bereziki, kreditu-kooperatiben beste berezitasun bat dugu<br />
horiek eratzeko administrazio-kontrol handia, bankuak sortzeko ezartzen denaren antzekoa,<br />
eta erregistroko betebehar handiagoak, bai sozietatea eratzeko unean, bai ondoren.<br />
Euskadiko Kooperatiben 11/2019 Legearen 11. artikuluak dioenez, kooperatiba bat<br />
kooperatiben erregistroan soilik inskribatu behar da –Euskadiko Kooperatiben Erregistroan<br />
ulertzen da−. Eta Kooperatiben 27/1999 Legearen 7. artikuluak (estatukoa) ere hala agintzen<br />
du, haren eremuko kooperatibak direnentzat, hau da, Estatuko Kooperatiben Erregistroan<br />
inskribatu behar direla ulertzen da.<br />
Hala eta guztiz ere, kreditu-kooperatibei buruzko 13/1989 Legearen bosgarren artikuluak,<br />
erregelamenduaren 1. artikulutik 9. artikulura garatutakoak, ezarrita dauka nahitaezkoa dela,<br />
kooperatiben erregistro eskudunean erregistratu aurretik, Espainiako Bankuaren erregistro<br />
egokian eta Merkataritza Erregistroan ere erregistratzea.<br />
Kreditu- edo aseguru-kooperatiba ez den sozietate batek kooperatiben erregistro<br />
eskudunean soilik inskribatu behar duenez, banku-sozietatea ez den merkataritza-sozietate<br />
batek beraren sozietate-egoitzari lotutako merkataritza-erregistroan bakarrik inskribatu<br />
behar duenez, eta merkataritzako banku-erakunde batek merkataritza-erregistro horretan eta<br />
Espainiako Bankuari dagokion erregistroan inskribatu behar duenez, esan dezakegu kreditueta<br />
aseguru-kooperatibak direla gehien “erregistratuta” dauden sozietateak. Eta, erregistroak<br />
juridikoak direnez eta publizitatea bermatzen dutenez, segurtasun juridiko handiena dutenak<br />
dira.<br />
Eta hori guztia kooperatibak irauten duen artean, ez bakarrik sortzean, zeren eta halako<br />
sozietateak desegin eta likidatzeagatik erregistroan ezerezten diren arte, erregistroetara<br />
jo beharko baitute sozietatearen funtsezko egintza edo dokumentu guztiak inskribatzeko<br />
edo gordailutzeko, Espainiako Bankuak bere erregistroari dagokionez ematen dituen<br />
arauei loturik egongo baitira, baita Merkataritza Erregistroaren Erregelamendua onartu<br />
zuen uztailaren 19ko 1784/1996 Errege Dekretuari loturik ere (manu horrek berariazko<br />
artikulu hauek dauzka: “Kreditu-kooperatibak, aseguru-mutualitate eta -kooperatiben eta<br />
gizarte-aurreikuspeneko mutualitateak” 254-258 artikuluak eta kooperatiben erregistro<br />
eskudunaren erregelamendua (martxoaren 29ko 59/2005 Dekretua, Euskadiko Kooperatiben<br />
Erregistroari dagokionez, eta otsailaren 1eko 136/2002 Errege Dekretua, Estatuko<br />
Kooperatiben Erregistroari dagokionez); azkenik, Kreditu-kooperatiben 13/1989 Legea<br />
garatzen duen erregelamendua onartzen duen 84/1993 Errege Dekretuaren 1. artikuluaren 4.<br />
zenbakian (“Kreditu-kooperatibak baimentzea eta erregistratzea”) eta Kreditu-erakundeen<br />
antolamendu, ikuskapen eta kaudimenari buruzko 10/2014 Legea garatzen duen 84/2015<br />
Errege Dekretuaren 10. artikuluan “Sozietate-estatutuak aldatzea”) jasota dagoenez, kreditukooperatiben<br />
estatutuen aldaketak Espainiako Bankuaren baimenari eta erregistratzeko<br />
beharrari lotuta daudela.<br />
Horrela, kreditu-kooperatibek, eratzen diren unean ez ezik, haien bizitza osoan jarraitu<br />
behar dute (iruzkingile esanetan, “sufritu” behar dute) honako prozesu hau estatutuak<br />
onartzerakoan edo aldatzerakoan:<br />
476
FINANTZA-KOOPERATIBAK<br />
1.- Espainiako Bankuaren baimena eskuratzea.<br />
2.- Merkataritza-erregistro eskudunean inskribatzea, eta, ondorioz, onartutako aldaketen<br />
baliozkotasuna juridikoki kalifikatzea.<br />
3.- Kooperatiben erregistro eskudunean inskribatzea, hori ere kalifikazio juridikoarekin.<br />
4.- Espainiako Bankuaren estatutuen erregistroan inskribatzea (erregistro hori<br />
administratiboa besterik ez da).<br />
Ohar gaitezen kreditu-kooperatibek arlo horretan dituzten betekizun handiak:<br />
- Gainerako kooperatibak (aseguruetakoak izan ezik) kooperatiben erregistro<br />
eskudunean baino ez dira inskribatzen, eta ez dute erakunde ikuskatzaile baten<br />
baimenik behar.<br />
- Eta gainerako kreditu-erakundeek –bankuak−, sozietate anonimoek Espainiako<br />
Bankuaren baimena behar dute, eta erakunde horren erregistroan inskribatu behar<br />
dute, bai eta merkataritza-erregistro eskudunean ere, baina ez beste erregistro batean,<br />
hala nola kooperatiben erregistroan.<br />
21.1.5. Berrikuntza nagusiak aurreko araudiaren aldean<br />
Lehengo legearen 119. artikuluaren aldean, EKLren 123. artikuluaren berritasun bakarrak,<br />
hizkera inklusiboa erabiltzeaz gain, edukian txertatu diren bi hobekuntza argigarri eta<br />
didaktiko ditugu, baina esan behar da ez, baina esan behar da ez dutela edukia aldatzen:<br />
- 1. atalean, “hirugarren” hitzari “ez-bazkideak” gehitu dio, eta, horrela, normalean<br />
onartu ohi dena baina idazketa hobetu duena txertatu da; hau da, bazkide ez diren<br />
pertsonak dira kreditu-kooperatibek jardun dezaketenak eta legeak lehendik aipatzen<br />
zituen hirugarren pertsonak.<br />
- Eta 4. atalean, idazketa aldatu da, arauketan Eusko Jaurlaritzan ogasun eta finantzen<br />
arloko eskumena duen sailak aurreko legean zehazki aipatzen zen Ogasun eta<br />
Finantza Saila ez den beste izen bat izan dezan.<br />
21.1.6. EKLren 123. artikuluaren iruzkin orokorra eta esanahi praktikoa<br />
EKLren 123. artikuluak honako aginduzko arau hauek ezartzen ditu kreditukooperatibentzat:<br />
• 1. atalean, sozietatearen xedea, mota horretako kooperatiben helburu berezi eta<br />
esklusiboa dena, ezin dira beste jarduera ekonomiko batzuetan aritu, kreditukooperatiben<br />
osagarri eta haiei lotutakoetan izan ezik, eta kreditu-kooperatibak ez<br />
diren beste kooperatiba batzuek ezin dute garatu.<br />
• 2. atalean, «baserritarren kutxa» izendapena honako baldintza hau betetzen duten<br />
kreditu-kooperatibentzat gordetzen da: nekazaritza-ingurunearen lehentasunezko<br />
zerbitzura bideratuta egotea.<br />
• 3. atalean, kreditu-kooperatibei buruzko estatuko oinarrizko araudia (funtsean,<br />
13/1989 Legea eta 84/1993 Errege Dekretuaren bidez onartutako Erregelamendua)<br />
eta kreditu-erakundeei buruzko gainerako legeria sektoriala betetzea.<br />
477
FINANTZA-KOOPERATIBAK<br />
Eta, aldi berean, men egin behar dioneko estatuko oinarrizko araudiarekin bat etorriz, euskal<br />
kreditu-kooperatibei aukera ematen die beren nahiaren eta autoerregulazio-gaitasunaren<br />
autonomia erabiltzeko bazkide ez diren hirugarren pertsonekiko eragiketa aktiboak modu<br />
zabalean egiteko eta landa-inguruneko finantza-espezializazioa lantzeko.<br />
123. artikulua beste ikuspuntu batetik aztertuz gero, batik bat, edukia jorratuta,<br />
nabarmentzekoa da kreditu-kooperatiben elementu subjektiboa zein objektiboa arautzen<br />
duen hedadura eta posibilismoa:<br />
- 1. atalean, 19. artikuluaren 1. atalarekin (“bazkide izan daitezkeen pertsonak”) bat<br />
etorriz, bazkide izateko aukera zabaltzen du.<br />
- Baserritarren kutxei buruzko 2. atalean, izendapen espezifiko hori erabiltzeko aukera<br />
ematen du, eta soilik eskatzen du sozietate horien helburua “landa-ingurunera eta<br />
bertako biztanleentzat” bideratzea “lehentasunez” izatea, baina ez du eskatzen,<br />
4/1993 Legeak atzean utzitako legeria zaharretan bezala, izaera esklusiboa izatea.<br />
- Eta sozietatearen helburuari dagokionez, mota horretako kooperatibek egin ditzaketen<br />
eragiketak eta zerbitzuak, Espainiako kreditu-sistemako gainerako erakundetaldeekin<br />
parekatzen dituen formula orokor baten bidez ezartzen direnak, zabaldu<br />
egin dira (bankuak eta, gaur egun, banku-jardueran hondarrekoak diren aurrezkikutxak),<br />
hirugarrenekin egiten diren eragiketak pasibo-eragiketetara mugatzen ez<br />
direla, jarduera bakoitzaren legezko zehaztapenak aintzat hartuta, baldintza hori noiz<br />
betetzen den jakiteko. Kreditu-kooperatibei eta aseguru-kooperatibei dagokienez, 3.<br />
atalean aipatzen dira haien eskakizunak eta mugak, eta, horrela, kooperatiba-mota<br />
horiek behar duten eskumen-ardura zorrotz eta zuhurrari eutsi zaio.<br />
Gai honetan, Kreditu Kooperatibei buruzko 13/1989 Legearen laugarren artikulua,<br />
oinarrizkoa eta, beraz, lehentasunezkoa, bat dator euskal legearekin, eta are argiagoa eta<br />
zehatzagoa da:<br />
- Honako hau ezartzen duelako: “… beste kreditu-erakundeei baimendutako era<br />
guztietako eragiketa aktiboak, pasiboak eta zerbitzuak egin ahal izango dituzte”.<br />
- Eta hirugarren bazkideekin egindako eragiketa aktiboen multzoaren gehieneko muga<br />
erakundearen baliabide guztien % 50ekoa izango dela zehaztu duelako, eta ehuneko<br />
hori zenbatzetik zein eragiketa-mota baztertzen diren adierazi duelako.<br />
Azken batean, kooperatibisten arteko izaera mutualista edo elkarri laguntzeko izaera<br />
bete behar izatea ezinbestekoa bada ere, legeriak ahalbidetzen du jarduera hirugarren<br />
pertsonenetara hedatzea, eta horren arrazoia da merkatu handiagoa izateko aukera izan behar<br />
dela zerbitzuak emateko, kreditu-kooperatibagintzaren (eta, oro har, kooperatiba-sektore<br />
guztien) bideragarritasunerako beharrezko elementu gisa.<br />
Bestalde, eta ezin bestela izan, oinarrizko izaera duten eta estatuaren eskumenekoak<br />
diren gaien arloko legeriara jotzen du, eta, erakundeen eragile ekonomikoak eta kreditusektorekoak<br />
direnez, ogasun- eta finantza-gaietan eskumena duen Eusko Jaurlaritzako sailari<br />
esleitzen dizkio ikuskaritza- eta diziplina-eginkizunak.<br />
Aurrekotik ondorioztatzen da nahitaezkoa dela kreditu-kooperatiben inguruko estatuko<br />
oinarrizko araudia (maiatzaren 26ko 13/1989 Legea eta hura garatzen duen Erregelamendua,<br />
478
FINANTZA-KOOPERATIBAK<br />
urtarrilaren 22ko 84/1993 Errege Dekretuaren bidez onartua) eta kreditu-erakunde orokorrei<br />
buruzkoa (horien artean, 10/2014 Legea, kreditu-erakundeen antolamendu, gainbegiratze eta<br />
kaudimenari buruzkoa, eta hura garatzeko araudia) betetzea.<br />
21.1.7. Beste arau aplikagarri batzuk<br />
21.1.1 atalean garatu da kreditu-kooperatibentzat garrantzi handia duen gai hori, baina<br />
atal sistematiko honetan labur-labur aipatzearren, Kooperatibei buruzko 27/1999 Legeak<br />
(Estatukoa) mota guztietako kooperatibentzat orokorra denak, 104. artikuluan tipifikatzen<br />
ditu mota horretako kooperatibak, eta oso labur arautzen ditu, beste lege batzuetan duten<br />
erregulazio berezira igorrita, baina ez du ekarpenik egiten, ezta legea osatzen ere, eta euskal<br />
kooperatibak eduki gehienbat oinarri-oinarrizkoa duen estatuko araudi bereziari lotzen<br />
zaizkio.<br />
- Kreditu-kooperatiben 13/1989 Legea eta hura garatzeko erregelamendua, 84/1993<br />
Errege Dekretuak onartutakoa.<br />
- Eta 21.1.3 atalean azaldutako guztien artean, funtsezko beste bat aipatu behar da,<br />
Kreditu-erakundeen antolamendu, gainbegiratze eta kaudimenari buruzko 10/2014<br />
Legea. 84/2015 Errege Dekretuak garatu zuen, eta, era berean, Espainiako Bankuaren<br />
2/2016 Zirkularrak.<br />
Lege hori, eta Errege Dekretuaren zein Zirkularraren bidezko garapena, gainbegiratzeari eta<br />
kaudimenari buruzko araudiaz gain, funtsezkoa da antolamendu eta gobernu korporatiboaren<br />
arloan, oro har.<br />
21.2 Aseguru-kooperatibak<br />
124. artikulua.– Aseguru-kooperatibak.<br />
1.– Aseguru-kooperatibak dira helburu dutenak aseguru-arlo guztietako asegurujarduerak<br />
egitea.*<br />
2.– Era honetako kooperatibek, aseguru-entitate diren aldetik, aseguru pribatuari<br />
buruzko oinarrizko araudia eta Euskal Autonomia Erkidegoan garatzen den araudia<br />
bete beharko dute, eta lege hau ere bai, adierazitako araudi bi horien osagarri gisa.<br />
3.– Aseguru-kooperatibei dagokienez, Eusko Jaurlaritzan ogasun- eta finantza-arloko<br />
eskumena daukan sailari dagokio 123.4 artikuluan xedaturiko funtzioak egikaritzea.<br />
21.2.1. Sarrera<br />
EKLren 124. artikuluak finantza-kooperatiba mota horren arauketa oso laburra dakar, gaur<br />
egun Euskadin argitaratu gabea, eta bere xedearen arabera definitu, besterik ez du egiten<br />
(aseguru-jarduera edozein adarretan), eskumen-eremua gogoraraziz eta horien gaineko<br />
* Euskadiko Kooperatiben abenduaren 20ko 11/2019 legea aldatzeko urriaren 7ko 5/2021 Legearen<br />
bosgarren artikuluaren araberako idazketa<br />
479
FINANTZA-KOOPERATIBAK<br />
eskumena daukan Eusko Jaurlaritzaren sail eskuduna finkatuz (ogasun eta finantzetan<br />
eskumena daukana).<br />
Aurrekariak.<br />
Estatu mailan, aseguru-kooperatibak 1931 legearen 31. artikuluan arautu ziren, eta arauaurreikuspenak<br />
aipatutako legearen erregelamenduaren 100. artikuluan arautu ziren, eta hori<br />
da Espainian mota horretako kooperatiben lehen erregulazioa.<br />
Geroago, ez ziren arautu ez 1942ko Legean, ez kooperatibei buruzko 1974ko Legean,<br />
eta Kooperatiben apirilaren 2ko 3/1987 Lege Orokorrak 143. artikulua eskaini zien. Bertan,<br />
funtsean, aseguru-kooperatiba guztien definizio erkidea jaso zen eta haien hiru modalitate<br />
edo azpimotak adierazi ziren, sektoreko legeria bereziaren lehentasuna printzipiotzat<br />
deklaratzeaz gain.<br />
Aurretik, Aseguru Pribatuaren Antolamenduari buruzko abuztuaren 2ko 33/1984 Legeak<br />
aseguru-kooperatibak egoteko aukera jaso zuen, eta aseguru-jardueraren berezitasun eta<br />
eskakizunen arabera arautu zituen.<br />
Lehenago ere, Euskadiko lurralde-eremuan, Kooperatibei buruzko otsailaren 11ko 1/1982<br />
Legeak berritasun gisa gehitu zuen aseguru-kooperatibak klase berezi gisa arautzea, eta<br />
aseguru-jardueran aritzeko elkarren arteko sozietateak sortzeko aukera onartu zen.<br />
Ekainaren 24ko 4/1993 Legeak ere arautu zituen 120. artikuluan.<br />
Antzera, baina ez hainbesteko kopuruan, kreditu-kooperatibentzat bezala aseguru-sektorea<br />
ere erruz araututa dago, eta hainbat lege daude aseguru-sektoreari eragiten diotenak. Lege<br />
horiek guztiak honako atal hauetakoren batean koka daitezke:<br />
- Oinarrizko aseguru pribatua. Azaroaren 8ko 30/1995 Legea, Aseguru Pribatuen<br />
Antolamenduari eta gainbegiratzeari buruzkoa, eta azaroaren 20ko 2486/1998<br />
Errege Dekretua, Aseguru Pribatuen Antolamenduari eta Gainbegiratzeari buruzko<br />
Erregelamendua onartzen duena.<br />
- Antolamendua gainbegiratzea. Bertan, 20/2015 Legea eta 1060/2015 Errege<br />
Dekretua nabarmendu behar dira, bi kasuetan aseguru- eta berraseguru-erakundeen<br />
antolamenduari, gainbegiratzeari eta kaudimenari dagokienez.<br />
- Bitartekaritza.<br />
- Aseguruak konpentsatzeko partzuergoa. 7/2004 Errege Lege Dekretua, horren<br />
legezko estatutua onartzen duena.<br />
- Pentsio-planetako aseguratuaren eta partaidearen defentsa.<br />
- Aseguru-kontratua. 50/1980 Legea, aseguru-kontratuari buruzkoa.<br />
Estatuko erakunde ikuskatzailea Aseguruen eta Pentsio Funtsen Zuzendaritza Nagusia da.<br />
21.2.2. Berrikuntza nagusiak aurreko araudiaren aldean<br />
Euskadiko Kooperatibei buruzko 4/1993 Legearen 120. artikuluarekin alderatuta, EKLren<br />
124. artikuluak izan duen aldaketa bakarra idatz-zati berria sortzea izan da, 3.a, hain zuzen<br />
ere. Atal horretan, kooperatiba-mota horiei dagokienez, Eusko Jaurlaritzan eskumena duen<br />
saila zein den zehazteko irizpidea finkatu da. Eta zuzen egin du hori, ez baitu sail jakin bat<br />
480
FINANTZA-KOOPERATIBAK<br />
finkatu izenean oinarriturik, ezpada, sailaren funtzioak aintzat hartuta, hau da, ogasun eta<br />
finantzen arloan eskuduna dena.<br />
21.2.3. Iruzkin orokorra eta esanahi praktikoa<br />
1. atalak mota horretako kooperatiben sozietate-helburua zehaztu du (aseguru-jarduera,<br />
edozein adarretan), eta aginduzko izaera du; izan ere, sozietate helburuaren espezializazioa<br />
eta esklusibotasuna direla eta, ezin izango du beste edozein motatako kooperatibak egin.<br />
Hasiera batean, 11/2019 Legeak antolaketaren eta funtzionamenduaren arabera ezar<br />
zitezkeen hiru modalitateak ere mugatzen zituen arren, definitu gabe bada ere, sustrai<br />
kontsumitzaileko bi modalitate (prima finkokoak, prima aldakorrekoak) eta beste bat –azken<br />
horretan, elementu edo ezaugarri bereizgarria ez da aseguratutako bezeroa, hornitzailea baizik<br />
(lan elkartukoa)−.2021eko urrian onartutako legearen aldaketak, Espainiako Gobernuko<br />
ministerio eskudunek azaldutako desadostasunen ondorioz, funtsean, kooperatiba horiek,<br />
beste erakunde batzuen artean, sari edo prima finkoan jarduteko aukera kentzean oinarritzen<br />
direnak, modalitate hori eta beste biak ezabatu ditu idazketatik, hau da, arestian antolaketaeta<br />
funtzio-eskema hirukoitz gisa deskribatutakoak.<br />
2. idatz-zatiak nahitaez ezarri du aseguru pribatua antolatzeko oinarrizko araudiari men<br />
egin behar zaiola, eta, aldi berean, Euskal Autonomia Erkidegoak hura garatzeko dituen<br />
eskumenak eta EKLren osagarritasuna gogorarazi ditu.<br />
Eta 3. atalak, berrikuntza gisa eta aurreko 21.2.2 atalean esan den bezala, irizpide<br />
funtzional batez ezarri du Eusko Jaurlaritzan eskumena duen saila, ogasun eta finantzen<br />
arloan eskumena duena, hain zuzen.<br />
21.2.4. Beste arau aplikagarri batzuk<br />
Kooperatibei buruzko uztailaren 16ko 27/1999 Legeak artikulu labur batean, 101.<br />
artikuluan, mota horretako kooperatibak arautu ditu, horien xedea zehaztu eta aseguruari<br />
buruzko legeriara bidalita, EKLren aplikazio osagarri edo interpretaziozkoaren bidez<br />
ekarpenik egin gabe.<br />
EKLk oinarrizko aseguru pribatuaren sektore-araudira bidaltzen duenez nahitaez,<br />
araudi horretara jo beharko da, eta araudi hori osatzen dute, funtsean, Aseguru Pribatuen<br />
Antolamenduari eta Gainbegiratzeari buruzko azaroaren 8ko 30/1995 Legeak, aurreko<br />
Legearen Erregelamendua onartzen duen 2486/1998 Errege Dekretuak eta Aseguru<br />
Kontratuari buruzko 50/1980 Legeak.<br />
Aipatutako 30/1995 Legeak berariaz arautu du aseguru-jarduera kooperatiba-sozietatea<br />
eratuz egin ahal izatea,<br />
30/1995 Legeak, Euskadiko Kooperatibei buruzko 4/1993 Lege zaharrari eta egungo<br />
11/2019 Legeari lotuta, arazoa edo, behintzat, zalantzazko auzi bat mahairatu du euskal<br />
eskumen-eremuari lotutako aseguru-kooperatibentzat; izan ere, lehen legeak, xedapen<br />
indargabetzaile bakarrean, lan elkartuko aseguruen kooperatibaren modalitatea edo<br />
481
FINANTZA-KOOPERATIBAK<br />
azpimota kendu zuen −garai hartan indarrean zegoen estatuko 3/1987 Lege Orokorrean<br />
xedatuta zegoena− baina egun indarrean dagoen estatuko 27/1999 Kooperatiben Legean ere<br />
ez da ageri (dena den, esan behar da lege horrek ez duela berariaz motarik xedatu), eta<br />
Euskadiko Kooperatiben Legeak bai jaso du aseguru-kooperatibena. Beraz, ulertu behar da<br />
debekatuta daudela bazkideen lanean oinarritutako aseguru-kooperatiba horiek? Espainiako<br />
Konstituzioan ezarritako estatuaren eta autonomia-erkidegoen arteko eskumen-banaketan<br />
oinarrituta, eta 30/1995 Legearen xedapen indargabetzaile bakarraren arabera (bistan denez,<br />
horrek ezin du Konstituzioaren aurka jo), badirudi zuzena dela ulertzea estatu-mailakoak edo<br />
autonomiaz gaindikoak bakarrik debekatuko direla.<br />
482
22. OSASUN-KOOPERATIBAK* 1<br />
22.1. Osasun-kooperatibak<br />
11/2019 Legeak (EKL) berariaz arautu ditu osasun-kooperatibak atal bereko bi manutan:<br />
II. tituluaren I. kapituluaren 9. manuan: lehenengo manuan, 125. artikuluan, osasunlaguntzako<br />
kooperatibak arautu dira; eta 126. artikuluan, berriz, azpiegitura edo instalazio<br />
sanitarioetarako kooperatibak arautu dira.<br />
EKLren zioen azalpenean bertan adierazi den bezala, osasun-kooperatiben bi modalitate<br />
horiek oraindik ez dira abian jarri, baina, hala ere, euskal legegileak EKLn utzi ditu<br />
etorkizuneko kooperatiba-sozietate aukera gisa.<br />
125. artikulua.–Osasun-laguntzako kooperatibak.**<br />
1.– Aseguru-kooperatibak dira, eta bazkideen eta haien onuradunen osasun-arloko<br />
arriskuak babestea da haien enpresa-jarduera.<br />
2.– Kooperatiba horiei 124. artikuluko aseguru-kooperatibetarako ezarritako arauak<br />
aplikatuko zaizkie.<br />
22.1.1. Sarrera<br />
Euskadiko Kooperatiben 4/1993 Legeak berrikuntza gisa ekarri zuen 121. eta 122.<br />
artikuluetan osasun-kooperatibentzat ezarritako erregulazio espezifikoa, eta erregulazio<br />
horrek iraun du gaur egungo EKLren 125. artikuluan; hala ere, osasun-urgazpenari<br />
dagokionez, adierazi behar da, aseguru-jardueran barnera daitekeen jarduera denez, osasunlaguntzako<br />
kooperatibek legezko estaldura dutela aseguru-kooperatiben barruan.<br />
Osasun-kooperatiben azpimota horrek enpresa-proiektu garrantzitsua galdatzen du, bai<br />
eska daitezkeen gutxieneko kapitalen zenbatekoagatik (125.3 artikulua, aseguru pribatua<br />
antolatzeko legeriari dagokionez), bai bazkide autoaseguratuen kolektibo zabalagatik,<br />
bazkide ugari elkartu beharko bailirateke bideragarritasuna bermatzeko.<br />
22.1.2. Berrikuntza nagusiak aurreko araudiaren aldean<br />
Nahiz eta EKLren 125. artikuluaren testuak ez zuen inolako arau-aldaketarik izan Euskadiko<br />
Kooperatibei buruzko 4/1993 Legearen 121. artikulu zaharraren aldean, edukia ia-ia berdina<br />
dela, hizkera inklusiboaren erabilerak eragindako aldaketak bazter utzita, 2021eko urrian<br />
onartutako legearen aldaketak, Espainiako Gobernuko ministerio eskudunek auzi horretan<br />
ere azaldutako desadostasunen ondorioz, funtsean, aseguru-kooperatibentzat adierazitako<br />
* Alejandro Elejabarrieta Goienetxe jaunak, LABORAL KUTXAko Aholkularitza Juridikoaren<br />
zuzendari eta Artezkaritza Kontseiluko idazkari tekniko eta Euskadiko Kooperatiben Goren Kontseiluko<br />
kideak, idatzitako iruzkina.<br />
** Euskadiko Kooperatiben abenduaren 20ko 11/2019 legea aldatzeko urriaren 7ko 5/2021 Legearen<br />
seigarren artikuluaren araberako idazketa<br />
483
OSASUN-KOOPERATIBAK<br />
ildo berekoak, kooperatiba horiek, beste erakunde batzuen artean, prima edo sari finkoaren<br />
arabera jarduteko aukera kentzean, 2. eta 3. atalak kendu egin ditu, bai eta bazkideak ez diren<br />
asegurudunak estaltzeko 1. xedapena ere.<br />
Beste alde batetik, bigarren paragrafo berria erantsi du, eta bertan, osasun-laguntzako<br />
kooperatibei aplika dakizkiekeen arauak 124. artikuluan ageri diren aseguru-kooperatiben<br />
arauetarako igorpena egiten du.<br />
22.1.3. Iruzkin orokorra eta esanahi praktikoa<br />
Euskal legegileak, 125. artikuluaren erregulazioaren bidez, neurri bateraino baliatu du<br />
kooperatiba-sozietatearen erabileraren ikuspegi zehatzegia osasun-jardueraren laguntzaren<br />
adarra antolatzeko, zehaztapen hori mugatzen baitu giza osasunari lotutako arriskuak<br />
estaltzen dituzten aseguru-enpresetara; hortaz, zalantzazkoa dirudi giza osasunari lotutako<br />
arazo horiekin hertsiki lotuta ez dauden beste jarduera batzuk aintzat har daitezkeenik, hala<br />
nola albaitaritza-jarduera, edo gizakien osasun-jardueraren barruan egonda ere, osasunarazoekin<br />
zerikusia ez dutenak, hala nola prebentzioa, ikerketa eta beste.<br />
1. paragrafoak “aseguru-kooperatibatzat” hartu ditu “osasun-laguntzako kooperatibak”,<br />
eta, definizioan, honako alderdi hauek jaso ditu: batetik, osasun-arriskuak estaltzen dituen<br />
bazkideen lanetik eratorritako ekoizpen-ikuspegia, eta, bestetik, arrisku horien estaldura<br />
bazkideei eta haien onuradunei soilik eskaintzetik eratorritako banaketa- edo kontsumoikuspegia.<br />
125. artikuluaren edukiak aginduzko izaera du, baina testua oso laburra denez, batez<br />
ere, 2021eko urriko aldaketaren ondotik, kooperatiba-motaren elementu objektiboa eta<br />
subjektiboa azaletik definitu, besterik ez du egiten, eta aseguru-kooperatiben 124. artikuluari<br />
lotzen zaio aplikagarri zaizkion arau guztiei dagokienez. Horiek horrela, oinarrizko izaerako<br />
aseguru pribatua antolatzeko araudira (Estatuaren eskumenekoa dena) jotzen du, funtsean,<br />
artikuluak, bai eta hura garatzeko autonomia-erkidegoak onartzen duen araudira ere.<br />
Legez ezarritako edo tipifikatutako osasun-laguntzako kooperatiben motak gorabehera,<br />
zalantzarik gabe, osasun-jarduera garatzen duten kooperatibak sor daitezke, 125. artikuluan<br />
eta aseguru-legerian jasotako arauak aplikatu behar izan gabe; hau da, osasun-arlokoa den<br />
asegurutik kanpoko jarduera bat. Esandakoa bi arrazoirengatik egin daiteke:<br />
- Bata ez da erabat juridikoa, eta osasun-zerbitzuen prestazioa bazkide ez diren<br />
hirugarren pertsona edo pazienteei ezin ematearekin lotuta dago.<br />
- Bestea juridikoa da, eta asegurutik kanpoko osasun-jarduera horrek inolako<br />
arazorik gabe legezko estaldura izatean datza, bai lan elkartuko kooperatiben araudi<br />
espezifikoaren esparruan (103. artikulua eta hurrengoak), mota horri eutsiz gero,<br />
bai “ezohikoak” diren kooperatibak arautzen dituen 102.1 artikuluaren esparruan.<br />
Azkenak legean berariaz araututa ez dauden kooperatibak sortzeaz dihardu,<br />
honela: “baldin eta argi eta garbi zehazten bada zein den kooperatiba-jarduera eta<br />
kooperatiban parte hartu behar duten bazkideen posizio juridikoa. Kasu horretan,<br />
erregistroak eta interesdunek aplikatuko dituzte kooperatiba horiekiko analogia<br />
handiena duten entitateentzat legez xedatu diren arauak”.<br />
484
OSASUN-KOOPERATIBAK<br />
Ezin da ahaztu kooperatiben legezko sailkapena hautazkoa dela, besterik ez, eta ez duela<br />
mugatzen edo eragozten beste jarduera batzuk kooperatiba-sozietateak erabiliz egitea.<br />
Bestalde, 102. artikulua osatu du legearen azken xedapenetako bigarrenak, “Beste<br />
kooperatiba mota batzuk” deritzonak. Xedapen horretan, hauxe ezarri da: “Euskadiko<br />
Kooperatiben Goren Kontseiluak nahitaezko txostena eman eta gero, Eusko Jaurlaritzak,<br />
lan-arloaren eskumena duen sailburuak proposatuta, kooperatiba mota berriak erregulatu<br />
ahal izango ditu, eta, haien berezitasun sozioekonomikoetan oinarrituta, arau bereziak<br />
ezarri ahal izango ditu, lege honetan ezarritako printzipioak eta ezaugarriak errespetatuz”<br />
Aurrekoari kalterik egin gabe, kontuan hartu behar da beti osasun-kooperatibak asegurukooperatibak<br />
direla, eta, beraz, alderdi askotan oinarrizko izaera duten araudi ugariei lotuta<br />
daudela eta, gainera, erakunde ikuskatzaileen mendekoak direla.<br />
22.1.4. Beste arau aplikagarri batzuk<br />
Aipatzekoak dira 27/1999 Legeak 102. artikuluan araututako osasun-kooperatiben<br />
esparruan egin dituen ekarpenak edo berrikuntzak. Eta bereziki interesgarriak dira Euskadiko<br />
Kooperatiben 11/2019 Legearen mende dauden mota horretako kooperatibentzat ere bai,<br />
Euskadin modu osagarrian aplikatu beharko liratekeelako gai horiei buruzko euskal araudia<br />
osatzeko, azkenak aipaturiko xedapenak arautzen ez baditu.<br />
102. artikuluaren 1. zenbakiak kooperatiben aukeren ikuspegi hertsia deitu duguna gainditu<br />
du, aukera horiek aseguru-eremura mugatu baititu.<br />
Eta aukera-sorta zabala eskatzen duen gainditze hori bai elementu objektiboan, bai<br />
subjektiboan, gertatu da:<br />
- Kooperatiba mota horiek egin ditzaketen jarduerez osatutako lehen elementuari<br />
dagokionez, bi aurreikuspen garrantzitsu daude: alde batetik, jarduera osasunaren<br />
arloan garatzeko aukera ematen zaie, oro har, eta berariazko arau mugatzailerik gabe;<br />
eta, bestetik, berariaz xedatu da “jarduera osagarriak eta lotuak ere egin ditzaketela,<br />
baita prebentziokoak ere, orokorrak edo talde edo kolektibo jakin batzuentzat”.<br />
Lege-xedapen biak irakurrita, antzeman daiteke aukera handiak ematen zaizkiela jarduera<br />
hainbat arlotan garatzeko, hala nola ikerketan, irakaskuntzan, prebentzioan, dibulgazioan<br />
eta abarretan. Gainera, eremu horiek guztiak irekitzean, arlo horiei lotutako erakundeak<br />
(unibertsitateak, fundazioak eta abar.) bazkide laguntzaile gisa elkar daitezke.<br />
- Eta elementu subjektiboari dagokionez, irizpide zabala ere ezarri da bertan: “Osasunlaguntza<br />
ematen dutenek, laguntza horren hartzaileek edo batzuek eta besteek osa<br />
ditzaketelako”.<br />
102. artikuluaren 2. zenbakiaren lehen paragrafoak, kooperatiba horiei ahalbidetzen<br />
dizkien helburuak kontuan hartuta, kasu bakoitzean aplikatu beharreko araudiak ezarri ditu,<br />
eta harako bidalketa egingo dugu, besterik gabe, idatz-zati horren testua argia delako eta<br />
Euskadiko Kooperatiben 11/2019 Legeari lotuta dauden kooperatibentzako interpretazioa<br />
zehatza delako.<br />
485
OSASUN-KOOPERATIBAK<br />
Era berean, interesgarria da horientzat 2. zenbakiaren bigarren paragrafoan ageri<br />
den aurreikuspen operatiboa. Hona hemen: “Legeak hala aginduta, aseguru-jarduera<br />
garatu ezin dutenean, osasun-kooperatiben jabetzakoak diren –edo, behintzat, jabetzaren<br />
gehiengoa duten− merkataritza-sozietateek egin beharko dute jarduera hori. Osasun-arloko<br />
merkataritza-sozietate horiek aipaturiko merkataritza-sozietateetan parte hartzearen zioz,<br />
lege honen 57.3.a) artikuluan xedatutakoa aplikatuko zaie”. 57.3.a) manurako bidalketak<br />
esan nahi du zio horiek “emaitza kooperatibotzat hartuko direla ondorio guztietarako”, eta<br />
hori bat dator merkataritza-sozietatearen izaera osagarriarekin kasu horietan.<br />
22.2. Osasun-instalazioetarako kooperatibak<br />
126. artikulua.– Osasun-instalazioetarako kooperatibak.<br />
1.– Halaber, osasun-kooperatibak dira, lege honen ondorioetarako, ospitaleak,<br />
klinikak eta antzeko establezimenduak sustatu, hornitu, administratu, mantendu<br />
eta kudeatzeko asmoz pertsona fisikoek eta juridikoek osatzen dituztenak, zeinen<br />
helburua baita osasun-asistentzia ematea beren bazkide onuradunei eta haien<br />
senideei, baita, hala badagokio, beren langileei ere.<br />
2.– Era honetako kooperatibei, ospitaleetako legeria ez ezik, kontsumo-kooperatiben<br />
araudia aplikatu behar zaie; araudi horri, hala badagokio, erregelamenduz<br />
finkatzen diren egokitzapenak egingo zaizkio, zerbitzuaren berezitasunak ikusita eta<br />
kooperatiben jardute-sektorea kontuan harturik.<br />
22.2.1. Sarrera<br />
Osasun-instalazioetarako kooperatibak tipifikatu dituen Euskadiko Kooperatiben 11/2019<br />
Legearen 125. artikuluaren arauketa eginda, 4/1993 Lege zaharraren 122. artikuluan zegoena,<br />
Euskadiko legegilea urrundu egin da kooperatiben aukera aseguru-jarduera huts-hutsera<br />
mugatzen zuen ikusmolde zorrotzetik.<br />
Osasun-kooperatibaren azpimota horrek ere enpresa-proiektu garrantzitsua eskatzen<br />
du, bideragarri izango bada, bazkideen kopuru handia izan behar duelako eta ondareelementuetan<br />
ere inbertsio handia egin behar delako.<br />
22.2.2. Berrikuntza nagusiak aurreko araudiaren aldean<br />
Hala berean, 126. artikuluak dakarren testua ez da aldatu Euskadiko Kooperatibei buruzko<br />
4/1993 Legearen 122. artikulu zaharraren aldean, berbarik bera berdina baita, hizkera<br />
inklusiboaren erabilera gorabehera, baina horrek ez du inolako aldaketarik ekarri, ez baita<br />
ezer osatu, ez eta ezer gehitu ere.<br />
22.2.3 Iruzkin orokorra eta esanahi praktikoa<br />
Osasun-instalazioetarako kooperatiben 126. artikuluaren erregulazioan, aginduzko izaera<br />
dute ondokoek:<br />
486
OSASUN-KOOPERATIBAK<br />
- Kooperatiba-mota horiek osatzen dituzten elementu subjektiboari buruzko arauak,<br />
bai bazkideei dagokienez, bai hartzaileei dagokienez (bazkide onuradunak, senideak<br />
eta langileak).<br />
- Eta horiei aplikatu beharreko araudia (ospitale-legeria eta kontsumo-kooperatibena,<br />
espezialitateak aintzat hartuta).<br />
22.2.4. Beste arau aplikagarri batzuk<br />
27/1999 Legeak, Kooperatibei buruzkoak (estatukoa), ez dakarkio inolako ekarpenik<br />
osasun-instalazioetarako kooperatiben azpimota horri, ez baititu arautu 102. artikuluan<br />
xedatzen diren osasun-arloko mota orokorretik bereizitako berariazko kooperatiba gisa.<br />
487
23. ZERBITZU-KOOPERATIBAK* 1<br />
Zerbitzu-kooperatibak osatzen dituztenak –pertsona fisikoak edo juridikoak, nortasun<br />
juridikorik gabeko erakundeak, publikoak edo pribatuak– kooperatibren sozietate-era<br />
erabiliz elkartzen dira, batez ere, kooperatiba baliatuz, haien jarduera profesional, enpresarial<br />
edo instituzionaletan erabiltzen dituzten zerbitzu eta hornidurez zuzkitzeko. Nolanahi<br />
ere, aipaturiko jarduerak modu askean, euren kontura eta nork bere erantzukizunari lotuta<br />
garatuko dituzte.<br />
Helburua, beraz, bazkideen jardueren edo ustiategien garapena eta/edo emaitzak erraztea,<br />
bermatzea edo osatzea da, eta, horretarako, bazkideei zerbitzuak eta hornidurak eman edo<br />
helburu horretarako baliagarriak izan daitezkeen prestazioak eta eragiketak bideratzen dira.<br />
Zerbitzu-kooperatibak koordinazio-erakunde gisa eratzen dira. Izaera hori aurreko legean<br />
ere aitortu zitzaien, eta horrek esan nahi du bazkideen beharrak haien bidez koordinatzen<br />
direla, kooperatiba osatzen duen sozietate-eraketa erkide hori erabiliz.<br />
Garraio-kooperatibek izan ezik, gainerako zerbitzu-kooperatiba guztiek indargabetuta<br />
dagoen 4/1993 Legeak ezarritako araubideari eutsi diote.<br />
Jarraitutasun-ildo horretan, legearen II. tituluaren I. kapituluko 10. atalaren barruan, aurreko<br />
legean aipatzen ziren hiru motatako zerbitzu-kooperatibak arautu dira, hau da, profesionalen<br />
zerbitzu-kooperatibak (127. artikulua), enpresen zerbitzu-kooperatibak (128. artikulua) eta<br />
erakundeen zerbitzu-kooperatibak (130. artikulua). Gainera, garraio-kooperatibei buruzko<br />
artikulu berariazko bat gehitu da (129. artikulua). Eta, azkenik, arau osagarriek azkena<br />
ematen diote erregulazioari. Horiek 131. artikuluan jasota daude eta eta aurreko legearen<br />
126. artikulukoak ditugu.<br />
Hizkuntzaren ikuspegitik, lege osoan gertatzen den bezala, hizkera inklusiboaren<br />
erabilerak berrikuntza dakar, eta balioetsi egin behar dugu termino inklusiboak baliatzea<br />
manuen idazketan, bi generoak aintzat hartzen dituzten esamoldeak erabili direla (batik bat,<br />
berrikuntza hori askozaz nabarmenagoa da gaztelaniazko testuan).<br />
23.1. Profesionalen zerbitzu-kooperatibak<br />
127. artikulua.– Profesionalen zerbitzu-kooperatibak.<br />
1.– Profesionalen zerbitzu-kooperatibak dira beren kontura lan egiten duten artisau,<br />
profesional edo artistek sortzen dituztenak hornidurak, zerbitzuak eta prestazioak<br />
eskaintzeko, edo beste zenbait jarduera egiten dituztenak bazkideen jarduerak egiten<br />
laguntzeko edo jarduera horien eta jarduera horien emaitzen alderdi ekonomiko,<br />
tekniko, ekologiko eta funtzionalak, eta lan- edo antolamendu-alderdiak erraztu,<br />
bermatu edo osatzeko.<br />
* Carlos Martín Ginto Monzón jaunak, abokatu eta BITARTU-Arbitraje Kooperatiboko Euskal Zerbitzuko<br />
arbitroak, egindako iruzkina.<br />
489
ZERBITZU-KOOPERATIBAK<br />
2.– Bazkideak profesional liberalak edo artistak badira, artikulu honetan arautzen den<br />
kooperatiba mota bat sortzeak ez du inolako eraginik izango dagokien proiektu eta<br />
lanei aplikatzen zaien betearazpen- eta erantzukizun-araubidean; izan ere, proiektu<br />
eta lanok zein lanbidetakoak diren, lanbide horretako arauak aplikatu beharko dira.<br />
23.1.1. Sarrera<br />
Artikulu honetan, 1. atalean, hain zuen, “profesionalen zerbitzu-kooperatiba” identifikatzen<br />
duten elementuak jaso dira. Horien artean, lehenik eta behin, sozietatea “zerbitzu”<br />
kooperatibatzat hartzeko bereizten dutenak ageri dira, kapitulu honen sarrerako lerroetan<br />
aipatu direnak, eta, bigarrenik, “profesionalen” zerbitzu-izaera ematen diotenak.<br />
2. atalean, gauzapen- eta erantzukizun-araubideari buruzko arau bat ezarri da, bazkideak<br />
profesional liberalak edo artistak direnean egiten dituzten proiektu edo zereginei dagokienez.<br />
Arau hori azaldu behar da, profesional horiek kooperatibako kide izan arren, bazkideek<br />
jarduera “beren kontura” garatzen dutelako, 1. atalean adierazi den bezala.<br />
23.1.2. Berrikuntza nagusiak aurreko araudiaren aldean<br />
Iruzkintzen ari garen manuak indargabetutako legearen 123. artikuluan zeukan edukiari<br />
eutsi dio. Moldaketa bakarrak gramatika-arlokoak dira, hizkera inklusiboaren erabileraren<br />
ziozkoak (arestian adierazi dugun moduan, batik bat, berrikuntza hori askozaz nabarmenagoa<br />
da gaztelaniazko testuan).<br />
23.1.3. Iruzkin orokorra eta esanahi praktikoa<br />
Artikulu honek aukera emango digu kooperatiba jakin bat profesionalen zerbitzukooperatibatzat<br />
identifikatzeko eta, beraz, kalifikatzeko, bertako kideen izaera (elementu<br />
subjektiboa) eta kooperatiba-jarduera (elementu objektiboa) artikuluaren 1. atalean<br />
adierazitakoekin bat badatoz.<br />
Nolanahi ere, “profesional” berbaren erabilerak izaera malgua dauka kooperatiba-mota<br />
horien erregulazioan, eta sustatzaileek “artisauak edo artistak” diren kasuetan ere sor daitezke<br />
halako sozietateak.<br />
Kooperatiba bat profesionalen zerbitzu-kooperatiba izatea zehazten duen elementu<br />
subjektiboa dugu kooperatiba horretako kideak, hau da, erakundeak zerbitzuak emango<br />
dizkien pertsonak, profesionalak, artisauak edo artistak izatea. Gainera, esandako izaera<br />
horietako bat duten pertsonek osatu duten kooperatiba bat “profesionalen zerbitzukotzat”<br />
jo ahal izateko, beharrezkoa da profesional izendatu ditugun pertsona horiek jarduera<br />
“euren kontura” egitea, hau da, kooperatibatik lokabe. Gertaera horrek bereizi egiten ditu<br />
mota horretako kooperatibak eta, lan elkartuko kooperatibaren modalitatearen barruan,<br />
jarduera profesional, artisautza-jarduera edo jarduera artistiko bat “modu erkidean” eta<br />
“kooperatibaren kontura” emateko eratzen direnetatik.<br />
Kooperatiba-jarduera identifikatzen duen alderdi objektiboari dagokionez, esan beharra<br />
dago mota horretako kooperatiben helburua bazkideentzako “hornidurak, zerbitzuak<br />
490
ZERBITZU-KOOPERATIBAK<br />
eta prestazioak ematea edo horiei lotutako eragiketak egitea” dela, helburu honi atxikita:<br />
bazkideek garatutako jarduerak edo jarduera horien emaitzak erraztu, bermatu edo osatzea,<br />
ekonomiaren, teknikaren, lanaren, ekologiaren, antolamenduaren edo funtzionaltasunaren<br />
esparruan.<br />
Ondorio gisa, esan daiteke mota horretako kooperatibak bereizten dituena ez dela soilik<br />
kooperatibako kideek garatzen duten jarduera-mota, baizik eta, bereziki, bazkideok beren<br />
independentziari eustea eta kooperatiba erakunde koordinatzailea izatea, horren helburu<br />
nagusia bazkideen beharrei erantzutea dela, bazkideek jarduera propioak gauza ditzaten.<br />
23.1.4. Beste arau aplikagarri batzuk<br />
Bazkideek egindako proiektuei eta zereginei buruzko egikaritze-araubideari eta<br />
erantzukizunari dagokienez, artikuluaren 2. atalak ezarri du “dagokion lanbideari aplika<br />
dakizkiokeen arauen arabera garatuko dela”.<br />
Beraz, kontuan hartu beharko da bazkideen eta hirugarrenen arteko kontratu-harremanei<br />
aplikatu beharreko araubide juridikoa, eta, bereziki, lex artis delakotik eratorritako<br />
betebeharrak eta erantzukizunak, kode zibilaren arauekin eta Auzitegi Gorenaren<br />
jurisprudentziak ezarritakoarekin bat etorriz.<br />
Era berean, badira arau bereziak, profesional jakin batzuen betebeharrak berariaz jasotzen<br />
dituztenak, eta horiek ez betetzeagatiko erantzukizuna sortuko da, hala nola eraikinen<br />
eraikuntza-prozesuan esku hartzen dutenek (arkitektoak, arkitekto teknikoak, ingeniariak<br />
eta ingeniari teknikoak) aintzat hartu beharrekoak, Eraikuntzaren Antolamenduari buruzko<br />
azaroaren 5eko 38/1999 Legeak ezarritakoari jarraiki.<br />
23.2. Enpresen zerbitzu-kooperatibak<br />
128. artikulua.– Enpresen zerbitzu-kooperatibak.<br />
1.– Enpresen zerbitzu-kooperatibak dira, 127.1 artikuluan erregulatutako helburu<br />
soziala izanik, arrantza-, industria-, merkataritza- edo zerbitzu-sektoreetako<br />
enpresaburu indibidualak edo enpresaburu-sozietateak elkartzen dituztenak, berdin<br />
delarik zein den haien forma juridikoa, enpresa-funtzioak eta bazkideen ustiapenen<br />
jarduerak edo emaitzak errazteko, bermatzeko edo osatzeko.<br />
2.– Aurreko zenbakian xedatutakora bil daitezke ondasun- edo eskubide-erkidegoak,<br />
eta nortasun juridikorik gabeko bestelako antolakundeak, baldin eta eskubideak eta<br />
betebeharrak bereganatzeko gaitasuna badute eta nork bere kideetatik ordezkari bat<br />
izendatzen badute kooperatiban jardun dezan.<br />
23.2.1. Sarrera<br />
Aurreko artikuluan bezala, legeak jasotako zerbitzu-kooperatiben beste mota bat zehaztu<br />
da artikulu honetan, elementu objektiboak eta subjektiboak aipatuz. Horiek zehaztuko<br />
dituzte, azken batean, kooperatiba bat “enpresen zerbitzu-kooperatibatzat” kalifikatzea.<br />
491
ZERBITZU-KOOPERATIBAK<br />
23.2.2 Berrikuntza nagusiak aurreko araudiaren aldean<br />
Aurreko 4/1993 Legearen 124. artikuluak zekarren edukiari eutsi zaio lege honetan,<br />
enpresen zerbitzu-kooperatiben modalitatean garraiolarien kooperatibei buruzko hirugarren<br />
atala kendu dela izan ezik. Atal hori kentzeko arrazoia dugu egungo legeak artikulu bat<br />
eskaintzen diela osorik “garraio-kooperatibei” (129. artikulua).<br />
23.2.3. Iruzkin orokorra eta esanahi praktikoa<br />
Enpresen zerbitzu-kooperatiben xedea profesionalen zerbitzu-kooperatibenaren antzekoa<br />
da, hau da, “hornidurak, zerbitzuak eta prestazioak ematea edo eragiketak egitea”<br />
kooperatibako kideentzat, zertarako eta “bazkideen enpresa-eginkizunak, jarduerak edo<br />
ustiategien emaitzak erraztu, bermatu edo osatzeko”. Horrenbestez, enpresa-lankidetzarako<br />
tresnak dira, eta erakundeko kideek lankidetzan jarduten dute nork bere enpresa-jardueren<br />
garapen askeari eutsita.<br />
Alderdi subjektiboari dagokionez, derragun arrantza-, industria-, merkataritza- edo<br />
zerbitzu-sektoreetako banako enpresaburuek edo sozietateek osa ditzakete, haien era<br />
juridikoa edozein dela ere. Nortasun juridikorik gabeko erakundeek ere sor ditzakete halako<br />
kooperatibak, hala nola ondasun- edo eskubide-erkidegoak, betiere bi baldintza betetzen<br />
badituzte: 1) eskubideak eta betebeharrak egozteko gaitasuna izatea; eta 2) kooperatiban,<br />
kideen ordezkari bat izendatzea.<br />
Kooperatiba-mota horri atxikitako sozietateek bazkideen beharrizan erkideak asetzen<br />
dituzte, kideek euren ustiategiak hobeto gara ditzaten; horretarako, adibidez, horiek<br />
gauzatzeko beharrezkoak diren produktuak eskuratzeko kostuak murriztuko dira,<br />
merkaturatze-baldintzak hobetuko dira eta, ondorioz, salmentak erraztu, edo bazkideei<br />
administrazio-zerbitzuak eskainiko zaizkie negozioak modu eraginkorragoan kudeatzeko.<br />
Beraz, bazkideen gaitasuna handitzen dute horiek lan egiten duten merkatuaren eskakizunei<br />
hobeto aurre egiteko, eta, aldi berean, bazkideok nork bere enpresa-unitatearen kontrolari<br />
oratu egingo dio.<br />
23.2.4. Beste arau aplikagarri batzuk<br />
Profesionalen zerbitzu-kooperatibetan gertatzen den bezala, kooperatiba hauetan ere<br />
kontuan hartu beharko dira bazkideen eta haiek garatutako jarduera ekonomikoetatik<br />
eratorritako kontratu-loturak dituzten hirugarrenen arteko harremanei doazkien betebeharrak<br />
eta erantzukizunak.<br />
23.3. Garraio-kooperatibak<br />
129. artikulua.– Garraio-kooperatibak.<br />
1.– Garraio-kooperatibak dira helburu dutenak garraio-zerbitzuak antolatzea edo<br />
eskaintzea edo helburu hori betetzen laguntzen duten jarduerak egitea.<br />
2.– Forma hauetakoren bat hartu ahal izango dute:<br />
492
ZERBITZU-KOOPERATIBAK<br />
a) Lan elkartuko garraio-kooperatiba edo, besterik gabe, garraio-kooperatiba:<br />
garraiolari, gidari edo bestelako langileak elkartzen dituzte, elkarrekin lan egin<br />
eta garraio-zerbitzuak emateko.<br />
Lan elkartuko kooperatiben erregulazioa aplikatuko zaie garraio-kooperatibei;<br />
kooperatiba mota horietan, bazkide langileak ez dira garraio-enpresen titular<br />
izango, eta ezin izango dute fakturatu lan-prestazioagatik. Bazkide horien baja<br />
gertatuz gero, dirutan itzuliko zaizkie egindako ekarpenak.<br />
b) Garraio-jarduerak gara ditzaketen garraio-enpresen titularrak elkartzen dituen<br />
garraio-kooperatiba, helburu hau duena: bazkideen enpresa-jarduera erraztea,<br />
bazkideen ustiapenen hobekuntza ekonomikoa eta teknikoa lortzera bideratutako<br />
zerbitzuak eta hornidurak eskainiz edo bestelako eragiketak eginez.<br />
23.3.1. Sarrera<br />
Garraioen sektorean jarduteko eratutako kooperatibek berariazko erregulazioa dute lege<br />
berrian, eta horren bidez bereizten, definitzen eta sailkatzen dira halako kooperatibak.<br />
Artikulu bat eskaini zaie osorik, eduki zabalekoa, indargabetutako legeak enpresa-zerbitzuen<br />
kooperatibei buruzko artikuluaren barruko paragrafo batean horien inguruan egin zien<br />
aipamen soiletik harago.<br />
Maila erkatuan, kooperatiben legeek –estatukoak eta autonomia-erkidegoetakoek–<br />
kooperatiba-mota horiek berariaz arautzea erabaki dute kasu batzuetan, eta beste batzuetan,<br />
berriz, horiek zehaztu edo aipatu besterik ez dute egiten, arautu barik, eta haien araubide<br />
juridikoa dela eta, beste kooperatiba-mota batzuetara bideratzen dituzte, lan elkartukoetara<br />
edo zerbitzu-kooperatibetara, kasuan-kasuan diren elementu zehatzen arabera.<br />
Garraio-kooperatiben araubide juridikoa zein den, lan elkartuko kooperatibetara edo<br />
enpresen zerbitzu-kooperatibetara bideratzeko arrazoiaren funtsa dugu, halako kooperatibek<br />
jarduten duteneko esparru ekonomikoa gorabehera, kooperatiba-sozietateen unibertsoaren<br />
barruan dituzten ezaugarri zehatzen kariaz, kasuan-kasuan kontuan hartuko da kooperatiben<br />
jarduera zein den, hau da: bazkideentzako lanpostuak sortzea edo erakundeko kideek<br />
garraiolari gisa garatzen duten enpresa-jarduera erraztea.<br />
Hori horrela izanik, 11/2019 Legeak beste urrats bat egin du kooperatiba mota horiek aipatze<br />
hutsetik eta arestian esandako bi ereduetara (lan elkartuko kooperatibetara edo enpresen<br />
zerbitzu-kooperatibetara) bideratzetik harago, eta esparru juridiko berekia eman die; hala,<br />
erabaki horrek mota horretako kooperatibak kooperatiba-enpresa gisa ulertzea erraztu du, eta<br />
esparru juridiko hori, aldi berean, garraioen arloko sektore-araudiarekin ezkondu behar da.<br />
Legearen zioen azalpenak mota horretako kooperatiben erregulazioa iradoki digu, sektore<br />
horretan kooperatiben egoera argitu nahi dela azpimarratuta; ildo horretan, honako hau<br />
adierazi da:<br />
“Garraio-kooperatiben kasuan, espresuki aurreikusi da nola sortu daitezkeen: zerbitzukooperatiba<br />
gisa –enpresen zerbitzu-kooperatibak erregulatu zirenean bezala– edo lan<br />
elkartuko kooperatiba gisa. Edozein kasutan, egitura eta araubide juridiko ezberdinen<br />
arabera erregulatu dira bi eraketa mota horiek, ez daitezen biak nahastu; izan ere, nahasketa<br />
493
ZERBITZU-KOOPERATIBAK<br />
horrek arazoak eta gatazkak sortzen zituen araudia aplikatzerakoan. Beraz, kooperatibok<br />
garraio integratuko kooperatiben identitatea bermatuko duten estatutu zehatz batzuen<br />
arabera erregulatuko dira, kontuan hartuta betiere kooperatibei oro har aitortzen zaien<br />
izaera integrala”.<br />
23.3.2. Berrikuntza nagusiak aurreko araudiaren aldean<br />
Lege berrian, garraioen arloan diharduten kooperatibei ematen zaien tratamendua dugu<br />
haien berritasun garrantzitsuetako bat; izan ere, artikulu bat eskaini zaie osorik kooperatibei,<br />
eta artikulu hori dela bide, legez taxutzen, definitzen eta sailkatzen dira.<br />
4/1993 Legean, mota horretako kooperatiben gaineko aipamen soila ageri zen, enpresen<br />
zerbitzu-kooperatibei buruzko artikuluaren paragrafoetako batean (124.3 artikulua), honako<br />
hau adierazita:<br />
“Lege honetan lankide-kooperatibez ohartemandakoaren kaltetan joan gabe,<br />
bidaiariak edo salgaiak garraiatzeko zerbitzuak betetzeko gaituriko gizalagunek<br />
garraiolarien kooperatibak era ditzakete, atal honi atxikiz, garraioaren arloari buruzko<br />
legerian horrelako enpresei aitortzen zaizkien eginkizun guztiak beregana ditzaten”.<br />
Horren aurrean, lege berriak ahalegin handiagoa darakutsa kooperatiba horien tratamenduari<br />
gagozkiola.<br />
23.3.3. Iruzkin orokorra eta esanahi praktikoa<br />
Kooperatiba horien helburua garraio-zerbitzuak antolatzea eta/edo ematea da, edo, bestela,<br />
helburu hori lortzeko jarduerak egitea.<br />
Mota horretako kooperatibek bi sozietate-era har ditzakete, jarduera kooperatiboaren<br />
helburua zein den: bazkideei lanpostuak eskuetaratzea edo bazkideen ustiategiak garatzen<br />
laguntzea:<br />
1) Lan elkartuko kooperatiba edo garraio-kooperatiba bera: kideek, hau da, garraiolariek,<br />
gidariek edo beste langile batzuek, elkarrekin lan egiten dute garraio-zerbitzua emateko.<br />
Bertako kideak ezin dira garraio-enpresen titularrak izan, eta ezin izango dute fakturatu<br />
lana egiteagatik.<br />
Mota horretako kooperatibak lan elkartuko kooperatibak erregulatzen dituzten manuen<br />
arabera arautuko dira.<br />
Baja emanez gero, ekarpenak eskudirutan itzuliko zaizkio bazkideari, eta, beraz, ekarpena<br />
ibilgailu bat izan bada, ezin izango da itzuli ibilgailu hori emanda. Beste lege autonomiko<br />
batzuek, aldiz, kontrakoa ezarri edo horretarako baimena ematen dute. Horrela Valentziako<br />
legeak (2/2015 Legegintzako Dekretuaren 97.2.a) artikulua) eta Gaztela-Mantxako Legea<br />
(azaroaren 4ko 11/2010 Legearen 129.2 artikulua), ibilgailuetan egindako ekarpenen<br />
itzulketa, nahitaez, ibilgailua bera eta ibilgailuari aplikatutako amortizazio-funtsa itzuliz<br />
egingo dela arautu dute, eta Andaluziakoak ere (14/2011 Legearen 95.2 artikulua) ezarri du<br />
ekarpenak “lehentasunez” egin behar direla emandako ibilgailua itzulita eta hari aplikatutako<br />
amortizazio-funtsa kontuan hartuta.<br />
494
ZERBITZU-KOOPERATIBAK<br />
Garraioen arloko araudiak mota horretako kooperatibetan duen eragina dela eta, ekarpenen<br />
itzulketari buruzko arau hau ezartzeak lagundu egin dezake, ikuspegi operatibo eta/edo<br />
ekonomiko batetik zentzurik ez duen egoerak saihesten, esaterako, beste araudi horrek<br />
ezarri hoi dituen baldintzen ondorioz ibilgailu bat garraiobide gisa erabiltzeko. Azken<br />
batean, eskudiruzko itzulketak ez du kooperatiba-araubidekoak ez diren baldintzatzaileen<br />
eraginpean jartzen.<br />
2) Garraiolarien kooperatibak. Ondoko ezaugarri subjektibo eta objektiboak dituzten<br />
inguruabar hauek bete behar dituzte: a) bazkideak garraio-enpresen titularrak dira eta garraiojardueran<br />
jardun dezakete; eta b) sozietatearen xedea hauxe da: bazkideen enpresa-jarduera<br />
erraztea, zerbitzuak eta hornidurak emanez, bai eta haien ustiategien hobekuntza ekonomiko<br />
eta teknikoa helburu duen beste edozein eragiketa gauzatu ere.<br />
Hemen, kooperatiba enpresa-egitura da eta sektoreko enpresaburuei elkartzeko aukera<br />
ematen die, sektorearen zatiketa saihestuz eta merkatuan lehendik daukan posizioa indartuz.<br />
Ondorio gisa, honako hau esan daiteke:<br />
1) Jarraian aipatuko dugun manuak legez taxutzen ditu garraio-kooperatibak, eta<br />
kooperatiba-irizpide hutsen bidez erregulatzen, sektore ekonomiko horren esparruan<br />
sor daitezkeen bi kooperatiba-motak bereiziz, jarduera kooperatibizatuaren arabera<br />
eta erakundeak nahiz bazkideek euren arteko eta hirugarrenekiko harremanetan<br />
duten posizioaren arabera.<br />
2) Eraketa eta arauketa hori malgua da, eta aukera ematen du sektoreko profesionalak<br />
nahiz bestelako langileak kooperatibetan aritzeko, guztiak ere bazkideak baitira,<br />
enpresa-jarduera haien guztien baldintza, aukera eta beharretara ondoen egokitzen<br />
den kooperatiba-era zehatzaren bidez garatzeko.<br />
Hori guztia lagungarria izan daiteke, gainera, praktikak kooperatiba-sozietatearen izaera<br />
indargabetu ez dezan eta izakunde hori kooperatibismotik kanpoko helburuetarako neurriz<br />
kanpo erabil ez dadin. Gai horri dagokionez, komeni da kontuan hartzea Auzitegi Gorenaren<br />
2018ko maiatzaren 18ko 549/2018 (Lan-arloko) Epaiak ezarritakoa, garraioen arloan<br />
kooperatiba-eraren iruzurrezko erabilerari dagokionez.<br />
23.3.4. Beste arau aplikagarri batzuk<br />
Mota horretako kooperatibetan, garraio-jarduera erregulatzen duen araudi sektoriala hartu<br />
behar da kontuan, eta, bereziki, honako xedapen hauek:<br />
• 16/1987 Legea, uztailaren 30ekoa, Lurreko Garraioen Antolamenduari buruzkoa,<br />
eta, bereziki, 22. eta 119. artikuluak, 1. eta 3. atalak.<br />
• 1211/1990 Errege Dekretua, irailaren 28koa, Lurreko Garraioak Antolatzeko<br />
Legearen Erregelamendua onartu zuena, eta, zehazki, 159.1 eta 197. artikuluak eta<br />
5. xedapen iragankorra.<br />
Era berean, agerian jarri behar da araudi horrek aldaketa ugari izan dituela eta, gainera,<br />
aintzat hartu beharreko ebazpen judizialek ere eragina izan ohi dutela (adibidez, Auzitegi<br />
Gorenaren Administrazioarekiko Auzien Salak berriki emandako epaia, 2020-09-28koa,<br />
495
ZERBITZU-KOOPERATIBAK<br />
1218/2020 zenbakiduna; horren bidez, baliogabetu egin da salgaien garraio publikoan<br />
jarduteko baimena lortzeko helburuz eskatzen den baldintza, hau da, ibilgailuaren<br />
antzinatasuna bost hilabetetik gorakoa ez izatea).<br />
Gainera, badira Europako Erkidegoko zuzentarauak eta erregelamenduak, esparru horretan<br />
ere eragina dutenak.<br />
23.4. Erakundeen zerbitzu-kooperatibak<br />
130. artikulua.– Erakundeen zerbitzu-kooperatibak.<br />
Korporazio eta organismo publikoek, fundazioek, sindikatuek eta era guztietako elkarteek<br />
era ditzakete erakundeen zerbitzu-kooperatibak, berdintasunez jokatuta, antolamendu- edo<br />
funtzio-arazo edo -premia guztiak ebazteko, ezertan eragin gabe entitate bazkide bakoitzaren<br />
autonomian edo berezitasunetan.<br />
23.4.1. Sarrera<br />
Zerbitzu-kooperatiben erregulatzeko araudia malgua eta irekia denez, mota horretako<br />
kooperatibak artikulu honetan aipatzen direnen moduko erakundeen arazoak konpondu edo<br />
beharrei erantzuteko erabili ohi dira: “korporazioak eta erakunde publikoak, fundazioak,<br />
sindikatuak eta elkarteak”.<br />
23.4.2. Berrikuntza nagusiak aurreko araudiaren aldean<br />
Manuak 4/1993 Legearen 125 artikuluak zekarren edukiari eutsi dio.<br />
23.4.3. Iruzkin orokorra eta esanahi praktikoa<br />
Ikuspegi subjektibotik, korporazio eta erakunde publikoek, fundazioek, sindikatuek eta era<br />
guztietako elkarteek era ditzakete horrelako kooperatibak.<br />
Kooperatiba-jardueraren helburua, kasu honetan, bazkideek dituzten antolaketa- edo<br />
funtzio-arazo edo -premiak berdintasunez konpontzea da.<br />
Kooperatiba eratzeak eta kooperatibako kide izateak ala ez izateak kide izateak ez dute<br />
eraginik izango bazkide bakoitzaren autonomian eta haren erakundearen edo besteren<br />
berezitasunetan.<br />
4/1993 Legeak ere jasota zeukan arren, erakundeen zerbitzu-kooperatiba ez da gaurdaino<br />
erabili Euskadin. Korporazio eta erakunde publikoei erreparatuta, galdetu behar da ea zergatik<br />
ez den sozietate-era kooperatibo hori oraindik erabili erakunde horien antolaketa- edo funtzioarazoak<br />
zein -beharrak konpontzeko. Sektore publikoaren dimentsioa zein den eta horren<br />
barruan sortzen diren arazo eta beharren bolumena aintzat hartuta, nahiz eta kooperatiben<br />
bidea arazo eta behar horiek guztiak konpontzeko irtenbidea ezin izan, arrazoizkoa<br />
dirudi pentsatzea bide hau baliagarria izan litekeela, neurri batean, behintzat, helburu<br />
hori erdiesteko. Segurutik, zuzenbide publikoak ezarritako baldintzapenek, erakundeen<br />
antolamendu- eta funtzionamendu-araubideari dagokionez, eragina izan dezakete erakunde<br />
496
ZERBITZU-KOOPERATIBAK<br />
horiek kooperatiba-jardunbideak erabiltzean, baina komenigarria litzateke erakunde horiek<br />
azter dezaten zer esparrutan izan daitekeen erabilgarria kooperatiba-eraren bidez elkartzea;<br />
izan ere, erakundeon antolamendu- eta funtzio-premien zioz, adibidez, ondasun eta zerbitzuz<br />
hornitu behar dira, eta ondasun eta zerbitzu horiei erantzuteko, kooperatiba sozietateak<br />
abantailak ekar litzake, esate baterako, kostuak murrizten, eta, oro har, mesedegarriak izan<br />
daitezke interes orokorrarentzat.<br />
23.4.4. Beste arau aplikagarri batzuk<br />
Kontuan hartu beharko da kooperatiba osatzen duen erakundearen (korporazioa edo<br />
organismo publikoa, fundazioa, sindikatua edo elkartea) jarduera eta funtzionamendua<br />
arautzen duen araubide espezifikoa, publikoa edo pribatua.<br />
23.5. Arau osagarriak<br />
131. artikulua.– Arau osagarriak.<br />
1.– Ezin izango da zerbitzu-kooperatibarik sortu lege honen arabera beste kooperatiba<br />
batzuenak diren sektoreetan jarduteko edo beste kooperatiba mota batzuen helburu<br />
ekonomikoak lortzeko.<br />
2.– Estatutuetan zehaztuko da zein mailatako lankidetza eskatu ahal zaien bazkideei,<br />
noraino heltzen diren kooperatibari aitortzen zaizkion koordinazio-ahalmenak eta<br />
zer indar duten; halaber, estatutuetan ezarriko da ea kooperatibak parte hartu ahal<br />
duen ala ez bazkideen jarduera, enpresa edo ustiapenak finantzatzen.<br />
3.– Atal honetan arautzen diren kooperatiba mota hauetan guztietan, zein sektoretan,<br />
jarduera profesionaletan edo adarretan lan egiten duten bazkideek edo zer izaera<br />
duten bazkideek, alor horretako terminoak sartu ahal izango dituzte kooperatibaren<br />
izenean.<br />
23.5.1. Sarrera<br />
Goiko artikuluak amaiera ematen dio zerbitzu-kooperatiben erregulazioari hiru arauren<br />
bidez. Hiru arau horiek, aurreko legearen 126. artikuluan gertatzen zen moduan, ondoko<br />
xedea dute:<br />
a) kooperatiba-mota horren berezko eremua mugatzea, eta, horrekin batera, 127.<br />
artikulutik 131. artikulura jaso diren arauen aplikazio-eremua.<br />
b) mota horretako kooperatibei datxezkien ezaugarri batzuk estatutuetara igortzea.<br />
c) izendapenean, bazkideek jarduten duten sektorea, jarduera profesionala edo adar<br />
ekonomikoa edo bazkideen izaera aipatzeko berbak edo esapideak erabiltzeko<br />
aukera onartzea.<br />
23.5.2. Berrikuntza nagusiak aurreko araudiaren aldean<br />
4/1993 Legearen 126. Artikuluaren edukiari eutsi dio artikuluak.<br />
497
ZERBITZU-KOOPERATIBAK<br />
23.5.3. Iruzkin orokorra eta esanahi praktikoa<br />
1.- Ezin izango da zerbitzu-kooperatibarik sortu lege honen arabera beste kooperatiba<br />
batzuenak diren sektoreetan jarduteko edo beste kooperatiba mota batzuen helburu<br />
ekonomikoak lortzeko.<br />
Arau honen bidez, mota horretako kooperatibentzat gorde den eremua zein den<br />
argitu da, legeak jasotzen dituen kooperatiben multzoaren barruan. Eremu hori<br />
mugatzeko, honako hau ezarri da: kooperatibaren sektorea edo helburu ekonomikoa<br />
legean araututako beste kooperatiba motaren bati badagokio, eratzen den erakundea<br />
ezin izango da zerbitzu-kooperatiba gisa kalifikatu. Hau da, eratutako entitateak<br />
zerbitzu-kooperatiba baten jarduera bereizgarriren bat garatzen badu ere, ezin<br />
izango da halakotzat hartu, baldin eta haren sektore edo helburu ekonomikoa bat<br />
badator legeak beste kooperatiba-mota bati dagokiola arautzen duenarekin, eta, kasu<br />
horretan, lehentasuna izango du kooperatiba beste mota horren arabera kalifikatzeak,<br />
ez zerbitzu-kooperatiba gisa.<br />
2.- Estatutuetan zehaztuko da zein mailatako lankidetza eskatu ahal zaien bazkideei,<br />
noraino heltzen diren kooperatibari aitortzen zaizkion koordinazio-ahalmenak eta<br />
zer indar duten; halaber, estatutuetan ezarriko da ea kooperatibak parte hartu ahal<br />
duen ala ez bazkideen jarduera, enpresa edo ustiapenak finantzatzen.<br />
Arau horrek estatutuen erregulaziora igortzen du, honako hauek zehazteko:<br />
• Bazkideei eska dakiekeen lankidetza-maila, nork bere jardueran duen askatasunetik<br />
eta erantzukizunetik abiatuta.<br />
• Sozietatearen alde aitortutako koordinazio-ahalmenen irismena eta sendotasuna;<br />
hori bat dator legearen zioen azalpenak kooperatiba horiei esleitzen dien<br />
“koordinazio-erakunde” delakoaren izaerarekin.<br />
Halaber, estatutuetan ezarriko da kooperatibak bazkideen jarduera, enpresa edo<br />
ustiategietan modu finantzarioan parte har dezakeen.<br />
3.- Atal honetan araututako edozein motatako kooperatibek izenaren barruan jaso<br />
ditzakete bazkideek jarduten duten sektorea, lanbide-jarduera edo adar ekonomikoa<br />
edo bazkideen izaera.<br />
Antzeko araua dugu Aragoiko Kooperatiben Legean (2/2014 Legegintzako Dekretua,<br />
abuztuaren 29koa), 78.4 artikuluan; eta Kataluniako Kooperatiben Legean (12/2015<br />
Legea, uztailaren 9koa), 129.4 artikuluan.<br />
Madrilgo Kooperatiben Legeak (4/1999 Legea, martxoaren 30ekoa), 111.3 artikulua<br />
dela bide, onartu baino, ezarri egiten du “profesional liberalek edo artistek osatutako<br />
erakundeak direnean (..) horien izenean zerbitzu profesionalen kooperatiba agertu<br />
beharko da”. Ildo beretik doa Nafarroako legeak (14/2006 Legea, abenduaren<br />
11koa). 71. artikuluak xedatutakoa.<br />
498
24. JUNIOR KOOPERATIBAK* 1<br />
132. artikulua.– Junior kooperatibak.<br />
1.– Ikasleek sustatzen dituzte junior kooperatibak, helburu honekin: ikasleek praktikan<br />
jartzea matrikulatuta dauden ikastetxeetan bereganatzen dituzten trebetasunak<br />
edo jakintzak, jarduera ekonomikoak garatuz ondasunak ekoizteko edo zerbitzuak<br />
emateko.<br />
2.– Mugagabea izango da kooperatibaren iraupena. Nolanahi ere, bazkide guztietatik<br />
bik baino ez dutenean betetzen ikasle izateko betekizuna, junior sozietate kooperatibo<br />
izateari utziko dio kooperatibak. Hori gertatzen denean, eta gehienez ere gertatu<br />
eta 30 eguneko epean, horren berri eman beharko zaio Euskadiko Kooperatiben<br />
Erregistroari, sailkapenaren ondorioetarako.<br />
24.1. Sarrera: legezko arauketaren egitura eta xedea<br />
Junior kooperatiben kontzeptua “Junior enpresaren” kontzeptutik dator, eta 60ko<br />
hamarkadaren amaieran Frantzian izandako esperientzia batean du jatorria. Junior ESSEC<br />
CONSEIL elkarteak dinamizatutako ekimen horretan, ikasle batzuek egitura profesionala sortu<br />
zuten, haien trebetasunak eta prestutasuna enpresen zerbitzura jartzeko. Bi urte geroago, Junior<br />
Enpresen Konfederazio Nazionala sortu zen eta ekimena Europa osora zabaldu zen. Izakunde<br />
horren helburua irakaskuntza akademikoaren esparruan benetako enpresa-proiektuen garapena<br />
sustatzea da, eskuratutako ezagutza teknikoak praktikan jartzeko. Ikasleek benetako enpresa<br />
sortzen dute, kideen inguruabarretara egokitua, eta, horri esker, kontzeptu akademikoen<br />
garapena eta enpresa baten bidez benetan abian jartzea uztartzen dituzte.<br />
Enplegua Suspertzeko 2013-2016 Programaren esparruan, Eusko Jaurlaritzak, Mondragon<br />
Korporazioaren eskutik eta Mondragon Unibertsitatearen bitartez, Junior enpresaren<br />
kontzeptua egokitu zuen kooperatiben eremura. Kooperatiben munduan, horren aurrekaririk<br />
hurbilena Team Learning Cooperatives finlandiar eredua dugu. Ikasle-talde baten ekimen<br />
hori oinarri hartuta, hasiera batean, elkartea eratu eta, geroago, junior mailako lan elkartuko<br />
kooperatiba sortzen zuten, helburu horni heltzeko: “eskuratutako ezaupide teorikoak<br />
praktikan jartzeko benetako proiektuak garatzea (kooperatiba bat sortzea, antolatzea eta<br />
kudeatzea edo kooperatiba- eta lankidetza-jarduera bat garatzea).<br />
Lege berria onartuta, Junior kooperatibak araudian txertatu dira, eta berezko kooperatibaren<br />
estatusa lortu dute, legea berria argitaratu baino lehen, parekotzat jotzen ziren lan elkartuko<br />
kooperatiben izaera atzean utzita.<br />
Legearen zioen azalpenak berak bidezkotu du kooperatiba-mota horren berritasuna,<br />
“junior kooperatibak espezifikoki identifikatu eta erregulatu” behar direlako, eta gaineratu<br />
du “sozietate-kontratu horren helburua hezkuntzari lotua dagoela, kooperatiba bat sortuz<br />
eta abian jarriz, titulazio akademiko batek exijitutako ezagutzak lortzeko”<br />
* Fernando Aberasturi Lauzurika jaunak, abokatu eta IKASGILTZAko kudeatzaileak, egindako iruzkina.<br />
499
JUNIOR KOOPERATIBAK<br />
24.2. Berrikuntza nagusiak aurreko araudiaren aldean<br />
Junior kooperatibena lege berriaren salbuespenezko berritasunetako bat da, haien<br />
funtzionamendua ez baitzegoen araututa aurreko lege indargabetuan. Berrikuntza erabatekoa<br />
da, eta ezin dugu aurrekaririk aurkitu euskal kooperatiben legerian.<br />
Egia da, sarreran esan dugun bezala, kooperatiba horien ibilbidea urte batzuetakoa dela.<br />
Orain arte, tipologiari dagokionez, junior kooperatibak lan elkartuko kooperatiben aterkiaren<br />
babesean kokatu dira, eta araubideaz denaz bezainbatean, kooperatiben erregistroak emandako<br />
zerbitzu-jarraibide bat baino ez zuten. Jarraibide horren bidez, “junior kooperatiba” gisa<br />
kalifikatzeko aukera ematen zitzaien enpresa bat garatzen duten unibertsitateko ikasleek<br />
osatutako lan elkartuko kooperatibei, kooperatiben printzipioak betez eta eraz, ikasleen<br />
prestakuntza akademikoaren zati gisa, unibertsitatearen tutoretzapean, eta Euskadiko<br />
kooperatiben erregistroan inskribatuta.<br />
Jarraibide horretan adierazten zenez, “junior” izena berariaz idatzi behar zen dagokion<br />
erregistro-orrian, eta kooperatiba horiek identifikatu eta kuantifikatu behar ziren lan elkartuko<br />
kooperatiben artean, indargabetutako legearen azken xedapenetako bosgarrenean araututako<br />
estatistika-ondorioetarako.<br />
Xedapen horietatik harago, junior kooperatibaren arauketa guztiz berria da euskal<br />
kooperatiben araubidean. Jarraian, berritasun hori aztertuko dugu.<br />
24.3. Manuaren izaera edo indar juridikoa<br />
Junior kooperatibak arautzen dituen 132. artikuluak bi atal ditu.<br />
Lehenengoaren izaera xedapenezkoa da, ikasleek junior kooperatibak sortzeko aukeraz<br />
baitihardu. Bestalde, junior kooperatiba izateko nahitaezko baldintzak ezarri ditu: ikasleek<br />
osatzea eta irakaskuntza akademikoen aplikazio praktikoa helburu izatea.<br />
Bigarren atalak, aginduzko izaera duenak, arautu du kooperatibak junior izateari noiz utzi<br />
behar dion, partaideen bilakaera naturala dela eta, bai eta legeak xedatutako tipologiaren<br />
baten barruan noiz txertatu behar den ere, ustez, lan elkartuko kooperatiben tipologiaren<br />
barruan.<br />
132. artikuluaren 1. paragrafoan, junior kooperatiben alderdi subjektiboak eta objektiboak<br />
zehaztu dira.<br />
Lehenengoaren arabera, edozein ikastetxetan matrikulatutako ikasleek eratu behar dituzte<br />
junior kooperatibak. Bigarrenaren arabera, kooperatiba horien helburua izango da ikastetxe<br />
horietan eskuratutako trebetasunak eta ezagutzak praktikan jartzea, ondasunak eta zerbitzuak<br />
ekoizteko jarduera ekonomikoak garatuz.<br />
24.4. Esanahi praktikoa<br />
Junior kooperatiben funtzionamendu-araubidea artezten duten xedapenek, funtsean, mota<br />
horretako kooperatibak eratu ditzaketen pertsonak dituzte hartzaile, hau da, ikasleak. Legeak<br />
500
JUNIOR KOOPERATIBAK<br />
berak ezartzen duen bezala, halakotzat hartu behar dira edozein ikastetxetan matrikulatuta<br />
dauden pertsonak.<br />
Horiexek baitira sozietate-mota hori baliatzeko benetako sustatzaileak, eta, hortaz, haiei<br />
zuzenduta daude sozietate-mota horren eraketa arautzen eta ahalbidetzen duen arau-xedapena<br />
eta beste kooperatiba-mota batean txertatzeko ezartzen diren kautelazko neurriak, ikasleek<br />
ikasle izateari uzten diotenean, ikasketak amaitu dituztelako ikasteari utzi diotelako.<br />
Izan ere, legeak arautzen duenari jarraiki, kooperatiba-mota hori osa dezaketen pertsonen<br />
bilakaera naturalaren ondorio gisa, noizbait ikasle izateari utziko diotela. Kasu horretan,<br />
bazkide guztietatik bik bakarrik betetzen badute ikasle direlako baldintza, kooperatibak<br />
kooperatiben erregistroari jakinarazi beharko dio inguruabar hori, sailkapen egokia egiteko.<br />
Ezarritako epea 30 egunekoa da, egoera hori eragin duen inguruabarra gertatu eta hurrengo<br />
egunetik zenbatzen hasita.<br />
Horraino iritsita, junior kooperatibak eratzeko baldintza subjektiboei buruzko galdera sortu<br />
zaigu. Horiek arautzen dituzten artikuluak eta Kooperatiben Legearen gainerako xedapenak<br />
aztertuta, ondorio hauek atera ditzakegu:<br />
Junior kooperatiba bat eratzeko, gutxienez, hiru pertsonak parte hartu behar dute, eta,<br />
gainera, lehen esan dugun bezala, ikasle izan beharko dute. Beraz, baztertu egin behar dugu<br />
sozietate kooperatibo junior txikiak sortzeko aukera, hiru bazkide baino gutxiago dituztela.<br />
Eta, lehen esan dugun moduan, kooperatiben erregistroari jakinarazi behar zaio bazkide<br />
ikasleen kopurua 3tik beherakoa denean. Une horretan, legez araututa dago kooperatibari<br />
junior gisako sailkapena kentzea eta une horretan dagokion kooperatiba-motaren multzoan<br />
sartzea.<br />
Eremu subjektiboari buruz aztertu beharreko beste kontu bat dugu junior kooperatibetan<br />
ikasleak ez diren bestelako bazkideak sartzeko aukera. Lan-bazkideak direla edo laguntzaileak<br />
direla. Gure ustez, legeak ez du inolako eragozpenik jartzen gai horren inguruan, eta, beraz,<br />
mota horretako kooperatibek beste edozein bazkide-mota izan lezake, betiere ikasten ari<br />
diren 3 bazkide izateari lotutako gutxieneko betekizunari eusten bazaio.<br />
Junior kooperatiben iraupenari dagokionez, esan dezagun 132. artikuluan jasota dagoela,<br />
eta gainerako kooperatibak bezala, junior kooperatibak mugagabeak dira. Ikuspuntu<br />
horretatik, bi motatako kooperatibak agertzea espero daiteke.<br />
Lehenik eta behin, lantalde jakin baten eskutik sortu eta sozietate-bizitza amaitzen dutenak,<br />
edo, behintzat, junior kooperatibaren babespean, kideek ikasketak amaitzen dituztenean.<br />
Lehen kasu horretan, ikuspuntu subjektibotik, kooperatibak estatikoak izango lirateke, eta ez<br />
litzateke ohiko bajarik eta altarik izango bazkideen artean.<br />
Bigarrenik, ikasketak amaitzen dituzten bazkideek kooperatiba utzi eta bazkide berriak<br />
sartzen direneko kooperatibak ditugu, irauteko asmoz eraberritzen direnak. Kasu horretan,<br />
dinamismo handiagoa izango da ikuspuntu subjektibotik, eta, ondorioz, alten eta bajen<br />
trafiko handiagoa.<br />
Bestalde, eta arauaren hartzaileen gaira itzulita, proiektu horiek sortzen direneko ikastetxeen<br />
kudeaketaren arduradunak ere halakotzat har genitzake; izan ere, junior kooperatibaren<br />
kontzeptua tresna metodologikoa da ikastetxe horietako irakaskuntza-ikaskuntza prozesuetan<br />
501
JUNIOR KOOPERATIBAK<br />
garatzeko. Bada, tresna horren bidez, ezagutza akademikoak eta ezagutza horiek garatzen eta<br />
indartzen dituen beharrezko aplikazio praktikoa uztartu nahi dira. Ikastetxeetako arduradunek<br />
txertatu beharko dute tresna hori ikasketa-planetan, ikasleek enpresa-proiektuari ekin ahal<br />
izateko behar duten denbora eta baliabideak eskura ditzaten.<br />
Izan ere, praktikan, junior kooperatiben inguruko esperientzia guztiak eta horien aurrekari<br />
diren junior enpresa guztiak halako elkarteak ahalbidetzen eta sustatzen dituzten erakunde<br />
akademiko jakin batzuen baitan jaio dira.<br />
24.5. Beste arau aplikagarri batzuk<br />
Estatuaren esparruan, kooperatiben araubidearen erregulazioa Kooperatibei buruzko<br />
uztailaren 16ko 27/1999 Legean jasotzen da. Lege hori ez da Euskadin aplikatzekoa, ezpada,<br />
euskal araudiak izan ditzakeen hutsuneak osatzeko kasuetan.<br />
Estatuko araudiak izakunde horien erregulazioa jasotzen ez duenez, ezingo luke inola ere<br />
osagarritasun-eginkizun hori bete, eta, beraz, ez dago kooperatiba-eremuko beste araudi<br />
aplikagarririk, junior kooperatibek garatzen duen jardueraren arloko legeriari men egiteari<br />
kalterik egin gabe.<br />
502
25. GIZARTERATZE-KOOPERATIBAK* 1<br />
133. artikulua.– Gizarteratze-kooperatibak.<br />
Batez ere, desgaitasun funtzional fisikoa, psikikoa edo sentsoriala duten pertsonek eta<br />
gizarte-bazterketako egoeran dauden pertsonek sortuko dituzte gizarteratze-kooperatibak,<br />
eta lan elkartuan oinarritu ahal izango dira bazkideek egindako produktu eta zerbitzuak<br />
antolatu, bideratu eta merkaturatzeko edo orokorrean edo espezifikoki kontsumitzen diren<br />
ondasun eta zerbitzuak eskaintzeko.<br />
134. artikulua.– Bazkideen araubidea.<br />
1.– Edozein gizarte-zerbitzu ematen duten entitate publikoek parte hartu ahal izango<br />
dute, bazkide gisa, gizarteratze-kooperatibetan, dagokien ekarpena eginez eta<br />
entitate publikoen ordezkari bat izendatuz. Ordezkari horrek, kooperatibako<br />
gainerako bazkideekin batera, lan egingo du laguntza teknikoa, profesionala eta<br />
soziala emateko; sozietatearen organo guztietako bileretara joango da, eta ahotsa<br />
izango du haietan.<br />
2.– Gizarteratze-kooperatibek besteren konturako kontratuak egin ahal izango dituzte<br />
izaera bereko taldeekin, beste enpresa batzuek egiten dituzten baldintza beretan;<br />
dena den, kooperatiba hauei ez zaizkie aplikatuko lege honen 103.4 artikuluko<br />
lehenengo paragrafoak langile horiei ezartzen dizkien mugak.<br />
25.1. Sarrera<br />
Kooperatiben Legearen 12. atalean gizarteratze-kooperatibak (GKOOP) arautu dira, goian<br />
transkribatutako 133. eta 134. Artikuluek osatzen dutela.<br />
Gizarteratzeko kooperatiben ezaugarri nagusia da bi gizatalde ahulen premia sozioekonomikoei<br />
erantzuten dietela: desgaitasuna duten pertsonena eta gizarte-bazterketako egoeran<br />
daudenena. Gizatalde kalteberez ari garenean, gizarte-kalteberatasun edo zaurgarritasunaz<br />
ari gara, desabantaila-egoeran dauden pertsona-taldeak aipatuta, haien giza eskubideak ezin<br />
dituztelako baldintza berdintsuetan erabili gizarteratutzat jo ditzakegun pertsonen aldean.<br />
Gizatalde kalteberak Espainiako Konstituzioaren 9.2. artikuluak jasotako xedapenaren<br />
hartzaile garbiak dira, hauxe ezartzen duela: Botere publikoei baldintzak bultzatzea dagozkie<br />
askatasun eta pertsona baten eta taldea osotzen dutenena benetako eta eragileak izan<br />
daitezen; baita galarazi edo osotasuna zailtzen dituzten oztopoak eragitea hiritargoen parte<br />
hartzea erraztea bai politika mailan, bai ekonomia, kultura eta gizarte mailan ere.<br />
* Aitor Bengoetxea Alkorta jaunak, UPV/EHUko Lanaren eta Gizarte Segurantzaren Zuzenbideko<br />
irakasle elkartu eta GEZKI (Gizarte Ekonomia eta Zuzenbide Kooperatiboaren Institutua) erakundeko<br />
zuzendariak, egindako iruzkina.<br />
503
GIZARTERATZE-KOOPERATIBAK<br />
GKOOP direlakoak osatzen dituzten kooperatiba-kideak, gehienbat, lehen adierazi dugun<br />
bezala, desgaitasuna duten pertsonak eta gizarte-bazterketako egoeran dauden pertsonak<br />
dira. Zalantzarik gabe, ez dira horiek gizatalde zaurgarri bakarrak, gizarte-zuzenbideak eta<br />
gizarte-politikek beste zaurgarritasun-alderdi batzuk identifikatu baitituzte, hala nola adina,<br />
sexua, arraza, erlijioa, sexu-orientazioa edo iraupen luzeko langabezia.<br />
Dena dela, GKOOPen erregulazio juridiko-positiboak eskaintzen digun ereduan,<br />
kooperatiba-jardueraren eragileak aipatu ditugun bi gizatalde kalteberak dira. Jarduera<br />
horren helburua pertsona horien enplegu-premia sozioekonomikoari erantzutea izan daiteke;<br />
kasu horretan, lan elkartuko kooperatibaren bidea aurreikusten da; edo, bestela, kontsumokooperatiba<br />
bat sortuko da, kooperatibaren helburua desgaitasunen bat duten pertsonen edo<br />
gizarte-bazterketako egoeran dauden pertsonentzako kontsumo-ondasunak edo zerbitzuak<br />
hornitzeko beharrari erantzun nahi zaionean.<br />
25.2. Berrikuntza nagusiak aurreko araudiaren aldean<br />
Formaltzat jo ditzakegun berrikuntzak eta funtsezkoak bereiziko ditugu.<br />
Alde batetik, zinez laudagarria eta egokia da genero-ikuspegia kontuan hartzeko egindako<br />
idazketa inklusiboa (askoz nabarmenagoa gaztelaniazko edukian).<br />
Desgaitasun fisiko, psikiko eta/edo sentsoriala duten pertsonei buruzko aipamena (133.<br />
artikulua), lehengo urritu fisiko edo psikikoak adierazpenaren aldean, (indargabetutako 127.<br />
artikulua), forma hutsetik edo politikoki zuzenak diren esapideetatik harago doan esangura<br />
dauka. Kontu handi jorratzeko gaia da, eta aipaturiko gizataldea izendatzeko modua ez da<br />
ezdeusa, askotan, aurreiritziak jasan behar dituen kolektibo ahul batu kalterik ez egitea baita<br />
helburua.<br />
Osasunaren Mundu Erakundeak (OME) desgaitasuna duten pertsonak esapidea ezarri<br />
zuen, kolektibo kaltebera hori izendatzeko egokiena delakoan. 2001eko maiatzaren 22an<br />
erabaki zuen, Osasunaren 54. Mundu batzarrean, WHA 54.21 Ebazpenaren dela bide,<br />
Funtzionamenduaren, Ezintasunaren eta Osasunaren Nazioarteko Sailkapena (FNS)<br />
onartzean. OMEren manu hori jasota, Mendekotasunari buruzko Legeak (abenduaren<br />
14ko 49/2006 Legeak), terminologia deritzon zortzigarren xedapen gehigarrian, hauxe<br />
xedatu zuen: arau-testuetan «minusbaliatuak» eta «minosbaliotasuna duten pertsonak»<br />
aipatzen direnean, «desgaitasuna duten pertsonak» esan nahi dela ulertuko da; era berean,<br />
lege hori indarrean sartu bezain laster, herri-administrazioek emandako arau-xedapenek<br />
«desgaitasuna duen pertsona» edo «desgaitasuna duten pertsonak» terminoak erabiliko<br />
dituzte horiek izendatzeko.<br />
Egia esatera, ez da oso ohikoa lege-mailako arau batek horren modu hertsatzailean<br />
arautzea terminologia hutsezko gai bat, baina erabakia bidezkoturik dago eta, gainera,<br />
txalotu egin behar horrela egitea, gizatalde edo kolektibo horrek merezi duen begirunez eta<br />
modu ez gutxiesgarrian tratatzea baita helburua. Beraz, horren zaharrak ez diren adjektiboak<br />
–eta horietako asko, oso iraingarriak− baztertu behar dira, hala nola atzeratua, inozentea<br />
edo elbarria. Une honetan, kolektibo horretako kideei desgaitasuna duten pertsona gisa<br />
izendatzea, politikoki ez ezik, juridikoki ere zuzena da.<br />
504
GIZARTERATZE-KOOPERATIBAK<br />
Funtsezko berrikuntza, zioen azalpenean nabarmentzen den bakarra, arauak beste<br />
kolektibo kaltebera bat aintzat hartzea da, desgaitasuna duten pertsonenaz gain, gizarteratzekooperatiben<br />
arauketaren hartzaile gisa: gizarte-bazterketako egoeran dauden pertsonen<br />
kolektiboa (133. artikulua). Elementu berritzailea da, eta balorazio positiboa merezi du;<br />
izan ere, lan-arloko zuzenbidearen esparruan, batez ere, enpleguaren arloan, ohikoa da bi<br />
kolektiboek antzeko tratamendua izatea, ekintza positiboko neurriak behar-beharrezkoak<br />
baitituzte aukera-berdintasunerantz aurrera egingo badute.<br />
Paralelotasun hori argi eta garbi aurkituko dugu enplegu-zentro berezietan, hots,<br />
desgaitasunen bat duten pertsonentzako enplegu-tresna espezifikoetan, eta laneratzeenpresetan<br />
edo, bestela esanda, gizarte-bazterketako egoeran dauden pertsonei enplegua<br />
ematea xede nagusi dutenetan. Bi antolakunde horiek gizarte-ekonomiaren zati dira,<br />
pertsonak kapitalaren gainetik lehenesten dituztelako, eta haien helburua, nagusiki, gizarteesparruari<br />
atxikita dago, aipatutako bi kolektibo kaltebera horietako kide direnen enplegua<br />
sustatuz, pertsona horiek zailtasun nabarmenak dituztelako enplegua enpresa arruntetan<br />
lortzeko, nahiz eta horixe egokiena litzatekeen zaurgarritzat jotzen ez den biztanleriarekiko<br />
berdintasun benetakoa eta eraginkorra gauzatzeko. Gizarteratze-kooperatiben arloko beste<br />
lege-berrikuntza 134.2. artikuluan dago, kooperatiben aurreko legeak ez zekarren manu<br />
bat ezarri baitu; bada GKOOPek, desgaitasuna duten edo gizarte-bazterketako egoeran<br />
dauden kooperatiba-bazkideei ematen dieten kooperatiba-enplegutik at, besteren kontura ere<br />
kontratatu ahalko dituzte, lan-kontratuen bidez, bi kolektibo horietako kide diren pertsonak,<br />
inolako mugarik gabe.<br />
Berariaz adierazi da Lege berriaren 103.4 artikulua, oro har, lan elkartuko kooperatibei<br />
buruzkoa ez dela aplikatuko; artikulu horren arabera, soldatapeko langileek urtean lan<br />
egindako orduen kopurua ezingo da izan bazkide langileek urtean egindako ordu guztien<br />
ehuneko hogeita hamar baino handiagoa. Dena dela, 103.4 artikuluak salbuespen batzuk<br />
atxiki dizkio muga horri, baina ez ditugu atal honetan aipatuko. GKOOPetan egin daitezkeen<br />
besteren konturako kontratuak berriro ere jorratuko ditugu hurrengo atalean.<br />
25.3. Iruzkin orokorra eta esanahi praktikoa<br />
Jarraian, GKOOPen araubide juridiko-positiboari buruzko iruzkina egingo dugu, hiru atal<br />
bereiziz: 133. artikulua, gizarteratze-kooperatibei buruzkoa; eta 134.1 eta 134.2 artikuluak,<br />
bazkideen araubideari buruzkoak.<br />
25.3.1. 133.artikulua<br />
Aztergai darabilgun kooperatiba-motaren izenetik hasita (gizarteratze-kooperatiba), lehen<br />
iruzkin terminologikoa egin daiteke. Gertaera bera edo antzeko inguruabarrak adierazteko,<br />
besteak beste, gizarteratzea, gizarte-integrazioa gizarte-inklusioa erabili ohi dira. Ingurumari<br />
horretan ikusita, badirudi gizarte-inklusioaren esapidea gero eta zabalduago dagoela gizarte<br />
inklusibo edo barneratzailearen ideiaren inguruan. Segurutik, alderantzizko esanahia daukan<br />
gizarte-bazterketa esapidearekin ildotik jokatu nahi izateagatik. Funtsean, ideia litzateke<br />
inor ez baztertzearen erantzukizuna gizarte osoarena dela, eta inklusiboa izateko lan egin<br />
behar duela, arreta baztertutako pertsonengan jarri gabe, euren erantzukizuna balitz bezala.<br />
505
GIZARTERATZE-KOOPERATIBAK<br />
Adierazpen horren erabileraren adibide esanguratsuak aurki ditzakegu Europako Gizarteratze<br />
Estrategian, eta horren ondorio diren Gizarteratzeko Ekintza Plan Nazionaletan (Espainiako<br />
estatuan, azkena 2013-2016koa da). Ildo beretik, euskal eremuan, Gizarteratzeko IV. Euskal<br />
Plana (2017-2021) dugu indarrean, Euskadi lurralde inklusiboa izan dadin prestatutakoa.<br />
Horregatik, areago kontuan harturik 133. artikuluak gizarte-bazterketako egoeran dauden<br />
pertsonen gizataldea ere aitortu duela, pentsa genezake “gizarte-inklusioko kooperatibak”<br />
izena egokiagoa litzatekeela, indarrean dagoen “gizarteratze-kooperatibak” adierazpena<br />
eguneratuta.<br />
Bazkide gehienek desgaitasunen bat duten edo gizarte-bazterketako egoeran dauden<br />
pertsonak izan behar dutela dioen nahitaezko betekizunari dagokionez, esan dezagun<br />
zentzuzko baldintza eta guztiz justifikatutakoa dela, kooperatibak garatu behar duen<br />
berariazko xedea egiatan garatzen duela bermatzeko, aipatutako kolektibo ahulen behar<br />
bereziak asetzeari dagokionez. Gehiengo hori GKOOP sortzeko unean izan behar da, bai<br />
eta kooperatibak dirauen bitartean ere, eta horrela gertatzen ez bada, kooperatiba desegiteko<br />
arrazoia izango litzateke, Euskadiko Kooperatiben Legearen (EKL) 91.4 artikuluak dioenari<br />
jarraiki, ondoko desegiteko arrazoitzat jotzen baitu: Kooperatiba sortzeko legez eskatzen<br />
den gutxienekotik behera murriztea bazkide kopurua,baldin eta murrizketa horrek hamabi<br />
hilabete baino gehiago irauten badu.<br />
133. artikuluak desgaitasun fisiko, psikiko eta/edo sentsoriala duten pertsonei buruz<br />
egindako aipamena dela eta, desgaitasuna duen pertsonaren kontzeptu teknikoa bilatuko<br />
dugu. Hala, kontzeptu materiala aurki dezakegu, hauxe dioena: pertsona desgaituak dira<br />
urritasun fisikoak, mentalak, intelektualak edo sentsorialak dituztenak, ziurrenik iraunkorrak<br />
direnak eta, hainbat oztoporen eraginez, gizarteko parte-hartze osoa eta eraginkorra ezin<br />
gauzaturik gera daitezke, gainerakoen baldintza berberetan; bestetik, kontzeptu juridikoadministratibo<br />
formala idoro dezakegu, ondokora dioena; aurreko paragrafoan ezarritakoaz<br />
gain, eta ondorio guztietarako, desgaitasunen bat duten pertsonatzat hartuko dira ehuneko<br />
33ko edo handik gorako desgaitaun-maila aitortu zaienak (bi kontzeptu horiek 1/2013<br />
Legegintzako Errege Dekretuak, azaroaren 29koak, desgaitasuna duten pertsonen eskubideei<br />
eta haien gizarteratzeari buruzko Lege Orokorraren testu bategina onartu zuenak, ezarri<br />
zituen 4. artikuluan).<br />
Ondorio praktikoei erreparatuta, EKLren 133. artikulua bete egiten delako segurtasun<br />
juridikoa izateko, desgaitasuna duten pertsonak ditugu izaera hori eraz aitortuta dutenak<br />
agintaritza eskudunaren administrazio-ebazpenaren bidez, betiere desgaitasun-maila,<br />
gutxienez, ehuneko 33koa bada. Euskal Autonomia Erkidegoari gagozkiola, administrazioegintza<br />
horiek foru-aldundietako gizarte-zerbitzuen arloko organo eskudunek ematen dituzte.<br />
133. artikuluak jasotako bigarren kolektiboari dagokionez, hau da, gizarte-bazterketako<br />
egoeran dauden pertsonei dagokienez, berriro ere, egoera hori eraz egiaztatzeko, dagokion<br />
foru-aldundiko agintaritza eskudunak emandako ziurtagiria behar da. Eusko Jaurlaritzaren<br />
erregelamendu zehatz batek gizarte-bazterketako egoera ebaluatzeko irizpideak ezartzen<br />
ditu (385/2013 Dekretua, uztailaren 16koa, Gizarte Bazterkeria Balioesteko Tresna onartzen<br />
duena).<br />
506
GIZARTERATZE-KOOPERATIBAK<br />
Ikusmira aldatuz, EKLren 133. artikuluak aukera ematen du gizarteratze-kooperatibei<br />
orientazio bikoitza emateko, jarduera kooperatibizatuaren arabera, betiere aipatutako bi<br />
kolektibo ahulen inguruan.<br />
Kooperatiba-jarduera lan elkartua izan daiteke; kasu horretan, GKOOPek lan elkartuko<br />
kooperatiba (LEK) gisa funtzionatuko du, araubide juridiko espezifikoari lotuta. Desgaitasuna<br />
duten edo gizarte-bazterketako egoeran dauden pertsonek beren lana egingo dute, eta<br />
kooperatibak hirugarrenentzako ondasunak eta zerbitzuak ekoitziko ditu.<br />
GKOOPek LEK gisa jarduten duenean, GKOOPen araubide juridiko berariazkoak arautzen<br />
ez duen guztian, LEKei buruzko araudia aplikatuko da (EKLren 103-107 artikuluak).<br />
Horren inguruan ez da inolako zalantzarik izan behar; izan ere, kooperatiba bakoitzak, bestalde,<br />
bete beharko ditu, bai lege honetan bere burua sortzeko ezartzen diren printzipioak,<br />
bai dagokion motari aplikatu beharreko xedapen bereziak; dagokion atalean aurreikusten ez<br />
den guztirako, berriz, arau orokorrak bete beharko ditu (EKLren 102. artikulua). GKOOPen<br />
kasuan, berriz, hiru maila ditugu, GKOOPena berarena, GKOOPen generikoa, lana jarduera<br />
kooperatibizatua denean, eta EKLren orokorra, kooperatiba mota guztientzat. LEKen<br />
lege-araubidea zehatz-mehatz aztertzeko, obra honen kapitulu egokiari lotzen gatzaizkio.<br />
EKLk ematen duen bigarren aukeraren arabera, gizarteratze-kooperatibak kontsumokooperatiba<br />
gisa jardun dezake, desgaitasunen bat duten edo gizarte-bazterketako egoeran<br />
dauden GKOOPeko bazkideak hartzaile dituzten ondasunak edo zerbitzuak hornituta.<br />
Ondasun edo zerbitzu horiek orokorrak zein zehatzak izan daitezke eta, azken kasu horretan,<br />
kolektibo hartzaileen beharrizan berariazkoei erantzun behar diete (adibidez, desgaitasuna<br />
duten pertsonentzat egokitutako ibilgailuak).<br />
Lan elkartuko kooperatiba gisa jarduten duten GKOOPei buruz esan berri dugun moduan,<br />
kontsumoko kooperatiba gisa jarduten dutenean, kooperatiba-mota horren erregulazio<br />
juridikoa aplikatuko da legeria osagarri gisa, hau da, EKLren 108. artikuluak dakarrena.<br />
Kontsumo-kooperatiben erregulazio juridiko-positiboa sakonago aztertzeko, iruzkinbilduma<br />
honi dagokion kapitulura joko dugu.<br />
25.3.2. 134.1 artikulua<br />
Kontuan harturik gizarteratze-kooperatibaren helburu nagusia gizarte-zerbitzu bat modu<br />
kooperatiboan eskaintzea dela, 134.1 artikuluak bide ematen dio, GKOOPen barruan, gizartezerbitzuen<br />
arloan erantzukizunak dituzten erakunde publikoen ordezkariek lankidetzan<br />
aritzeari.<br />
Ikuspegi teknikotik, sortzen den aukera hauxe da: erakunde publikoak ordezkatzen dituzten<br />
pertsonak GKOOPen bazkide laguntzaile gisa hastea (EKLren 19.5 artikulua). Izaera<br />
hori eskuratzeko, dagokion erakunde publikoak GKOOPen estatutuetan jasotako kapitalekarpena<br />
egin beharko du. Gainera, bazkide den erakunde publiko laguntzailearen ordezkari<br />
gisa hartzen den pertsona fisikoak ekarria egin beharko dio GKOOPi, lan eginez, laguntza<br />
tekniko profesionalaren arloan. Zehaztu behar da pertsona fisiko horrek bazkide laguntzailea<br />
den erakunde publikoaren ordezkari gisa jarduten duela, eta, GKOOPen lan egin arren, ez<br />
dela bertako bazkide langilea.<br />
507
GIZARTERATZE-KOOPERATIBAK<br />
EKLren 133. artikuluak berariaz aginduta, erakunde publiko baten ordezkari diharduen<br />
pertsona fisikoak GKOOPen organo sozial guztien bileretara joateko eskubidea du, bai eta<br />
haietan iritzia adierazteko eskubidea ere. Manu zehatz hori dela eta, badirudi EKLk bermatu<br />
nahi duela GKOOPen barruan harmonia edo, gutxienez, koordinazio egokia egongo dela<br />
bazkideen eta aipatutako ordezkari publikoaren artean.<br />
25.3.3. 134.2 artikulua<br />
Gorago adierazi den bezala, EKLk dakartzan berritasunen atalean, GKOOPek, kooperatibako<br />
bazkideei ematen dieten enplegu kooperatiboaz gain, besteren kontura kontratatu ahal izango<br />
dituzte, lan-kontratuen bidez, desgaitasuna duten edo gizarte-bazterketako egoeran dauden<br />
pertsonen kolektibo bateko pertsonak, inolako muga kuantitatiborik gabe.<br />
Berariaz adierazi da lege berriaren 103.4 artikuluak jasotako muga, oro har, lan elkartuko<br />
kooperatibei buruzkoa, ez dela aplikatuko; muga horren arabera, soldatapeko langileek<br />
urtean lan egindako orduen kopurua ezingo da izan bazkide langileek urtean egindako ordu<br />
guztien ehuneko hogeita hamar baino handiagoa.<br />
Oro har, lan elkartuko kooperatibei (LEK) buruz diharduen 103.4. artikuluaren<br />
erregulazioa kritikagarria izan badaiteke ere, soldatapeko langileak kontratatzeko aukera<br />
zabalegia delako, eta, egiatan, salbuespenezkoa izan beharko litzateke, LEKen izaera<br />
juridikoarekin eta funtzionalarekin harmonizatzen ez delako, desgaitasunen bat duten<br />
pertsonen eta gizarte-bazterketako egoeran dauden pertsonen kolektiboen kasuan, iritzi<br />
kritiko hori arindu egin behar da, gizatalde horiek ekintza positiboko neurrietan parte<br />
hartzeko aukera izan dezaten, laneratzeko abiapuntuan eduki duten desparekotasuna<br />
zelanbait orekatzen ahalegintzeko.<br />
Gizarteratze-kooperatiba lan elkartuko kooperatiben modalitateetako bat denez, haren<br />
helburua da bazkideei enplegua eskaintzea, lana emanda, beren-beregi desgaitasuna duten<br />
edo gizarte-bazterketako egoeran dauden pertsonei, 103.4 artikuluak argiro dioen moduan,<br />
oro har, LEKen aldean. Nolanahi ere, ekintza positiboko neurria legitimoa eta juridikoki<br />
ondo oinarritua dagoenez, guztiz zentzuzkoa da soldatapeko langileak kontratatzeko muga<br />
orokorra baino malguagoa izatea. Arazoa zera da, 134. artikuluak muga kuantitatibo oro<br />
ezabatu duela. Eta, gure ustez, horrek sorraraz dezake gizarteratze-kooperatiba batean<br />
desgaitasuna duten edo gizarte-bazterketako egoeran dauden pertsona gehiago kontrataturik<br />
egotea besteren kontura lan egiteko kooperatibako bazkideak baino, eta hori, jakina denez,<br />
gehiegizkoa izango litzateke. Horregatik, nahiz eta LEKen muga orokorra baino malguagoa<br />
izan, arrazoizkoa litzateke mugaren bat ezartzea, esate baterako gizarteratze-kooperatiba<br />
batean jarduten duten langile gehienek kooperatibako bazkide izan behar izatea.<br />
25.4. Beste arau aplikagarri batzuk<br />
Beste araudi bat aplikatzera beharko gintuzketen gizarteratzeko kooperatiben lotuneei<br />
dagokienez, lau kasu nabarmenduko ditugu: gizarte-ekimeneko kooperatibak, onura<br />
publikoko kooperatibak, enplegu-zentro bereziak eta laneratzeko enpresak.<br />
508
GIZARTERATZE-KOOPERATIBAK<br />
25.4.1. Gizarte-ekimeneko kooperatibak<br />
Gizarteratze-kooperatibek gizarte-ekimeneko kooperatiben kalifikazioa lor dezakete,<br />
baldin eta horretarako eskatzen diren baldintzak betetzen badituzte (EKLren 156.3 artikulua).<br />
Kooperatiba horiek arautzen dituen araua 61/2000 Dekretua da, apirilaren 4koa, Gizarte<br />
Ekimeneko Kooperatibak arautzen dituena. Irabazi-asmorik gabekoak izanik, helburu sozial<br />
gisa, besteak beste, edozein motatako gizarte-bazterketa pairatzen duten pertsonak laneratzea<br />
helburu duen edozein jarduera ekonomiko garatzea duten kooperatibentzat araututa dago<br />
gizarte-ekimeneko kooperatibaren kalifikazioa.<br />
Beraz, gizarte-ekimeneko kooperatibaren kalifikazioa lortzeko, GKOOP batek bete behar<br />
duen baldintza nagusia irabazi-asmorik ez izatea da. GKOOPek irabazteko asmoa izan<br />
dezakete, edo ez. Halakorik ez badute (estatutuetan berariaz jaso beharko da inguruabar<br />
hori), gizarte-ekimeneko kooperatibaren kalifikazioa lor dezakete. 61/2000 Dekretuaren 2.<br />
artikuluak lau xedapen zehatz jasotzen ditu, estatutuek berariaz jaso behar dituztenak irabaziasmorik<br />
eza egiaztatzeko:<br />
• Ekonomia-ekitaldi batean sortzen diren emaitza positiboak ezingo dira banatu<br />
bazkideen artean.<br />
• Sozietateko kapitalari bazkideek egiten dizkioten ekarpenek, derrigorrezkoek nahiz<br />
borondatezkoek, ezingo dituzte diruaren legezko korritua baino korritu handiagoak<br />
sortu, ekarpenak eguneratu egin badaitezke ere.<br />
• Zuzendaritza Kontseiluko karguak dohainik bete beharko dira. Hala ere, kontseiluko<br />
kideek beren egitekoak burutzerakoan gasturik edukiz gero, diru-konpentsazioak<br />
eman dakizkieke.<br />
• Langile bazkideen edo lan-bazkideen eta inoren konturako langileen ordainketak ezingo<br />
dute gainditu sektoreko soldatadun langileen hitzarmen kolektiboak lanbideko jarduera<br />
eta kategoriaren arabera jarritako ordainketen ehuneko ehun eta berrogeita hamar.<br />
25.4.2. Onura publikoko kooperatibak<br />
Gizarte-ekimeneko kooperatibekin gertatzen den bezala, gizarteratze-kooperatibek<br />
ere onura publikoko kalifikazioa lor dezakete (EKLren 156.2 artikulua). Kasu horretan,<br />
erreferentziazko araua otsailaren 2ko 64/1999 Dekretua da, onura publikoko kooperatibasozietateei<br />
dagozkien prozedurei eta betekizunei buruzko erregelamendua onartzen duena.<br />
Dekretu horren 1. artikuluak ezarritakoaren arabera, beren eginkizunen garapenaren bidez<br />
Euskadiren interes orokorra sustatzen laguntzen duten kooperatibei aitortu dakieke onura<br />
publikoa. 2. artikuluak, aldiz, zehaztu du interes orokor hori lortzen laguntzen dutela, besteak<br />
beste, gizarte-laguntzaren helburuak, gizarte-ekonomiaren sustapena edo antzeko beste<br />
edozein helburu nagusi dituzten sozietate-xedek. Beraz, GKOOPek bi kolektibo kalteberen<br />
alde gauzatu ohi duten helburu ekonomikoa eta soziala kontuan hartuta, badirudi erraz sar<br />
daitezkeela onura publikoko kooperatiben artean.<br />
Irabazi-asmorik ezari dagokionez, 64/1999 Dekretuak, hori egiaztatzeko baldintza gisa,<br />
estatutuetan berariaz jaso behar diren lau alderdiak eskatzen ditu. Alderdi horiek gorago<br />
adierazi ditugu, gizarte-ekimeneko kooperatibei buruzko atalean.<br />
509
GIZARTERATZE-KOOPERATIBAK<br />
25.4.3. Enplegu zentro bereziak<br />
Enplegu-zentro bereziak desgaitasuna duten pertsonei lana ematen dieten enpresak<br />
dira. Ildo horretan, gizarteratzeko kooperatibek enplegu-zentro bereziaren kalifikazioa lor<br />
dezakete. Kasu honetan, aplikatu beharreko erregelamendua hauxe da: 168/2019 Dekretua,<br />
urriaren 29koa, zeinaren bidez arautzen baitira Euskal Autonomia Erkidegoan desgaitasuna<br />
duten pertsonen enplegagarritasunarekin loturiko programak eta zerbitzuak eta enplegu<br />
zentro berezien Euskal Erregistroa.<br />
Erregelamendu horren 83. artikuluak ezarritakoari jarraiki, titulartasun publikoko<br />
zein pribatuko enpresak enplegu-zentro berezitzat jo daitezke. Beraz, zalantzarik gabe,<br />
gizarteratzeko kooperatiba bat enplegu-zentro berezi gisa kalifikatu ahal izango da. Une<br />
honetan, enplegu-zentro berezien erregistro publikoan (Internet bidez kontsulta daiteke)<br />
kooperatiba bat dago horrela kalifikatuta.<br />
Beraz, urriaren 29ko 168/2019 Dekretuaren 83. artikuluak xedatutakoarekin bat etorriz,<br />
enplegu-zentro bereziaren kalifikazioa lortu nahi duen gizarteratze-kooperatibak honako<br />
baldintza hauek betetzen dituela egiaztatu beharko du:<br />
• Titularraren nortasuna.<br />
• Pertsona juridikoak izanez gero, aldez aurretik eratuta egotea eta beren estatutuetan<br />
jasotzea beren helburu sozialaren barnean xede dutela desgaitasuna duten pertsonak<br />
laneratzea.<br />
• Azterlan ekonomiko egoki baten bidez, zentroaren bideragarritasun teknikoa eta<br />
finantzarioa justifikatzea, bai eta beren xedeak betetze aldera dituzten bizirauteko<br />
aukerak ere. Azterlanak zehatz-mehatz zehaztu behar ditu azterlanaren xede<br />
diren lantokia edo lantokiak, bai eta haiei atxikitako plantillaren tamaina eta<br />
banaketa ere. Izan ere, horri mugatzen zaizkio, berariaz, enplegu-zentro bereziaren<br />
bideragarritasunari buruzko ondorioak. Azterlana zenbait lan-zentrori buruzkoa<br />
bada, haren ondorioak lan-zentro bakoitzaren arabera xehakatu beharko dira.<br />
• Ekoizpen-prozesuak ahalbidetzen duen neurrian, desgaitasuna duten langileen<br />
kopururik handiena izatea, eta, betiere, gutxienez langileen % 70. Eta kalifikazioa<br />
eskatu aurretik jarduera hasi ez bada, plantilla horrela eratzeko konpromisoa hartzea.<br />
Ondorio horietarako, ez dira zenbatuko egokitze pertsonal eta sozialerako zerbitzuak<br />
ematen dituzten desgaitasunik gabeko langileak. Desgaitasuna duten langileek<br />
lan-kontratu idatzia izango dute, desgaitasuna duten pertsonen enplegu-zentro<br />
berezietako lan-harreman berezia arautzen duen araudiaren babespean sinatua.<br />
• Zentroko plantillan zentroaren jarduerak behar dituen teknikariak eta laguntzaileak<br />
izatea edo langile horiek plantillan sartzeko konpromisoa hartzea. Langile horiek<br />
lanbide-titulazio egokiak eduki beharko dituzte.<br />
• Zentroko plantillan sartuko diren eta desgaitasuna duten pertsonei emango zaizkien<br />
egokitze pertsonal eta sozialerako zerbitzuak zehaztea.<br />
• Egoitza Euskal Autonomia Erkidegoan izatea; kalifikazioak barnean hartzen dituen<br />
lan-zentroek ere EAEn kokatuta egon beharko dute.<br />
510
GIZARTERATZE-KOOPERATIBAK<br />
25.4.4. Laneratzeko enpresak<br />
Laneratzeko enpresen xedea gizarte-bazterketako egoeran dauden pertsonei lana eskaintzea<br />
da. Euskal Autonomia Erkidegoaren eremuan, erreferentziazko araua dugu azaroaren 11ko<br />
182/2008 Dekretua, laneratzeko enpresen kalifikazioa arautzen duena, horri heltzeko<br />
prozedura ezartzen duena eta haien erregistroa ezartzen duena.<br />
Beherago ikusiko dugunez, gizarteratze-enpresaren erakunde titularra merkataritzasozietate<br />
bat nahiz gizarte-ekonomiako sozietate bat izan daiteke. Beraz, ez dago zalantzarik<br />
GKOOP bat laneratzeko enpresa gisa kalifikatzeko aukerari buruz. Une honetan, bost<br />
kooperatiba ditugu gizarteratze-enpresen erregistro publikoan (Internet bidez kontsulta<br />
daiteke).<br />
Gizarteratze-kooperatiba bat laneratze-enpresa gisa kalifikatu nahi bada, gizartebazterketako<br />
egoeran dauden pertsonei enplegua eskaintzeagatik, dekretu horren 4. artikuluak<br />
xedatu duenari jarraiki, honako baldintza hauek bete beharko ditu:<br />
• Merkataritzako edo gizarte ekonomiako sozietate bat eratzea.<br />
• Merkatuko edozein sektoretan ondasun-produkzioko edo zerbitzu-prestazioko<br />
jarduera ekonomiko zilegi bat garatzea.<br />
• Bere helburu sozialarekiko desberdinak diren jarduerak ez egitea.<br />
• Bere helburu sozialaren xede nagusi gisa edukitzea lan-merkatuan sartzeko zailtasun<br />
bereziak dituzten pertsonen gizarteratzea eta laneratzea.<br />
• Bere nortasun juridikoari dagokion erregistroan behar bezala erregistratua egotea.<br />
7. artikuluan adierazitako erakunde sustatzaile batek edo batzuek sustatuak eta parte<br />
hartuak izatea. Merkataritza-sozietateen kasuan, parte-hartze hori kapital sozialaren<br />
% 51koa izango da gutxienez. Kooperatiben eta lan-sozietateen kasuan, parte-hartze<br />
hori bazkide kolaboratzaile edo atxikientzat aplikagarriak diren legedietan bildutako<br />
gehieneko mugetan kokatu beharko da.<br />
• Balantzeak, emaitza-kontuak eta ondarea bere helburu sozialarekiko desberdinak<br />
diren beste jarduera ekonomiko batzuekin lotuak ez izatea.<br />
• Zerga-arloko eta Gizarte Segurantzarekiko betebeharrak ordainduak izatea,<br />
eta, kalifikazioa eskatzen den unean, Autonomia Erkidegoko Administrazio<br />
Orokorrarekin edo horren erakunde autonomoekin zorrik ez izatea.<br />
• Kalifikazioa eskatu aurreko urtean bidegabeki kaleratuta lanposturik kendu ez izana.<br />
511
26. ENPRESAK SUSTATZEKO KOOPERATIBAK* 1<br />
135. artikulua.– Enpresak sustatzeko kooperatibak.<br />
1.– Enpresak sustatzeko kooperatibak dira helburu soziala dutenak ekintzaile berriek<br />
garaturiko jarduera ekonomiko eta sozialak sortzen eta handitzen laguntzea.<br />
2.– Enpresak sustatzeko kooperatibek lehentasuna eman behar diote, jarduera<br />
kooperatibizatuaren barruan, bazkideen ekimen ekintzaileari, eta bultzatu behar<br />
dute, lanbide-orientazioa bezalako jardueren bidez, jarduera bakoitza garatzeko<br />
behar diren enpresa-trebetasunak ematea eta jarduera horien tutorizatzea lehenengo<br />
urteetan.<br />
26.1. Sarrera<br />
II. tituluak, I. kapituluan, kooperatiba-mota guztiak jaso ditu (Euskadiko Kooperatiben<br />
Legearen 102. artikulutik 135.era, aurrerantzean EKL), eta lehendik zeudenei eutsi die,<br />
aldaketa batzuk eginda; gainera, 135. artikuluan enpresak sustatzeko kooperatiba berria<br />
gehitu du.<br />
Kapitulu horretan, mota horretako kooperatiben sozietate-helburua eta lehentasunak aztertu<br />
dira. Era berean, beste autonomia-erkidego batzuetako nahiz nazioarteko erregulazioak<br />
aipatu dira. Azkenik, kooperatiba-mota hori beste batzuetatik bereizi da. Alde batetik,<br />
fakturazio-kooperatibetatik, kooperatiba berria ez baita horiekin nahastu behar, azkenek<br />
benetako jarduera kooperatibizaturik gabeko egitura juridiko soila sortzen baitute. Bestetik,<br />
gizarte-ekonomiako enpresak sortu eta ekintzaile-taldeak bazkide gisa integratzeko xedea<br />
duten ekintzaileen kooperatibetatik bereizi behar da.<br />
26.2. Berrikuntza nagusiak aurreko araudiaren aldean<br />
Hizpide darabilgun kooperatiba-mota berria kooperatibismoaren erantzuna da, ekintzaile<br />
berriek garatutako jarduera ekonomiko eta sozialak sortzen eta hazten laguntzeko asmoz.<br />
EKLren 157.1 artikuluak, kooperatiben bidez jarduera ekonomikoen garapena sustatzen<br />
duten gizarte- eta ekonomia-inguruneak bultzatzeari buruzkoak, botere publikoei xedatutakoa<br />
gauzatzen duen adibidea dugu kooperatiba-mota hori.<br />
Erabateko berrikuntza da Euskadin, eta, beraz, oraingoz ez dago epigrafe horri atxikirik<br />
eratu den kooperatibarik. Aitzitik, beste autonomia-erkidego batzuetan badaude helburu hori<br />
betetzeko kooperatibak, aspalditik baitituzte mota horretako kooperatibei buruzko araudiak.<br />
2011. urtean, Andaluzia izan zen kooperatiba-mota hori estatuan txertatu zuen lehena,<br />
enpresak bultzatzeko kooperatibak izena erabiliz (AKLren 93. artikulua). Orduko<br />
erregulazioak oinarritzat hartu zituen Frantzian eta Belgikan jarduera- eta enplegukooperatiben<br />
bidez garatutako esperientzia arrakastatsuak. Esperientzia horiek apurka-apurka<br />
* Marta Enciso Santocildes andreak, Deustuko Unibertsitateko Zuzenbide Fakultateko Irakasle titularrak,<br />
egindako iruzkina.<br />
513
ENPRESAK SUSTATZEKO KOOPERATIBAK<br />
hedatu dira Europako beste herrialde batzuetara, hala nola Italiara, Austriara, Hungariara eta<br />
Herbehereetara.<br />
Andaluziako araudian funtsaturik, beste autonomia-erkidego batzuk, kasurako, Kantabriak,<br />
2013. urtean (KKLren 130. artikulua) edo Extremadurak, 2018. urtean (EXKLren 172.<br />
artikulua), mota horretako kooperatibak jaso dituzte, izen bera erabiliz.<br />
Bestalde, 2015ean, Kataluniak bere kooperatiba-legearen hirugarren xedapen gehigarrian<br />
jaso zuen kooperatiba-mota hori, baina enpresak sustatzeko kooperatiba izendatuta.<br />
Euskadiko erregulazioan ere izendapen horren alde egin da.<br />
26.3. Iruzkin orokorra eta esanahi praktikoa<br />
Lehenik eta behin, kooperatiba mota horiei aplikatu beharreko araudiari dagokionez,<br />
honako hau ezarri da (EKLren 102.3 artikulua):<br />
• kooperatiba bakoitzak bete beharko ditu lege honetan bere burua sortzeko ezartzen<br />
diren printzipioak;<br />
• kooperatiba-motari aplikatu beharreko xedapen bereziak bete beharko ditu;<br />
• eta, dagokion atalean aurreikusten ez den guztirako, berriz, arau orokorrak bete<br />
beharko ditu.<br />
Sozietate-helburuari gagozkiola, ekintzaile berriek garatzen dituzten jarduera ekonomiko<br />
eta sozialak sortzen eta hazten laguntzea ezarri da (EKLren 135.1 artikulua). Ikusten denez,<br />
arauketak funtsezko bi alderdi jorratu ditu ekintzailetza-prozesuaren baitan: enpresaproiektuaren<br />
sorrera eta sendotzea. Une korapilatsuak dira esandakoak, eta enpresaproiektu<br />
askok, kooperatiboak izan zein ez, porrot egin dezakete laguntzarik, zerbitzurik eta<br />
prestakuntzarik ez badute.<br />
Bestalde, aitortu gabeko ekonomiaren esparruan emango liratekeen zerbitzuak azaleratu<br />
eta erregulatzeko tresnatzat har dezakegu, eredu kooperatibotik abiatuta. Horrela jaso da<br />
berariaz Andaluziako eta Kantabriako erregulazioen zioen azalpenetan.<br />
Jarraian, eskain daitezkeen laguntza-jarduerak jaso dira, baina, aintzat hartu behar da<br />
zerrenda hori ez dela, inola ere, zerrenda itxia (EKLren 135.2 artikulua):<br />
• lanbide-orientazioa;<br />
• jarduera bakoitza garatzeko behar diren enpresa-trebetasunak;<br />
• jardueren tutoretza lehenengo urteetan.<br />
Beste alde batetik, 2013an, Nafarroan kooperatiba modalitate berri bat sortu zen,<br />
Nafarroako Ekintzaileen kooperatiba, S. Koop/Cooperativa de emprendedores de Navarra<br />
S. Coop. deiturikoa, ANEL ekimenari atxikita, eta kooperatiba horrek baditu alde batzuk<br />
kapitulu honetan deskribatu dugun kooperatiba-motarekin. Nafarroako kooperatiba horren<br />
helburua dugu enpresa kooperatiboak babestea eta sortzea, ekintzaileek benetako esperientzia<br />
ekintzailea izan dezaten eta beren jarduera abian jar dezaten enpresa sortu aurretik, enpresa<br />
bideragarria ote den egiaztatzeko. Horretarako, ekintzaileen kooperatibako profesionalen<br />
laguntza eta aholkularitza baliatzen dute. Ekintzaileak kooperatibako bazkideak dira, eta,<br />
horregatik, enpresa-mintegi batetik bereizten da.<br />
514
ENPRESAK SUSTATZEKO KOOPERATIBAK<br />
Era berean, ez dira nahastu behar enpresak sustatzeko kooperatibak (edo, Nafarroako<br />
kasuan, ekintzaileen kooperatibak) eta fakturazio-kooperatibak. Enpresak sustatzeko<br />
kooperatibak dagokion autonomia-araudiaren arabera eratuta daude, eta kooperatiben balio<br />
eta printzipioei men egiten diete, beste autonomia-erkidego batzuetan abian dauden kasuek<br />
erakusten dutenez.<br />
Aitzitik, fakturazio-kooperatibetan, norbere konturako lana egiten duten pertsonak biltzen<br />
dituen egitura bat sortzen da. Zerbitzu hori erabili nahi duten pertsonek kide bihurtu behar<br />
dute, sozietatearen kapitalari ekarpena eginda. Erakundeak, bestalde, fakturazio- eta Gizarte<br />
Segurantzako alta-zerbitzuak ematen ditu, eta, kasu batzuetan, lege-aholkularitza orokorraz<br />
gain, finantzaketa lortzeko prestakuntza edo laguntza ere eskaintzen du.<br />
Funtzionamenduari dagokionez, nagusiki linean egiten dena, norbere konturako langileak<br />
gauzatzen du, baina faktura kooperatibak egiten du. Langile autonomoak fakturatutakoa<br />
jasotzen du, baina erakundeak ehuneko jakin bat atxikitzen du fakturatik, kudeaketazerbitzuaren<br />
zioz (oro har, % 4 eta % 6,5 artekoa, kasuaren arabera). Era berean, erakundeak<br />
alta ematen dio bazkideari gizarte-segurantzan besteren konturako langileen araubide<br />
orokorrean, fakturatutako jarduera estaltzeko behar diren egunetan. Kasu gehienetan,<br />
zerbitzuak noizbehinka ematen dituzten pertsonak dira, langile autonomoen araubide<br />
bereziaren kuota osoa ordaintzea saihesten dutenak.<br />
Ekinbide horiek kooperatiba-moldearen iruzurrezko erabileratzat hartzen dira, eta,<br />
horregatik, kooperatiba horietako batzuk deskalifikatu egin dira. Gainerakoei dagokienez,<br />
indarra galdu dute eta ia desagertu egin dira; izan ere, bazkide asko kooperatibako bazkide<br />
izan ziren bitartean, langile autonomo gisa ordaindu behar zituzten kuotak ordaintzera<br />
zigortu zituzten, % 20ko errekargua gehituta.<br />
Kooperatiba-printzipioen arabera artezten eta abiaburu horiek errespetatzen ez dituzten<br />
erakundeak dira, izaera instrumental hutsa dutenak, eta bezeroekiko harreman ezartzen dute<br />
langileekin, bazkideekiko harremana baino.<br />
Aitzitik, enpresak sustatzeko kooperatibek ekosistema egokia eskaintzen dute ekintzaileek<br />
beren negozio-ideia gauzatu ahal izan dezaten, auren lana modu erregularizatuan garatuz,<br />
baldintza duinetan eta eredu kooperatiboaren estandarren eta parametroen arabera. Eredu<br />
horretan, bazkideek kudeaketan parte hartzen dute eta sinergiak sortzen dituzte haien artean,<br />
eta, aldi berean, laguntza jasotzen dute enpresa-proiektua garatzen ari diren bitartean.<br />
515
27. SOZIETATE KOOPERATIBO TXIKIA* 1<br />
27.1. Xedapen orokorrak<br />
27.1.1. Kontzeptua eta sortzea<br />
136. artikulua.– Kontzeptua.<br />
1.– Sozietate kooperatibo txikia lehen graduko sozietate kooperatiboa da, lan elkartukoa<br />
edo erkidegoan ustiatzekoa, zeinaren araubide juridikoa kapitulu honen bidez<br />
arautzen baita, sozietate kooperatiboen barruko espezialitate gisa.<br />
2.– Sozietate kooperatibo txikia sortzeko, lege honen arabera sortutako sozietate<br />
kooperatibo baten estatutu sozialak egokitzeko, edo kooperatiba ez den sozietate bat<br />
sozietate kooperatibo txiki batean transformatzeko, horiek guztiak egin ahal izateko,<br />
sustatzaileek edota dagokion kooperatiba-organoak espresuki adierazi beharko dute<br />
sozietate kooperatibo txikiaren izaera egotzi diotela beren sozietateari.<br />
3.– Sozietate kooperatibo txikia iraupen mugagabeko bazkide langileek edo lanbazkideek<br />
osatuko dute, gutxienez bik eta gehienez hamarrek.<br />
4.– Sozietate kooperatibo txikiak kapitulu honetan xedatutakoaren bidez arautuko dira<br />
eta, osagarririk behar izanez gero, lege honen eta bere garapen-arauen bidez.<br />
137. artikulua.– Sortzea.<br />
1.– Sozietate kooperatibo txikia sortzeko, beharrezkoa izango da eskritura publikoa<br />
egitea eta sozietatea Euskadiko Kooperatiben Erregistroan inskribatzea. Inskripzio<br />
horren ondoren eskuratuko du izaera juridikoa sozietate kooperatibo txikiak.<br />
2.– Euskadiko Kooperatiben Erregistroan sozietate kooperatibo txikiak inskribatzeko<br />
liburua edukiko dute, eta hor inskribatuko dira sozietate kooperatibo txikiaren<br />
izaera hartu duten sozietateak, haien jatorrizko forma juridikoa edozein izanda ere.<br />
3.– Sozietate kooperatibo txikien sortze-eskriturak lege honen 13.1 artikuluko baldintza<br />
guztiak beteko ditu.<br />
4.– Sortze-eskrituraren eta estatutu sozialen kalifikazioa eta inskripzioa egiteko epea<br />
hamar egunekoa izango da gehienez ere, eskabidea aurkezten denetik kontatzen<br />
hasita. Epe hori bost egunera murriztuko da baldin eta estatutuak lege honetako<br />
