Xente Con Oficio

ENTE CON OFICIO
XXENTE CON OFICIO

ENTE CON OFICIO
XXENTE CON OFICIO
xénero
DIVULGATIVO
duración
25’ - 30’
nº de programas
13
público obxectivo
TODOS OS PÚBLICOS
emisión
SEMANAL

As costumes van cambiando, as novas
tecnoloxías inundan o noso día a día,
relegando ó esquecemento oficios que
noutro tempo foron esenciais. Moitos
deles perderon o seu posto na sociedade
substituídos por unha máquina ou a
causa dun sistema económico que lles
fixo imposible competir en prezos cos
que gañar o sustento.
Xente con oficio é un programa
dedicado ós homes e mulleres galegos
que traballaron arreo nun oficio ata
chegar á mesma perfección. Chegaron a
el, na maioría dos casos, ensinados polos
seus pais ou avós que vían no bo facer
dun oficio a maneira máis sinxela de
levar un sustento as súas familias. Agora
son eles os que transmiten con ilusión o
seu coñecemento a mozos e mozas, que
cunha perspectiva laboral incerta, ven
nos oficios dos seus antepasados unha
profesión de futuro.
Canteiros de Poio, oleiros de Buño,
ferreiros de Riotorto, palilleiras de
Camariñas, fiandeiras de Zas, panadeiros
de Cea, arrieiros de Maside, campaneiros
de Caldas, telleiros de O Rosal,
guarnicioneros de Maceda, tecedoras de
Parada, albarderos de Melide, redeiras de
Cangas... oficios de sempre que, moitos
deles, seguen tendo o seu espazo nos
tempos actuais.
Algúns destes oficios son tan vellos
como a humanidade. Hainos que
pasaron longos anos escuros e que
estiveron a piques de desaparecer para
logo volver a florecer e outros que
tristemente desapareceron. Pero aínda
queda en Galicia moita xente con oficio,
protagonistas de moitas lendas que
conforman as nosas tradicións.

A TRANSMISIÓN DO SABER
En Xente con oficio afondaremos nas
formas actuais de transmisión do
coñecemento que se imparte na
formación regrada, especializada ou
“gremial” (aprendiz, oficial, mestre). O
programa é unha homenaxe a esa
xente esforzada que serven de
testemuña viva dun pasado que nos
afianza e nos define como galegos.
Que son quen de ilusionar ós máis
novos, ós que transmiten as súas
destrezas e as súas vivencias, para que
continúen construíndo as súas vidas
arredor duns oficios que perduran, nos
seus lugares de orixe.

FORMATO
Xente con oficio achega ó espectador
dous puntos de vista diferentes dunha
mesma profesión, dunha mesma
paixón. Para iso, cruzará dúas historias,
a do profesional que dedicou toda
unha vida a un oficio e a da xente nova
que chega con forza e gana de tomar o
relevo.
Hai dous protagonistas, polo menos,
en cada episodio. Un representa o
pasado: o mestre, o que transmite.
Outro representa o futuro: o aprendiz.
Pero ambos son parte dun presente
que comparten nun lugar e nun
espazo de tempo determinados.
Visítase o obrador do experto, pero
tamén os centros de formación que
imparten oficios de toda a vida. Neles
coñecemos o seu funcionamento e
reflexionamos sobre que leva a un
rapaz de hoxe en día a enrolarse nun
oficio, en principio, máis propio do
pasado.
Unha montaxe paralela que contrasta
diferentes opinións sobre un mesmo
tema, que afonda no pasado para
acabar reflexionando sobre o futuro e
que remata unindo a dúas persoas que
xa estaban unidas de antes sen sabelo,
por unha mesma paixón.

ESTILO
Igual que os nosos protagonistas
exercen unha creatividade especial no
seu traballo diario, nós queremos
achegarnos coa montaxe a esa mesma
sensación de facer algo único.
Non queremos converter o programa
nunha reportaxe que a través de
recursos, bustos falantes e grafismos,
informa sobre un oficio, lonxe da
emoción.
En Xente con oficio queremos dar a
coñecer a profesión, a través dos ollos
dos protagonistas, afondando nas
historias humanas.
Os planos, a voz en off, as fotografías do
pasado, os encabalgamentos de voz
sobre imaxe sacados dos totais ós
protagonistas... todos os elementos
empregados en Xente con oficio teñen
que ter un sentido narrativo.
Cun idioma cinematográfico, pero sendo
conscientes dos ritmos televisivos,
queremos poñer a cada programa,
cando menos, a metade do amor que
esta xente ten pola súa profesión, polo
seu modo de vida.

