Prólogos das obras incluídas - SLI

9 de agosto do 1917 cando o Concello e os seus funcionarios, presididos por o alcalde Don
Manuel Puga y Parga, e xuntamente con xornalistas, adicáronlle un grande e fervente xantar.
Á mesa de redaución levaba Don Eladio, co seu calmo e san gosto literario, a mesma
lediza, o mesmo senso do deber. O seu xeito de traballo, cecáis poidérase decrarare como xornaleiro
agradacemento a Deus da lus, do pan, da saúde, e do espeitáculo de cada novo e comprido
día.
Si na fonda laboura do Diccionario Don Eladio escuita, e toda a súa vixiante concencia
se enteira no ouvido, os ollos ledos e prudentes zugan de outra mais levián aitualidade, a materia
da súa colaboración xornalística. Traballaba en revistas, en xornales, como corresponsal da
Prensa galega da emigración. O seu fogar periodístico foi o sonado El Noroeste. Chegaron a
seren estimados en toda a Galiza como periodistas de doada ispiración e traballo en loita co
tempo, a priguiza das conversas e o engado do ambente, Don José Pan de Soraluce, Don
Alfredo Tella, Don Manuel Puga y Pardo. As tres, e outras, figuras cinguidas cada día ó decorrer
das horas e das conversas, na Rúa Real, nos cafés, nas tertulias. Don Eladio é sempre o
traballo regoado, certeiro, ben feito. Igoal na figura que envolve e fai circular a noticia, do que
no artigo de doutrina trasparente, de tema case sempre galego, e na crítica teatral e de libros.
Traballaba no xornal [XVII] dende as sete deica as dez. Voltaba despoixa das once i escribía,