Prólogos das obras incluídas - SLI

[7]
LIMIAR
No mes de abril de 1977 presentamos a "Contribución al Diccionario Gallego"
-FRAMPAS. Práceme hoxe poder presentar FRAMPAS II. O método de recolleita foi o mesmo;
as resultas análogas. Mágoa que moitos nin se den de conta do labor tan traballoso e pouco
retribuido, que fai imposibles publicacions destas. Non se trata de pasar material dunha a outra
folla, nin de maxinar unha novela, senón de andar camiño, importunar e ter paciencia; de cribar
e ás veces borrar. Dez anos con Frampas I e dez anos con Frampas II; satisfeito de ter xa
salvada unha boa xeira de voces.
O campo non está esgotado e compre darse presa; cada vello que nos deixa leva consigo
un tesouro, perdido. O non herdado é alleo. O mesmo compre facer coas formas de falar e
deixar de falar castelán en galego. Esa furia en falar galego como sexa, está erosionando de
todo a nosa fala, coma nunca na historia; ollai os medios de comunicación. Qué ten que ver
cumio con cume, a piques de con a punto de, pai con padre e un inventado Alariz con Allariz;
qué ten que ver o galego co castelán ou co esperanto inventado, ¡abortos dos nosos
devanceiros! Poucas cousas tan perniciosas coma a politización do que está sobre da política. E
para mor inri aínda lles axudan Caixas, Diputacions, Concellos.... e a mesma Universidade! O
galego vén de lonxe; non se inventa. Os nosos mestres están aí; ten o mérito incomparable de
ter sido os salvadores da alma do pobo galego: a fala. Para que veñan agora os aproveitados