zortzigarren xedapen gehigarriko 3. apartatuan aurreikusitako ereduaren<br />
araberakoak badira.<br />
5.– Entitate hauen izenean ezinbestean agertuko da «kooperatiba sozietate txikia»<br />
adierazpena edo «koop. elk. txikia» laburdura.<br />
* Francisco Javier Sanz Santaolalla jaunak, BITARTU-Arbitraje Kooperatiboko Euskal Zerbitzuko buru,<br />
Elkar-Lan, S. Coop.eko zuzendari eta Euskal Mugimendu Kooperatiboaren Batzorde Juridikoaren koordinatzaileak<br />
egindako iruzkina.<br />
517
SOZIETATE KOOPERATIBO TXIKIA<br />
27.1.2. Berrikuntza nagusiak aurreko araudiaren aldean<br />
Euskadiko Kooperatiben ekainaren 24ko 4/1993 Legeak ez zuen kooperatiba-sozietate<br />
txikia arautu; ekainaren 25eko 6/2008 Legeak, kooperatiba-sozietate txikiari buruzkoak,<br />
erregulatu zituen halako sozietateak eta lege horren 136 eta 137 artikuluak eta aipatutako<br />
legearen 1. eta 2. artikuluak ia-ia berdinak dira.<br />
Bi berritasun daude: bata teknika juridikoari buruzkoa (EKLra igortzen du, indargabetu<br />
dituen legeetarako igorpena egin beharrean), eta bestea, kalifikazioan eta inskripzioan epeak<br />
murrizteari buruzkoa.<br />
EKLra igortzea: aurreko araudian, kooperatiba-sozietate txikia arautzen zuten aipatutako<br />
bi legeen inguruko aipamena egin zen; orain, berriz, EKLrako igorpenak ordeztu du aipamen<br />
hori.<br />
Epeak murriztea: sortze-eskritura eta sozietate-estatutuak kalifikatzeko eta inskribatzeko<br />
gehieneko epea hogeita hamar egunetik bost egunera murriztu da; horretarako, beharrezkoa<br />
da estatutu sozialak bat etortzea Eusko Jaurlaritzako Lan eta Enplegu Sailak egindako<br />
ereduarekin. Hala, aurkezten diren estatutuak ereduarekin bat ez badatoz, gehieneko epea<br />
Kooperatiba Sozietateen Erregistroaren Erregelamenduak ezarritakoa izango da, normala<br />
denez, kooperatiba ez-txikientzat ezarritakoa baino laburragoa.<br />
27.1.3. Iruzkin orokorra eta esanahi praktikoa<br />
EKLren 136. artikuluak ezarritako aintzat hartuta, esan beharra dago manu horren<br />
edukia aginduzkoa dela, hau da, nahitaez bete beharrekoa, kooperatiba-sozietate txikiaren<br />
kontzeptuari dagokionez. Lau atal ditu:<br />
1.atalean, kooperatiba-sozietate txikia definitu da, eta lan elkartuko kooperatibak eta<br />
erkidegoan ustiatzeko kooperatibak baino ezin izango direla izan zehaztu da. Bi kooperatibamota<br />
horien definizioak jorratu dira lan honetan, hurrenez hurren, EKLren 103.1 eta 114.1<br />
artikuluetan (ikus artikuluak).<br />
2. atalean, sustatzaileek edo dagokion sozietate-organoak kooperatiba-sozietate txikiaren<br />
izaera berariaz eslei diezaiotela eskatu da (kooperatiba txiki bihurtuz gero edo kooperatiba<br />
ez-txiki baten estatutuak egokituz gero).<br />
3. atalean, bazkide langileen edo lan-bazkide mugagabeen gutxieneko (bi) eta gehieneko<br />
(hamar) kopurua zehaztu da, baina horrek ez du esan nahi beste bazkide-motarik eduki ezin<br />
daitekeenik, aurrerago azalduko den bezala.<br />
4. atalean, mota horretako kooperatiben erregulazioa aginduzko eran ezarri du haien<br />
kapitulu espezifikoaren xedapenei jarraiki, eta modu osagarrian, hau da, aipatutako<br />
kapituluan erregulatzen ez diren kasu guztietan, EKLk eta bere garapen-arauek erregulatuko<br />
dute, adibidez, EKLren erregelamenduak.<br />
EKLren 137. artikuluak ere aginduzko edukia dakar, eta bost atal ditu:<br />
1. atalak dio kooperatiba-sozietate txiki bat eratzeko eskritura publikoa behar dela, EKLren<br />
12.2 artikuluak jasotako edukia bertan adierazita, bai eta kooperatiben erregistroan inskribatzea.<br />
Ildo horretan, sozietateak nortasun juridikoa hartuko du inskribatzen den unetik aurrera.<br />
518
SOZIETATE KOOPERATIBO TXIKIA<br />
2. atalean zehaztu da sozietate kooperatibo txikien inskripzio-liburua eramango dela<br />
kooperatiba sozietateen erregistroan, sozietate horien jatorrizko forma juridikoa edozein dela<br />
ere (adibidez, S.A./S.L./S.L.L./S. Coop.).<br />
3. atalak ezarri du sortze-eskriturak EKLren 13.1 artikuluak jasotako gutxieneko<br />
betekizunak bete behar dituela (ezinezkoa litzateke bestela izatea).<br />
4. atalak dioenez, sozietatea kalifikatzeko eta inskribatzeko gehieneko epea bost egunekoa<br />
izango da, baldin eta eratze-eskriturarekin batera aurkezten diren estatutuak laneko eskumena<br />
esleituta daukan sailak, gaur egun, Lan eta Enplegu Sailak, ondorio horretarako prestatu<br />
duen ereduarekin bat badatoz.<br />
5. atalari jarraiki, “kooperatiba-sozietate txikia/sozietate kooperatibo txikia” edo horren<br />
laburdura, “koop. s. txikia/s. koop. txikia”, nahitaez erabili behar da, kooperatibaren<br />
sozietate-era eta dimentsioa bereizi ahal izateko.<br />
27.1.4. Beste arau aplikagarri batzuk<br />
Estatuko legerian ez dago bat datozen manurik, kontuan harturik ez dela kooperatibamodalitate<br />
hori arautzen. Eta beste autonomia-erkidego batzuetako legeak ez dira<br />
aplikagarriak.<br />
27.2. Besteren konturako langileak eta bazkide langileak edo iraupen jakineko lanbazkideak<br />
kontratatzeaz eta hasierako nahitaezko ekarpenak mugatzeaz<br />
27.2.1. Besteren konturako langileak edota iraupen jakineko bazkide langileak edo<br />
lan-bazkideak kontratatzeko mugak<br />
138. artikulua.– Besteren konturako langileak edota iraupen jakineko bazkide langileak<br />
edo lan-bazkideak kontratatzeko mugak.<br />
1.– Sozietate kooperatibo txikiek, sortzen direnetik kontatzen hasita bost urteko epean,<br />
gehienez ere, aukera izango dute besteren konturako langileak, edozein modalitatetan,<br />
eta iraupen jakineko bazkide langileak edo lan-bazkideak kontratatzeko, lanaldi<br />
osoan edo lanaldi partzialean. Edonola ere, kontratatutako langile horiek ez dira<br />
izango iraupen mugagabeko bazkide langileak baino gehiago.<br />
2.– Nolanahi ere, sozietate kooperatibo txikiak ezingo ditu besteren konturako bost<br />
langile baino gehiago kontratatu.<br />
3.– Sortu eta hurrengo bost urteen barruan, gehienez ere, iraupen mugagabeko bost<br />
bazkide langile edo lan-bazkide, edo gutxiago, dauzkaten sozietate kooperatibo<br />
txikiek, lanaldi osoan edo lanaldi partzialean, aukera izango dute besteren konturako<br />
bost langile, gehienez, edo iraupen jakineko bost bazkide langile edo lan-bazkide,<br />
gehienez, kontratatzeko, lanaldi osorako edo lanaldi partzialerako.<br />
4.– Aurreko apartatuetan aipatzen den bost urteko epe hori amaitzean, sozietate<br />
kooperatibo txikiek besteren konturako langileak eta iraupen jakineko bazkide<br />
519
SOZIETATE KOOPERATIBO TXIKIA<br />
langileak edo lan-bazkideak kontratatzeko dauzkaten mugak lege honetan ezarrita<br />
daudenak izango dira.<br />
139. artikulua.– Hasierako nahitaezko ekarpenak mugatzea.<br />
Sozietate kooperatibo txikiek besteren konturako langileei, sozietatean sartu ahal izateko<br />
iraupen mugagabeko bazkide langile edo lan-bazkide bezala edo iraupen jakineko bazkide<br />
bezala, exiji diezazkieketen hasierako nahitaezko ekarpenak ezingo dira, bazkide mota<br />
horietako bakoitzarentzat, handiagoak izan –baliokideak gehienez ere– sozietatera azkena<br />
sartutako bazkideak, kasu bakoitzean dagokion motakoak, guztira eginiko nahitaezko<br />
ekarpenak baino, ekarpen horiei dagozkien eguneratzeak eginda. Nolanahi ere, eguneratze<br />
horiek ezingo dira handiagoak izan ekarpenak egin zirenez gero Estatistikako Institutu<br />
Nazionalak argitaratutako kontsumo-prezioen indizea aplikatuta ateratzen dena baino.<br />
27.2.2. Berrikuntza nagusiak aurreko araudiaren aldean<br />
Euskadiko Kooperatibei buruzko ekainaren 24ko 4/1993 Legeak, lehen azaldu dugun<br />
bezala, ez zuen kooperatiba-sozietate txikia arautu, baizik eta kooperatiba-sozietate<br />
txikiari buruzko ekainaren 25eko 6/2008 Legeak. Hala, legearen 138. eta 139. artikuluak<br />
eta aipatutako azken legearen 3. artikuluaren (lehen lau ataletan) eta 4. artikuluaren edukia<br />
berdin-berdinak dira.<br />
Legegileak kendu egin du Kooperatiba-sozietate txikiari buruzko ekainaren 25eko 6/2008<br />
Lege indargabetuaren 3. artikuluaren 5. atala, kooperatiba txikiak. Xedapen horren arabera,<br />
kooperatiba eratzen zenetik 5 urtera, Gizarte Ekonomiaren Zuzendaritzari jakinarazi eta<br />
egiaztatu behar zion (erregelamenduz zehaztutako moduan) besteren konturako langileekiko<br />
eta, hala badagokio, bazkide langileekiko lan-bazkideekiko egoera Euskadiko Kooperatibei<br />
buruzko ekainaren 24ko 4/1993 Legeak ondorio horretarako araututa zituen baldintzekin bat<br />
zetozela. Horixe da berritasun bakarra.<br />
27.2.3. Iruzkin orokorra eta esanahi praktikoa<br />
138. artikuluak lau atal dakartza:<br />
1. atalak bi zati dauzka: bata, xedapenezkoa eta, bestea, aginduzkoa. Alde batetik, lan<br />
elkartuko edo erkideagoan ustiatzeko kooperatiba txikiei aukera ematen die besteren<br />
konturako langileak kontratatu ahal izateko, edozein kontratu-modalitatetan, eta, hala<br />
badagokio, bazkide langileak edo iraupen mugatuko langileak kontratatu ahal izateko<br />
(manuaren xedapenezko zatia), eta, bi kasuetan, bost urteko gehieneko epe jakin baterako<br />
(manuaren aginduzko zatia), bazkide langile edo lan-bazkide mugagabeen kopurura iritsi<br />
arte (lanaldi osokoak edo lanaldi partzialekoak), EKLren 26.2 eta 103.4 artikuluek txikiak<br />
ez diren kooperatibentzat araututako muga arrunten gainetik; muga horiek ez ditugu<br />
iruzkinduko, ez aipatuko, lan honetan iruzkindu direla aintzat hartuta. Adibidez, kooperatiba<br />
txiki batek 3 bazkide langile edo lan-bazkide mugagabe baditu, iraupen mugatuko 3 bazkide<br />
edo iraupen mugatuko 2 bazkide eta besteren konturako langile bat kontrata ditzake.<br />
2. atala aginduzkoa da, eta bertan zehaztu da kooperatiba txiki bat izan dezakeen besteren<br />
520
SOZIETATE KOOPERATIBO TXIKIA<br />
konturako langileen gehieneko kopurua: bost. Adibidez, bi bazkide langile edo lan-bazkide<br />
dituen lan elkartuko kooperatiba txiki batek edo erkidegoan ustiatzeko kooperatiba batek,<br />
gehienez ere, besteren konturako bost langile kontratatu ahal izango ditu.<br />
3. atala mistoa da, edukiaren zati bat xedapenezkoa baita, eta bestea aginduzkoa. Aginduzko<br />
zatiak dio, gehienez ere, bost urtez, kooperatiba eratu den egunetik zenbatzen hasita, iraupen<br />
mugagabeko bost bazkide langile edo lan-bazkide (lanaldi osokoak edo lanaldi partzialekoak)<br />
dituzten kooperatiba-sozietate txikiek bost bazkide langile edo iraupen jakinekoak (lanaldi<br />
osokoak edo lanaldi partzialekoak) eta besteren konturako beste bost langile kontratatu<br />
ahal izango dituztela (manuaren xedapenezko zatia). Adibidez, bi bazkide langile edo lanbazkide<br />
mugagabe dituen kooperatiba txiki batek besteren konturako bost langile eta iraupen<br />
mugatuko bost bazkide kontrata ditzake. Kasu horretan, iraupen mugatuko bazkideen botoa<br />
haztatu beharko litzateke, bazkide laguntzaileek beti izan behar baitute kooperatibako boto<br />
guztien ehuneko berrogeita hamar baino gehiago (ikus EKLren 37.4 artikulua eta manu eta<br />
atal horri buruz lan honetan egin diren iruzkinak).<br />
4. atala aginduzkoa da; horrek esan nahi du kooperatiba txikia eratu zenetik bost urte igaro<br />
ondoren ezin dituela gainditu besteren konturako langileen eta iraupen jakineko bazkideen<br />
kontratazioaren muga arruntak, hau da, EKLren 26.2 eta 103.4 artikuluetan ezarritakoak.<br />
Adibidea: hiru bazkide langile edo lan-bazkide mugagabe dituen kooperatiba txiki batek<br />
besteren konturako bi pertsona ere kontratatu ditzake (ikus 103.4 artikuluaren azken<br />
paragrafoa), urtean zehar hiru hilabetetik beherako kontratazioei EKLren 103.4 artikuluak<br />
jaso eta konputatzen ez diren kontratazio-kasuei kalterik egin gabe.<br />
139. artikuluari dagokionez, esan beharra dago edukia aginduzkoa dela eta haren esanahia<br />
adierabakarra; izan ere, artikuluak hasierako nahitaezko ekarpenen eta, hala badagokio,<br />
bazkideen nahitaezko ekarpenen gainean aplikatzen diren eguneratzeen kontzeptuan eska<br />
daitekeen gehieneko zenbatekoa mugatu du.<br />
Horrenbestez, alde batetik, kooperatiba txikia eratu ondoren bazkide gisa sartzen diren<br />
pertsonei hasierako nahitaezko ekarpen gisa eskatu ahal izango zaie, baina zenbateko<br />
horrek ezin izango du inoiz gainditu kasuan kasuko azken bazkideak egindako nahitaezko<br />
ekarpenen zenbatekoa, bazkide-mota kontuan hartuta (sozietate-estatutuetan jasota egon<br />
behar da), gehi ekapren horien eguneratzeei dagokien zenbatekoa, Estatistikako Institutu<br />
Nazionalak argitaratutako kontsumo-prezioen indizeak aplikatuta. Adibidez, kooperatiba<br />
txiki batean, nahitaezko ekarpenen zenbatekoa 12.500 eurokoa bada (10.000 euro hasierako<br />
nahitaezko ekarpen gisa 2015ean eta 2.500 euro nahitaezko ekarpen berri gisa 2018an),<br />
bazkide berriari hasierako nahitaezko ekarpena, 12.500 eurokoa, gehi horren eguneratzea<br />
(hau da, 10.000 euroko zenbatekoaren gaineko KPIren indizea 2015etik 2020ra bitartean,<br />
gehi 2.500 euroko zenbatekoaren gaineko KPIren indizea 2018tik 2021era arte) eskatu ahal<br />
izango zaio, gehienez ere. Ateratzen den zenbateko hori izango litzateke bazkidea sartzeko<br />
eska litekeen gehieneko zenbatekoa, baina horrek ez du eragozten kooperatibak, batzar<br />
orokorraren erabakiz, hasierako nahitaezko ekarpen txikiagoa ezar dezan, bazkide berriak<br />
sar daitezen.<br />
521
SOZIETATE KOOPERATIBO TXIKIA<br />
27.2.4. Beste arau aplikagarri batzuk<br />
Estatuko legerian ez dago bat datorren manurik, kontuan hartuta ez dela kooperatibamodalitate<br />
hori arautzen. Eta beste autonomia-erkidego batzuetako legeak ere ez dira<br />
aplikagarriak<br />
27.3. Organo sozialak<br />
27.3.1. Berariazko arauketa sozietate kooperatibo txikientzat<br />
140. artikulua.– Organo sozialak.<br />
1.– Sozietate kooperatibo txikiko organoak batzar orokorra eta administrazio- eta<br />
ordezkaritza-organoa dira. Batzar orokorra izango da organo garrantzitsuena, eta<br />
administrazio- eta ordezkaritza-organoa honelakoa izan daiteke: pertsona bakarrekoa<br />
–administratzaile bakarra–, pluripertsonala –administratzaile solidarioak edo<br />
mankomunatuak–, edo kolegiatua –artezkaritza-kontseilua–.<br />
2.– Batzar orokorra, kapitulu honetan jaso gabeko gaiei dagokienez, lege honetan<br />
xedatutakoaren arabera arautzen da.<br />
3.– Administrazio- eta ordezkaritza-organoa sozietate kooperatibo txikiko bazkide<br />
langileek edo lan-bazkideek osatuko dute beti, eta lege honen xedapenak izango ditu<br />
arau, kapitulu honetan jasotako berezitasunak kontuan hartuta.<br />
4.– Administrazio- eta ordezkaritza-organoa pertsona bakarrekoa bada –administratzaile<br />
bakarrak osatua– edo pluripertsonala bada –administratzaile solidarioek edo<br />
mankomunatuek osatua–, eta artikulu honen hurrengo apartatuan jasotako kasua<br />
gertatzen bada, karguaren iraupena bost urtekoa izango da. Epe hori betetzean,<br />
berriro pertsona berak hautatuko dira edo izendapen berria egin beharko da.<br />
5.– Sozietate kooperatibo txikien administrazio- eta ordezkaritza-organoa artezkaritzakontseilua<br />
bada, bi pertsonak osatuko dute gutxienez kontseilua. Haietako bat<br />
lehendakari izango da, eta bestea, idazkari.<br />
6.– Sozietate kooperatibo txikien artezkaritza-kontseiluak estatutu sozialetan zehaztutako<br />
maiztasunez bildu beharko du. Hala eta guztiz ere, organo horrek hiru hilean behin<br />
bildu beharko du, gutxienez.<br />
Artezkaritza-kontseiluaren erabakiak –legeak edo estatutuek hala agintzen dutelako<br />
gehiengo kualifikatuz hartu beharrekoak ez badira– behar bezala emandako botoen<br />
gehiengoz onartuko dira. Ez dira behar bezala emandako bototzat hartuko bilkuran<br />
dauden kontseilarien abstentzioak.<br />
Lehendakariaren botoak ahalmena izango du berdinketak erabakitzeko, baina ez<br />
artezkaritza-kontseiluko kideak bi direnean, salbu sozietate kooperatibo txikiaren<br />
estatutuetan kontrakoa ezartzen bada.<br />
7.– Artikulu honetako 5. apartatuan agertutako kasua gertatuz gero, sozietate<br />
kooperatibo txikiko artezkaritza-kontseiluko idazkariak egin dezake batzar orokorra<br />
522
SOZIETATE KOOPERATIBO TXIKIA<br />
biltzeko deia, baldin eta lehendakariak ez badu hartarako deirik egin bazkide<br />
batzuek aurkeztutako deialdi-eskaera jaso eta hurrengo 20 egunetan –bazkide<br />
horiek gutxienez boto guztien ehuneko hogeiaren ordezkaritza izanda–. Halakoetan,<br />
bestalde, aukera izango da lehendakariaren kontra erantzukizun-egintza aurkezteko.<br />
27.3.2. Berrikuntza nagusiak aurreko araudiaren aldean<br />
Euskadiko Kooperatiben aurreko legeak, ekainaren 24ko 4/1993 Legeak, hain zuzen, ez<br />
zuen kooperatiba-sozietate txikia arautu; bai ordea, kooperatiba-sozietate txikiari buruzko<br />
ekainaren 25eko 6/2008 Legeak, aipatutako lehen legearen artikulu jakin batzuek egindako<br />
bidalketei kalterik egin gabe. Legearen 140. artikuluaren edukia eta Kooperatiba-sozietate<br />
txikiari buruzko ekainaren 25eko 6/2008 Legearen 5. artikuluarena ia berdin-berdinak dira.<br />
Berrikuntza bakarra dago teknika juridikoari dagokionez; izan ere, 140. artikuluen 2. eta 3.<br />
ataletan, EKLrako igorpena gehitu da, lege horrek indargabetu dituen legeen ordez.<br />
27.3.3. Iruzkin orokorra eta esanahi praktikoa<br />
1. atalak eduki mistoa du, edukiaren zati bat aginduzkoa baita eta bestea xedapenezkoa.<br />
Azken batean, EKLk zehaztu duena zera da, kooperatiba txikiak beharrezko sozietate organo<br />
gisa batzar nagusia izan behar duela –horixe da organo garrantzitsuena− eta administrazioorganoa.<br />
Batzar nagusia kooperatiba baten sozietate-organo garrantzitsuena dela zehaztu da,<br />
eta hori, nire iritziz, pertsona-sozietate guztien artean garrantzitsuena den kooperatibaren<br />
beraren izaerari dagokio.<br />
Beste alde batetik, administrazio-organoak izan ditzakeen modalitateak jaso dira, eta,<br />
horien artean, kooperatiba bakoitzak egokiena aukeratuko du bere sozietate-estatutuetan.<br />
Aukerak honako hauek izango dira: administratzaile bakarra; administratzaile solidarioak<br />
edo mankomunatuak; artezkaritza-kontseilua.<br />
2. atala aginduzkoa da, eta haren esanahia argia da; bada, atalean zehaztu da kooperatiba<br />
txikiaren batzar orokorra arautuko dela, EKLren 136. artikulutik 145.era arautzen ez den<br />
guztiari dagokionez, EKLk sozietate-organo horrentzat xedatutakoaren arabera.<br />
3. atalak nahitaezko edukia du, kooperatiba-sozietateko administrazio-organoetako<br />
pertsonek bazkide langileak edo lan-bazkide mugagabeak (lanaldi osokoak edo lanaldi<br />
partzialekoak) izan behar dutela zehazten baitu, eta EKLk gizarte-organo horrentzat<br />
xedatutakoaren arabera arautuko dela, kapitulu honetan horretarako araututako berezitasunak<br />
(EKLren 136. artikulutik 145.era jasotakoak) aintzat hartuta. Adibidea: bazkide langileak<br />
edo lan-bazkide mugagabeak (lanaldi osokoak edo lanaldi partzialekoak) baino ezin dira<br />
izan administrazio-organoko kide. Ezin dira sozietate-organoaren kide izan beste mota<br />
bateko bazkideak, ezta bazkide ez diren pertsonak ere.<br />
4. atala aginduzkoa da, eta kooperatibak behartzen ditu administratzaileen agintaldia<br />
bost urtekoa izatera, aukeratutako modalitatea edozein dela ere, eta administrazio-organoa<br />
aldi berean berrituko da beti. Adibidea: kontseilua 2018ko ekainaren 6ko ohiko batzar<br />
orokorrean aukeratu da; haren ohiko agintaldia 2023ko ekainaren 5era artekoa izango<br />
litzateke. Izendapenaren epea igarotakoan, hurrengo batzar orokorra egin arte eutsiko diote<br />
523
SOZIETATE KOOPERATIBO TXIKIA<br />
karguari (ikus EKLren 140.3 eta 46.1 artikuluak), esate baterako, 2023ko ekainaren 30ean<br />
egiten den ohiko batzar orokorra izan arte. Eta kontseilukideren batek kargua uzten badu,<br />
adibidez, 2020ko urriaren 5ean, azaroaren 1ean ezohiko batzar orokorra egiten bada eta beste<br />
kontseilukide bat aukeratzen bada, hark kargugabetzen duenari geratzen zaion aldia izango<br />
du agintaldia, hau da, 2023ko ekainaren 5era arte, organoaren berritzea aldi berekoa delako.<br />
5. atala, artezkaritza kontseiluaz diharduena, aginduzkoa eta aukerakoa da. Horren<br />
gutxieneko osaera (aginduzko edukia), gutxienez, bi bazkide langilek edo lan-bazkide<br />
mugagabek osatu behar dute, eta, kasu horretan, batzordeburuak eta idazkariak aginduzko<br />
edukia izan behar dute. Aurrekoa esanda, horrek ez du esan nahi artezkaritza-kontseiluak<br />
osaera handiagoa izan ez dezakeenik (aukerako edukia), adibidez, hiru pertsona eta hirugarren<br />
karguren bat (aukerako edukia), adibidez, buruordea.<br />
6. atala aginduzkoa eta aukerakoa da, eta arautu duen gaia administrazio-organoak<br />
bilkura egin behar duen gutxieneko aldizkakotasuna da, kooperatibak sozietate-estatutuetan<br />
zehaztu dezakeela (aukerako edukia), baina denborazko muga ezarri du (aginduzko edukia),<br />
gutxienez, hiru hilerik behin batu behar delako. Adibidea: estatutuetan zehaztu da artezkaritzakontseilua<br />
bi hilean behin bilduko dela, maiztasun hori oporraldiarekin bat datorrenean izan<br />
ezik; kasu horretan, hurrengo hilabetera atzeratuko da bilkura.<br />
Era berean, administrazio-organoak erabakiak hartzeko behar diren gehiengoak zehaztu<br />
dira, eta nahikoa da emandako baliozko botoen gehiengoa (bertaratutako kontseilukideen<br />
abstentzioak zenbatu gabe, boto zuriak halakotzat ez direla hartzen kontuan hartuta, EKLren<br />
48.3 artikuluak egiten duenaz beste, hori guztia legez edo estatutu-erregulazioz gehiengo<br />
indartua behar duen akordio bat denean izan ezik, hala nola antolaketari eragiten ditoen<br />
aldaketa garrantzitsuak ebaztea (ikus EKLren 48.3.c) artikulua). Azken artikulu horrek<br />
dioenez, administrazio-organora bertaratutako pertsonen baliozko botoetatik, gutxienez bi<br />
herenen aldeko botoa beharko litzateke, balio osoz. Adibidea: lau kontseilukidek osaturiko<br />
artezkaritza-kontseiluan hiru kontseilukidek parte hartzen dute. Gehiengo arrunta eta<br />
kualifikatua berdinak izango lirateke: kasu horretan, nahikoa lirateke baliozko bi boto.<br />
Artezkaritza-kontseiluak bi kide dituenean, kontseiluburuak, berdinketa gertatuz gero, ez<br />
du boto erabakitzailerik edo kalitatezkorik izango (aginduzko edukia), estatutuetan berariaz<br />
aitortzen edo esleitzen bazaio (aukerako edukia). Eta horren erregulazioa alderantzizkoa da,<br />
artezkaritza-kontseiluak hiru kidek edo gehiagok osatzen badute: kalitateko botoa edo boto<br />
erabakitzailea aitortzen zaio, estatutu-xedapen bidez berariaz kentzen ez bazaio.<br />
7. atalak aginduzko edukia dauka, eta artezkaritza-kontseiluko idazkariak batzar-deia<br />
egiteko prozedura arautu da, baldin eta kontseiluburuak batzarrerako deia egin ez badu,<br />
gutxienez, boto guztien ehuneko hogei ordezkatzen duten bazkideek hala eskatuta, bazkideen<br />
eskaera jaso zuenetik hogei egun balioduneko epea igaro ondotik (ikus EKLren lehenengo<br />
xedapen gehigarria). Adibidea: bazkide langile batek (artezkaritza-kontseiluan inolako<br />
kargurik ez duena), hiru bazkide langileko kooperatiba txiki batean, 2021eko urtarrilaren<br />
2an, ezohiko batzar orokor bat egiteko eskatu dio kooperatibako buruari , eta hogei egun<br />
baliodun igaro ondoren, idazkariak 2021eko otsailaren 8an deitu du, bazkide eskatzaileak<br />
proposatutako aztergaien zerren eta erabaki-proposamen guztiak jasota. Horiek bazkide<br />
guztien esku jarriko dira kooperatibaren egoitzan edo, bestela, bazkideen bizilekura bidaliko<br />
lirateke, bazkideek hala eskatuz gero eta sozietate-estatutuek hala arautzen badute.<br />
524
SOZIETATE KOOPERATIBO TXIKIA<br />
Bestalde, atalak jaso kooperatibak erantzukizun-akzioa egikaritu ahalko duela kontseiluburuaren<br />
aurka, deia ez egiteagatik. Hala ere, kasu horretan ohikoena da kargua uztea edo kargutik kentzea.<br />
27.3.4. Beste arau aplikagarri batzuk<br />
Estatuko legerian ez dago bat datozen manurik, kontuan hartuta kooperatiba-modalitate<br />
hori ez dela arautzen.<br />
27.4. Araubide ekonomikoa<br />
27.4.1. Kapitalari egindako ekarpenen kenkariak<br />
141. artikulua.– Kapitalari egindako ekarpenen kenkariak.<br />
Zilegi da estatutu sozialetan nahitaezko ekarpenen gaineko kenkariak ezartzea, lege<br />
honen 27 eta 28. artikuluetan arauturiko nahitaezko bajan eta kanporatzean. Itzulkinen<br />
kapitalizazioak kenkarietatik kanpo geratuko dira.<br />
27.4.2. Berrikuntza nagusiak aurreko araudiaren aldean<br />
Euskadiko Kooperatiben ekainaren 24ko 4/1993 Legeak ez zuen kooperatiba-sozietate<br />
txikia arautu; Kooperatiba-sozietate txikiari buruzko ekainaren 25eko 6/2008 Legeak arautu<br />
zuen, 4/1993 Legearen artikulu jakin batzuetara egindako igorpenari kalterik egin gabe.<br />
Legearen 141. artikuluaren edukia eta Kooperatiba-sozietate txikiari buruzko ekainaren<br />
25eko 6/2008 Legearen 6. artikuluaren edukia ia-ia berdinak dira.<br />
Teknika juridikoari dagokionez, berrikuntza bakarra dago; izan ere, Euskadiko Kooperatibei<br />
buruzko ekainaren 24ko 4/1993 Legerako igorpena egin beharrean, EKLra egiten du.<br />
27.4.3. Iruzkin orokorra eta esanahi praktikoa<br />
Manu horren edukia aginduzkoa da, eta ezarri du kooperatiba txikietan nahitaezko ekarpenen<br />
gaineko kenkariak bakarrik egin daitezkeela, nahitaezko bajaren kasuan eta kanporatzearen<br />
kasuan. Bi kasuetan, itzulkin kapitalizatuetatik datozen nahitaezko ekarpenen gaineko<br />
kenkariak alde batera utzi behar dira, eta borondatezko ekarpenen gaineko kenkariak ere<br />
ezingo dira egin.<br />
Azaldutakotik ondorioztatu behar da kooperatiba txikietako borondatezko bajen zioz ezingo<br />
dela inola ere kenkaririk aplikatu bazkideen kapital sozialari egindako ekarpenen gainean.<br />
Adibidea: bazkide batek borondatezko baja eskatu du, aurreabisu-eperik gabe.<br />
Borondatezko baja justifikatu gabekotzat jo du kooperatibako administrazio-organoak, baina<br />
ezin da kenkaririk egin sozietatearen kapitalari egindako ekarpenen gainean.<br />
27.4.4. Beste arau aplikagarri batzuk<br />
Estatuko legerian ez dago bat datorren manurik, kontuan hartuta kooperatiba-modalitate<br />
hori ez dela arautzen.<br />
525
SOZIETATE KOOPERATIBO TXIKIA<br />
27.5. Egokitzapenari eta desegiteari buruzko xedapenak<br />
27.5.1. Estatutu sozialak egokitzea<br />
142. artikulua.– Estatutu sozialak egokitzea.<br />
1.– Baldin eta sozietate kooperatibo txikiak gainditu egiten badu iraupen mugagabeko<br />
bazkide langileentzat edo lan-bazkideentzat ezarritako kopurua, estatutu sozialak<br />
egokitu beharko ditu.<br />
2.– Halaber, baldin eta lehenago sorturiko sozietate kooperatiboren batek sozietate<br />
kooperatibo txikiaren forma hartu nahi badu, eta arau honetan finkatu diren<br />
betekizunak betetzen baditu, estatutu sozialak egokitu beharko ditu lege honen<br />
aginduetara.<br />
27.5.2. Berrikuntza nagusiak aurreko araudiaren aldean<br />
Euskadiko Kooperatiben ekainaren 24ko 4/1993 Legeak ez zuen kooperatiba-sozietate<br />
txikia arautu; Kooperatiba-sozietate txikiari buruzko ekainaren 25eko 6/2008 Legeak arautu<br />
zuen, 4/1993 Legearen artikulu jakin batzuetara egindako igorpenari kalterik egin gabe.<br />
Legearen 142. artikuluaren edukia eta Kooperatiba-sozietate txikiari buruzko ekainaren<br />
25eko 6/2008 Legearen 7. artikuluaren edukia ia-ia berdinak dira.<br />
Berrikuntza juridiko bakarra dago, Euskadiko Kooperatibei buruzko ekainaren 24ko<br />
4/1993 Legerako igorpena kendu baita.<br />
27.5.3. Iruzkin orokorra eta esanahi praktikoa<br />
1. atalaren edukia aginduzkoa da, eta bertan ezarri da kooperatiba txikiak hamar bazkide<br />
langile edo lan-bazkide baino gehiago baditu, sozietatearen estatutuak egokitu behar dituela,<br />
kooperatiba-sozietate txikia izateari utzita.<br />
2. atalak eduki mistoa dauka, aginduzkoa zein xedapenezkoa izan baitaiteke. Aginduzkoa<br />
litzateke baldin eta txikia ez den kooperatiba batek betekizunak izateari uzten badio<br />
eta kooperatiba txiki batenak baditu. Kasu horretan, kooperatiba gisa jarraitu nahi badu,<br />
estatutuak egokitu beharko ditu kooperatiba txiki bat izateko, eta estatutuak egokitu nahi<br />
ez baditu kooperatiba-sozietate txikientzat ezarritako araudiaren arabera, adibidez, sozietate<br />
mugatu bihurtu ahal izango da (arauaren xedapenezko zatia, kooperatibak sozietateestatutuak<br />
ez egokitzea erabaki baitu).<br />
27.5.4. Beste arau aplikagarri batzuk<br />
Estatuko legerian ez dago bat datorren manurik, kontuan hartuta kooperatiba-modalitate<br />
hori ez dela arautzen.<br />
27.5.1bis. Sozietatea desegiteko arrazoiak<br />
143. artikulua.– Sozietatea desegiteko arrazoiak.<br />
526
SOZIETATE KOOPERATIBO TXIKIA<br />
1.– Sozietate kooperatibo txikia desegiteko kausa izango da, lege honen 91. artikuluan<br />
zehaztutakoez gain, sozietate kooperatibo txikia sortzeko legeak exijitzen duen<br />
gutxieneko bazkide kopurua baino bazkide gutxiago edukitzea urtebetez, etenik gabe.<br />
2.– Horrez gain, sozietate kooperatibo txikia desegiteko kausa izango dira kooperatibako<br />
organoak geldirik edo jardun gabe egotea edo justifikaziorik gabe kooperatibajarduna<br />
etetea, bi kasuetan ere egoera urtebetez luzatzen bada, etenik gabe.<br />
27.5.1. Berrikuntza nagusiak aurreko araudiaren aldean<br />
Euskadiko Kooperatiben ekainaren 24ko 4/1993 Legeak ez zuen kooperatiba-sozietate<br />
txikia arautu; Kooperatiba-sozietate txikiari buruzko ekainaren 25eko 6/2008 Legeak arautu<br />
zuen, 4/1993 Legearen artikulu jakin batzuetara egindako igorpenari kalterik egin gabe.<br />
Legearen 143. artikuluaren edukia eta Kooperatiba-sozietate txikiari buruzko ekainaren<br />
25eko 6/2008 Legearen 8. artikuluaren edukia ia-ia berdinak dira.<br />
Berrikuntza juridiko bakarra dago, Euskadiko Kooperatibei buruzko ekainaren 24ko<br />
4/1993 Legearen 87. artikulurako igorpena kendu eta EKLren 91. artikulurako igorpena<br />
gehitu baita.<br />
27.5.3bis. Iruzkin orokorra eta esanahi praktikoa<br />
1. atalak aginduzko edukia dakar, eta kooperatiba txikiak desegiteko legezko inguruabar<br />
bat adierazi du: bazkide-kopurua gutxienekotik behera murriztea (hau da, bi bazkide langile<br />
edo lan-bazkide mugagabe baino gutxiago, lanaldi osokoak edo lanaldi partzialekoak),<br />
egoera horrek urtebetez irauten badu, etenik gabe.<br />
Adibidea: kooperatiba bazkide bakar batekin geratu da urtebetez edo gehiagoz, etenik<br />
gabe. Kooperatiba ez legoke legezko desegite-egoera horretan, baldin eta 11. hilabetean<br />
bazkide langile mugagabe bat lanean hasi eta bi hilabetera borondatezko baja eskatuko balu,<br />
epea berriro zenbatzen hasiko bailitzateke.<br />
2. paragrafoa ere aginduzkoa da, kooperatiba txikientzako legezko beste kausa espezifiko<br />
batzuk aipatu baitira:<br />
a) Sozietate-organoak geldiaraztea edo jardunik gabe uztea (kasu horretan, batzar<br />
orokorrarena eta administrazio-organoarena izango lirateke), urtebetez jarraian.<br />
Adibidea: batzar orokorrak ez du bilkurarik egin urtebetean, ezta artezkaritzakontseiluak<br />
ere. Batzar orokorra urtebetean bildu ez bada, eta artezkaritza-kontseilua<br />
urte horretan, gutxienez, behin bildu bada, sozietatea ez litzaioke desegiteko legezko<br />
arrazoi horri lotuko.<br />
b) kooperatiba-jarduera etetea, justifikatutako arrazoirik gabe (hau da, kooperatibak egiten<br />
dituen jarduerak etetea, ohikoena sozietatearen xedearen artikuluan (kooperatibaren<br />
estatutuetan) araututa egotea dela, urtebetez jarraian.<br />
Adibidea: lan elkartuko kooperatiba batek ez du inolako jarduera kooperatiborik egin,<br />
eta baja eskatu du erroldan eta, hala badagokio, EJZn, eta langileei baja eman zaie Gizarte<br />
Segurantzan. Urtebete igarotzen bada kooperatibak jarduerarik ez duela, sozietatea desegiteko<br />
legezko arrazoia izango litzateke.<br />
527
SOZIETATE KOOPERATIBO TXIKIA<br />
27.5.4bis. Beste arau aplikagarri batzuk<br />
Estatuko legerian ez dago bat datorren manurik, kontuan hartuta kooperatiba-modalitate<br />
horiez dela arautzen.<br />
27.6. Urteko kontuen aurkezpenari eta kontuen auditoretzari buruzko xedapenak<br />
27.6.1. Urteko kontuekin batera aurkeztu beharreko dokumentazioa<br />
144. artikulua.– Urteko kontuekin batera aurkeztu beharreko dokumentazioa.<br />
Euskadiko Kooperatiben Erregistroan gordeta geratzeko sozietate kooperatibo txikiek<br />
urtero kontuekin batera aurkeztu beharreko dokumentuak aurkeztea errazagoa izan<br />
dadin, eredu jakin batzuk erabiliko dira: Eusko Jaurlaritzan lan-arloko eskumenak dituen<br />
saileko buruaren Agindu baten bidez onartutako eskabide-ereduak eta administrazio- eta<br />
ordezkaritza-organoaren ziurtagiri-ereduak.<br />
27.6.2. Berrikuntza nagusiak aurreko araudiaren aldean<br />
Euskadiko Kooperatiben ekainaren 24ko 4/1993 Legeak ez zuen kooperatiba-sozietate<br />
txikia arautu; Kooperatiba-sozietate txikiari buruzko ekainaren 25eko 6/2008 Legeak arautu<br />
zuen, EKEEra egindako igorpenari kalterik egin gabe. Legearen 144. artikuluaren edukia<br />
eta Kooperatiba-sozietate txikiari buruzko ekainaren 25eko 6/2008 Legearen 9. artikuluaren<br />
edukia ia-ia berdinak dira.<br />
Izaera juridikoko berrikuntza bakarra dago, EKEEra egindako igorpena kendu egin baita.<br />
27.6.3. Iruzkin orokorra eta esanahi praktikoa<br />
Artikuluak aginduzko izaera dauka, kooperatiba txikiei urteko kontuak gordailutzeko<br />
izapidea erraztea helburu duen arren; dena dela, egia esatera, honako eredu hauek erabiliz<br />
egitera behartzen ditu:<br />
a) Urteko kontuak gordailutzeko eskabide-eredua.<br />
b) Administrazio- eta ordezkaritza-organoaren ziurtapen-eredua.<br />
Eredu horiek onesten direnean, sailburu eskudunaren agindua dela bide (iruzkin<br />
hau idatzi orduko, Eusko Jaurlaritzako Lan eta Enplegu Saileko sailburua izango<br />
litzateke) kooperatiba txikien esku jarri behar dira.<br />
27.6.4. Beste arau aplikagarri batzuk<br />
EKLren 75. artikuluaren 2. eta 3. idatz-zatiak, bi-biak iruzkin honetan aipatutakoak, eta horiei<br />
lotzen natzaie, kooperatiba-sozietate txikiei aplikatu beharrekoa zaien zatiari dagokionez.<br />
Kontabilitate-araudia, estatuaren eskumen esklusibokoa delako, eta bereziki, abenduaren<br />
21eko EHA/3360/2010 Agindua, kooperatiba-sozietateen kontabilitate-alderdiei buruzko<br />
arauak onartu zituena.<br />
528
SOZIETATE KOOPERATIBO TXIKIA<br />
27.6.1bis. Kontu-auditoretza<br />
145. artikulua.– Kontu-auditoretza.<br />
Sozietate kooperatibo txikiek kanpoko auditoretzara aurkeztu beharko dituzte urteko<br />
kontuak eta kudeaketa-txostena, Kontu Ikuskatzeari buruzko Legeak eta bere garapenarauek<br />
xedatutako moduan.<br />
Gainerako kasuetan, sozietate kooperatibo txikiak batzar orokorrak erabakitzen duenean<br />
auditatu beharko ditu kontuak, batzarrean diren eta ordezkatutako bazkideen gehiengoak<br />
hala erabakitzen duenean, edo bazkideren batek eskatzen duen bakoitzean. Azken kasu<br />
horretan, kontu-auditoretzak eragiten dituen gastuak estatutuetan araututako moduan<br />
ordainduko dira”.<br />
27.6.2bis. Berrikuntza nagusiak aurreko araudiaren aldean<br />
Euskadiko Kooperatiben ekainaren 24ko 4/1993 Legeak ez zuen kooperatiba-sozietate<br />
txikia arautu; Kooperatiba-sozietate txikiari buruzko ekainaren 25eko 6/2008 Legeak arautu<br />
zuen, EKEEra egindako igorpenari kalterik egin gabe. Legearen 145. artikuluaren edukia eta<br />
Kooperatiba-sozietate txikiari buruzko ekainaren 25eko 6/2008 Legearen 10. artikuluaren<br />
edukia ia-ia berdinak dira.<br />
27.6.3bis. Iruzkin orokorra eta esanahi praktikoa<br />
Lehenengo idatz-zatiak aginduzko edukia du, eta ezarrita dakar urteko kontuak eta<br />
kudeaketa-txostena (administrazio-organoak prestatu behar du) ikuskatu behar direla,<br />
kontu-auditoretzaren legean eta hura garatzeko arauetan xedatutakoarekin bat etorriz;<br />
gainera, aipatutako legearen arabera, urteko kontuen auditoretza kontu horiek egiaztatzean<br />
datza, ondarearen, finantza-egoeraren eta ikuskatutako erakundearen emaitzen irudi zehatz<br />
eta fidela adierazten dutenetz irizte aldera, aplikagarria den finantza-informazioaren<br />
arauzko esparruaren arabera Era berean, urteko kontuekin batera aurkezten den kudeaketatxostena<br />
ere egiaztatu beharko da, urteko kontu horiekin bat ote datorren eta haren edukia<br />
aplikatu beharreko araudian ezarritakoarekin bat ote datorren irizte aldera (ikus KALen 4.<br />
artikulua).<br />
Bigarren atalak eduki mistoa du; izan ere, urteko kontuak ikuskatzeko eskaera dakar<br />
(aginduzko edukia), batzar orokorrak edo bazkide batek hala erabakitzen duenean batzarrera<br />
bertaratutako eta ordezkatutako bazkideen botoen gehiengoa dela bide. Nolanahi ere, azken<br />
kasu horretan, estatutuetan zehaztu behar da gastuak nork ordainduko dituen (adibidez,<br />
kooperatibaren kontabilitateak funtsezko kontabilitate-akatsik ez badu, ordaindu behar duena<br />
kooperatiba edo eskatzailea izatea hauta daiteke). Horixe da atal honetako hautazko zatia).<br />
27.6.4 Beste arau aplikagarri batzuk<br />
Estatuko kooperatiba-araudian ez dago artikulu baliokiderik, eta hori, neurri batean,<br />
kooperatiba-mota hori arautu ez duelako gertatzen da, oro har, kooperatiba guztientzat<br />
529
SOZIETATE KOOPERATIBO TXIKIA<br />
xedatzen duen kontu-auditoretzaren erregulazioari kalterik egin gabe, EKLren 76. artikuluan<br />
jorratu den bezala.<br />
KAL edo Kontu Auditoretzaren Legea eta 1517/2011 Errege Dekretua, urriaren 31koa,<br />
Kontu Auditoretzaren Legearen testu bategina garatu zuen Erregelamendua onartu zuena,<br />
uztailaren 1eko 1/2011 Legegintzako Errege Dekretuaren bidez onartutakoa, aintzat hartu<br />
behar ditugu.<br />
530
28. KOOPERATIBA-INTEGRATZEA ETA -TALDEKATZEA:<br />
BIGARREN MAILAKO EDO MAILA HANDIAGOKO<br />
KOOPERATIBAK* 1<br />
28.1. Sarrera<br />
Kooperatiba-sozietateek aurrera egin eta bizirauteko bitartekoen artean, integrazioa dago,<br />
eta bitarteko horren tresnetako bat bigarren mailako kooperatiba-sozietatea da. Gaur egun,<br />
inoiz baino indar handiagoz nabarmentzen ari da halakoen beharra, inguruan eta merkatuan<br />
gertatzen ari diren inguruabarrek eraginda, oro har, enpresen egiturak modernizatu<br />
ez ezik, filosofia ere aldatu behar izaten baitute enpresa askok. Ingurumari horretan<br />
aldarrikatu behar dugu “sozietate kooperatiboen arteko lankidetza” deritzon kooperatibaprintzipioaren<br />
garapena, eta hori gauzatzeko bitartekorik egokiena bigarren mailako edo<br />
hortik gorako kooperatiba-sozietatea eratzea da. Integrazioak eta taldekatzeak tamaina<br />
handiagoa ahalbidetzen du, kooperatibaren oinarrizko ezaugarriei eta sozietate-era horretatik<br />
eratorritako abantailei uko egin gabe.<br />
Bigarren mailako edo maila handiagoko kooperatibei emandako konfigurazioa arauzko<br />
bide bideragarria izan da kooperatiben arteko elkartzeak sustatzeko, elkarte horiek enpresalankidetza<br />
eraginkorrerako esparrua behar baitute, baina kooperatiba-egitura jatorrari<br />
eutsita eta integrazioan esku hartzen dutenen autoerregulazioari oratuta, elkartutako guztiak<br />
kooperatibak izan ez arren, gehien-gehienak badirelako.<br />
Euskadiko Kooperatiben Legeak (aurrerantzean, EKL) enpresa-lankidetzaren eskakizunei<br />
erantzun die erregulazio honi esker, bigarren mailako edo maila handiagoko kooperatibataldeen<br />
ezaugarri eta berezitasunak aintzat hartzen dituen egitura organikoa diseinatuta.<br />
Hala, III. kapituluaren barruan, kooperatibak integratzeari eta elkartzeari buruzkoan, 1.<br />
atala aurkituko dugu, “bigarren mailako edo maila handiagoko kooperatibak” izenekoa. Atal<br />
horrek sei artikulu ditu, 146. artikulutik 151. artikulura bitartekoak, biak barne. Hona hemen<br />
artikulu horien edukia:<br />
146. artikulua.– Helburua eta ezaugarriak.<br />
147. artikulua.– Bazkideen ahalmenak, bazkide bilakatzea eta bazkideen bajak.<br />
148. artikulua.– Araubide ekonomikoa.<br />
149. artikulua.– Egitura organikoa eta boto-eskubidea.<br />
150. artikulua.– Likidazioa.<br />
151. artikulua.– Araudi osagarria.<br />
28.2. Helburua eta ezaugarriak<br />
146. artikulua.– Helburua eta ezaugarriak.<br />
* Sara Santana Alvarado andreak, KONFEKOOPeko lege-teknikariak, egindako iruzkina.<br />
531
KOOPERATIBA-INTEGRATZEA ETA -TALDEKATZEA:<br />
BIGARREN MAILAKO EDO MAILA HANDIAGOKO KOOPERATIBAK<br />
1.– Bigarren mailako edo maila handiagoko kooperatiben helburua da kooperatibak<br />
kide modura dituen entitateen eta kidetasun horren ondorioz sortzen den taldearen<br />
jarduera ekonomikoa osatzea, sustatzea, koordinatzea, indartzea edo integratzea,<br />
elkarteen estatutuetan ezartzen diren nondik norako berekin edo neurri berean.<br />
Estatutuetan jaso beharko da zein diren kooperatiba horren organoari transferituko<br />
zaizkion funtsezko ahalmenak, beharrezkoak direnak aipaturiko helburu hori<br />
betetzeko. Ahalmen horiek helburu sozialak dirauen artean jarraituko dute<br />
indarrean, eta bat egiten duten sozietateetako organoek ezin izango dute aztertu nola<br />
egikaritzen diren ahalmen horiek, hargatik eragotzi gabe bidezko gerta daitekeen<br />
babes judiziala.<br />
Kooperatiba enpresak integratzeko sortzen bada, haren estatutuetan zehaztuko da<br />
zein diren enpresa-jarduera integratuan sartzen diren arloak, zein diren taldeko<br />
zuzendaritza bateratua egiteko oinarriak eta zein diren taldearen ezaugarriak.<br />
2.– Estatutuetan arautuko da, gainera, elkartzen diren entitateek egiten dituzten<br />
proposamenetatik zein gai edo arlotakoak izango diren aholku soilak –ez-lotesleak–<br />
bigarren mailako edo mailako handiagoko kooperatibentzat. Horri buruzko<br />
zalantzarik izanez gero, ulertuko da bigarren mailako edo maila handiagoko<br />
kooperatiba horri transferitu zaizkiola helburu sozialarekin zuzenean lotutako<br />
ahalmen guztiak, eta haren erabaki eta jarraibideek lehentasuna dutela taldeko<br />
entitate bakoitzaren erabakien gainetik.<br />
28.2.1. Berrikuntza nagusiak aurreko araudiaren aldean<br />
146. artikuluak, helburu eta ezaugarriei buruzkoak, 4/1993 Legearen 128. artikuluaren<br />
eduki edo idazketa bera du; zenbakitzearen aldaketa da azpimarragarriena.<br />
1993ko Lege zaharrean, bigarren mailako edo maila goragoko kooperatibak 128. artikulutik<br />
133. artikulura araututa zeuden.<br />
Mota horretako kooperatiben xedeari eta ezaugarriei dagokienez, kooperatibaren<br />
estatutuen esku utzi du haien irismena edo hedadura, bai eta sozietate-helburua garatzeko eta<br />
gauzatzeko funtsezko ahalmenak ere.<br />
Badirudi artikuluak bigarren mailako kooperatiben autonomia arautzailea azpimarratu<br />
nahi duela, lehen mailako kooperatiben aldean.<br />
1993ko Legeak argitu zuen ahalmenak eskualdatzeari edo ez eskualdatzeari buruzko<br />
zalantzak nola interpretatu. Horrela, ulertu behar da eskualdatuta daudela bigarren mailako<br />
kooperatibaren sozietate-helburuarekin zuzeneko lotura duten ahalmen guztiak, eta,<br />
gainera, kooperatibaren akordioek eta jarraibideek lehentasuna dutela elkartutako erakunde<br />
bakoitzaren erabakien aurretik.<br />
Argi dago bigarren mailako edo maila goragoko kooperatibek bazkide dituzten erakundeen<br />
eta ondoriozko taldearen jarduera ekonomikoari laguntzeko edo indartzeko helburua duela<br />
(146.1 artikuluaren lehen idatz-zatia).<br />
Bestalde, artikuluan adierazi da beharrezkoa dela estatutuek arau dezaten erakunde<br />
elkartuen proposamen-eskubidea, ez loteslea (146.2 artikuluaren 1. idatz-zatia).<br />
532
KOOPERATIBA-INTEGRATZEA ETA -TALDEKATZEA:<br />
BIGARREN MAILAKO EDO MAILA HANDIAGOKO KOOPERATIBAK<br />
28.2.2. Iruzkin orokorra eta esanahi praktikoa<br />
Bigarren mailako edo maila goragoko kooperatibarekin kontratatzen duten hirugarrenak<br />
ataleko arau batzuen zeharkako hartzailetzat jo daitezke, artikuluak behartzen baitu taldeko<br />
kide diren erakundeen artean dagoen enpresa-interesen maila finkatzera estatutuetan (146.1<br />
artikuluaren 3. idatz-zatia).<br />
Ikusten denez, estatutuen esparruak funtzio nagusia betetzen du, bai arautu behar dituen<br />
gaien garrantziagatik (146. artikulua), bai arautu ditzakeen gaien aniztasunagatik.<br />
Lege berriak estatutu zaharretan izango duen eraginari dagokionez, honako hau nabarmendu<br />
behar da: estatutuetan zalantzarik izanez gero, ahalmen jakin batzuk bigarren mailako edo<br />
maila goragoko kooperatibari transferitu zaizkiolako lege-presuntzioa gailendu behar da<br />
(146.2 artikulua, in fine).<br />
Argi dago, kooperatiba horien xedea oso zabala denez, estatutu sozialek honako alderdi<br />
hauek zehaztu beharko dituztela:<br />
- Kooperatiba horretako organoei eskualdatzen zaizkien funtsezko ahalmenak.<br />
- Elkartutako erakundeen proposamenak adierazpenezkoak eta ez-lotesleak izango<br />
diren gaiak.<br />
- Kooperatiba enpresa-integrazio asmoz eratzen bada, integratutako enpresa-jardueraren<br />
arloak, ezaugarriak eta horiek gauzatzeko oinarriak.<br />
28.2.3. Beste arau aplikagarri batzuk<br />
Estatuko legerian, 77. artikuluaren 1. idatz-zatia dugu batera datorren manua, baina ez die<br />
inolako ekarpenik egiten euskal legegileak ezarritakoei, ezta horien edukia osatzen ere.<br />
28.3. Bazkideen ahalmenak, bazkide bilakatzea eta bazkideen bajak<br />
147. artikulua.– Bazkideen ahalmenak, bazkide bilakatzea eta bazkideen bajak.<br />
1.– Sozietate hauetako eskubide osoko kide izan daitezke maila beheragoko kooperatibak<br />
eta lan-bazkideak eta izaera publiko edo pribatuko entitate eta pertsona juridikoak,<br />
betiere interes edo premia berak badituzte eta estatutuak hori galarazten ez badu.<br />
Entitate horiek, guztira, ezin daitezke izan bigarren edo mailako handiagoko<br />
kooperatibaren boto guztien erdia baino gehiago. Estatutuetan, muga baxuago bat<br />
ezarri ahal izango da.<br />
Aurreko paragrafoan xedatutakoa eragotzi gabe, halako kooperatibek bazkide<br />
laguntzaileak onartu ahal izango dituzte lege honen 19.5 artikuluaren arabera.<br />
2.– Edozein pertsona juridiko bazkide gisa onartzeko, artezkaritza-kontseiluaren<br />
gehiengoa beharko da, kontseiluan diren eta ordezkatuta dauden botoen bi herenena,<br />
gutxienez, salbu eta estatutuetan beste gehiengo bat xedatu denean. Estatutuek,<br />
baina, batzar orokorraren esku utzi ahal izango dute bazkidea onartzeari buruzko<br />
erabakia. Azkenik, estatutuek behin-behineko lotura-aldiak edo probaldiak arautu<br />
ahal izango dituzte, bi urtera artekoak gehienez.<br />
3.– Pertsona juridikoren batek bazkide izateari utzi nahi badio, eta artezkaritzakontseiluak<br />
salbuespenik onartzen ez badio, aurreabisua aurkeztu beharko du<br />
533
KOOPERATIBA-INTEGRATZEA ETA -TALDEKATZEA:<br />
BIGARREN MAILAKO EDO MAILA HANDIAGOKO KOOPERATIBAK<br />
urtebete lehenago gutxienez. Kooperatibatik bereizi baino lehen, bigarren mailako<br />
edo maila handiagoko kooperatibarekin hitzartutako betebeharrak bete beharko<br />
ditu, edo, artezkaritza-kontseiluak hala erabakiz gero, kalte-ordaina eman beharko<br />
dio kooperatibari dirutan. Gainera, eta estatutuetan kontrakorik aurreikusi ezean,<br />
bereizitako entitateak jarraitu beharko du, bi urtez gutxienez, baja hartu aurretik<br />
hartutako konpromisoak.<br />
28.3.1. Berrikuntza nagusiak aurreko araudiaren aldean<br />
147. artikuluaren berrikuntzetako bat hizkera ez-sexistaren arabera egindako egokitzapena<br />
da, askozaz ere nabariagoa gaztelaniazko testuan.<br />
Berritasun aipagarriena artikulu horren bigarren atalean dago. Oro har, edozein pertsona<br />
juridiko onartzeko artezkaritza-kontseiluaren erabakia beharrezkoa bada ere, legeak dio<br />
estatutuek berariaz eman diezaioketela eskumen hori batzar orokorrari, eta, hortaz, garrantzi<br />
handiagoa esleitu dio organo horri (147.2 artikulua).<br />
Legeak kooperatibaren esku utzi du bigarren mailako edo maila goragoko kooperatiba<br />
zeinahi erakunde edo pertsona juridikori zabaltzeko aukera (147.1 artikulua).<br />
Artezkaritza-kontseiluak pertsona juridikoak bazkide gisa onar ditzan, gehiengo indartuaren<br />
edo gehiengo soilaren beharra jaso da (147.2 artikulua). Legeak bi aukera horiek ahalbidetu<br />
ditu.<br />
Halaber, 11/2019 Legeak berariaz jaso du estatutuetan ezar daitekeela (ez da, baina,<br />
nahitaezkoa) behin-behineko lotura-aldiak edo 2 urtera arteko probaldiak eskatzea (147.3<br />
artikulua). Bazkide fisikoen baja ez dago berariaz araututa artikuluan, beraz, Euskadiko<br />
Kooperatiben abenduaren 20ko 11/2019 Legearen erregulaziora jo behar dugu, bai lanbazkideei<br />
dagokienez, bai bazkide laguntzaileei dagokienez.<br />
Pertsona juridikoak diren bazkideen bajari gagozkiola, gutxienez, aurreabisua eman behar<br />
dute urtebete lehenago, baina artezkaritza-kontseiluak salbuetsi ahalko ditu aurreabisu hori<br />
egitetik. Aipaturiko organoak bigarren mailako kooperatibarekin hartutako betebeharrak<br />
betetzera behartu ditzake, edo, bestela, diru-ordaina ematera.<br />
28.3.2. Iruzkin orokorra eta esanahi praktikoa<br />
Araudi berriaren hartzaile nagusiak lehen mailako kooperatibak eta haien lan-bazkideak<br />
dira, bai eta haren xedean lagundu dezaketen eta estatutuek debekatzen ez duten beste<br />
edozein erakunde eta pertsona juridiko publiko zein pribatu ere (147.1 artikulua).<br />
Baja eman ahal izateko, gutxienez, urtebete lehenago aurreabisua emateko betebeharra<br />
ezarri zaie erakundeak diren bazkideei (147.3 artikulua); bai eta kooperatibarekiko<br />
betebeharrak betetzekoa, edo ordainketa ekonomikoa egitekoa, bazkide horien kontura,<br />
egiatan banandu aurretik.<br />
Ondorio hori estatutuetan ezarritakoa gorabehera gertatuko da, baita estatutuetan ezer ez<br />
bada ezarri ere.<br />
534
KOOPERATIBA-INTEGRATZEA ETA -TALDEKATZEA:<br />
BIGARREN MAILAKO EDO MAILA HANDIAGOKO KOOPERATIBAK<br />
28.3.3. Beste arau aplikagarri batzuk<br />
Estatuko legerian bat datozen manuak 77. artikuluaren 1. atala eta 77.2 artikulua dira.<br />
Nolanahi ere, estatuko legeak ez die inolako ekarpenik egiten euskal legegileak ezarritakoei,<br />
ezta horien edukia osatzen.<br />
28.4. Araubide ekonomikoa<br />
148. artikulua.– Araubide ekonomikoa.<br />
1.– Bigarren mailako edo maila handiagoko kooperatiba baten sozietate-kapitalari egin<br />
beharreko nahitaezko ekarpenak zehazteko, kontuan izango da zer kooperatibajarduera<br />
duen hitzartuta bazkide bakoitzak kooperatibarekin, estatutuek ezarri<br />
bezala, edo bazkide kopuruaren arabera, edo lege honen 61.1 artikuluan lehen<br />
mailako kooperatibetarako ezarritako irizpideen arabera.<br />
2.– Erreserba-funtsei eta, hala badagokio, kooperatiba-heziketa eta -sustapenerako eta<br />
interes publikoko beste helburu batzuetarako ekarpenari egotzi beharrekoak egotzi<br />
eta gero, estatutu bidez hitzartutako kooperatiba-jardueraren arabera banatuko<br />
dira emaitzak, irabazienak zein galerenak.<br />
3.– Estatutuek finkatuko dute zer irizpide edo moduluk definitzen duten kooperatibajarduera.<br />
28.4.1. Berrikuntza nagusiak aurreko araudiaren aldean<br />
148. artikuluaren 1. idatz-zatia hizkera ez-sexista edo hizkera inklusiboaren arabera<br />
berridatzi da.<br />
Lehenengo zenbakian, honako hauek aipatu dira:<br />
a) Bigarren mailako edo maila goragoko euskal kooperatiba batek sozietatearen<br />
kapitalari egin beharreko nahitaezko ekarpenak bazkide bakoitzak dena delako<br />
sozietatearekin konprometitutako kooperatiba-jardueraren arabera egingo dira.<br />
Estatutuek kooperatiba-jarduera zehazten duten irizpideak edo moduluak finkatu<br />
behar dituzte.<br />
b) Emaitzen banaketa: emaitza positiboen zein negatiboen (galerak) banaketa estatutuetan<br />
konprometitutako kooperatiba-jardueraren arabera ebatzi behar da, erreserba-funtsei<br />
eta, hala badagokio, kooperatiba-heziketa eta -sustapenerako ekarpenari eta interes<br />
publikoko beste helburu batzuei egotzi ondoren.<br />
Aipatzekoa da, bigarren idatz-zatian, lehengo kooperatiba-heziketa eta -sustapenerako<br />
funtsaren izenaren ordez, izena aldatu eta kooperatiba-heziketa eta -sustapenerako eta interes<br />
publikoko beste helburu batzuetarako ekarpena erabili dela.<br />
Hori guztia jasota zegoen 4/1993 Legearen 129. artikulu zaharrean.<br />
28.4.2. Esanahi praktikoa<br />
Aztergai darabilgun artikuluak dio nahitaezko ekarpenak bazkide bakoitzak kooperatibarekin<br />
konprometituriko jarduera kooperatiboaren arabera egin behar direla. Ildo horretan, estatutuek<br />
finkatu behar dituzte kooperatiba-jarduera definitzen duten irizpideak edo moduluak.<br />
535
KOOPERATIBA-INTEGRATZEA ETA -TALDEKATZEA:<br />
BIGARREN MAILAKO EDO MAILA HANDIAGOKO KOOPERATIBAK<br />
Estatutuek esandakoa egin dezakete lege honen 61.1 artikuluak lehen mailako kooperatibentzat<br />
ezarritako irizpideen arabera edo, bestela, bazkideen kopuruaren arabera.<br />
Horrela, aukera espezifikoa ezarri da bigarren mailako edo maila goragoko kooperatibentzat,<br />
bestea arau orokorrerako igorpena baita.<br />
28.4.3. Beste arau aplikagarri batzuk<br />
Estatuko legerian, 77.1 artikuluaren hirugarren paragrafoa da bat datorren manua, eta<br />
EKLk ez bezala, adierazi du egitura parekidea duten sozietate bateratuen kasuan izan ezik,<br />
kooperatiba horietako bazkide bakar batek ere ezingo duela haren kapital sozialaren % 30<br />
baino gehiago izan.<br />
28.5. Egitura organikoa eta boto-eskubidea<br />
149. artikulua.– Egitura organikoa eta boto-eskubidea.<br />
1.– Hauek osatuko dute batzar orokorra: bazkide juridikoen ordezkari kopuru batek,<br />
entitate bazkide bakoitzak duen boto-eskubidearekiko proportzionala (gehieneko<br />
eta gutxieneko mugak ezarri ahal izango dira sozietatearen estatutuetan), eta,<br />
hala badagokio, lan-bazkideen ordezkariek. Aldi berean, entitateen boto-eskubidea<br />
kooperatiba-jardueran duten partaidetzaren proportzio berekoa izango da, edo<br />
bazkide kopuruaren proportzio berekoa. Sozietate kooperatiboa ez den entitate<br />
baten botoak, berriz, ezin izango dira, inoiz, bazkideen botoen herena baino gehiago<br />
izan, lau bazkide baino gutxiago daudenean izan ezik.<br />
2.– Artezkaritza-kontseilu batek administratuko ditu bigarren mailako edo maila<br />
handiagoko kooperatibak, zeinek, estatutuek kontrakorik aurreikusi ezean, hamabost<br />
kide izango baititu gehienez ere; kontseilu horretan, entitate sozial guztiek izango<br />
dute ordezkariren bat, zuzenean edo zeharka. Bazkide diren entitate horiek legez edo<br />
estatutuz ezartzen dena baino gehiago badira, boto gutxien dutenak beren artean<br />
elkartu ahal izango dira ordezkariak izendatzeko, baina zaindu beharko dute horren<br />
inguruan estatutuek edo barne-erregelamenduek xedatzen dutena.<br />
Kontseiluan izango den boto-eskubidea, berriz, kooperatiba-jardueraren proportzio<br />
berekoa edo kontseilariek ordezkatzen dituzten entitateetako bazkideen proportzio<br />
berekoa izan daiteke, batzar orokorrak ezarritako mugarekin.<br />
Estatutuetan aurreikusi ahal izango da artezkari hautatuek adituak izendatu ahal<br />
izango dituztela harik eta artezkaritza-kontseiluko kideen hereneraino iritsi arte;<br />
adituok kooperatibaren bateko kide izan daitezke, edo ez.<br />
28.5.1. Berrikuntza nagusiak aurreko araudiaren aldean<br />
Beste idazketa bat eman zaio 149. artikuluaren 1. idatz-zatiari, generoaren arloan egindako<br />
egokitzapenaz landa. Hautazko sistema bat da batzar orokorrean boto-eskubidea esleitzeko,<br />
bai eta artezkaritza-kontseiluan ere; hain zuzen ere, bigarren mailako kooperatibek aukera<br />
dezakete jarraibide proportzionala operatiboa edo funtzionala (boto indartua kooperatibaren<br />
jardueraren proportzioan) edo, bestela, botoaren errolda-irizpidea, bigarren mailako<br />
kooperatibako kide diren erakunde bakoitzeko kideen kopuruaren arabera.<br />
