Prólogos das obras incluídas - SLI

[7]
INTRODUCCIÓN
Xa vai case para vinte anos que comezamos no Departamento de Filoloxía Románica a tarefa de
facer unha recollida de datos do léxico galego mediante encuestas parciais que tiñan por finalidade que
os alumnos se afixeran a desenvolver posteriormente traballos científicos de tipo léxico.
A experiencia desta tarefa deu como resultado, por unha banda, un bo coñecemento da realidade
lingüística galega que permitiu xa no ano 1974 establecer un cuestionario que servise de base á
realización do Atlas lingüístico Galego e, pola outra, unha grande cantidade de voces léxicas que
permitiu co tempo a creación dun Tesouro dialectal do galego que se está a formar no Instituto da
Lingua Galega.
Desde aquela época realizáronse como Teses e Tesiñas ou estudios especializados bastantes
traballos monográficos de Lexicografía en diversos puntos do ámbito do galego, dos que só moi
poucos e moi parcialmente chegaron a ser editados. Por iso hai xa varios anos que me propuxen
recoller nun tomo un Glosario de voces galegas de hoxe baseado na documentación aportada por estas
monografías dirixidas por min mesmo e feitas sobre cuestionarios comúns básicos ós que se engadían
naturalmente as aportacións propias de cada autor.
No mapa adxunto pode verse a localización de cada un dos lugares tidos en conta. Para unha
maor comodidade de identificación destes fixemos unha relación arbitraria que vai de norte a sur
seguindo a orde provincial de Coruña, Pontevedra, Lugo, Ourense e un punto de Zamora.
A relación de lugares con nome do autor do traballo realizado nese sitio é a seguinte: