Prólogos das obras incluídas - SLI

PROBLEMAS DA LÍNGOA GALEGA
Cando eu espriquéi unhas leizóns de língua e gramática galega (14 Setembro a 17
Novembro do 1964) á pedido de «Agrupación Cultural O Facho», composta na sua maoría por
xente xoven, perguntáronme por qué algúns escritores usaban a forma ao (contraizón de preposizón
e artículo) e outros ô ou ó. E pedíronme se lles eu podería espricar concretamente non
só como debía ser en realidade, senon tamén por qué, e se había regras fixas encol deso.
Escrebín eu daquela unhas follas que copio:
O AO Ô Ó
Un dos casos da sintase galega en que mais desacordes andan os nosos escritores, e que
ten dado orixe a grandes [XVI] controversias en diversas épocas, é o da unión da preposizón a
e mais o artículo o (masculino) ao, equivalente ao castelán al.
Teño ouservado que aqueles que adoitan escrebir ô ou ó en vez de ao, úsano indistintamente
en casos de dativo e de acusativo, demostrando así que teñen sen estudar, e descoñecen,
esta particularidade da fala galega, e pol-o tanto que empregan ô ou ó por se non decataren de
que o galego é diferente do castelán, que usa al nos dous casos, na mentres que na nosa língua
emprégase preposizón e artículo no dativo, mas, sómente artículo sen preposizón no acusativo.