536
KOOPERATIBA-INTEGRATZEA ETA -TALDEKATZEA:<br />
BIGARREN MAILAKO EDO MAILA HANDIAGOKO KOOPERATIBAK<br />
Bigarren mailako kooperatibako artezkaritza-kontseiluaren herena pertsona gaituek osa<br />
dezakete, taldeko kooperatibaren bateko kide direla ala ez direla. Estatutuetan arautu behar<br />
da, baina azken baldintza hautazkoa da (149.2 artikuluaren 3. idatz-zatia).<br />
EKLn aipatu ez bada ere, agerikoa dirudi bazkide laguntzaileak egonez gero, beraien<br />
ordezkaritza arautu beharko dela, eta batzar orokorrean parte hartzeko eskubidea eman.<br />
Bigarren mailako edo maila goragoko kooperatiba bat administratzea artezkaritzakontseiluari<br />
dagokio. Eta estatutuetan kontrakorik arautzen ez bada, gehienez ere 15<br />
pertsonak osatuko dute kontseilua, erakunde bazkide guztiek ordezkaturik egon beharko<br />
dutela. Ordezkaritza hori zuzenekoa edo zeharkakoa izan daiteke.<br />
Artezkaritza-kontseiluaren barruan, boto-eskubidea kontseilukideek ordezkatzen duten<br />
erakundeko edo erakundeetako kooperatiba-jardueraren edo bazkide-kopuruaren heinekoa<br />
izan daiteke, batzar orokorrarentzat adierazi dugun muga aintzat hartuta.<br />
28.5.2. Iruzkin orokorra eta esanahi praktikoa<br />
Lege berriak zuzenean eragiten die, hala berean, artezkaritza-kontseiluko eta batzar<br />
orokorreko kideei. Hori guztia, estatutuek berebiziko garrantzia dutelako bigarren mailako<br />
edo maila goragoko kooperatiba baten diseinuan (ikus 149.2 eta 151. artikuluak).<br />
Pertsona juridikoak diren bi edo hiru bazkide dituzten kooperatibek pertsona horietako bati<br />
guztizko botoen herena baino gehiago aitortu diezaiokete (131.1 artikulua).<br />
Bigarren mailako kooperatiba bateko bazkide diren erakundeak 15 baino gehiago badira,<br />
boto gutxien dutenak taldekatu egin beharko dira, artezkaritza-kontseiluko ordezkariak<br />
izendatzeko helburuz, barne-araubideari edo sozietate-estatutuei jarraiki (131.2 artikulua).<br />
Bigarren mailako sozietatearen antolamendu-egiturari dagokionez, nabarmendu behar da,<br />
hasiera batean, egitura horrek ez duela zertan beste edozein kooperatiba-sozietaterenaren<br />
desberdina izan. Hala ere, berezitasun batzuk ditu funtzionamenduan.<br />
Lehenik eta behin, ardatz nagusia gizarte-organoak diren egitura organikoa du. Sozietateorgano<br />
horien araubide juridikoa nabarmen aldatzen da lehen aurkeztu dugunaren aldean.<br />
Azkenaren ezaugarri nagusiak honako hauek dira: demokrazia eskuordetua, organoetan<br />
pertsona berdinak egotea ekiditen duen ordezkaritza-sistema eta boto plurala.<br />
Bigarrenik, erakundearen sozietate-helburuari dagozkion jarduerak gauzatzeaz arduratzen<br />
den administrazio-egitura dauka. Sozietatearen enpresa-kudeaketa artezkaritza-kontseiluak<br />
egin dezake, eta, kasu horretan, gobernu-, kudeaketa- eta ordezkaritza-eginkizunak bere gain<br />
hartuko ditu, edo, bestela, profesional kualifikatuek; halakoetan, artezkaritza-kontseiluak<br />
profesional horien gainbegirale gisa jardungo du.<br />
28.5.3. Beste arau aplikagarri batzuk<br />
Estatuko legerian, 77. artikuluaren 3. paragrafoa dugu artikulu honekin bat datorren manua.<br />
Horren arabera, artezkaritza-kontseiluan pertsona juridikoak ordezkatzen dituzten pertsona<br />
fisikoek, kontu-hartzaileek, errekurtso-batzordean ordezkatzen dituztenek eta likidatzaileek<br />
ezin izango dituzte horiek ordezkatu bigarren mailako kooperatibaren batzar orokorrean,<br />
baina hitz egiteko eskubidea izango dute, botorik gabe, bazkide diren erakundeak kide batek<br />
baino gehiagok ordezkatzen badituzte izan ezik.<br />
537
KOOPERATIBA-INTEGRATZEA ETA -TALDEKATZEA:<br />
BIGARREN MAILAKO EDO MAILA HANDIAGOKO KOOPERATIBAK<br />
EKLk xedatutakoaz beste, ez dago kontu-hartzaileei, errekurtso-batzordeari edo<br />
likidatzaileei buruzko aipamenik. Oro har, EKLren araubidea malguagoa da eta Estatuko<br />
Kooperatiben Legeak baino muga gutxiago ditu.<br />
28.6. Likidazioa<br />
150. artikulua.– Likidazioa.<br />
Bigarren mailako edo maila handiagoko kooperatiba bat desegiten eta likidatzen bada,<br />
bazkideen artean banatuko da soberako aktiboa, azken bost urteetan jasotako itzulkinen<br />
proportzio berean, edo, bizitza laburragoa izan duten kooperatibetan, sortze-unetik hasita<br />
jasoriko itzulkinen proportzio berean. Horrelakorik ez badago banatuko da bazkide<br />
bakoitzak kooperatibaren jardueran duen parte-hartzearekiko proportzioan, edo, bestela,<br />
entitate bakoitzak kooperatiba hartan duen kideekiko proportzioan.<br />
28.6.1. Berrikuntza nagusiak aurreko araudiaren aldean<br />
Artikulu bakarra da eta hizkera ez-sexistaren arabera moldatu da. Hori gorabehera, eduki<br />
berdina dauka.<br />
Bigarren mailako edo maila goragoko kooperatibak desegin ondoren, eta likidazioa eginez<br />
gero, EKLk araututa dauka soberako aktiboa bazkideen artean banatu beharko dela, azken 5<br />
urteetan jasotako itzulkinaren zenbatekoaren proportzioan. Epe hori baino laburragoa bada,<br />
konstituzioarena hartuko da. Epea laburragoa balitz, sortze-aldiarena aintzat hartuko da.<br />
Itzulkinik banatu ez duen bigarren mailako kooperatiba bat likidatzean, soberan geratu<br />
den aktiboa kooperatibako bazkide guztien artean banatzeko aukera dago, bai kooperatibapartaidetzaren<br />
proportzioan, bai kooperatibako kide diren erakunde bakoitzeko kidekopuruaren<br />
arabera.<br />
28.6.2. Iruzkin orokorra eta esanahi praktikoa<br />
Kooperatiba bat likidatzeko prozesu guztietan bezala, bigarren mailakoetan edo maila<br />
goragokoetan, aztergai dugun artikuluak arautu du soberako aktiboa bazkideen artean<br />
banatuko dela, azken bost urteetan jasotako itzulkinaren zenbatekoaren proportzioan,<br />
kooperatibak urtebete baino gutxiago badu sortu zenetik zenbatzen hasita.<br />
Likidazio-prozesua egiteko, Euskadiko Kooperatiben Legearen artikuluetara jo behar<br />
dugu (91. artikulutik 100. artikulura).<br />
28.6.3. Beste arau aplikagarri batzuk<br />
Estatuko legerian, bigarren mailako kooperatibek Euskadiko lege-araudian baino<br />
erregulazio urriagoa du.<br />
Estatuko Kooperatibei buruzko uztailaren 16ko 27/1999 Legearen inguruan, badira kontu<br />
bi osagarri gisa aplika daitezkeenak:<br />
− Estatuko Kooperatiben Legearen 77.4 artikulua. Likidazioaren kasuan, nahitaezko<br />
erreserba-funtsa funts hori osatzen duten kooperatiba-sozietateetako bakoitzaren<br />
izaera bereko funtsera eskualdatuko da, bai eta horren ondoriozko gainerako<br />
538
KOOPERATIBA-INTEGRATZEA ETA -TALDEKATZEA:<br />
BIGARREN MAILAKO EDO MAILA HANDIAGOKO KOOPERATIBAK<br />
hartzeko likidoa ere; hori guztia kooperatiba bazkideen artean banatuko da, azken 5<br />
urteetan kooperatiba bakoitzak bigarren mailako edo maila goragoko kooperatiban<br />
garatutako jarduera kooperatibizatuaren bolumenaren proportzioan, edo, halakorik<br />
ezean, kooperatiba sortu zenetik, kooperatibaz kanpoko etekinen izaerarik ez dutela.<br />
Azaldutakoa irizpide erabilgarri gisa aplika daiteke euskal kooperatiben zergaaraubidea<br />
lurralde historiko bakoitzean aplikatzeko orduan.<br />
− Estatuko Kooperatiben Legearen 77. artikuluak dioenez, bigarren mailako<br />
kooperatibak lehen mailako kooperatiba bihurtu ahal izango dira, eta bazkide diren<br />
kooperatibak lege honetan ezarritako prozeduraren bidez xurgatuko dira<br />
Kooperatiba bazkideak, bai eta sozietate horietako bazkideak ere, transformazio- eta<br />
xurgatze-akordioekin bat ez badatoz, banandu ahalko dira, bigarren mailako edo maila<br />
goragoko kooperatiben artezkaritza-kontseiluari igorritako idazki baten bidez, dagokionaren<br />
arabera, hilabeteko epean, transformazio- edo xurgatze-iragarkia argitaratzen den egunetik<br />
zenbatzen hasita.<br />
Estatuko Kooperatiben Legearen 77.5 artikuluak ez bezala -lege horrek bigarren mailako<br />
edo maila goragoko kooperatibak lehen mailako kooperatiba bihurtzeko aukera ematen<br />
baitu-, Euskadiko Kooperatiben Legeak ez du alderdi hori jorratu, artez eta egoki, eragiketa<br />
horrek ez baitakar inolako transformaziorik. Izan ere, ez dago kooperatibaren era juridikoaren<br />
aldaketarik, ezpada, kooperatibaren gradua edo mailaren galera, eta sozietatearen bategitea<br />
gertatuko litzateke, lehen, gutxienez, 3 erakunde zeuden tokian, lehen mailako erakunde<br />
bakarrak iraungo baitu.<br />
28.7. Araudi osagarria<br />
151. artikulua.– Araudi osagarria.<br />
Atal honetako aurreko artikuluetan aurreikusten ez den kasuetan, estatutuetan eta barnearaubideko<br />
erregelamenduan ezarritakoa bete beharko da; halakorik ez badago, berriz,<br />
lege honetan lehenengo mailako kooperatibetarako ezarritakoa bete beharko da, bigarren<br />
mailako edo maila handiagoko kooperatiben izaerak eta funtzio espezifikoek uzten duten<br />
neurrian.<br />
28.7.1. Berrikuntza nagusiak aurreko araudiaren aldean<br />
Legegileak ez du idazketa aldatu lege berrian.<br />
Bigarren mailako kooperatiba autoerregulatu daiteke, dela estatutuetan lege-esparru osoa<br />
garatuta; dela estatutu-jarraibide batzuk moldatuta, hain zuzen ere, legeak estatutuetan<br />
arautzera behartzen dituenak, eta, bestetik, barne-araubidearen erregelamendu guztiz<br />
analitiko batez osatuta; bestela, estatutu zabal samarra idatz daiteke, ez oso zehatza, eta<br />
barne-araubidearen erregelamenduaren bidez osatu.<br />
Kooperatibaren barne-araubidearen erregelamendua estatutu-garapena da, eta dago zertan<br />
jendaurrean jarri; gainera, ez dauka kooperatiben erregistroaren legezkotasun-kontrolik.<br />
Aurrekorik ezean, eta bigarren mailako edo maila goragoko kooperatibaren eginkizun eta<br />
izaerak horretarako aukera ematen duenean, Euskadiko Kooperatiben Legean lehen mailako<br />
kooperatibei buruz ezarritakoa.<br />
539
KOOPERATIBA-INTEGRATZEA ETA -TALDEKATZEA:<br />
BIGARREN MAILAKO EDO MAILA HANDIAGOKO KOOPERATIBAK<br />
28.7.2. Esanahi praktikoa<br />
Kooperatiben Legeak arau-hierarkia ezarri du aztergai dugun artikuluan:<br />
1) EKLren berariazko araudia. Hau da, EKLren 146-151 artikuluak.<br />
2) Bigarren mailako edo maila goragoko kooperatibaren estatutuak<br />
3) Bigarren mailako edo maila goragoko kooperatibaren barne-araubideari buruzko<br />
erregelamendua.<br />
4) Aurrekorik ezean, eta bigarren mailako edo maila goragoko kooperatiben izaerak<br />
horretarako aukera ematen duenean, EKLk lehen mailako kooperatibentzat<br />
araututakoa.<br />
28.7.3. Beste arau aplikagarri batzuk<br />
27/1999 Legearen 77.6 artikuluak ezartzen duenez, horietarako berariaz araututako<br />
alderdietan izan ezik, bigarren mailako edo maila goragoko kooperatibak Kooperatiben<br />
Legean ezarritako arauketa orokorraren arabera arautuko dira, aplikagarria den guztian.<br />
Legeak beti izango du lehentasuna estatutuen eta erregelamenduaren aurrean, betiere<br />
aplikagarria den heinean eta aginduzkoa den guztian.<br />
Araudi honek ez du ezer osatzen euskal lurraldeko legegileak emandakoaren aldean.<br />
540
29. LANKIDETZA EKONOMIKORAKO BESTE<br />
MODALITATE BATZUK* 1<br />
29.1. Enpresa-taldeak<br />
152. artikulua.– Enpresa-taldeak.<br />
1.– Aurreko atalean kooperatibak integratzeko araututako moduak gorabehera,<br />
edozein mota eta mailatako kooperatibek edozein motatako sozietate, elkarte, talde,<br />
kontsortzio eta enpresa-talde sortu ahal izango dute beren artean edo beste pertsona<br />
fisiko edo juridiko pribatu edo publiko batzuekin.<br />
2.– Era berean, helburu soziala hobeto bete, garatu edo bermatzeko, aurreko zenbakian<br />
adierazitako edozein entitatetan eduki ahal izango dute partaidetza kooperatibek.<br />
3.– Artikulu honetan aurreikusitako eragiketak egiteko, kreditu- edo aseguru-kooperatibek<br />
aplikatu behar zaien araudia errespetatu beharko dute beste ezer baino lehen.<br />
29.1.1. Berrikuntza nagusiak aurreko araudiaren aldean<br />
Euskadiko Kooperatibei buruzko ekainaren 24ko 4/1993 Legeak araututako enpresaelkarteen<br />
erregulazio osoari eutsi zaio.<br />
29.1.2. Iruzkin orokorra eta esanahi praktikoa<br />
4/1993 Legeak ekonomia- eta enpresa-integrazioari eta -elkartzeari emandako tratamendua<br />
bere alderdirik bereizgarri eta berritzaileenetakotzat hartu zen, Euskal Autonomia Erkidegoko<br />
Kooperatibei buruzko otsailaren 11ko 1/1982 Legearen aldean.<br />
Horrela, 4/1993 Legeak lehen aldiz arautu zituen kooperatiba arteko elkartze-gertakariak,<br />
hala nola bigarren mailako edo maila goragoko kooperatibak (EKLren 146. artikulua eta<br />
hurrengoak) eta kooperatiba-korporazioak (EKLtik kendutako izakundea, kooperatibagarapenaren<br />
bilakaeraren une honetan, behartutzat edo ez-beharrezkoa jotzen delako, kontuan<br />
harturik elkarte-mota guztientzako lege-estaldura nahikoa dagoela, nahikoa zabaltasunez).<br />
Era berean, 4/1993 Legeak lehen aldiz arautu zituen enpresa-elkarteei buruzko artikulu<br />
honetan irizpide generikoa duten beste lankidetza-modalitate batzuk.<br />
EKLk enpresa-elkarteen erregulazio zabalari eta malguari eutsi dio, eta, beraz, kooperatibek,<br />
edozein motatakoak direla ere (lan elkartukoak, irakaskuntzakoak, kontsumokoak…)<br />
zeinahi mailatakoak (lehen mailakoak, bigarren mailako edo maila goragokoak), jarduera<br />
edo sektorea gorabehera, era guztietako sozietate, elkarte, talde, partzuergo eta enpresaelkargoak<br />
era ditzakete, edozein motatakoak, beste kooperatiba batzuekin edo beste pertsona<br />
fisiko edo juridiko batzuekin batera, edo beste pertsona publiko batzuekin batera.<br />
* Amets Ugalde Etxagibel jaunak, MONDRAGON korporazioko aholkularitza juridikoaren arduradunak,<br />
egindako iruzkina.<br />
541
LANKIDETZA EKONOMIKORAKO BESTE MODALITATE BATZUK<br />
Gainera, EKLk berariaz arautu du kooperatibek partaidetzak izan ditzaketela aurreko<br />
paragrafoan aipatutako edozein erakundetan, betiere sozietate-helburua hobeto betetzeko,<br />
garatzeko edo bermatzeko bada.<br />
Horrekin guztiarekin, EKLk aitortzen du kooperatiba-sozietateek gaitasun osoa dutela, bai<br />
edozein motatako erakundeak eratzeko, bai lehendik daudenetan sartzeko. Horrela, arlo horri<br />
buruz egon daitekeen zeinahi zalantza uxatu behar da.<br />
Elkarte bakoitzean, eraketa-eskrituran edo kasuan kasuko erakundearen partaidetza<br />
hartzeko akordioan, barne-araudian, bazkideen itunetan eta abarretan xedatutakoa beteko<br />
da, eta EKLk ez du alderdien autoerregulazioa garatzeko inolako mugarik ezarri; beraz,<br />
elkartean parte hartzen duten erakundeek adostuko dute lankidetza. Kreditu- eta asegurukooperatiben<br />
kasuan soilik aipatu du EKLk mota horretako erakundeak eratu ditzaketela edo<br />
horietan partaidetzak izan ditzaketela, baldin eta haiei aplikatzekoa zaien araudi sektoriala<br />
une oro errespetatzen badute.<br />
21.1.3. Beste arau aplikagarri batzuk<br />
Kooperatibak beste erakunde horietan parte hartzen badu, garrantzitsua da behekoa<br />
kontuan hartzea:<br />
Kooperatiben zerga-araubidea arautzen duen foru-araudiak (AKZAA, GKZAA eta<br />
BKZAA) zenbait muga ezarri dizkio kooperatibak ez diren entitateen kapital sozialean<br />
parte hartzeari, % 25etik aurrera. % 50erainoko muga ezarri die kooperatibaren beraren<br />
prestaketa-jarduerak, jarduera osagarriak edo mendekoak egiten dituzten entitateei, eta<br />
partaidetza horiek, guztira, ezin dute kooperatibaren baliabide propioen % 50 gainditu. Hala<br />
ere, Ogasun eta Finantzen foru diputatuak % 50etik gorako partaidetza-kopurua baimentzeko<br />
aukera arautu du, baldintza jakin batzuk betez gero, betiere justifikatzen bada partaidetza<br />
horrek laguntzen duela kooperatibaren helburu sozialak hobeto betetzen, eta kooperatibaren<br />
jarduteko funtsezko printzipioak urratzen ez baditu.<br />
Era berean, onura publikoko kooperatiben kasuan, otsailaren 2ko 64/1999 Dekretuak,<br />
onura publikoko kooperatiba-sozietateei buruzko prozedurei eta betekizunei buruzko<br />
erregelamendua onartzen duenak, honako baldintza hau ezarri du izaera hori eskuratzeko:<br />
kooperatiba merkataritza-sozietateetan gehiengoaren partaidetzen titularra bada, zuzenean<br />
edo zeharka, Eusko Jaurlaritzako Justizia, Lan eta Gizarte Segurantza Sailaren aurrean<br />
egiaztatu beharko du partaidetza horien titulartasunak dena delako kooperatiboaren interes<br />
orokorra hobeto betetzen laguntzen duela.<br />
29.2. Kooperatiben arteko lankidetza-akordioak<br />
153. artikulua.– Kooperatiben arteko lankidetza-akordioak.<br />
Kooperatibek lankidetza-akordioak sinatu ahal izango dituzte beste kooperatiba batzuekin,<br />
beren helburu sozialak betetzeko. Akordio horien ondorioz, kooperatibek eta beren bazkideek<br />
hornidura-eragiketak eta produktu- zein zerbitzu-entregak egin ahal izango dituzte beraiekin<br />
akordioa sinatzen duten kooperatibetan. Eragiketa horiek kooperatiba-jardueratzat joko<br />
dira, kooperatibek beren bazkideekin egiten dituzten jarduerak bezala.<br />
542
LANKIDETZA EKONOMIKORAKO BESTE MODALITATE BATZUK<br />
29.2.1 Berrikuntza nagusiak aurreko araudiaren aldean<br />
Hasteko, adierazi behar da artikulu hori ez dela aldatu EKLn, eta, beraz, 4/1993 Legean<br />
jasotako erregulazioa eta, geroago, ekainaren 29ko 1/2000 Legea dela bide egindako<br />
aldaketari eutsi zaio. Erreforma horren bidez, artikulu berri bat gehitu zen kooperatiben<br />
arteko akordioak lehen aldiz arautzeko.<br />
29.2.2. Iruzkin orokorra eta esanahi praktikoa<br />
Kooperatiben arteko akordioak kooperatiben arteko lankidetza-modalitateetako bat dira,<br />
kontratu edo akordio baten bidez egituratzen dira eta, beraz, nortasun juridiko propiorik<br />
gabe, kooperatiben arteko lankidetzaren funtsezko printzipioetako bati lotzen zaizkio:<br />
kooperatibek, beren kideen eta komunitateen interesei hobeto erantzuteko, tokiko, estatuko<br />
eta nazioarteko beste kooperatiba batzuekiko lankidetzan aritu behar dute bitarteko guztiak<br />
erabiliz.<br />
EKLren IV. tituluan araututako kooperatiben asoziazionismoan ez bezala –horretan,<br />
kooperatibak elkartzearen xedea edo interesa administrazioaren eta, oro har, gizartearen<br />
aurrean ordezkagarritasuna izatea da−, kooperatiben arteko akordioen kasuan (EKLren 154.<br />
artikuluan araututako kooperatiba-taldeen kasuan ere bai), kooperatiben arteko lankidetza<br />
antolatu nahi da, kooperatibek euren sozietate-xedeak bete ditzaten.<br />
Kooperatiben arteko akordioak arautzean, EKLk kooperatiben arteko lankidetzarako bide<br />
bat jaso du berariaz 153. artikuluan, eta zehaztu du kooperatibek akordioak sina ditzaketela<br />
euren xede sozialak betetzeko. Kasu horretan, EKLren 152. artikuluan ageri diren enpresaelkarteei<br />
buruzkoan jaso den moduan, ezerk ez die eragozten kooperatiba-sozietateei<br />
(edozein motatakoak eta mailatakoak direla ere) beste kooperatiba batzuekiko akordioak<br />
sinatzea beren xede sozialak erdiesteko; beraz, ulertzen da bi kasuetan ondorio argigarriak<br />
izan nahi dituzten xedapenak direla.<br />
Akordioak gauzatzeko moduari dagokionez, EKLk “akordioaren sinatzaileak” terminoa<br />
jaso du, eta hortik ondorioztatu behar dugu akordioa idatziz egin behar dela eta esku hartzen<br />
duten alderdiek sinatu behar dutela. Hala ere, beste kooperatiba-lege batzuetan ez bezala,<br />
EKLk ez du inolako eskakizunik ezarri kooperatiben arteko akordio horien formalizazioa<br />
edo izatea zabaltzeko edo argitaratzeko.<br />
EKLk ñabartu eta lege-estaldura garrantzitsua eman die kooperatiben arteko akordioei,<br />
aitortu baitu kooperatibek beste kooperatiba batzuekin egin ditzaketen eragiketak<br />
kooperatiboak direla, bai eta kooperatiba bateko bazkideek akordio egokia sinatuta duteneko<br />
beste kooperatiba batekin egin ditzaketenak ere. Beraz, kooperatiben arteko akordio horien<br />
arabera kooperatibak berak eta/edo haren bazkideek beste kooperatiba batzuetan hornikuntza-,<br />
produktu- edo zerbitzu-eragiketak egiten badituzte, eragiketa horiek kooperatibak berak bere<br />
bazkideekin egindako kooperatiba-eragiketen izaera bera izango dute.<br />
EKLk jaso dituen hornikuntza-, emate- edo zerbitzu-eragiketa horiek kooperatiba<br />
bakoitzaren berariazkotasunari eta kasu bakoitzean aplikagarriak diren legezko xedapenen<br />
edo barne-araudiaren zioz erator daitezkeen murrizketak baino ez dituzte. Hortaz, legegileak<br />
malgutasun handia eman die kooperatibei lankidetzako baldintzak autoerregulatzeko, eta<br />
543
LANKIDETZA EKONOMIKORAKO BESTE MODALITATE BATZUK<br />
alderdien irizpenaren esku utzi du eskubideen, betebeharren, ekarpenen, iraupenaren eta<br />
itundu beharreko beste edozein alderdiren araubidea xedatzeko aukera.<br />
Azkenik, azpimarratu behar da EKLk kooperatiben arteko akordioei buruz jaso duen<br />
erregulazioa Kooperatibei buruzko uztailaren 16ko 27/1999 Legearen 79. artikuluak<br />
araututakoaren berdina dela; artikulu horrek lankidetza ekonomikoaren zenbait era arautu<br />
ditu, desberdintasun bakar batekin: 27/1999 Legeak ezarri duenez, kooperatiben arteko<br />
akordio horietatik lortutako emaitzak kooperatibaren nahitaezko erreserba-funtsari egotzi<br />
behar zaizkio, baina EKLk ez dakar xedapen hori, estatuko kooperatiben legea ez bezala,<br />
Euskal Autonomia Erkidegoaren eremuan, kooperatibaren emaitzak eta kooperatibaz<br />
kanpoko emaitzak ez dira bereizten soberakinen banatzeko ondorioetarako.<br />
29.3. Kooperatiba-taldeak<br />
154. artikulua.– Kooperatiba-taldeak.<br />
1.– Lege honen ondorioetarako, kooperatiba-taldea da edozein motatako sozietate<br />
kooperatibo batzuek eta taldearen buru den entitateak osatutako multzoa, non<br />
buru den entitateak ahalmenak egikaritu edo taldekatu diren kooperatibek nahitaez<br />
bete behar dituzten jarraibideak ematen dituen; ondorioz, aipatutako ahalmenen<br />
esparruan batasuna agertzen du erabakiak hartzeko orduan. Taldeak kooperatibaprintzipioen<br />
arabera jardun beharko du, lege honen 1.2 artikuluan xedatzen<br />
denarekin bat.<br />
2.– Integrazio ekonomikoaren mailaren arabera, integrazio bidezko kooperatiba-taldeak<br />
edo lankidetza bidezko kooperatiba-taldeak izango dira kooperatiba-taldeak.<br />
Integrazio bidezko kooperatiba-taldetzat joko dira bi betekizun hauek betetzen diren<br />
kooperatiba-taldeak:<br />
a) Kooperatiba-taldeak zuzendaritza nagusi bat izatea taldeko kooperatiba<br />
guztientzat.<br />
b) Ekonomia kudeatzeko ahalmenen zentralizazio-mailari esker, kooperatibek<br />
benetako batasun ekonomiko bat lortzea, nork bere nortasun juridikoa izan arren.<br />
Horrela ez bada, kooperatiba-taldeak lankidetza bidezko talde bat osatuko du.<br />
3.– Batasun ekonomikoa dagoela ulertzeko, ez da nahikoa izango zuzendaritza nagusi<br />
bat komunean izatea; honako egoera hauetakoren bat ere gertatu beharko da:<br />
a) Egitatezko merkataritza-, finantza- edo ondare-harremanak egotea, zeinak<br />
benetan taldeko entitateren baten mende egotea eragingo duen.<br />
b) Taldeko kooperatibek hirugarren ez-bazkideekin zuzenean egiten dituzten<br />
eragiketak direla-eta, erantzukizun solidarioko akordio bat izatea kanpoarekiko;<br />
betiere, eragiketa horiek iraunkorrak eta beharrezkoak –ez osagarriak– badira<br />
enpresa-jarduerarako.<br />
c) Konpromisoa izatea aldian-aldian baliabide-ekarpena egiteko nork bere<br />
kooperatibaren emaitza-kontuen arabera, betiere egin beharreko ekarpenak<br />
kooperatiba bakoitzaren aurreko soberakin garbien ehuneko berrogeita hamar<br />
baino gehiago badira.<br />
544
LANKIDETZA EKONOMIKORAKO BESTE MODALITATE BATZUK<br />
d) Kooperatiba-taldeko bi sozietatek edo gehiagok harremanak izatea beren<br />
artean, eta, harreman horien bidez, kontuak finkatzeko betebeharra sortzea,<br />
Merkataritza Kodearen 42.1 eta 43. artikuluetan arautzen den bezala.<br />
Kasu hauetakoren bat bakarrik gertatzen bazaie taldeko kooperatiba batzuei,<br />
sozietate kooperatibo horiek bakarrik joko dira integrazio bidezko kooperatibatalde<br />
bateko kidetzat.<br />
4.– Artikulu honetan kooperatiba-taldeentzat xedatzen den araubidea eraginkorra izan<br />
dadin, araubide horretan xedatutako betekizunak bete behar dira.<br />
Euskadiko Kooperatiben Erregistroan sozietate kooperatibo bakoitzari dagokion<br />
orrian egingo da idatzoharra, kooperatiba talde batekoa dela edo taldetik bereizten<br />
dela adierazten duena.<br />
Interesa duen kooperatibak eskatu beharko du idatzoharra egiteko, kooperatibatalde<br />
batekoa dela edo taldetik bereizten dela adierazten duena. Inskripzio hori egin<br />
ez arren, agindu honek erabateko indarra eta eraginkortasuna izango du.<br />
5.– Jarraibideak emateak kudeaketaren, administrazioaren eta gobernuaren hainbat<br />
eremuri eragin ahal izango dio, zeinen artean egon daitezkeen:<br />
a) Oinarri diren kooperatibetan estatutu- eta erregelamendu-arau erkideak ezartzea.<br />
b) Oinarri diren entitateen artean, sozietate-harremanak ezartzea.<br />
c) Aldian-aldian ekarpenak egiteko konpromisoak; ekarpen horiek kalkulatzeko,<br />
kontuan izango da norbere enpresaren bilakaera edo emaitza-kontua.<br />
Nolanahi ere, taldearekin hartutako konpromiso orokorretan oinarritu beharko<br />
dira emandako jarraibideak edo bete beharreko ahalmenak; dena den, ezin<br />
izango dira inoiz exijitu baldin eta kooperatiba bat edo gehiago espresuki<br />
salbuetsi badira zenbait arau edo konpromiso betetzeko betebeharretik.<br />
6.– Kooperatiba-taldean sartzeko, oinarri diren entitateetako bakoitzaren hasierako<br />
erabakia beharko da, entitate bakoitzaren eskumen eta funtzionamenduaren gaineko<br />
arauei jarraituta.<br />
7.– Taldearen aurrean norberaganatutako konpromiso orokorrak idatziz gauzatu behar<br />
dira taldeburu den entitatearen estatutuetan, sozietate kooperatiboa bada, edo beste<br />
kontratu-agiriren batean, halakoa ez bada, eskritura publikoaren bidez gauzatuta,<br />
eta idazki horietan nahitaez jaso behar dira honako hauek: kontratuaren iraupena,<br />
mugatua bada; kontratua aldatzeko prozedura; sozietate kooperatiboren bat<br />
banatzeko prozedura, eta taldeburu den entitateari hark egikaritzeko eman zaizkion<br />
ahalmenak. Taldeburu den entitatearen organo gorenaren erabakia beharko da,<br />
hala ezarri bada, konpromiso horiek aldatu, handitu edo amaitzeko.<br />
8.– Talde bateko sozietate kooperatiboek hirugarren ez-bazkideekin zuzenean egiten<br />
dituzten eragiketen erantzukizuna eurena izango da, eta ez taldearena edo taldea<br />
osatzen duten beste sozietate kooperatiboena.<br />
29.3.1. Berrikuntza nagusiak aurreko araudiaren aldean<br />
EKL berriak ez du aldaketarik txertatu kooperatiba-taldeen erregulazioaren inguruan. Alde<br />
545
LANKIDETZA EKONOMIKORAKO BESTE MODALITATE BATZUK<br />
batetik, 1/2000 Legeak 4/1993 Legean ageri zen edukiari emandako idazketari eutsi dio.<br />
Lege horren arabera, artikulu berri bat gehitu zen, kooperatiba-taldeen izakundea lehen aldiz<br />
arautzeko. Bestalde, 58/2005 Dekretua dela bide onartutako erregelamendu-garapena legemailan<br />
txertatu du.<br />
29.3.2. Iruzkin orokorra eta esanahi praktikoa<br />
1/2000 Legearen zioen azalpenean jaso zen bezala, kooperatiba-taldea izakunde juridiko<br />
berria da (ordura arte ez zen halakorik), lankidetzaren printzipio kooperatiboan oinarritutakoa<br />
(EKLren 153. artikuluan araututako kooperatiben arteko akordioetan bezala), kooperatiben<br />
enpresa-integrazioko modalitate berriak bultzatzeko, merkatu juridiko globalizatuetan<br />
jarduteko gero eta erronka zorrotzagoak direla-eta.<br />
Embid Irujok adierazi duenez, kooperatiben integrazioa jatorri mutualista duen gertakari<br />
bati doakio; horren bidez, kooperatiben arteko kontzentrazioa erraztu nahi da, merkataritzako<br />
kapital sozietateen berezko izaeratik eta horiek sozietate-talde gisa eratzetik bereizita.<br />
Horregatik, ezaugarri bereziengatik eta enpresa-helburu kooperatiboa duten mota guztietako<br />
egiturak “kooperatiba-talde” izendatzeko tradizioagatik, kooperatiba-legeetan berariaz<br />
arautu behar da kooperatiba-taldeen izakundea.<br />
Enpresen integrazio eta lankidetzako modu desberdinetan, sozietate-taldea dugu izakunderi<br />
nabarmenena. Lege-garapen oso mugatua izan duen arren, haren doktrina-garapena<br />
oparoagoa izan da. Doktrinak honela definitu du sozietate-taldea: ikuspegi juridikotik<br />
lokabeak diren eta zuzendaritza ekonomiko bateratua duten hainbat sozietateren elkartea.<br />
Zuzendaritza ekonomiko komun edo bateratu horren jatorriaren eta izaeraren arabera, taldeen<br />
hainbat sailkapen daude, eta hedatuena zuzendaritza erkidearen egituran oinarritzen dena da,<br />
koordinazio-taldeak eta mendekotasun-taldeak bereizten direla.<br />
Mendekotasun-taldeen ezaugarria da elkarren arteko mendekotasun-harreman hierarkikoan<br />
elkartuta dauden sozietateak direla. Sozietate nagusi bat dago, eta horren azpitik, mendeko<br />
sozietateak ageri dira. Talde horietan, sortze-prozesua goitik beherakoa da, eta, beraz, beste<br />
sozietate batzuk eratzea edo horietan parte hartzea erabakitzen duen erakunde bat dago.<br />
Kooperatiben esparruan, mendekotasun-taldeak daude, eta kooperatibak dira kooperatibak<br />
ez diren erakundeek osatutako talde baten buru edo nagusi. Hala eta guztiz ere, kooperatibasozietatea<br />
oinarri demokratikoko erakundea denez, hasiera batean ez du aukerarik ematen<br />
kooperatiben arteko harreman propioen kualifikazioa lortzeko, esaterako, mendekotasuntalde<br />
batena, horrek jabariaren gaineko kontrola izatea eskatzen duelako eta kooperatibak ez<br />
direlako talde baten mendeko sozietate gisa eratzen.<br />
Aitzitik, koordinazio-taldeak, nahiz eta elkartutako sozietateak zuzendaritza ekonomiko<br />
bakarraren esanetara egon, elkartutako erakundeen akordio baten ondorioz elkartzen dira, eta<br />
independenteak izaten jarraitzen dute. Taldeko sozietateek euren borondatez eskualdatzen<br />
dizkiote erabakitzeko eskumenak beste erakunde bati, eta erakunde horrek nortasun juridiko<br />
propioa duen entitate gisa eratu daiteke. Kooperatiben eremuan, koordinazio-taldeak egon<br />
daitezke non unitate ekonomiko, erabakitzeko unitate edo zuzendaritza bateratua eratzen<br />
den. Hala eta guztiz ere, kontuan hartu behar da talde horiek koordinazioz eratuko badira,<br />
ahalmenen eskualdatze hutsa ez dela nahikoa, eta ondokoak ere beharrezkoak direla: (i)<br />
546
LANKIDETZA EKONOMIKORAKO BESTE MODALITATE BATZUK<br />
lagatako eskumenen irismenak jardueren plangintza egiteari, gauzatzeari eta kontrolatzeari<br />
eragin behar die, enpresa-lankidetza edo partzuergo-helburu soilaren muga gainditze aldera;<br />
(ii) lagatako eskumenak benetan egikaritu behar dira, taldearen helburua taldearen interesen<br />
aldea jardutea delako, eta (iii) integrazioak egonkorra izan behar du.<br />
EKLren artikuluen aurreko garapenean egiaztatu denez, kooperatiben “talde” bat eratu<br />
baino lehen, kooperatiben integrazioa egitea badago ere, haien integrazio-maila handiagoa<br />
bat etorriko litzateke koordinazio-taldeen antolatze-erarekin.<br />
EKLren 154. artikuluan arautu diren kooperatiba-taldeak koordinazio-talde horien antzekoak<br />
dira. Zehazki, EKLk kooperatiba-taldetzat jotzen ditu kooperatiba guztiak eta taldeburua den<br />
erakundea, azkenak eskumenak egikaritzen dituela edo elkartutako kooperatibek nahitaez<br />
bete beharreko aginduak ematen dizkiela; horrela, erabakitzeko unitatea sortzen da eskumen<br />
horien esparruan. Nolanahi ere, garrantzitsua da azpimarratzea, EKLk egiten duen bezala,<br />
kooperatiba-talde bateko kide diren kooperatibek hirugarren bazkideekin zuzenean egiten<br />
dituzten eragiketen ziozko erantzukizunak ez diola taldeari eragiten, ez eta taldea osatzen<br />
duten gainerako kooperatibei ere.<br />
Taldeburua kooperatiba-sozietate bat izan daiteke, adibidez, bigarren mailako kooperatiba<br />
bat. Kooperatiba-mota horiek ditugu legeak kooperatibak integratzeko arautzen dituen<br />
egituretatik lehenengoa eta, benetan, gehien erabiltzen direnetako bat. Hala ere, garrantzitsua<br />
da kontuan hartzea bigarren mailako kooperatiba batek hainbat integrazio-maila izan<br />
ditzakeela: integrazio txikieneko bertsioan, gerta daiteke talde gisa ez kalifikatzea ere, eta<br />
haren integrazio-mailari dagokionez, unitate ekonomiko bat, erabakitzeko unitate bat edo<br />
zuzendaritza bateratua dagoen heinean, kooperatiba-taldea izan daiteke. Aitzitik, taldeburu<br />
jardungo duen erakundea antolatzeko aukeratzen den bidea kooperatiboa ez izateak ez du<br />
zertan multzoaren izaera kooperatiboa murriztu. Ildo horretan, garrantzitsua da azpimarratzea,<br />
EKLk adierazten duen bezala, kooperatiba-taldeak printzipio kooperatiboei jarraiki egokitu<br />
behar duela bere jardute-era.<br />
Beraz, kooperatiba-taldeak bateragarri egiten du elkartutako erakundeen arteko integraziomaila<br />
jakin bat ezartzea (kasuan-kasuan adosten den trinkotasun eta iraupenari lotutakoa) eta<br />
erakunde bakoitzak bere autonomia juridikoari eustea, ematen diren aginduek kudeaketa-,<br />
administrazio- edo gobernu-eremuko hainbat alderdiri eragin diezaieketela. EKLk aldeen<br />
nahiaren autonomia baliatzeko tarte zabala uzten badu ere, eskumenak egikaritu edo aginduak<br />
eman daitezkeen hiru esparru adierazi ditu (i) estatutu- eta erregelamendu-arau erkideak<br />
ezartzea; (ii) oinarrizko erakundeen artean, elkarte-harremanak ezartzea; (iii) baliabideak<br />
aldizka emateko konpromisoak finkatzea, kasuan kasuko enpresa-bilakaeraren edo emaitzen<br />
kontuaren arabera kalkulatuta.<br />
Jarraibide edo ahalmen horiek euskarria izan behar dute taldearen aurrean hartutako<br />
konpromiso orokorretan, eta ezin izango dira eskatu kooperatiba bat edo batzuk arau edo<br />
konpromiso jakin batzuk betetzetik espresuki salbuetsi badira.<br />
Taldearen aurrean hartutako konpromiso orokorrak idatziz formalizatu behar dira, baldin<br />
eta taldeburu den erakundea kooperatiba bada estatutuetan, eta hala ez bada, eskritura<br />
publikoa dela bide egilesten den beste kontratu-dokumentu baten bidez. Agiri horrek alderdi<br />
batzuk jaso behar ditu, nahitaez: iraupena, aldatzeko eta banantzeko prozedura eta, kideen<br />
547
LANKIDETZA EKONOMIKORAKO BESTE MODALITATE BATZUK<br />
erabakiz, taldeburu den erakundeari esleituko zaizkion ahalmenak. Era berean, ezarri<br />
ahalko da konpromisoak aldatu, handitu edo ebatz daitezkeela taldeburu den erakundearen<br />
organoaren erabakiz.<br />
EKLk kooperatiba-taldeak sailkatu ditu integrazio ekonomikoaren mailaren arabera. Alde<br />
batetik, integrazioaren bidezko kooperatiba-taldeek zuzendaritza nagusi erkidea dute eta<br />
kudeaketa ekonomikoari lotutako eskumenen zentralizazio-maila eraginkorra dela eta, ulertu<br />
behar dugu unitate ekonomikoa badagoela. Legegilearen aburuz, badago unitate ekonomikoa<br />
honako inguruabar hauetakoren bat gertatzen denean:<br />
- Taldeko erakunderen batekiko mendekotasun egiazkoa dakarten merkataritza-,<br />
finantza- edo ondare-harremanak izatea.<br />
- Taldeko partaide diren kooperatibek bazkideak ez diren hirugarren pertsonekin<br />
zuzenean egiten dituzten eragiketen ziozko kanpoko erantzukizun solidarioko<br />
akordio bat egotea, baldin eta eragiketok iraunkorrak badira eta enpresa-jarduera<br />
gauzatzeko beharrezkoak eta lagungarriak ez diren eragiketak badira.<br />
- Kasuan kasuko kooperatibaren emaitza-kontuaren arabera kalkulatutako baliabideak<br />
aldizka emateko konpromisoak egotea, eman beharreko zenbatekoak soberakinen<br />
% 50 baino gehiago direnean.<br />
- Kontuak kontsolidatzeko betebeharra sortzen duten baldintzak betetzen dituzten<br />
harremanak egotea taldeko bi sozietateren edo gehiagoren artean (ikus hurrengo<br />
atala, «Beste arau aplikagarri batzuk»).<br />
Inguruabar horietakoren bat betetzen bada, zuzendaritza nagusi erkidearekin batera, unitate<br />
ekonomikoa badagoela ulertuko da. Kasu horietakoren bat gertatzen bada taldea osatzen<br />
duen kooperatiba batzuei dagokienez, kooperatiba horiek bakarrik hartuko dira integraziozko<br />
kooperatiba-talde baten zatitzat.<br />
Gainerakoak, hau da, goian aipatutako baldintzak betetzen ez dituztenak, baztertze hutsez,<br />
lankidetza-taldetzat hartzen dira.<br />
Kooperatiba-taldearen eraketa, kidetza eta banantzea kooperatiba bakoitzari dagokion<br />
orrian jasotzen da Euskadiko Kooperatiben Erregistroan. Kooperatiba batek kooperatibatalde<br />
bat eratzea (baita antzeko erakundeak edo bigarren mailako kooperatibak eratzea ere)<br />
bat dator EKLren 33. artikuluak xedatutakoarekin –batzar orokorraren eskumena dio artikulu<br />
horrek−. Hala ere, eskumena eskuordetu daiteke, eta kooperatiba batzuek administrazioorganoari<br />
esleitu ohi diote eskumen hori. Nolanahi ere, erregistroko inskripzioa eratzailea<br />
ez den, taldearen izaerak eragina izango du EKLn ezarritako funtsezko betekizunak betetzen<br />
diren unetik aurrera.<br />
29.3.3. Beste arau aplikagarri batzuk<br />
Aurreko atalean aipatu ditugun sozietate-taldeei buruzko doktrinaren eraikuntza ez da<br />
zuzenean ekarri indarrean dagoen legeriara. Hala, Merkataritza Kodearen 42. artikuluak<br />
sozietate-taldea arautu du urteko kontu bateratuen perimetroa mugatzeko, eta jabarian edo<br />
kontrolean oinarritutako taldearen kontzeptua ezarri du (ez, ordea, erabakitzeko unitatearen<br />
kontzeptuan funtsatuta). Horrela, talde bat dagoela dio sozietate batek beste baten edo beste<br />
548
LANKIDETZA EKONOMIKORAKO BESTE MODALITATE BATZUK<br />
batzuen kontrola duenean edo izan dezakeenean, zuzenean edo zeharka. Eta, bereziki,<br />
ulertzekoa da kontrola dagoela sozietate batek beste sozietate baten boto-eskubideen<br />
gehiengoa duenean edo boto horiek baliatu ditzakeenean, beste pertsona batzuekin egindako<br />
akordioen bidez, edo beste sozietate baten administrazio-organoko kideen gehiengoa<br />
izendatu duenean edo izendatzeko ahalmena duenean. Kasu horietan, kontrola dagoela ulertu<br />
behar da, eta, beraz, sozietate-talde bat dagoela, bai merkataritza-ondorioetarako (KSLren<br />
18. artikulua), bai urteko kontuen bateratzearen ondorioetarako (Merkataritza Kodearen 42.<br />
eta 43. artikuluak).<br />
Hala berean, adierazi behar da, zerga-arloan, foru-arauek arautzen dutela Sozietateen<br />
gaineko Zergari buruzko Foru Arauaren VI. tituluaren VI. kapituluan araututako zergabaterakuntzaren<br />
araubidea hautatzeko aukera dutela Sozietateen gaineko Zergan, eta arauak<br />
xedatutako berezitasunak aintzat hartuta aplikatuko litzatekeela. Hala, zerga-ondorioetarako,<br />
kooperatiba-sozietateen taldetzat hartzen da taldeburua den erakunde batek eta haren<br />
bazkide diren kooperatibek osatutako multzoa, baldin eta lehenengoak besteen gaineko<br />
erabakiak hartzeko eskumena badu, bere estatutuen arauetan ezarritakoari jarraiki. Taldeko<br />
buru diharduen erakundea kooperatiba bat edo beste edozein erakunde izan daiteke, baldin<br />
eta, azken kasu horretan, beraren helburu bakarra bada taldea osatzen duten kooperatiben<br />
epe luzerako estrategiak eta enpresa-garapenaren plangintza egitea eta koordinatzea, bertan,<br />
bazkide diren kooperatiba horitatik kanpoko beste pertsona edo erakunde batzuek partehartzerik<br />
ez dutela. Gainera, zerga-araudiak ezartzen dutenez, lotura-harremanek sortu behar<br />
dute, ezinbestean, kooperatiba bakoitzak lortutako soberakina modu solidarioan banatzeko<br />
konpromisoa. Konpromiso hori kooperatiba guztiek sinatutako eskritura publikoan jaso<br />
beharko da, bai eta haien estatutuetan ere. Birbanaketa horrek, gutxienez, soberakinaren<br />
% 25i eragingo dio, legeak hala aginduta, zergen ziozko zenbatekoak eta erreserbafuntsetara<br />
nahitaez bideratutako kopuruak kendu ondoren; banaketa taldeko kide diren<br />
kooperatibetako bazkideek egindako eragiketa, jarduera eta zerbitzu kooperatibizatuen<br />
zenbateko ekonomikoarekiko zuzenki proportzionala izango da.<br />
29.4. Kooperatiba mistoak<br />
155. artikulua.– Kooperatiba mistoak.<br />
1.– Kooperatiba mistoak dira bazkide minoritarioak dituztenak, zeinen batzar<br />
orokorreko boto-eskubidea ekarri den kapitalaren arabera modu esklusiboan edo<br />
lehentasunezkoan zehaztu ahal izango den; kapital hori kontuko idazpen edo tituluen<br />
bidez azalduko da eta balio-merkatua arautzen duen legeriaren mende egongo da.<br />
2.– Legez ezarritako kooperatiba motaren baten barruan sartu behar dira kooperatiba<br />
mistoak eta, bazkide kooperatzaileen, ez-aktiboen edo ez-erabiltzaileen, edo<br />
laguntzaileen eskubide eta betebeharren ondorioetarako, zein kooperatiba<br />
motatakoak izan, kooperatiba mota horretako arauak bete beharko dituzte.<br />
3.– Kooperatiba horietan, honela banatuko da batzar orokorrean botoa emateko<br />
eskubidea:<br />
a) Boto guztien ehuneko berrogeita hamaika, gutxienez, bazkide kooperatzaileei<br />
emango zaie, estatutuek zehazten duten proportzioan.<br />
549
LANKIDETZA EKONOMIKORAKO BESTE MODALITATE BATZUK<br />
b) Boto guztien ehuneko berrogeita bederatziko kuota, gehienez ere, botoeskubidea<br />
duten sozietate-zatien artean banatuko da, eta estatutuetan zehaztuko;<br />
estatutuek hala onartzen badute, aukera egongo da boto horiek merkatuan<br />
libreki negoziatzeko.<br />
4.– Boto-eskubidea duten sozietate-zatien kasuan, estatutuek eta, osagarri modura,<br />
kapital-sozietateei buruzko legeriak akzioen gainean xedatzen duenak ezarriko dute<br />
zein diren haien titularren eskubide eta betebeharrak eta zein den ekarpenak egiteko<br />
araubidea.<br />
5.– Bazkide-talde bakoitzak urteko soberakinetan duen partaidetza zehazteko (berdin delarik<br />
soberakinak positiboak edo negatiboak diren), kontuan izango da zer boto-portzentaje<br />
duen talde bakoitzak artikulu honetako 3. atalean aurreikusitakoaren arabera.<br />
Boto-eskubidea duten sozietate-zatien jabeei egotzi beharreko soberakinak, berriz,<br />
haietako bakoitzak jarritako kapitalaren arabera banatuko dira euren artean.<br />
Gainerako bazkideei egotzi beharreko soberakinak, berriz, bazkide horien artean<br />
banatuko dira, lege honek araubide arrunteko kooperatibentzat definitzen dituen<br />
irizpide orokorren arabera.<br />
6.– Talde bi horietakoren baten eskubideak eta betebeharrak beste era batera arautzeko,<br />
dagokion taldearen gehiengoaren adostasuna eskatuko da; adostasun hori lortzeko,<br />
taldeok nork bere botazioa egin ahal izango dute batzar orokorrean edo biltzar<br />
berezian eta partzialean.<br />
7.– Era honetako kooperatibak eratzen direnean, sortu edo aldatzen direlako, Euskadiko<br />
Kooperatiben Goren Kontseiluak baimendu ahal izango du likidazio kasuetarako<br />
estatutuek Nahitaezko Erreserba Funtsa banatzeko xedatzen dutena, aurreko 4.<br />
zenbakian azaltzen diren irizpideen arabera eta sozietatearen ondasunak banatzeko<br />
98. artikuluan ezarritako gainerako adjudikazio-arauak beteta.<br />
29.4.1. Berrikuntza nagusiak aurreko araudiaren aldean<br />
Kooperatiba mistoen erregulazioan ere ez dago aldaketarik; izan ere, 4/1993 Legearen<br />
idazketari eutsi zaio, eta 58/2005 Dekretuan araututakoaren zati bat txertatu da, lege-maila<br />
emanda.<br />
29.4.2. Iruzkin orokorra eta esanahi praktikoa<br />
Kooperatiba mistoak 4/1993 Legearen berrikuntza muturrekoenetakotzat hartu ziren.<br />
Lege hori kooperatiba mistoen izakunde juridikoa aintzat hartu zuen kooperatibei buruzko<br />
lehen legea izan zen estatuan. Eta arauketa berriaren bidez, kooperatiben egiturari lotutako<br />
enpresa-antolaketarako bide berria eskaini nahi izan zen, baina, aldi berean, merkatu gero<br />
eta lehiakorragoen erronka eta eskakizun berriei ere erreparatu zitzaien, bai baliabideak<br />
erakartzeko, bai ondasunak eta zerbitzuak ekoitzi eta banatzerakoan. Horrela eratutako<br />
izakundeak kooperatiba-egitura dauka oso-osorik, nahiz eta kapital-sozietateen berezko<br />
elementu batzuk ere gehitu bi bazkide-multzok osaturikoak, eta horien eskubideak, politikoak<br />
zein ekonomikoak, jatorri eta irismen desberdinekoak izango dira, baina sozietateak hertsiki<br />
eutsiko dio nagusia den osagai kooperatiboari.<br />
550
LANKIDETZA EKONOMIKORAKO BESTE MODALITATE BATZUK<br />
Kooperatiba mistoen ezaugarri nagusiak honako hauek dira:<br />
• Ez da kooperatiba-mota bat. 58/2005 Dekretuak arautu bezala eta oraingo EKLk<br />
jaso duen moduan, kooperatiba mistoa ez da kooperatiba-mota bat, eta, beraz,<br />
legeak araututako kooperatiben motaren baten barruan kokatu beharko dugu.<br />
Beraz, kooperatiba mistoa, a priori, edozein motatakoa (lan elkartuko, enpresazerbitzuetakoa..)<br />
edo mailatakoa (lehen mailakoa, bigarren mailakoa edo maila<br />
goragokoa) izan daiteke, eta horri mistoaren kalifikazioa gehituko genioke.<br />
• Bazkideak. Kooperatiba mistoen berezitasuna dugu bazkide-talde bat badagoela,<br />
hau da, boto-eskubidea duten sozietatearen zatien titularrak, eta batzar orokorrean<br />
botoa emateko eskubidea kooperatibari eman dioten kapitalaren arabera zehazten<br />
da, modu esklusiboan edo lehentasunez. Bai botoa duten sozietatearen zatien edo<br />
partaidetzen titularren eskubideak eta betebeharrak, bai ekarpenen araubidea estatutu<br />
sozialetan eta kooperatibak baliozkotasunez hartutako gainerako araudian edo<br />
barne-akordioetan arautzen dira. Botoa duten sozietate-partaidetzen titularra izatea<br />
bateragarria da beste edozein bazkide-mota edo modalitaterekin; beraz, bazkide<br />
langilea, erabiltzailea, kolaboratzailea, ez-aktiboa edo ez-erabiltzailea botoa duten<br />
sozietate-partaidetzen titularra izan daiteke.<br />
Botoa duten sozietate-zatien titularren eta/edo bazkide kooperatzaileen eskubide<br />
eta betebeharrei eragiten dien edozein autoerregulazio-aldaketak balioa izan dezan,<br />
dagokion taldearen gehiengoaren adostasuna behar da. Ondorio horietarako,<br />
garrantzitsua da kontuan hartzea kooperatiba mistoen beste berezitasun bat dela<br />
bazkide laguntzaileak bazkide kooperatzailetzat hartzen direla, 58/2005 Dekretuan<br />
eta oraingo EKLren 19.5 artikuluan jaso den bezala.<br />
• Batzar orokorra. Kooperatibako batzar orokorraren botoen % 51, gutxienez,<br />
estatutuetan zehaztutako proportzioan esleituko zaizkie bazkide kooperatzaileei,<br />
hau da, kooperatibaren jardueran benetan parte hartzearekin lotura zuzena duten<br />
pertsona fisiko edo juridikoei, dela langile edo erabiltzaile gisa, dela kooperatiba<br />
mistoetan kooperatzaile gisa. Nolanahi ere, bazkide kooperatzaileei esleitutako boto<br />
guztien erdia gehi bat bazkide laguntzaile ez diren bazkideei kooperatzailei esleituko<br />
zaizkie, hau da, bazkide langileei eta/edo erabiltzaileei.<br />
Batzar orokorraren botoen % 49ko gehieneko kuota botoa duten sozietate-zatien<br />
titularren artean banatuko da. Alde horiek balore-merkatua arautzen duen legeriari<br />
lotutako titulu edo kontuko idatzoharren bidez ordezkatuta egongo dira, eta sozietateestatutuek<br />
hala xedatzen badute, askatasunez negoziatu ahal izango dira merkatuan.<br />
• Emaitzetan parte hartzea. Kolektiboen artean, kooperatibako emaitza positiboetan<br />
edo negatiboetan bazkide kooperatzaileek eta botoa duten sozietate-zatien titularrek<br />
duten parte-hartzea kolektibo bakoitzak batzar orokorrean duen boto-ehunekoaren<br />
proportzioan zehazten da. Eta kolektibo edo taldeen barruan, botoa duten sozietatezatien<br />
titularrei egotz dakizkiekeen emaitzak haien artean banatuko dira ordaindutako<br />
kapitalaren proportzioan, eta bazkide kooperatzaileen kasuan, emaitzetako parte<br />
hartzea EKLn zehaztutako irizpide orokorren arabera bideratuko da (EKLren 70.<br />
artikulua).<br />
• Nahitaezko erreserba-funtsa. Kooperatiba misto horiek eratzen diren unean,<br />
551
LANKIDETZA EKONOMIKORAKO BESTE MODALITATE BATZUK<br />
lehenengoz eratu direlako do haien egitura aldatu delako, baimena eskatu ahalko<br />
zaio EKGKri, kooperatiba likidatzen bada, nahitaezko erreserba-funtsa banatzeko<br />
aukera ematen duen araua txertatzeko estatutuetan.<br />
Azken urteotako esperientzian oinarrituta, nabarmendu behar da kooperatiba misto<br />
gehienak lan elkartuko kooperatiba gisa eratu direla, eta epe ertain-luzean kooperatiba misto<br />
izateari uzteko asmo garbia dutela. Gainera, izakunde juridiko hori, batez ere, hiru helburu<br />
betetzeko erabili da:<br />
• Kooperatibako sozietate-estaldura ematea enpresa-ekimen berriei, dela kooperatibetan<br />
egon dauden jarduerak kanpora ateratzeko, dela jarduera berriak egiteko.<br />
• Kooperatibari elementu ukigarriak edo elementu ukiezinak ematen dizkioten eta<br />
sozietatean irizpide kapitalisten arabera parte hartzen duten bazkideei lekua egitea;<br />
horrela, kooperatiba-mundutik kanpoko inbertitzaileen lankidetza-proiektuetan<br />
parte hartzea erraztuko da.<br />
• Juridikoki kapital-sozietate edo bestelako sozietate gisa egituratutako enpresak<br />
kooperatiba bihurtzea. Kasu horietan, berrantolatzeko eragiketa batzuk egin behar<br />
dira kooperatiba mistoa eratzeko, eta eragiketa horiek erraztu egingo dira denboraren<br />
poderioz. Lehenengo esperientzietan, hasteko eta bat kooperatiba eratzen zen,<br />
eta ondoren lehendik zegoen enpresa xurgatzen zuen, harekin bat eginda; azken<br />
urteotan, ordea, kooperatiba ez den sozietateak zuzenean ekiten dio kooperatibasozietate<br />
bihurtzeari (EKLren 90. artikulua).<br />
Zalantzarik gabe, tresna hori funtsezkoa izan da eta izango da kooperatibagintzaren<br />
garapenean, eta babesa ematen baitie kooperatibak ez diren enpresen kooperatibizazioprozesu<br />
garrantzitsuei eta enpresa-proiektu berriei.<br />
29.4.3. Beste arau aplikagarri batzuk<br />
EKLn jasota ez dagoen guztiari dagokionez, 58/2005 Dekretuaren 23. artikuluak dakarren<br />
kooperatiba mistoen erregulazioari eutsi zaio. Bertan arautzen denez, kooperatiba mistoen<br />
estatutuetan arautzeko aukera dago EKLren 155. artikuluak xedatutako soberakinen<br />
banaketan (5. paragrafoa) kapital-ekarpenen ordainsaria eta itzulkinen gaineko partaidetza<br />
aintzat hartzea bazkide kooperatzaileentzat. Beraz, erregulazioak aukera eman du, bazkide<br />
kooperatzaileen kasuan, sozietate-estatutuek haiei dagozkien kapital-interesak soberakinen<br />
partida gisa ezar ditzaten. Era berean, 58/2005 Dekretuak argitu zuen bazkide kooperatzaileen<br />
modalitateei dagozkien eskubideak eta betebeharrak kalkulatzeko, bazkide kooperatzaileei<br />
guztira dagokien ehunekoa hartuko dela kontuan, botoa duten sozietate-zatien titularrak alde<br />
batera utzita.<br />
Kooperatiba mistoei aplika dakiekeen zerga-araubideari dagokionez, foru-araudiek<br />
zerga-arloan babestuta dauden kooperatibak izateko aukera arautu dute, baita zerbitzu- edo<br />
finantza-kooperatibak ere, besteak beste.<br />
Azkenik, EKLk berariaz xedatu duen bezala, botoa duten sozietate-zatien titularren<br />
eskubideak eta betebeharrak, hala nola ekarpenen araubidea, sozietatearen estatutuetan<br />
arautzen diren arren, kapital-sozietateen legerian akzioen inguruan xedatutakoa aplikatuko<br />
da modu osagarrian.<br />
552
30. KOOPERATIBAK ETA ADMINISTRAZIO PUBLIKOA*<br />
1<br />
156. artikulua.– Interes soziala, onura publikoa eta ekimen soziala.<br />
1.– Euskal Autonomia Erkidegoko botere publikoek beren gain hartzen dute, interes<br />
sozialeko funtzio modura, kooperatibak eurak eta kooperatibek enpresa integratu<br />
eta ordezkatzeko dituzten egiturak sustatu, bizkortu eta garatzeko lana.<br />
Era berean, eta betiere enpresen ordezkagarritasunari buruz indarren dauden<br />
erregelak eragotzi gabe, Euskadiko Kooperatiben Erregistroan inskribatuta<br />
dauden eta jarduera egiaztatuta duten kooperatiben ehuneko hirurogei baino<br />
gehiago elkartzen duen entitatea jotzen du berariazko agente sozialtzat, euskal<br />
kooperatibismo osoaren bitartekari eta ordezkaritzat, edo, kooperatiba horietako<br />
bazkide kopurua Erregistro horretan inskribatuta dauden eta jardunean ari diren<br />
kooperatibetako bazkide guztiekiko ehuneko bera baino handiagoa denean.<br />
Eusko Jaurlaritzak kooperatiba-sistema aplikatzeko aukerei buruzko informazioa<br />
sustatuko du, batez ere enplegu berriak sortzeko eta Euskal Autonomia Erkidegoko<br />
enpresa txiki eta ertainen arazoei aurre egiteko, eta zabalkunde-, prestakuntza- eta<br />
orientazio-programak egitea bultzatuko du, informazio hori guztia gizarte-solaskide<br />
guztiei zabaltze aldera. Eginkizun honetarako, bestalde, Euskadiko Kooperatiben<br />
Goren Kontseiluaren laguntza eskatuko du.<br />
2.– Eusko Jaurlaritzak onura publikoko kooperatibatzat joko ditu beren funtzioak<br />
garatu eta Euskal Autonomia Erkidegoko interes orokorra sustatzen laguntzen<br />
duten kooperatibak, betiere erregelamenduz ezartzen diren prozedura, araubide eta<br />
betekizunen arabera.<br />
Eskubide hauek izango dituzte onura publikoko deklarazioa lortzen duten<br />
kooperatibek:<br />
a) Dokumentu guztietan, «onura publikokoa» aipamena erabiltzea entitatearen<br />
izenaren ondoan.<br />
b) Beren iritzia entzunda izatea, dagokien federazio edo konfederazioen bidez,<br />
beren jarduerari zuzenean lotutako xedapen orokorrak edo beraientzako<br />
programa garrantzitsuak prestatzen direnean.<br />
c) Kasu bakoitzean onartzen diren salbuespenak, hobariak, dirulaguntzak eta<br />
gainerako onura ekonomiko, fiskal eta administratiboak izatea.<br />
3.– Alde batera utzita zer motatakoak diren, irabazi-asmorik gabeko kooperatibaentitateak<br />
gizarte-ekimeneko kooperatibatzat joko dira, baldin eta helburu sozialtzat<br />
badute asistentzia-zerbitzuak ematea osasun- hezkuntza- eta kultura-jardueren edo<br />
gizarte-izaerako bestelako jarduera batzuen bidez, edo helburutzat badute gizartebazterketa<br />
jasaten duten pertsonen laneratzea eta, oro har, merkatuak erantzuten<br />
* Xabier Iriondo Arana jaunak, Eusko Jaurlaritzaren Gipuzkoako Lan eta Gizarte Segurantzaren<br />
Ordezkaritzako aholkularitza juridikoaren arduradunak, egindako iruzkina.<br />
553
KOOPERATIBAK ETA ADMINISTRAZIO PUBLIKOA<br />
ez dituen gizarte-premiak asetzea; betiere erregelamenduz ezarritako prozedura,<br />
araubidea eta betekizunen arabera.<br />
4.– Lan-arloko eskumena duen sailaren bidez jardungo du Eusko Jaurlaritzak<br />
kooperatibismoko arloan, eta sail horri behar dituen baliabide pertsonal eta<br />
materialak jarriko dizkio dituen sustapen-, zabalkunde-, prestakuntza-, ikuskaritzaeta<br />
erregistro-funtzioak bete ditzan, hargatik eragotzi gabe beste sail batzuek ere<br />
betetzea beren eskumenak, aplikatu beharreko legeri espezifikoak onartzen dizkienak.<br />
157. artikulua.– Kooperatibismoa sustatu eta zabaltzeko neurriak.<br />
1.– Euskal Autonomia Erkidegoko botere publikoek, nork bere eskumen-eremuan,<br />
kooperatibismoaren printzipio eta balioak aztertzea eta zabaltzea bultzatuko dute<br />
eta kooperatiben jarduera ekonomikoak sustatuko dituzten ingurune sozial eta<br />
ekonomikoak ahalbidetuko dituzte; horretarako, teknologia- eta antolamenduberrikuntzetarako<br />
irispidea erraztuko diete eta sozietate kooperatiboek dituzten<br />
ekimenak bultzatuko dituzte.<br />
2.– Bereziki, sustapen-neurri hauek hartuko dituzte:<br />
a) Ziurtatuko da Euskal Autonomia Erkidegoko kooperatiba-mugimenduak<br />
erakunde-ordezkaritza izatea lege honen 156.1 eta 163.2 artikuluetan aipatutako<br />
terminoetan, eta bultzatuko da kooperatibismoak ordezkariak eta solaskideak<br />
izatea kontsulta- eta erabakitze-eremuetan eta erakunde-ordezkaritzako<br />
organismoetan, baita hori pixkanaka araudian kontsolidatzea ere.<br />
b) Zerga-kalifikazioa gorabehera, kooperatibak handizkariak izango dira; beraz,<br />
haiei dagozkien prezioak eta tarifak aplikatuko zaizkie, eta txikizkari gisa<br />
zehaztu ahal izango dituzte banaketak edo salmentak.<br />
Ez dira salmentatzat joko kooperatibek bazkideei entregatzen dizkieten<br />
ondasunak eta zerbitzuak, kooperatibek berek sortzen dituztenak edo beren<br />
