Prólogos das obras incluídas - SLI

Non atoparedes neste libro ningún niérito especial. Nin o autor é quen pra acadalo, nin
tampouco se propuxo faccr unha obra importante -que nada vai sinificar no estudo e conocemento
do galego, fora dos únicos lindes pedagóxicos ditos-, senón que sabe moi ben qué eivas
se lle poden poñer. Con todo, entra eiquí un material esicográfico de moita importancia,
mesmo en cachocira. En primeiro termo, todo o que figura no Apéndice ó Diccionario de D.
Eladio, en cuia colleita intervíu tamén o autor deste Manual; en segundo, o material publicado
por Aníbal Otero, i en terceiro, novas aportacións do autor, non incluidas no devandito Apéndice,
e que proceden, case na súa totalidade, da súa propia terra, o val de Tebra. Tamén se inclúe
algún que outro termo isolado procedente de algúns autores de hoxe.
Débese sinalar tamén que cando se incorporan termos procedentes doutros Dicionarios
galegos que pra o criterio do autor merecen certas reservas, ben por non teren uso na nosa literatura,
ben por non lle constar a sáa vixencia oral, ou por calquera outra razón (que tamén pode
ser o mesmo desconocemento do autor), nese caso preferíu salvar a sua responsabilidade citando
a procedencia do termo, engadindo: "según Fulano de tal". E moitas veces nin isto, pois
preferíu seguir o criterio da eliminación en vez do amoreamento. Decátase moi ben de que isto
é discutible, máis non todo pode ser ríxidamente seguro.