Prólogos das obras incluídas - SLI

Vil. (Vilardevós) M. C. Gil Suárez
Por. (Porto-Zamora) M. C. Rodríguez Lago
Facer un glosario sobre os datos aportados por estas 45 contribucións non resultou unha tarefa
doada pois a pesar da unidade inicial de partida dos encuestadores, cada un deles aportaba novidades
en campos que noutros traballos non eran tocados e mesmo hai algúns (Car. Are. Esc.) que
practicamente só tocan o tema marítimo. Parécenos que o glosario saíu, sobre todo, moi enriquecido
no mundo material do léxico rural.
O glosario pretende recolle-las voces vivas nas diversas falas sinalando pois a súa presencia e
localización no ámbito do galego. A urxencia por saber onde se di mai ou nai, onde bidueiro ou
abedoeira, abedú, abedueira, abedugo, abidueira, abidueiro, bedueiro, bedugo, bedul, bedulo, bídalo,
bido, bidoeira, bidoeiro, etc., onde se localizan moitas palabras que aparecen en bastantes casos nos
diccionarios coñecidos galego-casteláns, facían necesario non retardar máis a aparición desta
contribución á dialectoloxía galega. A falta nos ditos diccionarios de palabras autenticamente galegas,
que eran eliminadas deles por ser iguais ó castelán, facía tamén urxente a publicación deste Glosario.
Seguindo xa unha tradición hispánica neste tipo de traballo facemos caso omiso de variedades
fonéticas non distintivas para o uso lexicográfico. Así empezaremos por dicir que ortograficamente
seguimo-la orde tradicional prescindindo únicamente das letras V e H xa que loxicamente non indican
ningún valor fonético distintivo. Así temos pois bibir, bida, ber, abó, aber, ome, erba, ucha, orta, etc.
Dado o problema que podería representa-la transcripción do G aspirado (e mesmo das súas
variantes) optamos por no representalo e deixalo xunto co G velar como fan os diccionarios galegocastelán.
Posto que non hai palabras que poderían cambia-lo seu significado por ir transcriptos con ou