helburuak betetzeko hirugarren ez-bazkideei erosten dizkietenak.<br />
c) Legez onartutako edozein figura juridikoren bitartez beren enpresak kontzentratzen<br />
dituzten kooperatibek enpresa-taldekatzeari eta enpresa-kontzentrazioari buruzko<br />
legeriak eskaintzen dituen onurak izango dituzte.<br />
d) Euskal administrazio publikoek eta beren mendeko entitateek bultzatuko dute<br />
sozietate kooperatiboen lehenespen-eskubidea jaso dadila, administraziobaldintzen<br />
orrian berdinketa hausteko jasotzen diren irizpideen artean, beraiek<br />
deitutako obra-, zerbitzu- eta hornidura-kontratuetako adjudikazioetan, Sektore<br />
Publikoko Kontratuei buruzko azaroaren 8ko 9/2017 Legean ezarritakoari<br />
jarraituz.<br />
e) Artikulu honetako 2. atalean zehaztutako handizkari-izaera eragotzi gabe,<br />
kontsumo-kooperatibak kontsumitzaile zuzentzat joko dira ondorio guztietarako,<br />
betiere hirugarren ez-bazkide batzuek zuzkitu edo hornitzen badizkiete beren<br />
eginkizunak garatzeko behar dituzten produktu edo zerbitzuak.<br />
f) Ondorio guztietarako, lehen mailako transformazio-izaera duten kooperatiba<br />
barneko jardueratzat joko dira nekazaritzako eta elikagaien kooperatibek<br />
554
KOOPERATIBAK ETA ADMINISTRAZIO PUBLIKOA<br />
eta haiek taldean biltzen dituzten bigarren mailako edo maila handiagoko<br />
kooperatibek produktu edo gaien bitartez, are hirugarren ez-bazkideek hornituak<br />
ere, gauzatzen dituzten eragiketak, baldin eta produktu edo gai horiek bazkideen<br />
ustiategietarako baino ez badira bideratzen.<br />
g) Beren helburu soziala betetzeko, onura publikokoak deklaratutako etxebizitzakooperatibek<br />
kudeaketa publikoko lursailak erosi ahal izango dituzte zuzeneko<br />
adjudikazio-sistemaren bidez.<br />
h) Hezkuntza-arloan, Eusko Jaurlaritzak deialdi espezifikoak bultzatuko ditu,<br />
bere eskumenen eremuan, ikaskuntza-kooperatibetan egindako inbertsioak<br />
finantzatzen laguntzeko, eta, hezkuntza-programak sustatuz, kooperatibismoaren<br />
balioak eta printzipioak sartzeko hezkuntza-sistemako maila guztietako hezkuntzacurriculumetan,<br />
haur-hezkuntzatik hasi eta unibertsitate-prestakuntzara iritsi<br />
arte.<br />
i) Euskal Autonomia Erkidegoko Administrazio publikoak neurriak hartuko ditu<br />
kooperatiben presentzia kuantitatiboa eta kualitatiboa sustatzeko hainbat<br />
sektoretan; esate baterako, landa-garapenean, mendekotasunean, gizarteratzeko<br />
sektorean eta laguntza-jardueretan. Horretarako, bere eskumenak egikaritu, eta<br />
kooperatibek kontratazio publikoko prozeduretan parte hartzea sustatuko du.<br />
j) Euskal Autonomia Erkidegoko Administrazio publikoak aholkularitza-, laguntzaeta<br />
babes-neurriak ezarriko ditu, gizarte-ekonomia sustatzeko programen<br />
esparruan, krisi enpresarialeko prozesuetatik sor daitezkeen proiektu<br />
kooperatiboen bideragarritasunerako.<br />
3.– Euskal Autonomia Erkidegoko botere publikoek kooperatibak sortzea eta haiek<br />
zerbitzu publikoen kudeaketan parte hartzea bultzatuko dute, zerbitzu publikoak<br />
garatzeko eta hobetzeko.<br />
Ildo horretan, botere publikoek aurreikusi ahal izango dute zerbitzu publikoko<br />
sozietate kooperatiboak sortzea zerbitzu publiko horiek emateko, kontratazio<br />
publikoko araubidea erregulatzen duten legezko eta erregelamenduzko xedapenen<br />
arabera; zerbitzu horietatik kanpo utziko dira agintaritza publikoa erabiltzea<br />
eskatzen duten zerbitzu publikoak. Sozietate kooperatibo horietan, bazkide<br />
sustatzaile modura parte hartuko dute eskumena duten entitate publikoek eta, hala<br />
badagokio, eta kontratazio publikoko printzipioei jarraituz, sektorean esperientzia<br />
dutela erakusten duten entitate pribatuek; era berean, kooperatibaren helburu<br />
sozialaren parte diren zerbitzuen erabiltzaileek eta sozietatean lan egiten duten<br />
bazkide langileek ere parte hartu ahal izango dute. Nolanahi ere, entitate publiko<br />
sustatzaileek kontrolatuko dituzte zerbitzu publikoak emateko baldintzak.<br />
158. artikulua.– Kooperatiba-ikuskaritza.<br />
1.– Eusko Jaurlaritzan lan-eskumena duen sailari dagokio ikuskaritza-funtzioak<br />
egikaritzea lege hau betetzen dela ikuskatzeko, hargatik eragotzi gabe Eusko<br />
Jaurlaritzako sailek edo beste administrazio publiko batzuek ere funtzio horiek bete<br />
ahal izatea nork bere eskumenen arabera.<br />
555
KOOPERATIBAK ETA ADMINISTRAZIO PUBLIKOA<br />
2.– Batez ere, prebentziorako eta lege hau hobeto betetzen laguntzeko egikarituko da<br />
ikuskaritza-funtzioa. Ikuskaritzak, bestelako jarduketak egin baino lehenago, eskatu<br />
ahal izango du, betiere kasu bakoitzeko egoerek aholkatzen dutenean eta eskubide<br />
legitimoen titularrei kalterik eta galerarik eragin gabe.<br />
3.– Ikuskaritzaren xede den jokaera zuzendu eta konpontzeak errugabetzea eta<br />
ikuskaritza-espedientea amaitzea eragingo du.<br />
159. artikulua.– Kooperatiben arau-hausteak.<br />
1.– Lege honetan arau-hauste gisa tipifikatutako ekintzen eta ez-betetzeen erantzule dira<br />
sozietate kooperatiboak, administratzaileak, zuzendari eta kudeatzaileak, ahaldunak<br />
eta zaintza-batzordeko kideak eta likidatzaileak, betiere dena delako arau-hauste<br />
edo ez-betetzea pertsonalki egotzi ahal zaien neurrian.<br />
2.– Arau-hauste oso astunak dira:<br />
a) Soberakin baliagarrien inguruan lege honek aipatzen dituen gutxieneko<br />
portzentajeak ez zuzentzea Nahitaezko Erreserba Funtsera eta kooperatibaheziketa<br />
eta -sustapenerako eta interes publikoko beste helburu batzuetarako<br />
ekarpenera.<br />
b) Kooperatiba-heziketa eta -sustapenerako eta interes publikoko beste helburu<br />
batzuetarako ekarpena ez aplikatzea lege honek zehazten duen moduan.<br />
c) Bazkideen artean banatzea nahitaezko gizarte-funtsak, erreserba-funts<br />
banaezinak edo likidazioaren ondorioz geratzen den ondasun garbia, eta,<br />
horrela, lege honek aurreikusitakoa haustea.<br />
d) Lege honetan aitortutako kooperatiba-printzipioak nabarmenki haustea, edo<br />
kooperatibaren figura tresna modura edo faltsuki erabiltzea kooperatibarekin<br />
zerikusirik ez duten helburuak ezkutatzeko.<br />
3.– Arau-hauste astunak dira:<br />
a) Orokorrean edo behin eta berriro urratzea bazkideen eskubideak, proposamenak<br />
egiteari, informazioa jasotzeari eta parte hartzeari buruzkoak.<br />
b) Galerak egozteari buruzko lege-xedapenak urratzea.<br />
c) Kooperatibak konpentsatu gabeko galerak dituenean, ez betetzea kooperatibako<br />
balantzearen erregularizazioaren emaitzaren helmugari buruzko arauak.<br />
d) Lege-xedapenak urratuta sozietatearen kapitalari egin beharreko ekarpenen<br />
interesak sortzea.<br />
e) Legeak hirugarren ez-bazkideekin espresuki debekatzen dituen eragiketak egitea.<br />
f) Objekzioak jartzea eragozpenak jartzearren Administrazioak jarritako salaketaidazkiaren<br />
bidez egiaztatutako ikuskatze-lana egin ez dadin, edo ez onartzea<br />
halako lanik egitea.<br />
g) Besteren konturako langileak kontratatzean, legeak araututako mugak gainditzea.<br />
4.– Arau-hauste arinak dira lege honetan ezarritako debekuak urratzea, betiere<br />
gatazkarik sortzen ez badute alderdien artean eta ezin badira jo astuntzat edo oso<br />
astuntzat.<br />
556
KOOPERATIBAK ETA ADMINISTRAZIO PUBLIKOA<br />
160. artikulua.– Kooperatiben zehapenak.<br />
1.– Isun hauekin zehatuko dira arau-hausteak: arinak, 300 eurotik 1.000 eurora arte;<br />
astunak, 1.001 eurotik 3.000 eurora arte; eta oso astunak 3.001 eurotik 30.000<br />
eurora arte, eta bide emango dute kooperatiba deskalifikatzeko, bat etorriz hurrengo<br />
artikuluan erregulatzen denarekin.<br />
2.– Arau-hauste arinak, astunak eta oso astunak mailakatu egingo dira gutxieneko<br />
zehapena aplikatzeko, erdikoa aplikatzeko edo zehapenik handiena aplikatzeko;<br />
horretarako, kontuan izango da zer garrantzi duten, zer ondorio duten ekonomian<br />
eta gizartean, eta nola jokatzen duten arau-hausleek (asmo txarrez, faltsukeriaz,<br />
engainatzeko asmoz edo arau-haustean berreroriz), eta zein den zehatutako<br />
kooperatibaren ahalmen ekonomikoa edo eragiketa-bolumena, eta zenbatekoa den<br />
ukitutako pertsonen kopurua, berdin izanik pertsona horiek bazkideak diren ala ez.<br />
Zehapenak mailakatzeko, bestalde, kontuan hartuko da ea aurretik ikuskatze aldian<br />
egindako ohartarazpenak eta errekerimenduak bete diren ala ez, edo kooperatibak<br />
bete dituen ala ez hartutako konpromisoak.<br />
3.– Arau-haustean berreroriz gero, goragoko mailan kalifikatu ahal izango da arauhaustea.<br />
Berrerortzetzat joko da lehendik zehapen-prozedura operatibo batean<br />
zehatu den, eta irmo bilakatu den, arau-hauste baten maila bereko edo maila<br />
handiagoko besta arau-hauste bat egitea.<br />
Aurreko zehazpena irmo bilakatu eta bi urte igaro ostean, ez da berrerortzetzat joko<br />
beste arau-hauste bat egitea. Nolanahi ere, arau-haustea behin eta berriro eginez<br />
gero, zehapen gehigarri bat ere ezarri ahal izango da, isun nagusi modura ezarri<br />
denaren ehuneko hogeira artekoa izan daitekeena.<br />
4.– Epe hauetan preskribatuko dira lege honetan ezarritako arau-hausteak: arau-hauste<br />
arinak, sei hilabetera; astunak, urtebetera, eta oso astunak, azkenik, bi urtera.<br />
Arau-hausteen preskripzio-epea arau-haustea egin zen egunetik aurrera hasiko da<br />
kontatzen.<br />
5.– Epe hauetan preskribatuko dira ezarritako zehapenak: oso astunengatik ezarritakoak,<br />
bi urtera; astunengatik ezarritakoak, urtebetera, eta arinengatik ezarritakoak, sei<br />
hilabetera. Zehapenen preskripzio-epea hasiko da kontatzen zehapena ezartzen<br />
duen ebazpena gauzatu daitekeen egunetik aurrera edo hura errekurritzeko epea<br />
igarotzen denetik aurrera.<br />
6.– Eusko Jaurlaritzan lan-arloko eskumenak dituen sailari dagokio zehatzeko ahala<br />
egikaritzea, honako eskuduntza hauei jarraikiz:<br />
a) Ekonomia sozialaren arloko zuzendaritza eskudunaren titularrari dagokio arauhauste<br />
arin eta astunengatiko zehapenak ezartzea.<br />
b) Ekonomia sozialaren arloko zuzendaritza eskuduna bere mende duen<br />
sailburuordetzaren titularrari dagokio arau-hauste oso astunengatiko zehapenak<br />
ezartzea.<br />
7.– Eusko Jaurlaritzan lan-arloko eskumena duen sailari dagokio proposatzea onar<br />
557
KOOPERATIBAK ETA ADMINISTRAZIO PUBLIKOA<br />
dadin kooperatiba zehatzeko prozedura arautzen duen erregelamendua, zeina<br />
egingo baita Administrazioaren zehapen-araubidea eta haren printzipio eta<br />
bermeak aplikatzeko legeriaren arabera. Ezin izango da, inoiz, zehapenik ezarri<br />
baldin eta aurretik ez bada egin dagokion espedientea arestian adierazitako<br />
printzipio eta bermeen arabera.<br />
Ustezko arau-hauste oso astunengatik egindako zehapen-espedienteak<br />
ebazteko, aurretiko txostena eman beharko du Euskadiko Kooperatiben Goren<br />
Kontseiluak, eskaera egin ondorengo hirurogei egunetan; epe horretan eman<br />
ezean, egintzat joko da izapidea.<br />
161. artikulua.– Kooperatiba deskalifikatzea.<br />
1.– Honako hauek izan daitezke kooperatibak deskalifikatzeko arrazoiak:<br />
a) Lege honen 159.2 artikuluan oso astuntzat jotzen diren arau-hausteak egitea,<br />
baldin eta ekonomian edo gizartean kalteak eragiten badituzte edo eragin<br />
ahal badituzte, edo kooperatiba-printzipioak behin eta berriro eta nabarmenki<br />
urratzen badituzte.<br />
b) Kooperatiben organo sozialek jarduerarik ez izatea edo haien helburu soziala ez<br />
betetzea hiru urtean eta gehiago jarraian.<br />
c) Oro har, sozietatea kooperatiba moduan kalifikatu ahal izateko beharrezkoak<br />
diren baldintzak galtzea edo haiek ez betetzea, salbu eta kooperatiba<br />
deuseztatzeko arrazoiak daudenean.<br />
d) Zehapen-espediente baten ondorioz emandako ebazpen irmoa, aurreko<br />
artikuluan adierazten denaren ondorioz emana.<br />
2.– Eusko Jaurlaritzan lan-arloko eskumena duen sailak jakiten duenean kooperatiba<br />
bat deskalifikatzeko arrazoia dagoela, errekerimendua egingo dio kooperatiba horri,<br />
zuzendu beharrekoa zuzen dezan, gehienez ere sei hilabeteko epean, jakinarazpena<br />
jasotzen duenetik edo errekerimendu hori argitaratzen den unetik aurrera kontaturik.<br />
Errekeritutakoa ez betetzeak deskalifikazio-espedientea hastea ekarriko du.<br />
3.– Kooperatiba deskalifikatzeko prozedura horrek honako berezitasun hauek izango<br />
ditu administrazio-prozedura erkidea zuzentzen duten arau orokorren aldean:<br />
a) Eusko Jaurlaritzan lan-arloaren eskumena esleituta duen sailburuak izango du<br />
deskalifikatzeko erabakia hartzeko eskumena, dagokion kontraesan-prozedura<br />
bete eta Euskadiko Kooperatiben Goren Kontseiluak aldez aurreko txostena<br />
eman eta gero, zeina hirurogei eguneko epean, txostena formalki eskatzen<br />
denetik, eman beharko baitu; epearen barruan egiten ez du, egintzat joko da<br />
izapidea. Deskalifikatzeko prozeduraren ondorioetarako, ez dira lotesleak<br />
izango Euskadiko Kooperatiben Goren Kontseiluaren txostenak.<br />
b) Entzunaldiaren nahitaezko izapidea betetzean, administratzaileen bidez<br />
pertsonatuko da kooperatiba, edo, halakorik ez badago, gutxienez hiru bazkide<br />
pertsonatuko dira. Kooperatiba pertsonatzen ez bada, betetzat joko da izapidea,<br />
eta ohar bat argitaratuko da, gutxienez bitan, Euskal Herriko Agintaritzaren<br />
Aldizkarian, eta beste horrenbeste aldiz egunkari batean: zein udalerritan<br />
558
KOOPERATIBAK ETA ADMINISTRAZIO PUBLIKOA<br />
dagoen kooperatibaren sozietate-egoitza, udalerri horretan zabalkunde handia<br />
duen egunkari batean.<br />
c) Bide judizialetik berrikusi ahal izango da deskalifikatzeko administrazioebazpena,<br />
administrazio-bidea amaitzen duena, eta ezin izango da inola ere<br />
betearazi harik eta epai hori berresten duen epai irmoa eman arte.<br />
4.– Behin deskalifikatzeko ebazpena irmoa denean, ofizioz izango ditu erregistroondorioak,<br />
eta horrek ekarriko du kooperatiba desegitea edo transformatzea, sei<br />
hilabeteko epean, administrazio-ebazpena betearazlea denetik aurrera kontaturik.<br />
Epe hori amaitu eta gero, deskalifikazioak kooperatiba desegitea ekarriko du<br />
nahitaez. Une horretatik aurrera, administratzaileek, zuzendari kudeatzaileek<br />
eta, hala badagokio, likidatzaileek, pertsonalki eta solidarioki erantzungo dute<br />
sozietatearen zorrengatik, beren artean eta kooperatibarekin,<br />
162. artikulua.– Kooperatibetan aldi batean esku hartzea.<br />
1.– Kooperatiba baten funtzionamenduan diren irregulartasunen ondorioz premiazko<br />
neurririk hartu behar bada bazkideen edo hirugarren ez-bazkide batzuen interesak<br />
larriki ez lesionatzeko, Eusko Jaurlaritzan lan-arloko eskumena esleituta duen<br />
sailak honako neurri hauek hartu ahal izango ditu –ofizioz edo edozein interesdunek<br />
arrazoiak eman eta eskatuta– kooperatiban esku hartzeko aldi batean:<br />
a) Kontu-hartzaile bat edo gehiago izendatzea; kontu-hartzaile horrek ahalmena<br />
izango du batzar orokorreko deia egiteko eta haren eguneko gai-zerrenda<br />
ezartzeko eta batzarburu jarduteko.<br />
b) Kontu-hartzaile bat edo gehiago izendatzea kooperatibako organoak gainbegiratu<br />
eta kontrolatzeko; kontu-hartzaile horiek onartu ezean, kooperatibaren erabakiek<br />
ez dute baliorik izango, eta erabat deusezak izango dira.<br />
c) Aldi baterako etetea kooperatibako administratzaileen jardute-ahalmena, eta<br />
behin-behineko administratzaile bat edo gehiago izendatzea haien funtzioak<br />
beregana ditzaten.<br />
2.– Neurri horiek hartu aurretik, txostena eman beharko du Euskadiko Kooperatiben<br />
Goren Kontseiluak, luzatu ezineko hamabost eguneko epean; epe hori igaro eta<br />
gero, izapide hori egintzat joko da.<br />
3.– Eusko Jaurlaritzan lan-arloko eskumena duen sailburuak erabaki du aldi batean esku<br />
hartu behar den eta, horretarako arrazoiak desagertuta, neurri hori bertan behera<br />
utzi behar den. Erabaki horiek indarra izango dute Euskal Herriko Agintaritzaren<br />
Aldizkarian argitaratzen diren egunetik aurrera.<br />
30.1. Sarrera<br />
30.1.1. III. tituluaren justifikazioa. Esku-hartze publikoa kooperatiben arloan<br />
Espainiako Konstituzioak hauxe dio 129.2 artikuluan: “Botere publikoek bultzatuko dituzte<br />
egiazki entrepresan parte-hartze era ezberdinak eta bizkortuko, legislapen egoki baten<br />
559
KOOPERATIBAK ETA ADMINISTRAZIO PUBLIKOA<br />
bidez, kooperatiba elkarteak. Baita jarriko dituzte bideak langileek haien bitartez ekoizpen<br />
medioetako propietatean sarbiderik izan dezaten ere”.<br />
Kooperatiba-sozietateak “gizarte-intereseko” enpresak direla, erakunde irekiak direla,<br />
funtzionamendu demokratikoa dutela, bazkideen partaidetza ekonomikoa dutela edo<br />
komunitate-sentimendua lantzen dutelako ideiek, azken batean, azaltzen dute gizarteekonomiak<br />
gure ordenamendu juridikoan duen begirune handia.<br />
Arlo bateko administrazio-jarduera, nagusiki pribatua izan beharko litzatekeena, kooperatibasozietateak<br />
sustatzeko eta laguntzeko modukoa dela uste dute administrazioek.<br />
Esku-hartze publiko hori, kooperatiben legezko aintzatespena arautzeaz eta erregistroko<br />
prozedura konplexu samarrak ezartzeaz gain, kooperatibak badirela egiaztatzeko sozietateek<br />
betekizun formal jakin batzuk betez (kontuak gordailatzea, bazkideen liburuak, artezkaritzaorganoak,<br />
akordioak…), bi modutan garatzen da nagusiki:<br />
- Kooperatibagintza sustatzeko, bultzatzeko eta zabaltzeko politika publikoak.<br />
- Polizia- edo ikuskapen-lana.<br />
Sustapen-jarduerari dagokionez, Baleren Bakaikoa eta Jon Morandeira ikertzaileek<br />
egindako lana, «El cooperativismo vasco y las políticas públicas» (Ekonomiaz, 79 zk., 1.<br />
lauhilekoa, 2012, 234-263 orr.) egindako ikerketa-lana aipatuko dugu eta, besterik gabe,<br />
nabarmen nahi dugu gutxi bai gutxi direla agintariek kooperatiba-sustapena zalantzan jartzen<br />
duten adibideak.<br />
Hala eta guztiz ere, administrazio publikoak kooperatiben esparruan egiten duen poliziajarduera<br />
zalantzan jarri da doktrinaren hainbat esparrutatik; Ildo horretan, Maria Burzaco<br />
Samper andreak egindako azterlana aipatu behar dugu: «LA INTERVENCIÓN PÚBLICA EN<br />
LAS SOCIEDADES COOPERATIVAS. El inadecuado papel de las administraciones públicas<br />
como garantes de los principios y valores cooperativos mediante el ejercicio de la potestad<br />
sancionador» (CIRIEC-Espainia. Aldizkari juridikoa, 27/2015 zenbakia, 1-40 orr.).<br />
Iruzkin hau ez da, ez hedaduraz, ez xedez, eztabaida hori pizteko lekurik egokiena, eta<br />
eztabaida hori egon badagoela, polizia-lana egiteko moduak ukitzen dituela eta laster horren<br />
inguruan hausnartu beharko dela besterik ez dugu esango; izan ere, zehapen-prozeduraren<br />
erregelamendua prestatzen aritu beharko lirateke, legearen azken xedapenetako laugarrenak<br />
urtebeteko epea eman baitzion legegileari onartzeko, legea indarrean hasi zenetik<br />
Arrazoitu daiteke sustapen-jardueraren aurkiak zaintza- eta kontrol-binperra edo ifrentzua<br />
izan behar duela, Burzaco Samperrek dioen bezala, “…sustapenak, inolako zalantzarik gabe,<br />
sustatutako jarduera fiskalizatzea eskatzen du, neurri zehatz bakoitza jar baitaiteke kontrol<br />
horren mendean, kooperatibismoa sustatzeko printzipio orokor batek esku hartzeko araubide<br />
berezia ezartzea ahalbidetzen ez badu ere”.<br />
Nolanahi ere den, iruzkin honetan, 11/2019 Legearen berritasunak ahal den neurrian aletzera<br />
mugatuko gara, kooperatiba-sustapenari eta -ikuskaritzari dagokienez, nahiz eta lehenago<br />
adierazi printzipio kooperatiboen babesa dela, zalantzarik gabe, kooperatiba-sozietateen<br />
bizitzan esku-hartze publikoa justifikatzen duen arrazoietako bat, eta halaxe nabarmendu du<br />
legeak berak lehen aurreproiektutik bertatik.<br />
560
KOOPERATIBAK ETA ADMINISTRAZIO PUBLIKOA<br />
1993ko Legeak artean nabarmendu zuen kooperatiben legezkotasuna betetzeko bermearen<br />
garrantzia, hau da, kooperatibaren polizia- edo ikuskapen-jarduera, eta zehapen-prozedura<br />
espezifikoa arautzeko beharra antzeman zen, baina gaurdaino ez da halakorik egin.<br />
Eta helburu horrekin bat hasi zen Euskadiko Kooperatiben Lege berria izapidetzen.<br />
Enplegu eta Gizarte Politiken sailburuaren 2015eko apirilaren 29ko Aginduak, Euskadiko<br />
Kooperatiben Lege Aurreproiektua egiteko prozedura hasi zuenak, honako hau adierazi<br />
zuen: “berrikusi beharreko alderdi garrantzitsuetako bat dugu administrazioak kooperatibaaraudia<br />
betetzen dela bermatzeko duen zeregina; hau da, arau-hausteak, dagokion<br />
ikuskapen-funtzioa beteta, eta zehapenak, kooperatiba-arlo horretan”.<br />
Hauxe dio esandako aginduak: “izan ere, ulertzen da kooperatiben funtsezko alorretara<br />
mugatu behar dela Administrazioaren zeregina: bazkideek parte hartzea edo akordioak<br />
hartzea –demokrazia kooperatiboaren egikaritze efektiboa– eta elkartasuna –funts<br />
banaezinak edo aplikazioak–, eta Administrazioak alde batera utzi behar dituela beste<br />
alderdi formal edo operatibo batzuk, merkatuan diharduten gainerako sozietateen antzekoak<br />
direnak eta zuzeneko loturarik ez dutenak kooperatiben berezko eta kooperatibak bereizten<br />
dituzten gaiekin. Hau da, enpresa mota hori «gizarte-intereseko» bihurtzen duten alderdiak<br />
landu behar dira, horrek legitimatzen baitu esku-hartze publikoa”.<br />
Beraz, 2015eko apirilaren 29an, Euskadiko Kooperatiben Legearen aurreproiektua prestatzeko<br />
prozedura era formalean hasi zenean, berrikusteko moduko alderdi garrantzitsuetako bat<br />
izan zen, hain zuzen ere, administrazioaren eginkizuna kooperatiba-araudia betetzen dela<br />
bermatzeko, eta hori “arau-hausteen bidez, ikuskapen-funtzio egokia beteta”.<br />
Hala, legearen izapidetzea etorri zen, eta zioen azalpenean nabarmendu da administraziojardunaren<br />
modua eta intentsitatea eguneratu behar direla, (a) kooperatiba-sustapenari eta<br />
(b) legezkotasuna betetzen dela kontrolatzeari dagokienez.<br />
Lehenengo alderdiari gagozkiola, (a) kooperatiben sustapena, aurreproiektuak bazekarren<br />
ondoko helburua: “lankidetza publiko eta pribatuko zenbait sektore-alderdi osatzea,<br />
lan elkartuko kooperatibei, kontsumoari, nekazaritzako elikagaien kooperatibei edo<br />
etxebizitzei dagokienez (hala nola hezkuntzaren, landa-garapenaren, mendekotasunaren eta<br />
gizarteratzearen arlokoak) aurreikusita zeudenei gehituta, eta kooperatiba-mugimenduaren<br />
ordezkaritza instituzionala azpimarratu nahi da, kooperatibismoaren presentzia sustatuta<br />
hainbat kontsulta- eta erabaki ekonomikotako esparrutan”.<br />
Aipatutako eremuetako bigarrenean (b) legezkotasuna betetzen dela kontrolatzea,<br />
aurreproiektua askoz ere asmo handiagokoa zen; izan ere, adierazi zen zaharkituta zeuden<br />
alderdiak berritzeko beharra zegoela une horretan, eta horietako bat “administrazioak<br />
betetzen duen polizia-eginkizuna arau-hausteei buruzkoa da, eta horri dagokion ikuskapenfuntzioa<br />
bete behar dela, bai eta zehapenak ezarri ere, euskal kooperatiben funtsezko legeria<br />
urratzeagatik”.<br />
Aurreproiektuak adierazi zuen beharrezkoa zela egun ezarritako arau-hausteen eta<br />
zehapenen araubidea aztertzea, “ez araubidea garatzeko, berrikusteko baizik; batez ere,<br />
kontuan harturik euskal kooperatibek aldi horretan izan duten enpresa- eta sozietatebilakaera,<br />
alde batetik, eta, bestetik, arau-hausteen eta haiei dagozkien zehapenen egungo<br />
561
KOOPERATIBAK ETA ADMINISTRAZIO PUBLIKOA<br />
tipifikazioa, administrazioaren tutoretza eta gainbegiratzearen ikuspegian errotutako<br />
arauketa batean oinarritzen dela eta, horregatik, berrikusi behar da”.<br />
Administrazioaren esku-hartzearen justifikazio horrekin eta helburu horiekin abiatu zen<br />
Euskadiko Kooperatiben Legearen izapidetzea. Eta iruzkin honetan azaltzen saiatuko garen<br />
moduan, izapidetzeak arrakasta handiagoa edo txikiagoa izan du eremuaren arabera, hots<br />
kooperatiba-sustapena edo kooperatiben legezkotasuna betetzen dela kontrolatzea.<br />
30.1.2. III. tituluaren izapidetzea. Aurreproiektuak, proiektua eta legea<br />
Aurreko atalean adierazi dugun bezala, Enplegu eta Gizarte Politiken sailburuaren<br />
2015eko apirilaren 29ko Agindua emateaz batera hasi zen izapidetzea. Agindu horren bidez,<br />
Euskadiko kooperatiben lege-aurreproiektua prestatzeko prozedura hasi zen.<br />
Horrela, 4 urte geroago, aztergai dugun legeak amaitu zuen bidea hasi zen.<br />
III. tituluari dagokionez (“Kooperatibak eta administrazio publikoa” izenekoa), esan<br />
beharra dago lege-proiektuak hainbat aldaketa izan dituela EHAAn argitaratu arte, eta, atal<br />
honetan, berritasun azpimarragarrienak azalduko ditugu.<br />
Xedapen orokorrak egiteko prozedurari buruzko abenduaren 22ko 8/2003 Legeak<br />
ezarritakoa betez (EHAA, 254. zk., 2003ko abenduaren 30ekoa), lege-proiektuak zenbait<br />
txosten eta irizpen jaso zituen, eta horien bitartez landu zen gaur egun daukan forma eta<br />
edukia. Txosten-irizpen guztietatik, bi azpimarratuko ditugu, III. tituluan duten eraginagatik:<br />
Euskadiko Ekonomia eta Gizarte Arazoetarako Batzordearen (EGAB) 21/2015 Irizpena,<br />
2015eko azaroaren 11koa, eta Euskadiko Aholku Batzorde Juridikoko (EABJ) 66/2016<br />
Irizpena, 2016ko apirilaren 27koa.<br />
EGABen eta EABJren irizpenei lotutako lege-aurreproiektuak 154 artikulu, 5 xedapen<br />
gehigarri, 2 xedapen iragankor, xedapen indargabetzaile bakarra eta 5 azken xedapen zituen.<br />
Lege-proiektuaren III. tituluak, “Kooperatibak eta administrazio publikoa” izenekoak,<br />
ondoko artikuluak jasotzen zituen jatorrian: 145. artikulua, Interes soziala eta onura<br />
publikoa; 146. artikulua, Kooperatibismoa sustatu eta zabaltzeko neurriak; 147. artikulua,<br />
Kooperatiba-ikuskaritza; 148. artikulua, Kooperatiben arau-hausteak; 149. artikulua,<br />
Kooperatiben zehapenak; 150. artikulua, Kooperatiba deskalifikatzea; eta 151. artikulua,<br />
Kooperatibetan aldi batean esku hartzea.<br />
EGABen 2015eko azaroaren 11ko 21/2015 Irizpena, III. tituluari dagokionez,<br />
nabarmentzekoa da garrantzi handiko bi gomendiorengatik.<br />
145. artikuluak, “Interes soziala eta onura publikoa” deritzonak, honako hau zioen:<br />
“Euskal Autonomia Erkidegoko botere publikoek… Euskadiko Kooperatiben Konfederazioa<br />
aitortzen dute gizarte-eragile gisa, Euskal Kooperatiba guztiak ordezkatzen dituenez gero”.<br />
EGABen iritziz, “Euskadiko Kooperatiben Konfederazioa kooperatiba-sarearen interes<br />
sozioekonomikoak batu, babestu eta sendotzen dituen elkartea da eta, ondorioz, erakunde-lan<br />
garrantzitsua egiten du, baita Euskadiko aholkularitza- eta kontsulta-organo desberdinetan<br />
parte hartu ere. Dena den, “gizarte-eragilea” terminoa testuinguru horretan erabiltzea<br />
eta, nagusiki, 146. artikuluak (gogoeta berezira bidaltzen dugu) xedatutakoari dagokionez,<br />
nahastea edo gaizki-ulertua sor dezake eta ez da bidezkoa”.<br />
562
KOOPERATIBAK ETA ADMINISTRAZIO PUBLIKOA<br />
Irizpenak honela dio jarraian: “Hain zuzen ere, proposatutako idazkera kontuan<br />
hartuta konferentzia eremu zehatzetan eta, zehazki esanda, lanaren arloan erakundepartaidetzarako<br />
sindikatuekin eta enpresa-erakundeekin parekatzen ari dela uler daiteke.<br />
Izan ere, horretan partaidetza hiru aldeen eta berdintasunaren printzipiopean aldez aurretik<br />
zehaztua eta mugatua dago. Horregatik, interpretazioaren edozein zalantza baztertzeko<br />
beste terminologia bat erabiltzea komenigarria litzateke, adibidez, «Euskadiko kooperatibamugimenduaren<br />
solaskidea»”.<br />
Azken batean, gure iritziz, EGABek kooperatiba-mugimenduaren parte-hartzea bermatu nahi<br />
du botere publikoek egoki irizten dioten tokian, baina araudi espezifikoak aurretiaz zehaztutako<br />
osaera errespetatuz eta Euskadiko kooperatiben konfederazioa berariaz aipatu gabe.<br />
Bestalde, irizpen horrek kautelazko zantzuak agertu zituen “Kooperatiba-ikuskaritza”<br />
deritzon 147. artikuluaren inguruan: jatorrizko idazkeran, hauxe xedatu zuen artikuluak:<br />
“Euskadiko Kooperatiben Goren Kontseiluari dagokio funtzio ikuskatzailean jardutea lege<br />
hau betetzeari buruz, beren aginpideak kontuan hartuta, Eusko Jaurlaritzako sailei edo<br />
beste herri-administrazio batzuei dagozkien funtzio ikuskatzaileak alde batera utzi gabe”.<br />
Ikuskaritza-funtzioa EKGKri esleitzea, esleitutako eginkizunak administrazio-poliziaren<br />
izaera duenez, aurkaratu zuen Ekonomia eta Gizarte Arazoetarako Batzordeak, eta irizpidean<br />
adierazi zuen zeregin hori “edo ikuskatzeko eskumena administrazio publikoei dagokien<br />
Administrazio Zuzenbidearen zatia” dela, eta administrazioak berak gauzatu behar duela.<br />
Eragozpen hori zehatzago aztertuko dugu Euskadiko Aholku Batzorde Juridikoaren irizpena<br />
aztertzen dugunean. Hortaz, besterik gabe, nabarmendu nahi dugu Euskadiko Ekonomia eta<br />
Gizarte Arazoetarako Batzordearen iritziz, kasu honetan, zeregin teknikoa edo laguntzakoa<br />
izan behar duela ikuskapen horiek errazteko eta, nolanahi ere, zaintzakoa eta ikuskatzeko<br />
eskumena daukan pertsonarekin lankidetzan aritzekoa. Horregatik, aipatutako atalean<br />
gomendatu zen “ikuskapen-funtzioa” esapidearen ordez “ikuskapen-funtzio bat”.<br />
Azkenik, Kooperatibismoa sustatu eta zabaltzeko neurriak deritzon 146. artikuluari<br />
dagokionez, EGABek ondokoa adierazi zuen adierazpenean: “artikulu honetan<br />
kooperatibismoa sustatu eta positiboki diskriminatzeko neurri zehatzak zerrendatzen dira,<br />
nahiz eta arrazoiak ez azaldu eta gure ustez Legeari dagokion zioen azalpenean justifikazioa<br />
gauzatu beharko litzateke”. Gure ustez, iritzi hori oso egokia da, administrazio publikoaren<br />
esku-hartzeak merkataritza-esparruan eta sustapen-arloan nahiz diskriminazio positiboko<br />
lanetan justifikazioa behar duelako.<br />
Azter dezagun orain 2016ko apirilaren 27ko EABJren 66/2016 irizpenera. Gure ustez,<br />
irizpen horrek berebiziko garrantzia dauka legearen III. tituluaz denaz bezainbatean.<br />
Irizpenaren zatirik esanguratsuena, hain zuzen ere, kooperatiba ikuskaritza deritzona<br />
aztertzeaz arduratu da (19-23. orr., 108-126. paragrafoak).<br />
Gure ustez, garrantzitsua da irizpenaren zati hori astiro aztertzea, nolabait esatearren, oso<br />
deigarria baita Kooperatiben Ikuskaritza antolatzea oso eztabaidagarria eta juridikoki zaila;<br />
horregatik jarraitzen dugu, gaur egun, kooperatiben ikuskaritzarik gabe eta horri lotutako<br />
prozedurarik gabe.<br />
563
KOOPERATIBAK ETA ADMINISTRAZIO PUBLIKOA<br />
Kooperatiba-ikuskaritzaz diharduen 14. artikuluak, Ekonomia eta Gizarte Arazoetarako<br />
Batzordearen irizpena aztertzean azaldu dugunez, hauxe jaso zuen: “Euskadiko Kooperatiben<br />
Goren Kontseiluari dagokio funtzio ikuskatzailean jardutea lege hau betetzeari buruz,<br />
beren aginpideak kontuan hartuta, Eusko Jaurlaritzako sailei edo beste herri-administrazio<br />
batzuei dagozkien funtzio ikuskatzaileak alde batera utzi gabe”. Beste alde batetik, Izaera,<br />
osaera eta funtzioez diharduen 154. artikuluak ondokoa ezarri zuen: “Euskadiko Kooperatiben<br />
Goren Kontseilua, kooperatibismoa sustatzeko eta haren berri zabaltzeko organo goren<br />
gisa sortua, euskal administrazio publiko guztientzako kontsulta- eta aholku-entitate publiko<br />
gisa eratzen da kooperatibismoaren inguruko gai guztietan. Nortasun juridiko propioa izango<br />
du, Euskal Autonomia Erkidegoko Administrazioarenaz bestelakoa; era berean, ahalmen<br />
osoa izango du bere funtzioak betetzeko”.<br />
EABJk esandako irizpenean nabarmendu duenez, “ikuskatzeko eginkizunak administrazioaren<br />
eskumena gauzatzea dakarrela, eta horrek, era berean, agintea gauzatzea dakarrela.<br />
Aginte hori era hertsagarrian ere aplikatu eta bete daiteke, ikuskatzen ari diren subjektuen<br />
gogoz kontra. Hau da, administrazio publikoaren erantzukizunen nukleo gogorra betetzen<br />
duten eginkizunak izango lirateke; hots, administrazioaren trafiko juridikoari dagozkion<br />
eginkizunak (horiei hainbat eskumen eta pribilegio ematen zaizkie)”.<br />
Ikuskaritza-jardueraren gaineko irizpide horrek eragotzi egingo luke ikuskapen-ahalmena<br />
subjektu pribatuen edo administrazioz kanpoko erakundeen esku uztea; izan ere, “Eginkizun<br />
hori ezin da zeharka kudeatu edo hirugarrenekin kontratatu, eta ezin dute kapital publikoko<br />
merkataritza-sozietateek gauzatu, hargatik eragotzi gabe ikuskapenaren zeregin osagarriak<br />
gauzatzea, non lankidetza gerta daitekeen. Gainera, oro har, funtzionario publikoentzat<br />
gordetako funtzioa da, inpartzialtasuna eta eragindako eskubide pribatuak bermatzeko<br />
xedez”. Gogora dezagun EKGK-ko langileak lan-kontratuko langileak direla, Euskadiko<br />
Kooperatiben Goren Kontseilua arautzen duen maiatzaren 11ko 213/1999 Dekretuaren 13.4<br />
artikuluak ezarritakoari jarraiki.<br />
Bestalde, administrazioa kanpoko subjektuez baliatzen ari da hainbat eremutan, funtzio<br />
publikoak betetzen lagun diezaioten. Erakunde laguntzaile horiek eginkizun osagarriak<br />
betetzen dituzte, ahal publikoak eskualdatu gabe (eta agintaritza publikoa egikaritu gabe<br />
ere), eta haien jarduera osagarria erakunde publiko eskudun batek gainbegiratuta egiten da,<br />
erakunde horrek azken erabakia hartzen eta gauzatzen baitu.<br />
Aholku Batzorde Juridikoak ondorioztatu zuenez, “Adierazitakoa dela eta, ezin dugu<br />
egokitzat jo aurreproiektuan aurreikusitako aukera; hots, administrazioaren beraren mende<br />
ez dagoen erakunde publiko batek hari ez dagozkion ahalmen publikoak gauzatzea. Gainera,<br />
posible balitz ere, ez dirudi zuzena denik huts horiek langile publikoen bidez ez gauzatzea,<br />
eginkizunak gordetzeko printzipioa hautsiko litzateke eta”. Baina, EABJren esanetan,<br />
“erakunde laguntzaile gisa jarduteko aukera berriz formulatzen bada, arlo juridikoan<br />
zalantzak egongo lirateke, erakunde horretan ikertuak izan daitezkeenen interesak elkartzen<br />
direlako. Horrenbestez, interesen gatazka argia sortzen da”.<br />
Amaieran, irizpenak adierazi zuen kooperatiba-ikuskaritzako zerbitzu espezifikoa<br />
ezarri edo, bestela, eskumen horiek Lan Ikuskaritzari esleitu beharko zaizkiola (Estatuko<br />
Kooperatibei buruzko uztailaren 16ko 27/1999 Legearen 113 artikuluak xedatu legez).<br />
Beraz, esandako artikulu horren edukia berriz formulatu beharko dela ebatzi zuen.<br />
564
KOOPERATIBAK ETA ADMINISTRAZIO PUBLIKOA<br />
Arauaren izapidetzeari eta arauaren III. tituluaren ikuspuntutik funtsezkoak diren mugarriei<br />
buruzko gainbegiratze hau amaitzeko, aipatu beharra dago EABJk irizpena eman ondotik<br />
eta Gobernu Kontseiluak onartu aurretik, Euskadiko Kooperatiben Legearen aurretiazko<br />
onarpenaren testua eta prozedura osoaren memoria laburra egin zirela. Legearen III. tituluak,<br />
“Kooperatibak eta administrazio publikoa” izenekoak, izapidetzean egindako aldaketen<br />
ostean, 156-162 artikuluak dauzka eta horien berritasun nagusiak aztertuko ditugu jarraian.<br />
30.2. Berrikuntza nagusiak aurreko araudiaren aldean<br />
Euskadiko Kooperatiben ekainaren 24ko 4/1993 Legearen aldean, III. titulu berriak,<br />
“Kooperatibak eta administrazio publikoa” izenekoak, eskaintzen dituen berrikuntzei buruz,<br />
honako hau nabarmenduko dugu.<br />
Kooperatibei eta administrazioari eskainitako zatia III. tituluan dago lege berrian ere bai,<br />
eta, lehengo legean bezala, izenburu berdina edo antzekoa duten 6 artikulu dauzka. Dena dela,<br />
hori ez da euskal araudiaren berezitasuna; aztertu ditugun kooperatiben lege autonomiko<br />
gehienek (Murtzia, Kantabria, Errioxa, Andaluzia, Katalunia, Gaztela-Mantxa, Gaztela eta<br />
Leon, Madril, Extremadura, Valentzia, Asturias, Aragoi eta Galizia) titulu bat ere badute<br />
(eta, bitxia bada ere, kasu askotan, hirugarren titulua da), “Kooperatibei eta administrazio<br />
publikoari” buruzkoa, antzeko edukiz hornitutakoa (sustapena, ikuskaritza, zehapenak,<br />
deskalifikazioa eta aldi baterako esku-hartzea) eta zabalera ere antzekoa duena (6 eta 10<br />
artikulu artean).<br />
1993ko legearen III. titulua eta gaur egungo III. titulua erkatuz gero, berrikuntza batzuk<br />
aurkituko ditugu. Jarraian aipatuko ditugu berrikuntzok eta esanahi orokorraren atalean<br />
jorratuko ditugu.<br />
Interes sozialari eta onura publikoari dagokienez, funtsezko berritasuna da legeak onura<br />
publikokotzat deklaratutako kooperatibei ematen dizkien eskubideak; oraingo araudian,<br />
eskubideak 156. artikuluaren 2. zenbakian ageri dira. Beste alde batetik, gizarte-ekimeneko<br />
kooperatiben berariazko aintzatespena ere jaso da artikulu horretan.<br />
157. artikuluak, sustapen-neurriei buruzkoak, ez dakar berritasun handirik, 2.d) atalean<br />
jasotakoak izan ezik Hala, artikulu horren arabera, administrazio publikoek eta horien<br />
mendeko erakundeek kontratuak kooperatiben alde esleitzeko lehentasunezko eskubidea<br />
sustatuko dute, administrazio-klausulen agirietan berdinketa hausteko irizpide gisa. Gure<br />
iritziz, neurri hori ez da oso baketsua izango.<br />
158. artikuluak, Kooperatiba-ikuskaritza deritzonak, ez dakar berritasun esanguratsurik,<br />
izapidetzean kendu egin baitziren legegileak txertatu nahi zituen berritasun guztiak.<br />
Legegintza-teknika hobetzen duela, kooperatiba-ikuskaritza zehazten duen artikuluko arauhausteen<br />
tipifikazioa bereizi du eta arau-hausteen zerrenda 159. artikulura, Kooperatiben<br />
arau-hausteak izenekora, eraman du.<br />
159. artikuluak, arau-hauste kooperatiboei buruzkoak, ez dakar berritasun handiegirik<br />
aurreko legearen 139. artikuluan jasotako arau-hausteen tipifikazioari eta kalifikazioari<br />
dagokienez. Hala ere, pentsa liteke artikulu horretan joera badagoela, batez ere, alderdi<br />
kooperatiboak haustea dakarten jokabideei erreparatzeko, eta merkataritza-arlokotzat jo<br />
daitezkeen arau-hausteak gainerako sozietateei buruzko legerien esku uzteko.<br />
565
KOOPERATIBAK ETA ADMINISTRAZIO PUBLIKOA<br />
160. artikuluak, Kooperatiben zehapenak izenekoak, ez dakar berritasunik, baina gizarteekonomiaren<br />
ardura daukan sailburuordetzari esleitu dio zehatzeko ahalmena, arauhaustearen<br />
larritasunaren arabera, ez zehapenaren zenbatekoaren arabera. Ildo horretan, Lan<br />
Sailaren lan-arloko arau-hausteen eta zehapenen esparruan zehatzeko eskumena eratxikitzeko<br />
ereduari lotu zaio.<br />
161. artikuluak, Kooperatiba deskalifikatzea deritzonak, kooperatiba deskalifikatzeko arrazoien<br />
artean, beste arrazoi bat gehitu du, b) letran ageri dena, hain zuzen, kooperatiba-alderdiak<br />
bete daitezen sustatzeko, “Kooperatiben organo sozialek jarduerarik ez izatea edo<br />
haien helburu soziala ez betetzea hiru urtean eta gehiago jarraian”. Gure ustez, gehikuntza<br />
hori oso egokia da, kooperatibako organoen funtzionamendua dinamizatu nahi duelako, eta<br />
kooperatiba bultzatu nahi duelako sorreran emandako xedea betetzera.<br />
Azkenik, 162. artikuluak, Kooperatibetan aldi batean esku hartzea izenekoak, aldi baterako<br />
esku-hartzearen neurria hartzeko eta kentzeko eskumena baino ez du aldatu. Erabaki hori<br />
Eusko Jaurlaritzan lan-arloko eskumena duen saileko titularrari esleitu dio. Aurreko legean,<br />
142. artikuluak, kontu-hartzaile bat edo gehiago izendatu, batzar orokorra deitu, aztergaien<br />
zerrenda finkatu eta batzarburu jarduteko eskumena Gizarte Ekonomiako zuzendariari<br />
esleitu zion. Egun, Gizarte Ekonomiaren Zuzendaritzako arduradunak ez dauka eskumen<br />
hori esleituta.<br />
30.3. Iruzkin orokorra eta esanahi praktikoa<br />
Aurreko ataletan ikusi dugunez, hasiera batean, III. tituluak asmo handiagoa zuen,<br />
baina prozedurazko gorabeherek, irizpenek eta txostenek mugatu dute, azkenean, EHAAn<br />
argitaratu denera.<br />
Iruzkin orokor honetan, azkenean onartu den edukiaren alderdi azpimarragarrienak<br />
aztertzen saiatuko gara, III. tituluko artikuluen hurrenkerari jarraituz.<br />
Lehenengoz iruzkindu behar dugun aipamena hauxe da: “Euskadiko Kooperatiben Erregistroan<br />
inskribatuta dauden eta jarduera egiaztatuta duten kooperatiben ehuneko hirurogei<br />
baino gehiago elkartzen duen entitatea jotzen du berariazko agente sozialtzat” edo,<br />
bestela, “kooperatiba horietako bazkide kopurua Erregistro horretan inskribatuta dauden<br />
eta jardunean ari diren kooperatibetako bazkide guztiekiko ehuneko bera baino handiagoa<br />
denean”.<br />
Arauaren izapidetzea aztertzean adierazi dugun bezala, aipamen hori ez da hasierako legeproiektuan<br />
legegileak proposatu zuena, berariaz aitortu baitzuen “Euskadiko Kooperatiben<br />
Konfederazioa gizarte-eragile gisa, Euskal Kooperatiben Elkargo osoa ordezkatzen duen<br />
aldetik”.<br />
Aurreproiektuak aitorpen esplizitua eman zion Euskadiko Kooperatiben Konfederazioari<br />
“gizarte-eragile” gisa (aurreproiektuaren 145.1 artikulua), antolakundeak parte hartzen<br />
duen Euskal Autonomia Erkidegoko eremu sozioekonomiko instituzional guztietan<br />
(aurreproiektuaren 146. artikulua), beraren eginkizunetan jardutean (aurreproiektuaren<br />
153.4 artikulua).<br />
566
KOOPERATIBAK ETA ADMINISTRAZIO PUBLIKOA<br />
Hala ere, iruzkin honen lehen atalean aztertu dugun Euskadiko Ekonomia eta Gizarte<br />
Arazoetarako Batzordearen (EGAB) txostenean ageri denez, EGAB ez zegoen ados<br />
Euskadiko Kooperatiben Konfederazioa gizarte-eragiletzat hartzearekin; izan ere,<br />
“proposatutako idazketa dela eta, uler daiteke konfederazio hori sindikatuekin eta enpresaerakundeekin<br />
parekatzen ari dela”.<br />
Azkenik, Euskadiko Aholku Batzorde Juridikoak, 2016ko apirilaren 27ko 66/2016<br />
Irizpenean, 26. orritik 28.era bitartekoetan, hauxe ezarri zuen gizarte-eragilearen kontzeptuari<br />
buruz, EKren 7. artikuluak dakarrenetik ondorioztatuta: aipaturiko artikuluak langileen<br />
sindikatuei eta enpresaburuen elkarteei aitortzen die eginkizun hori, “… kontzeptu generikoa<br />
da, gizarte-esparruetan, batez ere, erakundeen esparruetan, jarduten eta parte hartzen duten<br />
eragileei eskainitakoa. Gizarte-eragiletzat hartzea kolektibo bati oro har dagokion eskudantzia<br />
da, baina ezin da esleitu, inola ere, intuitu personae edo pertsonaren arabera.<br />
Horregatik, Euskadiko Kooperatiben Konfederazioa enpresa-elkarte soila denez beste<br />
enpresa-elkarte, -federazio edo -konfederazioen multzo baten barruan, ezin zaio elkarte horri<br />
zuzenean gizarte-eragilearen izaera esleitu.<br />
Azaldutakoagatik, legearen behin betiko testuan, Euskadiko Kooperatiben Konfederazioa<br />
ez da esplizituki aipatu 156. artikuluan; horren ordez, partaidetza hori kooperatiben esparruan<br />
ordezkaritza handiagoa edo txikiagoa den heinean esleitzea ahalbidetzen duen irizpide bat<br />
ageri da.<br />
Azkenean, Euskadiko Kooperatiben Konfederazioak izango du ordezkaritza, baina atea<br />
ireki zaio hainbat kooperatiba biltzen dituen beste elkarteren bat izateari, eta horrek, jakina,<br />
elkarrizketarako gizarte-eragile gisa parte hartzeko eskubidea izango luke, betiere arauan<br />
eskatzen den ordezkagarritasuna lortuz gero.<br />
Artikulu honen beste alderdi aipagarri bat bigarren atalean dugu, onura publikoaren<br />
adierazpenari buruzkoan. “Euskadiren interes orokorra sustatzen laguntzeagatik” onura<br />
publikoko deklarazioa eskuratzen duten kooperatibek izango dituzten eskubideak dakartza<br />
arauak.<br />
Legea onura publikoa deklaratzeko prozedura, araubidea eta betekizunak geroko<br />
erregelamendu-garapenari lotzen zaio, baina deklarazio hori eskuratzen duten kooperatibek<br />
izango dituzten 3 eskubide aipatu ditu:<br />
a) “Onura publikokotzat aitortua” esapidea erabiltzea erakundearen agirietan,<br />
erakundearen izenaren ondoan.<br />
b) Erakundearen jarduerari lotutako gaietan zerikusia duten xedapen orokorren<br />
prestaketan eta horietarako garrantzia duten programetan entzutea<br />
c) Ekonomia, zerga eta administrazio arloetako salbuespenak, hobariak, dirulaguntzak<br />
eta gainerako onurak gozatzea.<br />
Azken xedapenek ez diote eperik ezarri onura publikoko deklarazioaren prozedurari,<br />
araubideari eta betekizunei buruzko erregelamenduaren garapenari, nahiz eta, ulertu behar<br />
den, otsailaren 2ko 64/1999 Dekretuak, onura publikoko kooperatiba-sozietateen prozedurei<br />
eta betekizunei buruzko erregelamendua onartzen duenak, indarrean jarraitzen duela, eta<br />
legeak ez duela berariaz indargabetu.<br />
567
KOOPERATIBAK ETA ADMINISTRAZIO PUBLIKOA<br />
156. artikuluak gizarte-ekimeneko kooperatiben deklarazioa dakar; dena dela, horien<br />
araubidea, betekizunak eta prozedura ere geroko erregelamendu bidezko garapenera igorri<br />
du. Kalifikazio horrek bereizi egingo ditu zeinahi gizarte-bazterkeria pairatzen duten<br />
pertsonak laneratzea helburu duten kooperatibak “eta, oro har, merkatuak asetzen ez dituen<br />
gizarte-beharrak asetzea helburu dutenak”. Gizarteratzeko kooperatibetatik bereizten dira<br />
(133. eta 134. artikuluak) “irabazi-asmorik ez dutelako”, zeinahi gizarte-bazterketa pairatzen<br />
duten pertsonak laneratzeko eginkizunean gainjartzen diren arren. Erregelamendu bidezko<br />
garapenak argituko du zehazki zeri buruz ari den.<br />
Kooperatibismoa sustatzeko eta hedatzeko neurriei buruz, 157. artikuluak berritasun<br />
batzuk dakartza aurreko legeriarekin alderatuta. Lehen paragrafoak, kooperatibismoaren<br />
printzipioak eta balioen azterketa eta zabalkundea sustatzeari buruzko printzipioen<br />
adierazpena egin du. Gainera, botere publikoek teknologia- eta antolaketa-berrikuntzarako<br />
sarbidea erraztuko dutela eta kooperatibetatik sortzen diren ekimenak bultzatuko dituztela<br />
adierazi du. Gure aburuz, jarraian datorrenaren, hau da, sustapen-neurrien, aurkezpena da.<br />
Arauak dakartzan berritasunen artean, honako hauek nabarmendu behar ditugu.<br />
Euskal kooperatiba-mugimenduak kontsulta- eta erabaki-esparruetan eta dagozkion<br />
ordezkaritza instituzionaleko organismoetan duen ordezkagarritasuna ziurtatzea, bai eta<br />
araudia pixkanaka-pixkanaka sendotzea ere. Azkena, arestian ikusi dugunez, 156.1 artikuluak<br />
ezarritako baldintzen arabera eta euskal mugimendu kooperatiboaren bitartez egingo da.<br />
d) idatz-zatiak argi eta garbi jaso du kooperatibek diskriminazio positiboa izan behar dutela<br />
kontratazio publikoan; bada “administrazio-klausulen agirietan jasotzen diren berdinketa<br />
hausteko irizpideen artean, kooperatiba-sozietateen lehentasunezko eskubidea agertu behar<br />
da kontratuak esleitzerakoan”, argi baitago legegileak enpresa-eredu hori sustatzen eta<br />
“lehenesten” duela. Pentsatzekoa da manu horrek doktrina-eztabaidaren bat sortuko duela,<br />
baita administrazioarekiko kontratista izan nahi duten enpresen arteko auziren bat ere, baina<br />
lehenengo berdinketaren zain egon beharko da xedapen horren ibilbidea ikusteko.<br />
g) idatz-zatiak etxebizitza-kooperatibek titulartasun publikoko lurrak zuzeneko esleipensistemaren<br />
bidez eskuratzeko aukera murrizten die onura publikoa aitortutako etxebizitzakooperatibei.<br />
Ez dakit bereizketa honen asmoa zein den, baina iruzkindu egin behar dela<br />
uste dut.<br />
Kooperatiben ikuskaritzari dagokionez (158. artikulua) lege berriak ez dakar berritasun<br />
handiegirik; egia esatera, lege-proiektua, eta gure ustez legegilea, asmo handikoak ziren<br />
kooperatiba-ikuskaritzaren gaian, eta hura gauzatzeko organoak ere proposatu zituzten,<br />
baina araua izapidetzean izandako gorabeheren ondoren (aurreko ataletan aipatutakoak),<br />
emaitza ez da, alafede, espero zena.<br />
Ikuskapen-funtzioa prebentziozkoa dela nabarmendu du, eta aldeztu du aurretiazko<br />
errekerimendua egitea “arau-haustearen akta” baino lehen, baldin eta eskubide legitimoen<br />
titularrei zuzeneko kalte-galerak saihestu badaitezke.<br />
Kooperatiben arau-hausteei dagokienez (159. artikulua), lege berriak berariazko artikulu<br />
batean jari ditu, eta, zalantza barik, hori argigarriagoa da.<br />
Hala, arau-hausteei gagozkiela, zioen azalpenean arau-hausteen araubidearen berrikuspena<br />
iragarri da, 4/1993 Legearen indarraldi luzearen ondotik, “batez ere, kontuan harturik euskal<br />
568
KOOPERATIBAK ETA ADMINISTRAZIO PUBLIKOA<br />
kooperatibek aldi horretan izan duten enpresa- eta sozietate-bilakaera, alde batetik, eta,<br />
bestetik, arau-hausteen eta horiei dagozkien zehapenen egungo tipifikazioa administrazioaren<br />
tutoretzaren eta gainbegiratzearen ikuspegiarekiko lotura; hortaz, behar-beharrezkoa da hori<br />
guztia berrikustea.<br />
Hori dela eta, administrazioak, funtsean, alderdi kooperatibak −bazkideen parte-hartzea eta<br />
elkartasuna– jorratu behar dituelako uste osoan, arau-hausteen taula doitu egin da, legearen<br />
helburua baita administrazio-poliziaren zeregina mugatzea kooperatibek beste sozietatemota<br />
batzuen aldean dituzten alderdi bereizgarri eta sozialak betetzera, eta, hortaz, berariaz<br />
kooperatiboak ez diren gainerako alderdien zaintza ordenamendu juridikoak dagoeneko<br />
dituen tresnei lotu nahi die.<br />
Helburu horrekin bat, arau-hausteen taula aldatu da, eta desagertu egin dira kooperatibabalioen<br />
urraketa hutsak ez direnak –adibidez, urteko kontuak kanpo-auditoretzari ez lotzea,<br />
edo Merkataritza Kodearen 24.1 artikuluak araututako betebeharrak ez betetzea−, eta hertsiki<br />
kooperatibotzat jotzen diren beste batzuk gehitu dira, hala nola bazkideen informazio-, partaidetzaeta<br />
proposamen-eskubideak urratzea, galerak egozteari buruzko lege-xedapenak urratzea, kapital<br />
sozialari egindako ekarpenen gaineko interesa sortzea legezko xedapenak urratuz…<br />
Azken batean, ikuskaritza-lana esparru kooperatibora murriztu da, horixe baita, hain<br />
zuzen ere, legegilearen ustez babestu eta sustatu beharrekoa.<br />
Deigarria da besteren konturako langileen kontratazioaren larritasuna apaltzea –oso<br />
astunetik astunera–, legez araututako mugak gainditzen direnean. Gure ustez, jokabide hori<br />
orokorra delako hartu da erabakia.<br />
Zehapenei dagokienez, ez dago aldaketa handiegirik haien mailaketan, ezta zehapena<br />
ezarri behar duenaren eskumenean ere. Legeak lan-arloan eskumena duen sailari esleitu<br />
dio zehapen-erregelamendua onartzea proposatzeko eskumena, eta ezarri du Euskadiko<br />
Kooperatiben Goren Kontseiluaren txostena nahitaezkoa izango dela arau-hauste oso<br />
astunengatiko zehapenak ezartzeko.<br />
Kooperatibaren deskalifikazioaz denaz bezainbatean, legeak ez dakar berrikuntza<br />
nabarmenik, salbu eta, deskalifikatzeko arrazoien artean, “beharrezkoak diren sozietateorganoen<br />
jarduerarik eza edo elkarren segidako hiru urte baino gehiagoz helburu soziala ez<br />
gauzatzea” gehitu duela. Gehikuntza horren xedea eta arau-hausteen taula berrikustearena<br />
berdinak dira, hots, funtsean kooperatiboak diren alderdiak jagotea.<br />
Kooperatiben aldi baterako esku-hartzeari dagokionez, nabarmendu behar dugu Eusko<br />
Jaurlaritzan lan-arloko eskumena duen sailaren titularrak eskumen esklusiboa duela neurri<br />
hori hartzeko, eta Gizarte Ekonomiako zuzendaria larritasun horretako neurri bat hartzetik<br />
salbuetsi du.<br />
Berriro ere, kooperatiben ikuskaritzari buruzko artikuluek (arau-hausteak, zehapenak,<br />
deskalifikazioa eta aldi baterako esku-hartzea) sistemaren funtsezko atala ahaztu dute, hau<br />
da, kooperatiben ikuskatzailetza. Arau-hausteen eta zehapenen taulak prozedurarik eta<br />
ikuskapena bideratzeko eta aplikatzeko ikuskatzailetzarik ez badu, ez du ezertarako balio.<br />
Azken xedapenetako laugarrenaren 3. paragrafoak hauxe ezarri du: “honako lege hau<br />
indarrean hasten denetik (2020ko urtarrilaren 30a) urtebeteko epean, Eusko Jaurlaritzak<br />
569
KOOPERATIBAK ETA ADMINISTRAZIO PUBLIKOA<br />
kooperatiben zehapenaren prozedura onartuko du, lege honen 149. artikuluak ezarririko<br />
administrazioaren zehapen-araubideari buruzko aplikagarritasunaren legezkotasunarekin eta<br />
haren printzipio eta bermeekin bat etorriz.<br />
Pentsatzekoa da prozedura horrek ikuskapen-lana egiteko organo eskuduna ere zehaztuko<br />
duela, baina, bien bitartean, ikuskapen hori nola egituratzen den galdetu beharko diogu gure<br />
buruari. Pentsatzekoa da kooperatiba-ikuskaritzaren corpus juridikoa (organo eskuduna<br />
eta prozedura) garatzen den bitartean, Lan eta Gizarte Segurantzaren Ikuskaritzak duela<br />
eskumena, eta Laneko eta Gizarte Segurantzako Ikuskatzailetzaren beraren prozedura<br />
aplikatuko dela.<br />
Hala ezarri dute Laneko eta Gizarte Segurantzako Ikuskatzailetza Sistema antolatzen<br />
duen 23/2015 Legearen 1.2 artikuluak eta arau horren beraren 12.1.f) artikuluak. Beraz,<br />
hasiera batean, behintzat ezerk ez luke eragotzi beharko Lan eta Gizarte Segurantzako<br />
Ikuskatzailetzak ikuskatzeko ahalmen hori bere gain hartzea, kooperatiba-ikuskaritzaren<br />
arloan, Eusko Jaurlaritzak legea garatzeko erregelamendua onartzen duen bitartean.<br />
Ildo horretan, 123/2014 Dekretua, irailaren 2koa, Andaluziako Kooperatiba Sozietateei<br />
buruzko abenduaren 23ko 14/2011 Legearen Erregelamendua onartzen duena, eredu izan<br />
daiteke. Manu horren IV. tituluak (167.-195. artikuluak) zehapen-araubideaz eta kooperatibasozietateen<br />
deskalifikazioaz dihardu.<br />
Zehatzago esanda, II. kapituluak kooperatiben ikuskaritza arautu du, eta kooperatiben<br />
legezkotasuna ikuskatu eta kontrolatzeko eginkizunak esleitu dizkie kooperatiba-sozietateen<br />
arloan eskumena duen Andaluziako Zuzendaritza Nagusiari atxikitako funtzionarioei.<br />
Egia esatera, kontsultatu ditugun autonomia-erkidegoetako kooperatibei buruzko legeen<br />
gehien-gehienek, kooperatibismoaren sustapena eta kooperatiben ikuskaritza arautzen<br />
dituen “Kooperatibak eta administrazio publikoa” izendatutako titulu espezifiko bat<br />
dutenek, berariaz esleitzen diote ikuskaritzaren eginkizuna Lan eta Gizarte Segurantzako<br />
Ikuskatzailetzari. Aukera hori, baina, ez da har daitekeen bakarra; beraz, adi egongo gara<br />
euskal agintari publikoen aukerari.<br />
Iruzkin hau amaitzeko, III. titulu berria (“Kooperatibak eta administrazio publikoa”)<br />
irakurrita, hiru gairi buruzko hiru iruzkin labur egin nahi nituzke.<br />
Lehenengoa kooperatiba-sustapenari buruzkoa da (kooperatiba-sozietateak sustatzea,<br />
bultzatzea eta garatzea), estatuko eta autonomia-erkidegoetako arau guztietan interes<br />
orokorreko zeregintzat aitortzen baita; Espainiako Konstituzioaren 129.2 artikuluak jasotako<br />
manua bada ere, legeak ez dakar horren justifikaziorik, eta, nire iritziz, legearen zioen<br />
azalpenean pedagogia gehiago beharko litzateke sustapen hori dakarten neurrien inguruan<br />
(salbuespenak, dirulaguntzak, ekintza positiboa) eztabaidatu ez dadin edo, behintzat,<br />
neurriok eztabaidagarri suerta ez daitezen.<br />
A contrario sensu, EKren 129.2 artikuluak legegile arruntarentzat daukan irismena<br />
aipatu nahi dut; bada, erabaki lezakete legegile arruntak eta gainerako botere publikoek<br />
kooperatibismoaren sustapenik eta zabalkunderik ez egitea?; aukera hori Espainiako<br />
Konstituzioaren 129.2 artikuluaren urraketatzat hartu, eta, beraz, eskagarria izango litzateke<br />
eta horren aurkako errekurtsoa aurkez liteke? Zer-nolako babes-maila dauka kooperatiben<br />
sustapenak ordenamendu juridikoan?<br />
570
KOOPERATIBAK ETA ADMINISTRAZIO PUBLIKOA<br />
Erabaki al daiteke enpresa-sozietate guztiak berdin tratatzea, antolamendu-egitura edozein<br />
dutela ere?<br />
Kooperatiben sustapenaren oinarria aztertzeko, Francisco Vicent Chulía eta Juan Ignacio<br />
Peinado Graciak egindako azterlanari lotuko gatzaizkio: “Introducción. Normas y ámbito de<br />
Aplicación” (57-109 orr.), «TRATADO DE DERECHO DE COOPERATIVAS» (Tirant lo<br />
