Prólogos das obras incluídas - SLI

xiquer cecáis a espranza, de que a lus da pubricidade pousara nas follas do rexistro do seu
vivir; fixera de novo soantes e faladas, as verbas que il, grande mago dos atentos silencios,
tiña ordeadas nas albas e caladas follas.
Por iso GALAXIA, empresa de xente nova, forma e figuranza de unha xeneración
grave de pensamento, pura no arelar, profesa na fé de unha Galiza frol da Europa como lucíu
na promesa do tempo románico, non dubidóu en procurar a Don Eladio Rodríguez González,
abondo de anos despoixa do seu pasamento, a edición que houbera sido en vida a meirande
das súas grorias literarias. Alentamos na patria e na vivencia de un noso i espranzado senso do
inmorrente. E coidamos no cerne do esprito chamar máis perto dos seus, das súas amadas
paisaxes, a lembranza do autor do Diccionario, ó pubricalo nista hora crítica, fonda e alboradeira
pra a nosa Galiza, sempre, e arestora máis que nunca, confiada na súa baril xuventude.
Houbo un momento de espranza, case de certidume, pra Don Eladio. Maxinóu, tiña
direito a maxinar, os volumes podentes e ricaces da nosa obra nas mesas dos eruditos, nas
vidreiras das librerías. Aquil día -¡qué [XXI] cinzas, de quente ollada de fada, houbera acendido
pra Don Eladio, aquil día, o ceo atlántico!- non chegóu. Ficarán cecáis pra sempre no
silencio e xentileza e desintrés de Don Eladio, cando xa acordos firmes do Concello da Cruña
-por os derradeiros do 1933- aseguraban a pubricación...