Prólogos das obras incluídas - SLI

Pode que unha novedade sexa o vocabulario que eiquí se recolle procedente das bisbarras
galegas da chamada Galicia esterior, onde o galego conserva unha solprendente pu[9]reza;
vocabulario que, folga decilo, non é esclusivo desas terras, senón que, ao longo de todo o país
galego, vese tamén xurdir eiquí e acolá. Con isto quero sinalar asimesmo que as miñas fontes
informativas proceden de toda a nosa xeografía, resultando por certo dunha moi considerable
diversidade.
Esgotada, como digo, tan axiña a primeira edición, case nin tempo tiven pa coller folgos
e poñerme a dispoñer con vagar esta segunda. Isto soio foi posible por ter eu contado coa rexa
e disciplinada axuda de Xohán Bernárdez, quen -hai que decilo pra que se seipa- fixo a traballosa
compulsa de diccionarios anteriores e tivo pacencia pra mecanografiar as dez mil fichas
que ao longo dun ano enteiro lle fun entregando. Quede, pois, moi eraro tanto o meu agradecemento
como a miña débeda.
E nada máis.
X. L. FRANCO GRANDE