Blanch Valencia 2013) deritzon lan kolektiboaren I. liburukian jasotakoa.<br />
Egileek diotenez, “1978ko konstituzioak bi eratako eragina izan du kooperatibasozietateetan:<br />
a) balorazioaren arloan, batetik, erakunde-erreserba sortu duelako –eta,<br />
beraz, konstituzioak erakunde hori arautzeko eskatzen dio legegileari, irizpide jakin batzuk<br />
bakarrik ezarrita: kooperatibaren kasua, fundazioarena, lanbide-elkargoena..–, eta bestetik,<br />
botere publikoei sustapenaren eginbeharra ezarri dielako kooperatibentzako legeria<br />
egokiaren bidez (EKren 129.2 art.) eta b) eskumenen arloan, estatuko legegintza-eskumen<br />
esklusibo bat −merkataritza-legeriari doakiona− mugatu duelako, kooperatiben legeria<br />
dei genezakeena hortik kanpo utzita, eta autonomia-erkidegoei emandakoa autonomiaestatutuetan<br />
eta autonomia-erkidegoen eskumenei buruzko beste lege organiko orokor<br />
batzuetan”.<br />
Lehen alderdia, balorazioari dagokiona, ez dugu jorratuko; konstituzioak kooperatibaren<br />
balorazio positiboa egin zuen, gainera, planteamendu argiz eta “zuzeneko izaera arauemailez”<br />
hornitua. Hau da, konstituzioaren aukera da kooperatibismoa defendatzea eta kooperatibak<br />
sustatzea, arau-irismenez hornituta, ez soilik eduki programatikoz jantzita.<br />
Arestian aipaturiko azterlanean, Francisco Vicent Chulía eta Juan Ignacio Peinado<br />
Graciak hauxe adierazi zuten: “EKren 129.2 artikuluak, jatorriz idatzi eta orain interpretatu<br />
beharko litzatekeen moduan, kooperatiben aldeko diskriminazio positiboa eskatuko lieke<br />
botere publikoei, Konstituzioaren 9.3 eta 14. artikuluek galdatzen dituzten arrazionaltasunmugak<br />
aintzat hartuta”. Eta honako hau gaineratu zuten: “Legeriak kooperatiba-sozietateei<br />
ematen dizkien pribilegioak, benetan edo eraginkorrak izan beharko lirateke, eta, aldi<br />
berean, bat etorri beharko lirateke Konstituzioaren 129.2 artikuluak ezarritako ‘ratio legis’<br />
delakoarekin, hau da, kooperatiba-sozietateentzako aparteko neurri hori ematen deneko<br />
ezaugarri bereziekin –ez baitago halakorik gainerako erakunde juridikoentzat−.<br />
Beraz, esan beharra daukagu Konstituzioak kooperatiben aldeko balorazioa egiten duela<br />
eta kooperatibak sustatzera behartzen duela, eta, gainera, horien alde soilik egiten duela, ez<br />
beste edozein enpresa-erakunde juridikoren alde. Horregatik, administrazio publikoen partehartzea<br />
askoz handiagoa da kooperatiba-sozietateen bizitzan, beste sozietate-era batzuez<br />
baliatzen diren enpresen bizitzan baino.<br />
Ez gara ausartuko manu horrek legegilearentzat daukan norainokoari eta nahitaezkotasunari<br />
buruzko iritzirik ematen, baina esan dezagun kooperatiben lege guztiek eta, jakina, aztergai<br />
darabilgun 11/2019 Legeak, jaso dute ezbairik gabe. Hain zuzen ere, laugarren xedapen<br />
Gehigarriak lege-maila eman dio kooperatibismoa bultzatzeko, suspertzeko eta sustatzeko<br />
programak arautzen dituen araua urtero egiteko ohiko jardunbideari; hau da, dirulaguntzak<br />
arautzen dituen araua urtero-urtero argitaratu beharko da, legeak hala aginduta.<br />
Dena dela, kooperatiben sustapenak sustatu nahi denaren zaintzarekin lotuta joan behar du,<br />
balantzaren bi aldeak baitira, eta batak bestearen kontrapisuarena egiten baitu. Esan nahi baita,<br />
571
KOOPERATIBAK ETA ADMINISTRAZIO PUBLIKOA<br />
kooperatiba-sustapenak legitimazioa galduko duela ikuskapen eraginkorra eta egiazkoarekin<br />
batera ez badoa; azkenean, kooperatiba-sozietateek kooperatibaren legezkotasuna betetzen<br />
dutela zaintzen ez bada, kooperatiba-printzipioak betetzen direla ikuskatzen ez bada, ezin<br />
dira onura eta laguntzen hartzekodun izan (neurri ekonomikoak, neurri fiskalak, laguntza<br />
teknikoko neurriak…) eta horiek, hain zuzen ere, babesteko eta laguntzeko modukoak diren<br />
printzipio horietan funtsatzen dira.<br />
Kooperatibak gizarte-interesekotzat jotzen badira, eta tratu positiboa, sustapenekoa eta<br />
laguntzakoa merezi dutela uste bada, filosofia jakin bati erantzuten diotelako da. Printzipio<br />
horiek funtzionamendu jakin baten eta legezkotasun zehatz baten bidez gauzatzen dira, baina<br />
kooperatiben legezkotasun hori betetzen dela zaintzen ez bada, aldeko tratuak eta sustapenak,<br />
justifikazioa galduko dute. Kooperatiben ikuskaritza, beraz, behar-beharrezko tresna da.<br />
Harrigarria da Andaluziako Kooperatiben Legearekin batera (kooperatiben legezkotasuna<br />
ikuskatzeko eta kontrolatzeko eginkizunak Andaluziako kooperatiba-sozietateen arloan<br />
eskumena duen Zuzendaritza Nagusiari atxikitako funtzionarioei esleitzen diena,<br />
Andaluziako Kooperatiba Sozietateei buruzko abenduaren 23ko 14/2011 Legearen<br />
Erregelamendua onartzen duen irailaren 2ko 123/2014 Dekretuaren 174.1 artikuluak dioenari<br />
jarraiki), Euskadiko Kooperatiben Legea izatea kooperatiben ikuskaritza Lan eta Gizarte<br />
Segurantzako Ikuskatzailetzari esleitu ez dion bakarra, are gehiago ikuskaritzaren eskumena<br />
berezkoa baita, transferituta baitago.<br />
Hain zuzen ere, ekainaren 28ko 138/2011 Dekretuak, Transferentzien Bitariko Batzordearen<br />
2011ko ekainaren 22ko Erabakia onartu zuenak, laneko eta gizarte-segurantzako<br />
ikuskaritzaren ikuskaritza-funtzio publikoaren arloko eginkizunak eta zerbitzuak Euskal<br />
Autonomia Erkidegoari eskualdatzeari buruzkoa, Euskal Autonomia Erkidegoaren esku<br />
utzi zuen bere lurralde-eremuko ikuskapen-eginkizuna, bai eta bitarteko eta arau materialez<br />
eratutako Gizarte Segurantzako Ikuskatzailetzaren organoak ere, Euskal Autonomia<br />
Erkidegoaren eskumeneko esparruetan, lan-arloko arauak behar bezala bete daitezen.<br />
Dekretu horrek, ekainaren 24ko 895/2011 Errege Dekretuaren eranskinean (Transferentzien<br />
Bitariko Batzordeak 2011ko ekainaren 22an hartutako erabakia), honako hau ezarri zuen:<br />
“Estatuko Administrazioarekin behar den koordinazioari eta lankidetzari kalterik egin<br />
gabe, Euskal Autonomia Erkidegoari dagokio, bere eskumenen lurralde-eremuan eta eremu<br />
materialean, indarrean dagoen legeriarekin bat etorriz, ikuskaritza-eginkizunaren egitekoak<br />
gauzatzea. Eginkizun horiek, nolanahi ere, honako hauek izango dira:<br />
1. Hitzarmen kolektiboen lege- eta erregelamendu-arauak eta arau-edukia betetzen<br />
direla zaintzea eta eskatzea, eremu hauetan:<br />
Lanaren antolamendua eta harreman sindikalak. Laneko arriskuen prebentzioa.<br />
Enplegua: laneratzea, enplegua, lanerako eta etengabeko lanbide-heziketa, aldi<br />
baterako laneko enpresak, enplegu-agentziak eta enplegurako zerbitzu-plan<br />
integratuak, eta Gizarte Segurantzaren Diruzaintza Nagusiarekin lankidetzan,<br />
kontrataziorako pizgarriak, gizarte-kuoten hobarien araubidearen bidez.<br />
Zaintzea berariaz Lan Ikuskaritzaren esku uzten den beste edozein arau, baldin eta<br />
haren eskumen materiala Euskal Autonomia Erkidegoari badagokio. “<br />
572
KOOPERATIBAK ETA ADMINISTRAZIO PUBLIKOA<br />
Beraz, badugu tresna bat ikuskaritzaren arloko eskumena bere gain hartuta daukana, baina<br />
Euskadiko Kooperatiben Legeak ez dio espresuki esleitu (nahiz eta EABJren irizpenak<br />
argi eta garbi adierazi zuen “ …zioen azalpenean adierazten den bezala, koopertaiben<br />
ikuskaritzako zerbitzu berariazkoa ezarri edo, bestela, ahalmen horiek lan-ikuskaritzari<br />
esleitu erabaki beharko da, arestian aipaturiko artikuluaren edukia moldatuta), baina ez<br />
dirudi interes handirik dagoenik polizia-eginkizuna egikaritzeko kooperatiben esparruan,<br />
laneko arriskuen prebentziotik harago.<br />
Ezin izango da kooperatiben ikuskaritzari eratu eredua argi ez dagoen bitartean, ezta<br />
ikuskatzeko ahalmena nori esleitu behar zaion, ez eta horiek gauzatzeko interes handirik ere<br />
ez dagoen artean.<br />
Bien bitartean, lehen esan dugun bezala, ikuskatzeko eskumena lan-ikuskatzailetzari<br />
dagokiola esan daiteke?<br />
Laneko Arriskuen Prebentzioaren arloko eskumena Laneko eta Gizarte Segurantzako<br />
Ikuskatzailetzak hartuta dauka Euskal Autonomia Erkidegoko kooperatiben esparruan,<br />
urtarrilaren 29ko 18/2008 Dekretuak zekarren manuak huts egin ondoren. Izan ere, lege<br />
horrek Laneko Segurtasun eta Osasunerako Euskal Institutuko teknikariek osatutako laneko<br />
segurtasun eta osasuneko ikuskatzailetzari esleitzen zion kooperatiben esparruko lan-arriskuen<br />
prebentzioaren arloko ikuskaritza egiteko eskumena, baina Euskal Autonomia Erkidegoko<br />
Justizia Auzitegi Nagusiaren maiatzaren 7ko 298/2009 Epaiak (JUR\2009\372094)<br />
baliogabetu zuen (Administrazioarekiko Auzien Sala, 2. saila).<br />
Gogora dezagun epai hark honako hau ezarri zuela: “lan-arriskuen prebentzioaren arloan,<br />
Autonomia Erkidegoak ez du legegintza-eskumen osorik; azaldu dugun bezala, Salaren<br />
iritziz, Dekretuak ezin dio oratu “kooperatibak” izeneko eskumen-tituluari; izan ere, lehen<br />
adierazi dugun bezala, funtsezkoena da administrazioko zehapen-prozedura bat arautzen<br />
dela lan-arriskuen prebentzioaren arloko arau-hausteei eta zehapenei dagokienez, ez<br />
kooperatibei dagokienez”.<br />
Pentsa liteke, hortaz, Kooperatiben Legea betetzeko eskumena ere Lan eta Gizarte<br />
Segurantzako Ikuskatzailetzarena dela, nahiz eta 11/2019 Legeak berariaz esleitu ez?<br />
Zalantzarik gabe, horixe ondoriozta dezakegu aipatutako arauzko xedapenetatik.<br />
Hauek dira, besteak beste, “Kooperatibak eta administrazio publikoa” deritzon III.<br />
tituluaren irakurketatik sortutako azken gogoetak.<br />
30.4. Beste arau aplikagarri batzuk<br />
Kooperatibei eta administrazio publikoari dagokienez, araurik garrantzitsuenak aipatu dira<br />
dagoeneko, baina adi egon behar dugu onura publikoko deklarazioak, gizarte-ekimeneko<br />
kooperatiben deklarazioak eta kooperatiba-zehapenaren prozeduraren arloko erregelamendugarapenek<br />
zer bide hartzen duten.<br />
Bien bitartean, otsailaren 2ko 64/1999 Dekretua, onura publikoko kooperatiba-sozietateei<br />
buruzko prozedura eta betekizunei buruzko erregelamendua onartzen duena, eta apirilaren<br />
4ko 61/2000 Dekretua, gizarte-ekimeneko kooperatibak arautzen dituena, aplikatzekoak<br />
izango dira.<br />
573
KOOPERATIBAK ETA ADMINISTRAZIO PUBLIKOA<br />
Eta zehatzeko ahalaren esparruari gagozkiola, uste dugu ondokoak aplikagarriak direla: Lan<br />
eta Gizarte Segurantzako Ikuskatzailetza Sistema antolatu zuen 23/2015 Legea; 928/1998<br />
Errege Dekretua, Zehapenak ezartzeko prozeduraren erregelamendua ezarri zuena; Lan eta<br />
Gizarte Segurantzako Ikuskatzaileatzaren Antolakuntza eta funtzionamenduari buruzko<br />
erregelamendua ezarri zuena; eta 5/2000 Errege Lege Dekretua, Lan-arloko arau-hauste eta<br />
zehapenei buruzkoa.<br />
574
31. <strong>KOOPERATIBEN</strong> ASOZIAZIONISMOA* 1<br />
KOOPERATIBA-ELKARTEAK<br />
163. artikulua.– Printzipio orokorrak.<br />
1.– Sozietate kooperatiboak diren aldetik, kooperatibek askatasunez eta beren borondatez<br />
elkartu ahal izango dira kooperatiba-batasun, -federazio eta -konfederazioetan<br />
beren interesak defendatzeko eta sustatzeko, hargatik eragotzi gabe beste moduren<br />
batean ere elkartu ahal izatea, elkartze-eskubidea arautzen duen legeria orokorraren<br />
arabera.<br />
2.– Euskal Autonomia Erkidegoko kooperatiba-mugimendua osatzen dute hala<br />
kooperatibek nola kooperatiba-batasunek, -federazioek eta -konfederazioek eta<br />
Euskadiko Kooperatiben Goren Kontseiluak.<br />
3.– Euskal Autonomia Erkidegoko aginte publikoek hartu beharreko neurri guztiak<br />
hartuko dituzte kooperatiba-entitateen arteko asoziazionismoa eta haien arteko<br />
lankidetza-harremanak sustatzeko, eta programak sustatuko dituzte Euskal<br />
Autonomia Erkidegoko kooperatiba-erroldak berrikusi, eguneratu eta teknikoki<br />
arazteko.<br />
164. artikulua.– Kooperatiba-batasunak, -federazioak eta -konfederazioak.<br />
1.– Jarduera ekonomikoko sektore bereko kooperatiba bik edo gehiagok kooperatibabatasun<br />
bat sortu ahal izango dute.<br />
2.– Euskal Autonomia Erkidegoan erroldatuta dauden eta egoitza duten mota bereko<br />
sozietate kooperatiboek federazioak sortu ahal izango dituzte beren artean edo<br />
kooperatiba-batasunekin.<br />
Kooperatiba-batasunek «Euskadiko» hitza gehitu beharko diote sozietatearen<br />
izenari baldin eta Euskadiko Kooperatiben Erregistroan inskribatuta dauden eta<br />
jarduera egiaztatuta duten kooperatibetatik gutxienez ehuneko berrogeita hamar<br />
elkartzen badira edo federatutako entitateetako bazkide kopurua handiagoa bada<br />
erregistro horretan izena emanda duten eta jardunean ari diren kooperatibetako<br />
bazkide guztien portzentaje berari dagokion bazkide kopurua baino.<br />
Euskal Autonomia Erkidegoan, mota desberdinetako kooperatiba-federazioek<br />
bat egin ahal izango dute kooperatiba mota desberdinak ordezkatzen dituzten<br />
federazioak sortzeko.<br />
3.– Kooperatiba-federazioek konfederazioak sortu ahal izango dituzte.<br />
Konfederazio batek Euskal Autonomia Erkidegoan erroldatuta dauden kooperatibafederazioen<br />
ehuneko hirurogei elkartzen badu gutxienez, «Euskadiko Kooperatiben<br />
Konfederazioa» izango da haren izena.<br />
* Carlos González Fernández jaunak, KONFEKOOP, Euskadiko Kooperatiben Konfederazioko letradu<br />
aholkulariak, egindako iruzkina.<br />
575
<strong>KOOPERATIBEN</strong> ASOZIAZIONISMOA KOOPERATIBA-ELKARTEAK<br />
4.– Hona zein diren kooperatiba-batasun, -federazio eta -konfederazioen eginkizunak:<br />
a) Elkartzen dituzten kideak ordezkatzea, estatutuetan ezarritakoaren arabera.<br />
b) Adiskidetze-funtzioak egikaritzea, elkartzen dituzten entitateen artean sortzen<br />
diren gatazketan edo entitate eta bazkideen artean sortzen direnetan.<br />
c) Bazkideentzako zerbitzuak antolatzea: aholkularitza, laguntza juridiko eta<br />
teknikoa, kontabilitate-laguntza, eta haien intereserako komenigarriak izan<br />
daitezkeen guztiak.<br />
d) Kooperatiba-sustapena eta prestakuntza bultzatzea.<br />
e) Euskadiko Kooperatiben Erregistroarekin lankidetzan jardutea erregistro<br />
horretan inskribatuta dauden sozietateen zentsua eguneratzeko eta arazteko<br />
lanak egiteko.<br />
f) Antzeko beste edozein jarduera egitea.<br />
5.– Lege honen babesean eratutako kooperatiba-batasunek, -federazioek eta<br />
-konfederazioek sortze-akta aurkeztu beharko dute Euskadiko Kooperatiben<br />
Erregistroan, beren sustatzaileen bidez, nortasun juridikoa eta jarduteko ahalmen<br />
osoa izateko. Sortze-aktak, bestalde, honako hauek jaso beharko ditu:<br />
a) Entitate sustatzaileen zerrenda.<br />
b) Elkartzeko erabakiaren egiaztagiria.<br />
c) Entitatearen ordezkaritza- eta gobernu-organoen osaera.<br />
d) Lan-arloko eskumena duen ministerioko kooperatiben erregistroaren eta Euskadiko<br />
Kooperatiben Erregistroaren egiaztagiriak, izen bereko beste entitaterik ez<br />
dagoela ziurtatzen dutenak.<br />
e) Sozietatearen estatutuak, honako hauek jasoko dituztenak:<br />
1) Entitatearen izena.<br />
2) Entitatearen helbidea eta lurralde- eta jardute-eremua.<br />
3) Ordezkaritza- eta administrazio-organoak, nola jarduten duten organo<br />
horiek, eta zein den kargudunak hautatzeko araubidea.<br />
4) Zer betekizun eta prozedura bete behar diren elkartutako entitate izateko eta<br />
izaera hori galtzeko, eta zein den estatutuak aldatzeko eta entitateak batzeko<br />
eta desegiteko araubidea.<br />
5) Zein den entitatearen araubide ekonomikoa, adierazita zein den baliabideen<br />
izaera, jatorria eta helburua eta zer baliabide dituzten entitate elkartuek<br />
egoera ekonomikoa ezagutzeko.<br />
6.– Artikulu honetan erregulatzen diren entitateekin Euskadiko Kooperatiben<br />
Erregistroak egin behar dituen jarduerak ez dute sortze-izaerarik izango,<br />
eta elkarteen gaineko erregistro-araubidea bete beharko dute.<br />
7.– Kooperatiba-batasun, -federazio eta -konfederazioei lege honetan kontabilitateari<br />
eta kontu-auditoretzari buruz erregulatutakoa aplikatuko zaie.<br />
Gainera, sozietatearen estatutuetan espresuki erregulatu ez den kasuetan,<br />
lege honetan izaera orokorrarekin ezarritakoa bete beharko da.<br />
576
<strong>KOOPERATIBEN</strong> ASOZIAZIONISMOA KOOPERATIBA-ELKARTEAK<br />
31.1. Berrikuntza nagusiak aurreko araudiaren aldean<br />
Legearen IV. tituluaren I. kapituluan, kooperatiba-elkarteei buruzkoan, hainbat aldaketa<br />
egin dira. Bi artikuluk osatzen dute kapitulua: “163. artikulua. – Printzipio orokorrak” eta<br />
“164. artikulua. – Kooperatiba-batasunak, -federazioak eta –konfederazioak”.<br />
Bigarren artikuluan jaso dira, bereziki, aldaketa gehienak, lehenengoak edukiari eutsi<br />
baitio zegoen-zegoenean. Ikus dezagun aldaketak zein diren.<br />
31.1.1. Zenbakitze-aldaketak<br />
Igar dezakegun lehen berrikuntza adierazitako artikuluei emandako zenbakia da; izan ere,<br />
4/1993 Legean, 143 eta 144 zenbakiak zituzten esleituta artikuluok, hurrenez hurren, eta<br />
orain, gorago adierazi dugun bezala, 163 eta 164 zenbakiak.<br />
Era berean, 2. atalaren bigarren idatz-zatia, lehen zenbakirik esleituta ez zeukana, 3.<br />
zenbakiari loturik ageri da orain; alabaina, artikuluaren edukia berdina da, zenbakiaren<br />
aldaketa gorabehera, eta ez dago beste berritasunik egungo 163. artikuluari dagokionez.<br />
31.1.2. Aldaketa terminologikoak<br />
164. artikuluari dagokionez, aldaketak nabarmenagoak dira. Lehen berritasuna dugu<br />
legearen testu osoan egin den terminologia-egokitzapena, genero-ikuspegiari dagokionez,<br />
hizkera inklusiboa erabili baita.<br />
Terminologiaren ikuspegitik ere homogeneizatu dira Euskadiko Kooperatiben<br />
Erregistroaren inguruko aipamenak.<br />
Bada, aurreko idazketan, “Kooperatiben Erregistroa” eta “Euskadiko Kooperatiben<br />
Erregistroa” esapideak ageri ziren erregistroaz ziharduenean, baina lege-testu berriak<br />
idazketa bateratu du, eta “Euskadiko” hitza gehitu du, “Kooperatiben Erregistroa” ageri zen<br />
guztietan, izena osatzeko testu osoan bera erabiliz.<br />
Terminologiari dagokion beste aldaketa bat da aurreko arauaren 5. ataleko d) letrak jasotako<br />
aipamenen idazketa egokitu egin behar dela, bai Lan eta Gizarte Segurantza Ministerioari,<br />
bai Eusko Jaurlaritzako Lan eta Gizarte Segurantza Sailari dagokienez.<br />
Ministerioen eta Eusko Jaurlaritzako sailen antolaketan eta egituran egiten diren aldaketa<br />
ugariak direla eta, administrazio-organo horiek aldatzen diren bakoitzean legea zaharkituta<br />
gera ez dadin, 11/2019 Legearen idazketa berriak aipamen askoz orokorragoa eta irekiagoa<br />
jaso du, eta, orain, lan-arloko eskumena duen ministerioa aipatu da, gerora gerta daitezkeen<br />
aldaketek zaharkituta utz ez dezaten legearen idazketa.<br />
31.1.3. Idazketa-hurrenkeraren aldaketa<br />
Oraingo legearen 164. artikuluaren 5. atalean, idazketaren hurrenkera aldatu da, baina<br />
horrek ez du esan nahi hitzik ezabatu edo aldatu denik, geroago azalduko dugun salbuespen<br />
bakar batekin. Guztiaz ere, idazketa berria koherenteagoa da edukia hobeto uler dezagun.<br />
Hala, aurreko idazketak honako hau zioen:<br />
577
<strong>KOOPERATIBEN</strong> ASOZIAZIONISMOA KOOPERATIBA-ELKARTEAK<br />
“5. Lege honen babesean eratutako kooperatiba-batasunek, -federazioek eta –<br />
konfederazioek, nortasun juridikoa eta jarduteko ahalmen osoa izateko, beren<br />
sustatzaileen bidez, kooperatiben erregistro eskudunean, sortze-akta aurkeztu beharko<br />
dute, eta aktak honako hauek jaso beharko ditu:”<br />
Idazketa berriak, edukiaren hitzik aldatu gabe, beste antolaera bat dakar, honako hau, hain<br />
zuzen ere:<br />
“5.- Lege honen babesean eratutako kooperatiba-batasunek, -federazioek eta -konfederazioek<br />
sortze-akta aurkeztu beharko dute Euskadiko Kooperatiben Erregistroan,<br />
beren sustatzaileen bidez, nortasun juridikoa eta jarduteko ahalmen osoa izateko. Sortze-aktak,<br />
bestalde, honako hauek jaso beharko ditu:”<br />
Gainera, arestian adierazi den bezala, era ireki orokor batez egiten zen Kooperatiben<br />
Erregistro “eskudunari” buruzko aipamenaren ordez, Euskadiko Kooperatiben Erregistroa<br />
ageri da orain, eta hori guztiz zentzuzkoa da, paragrafo horretan bertan arautu baita “lege<br />
honen” babesean eratzen diren elkarteen eraketa. Beraz, lege hori Euskadiko Kooperatiben<br />
Legea izanik, Euskadiko Kooperatiben Erregistroa izango da beti erregistro eskuduna.<br />
Hartara, arrazoizkoa zen aldaketa hori egitea idazketan, aipamen generiko hura baino askoz<br />
ere zehatzagoa baita eta edukiaren interpretazio oker oro saihesten baitu. Hala, aldaketak<br />
berak zehaztu du lurralde-jardueraren esparrua, ikuspuntu organikotik.<br />
31.1.4. Ordezkagarritasunaren ehunekoak<br />
Artikuluen eduki materialari lotutako formazko berritasunak ikusita, lehenengo aldaketa<br />
garrantzitsua dugu federazioek zein kooperatiben batasunek izendapenari “Euskadiko” hitza<br />
gehitzeko behar den ehunekoan gertatu den gehikuntza.<br />
1993ko legeak nahitaezko baldintza gisa ezarri zuen erakunde horiek “gutxienez, ehuneko<br />
berrogei” elkartu behar zutela, bai inskribatutako kooperatibena, bai erakunde federatuetako<br />
bazkide kopuruarena, halako eran non ehuneko horretara iritsi behar zen Euskadiko<br />
Kooperatiben Erregistroan inskribatutako kooperatiba aktiboetako bazkideen guztizkoa<br />
aintzat hartuta.<br />
Lege berriak, ordea, ehuneko hori handitu du, eta eskatu du ordezkaritza “ehuneko<br />
berrogeita hamarretik gorakoa” izatea irizpide berberak erabiliz.<br />
Aldaketa hori arrazoizkoa ez ezik beharrezkoa ere bazen; izan ere, aurreko idazketak<br />
eskatzen zuen ordezkagarritasuna elkarte batek baino gehiagok lor zezakeen era<br />
matematikoan. Ingurumari horretan, paradoxikoa eta zentzugabea litzateke kooperatiben<br />
eremu subjektibo berean Euskadiko ordezkaritza izateko aukera zuten bi erakunde egotea;<br />
beraz, aldaketa hori beharrezkoa zen.<br />
Idazketa berriak esandako arriskua zuzendu du, eta idazketa berriak kendu egin du<br />
erakunde batek baino gehiagok “Euskadiko” hitza erabiltzeko aukera izendapenean;<br />
bada, ordezkagarritasun-maila handiagoa eskatzen denez, erakunde bakarrak bete dezake<br />
eskakizuna aldi berean.<br />
578
<strong>KOOPERATIBEN</strong> ASOZIAZIONISMOA KOOPERATIBA-ELKARTEAK<br />
31.1.5. Euskadiko Kooperatiben Goren Kontseiluaren aipamena kentzea<br />
Bestalde, lege berrian 2. ataleko hirugarren paragrafoa ezabatu da, hots, federazioek<br />
Euskadiko Kooperatiben Goren Kontseiluan duten ordezkaritzaz ziharduena.<br />
Paragrafo horren edukia ondokoa zen:<br />
“Azken federazio horiek, nolanahi ere, ordezkaritza izango dute Euskadiko Kooperatiben<br />
Goren Kontseiluan, erregelamendu bidez ezarritako moduan eta kopuruan”.<br />
Paragrafo hori ezabatzea arrazoizkoa da; izan ere, badirudi, batetik, Euskadiko<br />
Kooperatiben Goren Kontseiluaren osaera aztertzeko lekurik egokiena dela erakunde horri<br />
buruzko kapitulua eta artikuluak.<br />
Gainera, koherentziagatik, aipamen hori kendu da, gerora, legeak arautzen baitu federazioen<br />
ordezkaritza Euskadiko Kooperatiben Goren Kontseiluan Euskadiko Kooperatiben<br />
Konfederazioaren bidez bideratuko dela, eta hori arrazoizkoa da azkena kooperatiben<br />
asoziazionismoaren ordezkaritza-erakunde pribatu gorena baita, eta, beraz, haren berezko<br />
eginkizunetako bat.<br />
31.1.6. Federazioak bat egiteari buruzko aipamen berria<br />
11/2019 Legeak idatz-zati berria gehitu du ezabatutako Euskadiko Kooperatiben Goren<br />
Kontseiluari buruzko paragrafoak utzi duen lekuan, ezabatutako paragrafoaz bestelako gaiak<br />
arautzen dituena, nahiz eta lotura izan.<br />
Izan ere, aurrerago ikusiko dugun moduan, legean aspalditik gertatzen ari den egoera bat<br />
kontuan hartzeko, kooperatiben federazioen bat-egiteari buruzko paragrafo berria txertatu<br />
da. Honela dio:<br />
“Euskal Autonomia Erkidegoan, mota desberdinetako kooperatiba-federazioek bat egin<br />
ahal izango dute kooperatiba mota desberdinak ordezkatzen dituzten federazioak sortzeko”.<br />
Paragrafo hori egokia da artikulu honetan, federazioei beraiei eragiten dieten gaiak jasotzen<br />
dituelako, eta, beste alde batetik, goian adierazitakoagatik, beharrezkoa da, bertan aipatzen<br />
diren bat-egiteei segurtasun juridikoa ematen diela.<br />
31.1.7. Kontabilitate-araubide eta kontu-ikuskaritza aplikagarrirako igorpena<br />
Azken berritasun gisa, esan behar dugu 7. paragrafoa gehitu zaiola artikulu honi. Paragrafo<br />
berri horretan, berariaz aipatu da elkarteei gainerako kooperatiben kontabilitateari eta<br />
auditoretzari buruzko arau berdinak aplikatzeko aukera, bai eta legearen beraren igorpen<br />
orokorra egin dela, erakunde horiei buruzko edozein arau-hutsune betetzeko.<br />
Paragrafo horrek honela dio, hitzez hitz:<br />
7. Kooperatiba-batasun, -federazio eta -konfederazioei lege honetan kontabilitateari<br />
eta kontu-auditoretzari buruz erregulatutakoa aplikatuko zaie. Gainera, sozietatearen<br />
estatutuetan espresuki erregulatu ez den kasuetan, lege honetan izaera orokorrarekin<br />
ezarritakoa bete beharko da.<br />
Kontabilitateak eta auditoretza-prozesuek arauketa berekia badute ere, kooperatibismoaren<br />
579
<strong>KOOPERATIBEN</strong> ASOZIAZIONISMOA KOOPERATIBA-ELKARTEAK<br />
elkarteei dagokienez horiek derrigorrezkoak diren ala ez erabakitzeko, legean egiten<br />
den aipamen soilak haien erregulazioa hobetu du eta segurtasun juridikoa eman die<br />
aplikagarritasunari dagokionez.<br />
31.2. Iruzkin orokorra eta esanahi praktikoa<br />
Praktikan, kapitulu honen erregulazioa, legearen zioen azalpenak berak aitortzen duen<br />
bezala, “gutxienekoen erregulazioa da, elkartzeko askatasunaren aldekoa…”, eta hori<br />
arrazoizkoa da eta bat dator arautzen den gaiarekin; izan ere, elkartzeko eskubidea funtsezko<br />
eskubidea da, eta arlo horretan gehiegizko erregulazioa ezartzeko ahalegin orok elkartzeko<br />
egikaritza estu egingo luke, eta hori, jakina denez, eskubidearen beraren aurka doa.<br />
Gainera, gai horren erregulazioak lege organiko bat behar duenez, azken batean, araudiak<br />
ahalbidetzen duen erregulazioaren zabaltasuna mugatzeko ahalegin orok konstituziokontrakotasuna<br />
eragin lezake, Kooperatiben Legeak ez baitu maila hori, eta, gainera, ez baita<br />
haren eskumenekoa.<br />
Hori ikusita, edukian bera eta gehitutako aldaketak jorratuta, adierazi behar da terminologiaegokitzapenaren<br />
esanahi praktikoak garrantzia duela genero-ikuspegia txertatzeko beharraren<br />
berri helarazi zaielako elkarte kooperatiboei, bai formetan, bai edukietan.<br />
Hala, legearen 13. artikuluak kooperatibentzat ezarri duen neurri berean berariaz xedatu<br />
ez badu ere, era inplizituan, erakunde horietara zabaltzen ari da indarkeria sexistarik gabeko<br />
eta gizonentzako zein emakumeentzako eskubide- eta aukera-berdintasuna sustatzen duten<br />
guneak sortzen direneko jarduerak ezartzeko beharra.<br />
“Euskadiko” hitza erabili hala izateko areagotu den ordezkaritza-ehunekoari dagokionez,<br />
pentsa liteke, aldaketa horren ondorioz, baldintzak gogortu direla hitza erabiltzeko<br />
legitimazioa erdieste aldera. Nolanahi ere den, hori ez da horrela, ez baita lortu nahi den<br />
helburua, ezpada, bi erakundek izaera bera izan dezaten saihestea. Egiatan, ezin da ulertu<br />
helburu eta lurralde-eremu berean ordezkaritza-maila berbera duten bi erakunde ordezkatzaile<br />
egotea. Horregatik, funtsean, lurralde jakin batean, hau da, legearen aplikazio-eremuan<br />
bertan, interesdunen kopuru handiagoaren ordezkaritza hartzeko elkartzearen indarra datza<br />
xedapen horren muinean.<br />
Gainera, ez da ahaztu behar manu horren aginduzko izaera; izan ere, “Euskadiko” hitzari<br />
dagokionez, ohartu behar da berba hori sozietatearen izenari “gehitu beharko zaiola”,<br />
ezarritako ehunekoa lortzen den unean. Beraz, idazketa horren ildoan, legeak berak sorraraz<br />
zezakeen egoera zentzugabea da, hain zuzen, egun saihestu nahi dena.<br />
Bestalde, testuaren edukia hautazkoagoa izan arren, egoera zentzugabea gertatzeko<br />
arriskuak iraungo luke, eta, beraz, arrisku hori saihesteko modu bakarra ehunekoa igotzea zen,<br />
erakunde bakar batek eta aldi berean ordezkagarritasun hori lortzea izan dezan. Laburbilduz,<br />
aldaketa horrek handitu egin du arauak hartzaileei eskaini beharreko segurtasun juridikoa.<br />
Euskadiko Kooperatiben Goren Kontseiluari buruzko aipamena dakarren paragrafoa<br />
kentzeari dagokionez (lehen aipatu dugu, 31.2.5 atalean), esan daiteke aldaketa hori bat<br />
datorrela 163. artikuluaren 4. paragrafoak jasotakoarekin. Horrela, kooperatiben konfederazio<br />
580
<strong>KOOPERATIBEN</strong> ASOZIAZIONISMOA KOOPERATIBA-ELKARTEAK<br />
baten funtsezko eginkizunetako bat kooperatibak osatzen dituzten kideak ordezkatzea, hau<br />
da, federazioak ordezkatzea denez, zentzuzkoena dirudi, beraz, kooperatibek Euskadiko<br />
Kooperatiben Goren Kontseiluan eta dagozkion izakunde guztietan duten ordezkaritza<br />
konfederazioaren beraren bidez gauzatzea, maila goreneko ordezkaritza daukan elkartea<br />
denez gero. Bestela, ez legoke konfederazio bat eratzeko arrazoirik, konfederazio hori<br />
osatzen duten eta haiek ordezkatu behar dituen federazioek ordezkaritza banaka eta beste<br />
erakunde paralelo baten bidez badute, konfederazioa bazter utzita.<br />
Bat-egiteei dagokienez, praktikan, kooperatiben bat-egiteaz hitz egiten denean, bat egiteko<br />
prozesu horiek jarduera-mota edo -sektore bereko kooperatibei buruzkoak izan ohi dira, hau<br />
da, kreditu-kooperatibei, irakaskuntza-kooperatibei buruzkoak, edo legeak kidekotzat jotzen<br />
dituenetako edozeini buruzkoak.<br />
Hala ere, ez da ohikoa, hori debekatzen duen araurik ez dagoen arren, hainbat motatako<br />
(edo jarduera-sektore batzuetako) kooperatibak edo kooperatiben federazioak batzea.<br />
Beste alde batetik, arruntean gertatzen den bezala, legeria beti doa errealitatearen atzetik.<br />
Gure jarduera-eremuan ere ezin da bestela izan, eta halaxe aitortu du legearen beraren<br />
zioen azalpenak, kapitulu honetan egindako aldaketa batzuk “euskal kooperatibismoaren<br />
asozianismoaren garapenaren mailara egokitzeko” beharrez egin direla esanda. Horrela,<br />
bada, esan beharra dago bat-egite prozesu horiek orain dela hamarkada bat baino gehiago<br />
hasi zirela, kooperatiben kopuru txikiegiak osatutako federazio batzuk-batzuk eratu baitziren,<br />
dena delako federazioa osa zezaketen mota horretako kooperatiba gehiago ez zegoelako.<br />
Hain zuzen ere, Euskadiko Kreditu Kooperatiben Federazioaren kasua nabarmendu<br />
dezakegu; izan ere, federazio horrek bi kooperatiba zituen elkartuta, Euskadin mota horretako<br />
beste kooperatibarik ez zegoelako. Egoera horrek zentzu handirik ez zuenez, federazio<br />
horrek Lan Elkartuko Kooperatiben Federazioarekin eta Irakaskuntza Kooperatiben<br />
Federazioarekin bat egin zuen, eta Euskadiko Lan Elkartuko, Irakaskuntza eta Kreditu<br />
Kooperatiben Federazioa eratu zen.<br />
Geroago, beste federazio batzuk batu zaizkio, hala nola Euskadiko Kontsumoko<br />
Kooperatiben Federazioa, 2015ean, edo Euskadiko Nekazaritzako Elikagaien Kooperatiben<br />
Federazioa, 2019an. Horrek agerian uzten du euskal asoziazionismo kooperatiboa dinamikoa<br />
dela eta etengabeko bilakaeran dagoela.<br />
Horregatik, bat-egiteko prozesuen printzipio orokorrak dioenari jarraiki, hori debekatzen<br />
duen araurik ez dagoen artean, halakoak egingarriak direla dioen arren, berriro ere, segurtasun<br />
juridikoari lotutako auzi soilarengatik, bat-egitearen modalitate hori “ezohikoa” denez,<br />
berariaz jaso behar izan da legean, haren baliozkotasun juridikoari eta legezkotasunari buruz<br />
inolako zalantzarik egon ez dadin.<br />
31.3. Beste arau aplikagarri batzuk<br />
Azpimarratzekoa da legearen bederatzigarren xedapen gehigarrian jasotako testua,<br />
federazioen bat-egiteei buruz arestian adierazitakoarekin zuzenean lotuta dagoelako, bai eta<br />
manu horrek daukan izaera berritzaileagatik ere. Honela dio:<br />
581
<strong>KOOPERATIBEN</strong> ASOZIAZIONISMOA KOOPERATIBA-ELKARTEAK<br />
BEDERATZIGARREN XEDAPEN GEHIGARRIA<br />
Lege honen 153.3 artikuluan aurreikusitakoa gorabehera, kooperatiba-federazioek bat<br />
egiten badute federazio-entitate berri bat sortuz, entitate hori Euskadiko kooperatiben<br />
federazioa izango da baldin eta:<br />
1.– Elkartzen baditu Euskadiko Kooperatiben Erregistroan inskribatuta dauden eta<br />
jarduera egiaztatuta duten kooperatiben ehuneko hirurogei baino gehiago, edo<br />
kooperatiba horietako bazkide kopurua handiagoa edo berdina bada erregistro<br />
horretan inskribatuta dauden eta jardunean ari diren kooperatibetako bazkide<br />
guztiekiko.<br />
2.– Ez badago beste entitate konfederalik aipatu artikuluaren arabera sortuta.<br />
Xedapen hori Euskadiko kooperatiben federazioen arteko bat-egitearen ondorioa<br />
da, eta urrats guztiz arrazoizkoa, gainera, bilakaera horretan.<br />
Jarduera-sektore desberdinetako federazioak edo kooperatiba-motak erakunde bakar<br />
batean batu ondoren, sortzen den federazioa ia izaera konfederatuko ordezkaritza duen<br />
erakundea da.<br />
Aldi berean, federazio sektorial guztiak entitate bakarrera batzen direnean, ez dauka zentzu<br />
handirik federazio berberak ordezkatuta dauden beste erakunde bat egoteak, bikoiztasun<br />
hutsagatik, helburu bera betetzeko, Euskadiko Kooperatiben Konfederazioarekin gertatzen<br />
zen bezala.<br />
Gainera, bat egiteko prozesu horien ondotik, konfederazio horrek legezko kausa izango<br />
luke desegiteko; izan ere, konfederazioa osatzen zuten federazioak bat-egiteen ondorioz<br />
iraungitzen direnez, elkartutako erakunde bakarrak osatuko luke konfederazioa, eta, beraz,<br />
desegitea deklaratu beharko luke.<br />
Beste alde batetik, desegite horrek ordezkaritzaren esparruan utziko lukeen hutsunea<br />
saihesteko, eta, gainera, federazioek Euskadiko Kooperatiben Goren Kontseiluan eta<br />
ordezkaritza hori egikaritu behar duten beste bilgune eta izakunde batzuetan ordezkaritza izan<br />
dezaten eta baliatzea izan dezaten bermatzeko, beharrezkoa halako xedapenik ezartzea, arauhutsune<br />
hori betetzeko helburuz, eta, ildo horretan, ia konfederazioaren izaera duen erakunde<br />
batek, lehen aipatu dugun bezala, konfederazioaren izaera izan dezan ahalbidetzeko xedez.<br />
Horrela, konfederazioaren beharrezko desegiteak utzitako hutsunea bete eta kooperatiben<br />
asoziazionismoa indarturik aterako litzateke bilakaera horretatik, baina hori guztia legeak<br />
elkarteen errealitatea eta haren bilakaera aitortzeak ematen duen segurtasun juridikoaren<br />
bermez.<br />
582
32. <strong>EUSKADIKO</strong> <strong>KOOPERATIBEN</strong> GOREN<br />
KONTSEILUA* 1<br />
165. artikulua.– Izaera, osaera eta funtzioak.<br />
1.– Euskadiko Kooperatiben Goren Kontseilua, kooperatibismoa sustatzeko eta haren<br />
berri zabaltzeko organo goren gisa sortua, euskal administrazio publiko guztientzako<br />
kontsulta- eta aholku-entitate publiko gisa eratzen da kooperatibismoaren inguruko<br />
gai guztietan.<br />
Nortasun juridiko propioa izango du, Euskal Autonomia Erkidegoko Administrazioarenaz<br />
bestelakoa; era berean, ahalmen osoa izango du bere funtzioak betetzeko.<br />
2.– Hona zein diren Euskadiko Kooperatiben Goren Kontseiluaren funtzioak:<br />
a) Kooperatiba-mugimenduaren printzipioak zabaltzea; erraztasunak ematea eta<br />
lankidetza eskaintzea kooperatibak garatu eta sustatzeko programak ikertu,<br />
planifikatu eta betetzeko, eta kooperatibei buruzko heziketa eta prestakuntza<br />
bultzatzea.<br />
b) Kooperatibei edo haien elkarteei zuzenean eragiten dieten lege- edo<br />
erregelamendu-xedapenetako proiektuei buruz nahitaez txostenak egitea,<br />
eta azterlanak eta proposamenak egitea eta irizpenak ematea bere eskumeneko<br />
gaiei buruz. Era berean, kooperatibei edo haien erakundeei zuzenean eragiten<br />
dieten dirulaguntzen oinarri erregulatzaileei buruzko txostenak egitea.<br />
c) Administrazioarekin lankidetzan jardutea lege honetan xedatutakoa zabaldu<br />
eta betetzeko; bereziki, kooperatiba-printzipioak. Hain zuzen ere, kooperatibaprintzipioak<br />
betetzen direla zainduko du (bereziki kontrol demokratikoa eta<br />
bazkideen partaidetza ekonomikoa), hargatik eragotzi gabe Eusko Jaurlaritzaren<br />
edo beste administrazio publiko batzuen ikuskaritza-funtzioak, bat etorriz 147.1<br />
artikuluan xedatutakoarekin.<br />
d) Interes erkideko zerbitzuak antolatzea kooperatiba-federazioentzat, eta, hala<br />
badagokio, kooperatibentzat.<br />
e) Euskal Autonomia Erkidegoko antolamendu sozioekonomikoari buruzko legeeta<br />
erakunde- araubidea hobetzen laguntzea, eta hori lortzeko existitzen diren<br />
erakunde eta organismoetan parte hartzea.<br />
f) Arbitraje-bidez esku hartzea kooperatiben artean, kooperatiben eta haien<br />
bazkideen artean edo kooperatiben barruan bazkideen artean sor daitezkeen<br />
auziak ebazteko, baldin eta alderdi biek eskatzen badute edo alderdiok hori<br />
egitera behartuta badaude beren estatutuen, barne-erregelamenduaren edo<br />
konpromiso-klausula baten arabera. Auzigaiok, nolanahi ere, alderdiek<br />
* Santiago Merino Hernández jaunak, Euskadiko Kooperatiben Goren Kontseiluko letraduak, egindako<br />
iruzkina.<br />
583
<strong>EUSKADIKO</strong> <strong>KOOPERATIBEN</strong> GOREN KONTSEILUA<br />
askatasun osoz eta zuzenbidearen arabera erabakitako gaiei buruzkoak izan<br />
beharko dute; batez ere, kooperatiben printzipio, arau, ohitura eta jokabideak<br />
interpretatu eta aplikatzeari buruzkoak.<br />
Edozein delarik ere kooperatiba mota, kooperatibetako bazkideen eta<br />
kooperatiben artean sortzen diren auziak ebazteko, kooperatibako barnebidea<br />
–lege honetan eta berau garatzeko arauetan, sozietate-estatutuetan edo<br />
kooperatibaren barne-arauetan ezartzen dena– agortu beharko da gatazkak<br />
ebazteko bidetik jo baino lehen; hau da, barne-bidea agortu beharko dute<br />
jurisdikzio eskudunera edo epaiketaz kanpoko bidera jo baino lehen.<br />
g) Lege honek gomendatzen dizkion gainerako guztiak.<br />
3.– Euskadiko Kooperatiben Goren Kontseilua osatuko dute kooperatiben ordezkariek,<br />
Eusko Jaurlaritzaren ordezkariek, hiru lurralde historikoetako foru-aldundien<br />
ordezkariek eta Euskal Autonomia Erkidegoko unibertsitateen ordezkariek.<br />
Kooperatiben ordezkaritza, kontseiluan gehiengoa izango duena, Euskadiko<br />
Kooperatiben Konfederazioaren bidez gauzatuko da.<br />
4.– Erregelamenduz zehaztuko da zein diren kontseiluko organoen egitura, osaera eta<br />
funtzioak, zein den lehendakaria eta idazkari nagusi teknikoa hautatzeko sistema eta<br />
zein diren haien eskumenak eta langileen lan-araubidea.<br />
5.– Ekonomia- eta finantza-autonomiako printzipioan oinarrituta, Euskadiko Kooperatiben<br />
Goren Kontseiluak bere aurrekontua onartu eta egikarituko du; aurrekontu hori<br />
finantzatzeko, honako diru-iturri hauek erabiliko ditu:<br />
a) Euskal Autonomia Erkidegoko Aurrekontu Orokorretan izendatzen zaizkion diru<br />
kopuruak.<br />
b) Lege honetako 98.2 artikuluko a) eta d) letretan definitutako diru kopuruak.<br />
c) Kooperatiba-mugimenduaren ekarpenak.<br />
d) Bere jarduera eta ondasunen produktuak.<br />
e) Beste diru-sarrera publiko edo pribatu batzuk, arau bidez onartuta dituenak edo<br />
kostu-bidez edo irabazte-xedez jasotzen dituenak.<br />
6.– Euskadiko Kooperatiben Goren Kontseiluak kanpoko auditoretza baten mende<br />
jarriko ditu onartzen dituen urteko kontuak, aplikagarri zaion informazio<br />
finantzarioari buruzko araudi-esparruaren arabera formulatuko direnak.<br />
32.1. Berrikuntza nagusiak aurreko araudiaren aldean<br />
Zioen azalpenean, Euskadiko Kooperatiben Goren Kontseiluari (aurrerantzean, EKGK)<br />
buruzko berritasunei buruzko aipamen laburra egin bada ere -bertan adierazi da legezko<br />
egoitzan argitu dela urteko kontuak formulatu behar direla, aplikatu beharreko finantzainformazioari<br />
buruzko arau-esparruarekin bat etorriz- foru-aldundien parte-hartzea eta,<br />
arbitraje-funtzioari dagokionez, barne-bidea agortzea ditugu lege berrian aurki ditzakegun<br />
berritasunak, eta horiexek azalduko ditugu jarraian.<br />
584
<strong>EUSKADIKO</strong> <strong>KOOPERATIBEN</strong> GOREN KONTSEILUA<br />
Hori esanda, 165. artikulua zehatz aztertzen hasi aurretik, gogorarazi behar dugu berrikuntza<br />
garrantzitsuak gehitu direla EKGKren inguruan 89.1.a) (eraldatze-memoriaren homologazioa<br />
desagertu da) eta 117.2 (etxebizitza-kooperatibek hirugarrenekin egindako eragiketetan esku<br />
hartzea) artikuluetan. Berrikuntza bi-biak iruzkin-bilduma honetako kapitulu egokian jorratu<br />
diren arren, lehenengoa nabarmendu behar dugu, orain arte, eginkizun garrantzitsua izan<br />
delako eta, nolabait esatearren, erakundearen eguneroko lanaren antolaera egituratu duelako.<br />
Horren haritik, esan behar dugu euskal legegileak, kooperatibei buruzko lege autonomikoen<br />
erregulazioaren ildoan, EKGKri esleitutako homologazio-funtzioaren kausa eta helburua<br />
berrikusi dituela, bai eta horri zuzenbidean baliozkoa den edozein modutan egiaztatu<br />
behar zaion ondarearen izaera eta zenbatekoa ere, nahitaezko partaidetza-kontu gisa egin<br />
beharrean, indargabetutako arauak jasotzen zuen bezala. Bigarrenari dagokionez, esan<br />
beharra dago berriren berri edo ex novo ezarri dela, eta lana honetan etxebizitza-kooperatibei<br />
buruz egindako iruzkinari lotzen gatzaizkiola bete-betean.<br />
Halaber, 165. artikulutik landako berritasunen artean, laugarren xedapen gehigarria aipatu<br />
behar dugu. Manu horretan, beharrezkotzat jo da EKGK-k parte hartzea, aldez aurreko txosten<br />
baten bidez, kooperatibismoa bultzatu eta sustatzeko Eusko Jaurlaritzak egiten dituen urteko<br />
programetan; baita seigarren xedapen gehigarria ere, EKGKrekiko harremanetan, zeinahi<br />
hizkuntza erabiltzeko eskubidea ezartzen duena, eta, bidenabar, kontseiluari bi hizkuntzak<br />
erabiltzera behartzen duena beste administrazio publiko batzuekiko harremanetan.<br />
Azaldutako berrikuntzak iruzkin-bilduma honen kapitulu egokian ere jorratu dira.<br />
165. artikuluari dagokionez, oro har, 4/1993 Legearen edukiari eutsi zaio, baina berritasun<br />
batzuk gehitu dira. Hala, EKGKren nortasun juridikoa argitu da, Euskal Autonomia<br />
Erkidegoko administrazioarenaz bestelakoa den aldetik (165.1 artikulua); nahitaezko<br />
txostenei dagokienez, aldiz, adierazi da kooperatibei edo haien erakundeei zuzenean eragiten<br />
dieten diru-laguntzen oinarri arautzaileen inguruko txostenak egingo dira (165.2.b artikulua);<br />
EKGKren esku-hartzea eginkizun gisa txertatu da, kooperatiben printzipioak beteko direla<br />
jagoteaz denaz bezainbatean; zehaztu da barruko bidea agortu beharko dela, kooperatiben<br />
gatazkak auzibidez ebatzi edo auzibidez kanpoko prozedura batera jotzeko (165.2.f<br />
artikulua); hiru lurralde historikoetako foru-aldundietako ordezkariak gehitu dira EKGKren<br />
osaeran (165.3 artikulua); ezarri da kooperatiben ordezkaritza (gehiengoaren ordezkaritza)<br />
Euskadiko Kooperatiben Konfederazioaren bidez izango dela (165.3 artikuluaren bigarren<br />
paragrafoa); eta EKGKren fiskalizazioa argitu da. Horren bidez, erakunde horrek kanpoauditoretza<br />
egin beharko die onartzen dituen urteko kontuei, eta kontu horiek aplikagarria<br />
den finantza-informazioari buruzko arau-esparruaren arabera formulatu beharko dira (165.6<br />
artikulua).<br />
Lehen gaiari dagokionez, hau da, EKGKren nortasun juridikoari gagozkiola, legegileak ez<br />
ez du ezer berririk arautu; agian, idazketa argiagoa baliatu nahi izan du, batez ere, ikuspegi<br />
pedagogikotik. Izan ere, ezin da nahasi izaera juridiko eta publikoa izatea (hala dio legegileak<br />
165.1 artikuluan, organo horren inguruan ezarritakoa jasota, indargabetutako arauan ez ezik,<br />
organoa sortu zuen 1/1982 Legean ere bai) eta Euskal Autonomia Erkidegoko Administrazio<br />
Publikoko kide izatea, edo, bestela esanda, EAEko administrazio exekutiboko kide izatea.<br />
EKGK Euskadiko sektore publikoan -ez erkidego honetako administrazioan- txertatzeko<br />
moduari buruz hurrengo kapituluan arituko gara, organoaren azterketa orokorrari ekiten<br />
diogunean.<br />
585
<strong>EUSKADIKO</strong> <strong>KOOPERATIBEN</strong> GOREN KONTSEILUA<br />
Hala berean, garrantzitsua da EKGK-k kooperatibei edo haien erakundeei zuzenean eragiten<br />
dieten diru-laguntzen oinarri arautzaileei buruzko txostena egitea (165.2.b artikulua), eta hori<br />
EKLn bertan sartzea, batez ere, EKGKren nahitaezko txostena ezarri duen 2. ataleko b) letraren<br />
idazketa dela-eta, soil-soilik kooperatibei zuzenean eragiten dieten lege- eta erregelamenduproiektuetan.<br />
Horrela, bermatu egiten da erakunde horrek, kooperatibismoa sustatzeko eta<br />
hedatzeko organo gorena den aldetik, parte hartu behar duela EAEn euskal kooperatibismoaren<br />
alde garatzen den dirulaguntzen politikan.<br />
Hurrengo urteetan, EKGKren beraren bilakaera baldintzatuko duen berrikuntza<br />
garrantzitsuenetako bat printzipio kooperatiboak betetzen direla zaintzeari buruzko<br />
eginkizuna dugu, batez ere, bazkideen kontrol demokratikoari eta parte-hartze ekonomikoari<br />
dagokienez, Eusko Jaurlaritzari edo beste administrazio publiko batzuei dagozkien ikuskaritzafuntzioei<br />
kalterik egin gabe, EKLren 147.1 artikuluak ezarritakoari jarraiki. Printzipio<br />
kooperatiboak betetzen direla zaintzeko eginkizun horri esker, EKGK izango da, azken batean,<br />
kooperatiba guztiek euren jarduerak zuzenbidearen araberakoak izango direla bermatuko<br />
duena, 1.1 artikuluak dioenez, “Enpresa bat garatzen duen sozietatea da kooperatiba…<br />
kooperatibismoaren printzipioak betez”. Ildo horretan, EKGKren jarduera proaktiboak, ofizioz<br />
edo edozein interesdunen eskariz, lagundu egin beharko du, oro har, araudia eta printzipio<br />
kooperatiboak eragingarriro betetzen, eta, bereziki, oinarrizko erabakiak bazkideek har ditzatela<br />
ahalbidetzen, barne-araudiaren eta aplikazio orokorreko beste edozein araudiren arabera, eta,<br />
aldi berean, haiek enpresa kontrolatzen, bertan benetan parte hartuz. Azken batean, EKGK-k<br />
egiaztatu beharko du bazkideen partaidetza-mailak, bai maila ekonomikoan (kapitalari eta<br />
baizko itzulkinei dagokienez), bai erabakiak hartzerakoan eta boto-eskubide aktibo eta<br />
pasiboan, EKLn benetan jasotzen direnak direla, aipatutako printzipioetan bertan oinarritzen<br />
den beste edozein eskubide ahaztu gabe. CSCE-EKGKren jarduketaren zioz, salaketa aurkeztu<br />
ahal izango da eskumena duten ikuskaritza-erakundeen aurrean, ez bakarrik EKLren 158.1<br />
artikuluaren lan-arloko eskumena duen Eusko Jaurlaritzako sailaren aurrean, ezpada, edozein<br />
ikuskapen-organoren aurrean ere (zerga-arlokoa, Gizarte Segurantza, laneko osasuna eta<br />
osasuna, ingurumena…). Jarduketa horiek eta garatu beharreko prozedurak zehazteko, EKLren<br />
erregelamendu-garapenari lotuko gatzaizkio, bai eta EKGKren araudiari ere.<br />
Beste alde batetik, legegileak beharrezkotzat jo du barne-bidearen agortzea ezarri behar dela<br />
kooperatiben gatazkak auzibidez edo judizioz kanpo ebazteko prozedura batera jo aurretik;<br />
betebehar hori aurretiaz eskatzen zen, nolabait, arbitraje-espedienteetan, alderdiren batek<br />
kontraesaneko prozeduraren esparruan salbuesten zuenean. Hala, EKGK-k, BITARTU-<br />
Kooperatiben Arbitrajeko Euskal Zerbitzuaren eskutik, ez dauka asmo berezirik kooperatibaarloan<br />
izandako gatazkak modu kontraesankorrean konpontzeko, baizik eta, hala badagokio,<br />
azken buruan eta zerbitzuaren barneko edo egoitzan bertan adiskidetze- eta bitartekotzamekanismo<br />
guztiak baliatu ondoren. Eta hori guztia, gainera, kooperatibaren beraren<br />
estatutuetan jasotako barne-prozedurak eta errekurtsoak agortu ondoren. Segurutik, horrek<br />
murriztu egingo ditu BITARTUn izapidetzen diren espedienteak, eta ez du arazorik sortu<br />
behar erakunde honentzat, gatazkak behin betiko konpontzen badira. Are gehiago, EKGK-k<br />
berak EKLn eta estatutuetan jasotako barne-bidea betetzera ere jo behar du, bai eta euskal<br />
kooperatibetan horien eta bazkideen artean sor daitezkeen gatazkak negoziatzeko eta horien<br />
hautazko konponbideak bilatzeko tresnak ezar daitezen sustatzera ere.<br />
586
<strong>EUSKADIKO</strong> <strong>KOOPERATIBEN</strong> GOREN KONTSEILUA<br />
Bi gai aurreratu ditugu CSCE-EKGKren osaerari buruz. Kooperatiben ordezkaritzari<br />
dagokionez -ordezkaritza hori, indargabetutako arauan ezarritakoari jarraituz, kooperatiben<br />
gehiengoa izango da-, Euskadiko Kooperatiben Konfederazioaren bidez egingo dela ezarri<br />
da, eta, horrela, erakunde horretara bildu den sektorearen errealitatea jaso da, gaur egun<br />
konfederazioan bertan bat eginda dauden federazio sektorialen esku zegoen ordezkaritzaren<br />
iraganeko egoera gaindituta. Konfederazioak egokiesten dituen ordezkariak izenda ditzake<br />
bere interesak defendatzeko, baina arrazoizkoena litzateke ordezkarien artean konfederazioa<br />
osatzen duten kooperatiba-mota guztiak ordezkatuta egotea eta, beraz, sektore ekonomiko<br />
guztiak EKGKn egotea.<br />
Aipatutako berrikuntza teknikotzat jo genezake, uste baitugu aldaketak ez duela eraginik<br />
izango kooperatiben asoziazionismoak EKGKn daukan parte-hartzean, ez eta ekinbidean<br />
ere, baina foru-aldundien parte-hartzea berria da. Parte-hartze hori EKL onartzeko<br />
legebiltzar-izapidean txertatu zen, ez baitzegoen jasota aurretiaz onartutako lege-proiektuan.<br />
Zalantzarik gabe, EKLk euskal administrazio publikoen aholku- eta kontsulta-izaerako<br />
erakundetzat jo du EKGK (pluralean diogu, EAEkoa baino administrazio publiko gehiago<br />
dagoela gogorarazteko), besteak beste, foru-aldundiena. Foru-aldundien parte-hartzeak<br />
erraztu egingo du lurralde historikoetan kooperatibismoa areago sustatzen eta hedatzen; izan<br />
ere, lurralde-eremu horietan sektore horri buruzko politika publikoak garatzen ziren lehendik,<br />
behinik behin, sektorea sustatzeko eta hedatzeko organo gorenaren beharrezko koordinazioa<br />
izan gabe. Hortaz, foru aldundiek EKGKn hartutako partaidetzak administrazioen arteko<br />
harremana osatuko du, kasurako, Gipuzkoan eta Araban dauden Kooperatiben Araubide<br />
Fiskaleko Aholku Batzordeetan egon dagoen harremanaren antzera. EKGK-k batzorde<br />
horretan parte hartzen du dagoeneko, eta hiru kide proposatu ditu erakunde horretan parte<br />
hartzen duten kooperatiben ordezkarien artean. Hala eta guztiz ere, zalantzarik gabe, euskal<br />
legegileak herrialdeko kooperatiba-sustapenaren toki gorenean ezarri du EKGK, eta,<br />
horretarako, euskal sektore publikoaren, unibertsitateen eta sektorearen beraren lankidetza<br />
bilatu du.<br />
Lege berrian aurkitu dugun eta arestian aipatu dugun azken berritasuna dugu urteko kontuen<br />
formulazioa EKLk behartzen duen nahitaezko kanpo-auditoretzaren aurretik egin beharko<br />
dela, aplikatzekoa den finantza-informazioaren arau-esparruarekin bat etorriz. Legegileak<br />
gogorarazi du, EKGK, erakunde publikoa den aldetik, araubide ekonomiko eta finantzario<br />
berezi bati loturik dagoela, eta berezkoa izateaz ez ezik, mota horretako erakundeentzat oro<br />
har aplikatzekoa den gainerako araudietan aintzat hartu behar da eta araudi horren esparruan<br />
formulatu beharko dira urteko kontuak Nolanahi ere, horixe egin du EKGK-k historian zehar,<br />
nahiz eta legeak berariaz ez agindu.<br />
32.2. Iruzkin orokorra eta esanahi praktikoa<br />
32.2.1. Aurrekariak<br />
EKGKren jatorria Kooperatibei buruzko otsailaren 11ko 1/1982 Legean dago. Hala, manu<br />
horren zioen azalpenean eta 70. artikuluan ageri eta zehaztu zen EKGK. Hain zuzen, 70.<br />
Artikuluak hauxe dio: “Kooperatiben Kontseilu Nagusia kooperatiben eta bere erakundeen<br />
587
<strong>EUSKADIKO</strong> <strong>KOOPERATIBEN</strong> GOREN KONTSEILUA<br />
goreneko sustapen eta ordezkaritza-sail gisa sortu da. Kontseilu Nagusia lege-nortasunaren<br />
jabe da, eta kooperatigintzaren sustapena eta azterketa izango ditu bere jardunaren oinarriirizpide<br />
nagusia” (jatorrizko testua zuzendu da).<br />
1/1982 Legearen zioen azalpenak adierazi bezala, EKGKren aurrekaria Kataluniako<br />
Generalitatearen 1934ko Lankidetza Legean dago, eta horrek, aldi berean, 1918ko Frantziako<br />
Lankidetzaren Kontseilu Gorenean hartu zuen oinarri.<br />
Hasiera batean, organo horren eraginkortasuna ere ezagutzen ez zen organo baten aurrean<br />
(hala izendatu zuen legeak), ez zen falta izan organo horren izaera juridikoari buruz galdetu<br />
zuenik. Nolanahi ere, organo horren izaera juridiko publikoa ez zen inoiz zalantzan jarri:<br />
sorrera publikoa izan zuen, helburu publikoak izan zituen, eta, azkenik, horren finantzaketa<br />
EAEko aurrekontu orokorretan jasota zegoen. Hala eta guztiz ere, autonomia-erkidego<br />
hasiberri hartako legegileak irtenbide jakina bilatu zuen kooperatiben mugimendua<br />
egituratzeko, hitzarmenean eta adostasunean oinarrituta; ez, ordea, EAEko Administrazio<br />
Orokorraren atal izango zen beste erakunde bat sortuta. Kooperatiben asoziazionismoa<br />
erakunde horren bidez egituratu zen, nahiz eta kooperatibek eurek zehaztu zuten, aipatutako<br />
politika eta administrazio arloetako ordezkarien babesarekin. Zalantzarik gabe, babes<br />
horretan nolabaiteko laguntza eta lankidetza bilatu ziren administrazioaren eta kooperatiben<br />
artean, kooperatiben autonomian eta horiekiko errespetuan funtsatuta, interes orokorrak<br />
beteko zirela bermatzeko administrazioaren esku-hartzeari kalterik egin gabe.<br />
4/1993 Legeak EKGKren izaera juridikoa aldez edo moldez argitu zuen, baina zalantzak ez<br />
ziren erabat desagertu, besteak beste, kooperatiben mugimenduaren ordezkaritza bere gain<br />
hartu zuelako, nahiz eta modu iragankorrean izan. Hala, laugarren xedapen iragankorrak,<br />
kooperatiben asoziazionismoaren araubide iragankorrari buruzkoak, honako hau jaso zuen:<br />
“Euskadiko Kooperatiben Konfederazioa eratzen ez den bitartean, Euskadiko Kooperatiben<br />
Goren Kontseiluak izango du kooperatiben ordezkaritza gorena”. Nolanahi ere, Euskadiko<br />
Kooperatiben Konfederazioa sortu zenean, 1996ko ekainean, EKGKren definizioa guztiz<br />
argitu zen, kooperatiben eta haien erakundeen ordezkaritza gorena ez baitzen haren esku<br />
geratu, eta auzi hori baitzen, inolako zalantzarik gabe, kontseiluaren nortasun juridikoari<br />
buruzko zalantzen iturri nagusia. Euskadiko Kooperatiben Konfederazioa sortu zenean,<br />
EKGKren eraketa azkendu egin zen, zati batez, behintzat, euskal kooperatibismoak,<br />
behingoan, antolaerari, egiturari eta ordezkaritzari heltzeko erakundea idoro baitzuen.<br />
32.2.2. Izaera juridikoa<br />
Euskadiko Kooperatiben Goren Kontseiluaren izaera juridikoari dagokionez, euskal<br />
administrazio publikoen aholku- eta kontsulta-izaera duen baina berezko nortasun juridikoa,<br />
Euskal Autonomia Erkidegotik at, daukan erakunde publiko baten aurrean gaudela adierazten<br />
duen lege-testuaren idazketatik abiatuta, EKGK doktrina klasikoak deskribatutako erakunde<br />
publiko mota baten kontzeptuari egozteko tentazioa izan genezake, aplikatu beharreko<br />
araudia zehazteko helburuz. Bide horretatik joz gero, berriro eztabaidatzen hasiko ginateke<br />
doktrinaren inguruan, eta erakunde hori kontzeptuz eta zuzenbidez zedarriztatzeko asmotik<br />
aldenduko ginateke. Hala eta guztiz ere, ahaleginik egingo dugu eztabaida historiko bati<br />
behin betiko azkena emateko, areago, EKL berriaren babesean.<br />
588
<strong>EUSKADIKO</strong> <strong>KOOPERATIBEN</strong> GOREN KONTSEILUA<br />
