Prólogos das obras incluídas - SLI

- Casos de repetición da entrada dúas ou máis veces:
a) Cando a repetición tanto na entrada como na(s) equivalencia(s) non ten
ningunha variación, deixamos só unha delas. Por exemplo: gurgullo. Gorgojo, aparece
dúas veces exactamente igual, polo que eliminamos unha.
b) Cando hai dúas palabras que só se diferencian por un aspecto gráfico, como é o
acento, procedemos a xuntalas nunha soa entrada, separadas pola conxunción ou, por
exemplo cocheira ou cochéira.
c) Cando hai dous termos sinónimos que xuntamos nunha mesma entrada, por
iren contiguos e seren total ou parcialmente iguais, se as equivalencias son idénticas,
redúcense a unha, e se hai algunha variación, tanto nas equivalencias como na definición
que dá Pintos, refundímolas nunha soa entrada poñendo entre ángulos a parte da
explicación ou equivalencia que difire.
No seguinte exemplo vémo-la manipulación sobre o orixinal dun caso de
repetición de entradas e equivalencias/definición e o resultado nesta edición:
A) Estado do orixinal:
alogueiro. Arrendamiento de casa.
alogueiro. Arrendamiento de casa para vivienda.
B) Resultado para esta edición:
alogueiro. Arrendamiento de casa .
40