Bilintx, bertsoak eta bizitza - Euskaltzaindia

Bilintx (Bertsoak eta bizitza)
4/ Zure ortz txiki txuri politak,
gañera orren berdiñik,
ez det beñere ikusi iñon
ezer aiñ ondo egiñik.
Eta nork ditu zuk bezin begi
zeru kolore urdiñik?
Ara zer esan arazten nazun:
jango zinduzket gordiñik!
5/ Zeñi etzaizka gustatzen zure
pausoa eta mugira,
aiziak luma bultzata baña
ariñaguak badira?
Zuri zerubak eman zizkizun
graziyak ainbeste dira,
ero-azitzen nautenak jartzen
naizen guztiyan begira.
6/ Ordu denetan galdezka nabill
norentzat zeran, norentzat,
bada beldur naiz ote zeraden,
dama, besteren batentzat;
usai gabeko loria ona
ez baldin bada zuretzat,
zuk artzen nazu, ala uste det,
usai gabeko loretzat.
7/ Ori orrela izanda ere
beti biyotzian zauzkat!
Zeñetan karga guztiz pixuak
ezin jasorikan dauzkat;
berez datozen atsekabeak
ainbesteraño darauzkat,
berak oraindik galduko naute
baldin luzaro badauzkat.
408