Zalantzarik gabe, EKGK gure ordenamenduan definitutako izakunde juridiko eta<br />
administratibo zehatz batzuen ezaugarri eta elementu erkideak baditu, baina ez dugu horietako<br />
bakar batean ere barneratzen duen lege-xedapenik aurkitu. Errealitatearen nagusitasunprintzipioa<br />
bilatuz, hau da, “Gauzak diren modukoak dira, eta ez alderdiek dioten modukoak”,<br />
Sektore Publikoaren Araubide Juridikoaren urriaren 1eko 40/2015 Legearen (aurrerantzean<br />
SPAJL) 2. artikulura joko dugu, sektore publikotzat zer ulertu behar dugun ezartzen baitu:<br />
“1. Lege hau sektore publikoari aplikatzen zaio. Sektore horretan sartzen dira honako<br />
hauek:<br />
a) Estatuaren Administrazio Orokorra.<br />
b) Autonomia-erkidegoen administrazioak.<br />
c) Toki-administrazioa osatzen duten entitateak.<br />
d) Sektore publiko instituzionala.<br />
2. Hauek sartzen dira sektore publiko instituzionalean:<br />
a) Administrazio publikoei loturik edo haien mendean dagoen zeinahi organismo<br />
publiko eta zuzenbide publikoko entitate.<br />
b) Administrazio publikoei loturik edo haien mende dauden zuzenbide pribatuko<br />
entitateak, betiere administrazio-ahalak baliatzen dituztenean. Lege honek haiei<br />
buruz espezifikoki xedatzen duenaren mende egongo dira, bereziki 3. artikuluak<br />
aurreikusten dituen printzipioen mende.<br />
c) Unibertsitate publikoak, zeinek beren araudi espezifikoari jarraituko baitiote<br />
eta, modu osagarrian, lege honetan xedatutakoari.<br />
3. Administrazio Publikotzat hartzen dira: Estatuaren Administrazio Orokorra,<br />
autonomia-erkidegoen administrazioak, toki-administrazioa osatzen duten<br />
entitateak eta 2. zenbakiko a) letran aurreikusitako organismo publikoak eta<br />
zuzenbide publikoko entitateak”.<br />
Goian azaldutako tipologiak aztertuta, argi eta garbi dago EKGK ez dela Estatuko<br />
Administrazio Orokorraren atal (Eusko Legebiltzarrak sortu zuen 1/1982 Legearen bidez,<br />
eta EAEkoa da haren jarduera-eremua), ezta EAEko Administrazioarena ere, EKLn bertan<br />
berariaz jasota dagoelako, nortasun juridiko propioa duelako eta administrazio horren<br />
sarearen berezko sail, atal edo antolaketa-unitateren bati atxikita ez dagoelako edo haren<br />
mendekoa ez delako. Beste alde batetik, bistakoa da ez dela toki-administrazioaren atal.<br />
Autonomia-erkidegoari gagozkiola, 1/1997 Legegintzako Dekretuak, azaroaren 11koak,<br />
Euskadiko Ogasun Nagusiaren Antolarauei buruzko Legearen Testu Bategina onartu zuenak,<br />
honako hau dio 2. atalean: “Administrazio orokorra edo Euskal Autonomia Erkidegoko<br />
administrazioa da, Euskadiko administrazio publiko guztian, lurralde-izaera daukan<br />
bakarra. Administrazio orokor hori Jaurlaritzaren ekainaren 30eko 7/1981 Legeko 53.<br />
atalean dago aipatuta”. Guztiaz ere, erraz ondoriozta dezakegu EKGK ez dela Estatuko<br />
Lurralde Administrazioaren atal.<br />
EKGK Lurralde Administrazioaren atal den zalantza uxatu ondoren, SPAJLren 2. atalak<br />
jaso duen sektore instituzionalaren aurrean ote gauden aztertzeko unea da, eta, zehazkiago,<br />
589
<strong>EUSKADIKO</strong> <strong>KOOPERATIBEN</strong> GOREN KONTSEILUA<br />
“Administrazio publikoei loturik edo haien mendean dagoen zeinahi organismo publiko eta<br />
zuzenbide publikoko entitate” deritzon kategoria horren barrukotzat jo dezakegun, argia<br />
baitirudi administrazio publiko bati lotutako zuzenbide pribatuko erakunde bat ez denik,<br />
ez eta unibertsitate publiko bat denik ere, artikulu horren b) eta c) letretan, hurrenez hurren,<br />
agertzen den moduan<br />
Ildo horretan, badirudi EKGK kategoria horretan sar litekeela, SPAJLk mota horretakotzat<br />
jotzen baitu “zeinahi organismo publiko eta zuzenbide publikoko entitate”. Gogora dezagun<br />
EKGK erakunde publikoa dela, eta, gainera, hura arautzen duen dekretuaren arabera, ondareari<br />
eta kontratazioari buruzko araudi publiko batzuk aplikatzen zaizkiola, administrazio-ahalak<br />
baliatzen dituenean administrazio-prozedura erkideari dagokion guztia ahaztu gabe. Azken<br />
kasu horretan, gainera, EKGKren egintzak administrazioarekiko auzien jurisdikzioan<br />
aurkara daitezke, jurisdikzio hori arautzen duen legean ezarritako betekizunen arabera eta<br />
epeen barruan. Bestalde, sektore horren barrukoak dira, era juridiko eta publikoari lotuta<br />
eratzen diren erakunde instituzionalak ez ezik, haien jarduera zuzenbide pribatuari lotzen<br />
diotenak ere bai.<br />
SPAJLren 2. artikuluaren 2. atalari erreparatuta, esan dezagun manu horrek erakundemendekotasuna<br />
ezarri duela conditio sine qua non edo nahitaezko betekizun gisa. Bada,<br />
lotura edo mendekotasuna zer den zehazterakoan, beste administrazio batekiko atxikipena<br />
dela esan dezakegu, baina arestian esan dugunez, EKGK-k ez dauka halakorik; erakunde<br />
nagusiaren zuzendaritza estrategikoari, ebaluazioari edo emaitzen kontrolari men egitea,<br />
eta hori ere ez dugu antzeman gure kasuan; eragin edo partaidetza publiko nagusia ere ez,<br />
kooperatiben ordezkaritza gehiengoa baita. Hala eta guztiz ere, eragin publikoaz ohartu<br />
gara, finantzaketa aurrekontu publikoen mende dagoen heinean. Egia esatera, EAEko<br />
aurrekontu orokorren bidez finantzatzen da, gehienbat. Eusko Jaurlaritzak prestatzen ditu<br />
aurrekontu horiek eta Eusko Legebiltzarrak onartzen. Ildo horretan, Europar Batasuneko<br />
Justizia Auzitegiaren 2000ko urriaren 3ko Epaia, kontratuen arloko gai bati buruzkoa,<br />
aipatu behar dugu. Honako hau dio: “Bakar-bakarrik «finantzaketa publikotzat» jo beharko<br />
lirateke dena delako erakundearen jarduerak kontraprestazio espezifikorik gabe finantzatzen<br />
edo babesten dituzten prestazioak (…). Erakunde onuradunaren eta botere esleitzailearen<br />
arteko mendekotasuna lehenengoaren bigarrenarekiko mendekotasun-harremana da, baldin<br />
eta lehenengoaren merkatuko posizioa bigarrenaren finantza-ekarpenari erabat lotuta edo<br />
gehienbat lotuta badago, halako eran non, finantzaketarik ezean, erakunde onuradunaren<br />
iraupena arriskuan egongo litzatekeen. Azken batean, 165. artikuluaren 5. atalak ezarritzako<br />
beste finantzaketa-iturri batzuk gorabehera (kooperatibak likidatzeko eta eraldatzeko<br />
prozesuetan esku hartzeagatik ordaindutako kopuruak, kooperatiba-mugimenduaren<br />
ekarpenak, bere jardueratik eratorritakoak, eta legeak dioen bezala, “e) Beste diru-sarrera<br />
publiko edo pribatu batzuk, arau bidez onartuta dituenak edo kostu-bidez edo irabazte-xedez<br />
jasotzen dituenak, baterako iritzia da EKGKren iraupena arrisku bizian egongo litzatekeela<br />
Eusko Legebiltzarrak onartutako zuzkidura ekonomikorik gabe. Gainera, ez du baliabide<br />
ekonomikorik eskuratzen aurrekontu publikoetan jasotako baliabide ekonomikoez eta, urriurriak<br />
badira ere, kooperatiben likidazio eta transformazioetatik eratorritakoez landa, eta<br />
beste erakunde batzuk dira, hain zuzen ere, EKGKrekiko finantza-mendekotasuna dutenak,<br />
hein handi batean, kontseiluak finantzatzen baititu finantza-autonomiaren eta gastuaren<br />
590
<strong>EUSKADIKO</strong> <strong>KOOPERATIBEN</strong> GOREN KONTSEILUA<br />
gauzatze-mailaren printzipioan oinarrituta, betiere erakundearen eginkizunak betetzeko<br />
esparruaren baitan.<br />
Beraz, Europak sortutako “organismo publikoaren” kontzeptuaren ikuspegitik, EKGK<br />
euskal sektore publikoaren atal den erakunde publikotzat har liteke, “eragin nagusiaren”<br />
printzipioaren bidez, erakunde sortzaileari lotuta, eta Euskal Autonomia Erkidegoko<br />
Aurrekontu Orokorretatik datorren finantzaketa publiko nagusian txertatutakoa.<br />
Hori esanda, SPAJLren 2. artikuluaren 3. atalera jo behar dugu. Ondokoa dio: “Administrazio<br />
Publikotzat hartzen dira: Estatuaren Administrazio Orokorra, autonomia-erkidegoen<br />
administrazioak, toki-administrazioa osatzen duten entitateak eta 2. zenbakiko a) letran<br />
aurreikusitako organismo publikoak eta zuzenbide publikoko entitateak”. Ez da beharrezkoa<br />
ideia honetan sakontzea: administrazio publikotzat eta sektore publikoaren ataltzat jotzeak<br />
ez dauka zerikusirik EAEko administrazio publikotzat hartzearekin, eta hori bazterturik<br />
geratu da, EKLk hala jasotzen duelako, bai eta egin dugun azalpenagatik ere.<br />
Azken aipamen zeharo argigarria egin behar dugu, EKGK EKLren IV. kapituluan<br />
(kooperatiben asoziazionismoa) araututa agertzeari buruzkoa, ez III. kapituluan (administrazio<br />
publikoa). Autu horrek ez du, inola ere, erakundearen izaera juridikoa ebazten, eta hor ageri<br />
da sistematikaren zehaztasunagatik, III. titulua EAEko administrazioari buruzkoa baita, ez<br />
euskal administrazio publiko guztiei buruzkoa. EKGK titulu horren II. kapituluan araututa<br />
dagoenez, kooperatiba-elkarteetatik bereizita (azkenak erakunde pribatuak dira), ondoriozta<br />
dezakegu asoziazionismoa gerta daitekeela, eremu pribatutik ez ezik, sektore publikoaren<br />
zati edo atal batekin batera ere bai, eta horiek guztiek EAEko kooperatiben mugimendua<br />
osatzen dutela.<br />
32.2.3. Funtzioak<br />
EKGKren jarduera historikoari jarraituz, bai eta EKLn ezarritakoei jarraituz ere (zehatzmehatz,<br />
165.2 artikuluak ezarritakoei), EAEn kooperatibismoa sustatzeko eta hedatzeko<br />
organo goren gisa gara ditzakeen beste jarduera batzuei kalterik egin gabe, erakunde horren<br />
eginkizunak lau multzotan sailka ditzakegu: sustapena eta hedapena; aholkularitza; laguntza/<br />
lankidetza; eta arbitrajea (oro har, kooperatibetako gatazkak ebazteari buruzkoa).<br />
a) Sustapena eta hedapena.<br />
Ez da zaila funtzio hori EKGKren bereizgarriena dela asmatzea; izan ere, erakunde<br />
hori kooperatibismoa sustatzeko eta hedatzeko organo gorena da. Hala, sustapena<br />
kooperatibagintzari lotutako programen garapena dela ulertuta, eta hedapena, aldiz,<br />
kooperatiba-nortasunaren balioak eta printzipioak zabaltzea, lehen esan dugun moduan,<br />
eginkizun hau da, berez, erakundea bidezkotzen duena. Horrek ez du esan nahi beste hiru<br />
funtzioek edo eginkizunek, neurri batean edo bestean, kooperatibismoa sustatzen edo<br />
hedatzen ez dutenik, baina stricto sensu edo zentzu hertsian, ez da egokia hiru funtzio horiek<br />
lehenengoarekin identifikatzea.<br />
Sustapenari dagokionez, honako jarduera hauek aipatu behar ditugu, besteak beste:<br />
kooperatibismoa ikertzeko, arloko plangintza egiteko eta garatzeko programetan parte<br />
hartzea, horiek erraztea eta horietan lankidetzan aritzea; euskal administrazio publikoekin,<br />
591
<strong>EUSKADIKO</strong> <strong>KOOPERATIBEN</strong> GOREN KONTSEILUA<br />
konfederazioarekin eta kooperatiben federazioekin koordinatuta, kooperatiba-enpresak<br />
eratzea eta lehendik daudenak sendotzea; kooperatiben mugimendua sustatzea eta sendotzen<br />
laguntzea; interes erkideko zerbitzuak antolatzea konfederazioarentzat, Euskadiko<br />
kooperatiben federazioarentzat eta kooperatibentzat; eta kooperatiben legeria albait gehien<br />
gara dadin bultzatzea.<br />
Beste alde batetik, hedapenari dagokionez, ondokoez dihardugu, besteak beste: gizarteeragileei<br />
eta erakunde publikoei kooperatiba-sistemaren aukerak eta gizarte-funtzioa<br />
ezagutaraztea eta horien errealitatearen berri ematea, batez ere, kooperatibismoaren gizartebalantze<br />
sozialaren bidez; kooperatiba-heziketa eta -prestakuntza sustatzea; EKGKren<br />
helburuen eta ekintzen barneko zein kanpoko komunikazioa etengabe bultzatzea.<br />
c) Aholkularitza<br />
Eginkizun horri dagokionez, batik bat, kooperatibei edo haien antolakundeei zuzenean<br />
eragiten dieten legezko eta erregelamenduzko xedapenen-proiektuei buruzko nahitaezko<br />
txostenak egitea aipa dezakegu. Funtzio honi dagokionez, arestian azaldutako honako<br />
berrikuntza hau gogorarazi behar dugu: nahitaezko txostena ezarri da kooperatibei edo<br />
haien antolakundeei zuzenean eragiten dieten dirulaguntzen oinarri arautzaileei buruzko<br />
txostenak, bai eta Eusko Jaurlaritzak kooperatibismoa bultzatzeko eta sustatzeko egin behar<br />
dituen urteko programei buruzko txostenak ere.<br />
Nahitaezko txostenak direla eta, ohartu gara bi interpretazio daudela 165. artikuluaren 2.<br />
ataleko b) letrak adierazitakoaren esanahiari dagokionez. Bata, interpretazio murritza, hau<br />
da, Eusko Jaurlaritzak EKLren arabera emandako arauetan parte-hartzea baino ez dakarrena;<br />
bestea, interpretazio zabala, zeinaren arabera, Eusko Jaurlaritzak ez ezik, foru-aldundiek<br />
eta udalek ere egiten dituzten arau-proiektuak EKGKren irizpenari lotu behar dizkiote.<br />
Bada, gure iritziz, legelariak euskal administrazio publiko guztiak kontuan hartu nahi ditu<br />
(pluralgilea nabarmendu behar dugu, berriro ere), EAEren barruan legezkoak diren lurraldeedo<br />
erakunde-izaerako guztiak direla. Dena dela, legeak bereizten ez duen tokian, guk ez<br />
dugu egin beharrik.<br />
Administrazio guztiek EKLren txostena eskatu behar dutela argituta, bi baldintza daude<br />
txosten hori nahitaezkoa izan dadin, eta, hartara, hori gabe, arauaren izapidetzea akastuna<br />
litzateke ordena publikoa urratzeagatik, organo horiez denaz bezainbatean, Auzitegi<br />
Gorenaren 1969ko otsailaren 25eko epaiak adierazi zuen bezala. Bi baldintza horiek honetan<br />
dautza: legezko edo erregelamenduzko xedapenak izatea, eta kooperatibei zuzenean eragitea.<br />
Lehenengoari dagokionez, esamolde hori ohikoa da zuzenbide publikoan, eta ulertu behar da<br />
lege-proiektuei, Eusko Jaurlaritzaren erregelamenduei, lurralde historikoetako foru-arauei<br />
eta udal-ordenantzei buruzkoa dela, azkenak erregelamendu autonomoak direla ulertuta.<br />
Bigarrenak zuzeneko eragina darabil (“zuzenean eragiten dieten” dio arauak), 1/1982 Legean<br />
eta 4/1993 Legean bezalaxe, eta horrela ekarri da egun indarrean dagoen EKLra. Bada,<br />
enpresa-eredu hori jarduera-sektore guztietan zabalduta dagoenez, arau guztiek kooperatibei<br />
aldez edo moldez eragingo dietela abiapuntutzat hartuta, arrazoizkoa da pentsatzea txostena<br />
nahitaezkoa izango dela xedapenak kooperatibei buruzkoak direnean (adibide legez, aipa<br />
ditzagun gizarte-ekimeneko kooperatibak arautzen dituen Eusko Jaurlaritzaren dekretua<br />
edo kooperatiben zerga-araubideari buruzko hiru foru aldundien araua), bai eta, era berean,<br />
592
<strong>EUSKADIKO</strong> <strong>KOOPERATIBEN</strong> GOREN KONTSEILUA<br />
xedapen orokorrek kooperatibei soilik eragiten dieten gertaera bereizgarriak arautzen<br />
dituztenean ere, aplikazio orokor horren esparruan, argi eta garbi identifikatzen baitugu hori<br />
zuzeneko eraginarekin (kasu honetan, aipa dezagun adibide gisa sozietateen gaineko zergari<br />
buruzko foru-arau bat, kooperatibei berariaz eragiten dien gairen bat berariaz arautzen<br />
duena).<br />
Azkenik, funtzio horren esparruan ere bai, EKGK-k txostenak benetan eskatzen direla<br />
zaindu behar du, administrazio publikoek txosten horiek egitea nahitaezkoa denean;<br />
kooperatiben eremuari buruzko arau-proiektuak proposatu behar ditu, foru-aldundien aurrean<br />
zerga-araudiaren berariazko proiektua barne; bere eskumeneko gaiei buruzko azterketak,<br />
proposamenak eta irizpenak egin eta eman behar ditu, instantzia egokien aurrean aurkezteko,<br />
irizpena eskatuz eta abar.<br />
c) Laguntza/Lankidetza<br />
Eginkizun horri dagokionez, EAEko antolamendu sozioekonomikoan ezarritako<br />
betekizunak betetzeko administrazio publikoekin egiten den lankidetza-lana aipatuko<br />
dugu, bai eta beste ekintza batzuk ere, hala nola Eusko Legebiltzarrean aldian-aldian<br />
egotea, egindako ekintzak eta etorkizuneko helburu estrategikoak aurkeztu eta azaltzeko;<br />
eremu publikotik galdatzen zaizkion harreman instituzionaletan eta gainerako agerraldietan<br />
parte hartzeko; eta, gainerako administrazio publikoekin koordinatuta, EKL behar bezala<br />
ezagutzeko eta egoki betetzeko ekintzak gauza daitezen.<br />
Era berean, eginkizun horren esparruan, zer eskubide eta betebehar dagozkion azaldu<br />
behar ditugu, besteak beste, ondokoei lotutakoak: kooperatiben transformazioa, desegitea<br />
eta likidazioa; eraketaz edo aldaketaz, kooperatiba mistoak sortzeko unean, likidatuz gero,<br />
nahitaezko erreserba-funtsaren banagarritasunaren estatutu-arauketa egiteko baimena ematea;<br />
kooperatiben zehatzeko, deskalifikatzeko eta aldi baterako esku-hartzeetako espedienteetan<br />
parte hartzea; etxebizitza-kooperatibetan, hirugarrenekin egiten diren eragiketak baimentzea;<br />
kooperatiben printzipioak benetan betetzen direla zaintzea; eta, azken batean, Euskadiko<br />
Kooperatiben Erregistroaren arauetan edo beste edozein lege-xedapenetan araututako<br />
manuak edo ezartzen direnak betetzea, eta horien berri ematea.<br />
d) Arbitrajea eta, oro har, kooperatibetako gatazkak konpontzea.<br />
Euskal Autonomia Erkidegoko kooperatibetan gatazkak ebazteko prozedurari buruzko<br />
erregelamenduan arautu den BITARTU-Kooperatiben Arbitrajeko Euskal Zerbitzuaren<br />
bidez betetzen du EKGK-k eginkizun hori. EKGK-k berak onartu zuen erregelamendu hori<br />
2012ko urtarrilaren 19an (otsailaren 16ko EHAA, 34. zk.). BITARTU zerbitzu publikoa<br />
da, eta euskal kooperatibetan sortzen diren gatazkak konpontzeko helburua du, auzibide<br />
judizialetik kanpoko tresnen bidez. Beraz, elkarbizitza kooperatibo orotan sortzen diren<br />
arazoak konpontzen laguntzeko erabil daitezkeen bideez ari gara, prozesu judizialak alde<br />
batera utzita. Ildo horretan, BITARTUk, berezko nortasun juridikorik ez duen erakundeak,<br />
EKGKren atal den heinean, kooperatiben eta kooperatibetako kideen esku jartzen du<br />
gatazka horiek konpontzeko orientazio-zerbitzua, bertako langileek kontsultei erantzunda<br />
eta metodologia egokiena garatuta.<br />
593
<strong>EUSKADIKO</strong> <strong>KOOPERATIBEN</strong> GOREN KONTSEILUA<br />
Gaur egun, hainbat tresna eskaintzen dira, hala nola adiskidetzea, bitartekaritza eta<br />
arbitrajea. Lehenengoari dagokionez, aurkaritzakoa ez den prozedura bat erabiliz lan egiten<br />
da; prozedura horren bidez, akordioa lortu nahi da zerbitzuan bertan egindako agerraldi<br />
batean, eta hark akordioa proposatu ahal izango du. Bitartekaritza, aldiz, lagundutako<br />
negoziazio-sistema da eta, horren bidez, gatazkan parte hartzen duten alderdiak gatazka beren<br />
kabuz konpontzen saiatzen dira, BITARTUren laguntzarekin, zerbitzuak komunikazioaren<br />
sustatzaile eta gidari jarduten duela. Prozedura horiek baliatuz, gatazkan dauden alderdiek<br />
desadostasunak konpontzen dituzte, eta, horretarako, akordioa lortzen dute bitartekariaren<br />
laguntzaz.<br />
Aurkaritzakoak ez diren ebazpen-bide guztiak agortu ondotik, BITARTUK ere izaera<br />
loteslez konpon dezake gatazka. Izan ere, arbitrajean, prozedura arautu bati lotzen zaizkio<br />
alderdiak, eta zerbitzu honen esku uzten dute arbitro edo epaile bat izendatzea. Arbitro<br />
horrek bi alderdientzat loteslea den erabakia hartuko du, zuzenbidea edo ekitatea aplikatuz,<br />
eta, horrela, eztabaida behin betiko amaituko da.<br />
Nolanahi ere, BITARTUren esku-hartzea ez da bakarrik ulertu behar justizia-auzitegien<br />
ordezko jarduketa gisa, baizik eta euskal kooperatibetako gatazka aztertzeko bokazioa duen<br />
esparruaren baitan, bai eta gatazkak prebenitzeko neurriak sustatzen duen esparruan ere.<br />
Era berean, gatazkak ebazteko prestakuntza-beharrei erreparatzen die sektoretik bertatik<br />
eskatzen direnetan oinarrituta, betiere egun aplikatzen diren jarduketen esparruan, hau da,<br />
tresna horiek enpresa-lankidetzaren teorian baliatzea.<br />
32.3. Beste arau aplikagarri batzuk<br />
Gastua gauzatzerakoan oro har aplikatu beharreko araudi pribatuari kalterik egin gabe<br />
(gogora dezagun berezko nortasun juridikoa eta autonomia ekonomiko finantzarioa dituela),<br />
bai eta barne-araudia dela kausa konprometitutakoari kalte egin barik (esate baterako,<br />
kontseiluburutzaren eta idazkaritza orokor teknikoaren hautatze-sistemari eta eskuduntzei<br />
dagokienez, bai eta kargudun horien lan-araubideari dagokionez ere, −EKLren 165.4<br />
artikulua−) arlo publikoaren arloko araudia aplikatu beharko zaio EKGKri. Maila txikiagoa<br />
ahaztu gabe, hona hemen araudi hori:<br />
- 40/2015 Legea, urriaren 1ekoa, Sektore Publikoaren Araubide Juridikoarena.<br />
- 9/2017 Legea, azaroaren 8koa, Sektore Publikoko Kontratuena, Europako<br />
Parlamentuaren eta Kontseiluaren 2014ko otsailaren 26ko 2014/23/EB eta 2014/24/<br />
EB Zuzentarauen transposizioa Espainiako ordenamendu juridikora egiten duena.<br />
- 39/2015 Legea, urriaren 1ekoa, Administrazio Publikoen Administrazio Prozedura<br />
Erkidearena (administrazio-ahalak garatzen dituen heinean).<br />
- 29/1998 Legea, uztailaren 13koa, Administrazioarekiko Auzien Jurisdikzioa arautzen<br />
duena.<br />
- 2/2007 Legegintzako Dekretua, azaroaren 6koa, Euskadiko Ondareari buruzko<br />
Legearen testu bategina onartzen duena.<br />
- 2/2017 Legegintzako Dekretua, urriaren 19koa, Euskal Autonomia Erkidegoko<br />
Ekonomia Kontrolari eta Kontabilitateari buruzko Legearen testu bategina onartzen<br />
duena.<br />
594
33. XEDAPEN OSAGARRIAK* 1<br />
33.1. Xedapen gehigarriak<br />
Xedapen osagarrien bidez, hainbat gai jorratu eta arautu dira, besteak beste, ondokoak:<br />
legeak araututako epeak zenbatzea; kasu zehatzetan, legearen arau jakin batzuk aplikatzeko<br />
berezitasunen nondik norakoak; Eusko Jaurlaritzari emandako agindua kooperatibismoa<br />
bultzatu eta susta dezan; bazkide langileei eta lan-bazkideei enplegua sortzeko eta finkatzeko<br />
pizgarriak besteren konturako langileei ematen zaizkien baldintza berberetan aplikatzea;<br />
lega aplikatzeko eremuan eta Eusko Jaurlaritzarekiko nahiz Euskadiko Kooperatiben<br />
Goren Kontseiluarekiko (aurrerantzean, EKGK) harremanetan, edozein hizkuntza ofizial<br />
erabiltzeko eta arreta hizkuntza ofizial horietako edozeinetan jasotzeko eskubidea bermatzea;<br />
kooperatibek borondatezko gizarte-aurreikuspenaren tresna sustatzeko aukera izatea,<br />
kooperatiba-sozietate txikiak eratzen laguntzea eta konfederazio bat Euskadiko Kooperatiben<br />
Konfederaziotzat hartzeko baldintzak jorratzea.<br />
4/1993 Legearen lau xedapen gehigarrien aurrean, jarraian jorratuko ditugun bederatziak<br />
dakartza egungo legeak.<br />
33.1.1. Lehenengo xedapen gehigarria.– Epeak zenbatzea<br />
Lege honetan zehaztutako epeetan, egun baliodunak joko dira eguntzat, eta kanpoan<br />
utziko dira jaiegunak; hilabeteka edo urteka finkatutako epeak, berriz, data-egunetik<br />
data-egunera neurtuko dira. Muga-eguneko hilean hasierako egunaren baliokiderik ez<br />
bada, hilaren azken egunean bukatuko da epea.<br />
Epearen azken eguna egun baliogabea bada, hurrengo egun balioduna arte luzatuko<br />
da epea.<br />
33.1.1.1. Sarrera<br />
Legean ezarritako epeak, kasu batzuetan, egunetan adierazi dira, beste batzuetan,<br />
hilabetetan, eta, azkenik, urteetan. Xedapen honen xedea da epe horiek zenbatzeko modua<br />
arautzea. Horiek betetzea oso garrantzitsua da; izan ere, horren araberakoa izango da eskubide<br />
askoren eraginkortasuna, egoerak sortzea edo azkentzea, horiek dagozkien ondorio juridiko<br />
eta guzti, legeak araututako prozeduren garapena eta, azken batean, ordena kooperatibo onari<br />
eustea.<br />
33.1.1.2. Berrikuntza nagusiak aurreko araudiaren aldean<br />
4/1993 Legearen izendapen bereko xedapen gehigarriak ezartzen zuenaren aldean, aldaketa<br />
bakarra da jaiegunak izendatzeko modua gaztelaniazkoan, egunetan adierazitako epeetan<br />
zenbatzen ez diren egunak aipatzen direnean.<br />
* Carlos Martín Ginto Monzón jaunak, abokatu eta BITARTU-Kooperatiba Arbitrajeko Euskal Zerbitzuko<br />
arbitroak, egindako iruzkina.<br />
595
XEDAPEN OSAGARRIAK<br />
Ondoan azalduko diren arrazoiengatik, indargabetutako xedapenaren testuari eutsi<br />
izanak, praktikan, egungo araua interpretatzeko eta aplikatzeko arazoak eragin ditzake, eta,<br />
zehazkiago, egunka adierazitako epeen zenbaketaren kasuan.<br />
33.1.1.3. Iruzkin orokorra eta esanahi praktikoa<br />
Bi epe-mota bereizi dira, egunen (lehen kasua) edo hilabete edo urteen (bigarren kasua)<br />
arabera adierazita, egun balioduna (“egutegiko egunaren” aldean) zenbatzeko erabakigarritzat<br />
hartuta, eta bi arau ezarri dira epea zenbatzeko modua ebazteko, baldin eta epemugako<br />
hilabetean zenbaketaren hasierako egunaren baliokiderik ez badago eta epearen azken eguna<br />
baliogabea bada.<br />
a) Egunka adierazitako epeak: kasu horretan, egun baliodunak zenbatuko dira, jaiegunak<br />
alde batera utzita.<br />
4/1993 Legea aldarrikatu zenean, Herri Administrazioen Araubide Juridikoaren eta<br />
Administrazio Prozedura Erkidearen 30/1992 Legea zegoen indarrean. Lege horren 48.1<br />
artikuluak baliogabetzat jotzen zituen igandeak eta jaieguntzat jotakoak (beraz, larunbata<br />
balioduna zen). Geroago, gaur egun indarrean dagoen Administrazio Publikoen Administrazio<br />
Prozedura Erkidearen 39/2015 Legea onartu zen (autonomia-erkidegoetako administrazioei<br />
aplikatzekoa), eta horrek aipatutako 48. artikulua indargabetu zuen. Lege berriaren 30.2<br />
artikuluak berritasunik ekarri zuen, hau da, larunbatak egun baliogabetzat jotzea, eta horrela,<br />
epeen zenbaketa bateratu zen eremu judizialean eta administratiboan.<br />
Eusko Jaurlaritzak eskumena du egun baliogabeak lan-ondorioetarako finkatzeko, eta<br />
halakotzat joko dira igande guztiak eta “jaiegun” diren egun jakin batzuk (adibidez, maiatzaren<br />
5eko 56/2020 Dekretuak 2021. urteko lanegunen eta jaiegunen egutegia ezarri zuen).<br />
Administrazio-arau horren aplikazio-eremua lan-arlokoa bada ere, kooperatiben legeak<br />
larunbatak zenbatzetik kanpo uzten ez dituela kontuan hartuta, pentsa liteke, hasiera batean,<br />
egun baliogabetzat hartu beharko direla igandeak eta Eusko Jaurlaritzak lan-ondorioetarako<br />
jaiegun izendatutakoak (larunbata, beraz, egun balioduna izango litzateke).<br />
Hala ere, larunbata egun baliogabea dela dioen adierazpena 39/2015 Legearen 30.2<br />
artikulua 11/2019 Legeak ezarritako epeei aplika ote dakiekeen, egunka adierazita,<br />
zalantza egin daiteke eta hainbat interpretazio sorrarazi. Adibidez, gauza bat da autonomiaerkidegoko<br />
legeak epeen zenbaketa egun baliodun edo egutegiko egunen arabera ezartzea<br />
aukeratu ahal izatea, eta beste gauza bat da egun baliodunetan zenbatzeko irizpidea hartu<br />
ondoren, larunbatari egun balioduneko izaera eman ahal izatea, baldin eta autonomiaerkidegoetako<br />
administrazioei aplikatzeko modukoa den 39/2015 Legeak (2.1.b artikulua)<br />
egun hori baliogabea dela ezarri badu. Beste alde batetik, kontuan hartu behar da 11/2019<br />
Legean egunka adierazitako epeen artean, batzuk kooperatibetako bazkideek eta organoek<br />
bete behar dituztela, eta beste batzuk, ordea, Euskadiko Kooperatiben Erregistroak, EKGK-k<br />
eta Eusko Jaurlaritzako Lan Sailak; gainera, legea bera indarrean hasteko epea egunetan<br />
ezarrita dago azken xedapenetako bosgarrenean. Hori guztia ikusirik, ikuspegi juridikotik<br />
aztertuta, eztabaidagarria da larunbatak epearen barruan sartu behar direla esatea. Era berean,<br />
testuinguru juridikoan, ez dirudi arrazoizkoa izan daitekeenik larunbata zenbatzea kasu<br />
batzuetan bai eta beste batzuetan ez, lege honen arabera dagokion epea betetzera behartuta<br />
596
XEDAPEN OSAGARRIAK<br />
dagoen pertsonaren izaera juridikoaren (publikoa edo pribatua) arabera edo, bestela, azken<br />
xedapenetako bosgarrenak dakarren kasuari erreparaturik, epea zenbatzeko auzia legea<br />
indarrean hasteari buruzkoa izatearen arabera.<br />
Horregatik guztiagatik, gure ustez, eta segurtasun juridikoaren mesedetan, kooperatibei<br />
buruzko arau autonomikoak ezarritako epeen zenbaketa egunka ezartzen duenez,<br />
erreferentziatzat “egun baliodunak” hartuta, komenigarriena zatekeen epeak bat egitea<br />
39/2015 Legearen eta araubide prozesalaren artean lortutako irizpideen bateratzearekin, gai<br />
horretan, Administrazio Publikoen Administrazio Prozedura Erkidearen Legea aipatu dela<br />
“egun balioduntzat” jo beharreko egunen zehaztapenari dagokionez.<br />
b) Hilabeteka edo urteka adierazitako epeak: datatik datara zenbatuko direla ezarri da.<br />
Zenbatzeko modua epe zibiletan (Kode zibilaren 5.1 artikulua), araubide erkideko<br />
administrazio-epeetan (39/2015 Legearen 30.4 artikulua) eta epe judizialetan (Botere<br />
Judizialaren Lege Organikoaren 185.1 artikulua eta Prozedura Zibilaren Legearen 133.3<br />
artikulua) ezarritako berbera da.<br />
Azken batean, emaitza da egun jakin batean hasitako epea mugaegunaren hilabetearen eta<br />
urtearen egun baliokidean amaituko dela (dies ad quem).<br />
c) Mugaegunaren hilabetean zenbaketaren hasierako egun baliokiderik ez badago, epea<br />
hilaren azken egunean amaituko da.<br />
Epe zibilak (Kode zibilaren 5.1 artikulua), araubide erkideko administrazio-epeak<br />
(39/2015 Legearen 30.4 artikuluaren 2. idatz-zatia) eta epe judizialak (Botere Judizialaren<br />
Lege Organikoaren 185.1 artikulua, Kode zibilari egindako igorpena dela eta, eta Prozedura<br />
Zibilaren Legearen 133.3 artikulua) zenbatzeko ezarri den arau berdina da.<br />
d) Epearen azken eguna baliogabea bada, hurrengo egun baliodunera arte luzatuko da.<br />
Araubide erkideko administrazio-epeak (39/2015 Legearen 30.5 artikulua) eta epe<br />
judizialak (Botere Judizialaren Lege Organikoaren 185.1 artikulua eta Prozedura Zibilaren<br />
Legearen 133.4 artikulua) zenbatzeko ezarri den arau berdina da.<br />
Epe zibilei dagokienez, kode zibilak ez du arautu, epe horien zenbateko modua egutegiko<br />
egunen araberakoa baita.<br />
33.1.1.4. Beste arau aplikagarri batzuk<br />
Lege berriaren garapenean argitu eta ebatzi beharko den autua dugu Administrazio<br />
Publikoen Administrazio Prozedura Erkidearen 39/2015 Legearen 30.2 artikuluak dioena,<br />
larunbata egun balioduntzat edo egun baliogabetzat hartu behar ote den.<br />
Era berean, erregistro publikoetan egindako jarduketei buruzko epeetan, aipatutako<br />
39/2015 Legearen 31. artikulua kontuan hartu beharko da. Hala ere, azken xedapenetako<br />
zazpigarrenak dioenez: “Hala ere, ahalordetzeen erregistro elektronikoari, erregistro<br />
elektronikoari, enplegatu publiko gaituen erregistroari, Administrazioaren Irispide Puntu<br />
Elektroniko Orokorrari eta artxibo elektroniko bakarrari buruzko xedapenek legea indarrean<br />
sartu eta bi urteren buruan izango dituzte ondorioak”.<br />
597
XEDAPEN OSAGARRIAK<br />
33.1.2. Bigarren xedapen gehigarria.– Lan elkartuko garraio-kooperatibak<br />
Lan elkartuko garraio-kooperatibetan itzuli beharreko ekarpenei dagokienez, 129.2.a<br />
artikulua ez zaie lan elkartuko garraio-kooperatibei aplikatuko, baldin eta lege hau<br />
indarrean sartzean eratuta badaude.<br />
33.1.2.1. Sarrera<br />
129. artikuluak xedatutakoaren arabera, bi kooperatiba mota egon daitezke garraioen<br />
sektorean: 1) “lan elkartuko kooperatibak” edo garraio-kooperatibak” eta 2) “garraiolarien<br />
kooperatibak”. Azken horiek enpresa-zerbitzuen kooperatiba-mota bat dira.<br />
Orain iruzkintzen ari garen xedapena lehenengoei buruzkoa da (hau da, “lan elkartuko<br />
kooperatibei” buruzkoa), eta horientzat, 129.2.a) artikuluak xedatzen duenez, baja hartzen<br />
duten bazkideen ekarpenak dirutan itzuliko dira.<br />
Bada, xedapen honek ezartzen duena salbuespena da arau horren (129.2.a) artikuluak<br />
dakarren arauaren) aplikazioan, lege hau indarrean hasi zenean lehendik eratuta zeuden<br />
kooperatibentzat.<br />
33.1.2.2. Berrikuntza nagusiak aurreko araudiaren aldean<br />
4/1993 Legeak ez zuen xedapen gehigarririk orain aztertzen ari garen gaia jorratzeko.<br />
33.1.2.3. Iruzkin orokorra eta esanahi praktikoa<br />
Lan elkartuko garraio-kooperatibetan gerta daiteke bazkidearen ekarpena ibilgailu bat<br />
izatea.<br />
Indargabetutako legeak ez zuen inolako arau berezirik ekarpen horiek itzultzeari dagokionez,<br />
eta, oro har, 63.1 artikuluak hauxe arautu zuten: “estatutuek arautuko dute kapital sozialari<br />
egindako ekarpenen itzulketa”. Orain, berriz, egungo legea indarrean hasten denetik aurrera<br />
eratzen diren kooperatibek nahitaez aplikatu beharko dute 129.2.a artikulua: baja emanez<br />
gero, mota horretako kooperatibetako bazkideei ekarpenak dirutan itzuli beharko zaizkie.<br />
Hori horrela izanik, orain aipatzen den xedapenaren ondorioz, egungo legea indarrean jarri<br />
aurretik eratutako lan elkartuko garraio-kooperatibek ez dute ekarpenak dirutan itzultzeko<br />
betebeharrik izango –estatutuek hala ezartzen dutenean izan ezik– ekarpenaren funtsa<br />
ibilgailu bat izan zenean, eta, beraz, itzulketa ibilgailua itzulita egin ahalko da.<br />
33.1.2.4. Beste arau aplikagarri batzuk<br />
11/2019 Legea indarrean hasi aurretik eratuta zeuden kooperatiba horiei dagokienez, haien<br />
estatutuek ezarritakoa bete beharko da, horixe baita ekarpenen itzulketa arautu behar duen<br />
tresna arautzailea, egungo legearen 13.1.j eta 66.1 artikuluek diotenari jarraiki.<br />
33.1.3. Hirugarren xedapen gehigarria: Sozietate kooperatibo txiki bat deskalifikatzen<br />
den kasuan aplikatu beharreko berezitasuna<br />
598
XEDAPEN OSAGARRIAK<br />
Sozietate kooperatibo txiki bat deskalifikatzen den kasuan, osagarri gisa lege honen<br />
150. artikulua aplikatuko da, espezialitate honekin: artikulu horrek 3.b zenbakian<br />
erregulatzen duen entzunaldi-izapidean administratzailerik ez badago, nahikoa izango<br />
da bazkide bat pertsonatzea.<br />
33.1.3.1. Sarrera<br />
Xedapen horrek berezitasun bat txertatu du kooperatiba bat deskalifikatzeko prozeduran,<br />
kooperatiba hori “txikia” denean.<br />
“Kooperatiba-sozietate txikiak” legearen 136-145 artikuluetan arautu dira. Lan elkartukoak<br />
edo erkidegoan ustiatzekoak izanik, gutxienez, bi bazkidez edo, gehienez ere, iraupen<br />
mugagabeko hamar bazkidez osatuta daudenak dira.<br />
Artikulu horietan ez da arautu mota horretako kooperatibak deskalifikatzeko araubide<br />
berezirik, eta edozein kooperatibarentzat, oro har, 161. artikuluak xedatutakoari men egin<br />
behar zaio. Xedapen horretan aipaturiko 150. artikulurako igorpena beraz, okerra da, eta 161.<br />
artikulurako igorpena dela ulertu behar da.<br />
33.1.3.2. Berrikuntza nagusiak aurreko araudiaren aldean<br />
4/1993 Legeak ez zuen kooperatiba-sozietate txikia jasi. Kooperatiba-mota hori ekainaren<br />
25eko 6/2008 Legeak, hain zuzen ere, “Euskadiko Kooperatiba Sozietate Txikiari” buruzko<br />
Legeak, arautu zuen. 11/2019 Legeak haren barruan txertatu du erakunde horien araubide<br />
berezia, eta, horrenbestez, 6/2008 Legea indargabetuta geratu da (xedapen indargabetzaile<br />
bakarrari jarraiki).<br />
Orain aipatzen ari garen xedapenak ez du aurrekaririk, ez 4/1993 Legean (ez zuen<br />
kooperatiba-mota hori arautu), ez 6/2008 Legean.<br />
33.1.3.3. Iruzkin orokorra eta esanahi praktikoa<br />
Xedapen honek gehitu duen berezitasuna kooperatiba bat deskalifikatzeko administrazioprozedurari<br />
buruzkoa da. Prozedura hori arestian aipatutako 161. artikuluaren 3.b atalean<br />
dago araututa. Bertan, honako hau ezarri da:<br />
Kooperatiba deskalifikatzeko prozedura horrek honako berezitasun hauek izango ditu<br />
administrazio-prozedura erkidea zuzentzen duten arau orokorren aldean:<br />
b) Entzunaldiaren nahitaezko izapidea betetzean, administratzaileen bidez<br />
pertsonatuko da kooperatiba, edo, halakorik ez badago, gutxienez hiru bazkide<br />
pertsonatuko dira. Kooperatiba pertsonatzen ez bada, betetzat joko da izapidea,<br />
eta ohar bat argitaratuko da, gutxienez bitan, Euskal Herriko Agintaritzaren<br />
Aldizkarian, eta beste horrenbeste aldiz egunkari batean: zein udalerritan dagoen<br />
kooperatibaren sozietate-egoitza, udalerri horretan zabalkunde handia duen<br />
egunkari batean.<br />
Testuinguru horretan, kooperatiba-sozietate txiki bat deskalifikatzen bada, entzunaldiizapidean<br />
bertan eta administratzailerik ezean, nahikoa izango da bazkide bat bertaratzea,<br />
599
XEDAPEN OSAGARRIAK<br />
161. artikuluak xedatutako arau orokorrak dakartzan hirurak bertaratu beharrean. Horrek<br />
zentzua du, kooperatiba-sozietate txiki bat bi bazkidek soilik osa baitezakete (gutxienez,<br />
bik, eta, gehienez, hamar bazkide langile edo iraupen mugagabeko lan-bazkidek, 136.3.<br />
artikuluak dioenari jarraiki).<br />
33.1.4. Laugarren xedapen gehigarria: Urteko programak, kooperatibismoa indartu,<br />
bultzatu eta sustatzekoak<br />
Kooperatibismoa indartu, bultzatu eta sustatzeko, Eusko Jaurlaritzak urteko<br />
programak prestatu eta gauzatuko ditu, batez ere kooperatibetako enplegua sortzeko,<br />
betiere Euskadiko Kooperatiben Goren Kontseiluak aurretiko txostena eman ondoren.<br />
33.1.4.1. Sarrera<br />
Kooperatibismoa sustatzea da euskal kooperatiben legeriaren funtsezko alderdietako bat,<br />
hastapenetatik. Egungo legeak zioen azalpenaren lehen paragrafoan agerian jarri du egintza<br />
hori, adierazi baita azalpen horretan zeregin hori aurrera eramateko legeria egokia izateak<br />
berebiziko garrantzia duela.<br />
Legegintza-esparruaren barruan, Euskal Administrazio Publikoaren organo eskudunei<br />
dagokie, gero, legezko arauen garapena egitea, erregelamendu bidez, eta ordenamendu<br />
juridikoan txertatutako guztia gauzatzea eta praktikan jartzea, kooperatibismoaren bultzada<br />
eta, sustapena benetan eraginkorrak izan daitezen gizarte-arloan.<br />
Administrazio Publikoak zeregin horretan duen jarrerari dagokionez, legearen zioen<br />
azalpenean, XIV. atalean, adierazi da, hain zuzen ere, sustapen-jarduera dela kooperatiben<br />
arloko administrazio-jarduera azaltzen eta justifikatzen duen bi alderdietako bat.<br />
Hala, legearen 157. artikuluak, “Kooperatibismoa sustatu eta zabaltzeko neurriak”<br />
izenekoak, ondokoa dio lehen atalean: “Euskal Autonomia Erkidegoko botere publikoek, nork<br />
bere eskumen-eremuan, kooperatibismoaren printzipio eta balioak aztertzea eta zabaltzea<br />
bultzatuko dute eta kooperatiben jarduera ekonomikoak sustatuko dituzten ingurune<br />
sozial eta ekonomikoak ahalbidetuko dituzte; horretarako, teknologia- eta antolamenduberrikuntzetarako<br />
irispidea erraztuko diete eta sozietate kooperatiboek dituzten ekimenak<br />
bultzatuko dituzte”. Artikulu horren bigarren atalak, berriz, sustapen-neurri batzuk ezarri ditu<br />
aginduzko izaeraz eta, hortaz, nahitaez gauzatu beharrekoak.<br />
Ingurumari horretan kokatu behar dugu, azken batean, orain aipatzen ari garen xedapena.<br />
33.1.4.2. Berrikuntza nagusiak aurreko araudiaren aldean<br />
4/1993 Legeak ez zuen iruzkin honen xede denaren antzeko araurik.<br />
33.1.4.3. Iruzkin orokorra eta esanahi praktikoa<br />
Xedapen horrek mandatua egin dio Eusko Jaurlaritzari, kooperatibismoa bultzatu eta susta<br />
dezan. Zehazkiago, mandatu horren helburua da urteko programak egitea eta gauzatzea da,<br />
helburu horrekin bat datozenak era, bereziki, kooperatiba-arloko enplegua sortzeko.<br />
600
XEDAPEN OSAGARRIAK<br />
Xedapen horrek indartu egin du Eusko Jaurlaritzak kooperatibismoa bultzatzeko eta<br />
sustatzeko engaiamendua, zinez behartzen baitu helburu hori lortzeko jardueren plangintza<br />
urtero-urtero egitera.<br />
Era berean, xedapen hori lagungarria izango da aztertzen ari garen esparruan Euskal<br />
Administrazio Publikoaren organo eskudunek hartzen dituzten erabaki eta neurri zehatzak<br />
haiek antolatzeko tresna goren batean txeratzeko, eta horrek erraztu egingo du erabaki eta<br />
neurri horiek hartzea eta haien eragin ekonomikoa balioestea eta aztertzea.<br />
Programazio edo plangintza-lan hori egiteko, EKGKren esku-hartzea xedatu da, eta<br />
kontseilu gorenak aldez aurreko txostena egin beharko du horretarako. Esku-hartze hori<br />
bat dator legearen 165.1 artikuluak erakundeari aitortzen dizkion ezaugarri, izaera eta<br />
funtzioekin. Aipaturiko artikuluak dioenez:<br />
“1.–Euskadiko Kooperatiben Goren Kontseilua, kooperatibismoa sustatzeko eta haren<br />
berri zabaltzeko organo goren gisa sortua, euskal administrazio publiko guztientzako<br />
kontsulta- eta aholku-entitate publiko gisa eratzen da kooperatibismoaren inguruko<br />
gai guztietan.<br />
Nortasun juridiko propioa izango du, Euskal Autonomia Erkidegoko<br />
Administrazioarenaz bestelakoa; era berean, ahalmen osoa izango du bere funtzioak<br />
betetzeko.<br />
2.– Hona zein diren Euskadiko Kooperatiben Goren Kontseiluaren funtzioak:<br />
a) Kooperatiba-mugimenduaren printzipioak zabaltzea; erraztasunak ematea eta<br />
lankidetza eskaintzea kooperatibak garatu eta sustatzeko programak ikertu,<br />
planifikatu eta betetzeko, eta kooperatibei buruzko heziketa eta prestakuntza<br />
bultzatzea.<br />
Neurri zehatz baten adibidetzat har dezakegu Lan eta Justizia sailburuaren 2019ko<br />
ekainaren 18ko Agindua, kooperatibismoa sustatzeko eta enplegu kooperatiboa sortzeko<br />
programa baten parte izan daitekeena. Lehenengo artikuluari jarraiki, agindu horren xedea<br />
hauxe da:<br />
1. artikulua.– Xedea.<br />
Agindu honetan aurreikusitako laguntzak dirulaguntzatzat hartuko dira, eta honako<br />
jarduketa hauek finantzatzeko erabiliko dira:<br />
a. Langabeak kooperatiba-sozietateko edo lan-sozietateko forma juridikoa duten<br />
enpresetara sartzea, bazkide langile edo lan-bazkide mugagabe gisa.<br />
b. Inoren konturako lan-kontratua duten eta bazkideak ez diren jarduneko langileak<br />
sartzea kooperatiba-sozietateko edo lan-sozietateko forma juridikoa duten<br />
enpresetara, bazkide langile edo lan-bazkide gisa.<br />
c. Desgaituak sartzea kooperatiba-sozietateko edo lan-sozietateko forma juridikoa<br />
duten enpresetara, bazkide langile edo lan-bazkide gisa.<br />
d. Nekazaritzako, abeltzaintzako eta basogintzako ustiategien edo ustiategi mistoen<br />
titularrak sartzea, nekazaritzako kooperatibetako bazkide gisa.<br />
601
XEDAPEN OSAGARRIAK<br />
33.1.5. Bosgarren xedapen gehigarria: Tratu-berdintasuna enpleguaren sustatze- eta<br />
finkatze-arloan<br />
Enplegua sortzeko edo finkatzeko pizgarriei buruzko arauak ezartzean eta egikaritzean,<br />
debekatuta dago lan elkartuko kooperatibetako bazkide langileak eta beste edozein<br />
kooperatiba motatako lan-bazkideak diskriminatzea. Hori horrela, Euskal Autonomia<br />
Erkidegoak, enpleguak sortzeko eta finkatzeko dituen eskumenetan oinarrituta, besteren<br />
konturako langileentzat ezartzen dituen arau eta pizgarri guztiak aplikatuko zaizkie.<br />
33.1.5.1. Sarrera<br />
Kooperatiben arloa oso zutabe garrantzitsua da euskal esparruko egitura sozioekonomikoan,<br />
eta kooperatibak funtsezko erakundeak dira gizartearen garapen ekonomiko<br />
iraunkorrarentzat.<br />
Euskadin, Gizarte Ekonomiari buruzko Estatistikaren 2018ko ekitaldiko azken txostenaren<br />
eta 2019ko aurrerapenaren arabera (2020ko ekainean aurkeztu zen), gizarte-ekonomiari<br />
lotutako 2.500 enpresa daude, eta horietatik 1.800 kooperatibak dira. Enpresa horietan,<br />
urteko enplegu baliokideak 53.390 dira (EAEko gizarte-ekonomiako enpleguaren % 88<br />
baino zertxobait gehiago). Kopuru horrek esan nahi du kooperatibetan erabilitako enplegua<br />
% 7 hazi dela 2016-2018 biurtekoan.<br />
Kooperatiba-sozietateetako enplegua euskal gizarte-ekonomiaren berezitasunetako bat da.<br />
2018ko kopuruei erreparaturik, esan dezagun , 36.491 bazkide zeudela guztira, eta horietatik<br />
% 90 inguru kooperatiba-bazkide ziren. Kopuru hori EAEko gizarte-ekonomiari lotutako<br />
guztizko enpleguaren % 60,2koa da, kontuan izanik, da enpresa-mota horietan kooperatibasozietateko<br />
enplegua eta soldatapeko enplegua batera erabiltzen direla.<br />
Hori guztia aintzat hartuta, ulertzekoa da orain aipatzen ari garen xedapenaren moduko<br />
araua legean txertatzea.<br />
33.1.5.2. Berrikuntza nagusiak aurreko araudiaren aldean<br />
Xedapen honen aurrekaria dugu 4/1993 Legearen laugarren xedapen gehigarria; horren<br />
edukia ekarri da egungo legera.<br />
33.1.5.3. Iruzkin orokorra eta esanahi praktikoa<br />
Arau honen bidez, kooperatiba-araubideko enplegua babestu nahi da, besteren<br />
konturako langileek egiten duten lanarekin parekatuz, enplegua sortzeko eta finkatzeko<br />
pizgarriei dagokienez. Era berean, kooperatiben eremuan, parekatu egin dira lan elkartuko<br />
kooperatibetan sortutako enplegua eta beste mota bateko kooperatibetakoa.<br />
Kooperatibek sortutako enpleguak oinarrizko printzipio bat du gidari, Gizarte Ekonomiari<br />
buruzko 5/2011 Legearen 4.c) artikuluak emandakoa. Artikulu horren arabera, enpleguak<br />
“egonkorra eta kalitatezkoa” izan behar du. Beraz, ezaugarri horiek dituen enpleguak merezi<br />
du, oro har, enplegua sortzeko eta finkatzeko xedez bideratzen diren pizgarriak ezartzea<br />
helburu duten politika publikoen aitorpenik handiena.<br />
602
XEDAPEN OSAGARRIAK<br />
Xedapen honen iruzkinaren sarreran agerian geratu da kooperatibek euskal eremuan<br />
sortutako sozietate-enpleguak duen garrantzia. Era berean, erakunde horietan kooperatibasozietateko<br />
enplegua eta soldatapeko enplegua batera daudela azaldu da. Bestetik, kontuan<br />
hartu behar da, gainera, kooperatiben arloko enpleguaren barruan, “bazkide langileak” badirela<br />
lan elkartuko kooperatibetan, eta “lan-bazkideak” badirela lan elkartuko kooperatibak ez<br />
diren beste mota bateko kooperatibetan lan egiten dutenak. Era berean, kontuan izan behar<br />
da lan elkartuko kooperatiba bat eratzeko xede nagusia dela, hain zuzen eren, lanpostuak<br />
sortzea.<br />
Hori guztia abiapuntutzat hartuta, eta kooperatibei legean bertan aitortu zaien “gizarteinteresa”<br />
aintzat hartuta, ez litzateke arrazoizkoa izango sozietate-enplegua eta soldatapeko<br />
enplegua desberdin tratatzea lanpostuak sortzea edo finkatzea xede duten pizgarriei<br />
dagokienez. Hortaz, ez litzateke ulertuko eremu horretan lanpostu bat zigortzea, lanpostu<br />
hori betetzen duena kooperatibako kide izateagatik, soldatapekoa izan beharrean. Aitzitik,<br />
kontuan hartuta kooperatiba-araubidean lan egiten duenak, lan egiteaz gain, ekarpen<br />
gehigarria egiten duela, ekonomiaren eta arduraldiaren ikuspegitik, enpresaren partaide den<br />
aldetik, eta, azken batean, komunitatearentzat enpresa orok ematen dion onurarik sortzen<br />
duela (komunitatea osatzen duten pertsonen beharrak asetzeko produktuez eta zerbitzuez<br />
hornituz), arrazoizkoa eta zentzuzkoa da –xedapen honetan ezartzen den bezala– enplegua<br />
sortzeko eta finkatzeko publikoek era berdinkidean hartzea bi enplegu-mota horiek (sozietateenplegua<br />
eta soldatapekoa), areago, kooperatibismoaren bultzada eta sustapena botere<br />
publikoek aitortutako helburu estrategikoa bada, aurreko laugarren xedapen gehigarriari<br />
buruzko iruzkinean ikusi dugun moduan.<br />
33.1.6. Seigarren xedapen gehigarria: Hizkuntza ofizialen erabilera<br />
1.– Bermatuko da Eusko Jaurlaritzarekin eta Euskadiko Kooperatiben Goren<br />
Kontseiluarekin arau honen esparruan harremanetan jartzen direnek aukeratzen<br />
duten hizkuntza ofiziala erabiltzeko duten eskubidea benetan egikaritu ahal izatea.<br />
Bestalde, Eusko Jaurlaritzaren eta Euskadiko Kooperatiben Goren Kontseiluaren<br />
betebeharra da haiekin harremanetan jartzen direnek aukeratutako hizkuntzan<br />
ematea arreta, eta, horretarako, hartu beharreko neurriak hartuko dituzte.<br />
2.– Era berean, Euskadiko Kooperatiben Goren Kontseiluak bi hizkuntzak erabiliko ditu<br />
Euskal Autonomia Erkidegoko beste administrazio publikoekiko harremanetan.<br />
33.1.6.1. Sarrera<br />
Xedapen hau bat dator Euskal Autonomia Erkidegoko Autonomia Estatutuak (aurrerantzean,<br />
EHAE) eta Euskararen Erabilera Normalizatzeko azaroaren 24ko 10/1982 Oinarrizko Legeak<br />
euskararen eta gaztelaniaren ofizialkidetasunari buruz EAEn ezarri dutenarekin.<br />
EHAEren 6. artikuluaren 1., 2. eta 3. atalek ondokoa diote:<br />
“1.-Euskarak, Euskal Herriaren berezko hizkuntza denez, hizkuntza ofizialen maila<br />
izango du Euskal Herrian gaztelaniarekin batera, eta guztiek dute bi hizkuntzok<br />
ezagutzeko eta erabiltzeko eskubidea.<br />
603
XEDAPEN OSAGARRIAK<br />
2.- Komunitate Autonomoko Erakunde amankomunek Euskal Herriko egoera sozio<br />
linguistikoaren ñabardurak kontutan izanik, bi hizkuntzen erabilpena bermatuko<br />
dute, berorien ofizialtasuna erregulatuz, eta berorien ezagutza segurtatzeko behar<br />
diren neurriak eta medioak erabaki eta baliaraziko dituzte.<br />
3.- Hizkuntza dela-eta, ez da inor gutxietsiko”.<br />
Euskararen erabilera normalizatzeko azaroaren 24ko 10/1982 Oinarrizko Legearen<br />
4. eta 5. artikuluek ondokoa diote:<br />
“4. artikulua.<br />
Herri-aginteek Euskal Autonomia Erkidegoan hizkuntza dela-eta inor diskriminatu ez<br />
dadin zainduko dute eta neurri egokiak hartuko dituzte.”<br />
5. artikulua.<br />
1.- Euskal Herriko herritar guztiek dute hizkuntza ofizialak jakiteko eta erabiltzeko<br />
eskubidea, bai ahoz eta bai idatziz.<br />
2.- Euskal Herriko herritarrei honako funtsezko hizkuntza-eskubide hauek aitortzen<br />
zaizkie:<br />
a) Administrazioarekin edota Autonomia Erkidegoan kokatutako edozein erakunde<br />
edo entitaterekin harremanak euskaraz zein gaztelaniaz izateko eskubidea, ahoz<br />
nahiz idatziz.<br />
(…)<br />
3. Herri-aginteek eskubide hauen erabilera ziurtatuko dute Autonomia Erkidegoaren<br />
lurraldean, eraginkorrak eta benetakoak izan daitezen”.<br />
33.1.6.2. Berrikuntza nagusiak aurreko araudiaren aldean<br />
Xedapen honek ez du aurrekaririk aurreko araudian.<br />
33.1.6.3. Iruzkin orokorra eta esanahi praktikoa<br />
Kooperatiben eremuari gagozkiola, xedapen horrek Euskal Autonomia Erkidegoko<br />
Autonomia Estatutuan eta 10/1982 Legean herritarrei oro har aitortzen zaizkien hizkuntzaeskubideak<br />
azpimarratu ditu, bai eta arlo horretan botere publikoei ezarri zaizkien<br />
betebeharrak ere.<br />
Orain iruzkintzen ari garen arauak nabarmendu du herritarrek bi hizkuntza ofizialak<br />
erabiltzeko eskubidea “benetan baliatzen” bermatu behar dela, euskal administrazio<br />
publikoarekiko harremana duenak egiten duen hizkuntza-hautuari jaramon eginda –<br />
EKGKrekiko harremanetan jartzen direnek egindako hizkuntza-hautuari ere jaramon<br />
eginda− eta erabiltzaileak aukeratutako hizkuntzan artatzeko betebeharra duela administrazio<br />
publikoak.<br />
Halaber, legeak Eusko Jaurlaritzari eta EKGKri agindu die eskubide hori benetan betetzeko<br />
behar diren neurriak har ditzatela.<br />
604
XEDAPEN OSAGARRIAK<br />
Azkenik, EKGK-k EAEko beste edozein administrazio publikorekiko harremanetan bi<br />
hizkuntzak erabiltzeko betebeharra duela ezarri da.<br />
33.1.7. Zazpigarren xedapen gehigarria: Borondatezko gizarte-aurreikuspena<br />
Sozietate kooperatiboek beren bazkideentzako borondatezko gizarte-aurreikuspenari<br />
buruzko erabakiak hartzea bultza dezakete. Horretarako, Borondatezko Gizarte<br />
Aurreikuspeneko Erakundeei buruzko otsailaren 23ko 5/2012 Legean xedatutakoari<br />
jarraituko diote.<br />
33.1.7.1. Sarrera<br />
Legearen zioen azalpenean nabarmendu da xedapen hori legean txertatu dela.<br />
BGAE izenekoak Euskadiko berezko eta berariazko tresnak dira.<br />
5/2012 Legeak dakarren bezala, “Borondatezko gizarte-aurreikuspeneko erakundeak<br />
ustekabeko edo aurreikusteko moduko egoera edo gertaerek eragindako pertsonak babesteko<br />
sortu ziren, borondatezko gizarte-aurreikuspena gauzatuz irabazi-asmorik gabe eta Gizarte<br />
Segurantzaren araubide publikotik kanpo. Erakunde horien ezaugarri nagusiak izan ziren:<br />
helburua, batez ere erretiroa eta baliaezintasuna bezalako kontingentzia pertsonalen<br />
aurrean babestea; irabazi-asmorik ez izatea; elkartasuna errazten duen kudeatzailea elkarte<br />
bat izatea; bazkideek eskubide eta betebehar berberak izatea egindako ekarpenen inguruan,<br />
eta sistema autogestionarioa izatea eta, ondorioz, gobernu-organoen osaketa demokratikoa<br />
izatea”.<br />
Erakunde horien helburu nagusia Gizarte Segurantzak ordaintzen dituen pentsio osagarriak<br />
ordaintzea da. Kapitalizazioaren finantza-sistema darabilte (metatzen doazen ekarpenak<br />
egiten dira eta funts propioa sortzen dute kapital horiek sortutako interesekin batera; hala,<br />
bazkideak funts horretarako eskubidea izango du estalitako kontingentzia gertatzen denean).<br />
Kudeaketa pribatuko erakundeak badira ere, Eusko Jaurlaritzaren kontrolpean eta<br />
ikuskaritzapean daude.<br />
33.1.7.2. Berrikuntza nagusiak aurreko araudiaren aldean<br />
4/1993 Legeak ez zuen gai hau jorratu.<br />
33.1.7.3. Iruzkin orokorra eta esanahi praktikoa<br />
Borondatezko gizarte-aurreikuspena, kooperatibako bazkideen gizarte-babeseko tresna<br />
gisa, oso errotuta dago EAEn. Alde horretatik, ikuspuntu juridikotik begiratuta, xedapen<br />
honek ez dio funtsezko berritasunik ekarri lege berriaren aurretik indarrean zegoen sistemari.<br />
Hala ere, kooperatibek sortutako sozietate-enpleguak Euskadin duen garrantzia kontuan<br />
hartuta, bosgarren xedapen gehigarrian azaldu den bezala, eta BGAEen euskal berezitasuna<br />
kontuan hartuta, bi errealitate horiek berariazko legezko arau baten bidez lotzea onuragarria<br />
da, gure ustez, eta kooperatiben esparruan, gizarte-aurreikuspenaren arloko akordioak<br />
sustatzen lagundu dezake.<br />
605
XEDAPEN OSAGARRIAK<br />
5/2012 Legeak, enplegu-modalitateko BGAE (enpresen barruan sortutakoak) bateko kide<br />
izateko eta enpleguko gizarte-aurreikuspeneko planetan parte hartzeko aukerari doakionez,<br />
bazkide langileen edo lan-bazkideen eta kooperatibaren arteko harremanak parekatu egiten<br />
ditu, eta langile funtzionario edo estatutupeko langileei dagokienez, laneko kooperatiba<br />
batekin edo zerbitzu-kooperatiba batekin (7. eta 9. artikuluak).<br />
Erretiro-kontingentziaz denaz bezainbatean, kooperatibetako bazkide langileak eta lanbazkideak<br />
biltzen dituzten BGAEek berezitasun hau dute: hirurogei urtetik aurrera arautu<br />
ahal izango dute erretiro-prestazioa eskuratzea, betiere lan- edo lanbide-jarduera gauzatzen<br />
ez bada edo jarduera hori utzi bada (24.1.a) artikulua).<br />
Azkenik, lehentasunezko plan eta BGAEen kasuan (legeak berak zioen azalpenean<br />
adierazi duenez, etorkizunean, gizarte-aurreikuspen osagarria garatzeko funtsezko elementu<br />
gisa eratzen direnak), 14. Artikuluak honako bi berezitasun hauek jaso ditu, kooperatibei<br />
lotutakoak: ekarpenen arloan (14.c artikulua), ekarpenok planaren erregelamenduetan<br />
zehaztuko dira (ez negoziazio kolektiboaren bidez, kooperatiba bati ez baitagokio lan-arloko<br />
tresna hori) eta planaren jarraipen-batzordeari dagokionez (14.g artikulua), ez da eskatuko<br />
osaera parekiderik izatea.<br />
33.1.7.4. Beste arau aplikagarri batzuk<br />
Xedapenak berak otsailaren 23ko 5/2012 Legerako igorpena dakar, kooperatibek sustatzen<br />
dituzten borondatezko gizarte-aurreikuspenari buruzko akordioak hartzeko baldintzei<br />
dagokienez.<br />
33.1.8. Zortzigarren xedapen gehigarria: Sozietate kooperatibo txikiak<br />
1.– Lan-arloko eskumena duen Eusko Jaurlaritzako sailak kooperatiba mota hauek<br />
sortzea eta abiatzea sinplifikatuko du baliabide elektroniko, informatiko eta<br />
telematikoen bidez. Hitzarmenak egingo dira sozietate kooperatibo txikien<br />
funtzionamendua hobetzen lagundu dezaketen erakunde, administrazio eta<br />
sozietateekin.<br />
2.– Lan-arloko eskumena duen Eusko Jaurlaritzako sailak Euskadiko sozietate<br />
kooperatibo txikien aholkularitzarako eta hasierako izapideetarako guneen izaera<br />
esleitu ahal izango die jardun-eremutzat Euskal Autonomia Erkidegoa duten irabaziasmorik<br />
gabeko entitateei, eta gune horietako bakoitzaren arretaz arduratuko diren<br />
