Prólogos das obras incluídas - SLI

importante da población galega -número crecente, ademáis- sinte a necesidade deste instrumento
de traballo que hoxe GALAXIA lles facilita. Por iso, coidouse tamén que o único Diccionario
galego-castelán que hoxe se pode mercar nas nosas libreirías -o de D. Eladio Rodríguez
González-, non servia a esa finalidade, pois non é doadamente manexable, dado o seu volume
e máis a súa finalidade enciclopédica, pra ser un instrumento escolar de traballo. Este tiña que
ser un manual, un vocabulario, ó cabo.
Esa é, pois, a finalidade deste libro. O seu autor vese obrigado a decrarar eiquí, por si
alguén non o sabe, que a súa obra carece de todo mérito persoal e ningún outro se quere atribuir
tampouco. Somentes quixo prestar un servicio ó seu país, si é que a súa obra sirve [10] pra
axudar a todos aqueles que de algunha maneira queren chegar ó conocemento do meirande
tesouro espritoal que a nosa terra producíu no seu decorrer cultural. E si unha fala é sempre a
meirande creación que un pobo pode acadar no seu paso polo tempo, que non ten comparanza
con ningunha outra, porque é a esencia mesma da súa persoalidade, o que lle dá categoría de
pobo, o autor sentirase moi satisfeito de saber que o seu traballo non foi en van e poida servir ó
millor conocemento da nosa propia singularidade e preste, por iso mesmo, un, servicio ó país.