Prólogos das obras incluídas - SLI

Nomes sen normativizar atoparaos o lector a eito nesta obra; primeiro, por non sermos nós
especialistas, sería temerario e, segundo, todas aquelas palabras inda claramente dialectais-
repetidamente testemuñadas respetámolas... insistindo na necesidade dun fondo "peneirado"
filolóxico competente.
As indecisións, vacilacións e solucións dialectais ou populares da lingua galega están
presente no léxico da flora galega.
Temos por exemplo:
Avelaira aveleira, belitroque bilitroque, sobreiro subreiro, lúpulo lupalo,
queiroa queirua, aurego ourego, biauteiro biouteiro, romeo romeu, centeo
centeio, apio aipo, altea alteia, papoula papoila, senradela serradela, poexo
poenxo, bledo bredo, cloque croque, camariña caramiña, malcomia malcolmia,
bretonia bretoña, chorovisco trovisco, albichorno albitorno, pilriteiro pirliteiro, etc.
Cultismos
Non vivos na fala son usados só por especialistas e afeccionados á botánica. A meirande
parte deles derivan do nome latino do xénero: alsine, anarrino, anémona-anémone, botrico, equio,
litro, saxífraga, etc.