pertsonen bereizgarri teknikoak eta profil profesionalak finkatuko ditu. Euskadiko<br />
sozietate kooperatibo txikien aholkularitzarako eta hasierako izapideetarako guneak<br />
eskainiko dituen zerbitzuak doakoak izango dira.<br />
3.– Lan-arloko eskumenak dituen Eusko Jaurlaritzako sailak estatutu sozialen eredu bat<br />
izango du, sozietate kooperatibo txikiak sortzeko interesa dutenen eskura jarriko<br />
duena. Eredu horrek zenbait aldaera izango ditu, betiere lege honetan ezartzen<br />
denaren barruan administrazio- eta ordezkaritza-organoa era batera edo bestera<br />
taxutu ahal izateko.<br />
606
XEDAPEN OSAGARRIAK<br />
33.1.8.1. Sarrera<br />
Enpresa Txikien Europako Gutunak (Feirako Gutuna), Europako Kontseiluak Santa<br />
Maria da Feiran (Portugal) 2000ko ekainean egindako bilkuran onetsitakoak, estatu kideei<br />
eta Europako Batzordeari berari iradoki zien enpresa txikia babestu eta bultzatzeko hainbat<br />
arlotako ekintzak gara zitzaten, enpresa-mota horiek Europako ekonomian duten funtsezko<br />
eginkizuna kontuan hartuta. Gutun horrek bereziki azpimarratu zuen enpresa txikiak abian<br />
jartzea ez zela horren nekeza izan behar eta azkarrago hasi behar zirela ibilian, Bestetik,<br />
nabarmen zuen erregistroetan izena linean emateko aukerak handitu behar zirela.<br />
2002ko otsailean, Europako Parlamentuak, 2002/0079 Ebazpenaren bidez, “enplegu betea<br />
lortzeko eta gizarteratzeko estrategiari buruzkoa, Bartzelonako 2002ko udaberriko goibilera<br />
prestatzeko lanen, Lisboako prozesuaren eta jarraitu beharreko bidearen esparruan”,<br />
Feirako Gutunarekin bat etorriz, estatu kideei eskatu zien “enpresen eta administrazio<br />
publikoen arteko harremanetan, inprimaki erraztu eta normalizatuak eta Informazioaren<br />
eta Komunikazioaren Teknologiak (IKT) erruz erabiltzen lagun zezatela, enpresen sorrera,<br />
eraketa, erregistro eta publizitateari lotutako prozedurak arintzeko eta jardunbide txarren<br />
aurka babesteko, ETEen Europako Gutunean ezarri denari jarraiki.”<br />
Euskadiko Kooperatiba Sozietate Txikiari buruzko ekainaren 25eko 6/2008 Legeak esparru<br />
juridikoa ezarri zuen Europako erakundeek proposatutako gomendioak eta konpromisoak<br />
bete ahal izateko, lan elkartuko kooperatiben eta neurri txikiagoko erkidegoan ustiatzeko<br />
kooperatiben esparruan (hamar bazkide langile edo lan-bazkide baino gehiago ez dituztenak).<br />
Esparru juridiko hori oraingo 11/2019 Legean txertatu da (izan ere, lege horrek 2008/6 Legea<br />
indargabetu du).<br />
33.1.8.2. Berrikuntza nagusiak aurreko araudiaren aldean<br />
6/2008 Legearen lehenengo, bigarren eta hirugarren xedapen gehigarriek honako hau<br />
ezarri zuten:<br />
Lehenengo xedapen gehigarria. Dokumentu elektroniko bakarra, eta lankidetzahitzarmenak<br />
sinatzea.<br />
Eusko Jaurlaritzan kooperatiba arloko eskumenak dituen saileko buruaren<br />
agindu baten bidez, eta Administrazioaren jardunean teknologia berriak txertatzeko<br />
proiektuak gauzatzeko xedez, kooperatiba-sozietate txikiaren dokumentu elektroniko<br />
bakarra (KSTDEB) onartuko da, kooperatiba-sozietate txikiei eratzen laguntzeko eta<br />
aholkularitza emateko. Horretarako, lankidetza-hitzarmenak sinatuko dira dokumentu<br />
bakar horrek hobeto funtzionatzeko lagungarri izan daitezkeen instituzio, administrazio<br />
eta sozietateekin.<br />
Egungo legearen xedapenak ez du dagoeneko “dokumentu elektroniko bakarra” aipatu,<br />
eta, izaera orokorragoari helduta, “bitarteko elektroniko, informatiko eta telematikoen<br />
erabileraren” inguruko aipua jaso du, betiere kooperatiba-sozietate txikien eraketa eta<br />
abiaraztea errazteko helburuz.<br />
Mota horretako kooperatibek hobeto funtzionatzeko hitzarmenak ezartzeari dagokionez,<br />
baldintza berdinei eutsi die horiek sinatzeko arauketak eta manuak.<br />
607
XEDAPEN OSAGARRIAK<br />
Bigarren xedapen gehigarria. Aholkularitzarako eta hasierako izapideetarako guneak.<br />
Eusko Jaurlaritzan kooperatiba arloko eskumenak dituen sailak, hiru hilabeteko<br />
epean, Euskadiko kooperatiba-sozietate txikien aholkularitzarako eta hasierako<br />
izapideetarako gune (EKSTAHIG) izaera eman beharko die beren jardun-eremutzat<br />
Euskal Autonomia Erkidegoa duten irabazi-asmorik gabeko erakunde batzuei; gainera,<br />
gune horietako bakoitzaren arretaz arduratuko diren pertsonen bereizgarri teknikoak<br />
eta profil profesionalak finkatuko ditu.<br />
Kooperatiba-sozietate txikiaren dokumentu elektroniko bakarra prestatu bitartean,<br />
Euskadiko kooperatiba-sozietate txikien aholkularitzarako eta hasierako izapideetarako<br />
guneek egingo dituzte lan horiek, aholkularitza-gune izaera eman dien ebazpenean<br />
zehaztutakoaren arabera.<br />
Euskadiko kooperatiba-sozietate txikien aholkularitzarako eta hasierako izapideetarako<br />
gunearen zerbitzu guztiak doakoak izango dira.<br />
Alderdi horiei dagokienez, egungo xedapena malguagoa da, ez baitu araurik ezarri, ezpada,<br />
Eusko Jaurlaritzari gaitzeko ahalmena eman baitio eta horretarako eperik ezarri ez baitu.<br />
Hirugarren xedapen gehigarria. Estatutu sozialen ereduak, kooperatiba txiki berriak<br />
eratzeko.<br />
Eusko Jaurlaritzan kooperatiba arloko eskumenak dituen saileko buruaren agindu<br />
baten bidez, estatutu sozialen eredua onartuko da, eta kooperatiba-sozietate txikia eratu<br />
nahi dutenen esku jarriko. Eredu horrek zenbait aldaera izango ditu, betiere lege honetan<br />
ezartzen denaren barruan administrazio- eta ordezkaritza-organoa era batera edo bestera<br />
taxutu ahal izateko.<br />
Aurrekoari dagokionez, “Kooperatiben arloan eskumena duen Eusko Jaurlaritzako<br />
sailburuaren aginduz, sozietate-estatutuen eredua” onartuko dela ezarri beharrean, hauxe<br />
ezarri da orain: “Lan-arloan eskumena duen Eusko Jaurlaritzako sailak sozietate-estatutuen<br />
eredua izango du”.<br />
33.1.8.3. Iruzkin orokorra eta esanahi praktikoa<br />
Xedapen gehigarri honek hainbat neurri ezarri ditu kooperatiba-sozietate txikien sorrera<br />
errazteko.<br />
1.- Kooperatiba-mota horien eraketa erraztu eta arintzen duten bitarteko elektroniko,<br />
informatiko eta telematikoak erabiltzea kooperatiba horien esparru juridikoaren<br />
oinarrizko printzipio batekin bat dator: kooperatiba horiek eratzeko betekizunak<br />
eta izapideak sinplifikatzea, Europar Batasuneko erakundeek ezarritako ildoari<br />
jarraituz, tamaina horretako enpresak sortzea erraztu dadin.<br />
2.- Kooperatiba-sozietate txikien aholkularitza- eta izapideetarako guneei eta horien<br />
zerbitzuen doakotasunari dagokienez, mota horretako kooperatibak eratzea<br />
errazteko beste neurri bat da. 6/2008 Legeak arautu zuen gune horien ezarpena,<br />
bigarren xedapen gehigarrian.<br />
3.- Azkenik, xedapen horrek arautu du estatutu-eredu bat prestatzea, eta Eusko<br />
Jaurlaritzan eskumena duen sailak kooperatiba-sozietate txiki bat eratzeko interesa<br />
608
XEDAPEN OSAGARRIAK<br />
duten pertsonen eskura eduki beharko du. Eredu horren prestaketa 6/2008 Legean<br />
ere ezarri zen, hirugarren xedapen gehigarrian. Ereduan, besteak beste, honako gai<br />
hauek jaso beharko dira: lege honetan araututakoaren arabera, administrazio- eta<br />
ordezkaritza-organoa eratzeko aukeratu daitezkeen aldaerak.<br />
Legearen 137.4 artikuluak ezarri du kooperatibaren eratze-eskritura eta estatutuak<br />
kalifikatzeko eta inskribatzeko epea laburtu egingo dela eredu hori erabiliz gero; hala,<br />
gehienez ere, bost egunekoa izango da epea, hamar egunekoa izan beharrean.<br />
33.1.9. Bederatzigarren xedapen gehigarria<br />
Lege honen 164.3 artikuluan aurreikusitakoa gorabehera, kooperatiba-federazioek bat<br />
egiten badute federazio-entitate berri bat sortuz, entitate hori Euskadiko kooperatiben<br />
federazioa izango da baldin eta:<br />
1.– Elkartzen baditu Euskadiko Kooperatiben Erregistroan inskribatuta dauden eta<br />
jarduera egiaztatuta duten kooperatiben ehuneko hirurogei baino gehiago, edo<br />
kooperatiba horietako bazkide kopurua handiagoa edo berdina bada erregistro<br />
horretan inskribatuta dauden eta jardunean ari diren kooperatibetako bazkide<br />
guztiekiko.<br />
2.– Ez badago beste entitate konfederalik aipatu artikuluaren arabera sortuta.*<br />
33.1.9.1. Sarrera<br />
164.3 artikuluak ezarri du honako hau:”<br />
“Kooperatiba-federazioek konfederazioak sortu ahal izango dituzte.<br />
Konfederazio batek Euskal Autonomia Erkidegoan erroldatuta dauden kooperatibafederazioen<br />
ehuneko hirurogei elkartzen badu gutxienez, «Euskadiko Kooperatiben<br />
Konfederazioa» izango da haren izena»”.<br />
Xedapen hori eta xedapenari lotutako artikulua kooperatiben asoziazionismoaren eremuan<br />
kokatu behar dira.<br />
Eremu horren barruan, orain iruzkintzen ari garen xedapenak arautu duena, 164.3<br />
artikuluarekin batera, garrantzi bereziko erakunde konfederala da (ez konfederazio<br />
bat, besterik gabe), hots, “Euskadiko Kooperatiben Konfederazioa”, eta, ildo horretan,<br />
kooperatiben konfederazio batek izaera hori eta eduki eta horrela izendatzeko baldintzak<br />
ezarri dira.<br />
Izaera hori edukitzearen garrantzia bada Euskadiko Kooperatiben Konfederazioa dela<br />
EKGKn kooperatiben ordezkaritza duen erakundea, eta ordezkaritza hori, gainera, gehiengoa<br />
izango da organo horretan (legearen 165. artikulua).<br />
* Euskadiko Kooperatiben abenduaren 20ko 11/2019 legea aldatzeko urriaren 7ko 5/2021 Legearen<br />
zazpigarren artikuluaren araberako idazketa<br />
609
XEDAPEN OSAGARRIAK<br />
33.1.9.2. Berrikuntza nagusiak aurreko araudiaren aldean<br />
4/1993 Legearen 144.3 artikuluak hauxe ezarri zuen:<br />
“3.- Kooperatiben federazioek konfederazioak eratu ahal izango dituzte.<br />
Konfederazio batek, gutxienez, erregistratutako Euskadiko kooperatiben federazioen<br />
ehuneko hirurogei biltzen baditu, Euskadiko Kooperatiben Konfederazioa deituko zaio”.<br />
Eta laugarren xedapenaren 1. atalak ondokoa:<br />
“Kooperatiben asoziazionismoaren araubide iragankorra.<br />
1.- Euskadiko Kooperatiben Konfederazioa eratzen ez den bitartean, Euskadiko<br />
Kooperatiben Goren Kontseiluak izango du kooperatiben eta haien erakundeen<br />
ordezkaritza gorena”.<br />
4/1993 Legea indarrean hasi zenean ez bezala (une hartan, ez zegoen Euskadiko<br />
Kooperatiben Konfederaziorik), gaur egungo legea sortu da erakunde konfederal berezi hori<br />
(“KONFEKOOP”) eratuta dagoela.<br />
Hori dela eta, indargabetutako legeak esandako erakundea eratzeko arauzko oinarria eman<br />
zuen eta egungo legeak, 11/2019 Legeak, jardun betean dabilen izakundetzat hartu du.<br />
33.1.9.3. Iruzkin orokorra eta esanahi praktikoa<br />
Xedapen horren iruzkina halabeharrez egin behar da 164.3 artikuluak dakarren edukia<br />
aintzat hartuta; lehen esan dugun bezala, artikulu horretara egin behar da igorpena, ez, ordea,<br />
oker eginda dagoen 153.3 artikulura.<br />
Konfederazio berezi hori ezaugarritzen duen betekizuna zehazteko helburuz, 164.3<br />
artikuluak kooperatiben federazioak eta konfederazioak biltzen dituen kooperatiben kopurua<br />
(erregistratuta dauden Euskadiko federazio guztien % 60, gutxienez) darabiltza, baina orain<br />
iruzkintzen ari garen xedapenak aukera ematen (eta ezartzen) du “Euskadiko Kooperatiben<br />
Konfederaziotzat” har daitekeela, federazio-izaera izanik eta federazioen bat-egitearen<br />
emaitza izanik, ehuneko berbera (% 60) biltzen duen erakundea –ez federazioen ehuneko 60,<br />
alegia, Euskadiko Kooperatiben Erregistroan inskribatuta dauden kooperatiben ehuneko 60<br />
(jarduera erregistroaren aurrean egiaztatuta dutela)− edo bat-egitearen ziozko konfederaziora<br />
batutako kooperatibetako bazkideen kopurua, gutxienez, ehuneko hori duen erakundea,<br />
arestian aipaturiko erregistroan inskribaturik eta jardunean ari diren kooperatibetako<br />
bazkideen guztikoaren aldean.<br />
Gainera, xedapen horren arabera, erakunde bat ezin izango da “Euskadiko Kooperatiben<br />
Konfederaziotzat” hartu, baldin eta lehendik beste konfederazio bat badago, 164.3 artikuluak<br />
jasotako baldintzei jarraiki.<br />
Euskadiko Kooperatiben Konfederazioari “KONFEKOOP” deritzo gaur egun. Haren<br />
eginkizun nagusia da erakundeen ordezkaritza, federazioen eta, azken batean, kooperatiben<br />
interesen defentsa eta sustapena.<br />
“KONFEKOOP” 2006ko abenduaren 12an sortu zen, “Erkide” izenarekin, “Federazio”<br />
izaerari lotuta eta Euskadiko lan elkartuko, irakaskuntzako eta kredituko kooperatiben<br />
federazioen bat-egitearen ondorioz. Beraz, 4/1993 Legearen babesean eratu zen, eta egungo<br />
610
XEDAPEN OSAGARRIAK<br />
legeak, oraintsu aipatu dugun xedapenaren bidez, legeak dakarren izakundea esleitu dio<br />
KONFEKOOPi, eratu zeneko ezaugarriak aitortuta, hainbat federazioren bat-egitearen<br />
emaitzaz.<br />
33.2. Xedapen iragankorrak<br />
Egitatezko egoerak indarrean dauden arauak indargabetu eta beste batzuez ordeztu<br />
daitezkeen arauen ingurumarian sortzen eta garatzen direnez, arau berrienek talka egin<br />
dezakete lehengoekin, gai berak beste modu batean arautzen baitituzte. Horregatik, arau<br />
juridikoak denbora igaro ahalean aplikatzeko, beharrezkoa da arau jakin batzuk ezartzea<br />
gatazka hori gainditzeko eta arauen segidak sor ditzakeen arazoei irtenbidea emateko.<br />
Xedapen iragankorrek lege berria indarrean jarri aurretik sortutako egoerei indarrean<br />
hasitako legea aplikatzeko irismena arautzen dute, eta, beraz, aurreko legearen araubide<br />
juridikoari loturik dauden egoerei aplikatzeko irismena, bai eta lege berriaren aurka dauden<br />
eta lege-araubide berrian txerta daitezkeen aurreko egoerak lege berrira igarotzeko eta<br />
egokitzekoa ere.<br />
11/2019 Legeak zuzenbide iragankorreko bi gai hauek jaso ditu:<br />
1) Legea indarrean hasi zenean izapidetzen ari ziren espedienteak. Horiei dagokienez,<br />
izapidetzen eta ebazten jarraitzeko xedapenak zehaztu dira.<br />
2) Lege berriaren aurreko kooperatiben estatutuak zein egoeratan geratzen diren, lege<br />
berriaren aurka doazen guztiari dagokionez.<br />
33.2.1. Lehenengo xedapen iragankorra: Izapidetzen ari diren espedienteak<br />
Orain arte indarrean izan diren xedapenak aplikatuko dira lege hau indarrean sartu<br />
aurretik hasita zeuden kooperatibei buruzko espedienteak izapidetzeko eta ebazteko.<br />
Zehapen-izaera duten espedienteen kasuan, araurik mesedegarrienaren printzipioa<br />
aplikatuko zaie zehazteke dauden jarrerei eta zehapenei.<br />
33.2.1.1. Sarrera<br />
Xedapen honetan jorratzen den egoera da aurreko legearen indarraldian hasitako<br />
espedienteak, izapidetzen ari direnak eta, beraz, lege berria indarrean hastean ebazteke<br />
daudenak ditugu.<br />
Espediente horiei dagokienez, bi arau ezarri dira espedienteok izapidetzeko eta ebazteko<br />
aplikatu beharreko xedapenak zehaztu daitezen: lehenengoa, orokorra, kooperatiben arloko<br />
edozein espedienteri buruzkoa da; bigarrena, berezia, zehapen-espedienteei buruzkoa.<br />
33.2.1.2. Berrikuntza nagusiak aurreko araudiaren aldean<br />
Gaur egungo xedapenaren aurrekaria 4/1993 Legearen lehen xedapen iragankorrean<br />
aurkituko dugu. Lege horrek zioenez, “Lege hau indarrean jarri aurretik hasitako<br />
611
XEDAPEN OSAGARRIAK<br />
kooperatiben espedienteak orain arte indarrean zeuden xedapenen arabera izapidetu eta<br />
ebatziko dira, hirugarren xedapen iragankorraren 2. zenbakian ezarritakoari kalterik egin<br />
gabe”.<br />
Aurreko legearen hirugarren xedapen iragankorraren bigarren zenbakiak ondorio<br />
larriak ezarri zituen –eskubide osoko desegitea, erregistro-idazpenak ofizioz ezereztea eta<br />
erantzukizuna larriagotzea–, kooperatibek estatutuak lege berriaren arabera adierazitako<br />
epearen barruan egokitu ezean aplikatzekoak.<br />
Oraingo xedapenak, aurreko araudiaren aldean, bi berritasun ekarri ditu: lehenik eta behin,<br />
zehapen-espedienteei buruzko arau berezia gehitu da.<br />
Bigarrenik, desagertu egin da estatutuen egokitzapena arautzen duen arauaren inguruko<br />
aipamena. Lege berriak xedapen iragankor bat ere eskaini dio estatutuen egokitzapenari,<br />
baina hemen ez da horretarako igorpenik egin.<br />
33.2.1.3. Iruzkin orokorra eta esanahi praktikoa<br />
Espedienteei dagokienez, izapideak hasten diren unean zehaztuko da zer xedapenek zer<br />
izapide arteztuko duten eta zer ebazpenek ebatziko duten, eta hasierako unean indarrean<br />
daudenak aplikatu beharko dira. Hau da, 4/1993 Legea (eta 6/2008 Legea, kooperatibasozietate<br />
txikien kasuan) indarrean zegoen bitartean hasitako espedienteak eta 11/2019 Legea<br />
indarrean hasi denetik izapidetzen ari direnak aurreko araudiaren arabera arautuko dira.<br />
Zehapen-arloari dagokionez, xedapen honek haren ohiko berezitasuna jaso du, aurreko<br />
paragrafoan ezarritako arau orokorra gai horri aplikatzea salbuetsita; horren ordez, kalifikatu<br />
eta zehaztu gabe dauden jokabide eta zehapenetarako arau-printzipiorik mesedegarrienaren<br />
aplikazioa ezarri du. Beraz, jokabidea egin deneko edo zehapen-espedientea hasteko edo<br />
ebazteko unean indarrean zegoen xedapena edozein izanda ere, arau-hausteari lotutako<br />
ondorioak zehazteko aplikatu beharreko araua izango da arau-hauslearentzat onuragarriena<br />
dena.<br />
Printzipio hori modu baketsuan jasota dago Auzitegi Gorenaren nahiz Konstituzio<br />
Auzitegiaren jurisprudentzian, esaterako, Auzitegi Gorenaren Administrazioarekiko Auzien<br />
Salaren 2008.03.26ko epaian (927/2008 zenbakia). Hona hemen:<br />
“Konstituzio Auzitegiaren jurisprudentziak, a sensu contrario arrazoituz, aldekoak ez<br />
diren xedapen zehatzaileen eta Konstituzioaren 9.3 artikuluan islatu den debekutik abiatuta,<br />
geroko lege zehatzaile mesedegarrienen atzeraeraginaren printzipioa landu du. Irizpide<br />
hori, oro har, 30/1992 Legearen 128.2 artikuluak onartu du, eta haren arabera, xedapen<br />
zehatzaileek atzeraeragina izango dute, ustezko arau-hausleari mesede egiten diotelako”.<br />
33.2.2. Bigarren xedapen iragankorra: Egungo estatutuak aplikatzea<br />
Orain indargabetzen diren arauen babesean kalifikatu eta inskribaturiko sozietate<br />
kooperatiboen estatutuen edukia ezin izango da aplikatu lege honetan xedatutakoaren<br />
kontra.<br />
612
XEDAPEN OSAGARRIAK<br />
Legea indarrean sartzen den hurrengo egunetik kontatzen hasi eta bi urteko epean,<br />
sozietate kooperatiboek beren estatutuak berrikusi eta egokitu beharko dituzte lege honetan<br />
jasotako agindu-izaera duten arauetara.<br />
2023ko abenduaren 31ra arte, sozietate kooperatiboek beren estatutuak berrikusi eta<br />
egokitu beharko dituzte lege honetan jasotako agindu-izaera duten arauetara.*<br />
33.2.2.1. Sarrera<br />
Xedapen honetan aipatu den aldi baterako egoera lege berriaren aurreko kooperatiben<br />
estatutuena da. Indargabetutako lege batek babestutako estatutu-arauak direnez, manu<br />
indargabetzaileak ere eragiten die aginduzko lege-xedapen berrien aurka egin dezaketen<br />
alderdietan.<br />
Azken batean, bi arauren artean sortzen den gatazka konpondu nahi da, nahiz eta bi arau<br />
horiek bata bestearen atzetik datozen (hierarkia-maila desberdina dutelako), baina arauen<br />
segidari loturik daude bi-biak eta, segida horretan, lege berri batek aurreko beste bat<br />
indargabetu du, baina estatutuek aurrekoaren babesean gertatu ziren eta, horregatik, haien<br />
egoera juridikoa berriro finkatu behar da. Hain zuzen ere, xedapen iragankorren bidez egiten<br />
da hori.<br />
Aurrekoarekin batera, lehendik zegoen estatutu-araudia legezkotasun berrian txertatu nahi da.<br />
33.2.2.2. Berrikuntza nagusiak aurreko araudiaren aldean<br />
1/1982 Legeak (1. eta 2. xedapen iragankorrak) eta 4/1993 Legeak (2. eta 3. xedapen<br />
iragankorrak) ezarri zuten, gaur egungo legearekin gertatzen den bezala, legeok indarrean<br />
hasi aurretik eratutako kooperatibek estatutuak araudi berrira egokitzeko betebeharra.<br />
Gainera, epe iragankor horretan, aginduzko lege-arau berriek lehentasuna izan behar zuten<br />
aurreko estatutu-xedapenekin kontraesanean edo haien aurka zeuden lege-arauen gainetik,<br />
hori guztia, lege berriaren maila goragoko hierarkiari jarraiki.<br />
Aurreko legeetan bi xedapen iragankorretan jasota zegoena (estatutu-arauak ez aplikatzea<br />
lege-xedapen berriekiko kontraesanean zeudenean edo horien aurkakoak zirenean eta<br />
estatutuak legezkotasun berrira egokitzea) xedapen bakarrean jaso da orain.<br />
Egungo legea ez da hain zorrotza, kooperatiba batek bere estatutuak horretarako ezarritako<br />
bi urteko epean egokitu ezean, ezarritako ondorioei dagokienez. 1/1982 Legeak, egoera<br />
horretan, eskubide osoko desegitea eta kooperatibaren likidazio-aldia irekitzea xedatu zuen,<br />
eta 4/1993 Legeak, berriz, aurrekoaz gain, honako hau ezarri zuen: “administratzaileek,<br />
zuzendari-kudeatzaileek eta likidatzaileek erantzukizun pertsonal eta solidarioa izango dute<br />
kooperatibaren izenean hartutako edo hartzen diren zorren zioz”. 11/2019 Legeak, ordea,<br />
debekatu egin du sozietatearen agiririk Euskadiko Kooperatiben Erregistroan inskribatzea,<br />
salbuespen batzuk ezarrita.<br />
* Euskadiko Kooperatiben abenduaren 20ko 11/2019 legea aldatzeko urriaren 7ko 5/2021 Legearen<br />
zortzigarren artikuluaren araberako idazketa<br />
613
XEDAPEN OSAGARRIAK<br />
33.2.2.3. Iruzkin orokorra eta esanahi praktikoa<br />
Xedapen honen xedea da aurreko araudiaren arabera eratutako (kalifikatutako eta<br />
inskribatutako) kooperatiben estatutuak zein egoeratan geratzen diren arautzea, zehatzago<br />
esanda, egungo legearen aginduzko arauen aurka egon daitezkeen alderdiei dagokienez.<br />
Xedapen hori ulertzeko abiapuntua da indarreko legeak lehentasuna duela estatutuen<br />
gainetik, arau-hierarkiaren printzipioaren arabera. Ondorioz, estatutu horiek ez dute baliorik<br />
izango, eta, beraz, ezin izango dira aplikatu unean uneko aginduzko lege-arauen aurka<br />
doazenean, nahiz eta lege hura indarrean egon estatutuak arau juridiko gisa eratu zirenean<br />
edo geroago indarra hartu.<br />
Gai horri dagokionez, xedapen honek bi gauza ezarri ditu:<br />
1.- 11/2019 Legearen aginduzko arauen nagusitasuna indargabetutako legearen<br />
babespeko estatutu-arauen gainetik. Horren ondorioz, aurretik zeuden estatutuen<br />
edukia “ezin izango da aplikatu lege honetan xedatutakoaren kontra”.<br />
2.- “Sozietate kooperatiboek beren estatutuak berrikusi eta egokitu beharko dituzte lege<br />
honetan jasotako agindu-izaera duten arauetara”; horretarako, 2023ko abenduaren<br />
31ra arteko epea ematen zaie epea emango zaie.<br />
Kooperatiba batek betebehar hori betetzen ez duen kasuetan, ezarritako ondorioa dugu<br />
sozietatearen agiririk erregistroan inskribatzea debekatzea, honako salbuespen hauekin:<br />
“lege honetara egokitzeko erabakia;administratzaile, kudeatzaile, zuzendari nagusi<br />
edo likidatzaile diren pertsonen kargu-uzteen edo dimisioen gaineko tituluak; botereen<br />
errebokatzea edo uko-egitea; sozietatearen transformatzea edo desegitea; likidatzaileen<br />
izendapena; sozietatearen likidatzea edo azkentzea, eta aginte judizial edo administratiboak<br />
agindutako idazpenak”.<br />
33.3. Xedapen indargabetzailea: Aurreko legeria indargabetzea<br />
Indargabetuta geratzen dira 4/1993 Legea, ekainaren 24koa, Euskadiko Kooperatibena;<br />
6/2008 Legea, ekainaren 25ekoa, Euskadiko Kooperatiba Sozietate Txikiei buruzkoa, eta hemengo<br />
lege honetan ezarritakoaren kontra dauden maila bereko edo apalagoko gainerako arauak.<br />
33.3.1. Sarrera<br />
Espainiako Errege Akademiaren hiztegi juridikoaren arabera, indargabetzea “indarrean<br />
dagoen arau bat ondoriorik gabe uztea” da. Esandako ekintza eta horren ondorioa ondoko<br />
arau-xedapen bat onartzean sortzen dira; xedapen hori indargabetzen denaren maila berekoa<br />
edo goragokoa izango da, eta hura, osorik edo zati batean, ordenamendu juridikotik<br />
kanporatuko du.<br />
Indargabetzea esanbidezkoa edo isilbidezkoa izan daiteke. Esanbidezkoa da xedapen berriak,<br />
indarrean jartzearen ondorioz, indargabetuta zein geratzen diren berariaz adierazten duenean,<br />
eta isilbidezkoa da aurreko eta ondoko arau baten arteko kontraesanagatik gertatzen denean,<br />
arau-maila berekoa edo handiagokoa izateagatik, aurrekoaren gainetik egon behar baitu.<br />
Isilbidezko indargabetzeari dagokionez, Auzitegi Gorenak (Zibila) honako hau adierazi<br />
zuen 1996.10.31ko 881/1996 epaian: “Kode Zibilaren 2.2 artikuluan (1889/1 EDL)<br />
614
XEDAPEN OSAGARRIAK<br />
isilbidezko indargabetzea egiteko aukera babestuta, “indargabetzea beti hedatuko da<br />
lege berrian gai berari buruz aurrekoarekin bateraezina den guztian”, eta hori baiesteak<br />
eskatzen du bi legeetan arlo bereko baldintzak betetzea, hartzaileak berdinak izatea eta bi<br />
arauen helburuen artean kontraesana eta bateraezintasuna egotea”.<br />
33.3.2. Berrikuntza nagusiak aurreko araudiaren aldean<br />
11/2019 Legeak aurrekoaren era indargabetzaile bera erabili du.<br />
33.3.3. Iruzkin orokorra eta esanahi praktikoa<br />
Xedapen honen iruzkinaren sarreran, egintzaren esanahia eta indargabetzearen ondorioa<br />
azaldu dira, eta indargabetzeko bi motak azaldu dira: esanbidezkoa eta isilbidezkoa. Lege<br />
berriak, Euskadiko Kooperatiben 4/1993 Legea ez ezik, 6/2008 Legea ere indargabetu du<br />
esanbidez, gaur egungo legean txertatu baita kooperatiba-sozietate txikiaren arauketa (136-<br />
145 artikuluak), haren araubide juridikoari eutsita.<br />
Era berean, xedapenaren testuak adierazten duen legez, indargabetuta geratu dira “hemengo<br />
lege honetan ezarritakoaren kontra dauden maila bereko edo apalagoko gainerako arauak”.<br />
Lege berria dela eta, beraz, testu bakarrean bildu dira euskal eremuko kooperatibei aplika<br />
dakizkiekeen xedapen guztiak, erakunde horien arau-sistema harmonizatzen, ulertzen eta,<br />
azken batean, aplikatzen eta funtzionatzen laguntzeko.<br />
33.4. Azken xedapenak<br />
Xedapen horien bidez, legegileak legearen azken zatian jasotzea komenigarritzat jo dituen<br />
askotariko gaiak arautu dira, hala nola:<br />
- Aplikazio-eremua zehaztea.<br />
- Eusko Jaurlaritza gaitzea, legean aurreikusitakoez bestelako kooperatiba-motak<br />
arautu ditzan.<br />
- Beste lege baten araua aldatzea, hain zuzen ere, Euskadiko Ondareari buruzko<br />
Legearen testu bategina onartzen duen azaroaren 2/2007 Legegintzako Dekretuarena.<br />
- Eusko Jaurlaritza gaitzea lege hau garatzeko eta aplikatzeko arauak eman ditzan,<br />
arau horien artean, epe jakin batzuetan nahitaez onartu beharko diren bi manu jasota:<br />
kooperatiba-sozietateen erregistroaren erregelamendu berria (sei hilabeteko epean)<br />
eta kooperatiba-zehapenaren prozedura (urtebeteko epean).<br />
- Euskal Administrazioko organo eskudunak gaitzea, kooperatibei estatistikaondorioetarako<br />
datuak eskatzeari buruzko arauak eman ditzaten.<br />
- Legea indarrean jartzeko unea finkatzea.<br />
33.4.1. Azken xedapenetako lehenengoa.– Aplikazio-eremua<br />
Sozietate kooperatibo guztiei aplikatuko zaie lege hau, baldin eta Euskal Autonomia<br />
Erkidegoan badute sozietatearen egoitza eta batez ere lurralde horretan betetzen badute<br />
615
XEDAPEN OSAGARRIAK<br />
beren kooperatiba-jarduera Kooperatiben uztailaren 16ko 27/1999 Legearen 2.a) artikuluan<br />
aurreikusitakoaren arabera.<br />
33.4.1.1. Sarrera<br />
Xedapen honen xedea da 11/2019 Legea zer kooperatiba-motari aplikatuko zaion zehaztea,<br />
Euskal Autonomia Erkidegoak (aurrerantzean EAE) kooperatiben arloan dituen eskumenen<br />
lurralde-irismena kontuan harturik. Eskumen-esparru horren mugaketa 1/1982 Legearekin<br />
batera hasi zen, Konstituzio Auzitegiaren epai batez jarraitu eta, azkenik, legegintza-mailan<br />
zehaztu da, autonomia- eta estatu-mailako zenbait lege direla medio Prozesu horren nondik<br />
norako zehatzak hurrengo atalean azalduko ditugu.<br />
33.4.1.2. Berrikuntza nagusiak aurreko araudiaren aldean<br />
Gai horri dagokionez, uste dugu egokia dela 1/1982 Legea eman zeneko garaira atzera<br />
egitea eta kooperatiben arloko euskal legeriaren aplikazio-eremuaren mugaketak izan duen<br />
bilakaera aztertzea.<br />
Euskadiko Kooperatibei buruzko lehen legeak honako hau ezarri zuen azken xedapenetan<br />
lehenengoan:<br />
“Egoitza Euskal Autonomia Erkidegoan duten kooperatiba guztiei aplikatuko zaie lege<br />
hau, haien jarduera-eremua edozein dela ere ”.<br />
Konstituzio Auzitegiak, uztailaren 29ko 72/1983 epaia dela bide, Konstituzioaren<br />
aurkakotzat jo zuen xedapen hori, honako hau adierazita:<br />
“Legeak kooperatiben arloko lurralde-eremua hedatu du Euskal Autonomia<br />
Erkidegoaren eskumenari dagokionetik harago, kooperatiba gisa jardun dezaketen<br />
sozietateak arautzen baititu, kooperatiba gisa eratzen dituzten harremanetan, autonomiaerkidegoari<br />
dagokion lurraldean baino eremu handiagoan; beraz, arauak autonomiaestatutuaren<br />
20.6 artikulua eta harekin lotutako EKren 149.3 artikulua urratzen ditu”.<br />
Epai horren ondorioz, Eusko Legebiltzarrak urriaren 30eko 1/1984 Legea onartu zuen,<br />
1/1982 Legearen 1. oinarri juridikoa aldatu zuena, eta artikulu bakarrean, honako hau ezarri<br />
zuen (legearen jatorrizko testua ageri da):<br />
Otsailaren 11ko 1/1982 Legearen Azken Erabakietako Lehenengoa honela idatzia<br />
geldituko da:<br />
“Lege hau, bere Egoitza Euskal Herriko Autonomia-Elkartean izan eta koperatibabaltzuaren<br />
zermugapena egiten duten koperatiba-alorreko hoien barne-harremanak<br />
–horrelakotzat Koperatibaren eta bere bazkideen artekoak jotzen direla− Autonomia-<br />
Elkartearen mugartean gertatzen direneko Koperatiba guztiekin izango da erabilgarri,<br />
Elkartearen mugartetik kanpo norbaitekingo legezko atxikipenak edo esandako baltzuhelburuari<br />
buruzko eskribau-agiriak egin ditzatenaren kaltetan gabe”.<br />
4/1993 Legeak bere aplikazio-eremuari buruzko gaia 2. oinarri juridikoan arautu zuen,<br />
honela:<br />
616
XEDAPEN OSAGARRIAK<br />
“Lege hau Euskal Autonomia Erkidegoan egoitza soziala duten kooperatiba guztiei<br />
aplikatuko zaie, kooperatibaren xedea zehazten duten kooperatibaren barne-harremanak<br />
-hau da, kooperatibak bazkideekin dituen harremanak-, Euskal Autonomia Erkidegotik<br />
kanpo gauzatzen dituztenei izan ezik, esandako lurralde horretatik kanpo hirugarrenekiko<br />
harreman juridikoak lantzeari edo jarduera instrumentalak zein pertsonalak egiteari<br />
kalterik egin gabe”.<br />
Euskadiko Kooperatiben Legea aldatu zuen ekainaren 29ko 1/2000 Legeak xedapen hori<br />
berridatzi zuen, hogeita hirugarren artikulua dela bide, eta honako hau ezarri zuen:<br />
“Hogeita hirugarren artikulua.– Idazkera berria eman zaio ekainaren 24ko Euskadiko<br />
Kooperatiben 4/1993 Legeko bigarren azken xedapenari, eta honela idatzi da:<br />
«Bigarren azken xedapena.– Aplikazio-eremua.<br />
Baltzu-egoitza Euskal Autonomia Erkidegoan duten kooperatiba-elkarte guztiei<br />
ezarriko zaie lege hau, baldin eta, uztailaren 16ko Kooperatiben 27/1999 Legeko 2<br />
A artikuluan aurreikusitakoaren arabera, lurralde horretan betetzen badute nagusiki<br />
beren jarduera kooperatibizatua»<br />
Lege horrek aipaturiko Kooperatibei buruzko 27/1999 Legearen 2.a) artikuluak dioena<br />
kontuan hartu behar da. Hauxe dio:<br />
“Lege hau honako hauei aplikatuko zaie:<br />
a) Beren kooperatiba-jarduera hainbat autonomia-erkidegotako lurraldean garatzen<br />
duten kooperatiba-sozietateei, horietako batean jarduera nagusia denean izan ezik”.<br />
Azkenik, gaur egungo legea ondu da. Lege horren azken xedapenetako lehenengoak, orain<br />
aipatuko dugunak, 4/1993 Legearen azken xedapenetako bigarrenaren eduki berdina dakar,<br />
1/2000 Legeak emandako bertsioan.<br />
33.4.1.3. Iruzkin orokorra eta esanahi praktikoa<br />
Xedapen honek 11/2019 Legearen aplikazio-eremua zedarriztatu du estatuko Kooperatiben<br />
Legean ezarritakoarekin bat etorriz (27/1999 Legearen 2.a artikulua). Orain iruzkintzen ari<br />
garen xedapenaren edukia horren emaitza da.<br />
Bi manu horiek, autonomikoa eta estatukoa, batera irakurrita, agerian geratzen da euskal<br />
legea aplikatu ahal izateko bete behar diren osagai erabakigarriak honako bi hauek direla,<br />
eta bi-bien esanguran, erakundea lurralde jakin batekin lotzen da, kasu honetan, EAEko<br />
lurraldearekin:<br />
1.- Kooperatiba-jarduera EAEko lurraldean garatzea, han bakarrik edo, zenbait autonomiaerkidegotako<br />
lurraldean garatzen bada, nagusiki garatzea.<br />
Kontuan hartu behar dugu “kooperatiba-jardueraz” dihardugunean, kooperatibak<br />
bazkideekin egiten duen ohiko jarduera esan nahi dela (kasurako, etxebizitzen sustapena,<br />
lana, irakaskuntza…), eta horrek kalterik egiten ez diola kooperatibak esandako lurraldeeremutik<br />
kanpo gauzatzen dituen jarduera instrumentalei eta hirugarrenekiko eragiketei.<br />
2.- Kooperatibaren sozietate-egoitza EAEn egotea.<br />
617
XEDAPEN OSAGARRIAK<br />
Sozietatearen egoitzari dagokionez, legearen 3. artikuluak honako hau dio:<br />
“Kooperatibaren egoitza soziala Euskal Autonomia Erkidegoaren lurraldean egongo<br />
da, bazkideekiko jarduerak ohikotasunez egiten dituen lekuan edo administraziokudeaketa<br />
eta enpresa-zuzendaritza dauden lekuan”.<br />
Egoitzaren helbidea finkatzeari dagokionez, 27/1999 Legearen 3. artikuluak honako hau dio:<br />
“Kooperatiba-sozietateak egoitza soziala Espainiako lurraldean finkatuko du, bere<br />
jarduera nagusiki gauzatzen duen edo bere kudeaketa administratiboa eta zuzendaritza<br />
dauden lekuan”.<br />
Era berean, aintzat hartu behar da Legearen 13.1 artikuluak ezarrita duela estatutuetan jaso<br />
beharreko alderdien artean egon behar direla sozietatearen egoitza eta kooperatiba-jarduera<br />
nagusiaren lurralde-eremua.<br />
33.4.1.4 Beste arau aplikagarri batzuk<br />
Kooperatiba-jarduera, Euskadin ez ezik, beste autonomia-erkidego batzuetan ere gauzatzen<br />
bada, kontuan hartu beharko da arestian aipatutako estatuko Kooperatibei buruzko 27/1999<br />
Legearen 2.a) artikuluak xedatutakoa.<br />
33.4.2. Azken xedapenetako bigarrena. Beste kooperatiba mota batzuk<br />
Euskadiko Kooperatiben Goren Kontseiluak nahitaezko txostena eman eta gero, Eusko<br />
Jaurlaritzak, lan-arloaren eskumena duen sailburuak proposatuta, kooperatiba mota<br />
berriak erregulatu ahal izango ditu, eta, haien berezitasun sozioekonomikoetan oinarrituta,<br />
arau bereziak ezarri ahal izango ditu, lege honetan ezarritako printzipioak eta ezaugarriak<br />
errespetatuz.<br />
33.4.2.1. Sarrera<br />
11/2019 Legean, kooperatiba-motei buruzko erregulazioa irekia da, eta horrek esan nahi<br />
du aurreko araudiari jarraitu diola, 1/1982 Legeak (65. artikulua) nahiz 4/1993 Legeak (98.1<br />
artikulua) numerus apertus delako sistema hori baliatu baitzuten.<br />
33.4.2.2. Berrikuntza nagusiak aurreko araudiaren aldean<br />
11/2019 Legeak aurreko legeriak ez zekartzan kooperatiba-mota berriak arautu ditu: junior<br />
kooperatibak (132. artikulua) eta enpresak sustatzeko kooperatibak (135. artikulua).<br />
33.4.2.3. Iruzkin orokorra eta esanahi praktikoa<br />
Xedapen honen edukia legearen 102.1 artikuluak dakarrenarekin lotu behar dugu. Horren<br />
arabera, “Kooperatibak sortzeko, oinarritzat hartu beharko dira kapitulu honetan arautzen<br />
diren kooperatiba motak. Nolanahi ere, bestelako kooperatibak ere eratu ahal izango dira,<br />
estatutu-bidez, baldin eta argi eta garbi zehazten bada zein den kooperatiba-jarduera<br />
eta kooperatiban parte hartu behar duten bazkideen posizio juridikoa. Kasu horretan,<br />
618
XEDAPEN OSAGARRIAK<br />
erregistroak eta interesdunek aplikatuko dituzte kooperatiba horiekiko analogia handiena<br />
duten entitateentzat legez xedatu diren arauak”.<br />
Etorkizunari begira, kooperatiba-mota berrien arauketa errazteko, legeak eskaintzen duena<br />
baino bizkortasun handiagoko tresna juridiko baten bidez eta, hartara, araudia etengabe<br />
aldatzen ari den errealitate sozioekonomikora errazago egokitzeko, xedapen honetan Eusko<br />
Jaurlaritza gaitu da dagozkion arau bereziak emateko, betiere legean ezarritako printzipioei<br />
eta ezaugarriei men eginez. Gauza bera ezarri zen 4/1993 Legearen 3. oinarri juridikoan.<br />
EKGK-k esku hartu beharko du arau horiek lantzen eta, aldez aurretik, nahitaezko txostena<br />
egin beharko du.<br />
Nolanahi ere, argi dago ez dela beharrezkoa izango araudi gehigarririk aldarrikatzea<br />
lege honetan araututakoez bestelako mota bateko kooperatibak eratu ahal izateko; hala,<br />
kooperatibaren sustatzaileek askatasuna izango dute estatutuak taxutzeko, baldin eta argi<br />
eta garbi zehaztuta geratzen bada kasuan kasuko kooperatiba-jarduera eta bertan parte hartu<br />
behar duten bazkideen egoera juridikoa.<br />
33.4.3. Azken xedapenetako hirugarrena. Euskadiko Ondearearen Legearen Testu<br />
Bategina onartu zuen azaroaren 6ko 2/2007 Legegintzako Dekretua aldatzea<br />
Azaroaren 6ko 2/2007 Legegintzako Dekretuaren bidez onartutako Euskadiko Ondareari<br />
buruzko Legearen testu bateginaren 102. artikuluaren a) letraren edukia aldatu da, eta honela<br />
idatzita geratu da:<br />
“«a) Helburua onura publikokoa edo interes publikokoa edo gizarte-interesekoa<br />
izanik, eta administrazio publikoen, izate juridiko-publikoko beste entitate batzuen,<br />
sektore publikoa osatzen duten beste entitate batzuen eta onura publikoaren deklarazioa<br />
duten fundazioen, elkarteen edo kooperatiben aldekoa denean. Era berean, eta helburu<br />
berberekin, onura publikoaren deklarazioa duten etxebizitza-kooperatiben aldekoa<br />
denean, bazkideentzako etxebizitzak eraikitzera bideratutako lursailen kasuan»”.<br />
33.4.3.1. Sarrera<br />
Legearen zioen azalpenak xedapen horren aipamena egin du, honela:<br />
“onura publikoko deklarazioa lortzen duten fundazio eta elkarteak eta deklarazio hori<br />
bera lortua duten kooperatibak parekatu nahi dituena, ondasunen eta eskubideen gainean<br />
doan xedatzeko egintzei dagokienez, zeinak Euskadiko Ondareari buruzko Legearen testu<br />
bateginak erregulatzen baititu. Era berean eta helburu berberekin, «onura publikoko»<br />
deklaratutako etxebizitza-kooperatiben aldekoa denean, bazkideentzako etxebizitzak<br />
eraikitzera bideratutako lursailen kasuan”.<br />
Etxebizitza-kooperatibei dagokienez, xedapen hori lotu egin behar da Legearen 157.2.g)<br />
artikuluak dioenarekin. Artikulu horrek dioenez:<br />
157. artikulua.– Kooperatibismoa sustatu eta zabaltzeko neurriak.<br />
2.- Bereziki, sustapen-neurri hauek hartuko dituzte :<br />
619
XEDAPEN OSAGARRIAK<br />
g) Beren helburu soziala betetzeko, onura publikokoak deklaratutako etxebizitzakooperatibek<br />
kudeaketa publikoko lursailak erosi ahal izango dituzte zuzeneko<br />
adjudikazio-sistemaren bidez.<br />
Lege honetan ezarritakoaren eta Euskadiko Ondareari buruzko Legearen aldaketaren<br />
arteko lotura xedapen honen iruzkinari eta esanahi praktikoari buruzko atalean azalduko da.<br />
33.4.3.2. Berrikuntza nagusiak aurreko araudiaren aldean<br />
Honako xedapen honek ez dauka aurrekaririk aurreko legerian.<br />
33.4.3.3. Iruzkin orokorra eta esanahi praktikoa<br />
2/2007 Legegintzako Dekretuaren 102.a) artikuluak honako hau zioen xedapen honek<br />
aldatu aurretik:<br />
102. artikulua.– Doan xedatzeko egintzak noiz diren zilegiak.<br />
Lotzea edo ustiatzea aurreikusteko modukoa dutela jotzen ez bada, kasu hauetan erabaki<br />
daitezke ondasunen eta eskubideen gainean doan xedatzeko egintzak:<br />
a) Helburua onura publikokoa edo interes publikokoa edo gizarte-interesekoa izanik,<br />
eta herri-administrazioen, izate juridiko-publikoko beste erakunde batzuen, sektore<br />
publikoa osatzen duten beste erakunde batzuen eta onura publikokotzat deklaraturiko<br />
fundazioen edo elkarteen aldekoa denean.<br />
Aldatutako manuaren eremua, beraz, Euskadiko ondareko ondasun edo eskubideen gaineko<br />
doako xedapen-egintzena da.<br />
Aurretiazko idazketan, manu horretan ez ziren kooperatibak aipatu, izaera publikorik<br />
izan gabe, doako xedapen-egintzen bidez Euskadiko ondarearen ondasunen edo eskubideen<br />
lagapen-hartzaile izan zitezkeen erakundeen artean; fundazioak edo elkarteak, ordea, bai<br />
aipatu ziren, betiere onura publikoaren deklarazioa bazuten.<br />
Orain, aldaketaren ondotik, kooperatibak, fundazioak eta elkarteak parekatu dira ondorio<br />
horietarako, eta, beraz, fundazio eta elkarte horiei ere eskatzen zaie onura publikokotzat<br />
deklaratzea, doako xedapen-egintzen bidez, Euskadiko ondarea osatzen duten ondasunen<br />
edo eskubideen lagapen-hartzaile izan ahal izateko.<br />
Etxebizitza-kooperatiben kasuan, berariaz aurreikusi da “bazkideentzako etxebizitzak<br />
eraikitzeko lursailak” doan lagatzea haien alde, betiere kooperatibak onura publikokotzat<br />
jo izan badira. Ildo horretan, Euskadiko Ondareari buruzko Legearen aldaketa bat dator<br />
11/2019 Legearen 157.2.g) artikuluak xedatutakoarekin; izan ere, azken manu horretan<br />
ere etxebizitza-kooperatibei eskatzen zaie onura publikoko deklarazioa aitortu izanaren<br />
baldintza, titulartasun publikoko lurrak zuzeneko esleipen-sistemaren bidez eskuratu ahal<br />
izan ditzaten.<br />
33.4.3.4. Beste arau aplikagarri batzuk<br />
Onura publikoko deklarazioari dagokionez, kontuan hartu behar da otsailaren 2ko<br />
620
XEDAPEN OSAGARRIAK<br />
64/1999 Dekretua, onura publikoko kooperatiba-sozietateei buruzko prozedura eta<br />
betekizunei buruzko erregelamendua onartzen duena. Dekretu horren xedea da, hain zuzen<br />
ere, kooperatiba-sozietateak onura publikokotzat deklaratzeko prozedura eta betekizunak<br />
arautzea.<br />
33.4.4. Azken xedapenetako laugarrena: Legea aplikatzea eta garatzea<br />
1.– Eusko Jaurlaritzan lan-arloaren eskumena duen sailburuak proposatuta, Eusko<br />
Jaurlaritzak arauak eman ahal izango ditu lege hau aplikatzeko eta garatzeko.<br />
2.– Lege hau indarrean jarri eta sei hilabeteko epean, Eusko Jaurlaritzak sozietate<br />
kooperatiboen erregistroari buruzko erregelamendu berri bat onartuko du.<br />
Erregelamendu horrek espresuki aurreikusi eta erregulatuko du nola izapidetu<br />
elektronikoki erregistro-espedienteak, eta erregistro-eragiketak sinplifikatuko ditu,<br />
betiere zaindu beharreko segurtasun juridikoa zainduz, interesdunekiko harremanak<br />
errazteko; batez ere, inskripzioak eta inskripzioekin lotutako egintzen gordailua,<br />
kontsultei erantzuteko modua eta publizitate formala errazteko.<br />
3.– Lege hau indarrean jarri eta urtebeteko epean, Eusko Jaurlaritzak kooperatibak<br />
zehatzeko prozedura onartuko du, zeina lege honen 149. artikuluan aurreikusten den,<br />
Administrazioaren zehapen-araubidea aplikatzeko legeriaren eta haren printzipio<br />
eta bermeen arabera.<br />
4.– Euskadiko Kooperatiben Erregistroarekin eta Euskadiko Kooperatiben Goren<br />
Kontseiluarekin koordinatu eta gero, Euskal Autonomia Erkidegoko Administrazioko<br />
organo eskudunek arauak eman ahal izango dituzte kooperatibei datuak eskatzeko<br />
estatistika-ondorioetarako, betiere estatistika-arloko legerian ezarritakoaren<br />
arabera.<br />
33.4.4.1. Sarrera<br />
Legeek dakarten erregulazioa, sarritan, orokorregia da eta, horregatik, arauketa hori<br />
osatzen edo garatzen duten maila txikiagoko arauak behar izaten dituzte benetan aplikatzeko.<br />
Hori dela eta, legeek eurek aurreikusi ohi dute, eta kasu askotan xedatzen, legea indarrean<br />
jarri ondoren, legearen xedea eta helburuak betetzeko arauak eman daitezen. Arau horiei<br />
erregelamendu betearazle deritze, eta administrazioak ematen ditu erregelamenduak egiteko<br />
ahala erabiliz, legeari lotuta eta kontrol judizialaren eraginpean jarrita.<br />
Estatuaren autonomia-egituraren ondorioz, autonomia-erkidego bakoitzak baditu bere<br />
gobernu-organoak, zeini dagokion erregelamendu-ahalmen eta guzti. EAEren kasuan, Eusko<br />
Legebiltzarraren ekainaren 30eko 7/1981 Legeak, Jaurlaritzaren Legeari buruzkoak, hauxe<br />
dio 18. artikuluan (legearen jatorrizko testua ageri da):<br />
“Honako hauek dagozkio Jaurlaritzari:<br />
Eusko Legebiltzarretikako Legeak eginbideratzeko eta egiteratzeko Araudiak<br />
Dekretoz onartzea, eta baita Erresuma-Legeei dagozkienak ere Autonomia-<br />
Estatutoaren, eskuematearen edo aginte-eskuraketaren ondorioz agintea egiteratzea<br />
Elkarte Autonomiadunari dagokionean”.<br />
621
XEDAPEN OSAGARRIAK<br />
Eusko Jaurlaritzaz gain, maila apalagoko organoek ere badute erregelamenduak<br />
egiteko ahala, eta horrela, lege horren 26. artikuluan, sailburuei dagokienez, hauxe<br />
ezarri da:<br />
“Batzordekide gisa dagozkien aginteen kaltetan gabe Sailburuek, bere Sailetako<br />
Buru direnez, honako eskubide hauek izango dituzte:<br />
4. Bere Sailari dagozkion gaietan guztizko arduralaritza-aginduak eta erabakiak<br />
ematea”.<br />
Sailburuen erregelamendu-ahalmen hori aginduen bidez gauzatzen da.<br />
Bada, azaldutako testuinguruan, orain iruzkintzen ari garen xedapenak oinarriak ezarri<br />
ditu EAEko administrazioek legea aplikatzeko eta garatzeko arauak eman ditzaten; hala,<br />
kasu batzuetan, Eusko Jaurlaritza eta euskal administrazioari atxikitako beste organo batzuk<br />
gaitzen dira eta, beste kasu batzuetan, aipaturikoei agintzen zaie erregelamendu-mailako<br />
arauak eman ditzaten. Arau horiek orokorrak izan daitezke edo gai jakin batzuk arautzea<br />
izan dezakete xede.<br />
33.4.4.2. Berrikuntza nagusiak aurreko araudiaren aldean<br />
4/1993 Legearen azken xedapenetako bosgarrenari (“Legea aplikatzea eta garatzea”)<br />
dagokionez, egungo legeak ondoko berritasuna txertatu du: Eusko Jaurlaritzari urtebeteko<br />
epean kooperatiba-zehapenaren prozedura onar dezan agintzea.<br />
33.4.4.3. Iruzkin orokorra eta esanahi praktikoa<br />
1.- Eusko Jaurlaritzan lan-arloaren eskumena duen sailburuak proposatuta, Eusko<br />
Jaurlaritzak arauak eman ahal izango ditu lege hau aplikatzeko eta garatzeko.<br />
Eusko Jaurlaritzaren aldeko gaikuntza orokorra da, legea aplikatu eta garatzeko<br />
erregelamendu betearazleak eman ditzan.<br />
Erregelamendu berria onartzen den artean, Euskadiko Kooperatiben Legearen Erregelamendua<br />
onartu zuen martxoaren 29ko 58/2005 Dekretuak indarrean jarraituko du, lege berrian<br />
ezarritakoaren aurka ez doan guztian.<br />
2.- Lege hau indarrean jarri eta sei hilabeteko epean, Eusko Jaurlaritzak sozietate<br />
kooperatiboen erregistroari buruzko erregelamendu berri bat onartuko du.<br />
Erregelamendu horrek espresuki aurreikusi eta erregulatuko du nola izapidetu<br />
elektronikoki erregistro-espedienteak, eta erregistro-eragiketak sinplifikatuko ditu,<br />
betiere zaindu beharreko segurtasun juridikoa zainduz, interesdunekiko harremanak<br />
errazteko; batez ere, inskripzioak eta inskripzioekin lotutako egintzen gordailua,<br />
kontsultei erantzuteko modua eta publizitate formala errazteko.<br />
Euskadiko Kooperatiben Erregistroa lehenengoz arautu zuen uztailaren 26ko 161/1982<br />
Dekretuak, Kooperatibei buruzko otsailaren 11ko 1/1982 Legearen laugarren xedapen<br />
gehigarria garatuz, ebatzi zuen administrazio-antolamenduko sistema deszentralizatua<br />
ezartzea zerbitzu hori emateko, eta zerbitzu nagusiaz gain, berezko eskumenez hornituriko<br />
hiru lurralde-organo sortu zituen.<br />
622
XEDAPEN OSAGARRIAK<br />
4/1993 Legearen azken xedapenetako lehenengoaren 1. atalak Eusko Jaurlaritzari agindu<br />
zion Euskadiko Kooperatiben Erregistroaren antolamendu- eta funtzionamendu-araubidea<br />
ezartzeko arauak eman zitzala, legea indarrean jarri eta sei hilabeteko epean. Araubide hori<br />
maiatzaren 24ko 189/1994 Dekretuaren bidez ezarri zen, eta aurreko araudian ez bezala, 1.<br />
artikuluak xedatu zuen erregistroa Eusko Jaurlaritzako Lan eta Gizarte Segurantza Saileko<br />
Gizarte Ekonomiaren Zuzendaritzari atxikitako organo gisa egituratzea. Erregistroaren<br />
antolaketa eta funtzionamendua banako egitura berrira egokitzeko, Lan eta Gizarte<br />
Segurantzako sailburuaren 1994ko uztailaren 21eko agindua eman zen.<br />
59/2005 Dekretuak indargabetu zuen 189/1994 Dekretua. Dekretu indargabetzaileak<br />
erregistroaren egungo antolamendu- eta funtzionamendu-araubidea ezarri zuen, eta horren<br />
banakotasunari eta Eusko Jaurlaritzako Justizia, Lan eta Gizarte Segurantza Saileko Gizarte<br />
Ekonomiaren Zuzendaritzarekiko atxikipenari eutsi zien.<br />
Orain iruzkintzen ari garen azken xedapenak erregistroaren erregelamendu berria onartzeko<br />
agindu dio Eusko Jaurlaritzari, eta azpimarratu du erregelamendu horrek berariaz aurreikusi eta<br />
arautu beharko duela erregistro-espedienteen izapidetze elektronikoa, eta erregistro-eragiketak<br />
sinplifikatu beharko dituela, beharrezkoa den segurtasun juridikoa zainduz, interesdunekiko<br />
harremanak errazte aldera, bereziki, erregistroari lotutako egintzen inskripzioa eta gordailuari<br />
buruzkoak, bai eta kontsulten ebazpena eta publizitate formala ere.<br />
3.- Lege hau indarrean jarri eta urtebeteko epean, Eusko Jaurlaritzak kooperatibak<br />
zehatzeko prozedura onartuko du, zeina lege honen 149. artikuluan aurreikusten den,<br />
Administrazioaren zehapen-araubidea aplikatzeko legeriaren eta haren printzipio<br />
eta bermeen arabera.<br />
Legearen beraren zioen azalpenean adierazi den bezala, kooperatiben eremuko esku-hartze<br />
publikoaren justifikazioa du enpresa-mota horiek “gizarte-interesa” dutela.<br />
Kooperatiben arloko administrazio-jarduera azaltzeko eta justifikatzeko erabiltzen diren<br />
bi alderdiak ditugu, alde batetik, sustapen-jarduera eta, bestetik, kooperatiben legezkotasuna<br />
betetzen dela bermatzeko jarduera.<br />
Beraz, legea betetzen dela bermatzeko eginkizun horren esparruan arautu eta egikaritu<br />
behar da administrazioak kooperatiben esparruan daukan zehatzeko ahala.<br />
4/1993 Legearen 140.6 artikuluak aurreikusi zuen Eusko Jaurlaritzak zehapen-prozedura<br />
berariazkoa arau zezala, baina hori ez zen gertatu.<br />
Egungo legeak aldi baterako mugatu du prozedura hori onartzeko aldia, eta, horretarako,<br />
urtebeteko epea ezarri du, legea indarrean jartzen denetik.<br />
Gainera, aintzat hartu behar dugu legearen 160.7 artikuluak dioenez: “Eusko Jaurlaritzan<br />
lan-arloko eskumena duen sailari dagokio proposatzea onar dadin kooperatiba zehatzeko<br />
prozedura arautzen duen erregelamendua, zeina egingo baita Administrazioaren zehapenaraubidea<br />
eta haren printzipio eta bermeak aplikatzeko legeriaren arabera. Ezin izango<br />
da, inoiz, zehapenik ezarri baldin eta aurretik ez bada egin dagokion espedientea arestian<br />
adierazitako printzipio eta bermeen arabera.<br />
Ustezko arau-hauste oso astunengatik egindako zehapen-espedienteak ebazteko, aurretiko<br />
txostena eman beharko du Euskadiko Kooperatiben Goren Kontseiluak, eskaera egin<br />
623
XEDAPEN OSAGARRIAK<br />
ondorengo hirurogei egunetan; epe horretan eman ezean, egintzat joko da izapidea”.<br />
Xedapen honetan egindako legearen 149. artikulurako igorpena okertzat jo behar da; hala,<br />
igorpena 160.7 artikuluaren ingurukoa dela ulertu behar da.<br />
4.- Euskadiko Kooperatiben Erregistroarekin eta Euskadiko Kooperatiben Goren<br />
Kontseiluarekin koordinatu eta gero, Euskal Autonomia Erkidegoko Administrazioko<br />
organo eskudunek arauak eman ahal izango dituzte kooperatibei datuak eskatzeko<br />
estatistika-ondorioetarako, betiere estatistika-arloko legerian ezarritakoaren arabera.<br />
Orain iruzkintzen ari garen xedapenak 4/1993 Legearen azken xedapenetako<br />
bosgarrenaren 3. atalaren testu berdina dakar.<br />
Euskal Autonomia Erkidegoko Autonomia Estatutuaren 10.37 artikuluak hauxe dio:<br />
“Euskal Autonomia Erkidegoak eskumen esklusiboa du honako gai hauetan: (..) 37. Euskal<br />
Herriko Estatistika, bere helburu eta eskumenetarako”.<br />
Artikulu hori aplikatuz, Eusko Legebiltzarrak Euskal Autonomia Erkidegoko Estatistikari<br />
buruzko apirilaren 23ko 4/1986 Legea onartu zuen, eta bertan arautu zuen Euskal Autonomia<br />
Erkidegoko estatistika-jarduera.<br />
Lege horren 6.1 artikuluak dioenez, Euskal Estatistika Plana Euskal Autonomia Erkidegoko<br />
estatistika-jarduera denboraldi batez antolatzeko tresna da, eta lege bidez onartuko da.<br />
Orain arte, plan horietako zortzi onartu dira, eta honako aldi hauetarako egon eta egongo<br />
dira indarrean: 1989-1992, 1993-1996, 1997-2000, 2001-2004, 2005-2008, 2010-2012,<br />
2014-2017 eta 2019-2022. Planok urteko estatistika-programen bidez garatzen dira.<br />
2019-2022 Euskal Estatistika Planari buruzko ekainaren 27ko 8/2019 Legeak eta 2020ko<br />
urteko estatistika-programa onartzen duen maiatzaren 26ko 71/2020 Dekretuak estatistikaeragiketen<br />
zerrendaren barruan jaso dute Gizarte Ekonomia. Ildo horretan, eragiketa horien<br />
artean, honako hauek jaso dituzte: “Euskal gizarte-ekonomiaren estatistika” (EAEko gizarteekonomiaren<br />
arloko kontu ekonomikoen makromagnitude esanguratsuenak ezagutzeko<br />
helburua duena), eta “Euskal gizarte-ekonomiaren emaitzen aurrerapena” (gizarte-ekonomiaren<br />
bilakaerari buruzko urteko emaitzen aurrerapena eskuratzeko helburua duena). Bi kasuetan,<br />
informazioa ematen duten subjektuak enpresak dira, eta goian adierazitako estatistikahelburuak<br />
betetzeko behar diren datuak biltzen dituzten galdetegiak baliatzen dira.<br />
Kontuan izan behar da estatistika-informazioa ematea nahitaezkoa dela enpresentzat, eta<br />
betebehar hori ez betetzea zehatzeko moduko arau-haustea dela.<br />
33.4.5. Azken xedapenetako bosgarrena: Indarrean jartzea<br />
Euskal Herriko Agintaritzaren Aldizkarian argitaratu eta hogeita hamar egunera jarriko<br />
da indarrean lege hau.<br />
33.4.5.1. Sarrera<br />
Lege baten azken xedapenen xede diren ohiko gaien artean dago legea indarrean jartzeko<br />
unea finkatzea.<br />
Arau baten bizi-denbora mugatzen duten bi uneak araua indarrean jartzea eta indargabetzea<br />
dira.<br />
624
XEDAPEN OSAGARRIAK<br />
Arau baten indarraldiaren hasiera argitalpen ofizialak zehazten du, eta hori legeak era<br />
formalean argitaratzeko printzipioaren ondorio da. Printzipio hori 1978ko Konstituzioaren<br />
9.3 artikuluan jasota dago. Artikuluak ezartzen duenez, “Konstituzioak arauen publizitatea<br />
bermatzen du”.<br />
Egitate edo une horretatik abiatuta, legeak berehala edo geroratuta hasi ahal izango dira<br />
indarrean, bigarren kasu horretan, era ofizialean argitaratzen direnetik, legeek ezartzen<br />
duen denbora-tartea igaro ondoren −vacatio legis moduan ezagutzen dena−.<br />
33.4.5.2. Berrikuntza nagusiak aurreko araudiaren aldean<br />
1/1982 Legeak (azken xedapenetako zortzigarrena) ezarri zuen EHAAn argitaratu eta<br />
hurrengo egunean jarriko zela indarrean. 4/1993 Legeak (azken xedapenetako lehenengoa),<br />
berriz, 30 eguneko epea ezarri zuen horretarako.<br />
33.4.5.3. Iruzkin orokorra eta esanahi praktikoa<br />
Xedapen honek hogeita hamar eguneko epea ezarri du –vacatio legis–, EHAAn argitaratzen<br />
denetik aurrera indarrean jartzeko.<br />
Ondorio horietarako, epe bat ezartzeak legea ezagutzea erraztu egiten du (gutxienez,<br />
legearen esanahia edo haren ildo nagusiak), argitaratzen denetik indarrean jartzen den arte,<br />
batez ere, bertan jasotako arauek zuzenean eragindakoen partetik.<br />
Legea berehala indarrean ez hastea, geroratutako epean baizik (hogeita hamar eguneko<br />
epean, hain zuzen ere) alderdi onuragarria delakoan gaude.<br />
625
Contraportada: 176 mm (ancho de cartón 166 mm + cajo10 mm)<br />
cajo<br />
10 mm<br />
Altura<br />
247 mm<br />
tamaño de fo<br />
tamaño de cub<br />
Reyes de Navarra, 51-bajo<br />
01013 Vitoria-Gasteiz<br />
Telf. 945 121 155<br />
info@csce-ekgk.coop<br />
www.csce-ekgk.coop