PROGRAMAS
1. CARPINTEIROS DE RIBEIRA
Irmáns Garrido
/O Grove/
Centro de Formación A Eixola
/Marín/
4. TORNEIROS DE MADEIRA
CIFP A Xunqueira
Obradoiro Taxus, Vilamor
/A Coruña/
2. FERREIROS
5. LUTHIERS
Familia Villado
/Riotorto/
Obradoiro Jomaca
/Riotorto/
Obradoiro de Gaitas e Percusión JR
/Carballo/
Obradoiro de Gaitas Seivane
/Cambre/
3. CANTEIROS
Escola de Pontevedra
/Poio/
6. APICULTORES
David Corral. Mel de Anta
Asociación Galega de Apicultura
/Arzúa/

PROGRAMAS
7. ZOQUEIROS
10. PANADEIROS
Obradoiro de Alberto Geada
/Mondoñedo/
Obradoiro de Elena Ferro
/A Merza, Lalín/
Obradoiro “Pan da Moa”
/Santiago/
Obradoiro Panadería Germán
/Fisterra/
8. XARDINEIROS
11. REDEIRAS
CFEA, Guísamo
/Bergondo/
CMF A Cabreira
/Oleiros/
Federación de Redeiras “O Peirao”
/Malpica/
Asoc. Profesional de Redeiras “O Cerco”
/Cangas/
9. GAITEIROS
12. OLEIROS
Escola de Ortigueira
/Ortigueira/
Escola de Ourense
/Ourense/
Obradoiros Olería de Buño
/Malpica/
Obradoiro Agustín Vázquez
/Niñodaguía/

PROGRAMAS
13. VELERÍA
Centro de Formación A Eixola
/Marín/
Cadenote
/Sada/
Queremos contar como se exercen
hoxe en día estes oficios antigos; como
se aprenden, como se transmiten e
como se viven. Pero sobre todo,
queremos descubrir as historias,
sentimentos, vivencias, emocións,
anécdotas… que hai arredor dunha
vida enteira dedicada a un oficio. E
tamén, como non, as inquedanzas,
motivacións e esperanzas que a
xuventude pon nun oficio que, sendo
doutro tempo, está chamado a
perdurar no tempo.

ESCALETA
NÚMERO
DESCRICIÓN DURACIÓN ACUMULADO
1 PRECABECEIRA.
Arrincamos cun retrato da persoa con máis
experiencia sobre o oficio do que versa
o programa.
1’ 1’
2 CABECEIRA.
Aínda que tendo todas a mesma sintonía e
duración, queremos diferenciar os puntos
fortes de cada oficio personalizando a cabeceira.
30’’ 1’30’’
3 UBICACIÓN.
30’’ 2’
Planos coidados sitúan ó espectador no lugar
onde nos atopamos.
4 EXPERTO. Como empecei?
3’ 5’
Unha ollada ó pasado, usando fotos de arquivo
como recurso afondamos na historia persoal.
5 APRENDIZ. Motivación.
3’ 8’
A través da chegada ó centro do mozo e do
seguimento do seu día a día coñecemos as súas
motivacións para formarse neste oficio.
6 EXPERTO. En que consiste?
3 11’
Ninguén mellor para contarnos os segredos do
oficio que alguén que pasou media vida facéndoo.
7 APRENDIZ. Como se aprende?
3’ 14’
Entre o aprendiz e a visión dos profesores
coñecemos os métodos de ensinanza dos
profesionais do século XXI.
8 EXPERTO. Anécdota.
2’ 16’
Vivezas, anécdotas, emocións de toda unha vida
dedicada a un oficio na boca dos seus protagonistas.
E o momento do programa máis persoal, onde o
espectador empatiza e conecta ca historia.
9 ENCONTRO.
2’ 18’
O aprendiz chega ó taller do experto.
Charla entre eles.
10 TRABALLO EN EQUIPO.
3’ 21’
Este proceso serve como escusa para reflexionar
sobre un mesmo oficio dende dúas visións diferentes.
Experiencia vs Innovación. Pode ser unha peza
completa, unha mellora ou unha parte do proceso.
11 CONSELLO.
1’30’’ 22’30’’
Tantos anos exercendo un mesmo oficio dan para
moito. O experto dálle un consello de vida o aprendiz.
12 EXPECTATIVAS.
1’30’’ 24’
Os que coñecen o sector dannos a súa visión de
futuro. Sempre buscamos terminar de forma moi
positiva.
13 PECHE.
1’ 25’

Celestino Hermida
650 484 130 · tino@areacinco.es