Bilintx, bertsoak eta bizitza - Euskaltzaindia

8/ Aren itzerak iruditutzen
zazkit usoren urrungak,
mugida gabe dagoeneko
itsasoaren baga-otsak;
gau osgarbian aize goxoren
suxu-muxutxo biguñak,
gora a1txatuak txoriandraren
egunsentiko diosalak.
9/ Deritzazkit, ai!, Euskal-erriko
aritz guztien pirpirrak,
lore tartean gordea doan
iturritxoren murmurrak;
kabi ondoan tellatupeko
enaratxoen txor-txorrak,
amorez illa dagoeneko
erretxiñolen gorgorak.
10/ Ark senti zuen amorioa
da kerubiñen asnasa,
jargoi oñean Jaungoikoari
zuzendutzean otoitza;
egunsentian lore gañetan
egan dabillen artaiza,
azuzenaren orri tartean
pozez gordetzen dan intza.
11/ Nor da, ordea, nor gairik aski
pintatzeko( 1) nolakoa
izandu zuen anima biguñ
garbiak amorioa?
Aiñ amorio gaitzik gabea,
loratsu eta gaxoa,
toleskabezko ezpañaz iñor
lotserazi gabekoa?
416